-
دخول

عرض كامل الموضوع : تحت الله بشبر

صفحات : 1 [2]
I_Love_Syria
09/05/2009, 19:34
انك تسمح بتدقيس انسان بتشوفه انت ( نبي )
وتمنع الآخرين من الدفاع عن اشخاص معجبين جدا بشخص ما ... هاد هوي التناقض بعينه ...
ليش منشوفها منطقية جدا وقت بيمنع المسلم احد ما من التشكيك بنسب محمد او برسالته
او وقت بيمنع المسيحي التشكيك بإلوهية المسيح وطريقة ولادته

وبنفس الوقت منشوفها غير منطقية وفكرة جدا غبية وقت بدافع شخص ما عن كاتبه المفضل متل جبران مثلا او شهيد متل يوسف العظمة او قائد متل حسن نصر الله ؟!؟!

أنا ما بمنع حدا يدافع عن أي شخص بس بنفس الوقت متل ماهو ما بدو ياني اتعرض لشخص هو بيشوفوا مقدّس كمان ما يتعرض للأشخاص الي هنن بنظري مقدسين, يعني نسبة كبيرة منّا عندون الله شغلة كبيرة
ليش لمّا حكو على حسن نصر الله بلّش الدفاع عنو وما بيصير تسبو ولازم تحترموا كرمالنا وبنفس الوقت هالشخص هاد بيكفر وهاد التناقض يلي أنا عم احكي عنو
أنا فكرتي أبو طوني حط اصبعتك بعينك متل ما بتوجعك بتوجع غيرك
والسلام ختام :D
I_Love_Syria
09/05/2009, 19:38
ما في جهة معينة بتحدد مين الخطوط الحمرا و ليش هالخطوط حمرا هلا ليش ما تاخد الامور هيك
انو انت اللي بالنسبة الك نبي ممكن ما يكون بيعني شي للشخص الاخر..بالوقت اللي شخص متل محمود درويش متلا شي نازل من السما.


:D.

طيب أنا ما بيعنيلي شي محمود درويش وهلأ إذا بسبو أو بسب حسن نصر الله شوفي كم واحد بيوقف بوشي وكم واحد بيبلش يعطيني دروس بإحترام الشخصيات
المقصد يا كلّو بيحترم كلّو يا كلّو بيسب كلّو ومحدا على راسو ريشة :D
أإأبو العبد
09/05/2009, 19:38
مرحبا..
مرة ابو العبد بموضوع يمكن حسب ما اذكر تعدد زوجات او هيك شي..
رديت عليي بكلمة انو في احاديث كتيرة للرسول ما منعمل الها اعتبار بس اذا سعد الله ونوس مخط شي كلمة منقدسها
هي الطريقة بالحكي والمسخرة على شخص انا ما بقدسو بس بحبو بيستفز الاخرين وممكن انو ينرد عليك بنفس طريقة حكيك..
ومن جهة سب الرب لا تخاف كمان مليون واحد بيخرسو للي بيسب..
بعرف بدك تقوص متل عادتك لانو بس حدا يحكي شي ما بيعجبك بتبلش الخناق والبهدلة.. والله يستر
اول شي انتي متأكدة انو انا الي رديت عليكي بهالطريقة وقلتلك انو لو سعد ونوس مخط:?
ياريت تتاكدي
وتانيا انا اعترفت من خلال هالموضوع انو انا كنت بوقت من الاوقات متعصب لشخصية معينة بس بعد مافكرت بالموضوع لقيت انو هالتعص ماالو اي مبرر

بس بعد ازنك رايح جيب الفرد وراجع لاتروحي:p

:D
Abu ToNi
09/05/2009, 19:42
أنا ما بمنع حدا يدافع عن أي شخص بس بنفس الوقت متل ماهو ما بدو ياني اتعرض لشخص هو بيشوفوا مقدّس كمان ما يتعرض للأشخاص الي هنن بنظري مقدسين, يعني نسبة كبيرة منّا عندون الله شغلة كبيرة
ليش لمّا حكو على حسن نصر الله بلّش الدفاع عنو وما بيصير تسبو ولازم تحترموا كرمالنا وبنفس الوقت هالشخص هاد بيكفر وهاد التناقض يلي أنا عم احكي عنو
أنا فكرتي أبو طوني حط اصبعتك بعينك متل ما بتوجعك بتوجع غيرك
والسلام ختام :D
معك حق في حال فرضنا الله شيء يخصك او انه فكرة تابعة إلك ولمعتقدك .. لو كان الوضع هيك لكان تخالف كل واحد كفر او سب بالأخوية .. بس طالما اسلوب التعاطي مع الله مبني على اساس ( كل مين بينه وبين ربه ) فصار النقد او التهجم شيء خاص فيني مش فيك .. لهيك ما ما من حقك تتدخل بالأمور ( الحديث بصغة المخاطب ما بيحمل ايا توجيه كلام ل ( آي لوف سيريا ) )

اما الحديث عن الشخصيات متل حسن نصر الله فما عم يكون ( هل أخطى ام لم يخطى ) او ( هل اتخذ قرارا صح ) بالأصل ما عم كون اسمه حديث :pos:
وقت شخص عم يناقشك مستخدم تعابير ( ثور الله ) ... شو رب النقاش اللي ممكن ينبنى على هيك ارضية حوار ؟

التشكيك بالشخصيات من مختلف المجالات ووضع التساؤلات والنقاط على " قراراتها - اسلوب كتاباتها - خطاباتها - صوتها الغنائي " مو شي خطأ بس شتمها وتحقيرها يستدعي الرد القاسي بالنسبة الي خصوصا اذا كان شخص معجب فيه بصفة فردية .
وان كان شخص ما بيعنيلي اكتر من انه بيكتب مثلا .. وقت بده يصير تهجم على شخصه بعيدا عن المجال اللي انا بناء عليه اعجبت بالشخص المعني .. بحكي عن حالي وبقول انه ردي حيكون قاسي وقاسي كتير .

سلامي الك :D
ابو نجبو
09/05/2009, 19:46
ما في جهة معينة بتحدد مين الخطوط الحمرا و ليش هالخطوط حمرا هلا ليش ما تاخد الامور هيك


انو انت اللي بالنسبة الك نبي ممكن ما يكون بيعني شي للشخص الاخر..بالوقت اللي شخص متل محمود درويش متلا شي نازل من السما.

طبعاً في خطوط حمرا....أنا عمبحكي عن أشخاص شكلّو ... أمم ...طوائف ..ديانات ...مو نادي معجبين ...
في فرق بين أشخاص ..كتّاب..شعراء...زعماء عشائر....قادة طموحين ذوي أحلام ضيقة....
وبين أشخاص قادو أمم و شكلوها " وبايماني انن انبيا"...

اما اللي حاطتلي صورة جيفارا فهو عم بيعبر عن قناعاتو.. هلا ما بخفيك انو في عالم متل ما بتقول انت
حاطتها منظر و موضة..و ما بتعرف مين بيكون غيفارا لا من التيشرتات..بس في عالم تانية بتكون بالعكس تماما
بمعنى ما فيك تحكم ع العالم لانو فلان حاطتلي صورة غيفارا.. معناتها مفزلك..

:D.
طبعاً أكيد ..التعميم هون مرفوض ..بعتزر....
:D
أإأبو العبد
09/05/2009, 19:57
الله يرضى عليكن ياشبيبة بلا مانفوت بالرموز الدينية بلا ماتقلب مدبحة هلا مابدنا الموضوع يتسكر من اول يوم
خلينا بالرموز المعاصرة او الرموز الوطنية الي بدكن ياه بس بعدولنا عالاديان
nour333
09/05/2009, 22:31
انك تسمح بتدقيس انسان بتشوفه انت ( نبي )
وتمنع الآخرين من الدفاع عن اشخاص معجبين جدا بشخص ما ... هاد هوي التناقض بعينه ...
ليش منشوفها منطقية جدا وقت بيمنع المسلم احد ما من التشكيك بنسب محمد او برسالته
او وقت بيمنع المسيحي التشكيك بإلوهية المسيح وطريقة ولادته

وبنفس الوقت منشوفها غير منطقية وفكرة جدا غبية وقت بدافع شخص ما عن كاتبه المفضل متل جبران مثلا او شهيد متل يوسف العظمة او قائد متل حسن نصر الله ؟!؟!
ما حد بيمنعك انك ادافع عن اي شخص انت من وجهة نظرك بتعتبرو رمز بس مرات احنا بنستخدم اسلوب غلط يعني ممكن بدك ادافع عن فريق 8 الاغلب وقت يجي يدافع ما بيستخدم معطيات وحقائق او حتى لو استخدمها بكون دفاعو مبني على سب فريق 14 آذار هاد على سبيل المثال وليس الحصر
يعني برأيك احنا فينا اندافع من دون ما نجرح بطرف المغاير او من دون ما نستخدم نظرية المؤامرة ؟ ازا وصلنا هيك مرحله ممكن نتقدم خطوه لقدام وبجوز تكسب احترام الطرف الآخر
لو ما كسبت تأيدو
اما بالنسبه لرموز الدينيه اي شخص لاديني اكيد رح يشوف هيك رموز ما الها قيمة بس كمان هاد الشخص اللي بنادي بأحترام الآخرين ومشاعرهم بيدرك انو وقت يتكلم عن شخص متل سيدنا محمد ص جرح مشاعر مليار ونص انسان وقيس على هيك السيد المسيح او اي نبي
MadMax
10/05/2009, 00:06
من وجهة نظري ...


بتوقع المظلوم بكل هالقصة هو الله ... اي الله
و لسبب بسيط .. أنو كلمة الله ... كلمة مطلقة عامة .. بتشمل جميع الأديان
يعني لما حدا ( من أي دين كان ) بيسمع ما يسمى بالكفرية . أو مسبة الله .. مو كتير بينزعج .. أو بينجرح شعورو
لأنو ما بحس بإهانة مباشرة على اعتبار أنو الله للكل ...و كلمة الله ما بتخص مجموعة معينة فقط

بس لما المسلم بيسمع مسبة محمد أو المسيحي بيسمع مسبة المسيح
أو أصحاب أي معتقد .. إذا سمعوا مسبة رمز معتقدهم .. رح يحسوا بإهانة كبيرة


لهيك الله ... مو آخد نصيبو بتصنيف التابوهات
mhsen77
10/05/2009, 00:38
سلام شباب كيفكن اليوم:D

رح احكي رأيي انا شخصيا بموضع يزن
انا ما بحب حدا يسيء لاي شي بحبو ولا يسبو من ربي لنبيي لكل الانبياء للدين بشكل عام ولازم نقبل نتناقش باي شي بغير هالشخصيات و هاد ما بيعني انو ما نتناقش بافكارون حتى الدين نفسو و بهالحالة ما لازم نسب و نلعن \انا شخصيا ما بكفر ولا بخلي حدا يكفر عليي خصوصا اذا بيعرفني ويلي ما بيعرفني بنبهو عليها واذا تكررت بعتبرها مقصودة وهون اكيد بيكون الرد عنيف \ لانو شغلة المسبة و اللعن مو اسلوب نقاش بين البشر

بالنسبة للبشر ما لازم يكون حدا مقدس و على قولة يزن الاحترام بيكفي و لما نشوف حدا محترم بالنسبة للي بيناقشنا ما لازم نوجه اي كلمة بيحسها اساءة طبعا نقاش الافكار و تحميلها الصح والخطاء ابدا ما لازم يعني الاساءة لشخصياتهون
و يلي ما بيقبل يناقش هالاشيا بلا ما نناقشو منرتاح و منريحلانو شي :sick:
suryoyo
10/05/2009, 01:20
لو ناخذ الامور من باب ثاني ..
نشوف التعصب و الحب الزائد تجاه الرموز ... يكون بالمعنى العملي مو حبا فيه

و انما حبا بالتفاخر فيه على الاخرين .. و حب اظهار القوة الذاتية

على مثل مشهور ... "القرعا تتباهى بشعر اختها"


من ناحية اخرى ... النقد قد يكون بناء او هدام ...

و لكن ليس من حق اي احد منع النقد بتاتا ...
طالما هناك حياة يجب ان تكون هناك حرية فكر و خصوصا على الصعيد الشخصي

بس مثل ما تنتقد هذه الشخصيات و الرموز ... لازم تتحمل النقد ...

و اكبر مثال مثل ما تنتقدوا رموز السعوديين و الخليج ... لازم تتعلموا تقبل الراي الاخر ... لا تهميشه



نقطة اخرى ... هي مو بالعدد
مو يعني ممكن تنتقد و تتهجم على رمز من رموز طائفة صغيرة بالشرق الاوسط ... و ما ممكن تنتقد رمز طائفة كبيرة
mhsen77
10/05/2009, 01:36
الله يرضى عليكن ياشبيبة بلا مانفوت بالرموز الدينية بلا ماتقلب مدبحة هلا مابدنا الموضوع يتسكر من اول يوم
خلينا بالرموز المعاصرة او الرموز الوطنية الي بدكن ياه بس بعدولنا عالاديان

اي خلونا بالرموز المعاصرة
انا بشوف انو ما في رمز معاصر فوق النقد بس لما بدنا ندافع عن اي رمز لانو منحبو او منحترمو بيجي شخص بيصير يتمسخر على هالشي منصير بارادتنا او بغير ارادة منساقين سوق لندافع عن هالشخص او هالرمز و بالحقيقة منكون عم ندافع عن افكارنا نحنا مو افكار هالشخص لانو ما منحب نطلع غلطانين قدام غيرنا وهون المصيبة يعني واحدنا بيفكر حالو فوق اي نقد
أإأبو العبد
10/05/2009, 06:23
من وجهة نظري ...


بتوقع المظلوم بكل هالقصة هو الله ... اي الله
و لسبب بسيط .. أنو كلمة الله ... كلمة مطلقة عامة .. بتشمل جميع الأديان
يعني لما حدا ( من أي دين كان ) بيسمع ما يسمى بالكفرية . أو مسبة الله .. مو كتير بينزعج .. أو بينجرح شعورو
لأنو ما بحس بإهانة مباشرة على اعتبار أنو الله للكل ...و كلمة الله ما بتخص مجموعة معينة فقط

بس لما المسلم بيسمع مسبة محمد أو المسيحي بيسمع مسبة المسيح
أو أصحاب أي معتقد .. إذا سمعوا مسبة رمز معتقدهم .. رح يحسوا بإهانة كبيرة


لهيك الله ... مو آخد نصيبو بتصنيف التابوهات
الله يعينو شو بيتحمل:p
رمز بس مرات احنا بنستخدم اسلوب غلط

وهي نقطة كتييييييييييير مهمة الاسلوب الغلط بالدفاع عن المقدسات او الاشخاص الي منحبن

ولازم نقبل نتناقش باي شي بغير هالشخصيات

خليني ابدا وسع دائرة الحوار شوي
هلا ياصاحبي انت قلت انك مالازم نقبل النقاش بالانبية والله
طيب مثلا انت بتامن بمحمد واجا شخص مابيامن فيه وحب يعرف اكتر عن محمد بروح بقلو انو لاوالله ممنوع نحكي عن الانبيا وعن الله هاد مو منطق ابدا ونفس الشي وقت بيجيك شخص ملحد وحب انو يفوت بنقاش حول الذات الالهية كمان بمنعو
لا طبعا وحتى الانبية والرسل والرب وكل شي بهالكون مسموح فيو النقاش ولازم نتقبل النقاش فيهن
هلا في نقطة حاب علق عليها وهي كمان مهمة كتير (من وجهة نظري)و لما نشوف حدا محترم بالنسبة للي بيناقشنا ما لازم نوجه اي كلمة بيحسها اساءة طبعا نقاش الافكار و تحميلها الصح والخطاء ابدا ما لازم يعني الاساءة لشخصياتهون
انو غالبا منشوف مطالبة بعدم الاسائة للمقدسات واحترامها بالنقاشات الي من هالنوع انا برايي حتى عدم الاحترام مابيعطي مبرر لعدم قبول هالنمط من النقاش وهالشي بيرجع لاخلاق المحاور

لو ناخذ الامور من باب ثاني ..
نشوف التعصب و الحب الزائد تجاه الرموز ... يكون بالمعنى العملي مو حبا فيه

و انما حبا بالتفاخر فيه على الاخرين .. و حب اظهار القوة الذاتية

على مثل مشهور ... "القرعا تتباهى بشعر اختها"


من ناحية اخرى ... النقد قد يكون بناء او هدام ...

و لكن ليس من حق اي احد منع النقد بتاتا ...
طالما هناك حياة يجب ان تكون هناك حرية فكر و خصوصا على الصعيد الشخصي

بس مثل ما تنتقد هذه الشخصيات و الرموز ... لازم تتحمل النقد ...

و اكبر مثال مثل ما تنتقدوا رموز السعوديين و الخليج ... لازم تتعلموا تقبل الراي الاخر ... لا تهميشه



نقطة اخرى ... هي مو بالعدد
مو يعني ممكن تنتقد و تتهجم على رمز من رموز طائفة صغيرة بالشرق الاوسط ... و ما ممكن تنتقد رمز طائفة كبيرة
ياعيني عليك
وهي الفكرة الي انا حاب اني وصلها
:D
أإأبو العبد
10/05/2009, 06:33
اي خلونا بالرموز المعاصرة
انا بشوف انو ما في رمز معاصر فوق النقد بس لما بدنا ندافع عن اي رمز لانو منحبو او منحترمو بيجي شخص بيصير يتمسخر على هالشي منصير بارادتنا او بغير ارادة منساقين سوق لندافع عن هالشخص او هالرمز و بالحقيقة منكون عم ندافع عن افكارنا نحنا مو افكار هالشخص لانو ما منحب نطلع غلطانين قدام غيرنا وهون المصيبة يعني واحدنا بيفكر حالو فوق اي نقد
بتتذكر وقت قناة ال LBC على مااظن عرضت برنامج ساخر (ناسي شو اسمو) وجابت شخصية تقلد السيد حسن
وقتا قامت مظاهرات وصار اشتباك مسلح وراح ضحايا يعني طيب بلاش هيك هلا تروح وتفوت على مخيم للاجئن الفلسطينيين وتحكي عن احمد ياسين كلمة غلط؟؟؟؟

هاموش: الشيخ احمد ياسين انا بحبو يمكن اكتر من اهلي
nour333
10/05/2009, 14:00
من وجهة نظري ...


بتوقع المظلوم بكل هالقصة هو الله ... اي الله
و لسبب بسيط .. أنو كلمة الله ... كلمة مطلقة عامة .. بتشمل جميع الأديان
يعني لما حدا ( من أي دين كان ) بيسمع ما يسمى بالكفرية . أو مسبة الله .. مو كتير بينزعج .. أو بينجرح شعورو
لأنو ما بحس بإهانة مباشرة على اعتبار أنو الله للكل ...و كلمة الله ما بتخص مجموعة معينة فقط

بس لما المسلم بيسمع مسبة محمد أو المسيحي بيسمع مسبة المسيح
أو أصحاب أي معتقد .. إذا سمعوا مسبة رمز معتقدهم .. رح يحسوا بإهانة كبيرة


لهيك الله ... مو آخد نصيبو بتصنيف التابوهات

بزمناتي وانا بالجامعه كان عنا متطلب اسمو علوم عسكرية كل محاضرة بيجبولنا ضابط بشي اختصاص وبعطيها بالاخير بكون في اسئلة مرة طالب وقف وسأل هالضابط ليه لما حد يعني يسب شخص جلالة الملك بينشكا عليه وبتعاقب اما لما يسب الله ما بتعملولو شي قام قلو الضابط لسبب بسيط انو بالاولى بتروح الناس وبتشكي بس بتانيه ماحدا بيشكي مع انو الو عقوبه
فهيك بتصوري اللي بيصير وقت ما يتعلق الامر بالله احنا اللي بنسكت او بنعتقد انو الله قوي ورح يعاقب الشخص اللي بيسب عقاب دنيوي واخروي
mhsen77
11/05/2009, 01:05
خليني ابدا وسع دائرة الحوار شوي
هلا ياصاحبي انت قلت انك مالازم نقبل النقاش بالانبية والله
طيب مثلا انت بتامن بمحمد واجا شخص مابيامن فيه وحب يعرف اكتر عن محمد بروح بقلو انو لاوالله ممنوع نحكي عن الانبيا وعن الله هاد مو منطق ابدا ونفس الشي وقت بيجيك شخص ملحد وحب انو يفوت بنقاش حول الذات الالهية كمان بمنعو
لا طبعا وحتى الانبية والرسل والرب وكل شي بهالكون مسموح فيو النقاش ولازم نتقبل النقاش فيهن
هلا في نقطة حاب علق عليها وهي كمان مهمة كتير (من وجهة نظري)
انو غالبا منشوف مطالبة بعدم الاسائة للمقدسات واحترامها بالنقاشات الي من هالنوع انا برايي حتى عدم الاحترام مابيعطي مبرر لعدم قبول هالنمط من النقاش وهالشي بيرجع لاخلاق المحاور
:D
يزن انت يمكن فهمتني غلط او يمكن ما عرفت عبر عن رأيي بطريقة توصلو مزبوط
اي خيو ما علينا
انا قلت ما بناقش وجود الله او نبوة الانبياء ما قلت ما بقبل ناقش يلي عطوه و قلت كمان انو النقاش بنتاج اي شخصية و مهما كانت اكيد لازم يكون مقبول و مقبول جدا
رح اعطي مثال انا مسلم بحب النبي محمد و ما بقبل اي حدا يسبو قدامي بس بقبل ناقش اي حديث من الاحاديث المروية عنو و يمكن قول عن بعضها منسوب اليه \ يعني كذب \ وممكن ناقش اي حكم كان بزمنو يمكن اقنع مع يلي مقابيلي و يمكن اقنعو و يمكن يضل كل واحد على رأيو
و كمان ما بيقبل اي شخص يسب النبي عيسى مع اني ماني مسيحي
بالنسبة لشخصيات الزمن الحالي ما عندي اي شخص من يلي نحكى عنون مقدس بس اذا بحس و كمثال متل ما قلت انك بتحب الشيخ احمد ياسين ما لازم سبو و فيني قول انو اعمالو وافكارو ما بتعجبني و بحدد هالاعمال هي و هيك بكون اعطيت رأيي بدون ما يصير اي زعل بيناتنا و اذا كان كلامي ما بيعجبك بنهيه بكل بساطة ويلي ما بيقبلني هيك بلا ما وجع راسي معو

يعني بكل بساطة عدم الاساءة المقصود فيها و بس عدم المسبة و السخرية و نقاش نتاج هالشخصيات الفكري و الاجتماعي كلو قابل للاخد و الرد
zen
11/05/2009, 01:18
هلق لما حدا بيسب على رب حدا فما بظن انو اي شخص لازم يتضايق لانو كل واحد بيجوز ربو بطريقة معينة وبيجوز يكون ربي اللي انا بعتقد في غير ربك
طبعا هاد ما بيبرر المسبات اللي هي ما بتدخل نهائيا ضمن حوار
اما عن تقديس الشخصيات
فهي نابعة انو هالشخصيات هي اللي منستمد منها افكارنا و تحيزنا و حتى احاسيسنا
وهي موجودة بيناتنا فلهيك بتلاقي العالم بتبلش عصبيتها
Nay
12/05/2009, 09:41
اول شي انتي متأكدة انو انا الي رديت عليكي بهالطريقة وقلتلك انو لو سعد ونوس مخط:?
ياريت تتاكدي
وتانيا انا اعترفت من خلال هالموضوع انو انا كنت بوقت من الاوقات متعصب لشخصية معينة بس بعد مافكرت بالموضوع لقيت انو هالتعص ماالو اي مبرر

بس بعد ازنك رايح جيب الفرد وراجع لاتروحي:p

:D
اي ابو العبد طلع ابو نجبو..
بس انو الموضوع اللي صار فيو حكي بيني وبينك انحذفو الردود مشان هيك صار عندي لغط.. بعتذر..


بس الكلام نفسو ما اتغير اللي بيحكي كلمة مخط... بهي الطريقة عن شخص على اقل تقدير من عمر ابوه وميت بعد معاناه طويلة بالسرطان بعيد الشر عن ابوه بيكون عم يناقض حالو لما بيحكي عن احترام الأشخاص والخطوط الحمرا
BL@CK
13/05/2009, 04:13
في فوق ألله بإصبعين هود شو وضعون زكاة عافيتك بس ؟!
أإأبو العبد
13/05/2009, 04:48
في فوق ألله بإصبعين هود شو وضعون زكاة عافيتك بس ؟!
الله يعافيك ياحأ
بالنسبة للي فوق الله باصبعين هدول مافينا نحكي عنن لانو اذا عرفو بيودونا رحلة الى ماوراء الشمس
gevara7
13/05/2009, 05:10
في فوق ألله بإصبعين هود شو وضعون زكاة عافيتك بس ؟!

هدول جماعة بعرفهم امنيح ...بيعبّدوك السيجارة وبيخلوك تصير تحكي "يلعن أنـــا"!




يلعن هه:pos:
satoman
13/05/2009, 07:24
يااخي شو مابدك بس ماتوصل لدرجة التقديس




انت جيت لحد مافهمنا وقلتلنا شو فهمنا

مابدك تعرف شو هوي التق ديس

انا التق عرفتو انت الديس دقتو
أإأبو العبد
13/05/2009, 07:25
انت الديس دقتو
لا:?





.
BL@CK
14/05/2009, 05:16
هدول جماعة بعرفهم امنيح ...بيعبّدوك السيجارة وبيخلوك تصير تحكي "يلعن أنـــا"!




يلعن هه:pos:



في أحلا من عبادة السيكارة ليه ؟!
gevara7
14/05/2009, 06:15
في أحلا من عبادة السيكارة ليه ؟!


ما فهمت عليي عمو,

انا بقصد انو هدول الجماعة "اللي فوق الله باصبعين" بيمارسو سلطوية اعطل من سلطوية الله

على الأقل الله - والحق يقال - بيعطيك حرية التفكيروالتعبير اما السابق ذكرهم فما بيعطوك حرية التنفس..

اللي بدي اوصلو انو حتى السيجارة لو حدا اجبرك عليها ما راح يكون الها معنى.




ملاحظة: اكيد ما في احلى من عبادة السيجارة.
ابو نجبو
14/05/2009, 07:23
اي ابو العبد طلع ابو نجبو..
بس انو الموضوع اللي صار فيو حكي بيني وبينك انحذفو الردود مشان هيك صار عندي لغط.. بعتذر..


بس الكلام نفسو ما اتغير اللي بيحكي كلمة مخط... بهي الطريقة عن شخص على اقل تقدير من عمر ابوه وميت بعد معاناه طويلة بالسرطان بعيد الشر عن ابوه بيكون عم يناقض حالو لما بيحكي عن احترام الأشخاص والخطوط الحمرا

اي انا قصدي بكلمة "مخط" يعني فلتتلا شي كلمة منو ..منقوم نحن منعملها منزلة من السموات....
أما الخطوط الحمرا ..فأنا كنت واضح جداً ..على ما أظن...خلينا نقول انو الشخصيات الدينية بدون استثناء هي خطوط حمرا.....أما باقي الشخصيات المعاصرة والتاريخية... من سياسيين لكتّاب لشعراء ...كلهن ناس عاديين ضرب الحظ معهون وصارو مشهورين .. وفي من امثالون كتير بالواقع و يمكن هون بالاخوية في كتير اشخاص بتماثلن و أحياناً بتتفوق عليهون بالاسلوب و المهارة الفنية ..فشو الداعي لتقديسون و كأنن ملائكة نازلين من السما...
:D
marochka
19/05/2009, 10:45
هلأ الي بيخلي الناس تدافع عن الأشخاص اللي بتحبا غالباً بيكون أسلوب توجيه النقد أكتر من موضوع النقد نفسه، لأنه المشكلة أنو اللي بدون ينقدوا أي حدا من الشخصيات العامة أو الدينية نادراً ما بيكونو موضوعيين أو حتى مراعين لحرمة الإنسان بنقدهن، يعني بغض النظر عن الأسماء والانتماءات السياسية والدينية، لازم نكرس ثقافة النقد دون التجريح وإثارة النعرات، يعني ما بعتقد أنو حدا بيحب السيد نصر الله وأنا منهن رح يزعل إذا حدا قال أنو غلط مثلاً بالتحالف مع فلان أو علتان، أو بأيا قرار تاني، بس لما يكون النقد على طوله أو عرضه أو تدويرة وجهه أو ما بعرف شو من الآراء التي عم يتحفنا فيها جماعات 14 آذار مثلاً، فهاد لا هو نقد ولا هو حرية شخصية، هاد حدا عم يجرب يعمل مشكل بإيديه وسنانو، ووقت يصير المشكل بيتحجج بحرية الرأي والديمقراطية وغيرها.
عمر الفاروق
22/05/2009, 09:59
زميلي المحترم jimy

سوف أطرح عليك هذ السؤال وأتمنى منك الإجابة.

أيهم أحق با لإحترام الخالق أم المخلوق...؟؟
سوا ربينا
22/05/2009, 13:20
ما عمري قدست حدا ولا في حدا بيستاهل التقديس ... في اشخاص بحترمهم بحبهم بس ما بقدسهم ...
وازا كان بقدس حالي...:larg:
..Jimy
22/05/2009, 14:24
زميلي المحترم jimy

سوف أطرح عليك هذ السؤال وأتمنى منك الإجابة.

أيهم أحق با لإحترام الخالق أم المخلوق...؟؟
المحترم عمر الفاروق..
ما بعرف تحديدا شو الاصد من السؤال يعني خليتني متل المعري لما آل:"تحيرت لا أدري صحيح الحقائق أنا خلقت الله ام هو خالقي"

على كل مهما كان الاصد..فانتي لازم تحترم التنين سوا..وبما انو مافي درجات بالاحترام فانتي اما بتحترم او لأ..

فلازم تحترم التنين بالقدر ذاتو :D..
عمر الفاروق
22/05/2009, 14:41
زميلي jimy

هذه مشكلة المواضيع التي يدلس فيها,لا أقول سوى هذا الكلام.
homam85
22/05/2009, 16:21
الابداع مقدس
والمبدع نبي
وطالما تحت الله...بشبر
أو درجة أو ما بعرف شو
فاااااااااااااااااااا وين المشكلة؟؟