أكثر ما يثير الاشمئزاز هنا هو محاولة السلطة هنا لخلق التاريخ.. لخلق تاريخها المنفصل طبعاً ، محاولةً منها لإثبات اسمها في التاريخ، أو بالأحرى لجعل اسمها غير منسي ، حتى لو كان ذلك عن طريق حرق وإتلاف كتب التاريخ والدلائل التاريخية ، وصولاً إلى هدفهم حتى ولو كان ذلك عن طريق التحريف والحذلقة واللعب على مشاعر الوطنية في تغيير التاريخ لصالحهم، أو على ما يبدو استغلال سلطتهم في هذا الوطن وأصبحت لديّ قناعة تامّة بأنهم على استعداد بالعبث بكل شبر أرضٍ فيها، لإثبات ذاتهم مهما كانت الطُرق.
يمكن السكوت عن أي محاولة تتعلق بتحريف تاريخي لأي شخص ، لأي حادثة ، لأي واقعة ، لأي شيء في هذا العالم. لأن التاريخ ما هو إلا لعبة قذرة ، أو على أقل تقدير فهو كمن يكذب الكذبة ويصدقها بل يضيف عليها دائماً ، أنا لن أتحدث عن أي محاولة لتحريف الوقائع التاريخية المتعلقة بأي كان إن كان ذلك في سوريا أو موزمبيق، او اي دولة أخرى
لكن أن يمس ذلك كياناً كاملاً ، وأرضاً وشعباً ووطناً فهذا شيء مرفوض تماماً . حتى ولو كان عبارة عن تغيير بمقدار سكون .

الآن لعبة التاريخ القذرة تعيد نفسها مع حكاية جديدة في محاولة متكررة للتحوير والتحريف واللعب على وترٍ من الأوتار التي تزيد الاحتقان لدى الشعب، فالحكاية تتكرر لكن على المستوى الثقافي - التاريخي ، يحاولون طمس المعالم الباقية لسوريا.
خلال عملي في جريدة محلية تعنى بالقضايا السورية والمطّلع جيداً على كافة الصحف الرسمية السورية.
سيلاحظ أن اسم سوريا المذكور على الدوام هو -سورية : بالتاء المربوطة- وليس سوريا كما كانت بالأصل ولتوضيح الأمر أكثر كان اسم سوريا يطلق في القديم على جميع المناطق التي تقابل البحر الأبيض المتوسط، من خليج اسكندرون في الشمال حتى شبه جزيرة سيناء في الجنوب ومن جبال طوروس شمالاً إلى نهر الفرات وجنوب العربية شرقاً.
وفي هذه المساحة الكبيرة من الأراضي تلاقت الحضارات وانتعشت البلاد ضامة شعوب شتى مما يمكن قوله أن سوريا الحالية انبعثت من العام 1945 بعد أن تقطعت أوصالها من كيانات جديدة واقتطاع جزء من سوريا الحالية وقبل هذا التاريخ أخذت الأحزاب تنمو وهدفها الأول نيل الاستقلال عن فرنسا، لهذا قسمت الفترات التي مرت على سوريا كالتالي:

الأكاديون من الجزيرة العربية سنة 2500 ق.م
الأموريون سنة 2250 ق.م
حمورابي الرافدي يغزو سوريا ويقاتل مملكة ماري سنة 1700 ق.م
الفراعنة سنة 1490 ق.م في عهد تحوتمس الثالث
الدولة الحثية سنة 1450 - 1200 ق.م
الآراميون 1200 - 742 ق.م
الآشوريون يدخلون دمشق سنة 732 ق.م
مجيء الفرس واحتلال سوريا 538 - 332 ق.م
بدء العهد اليوناني ودخول الاسكندر المقدوني دمشق سنة 323 ق.م
فتح دمشق من قبل الرومان وبدء العهد الروماني سنة 64 ق.م ولقبت دمشق بـ مبروبولس أي حاضرة
بداية العهد البيزنطي سنة 330 - 635 م
الفتح الإسلامي سنة 635 م وتميز بعصوره التالية :
1. العصر الراشدي 635 - 661 م
2. العصر الأموي 661 - 750 م
3. العصر العباسي 750 - 961 م
4. العصر الفاطمي 961 - 1075 م
5. عصر السلاجقة الأناكبة 1075 - 1174 م
6. العهد الأيوبي 1175- 1259 م
7. العهد المملوكي 1259 - 1516 م
8. العهد العثماني 1516 - 1918 م


ما يهم من هذا السرد كله أن تسمية سوريا جائت أولاً من العهد الآشوري وكانت حينذاك تسمى آشوريا، ثم لم يدم ذلك طويلاً كأي كلمةٍ تاريخية فتقلبت مع الزمن إلى أن أصبحت سوريا.
ربما لن تروا أي فرق بين الألف والتاء المربوطة، ولكنني عندما ولدت ولدت في سوريا، ولن أستطيع التأقلم مع أي اسم آخر كما ذكرت سابقاً حتى ولو كان بمقدار تغيير "سكون".

هنا التساؤل الذي يثير الاشمئزاز والقرف ، بأي حقٍ يصدر قرار يتم تعميمه على كافة المطبوعات والصحف والوسائل الإعلامية باعتماد التاء المربوطة بدلاً من الألف ومخالفة ذلك تعرض الوسيلة الإعلامية للإغلاق لمدة تتراوح بين 45 يوماً إلى ثلاثة أشهر مع غرامة ماليّة.

عذراً يا أسد ، إن أردت الخلودَ لكّ ذلك ، لكن هناك فرق بين أن تُخلد ذكراك مع كل مدحٍ وحمد ... وبين أن تخلد ذكراك مع كلِّ ذمٍّ وسب !

الموضوع هذا مجرد استبيان حول أحقية الرئيس المذكور بالتغيير في معالم وطن ، هو وطني ويمسّني شخصياً وعلى الأغلب يمس الملايين من الشعب .. بالإضافة إلى البحث عن إجابة حول ما سيعمل من فرق إن غيرّو حرفاً في اسم الدولة
وليس للمهاترات والمجادلات حول شخصية الرئيس.

وشكراً

:akh:

بظن بعد هالسرد التاريخي محدا رح يقدر يغير الاسم ولو تم تعميمو على كافة دول العالم
طالما في تاريخ للاسم فما بظن بيوم وليلة يجي حدا .. اي حدا.. يغير الاسم .. ولو تغير بالمطبوعات
بس رح يبقى الاسم - سوريا- هو الاسم اللي محفور بقلوب السوريين وعقولن

يعني أحمد بدي اسألك سؤال بشو رح يفيد الأسد هالتغيير وليش ليعملوا معقولة منشان ينحفظ اسمو بالتاريخ بظن مانو بحاجة لهيك تغيير ليدخل التاريخ لانو دخلو بمجرد جلوسو عكرسي الرئاسة ... هلئ انا معك انو مالازم يتغير شي بالاسم بالعكس لازم نطلب تصحيحو ... وانشالله بدي اعمل بحبشة عن هالموضوع لانو عنجد مهم ...

ابو حميد حبيب قلبي

يا سيدي سموها سوريا او سورية كلاهما جميل وكل اسم اجمل من الثاني

سلام ابو حميد ...
طيب اكيد ممنوع حدا يغير باسم هالوطن هي واحد ...
بعدين ياريت تاكدلنا بشي مصدر صحة هالكلام او شي تاني ..
لان للاسف دورت لهالكلمة بكل المراسيم التشريعية والقرارات وبكالات الانباء وما لقيت شي ..
بقى جبلنا الخبر ...
عفوا يااما قصدك رئيس الصحيفة او هوي قالكن هيك حابب يتفهمن ..

هلأ ع حسب ما دريت .. مدري من اي مصدر ... ما عاد ازكر .. يمكن بالمدرسة او بالتلفزيون ....
انو سوريا بالالف .. كتبت هيك لأنو لفظ اعجمي (يعني مو عربي)
قاموا تفهمنوا كم زلمة من الجهابذة شيت اللغة العربية ... وقالوا انو لازم تنكتب (سورية) بالتاء المربوطة منشان تصير الكلمة ... كلمة عربية :?
انو ما بعرف كيف زبطت معهن وكيف طلعت الفكرة براسهن .. بس طلعت ! :pos:
بالنسبة الي .. بصراحة ما اهتميت كيف بتنكتب ... بس انو ما زال انا عم اقراها سوريا .. فهيي رح تضل سورية ... لو شو ما عدلوا باسمها:pos:
وتحيا سوريا رفيق :D

شو مابدن يكتبوها .....
يتبقى سوريا محفورة بقلوبنا ....

سوريا.. اشوريا.. اسيريا..
نسبة للأشوريين.. وهو الاحتمال الاقرب للصحة.. وبتنكت بالالف..:larg:

كمان احتمال تاني انو الهنداوربيين لما اجو عسوريا اعجبو بخصوبة ارضها وبشمسها الدافية.. وسموها سوريا اي لشمس باللغلة السنسكريتية.. (ويلي عندو قاموس سنسكريتي-عربي فيه يشوفها).. وكمان بتنكتب بالالف :larg:..


سامان بالنسبي للتعريب..فهوي غير موفق ابدا:pos:..
لأن سورية بنقرأها نحنا عداة مشددي عالياء..عكس سوريا..
مثلا برنامج حكاية سورية.. حسب التعريب يمكن اقرئها بطريقتين..
اما حكاية سوريّة( حكاية ذات طابع سوري)..أو..حكاية سوريا (حكاية بتدور عن سوريا)..

ويعني المفروض التعريب يسهل علينا التواصل وايصال الفكرة.. مو يصعبو :frown:..


وبتضل ورح تضل سوريا هيي سوريا :D..

هلأ ع حسب ما دريت .. مدري من اي مصدر ... ما عاد ازكر .. يمكن بالمدرسة او بالتلفزيون ....
انو سوريا بالالف .. كتبت هيك لأنو لفظ اعجمي (يعني مو عربي)
قاموا تفهمنوا كم زلمة من الجهابذة شيت اللغة العربية ... وقالوا انو لازم تنكتب (سورية) بالتاء المربوطة منشان تصير الكلمة ... كلمة عربية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
انو ما بعرف كيف زبطت معهن وكيف طلعت الفكرة براسهن .. بس طلعت ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بالنسبة الي .. بصراحة ما اهتميت كيف بتنكتب ... بس انو ما زال انا عم اقراها سوريا .. فهيي رح تضل سورية ... لو شو ما عدلوا باسمها////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وتحيا سوريا رفيق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة

سوريا هوي الاسم الاصلي اللي كان متعارف عليه قبل حكم البعث.. بعدين تم تسمية سوريا الجمهورية العربية السورية وبذلك تم تحويل الاسم الى سورية..
مشان هيك في انطباع انو اللي بيستخدم اسم سوريا مو معترف بتسمية الجمهورية العربية السورية ومو معترف بتبعات هيدي التسمية

برأيي الشخصي البسيط :

تم التعديل الى سورية لتثبيت حالة وجود لفظ الالف عن طريق كتابة التاءوهكذا بيلتزم الكاتب انو يكتب اللفظ بكتابة كل الاحرف

رح وضح بمثال :
هللق وقت بنقرا سوريا فيلفظ اخر حرف باللغة العربية على انه فتحة لوجود قواعد التشكيل عا عكس بقية اللغات
اذا يمكننا استبداله بالفتحة
يصبح كتابةً...... سوريَّ
اما لفظا.......... سوريا ولا يختلف اي شيئ

لهيك عند تثبيت كتابة الاسم بالتاء المربوطة وهي باللغة العربية اقوى مكانة من الف بأخر الكلمة
سيتم تأكيد ان الفتح بالاخير هي حرف وليس فتحة فقط
وما يؤكد هالشي هو عند استخدام الكلمة سوريا باي موقع اخر كصفة . مضاف . اعرابي او شعري ستتحول الالف تلقائيا الى تاء

لهيك بيكون نية تغيير الاسم حماية له من التغيير عبر الزمن كما تغير الاسم الاصلي من اشوريا الى اسوريا ثم سوريا والأن سورية

بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة

وانا بتذكر هالشي تماما وبتذكر انو هنني كمان درسونا تاريخ سوريا بالكامل بدون تغيير
بقى لو عابالهون يغيرو شي لغيروه وقت كنا لسا بعمر نتقبل كلشي

يرجى توخي الحذر برمي الاتهامات جزافا فقط لانو خطرت عابالنا وما عنا شي يثبت صحة او عدم صحة نية الحكومة بهالشي

وبرجع بأكد عا اهمية المصادر

تحية

بظن بعد هالسرد التاريخي محدا رح يقدر يغير الاسم ولو تم تعميمو على كافة دول العالم
طالما في تاريخ للاسم فما بظن بيوم وليلة يجي حدا .. اي حدا.. يغير الاسم .. ولو تغير بالمطبوعات
بس رح يبقى الاسم - سوريا- هو الاسم اللي محفور بقلوب السوريين وعقولن

صديقي أبو سليمان
هالسرد التاريخي ما كان الا لتذكر ما تبقى من الماضي
والتاريخ ما هوي الا عبارة عن شوية مطبوعات
برأيك سنة او تنين او تلاتة او عشرة .. والاجيال اللي بعدنا وبعدن وبعد بعدهن ...
حرف هالـ ألف رح يبقى محفور بذاكرتي وبذاكرتك .. وبذاكرة كتير ... بس شو بيضمنلك انو الي بعدنا رح يبقى يعترف بـ سوريا القديمة .. سوريا اللي بالألف مو بالتاء المربوطة ؟

يعني أحمد بدي اسألك سؤال بشو رح يفيد الأسد هالتغيير وليش ليعملوا معقولة منشان ينحفظ اسمو بالتاريخ بظن مانو بحاجة لهيك تغيير ليدخل التاريخ لانو دخلو بمجرد جلوسو عكرسي الرئاسة ... هلئ انا معك انو مالازم يتغير شي بالاسم بالعكس لازم نطلب تصحيحو ... وانشالله بدي اعمل بحبشة عن هالموضوع لانو عنجد مهم ...

مرحبا جار ..
خيو ببساطة السؤال الأول بسطرك الأول ما بقدرر أنا جاوبك عليه ، في جهات يفترض انها معنية تجاوب عن هالسؤال هالجهات ذاتها اللي وضعت هالتعميم هاد عالمطبوعات .. هية الي لازم تجاوب عليه، ما بعرف كيف ممكن يتم اتباع هيك طريق لتخليد الاسم بالتاريخ بس بعارضك بفكرة مجرد جلوس شخص ما عالكرسي بيخلد اسمو بالتاريخ لا ابداً يا صديقي، التخليد بيصير بأعمال هالشخص هاد عالكرسي ، مو بالثقل اللي رماه عالكرسي بيخلد اسمو ...
عميل بحبشة يا سيدي وشو بيطلع معك ابقى خبرنا .. لانو انا نفسي اعرف المبرر علّه يكون مبرر مقنع ويخليني اندم انو حكيت بهالطريقة

سلام ابو حميد ...
طيب اكيد ممنوع حدا يغير باسم هالوطن هي واحد ...
بعدين ياريت تاكدلنا بشي مصدر صحة هالكلام او شي تاني ..
لان للاسف دورت لهالكلمة بكل المراسيم التشريعية والقرارات وبكالات الانباء وما لقيت شي ..
بقى جبلنا الخبر ...
عفوا يااما قصدك رئيس الصحيفة او هوي قالكن هيك حابب يتفهمن ..

اهلين حج ...
بدايةً مبروك خسارة الريال :lol:

مشان مصدر هالشي اللي عمقولو في قانون المطبوعات وهاد كلو متواجد ... لكن ضمن قانون المطبوعات الي بيتم توزيعه هوي السياسة الداخلية لقانون المطبوعات هاد ما كل العالم بتقدر تحصل عليه .. لكن اذا سنحتلي الفرصة وقدرت الطشو من الجريدة بصوره وبحط صورة عنو هون .. هاد المصدر الوحيد اللي ممكن قدمو ..

يعني فيك تقول هالسياسة الداخلية لقانون المطبوعات متل الأنظمة العامة بالجيش او بالنظام العسكري لكن ما الكل على اطلاع بالقوانين الداخلية ضمن المنظومات العسكرية أو الأمنية بسوريا .. وهاد تقريباً صاير نفس الشي.

بس منحاول :D

ويعني المفروض التعريب يسهل علينا التواصل وايصال الفكرة.. مو يصعبو :frown:..


وبتضل ورح تضل سوريا هيي سوريا :D..


هاي النقطة الثانوية اللي بقدر احكي فيها ، كلمة سورية بتدخلنا بمتاهات كتير ببينما كلمة سوريا بتثبت انو مجرد اسم ليس له احتمال آخر إلا احتمال سورياً .. مثلاً متل جملة "سيبقى الجولان سورياً" وأظنها واضحة كفاية لكن كلمة سورية بتدخلنا بعشرات الاحتمالات والمتاهات وتزبط كاسم وك صفة و ك فعل و ك تأنيث لاسم ما ... الخ

* امير ما رح رد عليك لانه رد جيمي كان كافي بالشرح التبسيطي ..

بالمدرسة لما الالف الممدودة والمقصورة كانوا يصرعونا بايطاليا لزم تصير ايطالية او تركية او فرنسة

يمكن ما فهمت عليك زيادة ... قصدك الألفة الممدودة والتاء المربوطة ..

مع اني ما بتذكر تماماً هالتفصيل ... بس يمكن قصدك انو الاسماء الاعجمية متل تركيا وايطاليا وفرنسا .. يصيرو بالتاء المربوطة لأعجميتهن ؟
طيب ما هيك عجّمو سوريا بإضافة التاء المربوطة .. أظنها غير مقنعة بالمرة ازا كانت هي الوسيلة .. بالعكس غلط كبير كان ..

سوريا هوي الاسم الاصلي اللي كان متعارف عليه قبل حكم البعث.. بعدين تم تسمية سوريا الجمهورية العربية السورية وبذلك تم تحويل الاسم الى سورية..
مشان هيك في انطباع انو اللي بيستخدم اسم سوريا مو معترف بتسمية الجمهورية العربية السورية ومو معترف بتبعات هيدي التسمية

كمان منطقية .... لكن لما تم إطلاق كلمة السوريّة فهنن اضطرو لهالشي على اعتبار انو الجمهورية مؤنث والعربية مؤنث بالتالي سوريا لازم تتأنث ، فيني قول الجمهورية السورية ... والأرض السورية .. لكن بنفس الوقت مافيني قول شعب سورية أو جبل سورية ... أو أو أو الخ ..

+

يمكن بيقصدو فيها اللي مو معترف بتسمية سورية .. غير معترف بتسمية الحزب واللي هوي من اساسات اي حزب الاسم .. بالتالي غير معترف بالحزب أو لا يؤمن به

كمان انها معقولة .. لكن بنفس الوقت حركة غبية جداً بتأنيث اسم وقت الضرورة والاستمرار بتأنيثه حتى بالرجوع لصيغة المذكر !

برأيي الشخصي البسيط :

تم التعديل الى سورية لتثبيت حالة وجود لفظ الالف عن طريق كتابة التاءوهكذا بيلتزم الكاتب انو يكتب اللفظ بكتابة كل الاحرف

رح وضح بمثال :
هللق وقت بنقرا سوريا فيلفظ اخر حرف باللغة العربية على انه فتحة لوجود قواعد التشكيل عا عكس بقية اللغات
اذا يمكننا استبداله بالفتحة
يصبح كتابةً...... سوريَّ
اما لفظا.......... سوريا ولا يختلف اي شيئ

لهيك عند تثبيت كتابة الاسم بالتاء المربوطة وهي باللغة العربية اقوى مكانة من الف بأخر الكلمة
سيتم تأكيد ان الفتح بالاخير هي حرف وليس فتحة فقط
وما يؤكد هالشي هو عند استخدام الكلمة سوريا باي موقع اخر كصفة . مضاف . اعرابي او شعري ستتحول الالف تلقائيا الى تاء

لهيك بيكون نية تغيير الاسم حماية له من التغيير عبر الزمن كما تغير الاسم الاصلي من اشوريا الى اسوريا ثم سوريا والأن سورية



صديقي كافة قواعد اللغة العربية ما بتقدر تُجبر التاريخ يتخذ "سورية" كـ تسمية
لأنه بالأصل كلمة سوريا ليست عربية ولم توجه للعرب لأنه بهداك الوقت ما كان في شيء بهديك المنطقة اسمه عرب أو لغة عربية وبالتالي اللغة العربية ليس لها اي حق أو " موانة " انها تتلاعب باسم وطن كامل كرمال يوافق غاياتها ولو كان هالشيء لازم يتحقق كان لازم يتحقق من أول ما أوجدت اللغة العربية وليس الآن ، بس عفواً منك بآخر جملة الك فيما يخص الحماية ... لنفترض كان اسمها آشورية ... كان رح تضل محمية من التغير لـ آسورية ومن ثم سورية فقط لوجود التاء المربوطة ؟ :lol:

وانا بتذكر هالشي تماما وبتذكر انو هنني كمان درسونا تاريخ سوريا بالكامل بدون تغيير
بقى لو عابالهون يغيرو شي لغيروه وقت كنا لسا بعمر نتقبل كلشي

يرجى توخي الحذر برمي الاتهامات جزافا فقط لانو خطرت عابالنا وما عنا شي يثبت صحة او عدم صحة نية الحكومة بهالشي

وبرجع بأكد عا اهمية المصادر

تحية

فيما يخص المصدر .... أكبر مصدر فيك تراجعه :

الثورة - تشرين - البعث - الوطن - بلدنا .. كلها صحف سورية اجتماعية سياسية فيك تراجع كل صفحة فيها لتشوف اذا مذكور اسم غير "سورية" .. وقتها تقلي التأكيد عالمصدر، المصدر هوي عينك .. والمصدر هوي التاريخ الي عمينبنى حالياً .. وبالتالي طالما الشيء واضح مافيني اعتبرو اتهام جزافاً بل مافيني اعتبرو الا مواجهة بحقيقة لا أكثر ولا أقل

ومية :D

* امير ما رح رد عليك لانه رد جيمي كان كافي بالشرح التبسيطي ..



يمكن ما فهمت عليك زيادة ... قصدك الألفة الممدودة والتاء المربوطة ..

مع اني ما بتذكر تماماً هالتفصيل ... بس يمكن قصدك انو الاسماء الاعجمية متل تركيا وايطاليا وفرنسا .. يصيرو بالتاء المربوطة لأعجميتهن ؟
طيب ما هيك عجّمو سوريا بإضافة التاء المربوطة .. أظنها غير مقنعة بالمرة ازا كانت هي الوسيلة .. بالعكس غلط كبير كان ..


لأ مو هيك قصدو ...
ولا هيك قصدي .. القصد انو كتابة "سوريا" هيك بالالف الممدودة يلي ورا الياء .. غير صحيحة قواعدياً باللغة العربية ... لأ "سوريا" بهالطريقة اسم اعجمي...
ولما ساووا الاسم " سورية" بيقصدوا فيها التعريب .. اضافة ليمحوا صفة الاسم الاعجمي عن "سوريا" فا صارت "سورية" ..وليثبتوا العروةب المفترضة ل"سوريا"...
يعني فينا نطرح مثال تاني عملوا نفس الشي تقريباً
"موريتانيا" و "موريتانية" ..كمان لنفس الاسباب تحولت الكلمة ... منشان يثبتوا عروبة "موريتانيا" المفترضة كمان ... ومنشان تصير صحيحة قواعدياً ضمن اللغة العربية

ومرة تانية .....
تحيا سوريا :D

يا حبيب بالأصل ما كان العالم العربي كل هل قد مقسم مشان هيك كانت أسمائه أقل
يعني كانت سورية/ا والأردن وفلسطين ولبنان إسمهن الشام فلما إجا الإستعمار وقسم الدول العربية صار كل دولة بدها تدور على إسم يعني إضطرينا نستخدم أسماء من التاريخ الي تقريبا منسي
فصراحة ما فيك تقول في شي إسم دولة عربية له شي قدسية لأنه مو هي أسماء دولنا الحقيقية
وبعدين مشان التأنيث السعودية إسم مؤنث ومع هيك السعوديين عايشين وما أحلاهن وبالآخر الشغلة لها علاقة بقواعد اللغة العربية

وسلاااااااااااااااااااااا ااااااااااااااااااااااااا م

و الله بصراحة انا بكتب سوريا بالألف الممدودة من ايام الحضانة

بس برأيي سوريا فكرة من آلاف السنين...ما بيقدر أحد يلعب فيها او يغيرها

:D لحسك الوطني......:hart: حبيتك لهل التفصيل الدقيق

صديقي أبو سليمان
هالسرد التاريخي ما كان الا لتذكر ما تبقى من الماضي
والتاريخ ما هوي الا عبارة عن شوية مطبوعات
برأيك سنة او تنين او تلاتة او عشرة .. والاجيال اللي بعدنا وبعدن وبعد بعدهن ...
حرف هالـ ألف رح يبقى محفور بذاكرتي وبذاكرتك .. وبذاكرة كتير ... بس شو بيضمنلك انو الي بعدنا رح يبقى يعترف بـ سوريا القديمة .. سوريا اللي بالألف مو بالتاء المربوطة ؟

صديقي ..
أنا معك بأنو التاريخ شوية مطبوعات .. وكمان طبعوها شوية عالم ليصدقوا
بس في أمور بتبقى ثابتة بالدنيا لما يكون في حدا عم يدافع عنها .. او على اقل تقدير يبقى عم يذكر فيها
هاد القرار رح ينكتب بالتاريخ وبمجرد كتابتو بالتاريخ هاد بيعني انو رح تبقى الكلمة الاصل مذكورة
وبيقى علينا انو نبقى نذكر ولادنا ليذكرو ولادهن ..

تحياتي إلك ..:D

سووريااااا يعني سوريااا
واكيد ماحدا راح يقدر يغيرهاا
بس انا لهلاء ما فهمت شو الاستفادة من هالتغير ؟؟؟

هلأ يعني هي بيني وبينك انو بصراحة ممكن الواحد يشوف القصة بسيطة انو تاء مربوطة ولا الف
بس هي شوي مشكلة يعني فيا شوية لت .. بعيدا عن الجانب السياسي هلأ لما بجي واحد يكتب كلمة سوريا انو يا اخي متعودين نكتبا بالالف وطبيعي (طبعا الحكي عبحكي عني ) بس انو يا اخي بالفترة الاخيرة الواحد لو ينتبه شوي ع الموضوع انو اي كلمة بينزكر فيا سوريا بالتلفزيون او بشي رسمي بيكتبوا بهالشكل (سورية)
وبصراحة انا مابخفيك انو صرت اكتبا بهالطريقة .. بسبب انو شكيت بحالي قلت اكيد في غلط .. من عندي
بس انو بصراحة اول مرة بعرف انو القصة يمكن يكون الا ابعاد اكتر من هيك .. هلأ احمد انو يمكن في شوية تهويل عندك بالموضوع ومايكون القصد من هالشي لهالدرجة .. بس كمان كلامك فيو شوي من الصحة ..

بس ع كلن ان كانت بالتاء ولا بالف .. فاغلب هالناس ان كتبتا هيك ولا هيك مارح تعرف هالقصد من وراها

معناها لازم التحقيق بكتابة فرنسا - فرنسة
هولندا - هولندة

الله يعطيك العافية اخي
على كل حال اثارتك للموضوع بمكانها لأنو في كتير شغلات صغيرة او نحن مفكرينا صغيرة مع الزمن بتغيير كتير شغلات وعلى هالاساس اذا ما عندك مشكلة حابب قلك انو التواريخ يلي حطيتا انت متأكد منا؟؟؟ مع انو مو هيي الموضوع الاساسي بس متل ما قلتلك حتى ما ناخد الاشياء الخطأ ونبلش نستعملها على اساس انو هاي حقائق
وشكرا كتير الك

ببساطة إن إطلاق الإسم سورية بالتاء المربوطة ينافي أبسط قواعد علم اللغة العربية
لأن الأسماء الأجنية تمد بالأف الطويلة وسوريا أسم ليس عربي لذلك فإن إطلاق الأسم سورية بالتاء المربوطة مضاد لقواعد اللغة العربية دون أن نجادل السبب من وراء تغيير التسمية ...
وربما لأجل الأيديولوجية العروبية ...
تحياتي الحارة
ظل جيفارا