مصطلح السطحيه مصطلح يطلق على الظاهر من أوجه المواد المستويه (( سـطح الماء , الطاوله , الأرض و حتـّى سـطح البنايه مثلا و الخ )) و تحوّل هالمصطلح لصفه بشريه تطلق على الناس الغير قادرين على النظر الى ما هو أبعد من سـطح الأمور و ظاهرها و عدم التفكير فيما وراء الامور و أبعادها :pos: ..


هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
هل هي مرتبطه بعمر معيـّن و هل هي مغفوره لأعمار دون أعمار ؟؟
هل نـحتاج نـاس سطحين في حـياتنا :o ؟؟
على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟

هات لنـشوف سمـعونا آراءكم

هلأ السطحية هممممم ...

بشكل عام انا بعرّفا السطحيي على انها الاهتمام بالمظهر لا بالجوهر... يعني واحد بيحكم عالشغلات لمجرد كيف بتظهر ... مثلا: والله انا بحكم ع بنت انو صايعة لمجرد انا بتلبس لبس كتير فاضح ...


هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟


مشان اول سؤال ما بظن هيي بتكون مرتبطة بالزكاء ... يعني ممكن يكون هالشخص معقّد او مريض نفسي ... ممكن يكون الجو اللي عايش فيه هيك ... او ممكن يكون متعوّد ..يعني اخدا عادي ...:lol:



هل هي مرتبطه بعمر معيـّن و هل هي مغفوره لأعمار دون أعمار ؟؟


ما بتصوّر انها مرتبطة بعمر معين ... يعني لو كانت هالشغلي معو من هوي وصغير .... كنا قلنا لسا صغير بس وين اهلو ؟ .. ولو هوي وكبير ع العن والعنين ...


هل نـحتاج نـاس سطحين في حـياتنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟؟


لاء شكرا ..مو ناقصني :p


على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟


هلأ وقت اللي بكون عم حاكي شخص سطحي ... واللهي انا بطرح الافكار والشغلات اللي بفكر فيا ... وهوي يسطفل ... اقتنع اوكي ...ما اقتنع مشكلتو ... وبتصفي عنجد مشكلتو ....

وثانكس مراموش :larg:

اكيد السطحية مو مرتبطة بالذكاء او بالغباء..
من فترة اتعرفت على صبية بسيطة كتير .. وفيك تقول سطحية بامتياز بس بدون ما تكون سمعانة بكلمة سطحية وبحكم اني بشوفها كل يوم كان يصير احاديث بيناتنا كتير وكنت كرر انو الطريقة الفلانية بالتفكير سطحية وانو لازم نفكر بعمق اكتر من هيك ..
واتفاجأت بأنو الصبية اتغيرت كتير وصارت تعترف انها خجلانة من حالها كيف كانت تفكر.. وكيف كانت تحكم على الناس وعلى الامور..
الخلاصة..
انو احيانا في اشخاص بيكون بدهون دفعة بسيطة ليشوفو الامور متل ما هيي وطالما الشخص مخو منفتح على الاخرين فممكن كتير انو يتغير.. يعني بمعنى اخر الانسان السطحي ممكن محاورتو بس بشرط ما يكون منغل لانو المنغلق مو ممكن يسمع غير حالو

بجوز الحياة اللي عايشينها بطريقة لا أرادية بتفرض علينا مرات نكون سطحيين او مرات بنتعلم السطحية من الاشخاص اللي بيفرض علينا مجالستهم بالحياة كزملاء العمل او الاقارب والجيران
وسطحيه بتكون في اشياء وأشياء يعني مرات بنحكم ع الامور بشكل سطحي لأنو ما بنكون على درايه فيها وما عنا الوقت بهالزمن لهيك تعودنا ناخد كلشي ع الماشي
اما نفس الامور لو كان عنا وقت كافي كنا ما تعاملنا معها بسطحيه
يعني بعتقد السطحية مرتبطة بالزمان والمكان

السطحية وباء فتاك عم يتفشى بصفوف المجتمع بشكل ملحوظ جداً ،


هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟


عطول كنت اعتقد انو العوامل الرئيسية للسطحية هيي البيئة الاجتماعية السياسية لي ربيان فيها الشخص ،
بس السطحية او عدمها بيتفاوتو عند الاشخاص لي ربيانين بنفس البيئة .. فبتلاقي عندك بنفس البلد او بنفس الحارة ناس سطحيين حتى العظام وناس ما بيمتو للسطحية بصلة ..

بعتقد ، انو بالاضافة للبيئة الاجتماعية السياسية لي ربيان فيها الشخص ، العوامل الاكثر تأثير على مقياس السطحية هيي تركيبة الشخصية والتنشأة والتنمية الذاتية لي بيهتمو فيها الاهل او المحيط القريب ..

هل هي مرتبطه بعمر معيـّن و هل هي مغفوره لأعمار دون أعمار ؟؟
ما فينا نتوقع مثلا من طفل او مراهق انو ياخد المنحنى الاعمق للامور وما يفكر بسطحية ،
توقعاتنا بتبلش عند سن البلوغ وقت ما يبدا الشخص بتكوين ذاتو وبصقل شخصيتو .. العمر وباقي التوقعات مرتبطين دايما بدالّة تصاعدية .. فـ كل ما زاد العمر كذلك التوقعات بتزيد ..

هل نـحتاج نـاس سطحين في حـياتنا :o ؟؟
ازا كانت صيغة السؤال معكوسة ، ساعتها الجواب رح يكون اي .. الى حد ما ..
بحياتي ما احتجت وجود انسان سطحي بحياتي .. عادة نحنا منحتاج وجود الاشخاص لي فيهن يقدمو او يضيفو شي ع حياتنا .. وانا شخصيا ما بنتظر وما بتوقع اي شي من السطحيين،
بس العكس ممكن يكون جدا صحيح ..

على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟

من الاساس ما بتحمل اني حاور شخص سطحي ، الا في حال كان هالشخص بيهمني ،
فبيصير الحوار واجب والنتيجة المرجية هدف ..




:D

هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
طبعا مرتبطة بالذكاء لكن بنفس الوقت مانها نتيجة اهمال بأغلب الأحيان
فالسطحي بالتفكير مانه فاعل بهلموضوع انما مفعول به :o
فكون الذكاء صفة لا يمكن التحكم بها بشكل مطلق ، يعني بأحسن الاحوال يمكن تطويرها وتهذيبها .. تماما نفس الشي بينطق على السطحية بنظري .. انه يمكن معالجتا وتحسينا بس السطحي بيبقى سطحي بمعالجته للأمور وتفسيره للوقائع .

هل هي مرتبطه بعمر معيـّن و هل هي مغفوره لأعمار دون أعمار ؟؟
لا اكيد لا ، بالمراهقة بمر الانسان بفترة سخافة او مياعة بمحاولة لجذب النظر بس ما بعتقد انه بمر بفترة غباء وهبل مزمن :lol:



هل نـحتاج نـاس سطحين في حـياتنا :o ؟؟
اكيد ضروريين .. فلولا وجودن لما شفنا ناس مميزين :lol:
وبيفعوا كتير بعملية تكملة العدد .. خديها عن خبرة شخصية بينفعوا كتير :lol:



على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟


اذا حسيت في امل اني وصل معه لنتيجة او ينتهى الحوار بعدم انفلاجي وتسقيط عضو من اعضائي بكمل معه .. بس أغلب الاحيان ما بتزبط لأن عندي مشكلة بالعصبية وما بستحمل عيد واسأل كتير بالبديهيات :pos:

فجواب على ماذا تعتمد .. بعتمد على اسخف الامثلة للشرح على امل انه يقدر يستوعب الشي اللي عما قوله ويفهم المعنى اللي بدي وصله ياه

هل هناك نتيجة ترجى ؟ من جهتي صرلي عبنحت كتير ولهلق ما وصلت لشي عليه القيمة بس لازلنا نجاهد بحثا عن المرحومة امل طول الله بعمر اختا رجاء :pos:

بشكل عام انا بعرّفا السطحيي على انها الاهتمام بالمظهر لا بالجوهر... يعني واحد بيحكم عالشغلات لمجرد كيف بتظهر ... مثلا: والله انا بحكم ع بنت انو صايعة لمجرد انا بتلبس لبس كتير فاضح ...

ايوا .. هي هيـّه تماما اللي عم نحكي عنها ..

مشان اول سؤال ما بظن هيي بتكون مرتبطة بالزكاء ... يعني ممكن يكون هالشخص معقّد او مريض نفسي ... ممكن يكون الجو اللي عايش فيه هيك ... او ممكن يكون متعوّد ..يعني اخدا عادي ...:lol:
اي قال حدن تكون احدى هوايته السـطحيه و ركوب الخيل :lol:



ما بتصوّر انها مرتبطة بعمر معين ... يعني لو كانت هالشغلي معو من هوي وصغير .... كنا قلنا لسا صغير بس وين اهلو ؟ .. ولو هوي وكبير ع العن والعنين ...

هون بقا انا ما فهمت شو قصدك بس من وجهه نظري أنا انها بترتبط بالعمر .. و لكنها بتتناسب معو بنفس الوقت .. يعني الأطفال الـصغار بـسيطين و بياخدو الأمور بسـطحيه بالنسبه النا نحنا الأكبر منهم بينما المشكله لما بكون طفل صغير سطحي بالنسبه لعمره يعني اقرانه بيقدرو يفكرو لبعيد بالقصص هو لا .. هون بـقى تبدأ المشـكله ..



هلأ وقت اللي بكون عم حاكي شخص سطحي ... واللهي انا بطرح الافكار والشغلات اللي بفكر فيا ... وهوي يسطفل ... اقتنع اوكي ...ما اقتنع مشكلتو ... وبتصفي عنجد مشكلتو ....

انو اذا فرضنا انو يصطفل بس ما بيجلط بالله بالله ما بجيب الجلطه و الـسكري و الضغط ؟؟

وثانكس مراموش :larg:
شفتيني بالله ما أحلاني و أنا عم اكتب مواضـيع بالـصالون شو طالعه كول :larg:

اكيد السطحية مو مرتبطة بالذكاء او بالغباء..
من فترة اتعرفت على صبية بسيطة كتير .. وفيك تقول سطحية بامتياز بس بدون ما تكون سمعانة بكلمة سطحية وبحكم اني بشوفها كل يوم كان يصير احاديث بيناتنا كتير وكنت كرر انو الطريقة الفلانية بالتفكير سطحية وانو لازم نفكر بعمق اكتر من هيك ..
واتفاجأت بأنو الصبية اتغيرت كتير وصارت تعترف انها خجلانة من حالها كيف كانت تفكر.. وكيف كانت تحكم على الناس وعلى الامور..
الخلاصة..
انو احيانا في اشخاص بيكون بدهون دفعة بسيطة ليشوفو الامور متل ما هيي وطالما الشخص مخو منفتح على الاخرين فممكن كتير انو يتغير.. يعني بمعنى اخر الانسان السطحي ممكن محاورتو بس بشرط ما يكون منغل لانو المنغلق مو ممكن يسمع غير حالو



اي بتفق معك بانو ممكن محاوره الشـخص الـسطحي و خليني ذكر انو المحاوره ما دائما هدفها اقناع الاخر بوجه نظرنا النا يعني بيقدر يضل عنده وجهه نظره لكن يتفهم وجهه نظرنا .. المهم .. عن صـديقتك او زميلتك فـبرافو يعني من الجيد انها قدرت تتخطى هالامر لأنو ما عاده أمر سـهل الواحد يغيّر طريقه تفكيره و تعاطيه مع الامور و لـكن هل من الممكن يا ترى أنـّو اذا حضرتك بعدتي عنها ترجع لسـطحيتها ؟؟

بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.
وزاد على الموضوع كمان عملية الانفتاح الاقتصادي والتقني يلي حولت اهتمام الناس لتقنيات وأنماط جديدة ما كانوا بيعرفوها وحصرت اهتمامون فيها.

يمكن لو الحكيم مو حلو ما كنت سجلت بأخوية :o:lol::p..


أي :larg:..
بالنسبي للسطحية..
خيتو فيني إلك انو تفكيري مو سطحي:larg:..
بس مافيني إلك بنوب أنو ما بهتم بالمظاهر..
لا وسعدو.. بهتم جدا جزيلاً..وبظن انو المظهر مهم جدا.. كون هوي أكتر الأمور وضوحاً :deal:..

كما انو نحنا كبشر لا إراديا.. عنا شي من السطحية ..
إذا بتلاحظي الشخص الحلو منحاول نتقرب منو أكتر من غيرو.. منكون لطيفين.. مرحين :lol:..
ومنرتحلو اسرع.. بغض النظر شخصيتو.. أو تفكيرو..

وطول ما أنو مظهر الشخص بغير طريقة تعاملنا معو..فهيدا بيعني انو عنا شي من السطحية :pos:..

:akh:

هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟

من خلال خبرتي بالمحيط العربي



السطحية هيي جينات بتخلق مع البني آدم



يعني في كل بني آدم منشوفو .... لو دخلتوه السوربون و الاكسفورد مع بعض ..


و اجاه الله يعطيه دروس خصوصية ....

رح يضل سطحي








و ثقيل

يمكن لو الحكيم مو حلو ما كنت سجلت بأخوية :o:lol::p..


أي :larg:..
بالنسبي للسطحية..
خيتو فيني إلك انو تفكيري مو سطحي:larg:..
بس مافيني إلك بنوب أنو ما بهتم بالمظاهر..
لا وسعدو.. بهتم جدا جزيلاً..وبظن انو المظهر مهم جدا.. كون هوي أكتر الأمور وضوحاً :deal:..

كما انو نحنا كبشر لا إراديا.. عنا شي من السطحية ..
إذا بتلاحظي الشخص الحلو منحاول نتقرب منو أكتر من غيرو.. منكون لطيفين.. مرحين :lol:..
ومنرتحلو اسرع.. بغض النظر شخصيتو.. أو تفكيرو..

وطول ما أنو مظهر الشخص بغير طريقة تعاملنا معو..فهيدا بيعني انو عنا شي من السطحية :pos:..

:akh:

هلا بجد الحكيم حلو يعني احلى من براد بيت
بصراحه انا معك في هاي النقطة بحس انو الجمال جواز سفر للبني آدم والشخص اللي مو جميل يا رب سامحني ما فيك تتحملو يعني متلا انا من ناحية الارتباط ازا اجت وحده حكتلي عن شب بقلها جبيه اشوفو والله شكلو مش ولا بد (كأغلب الاحيان ) بصير الواحد يرفع بطلبات اما ازا حلو والله الواحد بفوت ما تقولو هاي سطحية هاي شغلة من الله

سابقاً كنت -ربما بدافع الغرور أو الجهل- أجد سهولة في تصنيف الناس حسب رؤيتي لعمقهم و ذكائهم و فهمهم و استيعابهم... الخ. لكنني تعلّمت بالحكمة أنه مهما كنّا "عميقين" (و قد لا نقول عن نفسنا زوراً انما نحن فعلاً عميقين) هناك من يمكنه بسهولة جعلنا نرى نفسنا سطحيين أمامه, و عندها -كبادرة دفاع عن النفس و حماية للذات- سنحاول اقناع نفسنا أنه هو السطحي و ليس نحن.



لذلك.... لا أجرؤ منذ زمن بعيد على اطلاق هكذا حكم..



:D

السطحية مانا مرتبطة بالغباء أو الذكاء..يمكن بالجهل
والسطحية أكيد مانا مرتبطة بعمر معين

أكيد بنحتاج ناس سطحيين بحياتنا:gem:..وأنا كتير بسطّح حالي وقت كون معون
بالنسبة للحوار..ممكن الحوار بالشغلات السطحية بس أما غير هيك..فمستحيل

عـ العموم السطحية ما في مفر منّا..ما فينا نعيش بلا السطحية:larg:


-----على الهامش-----
أنا قبل ما أعرف أخوية كنت كتير سطحي..بس هلّق مدري أيشو صرلي..صاير ماني مأقدر حاكي رفقاتي..خصوصا البنات :cry:

يسعد اوقاتكن ياحلوين

السطحية او تسطح المخ فكرة اجت من من شكل الجمجمة لانو الحالة الحيواني عامة بيكون شكل الراس من

الامام فيه مسطحات ماعدا الانسان يحمل الراس الكروي تقريبا ولانو مالاحظنا نسبة ذكاء عالية الا عند الانسان

فهوي الكائن لوحيد اللي بيتميز بالذكاء والراس الكروي صارو مرتبطين ببعض

بعتقد الى حد ما انو السطحية مرتبطة الى حد ما بنسبة الذكاء لانو الذكي بيشوف لبعيد وبيقرا بين السطور

وبيحسبها صح والى اخر ماهنالك بس ممكن اذا صابو مرض الغرور يترافق مع شي من السطحية

وكمان بعتقد انو السطحية مرتبطة الى حد ما بدرجة النضوج مثلا المراهق او المراهقة اجمالا البوصلة عندهن

باتجاه واحد وهادا برايي حالة من السطحية ممكن تعبر عن حالها بلبس مغري او رغبة باستعمال مواد التجميل

والتزيين ممكن يكون كمان التدخين كرمال الاحساس بالرجولة الخ الخ

واكيد مافي داعي انو نحتاج سطحيين لانو ماننا بحاجة مقارنات بحاجة طاقات

واما التحاور مع شخص سطحي اكيد اهم شي بالاول انو نخليه يقتنع انو عندو اكتر من 98% من طاقة مخو معطلها

عن العمل ونقنعو انو حتى مايكون سطحي مافي داعي يعذب حالو ويستعمل هالنسبة الكبيرة العاطلة

عن العمل بيكفي يزيد نسبة 1% حتى يصير كويس و1% تانية حتى يصير ذكي جدا

يعني نخلي الرجال يستعمل 4%من طاقة مخو ومانستغل سطحيتو للتأفيل على سماه

ماااااااااااااااااششكورين

تقبلو مروري

هاي افريبادي ..
شو آل سطحية ما سطحية ...
كيف يعني ؟؟؟ عاملين بارتي عالسطح ؟!! :o

السطحية برأيي مو كتيير بحسها مرتبطة بالذكاء ..:pos:
بس انو في ناس بيكونوا اذكياء كتير وناجحين بعملهن ودراستهن ... بس اهتماماتهن كتير تافهة وسطحية !
بعتقد انها مرتبطة بالجو يلي عاش فية وتربى فيه مو اكتر .. يعني كيف اكتسب مفاهيمو واسلوبو بالحياة ...
وبحب زيد على افكاري م طرحو (عياش) :سوريا:
بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.

هل هي مرتبطه بعمر معيـّن و هل هي مغفوره لأعمار دون أعمار ؟؟
هل اكيد فينا نغفر سطحية بعض المراهقين او الاطفال ...لنو لساتهن بطور النمو ولسا عقلهن يا دوبو عم يتفتح عالعالم ... فا لا توخزوهن ... او بالاحرى لا توخزونا :lol:
بس ابداً ما فيني اغفر لشخص فوق 20 ... عم يتعامل مع الامور بسطحية ...متل والله عقلو لساتو بالرفقات والروحة والجية وطق الحنك ... وعم ينسى انو هوي عم يكبر وعندو مسؤوليات عم تكبر معو !
هل نـحتاج نـاس سطحين في حـياتنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟؟
هلأ انا بصراحة ما بحتاج .. عندي منهن كتييير لهدول :lol:
بس انو منحتاج ...؟؟ اي منحتاج ..
لأنو يا ستي ازا انتي دايماً كنتي بتنظري للامور بعمقها .. وفهمانة وقد حالك ... شو استفدنا ... بجوز هالسطحي ينظر للامور بسطحيتها ... وينتبه انو هيي غلط .. ويقدر ينبهك ....
يعني مو لازم دايماً يغررنا العمق ... في شي بالسطح بيستحق شوية اهتمام برأيي :gem:

على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟
ازا بدك تحكي مع شخص .. لازم تحكي بلغتو ...
برأيي ازا في شخص سطحي لازم نحاكيه بسطحية متل ما هوي بيحكي .. بس ..... بتوقع انو لازم نعمق بالحوار كل مرة اكتر بشوي ... نحاول نمشيه دادا دادا من السطح للعمق ...
هل مو مع كل الاشخاص ... منلاقي في نتيجة للحوار ... لانو في ناس بهايم(حاشى السامعين ) لو بتحكي معهن من هلأ لبعد شنة ... ما بيستوعبوا :pos:


هلأ بالنسبة لالي شخصياً .. السطحية وجودها ضعيف .. بس هاد ما بيعني انو مالها وجود
متل ما قلت قبل في شغلات بسطح الامور .... بتستحق الاهتمام ولو شوي
مثلاً انا بدي رافق شي حدا فهمان وكل شي ... بس ما عندو اهتمام بمظهرو ... ما فيني ضل معو ... هي شغلة سطحية بس بتستحق الاهتمام :?


و 10x عالموضوع :D

اول شي بنظري السطحية ما الها علاقة بالذكاء لا من بعيد ولا من قريب
لانو في كتير عالم و ناس بيكونو جدا ناجحين بدراستهم و و و الخ..
بس بيفكرو و بيتصرفو بطريقة جدا سطحية :pos:
بتخيل هالشي بيعتمد ع الوسط والمحيط و اكيد الرففقة بتلعب دور كبير

اما بالنسبة للعمر فلا ابدا ابدا هالشي ما بيرتبط بعمر لانو وللاسف قابلت ناس كبار بالعمر(فوق ال50 تحديدا)
و كانو اتفه من المراهقين!!!!
اما مشانا احنا بكرة منكبر و منعقل ليش ما تتحملونا؟:p

بعدين بالنسبة للسطحيين بحياتنا ف بحب احكيلك ايه نعم منحاتجهم جدا ( و بثقة كمان)
لانو شو الفايدة ازا كان كل العالم فهمانين و عميقيين؟ احنا منكمل بعض:? ايه متل ما بحكيلك منكمل بعض
و كل واحد فينا بيحتاج التاني بحياتو

الحوار مع واحد سطحي متل ما تفضل سامان بيك العظيم( مقتبس من التوقيع التاريخي) اعلاه انو بتكون هيك من السطح للعمق
يعني من الضروري انو تحاور كل واحد ع قد عقلو
و ازا مشي الحال مشي اما ازا حسيت انو والله ما في خواص خلص بلاها الشغلة انو لشو اكل الهوا؟

:D
____

ع الهامش لسمان بيك العظيم: كتير بحب توقيعك:lol:

السطحية حسب ما بشوفها انا هيي حب المظاهر ...
يعني حب القشور ..يعني دون النظر الى الداخل ..

السطحية حسب ما بشوفها انا هيي حب المظاهر ...
يعني حب القشور ..يعني دون النظر الى الداخل ..
والتفسير الساذج للأمور كمان حب للمظاهر :?

ولكن بالنهاية مع قدرة الانسان السطحي على القيام بعمله (وظيفته) بدون استفسارات واعتراضات ومع قدرته على الاستمتاع الدائمة بكل شي جديد ويلمع ومع همومه المتواضعة فالسطحيون هم المنتصرون بمجال السعادة

السطحية فراغ..لاشيء مهم أو مفيد

كلام لمجرد الكلام..والفكرة غائبة وأما الهدف.. مانو موجود أصلا..

وبحالات قليلة في فكرة........بس سخيفة كتير لامهمة ولا مفيدة.....وبغير وقتا كمان

طيب يا شباب مين منكن بيعرف أنو هوي سطحي ولا لاء
ما نحنا العرب كلنا سطحيين وما منفكر غير بظواهر الأمور متل ما اتفضلت الست مرام وحكت أنو نحنا منحكم على بنت إنها خالصة من مجرد لباسا الفاضح أو مثلا مننبسط أنو أوباما استلم الرئاسة بأميركا ومنأعد نتفزلك على بعض أنو الوضع صار تمام ورح تتحلحل الأمور
يعني أنا بتفرج على القنوات العربية بعد كل قمة عربية بتلائي كل قناة عمتمجد بكلمة الرئيس تبعا مع أنو بيكون هوي ذات نفسو مو عرفان شو حاكي
وعلى المستوى الشخصي يعني لمن بتخوض نقاش مع شي حدا انت بتعتبرو سطحي وهوي بيعتبرك سطحي ومين السطحي فينا ما بعرف وشو هوي مقياس السطحية
ولاء المشكلة أنو بعد نقاش طويل ومعمق صرفت علي شي باكيت دخان وشي أبريأين متة وشاي وغيرو وغيراتو وآخرشي صمدويشتين فلافل بتفيئ تاني يوم الصبح وبتندم وبتأول لك أنا شو كنت عمبحكي مبارح وشو بدي لفوت بهالنقاش هاد ماني عرفان


هاموش : هل كلامي يدل على السطحية
فا تفرَج يا رعاك الله

بجوز الحياة اللي عايشينها بطريقة لا أرادية بتفرض علينا مرات نكون سطحيين او مرات بنتعلم السطحية من الاشخاص اللي بيفرض علينا مجالستهم بالحياة كزملاء العمل او الاقارب والجيران
وسطحيه بتكون في اشياء وأشياء يعني مرات بنحكم ع الامور بشكل سطحي لأنو ما بنكون على درايه فيها وما عنا الوقت بهالزمن لهيك تعودنا ناخد كلشي ع الماشي
اما نفس الامور لو كان عنا وقت كافي كنا ما تعاملنا معها بسطحيه
يعني بعتقد السطحية مرتبطة بالزمان والمكان
اكيد المجتمع و المحيط اله حصـّه كبيره بـجغرافيّـه شخـصيتنا و لـكن عجبـني اللي قلتيه فيما يخص انو السطحيه تنطلق من عدم معرفتنا و اطلاعنا على الاشيـاء و الحقائق و انا بتفق معك بشكل كبير بهي النقطه .. يعني برأي فيه يـكون الشـخص سـطحي بتعامله مع أمر بيجهله و لـكن بعد اطلاعه و معرفته بالأمر بشكل جيّد قد يلجأ لانو يـصير يتعمّـق بالتفكير فيه ..


بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.
وزاد على الموضوع كمان عملية الانفتاح الاقتصادي والتقني يلي حولت اهتمام الناس لتقنيات وأنماط جديدة ما كانوا بيعرفوها وحصرت اهتمامون فيها.

ما بدي ضيف على كلامك كتير لأنو مباشر و فيّ ببـساطه وافق عليه و نرجع لنقطه انـّو عدم المعرفه و الاكتفاء بالتنفيذ الأعمى للأمور ما بخلينا نشـوف البعد التالت للأمور .. :D

يمكن لو الحكيم مو حلو ما كنت سجلت بأخوية :o:lol::p..


أي :larg:..
بالنسبي للسطحية..
خيتو فيني إلك انو تفكيري مو سطحي:larg:..
بس مافيني إلك بنوب أنو ما بهتم بالمظاهر..
لا وسعدو.. بهتم جدا جزيلاً..وبظن انو المظهر مهم جدا.. كون هوي أكتر الأمور وضوحاً :deal:..

كما انو نحنا كبشر لا إراديا.. عنا شي من السطحية ..
إذا بتلاحظي الشخص الحلو منحاول نتقرب منو أكتر من غيرو.. منكون لطيفين.. مرحين :lol:..
ومنرتحلو اسرع.. بغض النظر شخصيتو.. أو تفكيرو..

وطول ما أنو مظهر الشخص بغير طريقة تعاملنا معو..فهيدا بيعني انو عنا شي من السطحية :pos:..

:akh:

حـكى بدري :lol: ..
كـلنا بنـهتم بالمظاهر و السطحيه ماهي فقط الاهتمام بالمظاهر .. اعتقد السطحيه كمفهوم أبعد من مجرّد كونها تهتم بالمظاهر الى انها تهتم بالـقشور أو لا تـهتم بنـوب :p .. يعني فيه انسان يكون لا يهتم بالمظاهر و سـطحي بأمور أخرى .. فهي القصّه نسـبيه عرفت عليّ كيف ؟؟

من خلال خبرتي بالمحيط العربي

السطحية هيي جينات بتخلق مع البني آدم


يعني في كل بني آدم منشوفو .... لو دخلتوه السوربون و الاكسفورد مع بعض ..

و اجاه الله يعطيه دروس خصوصية ....

رح يضل سطحي




و ثقيل

:lol::lol: ..
مع اني لا اتفق بشكل كلّي مع هالنظريه الا انو فيّ ارجع لرد عياش سـابقا و قول يمكن نظام التربيه اللي بتفرضه الحكومات خوفا من ايجاد شـعب يلغيها هوّ سـبب كتير مهم من الأسـباب اللي بتجعل الـعرب أكثر سـطحيه من غيرهم , اذا سلمنا - فرضا - , بنظريتك ..

سابقاً كنت -ربما بدافع الغرور أو الجهل- أجد سهولة في تصنيف الناس حسب رؤيتي لعمقهم و ذكائهم و فهمهم و استيعابهم... الخ. لكنني تعلّمت بالحكمة أنه مهما كنّا "عميقين" (و قد لا نقول عن نفسنا زوراً انما نحن فعلاً عميقين) هناك من يمكنه بسهولة جعلنا نرى نفسنا سطحيين أمامه, و عندها -كبادرة دفاع عن النفس و حماية للذات- سنحاول اقناع نفسنا أنه هو السطحي و ليس نحن.

لذلك.... لا أجرؤ منذ زمن بعيد على اطلاق هكذا حكم..

:D
راقـي يا اخـي مو بايدك :larg: ..
رأيـك يا صـديقي بـخليني أكـّد على انـّو السـطحيه هي أمر نسـبي .. يعني انا قد أكون سـطحيه بنظرتي للامور مقارنه فـيك و انت قد تكون سـطحي مقارنه بجارك و هـكذا .. و لـكن هل في حل موجود بين ايدينا اليوم يخلينا نتخلّص من الـسطحيه ؟؟انو مثلا واحد يروح لعند الدكتور يقلو يا دكتور ولله طالعتلي حبه سطحيه بمخي يقوم الدكتور يعطيه دوا ؟؟



هاي افريبادي ..
شو آل سطحية ما سطحية ...
كيف يعني ؟؟؟ عاملين بارتي عالسطح ؟!! :o


أنت اوّل وحده معزومه :lol:

مرات بنحكم ع الامور بشكل سطحي لأنو ما بنكون على درايه فيها وما عنا الوقت بهالزمن لهيك تعودنا ناخد كلشي ع الماشي



يعني برأي فيه يـكون الشـخص سـطحي بتعامله مع أمر بيجهله و لـكن بعد اطلاعه و معرفته بالأمر بشكل جيّد قد يلجأ لانو يـصير يتعمّـق بالتفكير فيه ..




أنا بتفق معكون بهل النقطة مية بالمية وبضيف عليها إنو حالة الانفتاح الاقتصادي التي عشناها مؤخرا أدخلت على حياتنا مجموعة من المستجدات التي كنا محرومين منها (موبايلات - سيارات - .....الخ) أدت لحالة انبهار ودهشة جماهيرية ونهم ومن تطليعة وحدة على عدد محلات الموبيلات ومكاتب تأجير السيارات وصالات العرض منعرف مقدار النهم الجماهيري تجاه هذه الأمور وبالتالي صارت نظرتنا استهلاكية سطحية ومهتمة بامور قشرية ومحكومة بمتايعة التطور الشكلي الذي يطرأ عليها وهذا الأمر لا يقتصر على المراهقين أو الشباب مثلا وإنما بشكل أساسي على أرباب الأسر كونهم أصحاب القدرة الشرائية الحقيقية.

طيب شي حدا يفهمنا شو هي الأمور يلي بدل على إنك شخص غير سطحي بل متعمق بالتفكير وبتعرف تحكيلك جوز كلام و فهمان الوضع
يعني بشرفي كلكن مسخرة بمسخرة
حلو عن سما الله تبعي وطلعو من راسي