تحديد النسل [الأرشيـــــف]

zen

30/04/2009, 11:51

الزيادة السكانية العالم التي يشهدها العالم هي مشكلة حقيقة أو هي من أكبر المشاكل التي تواجه العالم ولعل المشكلة متركزة كثيرا في بلدان العالم الثالث وبما أننا هنا في سوريا في بلدان العالم الثالث فهي قضية مهمة بالنسبة لنا
تشهد سوريا مؤتمرا عن النمو السكاني و هو من الأفضل أن يسمى التفجر السكاني وحسب أخر إحصاء جرى فإن عدد السوريين تجاوز العشرون مليون نسمة (بني أدم وأدمة) وهذا العدد يتزايد باضطرادا
هناك أسئلة كثيرة مهمة في ظل هذه الزيادة يجب أن نطرحها على أنفسنا .
هل سنجد فرض عمل ؟
هل ستكفينا المياه التي هي بالأصل قليلة
هل ستتسع العاصمة لعشوائيات جديدة
هل سيجد الأب ما يطعمه لأبنائه
هل سيجد الوقت ليجلس معه
هل وهل وهل ......
ولا ننسى المواد التي بدأت تفد في سوريا بسبب النمو السكاني
يقول رئيس مركز تنظيم الأسرة السورية أن النمو السكاني سلاح ذو حدين فمن الممكن أن تكون نتائجه جيدة مثل تجربة نمور أسيا (تجربة اقتصادية وجدت لمعالجة أزمة التزايد السكاني في دول أسيا بين الستينيات والتسعينيات )
أتسال هل تقدر سوريا على انجاز هكذا مهمة ؟!!!!
و من الممكن أن تكون نتائجه سلبية وهذا المرجح فتزداد البطالة وتفنى الموارد في سوريا
فنحن بحاجة ماسة لقانون تحديد النسل الذي تواجهه الاعتراضات الدينية بحجة أن كل ولد بيجي بتجي رزقتو معووو
واي رزقة بدها تجي لتجي اطفال كثر يرمون في الشوارع من يمشي في دمشق القديمة يرى الأطفال المتسولين اكثر من المارين العاديين فعن أي رزقة يتكلمون
فتحديد النسل هو الحل الأفضل لكي يستطيع المواطن السوري أن يؤمن الحاجات الأساسية لا أكثر له ولعائلته
فما رأيكم ....

sona78

30/04/2009, 12:02

بتوقع انو اخد قرار فعال بمسالة تحديد النسل صارت شغلة ضرورية جدا بسورية خاصة انو معدل النمو السكاني عنا يعتبر من المعدلات المرتفعة ع مستوى العالم ..... واحيانا بايد الاخد بطريقة الصين لتحديد النسل .. يعني بعد الطفل التاني تدفع العائلة ضريبة اذا جابت طفل ...
بس صعوبات اخد هيك قرار بشوفها جذرية لانو اول شي رح يطلع بوشك العامل الديني يلي بيرفض تحديد النسل وبعدو بيجي العرف والعادة بالمجتمعات يلي ما بعرف لايمتى رح اتضل حاكمة مجتمعنا .....

بس بتوقع انو العامل الاقتصادي ( اي دفع الضريبة ) وتطبيقو بشكل حقيقي ممكن فعلا يساهم بتخفيف هالازمة ..
طبعا هون اكيد رح يكون التاثير نوعا ما محدود بس شي احسن من ولا شي

أم الجود

30/04/2009, 12:10

أنا مع تنظيم النسل و بشدة .. هالشي لازم يكون بحملات توعية خاصةً من جمعية حماية الأسرة و وزارة الشؤون الاجتماعية على ايدي أطباء و مختصين .. بس المشكلة انو في كتير معتقدات عند بعض فئات المجتمع بتعتبر كترة الانجاب مؤشر إيجابي لفحولة الرجل .. و أنا بشوف كمان انو لازم يصير في قوانين بتظبط مسألة الإنجاب خاصة في حالات متل تعدد الزوجات و السعي للحصول على مولود من جنس مختلف (صبي بعد 7 بنات مثلاً ..!) ..

هبه الاردن

30/04/2009, 12:22

sona78

30/04/2009, 12:27

nour333

30/04/2009, 12:31

الموضوع اجا بوقتو زين
شوف لقلك انا مع تنظيم النسل بس مو مع تحديد النسل لسبب بسيط مو كل الناس واحد حتى الشي اللي بنحددو يناسبهم
بس لقلك عن التجربة الاردنية طلعت روحهم وهن يعملو دعايات حتى الناس تباعد فترات الحمل انو الناس تستجيب هاي بتخلف لتجيب ولد ولما يجي الولد بدها اخو الو
واللي بتجيب ولد يا سلام هاي خلفتها ولاد يعني مكسب معناتو يلا ضلي خلفي
بس احسن حل كان رفع الاسعار رفع رسوم الجامعات كلو ارتفع
هيك الناس احترمت حالها وعرفت انها ما رح تقدر اطعمي ولادها عدا عن عدم قدرتها على تعليمهم واللي ما بيدرس ابنو جامعه عنا بينفضح اجتماعيا

ولي عوده

أم الجود

30/04/2009, 12:31

[quote=sona78;1258324]العامل الديني يلي بيرفض تحديد النسل وبعدو بيجي العرف والعادة بالمجتمعات يلي ما بعرف لايمتى رح اتضل حاكمة مجتمعنا .....
/quote]

الي بكون فاهم الدين منيح بيعرف انو مو بحاجه لتحديد النسل

فالدين بالاصل بيحكي " الحمل 9 اشهر والارضاع سنتين فبكون الفرق بين المولود والتاني

3 سنين "

فإذا تزوجت الصبيه ععمر 24 بتكون بسن الثلاثين جايبه طفلين

بس الإرضاع مو وسيلة مضمونة لمنع الحمل .. أنا بعرف كتير ستات حملوا مرة تانية هنن و عم يرضعوا و طبعاً هاد حمل بأغلب الأحيان مو مرغوب لأنه كتير صعب المرأة يكون في على ايدها رضيع عم يسحب من جسمها طاقة و بحاجة لعناية و سهر و تلاقي حالها بنفس الوقت حامل مع اضطرابات هضمية و حاجة للراحة و النوم و الاستقرار النفسي و العاطفي ..
و بعدين إذا افترضنا أنو المرأة قادرة على الإنجاب لعمر ال45 و هي تزوجت بعمر الـ20 فعلى حسبة كل 3 سنين ولد و ما في حاجة لتحديد النسل بيلحقها بالمحصلة 9 ولادات !!!

عاشق الفطاير جبنة

30/04/2009, 12:35

لك اتركو الشعب يبظظظ ... وينبسططط...
حتى بهي بدكن تضيقوا علييييه

لو بتعرفو شو صاير بمصر ما بتحكوا (( البطن الواحد للمرة بولديين على الاقل )) والتصديرر شغاااااال

مع التحية:ss:

هبه الاردن

30/04/2009, 12:42

شو تظل تنجب للعمر 45 :o

وعلميا وجد ان النساء الاتي يرضعن ابنائهن ولا يستعينن بالحليب المساعد

عندهن مناعه من الحمل

اما النساء الي بتحكي عنهن بيحملن نتيجه اما لاعتمادهن عالحليب المساعد /

عدم ارضاعهن لأولادهن بشكل يومي " مستمر "

nour333

30/04/2009, 12:47

[quote=هبه الاردن;1258339]

بس الإرضاع مو وسيلة مضمونة لمنع الحمل .. أنا بعرف كتير ستات حملوا مرة تانية هنن و عم يرضعوا و طبعاً هاد حمل بأغلب الأحيان مو مرغوب لأنه كتير صعب المرأة يكون في على ايدها رضيع عم يسحب من جسمها طاقة و بحاجة لعناية و سهر و تلاقي حالها بنفس الوقت حامل مع اضطرابات هضمية و حاجة للراحة و النوم و الاستقرار النفسي و العاطفي ..
و بعدين إذا افترضنا أنو المرأة قادرة على الإنجاب لعمر ال45 و هي تزوجت بعمر الـ20 فعلى حسبة كل 3 سنين ولد و ما في حاجة لتحديد النسل بيلحقها بالمحصلة 9 ولادات !!!
ام الجود مو القصد انها تعتمد ع الرضاعه كمانع حمل هاد غلط
بس القصد بفترة الارضاع فترة حضانة الطفل يعني ملازمتو لأمو لأنو لحمه حمرا وما يكون في حمل يشغلها عنو وهاد 3 سنين حد ادنى وازا انجبت قبل بتسمى وأد اصغر
بعدين اقلك علميا انا بشوف المرأة ما عادت متل اول خصوبتها عدا عن ارتفاع سن الزواج وكمان خصوبة الرجل قلت لهيك في تحديد نسل اجباري مو بخاطرهم يعني

أم الجود

30/04/2009, 12:59

[quote=أم الجود;1258348]
ام الجود مو القصد انها تعتمد ع الرضاعه كمانع حمل هاد غلط
بس القصد بفترة الارضاع فترة حضانة الطفل يعني ملازمتو لأمو لأنو لحمه حمرا وما يكون في حمل يشغلها عنو وهاد 3 سنين حد ادنى وازا انجبت قبل بتسمى وأد اصغر
بعدين اقلك علميا انا بشوف المرأة ما عادت متل اول خصوبتها عدا عن ارتفاع سن الزواج وكمان خصوبة الرجل قلت لهيك في تحديد نسل اجباري مو بخاطرهم يعني

على عيني هالحكي كلو .. بس البني آدم الله عطاه عقل ليفكر و العلم لازم يوظف لخدمة البشرية و تطورها .. يعني هالحكي اللي عم تقوليه حلو كتير بس ما فينا نتكل عليه للحد من الإنجاب ، طول ما في عشرة زوجية بين الرجل و المرأة و طول ما في خصوبة عندهن تنيناتهن (بغض النظر عن ما إذا كانت أقل أو أكثر من قبل فهي دائماً موجودة) فاحتمال الحمل وارد .. و ما فينا نترك الموضوع هيك بدون ضوابط و نقول : على الله ..
اي ماشي .. حلو الايمان ، بس العلم و الإيمان ما بيتعارضوا مع بعضن ...

nour333

30/04/2009, 13:11

[quote=nour333;1258355]

على عيني هالحكي كلو .. بس البني آدم الله عطاه عقل ليفكر و العلم لازم يوظف لخدمة البشرية و تطورها .. يعني هالحكي اللي عم تقوليه حلو كتير بس ما فينا نتكل عليه للحد من الإنجاب ، طول ما في عشرة زوجية بين الرجل و المرأة و طول ما في خصوبة عندهن تنيناتهن (بغض النظر عن ما إذا كانت أقل أو أكثر من قبل فهي دائماً موجودة) فاحتمال الحمل وارد .. و ما فينا نترك الموضوع هيك بدون ضوابط و نقول : على الله ..
اي ماشي .. حلو الايمان ، بس العلم و الإيمان ما بيتعارضوا مع بعضن ...
ولو ام الجود انا اكيد بركز على وسائل منع الحمل من حبوب وغيرو وغيراتو واكيد وجود طفل عند بعض العيلات ممكن يشكل عبء مادي ويضطرو يقتطعو من مواردهم اللي هيه يا دوب مكفيه . بس كمان وقت يتفق الزوجان على تحديد النسل لازم يؤخذ بعين الاعتبار اجابياتو وسلبياتو ونصيحه خصوصي للي بتتزوج بسن متأخر انو تستخدم موانع الحمل بعد الطفل الثاني :D

باشق مجروح

30/04/2009, 13:16

الاعتماد ع الغيبيات بادارة الدولة او في اي قرار حكومي هو أمر غير مقبول وغير مضمون .
فـ الله يطعم الاطفال الجدد ( هي نظرية غيبية ) لا يعتمد فيها في ادارة دولة او قرار بل و خشية اعتراضات ممكنة هي مشاركة في الأزمة المتفاقمة .
الحل بالدرجة الأولى التوعية بخطورة التضخم السكاني . يعني لما الانسان بتوصلو المعلومة انو بزيادة النسل هو عم بيساهم بانقاص الموارد و زيادة البطالة و الجريمة فـ مستحيل يكون ( الا نادراً ) في اهل بيرضو يجيبو ولد يتحول لعاطل عن العمل او حتى مجرم مثلاً او ينقصو احتياجات اساسية للحياة .
التوعية لازم تكون جدية مو بس لمجرد الاعلانات الفارغة من المضمون او نشاطات الوزرات الي بتقتصر على اخذ الصور وتناول طعام الغداء والزيارات المرتبة مسبقاً للعرض الاعلاني فقط .
ولازم يكون في قوانين بتحد من النسل الزايد . على كل ازا اجت انفلونزا الخنازير ع البلد بتصور ما رح يكون في داعي للموضوع :p

ابو نجبو

30/04/2009, 13:31

أهم شي التوعية....لما الشعب بيفهم انو الوضع كل مالو لورا....منّو لحالو رح يصير تنظيم للنسل
يعني الواحد ازا تربى بين 10 أخوة من 40 سنة و كان يتزكر كيف كانت المعاناة و الضيق الي كان عايش فيه(مع انو زمن أول ...كان أحسن ) أكيد رح يحاول يخفف بعيلتو....والجيل اللي بعدو رح يخفف و هكزا....

عياش

30/04/2009, 14:56

يوجد تقصير كبير في موضوع نشر ثقافة تنظيم الأسرة...
ريف حلب على سبيل المثال غالبية نساؤه لا تعلم شيئا عن وسائل تنظيم الحمل وإن علمت فهي لا تستخدمها وهذا الأمر عن خبرة شخصية يومية أعيشها في المشفى.

المفهوم الديني يحرم استخدام وسائل الحمل ولا يوجد توعية تجاه هذا الأمر غالبية المشايخ في الريف تفتي بعدم جواز استخدام وسائل تنظيم الأسرة في حال عدم الاصابة بمرض.

بالنسبة لموضوع الضريبة بعد الولد الثاني فإذا ما طبقت فلن نحظى إلا بأطفال غير مسجلين لا أكثر ولا أقل لأن التزايد العشوائي يتركز في المناطق النائية الزراعية التي تعتمد على الكثرة العددية في الانتاج بشكل رئيسي.

موضوع التعقيم الاجباري على طفوليته مستحيل التطبيق لان نسبة الولادات التي تتم في المشافي نسبة بسيطة إذا ما قورنت بالتي تتم بالبيوت.

zen

30/04/2009, 15:06

هلق ع حسب علمي أنو تنظيم الحمل هوي انو يخلو فرق بين الولد والتاني وهاد مانو حل ناجع 100% وما ممكن يساهم بحل حذري للمشكلة
فلهيك هو ممكن أحد الوسائل المطبقة
بس الحل الأكيد اللازم تطبيقو هوي تحديد النسل برأي بوضع متل وضع بلدنا وممكن بعد فترة تتعدل القوانين ع خسب الوضع الجديد
ولازم يكون هالقانون مطبق ع كل الناس بمختلف الطبقات
لانو ممكن حدا يقول انو اذا واحد غني يجيب قد ما بدو
بس القصة هي قصة مجتمع متكامل يعني ع القلية كل انسان يلاقي فرصة بهالحياة

nour333

30/04/2009, 15:15

يوجد تقصير كبير في موضوع نشر ثقافة تنظيم الأسرة...
ريف حلب على سبيل المثال غالبية نساؤه لا تعلم شيئا عن وسائل تنظيم الحمل وإن علمت فهي لا تستخدمها وهذا الأمر عن خبرة شخصية يومية أعيشها في المشفى.

المفهوم الديني يحرم استخدام وسائل الحمل ولا يوجد توعية تجاه هذا الأمر غالبية المشايخ في الريف تفتي بعدم جواز استخدام وسائل تنظيم الأسرة في حال عدم الاصابة بمرض.

.
معلش ما تزعل بس هاد اسمو تخلف يعني بجوز لو تقلهم عن حبوب منع الحمل يعتبروك زنديق والمصيبه مفكرين فوق تخلفهم انو الله راضي عنهم ونازليين سباق والمشكله المرا بتوصل 40 سنه بتحط فيها 55 سنه
بس يا ريت اتمو عم توعوا الجيل لصغير الا ما تطلعو بنتيجه

مجنون يحكي وعاقل يسمع

30/04/2009, 15:30

موضوع التزايد السكاني في سورية كان لازم يكون المضوع الأهم في سوريامنذ سبعينيات العام الماضي وسريا من أعلى دول العالم في نسبة الزيادة السكانية , وموضوع هالزيادة كان المفروض يكون من أولويات الحكومات المتكررة ولكن يبدو أنو ما في حمومات والأولاد م يكبرو ما فيهون ينطرو تا يصير في حكومة ، فشو الحل ؟ الحل بالوعي طيب ما شي الحال منين بدنا نجيب وعي ؟من الصيدلية ؟ من الجامع ؟ من الكنيسة ؟إذا كان شيخ أو خوري بلمح البصر بيخرب ميت عقل وميت وعي لحد اليوم , وفي من يقول الدين ما بتعارض مع العلم ، عن أي دين عم يحكي البعض وعن أي علم ؟ بتبلش الأديان الإلهية بعبارة : أنمو واكثروا واملؤا الأرض في اليهودية أما في الإسلام فهناك العشرات من الآيات والأحاديث التي تشجع على التكاثر والزيادة ليفتخر بنا الأنبياء في الآخرة , وكأنو الله حاطط كرسي وقاعد على باب الجنة بيصيح لكل نبي على وحدو وبيقلو فرجيني فحولتك أنت وربعك لشوف شو صار عددكون وبالأحير اللي فحولتون أكتر بيفتحلون الباب وبيسكر بوجه الباقي وبيفوتو بيتكافؤوا بالحوريات وكأنو ما شبعو تحت بالأرض
وين يدك توعي لتوعي يا أخ زين إذا كان ميت عطار ما بيلحقو ل***** واحد , وإذا اليوم المشايخ عم بيعيدو مسرحية غاليلو بس مو معى غاليلو مع كل إنسان بيعتقد أنو الأرض عم بتدور , وشي نازلين يفسرو نظية نيوتن ويقولو أنو القرآن سبق نيوتن وشي بيفسر الجن حسب نظرية الكم تبع بلانك وشي بيفسرلك ليش الجن بيخاف من صوت الديك وشي وشي وشي بيكفر ولو

عياش

30/04/2009, 15:32

معلش ما تزعل بس هاد اسمو تخلف يعني بجوز لو تقلهم عن حبوب منع الحمل يعتبروك زنديق والمصيبه مفكرين فوق تخلفهم انو الله راضي عنهم ونازليين سباق والمشكله المرا بتوصل 40 سنه بتحط فيها 55 سنه
بس يا ريت اتمو عم توعوا الجيل لصغير الا ما تطلعو بنتيجه

هلق انا معك إنو من التوعية من واجبات الطبيب تجاه مرضاه والمجتمع ولكن ليست مهمته الاولى ولابد من توعية ممنهجة ومنظمة تتعاطى مع الشريحة الأوسع من المجتمع وهذا الأمر تتحمل مسؤليته الجهات الصحية والاعالمية وحتى والوقفية (الشرعية).

والمشكلة اجتماعية بالدرجة الأولى لانو مثلا بالمسيحية تنظيم الحمل موضوع مرفوض ايضا ويشكل نقطة خلافية بالنسبة للفاتيكان ولكن الأمر لا يؤثر على الشريحة الواسعة من المسيحيين لان نظرتهم تفوق نظرة رؤسائهم الروحيين القاصرة.

أم الجود

30/04/2009, 15:49

ذكرتوني بحلقة من مرايا 88 لما أجت دكتورة من جمعية حماية الأسرة لعند ستات الضيعة و وزعتلن حبوب منع حمل قاموا طبعاً الرجال رفضوا نسوانن ياخدوها و واحد منن رمى الحبوب من الشباك جنب قن الجاجات ... وقاموا من وقتا بطلوا الجاجات يبيضوا :lol:

Abu ToNi

30/04/2009, 15:58

يفترض الملتعن سلافه من المصاريف الكبيرة نتيجة كبر اسرته هوي اللي يطلع بهي المطالب .. بس خلينا مستمرين بحلب التيس لنشوف آخيرتا ... حلبنا كتير وما بقي الا القليل .. هانت :lol:

..Jimy

30/04/2009, 16:07

بما نو ما ضل شي ما حكيتو بموضوع "لو كنت رئيسا"..اثناء نقاشي مع نور..

فرح اقتبس عن حالي:p..

وبأصدر مرسوم بيوجب كل الأطباء بربط قانتي فالوب عند النساء بعد الولد التاني والمخالف بيدفع غرامي بمقدار 6 مليون ليرة..ليكي نور.. يمكن الوضع بالإردن مختلف..بس بسوريا الوضع ماعاد يتحمل////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Zyd29uby5naWY%3D..
انتي مابتخيلي الوضع بالشام كيف.. ما بتتخيلي العجئة كيف////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Zyd29uby5naWY%3D.. عدا عن الازدياد االهائل بعدد العاطلين عن العمل والمتسولين..
سوريا حاليا عم تعاني من ازمي مائية////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2NyeS5naWY%3D.. ورح تكون خطيرة باستمرار الانفجار السكاني..

نحنا بالستينات كنا 4 مليون هلئ 22 مليون////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Vlay5naWY%3D..

إذا كل زوج جابو طفلين بنحافظ ععددنا الحالي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Zyd29uby5naWY%3D ويلي هوي اساسا ضخم////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N5cmlhX2hhbW1hci5naWY%3D..عد ا عن هيك..
عزيزتي العناي بالطفل أمر مكلف جدا إذا بدنا نعطيه كل الاهتمام والرعاي الكافية..
مو كل مين فيه يطعمي عشر ولاد معناه فيه يربي عشر ولاد..
وبأكدلك انو مهما كانت العيلي مريشي وغنية ..كل ما كان عدد الأطفال أقل كان افضل للاطفال..

بس أنا مو مأحكي بس من منطلق اقتصادي..
في شي اسمو موارد طبيعية ماعادا كافيي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N5cmlhX2hhbW1hci5naWY%3D..
في شي اسمو مناطق سكنية عشوائة عم تزيد////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N5cmlhX2hhbW1hci5naWY%3D..

فهمتي عليي؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2JpZ2dyaW4uZ2lm

suryoyo

30/04/2009, 18:21

الشعب يرمي الحمل ع الحكومات و الحكومة تقول السبب بالظروف و رح نظل بالدوامة ...

الشغلة تحتاج سنين من العمل المتوصل من الحكومات و من المنظمات الدينية و من الشعب نفسه ..

طبعا المشكلة كلها بالارياف ... و بالطبقة الفقيرة اللي على فقرها تخلف اكثر و أكثر ... تخلف متسولين ..

يمكن الحل الافصل من قانون تحديد النسل .. هو فانون محاسبة الاب اللي ما يقدر يوفر متطلبات الحياة البسيطة لاولاده ...

و تبقى زيادة الوعي هي العامل الاهم ...

باشق مجروح

30/04/2009, 18:30

ما بشوف الدين عامل تأثير ايجابي بهيك حالة . الشيوخ من مليون سنة بيحكو عن مضار التدخين وبحياتي ما سمعت عن واحد ترك التدخين مشان نصيحة شيخ . و كتير كلام بينحكى بالمساجد والكنايس تحول لكلام انشائي متل الخطب السياسية ببلدنا الي اذا ما انفهمت بتكون أوضح . الدين هو كالعادة ذريعة فقط ولن يكون رادع ما دامو بهالوضع. ممكن ان يكون عامل مساند اذا اراد فعلاً القائمون عليه بنشر التوعية الحقيقية وهون كمان بيجي دور الحكومة باختيار هؤلاء الخطباء .
لما صار التعليم الزامي بسوريا ما صرنا نشوف تسرب من المدرسة الا بحالات نادرة نظراً لجدية الحكومات انذاك بمحو الأمية اعلامياً و بقوة القانون . بهالحالة كمان الموضوع هو مسؤولية الجميع حكومة وافراد وجمعيات بنشر الوعي وتطبيق القانون الصارم للحد من النسل . والي بيعرف هالشي هون يحاول يحكيه وينشره ويقدم النصيحة بمجتمعه .

i m sam

30/04/2009, 18:53

هلق الموضوع شقين:
الشق الاول هو المادي يلي الكل تقريبا تكلمو عنو, ويلي على فكرة مارح يجيب نتيجة , لانو الحملة اللي عم تتوجه عم تتوجه لناس مؤمنين ومقتنعين تماما ان المولود ياتي ومعه رزقه " وهاد أمر ما رح ناقشو لانو بدو فوتات وطلعات".
وبنفس الوقت هالشق مو متعلق بالأسرة فقط كمان الحكومة وعدم التفاتها لزيادة الاستفادة من الموارد الموجودة, بغض النظر ان تحدد النسل أم لا فعليها" الحكومة" العمل على زيادة الاستفادة وتطور الموارد الموجودة والتي اتوقع ان الاستفادة تراجعت بدل التقدم عما كانت عليه قبل 30-40 سنة مضت" لنأخذ الزراعة ومياه الشرب كمثال"
الشق التاني التربية :
التربية وهي الاهم جدا وجزيلا من موضوع المادة برأيي , عدم القدرة في مثل هالعصر المتسارع والمتصل ببعضه على ايلاء الاطفال الوقت اللازم للتربية والاستماع والاهتمام بهم.
هاد الشق هو يلي لازم تكون الحملات باتجاهو
يعني الناس اللي مؤمنة بالرزق القادم مع المولود هي نفسها تؤمن ان هذا العصر هو عصر فساد , وتعلم ان الفساد في في يد كل طفل وعلى الموبايل او الكمبيوتر او عند صاحب طفله.
فاذا لن يكون بمقدور الأب أو الأم القدرة على الالتفاف والعناية بكم من الاطفال وتنشاتهم جيدا في حال تجاوزوا اثنين أو ثلاثة الا ما ندر وهاد أمر صعب.
هلق بالنسبة لاصدار قانون فانا حاليا ضدو لأنو بالأول بدك تخلي الناس توعى لخطر هالمشكلة قبل ما تجبرها على الابتعاد عنها, على الأقل حتى يقتنع القسم الاكبر بهاد الامر .
متل ما تفضل السيد عياش انو التهرب من هيك أمر سهل الى حد ما .

..Jimy

30/04/2009, 20:03

هلق بالنسبة لاصدار قانون فانا حاليا ضدو لأنو بالأول بدك تخلي الناس توعى لخطر هالمشكلة قبل ما تجبرها على الابتعاد عنها, على الأقل حتى يقتنع القسم الاكبر بهاد الامر .

أوكي بالنسبي لأصدار القانون..انا يمكن كنت ديكتاتوري شوي فيه:larg:.. خلص سحبتو :p..

بس يعني لازم اصدار قانون بيحدد ويكون شوي اكتر تساهل..

واصدار معو قانون آخر انو العائلي يلي عندها طفل(ة) واحد(ة) فقط ..الدولي بتعملهن مفاضلة خاصة بالجامعات وبتقدملهن تسهيلات بالسكن فيما بعد:deal:.. (خيار وفئوس يعني :gem:)

هيك بهالزمن المشحط بظن بيمشي الحال:?..

طبعا المشكلة كلها بالارياف ... و بالطبقة الفقيرة اللي على فقرها تخلف اكثر و أكثر ... تخلف متسولين .. '
:lol: لا لا..فيك تئول بأغلب الارياف ..بمعظم الأرياف..
معدل الولادي بريف حمص 3 اطفال وعم يتناقص..(مع العلم متوسط الدخل جيد جدا نسبيا)

suryoyo

30/04/2009, 21:55

:lol: لا لا..فيك تئول بأغلب الارياف ..بمعظم الأرياف..
معدل الولادي بريف حمص 3 اطفال وعم يتناقص..(مع العلم متوسط الدخل جيد جدا نسبيا)

الظاهر ريف حمص حالة خاصة جدا بالنسبة لارياف العالم العربي :lol:

عياش

30/04/2009, 22:08

واصدار معو قانون آخر انو العائلي يلي عندها طفل(ة) واحد(ة) فقط ..الدولي بتعملهن مفاضلة خاصة بالجامعات وبتقدملهن تسهيلات بالسكن فيما بعد:deal:.. (خيار وفئوس يعني :gem:)
'
:lol: لا لا..فيك تئول بأغلب الارياف ..بمعظم الأرياف..
معدل الولادي بريف حمص 3 اطفال وعم يتناقص..(مع العلم متوسط الدخل جيد جدا نسبيا)

هلق بالنسبة لموضوع الاغراءات أنا بعرف عيل كتيرة اكتفت بصبي وبنت مشان موضوع العسكرية يعني ما غامرت وجابت التالت وهاد بيأكد إنو موضوع الاغراءات نافع جدا.

بالنسبة للأرياف فأولا اعتبار ريف حمص الغربي وريف حلب ريف ظلم للاثنين:larg: سوريا بالأساس دولة زراعية والزراعة تعتمد على العمل العائلي ببلدنا من أيام المرابعة وهالشي بيعني إنو انزرع بعقل الفلاح إنو كتر الأولاد خير ورزق لانو سابقا كانوا يكبرو ويعينو أهلون وفرصون بالعمل بأرض الآغا أكتر لأنو قادرين على استثمارا أكتر و طبعا يدافعو عن الضيعة وعن الأرض من البدو والفلاحيين التانيين خلاصتو الفكرة المزروعة بعقل الفلاح إنو الولاد رزقة من هداك الوقت والموضوع بدو توعية على مستوى كبير كتير لحتى تنشال أو بالقليلة تتعدل هالفكرة براس أهل الريف وبموضوع ريف حمص فهل الريف من فترة طويلة ما ضل زراعي بل انفتح على الهجرة من زمان وبالتالي فكرة الكترة عم تقل طرديا مع تراجع الزراعة لصالح السياحة والعمل السياحي.

بالنتيجة الاغراءات والتوعية خصوصا للمجتمعات الريفية الزراعية هما الوسيلة الأجدى برأي.

jimy بالنسبة لموضوع قطع قناة فالوب إذا ما ضل غيرها وسيلة انا بنفع وعندي خبرة طبية مناسبة بس بدك خبرني ورضيان باي راتب مسبقا بس المواصلات عليكن.:o

Elephant And Castle

30/04/2009, 23:02

اول شي ظاهرة فريق الفوتبول بالعائلة الواحدة عبتنقص بشكل كبير و الكل عم يلاحظ هلشي ....

بس في رد استوقفني و هو من الردود يلي بحس انو نهاري رح يبقى معكر اذا ما رديت عليه ...

الرد بقول انو لازم نجبر العائلة على دفع ضريبة عن كل ولد بعد عدد معين من الأولاد !! ..طيب ...كلام حلو كتير ,,,و ما علي حكي ابدا ..نحنا دايما منحكي عن واجب المواطن اتجاه الدولة ,,بس ولا مرة منحكي عن واجب الدولة اتجاه المواطن ...يعني ,,مثال ...مرة قرأت انو الدولة بتجبر الزوج يدفع لزوجته (السابقة او المطلقة ) تلاتمية ليرة عن كل ولد كمعونة شهرية ...الدولة مو مسؤلة عن شي اسمو مساعدات او معونات اجتماعية لمواطينها ...يمكن في كتير مو سمعان بهيك مصطلح من قبل ...اي ,,مساعدات او معونات اجتماعية لازم تنعطى لكل فرد شو ما كان عمرو ,,و بتبقى مستمرة حتى يتجاوز الفرد الأزمة يلي واجهها ...مثلا ...شخص ما فقد عملوا ,,,بكل بساطة الحكومة مجبورة تدفعلو راتب شهري مع تغطية كافة مصاريف السكن و الفواتير التانية ...هلئ هالكلام وين ,,,هالكلام بكل دول العالم يلي بتحترم نفسها و بتقدر شي اسمو مواطن !! ....

حاجي الدولة مو مسؤلة بأي شي اتجاه المواطن ..و لسا في صوات بتطالب انو الأسرة تدفع لدولة عن ولادها كمان !!! ..انا هون على الأقل بطالب الدولة بأيجاد برنامج معونات على الأقل للأطفال والمسنين .....

بالعودة للتلاتمية ليرة يلي الدولة بتجبر الأب يعطي الأم المطلقة عن كل ولد ....لو انا كنت ولد من هدون كنت رح قول للبابا : فرطون رباع رباع ...و بتعرفو شو التكملة ...و للدولة كنت بقول : شكرا لأنك ساهمتي اني صير مشرد او مجرم ...و بوعدك انو رح خليكي تتمني انو عطتيني خمسة الأف دولار شهريا ,,لأنو بأجرامي رح خسرك اكتر ....

قال بتجبر الأب قال ....
وقال ضريبة عن كل ولد ...
متل هيك اراء اصحابها لازم يتحاكمو عنجد ,,

..Jimy

01/05/2009, 00:09

مرة قرأت انو الدولة بتجبر الزوج يدفع لزوجته (السابقة او المطلقة ) تلاتمية ليرة عن كل ولد كمعونة شهرية ...الدولة مو مسؤلة عن شي اسمو مساعدات او معونات اجتماعية لمواطينها ...يمكن في كتير مو سمعان بهيك مصطلح من قبل ...اي ,,مساعدات او معونات اجتماعية لازم تنعطى لكل فرد شو ما كان عمرو ,,و بتبقى مستمرة حتى يتجاوز الفرد الأزمة يلي واجهها ...مثلا ...شخص ما فقد عملوا ,,,بكل بساطة الحكومة مجبورة تدفعلو راتب شهري مع تغطية كافة مصاريف السكن و الفواتير التانية ...هلئ هالكلام وين ,,,هالكلام بكل دول العالم يلي بتحترم نفسها و بتقدر شي اسمو مواطن !! ....

والله يا عزيزي يمكن يلي سمعانين بهك مصطلح اكتر من ما بتتوقع بشوي..
إلتلي دولي بتحرم حالها وبتقدر شي اسمو مواطن..

بالله في شي مواطن بيحترم حالو بهالدول.. ناوي يدخل كتاب غنس بعدد الولاد..
برأيك انو بظل هالتعداد السكاني.. الدولي قادرة تقدم معونات؟؟

وكام دولي من دول العالم العاشر عم تدفع معونات اجتماعية؟؟

بالعودة للتلاتمية ليرة يلي الدولة بتجبر الأب يعطي الأم المطلقة عن كل ولد ....لو انا كنت ولد من هدون كنت رح قول للبابا : فرطون رباع رباع ...و بتعرفو شو التكملة ...و للدولة كنت بقول : شكرا لأنك ساهمتي اني صير مشرد او مجرم ...و بوعدك انو رح خليكي تتمني انو عطتيني خمسة الأف دولار شهريا ,,لأنو بأجرامي رح خسرك اكتر ....

قال بتجبر الأب قال ....
وقال ضريبة عن كل ولد ...

هاد القانون حكينا فيه كتير..ما حدا مختلف معك بهالنقطة..

لظاهر ريف حمص حالة خاصة جدا بالنسبة لارياف العالم العربي

بعرف بعرف :lol:..

ريف حمص فهل الريف من فترة طويلة ما ضل زراعي بل انفتح على الهجرة من زمان وبالتالي فكرة الكترة عم تقل طرديا مع تراجع الزراعة لصالح السياحة والعمل السياحي.
الهجرة ما اقتصرت عريف حمص..
والمدن مع انو اعتمادها ابدا مو عالزراعة:lol:..معدلات الولادي اعلى من ريف حمص..
ومتوسط الدخل اقل:shock:..

بتفق معك بأنو العمل السياحي كان إلو دور بارتفاع مستوى الدخل :larg:..
بس ريف حمص اعتمادو مو فقط عالسياحة..ريف حمص فيه عدا معامل مواد البناء فيه 3 شركات ادويي وحدي منهن بتصدرو لأكتر من 8 دول :larg:..
عدا انو نسبة الأمية بمعظم قراه 0%..وبذكر انو ضيعة مرمريتا لوحدها خلال عشر سنين طلع منها 100 شهادة دكتوراه..

بظن كل هالعوامل ساهمت بازدياد الوعي وبالتالي تحديد النسل..

:D

عياش

01/05/2009, 00:21

عدا انو نسبة الأمية بمعظم قراه 0%..وبذكر انو ضيعة مرمريتا لوحدها خلال عشر سنين طلع منها 100 شهادة دكتوراه..

بظن كل هالعوامل ساهمت بازدياد الوعي وبالتالي تحديد النسل..

:D

هاد شي أكيد واثباتو بالجامعات التي تم افتتاحا مؤخرا مما يؤكد على تميز هذا الريف عن مدن وأرياف سوريا وكونه لا يمثل إلا ذاته ولا يمثل الريف السوري التقليدي.

Elephant And Castle

01/05/2009, 00:39

عزيزي Jimy
عم تحكي و كأنو عدد سكان سوريا مية مليون و كمان عم تعطي الحكومة عذر لفشلها بتقديم بواجباتها اتجاه ما يسمى مواطنيها ! ..
بدي امشي معك بلأرقام و أعمل مقارنة بين سوريا و انكلترا ..بعرف انو يمكن تقول الأنكلييز سرقوا الدهب من جنوب افريقيا و جابو الهنود ليعمرو بلدون و سرقوا الأثار من مصر و هني كتيير استغلاليين و ما الى ذلك ..بس بتمنى انك تقرا الرد للنهاية ... مساحة انكلترا 150000 km2و مساحة سوريا 180000 km2,,يعني بالمساحة نحنا اكبر من انكلترا ,,عدد سكان انكلترا 55000000و عدد سكان سوريا 18000000يعني بالسكان هني اكتر منا بتلات اضعاف !! ...انكلترا ممكن تقدم مساعدة شهرية للعاطل عن العمل2500sterling شهريا بس بتشمل السكن والمعيشة ,,بدون المساعدات بجال الصحة والتعليم و غيرو ....
الحكومة ما بتعطي شي للمواطن بسوريا !!! هلئ ما عم طالب انو الحكومة تعطي متل ما انكلترا بتعمل ,,ولا حتى عشرة بالمية من الشي يلي بتقدمو انكلترا لمواطنها (مع العلم اذا السوري اخد هالعشرة بالمية بأكد انو رح يعيش حياة مادية ولا أحسن ,,,) بس ,,عم طالب انو تهتم الحكومة بلأطفال و المسنين و هدون المشلوحين على الطرقات !! الشغلة مو بالعدد ,,,,خلينا نحكي عن النوعية لأنو اذا النوعية كويسةفالعدد بصير عامل ايجابي طبعا لحد ما ,,,

mhsen77

01/05/2009, 01:46

ما بعرف ليش راسمين الوضع بهالسوداوية هي

يعني بلشنا نشوف من اكتر من عشر سنين اذا ما قلنا اكتر انو ما عادت الاسر السورية تفكر باكتر من ولدين او تلاتة باسوأ الحالات ويمكن ما عدنا شفنا اسرة بتحوي اكتر من هالعدد طبع هالحكي ما بينطبق على كل المناطق بس صارت منتشرة بمناطق كتير من سوريا

وما فينا ننكر انو وزارة الصحة عم تساهم بالتوعية بشكل جيد من اجل تنظيم النسل من خلال المراكز الصحية المنتشرة تقريبا بكل مكان و توزع بعض الادوية المجانية من اجل منع الجمل

..Jimy

02/05/2009, 02:19

عزيزي Elephant :D
الحومي مقصرة كتير بكل المجلات اقتصاديا وتنظيميا وتربويا..والله ما فيه يحطلها اعذار :pos:..
وبرفض اعطي الحكومي اعذار ..وبنفس الوقت برفض اعطي المواطن اعذار:pos:..

بس بما انك عملت القارني فيك تقرنلي بين عدد ساعات عمل المواطن البريطاني وعدد ساعات عمل المواطن السوري:pos:..
أو انتاج المواطن البريطاني وانتاج المواطن السوري..
المعنى أنو الميزانية القومية لسوريا حوالي 17 مليون دولر والميزانية القومية لانكلترا حوال 900 مليون..

على كل الجملي يلي بتهمني هون:

خلينا نحكي عن النوعية لأنو اذا النوعية كويسةفالعدد بصير عامل ايجابي طبعا لحد ما ,,,
النوعية:larg:..
إذا.. كانت النوعية كويسي بكون العدد إيجابي.. إذا..
نحنا عنا مواطن موظف بيداوم 8 ساعات بالنهار (وعدد ساعات العمل الفعلي بكون شي ساعة:lol:)..
وراتبو الشهري حوالي 10 تالاف ليرة..

ومع ذلك بيجيب 8 ولاد :frown: (مثلاً).. فشو رح نتوقع نوعية؟

جاد81

02/05/2009, 02:27

في متل لهلئ منسمعوا عنا بيقول الولد بيخلق و بتخلق معو رزقتوا

يعني الموضوع إلو علاقة بالعادات و التقاليد الموروثة كمان

العلم و المعرفة هي الدواء لحل هذه المشكلة و غيرها من المشاكل

Nay

02/05/2009, 02:51

suryoyo

02/05/2009, 03:13

تعرفي.. حتى اربعة يمشي الحال بالطبقة الوسطى و المتعلمة

لكن المشكلة في الطبقة الفقيرة ... لا اهتمام و لا شي ... و نسبة التعلم قليلة بسبب الاوضاع المادة المزرية اللي يعشيها العمال ...

و يوم بعد يوم يزيدوا ... بدون رعاية او اهتمام .....

..Jimy

02/05/2009, 03:32

ما بعرف ليش الكل عم يحكي على المشكلة المادية:lol:

لأنو كتار لسا بيعتبروا أنو الاهتمام والرعاي والعامل النفسي والحنان .. رفاهيات:lol:..

بس مو الكل :p
مو كل مين فيه يطعمي عشر ولاد معناها فيه يربي عشر ولاد

nour333

02/05/2009, 11:07

شوفو عدد ولاد كتير وجايين ع روس بعض شغله منيحه اول شي حمل متتابع يعني ما رح ترضع رح يشترو حليب بعدين هيك اخوان كتار روسهم بروس بعض واحد بيمرض بيعدي الباقي يعني دوا مره بتخلف كتير جسمها رح يستهلك يعني نقص فيتامينات وكلس وحديد الزلمه عندو ولاد كتار وطول نهارو بيطارد حتى يلحق عليهم وبرجع آخر اليوم بضلو ينطنطو ع راسو يعني ضغط وسكري وجلطات لهيك عدم تحديد النسل فيو وجهة نظر

ويحد سوري

02/05/2009, 16:11

مني و علي من قبل الجازة عم استخدم الواقي

و بلااا هالنسل وبلا هالسلالة

ومتل اجري مو فارقة معي

عياش

02/05/2009, 18:55

ما بعرف ليش الكل عم يحكي على المشكلة المادية اللي بتواجه الاهل اثناء تربيتهم لاولادهم.. مشكلة الاكل خاصة ببلد متل سورية مانها مشكلة معقدة كتير..
الطفل مو بس اكل وشرب.. اهم مهمة للاهل هي التربية والتربية مشكلة حقيقية بتواجه اللي عندو اكتر من ولدين.. تربية اطفال بيحملو فكر بالمستقبل.. اخدو حاجتهون العاطفية والروحية والعلمية والمادية بالحد الاعلى اللي ممكن نوفرو الهون هوي المهمة الحقيقية للاهل..
برأيي الشخصي,, ولد واحد قليل وولدين كتير..:lol:

كلامك مثبت على الأقل بارتفاع معدلات الجريمة اليوم بسوريا وموضوع التربية يلي بيدخل بشكل أساسي بالنوعية هو المأساة الإنسانية يلي ماحدا منتبه عليها كل يوم بقسم الأطفال بالمشفى منشوف أطفال عم يدخلو المشفى الحكومي المجاني ع آخر رمق نتيجة الاهمال تخيلي في أولاد عنا يعانون من نقص في التغذية مشابه لما يحدث في أفريقيا بس هونيك بسبب المجاعة وعنا بسبب الاهمال وقلة العناية خصوصا لما بتكون الأم طفلة عمرها 16 سنة.

في مرة بالعيادة العظمية شفت بنوتة عمرها 14 سنة جايبنها أهلها لأنو عم تعرج وبالصورة الشعاعية تبين إنو عندها خلع ورك ولادي ونتيجة الإهمال عنق الفخذ حفر بعظم الورك مفصل جديد نتيجو الاحتكاك لهيك البنت عم تحسن تمشي تخيلي وهلق لما أجا موسم الخطبة صار بدون ياها ما تعرج وماحدا انتبهلها لهلق إهمال مرعب ويمثل النصف الاكثر إيلاما من المعاناة.

zen

02/05/2009, 19:37

مني و علي من قبل الجازة عم استخدم الواقي

و بلااا هالنسل وبلا هالسلالة

ومتل اجري مو فارقة معي
هيك أظبط شي
واريح

Nay

02/05/2009, 19:50

كلامك مثبت على الأقل بارتفاع معدلات الجريمة اليوم بسوريا وموضوع التربية يلي بيدخل بشكل أساسي بالنوعية هو المأساة الإنسانية يلي ماحدا منتبه عليها كل يوم بقسم الأطفال بالمشفى منشوف أطفال عم يدخلو المشفى الحكومي المجاني ع آخر رمق نتيجة الاهمال تخيلي في أولاد عنا يعانون من نقص في التغذية مشابه لما يحدث في أفريقيا بس هونيك بسبب المجاعة وعنا بسبب الاهمال وقلة العناية خصوصا لما بتكون الأم طفلة عمرها 16 سنة.

في مرة بالعيادة العظمية شفت بنوتة عمرها 14 سنة جايبنها أهلها لأنو عم تعرج وبالصورة الشعاعية تبين إنو عندها خلع ورك ولادي ونتيجة الإهمال عنق الفخذ حفر بعظم الورك مفصل جديد نتيجو الاحتكاك لهيك البنت عم تحسن تمشي تخيلي وهلق لما أجا موسم الخطبة صار بدون ياها ما تعرج وماحدا انتبهلها لهلق إهمال مرعب ويمثل النصف الاكثر إيلاما من المعاناة.
صحيح عياش شي مزعج.. هادا غير البراغي بالأدنين والحمص والفول واغطية المراهم بالمناخير اللي بيدحشوهون الولاد وما بيكتشفوهون الاهل لبعد كم سنة..
كل ما بروح لعند صديقة الي صيدلانية بمنطقة بسيطة شوي بشوفها عم تعاين الولاد كأنها طبيبة وعم توصف تحاميل اسمها ديكلوبار وهي التحاميل معروفة انها قوية كتير ومو كويسة لانها بتأثر بالجهاز المناعي عند الاطفال سألتها ليش عم تعطيهون ديكلوبار.. فجاوبتني انو الاهل ما بيلتزمو بالدوا وما بياخدو اولادهون على الطبيب مشان هيك دوا قوي جدا وبيطيب بسرعة هوي المنقذ الوحيد لهدول الولاد وما في مجال للعلاج المنهجي هون

عياش

04/05/2009, 14:28

nour333

04/05/2009, 15:07

كل ما بروح لعند صديقة الي صيدلانية بمنطقة بسيطة شوي بشوفها عم تعاين الولاد كأنها طبيبة وعم توصف تحاميل اسمها ديكلوبار وهي التحاميل معروفة انها قوية كتير ومو كويسة لانها بتأثر بالجهاز المناعي عند الاطفال سألتها ليش عم تعطيهون ديكلوبار.. فجاوبتني انو الاهل ما بيلتزمو بالدوا وما بياخدو اولادهون على الطبيب مشان هيك دوا قوي جدا وبيطيب بسرعة هوي المنقذ الوحيد لهدول الولاد وما في مجال للعلاج المنهجي هون

موضوع المعاينة عند الصيدلي نتيجة حتمية لعدد الأولاد الكبير بس المشكلة إنو حدود خبرة الصيدلي تنتهي عند الأمراض البسيطة الشائعة والمشكلة إنو الشكايات الجدية هية يلي عم تتعرض للاهمال ومنضيف عليها إنو البيئات الفقيرة والمتخلفة هية يلي بيشيع فيها بشكل كبير زواج الأقارب وبتزيد فيها الأمراض الوراثية.

هادا غير موضوع التربية والنمو الانساني والاجتماعي بيكفي منظر الأولاد النحيليين دوما يوم العيد عند مدينة الملاهي وكل واحد ماسك سيكارة بايدو والألفاظ والشتائم يلي بيقولوها ويمكن بدون ما يعرفو معناها يمكن.

ولسا جايين ع موسم صيف وسباحة بكل مسطح مائي ممكن من الترع وقنوات الري للبحيرات الملوثة ومجاري الأنهار وكل يوم غريقين تلاتة والأولاد بلا حسيب ولا رقيب.
ما دام الموضوع فات بجماعة الصيدليه انا الي زمان محروقه ع دكاترة وبدي فضفض
عزيزتي ناي الدوا اللي بتقولي عنو سوري ما بعرفو بس من اسمو بجوز يكون ديكلوفينات الصوديوم 12.5 وهاد مسكن وخافض حرارة بينعطى للأطفال بعد السنه مو قبل
انا مع معاينة الدكتور وانو الصيدلي ما يعمل فيها مشخص بس لمصيبه دكاترتنا هالقد نطاسيه بارعيين وفي كتير منن بيعطو المريض ادوية قوية حتى يتحسن ويعمل لحالو سمعه متل ابرة الديكلوفينات والكورتيزون اللي الها ماجيك اكشن والمرضى بينبسطو منها
غير موضوع المضادات الحيوية اللي المفروض الطفل قبل السنه يتجنبها إلا بضرورة القسوى وبينزلو بناس بتراكيب قوية هديك المرة اجاني بيبي بعرف ابوه عمرو 45 يوم ومكتوبلو مضاد قوي خرست وما حكيت لأني صحبه مع الدكتور بعد بأسبوعين نفس الطفل ونفس الدكتور مكتوبلو مضاد حيوي وقتا ما رضيت اصرف الوصفه وأصريت يروح عطبيب تاني يعني عياش احنا بنشوف بلاوي مرات بنسكت ومرات ما بنقدر وقت الدكتور يصير ثقه انا البنادول ما رح اصرفو غير بوصفه مع انو او تي سي

Nay

04/05/2009, 15:20

والله وانا معك بالضبط نور..
مزبوط هادا هوي الدوا نفس الابر لي حكيتي عنون بس تحاميل..
انا اللي قصدتو انو الصيدلانية رفيقتي بدل ما تعطي مضاد احتقان وخافض حرارة بسيط عم تضطر تعطي دوا قوي وفيو مسكن وخافض حرارة ومضاد التهاب لانو ما بتضمن انو هدول الاهل يلتزمو بالمواعيد وبالجرعة .. فهي من وجهة نظرها انو شي اهون من شي..

عياش

04/05/2009, 16:31

غير موضوع المضادات الحيوية اللي المفروض الطفل قبل السنه يتجنبها إلا بضرورة القسوى وبينزلو بناس بتراكيب قوية هديك المرة اجاني بيبي بعرف ابوه عمرو 45 يوم ومكتوبلو مضاد قوي خرست وما حكيت لأني صحبه مع الدكتور بعد بأسبوعين نفس الطفل ونفس الدكتور مكتوبلو مضاد حيوي وقتا ما رضيت اصرف الوصفه وأصريت يروح عطبيب تاني يعني عياش احنا بنشوف بلاوي مرات بنسكت ومرات ما بنقدر وقت الدكتور يصير ثقه انا البنادول ما رح اصرفو غير بوصفه مع انو او تي سي

بموضوع المضادات الحيوية أنا معك مية بالمية عنا بالشرق الأوسط استخدام عشوائئ للصادات وفعلا يمكن ما يلحقولنا تطوير أجيال جديدة من السيفالوسبورين له المجد والاكرام والمصيبة إنو إذا إنت قررتي ما تصرفي الوصفة أو ما تعطي المريض الدوا ما تضمني إنو صيدلاني تاني يتصرف بنفس الشكل يعني بيجوز تقلب الحكاية لتطفيش زبائن بس ولسا نحنا عنا موضة ألعن هية إنو أقل من نص الصيدليات بيقعد فيها الصيدلاني والباقي ما بتشوفي فيها غير بياع أتخن شهادة معو ثانوية وبيصرف البدك ياه.

وبموضوع الإبرة السحرية(ديكلون وكورتيزون) صارت متل الزهورات مين ما كان بيحضرا وخود ع سفق ابر....

nour333

05/05/2009, 23:36

هاد بيان لشيخ الازهر بخصوص تنظيم النسل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شيخ الأزهر .. لا يجوز أن تصدر الدولة قانوناً لتنظيم النسل

أكد الدكتور محمد سيد طنطاوى شيخ الأزهر أنه لا يجوز للدولة إصدار قانون لتنظيم النسل، وقال إن تنظيم الأسرة من المسائل الشخصية المتعلقة بالزوجين وحدهما، والتى تختلف من أسرة لأخرى حسب ظروفها، مشيرا إلى أن القوانين لن تعالج الزيادة السكانية أو ما يتعلق بالزوجين.

جاء ذلك أثناء استقبال شيخ الأزهر صباح الثلاثاء لوفد علماء المسلمين من وزارة الأوقاف والشئون والمقدسات الإسلامية الأردنية، برئاسة جمال البطاينة وزير أوقاف محافظة أربد، ورأى طنطاوى أن التوعية وإشاعة الفهم الصحيح للدين هما الحل، مؤكدا أن الاستخفاف بالمسئولية نحو الأبناء والجهل بأحكام الدين وشئون الدنيا أديا إلى التهاون فى قضية تنظيم الأسرة.

وأشار طنطاوى إلى أن تحديد النسل بمعنى منعه مطلقا ودائما «حرام»، ومثله التعقيم، الذى يعنى القضاء على أسباب النسل نهائيا، وقال إن الفقهاء أجمعوا على حرمة الإجهاض، واستثنوا من ذلك حالة الضرر التى تقع على المرأة الحامل إذا رأى الأطباء الثقات خطورة الحمل على الأم.

وقال للوفد الذى التقى الشيخ ضمن زيارة للمركز الدولى الإسلامى للدراسات والبحوث السكانية بجامعة الأزهر، للاطلاع على تجربة مصر فى مواجهة المشكلة السكانية، إن تنظيم الأسرة مباح إذا كان الرجل كثير الأولاد، ولا يستطيع القيام بتربية أبنائه التربية الصحيحة، أو إذا كانت المرأة ضعيفة، أو كثيرة الحمل، أو كان الرجل فقيرا أو أصيب أحد الزوجين أو كلاهما بأحد الأمراض المعدية.

zen

06/05/2009, 00:04

nour333

06/05/2009, 00:09

عفوا نور
بس يعني هاد كلامووو فاضي يعني انا ما بسمع لكلامو اذا بيصير يحددو النسل او ما بيصير بالنهاية مين هوي ؟؟!! ليقرر هيك شي يعني هاد شخص مالو مصداقية بالمرة
و اذا ما بدايقك ف يضرب هوي وشكلو وكلامو البلا طعمة متل حكايتو
:D
انا ما بحب سيد طنطاوي بالمرة مو شاطر غير يناصر مبارك ويكتب كتاب ولاد عادل امام بجوزاتهم بس اليوم بتابع برنامج ديني كانو قايلين عن تصريحو بخصوص تحديد النسل قلت شي الو علاقة بموضوعنا بنزلو يمكن ما بحب الطنطاوي بس مو معناه كل شي بقولو غلط بجوز ازا طلع بره السياسة مرات ها مو دايما يتكلم صح