بخصوص الحجاب... ( الرد ) [الأرشيـــــف]

عرض كامل الموضوع : بخصوص الحجاب... ( الرد )

مغرم سوريا

24/04/2009, 15:00

مرحبا كيفكن؟؟

انا بعرف انو تقريبا كلكن مو طايقني بس حبب وضح شغلة هههههههه

بخصوص الرد تبعي انا اكيد اتماديت شوي وشملت كتار من الناس... وظلمت كتار

بس انا انسان كل شئ على لساني بقوله .. وفعلا كتير بتسببلي مشاكل وكتير خسرت ناس من وراها

بس الاهم انكن تفهموا اني ما كنت قاصد اي شخص بكلامي

______

شغلة تانية انو يلي ان استغربتوا او كتار من المنتدى عندي بالمسنجر

وبيحكولي في كتير ناس حابين يقنعوا الناس بأفكارهن السوداء ... والخ

هلأ انا طبعا ما اخدت هالفكرة بعد ما انقالت

كانت عندي فكرة من اول وزاد اقتناعي فيها بعد ما سمعت من كذا شخص

هلأ اسماء الاشخاص مستحيل قولها حرام مو ذنبهن

_____________

انا لسة على رأي .. يعني غلط كل واحد طالع ببالو فكرة يفوت ويلصقها هون

يمكن كانت طريقتي بالتعبير غلط .. بس فكرتي لسة انا عليها.

يعني كل شخص في ببالو فكرة بدو يلصقها بشي موقع

هيك الدنيا بتخرب... دائما في حرية التعبير .. بس في الاحترام للكبير , مراعاة الصغير , وبالنهاية مو كل شي بينقال

يعني كانو كتير في انجلاء بموضوع التعبير هههههه

يعني صار في ناس يحكوا شرقي غربي وعلى حساب مين؟ طبعا بحجة تعبير عن النفس

لك يلعن ابو التعبير اذا هيك!!!!!!!!!!! عنجد شي بيقرهني

وقت شوف ناس مثقفين وفهمانين وكبار وبيعقدوا بيحكوا كلام هن ما دخلهن فيه او ما بيراعوا مشاعر الاخرين

او بيحكوا شي مو دارسين ابعاده !!! مو على اساس مثقفين يا بعدي .. وبدكن حرية التعبير

نحنا مو بالولايات المتحدة ولا فرنسا ولا الخ... لحتى نحن نفكر حالنا بمجتمع مفتوح ومتل ما بيقولو open minded ههههه

انا مشان هيك نعتت بعض الافكار بالصهيونية .... لانو فعلا كفر وقت انت بتزت كلمة وعلى اساس حرية التعبير

لك يا عالم نحنا على الانترنت يعني عالم فيو اكتر من 80 مليون بني ادم ... وما شاء الله المنتدى واسع

ويمكن في كتير ناس ما منشوف ردودهن ... بس بيشوفوا المواضيع

طبعا هذا من عدا يلي بيفوتوا من غير تسجيل

________________________________________________

مثال يلي عم احكيه :

بنت مراهقة حابة تعرف اكثر عن ابعاد الحجاب .. وافكاره الإجتماعية ... الخ

كتبت بــGOOGLE ( الحجاب ) وفرضنا طلعلها هذا الموضوع

قعدت عم تقرأ ولقت انو الحجاب شئ مو حلو ..... ( انا ما عم اقصد انو في ردود هيك عم تنكت او في اشخاص هيك قاصدين . بس انتو بتعرفوا عقول المراهقين كيف...)

اليوم بتقرأ الحجاب مو منيح بهالمنتدى ( او هيك فهمت يعني ) بكرا بتقرأ انو الإسلام غلط بمنتدى اخر

.......... اي لا تستغربوا في كتيييييييير منتديات غربية كُتبت باللغة العربية لحتى اطفالنا .. شبابنا يشاركوا فيها

وبعدين نحنا الإنسان يلي شيافينو ما عم نثق فيه .. بقى بدنا نثق باللي على النت

!؟؟

___________________

برجع بقول انا اسف اذا جرحت مشاعر حدا وخصوصي saman الظاهر اخد على خاطروا ههههههه

وكمان يلي ردوا علي بالموضوع ... لا تعصبوا وطولوا بالكن شوي

بالنهاية انا عم عبر عن رأي :p:p

أإأبو العبد

24/04/2009, 15:11

فتحت على حالك بواب جهنم

مغرم سوريا

24/04/2009, 15:12

فتحت على حالك بواب جهنم

:shock::shock::shock:.....

أإأبو العبد

24/04/2009, 15:15

تسيجل متابع للمجزرة الي رح تصير هون:larg:

أم الجود

24/04/2009, 15:52

بحب وضحلك شغلة ...
الانترنت صار اليوم عالم بحد ذاته .. و جيب ولد عمره 8 سنين بيعرف متل ما قلت يدخل على غوغل و يشوف و يقرا شو ما بدو إن كان بأخوية أو بأي موقع تاني ... و أنت إذا اليوم قدرت تسكت الناس بأخوية فما رح تقدر تسكّت أو تلغي أي فكر بيتنافى مع معتقداتك و مبادئك بمواقع أو أماكن أخرى ... لهيك أنا بشوف المشكلة أولاً و أخيراً مو بإلغاء حرية تعبير الآخر أو تقييدها و لكن بتربيتنا لولادنا و طريقتنا في التعاطي معهن .. يعني أنت اليوم إذا ما بدك ابنك يدخن و شرحتله مضار التدخين و تأثيراته السلبية (و كنت أنت طبعاً ملتزم بعدم التدخين) و اقتنع برأيك و ثبت على قناعته فما رح يدخّن لو مهما شاف دعايات تدخين جذابة و كليبات و أفلام بتقدمله المدّخن على أنه شخص كوول و جقل و كازانوفا زمانه :p ...
فهمت علي كيف ؟؟
تحياتي
:D

مغرم سوريا

24/04/2009, 15:58

saman

24/04/2009, 21:39

مثال يلي عم احكيه :

بنت مراهقة حابة تعرف اكثر عن ابعاد الحجاب .. وافكاره الإجتماعية ... الخ

كتبت بــGOOGLE ( الحجاب ) وفرضنا طلعلها هذا الموضوع

قعدت عم تقرأ ولقت انو الحجاب شئ مو حلو ..... ( انا ما عم اقصد انو في ردود هيك عم تنكت او في اشخاص هيك قاصدين . بس انتو بتعرفوا عقول المراهقين كيف...)

اليوم بتقرأ الحجاب مو منيح بهالمنتدى ( او هيك فهمت يعني ) بكرا بتقرأ انو الإسلام غلط بمنتدى اخر

.......... اي لا تستغربوا في كتيييييييير منتديات غربية كُتبت باللغة العربية لحتى اطفالنا .. شبابنا يشاركوا فيها

وبعدين نحنا الإنسان يلي شيافينو ما عم نثق فيه .. بقى بدنا نثق باللي على النت

!؟؟

___________________

برجع بقول انا اسف اذا جرحت مشاعر حدا وخصوصي saman الظاهر اخد على خاطروا ههههههه

اول شي انا ماني آخد على خاطري ولا شي .. شنو مو فرقانة معي :pos:

تاني شي بالنسبة للمثال يلي طرحتو :
هاد المثال مالو واقعي ابداً ال ازا كان تفكير هالمراهقة ساذج كتير وتفكير اهلها اكتر سذاجة !
انا مثلاً من وقت ما كان عمري 14 سنة بفوت ع الانترنت ....
ومن هالعمر ........ كنت فوت ع مواقع مشكل ملون (بلا معنى )
يعني مواقع ضد الاسلام .. مواقع ضد الاديان ... مواقع ضد الله .... وكنت اتأثر
ولهلأ عم اتأثر ... بس في تأثير سلبي وفي تأثير ايجابي ... يعني رجعت كل واحد هوي وعقلو وطريقة تفكيرو .... حتى بدون توعية الاهل ...
يعني ولو بدي بعّد عن الموضوع .. لو اهلي بيعرفوا اني عم عم فوت على اخوية .... وفوت على اقسام السياسة مثلاً .. والاقسام الدينية (سابقاً ) لكانوا يا اما حجبوا الانترنت عني نهائياً .. يا اما دبحوني ! :lol:
الفكرة يلي بدي وصلها ...
انو المراهق عقلو مو ساذج لهالدرجة متل المثال يلي حضرتك طرحتو ... ومو كل واحد مطبوع على جبينو 18- معناها غبي ومو واعي وما بيعرف يفكر !:pos:

ما عرفت لهلأ ليش حطيت الموضوع هون .. كان فيك تحطو بالموضوع ! :pos:
و يا هلا :D

مغرم سوريا

24/04/2009, 22:13

شكرا لردك ... بس بالحقيقة ما كتير فهمت عليك او اتفقت معك خخخخخ بس خلص هي وجهة نظرك
:lol:
وشباب اذا في حدا متدايق من وجودي بالمنتدى .. صدقوني ما رح ضل دقيقة واحدة بالمنتدى

لاني ما بحب دايق حدا بوجودي ... عنجد طلب خاص جدا ... عادي ما رح ازعل بس لازم اعرف

اذا في حدا متدايق ...يقول وبكل صراحة ... بترجاكم تكونوا صريحين معي لأقصى حد.:D

مع التحيات

Marooshe

24/04/2009, 22:52

بنت مراهقة حابة تعرف اكثر عن ابعاد الحجاب .. وافكاره الإجتماعية ... الخ

كتبت بــGOOGLE ( الحجاب ) وفرضنا طلعلها هذا الموضوع

قعدت عم تقرأ ولقت انو الحجاب شئ مو حلو ..... ( انا ما عم اقصد انو في ردود هيك عم تنكت او في اشخاص هيك قاصدين . بس انتو بتعرفوا عقول المراهقين كيف...)

اليوم بتقرأ الحجاب مو منيح بهالمنتدى ( او هيك فهمت يعني ) بكرا بتقرأ انو الإسلام غلط بمنتدى اخروين المشكلة يعني ؟
ومين قلك انو مش صحي الواحد يسمع كل وجهات النظر ؟

عني صار في ناس يحكوا شرقي غربي وعلى حساب مين؟ طبعا بحجة تعبير عن النفس

لك يلعن ابو التعبير اذا هيك!!!!!!!!!!! عنجد شي بيقرهنياي فيك تنقهر ، عادي يعني ،
كل واحد بيملك حرية التعبير عن حالو وكمان بيملك حرية الانقهار والانفجار والاعتراض

بعدين مين انت لتحدد بشو مسموح للعالم تعبر وعن شو تعبر وايمتى تعبر وع حساب مين تعبر ؟
ومين اللي قلك انو ازا شي حدا حب يعبر عن رايو من المفروض ياخدك بعين الاعتبار ؟ :?

yass

25/04/2009, 00:40

على ذمّة أحدهم... قال ازا أخدت كلمة و شلفتا ع راس واحد ما ينجرح.. بس اضربو بحجر ينجرح..

شو رأيكون نمنع الحجر؟

أخي العزيز يعني مع احترامي الك بس تخوّفك هاد (اللي من ناحية أخرى بتفهّم انك تكون حاسس فيه.. كجو عام للمجتمع الشرقي, و كوني أتفهّم لا يعني اني بوافق و انت سيد العارفين).. و لكن أنا شخصياً مؤمن بحرّية التعبير عن أفكار و اعتقادات, و مؤمن جداً انو من حق أي شخص يحكي شو ببالو حتى لو فيه كراهية طالما ما فيه الغاء..

انت هون بخصوص الحجاب عم تشوف الموضوع من منظورك الذاتي أول شي... و اعتباراً من هالمنظور عم تقرر انو في صح و خطأ, و انو الناس اللي عم يحكو خطأ (الصهاينة على حد تعبيرك) لازم "يراعو" انو أهل الصح ما يتلوّث جوهم العام برأي صاحب "الخطأ"...

بقاموسي المتواضع هاد الو اسم: ارهاب فكري.... بصراحة

و يعني كمان ما كان الك حق تحكي عالناس بهالطريقة, عدا عن انو تفرض نفسك كرقيب فكري

و يا هلا :D

بنفسجة

25/04/2009, 01:01

انا صحيح ما فهمت شي وليش هالموضوع
بس يلي بدي قلك ياه
انو متل ما منحقك تدافع عن الحجاب من حق غيرك يهاجمو
والمثال يلي ذكرتو انت شي حلو يعني معلش هالمراهقة تفوت وتشوف المواضيع المختلفة ايجابيات وسلبيات الموضوع وحسب القدرة على الاقناع هيي رح تتخذ الاتجاه يلي اقتنعت فيه
فانت وشطارتك وانت وقدرتك على الاقناع
الهجوم مش رح يجيب نتيجة
ولا الاتهام بالتصهين ومدري شو هاد كلو مع الاحترام الشديد اسمو حش حكي
انت قدم افكارك وقناعاتك وعرضها وغيرك نفس الشي وللقراء حق الاقتناع
وسلام
بس انو يعني هاموش صغير شو صاير:shock:

رجل من خيطان

25/04/2009, 10:59

مداخلة ربما لا تكون بمكانها ولكن بعد القراءة حبيت حط بين قوسين

( الرأي الشخصي و الرأي العام )

عندما أكون شخص ملتمس بمجتمع له حواف ومحيط وصلب وله أساسات قديمة وجديدة وتكيف ومسؤولية ولا مسؤولية بإعتقادي أن رأي الشخصي هو مجرد رؤيا منبثقة من ضمن حوارات الواقع المجور لتكوين شخصيتي الإجتماعية المستقلة أما بأن أحاول أن أكررها في أشخاص غيري وأجعلهم يتبنون هذه الفكرة فأنا أحاول خلق حزب أسمي قد لا يمس الرأي العام بأي شكل إلا إن كان من ضمن حواف ومحيط وصلب المجتمع ككل

من الواجب جدا أن أأخذ بعين الأعتبار دائما آراء المسببات في قضية ما وبعدها عندما أكن مستمع جيد سوف أكون مبد جيد بالنسبة للرأي الشخصي

عذرا هذه مداخلة شخصية قد لا تمس الموضع بشيء ولكن لمجرد المشاركة

مغرم سوريا

25/04/2009, 13:47

شكرا على الردود جميع والواضح انو كتار مزعوجين من وجودي

انا برجع بعتذر من الكل وبقول هذه حماقة مش اكثر ...

واذا بدكن خلص بترك المنتدى اذا في اي ازعاج....

yass

25/04/2009, 13:58

واذا بدكن خلص بترك المنتدى اذا في اي ازعاج....

ما يجوز هالكلام!

هون الشباب متعودين على اختلاف الآراء, و بالعكس شي جيد لأنو فيها غنى و فيها تنوّع يشكّل إثراء لهالمنتدى, فلذلك امسحلي من راسك قصة مزعوجين مني و بدي روح, و خلي هالموقف يكون خبرة للمرات القادمة انو تحاول تفهم الرأي الآخر و ما تنظرلو كشائبة يجب الغاءها...

جرّب... أنا متأكد رح تعجبك هالممارسة الجديدة...

و يا هلا :D

أم الجود

25/04/2009, 13:59

يا عيني ما في داعي تترك المنتدى

كل واحد حر برأيو .. وجودك مانو زاعج حدا في حال تركت الناس تعبر عن رأيها متل ما أنت عم تعبر عن رأيك ...

خلص لا تزعل ... و هي وردة

:D

مغرم سوريا

25/04/2009, 14:06

يا عيني ما في داعي تترك المنتدى

كل واحد حر برأيو .. وجودك مانو زاعج حدا في حال تركت الناس تعبر عن رأيها متل ما أنت عم تعبر عن رأيك ...

خلص لا تزعل ... و هي وردة

:D

ميرسي كتير الك وانا فعلا رح اخد هذا مثل درس الي خخخخ

ما يجوز هالكلام!

هون الشباب متعودين على اختلاف الآراء, و بالعكس شي جيد لأنو فيها غنى و فيها تنوّع يشكّل إثراء لهالمنتدى, فلذلك امسحلي من راسك قصة مزعوجين مني و بدي روح, و خلي هالموقف يكون خبرة للمرات القادمة انو تحاول تفهم الرأي الآخر و ما تنظرلو كشائبة يجب الغاءها...

جرّب... أنا متأكد رح تعجبك هالممارسة الجديدة...

و يا هلا :D

كمان شكرا الك ياس .. انا والله لو لا محبتي لهل منتدى واهله ما كنت حكيت الي بقلبي

وكمان انا ما بيهون علي اترك المنتدى من محبتي:sosweet: ... بس خلص لعيونك رح جرب هالممارسة

وعلى امل يكون هذا درس لكل الجداد بالمنتدى هههه ميرسي لوجودكم!

وبتمنى الكل ينسى الموضوع ويعتبره من الماضي:deal:

Sarita

25/04/2009, 14:46

هلأ بما اجيت ع سيرة المراهقين وما المراهقين حابة وضحلك شغلة خيي
انو مو لهلدرجة المراهقين بهالتفاهة او قلة العقل تيسدئو كلشي :shock:
فرضا جيب طفل عمرو 10 سنين بيفهم كل شي وبتصير فاتح تمك من كتر الاشيا اللي بيعرفا
وع حسب حكيك انو المراهقين بيتاثرو هاد حكي قديم
بعدين لو مانك عايش معنا كنت قلت انك انسان بعدك عايش عالاطلال :pos:
بس يا زلمة نحنا بالفية جديدة بال 2009 ولازم نتاقلم مع الوضع والجيل هاد مو جاهل ولا ساذج تيتاثر بهيك حكي
بيضل في الو عقل يعرف يفكر فيه وهي وجهات نظر مختلفة ومن اديان مختلفة في العلماني وفي الملحد
لازم نتقبلها لانو بالمجتمع الواقعي ما في مسلمين وبس ...!!!
لاءا في ناس غيرك وغيرنا لازم نحترمون لانون بيضلو بشر وعايشين معنا وعم يساهمو ببناء المجتمع
بعدين مو مين ماكان يحكي رايو بيكون مو منيح او يعطي اراء صهيونية محرضة؟

وما من حقك تتهم اي حدن ومتل ما عطيت رايك وأيدت الحجاب ففي ناس رح تعار الفكرة
وكل شي الو سلبياتو وايجابياتو لانو الشغلة ازا كانت الها ايجابيات وبس رح تكون بلا طعمة والحياة ازا ما كانت فيا اخطاء كمان رح تطون بلا طعمة

بتمنى ما تفهم حكيي مو صح وتقول اني عم هاجمك بالعكس عم وضحلك بس فكرة الناس هون والكل حبابين وبيفهمو اراء الناس :D
وردودون منا عبارة عم هجوم بس خفة دم ولو انها ثقيلة شوي بالنسبة الك بس شوي شوي تتعود ع الوضع :p

بنفسجة

25/04/2009, 18:09

شكرا على الردود جميع والواضح انو كتار مزعوجين من وجودي

انا برجع بعتذر من الكل وبقول هذه حماقة مش اكثر ...

واذا بدكن خلص بترك المنتدى اذا في اي ازعاج....
انا من الكتار ولا القلال؟؟
ليش عم تفكر عن غيرك
لو مزعوجين بيقولولك بوجهك لاتخاف ماكتير بيهتمو لموضوع المشاعر:lol:
خليك سبور خليك سبور

مغرم سوريا

26/04/2009, 23:38

ميرسي بنفسجة وساريتا

خخخخخخخ

خص رح صير سبوووور