هـــــل الرجـــــل العـــــربي رومــــانسي قبل وبعـــــد الـــزواج [الأرشيـــــف]

ملك الموسيقى

21/04/2009, 13:39

يبهرنا الرجل الغربي بأنه شديد الرومانسية خاصة مع الحبيبة أو الزوجة لكن على عكس ذلك نجد الرجل العربي
يعتقد انه لو اصبح رومانسيا فذلك نوع من الضعف او أنه شىء لا يليق به كرجل , فهو يجب أن يكون الشخصية القوية الحازمة المسيطرة وهذا يتنافى مع الرومانسية , طبعا أنا لااتكلم على العموم ولكن سواء فى الغرب أو عندنا كعرب هناك شواذ لهذه القاعدة .

لكن هل تعتقدون ان رأيي صحيح وأن الرجل العربي غير رومانسى بل من النادر أن تجد الحبيبة أو الزوجة هذه الشخصية يقدم لها الأزهار ويسمع معها أغانى وموسيقى الحب ويجلس معها على اضواء الشموع ويطربها بكلام الغزل والحب والإعجاب

انا رأيى ان الرجل العربي ممكن أن يكون رومانسيا ولكن قبل الزواج أو حتى يصل الى مراده

الموضوع مطروح للنقاش ومنتظر آرائكم

boozy

22/04/2009, 01:33

من فمك ندينك!!!!

suzaan

22/04/2009, 01:40

بصراحة انا بيعجبني الرجل الرومانسي بس مو بكل شي

كل شي وألو حدود طبعا وشكرا على الطرح

بس الرجال لمن بيكون رومانسي مابيكون ضعيف بل لطييييييييييف

أم الجود

22/04/2009, 01:54

كل النساء بيحبوا الرومنسية و إن كان هالشي بنسب متفاوتة .. مين ما بتحب حبيبها أو زوجها يهديها أغاني و يكتبلها شعر و يعملها مفاجآت ظريفة و يجبلها ورد بمناسبة أو بدون مناسبة :sosweet:.. الرومنسية أسلوب إنساني متحضر و شفاف للتعبير عن العواطف و مانو أبداً ضعف أو قلة رجولة و ميوعة متل ما ممكن يشوفوه البعض ... ولا نسيتو اديش الصبايا و الستات انمزع عقلون بمهند التركي :lol: ؟!!!

أإأبو العبد

22/04/2009, 02:01

كل النساء بيحبوا الرومنسية و إن كان هالشي بنسب متفاوتة ..مين ما بتحب حبيبها أو زوجها يهديها أغاني و يكتبلها شعر و يعملها مفاجآت ظريفة و يجبلها ورد بمناسبة أو بدون مناسبة :sosweet:..ولحق اذا بتلحق وبيقولولك ليش الراتب مابكفي

الرومنسية أسلوب إنساني متحضر و شفاف للتعبير عن العواطف و مانو أبداً ضعف أو قلة رجولة و ميوعة متل ما ممكن يشوفوه البعض ...
كلام سليم
ولا نسيتو اديش الصبايا و الستات انمزع عقلون بمهند التركي :lol: ؟!!!
وطلع بالاخير طنط وعلى مستوى:frown:

أم الجود

22/04/2009, 02:14

وطلع بالاخير طنط وعلى مستوى:frown:

أنا ما قصدي عالممثل نفسو .. قصدي على مهند بالمسلسل .. شخصيتو و أسلوبو المتميز مع المرأة .. اديش قدرت هالشخصية (مع اني شخصياً ما تابعت المسلسل و باصمة بال10 على سخافتو) تداعب عواطف و خيالات النساء في العالم العربي و خلتهن نوعاً ما يتجرؤوا و يطالبوا الرجل بأنه يحاول يكتسب شوي من رومنسية مهند و الله بيعوّض بخصوص الشكل :lol:

أم الجود

22/04/2009, 02:19

ولحق اذا بتلحق وبيقولولك ليش الراتب مابكفي

اي لأنو على أساس هاللي ما عم يكفيه راتبو كل يوم سري مري لعند بياع الورد و طامرها لمرتو طمر بالفل و المنتور :?

أإأبو العبد

22/04/2009, 02:21

خلتهن نوعاً ما يتجرؤوا و يطالبوا الرجل بأنه يحاول يكون يكتسب شوي من رومنسية مهندالي بيسمع بيسدق انو لهلا في نسوان بتخاف من رجالا ليش ماسمعتي شو صار بالكويت والسعودية او الخليج بشكل عام لما صارو لرجال طوابير عند الاحوال المدنية لتغير اسمائهن لمهند

أم الجود

22/04/2009, 02:29

الي بيسمع بيسدق انو لهلا في نسوان بتخاف من رجالا ليش ماسمعتي شو صار بالكويت والسعودية او الخليج بشكل عام لما صارو لرجال طوابير عند الاحوال المدنية لتغير اسمائهن لمهند

أبو العبد لا تجلطني :sick: ..! شو خصني أنا بالخليج ؟!! بتعرفون نيقة عن الخليقة بقى لشو ناخدون مسطرة ؟!!!

بعدين يا فرحتي إذا صار اسمو مهند .. على أساس وقتا بدها تهبط الرومنسية عليه بالقفة :?

أإأبو العبد

22/04/2009, 02:29

اي لأنو على أساس هاللي ما عم يكفيه راتبو كل يوم سري مري لعند بياع الورد و طامرها لمرتو طمر بالفل و المنتور :?
رح اشرحلك قصدي
مين ما بتحب حبيبها أو زوجها يهديها أغاني غنية مقدور عليهابشغلا الراديو اربعوعشرين ساعة وعيشي لقلك :larg:
و يكتبلها شعرايه يكتب شعر لمرتو طيب بيصير خير:pos:
و يعملها مفاجآت ظريفة و يجبلها ورد بمناسبة أو بدون مناسبة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////ايه طيب :pos:

أإأبو العبد

22/04/2009, 02:39

أبو العبد لا تجلطني :sick: ..! شو خصني أنا بالخليج ؟!! بتعرفون نيقة عن الخليقة بقى لشو ناخدون مسطرة ؟!!!

بعدين يا فرحتي إذا صار اسمو مهند .. على أساس وقتا بدها تهبط الرومنسية عليه بالقفة :?
لك اي بيصير رومنسيين بيصير ياخدا عالجمل بالصحرا ويغنيلا عالربابة ومن هالشغلا

اما بالنسبة للموضوع فاانا برايي نعم قبل الزواج يكون اكثر رومنسية(بلا ماننسلخ زعلات هلا:pos:)

جاد81

22/04/2009, 03:13

شمس سوريا

22/04/2009, 03:23

امممممممممممم
والله اذا اجت للرومنسيه الرجال الغربي بيضل طول عمرو رومنسي خخخ
اما الشرقي فبيتغير احيانا
اما بالنسبه ايا هيه رومنسية الرجل الشرقي او الغربي
انا برايي طبعاااااااااا الشرقيي

همس الياسمين

22/04/2009, 03:33

الرجل الشرقي رومنسي اكتر من الرجل الغربي انا برأيي

لكن الرومنسية الشرقية اعمق و أجمل من الرومنسية الغربية

هذا الكلام أنا واثق أنه مفهوم عند المرأة الشرقية لأنها الوحيدة القادرة على فك هذه الرموز

:sosweet: :sosweet: :sosweet::hart:

بوافقك تماما
الرجل الغربي رومنسيتو محكومة بالتصنع هاد اذا كانت(( موجودة )) يعني مو كل رجال الغرب ميل غيبسون
الله خلق الحب شام والرومنس شامي:p وبيروت :pابتشكي من شي

هدوء البحر

22/04/2009, 03:48

الرجل العربي عبارة عن بطن

مايسترو

22/04/2009, 04:18

دخيل ربك يا حمودة شو بتفهم...

سمر1

22/04/2009, 05:16

صعبن ...ونادرن ........ماتجد رجلاا ...رومانسي :sosweet::sosweet::ss::hart:

nour333

22/04/2009, 11:31

احلا رومانسية بعملها الرجل الشرقي مع مرتو انو ما تشوف خلقتو قبل الساعه 8 المسا
وانو يكون كتير السفر واهم شي النظافه الشخصية يعني شاور طالع وشاور نازل
ودايما بارفانات ومزيلات عرق واهم شي ريحة جراباتو ما تطلع و ريحة تمو يعني مو غلط لو بخلي معو علكه 24 ساعه

بس ازكر اشيا جديده بحكيلكون

هبه الاردن

22/04/2009, 11:55

الرجل الشرقي رومنسي اكتر من الرجل الغربي انا برأيي

لكن الرومنسية الشرقية اعمق و أجمل من الرومنسية الغربية

:sosweet: :sosweet: :sosweet::hart:

انا بأيد رأيك 100% :D

وانا لما اقرر اتزوج رح اختار الرجل الي بكون متوسط الرومانسيه :oops:

boozy

22/04/2009, 21:12

الرومانسية مو شغلة ورد واغنية وما اعرف شنووووووو
الطلمة الطيبة
المعاملة الحسنة
الرقة مع المراة لا العنتزة والصراخ
هذا رأيي...;);)
وبعدين بعد الزواج او قبلة الشخص هو الشخص ما يتغير لان صفات الانسان ما تتغير على عكس الطباع المكتسبة,
وانما يمكن نحسه يقل بتعبيرة لانشغاله بمسؤليات الحية ويكون اكثر جدية بالتعامل معها
وبعدين شو بدها البنت من رجل متفهم وطيوب ويحترمها ويحبها!!!
والله عليكم شرووووووط

أم الجود

23/04/2009, 01:07

الرومانسية مو شغلة ورد واغنية وما اعرف شنووووووو
الكلمة الطيبة
المعاملة الحسنة
الرقة مع المراة لا العنتزة والصراخ
هذا رأيي...;);)

المعاملة الحسنة بالنسبة الي مرتبطة بالسلوك الجيد للشخص بس ما بتعني الرومنسية .. يعني الرجل بيقدر يعامل مرتو معاملة حسنة و ما يصرخ بوجها و يحكي معها بطريقة لطيفة بس مع هالشي ممكن مثلاً ينسى يعايدها بعيد ميلادها .. أو ما ينتبه و يعلق و يثني على تسريحة شعرها الجديدة (و هي بتكون راجعة من عند الحلاق و محرقصة على ما تفاجئه و تلفت نظره) أو ما يتغزل فيها و لا يمازحها و لا ياخدها مشاوير من وقت للتاني هو و ياها لحالن بدون الولاد ... هاد الرجل أكيد إنسان و زوج جيد .. بس مو رومنسي بنوب .. أكيد بين هي أو هديك بختار الأولانية .. بس شو بيمنع ينجمعوا الصفتين بنفس الرجل ؟!!!

الباشا الاحمر

24/04/2009, 20:02

[QUOTE][الي بيسمع بيسدق انو لهلا في نسوان بتخاف من رجالا ليش ماسمعتي شو صار بالكويت والسعودية او الخليج بشكل عام لما صارو لرجال طوابير عند الاحوال المدنية لتغير اسمائهن لمهند/QUOTE]مهند بن مشقاص بن فليح القحطاني رومنسية عجب!!!!!!!!!!!!!!!!!!

mhsen77

25/04/2009, 01:07

يا عين عالرومانسية و الرومانسيين ويلي بيحبو الرومانسية

بس عن جد انو الزلمة قبل الزواج بيكون اكتر رومانسية ويلي مو مصدق يسأل مرأة متزوجة ولو انو رح تفتحلو مناحة

عطر الايام

26/04/2009, 21:28

احم احم
لاعطيكن رأيي لكن
انا يللي بشوفوا انو الرجل الشرقي قبل الزواج بكون روعة ومافي متلو بالرومانسية والكلام الحلو والهدايا
وبس يتزوج مدري شو بصرلو

عطر الايام

26/04/2009, 21:28

توم و جيري

29/04/2009, 22:40

حسب نوعية المراة ...

بنوتة حلب

02/05/2009, 00:39

احم احم
لاعطيكن رأيي لكن
انا يللي بشوفوا انو الرجل الشرقي قبل الزواج بكون روعة ومافي متلو بالرومانسية والكلام الحلو والهدايا
وبس يتزوج مدري شو بصرلو

مزبوط كلامك
بس هاد مو يعني انو بس تزوج ما بيكون رومانسي
هو الرومانسية والحب وفت الحبيب او الخطيب بيعبر عنها فا لانو حبيبتو او خطيبتو بعيدو عنو
فا هاد نتيجة الاشتياق
فا وقت بيعيشو مع بعض مو يعني راجت الرومانسية وراح الحب
بس بيصير شي روتيني

فا الرجال والمرا لازم يكونو شاطرين
ويحاولو يغيرو من الروتين
يعني المرا تخلق جو رومانسي والرجال من وقت لوقت ما يطنش ويجبلا شي
ماعم نقول بمناسبة ومن دون مناسبة
بس انو المرا بتحب انو الرجال يتذكر عيد الحب عيد الزواج وعيد ميلادها

فا هدول مهمين بلنسبة الها