////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




تعتبر المصافحة بين الشاب والفتاة أمرا عاديا ومرحبا به خاصة في زمالة الدراسة أو العمل
حيث تكون تحية الصباح مصحوبة بمصافحة الايادي كتعبير عن المودة بحسب ما قال البعض،

فيما يرى آخرون أن مصافحة الشاب للفتاة أو العكس أمر لا يجوز بسبب "تحريمه"، مشيرين
في الوقت ذاته أنهم حتى ولو قاموا بالمصافحة فإن هناك شعورا بالذنب يختلجهم من
الداخل.
وانتشرت مؤخرا في المجتمع عادة الامتناع عن المصافحة بين النساء والرجال وخاصة في
مجتمع الشباب، حيث تتعرض العديد من الفتيات في الجامعة أو العمل الى مواقف محرجة
باقدامهن على مد اليد للمصافحة ليفاجئوا بامتناع الطرف الآخر عن ذلك أو العكس.


وأصبح الشباب والفتيات "يحسبون ألف حساب" قبل مد اليد للمصافحة لأن ذلك قد يضعه
(ها) في موقف حرج في بعض الحالات.

ولا يقتصرانتشار هذه الظاهرة على المجتمعات المحافظة بل تعدتها الى المؤسسات

المدنية والشركات والجامعات.
المصافحة عرف اجتماعي.. ودليل مودة
شريحة واسعة من الطلاب الذين التقيناهم يعتبر موضوع المصافحة بين الشاب والفتاة أمرا

عاديا وروتينيا وخاصة في زمالة الدراسة أو العمل حيث تكون تحية الصباح مصحوبة بمصافحة
الايادي كتعبير عن المودة وقوة الصداقة.
وباسل هو أحد الطلاب في قسم الصحافة الذي لا يرى مانعا من المصافحة حيث قال

لسيريانيوز "ألتقي يوميا مع رفاقي ورفيقاتي في الجامعة ونصافح بعضنا بشكل اعتيادي

حيث تكون المصافحة دليل مودة وصداقة قوية فيما بيننا".
كذلك يرى أمير طالب الطب أن "مصافحة الشاب للفتاة أو العكس بات أمرا عاديا وهو منتشر

بين الناس كعرف اجتماعي حيث تكون المصافحة متممة للسلام ودليل المودة والاحترام"

مشيرا في الوقت ذاته الى أنه "يصافح أغلب زملائه وزميلاته أثناء لقياهن في كل يوم".

نصافح.. ولكن
طبعا كان هناك آراء أخرى حول هذاالموضوع فعدد من الطلاب الذين التقيناهم قال بانه يقوم

بالمصافحة ولكن مع "شعور بالذنب" أثناء قيامهم بذلك، فيما قال آخرون بأنهم لايصافحون

مطلقا.
قال "محمود" لسيريانيوز "بحكم زمالة الدراسة وتنوع الاطياف الموجود ضمن الجامعة فانني

أقوم بالمصافحة مع رفيقاتي بالجامعة في حال قامو بمد ايديهن ولكن ينتابني شعور بالندم

على ذلك لأنني سمعت بأن الموضوع محرم، حيث لا يجوز أن تلمس يد الرجل يد المرأة".

أما "عبد السلام" طالب الادب العربي سنة ثالثة فيرى أن "السلام يختلف عن المصافحة فأنا

أسلم يوميا على كل زملائي في الجامعة وخاصة بعد ثلاث سنوات من الدراسة معا حيث

أصبحنا مثل الاخوة وهمومنا الدراسية واحدة، لكن ذلك لا يعني أن أقوم بمصافحة زميلاتي

لعلمي المسبق أن هذا الموضوع محرم شرعا بدليل الآيات القرآنية والاحاديث النبوية

الشريفة" مشيرا في الوقت ذاته انه "حتى ولو أقدم على مصافحة إحداهن فإن شعورا

بالذنب يتملكه من الداخل لاقترافه أمرا محرما".
ولكن بشرى طالبة الصحافة سنة رابعة لا تتفق تماما مع وجهة النظر هذه وتقول بأن

"المصافحة أمر عفوي ولاداعي للخوض في تفاصيل أخرى لأننا إذا بدأنا التفكير بجزئيات

الامور فإن أشياء أخرى كثيرة سنمتنع عنها دون مبرر" مشيرة في الوقت ذاته أنها "تصافح

زملاءها في الجامعة أو العمل دون أي مانع لأن الامر بسيط جدا ولا يستحق التفكير".

المصافحة وزمالة العمل
وفي زمالة العمل يرى "طارق مناديلي" أن المصافحة أمر اعتيادي وهو يقوم به بشكل يومي

في حال قامت الفتيات بمد ايديهن للمصافحة الا انه لا يقوم بالمبادرة الى ذلك دون ذكر
السبب".
وكذلك ترى "لبنى عيسى" ان المصافحة مع زملاء العمل أمر عادي حيث قالت لنا بأنها

"تقوم بمصافحة زملاء العمل المقربين دون حرج، ولكنها لا تفعل ذلك مع الاشخاص الذين لا

تربطهم بها علاقة سابقة تحسبا لأي موقف محرج قد تتعرض له".
أما جهاد فقال بأنه "يصافح جميع من يلتقيهم سواء اكانو شبانا أم بناتا وقد تعرض في احدى

المرات الى حالة امتناع عن المصافحة من قبل احدى الفتيات ولكنه لم يكترث للموضوع،

وهو يرحب بالمصافحة لأنها دليل على الحضارة والمودة".
وايضا يوجد من لا يوافق على هذ التوجه في العمل، حيث قال "أحمد" أن "مجتمعنا

الشرقي لايحبذ على التصافح بين الشباب والبنات، وأنه لا يصافح الا اذا اضطر لذلك تجنبا

لتعريض زميلاته في العمل لموقف محرج، لكنه لا يقوم بالمبادرة الى مد يده للمصافحة ابدا"

مشيرا في الوقت ذاته "أن المصافحة محرمة شرعا بدليل الحديث النبوي المعروف لأن

يضرب أحدكم بمخيط من حديد خير من يمس امرأة لا تحل له".


وهذا ايضا ما عبر عنه "غياث تفنكجي" طالب الصحافة سنة أولى فيرى أن "المصافحة لا

تجوز بين الشاب والفتاة" مشيرا الى انه تعرض لأكثر من موقف مصافحة لكنه كان يقوم

بتخليص نفسه من الموضوع بحجة أنه متوضئ أو أي شيء آخر".

مواقف طريفة
أحد الشبان الذين التقيناهم قال بأنه يحمل بجيبه "سكاكر وكراميل" اذا أراد التزول للجامعة

حيث يقوم باخراج قطعة سكاكر من جيبه ويضعها في يد الفتاة وذلك منعا لاحراجها في حال

مدت يدها للمصافحة.
إحدى طالبات السنة الاولى في قسم الصحافة أقسمت أن لا تصافح أحدا "لا شابا ولا فتاة"
لكثرة المواقف المحرجة التي وضعت نفسها بها في الفصل الماضي، حيث تعرضت لأكثر

من موقف امتناع عن مصافحتها.
أحد الشبان سألناه "هل تصافح؟" فأجاب "عند المقدرة فقط" مبررا ذلك بأن الصفح يكون

عند المقدرة فقط، ظانا اننا نسأل عن العفو والصفح وليس المصافحة.




Syrianews بقلم أحمد العقدة

من موقف امتناع عن مصافحتها.
أحد الشبان سألناه "هل تصافح؟" فأجاب "عند المقدرة فقط" مبررا ذلك بأن الصفح يكون

عند المقدرة فقط، ظانا اننا نسأل عن العفو والصفح وليس المصافحة.




انت عارف لمصافحه عنا معناها الخطبه فيعني بتختلف المصطلحات


شكراا ع الموضوع
بالنسبه الي انا ما بسلم بحس هيك افضل بس مرات في امور الانسان لازم يتعامل فيها بمرونه يعني اولاد عمي كلهم شباب بس اصغر مني وقرايب ابوي ممكن سلم عليهم لأنهم بحكم اعمامي ما حلوة يمدو واكسفهم
مرة كنت بصيدلية وفات رجال بحدود 60 سنه وكتير مزوق بس هو من غير دين ممكن ما بيعرف عويدنا ومد ايدو انا سلمت لأنو ببساطه هالشي عمل تسامح بيناتنا وكمان عمرو فيو دليل على عدم الحرج من السلام يعني تخيل لو كسفتو بكون انسانه قليلة زوق
المعنى مو الرغي بس الهدف منو حلو الانسان يكون عندو تدين بس الدين مرن ومرات بأسم الدين ممكن نجرح او نزعج ناس وهالشي بتخيل ما بيقربنا من ربنا بالعكس الله بحب الناس يكونو متحابين طبعا بحدود الاخلاق

بالنسبة الي مصافحة البنات هيي دليل مودة و احترام لا اكتر ولا اقل و يا ما صارت شغلة انو لمن بدي سلم ع شي بنت بتمتنع ة بتقلي انو موضاية او هي امور بس الشغلة بحسها كمان عادية لانو الواحد لازم ياخد بعين الاعتبار وجهات النظر ل عالم تانية



شكرا عالموضوع


:D

هلئ هاد الحكي عنا:?

ما بعرف يمكن كمان المصطلح بيختلف من منطة لتانية..فالمصافحة ببيئتي بتعني تلات بوسات عالخدين :larg:..
والسلام هوي ايد بايد:deal:..


بعدين كيف عملوها حرام:?.."لأن يضرب أحدكم بمخيط من حديد خير من يمس امرأة لا تحل له"

وسعدو الآي واضحة وواضح شو القصد والهدف منها:pos:..

انو جد في عالم هيك بتفكر
:?

مرة كنت بصيدلية وفات رجال بحدود 60 سنه وكتير مزوق بس هو من غير دين ممكن ما بيعرف عويدنا ومد ايدو انا سلمت لأنو ببساطه هالشي عمل تسامح بيناتنا وكمان عمرو فيو دليل على عدم الحرج من السلام يعني تخيل لو كسفتو بكون انسانه قليلة زوق

انو لو كنت بالسعودية كانو شحطوكي انتي وياه ع السجن بحجة خلوة غير شرعية وشو كمان مصافحة
:lol:
اذا شي مرة شفتك وما صافحتيني ما بحكي معك:pos:
:o:o:o

انو جد في عالم هيك بتفكر
:?

خيو عيش كتير بتشوف كتير

امممممممم يعني هوه بالنسبه لديننا هوه حرام انو تصافحي رجال ما بيقرلك
او حتى كمان الاقارب :x
بس انا بالنسبه لالي انو اي حدى من ولاد عمامي او اولاد خالاتي
اوك بسلم عليه وبصافحو
بس انو غريب لا مابصافحو ...لانو حرام انو ايدي تلمس ايدو :pos:

وبس و يسلمووو على طرح الموضوع..:D

لانو حرام انو ايدي تلمس ايدو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:shock::shock::shock:

:shock::shock::shock:
:?:?:?:?:?:?:?
بتصير خيي ابو طوني

:shock::shock::shock:

شو ليش مصدوم ؟؟؟؟؟؟
انا عم احكي على ديننا الاسلامي سنة محمد ..يعني ..
اما اذا على غير ديانه ما بعرف ..
كيف الناس بتتعامل ؟؟:pos:

انو جد في عالم هيك بتفكر
:?


لا تستغرب يا خاي يبدو إنو زياراتك لحلب قليلة كتير......حلب كلها هيك بتفكر

السلام مجرد عادات... و هاي شغلي بتخربط... كل ما انتقلت ع مجتمع جديد بدك تعرف عاداتهم..
انا اول ما سافرت ع دولة أوربية.. هنيك الشب ما بمد ايدو وبسلم ع البنت اذا كان بشوفها لأول مرة... وانما هيي بحقلها تمد ايدها و تسلم عليه.. كتعبير انها تشرفت بمعرفتو... و اذا ما سلمت عليه بايدها كمان مافي أي حرج.. يعني المبادرة عند البنت...
اما زميلتك بالشغل او بنت من شلتك بالجامعة... فبتسلم عليها مو بالبيد و انما بتبوسها ع خدها.. هذا معناه انكم اصدقاء و بيناتكم ود مو علاقة رسمية كتير..

هلق اذا سمحتولي اتدخل بموضوع الشرع.. بد افتي هالفتوى...:p .. اسمني لسا مو حالق دقني:lol:
الشرع بقول "انما الاعمال بالنيّات"

بالنسبة إلي:
المحجبة لاتصافح
غير المحجبة صافح
مشان لا احرج ولا انحرج
وبالنسبة للشباب محجب مو محجب ما بتفرق

انا بشغلي كنت صافح زملائي الشباب بس مو كلهن..
والشباب يلي كنت حس انه مارح ياخدوا المصافحة بمعنى تاني (يعني كانوا مؤدبين وحسهن متل اخوتي )انا كنت مدلهن ايدي وبادرهن بالمصافحة
المصافحة كتير حلوة لأنها فيها معنى أخوي وتواضع ومشاركة حلوة وأنا ما بسوف فيها شي غلط.. بالعكس تماماً

وهي أحلى مصافحة مني ألكن :deal:

هلأ رح احكي أنا عن الوضع ببولندا , وكونو جزء من المجتمع الأوربي
هون بين الصبايا والشباب ( هي الطبقة يعني ) لما بيتعرف الشب على البنت
لأول مرّة بيصافحها ( مصافحة يعني بدون تبويس ) وبيحكي اسمو وبتحكي اسمها
, وبعدين بيصيروا أصدقاء وانو ولا بيسلمو عا بعض مصافحة ,, يعني بتصير مرحبا و أهلين
من دون أي ملامسة , بينما الشباب لازم يصير مصافحة لأنو بدّل على احترام الآخر
أحيانا بتصير علاقة الصداقة قوية بين الشب والصبية فا أنو ضروري يكون في بوسة بالموضوع
بس عالخد *
هلأ بالطبقة ( الفئة العمرية الأعلى ) من أصول اللباقة الزلمي بيصافح الزلمي , وانو بيسلم على
السيدة فينا نقول بينحني وبيبوس ايدها , على طريقة الامراء .

لا تستغرب يا خاي يبدو إنو زياراتك لحلب قليلة كتير......حلب كلها هيك بتفكر

لا ولو مو كلها بس شي 90 % :sick: والباقي بيكون حسب العلاقة بين الاتنين :pos:
المهم أنا لوقت ما طلعت برا سوريا والتقيت بناس كتار مغتربين من محافظات تانية عرفت عندهم أنو بالجامعة وبين الرفقا لازمة قصة المصافحة وإذا ما صافحت باليد عيب
أما لما كنا بالجامعة بحلب كان بس الشباب يسلمو على بعض بالمصافحة والبنات يسلمو عبعض متل عادات النسوان :p

هلأ اذا حدا مد إيدو مارح خجلو
بس انا بفضل انو ما صافح حدا ولا حدا يحرجني

يعني حرية شخصية

انا بشوف انو التشدد عم يزيد من كل الاطراف والاتجاهات وكل مانو الشرخ عم يتسع بين الافكار والثقافات مع انو هالشي بيعاكس المنطق ومسار العالم يلي عايشين فيه...



طلب صغير من الكل : ياريت ما يصير الموضوع فتاوي وارشادات دينية وشد شعر :D

سؤال : في شي كائن حي" او غير حي" بيستثار من لمسة يد :?

من وجهة نظري طرح هيك مواضيع ما منها أي فائدة يعني وين المشكلة إذا واحد أو وحدة بيصافحو أو ما بيصافحو, انو ليش نحنا بنحب نعمل من الحبة ابّة

مع انو هالشي بيعاكس المنطق ومسار العالم يلي عايشين فيه...


مابشوف انو حيتأثر تطور العالم العربي أو مواكبتها للعالم بهيك موضوع أو بهيك أفكار أو بهيك نقاشات, وبالتالي إذا شب صافح بنت أو ما صافحتو حيعطينا دفعة إلى الأمام كرمال نواكب التطور العالمي :D

على راي فريد تعالى سلم بس اللي بعرفو المصافحة تنقض الوضوء من هيك بلاها ;):p:sosweet:

لا تستغرب يا خاي يبدو إنو زياراتك لحلب قليلة كتير......حلب كلها هيك بتفكر
لا طلعت حبيب القلب وشفت هيك واكتر الله لا يورجيك شو شفت
:cry:
لك سوسة ما حسنا نسلم عليها باليد هاند تو هاند
:lol:
هي تفنيصة

سؤال : في شي كائن حي" او غير حي" بيستثار من لمسة يد :?
ما بعرف بس عقولة نانسي عجرم من لمسة ايد برضى أكيد والله اعلم بشو بترضى
ما بتعرف بوكرة ممكن يطلع احد ذكي يقلك والله لمسة الايد بتخلي يصير حمل
وخود بقاا ع انفجار سكاني
:lol:

بعمري ما فكرت فيها هالشغلة :?
انو عنا كمان الخوري بيصافح .. ومدة الايد ضرورية بس تتعرف ع حدا غريب وتسلم عليه .. منعتبرها من باب الاحترام والزوء والمودة ..


ويعني ما بفهم ليش محرمة هالشغلة ،
معقولة الشخص او الشخصاية يهيج ويوقف ويقعد ويطلع وينزل من مصافحة؟!

:shock::shock::shock:
لك حبيبي أبو طوني وين عايش أنت شو ما عم تسمع أنّو من فحولة رجال هالأمة إذا واحدون صافح وحدة عن بعد تلات متار عم تحبل

هلأ الشخص حر بمصافحة من يريد ان يصافح و عدم مصافحة من لا يريد لأي سبب كان .
ولكن نحاول فهم اسباب الموانع من المصافحة لأنها ظاهرة غير جديدة ع مجتمعنا
وسبب عدم المصافحة مو خوف المرأة من الجرب او انتقال العدوى الفيروسية بانفلونزا القرود
هون السبب ديني . وكالعادة بوجود النص الديني يغيّب العقل عند بعض الناس
بتوقع المانع الديني من الموضوع فيو نظرة جنسية فجعانة ( آسف ع التعبير ) و لكون أكثر انصافاً يمكن ظروف المجتمع البدوي القديم كانت ترفض هالعادات فـ إجا فيها النهي الاسلامي .
و ازا حبينا نشغل عقلنا شوي ( ازا حبينا ) منعرف انو المانع الديني من الموضوع وجود شهوة جنسية .
فــ للأشخاص و الشخصات الي بتحس انها فجعانة جنسياً لدرجة الذوبان عند المصافحة و كانو ممن يحرصون على تطبيق الدين فـ بقوللهون لا تصافحو و اسبابكون مقنعة يا اسيادي .
بس ازا كنتو من الي ما بتثير فيهون المصافحة الشهوة الجنسية فما بشوف في مانع منطقي للتمنع .

وبالنهاية الكلام بهالموضوع فقط لـ محاولة فهم الاسباب وليس لإجبار أحد على فعل ما لا يريد و لأي سبب .

:larg:

بتوقع المانع الديني من الموضوع فيو نظرة جنسية فجعانة ( آسف ع التعبير ) و لكون أكثر انصافاً يمكن ظروف المجتمع البدوي القديم كانت ترفض هالعادات فـ إجا فيها النهي الاسلامي .
و ازا حبينا نشغل عقلنا شوي ( ازا حبينا ) منعرف انو المانع الديني من الموضوع وجود شهوة جنسية .
فــ للأشخاص و الشخصات الي بتحس انها فجعانة جنسياً لدرجة الذوبان عند المصافحة و كانو ممن يحرصون على تطبيق الدين فـ بقوللهون لا تصافحو و اسبابكون مقنعة يا اسيادي .
بس ازا كنتو من الي ما بتثير فيهون المصافحة الشهوة الجنسية فما بشوف في مانع منطقي للتمنع .

وبالنهاية الكلام بهالموضوع فقط لـ محاولة فهم الاسباب وليس لإجبار أحد على فعل ما لا يريد و لأي سبب .

:larg:




وانا معك كمان :gem:
بصراحة انا من قبل ما كنت صافح ولا بنت .. كون مجتمعي وديني بيفرض عليي ما صافح .. بس لما حسيت هالامر غير منطقي ..! .. يعني ما لقيت حالي عم دوب وتثار شهوتي الجنسية بملامسة يد اي بنت بمختلف اعمارها .. فا ما عدت حسيت انو بالمصافحة في مشكلة ... :?
يعني هلأ ممكن ازا بدنا نحكي عالملامسة ... يعني مثلاً نضل ماسكين ايدن بعض طول الطريق .. ممكن يكون في تأثير جنسي (عندها او عندي ) ومن هالمنطلق .. يلي ما بدو يمسك ايد حبيبتو او رفيقتو بالطريق لا يمسكها ... مين ماسكو .. ومتل ما قال ابو صطيف .. يلي بيحس حالو بيتأثر جنسياً من مجرد المصافحة وهوي ملتزم دينياً .. فا خلص لا يصافح وهاد حقو .... وممكن يعتذر بكل احترام :larg:

:D

لك حبيبي أبو طوني وين عايش أنت شو ما عم تسمع أنّو من فحولة رجال هالأمة إذا واحدون صافح وحدة عن بعد تلات متار عم تحبل
انا بطالب بالاعتذار
سرقتلي فكرتي
وقلتها بون ما تاخد أذن مني

:frown:
يا زلمة في حقوق فكرية ما سامع فيها
:pos:
هلق اللي عم يحكو انو النقاش من بتعاليم الاسلام أو لاء
فالنقاش حتما يتطرق للتحريم الديني لهالموضوع لانو هوي أساسو
:?

طلب صغير من الكل : ياريت ما يصير الموضوع فتاوي وارشادات دينية وشد شعر :D

انا بطالب بالاعتذار
سرقتلي فكرتي
وقلتها بون ما تاخد أذن مني

:frown:
يا زلمة في حقوق فكرية ما سامع فيها
:pos:
هلق اللي عم يحكو انو النقاش من بتعاليم الاسلام أو لاء
فالنقاش حتما يتطرق للتحريم الديني لهالموضوع لانو هوي أساسو
:?

هلأ بما اني أنا الي حكيت على موضوع التطرق للدين فأنا حكيت هالشي كرمال الحكي يلي حكتو المشرفة, وما عندي أي مانع نقعد نحكي للصبح مافي مشكلة
بس في مشكلة صغيرة, انو بيصير مصطلح حرية التعبير مصطلح كتير مطّاط وبيصير بيطبق على ناس وناس
:D

يا جماعة شو بيتأثر و شو جنس و شو هالكلام...:pos::pos::frown: كلها سلام هاي!!!!!!!!!!
بتربي ابنك يسلم ع العالم بشكل طبيعي... بتصير عندو عادية و ما بحسلها أبعاد..
ليش الشب الاوربي ببوس البنت كل يوم و ما بحس الشغلي الها أي معان أخرى؟؟؟؟
لا نروح اذا سلم شب ع شب منعتبر فيها شهوي مثلية كمان!!!!؟؟

:shock:جد!!؟..
عنّا بالوادي اذا شفت رفيقتي وما سلّمت عليّا مباوسي :bm:..
بتفكر انو هيّ عاملي شي شغلي.. وانا زعلان منها وآخد باركينg :lol:..

I Love Syria و Marooshe مسحنا المشاركات الحلوة وياريت نرفع مستوى النقاش شوي ومافي داعي للردود المستفزة

Dandoshy عدلنا المشاركة وكمان ياريت شوي نراعي انو ما نهين حدا بكلامنا (نفعت تمسيحة الجوخ ها :lol:)






كمان مرة رجاءً نخلي الدين برا النقاش :D

احيانا بستغرب بالجامعة.. كل يوم بس يشوفو بعض الشباب والصبايا بيبلشو البوس.. على اساس كوووووول..
بيكونو مبارح تاركين بعض..

بحس انو السلام او البوسة كلها طرق للتعبير عن الاحترام والمودة وكسر الحواجز بين الاشخاص.. اذا كان الشخص من الاصل مو حابب يكسر الحاجز .. فهوي حر.. ومتل ما منراعي كتير امور ما بتريحنا بالمجتمع كمان منراعي حرية هدول الاشخاص ورغباتون بدون ما نسخفها او نتفهها .. لانو المهم الي غير المهم الو والعكس صحيح..

احيانا بستغرب بالجامعة.. كل يوم بس يشوفو بعض الشباب والصبايا بيبلشو البوس.. على اساس كوووووول..
بيكونو مبارح تاركين بعض..

هلئ معك ببائي الحكي بس هاي فوق..ما فهمت عليكي:?..كيف يعني؟

احترام مشاعر الاخرين واجب
انا بالعادة ناس ما بعرفها ما بسلم بالايد بس اذا كانت جمعة و سلمت فا بسلم عالكل واذا صدف و بنت ما صافحتني اكيد رح لاقيها مبرر لتصرفها بس بالاول و الاخير هيي حطتني بموقف محرج

لا نروح اذا سلم شب ع شب منعتبر فيها شهوي مثلية كمان!!!!؟؟
حلو هلسؤال
يا ريت لو حدا بجاوب عليه :D

لا نروح اذا سلم شب ع شب منعتبر فيها شهوي مثلية كمان!!!!؟؟
بزمناتو قللي ابو صطيف (صافو )ة انو التبويس بين الشباب باوكرانيا يعبر انهن مثليين .. قصدي على نبويس الخدود الطبيعي .... يلي منعملو وقت نكون مشتاقين للشخص كتير .... ومنبوسوا على خدودو
اما عن المصافحة فا بتوقع انو قريباً رح تصير هيك .. بما انو مسكة الايد انمنعت عند الشباب بين بعضهن منشان ما حدا يقول عنهن مثليين (بس بين البنات حلال :lol: )

اي هلئ كتير الاجانب بس يجو لعنا بينصدمو اول شي..
بحركة السير..اي وتاني شي انو الشباب بيبوسو بعض:?..

هلئ انو انا بشوفها عاديية جدا.. والبوسي عالخد شباب وصبايا رفئة كمان عاديي جدا..
والبوسي عالخد موجودي بعادات الشعب السوري بالانكارتا :lol:.. (اي وسعدو)

طبعاً مع شديد الاستغراب لحدوث الشهوة من خلال السلام ولكن في حال حدوثها ( بالسعودية او باكستان مثلاً ) فهوي الحجة الوحيدة الممكن قبولها على الاقل منطقياً في حالة التمنع عن السلام .
وفي حالة المثلية الجنسية الي اساساً ما بتعترف الاديان بوجودها رغم ارتباطها بهيك مسألة ( يعني امكانية حدوث شهوة من المصافحة / دينياً ) بس الدين ما بيعترف بالمثليين اساساً لذلك فـ سامحلهون يسلمو ع بعض وهون التناقض بالغاية الحقيقية وراء التحريم .

و بالاخير متل ما قلنا مو الغاية اجبار حدا على تغيير قناعاتو بقدر مو محاولة لفهم الاسباب الحقيقية و مناقشتها منطقياً .

اي هلئ كتير الاجانب بس يجو لعنا بينصدمو اول شي..
بحركة السير..اي وتاني شي انو الشباب بيبوسو بعض:?..



بصراحة

تخيّل انو ببعض المجتمعات الأوربية وخاصة الشرقية منها
روسيا و الدول الي حد منها , في شي بيسموّه المجتمع المحافظ
بهاد المجتمع لما الأب يسلم على ابنو مهما كبر وصار كبير , لما يصافحو
لازم يبوسو عالخد متل عنا تماما بالمجتمع الشرقي , ,,, هلأ بين ولاد العمومة ما أظن
تصير , بس بين الاعمام و ولاد الأخ وهيك , تخيلو أنو كان عنا دكتور كيمياء هون ببولندا
طبعا من المحافظين جدا هو , يوميا كان يسلّم على ابنو , ويبوسو على خدو ( ابنو صمالله عليه,,,
,,,, دكتور بالجامعة كمان ):larg:

ي
لا نروح اذا سلم شب ع شب منعتبر فيها شهوي مثلية كمان!!!!؟؟
اي بتصير
انا تحديدا صارت معي مع حدا من الاخوية
قال مسكتلوا ايدو ف فقكرني انو انا مثلي
و سببلي أزمة لفترة
:frown::cry:

هلئ معك ببائي الحكي بس هاي فوق..ما فهمت عليكي:?..كيف يعني؟
يعني بقصد جيمي.. انو العلاقات .. السلام والبوسة على الخد وقت السلام مو دايما هيي طبيعية وبرأيي فيها شكل من التصنع كتير كبير بالمجتمعات المفترض انها متحررة او منفتحة بسوريا ..
يعني لما بروح كل يوم على الجامعة ما في داعي بوس رفقاتي الشباب كل يوم.. يعني الاشواق مقتلة بعضها!!..
وانو هي التصرفات يلي بتزعج احيانا الاخرين لما بيشوفوها او بيستغربوها... الشباب والصبايا لما عم يمارسو هي التصرفات بحس انو شكل من اشكال الاستعراض مو أكتر,, ومانو تعبير عن المحبة الحقيقية..

انا بالبيت مو كل يوم بس فيق الصبح ببوس اخواتي رغم انو هنن اغلى الناس على قلبي كمان ما في داعي بوس رفقاتي كل يوم.. عفوا للخروج عن الموضوع ..كنا بالسلام صرنا بالبوس:p

يعني بقصد جيمي.. انو العلاقات .. السلام والبوسة على الخد وقت السلام مو دايما هيي طبيعية وبرأيي فيها شكل من التصنع كتير كبير بالمجتمعات المفترض انها متحررة او منفتحة بسوريا ..
يعني لما بروح كل يوم على الجامعة ما في داعي بوس رفقاتي الشباب كل يوم.. يعني الاشواق مقتلة بعضها!!..
وانو هي التصرفات يلي بتزعج احيانا الاخرين لما بيشوفوها او بيستغربوها... الشباب والصبايا لما عم يمارسو هي التصرفات بحس انو شكل من اشكال الاستعراض مو أكتر,, ومانو تعبير عن المحبة الحقيقية..

انا بالبيت مو كل يوم بس فيق الصبح ببوس اخواتي رغم انو هنن اغلى الناس على قلبي كمان ما في داعي بوس رفقاتي كل يوم.. عفوا للخروج عن الموضوع ..كنا بالسلام صرنا بالبوس:p

انو صح في ناس بتعتبر الحرية مظاهر انو كل ما قصرت التنورة وكترت البوسات فهي حرية
هي القصة بتبقى عادة
ومانها مصطنعة يعني بتصير بدون ما تحسب انها بدها تصير
مو مد ايدي لسلم وانا عم فكر صح وغلط او مط راسي لبوس وفكر شو راح يصير انو راح اخد بوسة ولا انلطش كف
:o

ya3ni chi 3adi jidan ini ana asilim 3ala walad mo yahtaj dhaja kebiri li ino lazim yikon chi motajawaz w lazim n fakir fi 9adhaya akbar w akthar ta39idan min hik
:shock::shock::?
w ma3rof inu haram fi dinana al hanif bas b ra2yikom hayda i chi l wahid ili haram w b ni3milo ya3ni mo haram nikdib w n nafi9 bass haram n salim
:?

bass ya3ni l boss ichi taniiiiiiiiiiiiiii ...:jakoush:

هلا بصراحة ماقريت كل الردود...
بس بصراحة انصدمت انو عنا بسوريا في هيك:shock:
هلا بمجتمعي بسوريا بحياتي ماواجهت هالمشكل وبحياتي ماسلمت ع حدا وخجلني...انو ازا شفت حدا من رفقاتي بالطريق بسلم عليه عادي و بوسو كمان...هي ان كان شباب والبنات كيف ماشفتينا منبوس بعض (متل الكل يعني)
بينما هون بمجتمعي باميركا التبويس قليل كتير وحتى السلام قليل الا ازا شي حدا مابعرفو وتعرفت عليه بسلم عليه بالايد بس ازا اي حدا من رفقاتي بنات او شباب هون بيتم الاعتماد على ضمة (هغة=hug ع قولة ابن خالي:p) ويللي انا بفضلا اكتر شي...انو هيك بتعبر عن حبك او اشتياقك للشخص ومشان ازا حدا بيستثار من بوسة فالبوسة مو موجودة

عفوا يعني ما بدو يسلم عليكن ؟! لأي كانت دوافعو " انت شو زاعجك ؟ ؟ "

أول قاعدة بينبهونا ألها بالشغل ما تبادر بتحية الدكتور إذا ما مد إيدو :)

انا شخصيا ً ما بشوف مشكلة إذا شخص ما حابب يصافحني لأي سبب كان
بالعكس بشوف المشكلة أني انا لأنو " شايفة انو لازم صافحو" أفترض أنو هو لازم يقبل المصافحة سواء هالشي عجبو أو لأ ..
في معتقدات ، في تقاليد بتعنيلو يمكن وما بتعنيلي ، بس مدام متعلقة بسلوكه الشخصي فأنا ما خصني فيها

أحياناً ممكن رجل يمتنع عن مصافحة النساء لأن زوجته بتغار ؛ أو العكس ؛؛ يعني المرأة ما بتصافح لأن زوجها بغار إنو تمسك ايد حدا غيرو ...
و اللمسة شئنا أم أبينا ممكن تولّد إثارة بجوز تتفاوت شدّة الإثارة بس موجودة ؛؛؛
و على قولة محمّد منير : من أوّل لمسة غيّرلي سنيني ....... إلى آخر الغنيّة.

بين قوسين هي الجملة اللي فيها كلمة مخيط هي حديث شريف مو آية قرآنية.

:melody:

®

انا رئيي تقريبا من رأي ميمو وفي قليل من الاختلافات
لما كنت صغير بالسن تحت ال 15 كنت بسلم على كل العالم باليد وغالبا يعني بيكون مد اليد رد فعل مش فعل لانو عالاغلب بتصافح عالم اكبر منك بتكون المبادرة منهم ، لحد ما صار معي موقف كنت بسلم على احدى قريباتنا بالريف وعن جد حسيت انو ثقافة المصافحة بالنسبة الها معدومة وكاني هالشيئ جديد عليون حسيت بابتسامة وخجل ، من هالوقت صرت ما بمد يدي لمصافحة اي انثى لاول مرة الا اذا هي مدت يدها ، ومع الوقت باخر شهور بحياتي انتقل الوضع للذكور وللاناث ما عدت ابادر بمصافحة حدا ، صرت ردة الفعل
هلا بصراحة ماقريت كل الردود...
بس بصراحة انصدمت انو عنا بسوريا في هيك:shock:
هلا بمجتمعي بسوريا بحياتي ماواجهت هالمشكل وبحياتي ماسلمت ع حدا وخجلني...انو ازا شفت حدا من رفقاتي بالطريق بسلم عليه عادي و بوسو كمان...هي ان كان شباب والبنات كيف ماشفتينا منبوس بعض (متل الكل يعني)


اروح اقتل حالي يعني :pos: بدنا خط سيرك بالطريق مشان كل يوم رح قابلك شي 7 او 8 مرات :lol: