كثر في الآونة الأخيرة استخدام مصطلح " المد الإسلامي " في المقالات والكتابات العربية المتعلقة بهجرة المسلمين نحو الغرب .
المصطلح السابق - المد الإسلامي - يصور لنا ما يحدث في العالم بشكل عام وفي الغرب بشكل خاص ما هو إلا عبارة عن صارع ديني على مناطق النفوذ والسيطرة ، وتوجه المسلمون نحو أوروبا يشكل صراعاً مع المسيحية في عقر دارها في حرب نهايتها تعلن الغلبة للدين " الأصح ".

من الملاحظ أن بعض المقالات مدعوما بالأرقام والإحصائيات لمنحها " القليل من المصداقية " ويتم إدراج الإحصائيات في سياق المقال كدليل دامغ على ارتفاع أسهم المسلمين في الغرب وما تزايد الأعداد إلا دلالة على تقبل الوسط الأجنبي للرسالة الإسلامية واهتدائهم بها ، أما القسم الآخر اقتصر على كونه بروباغندا يأسف القارئ على الزمن المهدور بقراءتها .

استخدامي لتعبير " قليل من المصداقية " للاستدلال على الجداول الإحصائية ليس من باب التشكيك بصحة الأرقام ، بل بسبب سوء استخدامها وتحميلها أبعاد لا تتصل بها ولا تؤديها بالأصل ، فتزايد أعداد المسلمين بالغرب يمكن أن نستدل به على تزايد الهجرات نحو الغرب ، تردي الأوضاع في البلدان التي يهاجر منها سكانها ، وجود عامل جذب يستقطب المهاجر ، قدرة الغرب على تأمين ظروف حياتية تدفع الشرق أوسطي لترك مجتمعه وعائلته للبدء من الصفر في الأرض الجديدة ، فتح أبواب الهجرة أمام حملة الشهادات للاستفادة من طاقاتهم الفكرية .. وإلى ما هنالك من أسباب أجدها أكثر واقعية من وصف " المد الإسلامي " ، في دوافع الهجرة وأسبابها ستتعدد القراءات والدلائل لكن بالتأكيد لا يمكن أن يكون احدها دلالة لوضعية توازن كفة الميزان بين الأديان .
فاليوم أصبحنا نرى هجرة من نوع جديد ، هجرة نحو أقطار إسلامية وعربية مثل الإمارات والسعودية ، أتحمل هذه أيضا رسالة دينية ودلالة صراع وانهزام ؟

وفي النهاية أكبر الخاسرين هم المسلمون أنفسهم ، فشعور المسلم المهاجر بأنه مُحارب من الدولة التي تستقبله لم يتولد إلا من قناعته بأنه ناشط في صراع ديني يلعب به دور الرسول والهادي وبالضرورة يجب أن يكون كل حركة تقوم بها الدولة اللتي يعيش فيها ليست إلا مناورة للالتفاف على الإسلام والإطاحة به بشكل أو بآخر ، فتحليل منع بلد علماني كفرنسا مثلا لكافة الرموز الدينية في الدوائر الرسمية التابعة للحكومة بمحاولة لإزالة كافة أشكال التفرقة بين المواطنين، ما تمت مواجهته بغضب إسلامي وبشعور عام يتلخص بمحاولة فرنسا محاربة الحجاب ومحاربة الوجود الإسلامي لو لم يكن هنالك وجود لمفهوم المد والصراع الديني المتعشق بالعقول المهاجرة .

أأسف لواقع أن القلم العربي لا يزال يحيا في العصور الغابرة ولا يزال يعتمد مبدأ الأطفال في تحليل الإحصائيات والاستدلال بها .

نسبة المسلمين بفرنسا 5% :?.. يعني حوالي 4 مليون نسمي..مانو عدد صغير..
بس ما بظن انهن معتبرين حالهم ضمن صراع ديني :pos:..

صديقي ميدرس بإلمانيا.. وعندو رفيق هونيك ابوه سوري..اجا عإلمانيا للتعلم والعمل..واستقر هونيك..
استقر ببلد علماني بيوفرلو جميع الحريات يلي بيسعالا..مو اكتر..

يعني معظمهن أوعى من انو يظنو انو هني ضمن صراع ديني :sick:..يلي انا مو شافيو موجود غير بعئول البعض من "قلامنا" :frown:..

تغيير الدين هو حق الفرد . وبتضمن هالشي القوانين العادلة بأي مكان . حقوق الانسان بتشمل حق حرية الاعتقاد .
برأيي عوامل الي بتساعد على ما يسمى / المد الاسلامي / :

* وجود عدد كبير من اتباع الديانة الاسلامية بالخارج وقوتهون من خلال الجمعيات الاسلامية والاحزاب والكتب المترجمة و حتى من خلال الصحف والندوات والمحاضرات والحفلات والمسرحيات وكل النشاطات بالبلاد الموجودة فيها وحرية اقامة مساجد و دور عبادة ( وهالنقطة بيستغلها كتير من الناس بالغرب لنشر اي فكر وبالغرب هالشي ابداً مو ممنوع .. بس عندنا يسترجي حدا يعمل هيك .. بتطير رقبتو :p )

* النقص او الفراغ الروحي الي ببيعشو بعض الناس بالغرب و الرغبة في التجديد و التجريب هي دافع عند كتير شباب وصبايا ليخوضو تجربة الدين الاسلامي .

* عوامل الجذب كافة الي ممكن يستخدمها الدعاة .

الارقام ممكن تكون مبالغ فيها . بس المد موجود وما فينا ننكرو .
وما دامو داخل ضمن حدود حرية الاعتقاد فهوي مقبول .
وفي كتير اصوات أوروبية مستنكرة وبتدعو لوقف اسلمة القارة وبستغرب كتير من الاصوات الاسلامية المناهضدة لهيك دعوات :? . و كأنو مثلاً تغيير دين أو حتى مذهب بمنطقتنا ممكن يكون مقبول شعبياً أو قانونياً .

ما بيكون صراع اديان الا لما يكون الوضع الاجتماعي مبهدل فا بيتاخد الدين حجة للفت الانتباه


و يلي بيكون شغلو و وضعو تمام اخر شي بيفكر فيه هوي الدين

يعني بالعربي المشرمح تجارة بالدين و للاسف

يمكن ما كنت واضح كتير بحكيي بعتذر منكن
ما كان قصدي احكي على كثرة تعداد المسلمين بالغرب او على كثرة اشنطتن او هل للإسلام نفوذ في الغرب
الشي اللي انا كاتبه موجه للأشخاص اللي نسبيا كتار بالأوساط الكتابية العربية ، واللي بيتعاملوا مع ملف الهجرة على انها هجرات اسلمة الغرب وبيبدوا بيعملوا احصائيات وارقام وكيف ان الغرب مع الايام بده يتحول كلمة الأغلبية للإسلام

هلعقلية هي اللي بتصور ان واقع الهجرة على انه واقع صراع اديان فعلا عقلية سطحية
الأوروبي بعتقد آخر همه انت شو بتعبد او انت بشو بتآمن .. ومن خلال اكتر من موقف شخصي بيني وبين الأوروبيين بالتحديد طلعت بنتجة موحدة بأن الغرب ما عنده مواقف مسبقة من الاسلام او من المسلمين وتعامله معن غير مبني على اسس دينية ، طبعا اختلفت كتير الموازين بعد قصة 11 ايلول وبعد ما تم لصق صفة الأرهابي بالمسلم .. وصار في شوية تحفظات من التعامل مع المسلمين ... مش من منطلق اننا مسلمين وجايين حاربونا .. انما من منطلق ( هل هاد الشخص بشكل خطر على حياتي وحياة اولادي ) ؟

ولا تواخذونا مرة تانية لأن ما وضحتلكن وجعي من البداية :lol:

وردة لجيمي ولصافو :D

استخدامي لتعبير " قليل من المصداقية " للاستدلال على الجداول الإحصائية ليس من باب التشكيك بصحة الأرقام ، بل بسبب سوء استخدامها وتحميلها أبعاد لا تتصل بها ولا تؤديها بالأصل ، فتزايد أعداد المسلمين بالغرب يمكن أن نستدل به على تزايد الهجرات نحو الغرب ، تردي الأوضاع في البلدان التي يهاجر منها سكانها ، وجود عامل جذب يستقطب المهاجر ، قدرة الغرب على تأمين ظروف حياتية تدفع الشرق أوسطي لترك مجتمعه وعائلته للبدء من الصفر في الأرض الجديدة ، فتح أبواب الهجرة أمام حملة الشهادات للاستفادة من طاقاتهم الفكرية .. وإلى ما هنالك من أسباب أجدها أكثر واقعية من وصف " المد الإسلامي " ، في دوافع الهجرة وأسبابها ستتعدد القراءات والدلائل لكن بالتأكيد لا يمكن أن يكون احدها دلالة لوضعية توازن كفة الميزان بين الأديان .

بوجهة نظري فيما يتعلق بهالنقطة هاي ...

المحيط او الجو الاسلامي ع كافة الأصعدة ( اقتصادي - صناعي - مدني - انساني -سياسي - ديني ... الخ ) .. ماعاد يسمح ، او بالاحرى ما عاد يقدرو يتعايشو معاه، لهالشي بتلاقي المسلمين عندهن طفشة نحو الغرب، طبعاً هون عماحكي عن فئة معينة من الاسلام ألا وهي المسلم المعتدل ، ما عماحكي عن المسلم المتطرف اللي بيلاقي صعوبة كبيرة بالتأقلم بالخارج ، وبالغرب خاصة ، وبشكل أخص وأخص الدول الأكثر احتضاناً للمسلمين / المعتدلين غالباً / ، لأنه اذا عمستوى / مسلم معتدل + مسلم متطرف / مافي تعايش ، كيف بده يتأقلم المسلم المتطرف ويتعايش بسهولة مع المسيحي .. أو اليهودي .. أو الملحد أو اللاديني، وإن كان قدر يتعايش فهوي ضمن منطقة ما ببيئة ما ، بمجتمع ما منغلق على نفسه لأسبابه المتعلقة بتطرفه.

المسلم المتطرف أسهله يبقى ببلده على انه يمدّ رجليه لبرا ، على عكس المعتدل الي عنده يتقبل كافة اطياف المجتمعات بغض النظر عن جنسيتها وعقيدتها ودينها .. طالما ما عمتأذيه.


فيما يخص الاحصائيات ، بحسها فيها نوع من التلاعب بالأرقام وتعميم للمد العربي تحت مسمى المد الاسلامي ، اي بيقيمو اعتبار قليل جداً للفئات غير المسلمة العربية المتواجدة بالخارج.

:D

فيما يخص الاحصائيات ، بحسها فيها نوع من التلاعب بالأرقام وتعميم للمد العربي تحت مسمى المد الاسلامي ، اي بيقيمو اعتبار قليل جداً للفئات غير المسلمة العربية المتواجدة بالخارج.
تماما معك حق بهلنقطة ولاحظتا بأكتر من موقف
الاحصائيات دائما بتم تصنيفا بحيث انه :عام x
عدد العرب المسلمين في الدولة الفلانية
وعدد المتأسلمين في الدولة الفلانية

عام x + 10
عدد العرب المسلمين في الدولة الفلانية
عدد المتأسلمين في الدولة الفلانية

ومنها بتم وضع فرضيات نسبية وعددية لأوضاع الدولة لسنة x + 20
هل هلشي بيعكس نزعة فوقية لدى العرب المسلمين ؟ ولا بيعكس ارتباط وثيق بين الانتماء للعروبة والانتماء للإسلام ؟

:D

ما بيكون صراع اديان الا لما يكون الوضع الاجتماعي مبهدل فا بيتاخد الدين حجة للفت الانتباه


و يلي بيكون شغلو و وضعو تمام اخر شي بيفكر فيه هوي الدين

يعني بالعربي المشرمح تجارة بالدين و للاسف
التجارة هي عم تفرض حالا بأشكال كتيرة
منها الكره الأعمى للغرب !!
بتشوف انسان عايش بنص لندن وعم يسب ويشتم بالغرب الكافر !!
برايك .. هلشخص هاد فينا نعتبره ضحية ولا تاجر ؟

فهمنا الموضوع هلق جابي :lol: .
بس صرت فاتح باب النقاش وفاتحو فـ خليك ع جنب :p .

لأحمد -- المتطرفين او ما يسمى الوهابيين او السلفيين هم مطاردين في بلادهم بسبب الافكار المتطرفة الداعية للفوضى والعصيان والي ممكن تشكل خطورة على انظمة وامن البلاد الي بيعيشو فيها . بيدفعهون هالشي للتجمع بالغرب والتكتل بجماعات منظمة عم تعمل نشاطات من الوقت للتاني . و مرات بتكتفي بالتهدئة التنظيمية مع الاستمرار بالترويج للفكر المتطرف . صدقني هني موجودين وبكثرة .
اما الي سميتهون معتدلين فهدول هجرة عادية ماننا بصدد الحكي عنها لأنها غير دينية ع الاغلب فهي متلها متل هجرة الهنود والفليبينين للعمل وتحسين مستوى المعيشة او حتى للحصول على جنسية اجنبية او الحياة بحرية والهرب من جو الحروب مثلاً . كلها اسباب غير دينية مطلقاً .

الاحصائيات دائما بتم تصنيفا بحيث انه :عام x
عدد العرب المسلمين في الدولة الفلانية
وعدد المتأسلمين في الدولة الفلانية

عام x + 10
عدد العرب المسلمين في الدولة الفلانية
عدد المتأسلمين في الدولة الفلانية

ومنها بتم وضع فرضيات نسبية وعددية لأوضاع الدولة لسنة x + 20
هل هلشي بيعكس نزعة فوقية لدى العرب المسلمين ؟ ولا بيعكس ارتباط وثيق بين الانتماء للعروبة والانتماء للإسلام ؟

:D

الاحصائيات هي كتير غبية و مو دقيقة وبتعكس متل ما قلت ربط اي هجرة من المنطقة لأي سبب بالدعوة الاسلامية وبتربط برابط غير منطقي الدين بالاشخاص المهاجرين .

التجارة هي عم تفرض حالا بأشكال كتيرة
منها الكره الأعمى للغرب !!
بتشوف انسان عايش بنص لندن وعم يسب ويشتم بالغرب الكافر !!
برايك .. هلشخص هاد فينا نعتبره ضحية ولا تاجر ؟

فيك تخبرني شو وضع هالانسان من الناحية الاجتماعية والاقتصادية و تاكد وقتها انو ضحية ولا تاجر


طيب يلي عم يسب بنص لندن لو كان تاجر او شي دكتور بشي مجال بتتوقع انو يسب الغرب الكافر؟

بتوقع \ رأي شخصي \يلي بيسب بوسط لندن يا اما ضحية و الفقر جبرو يوصل للندن و الفقر يلي جبرو يسب ويلعن الغرب والشرق الكافر و المؤمن
يا اما عم يتاجر بشعور ناس من الفئة السابقة


منرجع للفكرة الاساسية دايما عنا الاحصائيات متل ما بيقول المثل نص الحقيقة كذبة كاملة
يعني بيعطو ارقام صحيحة بالاحصائيات بس بيغفلو عن ارقام اخرى مشان يوصلو لهدف معين يمكن الارقام التانية لو ظهرت ما بيضل للارقام الاولانية اي قيمة بتنذكر
و للاسف هيك اغلب احصائياتنا اذا ما قلنا الكل

حياك الله أبو طوني...

كنت رح رد عليك هنيك بس جينا و جينا منرد هون..

هون في إشكاليتين, إشكالية عامة للمجتمع "الإسلامي" (و نعني فيه دولة ذات غالبية مسلمة) و إشكالية خاصة بالمسلمين بأوربا


الإشكالية العامة جاية من انو تصادف انو أغلب المجتمعات الإسلامية واقعة تحت ظروف و عوامل ذاتية و خارجية أدت إلى انو تكون متخلفة, و هالتخلف بيعطي عقدة نقص تجاه الآخرين يجعلهم يدخلون بمنافسات أحياناً حتى غير موجودة لتحقيق حبكة ملتوية للوصول إلى انتصارات وهمية تعطيهون مثل بلسم لذاتهم الجريحة, منيح؟


تلاقي أخبار تافهة مثل خبر سيريانيوز مبارح عن انو اسم فيروس الانفلونز من أصل عربي (أنف العنزة:shock:) و انو فلان أصلو عربي, و فلان جد أبو تيتة أم أبوه مرق بالبلد الفلاني فصار الهون حق فيه (لاحظ انو كل كبار التاريخ حسب العرب هم إما من أصل عربي أو مسلم "ع أساس" و بالتالي محبوبين.. و إما أصلهم يهودي و بالتالي مكروهين.. بيطلع مافي مسيحيين بهالعالم).

لاحظلي أوباما... اللي لسى ما قررنا إذا نحبو أو لأ... هو مبدئياً نكرهو بس لو شفناه عمل شغلة منيحة رح نصرع الدنيا بانو هو نصف مسلم (أبوه اللي ما رباه و لا عاش معو قال مسلم) و تلاقي بأكبر الجرايد أخبار عن قال جماعة تبشيرية كان بدها تعمّد جدة أوباما (المسلمة, و انت حطلي خطين تحت مسلمة لأنو هيك بتجي بالجرايد) و نعمل نظرية مؤامرة من هالحكي لأنو هدول الغرب المسيحي اللي هو عالّة على حضارتنا بدو ينصّر هالمرة و بالتالي يسرقوها من المسلمين.

لاحظ هالنوع من الأخبار و نظريات المؤامرة و هالحكي الفاضي ما بتلاقيه بدولة مسلمة متطورة مثل ماليزيا... لأنو مانون بحاجة لمحاولة إثبات ذاتهم لذاتهم بهالطريقة... بس نحنا محتاجين لأنو ما عم ننجز شي, و بتلاحظ انو الماليزي رغم انو ممكن يكون مسلم و متديّن جداً لكن ما يدخل حالو و ثقافتو بصراعات تناطحية مع غيرو.. لأنو تعلّم اللي بعمرنا ما رح نتعلمو... انو مش نحنا شعب الله المختار و باقي البشرية "خطأ من الطبيعة"..

نحنا فوقيين ضد غيرنا, ما منعتبر حالنا ثقافة من الثقافات انما نحنا "ألثقافة", ما بنفكّر بانو ديننا هو دين من بين عشرات الأديان و إنما هو "ألدين" ... و رغم انو طبيعي انو الواحد يعتبر دينو هو الصح و لكن قمة عدم الاحترام و ضيق الأفق عندنا هي انو نحنا نعتبر انو شي مش طبيعي انو مسيحي ما يجي يعترف و يقلك انو الاسلام أحسن من دينو... بالعكس هاد عنصري و حاقد على الإسلام لأنو ما عم يعترف بمكانتو رغم انو نحنا سامحيلو يعيش بهالعالم اللي هو إلنا و فقط إلنا...


هالعقلية ساهمت بخروجنا من التاريخ.. و ساهمت بانغلاق عقولنا بشكل عام و بإغلاق عقل كل من يتجرأ على محاولة فتحو من بيننا... و على اعتبار هالعقلية ما تتناسب مع الواقع اللي عم يفرض انو نحنا متخلفين, و بالتالي عم نضحك على حالنا و مستغربين ليش باقي العالم مو مصدقنا..

لاحظ ما حكيت عن خصوصيات عقائدية للمسلمين تميزهم عن غيرهم... ممكن مسيحي يكون هيك.. و اليهودي هو هيك بشكل عام

كل هالحكي المطوّل لأوصل انو نسبة كبيرة من المهاجرين المسلمين إلى أوربا (و نعم هم نسبة كبيرة لكن ليسو الأغلبية, بس المشكلة انو صوتهم عالي و زعبرتهم مستمرة) عم تهاجر على دول متطورة بعقلية عم تقول "أنا احسن منهم بس الزمن عاطل"... و بالتالي هو بدو يثبت كيانو هنيك و ما بدو يتأقلم مع الوضع هنيك و لا حتى بدو مثلاً يوقف ع طرف و يعيش حياتو ع كيفو... لك توصل معو انو يفكر انو هو مفضّل ع أوربا بإنو تنازل و عاش هنيك .... و هالشخص في حالة بحث مستمر عن نقاط صراع ليدخلها و يدخل معها إجباراً بقية المسلمين.. و مثل ما تكرّمت بمثال فرنسا و أمثلة كتيرة مثل كمان مثال قضية البنت الموريتانية اللي كتبت عنها موضوع من فترة .. أو قضية إمام فوينخيرولا (مدينة صغيرة بكاتالونيا فيها نسبة منيحة من المسلمين من المغرب خصوصاً لأنو حواليها معامل كتيرة) اللي لليوم ما سكت و لساتو يزعبر, و قصتو هي التالية: من كم سنة و جاي في حساسية شديدة من قبل الحكومة الاسبانية و الشعب بشكل عام تجاه قضية العنف المنزلي.. و حملات توعية رهيبة و مساعدات و جمعيات حماية و تعديل قوانين و الخ الخ الخ... فراح التافه هاد (اللي الزمن خلاه إمام جامع) بعز الحساسية و بعز الالتزام الشعبي تجاه قضية العنف المنزلي.. راح و نشر كتاب بيهاجم انتقاد العنف المنزلي و يشرح فيه كيف فيك تضرب إمرأة بدون ما تترك آثار و بالتالي ما فيها المرأة تروح عالطبيب الشرعي تثبت هالشي... فطلبت الحكومة من المجلس الإسلامي يشيلو من منصب الإمامة و ادعت عليه كوم جمعيات حقوق مرأة و تحاكم... إي صار ينط و ما يحط على اسبانيا الكافرة اللي تتجرأ و تحاكم إمام على كتاب مانو خاطئ بحسب الشريعة الإسلامية (حسب رأيو) و شو عليه لو فيو جناية بقوانين الدولة لأنو تحريض على العنف؟ طز بالدولة شو يعني دولة... أصلاً الدين عند الله الإسلام و لازم شريعة الله تكون بكل الأرض و هدول كفرة صليبيين الخ الخ (دوّر بالمواقع و المنتديات تلاقي شي تسالي كتير عن هالقضية:lol:).. و صارلو مريدين و أنصار و صار بطل قومي هالإمام..


هون بتصير, مثل كل الحالات... انو مريدين هالشيخ يعملو ضجة كبيرة و يحولو القضية من قضية واحد متخلف عم يسيء استخدام مكانتو الدينية (اللي ما بعرف كيف وصلها) و عم يسيء لدينو خارج أرضو... لقضية عنصرية ضد الإسلام.. و في كتير مهاجرين بسطاء ممكن يتغرر فيهون بهالحكي بسبب فرط حساسية المهاجر و خصوصاً إذا جديد, و لأنو من السهل يكون صار عندو خيبة أمل من هالغرب اللي فكر انو رح يوصلو و يلاقي جوقة استقبال و يعملوه وزير.. و إذ به لازم يشتغل 10 أو 12 ساعة ليعيش حياة عادي.. فيتولد عندو شعور بالحقد أحياناً...

و هيك من ناس فاضية ممكن تصير قضايا تكبر.. بس لا شك انو أغلب المهاجرين عايشين حياتون بشغلون و مالون بهالقصص.. الفاضيين أشغال لاحقين هالقضايا و يثيروها...


هففففففففف طال الحديث.. و ممكن يطول أكثر بس خلينا نسكت هون



:D

لاحظ هالنوع من الأخبار و نظريات المؤامرة و هالحكي الفاضي ما بتلاقيه بدولة مسلمة متطورة مثل ماليزيا... لأنو مانون بحاجة لمحاولة إثبات ذاتهم لذاتهم بهالطريقة... بس نحنا محتاجين لأنو ما عم ننجز شي, و بتلاحظ انو الماليزي رغم انو ممكن يكون مسلم و متديّن جداً لكن ما يدخل حالو و ثقافتو بصراعات تناطحية مع غيرو.. لأنو تعلّم اللي بعمرنا ما رح نتعلمو... انو مش نحنا شعب الله المختار و باقي البشرية "خطأ من الطبيعة"..

معك على طول الخط :D

واللي بيتعاملوا مع ملف الهجرة على انها هجرات اسلمة الغرب وبيبدوا بيعملوا احصائيات وارقام وكيف ان الغرب مع الايام بده يتحول كلمة الأغلبية للإسلام

هلعقلية هي اللي بتصور ان واقع الهجرة على انه واقع صراع اديان فعلا عقلية سطحية
الأوروبي بعتقد آخر همه انت شو بتعبد او انت بشو بتآمن ..

نتيجة عدم قدرة المجتمعات العربية الاسلامية على مواجهة تحديات الحداثة أو ما بعد الحداثة انكفئت على نفسها وتاريخها وعادت لسير السلف الصالح لحتى تملأ الفراغ الكبير في كبريائها الناتج عن تخلفها وخروجها عن المسيرة الانسانية(يعني صارت برات التغطية تماما).

ونتيجة كونها عم تعيش انسانيا وفكريا بعصور مختلفة عن العصور الحالية رجعت لقيم الحروب الدينية والمواجهات الاستعمارية على أساس الأديان واعتبرت إنو أوربا العلمانية حاليا وبقل المقاييس هي نفسها أوربا الحروب الصليبية يلي هدفها الاستيلاء على بيت المقدس وطرد المسلمين واعادتهم لجزيرتهم العربية وهاد اسمو بعلم النفس الاسقاط.

عزز هذا الاسقاط ظهور اسرائيل وأمريكا: اسرائيل بصفتها محتلة لبيت المقدس وبصفتها دولة ذات كيان ديني (يهودي) وأمريكا بدعمها لاسرائيل وشعاراتها الناتجة عن التيارات الدينية المتشددة فيها عم تعزز عقدة الاسقاط العربية الاسلامية.

وبالتالي العربي المسلم يلي عم يهاجر للغرب عم يهاجر بنفسية الجاية ياخد بثأر قديم وكون عاداته وقيمه لا تؤهله على التعاطي الانساني مع المجتمع الغربي يلي بالأساس هو جاية لياخد بثأره التاريخي منه عم يتحول لقنفذ ناقم ومتكتل على نفسه و وعلى مجتمع المهاجرين متجاهلا تمام أن المجتمع الذي يتعامل معه في أوربا خصوصا مجتمع علماني بالدرجة الأولى ويخضع لقانون علماني يعني الرموز الدينية مرفوضة من الجميع وليس من المسلمين فقط على حساب الهندوس والمسيحيين.

طبعا في عامل حكيو عنو الشباب وهو المتشددين الاسلاميين المنبوذين من بلادهم والملاحقين يلي وجدو بمجتمع المهاجرين فرصة كبيرة للنشاط كونه مجتمع مقنفذ(من قنفذ) واشتغل التجنيد والشحن خصوصا بالجيل التاني من المهاجرين يلي ما لاقى حالو بالأسر المهاجرة التقليدية ولا بالمجتمع الكافر المنحل وتولدت عندو نزعة الدونية وأدت لأزمة انتماء فقاموا بتعويض عقدة الدونية بالنظرة الاستعلائية يلي حكا عنها yass:

نحنا فوقيين ضد غيرنا, ما منعتبر حالنا ثقافة من الثقافات انما نحنا "ألثقافة", ما بنفكّر بانو ديننا هو دين من بين عشرات الأديان و إنما هو "ألدين" ... و رغم انو طبيعي انو الواحد يعتبر دينو هو الصح و لكن قمة عدم الاحترام و ضيق الأفق عندنا هي انو نحنا نعتبر انو شي مش طبيعي انو مسيحي ما يجي يعترف و يقلك انو الاسلام أحسن من دينو... بالعكس هاد عنصري و حاقد على الإسلام لأنو ما عم يعترف بمكانتو رغم انو نحنا سامحيلو يعيش بهالعالم اللي هو إلنا و فقط إلنا...

واستغلوا أزمة الانتماء بخلق انتماء للأمة الاسلامية يلي عم تمد حاليا باتجاه أوربا وتأخذ بثأرها القديم من أيام الصليبيين عن طريق مجتمع المهاجرين وبالتالي صار عنا انتماء ديني على أساس العدو المشترك(بشو بذكرنا يا ترى؟؟؟؟؟);)


Abu ToNi مواضيعك دائما مميزة ....:D:clap::clap:

بالحقيقة كل الكلام يلي نقال هون صحيح بالفعل ...

بس حابب القي شوية ضؤ على جانب ملاحظوا هو انو الغرب نفسو ضليع بعمليات التخويف من الجاليات المسلمة بأوروبا و امكانية حصول ثورات اجتماعية او دينية من قبل هال الأقليات المسلمة ممكن انو تزعزع استقرار او حتى الخريطة الأجتماعية ببعض اهم المدن بأوروبا خصوصا باريس و لندن ...
متل ما الكل بيعرف بهدون المدينتين في جالية مسلمة كبيرة ...و متل هيك شي شفنا بأفلام مؤخرا متل الفلم الفرنسي K13 و الفلم البريطاني Children Of Men يلي بأحداثو شوارع لندن بتتحول لشوارع غزة!!
مش بس الأفلام ...كمان البوليس احيانا بيهول بعض الأمور الصغيرة و بيجعل منها شي كبير متل التخويف من خلية ما يسمى لندنستان !! يلي سنشئها بعض اأسلاميين بلندن و مو مؤكد اذا كانت مسؤولة عن احداث و تفجير محطات ال Tube Stations و واحد من ال Double decker Buses

هلئ بلاحظ انو التهويل هي سياسة بريطانية بكل الأمور ..يعني مشان ما نظلم الجماعة ...بأنفلونزا الخنازير صار في حديث على انو اكتر من مية الف لندني رح يموتو من الوباء !! ..حتى الندنيين نفسون استهزؤو من التحزير هاد ....
مشان هيك بالأضافة للأمور المذكورة سابقا ,,التهويل الغربي من الأسلام و اجتياحو للقارة الأوروبية بيساعد برسم هال صورة يلي ما رح قول عنها مزيفة ,,,بس لحد كبير مبالغ فيها

عياش اسمحلي علق على هالكم نقطة وبالتالي العربي المسلم يلي عم يهاجر للغرب عم يهاجر بنفسية الجاية ياخد بثأر قديممن وين جبت هالمعلومة هي وكيف زبطت معك ماعمبفهم
يعني تلت ترباع عيلتي بين اميركا وكندا وعمري ماسمعت انو حدا فيهن حكى ولو كلمة غلط عن هالبلاد بالعكس لما رحو وشافو المعاملة الانسانية الي هنيك مارح قلك حبوها يمكن اعتبروها بلدن التانية فكيف عمتقول انو المسلمين وقت بيهاجرو بيكونو رايحين ياخدو بالثار

بعدين بالنسبة لموضوع اليهود واسرائيلعزز هذا الاسقاط ظهور اسرائيل وأمريكا: اسرائيل بصفتها محتلة لبيت المقدس وبصفتها دولة ذات كيان ديني (يهودي) وأمريكا بدعمها لاسرائيل وشعاراتها الناتجة عن التيارات الدينية المتشددة فيها عم تعزز عقدة الاسقاط العربية الاسلامية.
ياسيدي ايه الصراع بفلسطين صراع ديني ويمكن حضرتك ماسمعت عن الهيكل المزعوم وارض الميعاد

وبالنسبة لتخلف المسلمين يمكن ماسمعت عن ال 16 جائزة الي حصدوها العرب بمهرجان جنيف والغالبية (سعوديين) ومابظن انو في سعودي غير مسلم

:D

من وين جبت هالمعلومة هي وكيف زبطت معك ماعمبفهم
يعني تلت ترباع عيلتي بين اميركا وكندا وعمري ماسمعت انو حدا فيهن حكى ولو كلمة غلط عن هالبلاد بالعكس لما رحو وشافو المعاملة الانسانية الي هنيك مارح قلك حبوها يمكن اعتبروها بلدن التانية فكيف عمتقول انو المسلمين وقت بيهاجرو بيكونو رايحين ياخدو بالثار
أكيد في نسبة كبيرة من العائلات المسلمة المهاجرة يلي تعيش في وئام ومندمجة مع محيطها ويبدو إني بمحاولة تحليل الظاهرة الكان عم يحكي عنها أبو طوني وقعت بخطأ التعميم وهاد خطأ مني وأعتذر

ياسيدي ايه الصراع بفلسطين صراع ديني ويمكن حضرتك ماسمعت عن الهيكل المزعوم وارض الميعاد
أنا ما نفيت أبدا الجانب الديني من الصراع وكوني قلت إنو عزز فكرة الصراع الديني مع الغرب العلماني ما يعني إني نفيت الصراع الديني بالقضية الفلسطينية وهاد موضوع منفصل وأنا لا أنفيه ولا أؤكده.

وبالنسبة لتخلف المسلمين يمكن ماسمعت عن ال 16 جائزة الي حصدوها العرب بمهرجان جنيف والغالبية (سعوديين) ومابظن انو في سعودي غير مسلم

بهذه لا أتفق معك،:jakoush: عنا الكثير من المبدعين من يوسف شاهين لمصطفى العقاد(شهيد التطرف الاسلامي) لكل المخرجين والكتاب والفنانين والموسيقيين بس هاد ما بينفي كونن حالات شاذة من الابداع ومعظمهم ينمو خارج بلاده معظمه يبدع في الغرب أو في لبنان على أقل تقدير وبكفي قول إنو بكل السعودية يوجد على حد علمي صالة سينما واحدة فقط وموضوع الابتكارات ومهرجان جنيف أنا أتفق مع الرأي القائل بأن المجتمعات الخليجية هي مجتمعات مستهلكة للحضارة وليست مصدرة للحضارة وهي حال الشرق الأوسط بشكل عام ووجود برائات اختراع أو ابتكارات لمخترعين سعوديين لا يغير برأي هذه القاعدة يعني بالمختصر لا يوجد اسهام حقيقي وملموس في مسيرة الحضارة العالمية من قبل العرب حالياً.
العرب خارج التغطية ووجود حالات شاذة معنية لا ينفي هذه القاعدة.

أكيد في نسبة كبيرة من العائلات المسلمة المهاجرة يلي تعيش في وئام ومندمجة مع محيطها ويبدو إني بمحاولة تحليل الظاهرة الكان عم يحكي عنها أبو طوني وقعت بخطأ التعميم وهاد خطأ مني وأعتذر


أنا ما نفيت أبدا الجانب الديني من الصراع وكوني قلت إنو عزز فكرة الصراع الديني مع الغرب العلماني ما يعني إني نفيت الصراع الديني بالقضية الفلسطينية وهاد موضوع منفصل وأنا لا أنفيه ولا أؤكده.



بهذه لا أتفق معك،:jakoush: عنا الكثير من المبدعين من يوسف شاهين لمصطفى العقاد(شهيد التطرف الاسلامي) لكل المخرجين والكتاب والفنانين والموسيقيين بس هاد ما بينفي كونن حالات شاذة من الابداع ومعظمهم ينمو خارج بلاده معظمه يبدع في الغرب أو في لبنان على أقل تقدير وبكفي قول إنو بكل السعودية يوجد على حد علمي صالة سينما واحدة فقط وموضوع الابتكارات ومهرجان جنيف أنا أتفق مع الرأي القائل بأن المجتمعات الخليجية هي مجتمعات مستهلكة للحضارة وليست مصدرة للحضارة وهي حال الشرق الأوسط بشكل عام ووجود برائات اختراع أو ابتكارات لمخترعين سعوديين لا يغير برأي هذه القاعدة يعني بالمختصر لا يوجد اسهام حقيقي وملموس في مسيرة الحضارة العالمية من قبل العرب حالياً.
العرب خارج التغطية ووجود حالات شاذة معنية لا ينفي هذه القاعدة.
يوسف شاهين مسيحي

أكيد في نسبة كبيرة من العائلات المسلمة المهاجرة يلي تعيش في وئام ومندمجة مع محيطها ويبدو إني بمحاولة تحليل الظاهرة الكان عم يحكي عنها أبو طوني وقعت بخطأ التعميم وهاد خطأ مني وأعتذر


أنا ما نفيت أبدا الجانب الديني من الصراع وكوني قلت إنو عزز فكرة الصراع الديني مع الغرب العلماني ما يعني إني نفيت الصراع الديني بالقضية الفلسطينية وهاد موضوع منفصل وأنا لا أنفيه ولا أؤكده.



بهذه لا أتفق معك،:jakoush: عنا الكثير من المبدعين من يوسف شاهين لمصطفى العقاد(شهيد التطرف الاسلامي) لكل المخرجين والكتاب والفنانين والموسيقيين بس هاد ما بينفي كونن حالات شاذة من الابداع ومعظمهم ينمو خارج بلاده معظمه يبدع في الغرب أو في لبنان على أقل تقدير وبكفي قول إنو بكل السعودية يوجد على حد علمي صالة سينما واحدة فقط وموضوع الابتكارات ومهرجان جنيف أنا أتفق مع الرأي القائل بأن المجتمعات الخليجية هي مجتمعات مستهلكة للحضارة وليست مصدرة للحضارة وهي حال الشرق الأوسط بشكل عام ووجود برائات اختراع أو ابتكارات لمخترعين سعوديين لا يغير برأي هذه القاعدة يعني بالمختصر لا يوجد اسهام حقيقي وملموس في مسيرة الحضارة العالمية من قبل العرب حالياً.
العرب خارج التغطية ووجود حالات شاذة معنية لا ينفي هذه القاعدة.
هلا بتفق معك مية بالمية

وبالنسبة للمبدعين والمبتكرين كمان انا معك وعندك اهم مثال مصر فيها علماء ومبتكرين ومبدعين في كل مجال بس للاسف هالابداع دائما يُصدَّر للخارج واهم مثال محمد مصطفى البرادعي رئيس الوكالة الدولية للطاقة الذرية والي للاسف تم استغلاله لتحقيق اطماع امريكية في العراق وغيرها وهاد بيعني انو في امكانيات للابداع بس بالوطن العربي مصيرها اما التصدير واما الاغتيال واما الفشل

:D

يوسف شاهين مسيحي
بحب اخبرك شغلة صغيرة
بالغرب بشكل عام كل العرب مسلمين :? الا ازا قلتلو انك مش مسلم بيقتنع وممكن بالأول يرسم علامات تعجب(هالشي باكدلك اياه من اكتر كم حادث صار قدامي).

مو مهم هلا فوق كمان قريت انو العرب او المسلمين مش متخلفين
ايه لا يا سيدي الاغلبية و للاسف متخلفة...طبعا ما فينا ننكر انو في انجازات عملوها (ولو شحيحة)..
بس لما تحكي عن كمّ هائل من الناس عم يطلع معهم بس هالكمّ الصغير من الانجازات بدك تكون عم تحكي عن محتمع متخلف:pos:

اما عن الصراع بفلسطين ما بتخيل انو احنا عم نحاربهم لانهم يهود او لانو احنا مسلمين
لانو الصهيوني ما بيفرق بين فلسطيني ملسم او فلسطيني مسيحي بالوقت اللي بحط ايدو بايد الغرب "المسيحي"...و للاسف الشرق "المسلم"!!!

هلا ما رح فوت بالصراع العربي الاسرائيلي لانو مش موضوعنا بس حبيت نوّه ع الفكرة

اما بالنسبة لالنا (كعرب مسلمين بالغرب) منطويين!! لا ابدا مش منطويين
بس في شلّة من الناس اللي حتى ببلدهم بتكون منطوية و متشددة هدول شي طبيعي ما يتأقلمو
و متل ما قال ياس...احنا مشكلتنا انو منشوف حالنا الحضارة و الدين
و هاي مش بس مشكلة هاي مصيبة... ما فيك تلغي الاخر او تفني من الوجود
لمجرد انو دينو غير عن دينك و هالشي بيخلي ملحد و كافر و "ما بيستحق" معاملتك الغير شكل!!
العالم برا عم تتقبلنا متل ما احنا ليش ما احنا نتقبلهم متل ما همّ؟!

:D.

اما عن الصراع بفلسطين ما بتخيل انو احنا عم نحاربهم لانهم يهود او لانو احنا مسلمين
لانو الصهيوني ما بيفرق بين فلسطيني ملسم او فلسطيني مسيحي بالوقت اللي بحط ايدو بايد الغرب "المسيحي"...و للاسف الشرق "المسلم"!!!


لا طبعا ماعمنحارب اليهود والدليل على هالشي حركة الجبهة الشعبية لتحرير فلسطين وهي حركة تنتهج الماركسية والتي اسسها كارل ماركس وهو من (اصل يهودي)

هلا بتفق معك مية بالمية

وبالنسبة للمبدعين والمبتكرين كمان انا معك وعندك اهم مثال مصر فيها علماء ومبتكرين ومبدعين في كل مجال بس للاسف هالابداع دائما يُصدَّر للخارج واهم مثال محمد مصطفى البرادعي رئيس الوكالة الدولية للطاقة الذرية والي للاسف تم استغلاله لتحقيق اطماع امريكية في العراق وغيرها وهاد بيعني انو في امكانيات للابداع بس بالوطن العربي مصيرها اما التصدير واما الاغتيال واما الفشل

:D

طبعا رح يكون في عنا مبدعين وعلماء لأنو المشكلة مانها بالجينات أو بتركيبة مخنا الفيزيولوجية بس المشكلة بالتيار العام أو بالأحرى بالركون العام وانعدام الرعاية للابداع لأنو ما عنا هاجز النهضة أو رفد المسيرة الانسانية نحنا كشعوب بشكل عام وحكومات ومؤسسات وشركات اخترنا إنو نكون برات التغطية أو على الهامش مستهلكين شبه سلبيين وبالتالي كل مبدعينا رح ينجبرو يسافرو ولما رح يحاولو يرجعو رح يصدموا بالواقع ومثال من مصر الدكتور أحمد زويل رجع وكلو أمل من الدعاية التي قدمت له إنو يعمل نهضة على غرار نهضة كوريا بس من فترة شفتلو ندوة بدار الاوبرا بمصر كان عم يعبر عن خيبة أملو بطريقة مهذبة.

الأخ Elephant And Castle بعرف إنو يوسف شاهين مسيحي واسمو جو بس كنت بقصد المبدعين في العالم العربي والاسلامي مو المبدعين المسلمين حصرا إلا إذا بتعتبر مصر خارج العالم العربي أو الاسلامي بعدين بشرفك ولو كنت غلطان يعني لقيتلك شغلة تحكي فيها يا ريتك قدمت فكرة إنو يعني المهم تحكي مثلا.


مو مهم هلا فوق كمان قريت انو العرب او المسلمين مش متخلفين
ايه لا يا سيدي الاغلبية و للاسف متخلفة...طبعا ما فينا ننكر انو في انجازات عملوها (ولو شحيحة)..
بس لما تحكي عن كمّ هائل من الناس عم يطلع معهم بس هالكمّ الصغير من الانجازات بدك تكون عم تحكي عن محتمع متخلف
طالما نسبة الامية تتجاوز الـ60% فمجتمعاتنا متخلفة حكماً هاد بغض النظر عن المستوى التعليمي للبقية الباقية وبغض النظر لمعدل القراءة المخزي.

و متل ما قال ياس...احنا مشكلتنا انو منشوف حالنا الحضارة و الدين
و هاي مش بس مشكلة هاي مصيبة... ما فيك تلغي الاخر او تفني من الوجود
لمجرد انو دينو غير عن دينك و هالشي بيخلي ملحد و كافر و "ما بيستحق" معاملتك الغير شكل!!
العالم برا عم تتقبلنا متل ما احنا ليش ما احنا نتقبلهم متل ما همّ؟!

هي فعلا مصيبة وجزء منها يعود للنظرة الاستعلائية للآخر الملحد لتعويض الشعور بالدونية بالاضافة لأزمة الانتماء في ظل اهمال مطلق للمغتربين من قبل دولهم الأم.

فهمنا الموضوع هلق جابي :lol: .
بس صرت فاتح باب النقاش وفاتحو فـ خليك ع جنب :p .

لأحمد -- المتطرفين او ما يسمى الوهابيين او السلفيين هم مطاردين في بلادهم بسبب الافكار المتطرفة الداعية للفوضى والعصيان والي ممكن تشكل خطورة على انظمة وامن البلاد الي بيعيشو فيها . بيدفعهون هالشي للتجمع بالغرب والتكتل بجماعات منظمة عم تعمل نشاطات من الوقت للتاني . و مرات بتكتفي بالتهدئة التنظيمية مع الاستمرار بالترويج للفكر المتطرف . صدقني هني موجودين وبكثرة .
اما الي سميتهون معتدلين فهدول هجرة عادية ماننا بصدد الحكي عنها لأنها غير دينية ع الاغلب فهي متلها متل هجرة الهنود والفليبينين للعمل وتحسين مستوى المعيشة او حتى للحصول على جنسية اجنبية او الحياة بحرية والهرب من جو الحروب مثلاً . كلها اسباب غير دينية مطلقاً .

حضرتك وصفت السلفيين بأنهم جماعة متطرفة ومطارديين من بلادهم لأنهم فئة تخريبية وبتعمل فوضى في البلاد
اول انت بتعرف شو هو تعريف السلفية؟؟
السلفية مبدأ بسيط وهو اتباه منهج السلف الصالح يعني منهج النبي الكريم وصحابته أي الأبتعاد عن الخرافات والشركيات اللي عم نشوفها طلعت جديد في عصرنا الحالي وبقصد الخرافات اللي طلعت في الدين الأسلامي متل البدع اللي اخترعتها الجامعة الصوفية من ضرب شيش والى ماهنالك.
وما أظن الرسول الكريم طرح افكار متطرفة أو تخريبية ولو كان هلشي مو صحيح كان مافي ولا مسيحي او يهودي عايش في بلاد المسلمين وكانوا كلهم اتذبحوا.
أما انهم مطاردين لأنهم متطرفين وبيعملوا فوضى فبأكد لك انهم فعلا مطارديين ولكن لأنهم ثاروا على الأنظمة الدكتاتورية وما قبلوا الذل على حالهم ولا على امتهم
لأنهم شجعان وفرسان هلأمة وما أظن السلفية وحدهم المطارديين في بلادنا العربية بل أي واحد بيعارض الحكم وبيفرض الذل بيكون مطارد حتى لو كان يهودي ولا مسيحي ولا شيوعي.
السلفية هم الذين اوقفوا مجازر البوسنة والهرسك ودفعوا بأرواحهم ليدافعوا عن هذا الشعب المسكين اللي ذبح بإسم الدين المسيحي والصليب.
السلفية هنن اللي اتحدوا اعظم دولة في العالم وهزموها وهي الأتحاد السوفيتي
السلفية هي اللي وقفت الزحف الأمريكي القادم من العراق بإتجاه سوريا ولو ما كانت المقاومة العراقية اشتعلت وكسرت امريكا في العراق لكانت امريكا عنا هلاء وكان سورية انخربت وصار عنا فضايح ابو غريب.
والله ما سمعنا عن مسيحي عراقي قاوم الأمريكان أو عمل عملية استشهادية في سبيل الدفاع عن دينه وارضه وعرضه رغم وجود المسيحيين في العراق.
يا حبيبي حتى نكون واضحيين العالم بأسره مقسوم الى قسمين
القسم الأول هو اتحاد صليبي يهودي هندوسي
والقسم التاني هو العالم الأسلامي
ومهما خرجت حركات متطرفة من المسيحيين او اليهود او الهندوس او اي ديانة سماوية او باطنية فما حدا بدو ينتقدها ولا اي دولة في مجلس الأمن والدليل على ذلك مجازر اليهود في فلسطين ولبنان ومجازر الأستعمار الصليبي من فرنسا وايطاليا واسبانيا في الدول العربية والأسلامية ومجازر الهندوس في كشمير ومجازر الروس في الشيشان وداغستان وطبعا السب معروف لأن الضحايا هم من المسلمين ودائما دماء المسلمين رخيصة في وقتنا الحالي وعلى فكرة هلشي محدث عنو من الف واربعمائة سنة في القرأن الكريم والسنة النبوية.
أما لو خرجت فئة من العالم الأسلامي رافعة الأسلام شعارها حنشوف العالم قام وما قعد عليهم ووصفهم بالأرهاب والمتطرفين وعمل سجن متل جوانتنامو لسجنهم وقاموا بتدنيس القرأن الكريم ووضعه في المراحيض والمزابل وما حدا بيحكي ولا حدا بيفتح تموا وطبعا منرجع منقول لأن الضحايا هم مسلمين.
من مئات السنين والى الأن العالم عم يحكي على مجازر الأتراك في حق الأرمن وما بيحكو على المليون ونصف شهيد اللي في الجزائر او مئات الوف الشهداء في ليبيا أو الشهداء التي تم حرقهم وهم احياء في اسبانيا لما خرجوا المسلمين منها ومنرجع ومنقول السبب معروف لأن الأرمن مسيحين وباقي الضحايا مسلمين.
ومنجي اخيرا على تركيا المسكينة اللي صار لها عشر سنوات عم تحاول تدخل الأتحاد الأوربي وما عم يوافقو بينما كتير دول وضعها الأقتصادي كان اسواء منها بكثير ومع ذلك قبلوها مباشرة وحاليا اوكرانيا عم تتحضر للدخول للأتحاد الأوربي رغم وضعها اللي متل الزفت واسوأ بكتير من تركيا بس اكيد ما رح يدخلو تركيا في الأتحاد الأوربي حتى لو اعترفت بمجازر الأرمن ولو شعلت اصابعيها شموع مارح تدخل لأن تركيا طبعا دولة اسلامية... ومنشان هيك انا بقترح أحسن ما يسموا هلأتحاد بالأتحاد الأوربي يسموه بالأتحاد الصليبي ويرحونا.
بس الله يخليلنا السلفية لأننها شوكة في حلق امركيا واوربا وشمعة السلفية ان شاء الله مارح تنطفي بينما شمعتهم حتزول ان شاء الله.

ما تمت مواجهته بغضب إسلامي وبشعور عام يتلخص بمحاولة فرنسا محاربة الحجاب ومحاربة الوجود الإسلامي لو لم يكن هنالك وجود لمفهوم المد والصراع الديني المتعشق بالعقول المهاجرة .




يعني حضرتك بررت همجية فرنسا وتعصبها بنزع الحجاب على أن المهاجرين المسلمين هم اللي حاطين في راسهم الصراع الديني ومنشان هيك فرنسا قابلتهم بردة فعل وهي نزع الحجاب.
طيب شو رأيك نعامل المسيحين اللي في بلادنا بذات المعاملة ونمنعهم من رفع الصليب ونبرر اننا عملنا فحص اشعة على عقولكم اتضح النا انو في صراع ديني في راسكم منشانهيك بدنا ننزع حقكم في حمل شعائركم الدينية؟؟
يعني بدل ما تلوم فرنسا على هلعمل المشين لمت المسلمين
دائما وابدا رح نشوف أن المسلمين هم الضحايا وهم سبب كل الكوارث وكل الحروب اللي حصلت وعم تحصل واللي رح تحصل وهذا الشيء ابتدأ من الحملة الصليبية الأولى ومارح ينتهي حتى تقوم القيامة

القضية ان الدين الاسلامي يدعو للتجمع و التعاضض بين المسلمين... و دول العالم بكل بساطة بتتخوف من كل التجمعات او الاتحادات... فبتبين انو الحرب ع الاسلام..! مع انو امريكا مثلا..لو فيها تقسم الصين ما كانت قصرت.. هل هناك عداء بين المسيحية والبوذية الصينية؟؟.. اميركا وقت فرطت الاتحاد السوفيتي بخططها كانت عم تساعد المسلمين برأيكن؟؟؟! ولا خايفة من هالجمهورية الهائلي؟......... (في واحد ضحكني.. قال السلفية هيي يلي كسرت الاتحاد السوفييتي..!)

طول مو المسلمين رح يضلو يطلعو ع السياسي من منظور ديني رح يستمرو بتخلفهم السياسي..

خلص يا أخي.. العلوم صارت اختصاصات... في واحد بيدرس كتب الدين واسمو رجل دين و بيتفزلك بالدين... و واحد بيدرس علوم سياسية و بيصير سياسي و بيحكي بالسياسي...

هلق يمكن حكيي بينطبق ع الشعب... الشعب يلي لاحق خطبات رجال الدين, بس الحكومات فهمت هالشي..

inodessa (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) كلامك عين العقل:D

القضية ان الدين الاسلامي يدعو للتجمع و التعاضض بين المسلمين... و دول العالم بكل بساطة بتتخوف من كل التجمعات او الاتحادات... فبتبين انو الحرب ع الاسلام..! مع انو امريكا مثلا..لو فيها تقسم الصين ما كانت قصرت.. هل هناك عداء بين المسيحية والبوذية الصينية؟؟.. اميركا وقت فرطت الاتحاد السوفيتي بخططها كانت عم تساعد المسلمين برأيكن؟؟؟! ولا خايفة من هالجمهورية الهائلي؟......... (في واحد ضحكني.. قال السلفية هيي يلي كسرت الاتحاد السوفييتي..!)

طول مو المسلمين رح يضلو يطلعو ع السياسي من منظور ديني رح يستمرو بتخلفهم السياسي..

خلص يا أخي.. العلوم صارت اختصاصات... في واحد بيدرس كتب الدين واسمو رجل دين و بيتفزلك بالدين... و واحد بيدرس علوم سياسية و بيصير سياسي و بيحكي بالسياسي...

هلق يمكن حكيي بينطبق ع الشعب... الشعب يلي لاحق خطبات رجال الدين, بس الحكومات فهمت هالشي..
لا لا ..هي أمريكا مو خايفة من التجمعات و الاتحادات ....
أمريكا خايفة من الدول اللي بتتبنى الخطاب و العقائد ثورية اللي ضد مصالحها ..."ايدلوجية - دينية ...الخ
ركزلي على كلمة ضد مصالحها...يعني مثلاً لما قام الهوتو "المتطرفين" بقتل مئات الالاف من التوتسي برواندا ماحدا استكال بكيلهون...
بينما العالم قايم و قاعد كرمال دارفور لاسباب كلنا منعرفها...
وبما انو الخطاب الاسلامي هو أكتر الخطابات "تشدداً" بنظر أمريكا ..فبهي الحالة عمتحاول تحاوط و تحتوي هالافكار وتحول دون امتدادو و تقضي على منابعو ....
المشكلة الاساسية بأمريكا و الغرب انو دعمن اللا محدود لاسرائيل و والصهيونية عمتأدي الى انو شعوب المنطقة عمتتوجه للتطرف و التشدد .....

أمريكا والغرب متشددين و متطرفين "بنظري" بالنسبة للقضية الفلسطينية ....
هالتطرف و التشدد ولّد التشدد الموجود هلاء بالمنطقة و اللي الله بس وحدة بيعلم لوين بدّو يوصلنا....

inodessa (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) كلامك عين العقل:D
شكرا ع الوردة اخي أبو العبد.. تحياتي

لا لا ..هي أمريكا مو خايفة من التجمعات و الاتحادات ....
أمريكا خايفة من الدول اللي بتتبنى الخطاب و العقائد ثورية اللي ضد مصالحها ..."ايدلوجية - دينية ...الخ
ركزلي على كلمة ضد مصالحها...يعني مثلاً لما قام الهوتو "المتطرفين" بقتل مئات الالاف من التوتسي برواندا ماحدا استكال بكيلهون...
بينما العالم قايم و قاعد كرمال دارفور لاسباب كلنا منعرفها...
وبما انو الخطاب الاسلامي هو أكتر الخطابات "تشدداً" بنظر أمريكا ..فبهي الحالة عمتحاول تحاوط و تحتوي هالافكار وتحول دون امتدادو و تقضي على منابعو ....
المشكلة الاساسية بأمريكا و الغرب انو دعمن اللا محدود لاسرائيل و والصهيونية عمتأدي الى انو شعوب المنطقة عمتتوجه للتطرف و التشدد .....

ابو نجبو... معك حق.. بس وين الغرابة.. كل مين داير ع مصالحو.. اذا كان الخطاب الاسلامي هو أكتر الخطابات "تشدداً" او اذا كان بهدد مصالحها بشكل او بآخر فرح تحاربو.. ونحنا اذا في اي فكر امريكي كا او غير امريكي بهدد مصالحنا.. بهدد امنا لازم نحاربو..

دعم اسرائيل يمكن اصلو ذكاء اليهود سياسيا.. و مو جاي من منطلق ديني ابدا ابدا.. اصلا الانجيل كلو ذم باليهود وشرشحة الهن! واليهود لاتؤمن لا بالمسيح ولا بالمسيحية كديانة ربانية.. فهل اليهود صادقو المسيحيين ع أسس دينية؟!!

القصة متل ما تفضلت قصة مصالح... ابو نجبو وكم واحد واعيين لهالقصة.. فعتبي عالباقي...

القسم الأول هو اتحاد صليبي يهودي هندوسي


إنو بس دخيلك شو دخل الهندوس؟؟؟؟؟ ولا هي آخر تحديث لنظرية المؤامرة؟؟؟

حضرتك وصفت السلفيين بأنهم جماعة متطرفة ومطارديين من بلادهم لأنهم فئة تخريبية وبتعمل فوضى في البلاد
اول انت بتعرف شو هو تعريف السلفية؟؟
السلفية مبدأ بسيط وهو اتباه منهج السلف الصالح يعني منهج النبي الكريم وصحابته أي الأبتعاد عن الخرافات والشركيات اللي عم نشوفها طلعت جديد في عصرنا الحالي وبقصد الخرافات اللي طلعت في الدين الأسلامي متل البدع اللي اخترعتها الجامعة الصوفية من ضرب شيش والى ماهنالك.
وما أظن الرسول الكريم طرح افكار متطرفة أو تخريبية ولو كان هلشي مو صحيح كان مافي ولا مسيحي او يهودي عايش في بلاد المسلمين وكانوا كلهم اتذبحوا.


يا سيدي لو عبيتعاملوا مع الواقع بنفس اسلوب (مو بنفس الوقائع بحذافيرا ) السلف الصالح ما كان صار مشاكل بالأصل .
والمشكلة الكبرى واللي بشكلها التيار السلفي هوي الفكر الاقصائي اللاغي للآخر ..يعني انت بدون ما تحس نبذت وتهجمت على المذهب الصوفي مع العلم بأن الصوفية بتحمل من الرقي والفكر الانساني المتطور ما يفوق التصور .

هالحكي في حال وافقتك الرأي بأن الدين ممكن ان يكون قاعدة جيدة لبناء حزب سياسي عليها .



أما انهم مطاردين لأنهم متطرفين وبيعملوا فوضى فبأكد لك انهم فعلا مطارديين ولكن لأنهم ثاروا على الأنظمة الدكتاتورية وما قبلوا الذل على حالهم ولا على امتهم
لأنهم شجعان وفرسان هلأمة وما أظن السلفية وحدهم المطارديين في بلادنا العربية بل أي واحد بيعارض الحكم وبيفرض الذل بيكون مطارد حتى لو كان يهودي ولا مسيحي ولا شيوعي.عملية شمل السلفية وحزب الاخوان وبقية أشكال الإسلام السياسي ( على فكرة ما تحسب بأن علاقة السلفية بالاخوان علاقة طيبة ، لا بل في بعض التيارات بتكفّر تيار الأخوان وما بتعتبرن أحزاب تطبق فكر الاسلام السياسي بشكله الصحيح ) مع باقي اشكال المعارضة عملية رخصية كتير
ما منختلف بان بلداننا العربية عم تشكل تضييق على العقول المفكرة من شتى الجماعات المتنورة والواعية بالأفكار الحرة والمنتسة لشتى الاقليات أو الاحزاب القومية غير الحاكمة ( شخصيا برفض التقسيم الطائفي اللي انت طرحته ( يهودي .. مسيحي .. شيوعي ) )
بس لازم نتذكر بأن التيار السلفي المتزمت هوي أول المستفيدين بهلحالة لان عم يلاقي عذر مقنع لاستمرار وجوده .. بأنه ما اخد فرصته وما عم يحقله العمل بطريقة عادلة
مع العلم بأنه بحد ذاته بعيدا عن الفكر اللاغي للحكومات العربية يفترض يكون معزول ومنبوذ اجتماعيا كونه بأدي لكوارث مدنية بسبب الافكار الرجعية اللي بيتبنيها وبسبب عدم قدرته على محاكاة الواقع والتماشي مع القيم العصرية اللي انوجدت بعد حقبة الازدهار السياسي الاسلامي المحصورة بفترة حياة الرسول الكريم واللي كان شخصية سياسية فزة ما مر بالبشرية ( وما بتوقع بالمستقبل يمر ) شخص محنك ومفكر سياسي قادر على مجاراته .



السلفية هم الذين اوقفوا مجازر البوسنة والهرسك ودفعوا بأرواحهم ليدافعوا عن هذا الشعب المسكين اللي ذبح بإسم الدين المسيحي والصليب.
لا يا عم رجاع للتاريخ .. اميركا اتدخلت ووقفت المجازر وتأكدت من اتمام عملية فصل البوسنا والهرسك عن يوغسلافيا الأم .. إلا إذا بتعتبر أميركا جزء من التيار السلفي الاسلامي .. وبالمناسبة أميركا اللي بتم شتما ليل نهار واللي بتم اعتبارا الغازي الصليبي المعاصر واللي بينظر إلها بأنها المشنة للحرب الصليببية بعصرنا الحالي هية اللي وقفت بجانب المسلمين في محنتن ولولاها ما كان حصلوا على استقلال وما كانت محنتهم انتهت .. أميركا همها الأول مصالحها الشخصية بغض النظر عن الاسلوب أو عن الطريقة وهلشي بشوفه حق مشروع الها وإن كان ما بيتماشى مع رغباتي الشخصية .


السلفية هنن اللي اتحدوا اعظم دولة في العالم وهزموها وهي الأتحاد السوفيتي شلون ؟ كيف ؟ وين ؟ امتى ؟
ضرب المعالج عندي بسبب هلجملة !!!
ابسط قارئ بالتاريخ والمطلع بشكل سطحي جدا جدا جدا على احداث القرن الماضي من الحروب العالمية الأولى والتانية والحرب الباردة بيعرف مين اللي حل الاتحاد السوفيتي وألغى مفهوم القطبين الحاكمين للعالم وطبق سياسة القطب الواحد واللي عم يدافع بكل طاقته على استمرار ميلان كفة الميزان للشكل الحالي !!
من فين جبتلي السلفية !!!!؟!!؟



السلفية هي اللي وقفت الزحف الأمريكي القادم من العراق بإتجاه سوريا ولو ما كانت المقاومة العراقية اشتعلت وكسرت امريكا في العراق لكانت امريكا عنا هلاء وكان سورية انخربت وصار عنا فضايح ابو غريب.
والله ما سمعنا عن مسيحي عراقي قاوم الأمريكان أو عمل عملية استشهادية في سبيل الدفاع عن دينه وارضه وعرضه رغم وجود المسيحيين في العراق.علاقة سوريا بأميركا غير محكومة بالتيار السلفي .. يعني ما بعتقد التيار السلفي كان بيوم من الأيام المتحدث باسم الحكومة السورية .
مزبوط بأن التيار السلفي كان ولازال عم ينفذ عملياته التفجيرية ضد الجيش الأميركي وهلشي عم يشكل ورقة ضغط من قبل الأمركيين نفسن على حكومتن كونن عم يشوفوا حكومتن مغامرة بحياة جنودها عن طريق استمرار وجودها بالمنطقة ، ومزبوط بأن أوباما لاقى استحسان اميركي داخلي ودعم كبير بحملته بسبب موقفه من الحرب على العراق واعلانه رغبته بالانسحاب الكامل بعد 18 شهر من توليه الحكم .. بس يا ترى اميركا ندمت لدخولها العراق ؟!
او لو عادت الأيام فيها لما رجعت عملت نفس خطوتها ؟!
الحسابات الاميركية العراقية بتختلف عن الحسابات الاميركية السورية لإختلاف طبيعة العلاقة بين الحكومة السورية ومواقفها وعلاقاتها مع الحكومة الامريكية .. بعتقد منكون صرنا بغير موضوع لو كملنا بهلمجال

اما بخصوص تخوين المسيحية العراقية لعدم وجود احداث استشهادية منفذة من قبل المسيحيين فبفضل عدم التعليق على الموضوع :lol:


يا حبيبي حتى نكون واضحيين العالم بأسره مقسوم الى قسمين
القسم الأول هو اتحاد صليبي يهودي هندوسي
والقسم التاني هو العالم الأسلامياذا قلنا الصليبي هوي اميركا
اليهودي هوي اسرائيل
الهندوسي مين :?

المهم
يا سيدي حطيت ايدك علوجا تماما
الاسلام السياسي او خلينا نقول تاثير الاسلام السياسي بعقليه عامة الشعب من المثلمين خلق فكرة تعشّقت بالعقول مع مضي الوقت بتقول هي الفكرة بأن العالم أجمع يحارب الرسالة الإسلامية ويحارب وجود المسلمين !!
وهاد الشي اللي انا كاتبه بموضوعي بأن الاسلام بمفهوم الحرب المقدسة والمد الديني بيشعر بأن العالم كله عم يحاربه وهاد الشي انت اثبتلي أنه فعلا موجود بعقليه الانسان المسلم المتأثر بالخطابات الدينية .


ومهما خرجت حركات متطرفة من المسيحيين او اليهود او الهندوس او اي ديانة سماوية او باطنية فما حدا بدو ينتقدها ولا اي دولة في مجلس الأمن والدليل على ذلك مجازر اليهود في فلسطين ولبنان ومجازر الأستعمار الصليبي من فرنسا وايطاليا واسبانيا في الدول العربية والأسلامية ومجازر الهندوس في كشمير ومجازر الروس في الشيشان وداغستان وطبعا السب معروف لأن الضحايا هم من المسلمين ودائما دماء المسلمين رخيصة في وقتنا الحالي وعلى فكرة هلشي محدث عنو من الف واربعمائة سنة في القرأن الكريم والسنة النبوية.
بمجال علم النفس ما عندي ايا صفة أكاديمية لأتبناها بالحكي
لكن خلال عملي التطوعي في احدى المنظمات الاجتماعية اكتسبت خبرة إرشادية بالتعامل مع الأطفال والمراهقين .
بالنسبة النا كمرشدين اجتماعيين من الواضح بأن الشخص اللي دائما بيشعر أنه منبوذ وموضع سخرية الجميع وأن الجميع بدون استثناء بحوال النيل منه .. بكون فعليا هوي عم يضع نفسه بخانة النبذ وعلى الأغلب بكون بالحقيقة هوي أكبر الرافضين للآخر ويفضل العزلة وبمانع بشكل واضح المشاركة مع الآخرين والاحتكاك معن .
ومهمتنا بتكون صعبة كتير لأن قبل ما نعلم الطفل هاد كيف العالم تتقبله لازم نعلمه هوي كيف لازم يتقبل العالم ويحببها بحاله .

نفس الحكي بشوفه بينطبق على المسلم المتجذّر براسه الفكر الاقصائي الاغي (مشان ما يصير لبس بالموضوع الصفات السابقة غير شاملة بكل مسلم انما بتحدد صفة معينة عند جماعات اسلامية منتشرة بكثرة لكنها ما بتشكل قاعدة مطلقة للإسلام ) واللي بشوف بأن البشرية كلها بأديانها السماوية والأرضية والمؤرضة وتياراتها الالحادية القوية والضعيفة والحكومات العلمانية والدينية وكل ما خلقه الله من هب ودب على سطح الكرة الأرضية عم يحاول يهين مقدساته ويحاربه ويشن حرب من نوع ما عليه .

فإن كان بحسب روايتك بأن الاسلام محارب من 1400 سنة فهاد بشكل دليل كافي بالنسبة إلي بأن الاسلام من 1400 سنة عنده مشكلة بالتعامل مع الآخر ولهلق ما قدر يوصل لصيغة حل مناسبة لمشكلته ( هي اذا كان حاسس فعلا انه في مشكلة )


أما لو خرجت فئة من العالم الأسلامي رافعة الأسلام شعارها حنشوف العالم قام وما قعد عليهم ووصفهم بالأرهاب والمتطرفين وعمل سجن متل جوانتنامو لسجنهم وقاموا بتدنيس القرأن الكريم ووضعه في المراحيض والمزابل وما حدا بيحكي ولا حدا بيفتح تموا وطبعا منرجع منقول لأن الضحايا هم مسلمين.بخصوص رفع شعار الاسلام فقبل احداث 11 أيلول من عام 2001 ما بعتقد كان العالم الغربي بيعرف شو هوي الاسلام السياسي وشو هية الشعارات المرفوعة .. بفضل الارهابي بن لادنوالصورة اللي نقلها عن الاسلام .. وبفضل تأكيد بعض المتحديثن الاسلاميين لفكر القاعدة الارهابي ومنحه الشرعية ، صار للعالم موقف سلبي من الشعارات الإرهابية المرفوعة .. يفترض يكون في جهود حثيثة لمحاول تجديد الصورة المنقولة لكن للأسف لا حياة لمن تنادي .. نظريات مؤامرة ووضع الأمة بخانة الضحية والاسلام بخانة المستهدف هاي الاشياء الوحيدة الشاطرين بفعلها مع العلم انها ما عم تحقق أي تغيير وما عم تصحح من صورة الاسلام ومع هلشي متثبتين فيها .


لو فعلا تمت عملية الاستجاوب والتحقيقات بخصوص احداث معتقل غوانتانموا واللي ممكن تأدي لإغلاقه متل ما صرح الرئيس الاميركي الحالي .. ابقى فرجيني كيف بدك ترجع تحيك ثوب مآمرة جديد لتستر عورة ثقافة الإلغاء اللي حاملها براسك .



من مئات السنين والى الأن العالم عم يحكي على مجازر الأتراك في حق الأرمن وما بيحكو على المليون ونصف شهيد اللي في الجزائر او مئات الوف الشهداء في ليبيا أو الشهداء التي تم حرقهم وهم احياء في اسبانيا لما خرجوا المسلمين منها ومنرجع ومنقول السبب معروف لأن الأرمن مسيحين وباقي الضحايا مسلمين.دليل اضافي لصحة الحكي اللي انا كاتبه فوق .



بس الله يخليلنا السلفية لأننها شوكة في حلق امركيا واوربا وشمعة السلفية ان شاء الله مارح تنطفي بينما شمعتهم حتزول ان شاء الله.
رأيك وانت حر فيه
بس بحب خبرك بأن السلفية بشكلها الحالي وصيغتها الحالية بدها اتم محاربة ومرفوضة ان كان من قبل الغرب متل ما هوي الوضع الراهن فبده يكون من قبل الشعوب اللي شاءت ام ابت التيارات السلفية الشعوب عم توعى وتعرف تفرق بين الصح والغلط وليكا الكويت مثال واضح قدامنا .




يعني حضرتك بررت همجية فرنسا وتعصبها بنزع الحجاب على أن المهاجرين المسلمين هم اللي حاطين في راسهم الصراع الديني ومنشان هيك فرنسا قابلتهم بردة فعل وهي نزع الحجاب.


بعيد وبقول بأن فرنسا ما نزعت الحجاب وما شنت أيا قوانين معينة ووجهتها للمسلمين بصفة شخصية
فرنسا منعت كل الرموز الدينية داخل الدوائر الحكومية بما فيها الصليب والحجاب على حد سواء بهدف تحقيق المساواة بأفضل أشكالها دون وجود أي عامل تمييز بين المواطنين
يا ترى ليش ما طلعلنا بوذي حرق العلم الفرنسي وقال بأن فرنسا عم تحارب معتقداته بعدم السماح إله بارتداء لباسه الديني الخاص
او طلع هندوسي وقال بأن فرنسا عم تهين مقدساته بسماحها القيام بذبح الأبقاء
انا بجاوبك ... لأن غير المسلم ما بيحمّل التصرفات ابعاد دينية وما بيتصرف بناء على البعد الديني والانتماء الديني للإنسان المقابل اله .


طيب شو رأيك نعامل المسيحين اللي في بلادنا بذات المعاملة ونمنعهم من رفع الصليب ونبرر اننا عملنا فحص اشعة على عقولكم اتضح النا انو في صراع ديني في راسكم* منشانهيك بدنا ننزع حقكم في حمل شعائركم الدينية؟؟
يعني بدل ما تلوم فرنسا على هلعمل المشين لمت المسلمين
دائما وابدا رح نشوف أن المسلمين هم الضحايا وهم سبب كل الكوارث وكل الحروب اللي حصلت وعم تحصل واللي رح تحصل وهذا الشيء ابتدأ من الحملة الصليبية الأولى ومارح ينتهي حتى تقوم القيامةبدي أهمل تماما وجود فرق بين الأقلية المهاجرة نحو البلاد الاوروبية والأقلية المتأصلة بالبلاد والموجودة بتاريخ البلاد عبر العصور ...وبدي اعتبرها مجرد تعامل أكثرية مع أقلية :
لو تم منع الصليب بصفة فردية فما بعتقد بدنا وقت كبير لإطلاق لقب التمييز بالتعامل
بس وقت بيمنع كافة اشكال الرموز الدينية بما فيها الصليب والقلنسوة والحجاب فشو التمييز بهلحالة ؟

بفهم منك بأن العقل الإسلامي ما بده يتطور حتى يوم القيامة وما بده يطالع نفسه من دائرة النبذ والعزل ؟
انا مستعد راهنك على خطأك وعلى قدرة العقل الاسلامي التماشي مع البشرية والعيش جنب إلى جنب معها .. شوية تحرر من السلطة الدينية وقتل النزعة الإقصائية الموجودة حاليا وشوف كيف بيتغير كلشي صاير وبتتغير كل المعاير وبتتغير طريقة التعامل مع الملف الاسلامي


*بخصوص ضمير المخاطب الموجود بكلمة راسكم
فبحب وضحلك بأني ما بشكل الرأي المسيحي وماني معني بالدفاع عن اتداء الصليب .. لتفوت أكتر بالأخوية وتفهم ثقافة سطلنا المقدس بتعرف شو وضعي :lol:

طولنا عليكم .. لا تواخذونا
:D

لا لا ..هي أمريكا مو خايفة من التجمعات و الاتحادات ....
أمريكا خايفة من الدول اللي بتتبنى الخطاب و العقائد ثورية اللي ضد مصالحها ..."ايدلوجية - دينية ...الخ
ركزلي على كلمة ضد مصالحها...يعني مثلاً لما قام الهوتو "المتطرفين" بقتل مئات الالاف من التوتسي برواندا ماحدا استكال بكيلهون...
بينما العالم قايم و قاعد كرمال دارفور لاسباب كلنا منعرفها...
وبما انو الخطاب الاسلامي هو أكتر الخطابات "تشدداً" بنظر أمريكا ..فبهي الحالة عمتحاول تحاوط و تحتوي هالافكار وتحول دون امتدادو و تقضي على منابعو ....
المشكلة الاساسية بأمريكا و الغرب انو دعمن اللا محدود لاسرائيل و والصهيونية عمتأدي الى انو شعوب المنطقة عمتتوجه للتطرف و التشدد .....
حكي صحيح ولا غبار عليه :D

يا شباب المد الإسلامي نحو الغرب ما قصدون فيه يعني صراع فكري أو إحتلال ولكن المقصود فيه تأثير هالكم مسلم على رأي الناخب وعلى نتائج الإنتخابات يعتي هالمسلم إذا أخد جنسية هو وأولاده وأولاد أولاده المسلمين رح يصيرو ناخبين ورح ينتخبو مسلم وهكذا مشان هيك الغرب عم يحاول هلأ ما يسمح بها الشي

أزكر بال 92 أو 93 قريت كتاب عن هالقصة .. فيو إحصائيات عم تقيس نسبة إزدياد المسلمين بالمية في كل دولة من دول العالم .. كل اللي بزكرو أنو ل 2030 كان لازم كل دول العالم تصير إسلاميّة .. :lol:

و بستغرب من شي هاي كلمة "المد" و لا كأني وباء عم يمتد نحو الغرب , أو طاعون رح ياكل الأخضر و اليابس .

غريب . :?

يا شباب المد الإسلامي نحو الغرب ما قصدون فيه يعني صراع فكري أو إحتلال ولكن المقصود فيه تأثير هالكم مسلم على رأي الناخب وعلى نتائج الإنتخابات يعتي هالمسلم إذا أخد جنسية هو وأولاده وأولاد أولاده المسلمين رح يصيرو ناخبين ورح ينتخبو مسلم وهكذا مشان هيك الغرب عم يحاول هلأ ما يسمح بها الشي
مين قلك بأن الغرب ما عم يسمح لهلشي ؟
لحد اللحظة أبواب السفارات مفتوحة والجنسية عم يتم منحهل للمسلم تماما متل ما عم يت منحها لبقية لمهاجرين
:D


أزكر بال 92 أو 93 قريت كتاب عن هالقصة .. فيو إحصائيات عم تقيس نسبة إزدياد المسلمين بالمية في كل دولة من دول العالم .. كل اللي بزكرو أنو ل 2030 كان لازم كل دول العالم تصير إسلاميّة .. :lol:

و بستغرب من شي هاي كلمة "المد" و لا كأني وباء عم يمتد نحو الغرب , أو طاعون رح ياكل الأخضر و اليابس .

غريب . ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا كمان نفس السؤال خطرلي انه ليش كلمة ( مد ) بلتحديد
لهيك ذكرتا متل ما هية بالموضوع

مين قلك بأن الغرب ما عم يسمح لهلشي ؟
لحد اللحظة أبواب السفارات مفتوحة والجنسية عم يتم منحهل للمسلم تماما متل ما عم يت منحها لبقية لمهاجرين
:D



ما إختلفنا بس هلأ ما عادو عم يرضو يعطو جنسيات مثل الأول وبفرنسا عم تصير مشكلة كل فترة وفترة بين الحكومة والمسلمين هي عدا عن الدعاوي الي رافعينها المسلمين على الشرطة لأنها قاعدة عم تقمع المسلمين هنيك و مثله كثير -يعني خصوصا حكومة فرنسا هي أكبر المعادين لما يسمى بالزحف الإسلامي نحو الغرب-
و:D

ما إختلفنا بس هلأ ما عادو عم يرضو يعطو جنسيات مثل الأول وبفرنسا عم تصير مشكلة كل فترة وفترة بين الحكومة والمسلمين هي عدا عن الدعاوي الي رافعينها المسلمين على الشرطة لأنها قاعدة عم تقمع المسلمين هنيك و مثله كثير -يعني خصوصا حكومة فرنسا هي أكبر المعادين لما يسمى بالزحف الإسلامي نحو الغرب-
و:D
بس معلومة صغيرة لمستها شخصيا بعائلتي
وقت كان في مشروع سفر بداعي الدراسة ( مو بهدف الهجرة يعني ) تم وضع كتير عراقيل من الجامعات لاستقبال الشخص المعني في حين كانت الأوراق المطلوبة بتنزل لأقل من النصف وقت بكون جنسية الانسان المهاجر ( ماروكيان ) يعني ( مغربي أو جزائري )
فمتل ما هوي واضح في تسهيلات للهجرة مش عراقيل

وبخصوص الدعاوي فهية مرفوعة بكل انحاء اوروبا وما بعتقد بتدل على واقع اضطهاد المسلمين بالدول الاوروبية لأن في كتير نقاط عم يتحسس منها المسلمين وعم يرفعوا عليها دعوى بحسب ما عم نشوفها ما عم حس بدها كل هلمشاكل والاحساس بالاعتداء

متل ما وقت دولة اوروبية نزلت بطاطا (شيبس يعني ) بتشتمل على نسبة منكهات كحولية وما صرّحت بأن منتجاتها بتحمل نسب كحولية معينة
وقت فتحت جهات الرقابة دعوة ضد الشركة تم ارفاقها بدعوى اسلامية بحجة أن الشركة تحاول ايقاع المسلمين بالخطيئة والعصيان لتعاليم الله وأن الشركة مستقصدة المسلمين بحركتها هي .
:D

بس معلومة صغيرة لمستها شخصيا بعائلتي
وقت كان في مشروع سفر بداعي الدراسة ( مو بهدف الهجرة يعني ) تم وضع كتير عراقيل من الجامعات لاستقبال الشخص المعني في حين كانت الأوراق المطلوبة بتنزل لأقل من النصف وقت بكون جنسية الانسان المهاجر ( ماروكيان ) يعني ( مغربي أو جزائري )
فمتل ما هوي واضح في تسهيلات للهجرة مش عراقيل

وبخصوص الدعاوي فهية مرفوعة بكل انحاء اوروبا وما بعتقد بتدل على واقع اضطهاد المسلمين بالدول الاوروبية لأن في كتير نقاط عم يتحسس منها المسلمين وعم يرفعوا عليها دعوى بحسب ما عم نشوفها ما عم حس بدها كل هلمشاكل والاحساس بالاعتداء

متل ما وقت دولة اوروبية نزلت بطاطا (شيبس يعني ) بتشتمل على نسبة منكهات كحولية وما صرّحت بأن منتجاتها بتحمل نسب كحولية معينة
وقت فتحت جهات الرقابة دعوة ضد الشركة تم ارفاقها بدعوى اسلامية بحجة أن الشركة تحاول ايقاع المسلمين بالخطيئة والعصيان لتعاليم الله وأن الشركة مستقصدة المسلمين بحركتها هي .
:D

لاء يا معلم الدعاوي الي بفرنسا هي دعاوي ضرب مسلمين حتى الموت وصارت صايرة مع ناس كتير ولما بيطالبوا التحقيق فيها بتطلع الشرطة بريئة. وجابو عنها تقرير بالجزيرة

ومشان شغلة هجرة المغربي -يعني من بلاد المغرب العربي كلها- إيه ما فرنسا وهي الدول موقعين إتفاقيات لحتى صارت هي الدول كأنها جزء من فرنسا لك حتى نفس الأكل ونفس نظام البيوت ونفس كل شي يعني كأنه هي الدول عربية بالإسم -وباللغة الي مو مفهومة أصلا- حتى تونس-ما بعرف إذا في بباقي دول المغرب رحلة يوميا أو أقل بشوي-في بينها وبين باريس طيارة يوميا يعني العالم هونيك بسافرو على فرنسا أكتر من أي دولة أخرى بالعالم كله

ويسلمو عالرد السريع وهي:D

مابدي اقتبس فقرة فقرة وارد عليها ولكن بدي ارد على كلامك بشكل عام
يعني انت على اساس رديت على كلامي واقتبست كل فقرة بفقرتها وصفيت حروف وجعلت منهم كلام فلسفي راقي وعم ترد من فوق لفوق وما عطيتني ولا اجابة صريحة وطبعا باين وواضح وضوح الشمس انك ما عندك اي جواب على الأسئلة اللي طرحتها أو يمكن عندك بس عم تحاول تغطي الشمس بغربالك المهتري.. بس معلش بدي ارجع أطرح عليك نفس الأسئلة بشكل اوضح وعندك الحرية انك ترد أو تعقب على كلامي بسخرية وتنعتني بالمسلم المتعشق بفكرة المد أو بالطفل المراهق اللي بيشعر بنبذ المجتمع له.

السؤال الأول --- ليش العالم الغربي ساكت عن المجازر اللي عم تصير في فلسطين وعم نشوفها كل يوم ومن سنة 1948 والى الأن يعني ما تقول انو من بعد احداث الحادي عشر من ايلول العالم الغربي اخد فكرة غلط عن الأسلام يعني أنا شايف من اول ما خلق الأسلام والعالم الصليبي اخد فكرة غلط عن الأسلام

السؤال التاني----- ليش العالم الغربي ساكت عن المجازر اللي عم تصير في الشيشان وكشمير وسابقا البوسنة والهرسك وطبعا اللي صار في العراق
لا ترد على سؤالي بكلمات وتمتمات فاضية وخليك واقعي اللي عم نشوفو وحشية فظيعة نساء وشيوخ عم يموتو كل يوم والغرب الصليبي ياريت يكون ساكت بل بالعكس داعم هلشي بكل طاقاته واسلحته الوحشية

السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين

السؤال الرابع--- ليش الى الأن عم يناقشو مسئلة مجازر الأتراك في حق الأرمن ومجازر هتلر في حق اليهود وما طرحوا موضوع المجازر الوحشية اللي قامت بها فرنسا وراح ضحيتها مليون ونصف شهيد او المجازر اللي قامت بها ايطاليا وراح ضحيتها مئات الألوف وطبعا المجازر الأسبانية في حق مسلمين اسبانيا والعديد من المجازر بس مارح اذكرها لأنها كثر

السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا

السؤال السادس ----ليش لما بتقوم حركة انفصالية مسيحية متل الحركة اللي قامت في جنوب السودان منشوف كل العالم الغربي الصليبي تعاطف معها ودعمها بالأسلحة وساعدوها على الأنفصال بينما منشوف حركات اسلامية مو انفصالية بل مقاومة متل حماس او حزب الله او اللي متل في كشمير بس العالم الغربي الصلبي اعتبرهم حركات ارهابية وحاربوها
ولا تقول أن المسئلة هي مصالح ومابعرف شو ولو كان الأمر مصالح سياسية فشو مصلحة العالم الغربي الصليبي في دعم حركة جربانة ومهتريه متل حركة تحرير جنوب السودان الأنفصالية المسيحية؟؟

ياريت ترجع للزمن وتقرأ عن الحملات الصليبية الأولى والثانية والثالثة وتقرأ شو اللي صار في فلسطين من مجازر وحشية قذرة بإسم الصليب المقدس طبعا واللي راح ضحيتها عشرات الألوف من النساء والأطفال بينما منشوف القائد المسلم صلاح الدين كيف عامل الصليبين بكل رفق ورحمة ما شهد التاريخ متل هيك رحمة

السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك

السؤال الثامن وهذا موجه لكل واحد بيضحك على نفسه وبيقول أن المسئلة مسئلة مصالح سياسية----- ليش دائما منشوف أن المصالح السياسية دائما ضد المسلمين
يعني معقول ولا مرة كانت المصالح السياسية مع المسلمين؟؟؟
يعني دعم الهندوس ضد المسلمين في الهند واليهود في فلسطين ضد الأسلام والروس ضد المسلمين في الشيشان وقبلها داغستان واثيبوبيا ضد المحاكم الأسلامية في الصومال وامريكا ضد المسلمين في افغانستان والعراق وووو الخ
يعني سبحان الله دائما في مصالح سياسية ضدنا يعني ياترى ما خرج تكون احقاد دينية دفينة ؟؟؟

لك والله في اسئلة ما بتخلص من هون لبكرا وهي على فكرة مو اسئلة هي حقائق واضحة واجوبة صريحة بس انا جعلتهم على صيغة اسئلة منشان اطعميك ياها بالمعلقة رغم انك فاهم علي وانا فاهم عليك ومتل ما بيقولو حارتنا كتير ضيقة ومنعرف بعضنا منيح

وأخر سؤال الي

لماذا دمائنا ماء ودمائهم دماء؟

ملاحظة ---- لا أحد يقول أنني عم اقلب المواضيع وعم اخليها طائفية لأنو بالأساس الموضوع طائفي

وترليون هلا

مابدي اقتبس فقرة فقرة وارد عليها ولكن بدي ارد على كلامك بشكل عام
يعني انت على اساس رديت على كلامي واقتبست كل فقرة بفقرتها وصفيت حروف وجعلت منهم كلام فلسفي راقي وعم ترد من فوق لفوق وما عطيتني ولا اجابة صريحة وطبعا باين وواضح وضوح الشمس انك ما عندك اي جواب على الأسئلة اللي طرحتها أو يمكن عندك بس عم تحاول تغطي الشمس بغربالك المهتري.. بس معلش بدي ارجع أطرح عليك نفس الأسئلة بشكل اوضح وعندك الحرية انك ترد أو تعقب على كلامي بسخرية وتنعتني بالمسلم المتعشق بفكرة المد أو بالطفل المراهق اللي بيشعر بنبذ المجتمع له.




عم رد من فوق لفوق وغربالي مهتري وانت يا كبير عم تستحملني وترجع ترد عليّ :shock:
فعلا واحد ما بيعرف وين وكيف بده يمشي معكن
اذا ما ردينا بصير ما عم نستعبر حدا
واذا ردينا بالتفصيل منصير فوقيين وعم نغطي الشمس بغربالنا :lol:
مع ان ردي السابق شمل على كل نقطة بالتفصيل الممل ( حتى النقاط الما إلها بالموضوع من قريب او من بعيد رديت عليها ) بس معلش رح ارجع رد عليك وان كان الوضع مو مريح ومو كتير مشجع ( فينك تعتبرا الرد هاد تحميل منّية .. ما عندي مشكلة )


السؤال الأول --- ليش العالم الغربي ساكت عن المجازر اللي عم تصير في فلسطين وعم نشوفها كل يوم ومن سنة 1948 والى الأن يعني ما تقول انو من بعد احداث الحادي عشر من ايلول العالم الغربي اخد فكرة غلط عن الأسلام يعني أنا شايف
ممكن تحددلي بالبداية شو بتقصد بالعالم الغربي ؟
لأن على اعتباراتك السابقة حطيت الهندوسية عدوة للإسلام وبتهاجم المسلمين فما عدت اعرف الغرب من الشرق من الشمال من الجنوب
بدي اعتبر ان الغرب بالنسبة الك وهوي نفس الغرب بالنسبة إلي المتمثل بأميركا وأوروبا ( في حال اعتراضك على هلجزئية فانسى الحكي المكتوب بعد هلسطر وخبرني شو بتقصد بالغرب )
بعد احداث 11 إيلول صار في اقبال غربي واضح ليشوف شو هاد الاسلام ؟ شو هاد القرآن ؟ من وين عم يجيب هلإرهابي هلآيات وهلأحاديث ؟
بدليل ارتفاع عدد المشتريات للكتب الاسلامية المترجمة
وهاد المقصود وقت بيطلع المسلم المعتدل بدين بن لادن والقاعدة وبيتهمن بتشويه صورة الإسلام لان فعليا هنن اللي لصقوا بالإسلام صفات كتير .. وللأسف التأييد الشعبي للقاعدة ثبّت بعقلية الأوروبي هلصفات

بخصوص رؤيتك بأن العالم الغربي عم يتحامل على الاسلام من أول من خلق
طب فينك تحددلي على مين انت بالضبط مانك متحامل ؟
ومين اللي راضي عنه وما بتعتبر نفسك على حرب معه ؟
ما انت شانن حربك على كل الغرب وعلى اوروبا وما عندك اتسعداد تتقبل أي حدا وعم تكيل الشتائم واللعنات وبنفس الوقت عم تنتظر الباقي يحترمك ويدافع عن قضاياك ؟!؟!
لك اذا الجماعات الاسلامية ما عم تقدر تبلع بعضها وعم تعتبر البقية عم تحاربها فشو منتظر مني جاوبك ؟!
يعني المسلم السني المتطرف بشوف انه محارب من كل البشرية ومن كل الأديان
لك حتى محارب من المسلم ( غير السني )
يعني نموذج التطرف الاسلامي غريب من نوعه .. بشوف الكل اعداءه ومع الايام ممكن يحس بأنه هوي كمان عدو نفسه
ملاحظة ما بعرف اذا مرقت قدامك بشي مرة .. في كتير جمعيات حقوقية وشخصيات بتحمل وزن دولي وسياسي تندد بالإرهاب الاسرائيلي وبتدين القادة الاسرائيلية وبتعتبن مجرمين حرب وهلشي حقيقة ما بتنتظر اقتناعك فيها او لا.

مشاهد الاطفال الجرحى والقتلى بتاثر بكل البشر وبتدفعن للتعاطف والدفاع عن الضحايا
من اول ما خلق الأسلام والعالم الصليبي اخد فكرة غلط عن الأسلام
اذا اتفقت معك هلشي معناها وصلنا لمرحلة كافية ليبدا الاسلام يفكر كيف لازم يغير من صورته اللي عم يأظهر حاله فيها قدام البشرية


السؤال التاني----- ليش العالم الغربي ساكت عن المجازر اللي عم تصير في الشيشان وكشمير وسابقا البوسنة والهرسك وطبعا اللي صار في العراق
لا ترد على سؤالي بكلمات وتمتمات فاضية وخليك واقعي اللي عم نشوفو وحشية فظيعة نساء وشيوخ عم يموتو كل يوم والغرب الصليبي ياريت يكون ساكت بل بالعكس داعم هلشي بكل طاقاته واسلحته الوحشية

ازمة البوسنة والهرسك مين اللي وقفها ؟ ومين اللي أعطى للمسلمين كيان مستقل ؟!
راجع معلوماتك قبل ما تكيل الشتائم والاتهامات يمين ويسار متل ما عم تعمل هون .
مع أني ماني متعود على التعامل مع تسمية الغرب الصليبي :lol:
بس خلينا على أن الغرب فعليا مسيحي وصليبي وقائده البابا .. حلو الحكي ؟!؟!
شو اللي عمله البابا بزيارته الأخيرة
بتحب اعمل تقرير مفصل لكل كلمة قالها ولكل جملة نطق فيها ؟!
البابا ندد بجدار الفصل العنصري اكتر من مرة وحتى قبل صعوده على الطيارة حكى بهلنطقة اما القيادات الاسرائيلية بشكل مباشر
نادى بحق الشعب الفلسطيني بالحياة بسلام وبحقه بالتنقل وبفك الحصار وبحصوله على دولة مستقلة فيها
عبر عن تعاطفه مع ضحايا غزة وقال بما معناه بأنه بيذكرهن بكل صلاة اله !!
اذا كان الراس الصليبي :lol: ( لا تواخذني بس فعلا ما عم اقدر امسك ضحكتي وقت بستعمل هلتسمية هي ) عم يتعاطف مع الشعب الفلسطيني وعم يطالب بحقوقهم وعم يوقف موافق أجرا بكتير من أغلبية الدول العربية !!!
فشو اللي منتظره ؟! منتظر الغرب الصليبي يجي يرجعلك حقوقك بالوقت اللي انت فيه مانك سائل على حقوقك بالاصل !!
لا بل نازل شتم بالغرب كمان :lol:


السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين

مزبوط مجلس الأمن بحط خارطة ملونة بناء على التوزع الديني للبشرية وبناء على الألوان الظاهرة على الخريطة بيتخذ قراراته وبيعلن طريقة تعامله مع الملفات :lol:

بخصوص البشير وصدام حسين ما بعتقد بحاجة لأحكيلك على همجيتن داخل دولن وعلى
مع اني برفض بشكل قاطع التدخل الخارجي لحل الأزمات الداخلية بس هاد ما بقلل من ضرورة معاقبة الطغاة
يعني ماني ابدا زعلان على اسقاط صدام حسين ( كفعل منفصل عن احتلال العراق وتحويله لدولة مقطعة واستنزاف خيراتها وتحويلها لسكنات عسكرية و منطقة نزاعات طائفية )
بدي اهمل قسم السؤال تبع البشير وصدام حسين

خليني احكي بلغتك الطائفية الحدة واسألك
البان كوسوفو المسلمين وحصولن على حكم ذاتي داخل يوغسلافيا الشيوعية - المسيحية كيف بتقدر تفسره ؟

السؤال الرابع--- ليش الى الأن عم يناقشو مسئلة مجازر الأتراك في حق الأرمن ومجازر هتلر في حق اليهود وما طرحوا موضوع المجازر الوحشية اللي قامت بها فرنسا وراح ضحيتها مليون ونصف شهيد او المجازر اللي قامت بها ايطاليا وراح ضحيتها مئات الألوف وطبعا المجازر الأسبانية في حق مسلمين اسبانيا والعديد من المجازر بس مارح اذكرها لأنها كثر

ملفات المجازر ما بتفتح نفسها وبتحط حالها على الطاولة دون وجود جهود عظيمة لوضعها والبحث فيها
حاليا الأرمن ما حصلوا على تصريح تركي بحقيقة وجود المجازر
بس محاكم التفتيش الاسبانية تم الاعتراف فيها والعتذار بشكل رسمي بوثائق رسمية فشو متوقع اكتر من هيك ؟!

الجهود الجبارة اليهودية واستغلالها لآخر رمق للإعلام ولكافة اوراق الضغط اللي بتملكها وتحريكها للوبي الصهيوني بكل أنهاء العالم انتجت اعتراف دولي لا بل تحريم دولي بالتشكيك فيها !!

حاليا في جهود (خجولة ) من قبل اللبنانين للإعتراف بالمجازر الاسرائيلية .. بس ما بعتقد الثقل الإعلامي اللبناني بقوة الثقل الاعلامي الصهيوني فما بتصور بدها تعطي شي .
بالنهاية صاحب الحق هوي مين بده ينادي بحقه .. ما حدا بده يجي يعطي للعالم حقها ويرجع الاراضي ويفتح ملفات المجازر هيك لسواد عيوننا ..


السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا
هاد الموضوع بالتحديد بده ملف كامل لأن ما بعتقد بدنا نخلص اذا فتحنا
بس كرد سريع بقلك نعم وجود أغلبية مسلمة بتركيا عم يشكل عائق من نوع ما لدخولها بالاتحاد الاوروبي
بس الشرح بطول ويطول لهيك بفضل انك تفتح موضوع خاص بهلنقطة لتاخد حقها والكل يشارك فيها.



السؤال السادس ----ليش لما بتقوم حركة انفصالية مسيحية متل الحركة اللي قامت في جنوب السودان منشوف كل العالم الغربي الصليبي تعاطف معها ودعمها بالأسلحة وساعدوها على الأنفصال بينما منشوف حركات اسلامية مو انفصالية بل مقاومة متل حماس او حزب الله او اللي متل في كشمير بس العالم الغربي الصلبي اعتبرهم حركات ارهابية وحاربوها
ولا تقول أن المسئلة هي مصالح ومابعرف شو ولو كان الأمر مصالح سياسية فشو مصلحة العالم الغربي الصليبي في دعم حركة جربانة ومهتريه متل حركة تحرير جنوب السودان الأنفصالية المسيحية؟؟
اذا بتعرف جوابي ليش عم تسألني ؟
اذا مانك مقتنع بفكرة المصالح وبترفض تتخلى عن نظرية المؤامرة اللي دائما عم تحكيها ( اسئلتك السابقة مانها غير نتاج صرف لنظرية المؤامرة .. )
في حال

ياريت ترجع للزمن وتقرأ عن الحملات الصليبية الأولى والثانية والثالثة وتقرأ شو اللي صار في فلسطين من مجازر وحشية قذرة بإسم الصليب المقدس طبعا واللي راح ضحيتها عشرات الألوف من النساء والأطفال بينما منشوف القائد المسلم صلاح الدين كيف عامل الصليبين بكل رفق ورحمة ما شهد التاريخ متل هيك رحمة

مزبوط بأن الحملات الصليبية كانت وحشية ودموية بس ماعم افهم شو جابها على بالك هلق ؟
ما بعرف ليش عم حس بأنك عم تسمعلي درسك وعم تكرلي كل المعلومات اللي سمعان فيها عبر مسيرة حياتك :lol:
ليش دائما بتم فتح المجازر المرتكبة باسم المسيحية واللي اعترفت المسيحية عنها بأكتر من مرة وما حدا بقرب مثلا على عمليات القتل الإرهابية اللي عم تمارس اليوم وما حدا عم يعترف فيها لابل عم يتم التهليل الها !؟
بتحب اسردلك الاحداث اللي سجلها التاريخ من 8 سنين لهلق وكانت الحركات المتطرفة الاسلامية السبب ورائها ؟


السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك
بخصوص التعاطف
انت بينك وبين حالك ما تعاطفت مع القتلى تحت الرماد ؟
بخصوص الحلف الصليبي :lol: لإحتلال العراق
فبحسب علمي ما كان في أفضلية للمسيحي العراقي عن السني العراقي عن الشيعي العراقي عن الكردي العراقي
كيف بتقدر تأطر الحرب هي بإطار طائفي وديني وتلغي كافة الاطارات السياسية والحسابات الباقية ؟!


السؤال الثامن وهذا موجه لكل واحد بيضحك على نفسه وبيقول أن المسئلة مسئلة مصالح سياسية----- ليش دائما منشوف أن المصالح السياسية دائما ضد المسلمين
يعني معقول ولا مرة كانت المصالح السياسية مع المسلمين؟؟؟
يعني دعم الهندوس ضد المسلمين في الهند واليهود في فلسطين ضد الأسلام والروس ضد المسلمين في الشيشان وقبلها داغستان واثيبوبيا ضد المحاكم الأسلامية في الصومال وامريكا ضد المسلمين في افغانستان والعراق وووو الخ
يعني سبحان الله دائما في مصالح سياسية ضدنا يعني ياترى ما خرج تكون احقاد دينية دفينة ؟؟؟
حتى إذا بكوريا الجنوبية ظهرت ديانة جديدة بدها تكون موجه ضد الاسلام
واذا بجنوب انغولا ظهر تجمع معارض سياسي فهوي معارض للاسلام
شو بدك بالحكي الاسلام مستهدف بحد ذاته ومافي اي اعتبارات سياسية عم تحكم البشرية
البشرية محكومة بالسيادة الدينية ونقطة علسطر .


لك والله في اسئلة ما بتخلص من هون لبكرا وهي على فكرة مو اسئلة هي حقائق واضحة واجوبة صريحة بس انا جعلتهم على صيغة اسئلة منشان اطعميك ياها بالمعلقة رغم انك فاهم علي وانا فاهم عليك ومتل ما بيقولو حارتنا كتير ضيقة ومنعرف بعضنا منيح
عذبتك معي كتير
للأمانة انا ماني كنت بيوم من الأيام فاهم سبب التحامل والكره الشديد للبشرية والاصرار على وضع حسابات دينية - طائفية واهمال كافة الحسابات التانية

وأخر سؤال الي

لماذا دمائنا ماء ودمائهم دماء؟
ملاحظة ----
لا أحد يقول أنني عم اقلب المواضيع وعم اخليها طائفية لأنو بالأساس الموضوع طائفي


تف من تمّك واستغفر ربك .. مين بده يخطرله هلخاطر :lol:
وترليون هلا
مية السلامة

مابدي اقتبس فقرة فقرة وارد عليها ولكن بدي ارد على كلامك بشكل عام


شرحو
السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين
انّو بتعرف مين هي الناس يلي قتلها عمر البشير بدارفور ومين الناس يلي قتلها صدام حسين
انو نسبة كبيرة من سكان دارفور هنن مسلمين, بظن بتكفي هالإجابة لأسئلة لاحقة
السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا
تركيا في عندها مشاكل داخلية بتمنعها من الإنضمام للإتحاد الأوروبي ومن فترة كان في برنامج عالجزيرة عم يحكي عن هالموضوع بالذات, إحدى المشاكل انو الأب محيكون الو سلطة عالأولاد وهاد الشي صعب بمجتمع متل تركيا مابيختلف كتير عن المجتمع العربي
كمان إذا صارت من دول الإتحاد الأوروبي معناها صاروا الأتراك كلّون بأوروبا وبصراحة نسبة كبيرة من الأتراك متعبين ومشاكلهن كتيرة وبصراحة أكتر لا يُحتَملوا

السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك

انّو موضوع تنظيم القاعدة لحالوا مسلسل مكسيكي مع شوي هندي أصلاً محدا وصّل المسلمين لهالوضع هاد إلا أسامة بن لادن يلي ممكن اوصفوا بإنو شخصية بتخرّي كتير...
وصدقني لو بيطلع بإيدي لمارس كل أنواع السادية يلي عرفتها البشرية ويلي لسا ما عرفتها مع هالشخصية هي...
وبعدين بصفتوا شو عم يدافع عن المسلمين وحقوقهن ومين وكّلوا مابتذكّر قلتلوا خدلي حقي من حدا.
غريب :?
وانّو اسمحلي بيكفينا تطرّف والله كتير مزعج التطرف إن كان تطرف مسلم ولا تطرف يهودي ولا تطرف مسيحي أو أو
:D
وسلّملي على سيكولار:lol:

ليك اذا الناس بتحترمك و بتساعدك.. فأنت السبب
و اذا الناس بتكرهك وبتوقف ضدك.. كمان انت السبب
و مابحك جلدك الا ضفرك...
وبالسياسي ما في عدو وصديق دائم.. شو عم تلعب بالحارة مع رفقاتك انتي؟! ممكن عدوك التاريخي لمصالح معينة يصير صديقك الحميم و العكس صحيح..


وردي:D ل Abu ToNi
لازم يدخلوك كتاب غينس كصاحب اطول بال في العالم..

وبعدين بصفتوا شو عم يدافع عن المسلمين وحقوقهن ومين وكّلوا مابتذكّر قلتلوا خدلي حقي من حدا.
غريب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وانّو اسمحلي بيكفينا تطرّف والله كتير مزعج التطرف إن كان تطرف مسلم ولا تطرف يهودي ولا تطرف مسيحي أو أو
:D
وسلّملي على سيكولار:lol:

للأسف منح الشرعية للإرهابي يساوي بشكل أو بآخر بتشويه صورة الدين :pos:
اللي بيدعوا للتفاؤل وبيعطينا شوية أمل انه في عالم واعية وعن ترفض منح الشرعية للنماذج المتطرفة لتعبر عنها :D

بخصوص السلام :lol: بعتقد سيكولار رجع بذات نفسه ليسلم عليه :lol:

:D



وبالسياسي ما في عدو وصديق دائم.. شو عم تلعب بالحارة مع رفقاتك انتي؟! ممكن عدوك التاريخي لمصالح معينة يصير صديقك الحميم و العكس صحيح..
والأمثلة على هلشي لا تعد ولا تحصى
اللي بشوف مثلا العلاقات الاوروبية وطبيعتها مستحيل يخطرله انها بيوم من الأيام كانت مقسومة لقطبين وداخلين بحرب عالمية ضد بعض !!
تحميل بعد ديني لقضايا سياسية ما عادت لفتة منطقية بعصرنا اللي ما بيعترف غير بالمصالح الشخصية بعيدا عن الانتماءات الدينية


وردي:D ل Abu ToNi
لازم يدخلوك كتاب غينس كصاحب اطول بال في العالم..
ترا انا كمان مستغرب من حالي :lol:


تحياتي لكل المشاركين بدون استثناء :D

يا جماعة الطائفية شغالة بالسياسة مثل مو المصالح كمان شغالة

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟

ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل

يا جماعة الطائفية شغالة بالسياسة مثل مو المصالح كمان شغالة

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟

ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل

يا حبيب كلامك عن بن لادن رضي الله عنه دليل على انو امريكا لاحقة مصالحها.. وقت كان بن لادن بحرب مع السوفييت كانت امريكا و اوربا مو فارقه معاهن او بالاحرى داعمينو و قت صار يفجر بامريكا و اوربا صارو ضدو..!
في شي غريب بهالكلام؟!!!

مشان البشير وصدام.. طغاة هني او مو طغاة هاد مو موضوعنا هلق.. ويلي مفكر امريكا عم تحارب الطغاة بالعالم بكون غبي, وأهداف حروب أمريكا "بالنسبة للأمريكان" كبيرة ع عقلو..

-سوريا ضد اسرائيل بس لأنهم يهود.... (لو كانت اسرائيل بغير مكان بأفريقيا مثلا ما كنا ريفينا عينا مشانها)
ايران ضد اسرائيل بس لأنهم يهود....(ايران تريد السيطرة عالمنطقة من جهة و الضغط ع أمركا بتهديد اسرائيل من جهة اخرى)
-أمريكا ضد بن لادن لآنو مسلم.... (فوق واضحة)
-روسيا ضد الشيشان بس لأنهم مسلمين...(لك روسيا لو فيها تضم أكرانيا "رغم ضخامتها" ما كانت قصّرت)
-الخليج مع أمريكا لآنها مسيحية...(لأ لآنو بدها مين يحميها عسكريا.. وخصوصي المنطقة كلها وحوش وصداديم)
-الهند ضد باكستان بس لأنهم مسلمين (لولا الخلاف ع كشمير لكانو سمن ع عسل)
.
.
.
فلا تكونو عالبركي و ما تشوفو الا ظواهر الأمور...


بس السياسيين المسلمين خاصة بيستخدمو الدين أحيانا للتعبئة الجماهرية... لآنو في شغلي بالاسلام اسمها الجهاد..!.. كل ما بدهن يحاربو حدا بقولو للناس البسطاء هادا عدو الاسلام... وهذا الشي يلي عم يجيب البلاء ع المسلمين.. مو الاسلام نفسو وانما استعمال الاسلام.!

الحديث يطول بس مليت..

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟


أسامة بن لادن كان ومازال وسيلة للوصول إلى الهدف

ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل

ياريت تحطلنا موضوع عن عمر البشير و عمايلوا بدارفور
__________________________________________________ __________
لا تواخذنا أب طوني بس صار الموضوع تبعك بوادي والنقاش بوادي تاني :lol:

:D

يا حبيب كلامك عن بن لادن رضي الله عنه دليل على انو امريكا لاحقة مصالحها.. وقت كان بن لادن بحرب مع السوفييت كانت امريكا و اوربا مو فارقه معاهن او بالاحرى داعمينو و قت صار يفجر بامريكا و اوربا صارو ضدو..!
في شي غريب بهالكلام؟!!!

مشان البشير وصدام.. طغاة هني او مو طغاة هاد مو موضوعنا هلق.. ويلي مفكر امريكا عم تحارب الطغاة بالعالم بكون غبي, وأهداف حروب أمريكا "بالنسبة للأمريكان" كبيرة ع عقلو..

-سوريا ضد اسرائيل بس لأنهم يهود.... (لو كانت اسرائيل بغير مكان بأفريقيا مثلا ما كنا ريفينا عينا مشانها)
ايران ضد اسرائيل بس لأنهم يهود....(ايران تريد السيطرة عالمنطقة من جهة و الضغط ع أمركا بتهديد اسرائيل من جهة اخرى)
-أمريكا ضد بن لادن لآنو مسلم.... (فوق واضحة)
-روسيا ضد الشيشان بس لأنهم مسلمين...(لك روسيا لو فيها تضم أكرانيا "رغم ضخامتها" ما كانت قصّرت)
-الخليج مع أمريكا لآنها مسيحية...(لأ لآنو بدها مين يحميها عسكريا.. وخصوصي المنطقة كلها وحوش وصداديم)
-الهند ضد باكستان بس لأنهم مسلمين (لولا الخلاف ع كشمير لكانو سمن ع عسل)
.
.
.
فلا تكونو عالبركي و ما تشوفو الا ظواهر الأمور...


بس السياسيين المسلمين خاصة بيستخدمو الدين أحيانا للتعبئة الجماهرية... لآنو في شغلي بالاسلام اسمها الجهاد..!.. كل ما بدهن يحاربو حدا بقولو للناس البسطاء هادا عدو الاسلام... وهذا الشي يلي عم يجيب البلاء ع المسلمين.. مو الاسلام نفسو وانما استعمال الاسلام.!

الحديث يطول بس مليت..

لو مثل ما عم تقول ما كان بوش لما بدأ حملته على -الإرهاب- قال بدأت الحروب الصليبية.:pos:
ولو مثل ماعم تقولو ما كان الجيش الأمريكي معوه أناجيل بلغات أفغانية قاعد عم ينشرها بأفغان ستان- لجيش الأمريكي كامل ما عندو ولا جندي بيحكي بلغات الأفغان-
هي عدا عن ضائح التنصير والتبشير الي إنتشرت السنة الماضية الي كانت بالعراق:cry:

يعني كنت باتمنى حكيك يكون صحيح بس للأسف خطأ:cry:
و:D

لو مثل ما عم تقول ما كان بوش لما بدأ حملته على -الإرهاب- قال بدأت الحروب الصليبية.:pos:
ولو مثل ماعم تقولو ما كان الجيش الأمريكي معوه أناجيل بلغات أفغانية قاعد عم ينشرها بأفغان ستان- لجيش الأمريكي كامل ما عندو ولا جندي بيحكي بلغات الأفغان-
هي عدا عن ضائح التنصير والتبشير الي إنتشرت السنة الماضية الي كانت بالعراق:cry:

يعني كنت باتمنى حكيك يكون صحيح بس للأسف خطأ:cry:
و:D
أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!

مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس!!

أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!

مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس!!

ما هو لو إنهن عم يبشرو ببلد في علماء مسلمين وشعب فهمان ما كنا حكينا شي بس ياريت

قاعدين عم يبشرو ببلد تعبان وعم يستغلو حاجة الشعب وإنتشار الجهل مشان ينشرو دينون
لاء وياريت بس هيك... مين الي عم يبشر؟؟؟؟ الجيش الأمريكي
إيه مشان هيك لازم ما نرضى بها الشي مو؟؟؟؟؟؟؟؟؟

ما هو لو إنهن عم يبشرو ببلد في علماء مسلمين وشعب فهمان ما كنا حكينا شي بس ياريت

قاعدين عم يبشرو ببلد تعبان وعم يستغلو حاجة الشعب وإنتشار الجهل مشان ينشرو دينون
لاء وياريت بس هيك... مين الي عم يبشر؟؟؟؟ الجيش الأمريكي
إيه مشان هيك لازم ما نرضى بها الشي مو؟؟؟؟؟؟؟؟؟


وقت الرسول انهمك بدعوة كبار القوم من الفهمانين و أهمل و "عبس" بواحد من المساكين ما نزلت سورة (عبس و تولّى) لتنبّه الرسول ع خطأه؟؟؟
فالدعوة للجميع...
يا عيني يا وائل.. ما كانت الجيوش الاسلامية تبشر بالاسلام..؟؟؟ كانو يبشرو العقلاء والفهمانين فقط؟؟؟
لما لا نرى أخطائنا أولا ثم ننتقد الناس؟؟!
بهذه المناسبة بحب حطلك كلام السيد المسيح بالانجيل..:

أوجه لك ما بالاحمر... بس ما حبيت اقتطع النص..
القذى = نسرة الخشب الصغيرة جدا

«لاَ تَدِينُوا لِكَيْ لاَ تُدَانُوا، 2لأَنَّكُمْ بِالدَّيْنُونَةِ الَّتِي بِهَا تَدِينُونَ تُدَانُونَ، وَبِالْكَيْلِ الَّذِي بِهِ تَكِيلُونَ يُكَالُ لَكُمْ. 3وَلِمَاذَا تَنْظُرُ الْقَذَى الَّذِي فِي عَيْنِ أَخِيكَ، وَأَمَّا الْخَشَبَةُ الَّتِي فِي عَيْنِكَ فَلاَ تَفْطَنُ لَهَا؟ 4أَمْ كَيْفَ تَقُولُ لأَخِيكَ: دَعْني أُخْرِجِ الْقَذَى مِنْ عَيْنِكَ، وَهَا الْخَشَبَةُ فِي عَيْنِكَ؟ 5يَامُرَائِي، أَخْرِجْ أَوَّلاً الْخَشَبَةَ مِنْ عَيْنِكَ، وَحِينَئِذٍ تُبْصِرُ جَيِّدًا أَنْ تُخْرِجَ الْقَذَى مِنْ عَيْنِ أَخِيكَ! 6لاَ تُعْطُوا الْقُدْسَ لِلْكِلاَب، وَلاَ تَطْرَحُوا دُرَرَكُمْ قُدَّامَ الْخَنَازِيرِ، لِئَلاَّ تَدُوسَهَا بِأَرْجُلِهَا وَتَلْتَفِتَ فَتُمَزِّقَكُمْ. 7«اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ. 8لأَنَّ كُلَّ مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. 9أَمْ أَيُّ إِنْسَانٍ مِنْكُمْ إِذَا سَأَلَهُ ابْنُهُ خُبْزًا، يُعْطِيهِ حَجَرًا؟ 10وَإِنْ سَأَلَهُ سَمَكَةً، يُعْطِيهِ حَيَّةً؟ 11فَإِنْ كُنْتُمْ وَأَنْتُمْ أَشْرَارٌ تَعْرِفُونَ أَنْ تُعْطُوا أَوْلاَدَكُمْ عَطَايَا جَيِّدَةً، فَكَمْ بِالْحَرِيِّ أَبُوكُمُ الَّذِي فِي السَّمَاوَاتِ، يَهَبُ خَيْرَاتٍ لِلَّذِينَ يَسْأَلُونَهُ! 12فَكُلُّ مَا تُرِيدُونَ أَنْ يَفْعَلَ النَّاسُ بِكُمُ افْعَلُوا هكَذَا أَنْتُمْ أَيْضًا بِهِمْ، لأَنَّ هذَا هُوَ النَّامُوسُ وَالأَنْبِيَاءُ.