سؤال حيّرني، بدي ارتاح دخليكم !!! [الأرشيـــــف]

robo

20/04/2009, 02:09

هلا انا بعرف انه كل شي اله بداية لازم ايكون اله نهاية ، مش هيك و الا في لا ؟؟

طب شوف\ي هذه الحالة :

لو اركبنا مركبة فضائية افتراضية ، عندها القدرة تمشي للابد على طاقة معينة ،

هلا افترضوا انا احنا غادرنا كوكب الارض و بدنا نسير بشكل عمودي (يعني بخط مستقيم افتراضا) نحو السماء ، اكيد بعد فترة رايحيين نوصل الفضاء ، طب لو ضلينا نمشي اكيد هالفضاء لازم يخلص و ييجي بعده شي مثل .... خلينا نحكي سواد حالك .... طب لو استمرينا بالسير اكيد لازم هالسواد يخلص ، طب هلا شو في بعده .... و اللي بعده برضوا لازم ينتهي مها كان عميق

حتى اللي بعرف الجواب :idea: لازم يعرف انه لسا لازم ايكون في كمان شي بعد ، وين النهاية ؟ :krimbow:

طب لأيمتا .... لوين ... في اشي انا مش عارف استوعبه !!!!!!!!!!!!!!:confo::?:

ِAbu Alzooz

20/04/2009, 02:52

مش ضروري كلشي يكون الو نهاية هلق سؤال الرب الو نهاية ؟

يعني واحد عما يقول سبحان الرب فيكي تقلو و نهايتو ؟

مش زابطة

مقتبسة من زياد

اللامنتمي

20/04/2009, 02:57

مش ضروري كلشي يكون الو نهاية هلق سؤال الرب الو نهاية ؟

لكل ِ شَيء بداية وَ نهاية

هل الرب شَيء ؟

اللامنتمي

20/04/2009, 03:38

لو اركبنا مركبة فضائية افتراضية ، عندها القدرة تمشي للابد على طاقة معينة ،

هلا افترضوا انا احنا غادرنا كوكب الارض و بدنا نسير بشكل عمودي (يعني بخط مستقيم افتراضا) نحو السماء ، اكيد بعد فترة رايحيين نوصل الفضاء ، طب لو ضلينا نمشي اكيد هالفضاء لازم يخلص و ييجي بعده شي مثل .... طب لو استمرينا بالسير اكيد لازم هالسواد يخلص ، طب هلا شو في بعده

ذكرتني بـِ فيلم لـِ " جيم كيري "

" The Truman Show "

أدعوكَ لأن تراه

وَ ربما تجد الإجابة في النهاية

وَ تذكر يا صديقي " لكُل ِ شَيء بداية وَ نهاية "

توم و جيري

20/04/2009, 04:12

كلشي الو نهاية ..
بس ايمت محدا بيعرف ..

مايسترو

20/04/2009, 05:35

احتمال تلاقي مجرة تانية فيها كواكب وكوكب شي بيشبه الارض و و و و الخ

leonardo_dicabreo

20/04/2009, 07:28

والله , مش عارف بالضبط , بس ازا مصمّمه عالأجابه وحابه تعرفي وتريحي حالك أنا بقلك :

الي انا شخصيا بعرفه أنه كل أشي أله نهايه , بس أنا عندي شك بكل أشي ! !

هلأ أنا دايما بسأل حالي ايش فيه بعد الحياه , الجنه والنار , طيب بعد ما ننحرق انشالله ايش بدو يصير , أنا اسمعت انه الي كان اسم الله على لسانه بعد ما الله يشويه ويشل العرض تبعه ممكن يدخله الجنه , طيب وبعدين لمتى بدنا نضل عايشين , وهل عمرنا رح يضل ماشي , ولا رح يوقف عند سن معين , طيب وبعدين رح ييجي الله تاني ويرد يعجب علينا متل ما عمل الأول ! ! :?

أسئله كتير بدور براسي بس كل ما أسالها بيحكولي حرام , طيب ايش يعني حرام الواحد يعرف ! !

بس أنا بقول لحالي خلينا بس نموت بنريح حالنا وبنعرف الأجابه ! ! :pos:

عفكره هاي الأسئله ولا اشي مع الأسئله التانيه الي عندي ! :cry:

The morning

20/04/2009, 08:16

طوّل بالك .. كلنا أكيد فكرنا بهالـشي و بهيك قصص ..

اللانهايه وين بتنتهي ؟؟ الانفنتي شو بالضبط ؟؟

فيـما يـخص الفضاء فـلا تنـسى أنـّو الانسان من كم سنـه فقط قدر يوصل للقـمر يعني لسـّا الانتشـار الفضائي للانسان مجهول .. و المعلومات الفضائيه اللي بيمتلكها الانسان طفيفه لـعدم قدرته على التنفـس و العيش لفترات طويله خارج الأرض و بذلك عدم قدرته على السفر لأماكن بـعيد عن الارض .. لذلك طوّل بالك علينا يا زلمي سـابق عصـرك انت :lol: ..

بس اتخيّل في مجرات تانيه و كـواكب تانيه و قد يكون في حياه تانيه (( صحي بالمناسبه عام 2002 أكـدوا وجود حـياه - في الـسابق - على سـطح المريخ :gem: )) فما تستبعد وجود حياه تانيه بمـكان ما بهالـكون ..
و ما بعتقد في حدا رح يعطيك جواب شافي (( بعيدا عن الدين اللي بقول انو الجنه بعد سابع سمـا و بذلك بتكون نهايه الفضاء الجنه ))
فاترك مـجال للـعلم يـاخد وقته و ابقى أسـأل احفاد احفادك او احفادون عن الموضوع ..

مـوضوع حلـو :D

leonardo_dicabreo

20/04/2009, 08:34

طوّل بالك .. كلنا أكيد فكرنا بهالـشي و بهيك قصص ..

.. و المعلومات الفضائيه اللي بيمتلكها الانسان طفيفه لـعدم قدرته على التنفـس و العيش

طيب ازا متل حضرتك ما بتحكي أنه الأنسان ما أله قدره على العيش بالمريخ , أو أي

كوكب تاني غير الأرض لعدم القدره على التنفس والحصول على الأكسجين الي

بيحتاجه الجسم , طيب كيف بدنا نعيش بالجنه أو بالنار وهيه بسابع سما ! ! :larg:

بدي أجابااااااااااات ! ! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ :pos:

The morning

20/04/2009, 09:34

طيب ازا متل حضرتك ما بتحكي أنه الأنسان ما أله قدره على العيش بالمريخ , أو أي

كوكب تاني غير الأرض لعدم القدره على التنفس والحصول على الأكسجين الي

بيحتاجه الجسم , طيب كيف بدنا نعيش بالجنه أو بالنار وهيه بسابع سما ! ! :larg:

بدي أجابااااااااااات ! ! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ :pos:

اذا بتعيد قراءه ردي بتكتشف اني انا ما اطرقت لهالموضوع من جانب ديني أنما قلت انو العلماء غير قادرين على السفر عبر الفضاء لعدم وجود امكانيات بتأهلهم من الابتعاد عن الارض و القدره على التنفس بعيدا لهيك ما قدرو يوصلو ليعرفو شوفي بعد انتهاء الفضاء (( اضافه لاني ما قلت المريخ انما قلت الفضاء الأوسـع من المريخ لأنو المريخ قريب نسبيا )) و ما قصدت بذلك العيش بل قصدت البحث العلمي .. و فرضيات الدين هي احدى المسلمات بالدني و أكيد صاحب الموضوع ما رح يـلاقي جواب بالنظريات الدينيه اللي بتعتمد على التسليم بالأمر و لكن أذا عم تسأل لتأحرجني - مثـلا :sly: - بشي أنا ما اطرقتله و تطلب مني اجابات انا ما بصدد اني ناقشها فبقدر قلّك انو نظريا الأديان بتقول انو الأرواح هيّ اللي رح بتكون بالجنه أو النار و بذلك ما رح يكون في جسد اصلا ليكون في حاجه للأوكـسجين و أنا هون ما عم انفي أو أكد هالنظريات .. و لـكن يا ريت ما يتم التطرق للأسئله الدينيه عن مابعد الحياه و ما بعد الكون بحـيث أنـو هالمـوضوع أعتـقد يناقش الأمر من جانب علـمي و أنا شـخصيا بشجع على هالشي كونو خلي للدين خصوصيته ..
و رجاء ما يتم تخريب المـوضوع بـقبلبه عن مجراه
:D

هبه الاردن

20/04/2009, 11:37

هلا سؤالك كتير محير وبحط العقل بالكف :pos:

واذا ظليت تفكر بهالطريقه مو بعيد انا نيجي نزورك بمصحه نفسيه :D

نصيحه الامور الي مو شايفها ما تفكر

فيها لان للكون اسرار ما بيعلمها الا الله سبحانه وتعالى

فريح فكرك وارتاح :lol::D

achelious

20/04/2009, 12:18

وين النهاية ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
مافي نهاية !!

طب لأيمتا .... لوين ... في اشي انا مش عارف استوعبه !!!!!!!!!!!!!!////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
مارح تعرف تستوعبه لأنو مخك محدود (مش انت شخصيا يعني كلنا)

بالتالي مش معدّ (ربانيا) لاستيعاب كل شي:lol: كونه الاستيعاب يعني الفهم وفهم الاشيا هو الاحاطه بها

وبس تقدر تحيط بالكون وتستوعبه بتكون حديته (كون الحدود مش بالضرورة تكون مادية;))

وبس حديته بتكون صرت رب, وبس تصير رب ابقى مرؤ وخبرنا طب لأيمتا .... لوين.. ؟؟

تحياتي:D

nour333

20/04/2009, 12:30

لو اركبنا مركبة فضائية افتراضية ، عندها القدرة تمشي للابد على طاقة معينة ،

خيو ازا بتلاقي طاقة توصلك لنص المسافه رح جاوبك على سؤالك

أإأبو العبد

20/04/2009, 12:47

مافي نهاية !!

مارح تعرف تستوعبه لأنو مخك محدود (مش انت شخصيا يعني كلنا)

بالتالي مش معدّ (ربانيا) لاستيعاب كل شي:lol: كونه الاستيعاب يعني الفهم وفهم الاشيا هو الاحاطه بها

وبس تقدر تحيط بالكون وتستوعبه بتكون حديته (كون الحدود مش بالضرورة تكون مادية;))

وبس حديته بتكون صرت رب, وبس تصير رب ابقى مرؤ وخبرنا ؟؟

تحياتي:D

حتى بهي مطلوب الخبرة:frown:

بالنسبة للموضوع

نصيحة من اخوك لاتفكر بهالشغلات وحياتك بتضيع اساسا شو حتستفيد لو وصلت لابعد من العتمة يعني شو رح تسنفيد عنحد رح تقابل الله ولا رح تشوف الجنة والنار
ولا اهااااااا انت نيتك عاطلة بدك تشوف الحور العين صح:jakoush:

sona78

20/04/2009, 13:28

بدي أجابااااااااااات ! ! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ :pos:

بتوقع ما رح تحصل ع اجابة الا لما البشرية تحقق يلي قلتو وتعرف فعلا شو في بعدين

بس منطقيا يعني بفكرتك ما رح يصير ....ع الاقل لبعد عشرااااااات السنسين ... لانو حرارة الشمس قادرة تذوب ايا شي بيقترب منها لمسافة معينة .. يعني سؤالك حاليا يفتقر للمنطق .. الا اذا بدك جاوبك انو رح تصير ذرة متل ذرات هالكون الهائلة من دون ما توصل لاجابة:D

ولا ع قولة ابو العبد الشغلة فيها حور عين؟؟؟:jakoush:

Black Orchid

20/04/2009, 13:55

في الانتظار أيها الحي, لاتنشغل بمراكمه السنين , بل زد لحظتك ضياعا عن اللحظه ,تيه في التيه ,عن التيه,
لعب يلعب فوق لعب اللاعبين ,لابدايه ولانهايه,بل سباحه بين الامواج و الرياح . أنسي الحاج

suzaan

20/04/2009, 14:14

هلأ كل واحد لمن بيموت يابيروح على الجنة ولا على النار
لمن بتكون أعماله حسنة بيروح على الجنة
أما لمن بيكون مامخلي شي ألى وعاملو رح يروح على النار
وبعدين مافي غير رب واحد بس نحنا كلنا بنعبدو ولمن منموت مافي غير حياة وحدة بس بنعيشها
وبس تخلص ماعد نرجع نعيش مرة تانية
اما بالنسبة للموضوع الأول
مهما فكرنا مارح نلاقي نهاية لأنو الله بالسما السابعة
يمكن هاد هو الجواب

روميو و جولييت

20/04/2009, 14:19

خيالك واسع شريك

butterfly

20/04/2009, 16:08

ما بعرف كيف طفيتو ع الجنة والنار !! :shock:
بس أنو لكل شيء نهاية ونهايته بتكون بداية شي تاني
يمكن الحقائق والعلم اللي بين أيدينا اليوم غير كافي ( نشكر الله انو لا نمتلك اليوم الحقيقة كاملة ، البحث عن الحقيقة مشروع ممتع )
بس أعتقد ( انو في فضاء تاني ) وعوالم لسى ما اكتشفناها
وبيأسفني ما يلحقو يكتشفوها بحياتي :cry: بس ع كل :)
هناك بمكان ما .. ممكن يكون في " كائنات من نوع ما " عم تفكر شو في بعد الفضاء تبعها
ونكون نحنا بعد الفضاء تبعها

غريب موضوعك
:mimo:

سوا ربينا

20/04/2009, 20:17

انا بتعقد لما تخطر ببالي هيك اسئلة .. بالمناسبة سؤالك ولاشي بالنسبة للي بيدور براسي .. بس بتوصل معي انو ما بقدر فكر .. لانو جد في شي بتحسو كأنو خيال ...
هلأ شوف شغلة تانية .. هلأ الارض بيضوية او فينا نقول شبه دائرة .. هلأ لو حفرنا وضلينا نحفر ونحفر ونحفر ... (فرضا طيعا )... وهكذا .. طبعا بنوصل للنواه اللي فيها براكين وقصص وما بعرف شو .. ولنفرض قدرنا نتخطاها .. طيب وبعدين رح نضل نحفر هل يا ترا ممكن نوصل للطرف التاني من الارض :shock: وهل بس نكمل حفر ممكن نقع من الحفرة للجهة التانية والارض جزء من كواكب ممكن ما نحس ولا نحنا على كوكب الزهرة او المريخ :shock: انو وبعدين . ؟؟ فأنو ما تعب حالك بهالاسئلة بتهلك الدماغ والاعصاب وياريت بتوصل لنتيجة ...ونصحيتي خدلك حشيشايه واتوكل ع الله ..:hashish:

robo

21/04/2009, 02:04

بس نكمل حفر ممكن نقع من الحفرة للجهة التانية

انا سالت استاذ الفيزياء نفس السؤال انه عملنا ثقب بالارض من شمالها لجنوبها و رمينا طابة من ارتفاع متر من سطح الثقب من احدى الجهات و الجواب كان بسيط ، انها راح توصل الطرف الثاني و تخرج بارتفاع متر ، بعدين بترجع لنفس المكان اللي سقطت منه ... و هيك يا ابو شريك للابد بلا نهاية ... و الله يسامحك انت حطيتني بصيبة تانية :lol:

robo

21/04/2009, 02:13

عوالم لسى ما اكتشفناها

سؤال: عالم مفرد لعوالم و الا مفرد لعالَمٍيْن!!!

اذا عالَمٍيْن : انت بتحكي صحيح

شكرا على المرور :D

robo

21/04/2009, 02:23

مش ضروري كلشي يكون الو نهاية

يا زلمي الهم عشرين سنة بعلموا فيك برياضيات و فيزياء علشان تيجي هلاء بالهالبساطة و تشطب على كلية العلوم !!!:shock:

هذا يعني انه في مسلمات احنا شايفينها بالعين بس مش ضروري اتكون صحيحة، ؟؟؟

robo

21/04/2009, 02:44

لكل ِ شَيء بداية وَ نهاية

هل الرب شَيء ؟

اللامنتمي انت رائع !!!
اذا فقط الشيء هو من له بداية و له نهاية
اذا انت تقصد ان اللانهاية التي سالت عنها هي اللاشيء

و نحن اذا الشيء الذي يسأل عن ذلك اللاشيء ، فهل يجده !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!

الرب سيكون شيئا عندما نجد النهاية !!!

مرورك عزّاني ! شكرا

robo

21/04/2009, 03:17

طوّل بالك .. كلنا أكيد فكرنا بهالـشي و بهيك قصص ..

فاترك مـجال للـعلم يـاخد وقته و ابقى أسـأل احفاد احفادك او احفادون عن الموضوع ..

مـوضوع حلـو :D

يعني العلم هو الحل ؟؟؟؟
دايما في ثغرة ... العلم دايما بيدخها هي نفسها في كل العلوم بس لما ابندخالها فجاة بنلاقي حالنا براها بعد ما اتكون ادت الغرض بشكل ساحر ... بس كيف ما بتعرف ... كانه هالثغرة ما الها علاقة بقوانبن النظام العلمي
حتى في سلاسل ال DNA في ثغرة و في البقع المعتمة في الدماغ " مناطق انتاج الطاقة اللارادية "

سؤال : في نظام اخر غبر النظام العلمي هذا اللي احنا عايشيين فيه!!! ممكن اتكون هاي الثغرة هي المنفذ الوحيد لنوصل هناك

بس انا حاسس انه في اللحظة اللي بنستطيع اختراق هاي الثغرة ... راح يدمر النظام العلمي باكملة ... و راح الكون كله يصير حطام !!!!!!!!!!!!!!!!!!

robo

21/04/2009, 03:28

بحط العقل بالكف :pos:

مسكين هالعقل ... انا بقول لازم انداريه و انساريروا ... و الله يعين الكف عليه ;)

مشكورة على المرور

robo

21/04/2009, 03:37

حتى بهي مطلوب الخبرة:frown:

بالنسبة للموضوع

نصيحة من اخوك لاتفكر بهالشغلات وحياتك بتضيع اساسا شو حتستفيد لو وصلت لابعد من العتمة يعني شو رح تسنفيد عنحد رح تقابل الله ولا رح تشوف الجنة والنار
ولا اهااااااا انت نيتك عاطلة بدك تشوف الحور العين صح:jakoush:

:lol: و الله اتوكلنا على الله و النية صافية ، بس انت هلا فتحت على مواجعي و بطلت صافية ، ابو العبد انا بصراحة بدي حورية وحدة مؤقتا و بالحلال ، يعني النية لساتها صافية

robo

21/04/2009, 03:43

مافي نهاية !!

مارح تعرف تستوعبه لأنو مخك محدود (مش انت شخصيا يعني كلنا)

:yahoo:انا مش لوحدي المجنوووووووووووووووووووو ووووووووووووون:yahoo::gem::ss::adal: :larg:

مرسي على مرورك يا ابو شريك

robo

21/04/2009, 03:52

,تيه في التيه ,عن التيه,

لا لا مش هيك القصد خلينا امركزين حتى لو كنا مع بعض ::::::::::::::::

لعب يلعب فوق لعب اللاعبين

لا اوافقك هنا،عليك التحدي في جدية الاعتناء بالغير الضعيف عندما تهيج البشرية باستهزاء و استهتار و برود، عندها لن تكون من اؤلائك اللعبين.

:D

robo

21/04/2009, 04:01

مهما فكرنا مارح نلاقي نهاية لأنو الله بالسما السابعة
يمكن هاد هو الجواب

اذا هيك انت مقتنعة !!! ؟؟؟ بكون جوابك صحيح

و ديري بالك انه هاي المعادلة ممكن تزبط بس اذا انت مقتنعة انها بتلائمك

انا شخصايا بحب هاي المعادلة

مرور مضيئ ولطيف :D

ابو نجبو

21/04/2009, 04:52

طيب خلينا نحكي قصة....
على فرض اننا بدلنا هالمركبة الفضائية بمركبة زمن...وخرطت رجعة أنا وانته شي 500 سنة لورا ....لك مو5000 سنة...شي 500 سنة بس... حلو هالكلام...!!
و معك كاميرا ويب وحاطط اللابتوب تبعك وانته بانكلترا و أنا بامبراطورية الصين ....وقاعدين عمنحكي و منلقش انا وانته و بتفرجيني على الكاميرا ساعة بيغ بن و انا عمبفرجيك سور الصين ....
عدّا واحد من علماء هداك العصر و شاف هالشوفة...شو بدو يصير فيه....؟
يا بدو يعتقد انا وانته ألهة أو سحرة أو مجانين...
بتقللو ياحببيبي هاي الكاميرا مبدأها متل العين و فيها خلايا حساسة و ممكن تتحسس الالوان بيقللك "شنو..!!"
وانو هي الصور بتتحول لنبضات الكترونية و بتنتقل بالالياف البصرية لشي برج و البرج بيبعتها للقمر الصناعي و القمر الصناعي ببعتها لرفيقي"اللي هو أنا" انو جهاز رفيقك بيرجع بيحول هالنبضات لصور مرة تانية و ...و....
الزلمة العالم رح ينجلط و تجيه السكتة ويجن لانو عقلو ما استوعب كل هال"الخزعبلات" اللي عمتحكيها انته...
بيقللك شو هي نبضات و شو هي طاقة ومنين اجت هالكهربا....هلاء انته عندك الجواب لكل أسألتو....ليش.؟؟
لانك ابن القرن الواحد و العشرين....وانا بتمنالك "ولالي كمان" يجينا شي واحد من القرن ال26 أو ال30 ويحكيلنا اش القصة...بركي ..بيكونو عرفو شو عمبيصير...
:D

The morning

21/04/2009, 07:48

يعني العلم هو الحل ؟؟؟؟
سؤال : في نظام اخر غبر النظام العلمي هذا اللي احنا عايشيين فيه!!! ممكن اتكون هاي الثغرة هي المنفذ الوحيد لنوصل هناك

بس انا حاسس انه في اللحظة اللي بنستطيع اختراق هاي الثغرة ... راح يدمر النظام العلمي باكملة ... و راح الكون كله يصير حطام !!!!!!!!!!!!!!!!!!

الحل دائما بيوصل ألنا عن طريق العلم لأنو حتى لو كانت غير جهات قادره تحط ايدها على اول الخيط الا انها ما بتسلمك ياه ببسـاطه :gem:..
هلئ لاحكيلك شغله .. فعليا الشـمس عمرها حوالي 4.8 (( تقريبا )) بليون سنه و هي هلئ بمنتصف عمرها .. و يـُتوقع انطفاءها و موتها بعد 4 بليون سنـه تانيه و بـذلك رح يبطل في حياه عالأرض لانو بانعدام الشمس تنعدم الحياه .. لكن اللي عم يـصير حاليا أنـّو العلماء و علماء الفضاء و حتّـى حكـومات الدول الكبيره .. عم تـبحث عن شـمس تانيه (( نجوم مشتعله متل الشمس )) بـشي محل بهالكون و طموحهم أنـّو يلاقو هالمنبع الضوئي و الحراري قـبل ما تنـطفى الشـمس بكذا مليون سنـه بركي بلـحقو يـعدّو لحياه جديده و استمراريه للصنف البشـري بـشي مكان تاني خارج مجرتنا العزيزه ..
اضـافه لأنو قد يكون في احتمال لوجود ناس عايشه بمكان تاني هي بدورها عم تدور علينا :cry: .. لذلك انت طوّل بالك حوالي شي 4 بليون سنـه (( أو أقل شوي )) بتـلاقي كل الأجوبه الفعليه صـارت بين ايديك :p ..

تحيّـه

leonardo_dicabreo

21/04/2009, 08:02

اذا بتعيد قراءه ردي بتكتشف اني انا ما اطرقت لهالموضوع من جانب ديني أنما قلت انو العلماء غير قادرين على السفر عبر الفضاء لعدم وجود امكانيات بتأهلهم من الابتعاد عن الارض و القدره على التنفس بعيدا لهيك ما قدرو يوصلو ليعرفو شوفي بعد انتهاء الفضاء (( اضافه لاني ما قلت المريخ انما قلت الفضاء الأوسـع من المريخ لأنو المريخ قريب نسبيا )) و ما قصدت بذلك العيش بل قصدت البحث العلمي .. و فرضيات الدين هي احدى المسلمات بالدني و أكيد صاحب الموضوع ما رح يـلاقي جواب بالنظريات الدينيه اللي بتعتمد على التسليم بالأمر و لكن أذا عم تسأل لتأحرجني - مثـلا :sly: - بشي أنا ما اطرقتله و تطلب مني اجابات انا ما بصدد اني ناقشها فبقدر قلّك انو نظريا الأديان بتقول انو الأرواح هيّ اللي رح بتكون بالجنه أو النار و بذلك ما رح يكون في جسد اصلا ليكون في حاجه للأوكـسجين و أنا هون ما عم انفي أو أكد هالنظريات .. و لـكن يا ريت ما يتم التطرق للأسئله الدينيه عن مابعد الحياه و ما بعد الكون بحـيث أنـو هالمـوضوع أعتـقد يناقش الأمر من جانب علـمي و أنا شـخصيا بشجع على هالشي كونو خلي للدين خصوصيته ..
و رجاء ما يتم تخريب المـوضوع بـقبلبه عن مجراه
:D
أنا عارف أنك ما أطّرقتي للموضوع دينيّا , بس بصراحه أنا حابب ينطرح هيك موضوع من زمان هوه صحيح أنه أنتوا ما جبتوا يلي بدي اياه بس لفيتوا حولين الموضوع تبعي , حتى الواحد يبطل يفكر , هيه مو كتير شاغليتني , بس مرات الواحد بتلاقيه صافن بقعد يفكر ومرات وانا سايق بقول , ليه , وين ,متى , مين , كيف ؟ ؟ ! ! :?

توو مش هيد ايك ! ! :larg:

بس ازا مو حاببين تحكوا بهيك مواضيع الي انا شايف انه الكل خايف يحكي فيها , وما بعرف ليه :? , عادي مو مشكله مصيرنا نعرف , ونقول يا ريتنا ما اعرفنا ! ! :cry:

وبعدين يعني ! !:cry:

jovia

21/04/2009, 12:06

طيب ليش ما بتسلم انو انت عايش عالارض وكفاها الله ضروري توجع راسك وتدخل بدوامة ليكني قاعدة بفيليتي وعم باكل وبشرب وبنام وبعمل سبورت وكتير اكتيفات ومبسوطة بحياتي:larg: ليش لحتى فكر بشي يخلي عرق بعقلي تطلع ريحتو ويطئ :oعيش حياتك بالطول بالعرض عالمايل بالمقلوب:p ............... بعدين نحنا العرب مالازم نفكر بهيك شي لانو ممنوع التفكير اصلا بهيك شغلات ما معنا تصريح من امريكا نخترق الكون بطرطيرة:shock: بئى بلا مشاكل الله يرضى عليك :jakoush:

ابو نجبو

21/04/2009, 14:04

ليكني قاعدة بفيليتي

وانتي شو ئاعدة عمتعملي بيناتنا نحن معشر المعتّرين....:confo:

jovia

22/04/2009, 16:09

وانتي شو ئاعدة عمتعملي بيناتنا نحن معشر المعتّرين....:confo:
انا بيتي شوما كان بحاول دايما شوفو باحلى صورة حتى لو كان استديو :cool:بعدين ليش معترين:o بيجوز في غيرك عايش احلى عيشة ومنتسب:king: ثم بدي اعرف الموقع ما كان احد شروطو انو للمعترين فقط ولا شو رايك:ok:

سوا ربينا

22/04/2009, 16:40

شو شبيبة لقيتو حل ؟ :hashish:

قمح

22/04/2009, 16:56

هلأ أنا يا صديقي ما رح أعرف أجاوبك أكيد ...
بس كمان تساؤلات ...
هلأ كل اشي بوسع اشي تاني اصغر منو ... يعني الانسان بيعيش بالبيت
والبيت بالحي والحي بالمدينة والمدينة بالدولة والدولة بالقارة والقارة بالارض والارض بالمجموعة الشمسية والمجموعة الشمسية بدرب التبانة .. وووووووووووووووو هيك ...

طيب الله , الروح , الرب , الخالق ..... وين ؟؟؟
يعني هو عايش بالكون .... يعني في اشي اكبر منو .... طيب الكون وين موجود أساساً يعني الله جوا الكون اللي هو بيتو مثلا ً الكون وين .... ولو الله برا الكون وين يعني وكيف ؟؟؟؟

طيب الله هو روح أو أثير أو نور منتشر بكل مكان يعني هو بين كل شي وداخل كل شيء ....
بس بضل في اشي أكبر ....

والتفسير الوحيد انو في نهاية ..... بس كمان بتصفي الشغلة لو كانت الأرض مستقيمة يعني بضل ماشي لحتى توقع .....

يللا .... :lol: