الرجال اكثر عنفا [الأرشيـــــف]

Nay

07/04/2009, 21:16

الرجال اكثر عنفا من النساء
الذكور هم الذين يشنون الحروب.
والذكور هم الذين يتحاربون فيَقْتلون ويُقتَلون.
والذكور هم الذين أنشئوا (المؤسسة العسكرية) ورسموا قدر المجتمع بمرض التراتبية (الهيراركيHierarchy) وخططوا كل نظام المجتمع على صورة (الثكنة)
(بروس كارلتون Bruce charlton) اختصاصي في علم التطور.

همس الياسمين

07/04/2009, 21:26

تسلم دياتك وهل الكلام صح وكتير صح :D
الله حيوووو البنوتات كاسحين الشباب الكسحة العجيبة :o
انضمو انضمو ((كيد النواعم )) ترحب بكم 20 متر في مفرق ع اليسار مو اول اشارة التانية التالتة اول بناية الطابق العاشر ممنوع دخول الصبيان :larg:

Nay

07/04/2009, 21:40

والمجتمع (الذكوري) هو الذي دفع المرأة الى شريحة دونية مستضعفة وهي كارثة كونية في كل الثقافات، ففي الثقافة الصينية عندما تتكلم المرأة عن نفسها بضمير المتكلم (أنا) فهو مرادف لكلمة (العبد) وفي الثقافة الهندية تعتبر المرأة خاضعة للرجل من المهد الى اللحد، فهو من كتف الإله (فيشنا) وهي من اقدامه.

suryoyo

07/04/2009, 21:41

اي صحيح ...

بس الحروب او بالاحرى الصراع ... هو حضاري انساني ... و بذلك كل المجتمع مشترك فيها ...

Nay

07/04/2009, 21:48

المرأة هي التي تحمل الحياة وتنجب الحياة وتحافظ على الحياة، حملته أمه كرهاً ووضعته كرها. وهي التي لا تمارس الحرب فإذا مارستها مثل (تاتشر) و(غولدا ماير) فهي عدوى وباء ذكوري قاتل. والمرأة هي مصدر الحب فتخلع معنى على الحياة وتعطيها دفقة الاستمرار. والحرب كراهية وارتداد على الذات ونفي للآخر.

Nay

07/04/2009, 22:01

(جسد المرأة) هو المسرح السياسي لطغيان الرجل وإعلانه الوصاية على كائن متخلف عقلياً لا يعرف ما يستر به نفسه. ويعلل (مالك بن نبي) في كتابه (شروط النهضة) المعركة حول جسد المرأة بالمزيد من تعريتها أو التشدد في تغطيتها إلى الآلية الخفية نفسها من الدافع الجنسي مع أن ظاهر الأمر يوحي بالتناقض بين الفحش والتقوى، لكنه في حقيقته واحد مثل الفيلم الأسود قبل التحميض والملون لاحقاً، لكن اكثر الناس لا يعلمون. إن طغيان الذكر على الأنثى يتبدى في ادعاء الملكية وعدم الاستبشار بمولدها ولو كانت أصح من عشرة ذكور. وإذا بشّر أحدهم بالأنثى ظل وجهه مسودا وهو كظيم. وإذا مشى تركها خلفه لخطوات كما رأينا ذلك في العائلات التركية في ألمانيا. وتطل قسمات الدونية في الخجل من ذكر اسمها فهي (الجماعة) أو (العائلة) أو (أم الأولاد) أو (أنت أكبر قدرا) كمن يتعفف من ذكر مكان الخلاء. هي لا اسم لها يتم استلامها بالبريد المسجل من الأب إلى الزوج ومن المهد إلى اللحد.

Nay

07/04/2009, 22:03

المصدر:
مقال لخالص جلبي

Nay

07/04/2009, 22:05

اي صحيح ...

بس الحروب او بالاحرى الصراع ... هو حضاري انساني ... و بذلك كل المجتمع مشترك فيها ...

صحيح لكن في مجتمع لا مكان فيه لراي المرأة حتى بأصغر التفاهات ..لا يحق لنا تحميلها مسؤولية اي قرار .. فكيف اذا كان على مستوى حرب

..Jimy

07/04/2009, 22:12

الرجال اكثر عنفا من النساء
الذكور هم الذين يشنون الحروب.
والذكور هم الذين يتحاربون فيَقْتلون ويُقتَلون.
والذكور هم الذين أنشئوا (المؤسسة العسكرية) ورسموا قدر المجتمع بمرض التراتبية (الهيراركيHierarchy) وخططوا كل نظام المجتمع على صورة (الثكنة)
(بروس كارلتون Bruce charlton) اختصاصي في علم التطور.

اي..ومن لا يعمل لايخطئ :lol:..

عكلن الحروب والقتل وهالشغلات المسؤول عنهن هوي "الله" بدئا بالفتوحات الاسلامية والهجمات الصليبة..وانتهائا باحداث 11سبتمبر واحتلال العراق..

الذكور ما زنبهن انهن بيسمعو الكلمي :lol:..

saman

07/04/2009, 22:43

وراء كل رجل عنيف امرأة اعنف :lol:

Marooshe

07/04/2009, 23:01

الرجال أكثر عنفاً نسبة لمجتمعنا اليوم ،
لانو المجتمع ذكوري
المرأة فيو بتولد وبتكبر وهيي بنت فلان .. ولما تتزوج بتصير مرت فلان .. ولما بتخلف بتصير أم فلان .. وبتموت وهيي بتخص فلان ..

بتقضي عمرها المرأة وهيي تابع لشي تابع شي

بالذات انو المجتمع ذكوري وفيو كلشي مباح للرجال ، حتى الاديان ذكورية والله الذكر والفوقية للذكر
والعنف ضد المرأة تبعاً لهلمفاهيم مقبول واحياناً مدعوم اجتماعياً
فأكيد رح يكونو الرجال أكثر عنف من النساء

مع التطور والتحضر لي عم نعاصرو اليوم
نسبة العنف بكل انواعو قلت شويتين
بس رح تبقى موجودة طول ما اسبابها ومسبباتها لساتها موجودة

..Jimy

07/04/2009, 23:39

والعنف ضد المرأة تبعاً لهلمفاهيم مقبول واحياناً مدعوم اجتماعياً

:?..لا ما بظن لساه مدعوم اجتماعيا..حتى باكتر المجتمعات تعصب وانغلاق..
الدليل..انو مرتكب العنف ضد المرأة بيحاول يغطي ويضبب الموضوع.. وبيسعى انو ماحدا يعرف:pos:..

:akh:

*هاموش:بالنسبي لأنو الله ذكر..ليش متأكدي..لسا ما شفنا شي :lol:..

Marooshe

07/04/2009, 23:54

:?..لا ما بظن لساه مدعوم اجتماعيا..حتى باكتر المجتمعات تعصب وانغلاق..
الدليل..انو مرتكب العنف ضد المرأة بيحاول يغطي ويضبب الموضوع.. وبيسعى انو ماحدا يعرف:pos:..

واللهي ؟؟
وكيف بتفسر التبريرات الاجتماعية لجرائم الشرف ؟ والتغطية عليها .. مو دعم لهالشي ؟
سكوت العائلة عن احد افرادها لي بستخدم العنف ضد بنتو او اختو او مرتو .. مو دعم لهالشي ؟
بعض التعاليم الدينية لي بتحلل استخدام العنف ضد النساء لتأديبهن .. مو دعم لهالشي ؟
منع بعض المجتمعات للمرأة من الذهاب للعمل وبالتالي ممارسة العنف الاقتصادي عليها .. مو دعم لهالشي ؟
عدم المساواة الاجتماعية وتسلط الرجل على المرأة والاسرة الأبوية وتحكم الرجل بمرتو لأبعد الحدود وممارسة العنف النفسي والأجتماعي ضدها .. مو دهم لهالشي ؟

والقائمة تطول ...

*هاموش:بالنسبي لأنو الله ذكر..ليش متأكدي..لسا ما شفنا شي :lol:..
لأنو الله اصلا فكرة بتخدم مصالح ذكورية ،
ولأنو لما بينحكى عن الله بينحكى بصيغة المذكر
ولما بيوصفوه التسميات بتكون كمان بصيغة المذكر
لك حتى لما بيلعنوه لمسبات بتكون بصيغة المذكر

معناها أكيد في شي حدا تأكد من انو ذكر ! :?

ومية :D الك يا صبي

أإأبو العبد

08/04/2009, 00:09

(أنا) فهو مرادف لكلمة (العبد)
شو دخل العبد بالموضوع:jakoush:

عياش

08/04/2009, 01:18

يرحم أيام أمنا عشتار شو كنا وقتها رايقيين متفضيين لنعمل مسرح وشعر وموسيقى طبعا بعد ما اخترعنا الابجدية أخ من يهوه وأتباعه

Nay

08/04/2009, 02:07

شو دخل العبد بالموضوع:jakoush:
شوووو زعلت.. ;) لاتواخزنا.. قربنا على المنطقة الخطرة....

Nay

08/04/2009, 02:09

يرحم أيام أمنا عشتار شو كنا وقتها رايقيين متفضيين لنعمل مسرح وشعر وموسيقى طبعا بعد ما اخترعنا الابجدية أخ من يهوه وأتباعه
عياش جميل متل العادة.. دايما متفقة معك.. متابعتك على فكرة..:D

Nay

08/04/2009, 02:12

واللهي ؟؟
وكيف بتفسر التبريرات الاجتماعية لجرائم الشرف ؟ والتغطية عليها .. مو دعم لهالشي ؟
سكوت العائلة عن احد افرادها لي بستخدم العنف ضد بنتو او اختو او مرتو .. مو دعم لهالشي ؟
بعض التعاليم الدينية لي بتحلل استخدام العنف ضد النساء لتأديبهن .. مو دعم لهالشي ؟
منع بعض المجتمعات للمرأة من الذهاب للعمل وبالتالي ممارسة العنف الاقتصادي عليها .. مو دعم لهالشي ؟
عدم المساواة الاجتماعية وتسلط الرجل على المرأة والاسرة الأبوية وتحكم الرجل بمرتو لأبعد الحدود وممارسة العنف النفسي والأجتماعي ضدها .. مو دهم لهالشي ؟

والقائمة تطول ...
لأنو الله اصلا فكرة بتخدم مصالح ذكورية ،
ولأنو لما بينحكى عن الله بينحكى بصيغة المذكر
ولما بيوصفوه التسميات بتكون كمان بصيغة المذكر
لك حتى لما بيلعنوه لمسبات بتكون بصيغة المذكر

معناها أكيد في شي حدا تأكد من انو ذكر ! :?

مروش صديقتي.. كفيتي ووفيتي.. بيلزمنا شوية اعتراف ..
المشكلة انو حتى الشباب المنفتح ما عم يعترفو بالعنف اللي عم يتمارس علينا بوصفنا اناث..
محبتي:hart:

Nay

08/04/2009, 02:21

:?..لا ما بظن لساه مدعوم اجتماعيا..حتى باكتر المجتمعات تعصب وانغلاق..
الدليل..انو مرتكب العنف ضد المرأة بيحاول يغطي ويضبب الموضوع.. وبيسعى انو ماحدا يعرف:pos:..

*هاموش:بالنسبي لأنو الله ذكر..ليش متأكدي..لسا ما شفنا شي :lol:..

انت يا نور عيوني مدري وين عايش .. هونيك بالوادي الحياة غير شكل .. بكرا بس تجي عالجامعة انشاء الله منشوف ردودك المتفائلة كيف رح تصير..
من جهة انو الله ذكر اي ذكر .. انا شفت

Abu ToNi

08/04/2009, 02:30

والمجتمع (الذكوري) هو الذي دفع المرأة الى شريحة دونية مستضعفة وهي كارثة كونية في كل الثقافات، ففي الثقافة الصينية عندما تتكلم المرأة عن نفسها بضمير المتكلم (أنا) فهو مرادف لكلمة (العبد) وفي الثقافة الهندية تعتبر المرأة خاضعة للرجل من المهد الى اللحد، فهو من كتف الإله (فيشنا) وهي من اقدامه.

تطور مراحل الانسان بالعصور القديمة فينك تعتبريها وحدة واحدة متكاملة لعدم اختلاف المفاهيم بشكل كبير ..
البنية الفيزيولوجية للرجل المختلفة من ناحية القوة عن المرأة عطته القدرة على اخضاع المرأة في السابق
ومن فترة مش بعيدة لوصلت البشرية لمستوى راقي بالتعامل مع موضوع الاختلاف الفيزيولوجي .

بخصوص تاريخ المرأة السورية ومتل ما اشار عياش كان في الها كلمة جدا قوية ومكانة راقية جدا جدا جدا مقارنة مع بقية الحضارات " بزمانها " وحتى بالزمان الحالي

فعشتار كانت آلهة انثى بتوصف بانها سيدة الحكمة وآلهة الحب !!

وعلم الاساطير خير انعكاس لأفكار الشعوب وطريقة تفكيرن .. مجرد وجود " آلهة انثى " معبودة بالتاريخ السوري بوصلنا لنتجة بأن المرأة السورية سابقا كان الها مكانة افضل بكتير من مكانتها الحالية ووضعها الحالي .

بخصوص التسلط الذكوري على المرأة
شيخنا الكواكبي بطبائع الاستبداد قايل " لو رأى الظالم على جنب المظلوم سيفاً لما أقدم على الظلم "
يعني تسلط الرجال ما كان وصل لمراحلنا الحالية لو كان في صوت نسائي قوي

قبل ما اتم مطالبة الرجال بالمجتمعات الذكورية " باعطاء " المرأة حقها ( مع تحفظاتي على كلمة اعطاء لأن احدى مرادفاتها "الصدقة ") خلي الحركات النسائية تبني جيل من النساء مقتنع بأن الهن حقوق !!!

هامش بكلمتين مختصرات لكاتبة الموضوع : ميرسي لـ وجودك :D

Nay

08/04/2009, 03:53

بخصوص تاريخ المرأة السورية ومتل ما اشار عياش كان في الها كلمة جدا قوية ومكانة راقية جدا جدا جدا مقارنة مع بقية الحضارات " بزمانها " وحتى بالزمان الحالي

فعشتار كانت آلهة انثى بتوصف بانها سيدة الحكمة وآلهة الحب !!

وعلم الاساطير خير انعكاس لأفكار الشعوب وطريقة تفكيرن .. مجرد وجود " آلهة انثى " معبودة بالتاريخ السوري بوصلنا لنتجة بأن المرأة السورية سابقا كان الها مكانة افضل بكتير من مكانتها الحالية ووضعها الحالي .
ما بعرف شو سبب ظهور الهة وملكات متل عشتار وافروديت واليسا وزنوبيا وكيليوباترا.. وشو اللي اختلف..
مابعرف.. الدين المسيحي ابدى صورة غاية في الجمال للمرأة وللتعاطف معها..
والدين الاسلامي كان قفزة نوعية في احترام المرأة اذا بدنا ننظر لوضعها بهديك المنطقة قبل الاسلام
شو اللي كرس هيدا التخلف.. وهي السيطرة وجعل العلاقة بين الجنسين في تراجع نحو السيطرة الكلية بدل الانفتاح

بخصوص التسلط الذكوري على المرأة
شيخنا الكواكبي بطبائع الاستبداد قايل " لو رأى الظالم على جنب المظلوم سيفاً لما أقدم على الظلم "
يعني تسلط الرجال ما كان وصل لمراحلنا الحالية لو كان في صوت نسائي قوي

قبل ما اتم مطالبة الرجال بالمجتمعات الذكورية " باعطاء " المرأة حقها ( مع تحفظاتي على كلمة اعطاء لأن احدى مرادفاتها "الصدقة ") خلي الحركات النسائية تبني جيل من النساء مقتنع بأن الهن حقوق !!!

هامش بكلمتين مختصرات لكاتبة الموضوع : ميرسي لـ وجودك :D
المشكلة صديقي انو النساء اللي متلي على جنبون سيف بيلتقو مع الرجال الي متلك ومتل ابي واخي وما بيحتاجو للسيف..
بس النساء المقهورات غير قادرات على ادراك الظلم حتى.. ولا استيعاب انو هنن مخلوقات الها حقوق..

على الهامش: ميرسي لانو قبلتوني بيناتكون :D

توم و جيري

08/04/2009, 03:58

بلكي انشالله بكرا بعد ما بنفرح بعرسك ...
منخلي العريس يقرا هالموضوع ..:p

Nay

08/04/2009, 04:04

بلكي انشالله بكرا بعد ما بنفرح بعرسك ...
منخلي العريس يقرا هالموضوع ..:p
ليييييييشششش ما فهمت

توم و جيري

08/04/2009, 04:12

شيليني من كلشي ..
ليش هالحقد الطبقي ..
يعني ليش الرجال امن رجال ...
انتو السيف اتقل منكم او البارودة ...
لازم الواحد يقول انو خليكن بالحكي عالناس والعجن والحفاضات والمسلسلات التركية ..
خلص عادي بس كل واحد الو شغلتو ..

همس الياسمين

08/04/2009, 04:42

لازم الواحد يقول انو خليكن بالحكي عالناس والعجن والحفاضات والمسلسلات التركية ..
خلص عادي بس كل واحد الو شغلتو ..

:shock::shock::shock::shock::shock::shock::shock:: shock::shock::shock::shock::shock::shock::shock::s hock::pos:

طوروس

08/04/2009, 12:18

تقول الاسطورة انه كان ادم وحواء

وتقول الاسطورة خلقت حواء من ضلع ادم

وتقول الاسطورة انه كان الضلع لاعوج

ونحن مؤمنين بهذه الاسطورة

وتقول اسطورة اخرى انه كانت ليلي قبل حواء

وكانت ليلي تعرف قيمتها فهي جوهرة

وكانت ليلي تعرف انها نظير ادم

وكانت ليلي تعرف انها هي وادم يكونان اتحادا اقرب الى الكمال

وكانت ليلي تحب ادم وتريد ان تدخله جنتها وتدخل جنته

وتدخل صانع الاساطير فهو وحده لديه الجنة

وهو وحده الكمال والباقي اتباع وعبيد

وطهارة الجنس ونشوة الاتحاد اثنان في واحد يصبحان زوجا كاملا تامّا

ولذة الجنس حيث لايعود رجل وامرأة انما يصبحان حالة عشق لها طعم الجنة

اصبحتاحالة زنى وقال لاتزن

وكان الحل

اختار ان تختفي ليلي

وصنع حواء لتكون تابعا لادم ومن ضلع اعوج ليكون النظام ترتبيا

حواء تابع لادم وادم تابع لصانع الاساطيرلانه الكمال المطلق

ومنذ ذلك التاريخ وادم وحواء يستنسخان عبيدا

يوم صدقنا الاسطورة فقدنا طريق الكمال

:D:D:D:D:D
يسعد صباحك ياشام

هبه الاردن

08/04/2009, 12:26

الله يسلم دياتك شو انك فهمانه :D

بس شو بدنا نعمل الحياه بدها هالجنس البشري:p

يعني ما بينفع انا نستغني عنو ما بتمشي الحياه

وحرام مو كلهن عنيفين بلاش يحكو انا عم نتبلا عليهم :lol:

Nay

08/04/2009, 12:55

تقول الاسطورة انه كان ادم وحواء

وتقول الاسطورة خلقت حواء من ضلع ادم

وتقول الاسطورة انه كان الضلع لاعوج

ونحن مؤمنين بهذه الاسطورة

وتقول اسطورة اخرى انه كانت ليلي قبل حواء

وكانت ليلي تعرف قيمتها فهي جوهرة

وكانت ليلي تعرف انها نظير ادم

وكانت ليلي تعرف انها هي وادم يكونان اتحادا اقرب الى الكمال

وكانت ليلي تحب ادم وتريد ان تدخله جنتها وتدخل جنته

وتدخل صانع الاساطير فهو وحده لديه الجنة

وهو وحده الكمال والباقي اتباع وعبيد

وطهارة الجنس ونشوة الاتحاد اثنان في واحد يصبحان زوجا كاملا تامّا

ولذة الجنس حيث لايعود رجل وامرأة انما يصبحان حالة عشق لها طعم الجنة

اصبحتاحالة زنى وقال لاتزن

وكان الحل

اختار ان تختفي ليلي

وصنع حواء لتكون تابعا لادم ومن ضلع اعوج ليكون النظام ترتبيا

حواء تابع لادم وادم تابع لصانع الاساطيرلانه الكمال المطلق

ومنذ ذلك التاريخ وادم وحواء يستنسخان عبيدا

يوم صدقنا الاسطورة فقدنا طريق الكمال

:D:D:D:D:D
يسعد صباحك ياشام

طوروس تفاجئني دائما.. بحيث اقف برهة.. مبتسمة لكلماتك الجميلة..
ربما ليلى.. ما تزال بيننا.. روحها تهيم عائدة الى ارض الاساطير..
اشتاق ليلى..
واشتاق ادم ليلى..
محبتي:D

..Jimy

08/04/2009, 13:04

انت يا نور عيوني مدري وين عايش .. هونيك بالوادي الحياة غير شكل .. بكرا بس تجي عالجامعة انشاء الله منشوف ردودك المتفائلة كيف رح تصير..
من جهة انو الله ذكر اي ذكر .. انا شفت
ناي انا ماني معتبر الوادي صورة عن المجتمع السوري..بعرف اديش الحياة غير :pos:..
بس انا هون بأخوية من لما كان عمري 15سني.. وبأكدلك اني شفت اراء وافكار ماممكن تكون نابعة من عقل انسان:frown:..
بس ما شفت حدا ميتفاخر بأنو بيضرب مرتو.. ويلي اعترف بأنو بيضرب مرتو..فورا حط بعدها اعذار :frown:..(لامنطقية بس كان ميحاول يبرر..ميحاول بس..)
والاعذار بحطها فقط...ليدافع عن حالو من نقد المجتمع..

:D

واللهي ؟؟
وكيف بتفسر التبريرات الاجتماعية لجرائم الشرف ؟ والتغطية عليها .. مو دعم لهالشي ؟

لأن في فكر وموروث اجتماعي فايت بالحيط بيربط الشرف بالمرأة..بس العنف المنزلي مثلا ..امر مختلف تماماً..

سكوت العائلة عن احد افرادها لي بستخدم العنف ضد بنتو او اختو او مرتو .. مو دعم لهالشي ؟

بس نحنا نتخلص من العنف كوسيلة "تربية" ..منتخلص من هالظواهر..لأن يلي بيضرب بنتو بيضرب ابنو كمان..

منع بعض المجتمعات للمرأة من الذهاب للعمل وبالتالي ممارسة العنف الاقتصادي عليها .. مو دعم لهالشي ؟
عدم المساواة الاجتماعية وتسلط الرجل على المرأة والاسرة الأبوية وتحكم الرجل بمرتو لأبعد الحدود وممارسة العنف النفسي والأجتماعي ضدها .. مو دهم لهالشي ؟

معك أنا ..بس انا وقتها أصدت العنف المنزلي.. بالمعنى الضيق يعني:lol:

:D

Nay

08/04/2009, 13:15

الله يسلم دياتك شو انك فهمانه :D

بس شو بدنا نعمل الحياه بدها هالجنس البشري:p

يعني ما بينفع انا نستغني عنو ما بتمشي الحياه

وحرام مو كلهن عنيفين بلاش يحكو انا عم نتبلا عليهم :lol:

تسلمي...:D
بينفع في حركات نسائية باوروبا وكندا سمعت عنها بتدعو لاستنساخ الاطفال بدون الحاجة للحيوانات المنوية يعني من الام نفسها وهيك بتصير هيي الام فقط بدون اب.. الفكرة مو عاجبتني منووووب
لكن وجب التوضيح:larg:

Nay

08/04/2009, 13:15

الله يسلم دياتك شو انك فهمانه :D

بس شو بدنا نعمل الحياه بدها هالجنس البشري:p

يعني ما بينفع انا نستغني عنو ما بتمشي الحياه

وحرام مو كلهن عنيفين بلاش يحكو انا عم نتبلا عليهم :lol:

تسلمي...:D
بينفع في حركات نسائية باوروبا وكندا سمعت عنها بتدعو لاستنساخ الاطفال بدون الحاجة للحيوانات المنوية يعني من الام نفسها وهيك بتصير هيي الام فقط بدون اب.. الفكرة مو عاجبتني منووووب
لكن وجب التوضيح:larg:

Nay

08/04/2009, 13:28

ناي انا ماني معتبر الوادي صورة عن المجتمع السوري..بعرف اديش الحياة غير :pos:..
بس انا هون بأخوية من لما كان عمري 15سني.. وبأكدلك اني شفت اراء وافكار ماممكن تكون نابعة من عقل انسان:frown:..

:D
جيمي.. كمان الاخوية ما نها صورة للمجتمع السوري ابدا.. لانو الاخوية منتدى للشباب السوري المنفتح.. ما نو منتدى للشباب المسلم او المسيحي او او او ...
وانا بأكدلك انك ممكن تشوف بأخوية شباب منفتحين اكتر من اللي ممكن تشوفون بحياتك العادية حتى لو كنت متلي عشت حياة جامعية وعملية واختلطت بأوساط مثقفين يساريين..
انا بحكي معك على انك صغير بس بعرف أديش انت مميز جيمي..
بكرا بس تجي على العاصمة دمشق او تختلط بمجتمعات غير المجمعات" اللي انت محظوظ انك فيها"..
بكرا رح تشوف وتسمع شي بيوجع الراس.. لحد الان والدي بيتفاجأ بحجم التخلف الموجود.. صار عمرو ستين سنة ولسا بيتفاجأ

..Jimy

08/04/2009, 13:49

جيمي.. كمان الاخوية ما نها صورة للمجتمع السوري ابدا.. لانو الاخوية منتدى للشباب السوري المنفتح.. ما نو منتدى للشباب المسلم او المسيحي او او او ...
وانا بأكدلك انك ممكن تشوف بأخوية شباب منفتحين اكتر من اللي ممكن تشوفون بحياتك العادية حتى لو كنت متلي عشت حياة جامعية وعملية واختلطت بأوساط مثقفين يساريين..
انا بحكي معك على انك صغير بس بعرف أديش انت مميز جيمي..
بكرا بس تجي على العاصمة دمشق او تختلط بمجتمعات غير المجمعات" اللي انت محظوظ انك فيها"..
بكرا رح تشوف وتسمع شي بيوجع الراس.. لحد الان والدي بيتفاجأ بحجم التخلف الموجود.. صار عمرو ستين سنة ولسا بيتفاجأ

اخوية المجتمع الحلم.. يلي بحلم فيه كل يوم بحط راسي عالمخدي..
اخوية استقبلت كل الناس.. وكل الطوائف وكل الجنسيات..وكل الافكار..
من الأكثر انفتاحا..للأكثر انغلاقا..

وإذا كانت اخوية إلها طابع متحرر.. بيكون بس لسبب واحد وحيد..
انو المنغلقين بيلاقو مليون مكان يعبرو فيه عن تخلفون..
بس نحنا..ما عنّا غير أخوية..

:akh:

*هاموش: ماني كتير صغير...بس إي.. مميز :lol:

i m sam

08/04/2009, 14:09

مبدئيا بدي اكد على كلام أبو طوني : انو الحرية والحق لا يُعطى الحق يُؤخذ
من ناحية تانية هالامر مو بس بالشرق كمان بالغرب لسا النظرة للمرأة "رغم كم الحرية الهائل" هي نظرة مختلفة . الجميع ينظر للمرأة بدونية في بعض الأحيان .
أحيانا لا نقصد أن ننظر هذه النظرة لكن هالمدة الطويلة من المجتمع الذكوري او الحكم الذكوري بتخلينا نتصرف هيك.
كمان هالمدة الطويلة ما فينا نغيبها بين يوم وليلة بحاجة لأكتر من جيل لتتغير .
وفي ناحية حابب اكد عليها انو في اختلاف فيزويولوجي مهم " بغض النظر ان كان الله يلي خلق او الطبيعة يلي صنعت او الصدفة يلي أوجدت" فجسم الأنثى المهيء للحمل والولادة وشعورها بالعطاء اللامحدود تجاه ابنائها ماممكن ينوجد عند الرجل والدعوة لالغاء هالشي او انو خلي الرجل يحمل ويولد او الارحام الخارجية هو ترسيخ أن المرأة دونية من الأساس .
المساواة ليست بالغاء الآخر والمساواة ليست انو الكل يكونوا نفس الشي بالعمل او الانتاج " ما بيصير الجميع يكونو رؤساء مرة وحدة ولا الجميع تجار او عمال مشان يكون مساواة"
المساواة انو نتعامل مع بعض انسان لانسان قبل كل الاعتبارات والصفات التانية ونتقبل بعض بغض النظر عن اي شي تاني الا اننا انسان يتعامل مع انسان.
هاموش:اي صحيح كرمال انو الرجال هنن اصل الحروب او يلي بيقومو فيها .
اذا منقرا بالتاريخ منلاقي انو الأنثى بسببها او من اجلها قامت كتير من الحروب.

sona78

08/04/2009, 14:27

للصراحة الموضوع الو جوانب كتيرة ممكن يتناقش فيها
يعني مبدئيا فعلا الرجال هني اداة فعالة لكل يلي ذكرتو ناي
بس كمان فينا ناخد الموضوع من وجهة نظر .. يا ترى مين يلي غرس بنفسية الرجل هالنزعة العدوانية احيانا ومين كرس موضوع دونية المراة ؟؟ فينا نقول انو المجتمع .. اكيد بس مين يلي عم يربي هالمجتمع ع هيك مبادئ؟؟ للاسف المراة عم تساهم بشكل او بالاخر بتعميق الدونية يلي عايشتها لما بتمشي بتربيتها ع العرف السائد

يعني ينا نقول انو الرجال يمكن اكثر عنفا .. بس كمان اغلب النساء اكثر خنوعا للواقع يلي هني فيه .. لانو تحدي العرف السائد احيانا الو ضريبة كبيرة غالبية الناء ما بترضى تدفعا

اضافة بتفق مع سام جدا انو النساء كانو سبب اساسي لكتير من حروب خاضوها رجال .. وسواء كان السبب رغبة هالنساء بتثبيت الذات امام المجتمع او كان السبب قلة العقل عند الرجال فما فينا نحجب دور المراة الاساسي فيها .

..Jimy

08/04/2009, 14:45

هاموش:اي صحيح كرمال انو الرجال هنن اصل الحروب او يلي بيقومو فيها .
اذا منقرا بالتاريخ منلاقي انو الأنثى بسببها او من اجلها قامت كتير من الحروب.
متل وئت "باريس" امير طروادة سرق الجميلي "هيلين" ملكة اسبارطة وشنت اسبارطة الحرب عطروادة..

بس كانت النظرة لـ "هيلين" نظرة مُلكية :pos:..

يعني متل وقت اتخانق معك لأني سرقت خاتمك الدهب..
أو إي اكسسوار تاني ببتباهى فيه إدام العالم..

:D

nour333

10/04/2009, 00:16

في شغلة أصح انو الاقوى اكثر عنفا

يعني ليه لرجال اكثر عنفا لأنهم اجمالا وعبرالتاريخ اقوى جسديا من المرأة وهاد صح مع وجود استثناءات يعني ازا نفوذ المرأة اكبر من الرجل ممكن تمارس العنف عليه بس وقت ما يكونو متساويين بهالشي بعتقد الرجل بيوخد هالشرف لسبب اللي ذكرتو بالأول

وفي كمان نوع هو عنف الرجل على الرجل او عنف المرأة على المرأة
انتو عارفيين لو نسلم زمام الأمور لنساء رح يكون اكبر المتضررين هن النساء ورح تقول المرأة وين ايام سي السيد مو مصدقيين شوفو البنات اللي الهم رئيسة بالعمل قديش بعانو
لأنو العنف مو ضروري يكون جسدي ممكن يكون نفسي والمرأة فنانه بهيك انواع

جاد81

10/04/2009, 03:28

هل لقوانين الطبيعة علاقة بالموضووع

نظرة الإنسان (الذكر) للإنسان ( المرأة)

الإنسا يعبث بقوانين الطبيعة و يأتي بالأخطاء ثم يتجادل عن ماهية الاخطاء دون النظر لمن إرتكب الخطأ

و فهمكم كفاية

Abu ToNi

10/04/2009, 03:46

ما بعرف شو سبب ظهور الهة وملكات متل عشتار وافروديت واليسا وزنوبيا وكيليوباترا.. وشو اللي اختلف..
مابعرف.. الدين المسيحي ابدى صورة غاية في الجمال للمرأة وللتعاطف معها..
والدين الاسلامي كان قفزة نوعية في احترام المرأة اذا بدنا ننظر لوضعها بهديك المنطقة قبل الاسلام
شو اللي كرس هيدا التخلف.. وهي السيطرة وجعل العلاقة بين الجنسين في تراجع نحو السيطرة الكلية بدل الانفتاح

هل السلطة الذكورية او ثقافة البادية بحسب ما شخصيا بحب سميا فرضت هلشي علينا ؟
بكل الازمنة كانت المرأة منقوصة الحقوق ومهدورة الامكانيات .. اذا قدرنا نأهمل وأد البنات فاكيد مافينا نأهمل عملية تقديم الجواري كهدية من ملك لملك ..
بأفضل احوال المرأة عبر التاريخ كانت عما تعاني من سلطة القوي او السلطة الذكورية
بس ما وصلت ولا مرة للحد اللي نحن هلق فيه من الذل والخنوع

يمكن يقلي البعض نظرتي طائفية ونظرتي مانها موضوعية وعيب على شخص بيعتبر نفسه علماني يحكي بالشكل هاد ... اللي بعرفه بأن المرأة وقت بتم اعتبارها نصف رجل بالمحاكم وربع رجل بالفراش ما عاد اسمها كائن بشري .. بتصفي ارباع وانصاف لا تملك شيء .. وان ملكت فهي غير قادرة على تقديم ما تملك

المشكلة صديقي انو النساء اللي متلي على جنبون سيف بيلتقو مع الرجال الي متلك ومتل ابي واخي وما بيحتاجو للسيف..
بس النساء المقهورات غير قادرات على ادراك الظلم حتى.. ولا استيعاب انو هنن مخلوقات الها حقوق..

كمثال صغير لوصلك فكرتي ، خلينا نتفق على صحة المعادلة التالية :

جرائم الشرف == وحشية وسلطة ذكورية

بديهيا التخلص من الجرائم هي بتم عن طريق تجريم الفعل الذكوري الوحشي وادانته
طب شو ممكن انا كشب اعمل واصرخ وقول بوج بنت بتشوف الجرائم هي خطوة صحيحة وبتباركها وبتشد على ايد مرتكبينا !!
انه اذا مبسوطة بوضعا وتخلفا والذل اللي عايشة فيه لشو انا عما نادي وصرخ واعلق مع العالم وآكلي كام سبة بنص عيني علماشي !؟

suryoyo

10/04/2009, 05:26

صحيح لكن في مجتمع لا مكان فيه لراي المرأة حتى بأصغر التفاهات ..لا يحق لنا تحميلها مسؤولية اي قرار .. فكيف اذا كان على مستوى حرب

هذا المجتمع متغير .... و لكن بكثير احيان ظلم المرأة ...

هذا المجتمع تسلطي على الكل ...

فالشاب قد لا يستطيع اتخاذ قرارات مهمة و حتى الزواج ... بمفرده

يعني بلا فرض قوة ... صعب الشخص يعيش بحرية ضمن هذا المجتمع التسلطي

و لكن هي حلقة مفرغة ... كلما تماشينا مع قيود المجتمع ... زادت القيود شدة ...... و كلما زادت القيود زدنا تماشيا مع التقاليد المجتمعية !

mmafia

10/04/2009, 08:06

والله أنا شايف انو النساء أكثر عدوانيه في حل هما بدهم مثلا الشخصيات الحديديه السياسيه ذات الصلابه كانت من النساء من مارغريت تاتشر مرورا بغولدا مائير ومادلين البرايت وكندليسا وتسيبي ليفيني والحرب الأخيره على غزه عندما كانت تهدد قبل اسبوع من الحرب من دوله عربيه بحمله على غزه واكدت ذالله بلأفعال في غزي مع العلم انو كان في خلال الحرب كتير مجندات في العمليه العسكريه شاركو .
مجرد رأي

Nay

10/04/2009, 09:07

شكرا للجميع.. بعتذر النتعم يحشش وما عم اقدر رد..
محبتي.. :D

الاء النور

10/04/2009, 16:34

طبعا المجتمه هلا صار زكوري ما في مكان للمراة غير كمنضفة او الة توليد حتى التعليم بالزور عم تتعلم

المجتمع مش رح يطور حتى تتغير الذهنيات مش يعني تفكير الرجل بس كمان المراة اللي راضية بوضعها

عياش

10/04/2009, 17:25

طبعا المجتمه هلا صار زكوري ما في مكان للمراة غير كمنضفة او الة توليد حتى التعليم بالزور عم تتعلم

المجتمع مش رح يطور حتى تتغير الذهنيات مش يعني تفكير الرجل بس كمان المراة اللي راضية بوضعها

أنا برأي إنو المجتمع العربي لا يسير للأمام بموضوع تحرير المراة يعني دمشق التي قامت فيها اول مظاهرة نسائية اليوم نسائها من خلف الخمار لا تقوى على مواجهة المجتمع بوحه مكشوف وبظن المسؤولية بوزعة بالتساوي بين الرجل والمرأة وبكثير من الأحيان المرأة عم تكون عدوة نفسها بامتياز وهي أصل البلاء لأن ما فيك تحرر انسان ما مقتنع إنو هو مقيد أو يعشق جنازير قيده.

مجنون يحكي وعاقل يسمع

10/04/2009, 19:21

غدرتونا بهالموضوع الراقي والرائع وبهالإيجابات اللي بتدل على رقي اجتماعي وتطور عقلاني عند معظم الصبايا والشباب المشاركين مع أنو أنا عم جمّع كتير من هالأفكار بموضوع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وسن22

11/04/2009, 06:56

..

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وردة لناي :D

عياش

11/04/2009, 15:33

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

لا تنسي إنو هالنزعات لما أسسلها فرويد كانت ع اساس المجتمع الذكوري وبالتالي قد تكون حصيلة للتطور الاجتماعي مو نزعة نفسية ولادية بالعكس مفروضة ع اساس المجتمع والتربية

Abu ToNi

11/04/2009, 17:12

..

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وردة لناي :D
السادية والمازوخية افعال شذوذ جنسي " غير طبيعية " مانا مرتبطة ابدا بالجنس ( كـذكر او انثى )
ميول لليكون الشخص معتدي او ضيحة اعتداء جسدي ..
بس غير مضبوطة ومتناسبة بين ذكر = سادي ، انثى = مازوخية
مافي شي بيدعم النظرية السابقة .. شخصيا انا على علاقة بشخصاية جدا سادية معي انه عندا ولع بضربي كفوف هي انا قدامك عندي دليل شخصي على عدم وجود رابط للجنس والافعال السادية او المازوخية

ويا هلا فيكي وهي وردة الك :D

Abu ToNi

12/04/2009, 02:58

:shock:....:x
خلص روقي روقي انا السادي خلص لا تفضحينا قدام الاجانب :lol:

..Jimy

12/04/2009, 20:09

سادية معي انه عندا ولع بضربي كفوف
:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Vlay5naWY%3D....////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX21hZC5naWY%3D

يعني بنفهم من هالحكي انو "جينا" ....امك:o