السعار الجنسي ( الجنس الجماعي وتبادل الازوج) [الأرشيـــــف] - صفحة 2

nour333

18/04/2009, 00:55

عفواً منك نور 333 .. على الرغم من اني ما بحبذ هيك شي ( الجنس الجماعي يعني ) .. وارفضها " عنّي انا بالذات" لكن انو شخص او عدة اشخاص مقتنعين فيها ما بقدر امنعهن ولا قلهن شي ...

بس في نقطة صغيرة بخصوص عنوان الموضوع

كلمة سعار لـ طالما ارتبطت بـ الـ كَلَبْ ....

وتشبيه ممارسة لـ بني آدم بمرض يُصيب الكلب .. هاد الشي برفضو تماماً .. وحتى لو كان مصطلح علمي ومو من عندك جايبتيه ... في ألف طريقة لـ تفادي جرح شعور هالبني آدم بوصفه بمرض يُصيب الحيوان ... بغض النظر عن ان كان هالشي صح او غلط ... تقبلتيه او ما تقبلتيه .. لك تقبلتو البشرية كلها ولا ما تقبلتو ...

يعني لنفترض انتي نباتية ....

اجي اوصفك انا بالـ حُشاش الحماري / بقري / خاروفي ... الخ الخ الخ .. يعني شي حيوان من هالحيوانات النباتية فقط ( المجترة حصراً لوجوب الإهانة هون ) .... قديش رح تنجرحي من هيك وصف

فـ بالنهاية ومشان ما اطلع عن الموضوع اكتر من هيك ...

وتفايداً لانو يكون في حدا من اللي بيحكي عنهن الموضوع .. وبالنهاية هوي انسان متلك متلو ... ومتل ما بهون عليكي ينجرح شعورك .. ما بهون عليه ينجرح شعورو ..

كان الأفضل لو يتم اختيار العنوان بعناية اكتر

وفيما يخص الموضوع عطينا رأينا فوق ..
شوف رح جاوبك بس اول شي مسا الخير
في امور ضرورية لأستمرارية الحياة ربك ربطها بالمتعة حتى يقبل الانسان عليها متل غريزة الاكل والجنس
هلا خلينا نحكي عن الاكل فيو متعه بس هاد ما بيعني انو ناكل بشراهه وكتير مرات لازم الانسان يضبط من هاي الناحية وانا بعتبر اللي عندو كتير شراهة بالاكل فينا نسميه سعار طعامي لأنن هن حطو حالهم بهالوضع
وكزلك ع الجنس يعني انت برأيك ما أسأؤو لحالهم لما كانو بهالوضع !!!!!!!!!!!!!!
كل واحد هو بيختار تسميتو بالحياة

ِAbu Alzooz

18/04/2009, 04:06

آخر شي لو عرفت انو خيك بمارس هيك شي رح تمنعو
او ازا اكتشفت انو اغز صاحب عندك بيمارس هيك شي بتتأثر صداقتكم

الشي يلي بيجمع بيني و بين اخي هوي اكبر من هيك شي
و الأهم من هيك لما بكون مصادق شخص و معتبرو صديقي لح يكون في اعتبارات تانية أهم بكتير

و اذا أخي أو رفيق ايلي مارس الجنس الجماعي يمكن ناقشوا انصحوا يروح لعند دكتور نفسي
بس اكيد مالح الغي من حياتي مشان رغبة و فعل ما اساء لحدا فيه

Abu ToNi

18/04/2009, 18:07

العلاقة الجنسية بالفرنسي اسما : Faire l'amour = فعل الحب

شخصيا برفض كل التعاريف الملزوقة بالجنس .. حاجة .. غاية .. وسيلة بقاء .. غريزة بشرية ..

بنظري انسانيا " في المحيط الانساني " الجنس هو وسيلة للتعبير عن الحب

أيا ممارسة جنسية بتم بغياب عامل الحب بين الطرفين بتبقى بنظري فعل " غرائزي حيواني "

وان كانت الممارسة هي محمية داخل اطار الزواج الشرعي .. وان كانت داخل القبول الاجتماعي .. وان كانت داخل الحرية الشخصية

بغياب الحب فهية غير شرعية او بالمصطلحات التقيلة اسمها " دعارة "

هلشي بيشمل العلاقات الجماعية تماما متل ما بيشمل الزواج التقليدي " عـلصورة ايام زمان .. وعـلعرفي بهلايام .. وسعدو يسترنا من بكرا "

كلها دعارة طالما ما بيلعب فيها الحب الدور الرئيسي .

nour333

18/04/2009, 22:52

الشي يلي بيجمع بيني و بين اخي هوي اكبر من هيك شي
و الأهم من هيك لما بكون مصادق شخص و معتبرو صديقي لح يكون في اعتبارات تانية أهم بكتير

و اذا أخي أو رفيق ايلي مارس الجنس الجماعي يمكن ناقشوا انصحوا يروح لعند دكتور نفسي
بس اكيد مالح الغي من حياتي مشان رغبة و فعل ما اساء لحدا فيه
شوف صعب نفصل الانسان لأجزاء متلا انا صارت معي مع وحده كانت منيحه بس ناس خبرني انها بتسرق فما قدرت اتعامل بنفس الطريقة مع البنت يعني لما شفتا بعد هالمعلومه شعرت بنفور اتجاهها
هاد مثال بسيط صدق احنا ما بنقدر نغض طرف عن تصرفات الانسان حتى لو كان تصرفو ما بأزينا
العلاقة الجنسية بالفرنسي اسما : Faire l'amour = فعل الحب

شخصيا برفض كل التعاريف الملزوقة بالجنس .. حاجة .. غاية .. وسيلة بقاء .. غريزة بشرية ..

بنظري انسانيا " في المحيط الانساني " الجنس هو وسيلة للتعبير عن الحب

أيا ممارسة جنسية بتم بغياب عامل الحب بين الطرفين بتبقى بنظري فعل " غرائزي حيواني "

وان كانت الممارسة هي محمية داخل اطار الزواج الشرعي .. وان كانت داخل القبول الاجتماعي .. وان كانت داخل الحرية الشخصية

بغياب الحب فهية غير شرعية او بالمصطلحات التقيلة اسمها " دعارة "

هلشي بيشمل العلاقات الجماعية تماما متل ما بيشمل الزواج التقليدي " عـلصورة ايام زمان .. وعـلعرفي بهلايام .. وسعدو يسترنا من بكرا "

كلها دعارة طالما ما بيلعب فيها الحب الدور الرئيسي .
شوف انت عم تبالغ كل واحد لما يقدم على فعل زواج بكون الو هدف ومسمى لزواجو والحب احد المسميات وبشكل يا دوب 5 % من الزيجات والله اعلم ازا بتنجح
لنفرض شب او بنت ما حبو بس في الهم حاجه لنصفهم الآخر سواء زواج او غيرو بصراحه انت بمسماك بتكون اناني في ناس بجوز ما تعرف تحب بس عندا تقدير لشريك واحترام للعقد وزيجاتهم نجحت اكتر من اللي حبو

فسحة أمل

18/04/2009, 23:58

ما كان بدي أدخل بهيك نقاش لأنو نقاش عقيم وجدل بيزنطي , ولقناعتي بأنو كل انسان الو الحق بالقيام بأي شي بيعتبرو حريتو وبيرتاح فيه سواء كنت بوافقو على سلوكو أو لاء على شرط أنو سلوكو ما يتعدى نطاق الحرية الشخصية , (( تنتهي حريتي عندما تبدأ حرية الآخرين )) , وبما لا يضر بالاخرين , وما من حق أي شخص بهل الدني أنو يبيح أو يحرم , بحسب ما هوي بشوف صح أو غلط هلا لح ندخل بالموضوع .:
الجنس عند الانسان منو موضوع بيولوجي جامد مجرد من النزعات والرغبات والميول, بل علاقة نفسية روحية مع شخص أو أشخاص أخرين , وإن اي نقاش لموضوع الجنس يجب أن يتخطى النظرات الدينية والصوفية المرتبطة فيه , والموقف المبدئي المتعلق بعدم تحليل واباحة الحياة الجنسية ( بتشعباتها السوية , السادية , المثلية , الجنس الجماعي .... إلخ ) عن طريق استخدام مصطلحات دينية وأخلاقية , معتبرين أن أي حديث عن الحياة الجنسية ( والي هيي بالمناسبة موضوع كتير طبيعي ) او عن الجسد أشياء قذرة وبذيئة لا يجوز للناس التحدث عنها جهاراً فما بالك يا نور , ممارسة هذه الافعال الجنسية على نطاق الحرية الخاصة دون الحاق أي أذى بالاخرين ,
أما بالنسبة للسلوك الجنسي يلي وصفتيه بالسعار الجنسي ( وأنا بفضل سميه ميول أو سلوك جنسي ) ,
إذا عزلنا أي سلوك جنسي _ بالمطلق _ عن وظيفة التوالد ( يعني إذا كان مدفوع بعوامل غير العوامل البيولوجية متل المتعة والشهوة أو بعوامل نفسية ) يزداد تعدد أنواعه وأشكاله ,فيصبح هذا السلوك أكثر انتقائية وأكثر انتخاباً سواء بعلاقتو مع مواضيعو الجنسية أو مع شروط وأساليب تحقيقو , من هون بيجي الدور الاكبر للنزعة الفردية و للميول والنزعات النفسية والسلوكية , ولما بدك تحكي عن هيك موضوع ما فيكي تهملي الجانب النفسي وتقولي أنو هوي الحمالة يلي منرمي عليها , لا ما فيكي تهملي الجانب النفسي يلي هوي الزبدة والمحور الرئيسي بالموضوع , أكيد أي تصرف بيبدر من الانسان سواء جنسي أو لا جنسي هوي نتيجة لحالة نفسية أوالكبت نتيجة الدين والعادات والتقاليد , أو لسبب ذو منشأ عصبي أو غددي والخ الخ أو نتيجة صدمة أو حادث في الطفولة ,_ هون برجع بأكد متل ما قال زين سواء عم نحكي عن السرقة , و السادية أو أو أو أو........
بعدين موضوع الجنس الجماعي مانو جديد يعني منو شغل اليوم أو شغل مبارح , الجنس الجماعي يعود بجزورو التاريخية إلى ما قبل ميلاد المسيح ب 2000 سنة , وكان يمارس كطقس فيه نوع من القدسية ببعض الحضارات , بالاخير خليني وصل للفكرة يلي بدي احكيها , أن الجنس بشكل عام هوي موضوع غير معيب بالعكس هوي غريزة انسانية متل أي غريزة تانية , أما بالنسبة لموضوع الجنس الجماعي , أو السادية , أو المثلية أو إلخ إلخ إلخ من الميول والسلوكيات الجنسية , فأنا ما بالضرورة أني كون معها , بس مو من حقي أني حرمها على غيري إذا كان عم يمارسها بما لا يضر بالاخير ضمن توافق ذاتي الشخص مع ذاتو ومع شريكو في هذا السلوك بما لا يضر بالاخرين ضمن هي الشروط ما من حق حتى يتدخل تحت أي مسمى , وتحت أي شعار سواء ديني أو أخلاقي .

قد لا أوافقك على كلمة مما تقول أو فعل مما تفعل , ولكني مستعد لأن أدفع حياتي ثمناً لحقك في القول والفعل

Abu ToNi

19/04/2009, 02:23

شوف انت عم تبالغ كل واحد لما يقدم على فعل زواج بكون الو هدف ومسمى لزواجو والحب احد المسميات وبشكل يا دوب 5 % من الزيجات والله اعلم ازا بتنجح
لنفرض شب او بنت ما حبو بس في الهم حاجه لنصفهم الآخر سواء زواج او غيرو بصراحه انت بمسماك بتكون اناني في ناس بجوز ما تعرف تحب بس عندا تقدير لشريك واحترام للعقد وزيجاتهم نجحت اكتر من اللي حبو

معناها فيني بكل بساطة قلك الـ 95% بالمية ما اسمن " زواج " كونا افعال بيولوجية فيها شوية تحسينات " التزام بالعائلة ولواحقه " .. ما غلطوا وقت سموه " عقد نكاح " لأنه مجرد صفقة بعيدة عن سمو الزواج وسمو انك تبذل حياتك وتختار شخص لتملك معه دربك وتكلل مشاعرك برغبتك بالانجاب ..

Nay

19/04/2009, 02:34

معناها فيني بكل بساطة قلك الـ 95% بالمية ما اسمن " زواج " كونا افعال بيولوجية فيها شوية تحسينات " التزام بالعائلة ولواحقه " .. ما غلطوا وقت سموه " عقد نكاح " لأنه مجرد صفقة بعيدة عن سمو الزواج وسمو انك تبذل حياتك وتختار شخص لتملك معه دربك وتكلل مشاعرك برغبتك بالانجاب ..
تعريف النكاح بالاسلام:
حل استمتاع احد العاقدين بالاخر على الوجه المشروع متى تم التعاقد
شوف السمو والرقي بهادا التعريف

Abu ToNi

19/04/2009, 02:57

تعريف النكاح بالاسلام:
حل استمتاع احد العاقدين بالاخر على الوجه المشروع متى تم التعاقد
شوف السمو والرقي بهادا التعريف

اذا قارنا الجنس الناتج عن علاقة حب حقيقية .. مع " صفقة " اكل الهوا هي

منشوف بأن التاني هوي اللي بيستاهل تقوم بسببه جرائم الشرف مش العكس

انه كلمة " عقد " بحد ذاتها تحقير .. هي اذا نسينا كلمة نـ ـكـ ـح

وصلت لمرحلة سبسب واكفر قدام اهلي .. بس ما بتطلع معي هلكلمة بشرفي بخجل قولا قدام ابي الأكبر مني 40 سنة :lol:

فسحة أمل

19/04/2009, 03:18

نـ ـكـ ـح

يا صاحبي شايف وين المشكله هيي هون بهل التلت حروف , نحنا حاصرين تفكيرنا بهل التلت حروف , ما عم نقدر نطلع منن , ما عم نقدر نتصالح مع حالنا وهنن موجودين , ما عم نقدر نتقبل الجنس كموضوع عادي وطبيعي مندون ما نعمل منو بعبع , العالم عم يناقش بنظريات الوجود الانساني, ونحنا لسى منحكي أنو الحب حلال ولا حرام أو الجنس ينافي الاخلاق لك مين حكى هالحكي لك حاج , طلعو من القشور يلي عايشين فيها وفكرو شي مرة ولو مرة وحدة أعلى من الخصر والسرة

أإأبو العبد

19/04/2009, 03:20

وفكرو شي مرة ولو مرة وحدة أعلى من الخصر والسرة
منموت....

أإأبو العبد

19/04/2009, 03:21

بس بتعرفو وين المشكلة انو كل شي تشوه وكل شي غامض وكل شي ممنوووع

ِAbu Alzooz

19/04/2009, 04:05

وف صعب نفصل الانسان لأجزاء متلا انا صارت معي مع وحده كانت منيحه بس ناس خبرني انها بتسرق فما قدرت اتعامل بنفس الطريقة مع البنت يعني لما شفتا بعد هالمعلومه شعرت بنفور اتجاهها
هاد مثال بسيط صدق احنا ما بنقدر نغض طرف عن تصرفات الانسان حتى لو كان تصرفو ما بأزينا

بس لح اعطيكي نصيحة صغيرة لما بدك تحكمي على انسان حكمي عليه بكل تصرفاتو مو بتصرف واحد
و خدي ايجابيتو بكفة و سلبياتو بكفة وساعتها فيكي تحكمي عليه

ابو نجبو

19/04/2009, 06:13

تعريف النكاح بالاسلام:
حل استمتاع احد العاقدين بالاخر على الوجه المشروع متى تم التعاقد
شوف السمو والرقي بهادا التعريف

لك خيتو شو بدك بالحكي....الاسلام هو التخلّف بعينو....
ازا محمد حكى شي عشر تالاف حديث ما مناخد فيو ....بس ازا سعد الله ونوس "مخط" شي كلمة يوم من الايام ب"ندحش" كلمتو بكل محل و منعملا نبراس و لمبة و مصباح يضوّي طريقنا المعتم.....

وانتي عمتحكي صح بتعريف "النكاح" بالاسلام...بس نسيتي...أو تناسيتي....انو في كم مية حديث و أكتر من نص قرأني بيحدد أطر و قواعد و نظام التعامل بين الزوجين....
المشكلة فينا انو ما منحب نحمل مسؤولية...ولازم نلاقيلنا شي شمّاعة "نعلق" عليها أخطائنا ...ومافي أسهل من نشلف على الاسلام كل "وساختنا" و نلزقها فيه....
:D

..AHMAD

19/04/2009, 06:18

jovia

19/04/2009, 06:33

"

وان كانت الممارسة هي محمية داخل اطار الزواج الشرعي .. وان كانت داخل القبول الاجتماعي .. وان كانت داخل الحرية الشخصية

بغياب الحب فهية غير شرعية او بالمصطلحات التقيلة اسمها " دعارة "

.
هلا الجنس داخل اطار الزواج صفي اسمو دعارة :oمعناتو كل الناس سواسي بنظرك كلون دعارة لانو الاغلب بمجتمعاتنا الزواج التقليدي يعني ما بيكون في حب من اساسو والحب يمكن يجي بعد العشرة ، كلامك صحيح بس ازا ما كنت بعشق زوجي وعم نمارس الجنس يعني انا وياه عم نعمل دعارة ؟؟:shock:هي ما اتفقنا عليها

ابو نجبو

19/04/2009, 07:17

عفواً منك ابو نجبو... المخلوقة ما انتقدت ممارسة النكاح بالاسلام ...

الانتقاد موجه للمصطلحات والتعابير المستخدمة بالتعريف اللي بتصور العلاقة الجنسية كـ رغبة وغاية وسلعة ..

غلطان شي كمان ؟
أبو حميد...
نحن ليش منحب دايماً نظهر الامور ب"اطار " مثالي
يعني ان شئنا أو أبينا ....الزواج هو حاجة و غاية....يعني النهاية الطبيعية لاي علاقة حب هي الزواج ....والعلاقة اللي مابتنتهي بحب هي علاقة فاشلة...ماحدا بيختلف على هالشي...
والزواج "بالتعريف الاداري" يعني عند الدولة هو علاقة شراكة بين رجل و امرأة ....شركة بشو...؟؟
شركة بالسرير....لانو الشراكة على السرير هي بداية انشاء الاسرة....
هون انا عمبحكي "التعريف الاداري" للزواج....
وبالنهاية ما بيهمني شو "التعريف" .....
اللي بيهمني انو الاسلام حدد و نظّم هالعلاقة بالاطار الصحيح وأعطا لكل طرف حقوقو و عرّفو بواجباتو...."من وجهة نظري"
:D

nour333

19/04/2009, 11:58

تعريف النكاح بالاسلام:
حل استمتاع احد العاقدين بالاخر على الوجه المشروع متى تم التعاقد
شوف السمو والرقي بهادا التعريف

معناها فيني بكل بساطة قلك الـ 95% بالمية ما اسمن " زواج " كونا افعال بيولوجية فيها شوية تحسينات " التزام بالعائلة ولواحقه " .. ما غلطوا وقت سموه " عقد نكاح " لأنه مجرد صفقة بعيدة عن سمو الزواج وسمو انك تبذل حياتك وتختار شخص لتملك معه دربك وتكلل مشاعرك برغبتك بالانجاب ..

اذا قارنا الجنس الناتج عن علاقة حب حقيقية .. مع " صفقة " اكل الهوا هي

منشوف بأن التاني هوي اللي بيستاهل تقوم بسببه جرائم الشرف مش العكس

انه كلمة " عقد " بحد ذاتها تحقير .. هي اذا نسينا كلمة نـ ـكـ ـح

وصلت لمرحلة سبسب واكفر قدام اهلي .. بس ما بتطلع معي هلكلمة بشرفي بخجل قولا قدام ابي الأكبر مني 40 سنة :lol:
ليكو انتو لتنين الواحد وقت يبني بيت رح يبلش بالاساسات وبعدين ببني بيت سواء غرفتين او عشرة لبن او حجر الخ اول شي بدو اساس لهاد البيت والزواج هو تسمى عقد نكاح لأنو اساسو العلاقة الجنسية يعني لو اتوفر كل ظروف نجاح البيت من اسباب مادية ومعنوية بس ما في هيك علاقة حياة زوجية فاشلة وازا استمرو بكون لسببن اما ما عندن طلاق بدينن او مشان لولاد
بعدين ناي وابو طوني (اللي بيخجل من كلمة نكاح والله اني انبسطت انو في بقاموس اللغة العربية كلمة بتخجل ابو طوني) ليه لو واحد نحات او رسام راسم امرأة او رجل بشكل عاري بتصفقولو وبتعتبرو فن وابداع وازا تكلمنا بتقولو انتو شو بفهمكون بالفن!
نفس النظرة مو موجودة عندكم مع انو الاديان وقت ركزت انو الله لاينظر الى صوركم ولكن الى قلوبكم إشارة ضمنية لتركيز على جمال الروح وفناء جمال الجسد كي يتمكن اي رجل او امرأة قبيحين من انن ينحبو او يكون الهم الحق ببناء اسرة ولو غاب عامل الجمال اللي برتكز عليه الجنس وكتير في احاديث عن الرفق بتعامل مع المرأة في العلاقة الخاصة ومداعبتها كلاميا وغيرو قبل الجماع

هلا نيجي للحب انتو انفسكم بتربطوه بالعلاقة الخاصة مع انو اكبر قصص الحب بتاريخ كانت عذرية وكان حبن كتير صادق وبجوز ناس ينجحو كحبيبين ويفشلو كزوجين لأنو الزواج مؤسسة كتير معقده ولو الحب وقودا لوحدو كان ما مشيت بعد شهر العسل
ابو طوني على ما بتصور انت هلا بالجامعه وهاي المرحلة الذهبية للعلاقات العاطفية ليك يمكن لازم ننطر 10 سنين والزمن رح يغيرلك رأيك الحياة اكبر من كرسي خشب قعدت علية انت والحبيبة تحت شجن الجامعة بجوز بيوم من الايام هالحبيبة تتخلى عنك وقت تلاقي شب اكبر منك بخمس سنين ومعو الجنسية وعندو بيت وسيارة صدقني هيك اغلب الحبيبة كانت قصصهم
يارب امنحنا الطهر وجود علينا بالحب

nour333

19/04/2009, 12:56

بس لح اعطيكي نصيحة صغيرة لما بدك تحكمي على انسان حكمي عليه بكل تصرفاتو مو بتصرف واحد
و خدي ايجابيتو بكفة و سلبياتو بكفة وساعتها فيكي تحكمي عليه
صحيح انا هيك دايما بعمل لأنو كل حدن الو سلبيات وايجابيات
بس في افعال بتوقع الشخص عن السلم الانساني وما فينا وقتا نمدلو ايدنا ليصعدو مرة تانية إلا ازا هو قرر يمسك الايد اللي انمدتلو

Genifer

19/04/2009, 15:41

انا برأيي انه نحن كتير منحب نقلد الغرب بالأشياء الغلط...
شو ما خبصوا منقول اي هيك يعملوا ببلاد برا
بس ياريت نتعلم منهن الاشياء المنيحة ونقلدهن فيها قبل الاشياء الغلط

يعني قصة تبادل الازواج غريبة وعجيبة لأنه اذا في تبادل ازواج معناته ما اسمه زواج
لانه الزواج اتحاد الزوج مع الزوجة وليس مشاركة مع غير ازواج وزوجات
شو رأيكن؟

الرواس

19/04/2009, 18:47

والله انا بقول .. شو المانع

اذا مافي رادع .. ممكن يعملو يلي بدهم ياه

اذا الموضوع راس مالو 7 سنين سجن و بيرجع كل شي متل ما كان

شو المشكلة !!!

بتعرفو شو حكمهم بالشرع الإسلامي متل هدول .. الرجم حتى الموت ..

وبعدين ما تقلولي هي حرية شخصية .. هذا اسمو فساد للمجتمع ..

اليوم مسكو هالقضية .. بكرة شوفو كم قضية متل هالشكل رح يمسكو

ليش ؟؟

لأنها كلها 6 او 7 سنين بالكتير

انا برأي الحل .. هو الردع الصارم مع امثال هدول .. المهم انها ترهب هالحيوانات البشرية عن مثل هالأعمال المقرفة ..

برأي مافي حل آخر

تقبلو مروري اعزائي

وشكرا لكي اختي على فتح هالموضوع الشائك بالنسبة للبعض !!

suryoyo

19/04/2009, 20:29

الرواس

19/04/2009, 21:37

اي و عقوبة السارق قطع اليد ...

و عقوبة سارق الويندوز و الكتب و الاغاني و الموسيقى ... لازم ناخذ رأيك فيها !

بالله ما تخبرنا ما هي عقوبة الاجبار على الزواج ؟
اي لكن

قطع اليد

وانت ليش ما عاجبك !!

لايكون مانك مسلم ;)

وشو دخل الإجبار على الزواج بالموضوع ..

من أهم شروط الزواج الصحيح موافقة الطرفين .. و اذا ما حصل الموافقة فهاد بيكون زواج باطل .. اما شو عقوبتو فانا ماني مفتي .. فالأمر بتروح بتسأل فيه المشايخ ..

أخي اذا الترغيب و الحث على الزواج و تحليل الزواج من 4 اربعة ما وقف هالحيوانات .. لازم يكون في رادع يوقفهم

:hart::hart:

suryoyo

19/04/2009, 21:52

مو قصة مسلم او غير مسلم ...

بس القضة معناها لازم تقطع يد اغلب الشعب العربي ... بس ما شفن و لا واحد من اليمين طالب بهذا الشي ..

حتى يقطع يد سارق البنوك ... او من يسرق الاموال ليعطي للمتطرفين !

و طبعا كل شي داخل ببعضو ...

أخي اذا الترغيب و الحث على الزواج و تحليل الزواج من 4 اربعة ما وقف هالحيوانات .. لازم يكون في رادع يوقفهم

مجددا ما الك حق توصفهم بالحيوانات ...

لان بكل الاحوال السفاح او الانتحاري على سبيل المثال .... يبقى بشر !

الرواس

19/04/2009, 22:08

مو قصة مسلم او غير مسلم ...

بس القضة معناها لازم تقطع يد اغلب الشعب العربي ... بس ما شفن و لا واحد من اليمين طالب بهذا الشي ..

حتى يقطع يد سارق البنوك ... او من يسرق الاموال ليعطي للمتطرفين !

و طبعا كل شي داخل ببعضو ...

مجددا ما الك حق توصفهم بالحيوانات ...

لان بكل الاحوال السفاح او الانتحاري على سبيل المثال .... يبقى بشر !

اخي الاحكام موجودة .. ولما بتطبق .. تبآ وقتها بنشوف اذا الحرامي رح يبطل يسرق ولا لا .. وبعدين الأحكام هي ما بتطبق هيك قص و لصق .. في مية شغلة قبل ما يطبق القصاص .. و ممكن كتير يصير عفو .. الأمر يرجع للحاكم او القاضي ..

المهم انو يكون في قانون يردع هالناس - بلاها حيوانات -

يعني لما تقول للرجل المتزوج او المرأة المتزوجة انو حكم الزاني المتزوج هو الرجم حتى الموت .. اكيد بدو يعد للمية مليار قبل ما يقدم على هيك شي ..

طبعا الحكم بالنسبة للزاني الغير متزوج بيختلف ..

على كل حال .. نتمنى ان تشدد العقوبات على مثل هؤلاء ليكونو عبرة لغيرهم

ولا تواخزنا سيدنا اذا زعجتك

:D:D

أخوك

طوروس

19/04/2009, 22:50

الانسان هو الكائن الوحيد من الرئيسات الذي يمارس الجنس لغير قصد الانجاب

وهو الكائن الوحيد الذي يمارس الجنسي بوضعية التقابل والمواجهة

هل هي محض صدفة ام ان الجنس هو فعل روحي فلسفي كما انه فعل بيولوجي

المرأة تستلقي على ظهرها في وضع تفتح كل جسمها لحبيبها وتستقبله تضمه تغمره تحضنه

الرجل يقابلها يضع يديه حول كتفيها في وضع المحب الحامي المدافع المحيط تفاعل وتكامل لايحصل

الا في ذروة الحب

وفي النهاية يستلقي على صدرها يغرق فيها تغمره بحنانها

هل هناك طقوس اسمى من طقوس فعل اكتمال الحب

من العار ان يكون هذا نكاحا او جنسا جماعيا او الى اخر ماهناك مما يلصق به من اوصاف تدخل على خط البيع

والشراء والشهوات الدنيئة

انه فعل بين ادم وليلي

ان قداسة الجنس هي قداسة الحب وقداسة الجسد

:D:D:D:D

يسعد مساكي ياشام

طوروس

19/04/2009, 22:59

اخي الاحكام موجودة .. ولما بتطبق .. تبآ وقتها بنشوف اذا الحرامي رح يبطل يسرق ولا لا .. وبعدين الأحكام هي ما بتطبق هيك قص و لصق .. في مية شغلة قبل ما يطبق القصاص .. و ممكن كتير يصير عفو .. الأمر يرجع للحاكم او القاضي ..

المهم انو يكون في قانون يردع هالناس - بلاها حيوانات -

يعني لما تقول للرجل المتزوج او المرأة المتزوجة انو حكم الزاني المتزوج هو الرجم حتى الموت .. اكيد بدو يعد للمية مليار قبل ما يقدم على هيك شي ..

طبعا الحكم بالنسبة للزاني الغير متزوج بيختلف ..

على كل حال .. نتمنى ان تشدد العقوبات على مثل هؤلاء ليكونو عبرة لغيرهم

ولا تواخزنا سيدنا اذا زعجتك

:D:D

أخوك

سيدنا

سأل عمر بن الخطاب احد ولاته لو اتوك بسارق ماذا تفعل

فاجاب مثلك بلهفة المتدين اقطع يده ياخليفة رسول الله

فاجاب عمر ولو اتوني بجائع من ولايتك ساقطع يدك

قبل ان تقيم الحد اقم مجتمع عمر ياصديقي فما انت اعدل منه

ولي سؤال من هو المكلف بالرجم

اليس بشرا ومن البشر الخطائين

هل هو اشرف من الزاني والزانية وهل يمكن اثبات الزنى شرعا

سيدي طبق الحد كما ترغب ولكن تذكر الله فوقك وفوقي

:D:D:D:D

يسعد مساكي ياشام

nour333

19/04/2009, 23:11

اي و عقوبة السارق قطع اليد ...

و عقوبة سارق الويندوز و الكتب و الاغاني و الموسيقى ... لازم ناخذ رأيك فيها !

بالله ما تخبرنا ما هي عقوبة الاجبار على الزواج ؟
شوف انت كتير طلعت عن الموضوع انا رح جاوبك على سؤالك بس يا ريت ما نفتحو حتى ما نبعد عن الموضوع الرئيسي
قطع السارق في الاسلام الو كتير شروط ولريحك لو كان الرسول ص او عمر بن الخطاب عايشين بعصرنا لأوقفو حد السارق وحد الزاني لأنو اغلب الشروط مو متوافره طبعا هاد ما بيعطي تصريح لناس انو تسرق او تزني
مو بالهين واحد يقام عليه الحد بالاسلام
لازم المال يكون بلغ النصاب ويكون من حرزه والاهم انو الناس يكونو عايشين بالمدينه المثاليه ما حد فقير والكل بيدفع زكاة مالو ويكون الموسم خصب وكتير امور بتخلي فكرة السرقة مستحيلة إلا ازا كان الانسان مريض وقتها بينعرض على طبيب نفسي وبيتعالج !
ببقى فئة كتير قليلة هدفها من السرقه تسبب فساد بالمجتمع وتأزي المال اللي اجت الشريعة ونصت على حفظو لهيك العقوبة لازم تكون رادعه

اما الاجبار على الزواج بيحل العقد لأنو الزواج عقد رضائي قائم على رضى الزوجين بس يا ترى في بنت بتروح بتشكي على ابوها او اخوها يعني المرأة هيه اللي فرطت بحقها اللي اعطاه الشرع الها

suryoyo

19/04/2009, 23:38

شوف انت كتير طلعت عن الموضوع انا رح جاوبك على سؤالك بس يا ريت ما نفتحو حتى ما نبعد عن الموضوع الرئيسي
قطع السارق في الاسلام الو كتير شروط ولريحك لو كان الرسول ص او عمر بن الخطاب عايشين بعصرنا لأوقفو حد السارق وحد الزاني لأنو اغلب الشروط مو متوافره طبعا هاد ما بيعطي تصريح لناس انو تسرق او تزني
مو بالهين واحد يقام عليه الحد بالاسلام
لازم المال يكون بلغ النصاب ويكون من حرزه والاهم انو الناس يكونو عايشين بالمدينه المثاليه ما حد فقير والكل بيدفع زكاة مالو ويكون الموسم خصب وكتير امور بتخلي فكرة السرقة مستحيلة إلا ازا كان الانسان مريض وقتها بينعرض على طبيب نفسي وبيتعالج !
ببقى فئة كتير قليلة هدفها من السرقه تسبب فساد بالمجتمع وتأزي المال اللي اجت الشريعة ونصت على حفظو لهيك العقوبة لازم تكون رادعه

اما الاجبار على الزواج بيحل العقد لأنو الزواج عقد رضائي قائم على رضى الزوجين بس يا ترى في بنت بتروح بتشكي على ابوها او اخوها يعني المرأة هيه اللي فرطت بحقها اللي اعطاه الشرع الها

اول شي انا من حكيت ... تكلمت على نظرة المجتمع اولا

نظرة المجتمع اللي تتقبل سارق قوت الشعب ...و اللي يغش بالميزان ... و اللي يقتل بالثأر (غير جرائم الشرف) و حتى نظرة المجتمع للي يبيع الخرفان بالمناطق السكنية (على باب الله يشتغل) و غيرها كثير من الامثلة المخزية !

و هذا الشي ايدل على اشياء كثيرة جدا و اهمها انو التقاليد الموجودة على اساس الناس تخاف الله و ملتزمة ... هي من باب المصلحة الذاتية او من باب التقاليد لا من باب التدين و ما شابه ذلك .. هي اولا

ثانيا ... بما انه الحد رح يوقف لعدم توافق الشروط ... بالنسبة للسرقة

لازم تبطّل نغمة اقامة الحد على بقية الامور مثل الجنس ... لان الشغلة ايضا مو هينة ... و اذا تتدخلي بنص المجتمعات رح تسمعي قصص بين المتزوجين ما تتصدق ... بس من جوا لجوا ... لان قدام العالم هم قمة الشرف و الامانة و مع قتل البنت لغسل الشرف

هذا السؤال اللي محيرني ... ليش الناس تتقبل السارق و القاتل و حتى الذي يفخخ السيارات ( على انه قد يكون مخدوعا) و لكنها تتقزز من غير امور

اما نحاول العيش في المدينة الفاضلة او ....................... نبطل كثير احسن :D

لازم المال يكون بلغ النصاب ويكون من حرزه والاهم انو الناس يكونو عايشين بالمدينه المثاليه ما حد فقيراللي اعرفو ... انو السرقة هي سرقة و القتل هو قتل

معناها .. اذا تطبق الحكم (قطع اليد) حسب وجهة نظرك ... ما رح يتطبق اي حكم آخر مثل السجن ...

سرقة الكتاب هي سرقة ... سرقة الملكية الفكرية هي سرقة ....

الغش بالموازين هي سرقة .. الخ

الى متى رح نظل نربط اللامنطق بالدين

nour333

19/04/2009, 23:50

هذا السؤال اللي محيرني ... ليش الناس تتقبل السارق و القاتل و حتى الذي يفخخ السيارات ( على انه قد يكون مخدوعا) و لكنها تتقزز من غير امور

اما نحاول العيش في المدينة الفاضلة او ....................... نبطل كثير احسن :D

اللي اعرفو ... انو السرقة هي سرقة و القتل هو قتل

معناها .. اذا تطبق الحكم (قطع اليد) حسب وجهة نظرك ... ما رح يتطبق اي حكم آخر مثل السجن ...

سرقة الكتاب هي سرقة ... سرقة الملكية الفكرية هي سرقة ....

الغش بالموازين هي سرقة .. الخ

الى متى رح نظل نربط اللامنطق بالدين
شوف يا عزيزي الموضوع بتلخص
لما سيدنا موسى كليم الله فارق الخضر قلو اوصني
فقلو (كن بساما ولا تكن ضحاكا دع اللجاجة ولا تمش في غير حاجة لاتعب على الخطائيين خطاياهم وابك على خطيئتك يابن عمران)
عارف لو كل واحد ترك اخطاء الناس وبكى على خطيئتو لكنا في وضع نحسد عليه
هلا رح تقول اني ناقضت حالي لأ لازم نجرم السرقة والقتل وكل الخطايا اللي بتحط من قدر الانسان بالمطلق
بس احنا بنجرم الاشخاص اللي بيوقعو بهالشي وبننظر بأحتقار الهم وممكن نكون سبب عودتهم لهاي الافعال :D

Abu ToNi

20/04/2009, 00:08

هلا الجنس داخل اطار الزواج صفي اسمو دعارة :oمعناتو كل الناس سواسي بنظرك كلون دعارة لانو الاغلب بمجتمعاتنا الزواج التقليدي يعني ما بيكون في حب من اساسو والحب يمكن يجي بعد العشرة ، كلامك صحيح بس ازا ما كنت بعشق زوجي وعم نمارس الجنس يعني انا وياه عم نعمل دعارة ؟؟:shock:هي ما اتفقنا عليها
لا لا من اولها ما تحمليني حكي انا مش قايله
انا قلت الزواج " التقليدي " شكل من اشكال الدعارة المقبولة اجتماعيا
طالما متل ما انتي قلتي بالاول مافي اي مشاعر حب بناتن .. معناها في جسدين عما يتواصلوا بشكل كامل حنسيا .. شو ممكن تسمي هلفعل ؟ بالنسية الي هي هية الدعارة .. ممارسة الحب خارج اطار الحب .. اذا عندك تعريف واضح للدعارة مغاير لمفهومي بتمنى تشاركينا فيه .:D

ليكو انتو لتنين الواحد وقت يبني بيت رح يبلش بالاساسات وبعدين ببني بيت سواء غرفتين او عشرة لبن او حجر الخ اول شي بدو اساس لهاد البيت والزواج هو تسمى عقد نكاح لأنو اساسو العلاقة الجنسية يعني لو اتوفر كل ظروف نجاح البيت من اسباب مادية ومعنوية بس ما في هيك علاقة حياة زوجية فاشلة وازا استمرو بكون لسببن اما ما عندن طلاق بدينن او مشان لولاد

لاه .. ليش مطولة بالك ؟ قومي اعمليلنا كفين كفين علماشي :?

الزواج هوي قرار بيتخذوه شخصين بعد ما يتأكدوا بان الشخص المقابل الي هوي الشخص اللي بدي كمل معه حياتي .. هوي الشخص اللي بحبه من كل قلبي ومستعد اني اشتغل 12 ساعة باليوم حتى أمنله لقمة الأكل .. هوي الشخص اللي مستعدة فيك من وج الصبح لأهتم فيه وحط ايدي بإيده لتعمير البيت ..

انجاب الاولاد هوي مش نتيجة علاقة جنسية .. يمكن فيزيولوجيا مغلوط هلكلام كون الجماع هوي سبب الانجاب .. لكن بالواقع يفترض الانجاب يكون نتيجة تطور الحب لمرحلة بقرر فيها الشريكين بأن يجتمعوا ليصيروا جسد واحد ..

اسقاط كل المشاعر والمعاني الانسانية الخالدة اللي كانت موضوع الهام لكافة الفنانين عبر العصور واختصارا بمجموعة التزامات وعقود نكاح .. فعلا وضع العقل العربي جدا مؤسف :pos:

بعدين ناي وابو طوني (اللي بيخجل من كلمة نكاح والله اني انبسطت انو في بقاموس اللغة العربية كلمة بتخجل ابو طوني) ليه لو واحد نحات او رسام راسم امرأة او رجل بشكل عاري بتصفقولو وبتعتبرو فن وابداع وازا تكلمنا بتقولو انتو شو بفهمكون بالفن!
بالعادة بحاول التزم بالحوار قدر الامكان وبعد عن الحوارات الجانبية .. بس الغمز واللمز عن الفن العاري بالنسبة الي خط احمر ومافيني اتجاهله
الفن العاري مبني على تقديس الجسد بعكس عقد النكاح اللي بحول الجسد لآلة تمارس الجنس فقط لا غير .
الفنانين قدروا بطريفة التصوير والنحت العاري يحولوا الجسد المألوف بالنسبة النا كلنا لمفاهيم ما كان حدا بالعالم متوقع ان اجسادنا تقدر تأديها .. كتصوير الطبيعة بامرأة .. الريح برجل غاضب .. الأمل بطفل صغير .. حتى وصلوا لمرحلة تصوير للروح العائمة على وجه المياه .. الروح الخيرة والحكيمة او ما يعرف بالنظريات الدينية بالله ..
الانحناءات والظلال للتفاصيل وتعرجات الاجساد العارية بتحمل معاني فلسفية بتفتح آفاق بتفكير الشخص المتلقي ..
عفوا منك بس وقت بدي شوف انجازات ارباب فن الرسم والنحت متل مايكل آنجلوا .. ليوناردوا دافنشي .. بابلو بيكاسو .. وشوف اقوالن اقوال النقاد بما يتعلق بالفن العاري .. اكيد مافيني اعطي لرأيك ايا اهمية .

نفس النظرة مو موجودة عندكم مع انو الاديان وقت ركزت انو الله لاينظر الى صوركم ولكن الى قلوبكم إشارة ضمنية لتركيز على جمال الروح وفناء جمال الجسد كي يتمكن اي رجل او امرأة قبيحين من انن ينحبو او يكون الهم الحق ببناء اسرة ولو غاب عامل الجمال اللي برتكز عليه الجنس وكتير في احاديث عن الرفق بتعامل مع المرأة في العلاقة الخاصة ومداعبتها كلاميا وغيرو قبل الجماع
شو المطلوب ايصاله من كل الحكي هاد ؟ لان قريت الفقرة هي مرة ومرتين وتلاتة وما فهمت شو حابة تقوليلي بما يتعلق بالموضوع .

هلا نيجي للحب انتو انفسكم بتربطوه بالعلاقة الخاصة مع انو اكبر قصص الحب بتاريخ كانت عذرية وكان حبن كتير صادق وبجوز ناس ينجحو كحبيبين ويفشلو كزوجين لأنو الزواج مؤسسة كتير معقده ولو الحب وقودا لوحدو كان ما مشيت بعد شهر العسل
بلتقي كل يوم الصبح وانا طالع على جامعتي برجال ختيار ومرته .. بشوفن نازلين يعملوا رياضة ويشموا هوا نضيف .. بيكفيني منظر ايديهن المتشابكة ببعضا حتى اتاكد بان الحب لا يفنى ويحدد استمرارية الحياة ..

ابو طوني على ما بتصور انت هلا بالجامعه وهاي المرحلة الذهبية للعلاقات العاطفية ليك يمكن لازم ننطر 10 سنين والزمن رح يغيرلك رأيك الحياة اكبر من كرسي خشب قعدت علية انت والحبيبة تحت شجن الجامعة بجوز بيوم من الايام هالحبيبة تتخلى عنك وقت تلاقي شب اكبر منك بخمس سنين ومعو الجنسية وعندو بيت وسيارة صدقني هيك اغلب الحبيبة كانت قصصهم
يارب امنحنا الطهر وجود علينا بالحب
بتصور ما من حقك التدخل بخصوصيات حياتي .. فما بعتقد نفسي معني بالرد على تصوراتك ونظرايتك المبنية على واقعك وحياتك ..

فسحة أمل

20/04/2009, 00:12

بتعرفو شو حكمهم بالشرع الإسلامي متل هدول .. الرجم حتى الموت ..
ليك بحياة عمرنا مارح نوصل لمحل مدام مسيطرة علينا فكرة الغاء الاخر , أو الغاء واقصاء كل ما يخالفنا الرئي أو الاعتقاد , وهي من أكبر مشاكل العقل العربي .

انا برأي الحل .. هو الردع الصارم مع امثال هدول .. المهم انها ترهب هالحيوانات البشرية عن مثل هالأعمال المقرفة ..
مع اني ما ممكن اتخيل حالي عم مارس هالنوع من الممارسات( غيري يسطفل هوي حر ما الي سلطة عليه ولا خصني أصلاً مدام هوي مقتنع بتصرفو وما عم يئزيني وما عم يئزي حدى ) , بس بذات الوقت ما فيي اتقبل أنو شخص بفترض أنو بيملك الحد الادنى من الثقافة واحترام الذات انو يوصف انسان أخر بهل الاوصاف لمجرد أنو بخالفو الفكر

برأي مافي حل آخر ... في حل هوي أنو كل واحد يخلي بالو من حالو بس وما يحشر حالو بخصوصيات الناس وميولها

وشكرا لكي اختي على فتح هالموضوع الشائك بالنسبة للبعض !!
في مقولة للدكتور نبيل فياض بحبها كتير :
/ كلما ازدادت الفكرة هشاشةً , إزداد ( إرهاب ) أصحابها في الدفاع عنها /

Nay

20/04/2009, 00:54

ليكو انتو لتنين
حلوة هي.. عجبتني.. غاية في الرقي متل العادة

بعدين ناي وابو طوني (اللي بيخجل من كلمة نكاح والله اني انبسطت انو في بقاموس اللغة العربية كلمة بتخجل ابو طوني)
انا ما بخجل من كلمة نكاح لاني ما بستعملها واذا استعملتها بيكون لأحكي عن شي ما بيمسني كشخص..

هلا نيجي للحب انتو انفسكم بتربطوه بالعلاقة الخاصة مع انو اكبر قصص الحب بتاريخ كانت عذرية وكان حبن كتير صادق وبجوز ناس ينجحو كحبيبين ويفشلو كزوجين لأنو الزواج مؤسسة كتير معقده ولو الحب وقودا لوحدو كان ما مشيت بعد شهر العسل
ابو طوني على ما بتصور انت هلا بالجامعه وهاي المرحلة الذهبية للعلاقات العاطفية ليك يمكن لازم ننطر 10 سنين والزمن رح يغيرلك رأيك الحياة اكبر من كرسي خشب قعدت علية انت والحبيبة تحت شجن الجامعة بجوز بيوم من الايام هالحبيبة تتخلى عنك وقت تلاقي شب اكبر منك بخمس سنين ومعو الجنسية وعندو بيت وسيارة صدقني هيك اغلب الحبيبة كانت قصصهم
يارب امنحنا الطهر وجود علينا بالحب
بيجوز عم تحكي عن جوك اللي حواليكي.. انا الناس اللي بعرفون مو هيك وهدول الختايرة اللي حكى عنون ابو طوني يمكن ابي وامي اللي حبو بعض وبيحبو بعض لحد هلأ وبدون سيارة وجنسية ياستي...

zen

20/04/2009, 00:59

Nay

20/04/2009, 01:06

لك خيتو شو بدك بالحكي....الاسلام هو التخلّف بعينو....
ازا محمد حكى شي عشر تالاف حديث ما مناخد فيو ....بس ازا سعد الله ونوس "مخط" شي كلمة يوم من الايام ب"ندحش" كلمتو بكل محل و منعملا نبراس و لمبة و مصباح يضوّي طريقنا المعتم.....
كمان غاية في الرقي والتحضر طريقتك بالنقاش..

وانتي عمتحكي صح بتعريف "النكاح" بالاسلام...بس نسيتي...أو تناسيتي....انو في كم مية حديث و أكتر من نص قرأني بيحدد أطر و قواعد و نظام التعامل بين الزوجين....
المشكلة فينا انو ما منحب نحمل مسؤولية...ولازم نلاقيلنا شي شمّاعة "نعلق" عليها أخطائنا ...ومافي أسهل من نشلف على الاسلام كل "وساختنا" و نلزقها فيه....
:D

اي في مليون حديث بيحدد اطر التعامل بين الزوجين.. بس بيتم التعامل مع العلاقة الزوجية بنفس الاتجاه تبع التعريف المذكور وتحت راية النكاح..
هلق بلا ما نجيب امثلة لانو الشباب بيقولو عم تحكو بالدين وبتنزعج الادارة:x:x:x

zen

20/04/2009, 01:09

هلا نيجي للحب انتو انفسكم بتربطوه بالعلاقة الخاصة مع انو اكبر قصص الحب بتاريخ كانت عذرية وكان حبن كتير صادق وبجوز ناس ينجحو كحبيبين ويفشلو كزوجين لأنو الزواج مؤسسة كتير معقده ولو الحب وقودا لوحدو كان ما مشيت بعد شهر العسل
ابو طوني على ما بتصور انت هلا بالجامعه وهاي المرحلة الذهبية للعلاقات العاطفية ليك يمكن لازم ننطر 10 سنين والزمن رح يغيرلك رأيك الحياة اكبر من كرسي خشب قعدت علية انت والحبيبة تحت شجن الجامعة بجوز بيوم من الايام هالحبيبة تتخلى عنك وقت تلاقي شب اكبر منك بخمس سنين ومعو الجنسية وعندو بيت وسيارة صدقني هيك اغلب الحبيبة كانت قصصهم
يارب امنحنا الطهر وجود علينا بالحب

مممممممم
انو هلء انتي مصدقة شي اسمو حب عذري
انو لابد للحب انو يكون مرتبط بالغريزة وهاد الشي الطبيعي والشي الأجمل بكل هالحياة
بس نحنا عنا عقدة الاديان اللي خلت الجنس بحياتني شي وضيع ورديء مع انو من أجمل الامور اللي انوجد مع الانسان هلق صار الطاهر هوي اللي ما عمل سكس بحياتو واللي عملها يا حسرتي عليه ماعادو بتول
:frown:

بنوتة حلب

20/04/2009, 01:49

اوف اوف شو هاد
العمى علة هلسمعه
اصلا العلاقة الجنسيه هيه تبادال الحب والتعبير عن الحب بين اتنين ( ماقالو بين 10 )
بعدين وين شرفة واخلاق هالرجال
العمى اذا رجال سمع او شاف انو مرته لطشوها شباب بيجن جنونه
بقا كيف ازا كان واحد معو بلغرفة عم بيمارس الجنس معا ولا هيه كيف بتقبل انو جوزا يكون مع غيرا وقداما :?
يووووووووووولي شو هاد

عنجد شي مقزز
بس هو المجتمع لا يخلو من الشواذ والمنحرفين
واللي بيحبو يقلدو الغربيين حتى بهيك شغلات
بس الغربيين ماعندن شرف لانو الي معون مو زوجاتن وانما صاحباتن
فا مارح يهمن هلقد متل اازا كانت زوجة عربية
مابعرف حاج حكي مابدي خبص اكتر
ههههههه شي بيرفع الضغط
شكرا علموضوع

ِAbu Alzooz

20/04/2009, 02:09

اي لكن

قطع اليد

وانت ليش ما عاجبك !!

لايكون مانك مسلم ;)

وشو دخل الإجبار على الزواج بالموضوع ..

من أهم شروط الزواج الصحيح موافقة الطرفين .. و اذا ما حصل الموافقة فهاد بيكون زواج باطل .. اما شو عقوبتو فانا ماني مفتي .. فالأمر بتروح بتسأل فيه المشايخ ..

أخي اذا الترغيب و الحث على الزواج و تحليل الزواج من 4 اربعة ما وقف هالحيوانات .. لازم يكون في رادع يوقفهم

:hart::hart:
سيادة المفتي سؤال تقني

اذا واحد تجوز تنين و حب يجمع بينون بالفراش هادا شو عقابو ؟
و هل يعتبر جنس جماعي مع انو التنين حلالو ؟

:larg:

ِAbu Alzooz

20/04/2009, 02:36

والزواج "بالتعريف الاداري" يعني عند الدولة هو علاقة شراكة بين رجل و امرأة ....شركة بشو...؟؟
شركة بالسرير....لانو الشراكة على السرير هي بداية انشاء الاسرة....
هون انا عمبحكي "التعريف الاداري" للزواج....
وبالنهاية ما بيهمني شو "التعريف" ...

اول شي بالزواج في الأحكام الدينية يلي بتتطبق و مافي قانون وضعي بيطبق و كل طائفة بيطبق عليها حكم الطائفة تبعها ( المسلمين تابعين للمحاكم الشرعية , المسيحين للمحاكم الروحية و ....)
يعني تعريف قانوني او ادراي على علمي غير موجود و اذا انت بتعرف انو القانون هيك بيعرف الزواج انو هو علاقة شراكة ممكن بس المصدر .

اللي بيهمني انو الاسلام حدد و نظّم هالعلاقة بالاطار الصحيح وأعطا لكل طرف حقوقو و عرّفو بواجباتو...."من وجهة نظري"

حلو انا ما بقلك لا بس بتعرف شو الحقوق و الواجبات يلي مفروضة على الرجل و على المرأة بالزواج
هني مقسمين ل 3 أقسام حقوق مشتركة و حقوق للزوج و حقوق للزوجة

1- الحقوق المشتركة هني :
حق الاستمتاع
حسن المعاشرة
حرمة المصاهرة
الميراث
النسب
2- حقوق الزوجة :
المهر
النفقة
حسن معاملة الزوج لزوجته
حماية الزوجة و وقايتها من معصية الله
الغيرة على الزوجة
3- حقوق الزوج :
حق الطاعة
القرار في بيت الزوجية
رعاية الأطفال و شؤون البيت
الاغتسال من الحيض الجنابة
حق القوامة و النصح و التوجيه و الارشاد
السفر بالزوجة
المحافظة على عرضه و ماله
الحرص على كرامة الزوج و شعوره
بر أهل الزوج

هلق الحقوق يلي انا ملونون بالأحمر هني دليل و اثبات على انو الزوج اقوى من الزوجة بالشراكة الزوجية
و هادا ما حكينا عن الطلاق بس يمكن بتحب تعيد تفكيرك بالجملة يلي فوق
:D

ِAbu Alzooz

20/04/2009, 02:39

في مقولة للدكتور نبيل فياض بحبها كتير :
/ كلما ازدادت الفكرة هشاشةً , إزداد ( إرهاب ) أصحابها في الدفاع عنها /
ارفع القبعة :D

ِAbu Alzooz

20/04/2009, 02:50

اذا الموضوع راس مالو 7 سنين سجن و بيرجع كل شي متل ما كان

شو المشكلة !!!

معليش يلي ما بيفهم بالقانون لا يحكي فيه لو سمحت
اول شي مالنا واقفين على بسطة عوجة لحتى تقول راس مالها 7 سنين
تاني شي مين خبرك انو حكمون 7 سنين أي نص مادة قانونية
تالت شي : سبع سنين على حسب قولتك بالحبس
بأسوء الظروف المعيشية هادا مو شي
يعني 7 سنين بيروح من العمر هيك هاادا مو رادع
ما بعرف كيف تفكيرك و شو مقياس الرادع يعني اذا ما كان الرادع في دم ما بيكون رادع

بتعرفو شو حكمهم بالشرع الإسلامي متل هدول .. الرجم حتى الموت ..

اي و على فكرة بيطبقوا الحد بسعودية و اذا كتير بتحب هالشي بامكانك تعيش هنيك

وبعدين ما تقلولي هي حرية شخصية .. هذا اسمو فساد للمجتمع ..

انا حكيت فوق انو نحن مجتمعنا طفل بريء و عما ينفسد موت اكتر 1500 انسان بغزة مو فساد
61 سنة و فلسطين محتلة مو فساد و .............

انا برأي الحل .. هو الردع الصارم مع امثال هدول .. المهم انها ترهب هالحيوانات البشرية عن مثل هالأعمال المقرفة ..

برأي مافي حل آخر

مبادئي تجبرني اني اقبلو و برجع بشكر الرب انو بسوريا في قانون عقوبات وضعي

ابو نجبو

20/04/2009, 06:05

كمان غاية في الرقي والتحضر طريقتك بالنقاش..

يالله...عمبحاول أرتفع و اوصل لسمو تفكيرك و "تحضرك" و رقيّك بانتقاء الكلمات....

اي في مليون حديث بيحدد اطر التعامل بين الزوجين.. بس بيتم التعامل مع العلاقة الزوجية بنفس الاتجاه تبع التعريف المذكور وتحت راية النكاح..
هلق بلا ما نجيب امثلة لانو الشباب بيقولو عم تحكو بالدين وبتنزعج الادارة:x:x:x
عندك أمثلة....!!!:lol:
طيب برجع بقللك...الحمد لله انو ببلدنا عندنا هامش حريّة ....فيكي تعملي اللي بدك ...

nour333

20/04/2009, 11:42

يا عزيزتي نور بردك هاد بتلغي مقولة انو الاسلام صالح لكل زمان ومكان
بما انو أحكاموا ما منقدر نطبقها بكل الأماكن والامكنة
انا ع قناعتي باستحالة تحقيق الشروط لوضع الحد
بس بكلامك في استغباء للذات الالهية وكأنو ما راح يعرف انو راح نتطور ويصير الزمان بهالشكل
:?
لا ابدا انت ما فهمت قصدي انا قصدت انو الحدود مو شي يطبق على الهامش ولازم يكون الها شروط واحنا قبل ما نطبق الحدود لازم نطبق مفهوم المجتمع الاسلامي المتكافل يعني من غير المنطقي انو نقطع ايد السارق واحنا ما بنلزم الغني يدفع زكاة مالو غير الوضع الاقتصادي المتردي
يعني ازا الواحد عندو التهاب شديد وحرارتو عالية لو ضلينا نعطيه خافض حرارة بنحل المشكلة ؟
عمر بن الخطاب وقف حد السرقة ايام المجاعه معناتو انو وقتها الاسلام ما كان صالح او الله ما بيعرف يحط احكام صالحه لهاي الظروف؟
بعدين الفضل سبق العدل يا زين
انا بس بدي وضح قصدي مو اكتر ومو هدفي اقنع حد بتعاليم الاسلام وشو ما قال الاسلام رح ما يعجب كتير ناس لأنو هن ما بدن يتقبلو شي وهاد حقهم كل واحد حر
يعني لو قال الاسلام وبالوالدين احسانا رح يقولولك شو هالحكي هن الوالدين شحاتين لنحسنلهم ولو قال آت ذا القربى حقه رح يقولو ما حد الو حق عنا لنعطيه اياه ليش تفرض علي ناس لأنن بقربولي لا تمش في الارض مرحا انك لن تخرق الارض ولن تبلغ الجبال طولا ليك شو بقلولنا بدن ايانا ما نعتز بأنفسنا وما نفتخر بحالنا ولالي لالي لالي

suryoyo

20/04/2009, 11:55

شوف يا عزيزي الموضوع بتلخص
لما سيدنا موسى كليم الله فارق الخضر قلو اوصني
فقلو (كن بساما ولا تكن ضحاكا دع اللجاجة ولا تمش في غير حاجة لاتعب على الخطائيين خطاياهم وابك على خطيئتك يابن عمران)
عارف لو كل واحد ترك اخطاء الناس وبكى على خطيئتو لكنا في وضع نحسد عليه
هلا رح تقول اني ناقضت حالي لأ لازم نجرم السرقة والقتل وكل الخطايا اللي بتحط من قدر الانسان بالمطلق
بس احنا بنجرم الاشخاص اللي بيوقعو بهالشي وبننظر بأحتقار الهم وممكن نكون سبب عودتهم لهاي الافعال :D

اي ذكرتيني بقول السيد المسيح ...

بس خلينا نرجع للموضوع الاساسي ... و نشوف شلون الناس كانت تنظر لاي شي حرام في معتقدها و يتعارض مع مصالحها ... مقابل نفس نظرة المجتمع للحرام او الى اللامنطق بس يتماشى مع مصلحتها ... اكيد في الف تبرير و تبرير

اذا الناس عاشت بحالها و ما راقبت الجيران ... اكيد رح يتعمر المجتمع ...

اكيد رح يتعمر المجتمع من كل واحد يصوم لحالو وما يقعد يراقب الاخرين ... و يوصفهم بوصوفات رائعة !

كثير جميل الكلام النظري اللي قلتيه .. بس يا ريت يتطبق عمليا من اللي مؤمنين فيه

بالمناسبة اغلب التيارات الدينية تدعو العودة الى المجتمع السابق .. بس هل فعلا كان المجتمع المثالي؟

nour333

20/04/2009, 12:06

بالعادة بحاول التزم بالحوار قدر الامكان وبعد عن الحوارات الجانبية .. بس الغمز واللمز عن الفن العاري بالنسبة الي خط احمر ومافيني اتجاهله
الفن العاري مبني على تقديس الجسد بعكس عقد النكاح اللي بحول الجسد لآلة تمارس الجنس فقط لا غير .
الفنانين قدروا بطريفة التصوير والنحت العاري يحولوا الجسد المألوف بالنسبة النا كلنا لمفاهيم ما كان حدا بالعالم متوقع ان اجسادنا تقدر تأديها .. كتصوير الطبيعة بامرأة .. الريح برجل غاضب .. الأمل بطفل صغير .. حتى وصلوا لمرحلة تصوير للروح العائمة على وجه المياه .. الروح الخيرة والحكيمة او ما يعرف بالنظريات الدينية بالله ..
الانحناءات والظلال للتفاصيل وتعرجات الاجساد العارية بتحمل معاني فلسفية بتفتح آفاق بتفكير الشخص المتلقي ..
عفوا منك بس وقت بدي شوف انجازات ارباب فن الرسم والنحت متل مايكل آنجلوا .. ليوناردوا دافنشي .. بابلو بيكاسو .. وشوف اقوالن اقوال النقاد بما يتعلق بالفن العاري .. اكيد مافيني اعطي لرأيك ايا اهمية .

.

بلتقي كل يوم الصبح وانا طالع على جامعتي برجال ختيار ومرته .. بشوفن نازلين يعملوا رياضة ويشموا هوا نضيف .. بيكفيني منظر ايديهن المتشابكة ببعضا حتى اتاكد بان الحب لا يفنى ويحدد استمرارية الحياة ..

بتصور ما من حقك التدخل بخصوصيات حياتي .. فما بعتقد نفسي معني بالرد على تصوراتك ونظرايتك المبنية على واقعك وحياتك ..

خلينا نحكي عن الفن اول شي فكرك لما يحطو ناس عريانين رح يركزو الناس بالمعاني السامية والرموز والله الصورة بدماغهم لو تحمضت رح تطلع نفس التخيل للكل

يا ريت تسلملي على هالرجال ومرتو وتسألهم كم قعدو يحبو ببعض بجوز تطلع هالختيارة شايفيتو قبل العرس بيومين بس نيتهم منيحه والله اعطاهم ع قدها

خيو انت وخصوصياتك ما بتهمني وليكك بتطلب شي وبتقول شي تاني مبني على واقعك وحياتك ع اساس انو واحد اضحك علي وكل ما بشوف حالة حب بتصيبني رعشه وبيعملولي جلسة كهربا هلا انا المشاعر ملغية عندي يعني بوقف قدام ميت وما برمش لك يوم غزة ضليت اقرص بحالي اني ابكي ما قدرت فما بالك احب ( الجين المسؤول عن الحب مو موجود بمادتي الوراثية) بس شفت بنات وشباب وبحكي عن تجاربهم لهيك الحب مو كل شي واحلى حب هو اللي بيجي بالعشرة يعني بعد ما يصيرو ابو محمد وام محمد

ظل جيفارا

20/04/2009, 12:27

أول شي بدي إسأل حالي شو الهدف من الموضوع ....
قبل ما أتطرق للناحية التاريخية وأصلا الموضوع شائك من ناحية طرحه بشكل منطقي وعلمي لإنو ما في حيثيات كتير حوالي الموضوع
بس بدي إسأل إذا كان مجموعة من الأشخاص متفقة بين بعضا على شي ما رح يإذي المجتمع ...ليش لحنا بدنا نقلهن لأ ...
يعني مجموعة الأزواج إذا كانوا بنسبة 100% متفقين على إنو الجنس الجماعي حالة حابين يجربوا ...ليش المجتمع يوقف ضدهن
بيقول فولتيير وانا معه كتير " يمكن يكون رأيي غير رأيك بس رح موت مشان خليك تعبر عن رأيك"
لأيمت رح نضل نقول عن اللي ما بيعجبنا إنو مريض ومشوه وممسوخ قردة وخنازير ...
يا جماعة الموضوع أبسط من هيك ...
أما من ناحية تاريخية ما حدا بيقدر ينكر إنو الجنس الجماعي كان مرحلة " وطويلة جدا" من مراحل تطور البشرية وهو كان المرحلة الاولى
بس مع ذلك ما لازم ننسى إنو تطور الزمن وعلاقات ونمط الإنتاج بيغير من واقع الحياة وإنو التشكيلة الإجتماعية اللي إنقرضت ما بتقدر ترجع
الجنس الجماعي كان جزء من تشكيلة إجتماعية إنتهت بإنتهاءا ...وخلص
تحياتي الحارة
ظل جيفارا