ما بعرف ,,يمكن الأمور متداخلي مع بعضا عندي بالكام يوم ..بس ما عابتنبلع معي ...يعني ليش العار ارتبط بمهنة معينة او بوضع عقلي معين و صاروا هدون الناشطين بمجال الدعارة او اصحاب القدرات العقلية المختلفة (و ليس المتخلفة) يُعتبروا اقل من البشر ...في فئات اخرى ارتبطت كمان بما يسمى وصمة العار ..منتكلم لاحقا عنها حسب تقدم الموضوع ...


يعني الواحد منا بيبقى طول اليوم عابيكذب و ينافق بشغلوا مشان يكسب كام ليرة زيادة ,,,هادا اسمو حلال عالشاطر . بس لأنو احد الفتيات اضطرت للعمل بمجال يجبرها على استخدام جسدها كوسيلة لكسب المال فصارت تُعتبر كأبليس ..هدا برأيي غلط هالبنت بشر متلها متلنا كلنا بالضبط ..يعني اذا الفقر او الأستغلال خلاها تسير بهالطريق فما يعني انو هي انسانة مو كويسة ,,,و
هلشي كمان بينطبق في حال هي اختارت المهنة بملئ ارادتها ...صار هادا اسمو حرية شخصية ,,,بس يلي زاد الصورة قتامة هي اعتبار هيك مهنة غير شرعية الشي يلي خلا الناشطين فيها يلجؤا لأساليب ملتوية ارتبط بعض منها بالمخدرات او غيرها من الأمور المنحرفة .

كذبة كبيرة لما منفكر انو كل واحد فينا ما نصاب بشي مشكلة عقلية خلال فترة من حياتو
كذبة كبيرة انو كل واحد فينا ما عندوا على الأقل شخص واحد بعائلتوا مصاب بمرض عقلي
كذبة كبيرة انو الشخص المصاب بمرض عقلي امكاناتو العقلية اقل من العادي !
كذبة كبيرة انو مو قابل للشفاء !!
ليش منعتبرها وصمة عار و العيلة بتحاول تخبي ابنها المريض عقليا !!

هلئ هدون كانوا مثالين صغار عن شي اسمو و صمة العار ..

سؤالي : شو الشي الحقيقي يلي بتعتبروا وصمة عار و شو الشي يلي ما بتعتبروا وصمة عار و هو يُعتبر كذلك ؟؟

في كتير امور بالحقيقة ,,,خلونا نسمع

وصمة العار هيي بعض الأشيا الخارجة عن المألوف المحيطي والغير مقبولة أو متفق عليها إجتماعياً ،
لهيك منلاقي هالشغلة نسبية وبتختلف من مجتمع لأخر وبسلّم درجات مختلف .. مثل المثليين جنسيا منلاقي درجات مختلفة في تقبلهن من مجتمع لتاني حسب انفتاح وتحضر هالمجتمع واحترامو للحرية الشخصية للفرد كفرد وليس كجزء من كتلة !

بس بالنسبة للدعارة ، عنا مثلاً معترف فيها كمهنة رسمية ولممارسيها كافة الحقوق ،
بس يعني حتى لو تفهمت الظروف لي خلت أي مرأة تلجأ لهيك مهنة .. هالشي ما بيغيّر انو هي تجارة أجساد لا فيي احترمها ولا فيي اتقبلها ،
من منطلق إنساني أرفض بيع وشراء الجسد بكافة أنواعو .. ومتل ما المجتمع المتمدن بيرفض تجارة العبيد لازم يرفض كمان تجارة الرقيق الأبيض ..

الحرية الجنسية حق لكل فرد وأي امرأة فيها تمارس الجنس مع أي حدا بتختارو ، بس لما بيصير الجنس مهنة والجسد سلعة رح يعتدى على حق الاختيار ورح تصفي هالشغلة تجارة جسدية بحتة ..

...


بس لأنو احد الفتيات اضطرت للعمل بمجال يجبرها على استخدام جسدها كوسيلة لكسب المال فصارت تُعتبر كأبليس ..هدا برأيي غلط هالبنت بشر متلها متلنا كلنا بالضبط ..يعني اذا الفقر او الأستغلال خلاها تسير بهالطريق فما يعني انو هي انسانة مو كويسة ,,,و


لأنو الجنس بيحتاج مشاعر ولازم يحضر فيو الاحساس حتى ينجح فتخيل انو واحد فايت و واحد طالع وبتستخدم مشاعرها معن يعني بحس هالشي ماحد بقدر يتقبلو حتى هاي الانسانه اللي بتشتغل بهيك مجال لازم تكون مدمنة على مخدرات او كحول واقل شي سجاير لتقدر تكفي وهي اكتر وحده مو قادرة تتقبل نفسها فكيف المجتمع بدو يتقبلها
،
الحرية الجنسية حق لكل فرد وأي امرأة فيها تمارس الجنس مع أي حدا بتختارو ، بس لما بيصير الجنس مهنة والجسد سلعة رح يعتدى على حق الاختيار ورح تصفي هالشغلة تجارة جسدية بحتة ..
هيك ببساطه يا مروش الامور والجنس يعني بستغرب هلا عقد الزواج مو بس اهميتو بشرعيتو اهميتو بالالتزام والجنس ازا ما فيو التزام ما الو قيمة بنصير متل الغابه

على فكرة ..كل المجتمعات تقريبا بتعتبر الدعارة وصمة عار ,,,حتى بأوربا ..,,بس بتلاقي عندون منظمات بتعنى بأمور الFeminism ..لهيك بيبقى عندون في اخد و عطا بهيك مسائل ,,,,نحنا كل شي محسوم مسبقا .....و هالشي بينجر كمان عاموضوع المتخلفين عقليا و وصمة العار المرتبطة فيهون ,,هالنقطة كتيير بتهمني لأني بشوف هالفئة الكبيرة كتيير مظلومة و ما في حدا يوقف معون

و هالشي بينجر كمان عاموضوع المتخلفين عقليا و وصمة العار المرتبطة فيهون ,,هالنقطة كتيير بتهمني لأني بشوف هالفئة الكبيرة كتيير مظلومة و ما في حدا يوقف معون

نعتك لذوي الاحتياجات الخاصة بالمتخلفين عقليا ، بحد ذاتها وصمة عار ،
انو سؤال بس ، كيف بتشوف هالفئة كتير مظلومة وقلبك عم يتقطع عليها وكمان بتسميهن متخلفين ؟
وصمة العار فينا مش فيهن .. هني ناس متلنا متلهن وما بيفرقو غير انو بتلزمهن رعاية خاصة تلبي احتياجاتهن الخاصة ..

بصراحة مابعرف أديش هالفئة مظلومة بالدول العربية ، بس يلي بعرفو انو بالمجتمع المدني آخدة حقوقها وبتتمتع برعاية احتياجاتها من المدارس للجامعات للشوارع للحدائق للمجمعات التجارية ولضمان رفاهيتهم وتأمين حياتهم المستقبلية .. يلي بينقص بس انو نحنا ما ننظر لئلهم كمتخلفين وكأدنى مرتبة منا !

صح ..سقطت مني سهوا بالمشاركة الأخيرة كلمة متخلفين عقليا ! ..لاحظي انو بأول مشاركة سميتون "اصحاب القدرات العقلية المختلفة " أسف عهيك غلطة ....بس
انو بمجتمعنا هدون اخدين شوي من حقوقن ,,,,لأ ما بظن ...للأسف بمعظم دول العالم اصحاب القدرات العقلية المختلفة الهون مقاعد خاصة بالجامعات و عندون الحق انو يدرسوا تقريبا معظم الفروع بأقسامها العلمية و الأنسانية .....يعني كان لازم يعملوا مفاضلة خاصة بسوريا بيراعوا فيها اوضاع هالفئة ....متل ما قلتلك ,,العيلة يلي عندها شحص بيعاني من مشاكل عقلية بتفضل انو تلفلف الموضوع بدل من معالجة المشكلة ,,,انا بعرف كذا شخص تركوا دراستون الجامعية بسبب اكتئاب !! ,,يعني النظرة عنا لساتها بدائية كتير ......
اسمحيلي هون اذكر هالقصة الصغيرة :
مرة كنت ماشي انا و رفيقي فقابلنا مجموعة اطفال عابتضرب طفل عندو مشكلة عادية جدا هي انو ما عندو غير ايد وحدة ! ..التفت لصاحبي و قلتلو : شو هالتربية العظيمة يلي بتخلي اطفال "بريئين " يعملوا هيك شي مشين بطفل بس لأنو مختلف جسديا ! ...فكان رد الشخص المثقف يلي انهى دراستوا الجامعيةللتو : شوف شو كان عامل بالجيل الماضي حتى الله انتقم منو بهيك شكل !!! ...هههه ..يعني هالطفل الصغير بيستحق الضرب ,,,الواضح كان صاحبي هادا من طائفة معينة ..بس للأمانة ..كمان عند طوائف اخرى هالشي موجود ,,يعني بيعتبروا المرض العقلي او الأعاقة هي عقوبة الهية !! على شي خطأ ارتكبوا الشخص المعني ,,,او ابو او اكهو ,,,او حتى جارو !

يعني القصد من الكلام انو احيانا المعاملة السيئة لأصحاب المشاكل العقلية بكون الها خلفية دينية ! ...

أبل ما أقرأ أي رد
أنا برأيي
أنو وصمات العار كتيرة
بالكلام عن البنات إلي الفقر شدهم غصبن عنهم
للأعمال هي ..(مافي داعي للذكر)
فكل بنت بتقول أنو هاد الشي صار غصبن عنها و بسبب الظروف
فهي كذبة كبييييييرة
لأنو البنت إذا كان فعلا شرفها بيهمها رح تشتغل خدامة وماتشتغل بهل مهنة المهييينة للمرأة بشكل عام ولشرفها
و هاد يعتبر عااااار كبير كتير
اما بالنسبة للأشياء إلي هي عار ونحنا مامنعتبرها عار أو منتناساها
في منها الرشوة
البخل إلي حكا عنو الرسول عليه الصلات و السلام
و الشك..هاد مشكلة نفسية..
بينما بالنسبة للناس إلي بيعتبرو
أولادهم المريضين عقليا أو نفسيا
فأنا بعتبر هدول الناس متخلفين درجة أولا
مهما كانوا متحضرين فهم متحضرين ((شكلياً))

هاد رأي ..
:gem:

الحرية الجنسية حق لكل فرد وأي امرأة فيها تمارس الجنس مع أي حدا بتختارو ، بس لما بيصير الجنس مهنة والجسد سلعة رح يعتدى على حق الاختيار ورح تصفي هالشغلة تجارة جسدية بحتة ..

كلام خطير............وعندي سؤال حتى افهم هذي الجملة... يعني (لو) حضرتك عندك بنت عمرها+ 18 سنه وحابة تمارس الجنس مع صديقها شو رايك انتي؟ يفوت على غرفتها متى مابده على مبدئ حرية جنسية مجاناً مو تجارة

كمان في الأطفال يلي بتجي من دون عقد زواج شرعي !! بيتسموا ببساطة "ولاد حر**..." ..هي وصمة عار تانية يلي فيها الشخص المقصود ما كان الو اي ذنب .....

كلام خطير...........
خوفتني يا زلمي:lol:..


مرة كنت ماشي انا و رفيقي فقابلنا مجموعة اطفال عابتضرب طفل عندو مشكلة عادية جدا هي انو ما عندو غير ايد وحدة ! ..التفت لصاحبي و قلتلو : شو هالتربية العظيمة يلي بتخلي اطفال "بريئين " يعملوا هيك شي مشين بطفل بس لأنو مختلف جسديا ! ...فكان رد الشخص المثقف يلي انهى دراستوا الجامعيةللتو : شوف شو كان عامل بالجيل الماضي حتى الله انتقم منو بهيك شكل !!! ...هههه ..يعني هالطفل الصغير بيستحق الضرب ,,,الواضح كان صاحبي هادا من طائفة معينة ..بس للأمانة ..كمان عند طوائف اخرى هالشي موجود ,,يعني بيعتبروا المرض العقلي او الأعاقة هي عقوبة الهية !! على شي خطأ ارتكبوا الشخص المعني ,,,او ابو او اكهو ,,,او حتى جارو !

يعني القصد من الكلام انو احيانا المعاملة السيئة لأصحاب المشاكل العقلية بكون الها خلفية دينية ! .
:shock::shock:

صدمتني وانتي عم تحكي هالقصة هاي.. بس بأي منطقة صاير هالكي..ومن كام سني؟؟

على كل في شغلي كنت بدي أولها عن الدين:pos: ..بس بعدين رح يصير الموضوع مؤمن-كافر:gem:..فبلاها :lol:..

كلام خطير............وعندي سؤال حتى افهم هذي الجملة... يعني (لو) حضرتك عندك بنت عمرها+ 18 سنه وحابة تمارس الجنس مع صديقها شو رايك انتي؟ يفوت على غرفتها متى مابده على مبدئ حرية جنسية مجاناً مو تجارة
بتمنى تسمحلي أعطي جواب مع انو السؤال مو موجه لألي ..


انا من جهتي بسمح لبنتي انو تنام مع صاحبها بغرفتها ,,و ببيتنا ..عالأقل بعرف بنتي مع مين عم تمشي و تطلع ,,و اكيد ما بسمح بهيك شي ألا بعد ما أتأكد انو الشب بعيد عن قصص الزعرنة والمخدرات ...و هو انسان جدير انو يكون زوج مستقبلي لبنتي ...
هدا كان رأيي ...ما حدا ينزعج ,,ما عم اطلب من حدا يعمل متلي ,,

بتمنى تسمحلي أعطي جواب مع انو السؤال مو موجه لألي ..


انا من جهتي بسمح لبنتي انو تنام مع صاحبها بغرفتها ,,و ببيتنا ..عالأقل بعرف بنتي مع مين عم تمشي و تطلع ,,و اكيد ما بسمح بهيك شي ألا بعد ما أتأكد انو الشب بعيد عن قصص الزعرنة والمخدرات ...و هو انسان جدير انو يكون زوج مستقبلي لبنتي ...
هدا كان رأيي ...ما حدا ينزعج ,,ما عم اطلب من حدا يعمل متلي ,,

ههه :pos:

طيب انته عندك بنات شي , وازا مو متزوج متى بدك تتزوج ومتى رح تخلف ! ! ؟ ;)