اعرف هواية... تحميك [الأرشيـــــف]

sandra

09/05/2009, 02:00

يقول الشاعر الألماني «نيتشه»: «إن الإنسان في وحدته أقرب ما يكون إلى الجنون»، فلو استطاع كل إنسان أن يمارس في حياته الخاصة بعض هذا الجنون العاقل الذي يغسل فيه أحزانه، ويجدد حيويته، ويغرس البهجة في روحه المتجهمة، فهو وبحق يمارس جنوناً مفيداً يعينه على تحمل همومه، ويساعده في أن يخفف من جفاف حياته بغير أن يقترف إثماً أو يرتكب معصية، ولقد كانت لمعظم المشاهير لمحات من هذا الجنون المفيد في حياتهم الخاصة والذي اصطلحنا على تسميته بالهوايات.
فكان العالم أينشتاين يعزف على آلة الكمان الموسيقية عزفاً رديئاً يستمتع به للغاية على رغم نشازه، وإن كان عزفه على البيانو أفضل منه قليلاً، وكان رئيس الوزراء البريطاني العتيد «ونستون تشرشل» يرتدي في عطلة نهاية الأسبوع لباس العمال الأزرق ويطلق عليه بالعامية اسم «العفريتة» ويبني بيديه سوراً من الطوب حول بيته الكبير في الريف الإنكليزي، ثم يزينه بالرسم عليه بالألوان المائية أما الجنرال الديكتاتور الإسباني «فرانكو» فكان يتشاغل عن همومه ومسؤولياته بالرسم من دون أن يمتلك موهبة فنية حقيقية تعينه على الرسم الإبداعي، كما كان الفيلسوف الألماني شوبنهاور يقضي كل يوم مدة نصف ساعة في العزف على آلة الفلوت الموسيقية، وبضع دقائق يومياً في التشاحن مع صاحبة المسكن الذي يقيم فيه، ولا يعتبر يومه قد اكتمل إلا إذا مرّ بهذا الروتين.

كلمة أخيرة: كل واحد منا يحتاج إلى هواية يستعين بها على وحدته، ويتشاغل بها عن مسؤولياته وأحزانه وإحباطاته، ويفرغ فيها شحنة التوتر والقلق التي تتراكم في أعماقه خلال معارك الحياة، ولا بد من وقت للفراغ نحفظه فيحفظنا، حيث نغربل فيه خير ما ندخره من تجارب ومعارف، وليس معناه أنه الوقت الذي نرمي به مع الهباء، ولكن الذي نستقطعه فنملك فيه أنفسنا، بل كم من حلول باغتتنا ونحن نمارس أوقات فراغنا! وفي ذلك يقول أديبنا العقاد: «حبذا قضاء الفراغ كله في ما هو خير، ولكننا لو خيرنا بين الفراغ بخيره وشره وبين ضياع الفراغ كله لاخترنا أهون الشرّين»، وأول ما نحتاج إليه في تكوين هواية ما أن نقتنع بفائدتها وضرورتها بعد حكم نصل إليه عن دراية ويقظة، ثم نجدد العزم على تكرار ممارستها حتى يؤدي التكرار إلى ثباتها وهو ما يحتاج إلى المثابرة، ولكن الأهم من هذا وذاك أن نختار هواية تكون في مستطاعنا معنوياً ومادياً حتى لا تتجاوز طاقتنا، ثم يؤدي عجزنا عنها إلى تركها، وخير الوسائل إلى الانتفاع بفراغنا أن تتعدد اهتماماتنا وأعمالنا ودراساتنا، فلا يكون طريقنا في الحياة منفرداً لا نعرف فيه غير وسيلة واحدة للكسب أو الترويح.
وقالوا: «العادة الحسنة تقينا من العادة السيئة، لأنها تستغرق الوقت والجهد اللذين تحتاج إليهما العادة السيئة» سلامة موسى.

نقلاً عن "الحياة"
بقلم : ثريا الشهيري
21/04/2009

achelious

14/05/2009, 13:57

ولا بد من وقت للفراغ نحفظه فيحفظنا،
هالكلام جدا دقيق, اوقات الفراغ هذه مساحات مفيدة لانسانيتنا .. وضرورية لنضوجنا
مقالة رائعة, شكرا جزيلا:D

sandra

14/05/2009, 23:38

هالكلام جدا دقيق, اوقات الفراغ هذه مساحات مفيدة لانسانيتنا .. وضرورية لنضوجنا
مقالة رائعة, شكرا جزيلا:D
تماماً :D
يعني بتذكر من فترة انضغطت فيها كتير بالشغل والدرس وبوقت الفراغ قضيه بس نوم أو راحة بدون ما اعمل شي .. هالشي فعلاً أثر سلباً عليي ... لوقت ما رجعت لنشاطاتي :gem:

جاد81

15/05/2009, 00:41

Abu ToNi

15/05/2009, 01:26

يا مزمزيل ساندي مزبوط الحكي وانا لاحظت على حالي
وقت فتت على الجامعة تقريبا وقفت اكتر من هواية كانت الي اهما الباسكت :cry:
بس هلق لاقيتلي هواية التدوين العلقان فيها وبصراحة عم حس حالي مرتاح كتير وعم فضي طاقاتي جواتها :gem:

صانك يو مزمزيل :D

sandra

15/05/2009, 13:35

أنا برأيي العقل البشري يحتاح لمساحة للأبداع و تأتي هذه المساحة من الفنون التي يمارسها خارج نطاق عمله و التي تنعكس مباشرة على عمله بالتطور و ظهور الحالة الابداعبة....ة هناك دراسة حاليا عن اكتشاف المصريين القدماء عن أهمية الموضوع ...لذا انتشرت الفنون منذ ذلك العصر كعزف الموسيقا و الرسم و النحت و الرقص والخ...ممارسة الفنون خارج نطاق العمل يحفز العقل على الابداع

تماماً
شكراً عالمداخلة الجديرة بالاهتمام

يا مزمزيل ساندي مزبوط الحكي وانا لاحظت على حالي
وقت فتت على الجامعة تقريبا وقفت اكتر من هواية كانت الي اهما الباسكت :cry:
بس هلق لاقيتلي هواية التدوين العلقان فيها وبصراحة عم حس حالي مرتاح كتير وعم فضي طاقاتي جواتها :gem:

صانك يو مزمزيل :D
مع إني شايفة التدوبن رح يصير مهنتك بس يلا رح نعتبرو هواية :p
هاموش
ارجع للباسكيت ولو :gem:

مغرم سوريا

15/05/2009, 13:57

Abu ToNi

15/05/2009, 15:34

مع إني شايفة التدوبن رح يصير مهنتك بس يلا رح نعتبرو هواية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هاموش
ارجع للباسكيت ولو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كل الحق على حج ياسين اللي علقنا هيدك العلقة :lol:

هاموش : ختيرنا ولو:cry:

zen

15/05/2009, 20:51

كل الحق على حج ياسين اللي علقنا هيدك العلقة :lol:

هاموش : ختيرنا ولو:cry:

يا ناكر المعروف أه ويا ويلي و أأاوف
نيالك حج ياسين
:frown::frown::frown::frown:
منرجعة لسوسة (وينك يا ضرصانة)
هلق المقال كتير حلوو وحقيقي
لانو أنا مثلا لما بعزف ع الغيتار مع اني ما بعرف النوتات لهلاء
بحس حالي أحسن من أحسن جيبسي مان (هدول شيات الغيتار)
فا الهواية للبني ادم شي كتير اساسي ومهم ومانو شي مكمل فقط
هي ضرورية حتي نقدر نقوم بكل الاشياء المطلوية منا خارج اطار الهواية باشغل مثلا
ميرسي سوسة
:D

Abu ToNi

15/05/2009, 20:54

يا ناكر المعروف أه ويا ويلي و أأاوف
نيالك حج ياسين
:frown::frown::frown::frown:
منرجعة لسوسة (وينك يا ضرصانة)
هلق المقال كتير حلوو وحقيقي
لانو أنا مثلا لما بعزف ع الغيتار مع اني ما بعرف النوتات لهلاء
بحس حالي أحسن من أحسن جيبسي مان (هدول شيات الغيتار)
فا الهواية للبني ادم شي كتير اساسي ومهم ومانو شي مكمل فقط
هي ضرورية حتي نقدر نقوم بكل الاشياء المطلوية منا خارج اطار الهواية باشغل مثلا
ميرسي سوسة
:D
بس كتير اوقات بتتحول الهواية لهم للإنسان مع دخولها بنمط الاحتراف
يعني لو كملت بالغيتار وفكرت انك تصير عازف على مستوى محترم بدها تفقد قعدتك هي لذتها وبدك تحس الغيتار مصدر هم اضافي الك

هاموش : صحيح انت اللي عملتلي المدونة :lol:
وانت اللي هلكت سما ربه بالأسئلة :lol:
وانت اللي فوته بستين حيط لحتى اعرف كيف فيني دون
بس بيبقى الحج ياسين هوي اول مين حكى قدامي كلمة (تدوين ومدونة ) :p

sandra

17/05/2009, 00:36

كتير حلو الموضوع وفعلا مافي احلى من انو الواحد يكون عندو موهبة او هواية ويمارسها

انا برأي كل انسان موهوب بشئ معين... سبحان الله كل انسان مميز بشئ شغلة

رغم في البلاين من الناس على وجه الأرض....

واكيد من المفيد الواحد يبتعد عن حياته شوي .. شغله ..رفاقته .. حتى عائلته

وياخد وقت لراحته النفسية

شكرا على الموضوع .. فعلا رائع!

اي بس بتلاقي ناس عندا كومة هوايات وناس هواية وحدة وناس متل حضرتي لسا ما ثبتو على شي مفيد :p
بس بجد بحسد الناس يلي قدرت تنمي مواهبا وهواياتها

يا ناكر المعروف أه ويا ويلي و أأاوف
نيالك حج ياسين
:frown::frown::frown::frown:
منرجعة لسوسة (وينك يا ضرصانة)
هلق المقال كتير حلوو وحقيقي
لانو أنا مثلا لما بعزف ع الغيتار مع اني ما بعرف النوتات لهلاء
بحس حالي أحسن من أحسن جيبسي مان (هدول شيات الغيتار)
فا الهواية للبني ادم شي كتير اساسي ومهم ومانو شي مكمل فقط
هي ضرورية حتي نقدر نقوم بكل الاشياء المطلوية منا خارج اطار الهواية باشغل مثلا
ميرسي سوسة
:D

أنو بتعزف عالغيتار بدون نوتة !! برافو
الحلو بمتل هيك هواية أنها بتخليك تعبر عن مكنوناتك

بس كتير اوقات بتتحول الهواية لهم للإنسان مع دخولها بنمط الاحتراف
يعني لو كملت بالغيتار وفكرت انك تصير عازف على مستوى محترم بدها تفقد قعدتك هي لذتها وبدك تحس الغيتار مصدر هم اضافي الك

اي هو أوقات حسب إذا كانت الهواية بتطعمي خبز ولا لا بيصير الشغل عليها :p ... بس حتى لو ما كتير قدر الواحد ينميها
بيكفي الدور يلي بتلعبو ممارسة الهواية بالترويح عن النفس وتفريغ الشحنات السلبية والتوتر

و :D للكل

butterfly

17/05/2009, 01:19

بس هلق لاقيتلي هواية التدوين العلقان فيها وبصراحة عم حس حالي مرتاح كتير وعم فضي طاقاتي جواتها :gem:

صانك يو مزمزيل :D
الكتابة والرقص ، والكتب
هي من الاشيا اللي بتحافظ ع توازني ..
:gem:

Nay

18/05/2009, 00:58

Nay

18/05/2009, 00:59

:D لساندرا

جاد81

18/05/2009, 02:44

يا أصدقاء قراءة أوضح لهذا المفهوم منشوف انو تواجد اي نوع من الفنون بحياة انسان هو شي محفز و يعطي الراحة النفسية لهذا الأنسان...فمثلا أحد اصدقاء يرتاح نفسيا ً عندما يجلس و يلاعب كلبه لساعتين او ثلاث...

نحن لماذا نبحث عن الراحة النفسية......هنا السؤال ؟؟؟؟

Huzun

18/05/2009, 03:52

القراءة وسماع الموسيقى وأحيانا الرسم .. لولاهم بموت:cry:

sandra

18/05/2009, 14:37

ما بعرف .. احيانا في هوايات بتصير الها قيمة كتير كبيرة بحياة الشخص..
متل الرسم او العزف واحيانا الكتابة او الرياضة.. بتصير هي الهوايات ما عاد تحتمل كلمة هواية بتصير شي اكبر من الهواية ..جزء منك ومن شخصيتك.. وبدونها رح تتغير وما تعود نفس الشخص..

متل ما قلنا حسب الهوايات وحسب الإمكانيات
بعتقد في كتير ناس مثلاً هاويين بالفوتبول مثلا .. بس هون بيجي الحظ بأنهن إما يكملو مع فريق وتصير هالهواية هي مهنتهم أو لا
كمان بيلعب دور إذا كان العمل بالهواية "بيطعمي خبز" وهالشي برأيي بيلعب دور كبير بأنها تتحول لمهنة الشخص
لكن أعتقد لما بتتحول الهواية لمهنة فالإنسان بيصير بحاجة لهواية تانية للترفيه

:D لساندرا
:D

الكتابة والرقص ، والكتب
هي من الاشيا اللي بتحافظ ع توازني ..
:gem:
:lol:

القراءة وسماع الموسيقى وأحيانا الرسم .. لولاهم بموت:cry:
ولووو :cry: ما حدا قال بلاهم
:D
يا أصدقاء قراءة أوضح لهذا المفهوم منشوف انو تواجد اي نوع من الفنون بحياة انسان هو شي محفز و يعطي الراحة النفسية لهذا الأنسان...فمثلا أحد اصدقاء يرتاح نفسيا ً عندما يجلس و يلاعب كلبه لساعتين او ثلاث...

نحن لماذا نبحث عن الراحة النفسية......هنا السؤال ؟؟؟؟

برأيي لأن الإنسان ببحث دائم عن السعادة
:D

wile

18/05/2009, 16:05

الله وكيلكن ما فهمت شي

يعني ليش إخترعو الفلسفة ما باعرف؟؟
شكلي ما رح أعرف لإني كل ما أقعد أقرأ هيك شي ما بفهم شي

xxlarge

18/05/2009, 16:27

«إن الإنسان في وحدته أقرب ما يكون إلى الجنون

سعدو يرحم أصلك انا متغرب من شي خمس سنين وبالخليج كان الي عز وفراغ ليوم الفراغ ورياضه يبى وهوايات صدقيني هادا هوي الوتر الحساس الي ضربتي عليه بس صوتو مش ولا بد

sandra

18/05/2009, 22:57

الله وكيلكن ما فهمت شي

يعني ليش إخترعو الفلسفة ما باعرف؟؟
شكلي ما رح أعرف لإني كل ما أقعد أقرأ هيك شي ما بفهم شي

اخترعو الفلسفة للتفلسف :lol:
فيك تعمل فتلة بالقسم لأن في مواضيع فلسفة وعلم نفس فعلاً مفيدة

«إن الإنسان في وحدته أقرب ما يكون إلى الجنون
سعدو يرحم أصلك انا متغرب من شي خمس سنين وبالخليج كان الي عز وفراغ ليوم الفراغ ورياضه يبى وهوايات صدقيني هادا هوي الوتر الحساس الي ضربتي عليه بس صوتو مش ولا بد

اي اي .. بالحالات يلي بيكون فيها الإنسان لوحدو ضروري يملي وقتو بشي يرفه عنو

:D

yamen_h

19/05/2009, 04:17

بس كتير اوقات بتتحول الهواية لهم للإنسان مع دخولها بنمط الاحتراف
يعني لو كملت بالغيتار وفكرت انك تصير عازف على مستوى محترم بدها تفقد قعدتك هي لذتها وبدك تحس الغيتار مصدر هم اضافي الك

فيني قلك انو معك حق بجزء من الفكرة ... يعني في حال كانت هالهواية هي مصدر رزق هالشخص .. وعم يشتغل فيها ويطالع مصاري ... وما عندو غير مصدر مادي ...

بقلك انو بتتحول لكابوس مقرف ... بيخنقك خنق ...

بس لما بتكون فقط هواية ... وانا بقدر احكي عن هواية مهووس فيها انا ... هي العزف والموسيقى ...
لما بتكون هواية فقط وما عم تكسب من وراها رزقك ... صدقني كل ما مشيت لقدام كل ما علقت اكتر ...

متل المخدرات ... و دخيل رب هيك مخدرات ... :hashish:

صدقني مافي اصدق واعذب من لحن بيطلع معك بلحظة غضب ... بلحظة بكي .. بلحظة حب ..

بتترجم كل احاسيسك من خلال هوايتك ...

عن جديد اكتشفنا بعد التنقيبات داخل اغوار نفسنا ... انو في هواية جديدة ظهرت ... الا وهي التصوير ...
عم بلش اعلق بهالشغلة ترى ... :?

ساندرا لألك احلى وردة ..على هالموضوع :akh:

satoman

19/05/2009, 04:40

سوس والله زمان يابنت خالتي :lol:

يمكن حاليا ماعندي شي محدد لان وقتي مشتت
اكيد رح دور ولاقي شي هوايه عالاقل بتضل احسن من النوم
مقال حلو بشكرك عالنقل

:D

leonardo_dicabreo

19/05/2009, 06:51

كتير حلو هالموضوع , بس عتبك عالبلاقي وقت يعمل شي ! ! . . :cry:

sandra

19/05/2009, 16:06

...

بس لما بتكون فقط هواية ... وانا بقدر احكي عن هواية مهووس فيها انا ... هي العزف والموسيقى ...
لما بتكون هواية فقط وما عم تكسب من وراها رزقك ... صدقني كل ما مشيت لقدام كل ما علقت اكتر ...

متل المخدرات ... و دخيل رب هيك مخدرات ... :hashish:

صدقني مافي اصدق واعذب من لحن بيطلع معك بلحظة غضب ... بلحظة بكي .. بلحظة حب ..

بتترجم كل احاسيسك من خلال هوايتك ...

دخيل رب هيك حشيش :lol:

عن جديد اكتشفنا بعد التنقيبات داخل اغوار نفسنا ... انو في هواية جديدة ظهرت ... الا وهي التصوير ...
عم بلش اعلق بهالشغلة ترى ... :?

اي اعلق اعلق
عم تجيب صور حلوة :lol:
ساندرا لألك احلى وردة ..على هالموضوع :akh:
واحلى :akh:لجاري يمون

سوس والله زمان يابنت خالتي :lol:

يمكن حاليا ماعندي شي محدد لان وقتي مشتت
اكيد رح دور ولاقي شي هوايه عالاقل بتضل احسن من النوم
مقال حلو بشكرك عالنقل

:D
ساتو ابن خالتي بعد زمان :cry:
بدل ما تقضيها نوم روح كمل الموضوع يلي لسا ما خلص بالقسم :p
ونوّرت :D

كتير حلو هالموضوع , بس عتبك عالبلاقي وقت يعمل شي ! ! . . :cry:

اي ولووو ... يلي بيحط شي ببالو إلا ما يلاقي وقت
:D

جاد81

19/05/2009, 16:53

ساندرا شو رأيك بلي عمل الحب هواية ....يعني لأوقات الفراغ و لتحفيز حالو على عشق الحياة

ئولك بيصير يكون الحب هواية

وشم الجمال

20/05/2009, 08:49

ساندرا شو رأيك بلي عمل الحب هواية ....يعني لأوقات الفراغ و لتحفيز حالو على عشق الحياة

ئولك بيصير يكون الحب هواية

الحب اصلا ازا كان صادق فهوي محفز عالحياة وازا كان سبب الحب الاقبال عالحياة فهاد معناه انو عرف هالشخص معنى الحب
بس كلمة هواية مو زابطة يعني بتقلل من قيمة الحب
وازا كان هالحب حقيقي فيه يكون كلشي يكون هوي الحياة اما ازا كان كزبة فما اسرع ما انو يصير سراب

sandra

20/05/2009, 16:02

ساندرا شو رأيك بلي عمل الحب هواية ....يعني لأوقات الفراغ و لتحفيز حالو على عشق الحياة

ئولك بيصير يكون الحب هواية

الحب هو حالة سامية للعواطف الإنسانية ما بعرف كيف ممكن يتم اعتبارو هواية لملء أوقات فراغ
بيصير بهالحالة اسمو تفريغ عاطفي مش أكتر وغالباً بتكون هالحالات مؤقتة وهشة لأنها قائمة على مبدأ "أحسن من بلا"
بالإضافة لأني بوافق سراب على يلي ذكرتو
و :D لكم

firdaous

20/05/2009, 16:09

sandra

22/05/2009, 16:51

:akh:كتييييييير حلو ها الموضوع يا ساندرا لأنو في كتييييير ناس ما بيدرو أهمية ملأ الفراغ بممارسة هواية يفرغون فيها مكبوتاتهم و يمارسون فيها حقهم في الجنون. لأنه مع تقدم هذا العصر كبرت و كثرت الضغوط النفسية

* و شكرا لك :akh::akh::hart:

الحلو بالموضوع إني بعد ما قريتو خلاني عيد حساباتي ورجعت لشي كنت مبتعدة عنو وهو القراءة

هلا فيكي نورتي :akh:

safafita

22/05/2009, 23:18

وقت الفراغ شيء جميل .حاصة ادا استغله الانسان بشيء يحبه و ليس الاكتفاء بمساهدة tv بل بشء مفيد و اكيد كل واحد منا لديه مواهب و ابداعات.:ss:
thanks for all of u

روشكا

26/05/2009, 08:20

وصفة رائعة للانتقال إلى عوالم سحرية تمتع وتفيد وتبعد عن الملل :( برأيي طبعا و يللي بيوافقني يخبرني)

القراءة الواعية العميقة + استماع الموسيقى

طبعا توجهات كل شخص تحدد له طبيعة ما يقرأ وما يختار من موسيقى

روان الصوراني

30/05/2009, 14:27

الموضوع جميل و مفيد