الحب عن طريق النت....!!!!!! [الأرشيـــــف]

شمس سوريا

23/04/2009, 17:54

الحب عن طريق النت !!!!!!!!

اليووم موضووعي عن الحب وكثيرر منا يعررف شو معنى الحب وكيف يغيرر حاالة الشخص وحيااته

وطبعا تعددت اشكال وطررق الحب عند النااس طيب هل الحب عن طريق النت يعتبر حب او كلاااام فااضي

واذا كاان مجررد حب مزيف او مشاااعر ورااح تتغيرر مع الزمن زي مايقوولوون بعض الاشخااص

طيب كثيررر من الناااس من تغيرت حيااتهم وصااار مغررم لحد الجنوون والسبب وقع في الحب عن طريق النت

وانا حبيت اعررف برايكن انتو هل الحب عن طريق النت حب صاادق او حب لاااهمية له ,,

ومن وجهت نظري الحب بيعتبر حب بأي طريقه كان
واكيييد طبعا في نااس بتكذب عالنت
بس في ناس بتكون صادقه بحبها ...متلي :sosweet::sosweet:ههههه

وطبعا كل شخص وله وجهت نظررهـ ,,
شاركوونا بالموضووع :ss:

mary belle

23/04/2009, 18:48

شو قصتك مع هلموضوع النت و الحب؟
بيناتنا;)؟؟
يللي بدو يسير بدو يسير, علنت او علطبيعة بدو يسير:D

قمح

23/04/2009, 19:19

والله الحب حب ..... ما بتغير

بس برأيي أنو حب عن طريق النت حتى يتم لازم يصير في لقاء وجه لوجه ...
لأنو الحب عبارة عن خليط معقد من المشاعر بين تنين بشكل خاص ... ولازم اللقاء

هلأ النت بمهد الطريق انو الواحد يتعرف على الشخص وعلى افكارو وطريقة تفكيرو ....
والحب لا بعترف بالمسافة ... هون النكشة :p

ويمكن يكون النت افضل من اللقاء بالبداية ...
انو بتيح مجال للتعرف اكبر من لقاء اول ممكن يكون عابر ...
او الاهم يكون الشخص خجول او متردد بالبداية وما يوصل اللي بدو اياه

:D

شمس سوريا

23/04/2009, 19:25

ويمكن يكون النت افضل من اللقاء بالبداية ...
انو بتيح مجال للتعرف اكبر من لقاء اول ممكن يكون عابر ...:D

اي وانا معك بهالشغله :ss::ss:
يسلمووووووووووووووو على مشاركتك

أم الجود

23/04/2009, 19:38

مرحبا ...
أنا ما بعتبر انو فينا نحب عالنت .. اي النت بيتيح مساحة أكبر من الحريّة للتعبير عن حالنا و فرص تعارف أكتر للخجولين و المترددين و اللي وقتن أو ظروفن ما بتسمحلن يختلطوا بالناس ... و التعارف عالنت ممكن يكون بداية لشعور بين شب و بنت .. بس هالشعور ما ممكن يتحول لحب إذا ما الطرفين التقوا و حكيوا وجه لوجه ، و كل واحد منن شاف التاني بمحيطو و مجتمعو و طريقة تعاملو على أرض الواقع ..
تحياتي
:D

شمس سوريا

23/04/2009, 21:04

ممكن يكون بداية لشعور بين شب و بنت .. بس هالشعور ما ممكن يتحول لحب إذا ما الطرفين التقوا و حكيوا وجه لوجه ،

اممممممم لا ما بعتقد انو لازم يشوفو بعضهن عالطبيعه حتى يصير في شعور بيناتهن
يعني انو بيحاكو بعضهن ويسمع صوتها وتسمع صوتو اوك يمكن يصير بيناتهن شعور متبادل :p

يسلمووووووووو على مرورك ام الجووووووووووود :ss:

الماسة الشامية

24/04/2009, 14:51

هل الحب عن طريق النت حب صاادق او حب لاااهمية له ,,

ع حسب...

ممكن يبلش الحب ع النت ويكبر ع الواقع بعد مايشوفو بعض

وممكن مايستمر

يعني كل شي بيصير

بس انا بنصح نصيحه للشباب والصبايا انو مايتسرعو بالحب ع النت ويفرقو بين الحب والاعجاب والصداقه والاخوّة

يسلمو ع الطرح :D

ritka

25/04/2009, 01:16

النت مجتمع كبير..
متلو متل المجتمع العادي بفارق انو النت في حرية تعبير اكبر بكتير من الواقع
بمعنى ع النت فيني احكي ايّا شي بيخطر ببالي بدون ما اخاف من حدا
لانو شو ما كانت ردة الفعل بالنهاية ما بتأزيني

من هون بتنشأ فكرة انو ممكن يصير في حب ع النت
انا ما بأمن فيه كتير بس ما في شي مستحيل
بالعكس ازا صار وشافو بعض ع ارض الواقع (بعد فترة مرتبة من التعارف) وكملو واتفقو كان به و ازا لا ببساطة لا!!

:D.

mhsen77

25/04/2009, 02:27

رأيي متل رأي يلي سبقوني انو بالبداية يبلش باعجاب و بيتحول لحب بس لازم يكون لقاء شخصي
لانو ما بتخيل تنين بيحبو بعض بدون ما يكونو بيشوفو بعض

ممكن تتكون صداقة اكيد عالنت بدون لقاء و حتى ممكن توصل لدرجة كتير قوية بس حب ما بعتقد يستمر

a7la lolo

25/04/2009, 02:43

بحكيلك علساني من كلامي و كلام غيري انو الحب الصادق عالنت نااااااااااااااادر .. وبيقولو هو بيجي بنسبة 8%
فيمكن حكياتك جاية 1% من هال8% ... :D

شمس سوريا

25/04/2009, 02:58

:o:o8% :o:o

ههههههههه كانو كترتي شوي خخخخخ
لالالالالا بالعكس صح انو بتلائيهن الشباب والبنات ما بيلحئو كزب لبعض عالنت
بس في منهن بيكونو ساااااااااااااااااادئين معك وبيحبك عن جد
ويمكن كمان انتي تحبي لهاد الانسان
يعني ما بتعرفي يمكن قلبك يدئلو ولو انو من عالنت
يعني الحب انا برايي ما بينعرفلو لا طريق ولا سن ولا اماكن
الحب هييك بيطب عالانسان بدون لا احم ولا دستوور:p
يعني لو بدي احسبها عالنسبه رح تلائي منهن 40% من عالنت سادئين وهي من رايي انا اربعين بالميه
وانا من النوع اللي بثق بالحب من عالنت :oops:
ويسلمووووووووو على مروركن الراااااااااااائع

a7la lolo

25/04/2009, 03:05

اي .. يلي عم تقولي صح بجانب من الجوانب .. بس احيانا انو بتحسي الشب او البنت لما بيحكو لبعض عكس الشعور يلي هم عم يحسو فيه بالحقيقة .. بتلاقي التاني \ التانية .. بتحس \ بيحس .. بانو في شي مش زابط بالقصة .. في شي مو صح .. يعني إحساس القلب كمان الشغلة ..
بس النسبة يلي حطيتها عادلة تماما .. بالنسبة للزمن يلي نحنا عايشين فيه ..
:D

شمس سوريا

25/04/2009, 03:25

هع سئااااااااال مجرب ولا تسئل حكيييييييييم :sosweet::sosweet:

a7la lolo

25/04/2009, 03:36

وانا عم قلك عن تجربة كمان ... و بعدين مو كل أصابعك متل بعضها .. ;)
:D

همس الياسمين

25/04/2009, 04:04

انا بشوف انه ممكن جدا ليش لاء بس بشروط وللاسف شباب وصبايا هل الايام مو الكل بس يعني نسبة منيحة اكتر شي بيتقونوه هو الكزب على حالهم قبل كزبهم على الغير

اهم شي يكون الانسان واضح وصريح ويبتعد عن الخلط والانفصام والكزب :frown: وهيك بيصير الحب عل النت حب حقيقي وبيتوج بلقاء انا شخصيا بعرف حالة حب رهيبة وبدت عل النت وهلاء اتزوجو وصار في بيبي وكتير حلوين مع بعض :p

ورده بغداد

25/04/2009, 04:08

احب اسئلك سؤال حبيبتي

انتي مؤمنه بوجود حب في هذا الزمن

وبعد مايجيني ردك نتناقش عن الحب عن طريق النت

شمس سوريا

25/04/2009, 04:14

يسلمووووووووو على مروركن :ss: اول شي
وتاني شي عيوني
الزمن مو هوه اللي بيخلينا نامن بالحب
ما نحنا اللي عايشين بالزمن ونحنا اللي بايدنا فينا نخلي حلو وفينا نخلي مو حلو
اما الحب اكيييييييد بأأمن انو لسا في حب مو حب عادي كماان
حب افلاطوووني >>>>>>>>>> يا عينييييييييييييييي

شمس سوريا

25/04/2009, 04:16

وطول ما القلوب عالى الارض تنبض بالحياة
معناها في حب بالقلوب ثابته اكييييد

mhsen77

25/04/2009, 04:23

صح متل ما حكيت همس انو ممكن يبلش عالنت و اكيد ما بيستمر لو كان هالحب مبني عالكزب و النفاق من اي طرف لانو الواقع رح يكشف كل شي

بس انو وردة ليش متشائمة كل هيك ما بعرف و ما متعودين عليكي هيك

ورده بغداد

25/04/2009, 04:32

بس انو وردة ليش متشائمة كل هيك ما بعرف و ما متعودين عليكي هيك

لا مش مسئلة تشائم بس هذي مسئلة مبدء وقناعه

عايشيين في وسط مجتمع شرقي 90% من كلامو كذب

فكيف احب عن طريق النت

شو احب الفاره ولا الكيبورد ؟:deal:

شمس سوريا

25/04/2009, 04:32

ههههههههههههههههههههههههه ههه
لك شو فاره وكيبورد
ولييييي على اااااااامتي انا
والشاشه هلاء بتزعل ما بصيييييييير

ورده بغداد

25/04/2009, 04:36

ههههههههههههههههههههههههه ه
:sosweet::sosweet::sosweet::sosweet::sosweet:
حثلتيني
بس عن جد الحب انا بالنسبه لالي احلى شي بالحياااة

وانا متلك حبيبتي

بس لما يكون حب صادق وشريف وعفيف

حب عذري

حب الروح وليس حب الجسد :larg::larg:

ورده بغداد

25/04/2009, 04:42

ههههههههههههههههههههههههه ههه
لك شو فاره وكيبورد
ولييييي على اااااااامتي انا
والشاشه هلاء بتزعل ما بصيييييييير

شموسه حبيبتي ...

راح اكون جريئه معك وافتحلك قلبي ..

انا انعجب بالعقيد ...اسلوبو .تفكيرو كتابتو تعليقاتو خواطرو

بس مامعناتو انو اسمح لنفسي او احول الاعجاب لحب

لانو شي خيال

ان رسمتلو صوره واكيد هو كمان رسملي صوره من كلامي معو عالماسنجر

بس توصل لحب ...

اهو ده الي مش ممكن ابدا ,,ولا افكر فيه :yahoo::adal::clap:

شمس سوريا

25/04/2009, 05:06

ليييييييييش
اذا اعجبتي فيه ...وبعد الاعجااب يمكن ينولد الحب
وانا كمان رح بكون صريحه وانا بوئتي هاد بحب انسان من عالنت وهو اول انسان بحياتي
وعجبتني طريقة التعارف من عالنت ..
لانو اول اني عرفت شخصيتو ويوم بعد يوم اعجبت فيه وهالانسان صارحني بحبو لالي
وطبعا صارت احداااث كتييره
بس مالي حابه طول عليكي
بس انا بثق بالحب من عالنت انو فيو مستقبل اكتررر من عالطبيعه
بمجتمعنا الاسلاامي ........ ويسلمووو مره تانيه على مرورك
واسفه لاني طولت :p

nour333

25/04/2009, 11:13

هلا احنا والناس اللي بنحبهم ارواحنا التقت زمان في عالم الامر

ضل بس تلتقي المادة يعني الجسد ومو مشكله الطريقه ممكن يلتقو عن طريق النت
هلا النت الو ميزة ايجابيه ازا ما كانو الطرفين كزابين بركز على الجمال الداخلي المجرد لهيك ممكن يكون الحب ناجح جدا جزيلا بس بما انو الاغلب بكزب لهيك بيفشل حب الانترنت

Abu ToNi

26/04/2009, 02:12

الحب عن طريق وسيلة الاتصال البتهوي عنا بسوريا والشائعة باسم " انترنت "
ما بيلجئ اله الانسان الفاشل اجتماعيا الباحث عن اي ساتر و حاجب يتقنع من خلفه ويأظهره شخصيته من خلاله او بالاصح يأظهر " جزء " من شخصيته ويتبنى جزء تاني ويخلق جزء تالت ويستعير جزء رابع ليشكل " شخصيته " الانترنتية .

باستثناء حالات السفر والهجرة والاقامة بغير دولة هون بصير حسابات تانية

شمس سوريا

26/04/2009, 02:20

باستثناء حالات السفر والهجرة والاقامة بغير دولة هون بصير حسابات تانية

كيف يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
متل شو هي الحسابات ؟؟؟؟؟؟؟؟؟؟؟؟؟؟؟؟؟؟؟؟؟؟:lol:

Abu ToNi

26/04/2009, 02:28

باستثناء حالات السفر والهجرة والاقامة بغير دولة هون بصير حسابات تانية

كيف يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
متل شو هي الحسابات ؟؟؟؟؟؟؟؟؟؟؟؟؟؟؟؟؟؟؟؟؟؟:lol:
وقت شخص بكون خارج بيئته وعايش ببلد تاني بيتحول النت من " هروب " من الواقع لوسيلة تواصل معه
لهيك والفرق كبير بين الحالتين .

Reemi

26/04/2009, 03:08

وردة بغداد:

مكان الإعتراض على التصرفات الادارية هو البريد أما بخصوص الكره والحقد والضغينة فما عندي جواب

أإأبو العبد

26/04/2009, 03:23

هلا احنا والناس اللي بنحبهم ارواحنا التقت زمان في عالم الامر

ضل بس تلتقي المادة يعني الجسد
ابن مين شو صار كيف هيك
شو يعني:shock:

أإأبو العبد

26/04/2009, 03:33

كلا كم يوم وبتلاقي اغاني شاني هاكر عبت اخوية وهالحكي كلو بيتغير والي كان يدافع عن الحب بصير يلعن الحب ويقول انو مافي حب
واحب حبك حبة حب احب من حب الاحباب

jankasanova

26/04/2009, 04:32

ممكن يصير اعجاب بالافكار و الشخصية
بس توصل لدرجة الحب ما بعتقد.
الحب اسمى من ان يحدث عن طريق
اسلاك و لوحة الكيبورد و شاشة الكومبيوتر
هذا الرأي يعبر عني فقط
:D

jovia

26/04/2009, 08:01

لك بلا حب بلا آاء ال حب انترنتي ال حبيبتي شموسة انا بتاملك يكون هاد الشب صادئ بس بصراحة انا من تجارب عشتها (وهاد الكلام لما كنت ببلدي سوريا ) كان عندي شلة اصدقاء كنا عاملين كروب حلو كتير عالتشات كنت اشعر باعجابي باشخاص معينين منهون بس صدقيني هاد بالبداية لانو كلما صار الموضوع جدي اكتر وحاولتي انك تتعمقي بشخصيتو السوبرمانية وحياتو الخاصة حتلاقيه عم بيراوغ ويفوتك بستميت قصة لحتى ماتعرفي الله وين حاطك :abo3aen:لك المصيبة انو هو للي بيبادر وبيطلب تتطور العلاقة بعدين بيقلك انا ماقلت انو بدي اتزوجك وما وعدتك بشي:???: والادئ من هيك برقبة انو مع الزمن بتكتشفي انو منفوخ من برى وفاضي من جواااا يعني براس دبوس كنتي بتقدري تنفسيه وتطيريه ماسنجريان وهوتميليان وانترنتين:blow:
----------------------------------------------------------------------
طولت عليكي بكل الاحوال انا بعتقد ازا كان لابد من الحب الصادق عالنت يمكن بيكون بنسبة 25% وتقبلي مروري يا حلوة :D

nour333

26/04/2009, 12:04

ابن مين شو صار كيف هيك
شو يعني:shock:
خلص ببعتلك ع الخاص كلام عن الارواح والذي منو ما بقدر احكي هون بعدين الشبيبه يفكروني مجنونه

هبه الاردن

26/04/2009, 12:35

كلا كم يوم وبتلاقي اغاني شاني هاكر عبت اخوية وهالحكي كلو بيتغير والي كان يدافع عن الحب بصير يلعن الحب ويقول انو مافي حب
واحب حبك حبة حب احب من حب الاحباب

لك والله حكيك درر :D

لك شو حب الانترنت الحب العادي ويا دوووب

يمكن اذا كان كلا الطرفين صادقين يمكن انو يصير في حب

أإأبو العبد

26/04/2009, 14:37

خلص ببعتلك ع الخاص كلام عن الارواح والذي منو ما بقدر احكي هون بعدين الشبيبه يفكروني مجنونه

ياريت رح استنى
مع اني مش مقتنع بهالحكي :sick:

يمكن اذا كان كلا الطرفين صادقين يمكن انو يصير في حب

انو شغلة الحب عالنت كلا حكي فاضي لانو اذا ماكانو شايفين بعضن كل واحد فيهن رح يتخيل صورة معينة لحبيبو واذا لاسمح الله اتلاقو رح ينصدمو ببعض انو يعني كل واحد فيهن حاطط صورة معينة للي بيحبو واكتشف عكس زالك فهون بتصير الخبيصة وتوتة تةتة خلصت الحدوتة حلوة ولا فتفوتة

هدوء البحر

26/04/2009, 14:39

ماعاد في حب لا عالنت ولا على خيرو

هبه الاردن

26/04/2009, 15:11

انو شغلة الحب عالنت كلا حكي فاضي لانو اذا ماكانو شايفين بعضن كل واحد فيهن رح يتخيل صورة معينة لحبيبو واذا لاسمح الله اتلاقو رح ينصدمو ببعض انو يعني كل واحد فيهن حاطط صورة معينة للي بيحبو واكتشف عكس زالك فهون بتصير الخبيصة وتوتة تةتة خلصت الحدوتة حلوة ولا فتفوتة[/quote]

ايه مزبوط هالحكي :larg:

وخصوصا اذا كان راسم صورت الكمال بشخصية

الي بحبو سوا كان المنظر الخارجي او الشخصيه الداخليه:sosweet:

مشان هيك ما بأمن بالحكي عن الحب عن طريق الانترنت يمكن الصداقه ايه لاكن الحب

مستحيييييييل :larg::larg::larg:

شمس سوريا

26/04/2009, 15:44

يوووووووووووووووووووه يا جمااااااااااااعه :?
ما هنن رح يشوفو بعض اول يعني عالنت
في شي اخترعووو اسمو كااااااام وبيئدرو يشوفو بعض
شو هالشغله العظييييييييمه وئفت عالشوفه يعني :shock:

آحلى سورية

26/04/2009, 15:50

انا الحمدلله ما جربتوا ولا مرة

لانو اللي عندي بكفي وبوفي :hart::hart:

ثانكس حيااااتي موضوع حلووو كتيييييير :D:D:hart::hart::hart:

أإأبو العبد

26/04/2009, 15:51

ايها يعني بدك تقنعيني انو البنت رح تفتح الكام للشب من اول ماتتعرف عليه :?

هبه الاردن

26/04/2009, 15:53

يا ستي طلعت ححلوه / طلع حلو

شو الفايده اذا كانت عم تكذب بكل الحكي الحكتو

الشكل مو كل شي

شمس سوريا

26/04/2009, 15:57

انو شغلة الحب عالنت كلا حكي فاضي لانو اذا ماكانو شايفين بعضن كل واحد فيهن رح يتخيل صورة معينة لحبيبو واذا لاسمح الله اتلاقو رح ينصدمو ببعض انو يعني كل واحد فيهن حاطط صورة معينة للي بيحبو واكتشف عكس زالك فهون بتصير الخبيصة وتوتة تةتة خلصت الحدوتة حلوة ولا فتفوتة[/quote]
\

لكا مين اللي كاتب هي
انا عم ئلكن انو بعد ما يتعرفو على بعض ويحبو بعض بيشوفو بعض
وبعدييين يا عيوووني اذا اجت عالكزب
صح اكترهن كزاااااااااااااابين
بس في منهن سااااااادئين يعني مو كل اصابيعك زي بعض يوووه

شمس سوريا

26/04/2009, 16:00

بس ليكي على العموووم كل واحد هوه ورئيووو
في منهن اوك ما بحبو شغلة النت
وفي منهن مقتنعين فيها
كل واحد حسب نظريتو
:p

أإأبو العبد

26/04/2009, 16:08

بس في منهن سااااااادئين يعني مو كل اصابيعك زي بعض يوووه
لا انا اصابعي زي بعضا:pos:
بعدين بفهم من حلامك انك بتحبي عن طريق النت
طيب بتشارطي من خمسة لخمسة
انو بعد كم يوم رح تنزلي موضوع عن الخيانة او الكذب:larg:
بس بشرط انك تطلبي منو يجي يطلبك من اهلك رسمي او عالاقل يحكي مع حد من اهلك او عالاقل اطلبي منو يعرف على اختو او امو:larg:

شمس سوريا

26/04/2009, 16:15

هع
اذا اجت علي اوك رح كووون صريحه وجريئه ورح بحكي كل
بس ئبل ما احكي رح بحلف انو كل حكيي سدئ
لانو الشي اللي صاير معي مو كتيير منو بهالدنيا :larg:

والله وحياااااااااااااااة امي الغاليه
انو

اللي بحبو اي من عالنت
وحكيت مع امو واختو
وهو حكا مع امي واختي الكبيره
واهلو بيعرفو اني بحبو وهو بيحبني
وماما واختي الكبيره بيعرفو وموافئين علييه :sosweet:
بدك شي اكتررررررررر من هيييييييييييك وهو معنا بالمنتدى كماااااان :oops:
هي مشان تسدئ انو مو كل اصابعك زي بعض

أإأبو العبد

26/04/2009, 16:26

اهااااااا عرفتو لسعيد الحظ ايه منيح لانو في شغلة صارت من كم يوم وماكنت افهم ليش هيك صار بس هلا فهمت
هاموش: ذكرتيني بابو طوني لما طلب نغمة زللم زللم:adal:

شمس سوريا

26/04/2009, 16:32

اهااااااا عرفتو لسعيد الحظ ايه ;)

هع عيوني اانا اللي بحبو مسجل بس اسم بالمنتدى يعني ما بينزل شي
ولا الو اشتراكاات
يعني ما بيخطر عبالك :p
هههههههههه

ويسلموووووووووو على مشاركتك بالموضووووووووع