نبيل الصالح كاتب سوري كتير بحبو وبحترمو . بيكتب زاوية بموقعو الالكتروني بعنوان شغب نبيل الصالح . وكتاباتو موجودة بأخوية . قريت ألو خاطرة بعنوان أحب دمشق . حسيت أني حابب رد عليها . وأنها لازم تكون موضوع للنقاش



أحبّ دمشق

1- هل تحب دمشق، وهل أحبتك دمشق.. ماذا قدمت لها وماذا أعطتك؟
سؤال أوجهه للمهاجرين إلى دمشق منذ ربع قرن قبل أن أحكم على تجربتهم..
2- أكثر ما يدهشني في التاريخ الإسلامي هو تجربة المؤاخاة بين مهاجري مكة وأنصار المدينة التي غدت منوّرة بالتضامن والمحبة.. هذه التجربة هي البذرة التي نشأت منها الإمبراطورية العربية الإسلامية، وما جرى عكسها في الأندلس (الاقتتال بين ملوك الطوائف) هو الذي أنهى هذه الإمبراطورية.. وفي التاريخ الحديث نرى أن ما يشبه تجربة ( المؤاخاة بين المهاجرين والأنصار )هو ما أطلق الإمبراطورية الأمريكية التي ما زالت تستقطب العقول والمواهب من شتى أنحاء العالم فتصهرهم في بوتقتها وتضيفهم إلى قوتها..
3- وبالعودة إلى دمشق نرى أن أهلها ما زالوا غير معترفين إلا بمن هم "من داخل السور" كما نرى أن الموهوبين من المهاجرين ما زالوا يعصرون زهرة شبابهم وقوتهم في شرايينها، وعندما يجفوا يعودوا إلى قبورهم التي تنتظرهم في بلداتهم البعيدة، تماماً مثل رحلة السلمون من الأنهار إلى البحار ومن ثم عودتها إلى منابعها لكي تموت في "عذوبتها"..
قد يكون الأمر أكثر تعقيداً من ذلك ولكن على من يدعي احترام الثقافة الإسلامية أن يعتبر بالتجربة المحمدية في المؤاخاة بين المهاجرين والأنصار، وإلا فإن دمشق لن ترتقي وستتبقى مجرد: أقدم مدينة في التاريخ، بينما نيويورك أعظم مدينة في..

نبيل صالح

سؤالك في البداية منطقي عندما سالت ماذا قدمت لدمشق لكنك أفترضت أن الكل قد قدموا للشام . لكن خلا ربع قرن لا يختلف وضع الشام كثيرا . ولكن قبل نصف قرن تقريبا وهو تاريخ بداية الهجرة الداخلية الكبيرة كانت دمشق افضل من الان بكثير
هلأ خلينا نحكي بوضوح أكتر . الدمشقيون لا يعترفون الا بمن هو من داخل السور . وهذا صحيح . ولكن عليك ان تتسائل لماذا . نحن في دمشق لنا عاداتنا وتقاليدنا وقناعاتنا . وهذه كلها تنتهك لأن دمشق أصبحت مدينة جميع الأعراق والطوائف . لأن الجميع يريد العيش كما يريد وحسب عادات مدينته أو ضيعته دون ان يهتم لعادات واصول الشام وكأنه سكن مدينة مهجورة من اهلها . قبل خمسين عاما كانت دمشق قبلة العالم كانت تحمل الكثير من التطور لكنها الأن مدينة الفساد والدعارة والتخلف ماكان في دمشق لم يكن بأي مدينة عربية أخرى من العمران والثقافة والتنور .
ماذا قدم أغلي المهاجرون الى دمشق ؟
للأسف الشديد الكل شافها العاصمة التي عليه أن يستفيد منها بأي طريقة تهربا من واقعه
المهاجرون في زمن الرسول الكريم كانو من اهل قريش أهل الحسب والنسب والتجارة وخرجوا للمدينة التي هي أقل شأنا من مكة ليقدموا لها وليس العكس وهذا ينطبق على نيويورك وكل أمثلتك وليس العكس
تقول أن المهاجرين زهرة شبابهم وقوتهم في شرايينها . ومتى رأيت الدمشقيين يهاجمون مثقف أو عالم ؟ نحن نهاجم من ترك مدينته لياتي الى دمشق فيجلس بلا عمل . نهاجم الدعارة والفساد والبسطات والنصب والأحتيال ( طبعا ليس الجميع وليس كل الدمشقيين ملائكة ) والسبب غياب الرادع النفسي لأنه في غير مدينته
لقد اصبح السكن حلم لدى الدمشقي . بينما يسكن غيري دمشق
لقد بتنا نعمل خارج القطر بينما يعمل في دمشق من هاجر لها
بالنهاية دمشق ستبقى كبيرة وهي أحتضنت عبر التاريخ الكثير من الهجرات من شرق الوطن العربي وغربه لكن الحال المزري الحالي هو ما جعل نحن غرباء ومشتتون داخل دمشق

وليش دمشق بالذات ؟ يعني هية المحافظة الوحيدة بسوريا والـ 13 البقية ملحق فيها مثلا :lol:

شو قدمولها ؟؟
عجقو سماها حاجة مابيكفي!!!
ومنية الشوام على حالهم هي العاصمة للجميع (( الله يحمل مع شامنا))

وليش دمشق بالذات ؟ يعني هية المحافظة الوحيدة بسوريا والـ 13 البقية ملحق فيها مثلا :lol:

مثلا :pos:

وفي التاريخ الحديث نرى أن ما يشبه تجربة ( المؤاخاة بين المهاجرين والأنصار )هو ما أطلق الإمبراطورية الأمريكية التي ما زالت تستقطب العقول والمواهب من شتى أنحاء العالم فتصهرهم في بوتقتها وتضيفهم إلى قوتها..


عفوا لحـظه بس أخاء مين و الناس نايمين :? ؟؟
الأوربيين (( أميركان اليوم )) أجو من أوربا قتـلو السكان الأصلين للي كانو عايشين أصلا بأميركا (( الهنود الحمر )) و أخدو أرضهم و عملو عليها الحـضاره الأميركيه فلا فـي أخاء ولا من يـحزنون !!

والسبب غياب الرادع النفسي لأنه في غير مدينته
لقد اصبح السكن حلم لدى الدمشقي . بينما يسكن غيري دمشق
لقد بتنا نعمل خارج القطر بينما يعمل في دمشق من هاجر لها

هي هيـّه المشكله تماما .. الغريب ما تـماما بيـعرف شو دمشق بالنسبه لأهلها و بشـوفها فـرصه و حـسب ..
و شـوي شـوي الدمشـقين عم ينقرضو :) و بكرا بتصير الناس بسوريا تحكي عن أهل دمشق لولادها و الولاد تفتح تمها و كأنك عم تحكيلها عن شي قصّه بالخـيال ..
لا و فـوق هاد كلـّو اذا فـتح تمـّو هالمواطن و قـال بـق بيـطلع قليل أصل

لـــــك ايـــــــــــــــــــــــ ه بســــيطه !

شو قدمولها ؟؟
عجقو سماها حاجة مابيكفي!!!
ومنية الشوام على حالهم هي العاصمة للجميع (( الله يحمل مع شامنا))


ممكن تشرحيلنا أكتر ما عبرت لأنو

المشكلة الي عم نعاني منها بالشام متل ما حكو قبلي
هو كل واحد بدو يطبق عاداتوا يلي كان عايشها بالشام, مع انو المفترض انو يصير العكس الشخص الي جاية عالشام المفروض يتكيف مع الوضع الجديد, نحنا الحمد لله العكس بدنا نغير الشام وعادات أهل الشام وحتى أهل الشام نفسهون حتى يصيرو على مزاجنا
واتحمل إذا بتتحمل

الشامي صار غريب بمدينتو

هي المشكلة مشكلة كل المدن الكبيرة بالعالم..وخاصة العواصم او العواصم الصناعية.. يعني مو مشكلة دمشق بس.. بتضيع ملامح المدينة الاصلية وجمالياتها وعلاقات سكانه واسماء الاسر العريقة بعجقة البشر الدخلاء..
بس من جهة تانية فيك تقول انو بيكفيك شرف أديش دمشق سحرت ناس.. وأديش في ناس اجو درسو فيها ومابينسو الايام الحلوة اللي قضوها فيها.. حتى صار عندون انتماء لهي المدينة..
وهي للشام ولأهلها اللي كتير بحبون:D:D

الشامي صار غريب بمدينتو
ما قصة شامي يا عم

بالجامعة عندي .. انا بتم التأشير علي بأني حلبي بسبب قلة الحلبية بالجامعة :lol:د

انه يعني انا بنص حلب واعتبر من الاقليات في الجامعة وهاد شي كتير طبيعي .. لا بل يفترض نكون ممنونين بأن اهل الريف والقرى عما يؤدروا يكونا فعالين داخل نسيح المدينة وما عما يبقى في تفرقة طبقية وافضلية للمدينة على القرية

سألني صديق عزيز علي شغوف بالشرق عن زيارتي الأخيرة لدمشق، سألني بشغف غريب عما يوجد في دمشق، وماذا رأيت في دمشق وماذا يفعل الناس في دمشق؟!!
أجبته:
“الناس هناك لا يفعلون شيئاً، يعيشون حياتهم المتسارعة باضطرار قلّ نظيره، يعتليهم القتلة وأبناء القتلة، يأكون الذرة في الليالي الشتائية الباردة على ضفاف الأرصف، في حين تطمر الحداثة أشجار الكرمنتينا والأرواح معا..”

طب ما هوي شو اللي جاب غير الشامي للشام؟.

أكتر شي ب
يق انو بيقولوا انو الشامي صار غريب بالشام
انو شو الناس التانين من قارة تانية
نحنا كلنا من سوريا بكل جزء فيها هي أولا
وتانيا انو دمشق عاصمة
وكل عاصمة بكل العالم في هيك شي
وهالشي مانو بايد الشعب
لانو العاصمة مركز لكلشي
وتقريبا لاهمال موجود بباقي المدون والعواصم التانية
يعني لما انا برجع ع ضيعتي ما بقدر اقعد أكتر من يومين لأنو ما فيها الشغلات الاساسية اللي صارت اساسية بالنسبة ألي
يعني أبسط أمر انو مافيها كافي نت
بقى كيف الناس اللي ما عم يلاقوا شغل
بعدين أشارت ناي لأسماء العائلات العريقة واللي انا ضد انو في شي اسمو عائلة عريقة
يعني انو مابحب ترتيب البني أدمين ع حسب عيلة عريقة وعيلة مانها عريقة
مثلا لتعتبر أنو في عيلة بكداش وعيلة الصالحاني
بكداش هي عائلة عريقة لانو معون مصاري ومناصب
بس الصالحاني مانون عريقين لانو لا معون مصاري ولا مناصب
هيك صار تصنيف العائلات بالشام من زمان
بعدين أكتر عوائل الشام مهاجرين من بلدان تانية
فما شي جديد بالمرة هالقصة

المدن لكبيرة احلامها كبيرة والمدن لصغيرة احلاما صغيرة وانا بشوف انو مشق مدينه كبيرة وازا مصر ام الدنيا فدمشق ام الزمن يعني اكبر من الدنيا

المشكلة الي عم نعاني منها بالشام متل ما حكو قبلي
هو كل واحد بدو يطبق عاداتوا يلي كان عايشها بالشام, مع انو المفترض انو يصير العكس الشخص الي جاية عالشام المفروض يتكيف مع الوضع الجديد, نحنا الحمد لله العكس بدنا نغير الشام وعادات أهل الشام وحتى أهل الشام نفسهون حتى يصيرو على مزاجنا
واتحمل إذا بتتحمل
انو ما فهمت شو قصدك بالعادات ؟؟؟
ممكن تشرحلنا

هي المشكلة مشكلة كل المدن الكبيرة بالعالم..وخاصة العواصم او العواصم الصناعية.. يعني مو مشكلة دمشق بس.. بتضيع ملامح المدينة الاصلية وجمالياتها وعلاقات سكانه واسماء الاسر العريقة بعجقة البشر الدخلاء..
بس من جهة تانية فيك تقول انو بيكفيك شرف أديش دمشق سحرت ناس.. وأديش في ناس اجو درسو فيها ومابينسو الايام الحلوة اللي قضوها فيها.. حتى صار عندون انتماء لهي المدينة..
وهي للشام ولأهلها اللي كتير بحبون:D:D
:D:D:D:D:D:D:D:D:D:D:D:D:D:D:D:D:D:D:D:D:D
وبس

طب ما هوي شو اللي جاب غير الشامي للشام؟.
اذا عملت احصائيات بالشام ... رح تشوف أنو معظم يللي ساكنين بالشام من المحافظات الأخرى
هني يا طلاب يا أما عساكر



و التنين ما بظن مبسوطين بترك بلدهم و العيش بغير بلد






حل المشكلة .. أكيد بإيد الدولة
و هو ببساطة إنماء متوازن لكل مدن القطر و ايجاد فرص عمل بكل مدن القطر







عالهامش
في بنت رفيقتنا درست أدب انكليزي و اجا تعيينها بإحدى قرى حلب
مبارح عم تسألها طالبة عندها ... (انتي ليش جاية تدرّسي عنا هون ... شو عندكون الناس ما بتدرس يعني ..؟ )

اذا عملت احصائيات بالشام ... رح تشوف أنو معظم يللي ساكنين بالشام من المحافظات الأخرى
هني يا طلاب يا أما عساكر



و التنين ما بظن مبسوطين بترك بلدهم و العيش بغير بلد






حل المشكلة .. أكيد بإيد الدولة
و هو ببساطة إنماء متوازن لكل مدن القطر و ايجاد فرص عمل بكل مدن القطر







عالهامش
في بنت رفيقتنا درست أدب انكليزي و اجا تعيينها بإحدى قرى حلب
مبارح عم تسألها طالبة عندها ... (انتي ليش جاية تدرّسي عنا هون ... شو عندكون الناس ما بتدرس يعني ..؟ )

بالضبط
بس في قصة ما فهمتا فعلا يعني كانو اهل الشام هني عوائل عريقة والباقي ضلع ناقص؟
ليش هالسيرة صاير عم بسمعا وين ما رحت
والله يستر ما يعرفوا انو الشخص عراقي بتكمل معو

جميل هو ذكر إلتماس المدن لمن يحيى فيها وربما من الواجب ان يخلق عدة إشارات هنا ولو من بعيد لكن لأضفاء مجال أوسع للنقاش أستقطاب هذه المدن لكافة العروق السورية وكافة الأنتماءات على مستوى المحافظات الغير منتمية لأطراف المدينة وتوسع مدينة دمشق لتصبح لها عدة ضواحي وإنتشار واسع لهذه الضواحي و الرغبة البشرية لوجود الهدوء و السكينة وهروب بعض الأصليين إلى الأطراف ودخول بعض الأطراف إلى الداخل و التبادلات بالأنساب و العروق و التنوع في كافة المجالات على كافة الأصعدة و تبدلات المناخ الفجائية التي لها عواملها السلبية على الطبيعة البشرية و ... و .... و....
السوق الكبير وأرتفاع أسعار الأراضي في بعض المحافظات الريفية جعل المزارع يبحث عن عمل تجاري وهذا العمل أكيد لن يكون في سوق صغيرة بل بحاجة إلى سوق عاصمة قوي فيبيع ما يملكه من أرض لسوء أنتاج العمل الزراعي بعد المعاداة الحكومية للإنتاج الزراعي وعدم الدعم اللازم بل بزيادة القيود على المزارع الذي لم يعد حرا بما سينتجه من قمح او قطن او .......فيجني ثروة ويأـي العاصمة كي يبددها بسوء خبرته وضعفه أو ربما ينجح إن حالفه الحظ وبما أنه صاحب مال قادم كغريب فهو صاحب جاه حيث أن العملة تتكلم في زمن أحتضرت به القيم .
النظرة الغشية للبحث في مضمون البهورة الشخصية حيث السيارة بحاجة لشوارع للمفاخرة وكلمة أنا أبن الشام هي كلمة جميلة لبني م؟؟؟؟ اللذين مثلا يحملون الخواريف بسياراتهم الفارهة لتوصيلها إلى المسلخ وكلمة أنا أبن الشام قد تعني للبسطاء هي نوع من الحضارة فتضيع الطاسة و يطبخ الحصى .

وبالنسبة لضياع العيل الأصيلة في دمشق فهذا أمر أعذرني لا أظن بأنك قد ركزت عليه جيدا فمازالت عائلة المالكي محافظة على وجودتيتها ومثبتة بجادرة و المهايني و الشلاح و السمان و القوتلي و ووووووووووووووووووو

هامش صغير :
هالحالة .. حالة عامة لكل عواصم العالم
يعني المدينة يللي بتستفيد من ميزات تسميتها عاصمة ...... رح تدفع ضريبة هالتسمية بالنهاية

انو ما فهمت شو قصدك بالعادات ؟؟؟
ممكن تشرحلنا
المقصود بمحاولة تغير العادات انو بتكون قاعد مع واحد من منطقة تانية غير الشام ومثلاً المعروف عن أهل الشام انهون من الساعة 2 لل 5 90% من التجار وصحاب المحلات بيسكرو للغدا وهي عادة من عاداتنا انو نحنا هالساعتين أو تلاتة بنسكر, بيجيك واحد بيقلك يا أخي ما بيصير تسكر نحنا عنا ما بيسكرو وقت الغدا بيضلو فاتحين للساعة 6 وانتو هيك لازم تعملو عنا شغل ومصالحنا عم تتعطل, طيب وأنا شو فيني فيدك نحنا هون بالشام بس اجي افتح عندكون بصير ما بسكر عال 2
وطبعاً هي شغلة من الشغلات الي بتصير معي, هلأ في مواقف تانية حصلت بس هاد الموقف يلي بتذكرو لأنو تقريباً كل يوم كنت اسمع هالاسطوانة

المقصود بمحاولة تغير العادات انو بتكون قاعد مع واحد من منطقة تانية غير الشام ومثلاً المعروف عن أهل الشام انهون من الساعة 2 لل 5 90% من التجار وصحاب المحلات بيسكرو للغدا وهي عادة من عاداتنا انو نحنا هالساعتين أو تلاتة بنسكر, بيجيك واحد بيقلك يا أخي ما بيصير تسكر نحنا عنا ما بيسكرو وقت الغدا بيضلو فاتحين للساعة 6 وانتو هيك لازم تعملو عنا شغل ومصالحنا عم تتعطل, طيب وأنا شو فيني فيدك نحنا هون بالشام بس اجي افتح عندكون بصير ما بسكر عال 2
وطبعاً هي شغلة من الشغلات الي بتصير معي, هلأ في مواقف تانية حصلت بس هاد الموقف يلي بتذكرو لأنو تقريباً كل يوم كنت اسمع هالاسطوانة

:?:?:?:?:?
أهاا
فهمت انا
بس انو ماحسيت بالجذرية شيت الموضوع لانو هي قصة انت بتتحكم فيها مو هني
:D

هيي متلها متل اي مدينة ...
بس بتفرق انها العاصمة ..
تقريبا زرت اغلب المحافظات اكتر منها ..

نفسي اعرف ليه بأغلب الدول العربية (عدا الامارات والسعوديه)
العاصمه هيه المدينه اللي الها ثقل وباقي المدن مهمشه من ناحية الخدمات وفرص العمل وغيرو؟

نفسي اعرف ليه بأغلب الدول العربية (عدا الامارات والسعوديه)
العاصمه هيه المدينه اللي الها ثقل وباقي المدن مهمشه من ناحية الخدمات وفرص العمل وغيرو؟
معروف بكل بلدان العالم في شي اسمه عاصمة سياسية وفي شي اسمه عاصمة اقتصادية
اقرب شي علينا هوي تركيا .. اغلبية العالم بتعتقد ان عاصمتها اسطنبول .. مع العلم بأن عاصمتها السياسية والمعتمدة هية انقرة .

بصراحة انا إلي قرايب بكل سوريا يعني بلف بسوريا كلها بس بصراحة وقت بنزل عشام بحس احساس غريب , بحس حالي بحارة (كل مين إيدو إلو).ما حدا بيعرف حدا , و لا حدا بسلم عحدا:deal:,,بس عنا بحماة(اصلي حموي)وين ما بتروح الكل يا بيعرف ابوك يا عمك ياجدك يا خالك.اي صراحة بتحس براحة نفسية انك قاعد بين عيلتك و حبايبك...بس مع هيك بتضل الشاام احلى مدينة بسوووريييييااااا
مع التحية

ما قصة شامي يا عم

بالجامعة عندي .. انا بتم التأشير علي بأني حلبي بسبب قلة الحلبية بالجامعة :lol:د

انه يعني انا بنص حلب واعتبر من الاقليات في الجامعة وهاد شي كتير طبيعي .. لا بل يفترض نكون ممنونين بأن اهل الريف والقرى عما يؤدروا يكونا فعالين داخل نسيح المدينة وما عما يبقى في تفرقة طبقية وافضلية للمدينة على القرية
هلأ عم تقول بالجامعة . الحمد بالشام هاد الشعور منحسو وين ماكان . مالقصة قصة أنو نكون ممنوين بطريقة مثالية . في مشاكل عم تصير . في غلط ما . أبن خالي عم يدرس هندسة بحمص لأنو نقصو علامة بالمفاضلة عن جامعة دمشق . وجامعة دمشق معباية طلاب من جميع المحافظات ومن خارج القطر كمان

طب ما هوي شو اللي جاب غير الشامي للشام؟.
أسباب كتيرة . منها الأحزاب اليسارية يلي كان احد شعارتها لما وصلت للسلطة أنو ابن الريف لازم يكون جنب لجنب بكل وزارات وادارات الدولة . بدون الألتفات لمستقبل هاد الشي أجتماعيا

ومنهامحاولة كسر التركيبة السكانية للمدن الكبرى . لانو كان أضراب واحد في دمشق وحلب قادر على اسقاط حكومة . أما هلأ فهادج الشي صار مستحيل . مع تنوع الأديان والطوائف والولائات داخل المدينة الكبيرة الواحدة

ومنها . التنمية الشبه معدومة بمناطق كتيرة من الريف السوري

ومنها الطمع بدمشق . أنو هية العاصة وفيها فرص المستقبل . شو ماكانت الوسيلة . حتى لو كانت ملتوية

هلأ عم تقول بالجامعة . الحمد بالشام هاد الشعور منحسو وين ماكان . مالقصة قصة أنو نكون ممنوين بطريقة مثالية . في مشاكل عم تصير . في غلط ما . أبن خالي عم يدرس هندسة بحمص لأنو نقصو علامة بالمفاضلة عن جامعة دمشق . وجامعة دمشق معباية طلاب من جميع المحافظات ومن خارج القطر كمان





أنا عندي سؤاااال محيرني يا شبااااب و يا صباياااا؟؟؟
هلق بسوريا بيحملو لواااء القومية العربية (و انا ماني ضدوطبعا)

بس معقول هالشي انو يكوون على حسااااب ابن البلد...

انا رفقاتي السنة الماضية بالبكالوريا السعوديين هلق عم يدرسو بالشام وحلب... و أنا ابن البلد رفضووووني بحجة نفااااذ مقاعد المغتربييين... قمت رجعت عالسعوووديية .. وعم ادرس فيهااا...؟؟؟؟؟؟؟؟؟؟(مع العلم اني جمعت اكتر منن))


الرجااااااء الرد


مع التحية:ss:

هلأ عم تقول بالجامعة . الحمد بالشام هاد الشعور منحسو وين ماكان . مالقصة قصة أنو نكون ممنوين بطريقة مثالية . في مشاكل عم تصير . في غلط ما . أبن خالي عم يدرس هندسة بحمص لأنو نقصو علامة بالمفاضلة عن جامعة دمشق . وجامعة دمشق معباية طلاب من جميع المحافظات ومن خارج القطر كمان
الأولوية لصاحب الكفاءة الأعلى فاذا كان ابن الريف مجمع اكتر من ابن المدينة فهوي احق منه بالحصول على الكرسي - الوظيفة - السكن - العمل ..

أكتر شي ب
يق انو بيقولوا انو الشامي صار غريب بالشام
انو شو الناس التانين من قارة تانية

مو قارة تانية . مدينة تانية . ممكن نختلف بالدين والمذهب والعادات والتقاليد . ومابتجمعنا صلة رحم الخ . بالأضافة . تخيل تصير غريب بضيعتك لما بترجع عليها . والأختلاط خلا فيها شغلات لا بتحبها ولا من طباعك . مابتنزعج . عدا عن فرص التعليم والشغل والسكن وغيرها . يلي من نخسرها كشوام هية مدينتنا يلي انولدو فيها جدودنا لغيرنا .لأنو لطرف التاني لقاها فرصة .

نحنا كلنا من سوريا بكل جزء فيها هي أولا
وتانيا انو دمشق عاصمة
وكل عاصمة بكل العالم في هيك شي
وهالشي مانو بايد الشعب
لانو العاصمة مركز لكلشي
وتقريبا لاهمال موجود بباقي المدون والعواصم التانية
يعني لما انا برجع ع ضيعتي ما بقدر اقعد أكتر من يومين لأنو ما فيها الشغلات الاساسية اللي صارت اساسية بالنسبة ألي
يعني أبسط أمر انو مافيها كافي نت
بقى كيف الناس اللي ما عم يلاقوا شغل

أنا حأخد من كلامك المثالية عن انو البلد للكل والعاصمة للكل وكل هاد . بس اذا حبينا نحكي بطريقة مثالية . فالمفروض أنك ترجع للضيعة وتحاول تشتغل فيها . وتشوف الأسباب يلي أدت للهجرة منها وتعمل على ازالتها .الخ الخ . أما اذا الكل فكر بنفس طريقتك فبأكدلك . أنو العشرين مليون سوري بيسكنو الشام وحلب وبتنهجر باقي سوريا

بعدين أشارت ناي لأسماء العائلات العريقة واللي انا ضد انو في شي اسمو عائلة عريقة
يعني انو مابحب ترتيب البني أدمين ع حسب عيلة عريقة وعيلة مانها عريقة
مثلا لتعتبر أنو في عيلة بكداش وعيلة الصالحاني
بكداش هي عائلة عريقة لانو معون مصاري ومناصب
بس الصالحاني مانون عريقين لانو لا معون مصاري ولا مناصب

لأ أبدا ترتيب العائلات مو حسب المصاري . في ناس بيكون معها مصاري ومابيكون لعائلتهم هالأسم . وفي ناس بيكفي تذكر كنيتو قدام حدا . بدون مايعرف وضعو المادي وشوف شو ممكن ينقال عنهم . ومعروف بتاريخ الشوام أنو كان الفير ياخد بنت الغني لأنو أبن العيلة الفلانية . يعني نسب العيلة القوي بيجي من السمعة الطيبة والأفعال ومو من المصاري . عدا عن أنو شغلة الانساب موجودة بكل زمان وبكل مكان . وممكن يكون الواحد مو أبن عيلة معروفة ويقدر يعمل سمعة طيبة لحالو . وممكن يكون ابن عيلة معروفة ويعمل شغلات يشوه اسم العيلة . متل مابيقول المتل وردة بتخلف شوكة

هيك صار تصنيف العائلات بالشام من زمان
بعدين أكتر عوائل الشام مهاجرين من بلدان تانية
فما شي جديد بالمرة هالقصة

أذا عم تحكي عن الاف السنين فمعك حق . أما لحنا عم نحكي عن خمسين أو خمس وعشرين سنة وأنت جاية

بالضبط
بس في قصة ما فهمتا فعلا يعني كانو اهل الشام هني عوائل عريقة والباقي ضلع ناقص؟
ليش هالسيرة صاير عم بسمعا وين ما رحت
والله يستر ما يعرفوا انو الشخص عراقي بتكمل معو
بصراحة وأنا يلي ملاحظو . أنو الكل بيقولو نفس كلامك . وماحدا بيترك الشام . أما بالنسبة لقصة العراقيين فصار بفترة من الفترات نفور جماعي ( من الشوام وغيرهم ) والسبب الضغط الزايد يلي صار . عدا عن انو العراقيين يلي تعرفت عليهم تنكرو للعراقيين يلي ساكنين بسورية . وعلى قولهم أنو يلي أجو على سورية أغلبهم من الطبقة الغير مثقفة ويلي لوثت سمعتهم . بعكس يلي راحو لغير بلدان . فمابعرف ليش أنا المفروض انو صف كلام وامدح فيهم . او اعطي خطب رنانة بالعروبة وغيرها . اذا كنت أصلا عم أنتقد السوري يلي بيتصرف بهي الطريقة

انو ما فهمت شو قصدك بالعادات ؟؟؟
ممكن تشرحلنا
أنا بئلك . لما بتمشي بشارع بالشام أو بتركب بتكسي وبتسمع أغلني نورية او اغاني صريخ فهي مو من عاداتنا . لما حدا بيعمل عرس بالشارع . وبيبلش الرقص والدبكة . هي مو من عاداتنا
لما بدي سجل أبني وهو صغير بمدرسة فيها أختلاط من كل مكان . فحيتأثر منهم بعادات م من عاداتنا
لما بيصير ( متل ماقريت مبارح بموقع الكتروني ) بيع أفلام بورنو بشوارع دمشق حتى ولو كان للأطفال . طريقة لكسب العيش بعيدا عن الريف فهي مو من عاداتنا . والقائمة تطول جدا . بالباس والفرخ والترح وغيرها

هلأ انا ماني ضد انو يجي حدا غريب عن الشام (ان كان من باقي المحافظات او من اي بلد تاني ) ... بس انو ياخد فرص الشامي ويقععد محلو بكل شي هي الله ما قالها ...:frown:
مثلاً وقت اجو العراقيين ع سوريا (وع الشام بالخصوص) صار النيك نيم تبع قدسيا : الفلوجة ... والنيك نيم تبع جرمانا .. ابصر شو ... الخ :pos:
انا ما قصدي احكي عن النيك نيم ... بس قصدي انو الشوام ما عاد لاقوا مطرح يحواهن وهني بمدينتهن ! :frown:
هي ازا كنا عم نحكي عن ضواحي الشام .. اما بنص الشام فا :
معقول انا امشي بالعيد بالشام القديمة ما شوف ولا وش حدا شامي ! :?

وفوق هاد كلو .. البطالة عم تزيد .. وفرص العمل تبع الشامي .. عم تروح لغيرو ...(انا مو ضد انو يلي من غير محافظة يشتغل بالشام ) بس انو الشغلة زادت عن حدها بكتييير :jakoush:

هي غير الغزو الثقافي :lol:
قصدي بالغزو الثقافي .. مو بس الغزو الثقافي الغربي .. يلي عم يتطبع فيه نص اهل الشام ...:pos:
في عندك الغزو الثقافي الريفي .. يعني احيانً بتنتقل بعض العادات السيئة (يلي موجودة عند بعض الريفيين) لاهل المدينة ...والشام ع الخصوص ( بس انو انا ما عم قول انو اهل الريف عاداتهن سيئة ... يلي عم قولوا انو في عندهن عادات سيئة متل ما كل اهل ريف او مدينة عندن عادات سيئة )

وللحديث تكلمةٌ :gem:
:D

أنا عندي سؤاااال محيرني يا شبااااب و يا صباياااا؟؟؟
هلق بسوريا بيحملو لواااء القومية العربية (و انا ماني ضدوطبعا)

بس معقول هالشي انو يكوون على حسااااب ابن البلد...

انا رفقاتي السنة الماضية بالبكالوريا السعوديين هلق عم يدرسو بالشام وحلب... و أنا ابن البلد رفضووووني بحجة نفااااذ مقاعد المغتربييين... قمت رجعت عالسعوووديية .. وعم ادرس فيهااا...؟؟؟؟؟؟؟؟؟؟(مع العلم اني جمعت اكتر منن))


الرجااااااء الرد


مع التحية:ss:
معلم عوجة . ومافي جنس العدالة. شي أتفاقيات عربية وشي علمات شبيبة , وشي استثنائات الخ الخ

الأولوية لصاحب الكفاءة الأعلى فاذا كان ابن الريف مجمع اكتر من ابن المدينة فهوي احق منه بالحصول على الكرسي - الوظيفة - السكن - العمل ..
معلش شريك بدك تستحملني شوي كفاءة سبب للسكن ضوت اللمبة يلي بقيانة براسي

هلأ اذا موجود مثلا 2000 منزل بمدينة . واجا عليها من براتها 4000 عيلة . الشي يلي خلا سعر البيت أضعاف سعرو الحقيقي , الفرصة حتكون لصاحب المال . يعني بيجي حدا من برات المدينة بيشلحو البيت لابن المدينة
ورح أعطيك مثال واقعي . لما انطرح مشروع السكن الشبابي . عددج يلي أنقبلو بين المرحلتين هنن حوالي ال22000 مكتتب . وصار بينهم قرعة . طيب برأيك ماكان لازم لأبن الشام تكون أفضلية بالدور . وخاصة انو ابن المحافظة التانية اخد قرار هجرة . أما أبن الشام هو أخد قرار بالعيش بمدينتو . وأبن المحافظة الاخرى فيه يحصل على سكن بمحافظتو . بتتخيل أنو صديق الي رقمو بالقرعة 14000 وكسور . بينما مثلا في شخص أجا سجل بالهويات ( بدون وجود أشخاص ) لست اشخاص فلسطينيين كلهم عايشين بالسويد . ومنهم تنين طلعت قرعتهم كتير قريبة

أما قصة ابن الريف يلي مجمع أكتر . فا،ا مالي ضدها . بس لازم تكون مدروسة . يعني قرايبي سجل بحمص لأنها على المفاضلة اقل من الشام . وبنفس الوقت في طلاب حماصنة بالشام . لما بتسألهم ليش ماسجلتو بحمص . بيئلك ماصدقت أيمت جبت مجموع لبعد عن اهلي وحابب عيش بالشام . يعني الدولة لازم تعمل قطاع لكل كلية بطلابها . لأنو مو ظابطة أبن الشام يدرس بحلب وأبن حلب يدرس بحمص وألخ

وبقصة الوظيفة والعمل . أنا معك بأنو الكفائة مهمة . بس برأيك أنو بسورية بأي وظيفة . يلي ماشي الكفاءة ولا الواسطة

ما قصة شامي يا عم

بالجامعة عندي .. انا بتم التأشير علي بأني حلبي بسبب قلة الحلبية بالجامعة :lol:د

انه يعني انا بنص حلب واعتبر من الاقليات في الجامعة وهاد شي كتير طبيعي .. لا بل يفترض نكون ممنونين بأن اهل الريف والقرى عما يؤدروا يكونا فعالين داخل نسيح المدينة وما عما يبقى في تفرقة طبقية وافضلية للمدينة على القرية
هلا يا اما اهل مدينة حلب ما بيدرسو جامعه او وين راحو يدرسو؟

هلأ عم تقول بالجامعة . الحمد بالشام هاد الشعور منحسو وين ماكان . مالقصة قصة أنو نكون ممنوين بطريقة مثالية . في مشاكل عم تصير . في غلط ما . أبن خالي عم يدرس هندسة بحمص لأنو نقصو علامة بالمفاضلة عن جامعة دمشق . وجامعة دمشق معباية طلاب من جميع المحافظات ومن خارج القطر كمان


الأولوية لصاحب الكفاءة الأعلى فاذا كان ابن الريف مجمع اكتر من ابن المدينة فهوي احق منه بالحصول على الكرسي - الوظيفة - السكن - العمل ..
طبعا كلنا مع صاحب الكفاءة سواء من ريف او مدينه تانيه
بس تعال نحكي بالمنطق طالب بحلب بدو يدرس بشام يعني بدو يترك بيتو وياخد سكن ويبعد عن اهلو هيك احسبها من جميع النواحي وخصوصا اقتصاديا انا شفت طلاب كان بيطلعلهم تخصصات احسن بس اختارو تخصص ادنى وجامعه اقرب بحس هالشي في ظلم
يعني بلد متل سوريا لو تم تقسيمو شمال جنوب وسط وتمت المفاضله ع هالاساس بكون فيها منطق اكتر

بس تعال نحكي بالمنطق طالب بحلب بدو يدرس بشام يعني بدو يترك بيتو وياخد سكن ويبعد عن اهلو هيك احسبها من جميع النواحي وخصوصا اقتصاديا انا شفت طلاب كان بيطلعلهم تخصصات احسن بس اختارو تخصص ادنى وجامعه اقرب بحس هالشي في ظلم
يعني منقله لأهل الريف انقبروا بضيعكن ما من حقكن تجوا على المدن لتشتغلوا او تدرسوا !!!

وجود فرص عمل في المدينة او وجود جامعات في المدينة ما بيعني ان أهل المدينة احق من القرية بهلشي .. شو معناها صار مفهوم العدل والتساوي بالفرص ؟!


يعني بلد متل سوريا لو تم تقسيمو شمال جنوب وسط وتمت المفاضله ع هالاساس بكون فيها منطق اكتر
هاد اللي كان ناقصنا .. ما بيكفي التقسيم اللي منعاني منه طبقيا :pos:

أنا بئلك . لما بتمشي بشارع بالشام أو بتركب بتكسي وبتسمع أغلني نورية او اغاني صريخ فهي مو من عاداتنا . لما حدا بيعمل عرس بالشارع . وبيبلش الرقص والدبكة . هي مو من عاداتنا
لما بدي سجل أبني وهو صغير بمدرسة فيها أختلاط من كل مكان . فحيتأثر منهم بعادات م من عاداتنا
لما بيصير ( متل ماقريت مبارح بموقع الكتروني ) بيع أفلام بورنو بشوارع دمشق حتى ولو كان للأطفال . طريقة لكسب العيش بعيدا عن الريف فهي مو من عاداتنا . والقائمة تطول جدا . بالباس والفرخ والترح وغيرها

أوف أوف أوف
انو جد القصة عندك فيها لغط كبير
انا مثلا من ضيعة بطرطوس وساكن بالشام لانو اهلي اجو من زمان لهون
انا م بسمع اغاني ساحلية ولا نورية
وجاري ورفيقي من الشام ما بيحط الا الاغاني النورية
يعني مانو سبب مقنع بالمرة او تبرير
ومين قلك انو أهل الريف هني اللي بيبيعو أفلام السكس بالشوارع ؟؟؟!!!
وحتى العراس اللي عم تحكي عنا أغلبها للشوام
هي مانها اسباب جذرية
انو لقلك اذا القصة قصة لبش وشكل مافيك تقول انو أهل الريف هني اللي مغيرين بالعادات
بالشام ذاتها يعني الشوام في ناس بتلبس فيميه (كلو أسود بأسواد) وناس قطش يعني كلو باين
يعني بتبقى القصة نسبية والاسباب اللي طرحتها سطحية للاسف مافي سبب مقنع لكلامك
:D

أسباب كتيرة . منها الأحزاب اليسارية يلي كان احد شعارتها لما وصلت للسلطة أنو ابن الريف لازم يكون جنب لجنب بكل وزارات وادارات الدولة . بدون الألتفات لمستقبل هاد الشي أجتماعيا

ومنهامحاولة كسر التركيبة السكانية للمدن الكبرى . لانو كان أضراب واحد في دمشق وحلب قادر على اسقاط حكومة . أما هلأ فهادج الشي صار مستحيل . مع تنوع الأديان والطوائف والولائات داخل المدينة الكبيرة الواحدة

ومنها . التنمية الشبه معدومة بمناطق كتيرة من الريف السوري

ومنها الطمع بدمشق . أنو هية العاصة وفيها فرص المستقبل . شو ماكانت الوسيلة . حتى لو كانت ملتوية

انو هاد الشي الصح
انو مثلا تخيل الوضع انو بالشام كلون من الطائفة السنية وعملو انقلاب او اسقطو حكومة برأي الحكومة البديلة ما راح تضمن حرية كافة أطياف باقي المدن بما انو الحكومة سورية
وكمان اذا كانو دروز وعملو اسقاط للحكومة راح تكون ذات القصة
بس انو نظرتك عن ابن الريف كتير غريبة
كأنو جاية وجايب معو التخلف والجهل و القرف ع المدينة
مع انو العكس صحيح
يعني الشام ما صارت الشام اللي منعرفها الا من خلال هالهجرة اللي صارت
ولاتنسى أنو أكبر وأكتر اسماء المبدعين هني من أرياف
وانو طرطوس هي المدينة الكاملة مع ضيعها مافيها أميين
أنا ما بظن انو في اسباب للانزعاج من الوضع
وتعقبا ع كلام أمير
انو تمشي بالشاع وما تلاقي واحد شامي بتضايق
هلاء صح بتضايق
بس لازم تصحح الجملة
انو تمشي بالشام القديمة وما تلاقي واحد سوري شي بيبعص مو بس بيضايق

:D

أنا بئلك . لما بتمشي بشارع بالشام أو بتركب بتكسي وبتسمع أغلني نورية او اغاني صريخ فهي مو من عاداتنا . لما حدا بيعمل عرس بالشارع . وبيبلش الرقص والدبكة . هي مو من عاداتنا
لما بدي سجل أبني وهو صغير بمدرسة فيها أختلاط من كل مكان . فحيتأثر منهم بعادات م من عاداتنا
لما بيصير ( متل ماقريت مبارح بموقع الكتروني ) بيع أفلام بورنو بشوارع دمشق حتى ولو كان للأطفال . طريقة لكسب العيش بعيدا عن الريف فهي مو من عاداتنا . والقائمة تطول جدا . بالباس والفرخ والترح وغيرها


انا هون بختلف معك بالرأي..
أهل الشام كمان أطياف متعددة كتير متل كل السوريين.. وانا بعرف من هدول الناس كتير يعني متل ما حكى زين مزبوط.. في بين الشوام كتير ناس متعصبين وفي كمان ناس بناتون معبيين ديسكو الشيراتون..
متل مو الشوام هنن اهل الميدان كمان هنن اهل حارة السنأور ""سمعان فيها هي الحارة بالصالحية بالشيخ محي الدين اسأل اهلك عنها ليحكولك عن العادات..:p
ومشان بيع افلام البورنو يمكن انت مانك جدي بهادا الطرح.. بتوقع انك كتبتو بسرعة بدون ما تفكر.. لانك بتعرف انو بالريف السوري ما بيبيعو افلام بورنو..

ما بعرف عنجد ليش السجال دايما حول موضوع الريف والمدن ...عندي نظرة انو ابن الريف متل ابن المدينة تماما بسوريا ...انا عنجد ما بقدر ميز بين التنين ...التنين متخلفين اكتر من بعض و التنين مفكرين انو العالم هو عبارة عن الضيعة او الحارة يلي عايشين فيها ..و تفكيرون ما بيطلع برا هالنطاق الضيق ...

مثلا كنت مرة ب الوبي بواحد من اوتيلات الادقية فسمعت عامل الأستقبال عم يحكي مع احد السائحات ...قالتلوا اني اجيت للتو من منطقة الجزيرة السورية و نبسطت كتير برؤية الحياة البدوية التقليدية . رد عليها عامل الأستقبال يلي ما بيعرف من المدنية غير يحمل شناتي و يوصلها للغرف " او كيف استحملتي الناس المتخلفة هنيك " كان عم يقولها مع ضحكة غبية واضحة ...السائحة اتفاجئت و ما عرفت شو بدها تقول ,,بس كان ردها بأستغراب .." ليش هيك عم تحكي عن الناس هنيك ,,انا ما شايفة فرق بين هون و هنيك !! بس هنيك الهوا انضف و ما في ضجة و وسخ متل هوون " !!! ....

كمان هامش
في شغلة اسمها عادات أيام زمان ... و عادات هالأيام ..... بكل مكان



يعني مين قال أنو عادات الشوام من 50 سنة .. هيي نفسها عاداتهم هالأيام
تطور الحياة ... جاب معو عادات جديدة وين ما كان



يعني مو كل عادة سيئة .. هي جابوها أهل المدن التانية عالشام ...
بالعكس ... كل مدينة سورية الها عادات منيحة و عادات سيئة

هامش تالت ..

مين هني أهل الشام ..؟؟

تغير الحياة البشرية و التوزع الديمغرافي بدل أنو ما في شي ثابت بهالخصوص ..

يعني إذا بالغنا شوي بالرجعة لورا .. رح نشوف ناس بتقول ... أنو الشام اغتصبت و انتهكت من قبل الامويين
يللي اجو عالشام و احتلوها و غيروا عاداتها و تقاليدها
و حولو كنائسها إلى جوامع أيام ما يسمى بالفتح الاسلامي






القصد أنو هالتعصب .. و هالدعوات للتقوقع ... هني بالنهاية شي سلبي .. و ما بودي لنتيجة

يعني منقله لأهل الريف انقبروا بضيعكن ما من حقكن تجوا على المدن لتشتغلوا او تدرسوا !!!

وجود فرص عمل في المدينة او وجود جامعات في المدينة ما بيعني ان أهل المدينة احق من القرية بهلشي .. شو معناها صار مفهوم العدل والتساوي بالفرص ؟!


هاد اللي كان ناقصنا .. ما بيكفي التقسيم اللي منعاني منه طبقيا :pos:
مو هيك. القصد ريف حلب وحلب يعني جامعة حلب ودمشق نفس الشي بس الواحد يروح من حلب ليدرس بجامعة دمشق_ سواء ابن ريف او مدينه_ بشوفها شغله صعبه
والتقسيم اللي قصدتو جغرافي مو شي تاني

وقت بكون الشهادة اللي بيطمح ياخدها مافي منها غير بالشام شو يعمل الواحد بحاله ؟
هندسة طبية مثلا في الها فرع وحيد بالشام فقط .. انه شو يفترض واحد يعمل بحاله ؟

وفرص العمل معروف انها معدومة بالريف والمدينة وحدها قاردة على تأمين فرص العمل .. فطبيعي يصير تنقلات للبحث عن فرص افضل ...وعلى فكرة سيادة اهل الشام العما يتشكوا من اهل الريف و"ثقافة " اهل الريف .. بتمنى يدققوا ليعرفوا ان اهل الريف بدورن قرفانين رب العيشة بزحمة الشام وقرف الشام وضجة الشام وتلوث الشام .. ولولا وجود الظروف الأفضل لكانوا طفشوا من زمان .

الشام هية العاصمة وما اختلفنا انو العاصمة لازم تتحمل كل الناس

بس المشكلة انو الشغلة ماعادت تنطاق

الغريب عن الشام عم يقعد بالشام ويستقر ويشتغل وكلوا على حساب ابن الشام

يعني عم ياخدلوا فرصتو بكلشي لان استيعاب الشام مليونين ويلي هنن اهل الشام

بالوقت يلي قاعد على قلبنا خمس مليون من برا بس الله بيعينا وهي ضريبة انو نحنا ولاد العاصمة

مع احترامي لكل الغربا المستقرين بالشام بس انا عطيت رأيي ورأي كتير من الشوام مو الكل طبعاً

الشام هية العاصمة وما اختلفنا انو العاصمة لازم تتحمل كل الناس

بس المشكلة انو الشغلة ماعادت تنطاق

الغريب عن الشام عم يقعد بالشام ويستقر ويشتغل وكلوا على حساب ابن الشام

يعني عم ياخدلوا فرصتو بكلشي لان استيعاب الشام مليونين ويلي هنن اهل الشام

بالوقت يلي قاعد على قلبنا خمس مليون من برا بس الله بيعينا وهي ضريبة انو نحنا ولاد العاصمة

مع احترامي لكل الغربا المستقرين بالشام بس انا عطيت رأيي ورأي كتير من الشوام مو الكل طبعاً

شو رأيك تاخد معك الطابو الأخضر اللي عندك ( تبع الشام .. كون الشام مطوبة لأهل الشام واللي انت واحد منن ) وتطلع على الكاراجات .. كل مين بقلك انا ماني من الشام ترفعه فلقة تلعن رب ربه فيها :?

شو رأيك تاخد معك الطابو الأخضر اللي عندك ( تبع الشام .. كون الشام مطوبة لأهل الشام واللي انت واحد منن ) وتطلع على الكاراجات .. كل مين بقلك انا ماني من الشام ترفعه فلقة تلعن رب ربه فيها :?

روق يارجل :larg:

شو بدك تعمل شامي عنصري :p الله يحمل معك ياشام

قولتك برجع بلاقيها ولابتكون رايحة رحلة سفاري للقامشلي:deal:

شو رأيك تاخد معك الطابو الأخضر اللي عندك ( تبع الشام .. كون الشام مطوبة لأهل الشام واللي انت واحد منن ) وتطلع على الكاراجات .. كل مين بقلك انا ماني من الشام ترفعه فلقة تلعن رب ربه فيها :?
الي رجعة لرد على الموضوع . بس لفت نظري كلامك . طبعا الشام مطوبة لاهل الشام . لكن مطوبة للصينيين ولا أهل المريخ . ولا الشامي مطوبلو حمص :?