يقال أن مجتمعنا العربي ازدواجي النظرة في رؤيته ,حيث تتباين أحكامه الاجتماعية بين أخطاء الفتيان والفتيات..

فلقد اعتاد البعض أن ينظر لأخطاء الذكور بمنظار اكثر تسامحا من نظرتهم الى أخطاء الأناث

في طرح هذا الموضوع نحاول أن نعرف رأي الشباب من الجنسين لنرى هل تغيرت النظرة حول هذة القضية لدى الجيل الجديد أم انها لاتزال نظرة ذات مكيالين ؟؟؟

أيضا هناك فرق في الحكم فأذا خان الرجل زوجته قالوا له عيب عليك لاتكررها . ولاكن اذا خانت المرأةفقد اقام عليها الحد ويجب ان تاخذ جزائها وهو الرجم حتى الموت والعياذ بالله .....

هل الرجل يرى ان حقه مسلوب ....!!!

هل المراه ترى ان حقها مسلوب ...!!!

مارايكم بتوظيف المراه في المناصب العاليه ...!!!

مارايكم بالرجل الذي يقوم بواجبات البيت مثل التربيه والتنظيف وغيرها ..!!

حريم هل عصر هل يوافقون تعدد الزوجات ام لا ...!!!

الرجال هل يفكرون في هذا العصر خصوصا التعدد ام لا ...!!!

أرى ان بعض الأزواج الجدد لايفكرون في انجاب لماذا ...!!!

اياها الرجل مامعنى الحريه بالنسبه لك ...!!!

ايهتا المراه ماهي الحريه بمنظروك الشخصي ...!!!

اياها الرجل كيف تحب ان تكون المراه بالنسبه لك ....!!!

ايهتا المراه كيف تحبين ان يكون الرجل بالنسبه لكي ...!!!


فمارايكم انتوا من هذا الموضوع وخصوصا ان اكثركم من هذا الجيل الجديد

فأذا خان الرجل زوجته قالوا له عيب عليك لاتكررها

هي في أحسن الحالات .. عندك مين بيقول : [حلال عالشاطر] أو [حرام .. شكلها مرتو هرهرت و ما عادت قادرة تلبيلو احتياجاتو] أو [اي عادي .. هي جهلة الأربعين بتصير مع كل الرجال] ..!


مارايكم بالرجل الذي يقوم بواجبات البيت مثل التربيه والتنظيف وغيرها ..!!

حريم هل عصر هل يوافقون تعدد الزوجات ام لا ...!!!

بالنسبة لأول سؤال أنا بشوف الرجال مسؤول عن تربية الأولاد متلو متل المرأة .. يعني ضمن حدود تواجدو بالبيت لازم يتابع ولادو و ينتبه لتصرفاتهن و أغلاطهن و يصير هالشي بالتنسيق مع الأم و الاتفاق على مرجعية وحدة للمسموح و الممنوع .. و دور الأب كتير مهم و أساسي و ما بينحصر بس بالصريخ و التخويف .. عندك مثلاً اللي بيقول لمرته : [سكتي ولادك بدنا نعرف نحضر هالمباراة] أو [تعبان و مالي خلاق للعي .. بدي روح نام انتي تصرفي]... و عند أول غلط بيلومها و بيحملها المسؤولية [لكان ؟!!؟ هي نتيجة تربايتك !!] ..
و بخصوص المساعدة ببعض أعمال البيت فأنا بشوفها عادية في حال المرأة و الرجل بيشتغلوا هنن الـ2 خارج المنزل ، يعني متل ما في مشاركة بالشغل بره البيت كمان حلو يكون في مشاركة جواتو .. و هيك بيصير كل واحد من الطرفين بيحس بالطرف التاني و بيقدر تعبو ..


أما بالنسبة للسؤال الثاني ما عندي جواب عليه بس استوفقتني كلمة حريم و بصراحة ما بحبا لهالكلمة لأنه بحس فيها نظرة دونية للمرأة .. فيا ريت نقول النساء أو الستات أو الإناث ...

وشكراً عالموضوع
:D

اختي ام الجود

سؤال يعني الرجال شو بدو يلحق ليلحق الله يعنو شغل و تعب و ارهاق و مسؤولية الخ...

انا ما ضد انو الرجال يساعد زوجتو بس بشغلات تكون سهلة عليه ما والله قوم جلي ولا قوم مساح و لا قوم نيم الاولاد ...

اي مانو ماكينة ولانو رجل الي .
الله يعنوو بكل الاحول

انا ما ضد انو الرجال يساعد زوجتو بس بشغلات تكون سهلة عليه ما والله قوم جلي ولا قوم مساح و لا قوم نيم الاولاد ...

اي مانو ماكينة ولانو رجل الي .
الله يعنوو بكل الاحول

طيب شو رأيك انو في نسوان بتشتغل جوا البيت و براتو و مع الولاد و بتتسوق و بتدفع فواتير .. هي شو بتسميها ؟؟ مو ماكينة ؟؟!!! و بخصوص الشغلات السهلة .. بما أنك عديت الشغلات الصعبة فيك تقلي شو برأيك هي الأعمال المنزلية السهلة اللي فينو الرجال يشتغلا مع مرتو بالبيت ؟؟؟ انو يحط كاستو بالمجلى بعد ما يخلص شرب فيها ؟ ولا انو يعلق تيابو بالخزانة بعد ما يشلحن بدل ما يشلفون عالتخت و يلحش جراباتو بالأرض ؟؟؟

اولا ما كل الرجال هيك في بينقسمو لاقسام في منهون متل ما قلتي و منهون بيكون مساعد بكل شي مع زوجتو

بس الاساس و الاصل لمين للرجال ليششششش؟؟ لانو هو عامود البيت و صلب البيت

كمان الرجال بروح بيشتري اغراض للبيت و بيدفع فواتير و بيشتري و بيعمل و بيساوي

اما بالنسبة يلي عم تقولي انو الزوجات بيشتغلو واجيبات الزوج اي بيكون الزوج عدم المأخزة بهل الكلمة (طرطور) يعني ما نو رجال ولانو خرج مسؤولية ليتحمل مسؤولية فتح بيت و زوجة و اولاد

اولا ما كل الرجال هيك في بينقسمو لاقسام في منهون متل ما قلتي و منهون بيكون مساعد بكل شي مع زوجتو

بس الاساس و الاصل لمين للرجال ليششششش؟؟ لانو هو عامود البيت و صلب البيت

كمان الرجال بروح بيشتري اغراض للبيت و بيدفع فواتير و بيشتري و بيعمل و بيساوي

اما بالنسبة يلي عم تقولي انو الزوجات بيشتغلو واجيبات الزوج اي بيكون الزوج عدم المأخزة بهل الكلمة (طرطور) يعني ما نو رجال ولانو خرج مسؤولية ليتحمل مسؤولية فتح بيت و زوجة و اولاد

يا عيني أنا ما عممت كلامي عالكل .. بس أنت قبل شوي قلت الله يعينو الرجال و شو الرجال ماكينة ت يجي بعد شغلو و تعبو برا البيت يجلي و ينيم الولاد و مدري شو ... و أنا جاوبتك انه في نسوان بتشتغل هيك و أكتر .. بقى ليش المرا معلش تكون ماكينة و الرجال زعلت و انقهرت عليه ؟؟؟ أنا بس حابة قول شغلة .. أنه بمجتمعنا في فكرة مكرسة عند كتير ناس و أنا ضدها .. و هي أنه الرجال بيكفيه يشتغل برات البيت ليطلع مصاري و يصرف عالبيت و شو ما عمل بعدا فوق هالشي هو اوبشنز إضافية و كتر خيرو و غمرنا بلطفو ... :pos:

الرجال يلي بيحمل كلمة الرجولة هو الكل بالكل بالبيت و لما فكر انو يتزوج فكر بالاستقرار و الراحة
والاستقرار بيحمل عواقب المسؤولية الكبيرة اتجاه بيتو و زوجتو و اولادو

وبشكل عام المجتمع بغنى انو المرا تشتغل انا برأي المرا تكرث كل وقتها ببيتها لاولادها و زوجها

يقال أن مجتمعنا العربي ازدواجي النظرة في رؤيته

................................


الرجال يلي بيحمل كلمة الرجولة هو الكل بالكل بالبيت و لما فكر انو يتزوج فكر بالاستقرار و الراحة
والاستقرار بيحمل عواقب المسؤولية الكبيرة اتجاه بيتو و زوجتو و اولادو

وبشكل عام المجتمع بغنى انو المرا تشتغل انا برأي المرا تكرث كل وقتها ببيتها لاولادها و زوجها

عرفت هلأ منين أجت هالازدواجية بالنظرة ؟!
تحياتي
:D

تحياااتي الك كمان و فرصة سعيدة :)

أيضا هناك فرق في الحكم فأذا خان الرجل زوجته قالوا له عيب عليك لاتكررها . ولاكن اذا خانت المرأةفقد اقام عليها الحد ويجب ان تاخذ جزائها وهو الرجم حتى الموت والعياذ بالله .....
انو اقامة الحد ع المراة والرجم حتى الموت ما عم تُطبّق بس مافينا ننكر انو بيحكو عليها شروي غروي وبينشرو غسيلها :jakoush:


مارايكم بتوظيف المراه في المناصب العاليه ...!!!
اي بيلبئلا ليش لاء بس بشرط انو هالمراة اللي بتوصل للمناصب العالية بتوصلّا بعرق جبينا مو تروح تتقرب من شي مسؤول لحتى توصل لمرادا

مارايكم بالرجل الذي يقوم بواجبات البيت مثل التربيه والتنظيف وغيرها ..!!
بكل بساطة الرجّال اللي بيضلو بالبيت يشطف ويكنس ويربي الزغار ومرتو تطلع لبرا تشتغل هاد مو رجال
وللاسف انو بعرف أسرة رب بيتا هيك لو تشوف بناتو تقول عنن شباب وابنو لا بيئش ولا بينش متل المرا :jakoush:
بس ازا الرجال اضطر انو ينظف البيت بسبب مرض مرتو هي عادي مافيا شي لانو بتعتبر مساعدة وأيا مساعدة تجي من الزوج يا محلاها

حريم هل عصر هل يوافقون تعدد الزوجات ام لا ...!!!

انا شخصيا مابوافق على تعدد الزوجات انو يطلقني ويروح يتزوج وحدة تانية اوكي يصطفل منو الها بس انا مرتو ويروح يتزوج عليي التانية والتالتة اي لاء وستين لاء شو بدو يكوّن عيلة الحاج متولي :jakoush:

الرجال هل يفكرون في هذا العصر خصوصا التعدد ام لا ...!!!

انا بئلك من الواقع اللي نحنا عيشينو واللي انا شايفتو شخصيا انو الرجال كانو بس يوصلو لل40 بيجيهون الكلَب (مرض الكلَب) وبيروحو يتزوجو ع نسوانن بس هلاء حتى المتزوجين حديثا وعم يتزوجو ع نسوانن وهاد اللي مسبب حالات طلاق

أرى ان بعض الأزواج الجدد لايفكرون في انجاب لماذا ...!!!
اممم انا هي لسا ماشفتا انو يمكن بيجيبو ولد او تنين بس انو بيشيلو فكرة الانجاب من بالن تسؤ لاء مابظن


ايهتا المراه ماهي الحريه بمنظروك الشخصي ...!!!
الحرية بمنظوري الشخصي اني بعمل اللي بيئللي عقلي عمليه وبكون راضية عاللي عملتو من صمصوم عقلي وقلبي ومقتنعة انو هوي صحيح لانو بالاول والاخير مابيصح الا الصحيح


ايهتا المراه كيف تحبين ان يكون الرجل بالنسبه لكي ...!!!
اممممممم بحبو يكون متل ماهوي ع طيبعتو بلالو هالالاعيب والشغلات الفاضية انو يكون صريح مع حالو وصادق مع زاتو لحتى يقدر يكون الرجل المثالي:frown:


فمارايكم انتوا من هذا الموضوع وخصوصا ان اكثركم من هذا الجيل الجديد

موضوع كتير مهم خصوصا انو بيتعلق بالجيل القديم والجديد وعم نعيشو بمجتمعاتنا الحالية شكرا كتير بحييك ع هيك موضوع :Dبس المرة الجايي غيّر لون خطك لانو المفروض رد عليك بلون ازرق وباعتبارك كاتب بلون ازرق رديت عليك بالاحمر :jakoush:

يقال أن مجتمعنا العربي ازدواجي النظرة في رؤيته ,حيث تتباين أحكامه الاجتماعية بين أخطاء الفتيان والفتيات..

فلقد اعتاد البعض أن ينظر لأخطاء الذكور بمنظار اكثر تسامحا من نظرتهم الى أخطاء الأناث

في طرح هذا الموضوع نحاول أن نعرف رأي الشباب من الجنسين لنرى هل تغيرت النظرة حول هذة القضية لدى الجيل الجديد أم انها لاتزال نظرة ذات مكيالين ؟؟؟

أيضا هناك فرق في الحكم فأذا خان الرجل زوجته قالوا له عيب عليك لاتكررها . ولاكن اذا خانت المرأةفقد اقام عليها الحد ويجب ان تاخذ جزائها وهو الرجم حتى الموت والعياذ بالله .....

هل الرجل يرى ان حقه مسلوب ....!!!

هل المراه ترى ان حقها مسلوب ...!!!

مارايكم بتوظيف المراه في المناصب العاليه ...!!!

مارايكم بالرجل الذي يقوم بواجبات البيت مثل التربيه والتنظيف وغيرها ..!!

حريم هل عصر هل يوافقون تعدد الزوجات ام لا ...!!!

الرجال هل يفكرون في هذا العصر خصوصا التعدد ام لا ...!!!

أرى ان بعض الأزواج الجدد لايفكرون في انجاب لماذا ...!!!

اياها الرجل مامعنى الحريه بالنسبه لك ...!!!

ايهتا المراه ماهي الحريه بمنظروك الشخصي ...!!!

اياها الرجل كيف تحب ان تكون المراه بالنسبه لك ....!!!

ايهتا المراه كيف تحبين ان يكون الرجل بالنسبه لكي ...!!!


فمارايكم انتوا من هذا الموضوع وخصوصا ان اكثركم من هذا الجيل الجديد





لازم يساعد الرجل مرته في أمور البيت وخصوصي الاعمال اللي بتحتاج لعضلات متل حمل السجاد وغيره
من الاعمال الصعبه .بس لألألألألألألألألأ انه يكون الصبح لابس ومتطقم ونازل على شغله وتروح المدام تقله (زكاتك كيس الزباله ,أون يور واي تئبرني)اه لألألألألألألألألألألألأل ألألألألألألألأ.تحياتي لكل مقبل على الزواج.:sosweet::clap:

مارايكم بتوظيف المراه في المناصب العاليه ...!!!
ازا في مصعد في هاي المناصب ليش لأ اما ازا بدا تطلع درج وهي لابسه كعب عالي ورح تتفركش برفض وبشده
مارايكم بالرجل الذي يقوم بواجبات البيت مثل التربيه والتنظيف وغيرها ..!!
هلا يفترض الرجل مو كتير بشغل البيت لأنو بيشتغل براة البيت لساعات طويله اما الرجال اللي قاعد في البيت فهاد خيال مقاته
حريم هل عصر هل يوافقون تعدد الزوجات ام لا ...!!!
متل ما تقول هل بوافقو على انن يطلقو او يترملو المشكله مو بموافقتهم المشكله انو واقع انفرض عليهم
الرجال هل يفكرون في هذا العصر خصوصا التعدد ام لا ...!!!
والله الرجال فاقدين القدرة على التفكير بس بنفذو مباشرة من دون تفكير وبروحو يزوجو ازا القرش جري بجيبتهم
أرى ان بعض الأزواج الجدد لايفكرون في انجاب لماذا ...!!!
والله هاي الرؤيا ما شفتا ولا بالحلم واختي د. نسائية بيجو عندا نساء الهم شهرين و3 مجوزين بدهم يتعالجو للحمل من زن جوازهم
اياها الرجل مامعنى الحريه بالنسبه لك ...!!!

ايهتا المراه ماهي الحريه بمنظروك الشخصي ...!!!
الحرية هي اني اعيش واخلي غيري يعيش
اياها الرجل كيف تحب ان تكون المراه بالنسبه لك ....!!!
الرجل بحب المرأة تعطيه من دون ما تنتظر تاخد منو شي
ايهتا المراه كيف تحبين ان يكون الرجل بالنسبه لكي ...!!!

انا بالنسبه الي بحب الرجل يكون رجل مو ذكر وعلى فكرة هاي بزمنا شغله صعبه متل الخل الوفي
فمارايكم انتوا من هذا الموضوع وخصوصا ان اكثركم من هذا الجيل الجديد
احنا جيل الحليب الصناعي والاكل لمهرمن

الموضوع مكرر و مـُناقش في الأخوية ( في قسم الصالون تحديدا ً ) أكتر من مرة مع زالك ينقل لقسم الصالون و المشرفين هنيك و هني أصحاب القرار بخصوص هيك أمور .

من المنبر .

الموضوع مكرر وأشبع نقاش... مغلق :D