اخلع نعليك ياموسى فانت في ارض مقدسة

كل مرة ادخل فيها الى محراب مخائيل عيد اذكر هذه المقولة التي تنسب الى الله في

خطابه لموسى

عندما تدخل محراب مخائيل عيد فانت تدخل ارض مقدسة

عندما ادخل هذه الصفحات واتطهر مما علق بي من

تفاهات الدنيا وامتع روحي واروي عطشها

يخطر ببالي ان اكتب شيئا عن مخائيل عيد

وببساطة اقف عاجزا ان تقرأ شاعرا ما يختلف عن ان تعيش مع انسان يكتب حبه

عشقه المه فرحه معاناته يسطر ايامه احرفا هنا ببساطة انت لاتقرأ وانما ترى بانوراما

حياة تمر بخاطرك وانت تعرف ان وراء كل مشهد قصة الم وحب وعشق قصة نضال

لم يعرف الكلل هنا انت ترى الصدق متجسدا

هنا اقدم لكم ببساطة مخائيل عيد
يا مرحبا بنيسان



زار الدني نيسان زينها

يا مرحبا بنيسان

كل زهـرة بلون لونها

وغنى مع الغدران

* * *

وعشعش الدوري بطاقتنا

وغرد الحسون

ومدت فروعا الخضر حبقتنا

ترش العطر ع الكون

* * *

وصار المسا بلون الشفاف

متبسم وأحمر

ومد الغطيطة لحاف

ع الكون المعطر

* * *

قومي نشم الورد والنسرين

ونضيع بالوادي

ونحمل لذكرى العمر بتشارين

من الحب زوادي

* * *

قومي نلاقي البدر رح يشرق

ونشاركه عمرو

ويشوفنا الزنبق ويتشردق

ويجن من قهرو

* * *

وبكرا انخطر بمروجنا نيسان

وبالمرج ما خطرنا

بيتنعد المنتور. والريحان

بيصير يذكرنا
:D:D:D:D
يسعد مساكي ياشام

ضعو نظارتي في قبري اريد ان ارى الموت جيدا

هذا مااوصى به قبل وفاته

يريد ان يرى الموت جيدا بعد ان راى الحياة على مدى سبعين سنة منذ يوم ملادته سنة 1934 الى يوم ارتفع فيه

قلمه عن مستوى الحياة

كانت بدياتها كما كتب الشاعر

سألتُ والدتي: متى ولدت يا أمي؟

قالت بعد أن فكرت برهة: قبل عيد السيّدة العذراء بثلاثة أيام...

هذا يعني أنّني ولدت يوم 12 آب وفق التقويم الشرقي أي 25 آب وفق التقويم الحديث.

وسألتُ والدتي: وفي أيّ سنة؟

ابتسمت الأم وقالت: في السنة التي حفرنا فيها المحفارة الجديدة لتتريب أسطحة المنازل...

وعرفت من تواريخ أقربائي الذين في مثل سنّي أنّني من مواليد 1934... أمّا في الهويّة الشخصيّة فمن مواليد 1936. ولهذا حكاية طويلة.

مات والدي قبل مولدي بخمسة عشر يوماً بعد أن فرش فراش الموت جوعاً لي ولأمي ولأخي الأكبر , لكنّ الأمّ بذلت جهوداً فوق طاقة الشجعان لإنقاذ ولديها من براثن الموت...

نزلتُ إلى ميدان العمل في السابعة من عمري... عملت في معمل الحرير القريب من المشتى... وكنت أذهب إليه مشياً على قدميّ مع الفجر ولا أعود منه إلاّ مع حلول الظلام...

وهذا ماجعله يرصد الالم والمعاناة ويكتبهما ويستخرج منهما املا جديدا وفجرا مشرقا


هارب من العيد

يا أخضر العينين

يا دموع خمس سنين

يا ضو شمعة منطفي

يا لون وردة منتفي

بعينيك هالحلم الحلو

شو دبَّلو؟

* * *

راحوا الصغار ركيد

ومشيت ع مهلك

كرجي ورا كرجي

مشتاق للفرجي

من بعيد تندهلك

وبعده الطريق بعيد

* * *

يا أرض ليني شوي

فوقك طفل حافي

ويا شمس صيري فيّ

وناغيه بلطافي

* * *

يا أخضر العينين

يا حلم صفصافي

بحضنا الشفق غافي

هاليوم يوم العيد

كل الدني مراجيح

وألعاب وفرنكات

هدايا وحلو وبوسات

وتياب مكوية

وإنت بلا توب جديد

ولا في حدا باسك

ولا جبلك هدية

* * *

محلاه هالمنظر

رقص وغني وضحكات

وقلبك بتحسر

ع كل مرجوحة

يا لهفة فراشات

بالمرج مدبوحة

* * *

وكرجت على خدودك

دمعة ورا دمعة

لش دابت الشمعة؟

وتجمعوا حواليك

سألوك شو صابك؟

شو مزق تيابك؟

ضحكوا كتير عليك

يا صغير وحافي

يا حلم صفصافي

لش دبلت ورودك؟!

ودمعة ورا دمعة

تكرج على خدودك

* * *

لش تا رجعت ركيد؟

وهربت يا صغير؟

درب الرجوع بعيد

ع الهارب من العيد

وبدمعته محير.

* * *

يا أخضر العينين!

يا روح مجروحة

يا لهفة فراشات

بالمرج مدبوحة

يا حزن خمس سنين

* * *

إنتي متل شعبي

رح تكبر وتوعى

ورح تكشفو اللعبي

وتكسروا إيدين

العم يزرعوا من سنين

بقلوبنا اللوعة


:D:D:D:D

يسعد مساكي ياشام

:D:D:D:D

يسعد مساكي ياشام
ومساك
ما بدي اقطع عليك بس بدي قلك يسلمو

ومساك
ما بدي اقطع عليك بس بدي قلك يسلمو

صديقي في بلادي تحت ظل كل سنديانة يوجد

في عطر كل ياسمينة يهمس شاعر

ارغب ان اسلط الضوء عليهم جميعا

ولكن اكتفي بالكتابة عمن اعرفهم

لكي لااخطئ بحق من لااعرفهم

بشكر مرورك

:D:D:D:D

يسعد مساكي ياشام

في بلادي تحت ظل كل سنديانة يوجد

في عطر كل ياسمينة يهمس شاعر

ارغب ان اسلط الضوء عليهم جميعا

ولكن اكتفي بالكتابة عمن اعرفهم

لكي لااخطئ بحق من لااعرفهم

بشكر مرورك

:D:D:D:D

يسعد مساكي ياشام
ما أنا متأكد منه أنك لن تستطيع أن تكتب إلا عن القليل القليل من شعراء بلدك يا صديقي العزيز فكل الكائنات هناك شعراء الأحياء وغير الأحياء فهل ستحدثنا عن السواقي وقصائدها أم عن الأطيار وأهازيجها , أم عن مطر نيسان الذي ينسج أروع الأشعار على ذرى القمم ,
ولكن إشعر شمعة خير من لعن الظلام , سر ونحن ورائك
مع تحيات
مجنون من بلدك

في بلادي تحت ظل كل سنديانة يوجد

في عطر كل ياسمينة يهمس شاعر

ارغب ان اسلط الضوء عليهم جميعا

ولكن اكتفي بالكتابة عمن اعرفهم

لكي لااخطئ بحق من لااعرفهم

بشكر مرورك

:D:D:D:D

يسعد مساكي ياشام
ما أنا متأكد منه أنك لن تستطيع أن تكتب إلا عن القليل القليل من شعراء بلدك يا صديقي العزيز فكل الكائنات هناك شعراء الأحياء وغير الأحياء فهل ستحدثنا عن السواقي وقصائدها أم عن الأطيار وأهازيجها , أم عن مطر نيسان الذي ينسج أروع الأشعار على ذرى القمم ,
ولكن إشعر شمعة خير من لعن الظلام , سر ونحن ورائك
مع تحيات
مجنون من بلدك

الموضوع مثبت لأسبوع

متابع معك ..:D

لماذا أكتب الزجل؟!

نشأت في وسط فقير بل وفقير جداً إلى حد الإشفاق, إن أمي وأكثر أهلي وأهل وسطي الذين أحببتهم كثيراً لا يفهمون حتى أشعاري التي لا غموض فيها إطلاقاً.. إنهم يستسيغون الزجل وهم لا يقرأون الصحف ولا يقتنون الكتب الحديثة. وأنا عنهم أخذت حب الزجل.. وأنا لهم أكتب الزجل..

ثمة قضايا كثيرة ومنها بناء الاشتراكية لن تنجز أبداً إلا بمساهمة الجماهير الكادحة الواسعة والجماهير الكادحة يجب أن تسهم في كل المعارك بفعالية قصوى. والفن كمحرك نضالي, كضوء يسلط على القضايا الحياتية, يجب أن يعود إلى الأعماق التي انبعث منها لينيرها, يجب أن يصل إلى أعماق الجماهير.

ولأن الجماهير في أغلبيتها لا تقرأ الشعر.

ولأن الجماهير يجب أن لا تحرم من الفن.

ولأن الجماهير يجب أن تسهم في المعركة.

ولأن الزجل بعض مني.

لكل هذا لا أستطيع أن لا أكتب الزجل..

مخائيل عيد

وكتب عن ضيعته مشتى الحلو


المشتى يا أجمل صـورة بتخطـر ع البـــال

يا غنيـــة مسحــورة ع كتــاف تـــلال

***

مروجا فتانــــة خضــرا و سهراتــــــا كيــف

و بجرود العز السمـــــرا مـــا أحلى الصيــــف

و مية أنهارا خمــــــرة لــو زارا ضيــــــف

بيسكر من أول نظــــــرة و هالسكـر حـــــــلال

***

السحر بواديهــا تربــــى واخضروا غصـــــون

مفتونة خلقــة ربــــــا والسحــر فنــــــون

ضيعتنا البلبــــل حبــــا وقــــال الحســــون

دلبتنا غافي بعبـــــــــا ســـــر الأجيــــال

***

انوقفت قبال الدلبـــــــي و شوهــــرت لفـــوق

بتحــس بقلبـــك رهـبي وبعيونـــك شـــــوق

و مع نسمة هوا غربـــي بتشــوف عـــــروق

دلبتنـــا تــرش محبــي ورفــــات ظـــــلال

***

النسمة تغط بواديهــــــا وبالعطر تطـــــــير

تلاعب روس روابيـــــها وكتاف الشيـــــــر

و مع نغمات سواقيهــــا جـــوق عصـــافيـر

يغنــــــي و يتغزل فيها ويغمى الشـــــــلال

***

حفافي خضرا حليـــاني مغمــــورة بضـــو

بعطر زهورا النشـوانــي مليــــان الجـــــو

سواقي, بلابل, و غنانــي و يا عاشـــق لــــو

بتشوف السحر الإنسانــي ع خصــــر و شـــال

***

و لشمال شــــوي مغارا صيتـــا مشهــــور

لو بتقصــدها بزيـــارة بترجــع مبهـــــور

روعة ورهبــة بأســرارا و دهــــور دهـــور

مصلوبة فوق حجــــارا وجمــوح خيـــــال

:D:D:D:D

يسعد مساكي ياشام

لماذا أكتب الزجل؟!
هنا يخطىء شاعرنا بالسؤال يا صديقي العزيز , فنحن لا نكتب الشعر في هذه البقعة من الأرض . فالشعر هو الذي يكتبنا , والفن هو الذي يسكننا , فنحن جزء من هذه اللوحة , لا يمكن أن ينفصل , لكل شيء هناك مكانه ودوره وعبقه وجماله
أما هنا يا صديقي فلا شيء إلا رائحة النفط , حتى المطر حين يعانق الأرض يعانقها كسياف يقطع وردة شامية بسيفه الرهيب , والفرق أنه لا ينشر العطر بل رائحة البترول


السحر بواديهــا تربــــى واخضروا غصـــــون

مفتونة خلقــة ربــــــا والسحــر فنــــــون

ضيعتنا البلبــــل حبــــا ومنها المجنو ن

ولو مهما بعدنا عنها دايماً بالبال

العزيز اخيليوس تسعدني متابعتك للموضوع

واشكر لك تثبيته وارجو ان اقدم خلال الاسبوع مايرضيك ومايليق بمستوى قسم الشعر باخوية

بشكر ورورك :D

:D:D:D:D

يسعد مساكي ياشام

اخي مجنون فعلا لااستطيع ان اكتب كل شعراء بلدي ففيها بين الشاعر والشاعر يسكن شاعر

بين الظل والنور يسكن شاعر بين النهر والصفصاف يتأرجح شاعر

بين الياسمين والاقحوان يهيم شاعر

صديقي

مادفعني للكتابة عن مخائيل عيد هو عمر ثلاث وسبعين عاما عرفت منها اربعون

مادفعني للكتابة عنه كلمات لاتزال تحفر في فكري يوم قدمت له اولى محاولاتي الشعرية

تفحصها بعمق المفكر وحنا عليها بعطف الاب وابتسم بوجهي ابتسامة الصديق وقال ((في زمننا ياعمي كانت كتابة

الشعر اسهل اما انتم اذا اردتم ان تتركوا شامة على وجه الشعر فعليكم مواجهة عصر فيروز))

ومن يومها اسمع فيروز كما لم اسمعها من قبل

صديقي مرحبا بك في صفحتك صفحة شاعر من بلدي :deal:

:D:D:D:D

يسعد مساكي ياشام

عندي



عندي صابيع يرقصو النجمات

و نفحات عطرية

وحقلة زنابق بيض وحكايـات

وشي ألف غنيـة

***

عندي بحر حالم وسيع كتير

وقلوع منشورة

وضو القمر يرسم لنا تصاوير

ع مواج مسحورة

***

عندي قلب للحب بيغني

وبيريد خير الكل

وبيحب يعمل هالدني جني

ويسيجا بالفل

وعندي بعد .....

رح قول شو عندي

عندي عيونا السود ,

وحدن إلي

وبتحبني وحدي

وإلنا الهوى والعود

:D:D:D:D
الله يحميكي ياشام

احيانا بكره سوريا .. وبكره حالي لاني سورية.. بعدين ..شوي.. وبرجع بحبا كتير.. لما بقرا الشعر اللي كتبو ولادها..
محبتي الك طوروس.. يسلمو ..
متابعتك:D

احيانا بكره سوريا .. وبكره حالي لاني سورية.. بعدين ..شوي.. وبرجع بحبا كتير.. لما بقرا الشعر اللي كتبو ولادها..
محبتي الك طوروس.. يسلمو ..
متابعتك:D


الصديقة ناي

سوريا قصيدة حلوة مافيها هوامش فيها القصيدة وبس وكلنا منحب القصيدة ومنعيش القصيدة وهيي بتحبنا

بشكر متابعتك

بشكر محبتك :D

:D:D:D:D

الله يحميكي ياشام

الإهداء



إلى أمي التي ماتت وهي تكدح.

إلى أخي الذي لا يزال يعرق كثيراً ليكسب لقمة الخبز..

إلى أولاده وأولادي الذين سيعيشون المستقبل الأفضل....

■ ميخائيل عيد

ليس لدي مااعلق به

لولا زنودك


لولا زنودك هالدني كانت خراب

ينعي عليها البوم وينوح الغراب

عمرت فيها قصور وزرعتا زهور

قطفوا الهنا والخير وقطفت العذاب

* * *

إنت الدني . لولا زنودك شو الدني؟

كدحك سناها وهمتك عيشا الهني

بتشرق عليك الشمس ضهرك منحني

وبتودعك بالشغل ضهرك منحني

* * *

خيي يا عامل مد كفك مدها

إيدي ضعيفة بعزم زندك شدها

وهالعلقة اللي عم تمص دموعنا

ضروري ضروري نوقفا ع حدها

* * *

إرفع جبينك للشمس حقك إلك

لما تحدوا إخوتك فتحو الفلك

ما أنبلك لما بتبني هالدني

ولما بتحمي هالدني ما أنبلك


:D:D:D:D

يسعد صباحك ياشام

هل هي جلسة مصارحة

هل هي سكب الملح ع الجرح

انها ببساطة

كذابين


سهرنا ليالي طوال ولعبنا

وكتير ثرثرنا وما تعبنا

كذبت علينا بالهوى الليلات؟

مدري على ليالي الهوى كذبنا؟

* * *

وقديش قلتي خايفة منك؟

عينيك كذابين

فيهن لغيري سرار ومواعيد

وبسمع بهمساتك صفير رياح

وبحس بعيونك بألف جناح

عم يحملوك بعيد

وترجع بعيني طفل حب صغير

فطموك عن أمك

وبعدن على تمك

أحلام نعسانين

مثل حبات الندي الحلوين

وبعيد عني تطير

* * *

ليس الكذب؟ لا تقول وحياتك

بتحبني

فضحوك نهداتك

بتحكي معي وحلوين حكياتك

وبعرف أنا عن مين عم تحكي

وع مين عم تتنهد وتبكي

متلك أنا "بها الحب" مرتبكي

وبتزوغ نظراتي بنظراتك

* * *

تنيناتنا بهالحب عم نكذب

وفينا الهوى بيلعب

ونضحك

لغير تنينا الضحكي

* * *

راح هاك البعدني بحبو

وراحت البعدك دايخ بحبا

تخمين حبي مزهر بقلبو

وتخمين بعدك ساكن بقلبا

وتخمين لاقاها

ما بعرف وين

وعم يكذبو ع بعضهم

تخمين؟

:D:D:D:D

يسعد صباحك ياشام

غريبة



غريبة ! أنا غريبة

ودياري قريبة

* * *

غريبة وعيوني

يبكون

لا يا عيون

هالدمع ما ينفع

والراح بالمدفع

يا عين ما يرجع

بالدمع ما يرجع

والماتو ما يحيون

مهما العيون يبكون

والعار ! ويلي العار

ما ينمحي بلا نار

* * *

غريبة!

أنا غريبة

والقيد بقدامي

عدوي قدامي

غادر ومتكبر ظالم ومتجبر

وهمومي تقيلي...

* * *

بسهر .. رفيقي الهم

رابض على صدري

والهم ليله يطول

وإسمع بإذني صوت:

" يختي يا عينيي

صيري فدائيي"

وعرفته يا قهري

وفهمت إيش يقول

صوت خيي

الفارس المقتول

* * *

غريبة أنا غريبة

ودياري قريبة

والدار تومي لي

والدرب عبر النار

والعار... يا ويلي

ما ينمحي بلا نار

* * *

عيونك يا خيي تشوف

اختك تشيل سلاح

وتحارب المحتل

وحلفت ما إرتاح

حتى الوطن يرجع

من بعد ما يشبع

من ثارنا المدفع

* * *

ورح ضل يا خيي

إحلف باسمك دوم

وقلن لعينيي

هالدمع ما ينفع

والمات ما يرجع

وإحمل بقلبي هموم

شعبي اللي يتوجع

دربي وضح

والفجر رح يطلع

لا بد ما تطلع

يا فجرنا ونرجع

__________________

ثائر


هون كان البيت

هون باب الدار

هون بيت الجار

* * *

هون كان البلبل يغني

وكانت تسمعو

تشهق معو

وراحت قبل ما تودعو

ولا يسألا شو صار

* * *

وين راحت؟

يمكن احترقت هون؟

هون كانت شجرة التفاح

هون كانت تقعد وترتاح

ومن هون صبوا النار

* * *

وين الصبايا والولاد؟

وين العجايز؟

كلهن راحوا؟

وين راحوا؟

ما بقي غير الرماد

وليل الحقد والموت ورياحو

* * *

من كل مطرح بيت

تحملق بوجهي عين

فيها رماد وطين

وإسمع بإذني صوت

وين رايح وين؟

* * *

وتلتم حولي شباح

بوجوه محروقة

وعضام مسحوقة

وإسمع صفير ورياح:

روح انتقم ترتاح

* * *

مين إنتو مين؟

- أهلك وإخوانك

وولاد جيرانك

نحنا ورا حيط العدم

عم نندهك روح انتقم

روح انتقم

* * *

يا حقد هات رياح

حتى الجبال تصير

متل ريشة تطير

وإفتح بوابك يا عدم

بالحقد أقوى سلاح

رح انتقم

رح انتقم

:D:D:D:D

يسعد صباحك ياشام

هون التقينا





أول لقا

هون التقينا من سني

كنت ناطر حد هالصخرا

وكنت تملي

وشو صار؟

عزتني الدني

وبمعابد التذكار عم صلي

وع جوانح الذكرى

رفت ألف حسرا

وبموكب الحلم الهني

هون التقينا من سني

* * *

يا مرحبا

وشعلت خدودك بالحيا

بحسد أنا هاك الأنا

اللي عاش لحظات الهنا

وقلتي: إنت بتحبني؟

كلك ذكا

وهيدا تجاهل أذكيا

وت يسمع الصفصاف

شو قلنا انحنى

ولليوم بعدو منحني

هون التقينا من سني

* * *

قالت : بحبك!

يا طيور تنهدي

ويا نهر خبي سرار

ويا صخورنا البيضا

لحبات الندي

لا تهمسي

هيدا الندي ثرثار

وبخاف شي دمعة ندي

عن ولدني

تحكي لزهرة مدلعني

وتتهامس شفاف الدني

هون التقينا من سني
:D:D:D:D

يسعد صباحك ياشام

في ضيعة الشاعر_ مشتى الحلو_شجرة دلب عملاقة يحكى ان عمرها يقارب 700عام ولها مكانة خاصة في قلوب كل اهل البلدة يقول عنها الشاعر

دلبة الضيعة




دلبة كبيرة معرمي بوجه السمـا

غناني النهورا مقندلي بوراقهــا

لطيور ضيعتنا الغناني بتلهمــا

ولقلوبنا إيمانــها و إشــراقها

* * *

عصافيرها مع طلة الصحو الحلو

لحن المحبــة والوفــا بيرتلو

لو طلعوا عيونك عجيبة بينزلـو

دنية سحر ع العين صعب فراقها

* * *

أغصانها من بعيد تهتف مرحبـا

لضيوفها وبتميل مع ريح الصـبا

ومن كتر ما مر الليالي عذبــا

أضلاعها انحنيت على عشاقهــا

* * *

يا دلبة الضيعة العظيمة عرمي

شاب الزمان حرام إنت تهـرمي

أرواحنا متل الفراش محومـي

حني عليها وخففي أشواقهـــا

* * *

من ألف جيل سمعت: في شاعر حكي:

عن روح عاشق خالدة صارت لكي

ولما النجــــوم تشوفك يهزا البكي

وحب الندي بيهر من احـــداقها

:D:D:D:D

يسعد مساكي ياشام

موعد

النسمات ترقص ع التلي

تصلي

وديوك تصيح

الضيعة بعدا غافيي

وصفصاف محني ع الميي

وحسون فتح عينيه

وللحب, للزهر وللريح

وللضو مد جناحيه

ومسح منقاره بفلة

وديوك تصيح

ونسمات ترقص ع التلي

* * *

وشو نطرت ما كنت تحني

وبكيت وغنيت كتير

النسمات حملو غنانيي

النجمات غطو بعينيي

حسدوني كتير عليك

وبجناح بسمي عينيك

عصافير تطير

ع تلال خضرا مضويي

بأنغام أحلى غنيي

والكون للحب يغني

وللحب غنيت كتير

وبكيت

ما كنت تحني

:D:D:D:D

يسعد صباحك ياشام