-
دخول

عرض كامل الموضوع : تحديد النسل بات ضرورة ملحة جداً للحد من تفاقم الاشكاليات المجتمعية

dani75
16/05/2009, 10:07
- في عام 1977 قامت الحكومة الصينية في مسعى منها للحد من الفقر و المشكلات الاجتماعية الناجمة عن التزايد السكاني بسن قانون ولد واحد لكل اسرة - مع فرض غرامات مالية و طرد اي موظف لا يلتزم بهذا الاجراء ..
و نجحت الحكومة الصينية فنقلت 300 مليون شخص من الفقر المدقع للطبقة المتوسطة و تمكنت من استيعابهم و بناء مدن لهم و حولت مدن الصفيح لمدن عصرية ..
في الوطن العربي حظر بوريقيبة في تونس تعدد الزوجات فقلت الزيادة السكانية الكبيرة و على الرغم من ان تونس بلد ليس نفطي لكنه بسبب التزايد السكاني القليل فغن مستوى السكان المادي و الخدمات توازي تقريباً المستويات الاوروبية

بينما نرى ان مصر و سوريا و العراق و السعودية و الجزائر و اليمن التي تعد من اعلى مستويات التزايد السكاني بالعالم تعاني مشكلات اجتماعية كبيرة ..


ما رأيكم ان تكتفي كل عائلة بولدين فقط طوعياً من اجل تخفيض التزايد السكاني و كثير من المشاكل التي تنجم عنه ..
.
.
Elephant And Castle
16/05/2009, 10:32
الصين كانت بحاجة لحد النسل ..ليش لنعمل متلها اذا نحنا مو بحاجي !!
عم تقول تونس كأنو اوروبا !! ما بعرف ..بس بقرا بنشرات المنظمات الدولية انو دايما تونس بمكان متأخر بمجال الحريات و الدخل ..و متقدمة بمجال الفساد و البطالة و هيك شي ...يعني متلنا تماما
inodessa
16/05/2009, 10:59
مو بات ضرورة ملحة و انما من زمان ضرورة ملحة


موضوع مهم
ابو نجبو
16/05/2009, 11:16
انطرح الموضوع من فترة قصير بالصالون....
dani75
16/05/2009, 23:02
انطرح الموضوع من فترة قصير بالصالون....


خليه ينطرح - شعبنا مو شاطرين غير يكت ولاد و بطالين و متخلفين و يزتوها بالشارع .........


.
nour333
16/05/2009, 23:07
-ما رأيكم ان تكتفي كل عائلة بولدين فقط طوعياً من اجل تخفيض التزايد السكاني و كثير من المشاكل التي تنجم عنه ..
.
.
في البطن الواحد والله فكرة صعب يكون 3 او اربع توائم مرة وحدة
MadMax
16/05/2009, 23:12
- في عام 1977 قامت الحكومة الصينية في مسعى منها للحد من الفقر و المشكلات الاجتماعية الناجمة عن التزايد السكاني بسن قانون ولد واحد لكل اسرة .
عاجلاً أم آجلاً ... العالم كلو رح يطبق هالقانون








و كل ما استعجلوا .... كل ما كان أفضل
mhsen77
17/05/2009, 01:11
منقول انشالله


بس انو هالطاقات الكامنة :larg: وين رح نروح فيها؟:shock::shock:
butterfly
17/05/2009, 01:23
للحق اتجوز وجيب ولاد لكان قبل ما يفرضو القانون " انا بحب الولاد كتير ممكن جيب خمسة ستة "

بالفعل ضرورة ، وبتحل الكتير من المشاكل يعني ع الأقل يا أخي توعية .. أنو عدد الأطفال يتناسب مع الدخل ، لأنو عم يكون عكسي
اللي دخلن كبير بيكتفو بولد وولدين ، والطبقات اللي يا دوب عم تقدر تعيش بتجيب تسعة وعشرة
جاد81
17/05/2009, 01:34
الطبقات اللي يا دوب عم تقدر تعيش بتجيب تسعة وعشرة



في المجتمع العربي الذي يقدس التقاليد و الأعراف الموروثة بيخلق الولد و بتخلق معو رزقتو

هيدا السبب للعشرة و التسعة
Abu ToNi
17/05/2009, 01:48
حد النسل كواقع يفترض تطبيقه
شو الاسس اللي يفترض انه ينبنى عليها ؟
يعني .. على ايا اساس حيتم فرض سقف عدد الأولاد بـ x ولد ؟!

بناء على وضع المادي الخاص بكل عائلة ولا بشكل عام ؟
او بناء على عوامل اخرى غير المادة ؟
..Jimy
17/05/2009, 03:02
حد النسل كواقع يفترض تطبيقه
شو الاسس اللي يفترض انه ينبنى عليها ؟
يعني .. على ايا اساس حيتم فرض سقف عدد الأولاد بـ x ولد ؟!

بناء على وضع المادي الخاص بكل عائلة ولا بشكل عام ؟
او بناء على عوامل اخرى غير المادة ؟
بشكل عام عن بو جنب :frown:..

بس نحنا مشكلتنا مو بس انفجار سكاني..مشكلتنا كمان توزع ديموغرافي اعوج:pos:..
Abu ToNi
17/05/2009, 03:11
بشكل عام عن بو جنب :frown:..

بس نحنا مشكلتنا مو بس انفجار سكاني..مشكلتنا كمان توزع ديموغرافي اعوج:pos:..
لأي حل فينا نصلح الخارطة البشرية وتوزعها بالحد من النسل ؟

يعني اذا قلنا لأبو البادية والريف ( معلم اكتر من ولدين ما بحقلك .. لا تاخد على خاطرك مافي شي شخصي بيناتنا .. بس مشان التوزع الديموغرافي وانت سيد العارفين يعني :lol: )
وبنفس الوقت نسمح لأهل المدينة أو لأهل المنطقة الشمالية الشرقية بأكتر من هلعدد كون ما عندن هلضخامة ؟!
هل هلشي يعتبر حل منطقي وعادل ؟!

وهل من المنطقي نقسم عدد الأولاد المسموح انجابها لشرائح بحسب المدخول المادي للأهل ؟!

بعتقد لازم نفكر بجدية بكافة الجوانب المتعلقة بحد النسل .. مو بس نقول ( الحل الوحيد بحد النسل ونقطة علسطر )
اذا ما كان عنا أهداف امام عيوننا لازم نحققها فالفكرة بالتحرك واتخاذ اي خطوة تعتبر خطوة غبية جدا .
عياش
17/05/2009, 16:18
لأي حل فينا نصلح الخارطة البشرية وتوزعها بالحد من النسل ؟

يعني اذا قلنا لأبو البادية والريف ( معلم اكتر من ولدين ما بحقلك .. لا تاخد على خاطرك مافي شي شخصي بيناتنا .. بس مشان التوزع الديموغرافي وانت سيد العارفين يعني :lol: )
وبنفس الوقت نسمح لأهل المدينة أو لأهل المنطقة الشمالية الشرقية بأكتر من هلعدد كون ما عندن هلضخامة ؟!
هل هلشي يعتبر حل منطقي وعادل ؟!

وهل من المنطقي نقسم عدد الأولاد المسموح انجابها لشرائح بحسب المدخول المادي للأهل ؟!

بعتقد لازم نفكر بجدية بكافة الجوانب المتعلقة بحد النسل .. مو بس نقول ( الحل الوحيد بحد النسل ونقطة علسطر )
اذا ما كان عنا أهداف امام عيوننا لازم نحققها فالفكرة بالتحرك واتخاذ اي خطوة تعتبر خطوة غبية جدا .

برأي لابد من توعية مخصصة لأهل المناطق الزراعية والقبلية لانهم الوارثون لقيم زيادة عدد الأولاد خاصة الذكور منهم وبالتالي لا بد من الاهتمام بهذه الشرائح من ناحية التوعية.

ممكن نقدم حوافز ترغب بالحد من النسل متل اعفاء أول ولدين من العسكرية أو من الأقساط المدرسية.

ممكن نقدم على خطوة جريئة اسوة بالدول شبه العلمانية الأخرى كتونس وتركيا بمنع تعدد الزواجات والذي سيكون له أبعاد اجتماعية صحية مهمة.

أما موضوع التعقيم الاجباري أو العقوبات فلن يقدم لنا سوى المزيد من الاولاد غير المسجلين بدوائر النفوس.
yass
17/05/2009, 16:25
مافي دولة بالعالم, أي دول كانت, قادرة على انو تنظّم الحياة الإدارية و الاقتصادية ضمن هالتكاثر الأرنبي الرهيب... عدد سكان أي دولة عربية يتضاعف كل 20 - 25 سنة, يعني أي مشروع أو أي خطة ذات حجم اقتصادي معيّن تفقد صلاحيتها خلال عدد زهيد من السنوات عندما لا يمكن أن تكون ناجحة إن لم تدم على الأقل 20 أو 30 عاماً.

تقع مسؤولية التوعية بخصوص تحديد النسل بشكل أول و أساسي, في مجتمعاتنا العربية, على رجال الدين, فهم أكثر الداعين إلى التكاثر و التوالد دون أي اهتمام بالأزمة الاجتماعية و الاقتصادية اللي ممكن تنتج عن هالشي, و رغم انو التناسل و التكاثر موجود ضمن الشريعة الإسلامية إلا أنه يوجد لديهم امكانية النظر في هذا الأمر بطريقة أخرى, فالدين الاسلامي يقر بأن الضرورات تبيح المحظورات, و يوجد نصوص أخرى تدل على إمكانية تعديل الأمور نتيجة ظروف قاهرة..

عمر بن الخطاب نفسو رفع حد السرقة سنة القحط.. و حد السرقة هو نص قرآني صريح, ففي سابقة من طرف السلف الصالح يمكن القياس عليها لمعالجة هالمأساة الكبرى....


بس بدك ناس عند عقل و قلب و مؤمنة بدورها في صلاح مجتمعها و تطوره.... مو بس لسان يفتي على ميكي ماوس و دوران الأرض...