ابتسم للعدسة [الأرشيـــــف]

Abu ToNi

08/05/2009, 01:03

مع تقدم التكنولوجيا وانتشار عدسات التصور بشكل هستيري ، وبشكل متناسب مع سهولة امتلاك عدسة تصوير " كاميرا منفصلة او حتى كاميرا تبع الموبايل " صار من المحتل يكون كل واحد فينا هدف للعدسات في الأماكن العامة

شو ممكن تعمل وقت بتلاقي حدا عم يصورك ؟
بتدايق ؟ ولا بتتعامل مع الوضع بشكل عادي ؟
ممكن تهجم على الشخص اللي عم يصورك ولا بتعتبرها نقطة ما بحقلك تدخل فيها ؟

سمعونا رأيكن :larg:

robo

08/05/2009, 01:39

بقيم الموقف ...

ممكن اضربوا
وممكن اسامحها و اعملها سمايل
وممكن اكسرلوا الكاميرا
وممكن احكيلها ... واو .... شو هالكاميرا الحلوة ...
يعني حسب كيف الامور بتكون ميدانيا ...:lol:

almurtaja

08/05/2009, 01:51

عادي بتكون وحدة معجبة فيني لهيك مابعمل شي وبعطيها ابتسامة :ss:

أما اذا كان معي بنت فأكيد مارح اسمح لحدا يصور كرمال البنت اللي معي طبعا:larg: هي اذا كنا بمكان عام أما اذا كنا بحفلة أو سهرة وئتا بتكون ضايعة الطاسة لانو كلو بصور كلو :yahoo:

موضوع جميل ابو طوني مشكور :D

Abu ToNi

08/05/2009, 01:57

بقيم الموقف ...

ممكن اضربوا
وممكن اسامحها و اعملها سمايل
وممكن اكسرلوا الكاميرا
وممكن احكيلها ... واو .... شو هالكاميرا الحلوة ...
يعني حسب كيف الامور بتكون ميدانيا ...:lol:
يعني موقفك بيتحدد بحسب جنس الشخص الحامل الكاميرا

طب عندي سؤال بعيد عن جنس المصور
بتفرق معك اذا كان الشخص هاوي او محترف ؟

..AHMAD

08/05/2009, 02:00

بتفرق معك اذا كان الشخص هاوي او محترف ؟

انا بالذات مافيني احكي بهاد الموضوع باعتباري من المصورين لي اكلين قتل لمفرقين :lol:

بس فيني عدلك صياغة السؤال / بتفرق معك اذا كان هالشخص مصور صحفي ، أو مصور منتسب لجمعية او اتحاد ما .. او كان هالشخص بيصور لمجرد التصوير بغض النظر ان كان نيتو عاطلة او حابب يصور للاحتفاظ باعماله :larg:

Abu ToNi

08/05/2009, 02:02

عادي بتكون وحدة معجبة فيني لهيك مابعمل شي وبعطيها ابتسامة :ss:

أما اذا كان معي بنت فأكيد مارح اسمح لحدا يصور كرمال البنت اللي معي طبعا:larg: هي اذا كنا بمكان عام أما اذا كنا بحفلة أو سهرة وئتا بتكون ضايعة الطاسة لانو كلو بصور كلو :yahoo:

موضوع جميل ابو طوني مشكور :D
ما ناوي نفوت بتفاصيل معي بنت او لا
لأن بيئتنا الشرقية عندا بروتوكولات مسبقة نحو الموضوع .. خلينا نحل المشاكل اللي عم بين المارة والشب الماشي مع البنت نتيجة ( التطليعة ) حتى نقدر نفتح ملف البنات والذكورية ويا باطل :lol:

خلينا عندك انت .. انه انت كـ " مرتجى " شو بتحس وقت بتلاحظ ان حدا عم يصورك
بتحس ان خصوصيتك عم تنتهك ؟ ولا بتعتبر ان الشخص القدامك عنده هواية تصوير وعم يمارس هوايته مثلا .

ويا هلا :D

Abu ToNi

08/05/2009, 02:11

انا بالذات مافيني احكي بهاد الموضوع باعتباري من المصورين لي اكلين قتل لمفرقين :lol:

بس فيني عدلك صياغة السؤال / بتفرق معك اذا كان هالشخص مصور صحفي ، أو مصور منتسب لجمعية او اتحاد ما .. او كان هالشخص بيصور لمجرد التصوير بغض النظر ان كان نيتو عاطلة او حابب يصور للاحتفاظ باعماله :larg:
والله يا حميدوش مافي غيرك حاسس بوجعي :lol:

بتتذكر حديثنا عن الموضوع وكيف رفيقك آكل قتل كتير من هلموضوع

لسعته عم يفتل براسي .. ولهلق ما صار عندي الجرأة لأرفع عدستي بوج العالم نتيجة هلفكرة :sick:

..AHMAD

08/05/2009, 02:15

والله يا حميدوش مافي غيرك حاسس بوجعي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتتذكر حديثنا عن الموضوع وكيف رفيقك آكل قتل كتير من هلموضوع

لسعته عم يفتل براسي .. ولهلق ما صار عندي الجرأة لأرفع عدستي بوج العالم نتيجة هلفكرة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي غابي .. انا اللي بتذكر ... حتى اني لحقتو بشي كم بدن بعد ما شفناك اخر مرة

المهم هون الوجع بالنسبة النا كـ مصورين ، العدسة ... صاير اعتبارها متل االلبس القصير للبنت مثلاً بمجتمعنا

وللتوضيح انا ما عمانتقد اللبس القصير .. ما عندي مشكلة باي شي انا ...
لكن طالما الشعب عندو النسبة الغالبة من البنت الي بتلبس قصير = عاهرة
هالشي صار تماماً بالنسبة للعدسة ... كل مصور = فضائح او نية عاطلة
رغماً انو مو كل العاهرات بيلبسو قصير :)
ومش كل فضيحة أيضاً بحاجة للعدسة ..

وهاكزا ... تتناثر الأوجاع هون وهنيك

Abu ToNi

08/05/2009, 02:27

بس المشكلة بأن العاهرة فينك تميزها من تصرفاتا او من طريقة مشيتها ( ترا انت اللي فتحت قصة العاهرات انا مالي علاقة :lol: )
بس المصور والعدسة كيف بتم تمييزن ؟
بعدين السؤال .. الانسان هاد لو عرف بان ما عندي نية عاطلة وقت عما صوره .. واهتمامي مو فيه بقد اهتمامي بالمشهد اللي عم انقله بعدستي .. بدها تفرق معه القصة ؟

almurtaja

08/05/2009, 02:32

ما ناوي نفوت بتفاصيل معي بنت او لا
لأن بيئتنا الشرقية عندا بروتوكولات مسبقة نحو الموضوع .. خلينا نحل المشاكل اللي عم بين المارة والشب الماشي مع البنت نتيجة ( التطليعة ) حتى نقدر نفتح ملف البنات والذكورية ويا باطل :lol:

خلينا عندك انت .. انه انت كـ " مرتجى " شو بتحس وقت بتلاحظ ان حدا عم يصورك
بتحس ان خصوصيتك عم تنتهك ؟ ولا بتعتبر ان الشخص القدامك عنده هواية تصوير وعم يمارس هوايته مثلا .

ويا هلا :D

أول شي بقيم الموقف اذا حسيت الشغلة فيها اهانة ممكن اعمل كلشي :jakoush: بس كحالة عادية اذا كان هاوي أو محترف ماعندي مشكلة أبدا واذا لزمو مساعدة بساعدو كمان :larg:

باشق مجروح

08/05/2009, 02:34

الست الوالدة تبع حضرتنا كانت من الناس الي ساهمت بضرب احد المتطفلين :p .
انا بشوف انو التصوير الصحفي والتلفزيوني مقبول مرات نوعاً ما . بس انو حدا يجي من الباب للطاقة يصور بالناس بتصور هاد اعتداء ع الخصوصية :pos:.
فيك تصور مكان عام / طبيعة / مبنى / شارع / .
بس انك توقف قبال شخص وتصورو بدون اذنو فهالشي فيو كتير غلاظة . وانا من موقعي برفضو . و من عندي احمد وابو طوني بتستاهلو الضرب .:lol:

ritka

08/05/2009, 02:40

الست الوالدة تبع حضرتنا كانت من الناس الي ساهمت بضرب احد المتطفلين :p .

انا بشوف انو التصوير الصحفي والتلفزيوني مقبول مرات نوعاً ما . بس انو حدا يجي من الباب للطاقة يصور بالناس بتصور هاد اعتداء ع الخصوصية :pos:.
فيك تصور مكان عام / طبيعة / مبنى / شارع / .
بس انك توقف قبال شخص وتصورو بدون اذنو فهالشي فيو كتير غلاظة . وانا من موقعي برفضو . و من عندي احمد وابو طوني بتستاهلو الضرب .:lol:

هلا من جهة فيها غلاظة ....يعني بيني و بينك فيها :p

بس انو احيانا بتكون بدك تصور مشان المشهد اللي خلقو هالبني ادم
يعني بيصير جزء لا يتجزء من المشهد ما فيك تحذفو باي شكل
احيانا تانية بيكون العكس...
بس ازا صار وكنت خالقة مشهد بهالشارع يستحق التصوير :larg:
ايه بتصور ....:ss:

أإأبو العبد

08/05/2009, 03:37

حسب شو الوضع الي عمبتصور فيه
يعني مثلا لما كون هيك مزبط حالي وهيك فعادي ماعندي مشطلة
اما مثلا لما كون هيك مبهدل وقتا بقرف عيشتو
او مثلا كنت بوضع حساس فوقتا بخفي عن وجه الارض
ومابيهم هالمصور شو انكان صحفي او لا

توم و جيري

08/05/2009, 04:20

بنظر الو نظرة استخفاف بزبلو يعني وبيعرف اني قللت من قيمتو ...
خالصين ...

عبر المحيط

08/05/2009, 04:33

هي الشغلة فيها شكوك وريبة

يعني واحد عمال يصورني وانا في الشارع شوووو اللي عاجبة فيني حتى ولو كان سائح او غريب
ما صورني الا في شغله عاجبته فيني او مخلوق غريب بالنسبة له وكلاهما تنرفز وخصوصا كاميرا الجوال لانها فضيحة بجلاجل....مين جلاجل دي؟:? حد يعرف جلاجل دي طلعه منين؟؟

leonardo_dicabreo

08/05/2009, 09:11

مافي عندي مشكله بنوب ! !

ما بهم لا الجنس ولا الشخص ذاته ! ! :?

بس ألا ما يكون فيها شك , ليه انا :shock:, وهيك شغلات ؟ ؟ ! !

nour333

08/05/2009, 09:32

شو ممكن تعمل وقت بتلاقي حدا عم يصورك ؟
بتدايق ؟ ولا بتتعامل مع الوضع بشكل عادي ؟
ممكن تهجم على الشخص اللي عم يصورك ولا بتعتبرها نقطة ما بحقلك تدخل فيها ؟

سمعونا رأيكن :larg:
هلا بالنسبه الي ما بحب كتير اتصور حتى مع العيلة بهرب من التصوير اما ازا الواحد كان بشي مكان واجا حدا نغش بدو يصور طبعا شغلة مزعجة لأنها تعدي على الخصوصية
بس اكتر شي بشوفها مزعجة هالظاهرة بالاعراس بتلاقي نص المعازيم ماسكين كاميرات الموبايل وهات يا تصوير وازا بهمك بقلك شغلة مزعجة من ناحية ازا العرس غير مختلط وفي بنات متحجبات مصيبه وفي مرات اخوات او امهات بيستخدمو هالشي ازا الهن اخ او ابن بدو يتزوج بروحو بصورو وبرجعو بعطوه وهو حاط رجل على رجل وبنقي والمصيبه حتى لمحجبات بالاعراس بياخدو راحتهم باللبس فبتكون النتيجه سودا .
بس شغله اخيرة ممكن الواحد ازا بدو يصور يستأزن الناس يعني عايزنا نزيع نزيع هون بكون اسلوبو مؤدب وبما انو التصوير فن فالفن بزينو الادب

Noah

08/05/2009, 11:47

لماذا يصرون على جعلي تحت الضوء.. وانا نكرة
أتراني سأضيء يوماً ,؟ فماذا عنك ياطوني؟

Genifer

08/05/2009, 12:37

انا مرة صارت معي وانا بفسط الشغل ...
طبعاً البركة بكاميرات الموبايلات .. الشاطر بيشفط صور بدون ماتحس العالم
طبعاً بشغلنا ما منتأمل شو عم يعملوا الزباين بس هاد المخلوق كان رفيق الزبون يلي عندي
ماشفت غير الأخ حاطط عدسة الموبايل مقابيلي و عم يعمل حاله انه عم يتصل .. حسيت عليه :frown:وطرقته هديك الزورة ..
قديش اشتهيت قوم اضربه بوكس ب نص عيونه:adal: العمى ضربه قديش قليل ذوق ..
ع اساس ما منحس عليهم

Abu ToNi

08/05/2009, 16:14

أول شي بقيم الموقف اذا حسيت الشغلة فيها اهانة ممكن اعمل كلشي :jakoush: بس كحالة عادية اذا كان هاوي أو محترف ماعندي مشكلة أبدا واذا لزمو مساعدة بساعدو كمان :larg:
شو ممكن تكون الاهانة مثلا ؟
يعني تعابير الشخص وهوي عم يصورك ولا الموقف اللي انت فيه ؟
مشان المساعدة بتخيل انك ما تضربه بتكون افضل مساعدة عم تقدمله ياها :lol:

:D
الست الوالدة تبع حضرتنا كانت من الناس الي ساهمت بضرب احد المتطفلين :p .
انا بشوف انو التصوير الصحفي والتلفزيوني مقبول مرات نوعاً ما . بس انو حدا يجي من الباب للطاقة يصور بالناس بتصور هاد اعتداء ع الخصوصية :pos:.
فيك تصور مكان عام / طبيعة / مبنى / شارع / .
بس انك توقف قبال شخص وتصورو بدون اذنو فهالشي فيو كتير غلاظة . وانا من موقعي برفضو . و من عندي احمد وابو طوني بتستاهلو الضرب .:lol:

يا زلمة على هلحسبة ما كنا علنت ولا صورة لأي شخص كان :lol:
بعطيك امثلة وانت احكم عليها بنفسك ..
هي الصور لاحمد :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مفروض واحد يروح يقلن " يا شباب لا تتحركوا وخليكن طبيعيين بحركتن .. حابب اصوركن :shock: "

وهي انا حاطتها :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الصورة هي وقت صورتا كنت كأني عم اسرقلي شي شغلة .. ولو الزلمة حس علي ابصر شو كان عمل فيني :pos:

هلأمثلة من الصور برايك ممكن يعطوا اي معنى لو حذفنا الأشخاص من المشهد ؟
وبرأيك ممكن قله لشخص ما بعرفه ( جاي على بالي صورك ) ويقلي ( تفضل خود راحتك )
الأفضل انك تلطش الصورة دون علمه .. اذا ما حس بكون مشي الحال .. واذا حس هية قتلة وما كانت :lol:
مو بقولولك الحياة مغامرة علينا خوضها :larg:

هلا من جهة فيها غلاظة ....يعني بيني و بينك فيها :p

بس انو احيانا بتكون بدك تصور مشان المشهد اللي خلقو هالبني ادم
يعني بيصير جزء لا يتجزء من المشهد ما فيك تحذفو باي شكل
احيانا تانية بيكون العكس...
بس ازا صار وكنت خالقة مشهد بهالشارع يستحق التصوير :larg:
ايه بتصور ....:ss:
وصلنا لبعض :gem:

Abu ToNi

08/05/2009, 16:21

حسب شو الوضع الي عمبتصور فيه
يعني مثلا لما كون هيك مزبط حالي وهيك فعادي ماعندي مشطلة
اما مثلا لما كون هيك مبهدل وقتا بقرف عيشتو
او مثلا كنت بوضع حساس فوقتا بخفي عن وجه الارض
ومابيهم هالمصور شو انكان صحفي او لا
بالنسبة للوضع فعلى الأغلب حيكون ما حيكون بالوضع المثالي الك
طبعا الحكي بيختلف بين الشباب والبنات .. لان البنات اكثر عرضة للتصوير ( الهابط )
يعني اكثر عرضة للتصوير بهدف اظهار شكل جسما

اوقات بكون الانسان معصب او متدايق .. تقاطيع وجه .. طريقة مسكته للسيكارة .. وقفته وطريقة سندة راسه على ايده او طريقة وقوفه على الحيط
هي التفاصيل مهمة كتير بالنسبة للشخص اللي فعلا حابب يلقط المشهد اللي عم تخلقه

عم قلك هلحكي لأن بحسب سمعت بأن العالم صاير قرية صغيرة
يعني ممكن مع الايام كون انا الشخص اللي بدك تخفيه عن وجه الأرض :lol:

بنظر الو نظرة استخفاف بزبلو يعني وبيعرف اني قللت من قيمتو ...
خالصين ...
ليش هوي بالأصل قلل من قيمتك :?
هي الشغلة فيها شكوك وريبة

يعني واحد عمال يصورني وانا في الشارع شوووو اللي عاجبة فيني حتى ولو كان سائح او غريب
ما صورني الا في شغله عاجبته فيني او مخلوق غريب بالنسبة له وكلاهما تنرفز وخصوصا كاميرا الجوال لانها فضيحة بجلاجل....مين جلاجل دي؟:? حد يعرف جلاجل دي طلعه منين؟؟
كتير اوقات بكون التصوير ما موجه للشخص .. حتى بكتير اوقات بتم تصوير الشخص من زاوية معينة دون الاهتمام بإظهار وجه .. حسب الشي اللي واحد حابب ينقله بالصورة

جلاجل :shock: شهيتني على حشيشة صغّيرة بهلمناسبة :lol:

باشق مجروح

08/05/2009, 17:14

ابو طوني عم احكي انا عن احساس الي عم بيتم تصويرو . ما فيك تفرض على حدا احترام اختراقك لحياتو او خصوصيتو . مثلاً هالشب او هالصبية ما بيحبو يظهرو بصور وانت قمت بهالشي خلسة بالتالي ازا بهدلك انا ما بلومو .
يعني المصورين الهواة بيحبو ياخدو صور لكتير شغلات ( بالمناسبة انا بصور كتير كمان ) و هالصور بيكونو البشر جزء ما بيتجزء من الصورة ليقدرو ياخدو صورة ويحققو رغبة خاصة فيهون وهي الحصول على صور فريدة يضيفوها لارشيفهون . وبدهون يتحملو عواقب مضايقتهون لبعض الاشخاص .
.
انا شخصياً ما بمانع حدا بدّو يصوّر طلتي البهية بس انو الي بيمانعو وبيقاتلو حتى لو قاتلوني انا اثناء تصويري الهون ما رح لومهون .

بالنهاية انا ما عم طالب المصورين الهواة بالتوقف عن التصوير بل بعدم المطالبة بترحيب الجميع بفضوليتهون .
:D

sandra

08/05/2009, 17:36

أول ما طلعو الموبايلات يلي فيهم كاميرا .. بتذكر كنت بحلب ومرت سيارة وإذ فيها شب وجه موبايلو لناحيتي ومن حركتو عرفت أنو صورني. لسوء الحظ كان متل ما ذكرت بسيارة وبالنتيجة ما قدرت اعملو شي وبتأمل دايماً تكون الصورة مو واضحة بسبب سرعة السيارة
كلما بتذكر هالموضوع بتضايق كتير .. بأي حق يصورني ومن وين لوين !!
بالمقابل اثناء وجودي بفرنسا تقدم شخص وطلب تصويري مشان ريبورتاج عم يعملو لصالح إحدى المجلات وأنا رفضت بكل أدب ، يمكن عامل الدهشة والاستغراب خلاني ارفض
بعتقد يلي بيلعب دور بقبولي هيك صور أو لا هو الغاية من الصور
يعني بالمثال الأول كانت غاية المصور مش جيدة ولا منيحة .. وإنما عبارة عن حركة زعرنة وبالتالي طبعاً برفض هيك جركات
أما المثال التاني فالغاية مختلفة تماماً ومتعلقة بشغل وعمل وما فيها شي مؤذي للشخص يلي عم يتصور

Abu ToNi

08/05/2009, 17:50

مافي عندي مشكله بنوب ! !

ما بهم لا الجنس ولا الشخص ذاته ! ! :?

بس ألا ما يكون فيها شك , ليه انا :shock:, وهيك شغلات ؟ ؟ ! !

الواثق من نفسه بكون غير شكل :larg:
هلا بالنسبه الي ما بحب كتير اتصور حتى مع العيلة بهرب من التصوير اما ازا الواحد كان بشي مكان واجا حدا نغش بدو يصور طبعا شغلة مزعجة لأنها تعدي على الخصوصية
بس اكتر شي بشوفها مزعجة هالظاهرة بالاعراس بتلاقي نص المعازيم ماسكين كاميرات الموبايل وهات يا تصوير وازا بهمك بقلك شغلة مزعجة من ناحية ازا العرس غير مختلط وفي بنات متحجبات مصيبه وفي مرات اخوات او امهات بيستخدمو هالشي ازا الهن اخ او ابن بدو يتزوج بروحو بصورو وبرجعو بعطوه وهو حاط رجل على رجل وبنقي والمصيبه حتى لمحجبات بالاعراس بياخدو راحتهم باللبس فبتكون النتيجه سودا .
بس شغله اخيرة ممكن الواحد ازا بدو يصور يستأزن الناس يعني عايزنا نزيع نزيع هون بكون اسلوبو مؤدب وبما انو التصوير فن فالفن بزينو الادب

اللي بده يتزعرن عنده مليون طريقة .. وللأسف بين هلطرق( التصوير ) لأن صار كلشي يروح مع بعضه بالعبطة
بس مشان الإستئذان .. انه كتير اوقات بتكون الصورة لحظية .. زلمة معصب مثلا ومنرفز ..لازم روح لعنده وقله ( حبيب قلبنا خليك هيك .. بدي صورك :lol: )
ما كتير حاسس في ضرورة لحتى اسأل الشخص قبل تصويره .
لماذا يصرون على جعلي تحت الضوء.. وانا نكرة
أتراني سأضيء يوماً ,؟ فماذا عنك ياطوني؟
من قال ان الضوء وحده يستحق التصوير ؟
ومن قال ان المشاهد لا تلتقط إلا القسم المضيئ من الأشخاص ؟
قد يكون لطيفك بصمة صامتة داخل احدى العدسات .. لماذا التشاؤوم ؟
:D

Abu ToNi

08/05/2009, 17:55

انا مرة صارت معي وانا بفسط الشغل ...
طبعاً البركة بكاميرات الموبايلات .. الشاطر بيشفط صور بدون ماتحس العالم
طبعاً بشغلنا ما منتأمل شو عم يعملوا الزباين بس هاد المخلوق كان رفيق الزبون يلي عندي
ماشفت غير الأخ حاطط عدسة الموبايل مقابيلي و عم يعمل حاله انه عم يتصل .. حسيت عليه :frown:وطرقته هديك الزورة ..
قديش اشتهيت قوم اضربه بوكس ب نص عيونه:adal: العمى ضربه قديش قليل ذوق ..
ع اساس ما منحس عليهم
يا لطيف الطف :sick:

ابو طوني عم احكي انا عن احساس الي عم بيتم تصويرو . ما فيك تفرض على حدا احترام اختراقك لحياتو او خصوصيتو . مثلاً هالشب او هالصبية ما بيحبو يظهرو بصور وانت قمت بهالشي خلسة بالتالي ازا بهدلك انا ما بلومو .
يعني المصورين الهواة بيحبو ياخدو صور لكتير شغلات ( بالمناسبة انا بصور كتير كمان ) و هالصور بيكونو البشر جزء ما بيتجزء من الصورة ليقدرو ياخدو صورة ويحققو رغبة خاصة فيهون وهي الحصول على صور فريدة يضيفوها لارشيفهون . وبدهون يتحملو عواقب مضايقتهون لبعض الاشخاص .
.
انا شخصياً ما بمانع حدا بدّو يصوّر طلتي البهية بس انو الي بيمانعو وبيقاتلو حتى لو قاتلوني انا اثناء تصويري الهون ما رح لومهون .

بالنهاية انا ما عم طالب المصورين الهواة بالتوقف عن التصوير بل بعدم المطالبة بترحيب الجميع بفضوليتهون .
:D

يا زلمة ما عم نلوم حدا
عم ناكل القتلة من تم ساكت :lol:
بس عم نحاول يعني نفهم العالم بأننا ما عم نعمل شي غلط :cry:

أول ما طلعو الموبايلات يلي فيهم كاميرا .. بتذكر كنت بحلب ومرت سيارة وإذ فيها شب وجه موبايلو لناحيتي ومن حركتو عرفت أنو صورني. لسوء الحظ كان متل ما ذكرت بسيارة وبالنتيجة ما قدرت اعملو شي وبتأمل دايماً تكون الصورة مو واضحة بسبب سرعة السيارة
كلما بتذكر هالموضوع بتضايق كتير .. بأي حق يصورني ومن وين لوين !!
بالمقابل اثناء وجودي بفرنسا تقدم شخص وطلب تصويري مشان ريبورتاج عم يعملو لصالح إحدى المجلات وأنا رفضت بكل أدب ، يمكن عامل الدهشة والاستغراب خلاني ارفض
بعتقد يلي بيلعب دور بقبولي هيك صور أو لا هو الغاية من الصور
يعني بالمثال الأول كانت غاية المصور مش جيدة ولا منيحة .. وإنما عبارة عن حركة زعرنة وبالتالي طبعاً برفض هيك جركات
أما المثال التاني فالغاية مختلفة تماماً ومتعلقة بشغل وعمل وما فيها شي مؤذي للشخص يلي عم يتصور

وليش رفضتي بكل ادب ؟
لو كان مثلا الزلمة حس انك عنصر دعم كتير مهم للريبورتاج تبعه ( قلنا مثلا يعني :p ) .. ما كان احسنله لو صورك بدون ما تحسي ;)

zen

08/05/2009, 18:02

ابو طوني بتعرفني أكتر واحد بحيب يتصور
بس انو حدا بدو يصورني بدون ما اعرف
فهي حسب الحالة
بيجوز كووون معصب وطالع ديني لإاكيد راح اضربوا
اما لما بكووون عادي فما في مشكلة
بالعكس بضحكلووو
:lol:
بش مشان قصة العاهرات انو بتكون معروفة من تصرفاتها
بقلك انو مو بكل الاحيان ممكن تعرفا
;)أحيانا لازم تكون حربوء

marioma alghzayala

08/05/2009, 18:14

انو ازا اجى حدا بدو يصورني ومن دون ما انتبه ومابعرفو ... صح الصورة ممكن تطلع حلوي ...بس بنفس الوقت هوي ماقلي ...

وبظن بالشكلين لازم يخبرني .. انو انا اخدتلك صورة انتي ومو منتبهة ... او ازا بتريدي بدي اخدلك صورة ... وقتا مابعرف انا حسب الشخص او بوافق او لاء .... :lol:...

هديك السني بالقاهرة انو بنات وشباب كانوا يطلبوا منا نتصور معن :? كتير عادي ...

بجوز تقلي شو عرفك مايكون هاد الشخص مو منيح ؟ بدو يستخدم صورتك لاشيا مو منيحة ؟ ... بس سبق وزكرت انو حسب هاد الشخص ...

عياش

08/05/2009, 19:54

هلق لما بشوف سائح أجنبي (ببين طبعا ) عم يصور ما بعرف ليش بنبسط وبحس إنو بدي قلو روح فرجيون إنو نحنا ما منعض....

بس قمة الاستفزاز بالنسبة إلي لما بشوف خليجي فاتح تمو وراخي بزاقو وعم يصور أي هدف جنسي بيطلع قدامو ليفرجي العربان شقد نحنا مبسوطيييييييييين وكلو على كلو لما تشوفو قلو فهاد بحس بدي أكسر الكاميرا على راسو.........

طبعا أنا بحكم موقعي لازم تكون صوري موجهة مو اعتباطية لهيك بتجنب التصوير مرغما...

Sun Shine Art

08/05/2009, 21:33

يعني بتختلف معيار الامور ...

بس انا من شهر وانا عم امشي بالشارع .لاحظت سياره سعوديه واقفه .. ولفت انتباهي انه الشخص الي فيها عم يصورني ....بكل بساطه ..ابتسمت اله وقربت ع السياره ووانا عم قرب فتح الشباك ..لحظتها خطفت الموبايل من ايدو ومشيت وولحقني واجيت بدي اكسرو ..ع راسو ..وبلشت بهدل برب الي خلقو ..وقعد يبرر انه لا ماعم يصور ..ولميت رب العالم ..بالاخير مارضيت رجعلو الموبايل ..الا ما شفت اذا كان مصور ولا لا وفعلا كان مصور..صحي الصوره مو واضحه ..بس مارضيت اسكت ما جبتلو رب الشرطه تلعن دينو ..بالاخير كان لازم ارفع فضيه ومدري شو ..فا اكتفيت انه امحي الصوره وبهدلو قدام الكل .....مدري ليش حسيت بعدين انه كان لازم طنش .....
سيدي طولت بس حادثه مناسبه لموضوع ...
وسوري ع الطوله ....

Sarita

08/05/2009, 21:46

انو مابعرف
بس بفضل اني ما بتصر الا بعلمي أكيد ولو إني عاملة كزا عملات بس الله وكيلك ما بتضل بموبايلي يوم واحد
بقى منجي للسبب ليه ؟
انا بقلك ليه
شباب مجتمعنا اغلبيتو نيتو عاطلة هاد من جهة
بس من جهة في هاويين التصوير <<<اللي متلي يعني أحم أحم
ما فينا نقلون لاءا بدون سبب بالاول بقدم اعتزاري وبقول السبب وازا ما فهم
بقلو يدور ع رب قرنة جديدة وهيك منكون خلصنا

بس بضلني ع موقفي اني ما بحب حدن يصورني بدون ما أعرف

I_Love_Syria

08/05/2009, 23:05

أنا ببتسم للعدسة وبخليه يصورني وبعدين بتصور صورة أنا وياه أو أنا وياها

..Jimy

08/05/2009, 23:12

يعني مرة كنا بئلعة حلب..وجيت عم صور رفئاتي..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هاي "البنت" كانت هيك عجنب.. يعني كان المفروض روح قلها: انتي.. هي هونك ..يوووه.. يا مخلوئة.. لك اي .. بعدي هيك بدي صور..:?
--------
ليك ابو طوني حسب الكميرا.. إذا كانت هيك شكلها غاليي وعدسات وحركات..بكون احسن:gem:..
كما انو ابن خالتي عندو جاكيت بيضا..فجبنا ورق طباعة (هاد خصوصي بيتلزقو عالتياب)..
فطبعنا Prees من ورا و Photography من قدام مع لوغو كميرا :larg: (تصميمي وفكرتي)..

وكل ما اجا حدا عليه بحكيه بالانكليزي..بقلو محي الصورة بحكيه بالانكليزي..
بعدها بيتركو وبينفد من قتلي :gem:..

*هاموش:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يا لطيف الحلبيي مأحلاهون :p..

ritka

08/05/2009, 23:37

هلا و انا عم بقرا فوق
لقيت كتير عالم عم تحكي ع الاذن انولو اخد اذني بخلي يصور..
لو اخد ازنك ما بتعود الصورة بنفس الطبيعية و التلقائية..
يعني في عامل بالمشهد بيجوز اللي بدو يصورك بيكون عم يصورك مشانو
ازا عرفت انك عم تتصور 90% هالعامل رح يختفي

و انا لما حكيت اني بتصور راح عن بالي انو اللي بدو يصورني ممكن يكون خليجي
فبحب ضيف...انو ازا هيك بفضح عرضو و ما بتصور :jakoush:

باشق مجروح

08/05/2009, 23:51

جيمي انت هيك عم تخرق حقوقا الخصوصية يا ريتا منتفيتك :lol: .. عنجد بتستاهل .
ما قلنا تروح تخبرا بانو بدي صور رفقاتي طلعي من الصورة . نحنا عم نحكي عن الصورة بشكل عام
مثلاً انت عجبك تأمل شي ختيار قاعد على كرسي قمت طلعت كاميرتك وطقيتلو صورة . بقا هون ازا بهدلك بيكون حقّو . وبيكون زوق منك ازا خبرتو بعدا او اعتذرت منو في حال انتبه وتفهمو هدفك من التصوير .
يعني لما يكون في ناس عم تتصور بالشارع اكيد بيطلع معهون حدا تاني وراهون ما رح يعملو حظر تجول مشان صورة و من هالنوع تحديداً من الصور ما حدا بينزعج . الانزعاج بيجي من هواة التصوير الي بيشلو كاميرتهون وبيطقو صور للعالم .

..Jimy

09/05/2009, 00:11

جيمي انت هيك عم تخرق حقوقا الخصوصية يا ريتا منتفيتك :lol: .. عنجد بتستاهل .

أنا :angel:

انا بدها تنتفني :frown:.. مو حاجي سمحتلها تضل جزء مو صورتي وما احطلها:frown:..

بعدين يمكن مو واضح بالصورة بس كانت عم تزور رفئاتي:jakoush:..كانو في شي موعاجبا
ما بيكفي انو ما عملت مشكلي:adal::lol:..

كمان.. يعني شوف صورة احمد هون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

يعني معئول ياخد اذن كل واحد فيهن على حدا مشان ينشر الصورة عالانترنيت:pos:.. حتى ما ينتهك خصوصيتهن:?..

شمس سوريا

09/05/2009, 00:16

انا بالنسبه لالي مهووووووووسه بشي اسمو تصويير
كتيييييير بحب هالشغله
بس اما بالنسبه لموضوعك انو يجي واحد من الباب للطائه ويصورني
لاااا طبعاا ما رح ارضى لانو شو بيعرفني شو رح تكون غايتو من هالتصوير :p

يسلمووووووو ايديك ابو طوووووووني :D

باشق مجروح

09/05/2009, 00:22

يعني معئول ياخد اذن كل واحد فيهن على حدا مشان ينشر الصورة عالانترنيت:pos:.. حتى ما ينتهك خصوصيتهن////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ولك ليش مو رضيان تفهم عليي .. :sly:
الي قلتو مو مطلوب ياخود اذنون ولا يوقف تصوير . بس هوي عم يخترق خصوصيتهون وازا عصّبو عليه المفروض ما يلومهون . هاي هي كل القصة .

يعني بحالة احمد . بفرض حالي كنت مع هالشلة ( بعيد الشر :pos:) بئا وقام احمد طق هالصورة و قمت انا طقيت رقبتو . فأنا غير ملام :frown: .
باختصار :
هالنوع من التصوير فيو انتهاك للخصوصية ( ما في خلاف ع هالنقطة ) . بعض الناس ما عندها مشكلة معو بنوب . وبعض الناس عندها تحفظ . وبعض الناس بترفضو بتاتاً . فكرة الموضوع الوصول للي عندهون تحفظ و محاولة الشرح انو يا جماعة الخير حاولو تميزو بين الاشخاص الي عم بيصوروكون ولا تتعاملو معهون جميعاً بنفس الطريقة . بس بكل الحالات ردة الفعل لازم تكون مقبولة عند المصورين . وبمجتمعنا رفض التصوير اكبر بسبب طبيعة المجتمع ( المحافظ = ولي شو بكره هالكلمة :pos: ) وطبيعة العلاقات القائمة بين افرادو .

..Jimy

09/05/2009, 00:43

ولك ليش مو رضيان تفهم عليي .. :sly:
الي قلتو مو مطلوب ياخود اذنون ولا يوقف تصوير . بس هوي عم يخترق خصوصيتهون وازا عصّبو عليه المفروض ما يلومهون . هاي هي كل القصة .

يعني بحالة احمد . بفرض حالي كنت مع هالشلة ( بعيد الشر :pos:) بئا وقام احمد طق هالصورة و قمت انا طقيت رقبتو . فأنا غير ملام :frown: .
باختصار :
هالنوع من التصوير فيو انتهاك للخصوصية ( ما في خلاف ع هالنقطة ) . بعض الناس ما عندها مشكلة معو بنوب . وبعض الناس عندها تحفظ . وبعض الناس بترفضو بتاتاً . فكرة الموضوع الوصول للي عندهون تحفظ و محاولة الشرح انو يا جماعة الخير حاولو تميزو بين الاشخاص الي عم بيصوروكون ولا تتعاملو معهون جميعاً بنفس الطريقة . بس بكل الحالات ردة الفعل لازم تكون مقبولة عند المصورين . وبمجتمعنا رفض التصوير اكبر بسبب طبيعة المجتمع ( المحافظ = ولي شو بكره هالكلمة :pos: ) وطبيعة العلاقات القائمة بين افرادو .

عزيزي باشق دائما فيك تطلب اذنهن بعد ما صورتهن أنو انا صورت هاي الصورة لأنو كذا وكذا وعجبني فيها كذا وكذا..
وهيك بصير بكل العالم..وهيك بيعملو المصورين المحترفين..دائما لازم يتاخد موافقة المتصور..

بس اذا انتي كنت بهالموقف وحدا صورك بدون ما تعرف وبعدها طلب موافقتك..وئتها ما بحقلك ابدا تطق رقبتو :D..

وبرجع بئلك ابن خالتي كتير بصور ومن زمان ما اكل قتل..فورا بس يشوفوه خايف ومرعوب ومو ميفهم عليهن(عاساس:p) ومو ميفهموا عليه..
بيتركوه عادة:larg:..

باشق مجروح

09/05/2009, 00:55

بس اذا انتي كنت بهالموقف وحدا صورك بدون ما تعرف وبعدها طلب موافقتك..وئتها ما بحقلك ابدا تطق رقبتو :D..

لك ما انو طق رقبتو بالمعنى الحرفي الارهابي . يعني بهدلو . او اطلب منو يحذف الصورة .:p
ولقلك كمان . هالشغلة انا بحددها حسب الي مصورني وحسب مزاجي . يعني الي الحرية بالقبول والرفض .
يعني انا عم احكي بمنطق مجتمع متل مجتمعنا صعب يرضى بأي نوع تصوير نظراً لاسباب بتتعلق بالمصورين و بثقافة المتصورين ايضاً . بس المطلوب التمييز بين المصوّر الازعر و المصوّر الهاوي الي بيهمو المشهد مو شي تاني مو اكتر من هيك رغم انو بالحالتين في نوع من التعرض للخصوصية .
و هي الك :D مشان تقوم تدرس :p

sandra

09/05/2009, 00:57

وليش رفضتي بكل ادب ؟
لو كان مثلا الزلمة حس انك عنصر دعم كتير مهم للريبورتاج تبعه ( قلنا مثلا يعني :p ) .. ما كان احسنله لو صورك بدون ما تحسي ;)
رفضت بكل أدب لأن الزلمة طلب مني بأدب إذا بقبل يتم تصويري
وأكيد كنت عنصر دعم هام لأن لو تشوف نظرة الخيبة بعيونو لما رفضت بتتأكد من هالشي :p
هلا ما بعرف ليش طلب مني الموافقة عالتصوير يمكن مشان ما يعلق بإشكالية قانونية في حال اكتشفت إني مصورة بمجلة بدون علمي ..
واليوم بمناسبة هالموضوع بظن اني تصورت بكذا صورة لناس ما بعرفون ... لأن بالمترو كان في سياح من شرق آسيا وطلع شحاد عم يغني بالمترو وكان جنبي واقف والعالم نزلو فيه تصوير وأنا طالعة بكل الصور عالاغلب :angel:
هلا أكيد بهيك حالة ما رح خانق لأن واضح إني تصورت عالصدفة كوني جنب الزلمة .. يعني بتفرق عن أنو حدا هيك يجي ويصورك بدون استئذان :sly: :pos:

أإأبو العبد

09/05/2009, 01:04

يعني ممكن مع الايام كون انا الشخص اللي بدك تخفيه عن وجه الأرض :lol:

لا يازلمة انت مابتعملا بعرفك ادمي
بس انو انا ماقصدت بالوضع الحساس انو يكون وضع سكسي :jakoush:
يعني مثلا لما كون بقعدة شباب هيك فيها شغلات من هي الي بتنشرب او بشي مكان مشبوه يعني فهمك كفاية

zen

09/05/2009, 01:07

بغض النظر عني انا اذا بوافق او لاء
بتصير القصة حسب الحالة
ممكن تكون صورة متل الصور السابقة اللي بتعبر عن حالة عامة ممكن
بس الصور الشخصية بتفرق انو مو معقول اجي صور وحدة هيك بدون ما تعبر عن شي
يعني في حالة معينة للصور او للتصوير

Gazita

09/05/2009, 01:40

بقيم الموقف ...

ممكن اضربوا
وممكن اسامحها و اعملها سمايل
وممكن اكسرلوا الكاميرا
وممكن احكيلها ... واو .... شو هالكاميرا الحلوة ...
يعني حسب كيف الامور بتكون ميدانيا ...:lol:
:lol::lol::lol:

saman

09/05/2009, 04:37

انا منشان التصوير في عدة حالات عندي ...
يعني ازا في حدا بالطريق وحب يعمل ريبورتاج معي .. بوافق اكيد ... :gem:(ما بتتزكروا وقت طلعت ع تلفزيون الدنيا:p )
اما ازا واحد عم بيفقش صور بالطريق .. وحب يصورني .. فا انو منشوف شو مقصدو من الصورة بعدين منقرر نوافق ولالأ :pos:
اما الصورة العامة .. ما عندي اي مشكلة فيها .. يعني ازا حدا عم بيفقش صور بالطريق وطلعت من بين المتوصرين .. ما عندي مشكلة لا بالتصوير ولا بالنشر . يعني بتعرفوا بما اني حلو وبجنن .. فما عندي اي مشكلة تزكر :sosweet::larg:
واي رجعة عالموضوع
احلى ابو طوني ع شط البحر :larg:
:سوريا:

nour333

09/05/2009, 11:58

هالموضوع كتير الو ابعاد وبصراحه ابو طوني كان الك وجهة نظر انو المصور ممكن ما يستأذن حتى تكون الصورة طبيعية وغير مبتذله والتصوير فن وانا معك 100% بس انا بحس استخدام العامه لهيك شي متاح متل ظاهرة الدخلاء ع الفن والفن الهابط

نقطة اخيرة حبيت حطها مرات انو احنا بنتعدى بتصوير على احزان ومشاعر الناس متلا مرة اخو صاحبتي صور واحد بالمشرحه ميت واحنا مبسوطين وبنتفرج وغير هيك وقت حد يعمل حادث ويتوفى والناس تقعد تصور فيه. انا ما بستثني حالي لأني من هالنوع وبحب بجوز اتفرج ع غيري بس ياترى هل بحب غيري يتفرج علي بهيك وضع؟
يعني تصوير الآم الناس فيو نوع من عدم الانسانيه بتمنى الكل يتخلص منها
بضل موضوع متشعب وكل ما بتزكر شي الي عوده:D

..Jimy

09/05/2009, 14:20

لك ما انو طق رقبتو بالمعنى الحرفي الارهابي . يعني بهدلو . او اطلب منو يحذف الصورة .:p
ولقلك كمان . هالشغلة انا بحددها حسب الي مصورني وحسب مزاجي . يعني الي الحرية بالقبول والرفض .
يعني انا عم احكي بمنطق مجتمع متل مجتمعنا صعب يرضى بأي نوع تصوير نظراً لاسباب بتتعلق بالمصورين و بثقافة المتصورين ايضاً . بس المطلوب التمييز بين المصوّر الازعر و المصوّر الهاوي الي بيهمو المشهد مو شي تاني مو اكتر من هيك رغم انو بالحالتين في نوع من التعرض للخصوصية .

يعني دائما في انتهاك للخصوصية :?..يعني انتي إلتلي أني خرقت خصوصيتا للبنت لأني نشرت الصورة ..وانا ما عملت شي زيادي عن ابوطوني(بحيث انو طلع بالصورتين عالم مو القصد يتصورو)..

ونحنا ما فينا نتواصل مع هيدول الاشخاص لنعرف إذا بيقبلو او بيرفضو..
يعني اذا نحنا ما بدنا ننتهك خصوصية حدا لازم نحتفظ بهالصور لحالنا فقط..وما نفرجيهن لحدا :?؟؟

و هي الك :D مشان تقوم تدرس :p

بتعرف مليح يلي فطنتني مبارح:o..كنت نسيان الموضوع عالآخر:lol:..
:D

باشق مجروح

09/05/2009, 14:31

شوف جيمي حبيب قلبي رح حاول اعصر قاموس مفرداتي لحتى وصلّك فكرتي .
التصوير بالمطلق ممكن يكون فيو نوع من اختراق الخصوصية الي ممكن تثير حفيظة بعض البشر . ببريطانيا كاميرات المراقبة الي حاطيتها الدولة للحد من اي نشاط ارهابي مثلاً عم بتزعج ناس وجماعات وبهالخصوص صار كتير نشاطات مناهضة .
ابو طوني واحمد اخترقو خصوصية الافراد بالتصوير وبالنشر . انا ما عم طالبهما بالتوقف عن التصوير بل بتحمل النتائج . وبنفس الوقت بطلب من العالم الي بتخاف من التصوير خوفاً من التشهير انها تميز بين الزعران والمصورين الهواة وبتصور الفرق شوي بيكون واضح من طبيعة المكان الي بيتم تصويرو ووضع المتصور بالصورة .
نوع التصوير الي انت صورته . يعني الصور التذكارية لاصدقائك او اهلك حتى لو ظهر فيو حدا فهوي ما بيزعج اغلب الناس و هوي شي كتير عادي وحتى نشرو ما بيزعج . بس انت نشرت صورة البنت بطريقة شوي غليظة :p .
بالنهاية : صوّر قد ما بدّك وانشر قد ما بدك بس اعرف انك عم تحقق رغبة الك بالحصول على صورة فريدة و رغبتك بتتقاطع مع خصوصية بعض الناس . فـ لازم تتحمل النتائح . وتحاول قد ما بتقدر تكون مقبول عند الناس .

أم الجود

09/05/2009, 14:38

يعني بتختلف معيار الامور ...

بس انا من شهر وانا عم امشي بالشارع .لاحظت سياره سعوديه واقفه .. ولفت انتباهي انه الشخص الي فيها عم يصورني ....بكل بساطه ..ابتسمت اله وقربت ع السياره ووانا عم قرب فتح الشباك ..لحظتها خطفت الموبايل من ايدو ومشيت وولحقني واجيت بدي اكسرو ..ع راسو ..وبلشت بهدل برب الي خلقو ..وقعد يبرر انه لا ماعم يصور ..ولميت رب العالم ..بالاخير مارضيت رجعلو الموبايل ..الا ما شفت اذا كان مصور ولا لا وفعلا كان مصور..صحي الصوره مو واضحه ..بس مارضيت اسكت ما جبتلو رب الشرطه تلعن دينو ..بالاخير كان لازم ارفع فضيه ومدري شو ..فا اكتفيت انه امحي الصوره وبهدلو قدام الكل .....مدري ليش حسيت بعدين انه كان لازم طنش .....
سيدي طولت بس حادثه مناسبه لموضوع ...
وسوري ع الطوله ....

:adal:
حلال على ربك :lol:

robo

10/05/2009, 20:28

:lol::lol::lol:

بصراحة شكلي بحكي مزبوط :sosweet:

reeemty

10/05/2009, 23:51

اذا بلا اذني اكيد بساوي مشكلة حتى لو كان هاوي وللا محترف وللا صحفي
هاد اسمو انتهاك للخصوصية :pos: