أيـن أنت من الثلاثة ؟؟؟ [الأرشيـــــف]

توم و جيري

11/05/2009, 01:48

كلنا يتمنى ما يتمناه في الحياة

كلنا له وجهة خاصة

لكن ما نتمناه جميعا هو :

العيش في أمان وسعادة ورخاء

صحة جيدة محسود عليها

مال فائض تقضي به حوائجك وتعمل به خيرات ويكفيك شر السؤال.

ويقال أن ثلاثة لا تجتمع في الإنسان أبدا :

الصحة-- المال-- راحة البال

أيهما تختار: الصحة والمال

المال وراحة البال

راحة البال والصحة

؟؟؟؟؟؟؟؟؟

أإأبو العبد

11/05/2009, 03:32

راحة البال والصحة

وملعون ابو المصاري

توم و جيري

11/05/2009, 03:50

طيب برايك يا معلم اذا اجت الصحة والمصاري مابيرتاح البال ولا شو رايك ..؟؟

..AHMAD

11/05/2009, 03:55

بدي .. راحة الـ مال .. مافي هيك شي ؟ :lol:

توم و جيري

11/05/2009, 04:04

والصحة وين بتروح فيها ..؟؟؟:p

leonardo_dicabreo

11/05/2009, 06:29

أيهما تختار: الصحة والمال

المال وراحة البال

راحة البال والصحة

؟؟؟؟؟؟؟؟؟
يعني سؤال بحط العقل بالكف ! ! :?

التلاته أهم من بعض ! !

بس بالنسبه ألي راحة البال والصحه أحسن من $1000,000 وملعون أخت

المصاري ! ! :larg:

The morning

11/05/2009, 06:33

المصاري بتجي و بتروح بس الصحه اذا راحت ما بترجع :) و راحه البال ايضا اذا راحت صعب ترجع .. مع اني بختلف مع القائل انو التلاته ما بيجتمعو .. لانو بعتقد انو وحده مرتبطه بالتانيه ووحده بتجر التانيه يعني مافيه الشخص تكون صحته مش منيحه و عنده راحه بباله .. هيك يعني هنن مرتبطين سوا وحده بتجيب التانيه ..

Samer1234

11/05/2009, 06:45

تمني و بس

و الله انا بختار الصحة والمال لانو ماشفت حدا مرتاح البال اللا اللي ماعندو بالانص

ابو نجبو

11/05/2009, 07:02

الصحة و المال ثابتة ماحدا بيختلف عليها...
اما راحة البال فهي أمر نسبي بتختلف تبعاً لطبيعة البشر و قناعاتن .....
وبيقولو ماحدا مرتاح البال.... لانو طموحاتنا و سقف امنياتنا بالدنيا بيختلف ....
في ناس ازا قدرت تأمن عيشة وأكل يوم واحد بتنام قريرة العين و مرتاحة البال....
:D

jovia

11/05/2009, 07:24

أيهما تختار: الصحة والمال

المال وراحة البال

راحة البال والصحة

؟؟؟؟؟؟؟؟؟
هلا انا مو بايدي اختار لكني بفضل اني املك الصحة والمال لانو يمكن بقدر اتحكم براحة بالي طالما الله واهبني الصحة الكاملة وعاطيني المال وبحال ما قدرت بفضل اني اتزهد من دنيتي والتفت لراحة البال والصحة لانو الصحة غالية وراحة البال كمان نعمة كبيرة الله لا يحرمنا يياها
شكرا عالموضوع:D

وشم الجمال

11/05/2009, 09:27

يعني صحة اكيد بدنا لانو بلا صحة الحياة ما بتنطاق
راحة بال هيي جزء مهم من السعادة بس كمان بلا مال ما بتكون موجودة مو يعني مليونير لا شي بكفي انو نجيب يللي بنشتهيه
وبرضو بلا صحة ما في راحة بال
بالتالي بنقي التلاتة او بنقي راحة البال والصحة والمال بيجي

nour333

11/05/2009, 09:57

أيهما تختار: الصحة والمال

المال وراحة البال

راحة البال والصحة

؟؟؟؟؟؟؟؟؟
كل ميسر لما خلق له

بالك لو فينا نختار كان حد غلب احنا ما فينا نختار بهيك امور احنا مسيرين يعني ازا مكتوبلك انو الله ما يعطيك لاصحه ولا مال ولا راحة بال بدك تعيش واقرب مثال الدول الفقيرة اللي عندن امراض
وكمان في ناس عندن مال وصحة وراحة بال هن ما عملو شي هيك نصيبهم
اما بالنسبه الي انا وراحة البال ضراير يعني لو الله يحطني بالفردوس الاعلى رح ضل زن وما رح يرتاح بالي

توم و جيري

11/05/2009, 14:18

بالنسبة للي قال صحة ومال طيب اللي عندو اموال ومشاريع منين رح تجيه راحة البال ؟؟

عاشق رويدا

11/05/2009, 15:00

المال ما بشتري الصحة ولا راحة البال..
بس بالصحة وراحة البال بتقدر تجيب المال..
وبالاخر الشغلة نسبيةمش مطلقةيعني مستحيل تكون مرتاح البال100%او تكون بصحة جيدة 100%
او يكون عندك مال لا نهاية له...
تحياتي..:D

sona78

11/05/2009, 17:57

الصحة وراحة البال ..

بس اذا الصحة منيحة ..... ما بدها تاكل لتضل منيحة؟؟ يعني بدي مصاري من شان طعميها وضل بصحة ....

طيب وراحة البال .. يعني بتجي لما بتخف الهموم .... واغلب الهموم بتخف اذا الواحد شبعان .. عندو محل يقعد فيه ... وهلم جرا .. ولهيدا بدو مصاري
فيعني راحة البال والصحة ما بيضلو اذا ما في مصاري

والمصاري ما بتجيبهون لحالها

وشغلة :cry:

ويحرق حريشك ع هالورطة يلي ورطنا ياها :frown:

Sun Shine Art

11/05/2009, 18:18

الصحه والمصاري ....

الصحة وراحة البال ..

بس اذا الصحة منيحة ..... ما بدها تاكل لتضل منيحة؟؟ يعني بدي مصاري من شان طعميها وضل بصحة ....

طيب وراحة البال .. يعني بتجي لما بتخف الهموم .... واغلب الهموم بتخف اذا الواحد شبعان .. عندو محل يقعد فيه ... وهلم جرا .. ولهيدا بدو مصاري
فيعني راحة البال والصحة ما بيضلو اذا ما في مصاري

والمصاري ما بتجيبهون لحالها

وشغلة :cry:

ويحرق حريشك ع هالورطة يلي ورطنا ياها :frown:

مظبوط هل الحكي ..معناتو متل ما قلت من الصحه والمصاري ..بتجي راحه البال ولو نسبيه كانت ....

توم و جيري

12/05/2009, 00:58

نفدت بريشا يحرق حريشا ..:p

Noah

12/05/2009, 01:04

لو كان الخيار بيدي لاخترت وبلا تردد : الصحة والمال

ولكنني أخشى ما أخشاه أن يرزقني المال,, لأنفقه على صحتي ,.

لك مودتي ..:D

سيجارة

12/05/2009, 01:08

الصحة والمال لأنو تنيناتن بيجيبو راحة البال بس للأسف ما بتكمل مع حدا والحمد لله

Noah

12/05/2009, 01:11

اما بالنسبه الي انا وراحة البال ضراير يعني لو الله يحطني بالفردوس الاعلى رح ضل زن وما رح يرتاح بالي

أراكي متشائمة جداً ,.

مُنهكةٌ مُتعبة ,, تجرّعي بقليل ٍ منَ الإيمانِ .. و الورودْ

هدوء البحر

12/05/2009, 01:17

رااااااااااااااااااحة باااااااااااااااااااااااا اااااااااااااااااااال

suryoyo

12/05/2009, 01:27

اهم شي هي الاكل و الشعور بالامن

و الاثنين مرتبطين ب راحة البال بشكل اساسي ....

و لذلك انا من جماعة ... راحة البال و الصحة

بس من ناخذ الموضوع بشكل شامل ...

الشي المشترك ... الكل تطلب راحة البال و الصحة و المال ... و هي الامور الاساسية مترابطة بس بنسب متفاوتة حسب وضع الشخص الاجتماعي و المادي

mhsen77

12/05/2009, 02:10

لو كان لي الخيار

راحة البال

توم و جيري

12/05/2009, 03:06

لو كان الخيار بيدي لاخترت وبلا تردد : الصحة والمال

ولكنني أخشى ما أخشاه أن يرزقني المال,, لأنفقه على صحتي ,.

لك مودتي ..:D

وراحة البال من سياتي بها ..

الصحة والمال لأنو تنيناتن بيجيبو راحة البال بس للأسف ما بتكمل مع حدا والحمد لله

طيب مشاكل الشعل منوين بتجيب راحة البال

رااااااااااااااااااحة باااااااااااااااااااااااا اااااااااااااااااااال

انا برايي تنو الصحة وراحة البال ...
الفقر حلو اذا اعرفنا نعيش معو ..

ritka

12/05/2009, 04:28

بما انو المال هيك و هيك شحيح و الحمد لله
تعودنا عـ الوضع:gem:
المال بيجي و بيروح
و الصحة حسب المرض اللي انت فيه
و ما في شي مستحيل!!
اما راحة البال فما بتصفى لحدا
يوم الك و يوم عليك

الشي الوحيد اللي ما فينا نتخلى عنو هو... الامل :D.

satoman

12/05/2009, 04:51

راحة البال هيي اللي بتجيب الصحه

بالنسبه عالمال بضل وسيله لااكتر ولااقل

توم و جيري

12/05/2009, 08:30

مبعرف بس كانو حاسس حتى لو اخترتو اجابة معينة كل شخص شرحو للامور بيختلف ولا شو ؟؟

flower bomb

12/05/2009, 10:22

اهم ما يهمني راحة البـــال ثم راحة البال ثم راحة البال والصحــــة
ثم المـــال
مع يقيني الجازم ان المال( بأعداد مهوله جدا) يجلب على الاقل بالنسبه لي راحة البال المطلقه

reeemty

12/05/2009, 11:19

الصحة والمال

بعتقد المال بيجيب راحة البال بأكبر نسبة ممكنة
لانو راحة البال ما بتتحقق بشكل مطلق ابدا

a7la lolo

12/05/2009, 11:35

المال وسيلة لا غاية ..
مشان هيك بختار الصحة وراحة البال ..
لانو لو كان معك مال الدنيا وبالك مشغول عشي قصة ما رح تتنهنا ولاتتنعم بالمال يلي عندك ..
ولو لا سمح الله .. كنت مرضان .. تعبان .. وصحتك مانها منيحة بقا قلي .. كيف المال رح يسعدك .. حتى ولو بيجبلك الدوا .. بس ما عم تقدر تحس بالسعادة بمالك ..
:D

zerocold hacker

12/05/2009, 11:50

انا برأيي

المهم عندي المال والصحة

لانو المصاري بتجيب راحة البال هاد رايي

bacteria

12/05/2009, 12:27

انا ما بختار

بنفسجة

12/05/2009, 12:57

فيي اختار التلاتة؟
يعني بلا راحة بال وبلا صحة وبلامصاري يلعن ابو هالعيشة
صعب الاختيار
بس يلا خلينا هيك نحكي تنظير ونقول راحة البال والصحة:lol:

bacteria

12/05/2009, 13:03

فيي اختار التلاتة؟
يعني بلا راحة بال وبلا صحة وبلامصاري يلعن ابو هالعيشة
صعب الاختيار
بس يلا خلينا هيك نحكي تنظير ونقول راحة البال والصحة:lol:

في خيار وبندوره ازا بدك كمان :lol:

شمس سوريا

12/05/2009, 16:15

:Dوالله بالنسبه لالي ..
رح بختاار الصحه والمال ..
لانو راحة البال هي ;)
.. طول عمرك رح تضل مشغول بالك ايمتى بالله رح يرتاح
غير لما بتموت انت ..
فالصحه والمال انا بختاارها طبعا :p

يسلموووو ايديك

jovia

12/05/2009, 17:36

انا ما بختار
شو ما بتختاري؟؟؟:? وليش ؟؟ وكيف !!! ووين؟؟؟:shock::shock:
مين فات بالحيط!!!!:o:p
مع كل الحب الدافئ لبكتيرتي :D

angel cherry

12/05/2009, 17:37

لا فقير ولا غني مرتاح باله

كرمال هيك رح اختار الصحة والمال

راحة البال بعتئد شي شبه مستحيل

حتى لو مو دائماً

^_^

الماسة الشامية

12/05/2009, 19:53

ماعم اقدر اختار :cry:

لانو كلو بيكمل كلو

بس نا برأيي الصحه وراحه البال اهم شي

jovia

12/05/2009, 19:58

بس نا برأيي الصحه وراحه البال اهم شي
لا حبيبتي صدقيني ازا ما في mony ما بتكوني مبسوطة يعني هيدول بيودو لبعض وكمان بيحرقو بعض الله يستر بس الراحة الدائمة تحت التراب :pلانو الله خلقنا لنبكي ونشغل هالبال ;)

الوحش السوري

12/05/2009, 21:10

الثلاثة

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

توم و جيري

13/05/2009, 03:29

بحس انو مستحيل بني ادم بالعالم يحصل عالتلاتة وحدة واذا حالفو الحظ تنتين ..

الوحش السوري

13/05/2009, 15:52

تفائلو بالخير تجدوه

و اني متفائل جدا جدا جدا جدا

jankasanova

13/05/2009, 21:00

بهذا الوقت بالتحديد و بظل هالاوضاع المتردية
رح اختار الصحة و المصاري
لأنو الصحة اذا راحت ما بترجع
و بهالوضع الاقتصادي التعبان لازمنا مصاري
لنغطي احتياجاتنا و مصاريفنا و فواتيرنا:pos:
اما راحة البال فممكن نحاول ان نتعايش و نتعود على عدم راحة البال
بس يمكن لو كانت الاوضاع احسن
كنت اخترت الصحة و راحة البال

sandra

13/05/2009, 21:07

لما بيكونو موجودين الصحة والمصاري
راحة البال بتجي بعدين

توم و جيري

14/05/2009, 01:22

تفائلو بالخير تجدوه

و اني متفائل جدا جدا جدا جدا

انشالله دايما تضل هيك ..

بهذا الوقت بالتحديد و بظل هالاوضاع المتردية

رح اختار الصحة و المصاري
لأنو الصحة اذا راحت ما بترجع
و بهالوضع الاقتصادي التعبان لازمنا مصاري
لنغطي احتياجاتنا و مصاريفنا و فواتيرنا:pos:
اما راحة البال فممكن نحاول ان نتعايش و نتعود على عدم راحة البال
بس يمكن لو كانت الاوضاع احسن
كنت اخترت الصحة و راحة البال

في منطق بكلامك مشكور ...

لما بيكونو موجودين الصحة والمصاري
راحة البال بتجي بعدين

والله المصاري بحياتها مجابت راحة البال ولا الفقر كمان ..