فتوى الشيخ عبدالعزيز بن باز في تحريم القول بدوران الكرة الأرضية



- بسم الله وحده والصلاة والسلام على نبينا محمد خاتم الأنبياء والمرسلين عليه الصلاة والسلام، والحمد لله رب العالمين، القول بدوران الأرض قول باطل والاعتقاد بصحته مخرج من الملة لمنافاته ماورد في القرآن الكريم من أن الأرض ثابته وقد ثبتها الله بالجبال أوتاداً، قال سبحانه وتعالى والجبال أوتادا وقوله جل وعلا وإلى الأرض كيف سطحت وهي واضحة المعنى فالارض ليست كروية ولاتدور كما بين جل وعلا، وقد يكون دورانها او تغيرها من غضبه سبحانه، كما في قوله سبحانه: أأمنتم من في السماء أن يخسف بكم الأرض فإذا هي تمور أم أمنتم من في السماء أن يرسل عليكم حاصبا فستعلمون كيف نذير . والجبال موضوعة في الأرض لترسيتها عن الدوران والتحرك، قال تعالى وألقى في الأرض رواسي أن تميد بكم وأنهارا وسبلا لعاكم تهتدون وقال سبحانه وجعلنا في الأرض رواسي أن تميد بهم وجعلنا فيها فجاجا سبلا لعاهم يهتدون .

وقوله وجعلنا في الأرض رواسي أي جبالا أرسى الأرض بها وقررها وثقلها لئلا تميد بالناس أي تضطرب وتتحرك فلا يحصل لهم قرار، والأرض تدل على عظمة الخالق سبحانه وهي آية من آياته كبقية آياته العظيمة وقد ذكر الله سبحانه أن الشمس والقمر يجريان في فلك في آيتين من كتابه الكريم وهما قوله عز وجل في سورة الأنبياء وهو الذي خلق الليل والنهار والشمس والقمر كل في فلك يسبحون وقوله سبحانه في سورة يس: لا الشمس ينبغي لها أن تدرك القمر ولا الليل سابق النهار وكل في فلك يسبحون ولم يذكر أن الأرض تدور كما يزعمون.

ولو كانت الأرض تدور لأخبرنا بذلك الله سبحانه أو نبيه عليه الصلاة والسلام الذي تركنا على المححة البيضاء ليلها كنهارها لايزيغ عنها إلا هالك. والحمد لله رب العالمين.



عبدالعزيز بن عبدالله بن باز







فتوى إبن عثيمين بأن الشمس هي التي تدور على الآرض



السؤال: بارك الله فيكم هذا سؤال من المستمعة ابتسام محمد أحمد من العراق الأنبار تقول ما معنى قوله تعالى : وترى الجبال تحسبها جامدة وهي تمر مر السحاب صنع الله الذي أتقن كل شيء وهل يستدل بهذه الآية على صحة القول بدوران الأرض؟



الجواب :


الشيخ: بالنسبة لسؤال المرأة عن قوله تعالى وترى الجبال تحسبها جامدة وهي تمر مر السحاب صنع الله الذي أتقن كل شيء إنه خبير بما تفعلون فهذه الآية في يوم القيامة لأن الله ذكرها بعد ذكر النفخ في الصور وقال ويوم ينفخ في الصور ففزع من في السماوات ومن في الأرض إلا من شاء الله وكل أتوه داخرين * وترى الجبال تحسبها جامدة وهي تمر مر السحاب صنع الله الذي أتقن كل شيء إنه خبير بما تفعلون * من جاء بالحسنة فله خير منها وهم من فزعه يوم إذن آمنون فالآية هذه في يوم القيامة بدليل ما قبلها وما بعدها وليست في الدنيا وقوله تحسبها جامدة أي ساكنة لا تتحرك ولكنها تمر مر السحاب لأنها تكون هباء منثوراً يتطاير وأما الاستدلال بها على صحة دوران الأرض فليس كذلك هذا الاستدلال غير صحيح لما ذكرنا من أنها تكون يوم القيامة ومسألة دوران الأرض وعدم دورانها الخوض فيها في الواقع من فضول العلم لأنها ليست مسألة يتعين على العباد العلم بها ويتوقف صحة إيمانهم على ذلك ولو كانت هكذا لكان بيانها في القرآن والسنة بياناً ظاهراً لا خفاء فيه وحيث إن الأمر هكذا فإنه لا ينبغي أن يتعب الإنسان نفسه في الخوض بذلك ولكن الشأن كل الشأن فيما يذكر من أن الأرض تدور وأن الشمس ثابتة وأن اختلاف الليل والنهار يكون بسبب دوران الأرض حول الشمس فإن هذا القول باطل يبطله ظاهر القرآن فإن ظاهر القرآن والسنة يدل على أن الذي يدور حول الأرض أو يدور على الأرض هي الشمس فإن الله يقول في القرآن الكريم في القرآن الكريم والشمس تجري لمستقر لها ذلك تقدير العزيز العليم فقال تجري فأضاف الجريان إليها وقال وترى الشمس إذا طلعت تزاوروا عن كهفهم ذات اليمين وإذا غربت تقرضهم ذات الشمال فهنا أربعة أفعال كلها أضافها الله إلى الشمس إذا طلعت تزاوروا إذا غربت تقرضهم هذه الأفعال الأربعة المضافة إلى الشمس ما الذي يقتضي صرفها عن ظاهرها وأن نقول إذا طلعت في رأي العين وتتزاور في رأي العين وإذا غربت في رأي العين وتقرضهم في رأي العين ما الذي يوجب لنا أن نحرف الآية عن ظاهرها إلى هذا المعنى سوى نظريات أو تقديرات قد لا تبلغ أن تكون نظرية لمجرد أوهام والله تعالى يقول ما أشهدتهم خلق السماوات والأرض ولا خلق أنفسهم والإنسان ما أوتي من العلم إلا قليلاً وإذا كان يجهل حقيقة روحه التي بين جنبيه كما قال الله تعالى ويسألونك عن الروح قل الروح من أمر ربي وما أوتيتم من العلم إلا قليلاً فكيف يحاول أن يعرف هذا الكون الذي هو أعظم من خلقه كما قال الله تعالى لخلق السماوات والأرض أكبر من خلق الناس ولكن أكثر الناس لا يعلمون فنحن نقول إن نظرية كون اختلاف الليل والنهار من أجل دوران الأرض على الشمس هذه النظرية باطلة لمخالفتها لظاهر القرآن الذي تكلم به الخالق سبحانه وتعالى وهو أعلم بخلقه وأعلم بما خلق فكيف نحرف كلام ربنا عن ظاهره من أجل مجرد نظريات إختلف فيها أيضاً أهل النظر فإنه لم يزل القول بأن الأرض ساكنة وأن الشمس تدور عليها لم يزل سائداً إلى هذه العصور المتأخرة ثم إننا نقول إن الله تعالى ذكر أنه يكور الليل على النهار ويكور النهار على الليل والتكوير بمعنى التدوير وإذا كان كذلك فمن أين يأتي الليل والنهار إلا من الشمس وإذا كان لا يأتي الليل والنهار إلا من الشمس دل هذا على أن الذي يلتف حول الأرض هو الشمس لأنه يكون كذلك بالتكوير ثم إن النبي (ص) ثبت عنه أنه قال لأبي ذر ( ر ) وقد غربت الشمس أتدري أين تذهب قال الله ورسوله أعلم قال فإنها تذهب فتسجد تحت العرش إلى آخر الحديث وهذا دليل على أنها هي التي تتحرك نحو الأرض لقوله أتدري أين تذهب وفي الحديث المذكور قال فإن أذن لها وإلا قيل ارجعي من حيث شئت فتخرج من مغربها وهذا دليل على أنها هي التي تدور على الأرض وهذا أمر هو الواجب على المؤمن اعتقاده عملاً بظاهر كلام ربه العليم بكل شيء دون النظر إلى هذه النظريات التالفة والتي سيدور الزمان عليها ويقبرها كما قبر نظريات أخرى بالية هذا ما نعتقده في هذه المسألة أما مسألة دوران الأرض فإننا كما قلنا أولاً ينبغي أن يعرض عنها لأنها من فضول العلم ولو كانت من الأمور التي يجب على المؤمن أن يعتقدها إثباتاً أو نفياً لكان الله تعالى يبينها بياناً ظاهراً لكن الخطر كله أن نقول إن الأرض تدور وأن الشمس هي الساكنة وأن اختلاف الليل والنهار يكون باختلاف دوران الأرض هذا هو الخطأ العظيم لأنه مخالف لظاهر القرآن والسنة ونحن مؤمنون بالله ورسوله نعلم أن الله تعالى يتكلم عن علم وأنه لا يمكن أن يكون ظاهر كلامه اختلاف الحق ونعلم أن النبي (ص) يتكلم كذلك عن علم ونعلم أنه أنصح الخلق وأفصح الخلق ولا يمكن أن يكون يأتي في أمته بكلام ظاهره خلاف ما يريده (ص) فعلينا في هذه الأمور العظيمة علينا أن نؤمن بظاهر كلام الله وسنة رسوله (ص) اللهم إلا أن يأتي من الأمور اليقينيات الحسيات المعلومة علماً يقينياً بما يخالف ظاهر القرآن فإننا في هذه الحالة يكون فهمنا بأن هذا ظاهر القرآن غير صحيح ويمكن أن نقول إن القرآن يريد كذا وكذا مما يوافق الواقع المعين المحسوس الذي لا ينفرد فيه أحد وذلك لأن الدلالة القطعية لا يمكن أن تتعارض أي أنه لا يمكن أن يتعارض دليلان قطعيان أبداً إذ أنه لو تعارضا لأمكن رفع أحدهما بالآخر وإذا أمكن رفع أحدهما بالآخر لم يكونا قطعيين والمهم أنه يجب علينا في هذه المسألة أن نؤمن بأن الشمس تدور على الأرض وأن اختلاف الليل والنهار ليس بسبب دوران الأرض ولكنه بسبب دوران الشمس حول الأرض .



الرابط:

binothaimeen.com - فضيلة الشيخ العلامة محمد بن صالح العثيمين رحمه الله (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ييييييييييييييييي ما احلاهون

العالم وين ونحنا وين .. والناس يلي بتصدق هالحكي وين:sick::sick::sick:

راجعلكوا بكره , بس هلأ بدي انام ! ! :larg:

قال حرموها قال , خليها لبكره ! ! :pos:

طيب احكي بطاطا

خليك عم تحلبو ولو مبين عليك تيس ويمكن فعلا يكون تيس بس خليك عم تحلبو

زكرتوني بتحريمة ميكي ماوس ! ! :pos:

والله ماهوه جايببلنا التايهه غير السعوديه والزعران الي فيها ! !

قال شيوخ قال ! ! :frown:

مهمه نص شيوخ السعوديه تبعين أولاد ! !

بعدين تع لشوف :

الناس عم بدور وتركض كيف بدها تكتشف حياه عالمريخ وعلى أقمار تانيه , واحنا

شوف ايش بنعمل قال شو الارض كرويه حرام نحكي انها بدور , لك سيبو الأرض

بحالها ! !

دوران الأرض دوران الارض دوران الارض ! !

بكره بطلعو فتوه حرام نقول ينعن أخت الشوب لأنه الشمس من الله ويمنع منعا باتا

انا نغلط على اشي كوّنه الله ! !

وبعدين يعني , لمتــــــــــــى ! ! :jakoush:

هفففففففففففففففففففف

هلاء دارو دارو

مالئو غير الارض يحيلو عليها ;);)

دخييييييييييل ربهن انا شو رايئين

بكرا بيئولو حرام نمشي عليها لانو من مخلوقات الله كمااان .......هع هع

ييييييييييييييييي ما احلاهون

العالم وين ونحنا وين .. والناس يلي بتصدق هالحكي وين:sick::sick::sick:


لازم نعترف ان الشعب السعودي غالبيتو اصحاب شهادات وكفاءات من اميركا وبريطانيا

بس رغم هذ ماشيين على كلام مشايخهم ويعتبر كلامهم قانون والخروج عنو كفر

دايما هيدا اسلوب النظام لحكم الشعب او ما يسمى الرعية الحكم باسم الدين و الدين هون مدفوع حقو (( تجارة يعني ))

وصار الشيخ يحكي باسم الرب

الله يرحم ايام صكوك الغفران

لازم نعترف ان الشعب السعودي غالبيتو اصحاب شهادات وكفاءات من اميركا وبريطانيا



تعالي شوفي أيش بيعملو هون ! ! :pos:

أما شو كفاءات وخبرات من الأخر ! ! ;)

التيلي خبرااااات وشهااادات وكفاااااااءات :o:o:o:o:o:o:o



ههههههههههههههههههههههههه ههههههه
مين اللي ضحكان عليكي وئايلك هالخبريه :p
اشعااات عيوني اشاعات:lol::lol:

الله يعين دواليب سياراتهن خخخخخخ :oops:

ىبلرشمكثقبشبلالرتنبكلااىل رنمىبمر
مبينتلاشنلنمبللانب
مىبللاتتنشيرلابنىشتنلآلبع هلاقللاتاترتنجخح:larg:

ىبلرشمكثقبشبلالرتنبكلااىل رنمىبمر
مبينتلاشنلنمبللانب
مىبللاتتنشيرلابنىشتنلآلبع هلاقللاتاترتنجخح:larg:

ىبلرشمكثقبشبلالرتنبكلااىل رنمىبمر
مبينتلاشنلنمبللانب
مىبللاتتنشيرلابنىشتنلآلبع هلاقللاتاترتنجخح:larg:


أحلى أشي ! ! :lol:

بس أيش النوع ؟ ؟ ! ! :p

جماعة لو بدنا نسقط الكلام المتواجد سلفا علينا يعني كلنا كافرين و مرتدين و اموالنا و اموال ابائنا لبيت مال المسلمين صح ولا لاء؟لانو هني هيك بدون..
لايمتى بدنا نظل بهالعتمة و التخلف و الجهل اه ؟لك بس بدي اعرف لايمتى ..ازا هدول اللي عم يدعو انون شيوخ و بيفهمو القران منيح وانون القلب النابض للاسلام و الحريصين عالرسالة و مدري شو من هالشعارات الرنانة يفكرو بس شوي قبل ما يحكو
ا شو الله بدو يحكي بالمشرمحي
بقى ما لازم نتقيد بالكلمة قد ما لازم نغوص بالمعنى اكتر و اكتر عم نحاكي عقل نحنا ..
في اية زغيرة بسورة الزمر الاية 5
بتقول انو :يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْل
طيب هاالشي بيدل ع انو الارض كروية ليه ؟
الليل و النهار قد بعضون ووقت ما يكون في ليل من هالميل و نهار من هالميل و كلمة يكور هون بتدعم المعنى لذلك نصين من النهار و الليل بس يلزقو ببعضون بيصيرو كرة ..
و هون فيكون تستفديو اكتر
المصدر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
:?

اي يلعن هيك شي العما بعيونو
والله رح يكفروني هالـù!%!%£¨
الزفت المزفّت
يا ستي انا كافرة اي انا كافرة وبقول انو الارض كروية واللي مو عاجبو ينتحر

ولساتهن عم يتسائلوا .. ليش الغرب بيهجم ع الاسلام .. او ليش بياخد نظرة خاطئة عن الدين ....ليش من ورا هيك شيوخة متخلفين فايتين بـ 1000000000000 حيط والغباء راكبهن من ساسهن لراسهن ..:frown:
مو من ورا هيك حثالة نصبوا نفسهن قائدين للامة وعم يتحكموا بمصير هالبشر:jakoush:
لك في مليون مسبة بتمي .. بس والله بستحي قولها هون .. خليها بالقلب تجرح احسن ما تطلع لبرا وتفصح:pos:
بس هلأ ما رح قول غير يلعنهن صرامي :jakoush:
لعت نفسي وانا عم اقرا هالفتوى وصابني اغماء وغثيان وقريباً رح تجيني الجلطة ..:sick:
العالم وين وهني وين ..!!:frown:
والله حاسس حالي رجعت للعصور الوسطى على ايام غاليلو (الله يرحمو ويحسن اليه ويجعل مثواه الجنة اديشو كان آدمي وظريف) :frown:

على كل حال الاسلام ما بيمثلو هيك ناس جاهلين كفرة وانا برايي انو لحد الان ما وصلتلنا الافكار والصورة الصحيحة يلي لازم نحب فيها الله من قلب ورب لانو انا مثلا مسلمة بس ما بقتنع انو صلي خمس اوقات كل يوم على اساس انو هاد فرض وكرمال الله يوفقني ويعطيني للي بدي وهيك هدول الشيوخ العملة للصهاينة هني للي عم بيشوهو كل شي بعيوننا

مثلا مسلمة بس ما بقتنع انو صلي خمس اوقات كل يوم على اساس انو هاد فرض وكرمال الله يوفقني ويعطيني للي بدي وهيك هدول الشيوخ العملة للصهاينة هني للي عم بيشوهو كل شي بعيوننا

مسلمه من أنو ناحيه بالضبط , لأني فتت بالحيط ! ! :?

مسلمه من أنو ناحيه بالضبط , لأني فتت بالحيط ! ! :?

مسلمة يعني ديني الاسلام وبهويتي ديني الاسلام انا بحترم الدين الاسلامي وكل الاديان بس كمان انا لحتى صير (( مؤمنة)) والله صعب يعني في ستميت مليون سنة عن النبي لازم نلتزم فيها وفي بليار فرض لازم نقوم فيه باليوم هاد عداك عن الحسنة والسيئة وانو الدين اخلاق وازا انا بلا اخلاق معناتو انا لح فوت عالنار بعدين في شغلة تانية انو في سورة او يمكن قول للنبي ما بزكر تماما انو مافي بني ادم الا حيتعذب بنار جهنم طيب حاتعذب بنار جهنم وانا نازلة تطبيق باحكام الدين هاد ازا لحقت طبقها كلها خلال يومياتي وازا لحقتها اكيد لح كون عطالة بطالة بلا شغلة ولا عملة متلما عم يعملو هدول الشيوخ عم بيكشو " دبان"

فهمت مسلمة من انو ناحية :frown:بس دخيلك كل شي الا الحيط خطيتو يتكسر فيك :p

لازم نعترف ان الشعب السعودي غالبيتو اصحاب شهادات وكفاءات من اميركا وبريطانيا

بس رغم هذ ماشيين على كلام مشايخهم ويعتبر كلامهم قانون والخروج عنو كفر
هههه يعني انت ما بتملي من اخبار السعوديه ؟جد قرفتيني
طيب ماشيين على كلام مشايخهم والخروج عنو كفر ؟جد ضحكتيني:p
تعرفي انو بكتاب العلوم للصف السابع أو الثامن (الاول اعدادي او الثاني) يوجد فصل كامل يشرح نظرية كروية الأرض ودورانها ووووو
وبخصوص الشعب السعودي ...مو ضروري تعترفي ..ناطرين اعترافك ليحسوا بقيمتهم

برافو انتي ضلي ع هالنوعية من المواضيع ...كتير بتناسبك

التيلي خبرااااات وشهااادات وكفاااااااءات :o:o:o:o:o:o:o



ههههههههههههههههههههههههه ههههههه
مين اللي ضحكان عليكي وئايلك هالخبريه :p
اشعااات عيوني اشاعات:lol::lol:

الله يعين دواليب سياراتهن خخخخخخ :oops:
يا غريب كن اديب !
اشعات ها ؟والله كتير عبقرية اشعات :lol:

ولساتهن عم يتسائلوا .. ليش الغرب بيهجم ع الاسلام .. او ليش بياخد نظرة خاطئة عن الدين ....ليش من ورا هيك شيوخة متخلفين فايتين بـ 1000000000000 حيط والغباء راكبهن من ساسهن لراسهن ..:frown:
مو من ورا هيك حثالة نصبوا نفسهن قائدين للامة وعم يتحكموا بمصير هالبشر:jakoush:
قائدين للأمه؟؟؟ما حدا اتحكم بمصيرك اعمل شو ما بدك
لك في مليون مسبة بتمي .. بس والله بستحي قولها هون .. خليها بالقلب تجرح احسن ما تطلع لبرا وتفصح:pos:
خجول ومؤدب ...كتير
بس هلأ ما رح قول غير يلعنهن صرامي :jakoush:امين
لعت نفسي وانا عم اقرا هالفتوى وصابني اغماء وغثيان وقريباً رح تجيني الجلطة ..:sick:
ما بيسوى لك تقرا هالقرف !ما حدا جبرك تقرا شي

العالم وين وهني وين ..!!:frown:
والعالم وين وانتو وين؟

والله حاسس حالي رجعت للعصور الوسطى على ايام غاليلو (الله يرحمو ويحسن اليه ويجعل مثواه الجنة اديشو كان آدمي وظريف) :frown:
الله يرحمو ...امين اي كتير كان ظريف

لك شبكي flower bomb :o:oنازلة تعليم عالعالم على ابو جنب كني شوي كني :jakoush:

لك شبكي flower bomb :o:oنازلة تعليم عالعالم على ابو جنب كني شوي كني :jakoush:
ممنوع قول رأيي ..

على كل حال الاسلام ما بيمثلو هيك ناس جاهلين كفرة وانا برايي انو لحد الان ما وصلتلنا الافكار والصورة الصحيحة يلي لازم نحب فيها الله من قلب ورب لانو انا مثلا مسلمة بس ما بقتنع انو صلي خمس اوقات كل يوم على اساس انو هاد فرض وكرمال الله يوفقني ويعطيني للي بدي وهيك هدول الشيوخ العملة للصهاينة هني للي عم بيشوهو كل شي بعيوننا
ما منختلف بانن جاهلين وافكارن بدائية ..
بس بدك الصراحة .. بطريقة التخوين والتكفير هي ما كتير بحس في فرق بينك وبينن ..


هاموش : عيون سيكولار تشوف هلموضوع :lol:

ما منختلف بانن جاهلين وافكارن بدائية ..
بس بدك الصراحة .. بطريقة التخوين والتكفير هي ما كتير بحس في فرق بينك وبينن ..


هاموش : عيون سيكولار تشوف هلموضوع :lol:
واللهيي ما طلبت صراحتك بدايتا:? وتانيا احتفظ باحساسيسك لحالك وياريت تلاحظ انو اسلوبك فيه قلة احترام يا باشا اوك؟؟ بعدين يا روح الماما كتير محموء عليون لحتى عم تدافع عنون وعن عقيدتون وايمانون اساسا ناس متل هيك " شيوخ "عم يندفعلون فلوس بلاوي كرمال يصدروا احكام من فوقون ومن تحت اجريهن لحتى يشغلو الناس عن قضيتون الاولى
وشكرا على تعليقك ياحباب

واللهيي ما طلبت صراحتك بدايتا:? وتانيا احتفظ باحساسيسك لحالك وياريت تلاحظ انو اسلوبك فيه قلة احترام يا باشا اوك؟؟ بعدين يا روح الماما كتير محموء عليون لحتى عم تدافع عنون وعن عقيدتون وايمانون اساسا ناس متل هيك " شيوخ "عم يندفعلون فلوس بلاوي كرمال يصدروا احكام من فوقون ومن تحت اجريهن لحتى يشغلو الناس عن قضيتون الاولى
وشكرا على تعليقك ياحباب
والله ماني منتظر حدا يسمحلي ادلي براي .. من حقي احكي راي خصوصا في حال رد متل ردك ..

" قلة احترام "
يمكن كون قللت من احترامك .. وبعتذر من هلشي
بس يا ترى انتِ كان عندك احترام لحق التاني بالحياة وقت وصفتيه بالكافر
او كان عندك احترام لوطنية الآخر وقت وصفتيه بالخائن والصهيوني ...

ما بعتقد .

مين عما يدافع عن مين :? ايا شخص بالأخوية بيعرف رأي بالسلطة الدينية وبرموزها .. يعني آخر شخص ممكن يدافع عنن بالعالم هوي انا :lol:
بس اكيد ما بدي وافق على لغة التخوين والتكفير لأنها ابشع من لغة الغباء والسفاهة اللي عما يحكوا فيها ( مع عدم احترامي "لعلمن " )

والله ماني منتظر حدا يسمحلي ادلي براي .. من حقي احكي راي خصوصا في حال رد متل ردك ..

" قلة احترام "
يمكن كون قللت من احترامك .. وبعتذر من هلشي
بس يا ترى انتِ كان عندك احترام لحق التاني بالحياة وقت وصفتيه بالكافر
او كان عندك احترام لوطنية الآخر وقت وصفتيه بالخائن والصهيوني ...

ما بعتقد .

مين عما يدافع عن مين :? ايا شخص بالأخوية بيعرف رأي بالسلطة الدينية وبرموزها .. يعني آخر شخص ممكن يدافع عنن بالعالم هوي انا :lol:
بس اكيد ما بدي وافق على لغة التخوين والتكفير لأنها ابشع من لغة الغباء والسفاهة اللي عما يحكوا فيها ( مع عدم احترامي "لعلمن " )
على كل حال كلامك فيه وجهة نظر وانا بحترمو بس كان كلامك فيه نوع من التجريح وانا بكره انو ينتقضني حدا بهالشكل وانا مو موجهتلو اساءة بشكل مباشر وا غير مباشر وبحترم رايك بس انت برايك الكلام للي حكوه بزمتك صح يعني هلا بهالوقت العرب فاضيين لهالعلاك المصدي تبعون:shock:العالم عم تتئتل وهني عم ينكشو على قصص صغيرة يحكو فيها ؟؟؟؟:pos:

كل ما شيخ طلّع شي فتوى الدنيا بتقوم و بتقعد ...او شي صحفي رسم شي رسمة ..منعمل مظاهرات من وراها ...خلينا نشغل دماغنا شوي ,,,

و برأيي انو الشخص يلي بيحاول يدور على عيوب غيرو و بيتغاضى عن عيوبو بكون شخص ناقص .....لاحظت كتير انو الخليجيين مو محبوبين بسوريا و بأخوية بشكل خاص ...طيب اذا الجماعة مو عاجبينكون ,,,ليش بتروحوا بتشتغلوا عندون !! تروكوهم بتخلفهم و انتو يا حضرات يا متحضرين ..دوروا علي محل تاني تاكلوا منو !! بما انو بسوريا مو في اكل و لازم الواحد يدور على اكلو برا سوريا ....

لسّا السوري بينتقد السعودي والمصري وال وال ....و بينسى انو سوريا فيها عيوب بتغطي عالكرة الأرضية ( بغض النظر عن جهة دورانها ) !! و ما بيسترجي يحكي كلمة عن الشي يلي بيصير بسوريا ....

انا عندي خبر لألكون ....
بأمريكا في طائفة عدد تابعينها بالملايين بتأمن انو سكان امريكا الأصليين بلأصل هني بيض هاجروا من القدس قبل فترات طويلة !!! ..الطائفة اسمون المرمون ....طيب شو رأيكون لما بحكي هيك خبر ما بكون القصد الواضح انو وجه اهانة للشباب المسيحي بشكل عام !! ...

فخلصنا قصص عن الدين ,,,كل الأديان فيها شغلات بتخجّل ...و هدا شي معروف ,,,و الغرض من نشر هيك اخبار هي طائفية او عشائرية ....

رجاء كل شخص ينتقد دينو او فكرو او بلدو اولا بعدين يفرجينا مثاليتو و يحكي عن الغير ,,

هلق في جانب حلو بالموضوع

انو اذا تطورنا بنفس سرعة تطور اوروبا اخر 400 سنة يعني بعد اعدام غاليلو سنة

1609 يعني في امل

انو بعد 400 سنة نوصل محل اوروبا حاليا وطبعا بحسب النكتة القديمة انو رح نحكم

الارض لان مارح يضل عليها

غيرنا بقية الشعوب بتكون سكنت الفضاء

:D:D:D:D

يسعد مساكي ياشام

انا ما فهمت شي ..شو الفتوى وشو صاير ..:?
حدا يشرحلنا بالمختصر االمفيد يرضى عليكون ..:pos:

يعني هلى الارض طلعت مو كرويه عند الاسلام ؟؟

الله يرحمك يا انشتاين ..:pos:

كل ما شيخ طلّع شي فتوى الدنيا بتقوم و بتقعد ...او شي صحفي رسم شي رسمة ..منعمل مظاهرات من وراها ...خلينا نشغل دماغنا شوي ,,,

مزبوط معك حق 100%المطلوب نشغل دماغنا وتشغيل الدماغ يعني التجاوب مع المنطق ومن تمنطق تزندق

و برأيي انو الشخص يلي بيحاول يدور على عيوب غيرو و بيتغاضى عن عيوبو بكون شخص ناقص .....لاحظت كتير انو الخليجيين مو محبوبين بسوريا و بأخوية بشكل خاص محبوبين بدون شك والنعم من كل الاوادم...طيب اذا الجماعة مو عاجبينكون ,,,ليش بتروحوا بتشتغلوا عندون هاي علاقة تجارية متل اي علاقة تجارية نحنا منقدم خبرتنا وهني بيدفعو مقابل هالخبرة يعني مو عم نجي نشحد !! تروكوهم بتخلفهم و انتو يا حضرات يا متحضرين .ماحدا عم يعمم التخلف من خلال عدد قليل من الاشخاص شو ماكانت صفتهم.دوروا علي محل تاني تاكلوا منو !! بما انو بسوريا مو في اكل و لازم الواحد يدور على اكلو برا سوريا ....اللي جوعان بيدور على اكل انكان بيالسعودية او بامريكا برجع بقلك مو جايين نشحد عم نعمر بلد

لسّا السوري بينتقد السعودي والمصري وال وال ....و بينسى انو سوريا فيها عيوب بتغطي عالكرة الأرضية ( بغض النظر عن جهة دورانها ) !! و ما بيسترجي يحكي كلمة عن الشي يلي بيصير بسوريا ....

انا عندي خبر لألكون ....
بأمريكا في طائفة عدد تابعينها بالملايين بتأمن انو سكان امريكا الأصليين بلأصل هني بيض هاجروا من القدس قبل فترات طويلة !!! ..الطائفة اسمون المرمون ....طيب شو رأيكون لما بحكي هيك خبر ما بكون القصد الواضح انو وجه اهانة للشباب المسيحي بشكل عام !! ...ماني شايف اي اهانة بالموضوع ويمكن بشوف معهن حق لانو بعتبر سوريا اصل الخلق

فخلصنا قصص عن الدين ,,,كل الأديان فيها شغلات بتخجّل ...و هدا شي معروف ,,,و الغرض من نشر هيك اخبار هي طائفية او عشائرية ....لانو كل الاديان فيها شغلات بتخجل شو رايك نعمل لادينيين ونخلص من هالشغلات اللي بتخجل مرة وحدة

رجاء كل شخص ينتقد دينو او فكرو او بلدو اولا بعدين يفرجينا مثاليتو و يحكي عن الغير ,,

ماحدا عم ينتقد دين ولامذهب عم ينتقدو رجال دين عم يسيئو للدين متل ماانتقدو رجال الدين باوروبا على اعدام

غاليلو

ومع ذلك فهي تدور

:D:D:D:D

يسعد مساكي ياشام

انا ما فهمت شي ..شو الفتوى وشو صاير ..:?
حدا يشرحلنا بالمختصر االمفيد يرضى عليكون ..:pos:

يعني هلى الارض طلعت مو كرويه عند الاسلام ؟؟

الله يرحمك يا انشتاين ..:pos:


الظاهر انو العرب إكتشفو شي جديد:yahoo:

وما حدا سبقهم عليه:larg:

محسوبتلهم هاي والله برافو :deal:

كلامك صح طوروس ...السوري المتغرب متغرب بس مشان يحسن ظروفوا وين ما كان ,,بالسعودية او حتى بنيوزيلاندة ...كلو نفس الشي ..بس كان قصدي المتغرب يلي عايش بالخليج و عم يلعن الشعب المتخلف هنيك كل لحظة ...من الأفضل انو يتعايش مع هل شي مشان ما يبقى مقهور دايما ...مشان صحتو يعني ,,,,ثانيا انو خبرات ..ما بنكر ..بس ما في اكتر من الخبرات بهالأيام ...شوف خريجي اوروبا قاعدين من دون شغل !! ......

ما طالبت انو نتحول ل لا دينيين .. لأنو حتى الادينيين في خلافات جوهرية بين بعضهم ...يعني مستحيل العالم تتفق على شي اسمو فكر واحد ....لهيك خلي كل واحد ملتهي بفكرو و عقائدو احسن ما يبقى عم يحكي على غيرو طول الوقت ...

المرمون قالوا انو سكان امريكا الأصليين اصلهم ناس بيض من القدس بس مشان زعيمون جون سميث يبرر ظهور نبي مسيحي من القارة الجديدة بعد اكتر من الف و خمسمية سنة من المسيح !!! ..مو لأنو الشام مهد الحضارات !!

و برأيي انو الشخص يلي بيحاول يدور على عيوب غيرو و بيتغاضى عن عيوبو بكون شخص ناقص .....لاحظت كتير انو الخليجيين مو محبوبين بسوريا و بأخوية بشكل خاص ...طيب اذا الجماعة مو عاجبينكون ,,,ليش بتروحوا بتشتغلوا عندون !! تروكوهم بتخلفهم و انتو يا حضرات يا متحضرين ..دوروا علي محل تاني تاكلوا منو !! بما انو بسوريا مو في اكل و لازم الواحد يدور على اكلو برا سوريا ....


يا عزيزي Elephant مبدأ "طعمي التم بتستحي العين" مو مشاي معنا بنوب..ماشي متل "أول للأعور أعور بوجهو"..:D



لسّا السوري بينتقد السعودي والمصري وال وال ....و بينسى انو سوريا فيها عيوب بتغطي عالكرة الأرضية ( بغض النظر عن جهة دورانها ) !! و ما بيسترجي يحكي كلمة عن الشي يلي بيصير بسوريا ....
عزيزي فيك تعمل فتلي صغيري بالمنبر ..وبتعرف لحالك شو عم ينحكى عن يلي ميصير بسوريا..
عم نحكي عالإنترنيت لأنو حاليا ما فينا نحكي بغير محل..(خشية من "اضعاف الشعور القومي")


انا عندي خبر لألكون ....
بأمريكا في طائفة عدد تابعينها بالملايين بتأمن انو سكان امريكا الأصليين بلأصل هني بيض هاجروا من القدس قبل فترات طويلة !!! ..الطائفة اسمون المرمون ....طيب شو رأيكون لما بحكي هيك خبر ما بكون القصد الواضح انو وجه اهانة للشباب المسيحي بشكل عام !! ..
:shock:
وين الإهاني بالموضوع؟

يعني هلى الارض طلعت مو كرويه عند الاسلام ؟؟


لا طبعا الارض كروية بالاسلام
بس على فكرة نفس الشخص الي افتى الفتوة رجع فيها
وهاد بيعني انو الفتاوى عبارة عن اجتهادات مابتلزم اي حد من انو يلتزم فيها
مش غلط الواحد يعرض هيك فتوى مشان يتم النقاش فيها
بس صاحب هالموضوع ماكان غرضو من هالموضوع او غيرو النقاش وهو شخصيا حكى هالحكي
بمعنى اصح انو هاد لعب ولاد صغار ونصيحة اخيرة
(يلي بيتك من قزاز لاترمي الناس بالحجارة)
:D

هفففففففففففففففففففف

هلاء دارو دارو

مالئو غير الارض يحيلو عليها ;);)

دخييييييييييل ربهن انا شو رايئين

بكرا بيئولو حرام نمشي عليها لانو من مخلوقات الله كمااان .......هع هع

لا تخافي قبل ميموت بنص ساعة بيحرم المشي عليها لان متوكل ..

اول شي وردة بغداد ضحكت جماعة اخوية على شيوخ سعوديه حتى بدت نواجذهم
بعدين عمالك بتحكي عن الشيخ عبدالعزيز بن باز وما ادراك من بن باز وحاطه عنوان علماء السعودية بتزكريني بأسلوب المجلات الرخيصه اللي بدها تبيع اعداد
والمصيبه انو في اعضاء ما سمعو ببن باز وبجوز بفكرو من هالشيوخ اللي بيطلعو ع الفضائيات وبقبضو بالدولار ويمكن ماحد عارف انو توفى يعني عم تاكلي بلحم ميت ولحوم العلماء مسمومه فما بالك بعالم كان تحت ايدو ملايين وختار الله ورسوله
هلا ما رح اسألك بمصادر معلوماتك اصلا ما بتهمني كلها بس شفت كلام ابو العبد انو تراجع عن فتوتو وعمر ما عالم عارض شي اثبتو العلم بالدليل القاطع
بعدين لما يقول القرآن لاالشمس ينبغي لها ان تدرك القمر ولا الليل سابق النهار وكل في فلك يسبحون كان القصد تعاقب الليل والنهار على الارض والفلك اي المدار يعني يسبحون بحركه دورانيه والارض فايته ضمنيا معهم.

انا ما فهمت شي ..شو الفتوى وشو صاير ..:?
حدا يشرحلنا بالمختصر االمفيد يرضى عليكون ..:pos:

يعني هلى الارض طلعت مو كرويه عند الاسلام ؟؟

الله يرحمك يا انشتاين ..:pos:


متل بعضه!! اذا الارض مدوره دوروا واذا مسطحه تسطحوا:larg::larg::jakoush:

الحقيقة انا لاقيت انو أنسب شي اني ادور على شي رد مقنع وان شاء الله اكون توفقت لأني لطشت مقالات عن اثبات كروية الارض ودورانها حول نفسها وبرضه مدعمة بايات قرانية عظيمة ويبدو تفسيرها اكثر توافقا مع العلم والاكتشاف الحديث .وعلى كل هالمواضيع هاي انا حطيتها برضه بقسم ملطوشات في منتداننا العزيز فيكم تتطلعوا عليها وتقارنوا........وبرضه مشكورة يا وردة بغداد

أنا يا شباب بحكم قعدتي بالسعودية سمعت كتييير نقاشات حول هاد الموضوع..
و كانت نقطة الخلاف الرئيسي .هو إنو الاسلام ما بيعارض العلم,بل انو بيجي يا موافق الو ..أو دال عليييه... كانت هي النقطة هي نقطة الخلاف.....فكااان من غير الممكن ان يذهب الشيييخ ابن الباز..الى القوول بكروية الارض..
و ما عندو دليييل على هالشي ... بس الشيوخ بالاخير اتفقوا على كروية الارض ...بس هيي بالفعل مسطحة....لانو في فرق بين شكل الارض,,و بين المنظر الظاهر منهااا

(( إلى الاخوة اللي تكلموا على الشيييخ......اذا ما بتعرفوو الشييخ لا تتكلموو please((


مع التحية:ss:

كمان أصلا الشييخ مات من قبل شيييييييي ..... 7-8 سنييييين

بقا كيف طالع هلفتوى الجهنمية؟؟؟؟؟؟؟؟؟؟؟؟؟؟؟؟؟ ؟؟؟؟؟؟

جماعة لو بدنا نسقط الكلام المتواجد سلفا علينا يعني كلنا كافرين و مرتدين و اموالنا و اموال ابائنا لبيت مال المسلمين صح ولا لاء؟لانو هني هيك بدون..
لايمتى بدنا نظل بهالعتمة و التخلف و الجهل اه ؟لك بس بدي اعرف لايمتى ..ازا هدول اللي عم يدعو انون شيوخ و بيفهمو القران منيح وانون القلب النابض للاسلام و الحريصين عالرسالة و مدري شو من هالشعارات الرنانة يفكرو بس شوي قبل ما يحكو
ا شو الله بدو يحكي بالمشرمحي
بقى ما لازم نتقيد بالكلمة قد ما لازم نغوص بالمعنى اكتر و اكتر عم نحاكي عقل نحنا ..
في اية زغيرة بسورة الزمر الاية 5
بتقول انو :يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْل
طيب هاالشي بيدل ع انو الارض كروية ليه ؟
الليل و النهار قد بعضون ووقت ما يكون في ليل من هالميل و نهار من هالميل و كلمة يكور هون بتدعم المعنى لذلك نصين من النهار و الليل بس يلزقو ببعضون بيصيرو كرة ..
و هون فيكون تستفديو اكتر
المصدر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
:?

الله العالم

و ما عندو دليييل على هالشي ... بس الشيوخ بالاخير اتفقوا على كروية الارض ...بس هيي بالفعل مسطحة....لانو في فرق بين شكل الارض,,و بين المنظر الظاهر منهااا

سمعت صوت انّة غاليليو بقبره نتيجة البلوكة اللي انت هلق سفقته فيها على راسه :pos:

متأكدين هادا الموضوع بالقرن الـ 21 و لا رجع الزمن لورا ؟! :?

الأرض كروية 100% وبتدور لكن كيف صار تعاقب الليل والنهار وكيف صارت الفصول الأربعة

عن جد شي غريب أول مرة بهيك شي

معقول الأرض ماعم تدور ؟؟

لكن كيف عم يصير الليل والنهار وكيف عم يصير صيف وشتا وهيك فصول

أما شي غرررررررررررررريب عن جد

الأرض كروية 100% وبتدور لكن كيف صار تعاقب الليل والنهار وكيف صارت الفصول الأربعة

عن جد شي غريب أول مرة بهيك شي

معقول الأرض ماعم تدور ؟؟

لكن كيف عم يصير الليل والنهار وكيف عم يصير صيف وشتا وهيك فصول

أما شي غرررررررررررررريب عن جد
لا حبيبتي سوزان هي الشمس هي اللي عم تدور حولين الارض كرمال هيك من كتر الحركة صارت لهلوبة متل النار (نتيجة معئولة ما هيك :o)كرمال ما بتهم حدا وما نزعل حدا بالمنتدى

هيك ونص ياقمر كلامك كلو صحيح

ولازم مانزعل حدا من اعضاء المنتدى مو

اول شي وردة بغداد ضحكت جماعة اخوية على شيوخ سعوديه حتى بدت نواجذهم
بعدين عمالك بتحكي عن الشيخ عبدالعزيز بن باز وما ادراك من بن باز وحاطه عنوان علماء السعودية بتزكريني بأسلوب المجلات الرخيصه اللي بدها تبيع اعداد
والمصيبه انو في اعضاء ما سمعو ببن باز وبجوز بفكرو من هالشيوخ اللي بيطلعو ع الفضائيات وبقبضو بالدولار ويمكن ماحد عارف انو توفى يعني عم تاكلي بلحم ميت ولحوم العلماء مسمومه فما بالك بعالم كان تحت ايدو ملايين وختار الله ورسوله
هلا ما رح اسألك بمصادر معلوماتك اصلا ما بتهمني كلها بس شفت كلام ابو العبد انو تراجع عن فتوتو وعمر ما عالم عارض شي اثبتو العلم بالدليل القاطع
بعدين لما يقول القرآن لاالشمس ينبغي لها ان تدرك القمر ولا الليل سابق النهار وكل في فلك يسبحون كان القصد تعاقب الليل والنهار على الارض والفلك اي المدار يعني يسبحون بحركه دورانيه والارض فايته ضمنيا معهم.

كفيتي ووفيتي

جزاك الله خير اختي العزيزه ,,,:oops: