فزعانه يا قلبي اكبر بهالغربه [الأرشيـــــف]

The morning

23/04/2009, 09:24

Nay

23/04/2009, 09:41

هالبلد بعمرا ما كانت غير ألكون.. وإلنا.. بعمرا ما كانت لهدول الناس الل خلو سلمى المصري تطفش بالمسلسل..
بس انت بدك تكون مستعد لكل شي.. يعني الي بدو يرجع لازم يعرف كل شي عن البلد لحتى ما ينصدم.. متل ما صار بكتير ناس حبو يرجعو وانصدمو بالواقع ورجعو على اوطانهون المستعارة.. او ماتو بحسرة..
مثل صاحب شركة القدموس اللي كان ناوي يعمل اهم شركة نقل بسورية.. ولاسباب لايصح ايرادها هون.. انصدم..
مثل كمان صاحب شركة الجولان للنقل اللي دفع مبالغ طائلة في سبيل يرجع على بلدو.. فشلت الشركة فشلا ذريعا.. وهوي مات السنة الماضية بالجلطة..
واخيرا منتذكر كلياتنا الوزير السابق الدكتور عصام الزعيم اللي اجا على سورية من بلاد المهجر ممثلاً للفكر الجديد الذي يطرحه الرئيس بشار الأسد وخرج منها متهما بتهم فساد وقلة ادارة !!....
بالمختصر .. اللي بدو يرجع على البلد ..بدو يكون مستعد لتقديم تضحيات.. وتلقي صدمات .. وبدو يرجع وما يتوقع حياة سعيدة ..
بدو يرجع مشان يساعد البلد وما تساعدو هيي.. واذا كان هادا الشي ما بيناسبو فهو كتييييير معذور

Sun Shine Art

23/04/2009, 09:50

هلى هي الحالات بتصور انسب شي يحكي عنها هو المغترب ...كونو عايش الحالتين ..متل حالتك وحالتي وكتير ناس ..
انا بدي احكي نقطه بهل الموضوع ومحدا يفسرها ع كيفو ...

انا عايشه بالغربه ..وكتير بحس بالحنين والشوق لايامي الماضيه بالوطن ...بس لما بنزل وبضل فتره ..بحس حالي لح اختنق ...وبس بدي ارجع ...يمكن لان عشت الجهتين ..,بكل حالاتون ومابحس ما بقدر ارجع

ولاكون صريحه اكتر ..واقعيا ..مابقدر ارجع وعيش بالوطن ...بس لما بحلم ...بحلم ارجع متل الاول ..

الحل صعب كتير بس بتصور اذا الواحد قضى اجازات تحت وكفى العيشه هون ممكن يحاول يتأقلم ..

في نقطه تانيه بواجهها كتير ...مع الناس المقربين ...لما بسالوني ما بترجعي ومو ناويه ترجعي تستقري هون لما بجاوب ب لا ..بيستغربو .انا بضيف شغله ع جوابي انه الي تحت في امور كتير غامضه عليون وعن الحياه الي برى ان كانت بحلاوتها ولا مرتها بس صعبه كتير يفهموها اذا ماعشوها ......
وبالاخير ما منعرف وين بدنا ننشلح ..

ويسعد صباحك the morning :D

The morning

23/04/2009, 09:56

بالمختصر .. اللي بدو يرجع على البلد ..بدو يكون مستعد لتقديم تضحيات.. وتلقي صدمات .. وبدو يرجع وما يتوقع حياة سعيدة ..
بدو يرجع مشان يساعد البلد وما تساعدو هيي.. واذا كان هادا الشي ما بيناسبو فهو كتييييير معذور

سلامات بدايه ً ..
أنا بتفق معك للعـضم بهالجملتين .. بتفق معك لأنـّو كلنا عنّـا مسـؤوليه اتجاه البلد و بـغيابنا بنـشارك باهمال هالمسـؤوليه ..

** هامش ,
ما بدي اتفلسـف كتير و اعطي نـظريات كتـير و الحـكي ببلاش لـكن مجرّد نـقاش و أفكـار عشـوائيـّه :D

The morning

23/04/2009, 10:06

بس لما بنزل وبضل فتره ..بحس حالي لح اختنق ...وبس بدي ارجع ...يمكن لان عشت الجهتين ..,بكل حالاتون ومابحس ما بقدر ارجع

احكيلك سر و يضل بيناتنا :lol: ؟
أنا بس كـون بـسوريا بـصير أحيانا مابعرف حالي :? ! بـحس مطره جامل كتير ناس و مطره سـاير و اســــــــــــــمع حكــي من فـلان و تـنقيره من عـــلان .. و بـصير بـعصب على غيـر عاداتي اليـوميه .. بس ما بـخفيكي أنـّي بفضل كـل هالشـي على لـحظه اللي بـدي أطلع فيها بالـطياره و شـوف الشـام من الـسما لآخر مرّه و دوّر عبيتنا و السياره اللي وصلتني عالمطار .. يعني بقـصد بالرغم من كل هيـك فأنا بـحس أنـّو اللي بـحاجته الوقت ليس الّا و بعدها بيمـشي الحال بـرجع بتبنى شـخصيتي بتجرّد ..

ولاكون صريحه اكتر ..واقعيا ..مابقدر ارجع وعيش بالوطن ...بس لما بحلم ...بحلم ارجع متل الاول ..
أنا شـخصيا مابعرف اذا فيّ او لاء :) .. عـطول بفكر انو فيّ بـس خايفه ما يكون فيّ و أكل غول مرتب ! و لكن اللي بعرفه انو اذا ما رجعت فحـياتي رح بتـضلها وافقه على الـ pause .. انـّو هيك بـحس هون .. الحياه وافقه لـترجع تكمّل بسوريا و هي كلها مرحله مستقطعه ..

الحل صعب كتير بس بتصور اذا الواحد قضى اجازات تحت وكفى العيشه هون ممكن يحاول يتأقلم ..

لا أنا برأي اذا ما بدو يـرجع و نـهائيا ليش الواحد يعـذّب حالو و أهلو بـأنـّو يضلو يشوفهم و يودعهم يا زلميـّه عزاب نفسي رهـييب القصه ..

ويسعد صباحك the morning :D

يـسعد أيامك شمسنا الصغيره :D

مجنون يحكي وعاقل يسمع

23/04/2009, 12:36

Reemi

24/04/2009, 16:56

مثبت :D

وإلي رجعه للرد

باشق مجروح

24/04/2009, 20:38

ليكي .
أول شي ميرسي ع الموضوع الظريف :D.
تاني شي . الانسان بطبيعته بيحب الحرية ( هي نقطة ) . والانسان بطبيعته بيحب مكانو الاصلي ( نقطة تانية ) . كونو هالشيئين بصراع مستمر في دولنا . ( يعني لما كون ببلدي بتكون حريتي أضيق ) لأنو مضطر امشي مع العادات . ومضطر أطّر حالي باطار الاجتماعيات وحكي الناس . فـ :
المغترب بس يخرج من هالحدود والحواجز الي بتخنق حريتو ( مع فروق المكان والمجتمع ) ويعيش بمكان اخر بيحققلو حرية اكبر قد تكون مطلقة ( مع فروق مكان الاغتراب ) بس بكل الحالات اكتر من المكان الي بيكون بين ناسو , فـ بيوصل لحرية اكبر بتحققلو الراحة حسب النقطة الأولى بس بيبقى حب الوطن عندو يعذبو حسب النقطة التانية وهالنقطتين رح يضلو يتصارعو .
بيحس بالحنين لبلدو بالغربة , والغربة عن حريتو ببلدو .
الحل :

اما بيرجّع الزمن لورا و بيتنكر لكل الحرية الي عاشها ( او الي بيخاف منها ) وبيرجع متل ما كان قبل وبيستسلم .
او بيحارب العادات وبيخلق لحالو هامش حرية اكبر وبيستحمل تبعات هالحرب .
أو ما بيرجع بنوب غير زيارات وبيتحمل الحنين للوطن كرمال الحفاظ على هامش حريتو .

هاموش :
في حالات بتطلع برا البلد وبتعيش بنفس القوقعة الي كانت عايشة فيها وبتضل منغلقة وهالفئة من الناس كتير سهل عليها ترجع بدون اي مشاكل .

ritka

25/04/2009, 02:57

انا ما بخاف ما تعرفني بلادي... هيك وهيك بلادي ما بتعرفني..بيكفيني اني بعرفها
عمري ما دخلتها لفلسطين...
عشنا بـ الاردن.. ولهلا ما بتزكر ولا يوم حسيت فيه بــ لانتماء للاردن (يمكن لبيتنا..للحارة..الخ)بس هاي شغلات مقدور عليها لانو كمان عشنا بالسعودية! و ما كنت انزل ع الاردن الا بالصيف!!! (ايام ما كنا بالسعودية:o)

هلا المغزى من كل هالحكي انو في بعض الحالات بتحس فيها بالحنين و الانتماء لشي مستحيل تكونو
او خيار الرجعة ممكن يكون حلم بعيد... بعيد كتير و ما بعرف ازا رح اقدر اساسا اوصلو...

بالنهاية.. متغربة و متغربة اتغربلي بشي بلد يحترمني و يعطيني الحرية احسن (منطقيا) لانو ما عد تفرق..

و هي الك و لموضوعك الحلو...:D

شامي للنخاع

25/04/2009, 03:12

موضوع عم بيضروب بصميم.......كل يوم بيجي.......بقول خلص حاجة لازم ارجع.....تعبت من رب هل الغربة السودة........الي عم بتسروق ايام....وأحلامي...........بس بطلع هيك......لك وين بدي ارجع.........لك بموت عا بلدي.......بس وقت برجع عا بلد بحس حالي دايخ........لك مضيع الوجوه.......مدري الوجوهمضيعتنا.........من بيتنا لاهلي.....لصحابي..........حتى بخاف اطلاع بل الحجار لتكون نسيتني..........كمان بطلع.........كمان بدي ربي ولادي بل الغربة..........يطلعو غريبن عن ارضون....واهلون.........المشكلة معقدة كتير..........وما عم بقدر لقيلها حل
موضوع حلو كتير
تحياتي:D

a7la lolo

25/04/2009, 03:19

ما بظن انو حدا من أهلي عم يفكر انو يتأقلم مع الحياة بسوريا .. وأنو نعيش بقية حياتنا بسوريا ..
بس أنا ماني مسدقة ايمتى اخلص البكلوريا .. لحتى عيش ببلادي ...
وهي شغلة إرادة .. كل واحد وهو يلي بقلبو من إرادة .. وحتكون كتييير صعبة لو كانت إجبارية الشغلة

يمكن الواحد اذا كان مضطر رح يجبر حالو ويغصب حالو عالتأقلم .. أما اذا ما بيقدر.. فرح يضطر يرجع عالبلد يلي عايش او مقيم ومتغرب فيها لوقت ما يفرجها ربو وتتغير أحوالو ..
:D

abosleman

25/04/2009, 04:20

بعد صفنة لقيت انو الرد لازم يكون فيروزي متل العنوان

فـ لو بئدر لفتش عليك ولـ لئيك .. الكذبة الغيم المارئ والمنفى سميك
عطيني اهرب منك ساعدني انساك .. اتركني شوف الاشيا وماتذكرني فيك

و.. ندهتك خلصني من الليل وياريت ... نرجع ..إلنا اشيا نحبا وعنا بيت
صدقني لو بئدر اتحمل عذاب ... عذاب الاشيا كلها ماكنت فليت
ولا كنت حرئتا حياتي .. وحرئتك ... بس يا ريت

بس كمان .. إذا رجعت بجن وإن تركتك بشئى ... لاقدرانة فل ولا قدرانة ابقى
شو بكره حياتي لما بشوفا عندك ... يا بتحرمني منها يا بسرئها سرئة

ويطول الشرح ...

شوش .. :D

butterfly

25/04/2009, 06:23

رح طول بالرد اعذروني
أول شي في جملة لكوليت معلقتا ع الخزانة هيك كاتبتا ومعلقتا لتذكرني كل يوم أنا ليش هون " يعني هالمشكلة والمعضلة ما بس بيعانوها اللي برا ، نحنا اللي جوا منسأل حالنا ليش باقيين ولأيمتى ؟ ورح نربي ولادنا هون أو لأ ؟ "
هالجملة بتقول
" كنت أمام خيارين أن كون سورية في الغربة ، أو غريبة في سوريا
واخترت الحل الأصعب وبقيت "

أول شي بدي أبدي استغرابي من اللي ساكن بوطن عربي ومستصعب العودة للبلد ، لأني بكل شوفينية " بشوف المجتمع السوري ، والتجربة السورية والحياة بسوريا والعلم بسوريا والناس و الكتاب والموسيقى ولك حتى الأكل هو أفضل من كل المحيط .. ( ربما أستثني لبنان يعني مشان ضميري يكون مرتاح )

هلق بعد ما نتفق عن أنو هالبلد مسؤوليتنا ، يبقى هالمسؤولية بيجي معها ضرائب ، وللأسف بحالة سوريا عم تكون هالضرائب كبيرة شوي ..

يعني يا جماعة أنو اللي ما حابب يرجع لأنو المجتمع ممكن يقيدو اجتماعيا ، بعلاقات و طريقة حياة مختلفة شوي ! فأنو هادا ما بعرف إذا بفهمو
يعني كرمال البلد اللي بتحبا والمفروض تكبر فيك ، وتتغير فيك ما عندك استعداد شوي تجابه مجتمع ! إي مشكلة
لك مين قال التغيير بيجي ع مهل ولا شوي شوي ؟ مين قال انو في تغيير بالدنيا ما فيه الم ؟

أنا اللي بفهمو تماما ً ، هو اللي ما بيقدر يرجع لأنو سوريا ما عاد فيها مكان الو ، لطموحو ، لفكرو ، لأفكارو ، لعلمو
يعني كل اختصاص علمي فريد بالدنيا ، كل الأشخاص ذوي المؤهلات العالية ، كل هالناس هدول إذا بيجو بيعيشو بسوريا ما بعرف شو بيعملو ، بس اكيد بيكونو حدو حالن وحدو طموحاتن
وطبعا كل الناس اللي وجودا بسوريا بيكون بيهدد امنا ، وسلامتا وسلامة عيلتا للأسف
هدول أسباب بقدر أفهمها لأنو الناس ما ترجع ع سوريا ، وبفهمها بغصة ع البلد
بحرقة ع البلد كبيرة كتير :)

بس بيوم من الأيام ما نسأل هالبلد ليش ما عم تتغير ؟ وليش هالبلد ما فيها شباب ؟ وليش وليش ؟
لأنو هالبلد كيف بدا تتغير ، إذا أول ما منكبر شوي ، منصير أكبر من أنو نقدر نعيش فيها :(

بحلم وبقلب محروق ، اقدر ربي ولادي بسوريا واقدر احكيلن عن سوريا بفخر ، واقدر حسسن أنو هالبلد واجبن ومسؤوليتن ،
بخاف أي كتير بخاف ،وبحس هالحلم صعب ، وبنقهر وقت بشوف أغلب الشباب اللي أنا فخورة أنو مرقو بحياتي يا برات البلد ، يا عم يحلمو يكونو برا
"أُحبّك يا بلادي كما يحبّ العاشق التاعس امرأة بين قلبه وقلبها رباط لا يفصم، وبين حالته الروحيّة وحالتها هاوية لا تجتاز...ولكنّ النار التي يضرمها الله لا يقدر الإنسان على إطفائها، وخير لي أن تسحقني تقاليدك ويقتلني تعصّبك ويذري جهلك برمادي إلى الرياح من أن أرضى بفسخ هذا القران بيني وبينك".

فيلكس فارس (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Sun Shine Art

25/04/2009, 08:33

رح طول بالرد اعذروني
أول شي في جملة لكوليت معلقتا ع الخزانة هيك كاتبتا ومعلقتا لتذكرني كل يوم أنا ليش هون " يعني هالمشكلة والمعضلة ما بس بيعانوها اللي برا ، نحنا اللي جوا منسأل حالنا ليش باقيين ولأيمتى ؟ ورح نربي ولادنا هون أو لأ ؟ "
هالجملة بتقول
" كنت أمام خيارين أن كون سورية في الغربة ، أو غريبة في سوريا
واخترت الحل الأصعب وبقيت "

أول شي بدي أبدي استغرابي من اللي ساكن بوطن عربي ومستصعب العودة للبلد ، لأني بكل شوفينية " بشوف المجتمع السوري ، والتجربة السورية والحياة بسوريا والعلم بسوريا والناس و الكتاب والموسيقى ولك حتى الأكل هو أفضل من كل المحيط .. ( ربما أستثني لبنان يعني مشان ضميري يكون مرتاح )

هلق بعد ما نتفق عن أنو هالبلد مسؤوليتنا ، يبقى هالمسؤولية بيجي معها ضرائب ، وللأسف بحالة سوريا عم تكون هالضرائب كبيرة شوي ..

يعني يا جماعة أنو اللي ما حابب يرجع لأنو المجتمع ممكن يقيدو اجتماعيا ، بعلاقات و طريقة حياة مختلفة شوي ! فأنو هادا ما بعرف إذا بفهمو
يعني كرمال البلد اللي بتحبا والمفروض تكبر فيك ، وتتغير فيك ما عندك استعداد شوي تجابه مجتمع ! إي مشكلة
لك مين قال التغيير بيجي ع مهل ولا شوي شوي ؟ مين قال انو في تغيير بالدنيا ما فيه الم ؟

أنا اللي بفهمو تماما ً ، هو اللي ما بيقدر يرجع لأنو سوريا ما عاد فيها مكان الو ، لطموحو ، لفكرو ، لأفكارو ، لعلمو
يعني كل اختصاص علمي فريد بالدنيا ، كل الأشخاص ذوي المؤهلات العالية ، كل هالناس هدول إذا بيجو بيعيشو بسوريا ما بعرف شو بيعملو ، بس اكيد بيكونو حدو حالن وحدو طموحاتن
وطبعا كل الناس اللي وجودا بسوريا بيكون بيهدد امنا ، وسلامتا وسلامة عيلتا للأسف
هدول أسباب بقدر أفهمها لأنو الناس ما ترجع ع سوريا ، وبفهمها بغصة ع البلد
بحرقة ع البلد كبيرة كتير :)

بس بيوم من الأيام ما نسأل هالبلد ليش ما عم تتغير ؟ وليش هالبلد ما فيها شباب ؟ وليش وليش ؟
لأنو هالبلد كيف بدا تتغير ، إذا أول ما منكبر شوي ، منصير أكبر من أنو نقدر نعيش فيها :(

بحلم وبقلب محروق ، اقدر ربي ولادي بسوريا واقدر احكيلن عن سوريا بفخر ، واقدر حسسن أنو هالبلد واجبن ومسؤوليتن ،
بخاف أي كتير بخاف ،وبحس هالحلم صعب ، وبنقهر وقت بشوف أغلب الشباب اللي أنا فخورة أنو مرقو بحياتي يا برات البلد ، يا عم يحلمو يكونو برا

هلى انا ما بتفق معك بموضوع انه ان كان البلد عربي او اجنبي بالاخير هي غربه بكل معنى الكلمه ....ولما بتعيشي بالغربه ان كانت ببلد عربي او غير الصعوبه نفسها بتلاقيها بالتفكير بالرجعه
اما انه مجتمع سوريا له خصوصيته متل ما حكيتي انا بايدك بهل الشي ...وبحب ضيف انه مجتمعنا منفتح ومثقف اكتر من من غيرو من البلاد العربيه ع الاقل ...

اما لما بدنا نجي ع التضحيات .. انا معك بس هل التضحيات الي بدو يقدمها الشباب لازم تتوفر الها كتير امور ومعطيات وهي للاسف مانها موجوده..وصعبه كتير نتوجد ...انا عم احكي عن تجربه شوفي الشباب من 15 سنه كيف كانت احلامون وطموحاتون ..وقارنيها بهل الوضع ....يمكن انا متشائمه بجوز لان عم اكبر ومريت بهل التجربه الي حيكتيها وما لقيت النتيجه الي كان بدنا ياها ...ولما بطلع ع الوضع ..هلى ما بشوف انه مشجع او جاهز لهل التغير الي عم تحكي عنو .......وانا اكيد بتمنى من كل قلبي بلدي يكون احسن البلدان واكترها تتطور بكل النواحي ...بس امسحولي انا كمان كتير واقعيه ..لما عم شوف الواقع عم حس بالالم اكتر

انا عم احكي عن تجربه ...وما تفكرو ا ابدا انه موضوع الرجعه للمغترب سهل او حتى الغربه سهله ....

ع قد ما بتعطيك الغربه ع قد ما بتقتل فيك كتير امور ..... ومنضل هيك ما منعرف هون ولا هونيك ..
ولما بتطلع هيك ببلدك الي عم يقتلك اكتر ..بتصير معلق بين الامل والالم ......

يمكن صعب كتير الي ماعاش برى يعرف هل الاحساس ....

وعايشين ع امل مدري شو هو ...

وعذروني ع الرد الطويل

سيجارة

25/04/2009, 08:55

يا عمي no body يرجع ..............
نصيحة من هالدئن
إييييييييييييييييييييييه

leonardo_dicabreo

25/04/2009, 08:56

هل بنقدر كـأشـخاص تربينا في الغربه نـرجع نـعيش بسوريا ؟؟

هل الموضوع متعلق بالأخوان المغتربين السوريين فقط , ولا كيف بالضبط ! ! :?

The morning

25/04/2009, 09:35

يسعد صباح الصباح
الموضوع بدو صفنات كتييير , بس يمكن ماعاد خايف أنا أكبر بهالغربة ، لأن كل يوم الصبح لما بنضرب على قلبي وبفيق قبل الشحادة وزوجها وبروح غسل وجهي بعد ما بكون وقفت عالحيط نص ساعة وأنا أتفقد الصور المتكية عالحيط وأحكى معها ،وأحيانا بنسى حالي وبحكيلها قصص , وبوصل عالمغسلة بتكون الوجوه صارت مكسرة بعيوني وما عاد تبين الملامح وبقول بعدو الحبايب بيعدو بعدو الحبايب , وبضرب على وجهي جوازين تلاتة مي وبحاول ما شوف وجهي بالمراية , لأني بخاف أنا ما أعرف وجهي بس ياترى بلادي مارح تعرفني أكتر مما بعرف نفسي
ومرة واحد من الشباب طلب من كل واحد منّا يختصر الوطن بكلمة أو بكلمتين , فضحكت ومشيت , وتاني يوم بعتلو إيميل بيحكي عن الوطن ومن أسبوع وأنا عم فكر نزل الإيميل بالأخوية
ورح أرجع عالموضوع مرة تانية

مجنون , بتعرف .. أحيانا بحس في شي مشترك بين تعابيرك و خيـالي .. بس للصراحه مابعرف اذا بتفق معك ببرنامجي الصباحي ..

أنا كل يوم الصبح لما بفيق .. بفتح عيوني و بقول راح يـوم :) .. بـوقف عالمرايه لغسـّل وجهي بـسألها مرايتي ما مرايتي كيفها سـوريا ؟ و دائما مرايتي بتسـكت و أنا بـسـكت .. و بعد ما بغسـّل وجهي بقـرا صـلاتي تبع كل يوم اللي بتـقتضي بأنـّي ذكـّر حالي بأنـّو سـوريه مسـؤوليتي و أنا بكل شـغله بعملها بحياتي جزء من سـوريا و علي تقع مسـؤوليه توازي و تجاري مسؤوليه أي شخص جوا سـوريا .. آخر شي بـغار منـهم للناس اللي جوا سوريا و بـطلع من الـبيت و أنا عم اسأل حالي .. هل يا ترى سـوريا عتبانه عليّ .؟؟

بانتظار موضوعك :D

The morning

25/04/2009, 09:36

مثبت :D

وإلي رجعه للرد
بالانتظار ..

:D

الماسة الشامية

25/04/2009, 09:50

هلاء لما يكون القرار راجع للشخص نفسو ممكن ولو بصعوبة انو ياخدو وينفزو

بس في مغتربين عندهم ولاد وبيفكرو هل ياترا اذا رجعنا رح يكون التدريس هونيك مناسب لولادنا ولا لاء وهل ياترا رح اقدر قدملهم يلي عم قدمو هون ولا لاء و و و و .... الخ

انا من وجهة نظري صعب ، وصعب كتير كمان انك تقدر ترجع وتستقر وتعيش
بس حبنا لبلدنا كتير كبير ومستحيل نقدر ننسا زكرياتنا فيها وايامنا الحلوة مع رفقاتنا وقرايبنا وهالشي عم يخلينا مانقدر نغيب كتير ونرجع نزورها باول فرصة بتصحلنا

يسلمو :D

yamen_h

25/04/2009, 11:39

قريت هالموضوع الصبح ... ورجعني لحالة الصراع اللي عم عيشو كل يوم .. :cry:

انا لساتني عالبر ... بس افكارني عم تاخدني لنص البحر و تتركني لحالي ...

الصراعات اللي عم يعيشها كل مغترب ... عم تخوفني اني بيوم من الايام عيشها ..
والصراعات اللي عم عيشها حاليا .. عم تزيد حيرتي ...

بخاف اسمع فيروز بس سافر ....

بخاف اسمع :

خدني على تلاتها الحلوين ... خدني على الأرض اللي ربتني ...
انساني .. على حفاف العنب والتين ...
اشلحني على ترابات ضيعتنا ... :cry:

كل ما اسمعا ... بينتابني شعور رهيب ....

بهالرد بعرف اني ما قدرت افيد النقاش بشي .... لا بل زدت الحيرة يمكن

بس لأني انا ما بعرف حالي وين لازم كون ... بالمستقبل ..

:akh: للكل .. اللي هون بقلب سوريا ... وللي سوريا بقلبهن ...

zen

25/04/2009, 11:56

كتيررر حلو الموضوع
بس انو مافينا نحكي بلا احلام وعواطف (مهترية)
انا بحس القصة بتكون حسب البلد يعني يعني بظن انو المغترب باليمن او بالسعودية
بيحب كتير يرجع البلاد
أما المغترب ببلات تانية كندا اوربا او أمريكا كتير راح يلاقيها صعبة وبالذات اذا تغير طبعو وتتطبع بطبع البلد اللي عايش فيها
راح تكون الرجعة صعبة كتيررررر
لانو البلد اللي كان يذكرها وقت يسمع اغاني فيروز ويسكر فيها راح تتغير شوي شوي بنظرووا
اذا منشوف السوريين بالداخل عايفين حالون وبدون يطلعووا من هالقرف اللي عايشنوووو بهالبلد
لا تستغربي اذا في ناس بقلب البلد (وانا منون) بيقلوالك انون بيحسو باحساس المغتربين بالبلد وبيكونوا مقعورين كتير لما بيسمعو (يا رايح ع ضيعتنا)
يعني مثلا واحد عايش بمحيط معين وهوي بيفكر بفكر تاني اجباري راح يحس حالوا غريب لو كان قاعد بنص مسقط راسوااا
المهم الرجعة صحية ومش صحية حلوة ومش حلوة
صحية لأنو هالشخص ممكن يبدا بتغير بهالبلد
ومش صحية لأنو ممكن وهاد الغالب انو يرجع متل ماكان قبل ما يروح وهاد الغالب لانو راح يتعب جدا
حلوة لانو راح يرجع يشوف اهلو وبلدو المشتاق ألها
ومش حلوة لانو راح تروح هي اللهفة والشعور الحلو بالبلد لما يشوف الواقع
:D

nour333

25/04/2009, 13:30

الغربه هيه المكان اللي بنحقق فيو احلامنا اللي وئدت بواقع الوطن

والمغترب هو شخص بيركب طيارة بيضا وبروح يحقق هالاحلام

بس في ناس رغم فشلها بتم بالغربه حتى تحافظ على لقب المغترب اللي اهل البلد لما يجيبو سيرتو برفعو حواجبهم تعظيم الو

وفي ناس حققت ذاتها بس بضل تحن للوطن وللعادات والتقاليد ومشان يعوضو هالنقص صارو يعملو وطينيات الهم داخل الغربه

بالنسبه الي انا بحس حالي غريبه مو ببلدي بس غريبه عن الناس اللي فيها

المحارب العتيق

26/04/2009, 02:54

شوش أول شي فتحت هالموضوع وكل فكري أنو يلي مكتوب جواتو هو شي الو علاقة بالغنية كلماتها . ألحانها . قصة مرتبطة فيها . بس أتفاجئت لما لقيتك أنو كاتبة الجملة لنفس السبب يلي كاتبو رفيقي على أيميلو . وهو حنينو للوطن . خليني احكيلك عن حالي . للصراحة متل ماكتبو كتير قبلي اني بكون بالوطن وحاسس اني مغترب . وحاسس بعدم رضى عن الوضع . خاصة انو هاد الشي مترافق مع خيرات بحياتي أخدتها كما تقتضي الضرورة بوقتها ومو عن قناعات كاملة . بس مع ذلك مابتخيل حالي بعيد أبدا عن الشام . كان مايكن السبب . القصة أني بحبها كتير ومتعلق معها بذكريات عدا عن العيلة والأصدقاء والاحباب .
يعني عندي الشام بكل سيئاتها بتسوى الدنية ومافيها . وابسط مثال أنو متل ماصار معي مبارح . نهاري كان كتير مئت وكنت كتير مالل . ورغم انو المفروض كل اصدقائي مشغولين ( والحياة طبعا بتفرق الناس حتى لو كانو بمدينة وحدة ) لكن بالصدفة قدرنا نجتمع ونسهر . وضحكت ضحك من زمان ماضحكتو . ( طبعا اصدقاء طفولة وعشرة سنين ) . يعني هاد بيسوى الدنية ومافيها . مافي شي بالدنية ممكن يوازيه . خاصة اذا أرتبطت بأماكن وأجواء الواحد بيحبها . ( في كتير اماكن بالشام مجرد تواجدي فيها بيحسسني بمتعة )

بالنتيجة صدقيني الراحة النفسية بالتواجد بالوطن . بتغني عن كتير قصص موجودة بالمغترب . وبمدونتك كاتبة شي لاحلام مستغانمي ولجبران كتير معبر .

خلي سوريا والشام عايشين بقلبك . ومتل ماقال نزار قباني بأخر ماكتب ( وهو يلي دار العالم أجمع )
هكذا يعود الطير إلى عشه ويعود الطفل إلى صدر أمه

..AHMAD

26/04/2009, 03:59

صراحةً ... لما فتت عهالموضوع.. قريتو من اول حرف بموضوع شوش .. لحد آخر حرف برد المحارب العتيق..
كل شي قدرت ساويه انو دمعت عيني .. على الرغم من اني قاعد بنص سوريا .. دمعت عيني ..
دمعت من الخوف انو الظروف تضطرني لاني اغترب غصب عني ...
الخوف مو من اني اكبر بالغربة ..
الخوف الي بيصير جواتي .. ازا صار واغتربت ... الغربة تكبر فيني مع الأيام ...
كتير بستصعبها وبدايق لما فكر اني راجع ع سوريا .. وحاسس حالي غريب او غير قادر اتأقلم .. او مصدوم بالواقع وغير قادر اتقبلو .. او اني كون راسم صورة للي شوفو بس ارجع .. ويطلع غير شي .. المخاوف كتيرة وكبيرة..
على الرغم من انو بعرف حالي بسوريا .. هلئ .. وبعد يوم وشهر وسنة .. ولحتى موت ..
احسن شغل ممكن حصّله ... ما ممكن يعملي اكتر ما عميعمل هلئ .. كم ليرة بالبيت واجار طريقي ودخاني واكلي ...
على الرغم من انو بعرف مستقبلي قاعد ع عتبة بيتي .. او يمكن ما يكون عندي بيت حتى ... قاعد ع شي عتبة بهالبلد .. عماشحد لقمة الخبز ...
لكن لسبب ما عماعرف شو هو .. ما بقدر سافر ..
فرص شغل كتير صحتلي من سنتين ولهلئ .. بالخارج لكن ما قدرت سافر كرمال الشغل
وضعي امنياً بالبلد ما زابط ولا رح يزبط ... لكن كمان ما بقدر سافر
مابيعني هالشي لو انو وضعي الأمني تمام وكل شي تمام ممكن سافر
لكن بأسوأ احوالي ما بقدر فكر بالسفر ..
عمستوى طلعنا ع حلب يومين .. برغم انو انبسطنا ... اختنقنا لبين ما رجعنا ..

ما بعرف يمكن ردي مالو علاقة بالموضوع من أصلو ... لكن وقت قرأت اكتر الردود لـ أشخاص مغتربين .. ما قدرت ما احكي.

بينما بالنسبة للموضوع ... الصدمة الناتجة عن الواقع المغاير للصورة الي رسمناها وقت رجعنا .. بيحدد قدرتنا عالاستمرارية ببلدنا الأم أو لاء ..

هالشي تماماً صار معي بمرحلة البلوغ الفكري ... وقت كنت متخيل كتير اشيا مثالية .. واتضحت فيما بعد خاصةً بعد وفاة ابي ... هالشي اللي انعكس "يمكن سلباً عليي" انو تعلقت بالبلد اكتر .

شوش :D

jankasanova

26/04/2009, 04:12

و ما تعرفني بلادي ..

.. مـقطع من أغـنيه فيـروزيّـه بتذكرني بشكل شخصي بصـباح دمـشقي عم يـبوس جبين الدخنه اللي طالعه من فنـجان الـقهوه بـخجل بيمشي على أصابعي مع النـسمه البارده عم تفركهم سوا ..

و بـعد الحلم ..

لنـرجع للـواقع هلئ .. بعيدا ً عن الأحلام و المـثاليات و الرغبـات و الطموحات .. هل بنقدر كـأشـخاص تربينا في الغربه نـرجع نـعيش بسوريا ؟؟

هل هالخيـار صحـّي ؟؟

في حلـقه قديمه كتير من مسلسل مرايا بتطلع فيه سـلمى المصري بعد وفاه جوزها رجعت مع ولادها التلاته لانو بدها تربيهم بـ " الوطن " و بـعد فـتره شي كم اسـبوع أو كم شـهر بتقرر تـرجع عالمـغترب لأنها لا هي ولا ولادها بيقدرو يتأقلمو مع وضع البلد اللي بكون الجديد عليهم ..

طـيب بهـيك حاله شـو الحل ؟ و هل الحل الـصح أنـّو نترك و نمـشي ؟؟

و

لايمت ؟؟

انا رح احكيلك على تجربتي الشخصية بهالموضوع طبعا ما بقدر عمم عالكل بس مع احتكاكي مع كتير من المغتربين و بسألهم عن الرجعة لسوريا, بيجاوبوني بكلمتين, "مجنون انت؟"

انا كنت عايش فترة بدولة اوروبية و قررت ارجع كمل حياتي بسوريا, مع العلم انو تقريبا كل سنة كنت بنزل مرة على سوريا و كنت عد الايام لارجع على اوروبا.

رجعت و بقلبي خوف من المجتمع و الناس اللي بعرفون, خوف من العادات و التقاليد, بعدين انقلب الخوف لاشمئزاز صرت قارن كل شي من طريقة دفع فواتير المي و الكهربا مرورا بتوقيف تاكسي بالشارع و انتهاء بعلة القلب اللي بتصبر اذا بدك ورقة من شي دائرة رسمية و هذا شي و الحكي و اللت و العجن تبع العالم اللي انا كنت مطنشو. هالمقارنات كلها بلشت تثير عندي اسئلة كتير منها ليش و على شو ومين المنتفع اذا كنت عايش ببلدي و حاسس حالي مغترب اكتر من البلد الغريب اللي احتضني و اعتبرني مواطن متلي متل المواطن الاصلي.
وطلعت باجوبة انو مافي شي بيستاهل ابقا بشانو..

فرجعتي ما طولت ستة اشهر صرت بعدها هون بامريكا, و مستحيل انزل لسوريا الا بسبب الزيارة او بسبب تاني حابب احتفظ فيه حاليا لنفسي و حاليا ما بيحقلي انزل على سوريا غير مرة بالسنة بسبب العسكرية.

ف اللي بيقول ذكريات و شلة و قعدات و هويات و طلعات, اسف بس هالشغلات ما عاد تطعمي خبز هالايام ..

اسف عالاطالة مع انو في كتير حكي بقلبي ما قلتو بخصوص هالموضوع بس ماني عالحشيشة هاليومين, بس الي رجعة عالاغلب..
شكرا الك على الموضوع الرائع
:D

طوروس

26/04/2009, 08:54

شكراThe morning

على الموضوع الرائع والتفاعل الرائع

بالمختصر المفيد انا بشوف الغربة قرار والعودة قرار واللي بيخلي القرار التاني صعب

هوي فرق الزمن

الفرق بين اندفاع الشباب وضجر الكهولة

الي رجعة ع الموضوع بس الدنيا صبح والغربة مابترحم لازم نحرك ع الشغل

:D:D:D:D

يسعد صباحك ياشام

zen

26/04/2009, 09:54

يعني عندي الشام بكل سيئاتها بتسوى الدنية ومافيها . وابسط مثال أنو متل ماصار معي مبارح . نهاري كان كتير مئت وكنت كتير مالل . ورغم انو المفروض كل اصدقائي مشغولين ( والحياة طبعا بتفرق الناس حتى لو كانو بمدينة وحدة ) لكن بالصدفة قدرنا نجتمع ونسهر . وضحكت ضحك من زمان ماضحكتو . ( طبعا اصدقاء طفولة وعشرة سنين ) . يعني هاد بيسوى الدنية ومافيها . مافي شي بالدنية ممكن يوازيه . خاصة اذا أرتبطت بأماكن وأجواء الواحد بيحبها . ( في كتير اماكن بالشام مجرد تواجدي فيها بيحسسني بمتعة )

بالنتيجة صدقيني الراحة النفسية بالتواجد بالوطن . بتغني عن كتير قصص موجودة بالمغترب . وبمدونتك كاتبة شي لاحلام مستغانمي ولجبران كتير معبر .

خلي سوريا والشام عايشين بقلبك . ومتل ماقال نزار قباني بأخر ماكتب ( وهو يلي دار العالم أجمع )
هكذا يعود الطير إلى عشه ويعود الطفل إلى صدر أمه

ما بعرف يا صديقي انا متلك عندي أصدقاء الحياة بيجوز هي اللي بعدتهون عني ومتل ما بيصير وبيصير معك بيصير معي
بس بالأخر شو المستقبل شو ؟؟؟؟
قالو قبلي هالحكي ما بيطعمي خبز مع انو انا بعتبر العلاقات هي متل المازوت للبني أدم بس جد ماعادت تطعمي خبر
اللي عم بيصير عنا تهجير لنفسنا من أرضنا ونعيش بخيالات ماعاد ألها حقيقة
انو تخيل ببلدك بمدينتك اللي بتحبها عايش هي عيشة
بقى اسل انك تكون براتها وتحس هدول الشغلات من برا وتضل تحبها لانو المغتربين برا البلد بيحسو بالغربة وبيحيو البلد اما نحنا عم نحس الغربة ونكره الساعة اللي انحكم علينا فيها انو نكون هيك
صراحةً ... لما فتت عهالموضوع.. قريتو من اول حرف بموضوع شوش .. لحد آخر حرف برد المحارب العتيق..
كل شي قدرت ساويه انو دمعت عيني .. على الرغم من اني قاعد بنص سوريا .. دمعت عيني ..
دمعت من الخوف انو الظروف تضطرني لاني اغترب غصب عني ...
الخوف مو من اني اكبر بالغربة ..
الخوف الي بيصير جواتي .. ازا صار واغتربت ... الغربة تكبر فيني مع الأيام ...
كتير بستصعبها وبدايق لما فكر اني راجع ع سوريا .. وحاسس حالي غريب او غير قادر اتأقلم .. او مصدوم بالواقع وغير قادر اتقبلو .. او اني كون راسم صورة للي شوفو بس ارجع .. ويطلع غير شي .. المخاوف كتيرة وكبيرة..
على الرغم من انو بعرف حالي بسوريا .. هلئ .. وبعد يوم وشهر وسنة .. ولحتى موت ..
احسن شغل ممكن حصّله ... ما ممكن يعملي اكتر ما عميعمل هلئ .. كم ليرة بالبيت واجار طريقي ودخاني واكلي ...
على الرغم من انو بعرف مستقبلي قاعد ع عتبة بيتي .. او يمكن ما يكون عندي بيت حتى ... قاعد ع شي عتبة بهالبلد .. عماشحد لقمة الخبز ...
لكن لسبب ما عماعرف شو هو .. ما بقدر سافر ..
فرص شغل كتير صحتلي من سنتين ولهلئ .. بالخارج لكن ما قدرت سافر كرمال الشغل
وضعي امنياً بالبلد ما زابط ولا رح يزبط ... لكن كمان ما بقدر سافر
مابيعني هالشي لو انو وضعي الأمني تمام وكل شي تمام ممكن سافر
لكن بأسوأ احوالي ما بقدر فكر بالسفر ..
عمستوى طلعنا ع حلب يومين .. برغم انو انبسطنا ... اختنقنا لبين ما رجعنا ..

ما بعرف يمكن ردي مالو علاقة بالموضوع من أصلو ... لكن وقت قرأت اكتر الردود لـ أشخاص مغتربين .. ما قدرت ما احكي.

بينما بالنسبة للموضوع ... الصدمة الناتجة عن الواقع المغاير للصورة الي رسمناها وقت رجعنا .. بيحدد قدرتنا عالاستمرارية ببلدنا الأم أو لاء ..

هالشي تماماً صار معي بمرحلة البلوغ الفكري ... وقت كنت متخيل كتير اشيا مثالية .. واتضحت فيما بعد خاصةً بعد وفاة ابي ... هالشي اللي انعكس "يمكن سلباً عليي" انو تعلقت بالبلد اكتر .

شوش :D
أحمد بطمنك انو اذا طلعت أو فتت انو انت من الاشخاص اللي ماراح يتغير عليهون شي بالواقع لانو
وانت هون ما راضي وفي وبس ترجع راح تلاقي زاتو
:D

باشق مجروح

26/04/2009, 12:50

ما في تقدم بيحصل بدون ألم ومحاولات هالشي أكيد مزبوط .
في ناس بتهرب من مواجهة المجتمع بالتغيير فيك تسمي هروبو ( استسلام - انهزام ) بس بالنهاية قرارو بانو يعيش حياتو بدون مواجهات . في ناس ضعيفة امام مواجهة طوفان العادات . او للوصول الى تغيير .
وفي ناس بتحب تضل وتحاول لحد اما تيأس وتهاجر او انو تكمل الطريق .
لازم ما ننسى انو في حالات كتير صعبة ورح اذكر مثال شوي شخصي :
اختي الكبيرة تزوجت شب من غير دين وهالشي بيمنعو القانون بسوريا . هالشي اضطرها تسافر برات البلد والزواج مو معترف عليه بسوريا . وهلق اخدت جنسية هالبلد وبتجي زيارات ع سوريا . المواجهة بهيك حالة مو بس صعبة بل بتصدم بجبل من التعقيدات .
انا عم بحكي عن الهجرة بسبب عدم التأقلم (متل العودة لارض الغربة واكمال الحياة فيها ). او صعوبة التأقلم بعد الغربة لأي سبب كانت هالغربة . وما عم بحكي عن هجرة العمل والادمغة و العلماء واللجوء .
بما انو الموضوع مخصص لـ شي اسمو صعوبة التأقلم بعد الغربة فـ بئول انا زمان كنت كتير استغرب من الناس الي بتسافر وبترجع وبتشكي انو رح يختنقو ليرجعو ع مكان الاغتراب. بس بعد ما جربت صار الموضوع غير مستغرب .
حب البلد مستحيل تقلل منو غربة . ما بتتخيلو قديش لون العلم السوري و صوت النشيد الوطني او بكتب اسمك يا بلادي او صورة وحدة عن مكان مرينا فيه بأيامنا الماضية . او عيد الأم . قديشها شغلات بتهيج الاشواق والحنين وبتبكي القلب الصخر.
كل واحد بيقدم لبلدو الي بيقدر على تقديمو . بالنهاية ما حدا بيقدر يتحمل فوق طاقتو وكتير في حالات ما قدرت ترجع لحضن البلد مشان هالسبب لأنو في حالات صعب يتقبلها الوضع الاجتماعي .
و راجعين يا هوا راجعين قد ما طالت الغربة . ممكن الانسان يسافر ويدّور على شي بينقصو ببلدو بس حب البلد بيضل عم بيجذبو لورا لأرض اهلو وناسو . و كرمال هيك رغم كلشي كتير ناس بعد ما تتغرب بترجع تستقر بالبلد .

هاموش :
الصعوبة بالتأقلم مع عودة بعض المغتربين نابعة من تغيير بنظام حياة جديد خلقو لحالو . نظام أكتر استقلالية وحرية . وهالنظام لما بيتعرض لضغوط بأرض البلد بيجي احساسو بالاختناق والتعب النفسي .

:D

The morning

26/04/2009, 15:04

تاني شي . الانسان بطبيعته بيحب الحرية ( هي نقطة ) . والانسان بطبيعته بيحب مكانو الاصلي ( نقطة تانية ) . كونو هالشيئين بصراع مستمر في دولنا . ( يعني لما كون ببلدي بتكون حريتي أضيق ) لأنو مضطر امشي مع العادات . ومضطر أطّر حالي باطار الاجتماعيات وحكي الناس . فـ :هي المشكله انو ما بس الاجتماعيات و ما بس الناس .. هدول مقدور عليهم .. بس احيانا بتـحس انـّو في قـالب بيخلق حـوليك ما بـيسمحلك تـكبر ما بيـسمحلك تـغيّير تفيـد حـدا, تفيـد البلد .. بيـنقهر الانسـان الطبيعي لمـا بيـحس حالو مـش قادر يـدافع عن حـقو .. لما يـشوف شـخص مظلوم قـدامه و الكل بيعرف انو مـظلوم بس بتطر تـهز راسـك و تلحمـس عليه لأنو بـعدو بمـحله و تشـكر الله على هالنـعمه و تـدعي ما تـكون انت التالي .. يعني فـي رجـلين كـبيره عم تـدوس عـروس الشـعب و على عقـولها ..

المغترب بس يخرج من هالحدود والحواجز الي بتخنق حريتو ( مع فروق المكان والمجتمع ) ويعيش بمكان اخر بيحققلو حرية اكبر قد تكون مطلقة ( مع فروق مكان الاغتراب ) بس بكل الحالات اكتر من المكان الي بيكون بين ناسو , فـ بيوصل لحرية اكبر بتحققلو الراحة حسب النقطة الأولى بس بيبقى حب الوطن عندو يعذبو حسب النقطة التانية وهالنقطتين رح يضلو يتصارعو .

بيحس بالحنين لبلدو بالغربة , والغربة عن حريتو ببلدو .أنـا بـكذب عليك اذا بقلـّك أنـو ما عندي الرغبه بامتلاك الشغلتين اللي حكيت عنهم و لـكن بنـفس الوقت عندي ادراك لأنـّو لازم دائما نـضحكي بـشي لنـحصل عشـي تاني و هون بتـجي أولويات الناس لـتلعب دورها .. و أنا اليـوم ما بـحس من أولويـات حـياتي أنـّي بالمسـتقبل ربـّي ولادي خـارج سـوريا (( لما يـصير عندي ولاد يعني )) ..

الحل :

اما بيرجّع الزمن لورا و بيتنكر لكل الحرية الي عاشها ( او الي بيخاف منها ) وبيرجع متل ما كان قبل وبيستسلم .
او بيحارب العادات وبيخلق لحالو هامش حرية اكبر وبيستحمل تبعات هالحرب .
أو ما بيرجع بنوب غير زيارات وبيتحمل الحنين للوطن كرمال الحفاظ على هامش حريتو .خليـني ما اتفـق مـعك .. لأنـو في حل انو يـحافظ عالحريه اللي بـداخله و ما يستـسلم و يـرجع للـوطن .. أي في جزء كبـير من الـحريه رح يتـقيد و اي في جزء أكـبر من شـخصيتـه رح تتأطـّر و لـكن المسـأله تـعتمد على الأولويات و النـظريات و المبادئ اللي بيتـبعها كل شـخص دون عن التاني ..

هاموش :
في حالات بتطلع برا البلد وبتعيش بنفس القوقعة الي كانت عايشة فيها وبتضل منغلقة وهالفئة من الناس كتير سهل عليها ترجع بدون اي مشاكل .

كـمان في نـاس بتعيش جـوا البلد و بتـعيش بـحريه, يمـكن تدفع ثمن غالي بس أكيـد لكل حاله استثناء

ليكي .
أول شي ميرسي ع الموضوع الظريف :D.:D:D

The morning

26/04/2009, 15:08

zen

26/04/2009, 15:42

كمااان لا تنسوووو الهجرة صايرة حلم
لو مانها صعبة ماكنتو شفتواا شب بهالبلد

abosleman

26/04/2009, 22:49

وقت بكون ماعم اقدر فيد البلد وانا فيها بيبقى لازم اتركها لاقدر اعمل شي يساعد اللي فيها
وقت البلد ما بيكون فيها تساعدني لانتج فيها وغير فيها بيبقى كمان لازم سافر لاقدر ساعد حالي لصير انتج
مفارقات كتيرة بموضوع الغربة وكل مين عندو اسبابو .. واللي ممكن تكون احيانا مالها علاقة بالبلد او بإفادة البلد
هاد وضع عام للشباب اللي بالبلد وبرا البلد ..
بتذكر اني فهمت من الموضوع وقت قريتو اول مرة انو شي شغل عواطف وذكريات وآمال
بس يبدو انو فهمي - كعادتو - على قدي وقدو
بس اتضح بعدين انو الموضوع اكبر من كلمتين عواطف وشوية دموع .. - اللي متل ما انذكر انها ما بتطعمي خبز-
بس هلئ بعد محاولات لاستيعاب الموضوع لقيت شوية نقط يمكن انو فهمي بيتطلب يصير تعقيب عليهن
بداية بالمغتربين بالوطن العربي هلئ انو اي سوريا متقدمة باشواط وبمجالات عديدة عليهن بس بنفس الوقت
اللي عم تستفيدوا العالم من هالدول ومن تجربتها وهون ماعم نحكي عن الفائدة المادية بس .
كمان وقت واحد بدو يغني حياتو ثقافيا وفكرياوعلميا و .. و .. مانو مقيد بزمان او مكان
بالنسبة لهامش الحرية بالبلد فما كتير استوعبت اي هامش بعتقد وقت ما بيكون في شي منافي لاخلاقيات المجتمع فمارح تكون عقبة كبيرة .. أما إذا بدنا نحكي عن الحرية الفكرية يمكن فيني قول انو اي بلد عندو هامش
بس بتختلف من بلد للتاني واي واحد بيكون برا بلدوا بيعتقد انو اتخطى هالهامش وبالتالي بيصعب عليه لما يرجع
انو يتقيد بنفس الهامش - هون ما بالضرورة كون عم أيد وجود هالهامش لانو هو موجود اساسا-
طبعا ممكن جدا وبحالة سوريا خصوصا ان يكون هالهامش اخد معو شوية حريات
هلئ بيجي بقى موضوع انو الغربة حالة قصرية يعني انو الواحد ما لاقي شي يعملو ببلدو او حاسس انو غريب ببلدو فما عاد قدامو خيار غير انو يطلع فهاد معلش مع احترامي للجميع مو كتير دقيق هالحكي لانو ممكن جدا يكون الاغتراب هو احد الخيارات اللي قدامنا وما بالضرورة يكون خيار احلاهما مر
لانو باعتقادي الشخصي بشوف بالاغتراب فائدة كبيرة وبالتالي لازم يكون إلها ضرائب - بغض النظؤ عن الاشواق والهيام اللي ما بيطعموا خبز -
نجي هلئ لحديث العواطف ومشاوير الشام وطلعات شم الهوا والسيارين .. انو ايه هالايام حلوة بس بتصير احلى
لما تكون ذكريات حلوة ومو عادة .. مو انو والله انا مابدي اغترب لانو نسمة هوا بالشام بتسوى الدنيا
اي هي بتسوى الدنيا بس وبعدين انو شمينا هوا شو الخطوة اللي بعدا ... بناكل هوا يعني وبنقعد نكش دبان
لا بفضل اني خليها ذكرى حلوة وتابع حياتي وماضل واقف على اطلال شم الهوا وقعدات البسط
إذا صحي عم فكر اني قدم شي لمجتمعي وانتج فلازم اول شي اعمل شي يهيئني لاني قدم شي لبلدي
بعدين بقدر اني شم هوا وانا مرتاح

في لسى كم فكرة تانية كنت بدي عقب عليهن بس طارو .. وكمان طولنا بالرد فانو
بعتذر على الإطالة بالرد وعدم الترابط بالافكار - هو انا شخص غير مترابط فكريا -

وتحياتي للجميع ..

هامش : النقاط الللي عقبت عليها مو رد بشكل شخصي للاشخاص اللي ذكروها بس هي من وحي ردودهم

:D

shymaa

29/04/2009, 18:56

انا بقى هالمقطع بيذكرنى بالواقع اللى عايشاه هلق وبكره وبعد 20 سنه

انه بجد فزعانه اكبر بهالغربه
ولما ارجع بلادى بصير غريبه وبتصير مابتعرفنى بلادى
حتى انى تقريبا بسمعها كل يوم واول لما يجى المقطع ده بتطلع عحالى بالمرايا وافكر ياترى فعلا ده هيحصلى

المحارب العتيق

30/04/2009, 01:17

ف اللي بيقول ذكريات و شلة و قعدات و هويات و طلعات, اسف بس هالشغلات ما عاد تطعمي خبز هالايام ..

اذا عم نحكي من جهة المنفعة المادية فأكيد الخارج أفضل من الوطن . بس لحنا عم نحكي عن شغلة نفسية . هي الراحة النفسية بتختلف بين شخص وأخر وأساسا الوجودية والتعلق بيختلفو من شخص لتاني ومن تجربة لأخرى . يعني أنا بهاد العمر متأقلم مع وضعي ومابفكر أعمل تجربة غربة بهي المرحلة وهاد العمر . أما من كان بمتل عمري مثلا وعاش بالغربة أكتر ماعاش ببلدو . فهاد الشخص خياراتو وولائاتو للمكان تختلف عني
خلونا نعطي مثال الفلسطيني يلي أنولد وعاش بسوريا مثلا . هاد هو فلسطيني والمفروض ولائو لفلسطين . بس ياترى اذا صار بيوم وخيروه بين انو يضل بسوريا أو يرجع لفلسطين . بعتقد الأغلب رح يكون خيارو أنو يضل بسوريا . لأنو ا،ولد فيها وعاش فيها وأرتبطت فيه وجوديا

المحارب العتيق

30/04/2009, 01:36

ما بعرف يا صديقي انا متلك عندي أصدقاء الحياة بيجوز هي اللي بعدتهون عني ومتل ما بيصير وبيصير معك بيصير معي
بس بالأخر شو المستقبل شو ؟؟؟؟
قالو قبلي هالحكي ما بيطعمي خبز مع انو انا بعتبر العلاقات هي متل المازوت للبني أدم بس جد ماعادت تطعمي خبر
اللي عم بيصير عنا تهجير لنفسنا من أرضنا ونعيش بخيالات ماعاد ألها حقيقة
انو تخيل ببلدك بمدينتك اللي بتحبها عايش هي عيشة
بقى اسل انك تكون براتها وتحس هدول الشغلات من برا وتضل تحبها لانو المغتربين برا البلد بيحسو بالغربة وبيحيو البلد اما نحنا عم نحس الغربة ونكره الساعة اللي انحكم علينا فيها انو نكون هيك

:D
هلأ حتى نكون صريحيين أنا مالي مرتاح . وموعاجبني كل المجتمع يلي عايش فيه . لأنو أبسط شغلة بتمناها بوطني أني حس حالي أنسان . وهي للأسف مو موجودة . هلأ اذا أبتعدنا عن الموضوع من الحالة النفسية أو العاطفية الو ودخلنا بالحالة المادية . أنا بشوف رغم عدم تكافئ الفرص في سورية . ورغم أنو من الصعب الواحد يشتغل ويحقق نجاح مادي بالطرق السليمة الغير ملتوية . الا أني بشوف فئة قليلة قدرت تحقق نجاحات عملية جوات البلد . وأنا بشوف أنو مالازم أهرب بما أنو حدا غيري قدر يحقق هاد الشي . فالغلط مني أنا . وبضل حاول أتلافى أخطائي . ,اصل لهدفي . ودائما عندي قناعة أنو كلشي عم يصير معي هو رصيد زيادة بخبرتي . وبيوسع فرص النجاح بالمستقبل . عدا عن أنو أنا بشوف الحياة أنو الحياة العملية هي لخدمة الحياة النفسية وليس العكس وكنت حابب أفتح موضوع جديد لهاد الشي

jankasanova

30/04/2009, 07:20

اذا عم نحكي من جهة المنفعة المادية فأكيد الخارج أفضل من الوطن . بس لحنا عم نحكي عن شغلة نفسية . هي الراحة النفسية بتختلف بين شخص وأخر وأساسا الوجودية والتعلق بيختلفو من شخص لتاني ومن تجربة لأخرى . يعني أنا بهاد العمر متأقلم مع وضعي ومابفكر أعمل تجربة غربة بهي المرحلة وهاد العمر . أما من كان بمتل عمري مثلا وعاش بالغربة أكتر ماعاش ببلدو . فهاد الشخص خياراتو وولائاتو للمكان تختلف عني

انا هذا قصدي بس يمكن ما عبرت مزبوط. انا قصدي ان في اشخاص بيقررو يرجعو و يستقرو بسوريا, بتسألهم شو السبب بيردو : مو مرتاحين نفسيا مشتاقين للسهرات و القعدات مع الشلة. فانا رياحتي النفسية مش متل رياحتهم النفسية متعلقة بالسهرات و هالشغلات. مزبوط ذكريات حلوة و مو غلط الواحد بيروح زيارة و بيسترجع هالذكريات بس بنظري هذا مو سبب قوي للرجوع . فمثل ما قلت انت ان الراحة النفسية تختلف من شخص لأخر.

انا مزبوط ولدت بسوريا و عشت اغلب عمري هنيك. مزبوط انا بحب وطني بس بنفس الوقت بحس بشي من الحقد تجاهه. يعني كيف بدي ارجع اذا وطني كان سبب هجرتي لأنو الوطن ما لازم يوقف بوجه احلامك. كيف بدي ارجع لوطني اللي بشهادته البكالوريا بقدر ادرس الفرع الي بدي ياه بكل انحاء العالم الا في سوريا. كيف لازم احس بالشوق للوطن اللي بعدني عن اهلي و اقربائي.كيف رح ارجع لوطن اللي ما بقدر حدد فيه شبه ملامح لمستقبلي وووو و بعد في اسئلة كتيرة تقف بوجه اي محاولة تفكير للعودة للوطن و كل سؤال بحرقة , كل سؤال بغصة, لأن بنفس الوقت قد ما حقدت بيضل وطني اللي ولدت فيه و عشت فيه سنين حلوة وكبرت فيه و اكلت واستفدت من خيراته و درست فيه و عايشت فيه تجارب مختلفة و الو حق علي ارجعلو شي من اللي عملي ياه.يعني مجموعة من المشاعر المتعاكسة و المتناقضة كنت عم عايشها و اللي بفترة كان الها سبب كبير برجعتي على سوريا من كم سنة , و قدمت تنازلات كثيرة وقتها و منها تغيير فرع دراستي , بس للاسف مامشي الحال. يمكن الغلط مني انا, يمكن انا ماقدمت كل شي من قلبي , وماحاولت من كل قلبي غيّر نمط الحياة الي كنت عايشو بالغربة يعني كمان اسئلة كتيرة, و بنفس الوقت تعذيب ضمير و يمكن حقد اكبر من خيبة الامل اللي صارت بعد الرجعة.

فحاليا ممكن قول لأ مو فزعان قلبي اكبر بهالغربة.

و اسف كمان مرة للاطالة

:D

zen

30/04/2009, 10:01

هلأ حتى نكون صريحيين أنا مالي مرتاح . وموعاجبني كل المجتمع يلي عايش فيه . لأنو أبسط شغلة بتمناها بوطني أني حس حالي أنسان . وهي للأسف مو موجودة . هلأ اذا أبتعدنا عن الموضوع من الحالة النفسية أو العاطفية الو ودخلنا بالحالة المادية . أنا بشوف رغم عدم تكافئ الفرص في سورية . ورغم أنو من الصعب الواحد يشتغل ويحقق نجاح مادي بالطرق السليمة الغير ملتوية . الا أني بشوف فئة قليلة قدرت تحقق نجاحات عملية جوات البلد . وأنا بشوف أنو مالازم أهرب بما أنو حدا غيري قدر يحقق هاد الشي . فالغلط مني أنا . وبضل حاول أتلافى أخطائي . ,اصل لهدفي . ودائما عندي قناعة أنو كلشي عم يصير معي هو رصيد زيادة بخبرتي . وبيوسع فرص النجاح بالمستقبل . عدا عن أنو أنا بشوف الحياة أنو الحياة العملية هي لخدمة الحياة النفسية وليس العكس وكنت حابب أفتح موضوع جديد لهاد الشي

انا بشوف انو اذا قلنا الغلط والخطأ منا عم نظلم حالنااااا كتير يعني بظن اد بيسمو جلد الذات الزايد كتير عن حدووووو
:D

شوط ياقمر

02/05/2009, 06:33

هل بنقدر كـأشـخاص تربينا في الغربه نـرجع نـعيش بسوريا ؟؟

ك انا .. ماحصل وتربيت بلغربة .. بس بزكر بلزمانات .. كانو يحكولي .. ع وقت ماكان عمري 3 شهور .. شحطوني أهلي ع رومانيا .. وبئينا هنيك تئريب الشهر .. اي وآل انو .. المضيفة بلفندق أو هيك .. حبتني .. وكتير زعلت لأنو رجعنا .. وهوي ئيمكن عن اني بنحب .. واسم الله .. وربي يحفظ .. وياأرض شتدي .. ويبا يبا له .

لو تركوني ربعي .. كنت علقت على هلموضوع ..

اما هلأ .. عمتصعب الئصة .. ولورا عمتمشي .. مو لئدام ... عم نحكي نفسياً واجتماعياً واللذي منو .

وكرجعة وكتأقلم .. أكيد رح يكون في صعوبة بلموضوع .. اي وهيك .

ولسا ماني فايت ب صماصيم المشاعر عندي .. لهيك عم احكي من السطوح .. بس ننزل علبيت .. لجوا .. بنرجع وبنتفهمن . :gem:

Black Orchid

02/05/2009, 09:25

كتيررر حلو الموضوع
بس انو مافينا نحكي بلا احلام وعواطف (مهترية)
انا بحس القصة بتكون حسب البلد يعني يعني بظن انو المغترب باليمن او بالسعودية
بيحب كتير يرجع البلاد
أما المغترب ببلات تانية كندا اوربا او أمريكا كتير راح يلاقيها صعبة وبالذات اذا تغير طبعو وتتطبع بطبع البلد اللي عايش فيها
راح تكون الرجعة صعبة كتيررررر
لانو البلد اللي كان يذكرها وقت يسمع اغاني فيروز ويسكر فيها راح تتغير شوي شوي بنظرووا
اذا منشوف السوريين بالداخل عايفين حالون وبدون يطلعووا من هالقرف اللي عايشنوووو بهالبلد
لا تستغربي اذا في ناس بقلب البلد (وانا منون) بيقلوالك انون بيحسو باحساس المغتربين بالبلد وبيكونوا مقعورين كتير لما بيسمعو (يا رايح وم ع ضيعتنا)
يعني مثلا واحد عايش بمحيط معين وهوي بيفكر بفكر تاني اجباري راح يحس حالوا غريب لو كان قاعد بنص مسقط راسوااا
المهم الرجعة صحية ومش صحية حلوة ومش حلوة
صحية لأنو هالشخص ممكن يبدا بتغير بهالبلد
ومش صحية لأنو ممكن وهاد الغالب انو يرجع متل ماكان قبل ما يروح وهاد الغالب لانو راح يتعب جدا
حلوة لانو راح يرجع يشوف اهلو وبلدو المشتاق ألها
ومش حلوة لانو راح تروح هي اللهفة والشعور الحلو بالبلد لما يشوف الواقع
:D

نصيحه اللي بالبلد ما يتركوها,بالغربه كل يوم في تأجيل للرجعه ليوم ثاني,لحد ما يوصل اتخاذ هالقرار لايد ناس

غيرك والنتيجه رجعه مافي.:larg::larg::larg::larg::larg:
والنتيجه رجعه ما في .

شمس سوريا

02/05/2009, 16:25

والله انا بالنسبه لالي عاجبتني عيشتي هيك
بدرس بالغربه وبرجع لبلدي بصيف وبرجع
اما اني استقر فيهااااا مستحيييييييييييييله اني اتحمل عيشة سوريا
لانو صعبه صراحه
:p:p:p

almohajr

07/05/2009, 00:14

اّاّاّاّاّه على الغربة وعلى الساعة الي فكرنا نتغرب فيهاصارت سوسة والي اتغربواقبلنا كانويقولواهيك بس نحن كنا نقول سنتين أو ثلاثة ومنرجع وهي هلء النا أربع سنين كل ماقلنا بدنا نرجع منروح اجازة وبس انشوف الوضع الي عنا بسورية منقول قد ماكان الوضع سيء بالغربة أحسن من هون إيييييييييييييييييييييييي يييييه
دنيا الله يكون بعون كل المغتربين ماحدا مرتاح

almohajr

07/05/2009, 00:15

sweetangle

08/05/2009, 23:38

لك آآآآآخ ..
عم تحكي عن الغربة:cry:
.. الواحد حتى إذا كان داخل البلد
وابتعد عن أهلوا بكون اسما غربة كمان ..
الغربة فيها شي حلو وحلو كتير ...
وفيها كتييييييييييييييير امور صعبة..:cry:
وهالصعوبة بتعلم الانسان كتير امور ..
بس مهما كان ,الواحد ما إلو إلّا بلدوا ووطنوا ..
ومهما كان ,لازم بالنهاية بعد عالغربة اللي عاشها
يرجع لأهلو وأحبابو وبيتو...
لازم ترجعوا ...

علاء.

13/05/2009, 02:28

الغربة صعبة
والأصعب الغربة داخل الوطن
وبما أنك أقتبستي من فيروز
فأسمحيلي ردلك كمان بأغنية من مسرحية جبال الصوان وهي ناطر أنا ناطر
سمعيها
وعودة موفقة إن قررتي

Elephant And Castle

15/05/2009, 08:35

The morning

15/05/2009, 09:10

و.. ندهتك خلصني من الليل وياريت ... نرجع ..إلنا اشيا نحبا وعنا بيت
صدقني لو بئدر اتحمل عذاب ... عذاب الاشيا كلها ماكنت فليت
ولا كنت حرئتا حياتي .. وحرئتك ... بس يا ريت

بس كمان .. إذا رجعت بجن وإن تركتك بشئى ... لاقدرانة فل ولا قدرانة ابقى
شو بكره حياتي لما بشوفا عندك ... يا بتحرمني منها يا بسرئها سرئة

أنو انت ردك هاد بيـوجـّـع :)

يعني هالمشكلة والمعضلة ما بس بيعانوها اللي برا ، نحنا اللي جوا منسأل حالنا ليش باقيين ولأيمتى ؟ ورح نربي ولادنا هون أو لأ ؟

باقين لأنو البلد بلدكـون .. و لأنو الطبيعي الواحد يكون ببلده و يربي ولاده فيها .. و أنا شخصيا أكتر شي بخليني فكـّر انو بدي ارجع هوّ لما بفكر بأنا وين رح ربي ولادي .. و لهلئ ما بحس انو بدي ربيهم بعيدا عن البلد ..
أنا بدي ولادي يتوجعو كل يوم مع البلد .. بدي ياهم يصيرو جزء من تراب سوريا يحسو فيها .. بدي ياهم يعرفو انو في خيارات تانيه قدامهم و في معهم جنسيه تانيه بس هنن اختارو - أو انا اخترتلهم :p - يكونو بسوريا لأنو القضيه قضيتهم أكتر من ماهيّ قضيه أي شخص تاني ..
و اذا ما قدرت بيوم من الايام ارجع .. فأنا عالاكيد الاكيد الاكيد رح ارجع و حاول للاخر ..

أنا اللي بفهمو تماما ً ، هو اللي ما بيقدر يرجع لأنو سوريا ما عاد فيها مكان الو ، لطموحو ، لفكرو ، لأفكارو ، لعلمو
يعني كل اختصاص علمي فريد بالدنيا ، كل الأشخاص ذوي المؤهلات العالية ، كل هالناس هدول إذا بيجو بيعيشو بسوريا ما بعرف شو بيعملو ، بس اكيد بيكونو حدو حالن وحدو طموحاتن
هي الشغله بتخليني فكـّر كتير و اتأمل كتير و شيل و حط و اطرح و اجمع و اضرب .. و بالاخر بقول مابعرف ..
يمكن هون بتصير أولويات الشخص تلعب دور كبير .. و أهدافه و هيك يعني ؟

وطبعا كل الناس اللي وجودا بسوريا بيكون بيهدد امنا ، وسلامتا وسلامة عيلتا للأسف
هدول أسباب بقدر أفهمها لأنو الناس ما ترجع ع سوريا ، وبفهمها بغصة ع البلد
بحرقة ع البلد كبيرة كتير :)

:D:D

بس بيوم من الأيام ما نسأل هالبلد ليش ما عم تتغير ؟ وليش هالبلد ما فيها شباب ؟ وليش وليش ؟
لأنو هالبلد كيف بدا تتغير ، إذا أول ما منكبر شوي ، منصير أكبر من أنو نقدر نعيش فيها :(
بمكان ما - يمكن بقسم الاخبار - ذكرت انو انا اذا اجى ابن ابني قعد بحضني و سألني بالمستقبل ليش هيك البلد .. بدي كون قادره أكدله اني عملت جهدي .. يمكن مش بشي كتير و لكن بأني ما تركت الشقى على مين بقى و مشيت .. و هي فكره تانيه بتخليني بالحاح كبير كتير كتير فكر باني ارجع .. و استقر و موت بسوريا .. يمكن هلئ ينط شي حدن يقلّي اي الحكي سهل وقت بتكوني قاعده بأميركا .. أنا أذكر وقت تقررت طلعتي عأميركا كنت فصعونه و بعدني مش كتير متفتحه عالبلد يعني و الوضع و هيك .. و لكن صرت ابكي و قالتلي رفيقتي ليش عم تبكي بالعكس بكرا رح تعملي و تساوي و مدري شو .. قلتلها أنا ما خلقت لعيش برّا سوريا .. أنا خلقت لعيش بسوريا و بس
و هلئ كل ما بتذكر هالجمله بغص :D ..

The morning

15/05/2009, 09:27

ليكي .
أول شي ميرسي ع الموضوع الظريف :D.

هاموش :
في حالات بتطلع برا البلد وبتعيش بنفس القوقعة الي كانت عايشة فيها وبتضل منغلقة وهالفئة من الناس كتير سهل عليها ترجع بدون اي مشاكل .

أول شي شكرا لمشاركتك ..
تاني شي .. هلئ انا مابعرف قديش بتفق معك بالنظريه اللي حكيت عنها و لكني ردك خلاني اذكر حاله انا بحس انو بوقتها ما لازم الشخص يرجع .. (( و انا لو بوصل لهالمرحله ما بعتقد برجع )) .. و هي لمـّا يكون بالخارج و عم يستخدم حريته اللي بيمتلكها لينفع البلد بقشـّه .. يعني ممكن عم يكتب .. ممكن عم يعمل مسرحيات .. ممكن عم يفيد البلد أكتر من لو بكون فيها و بهي الحاله أنا مش مع انو الشخص يرجع بل على العكس ..

هلا المغزى من كل هالحكي انو في بعض الحالات بتحس فيها بالحنين و الانتماء لشي مستحيل تكونو
او خيار الرجعة ممكن يكون حلم بعيد... بعيد كتير و ما بعرف ازا رح اقدر اساسا اوصلو...

بالنهاية.. متغربة و متغربة اتغربلي بشي بلد يحترمني و يعطيني الحرية احسن (منطقيا) لانو ما عد تفرق..

و هي الك و لموضوعك الحلو...:D
ما بعتقد فيه شخص ينتمي لشي مستحيل .. أو مابعرف كيف قلك تماما رأي و لكن بعتقد .. أنـّو فيما يخص الفلسطينين بالعالم فهي المشكله كبيره كتير .. و هل اذا بكرى تحررت فلسطين (( فرضا )) رح بيرجعو الشباب و العائلات و الناس لفلسطين ؟؟ رح بترك السؤال مفتوح ..

موضوع عم بيضروب بصميم.......كل يوم بيجي.......بقول خلص حاجة لازم ارجع.....تعبت من رب هل الغربة السودة........الي عم بتسروق ايام....وأحلامي...........بس بطلع هيك......لك وين بدي ارجع.........لك بموت عا بلدي.......بس وقت برجع عا بلد بحس حالي دايخ........لك مضيع الوجوه.......مدري الوجوه مضيعتنا.........من بيتنا لاهلي.....لصحابي..........حتى بخاف اطلاع بل الحجار لتكون نسيتني..........كمان بطلع.........كمان بدي ربي ولادي بل الغربة..........يطلعو غريبن عن ارضون....واهلون.........المشكلة معقدة كتير..........وما عم بقدر لقيلها حل
موضوع حلو كتير
تحياتي:D
اي هي المشكله أنـّو بيكون الشخص بين نارين .. أمرين احلاهما مرّ يعني .. بس بنفس الوقت مافيك تلوم الناس اللي مضيعتك .. لا تنسى انك انت غايب عن ايامهم عن تفاصيلهم .. عن احلامهم ذكرياتهم .. انت خارج كل هالامور هي و اذا كنت مذكور فيها فانت مهـمّـش و بذلك هنن أيضا بشوفوك غريب و مضيعهم ..
عوجــااااا :D

ما بظن انو حدا من أهلي عم يفكر انو يتأقلم مع الحياة بسوريا .. وأنو نعيش بقية حياتنا بسوريا ..
بس أنا ماني مسدقة ايمتى اخلص البكلوريا .. لحتى عيش ببلادي ...
وهي شغلة إرادة .. كل واحد وهو يلي بقلبو من إرادة .. وحتكون كتييير صعبة لو كانت إجبارية الشغلة

يمكن الواحد اذا كان مضطر رح يجبر حالو ويغصب حالو عالتأقلم .. أما اذا ما بيقدر.. فرح يضطر يرجع عالبلد يلي عايش او مقيم ومتغرب فيها لوقت ما يفرجها ربو وتتغير أحوالو ..
:D
اي اكيد اكيد مش عم نحكي انو نرجع الناس غصب :p ..

او نشدهم من ادنيهم مثلا (( هاها - بايخه ! )) .. المهم يا عزيزتي انو البلد لمين عم نتركها ؟ يعني اذا بدنا نقول كان يا مكان بقديم الزمان كان في قريه حلوه كتير كتير و كان فيها رجال قاسيييييين كتييير و نساء حلوين كتييييييير .. و كانت مشكله هالقريه انو كل ما بيتزوج رجل من امرأه فيها .. بيضربها و بعذبها .. و بعد فتره صارو نساء هالقريه يهـجو .. اي يهاجرو من القريه لقريات تانيه و يتزوجوا رجال من قريات تانيه .. لحد ما بيوم من الايام ما ضل بهالقريه ولا امرأه للزواج ..
:D

يا عمي no body يرجع ..............
نصيحة من هالدئن
إييييييييييييييييييييييه

طيب قلنا ليش ؟ هيك بس نصيحه حاف ؟؟

شمس سوريا

15/05/2009, 12:32

ااااااااااااه عالغربه شو صعبه
نحنا ليش منتغرب غير مشان نعيش هاد السبب الوحيد
اللي بيخلينا نتغرب
ونترك بلدنا :cry:
مشتااااااااااااااائه كتييييييييييييييييييييييي ييييييييييير لحلب ولتراب حلب
وشوارع حلب وبوظة حلب والكازوزوه الحمراا:cry:
والسهره كل يوم تحت عريشة العنب :cry::cry:
ااااااااااه عالغربه رديني لسوووووووووووريا :sick:

The morning

17/05/2009, 17:27

هلاء لما يكون القرار راجع للشخص نفسو ممكن ولو بصعوبة انو ياخدو وينفزو

بس في مغتربين عندهم ولاد وبيفكرو هل ياترا اذا رجعنا رح يكون التدريس هونيك مناسب لولادنا ولا لاء وهل ياترا رح اقدر قدملهم يلي عم قدمو هون ولا لاء و و و و .... الخ

يسلمو :D
لا ماهي شغلات ذكريات و بس .. و لكن تماما تربايه الاطفال .. وقت بتربي طفل بمكان ما فهوّ رح ينتمي اله اكتر من انتماءه الك شخصيا .. يعني انت اذا قررتي ترجعي او تروحي عغير بلد هوّ مش رح بياخد هالقرار غالبا .. لذلك من هالمبدأ انا بفكر انو ما بدي ربي ولادي بالخارج بظروف افضل ثمّ اخسرهم مش انا اخسرهم لكن البلد تخسرهم او خليني صيغها بقول هنن يخسرو البلد ..

بس في ناس رغم فشلها بتم بالغربه حتى تحافظ على لقب المغترب اللي اهل البلد لما يجيبو سيرتو برفعو حواجبهم تعظيم الو

أوووف .. هلئ انا هيك بيرفعو حواجبهم الناس بس يحكو عني :o ؟؟

انا بقى هالمقطع بيذكرنى بالواقع اللى عايشاه هلق وبكره وبعد 20 سنه

انه بجد فزعانه اكبر بهالغربه
ولما ارجع بلادى بصير غريبه وبتصير مابتعرفنى بلادى
حتى انى تقريبا بسمعها كل يوم واول لما يجى المقطع ده بتطلع عحالى بالمرايا وافكر ياترى فعلا ده هيحصلى
اذا صرلك 20 سنه متغربه فيمكن حصل و مشي حاله :p