تعتبر القوانين الوضعية عقوبة الاعدام رادعا للمجتمع لمنع تكرار الجرائم ورغم عدم وجود اية دراسة تثبت ان عقوبة الاعدام ساهمت في تخفيف نسبة الجريمة في اي مجتمع الا ان العدد الاكبر من بلدان العالم مازالو يعملون بها سوء بقطع الراس او بالشنق او الكرسي الكهربائي او بالحقنة المميتةاو بالغاز او بالرجم بالحجارة
وبرأيي الشخصي لا يزيل تشريع الاعدام في الديانات السماوية او في القوانين الوضعية من كونه جريمة همجية بحق الانسانية اكل الدهر عليه وشرب وحان وقت انهائها من المجتمعات المتحضرة في كثير من الاحيان يبرر المدافعون عن عقوية الاعدام قتل الشخص بحكم شناعة الجريمة التي ارتكبها كالتشويه او الاغتصاب قبل القتل او غير ذلك واعدام مرتكب الجريمة في هذه الحالات لايمثل العدالة الا في قانون حمورابي " العين بالعين والسن بالسن" كما ان عقوبة الاعدام هي عقوبة لا يمكن التراجع عنها بعد تنفيذها فيما اذا ثبت براءة المتهم من ارتكاب الجريمة وهذا كثيرا ما يحصل .

للأسف انو عقوبة الإعدام عمتتنفذ ... والمؤسف أكتر من هيك لما بتلاقي نسبة من شعب الساديّة عندو نسبتها مرتفعة جداً
يعني وقت كنت بحلب ... حكالي رفيقي انو وقت عدمو كم واحد وعلقوهن بالساحة .. في عالم صارت تاخد اجازة ساعية مشان تنزل تتفرج عالجثة .. ولو لمدة ثانية !

ثبت من الدراسات النفسية ان نظرية المجرم بالفطرة للحقوقي سيزار لومبروزو هي ضرب من الخيال وبأنه لا يوجد شخص يولد مجرم بالفطرة وليس هناك جينات اجرامية تجعل من حقنا قتل المجرم لا بل اكثر من ذلك قد يكون المجرم نفسه ضحية في كثر من الاحيان قد يكون ضحية الضحية وقد يكون ضحية للمجتمع

في كثير من الاحيان يبرر المدافعون عن عقوية الاعدام قتل الشخص بحكم شناعة الجريمة التي ارتكبها كالتشويه او الاغتصاب قبل القتل او غير ذلك

صح .. أنا متلكن بقول مرات انو شو رح يفيد الإعدام ؟! ما رح يرجع للحياة الشخص اللي انقتل أو رح يرمّم نفسية البنت اللي اعتدي عليها .. بس كمان في جرائم عم تصير مرتكبيها وحوش مو بشر .. خدولي هي مثلاً :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هاد الشخص بيجوز إذا انحكم مؤبد يهرب و يؤذي ناس تانيين بنفس الهمجية .. أو حتى من دون ما يهرب بيجوز يؤذي المساجين اللي معو أو حتى السجّانين ...

تطبيق عقوبة الاعدام في
في الشريعة الإسلامية :
تطبق عقوبة القتل أو الإعدام على عدد من الجرائم في الشريعة الإسلامية وتتمثل في جرائم زنى المحصن وجريمة الردة وهي الارتداد عن الإسلام بعد اعتناقه وجريمة البغي وجريمة القصاص وجريمة الحرابة وبعض جرائم التعازير عند بعض الفقهاء كقتل الجاسوس ومبتدع البدع ومعتاد الإجرام .

في القانون السوري:

في قانون العقوبات:
المادة /37/ من قانون العقوبات- عام:
إن العقوبات الجنائية العادية هي: 1- الإعدام.
المادة/535/ من قانون العقوبات- عام:
يعاقب بالإعدام على القتل إذا
1- أرتكب القتل عمدا.
2-تمهيدا لجناية أو تسهيلا أو تنفيذا لها أو تسهيلا لفرار المحرضين على تلك الجناية أو فاعليها أو المتدخلين بها أو للحيلولة بينهم وبين العقاب.
3- على احد أصول المجرم أو فروعه.

في قانون العقوبات العسكري،
ذكر الإعدام في المواد التالية:
المادة /102/: 1- يعاقب بالإعدام كل عسكري ارتكب جريمة الفرار إلى العدو.
المادة /103/: الفقرة/5/: زمن الحرب يعاقب بالإعدام:
آ- الذي يفر بمؤامرة أمام العدو.
ب- رئيس المؤامرة على الفرار إلى الخارج.
المادة / 137/: يعاقب بالإعدام كل عسكري يقدم قصدا وبأي وسيلة كانت على حرق أو هدم أو إتلاف أبنية أو إنشاءات أو مستودعات أو مجاري الماء أو خطوط حديدية أو خطوط ومراكز البرق والهاتف أو مراكز الطيران أو سفن وبواخر ومراكب أو شيء غير منقول من أشياء الجيش أو من الأشياء التي تستعمل في الدفاع الوطني.

الجرائم الواقعة على أمن الدولة :
نصقانون العقوبات السوري على الجرائم الواقعة على أمن الدولة الخارجيوعقوبتها الإعدام في المواد ( 263 – 264 – 265 – 266 ) وعلى الجرائم التيتمس أمن الدولة الداخلي بالمواد ( 298 – 305 )
توسع المشرع السوري في استخدام هذه العقوبة بموجب المراسيمالجزائية الخاصة كقانون الانتساب إلى تنظيم الإخوان المسلمين رقم(49)،وفيحالات متعددة في قوانين مناهضة أهداف الثورة وحماية النظام الاشتراكي وأمنحزب البعث العربي الاشتراكي
يذكر أن جميع أحكام الإعدام في سورية لا تسري المفعول إلا بعد تصديق الحكم من قبل رئيس الجمهورية.

أنا وقت فكر بعقوبة الاعدام من الناحية الانسانية..ما بتقبلها وبرفضها بشكل كبير


بس وقت اسمع مثلا برجل اغتصب بنت أوقتل طفل..بينهز بدني وبتمناه يموت
وما بظن أنو عقوبة السجن المؤبد بترضي حزن أهل هالبنت أو هالولد أو حتى
ما بترضيني مع اني ما بعرف الضحية مين ما كان

أشكال الإعدام في سورية:
في الإعدام العسكري:
يجرد المحكوم من كافة شاراته العسكرية ويقرأ عليه حكم المحكمة العسكرية، تعصب عيناه ومن ثم يربط إلى عمود ويقوم بمهمة رميه بالرصاص اثنا عشر جنديا ويتم التنفيذ في الصبا ح الباكر.
في قانون العقوبات السوري:
- يشنق المحكوم عليه بالإعدام في داخل بناية السجن، أو في محل آخر يعينه المرسوم القاضي بتنفيذ العقوبة. وقد يكون هذا المكان مكاناً عاماً كما حصل في العديد من أحكام الإعدام التي نفذت في المدن السورية على مرأى من كافة الناس! والإعدام في الأماكن العامة هذا يشكل انتهاكاً إضافياً لحقوق الإنسان لأنه يتضمن التشهير بالمحكوم عليه بالإعدام من ناحية، ولأن القتل على مرأى من العامة هو أيضاً انتهاك لحقوق العامة!
- يؤجل تنفيذ الإعدام بالحامل إلى أن تضع حملها.
- وعادة، في كلا تنفيذ العقوبتين، لا تسلم جثة المحكوم عليه بالإعدام إلى أهله.

أنا وقت فكر بعقوبة الاعدام من الناحية الانسانية..ما بتقبلها وبرفضها بشكل كبير



بس وقت اسمع مثلا برجل اغتصب بنت أوقتل طفل..بينهز بدني وبتمناه يموت
وما بظن أنو عقوبة السجن المؤبد بترضي حزن أهل هالبنت أو هالولد أو حتى
ما بترضيني مع اني ما بعرف الضحية مين ما كان



عنوان موضوعي هوي الاعدام عقوبة ام انتقام..
لانو جميع القوانين الوضعية بكل انحاء العلم غيرت طرقها بالسياسة العقابية واتحولت من عقوبات انتقامية الى عقوبات اصلاحية..
مو لازم نهدف لارضاء اهل البنت الميتة .. ومين قال انو ارضائهون رح يكتمل بقتل الفاعل..
بس نحنا بتفكيرنا البدائي منروح دايما الى جهة الانتقام

تقرير صادر عن منظمة العفو الدولية للعام 2008

وصل عدد الدول التي ألغت العقوبة في القانون والممارسة إلى /137/ دولة. وكانتأخر دولتين ألغتا عقوبة الإعدام لديها هما كازاخستان وأوزبكستان. كماألغتها دول الإتحاد الأوربي وجعلت إلغاءها واحداً من شروط الانضمام إلىالاتحاد..
بينما بقيت /60/ دولة تأخذ بأحكام الإعدام وما نفُذ من أحكام في عام 2008 " صورة موجزة عن عقوبةالإعدام في العالم. فما بين يناير/كانون الثاني وديسمبر/كانون الأول 2008،أُعدم ما لا يقل عن 2390 شخصاً في 25 بلداً من مختلف أنحاء العالم، بينماحكم على ما لا يقل عن 8864 شخصاً في 52 دولة.

وكانت منطقة الشرق الأوسط وشمال إفريقيا ثاني أعلى رقم لعمليات الإعدام 508
وفي إيران كان الرجم والشنق بين الطرق القاسية واللاإنسانيةالمستخدمة حيث أعدم 346 شخصاً، من بينهم ثمانية أحداث جانحين.
في السعودية كان الإعدام عادة بقطع الرأس على الملأ، وفي بعض الحالات يُتبع بالصلب.
إلا أن بعض الدول العربية (الجزائر، تونس، موريتانيا،المغرب) لم تلغ العقوبة رغم مرور أكثر من عشرة سنوات دون تنفيذ أية عقوبةإعدام
فقد تم إصدار عدد غير متكافئ من أحكام الإعدام على الأقليات الفقيرة، وعددمن الطوائف العرقية والإثنية والدينية في بلدان مثل إيران والسعوديةوالولايات المتحدة الأمريكية.
إن خطر إعدام الشخص البرئ مازال قائماً، وقد اتضح ذلك بعد الإفراج عن 4مساجين استناداً إلى براءتهم بعد أن كانوا تحت وطأة حكم الإعدام فيالولايات المتحدة.

ويقبع العديد ممن حكم عليهم بالإعدام في ظروف احتجاز قاسية يواجهون فيهاصعوبات نفسية بالغة. وعلى سبيل المثال، لا يُبلَّغ السجناء في اليابانبموعد شنقهم في العادة إلا صباح يوم إعدامهم، بينما يجري إبلاغ عائلاتهمبعد تنفيذ الحكم فقط.

لانو جميع القوانين الوضعية بكل انحاء العلم غيرت طرقها بالسياسة العقابية واتحولت من عقوبات انتقامية الى عقوبات اصلاحية..

مو لازم نهدف لارضاء اهل البنت الميتة .. ومين قال انو ارضائهون رح يكتمل بقتل الفاعل..

-عقوبات اصلاحية بعد ما يكون عمل عملتو!..يمكن حسب الجرم..بس متل ما عطيت مثال
لازم يتعاقب المجرم بالاعدام


-انت متحكي هيك..بس وقت تكوني محلون ما رح تفكري هيك وما رح ينشفا غليلك
الا ما يتحاكم الفاعل وينال أقصى عقوبة

العمل ضد عقوبة الإعدام:
فلقد ألغت ولاية ميتشغان الأمريكية هذه العقوبة من العام 1874
والبرتغال في العام 1866
وهولندا في العام 1870
وبعض مقاطعات سويسرا والنرويج عام 1902
والسويد عام 1921
والدنمارك عام 1930
واسبانيا عام 1932
وفرنسا عام 1981 .
ثم ألغت دول الاتحاد الأوربي هذه العقوبة وجعلته شرطا لانضمام الدول إلى الاتحاد .
مؤخرا قامت حملة تصويت مناهضةللإعدام في الأمم المتحدة، في تشرين الأول لعام / 2007/ حيث تم التصويتبـ/ 99/ صوت مقابل /52/ صوت للتصويت على قرار لوقف تنفيذ عمليات الإعداموصولا إلى إلغائها نهائيا من قوانين الدول

[RIGHT]-عقوبات اصلاحية بعد ما يكون عمل عملتو!..يمكن حسب الجرم..بس متل ما عطيت مثال
لازم يتعاقب المجرم بالاعدام


-انت متحكي هيك..بس وقت تكوني محلون ما رح تفكري هيك وما رح ينشفا غليلك
الا ما يتحاكم الفاعل وينال أقصى عقوبة



للاسف ثقافة المسامحة مو موجودة عنا ابدا.. صدقني انا مريت بهي التجربة بشكل او بآخر وانا بسامح المجرم اللي نأذيت كتير انا وعيلتي بسببو وبتمنى يحصل على ثقافة جديدة بتغيرلو ظروفو وعقلو..
لانو انا ما بآمن متل ما قلت قبل انو في مجرم بالفطرة.. و بعيد وبكرر انو هادا المجرم ممكن كان ضحية تربية خاطئة او مجتمع متخلف وظالم .. حتى بأبشع صور الاجرام..
مثلا اللي بيقطع الجثث او اللي بيغتصب طفل كل الدراسات بتجمع انو مانو شخص طبيعي وما بيستحق يتعامل كانسان طبيعي

اخيييييييييرا

إن هذه العقوبة بما يشوبها من نزعة الانتقام وعدمإصلاح الخطأ مع إمكانية الوقوع فيه بالرغم من إنزال الألم الجسدي فإنهاتأخذ الروح التي تتمثل بالحياة .
كما تتعارض مع فلسفة إصلاح المجرموإعادة تأهيله وهي هدف وغاية علم العقاب .

كما أنها لم تعدد تحقق الردعوتتنافى مع إنسانية الإنسان . وإلغائها يعتبر معيار تمدن الدولة وانتمائهاإلى العصر والحضارة.

· أما في الدول التي لا تزال تعتمد هذهالعقوبة فإنه من المتعين
0 توفير كافة الضمانات من مراقبة المؤسسات المدنيةداخليا ودوليا وتأمين المحاكمات العادلة وتطبيق معايرها الدولية وتحديدالنصوص القانوني والدقة في صياغتها بحيث لا تتيح مجالات أو مساحات واسعةفي تفسير النصوص وتأويلها .

· إلغاء كافة القوانين الاستثنائية في دول الوطن العربي ورفع الأحكام العرفية وإلغاء قوانين الطوارئ .

· استقلال القضاء وتطبيق هذا المبدأ فعليا .

· تأمين حرية الدفاع كاملة في الجرائم المعاقب عليها بالإعدام .

· خضوع الأحكام لطرق الطعن والمراجعة .

· إلغاء هيمنة السلطة التنفيذية على القضاء والمحاماة .

· إلغاء كافة المحاكم الاستثنائية وبأية صورة كانت .

أنا مع ثقافة المسامحة و حقن الدم .. بس مو دائماً فينا نراهن على فعالية العلاج النفسي و المصحات لما بيكون المجرم سفّاح و معقّد لهالدرجة ... ممكن هالشخص اللي سامحناه في حال ما انصلح يتعدّى على ناس تانيين ... حلوة الانسانية بس مرات ما بتكون بمحلها مع بعض الحالات اللي بتشكل خطر على المجتمع و الناس .. أنا مو مع إلغاء عقوبة الإعدام و لكن مع عدم تطبيقها إلا في الحالات المستعصية ...

للأسف انو عقوبة الإعدام عمتتنفذ ... والمؤسف أكتر من هيك لما بتلاقي نسبة من شعب الساديّة عندو نسبتها مرتفعة جداً
يعني وقت كنت بحلب ... حكالي رفيقي انو وقت عدمو كم واحد وعلقوهن بالساحة .. في عالم صارت تاخد اجازة ساعية مشان تنزل تتفرج عالجثة .. ولو لمدة ثانية !

صحيح احمد.. شيء مؤسف..
كمان ساحة العباسيين بدمشق كان يتم فيها عمليات الشنق وكانو يلزقو ورقة على صدر الشخص المعدوم مكتوب عليها قصة جريمتو.. وكانو الناس يتجمهرو حول الجثة المعلقة ويقرو المكتوب واحيانا بيكون الميت مغطى وجهو بكيس قماش اسود واحيانا لأ وبيكون لسانو نازل من تمو ووجهو ازرق.. هادا كلو لحتى يكون عبرة للناس ولمن تسول له نفسه.. حاليا تنفذ عقوبات الاعدام بسجن عدرا بمكان مخصص لهادا الموضوع

أنا مع ثقافة المسامحة و حقن الدم .. بس مو دائماً فينا نراهن على فعالية العلاج النفسي و المصحات لما بيكون المجرم سفّاح و معقّد لهالدرجة ... ممكن هالشخص اللي سامحناه في حال ما انصلح يتعدّى على ناس تانيين ... حلوة الانسانية بس مرات ما بتكون بمحلها مع بعض الحالات اللي بتشكل خطر على المجتمع و الناس .. أنا مو مع إلغاء عقوبة الإعدام و لكن مع عدم تطبيقها إلا في الحالات المستعصية ...

شكرا ام الجود للمرورك المميز..
الحقيقة انو لما بيكون المجرم معق هادا بيأكد انو مو لازم ينقتل..
وانا شخصيا بتخيل انو الانسانية داااااااايما حلوة ودااااااااايما بمحلها

أنا مع ثقافة المسامحة و حقن الدم .. بس مو دائماً فينا نراهن على فعالية العلاج النفسي و المصحات لما بيكون المجرم سفّاح و معقّد لهالدرجة ... ممكن هالشخص اللي سامحناه في حال ما انصلح يتعدّى على ناس تانيين ... حلوة الانسانية بس مرات ما بتكون بمحلها مع بعض الحالات اللي بتشكل خطر على المجتمع و الناس .. أنا مو مع إلغاء عقوبة الإعدام و لكن مع عدم تطبيقها إلا في الحالات المستعصية ...

شكرا ام الجود للمرورك المميز..
الحقيقة انو لما بيكون المجرم معقد هادا بيأكد انو مو لازم ينقتل..
وانا شخصيا بتخيل انو الانسانية داااااااايما حلوة ودااااااااايما بمحلها

للاسف ثقافة المسامحة مو موجودة عنا ابدا.. صدقني انا مريت بهي التجربة بشكل او بآخر وانا بسامح المجرم اللي نأذيت كتير انا وعيلتي بسببو وبتمنى يحصل على ثقافة جديدة بتغيرلو ظروفو وعقلو..

وقت الواحد بيتأذا أو بيفقد حدا عزيز عقلبو..ما بيكون عقلو واعي للمسامحة وما بيتقبل هالفكرة..
مشان هيك عقلو بيتجه للانتقام


مثلا اللي بيقطع الجثث او اللي بيغتصب طفل كل الدراسات بتجمع انو مانو شخص طبيعي وما بيستحق يتعامل كانسان طبيعي

من هالناحية أوكي صح..لأنو هوي كمان بيكون"ضحية الضحية"

صحيح كلامك لما بيكون الواحد تحت الظلم الشديد بيكون تحت سيطرة عقلو البدائي المفطور على ثقافة الاخذ بالثأر واللي لازم نتجاوزها متل كل الهواجس المتخلفة اللي بتلاحقنا
شكرا الك ولعقلك المنفتح..:D

عقوبة الاعدام عقوبه موجودة من قبل الديانات الثلاث وبعدين بعيدا عن الثأر والانتقام لو اي شخص بدو ينتقم لشخص عزيز عليه بس من اجل الانتقام كان ماحد سامح بالقتل الغير عمد
مثلا واحد دهس شخص ومات اهل هالشخص بيتسامحو مع انو النتيجه موت ابنهم
بس لو حد اجا عن عمد بهدف انتقام او سرقه قتلو ما بيسامحو الفرق واضح في الحالتين مع انو النتيجه وحده
اما فكرة إعادة تأهيل المجرمين فكرة فاشلة بفوت عسجن حرامي صغير بيطلع كبير
بتفوت فتاة بقضية زنى بتطلع بتفتح بيت دعارة طبعا في استثناءات بس قليله يعني نغامر بأرواح ناس مشان نعطي شخص مجرم ارتكب جريمة بكامل أرادتو فرصة جديدة !
بعدين احنا ممكن نبتر او نستأصل عضو حفاظا ع الجسد ما فينا نغامر بالجزء الطالح على حساب الكل الصالح

عقوبة الاعدام عقوبه موجودة من قبل الديانات الثلاث وبعدين بعيدا عن الثأر والانتقام لو اي شخص بدو ينتقم لشخص عزيز عليه بس من اجل الانتقام كان ماحد سامح بالقتل الغير عمد
مثلا واحد دهس شخص ومات اهل هالشخص بيتسامحو مع انو النتيجه موت ابنهم
بس لو حد اجا عن عمد بهدف انتقام او سرقه قتلو ما بيسامحو الفرق واضح في الحالتين مع انو النتيجه وحده
اما فكرة إعادة تأهيل المجرمين فكرة فاشلة بفوت عسجن حرامي صغير بيطلع كبير
بتفوت فتاة بقضية زنى بتطلع بتفتح بيت دعارة طبعا في استثناءات بس قليله يعني نغامر بأرواح ناس مشان نعطي شخص مجرم ارتكب جريمة بكامل أرادتو فرصة جديدة !
بعدين احنا ممكن نبتر او نستأصل عضو حفاظا ع الجسد ما فينا نغامر بالجزء الطالح على حساب الكل الصالح


لو كان يا نور كلامك صحيح ما كان كل العالم المتحضر الغى عقوبة الاعدام وانا حكيت ببداية الموضوع انو مافي اية دراسة اثبتت انو بالبلدان اللي الغت العقوبة ارتفعت نسبة الاجرام ولا ببلاد التخلف اللي فيها العقوبة موجودة وبكثرة ما قلت الجرايم ابدا.. بالعكس
تجربة الغاء عقوبة الاعدام منفذة بأوروبا من اوائل القرن الماضي ولو كان الها نتائج سلبية كانو رجعو للاعدام

ومن جهة المسامحة فإذا كنتي عم تحكي عن مسامحة القاتل الغير عمد فأنت ما عم تحكي عن شي جديد
نحنا عم نحكي عن مفهوم المسامحة المتحضر اللي بتسامحي شخص بغض النظر عن انو كان قاصد الاذى او لأ

الإعدام مانو حل مثالي ولا هوي حل منطقي ولا حل ممكن يكون الو إيجابية ولو حتى شعور بالرضى من الطرف المتضرر من هالشخص اللي تم إعدامو. يعني بمعنى أوضح شوي فرضاً "س" من العالم قتلي أخي ... طلع قرار بإعدام "س" ... من المعقول إني حسيت أني اخدت حق اخي .. لكن هاد الشعور بيضل لحظي وعالمدى القصير ، ما رح اقدر واسي نفسي طول العمر بأنو غياب أخي يقابله موت المسبب لهالغياب ..

بينما رح كون راضي تماماً .. لما مثلاً بيطلع حكم سجن بحق هالشخص مع اشغال شاقة ، أنا هون ما عمانهيلو حياتو .. ما بحس حالي اني شفيت غليلي .. بس مثلاً بينما لما يتنفذ حكم سجن مع أشغال شاقة .. لما شوف هالقاتل عميلتعن الي نفضو ... وعميتعب . وعميتعذب بحياتو ... رح كون عماشفي غليلي أكتر .. لأنو احساس هالشخص داخلياً رح يكون تمني الموت أكتر من انو يبقى عهالحال هي..

من نقطة تانية .. لا أنا ولا الأهل ولا حتى الدولة .. الها حق بإنهاء حياة شخص ما ... الحياة هوي أكبر حق من حقوق الانسان ولازم يتم المحافظة عليه ، فالحياة بينشق عنها كتير شغلات بديهياً هية من حق البني آدم .. كالحرية .. والكرامة .. والأمل .. والاستمرارية .. لهالشخص .. ولكتير أشخاص /بشكل من الأشكال / .. مرتبطة بهالعنصر اللي بكل بساطة عمياخدوه.

وطالما حكم الإعدام بلحظتها عميكون التفكير فيه .. وهالتفكير دائماً عميكون نابع من العاطفة وليس من الحكمة .. أظن مافي حل الا التروّي وقت تصير هيك حوادث.. إن كان من الطرف المدني أو الأمني بس هات مين يسمع :jakoush:

الإعدام مانو حل مثالي ولا هوي حل منطقي ولا حل ممكن يكون الو إيجابية ولو حتى شعور بالرضى من الطرف المتضرر من هالشخص اللي تم إعدامو. يعني بمعنى أوضح شوي فرضاً "س" من العالم قتلي أخي ... طلع قرار بإعدام "س" ... من المعقول إني حسيت أني اخدت حق اخي .. لكن هاد الشعور بيضل لحظي وعالمدى القصير ، ما رح اقدر واسي نفسي طول العمر بأنو غياب أخي يقابله موت المسبب لهالغياب ..

بينما رح كون راضي تماماً .. لما مثلاً بيطلع حكم سجن بحق هالشخص مع اشغال شاقة ، أنا هون ما عمانهيلو حياتو .. ما بحس حالي اني شفيت غليلي .. بس مثلاً بينما لما يتنفذ حكم سجن مع أشغال شاقة .. لما شوف هالقاتل عميلتعن الي نفضو ... وعميتعب . وعميتعذب بحياتو ... رح كون عماشفي غليلي أكتر .. لأنو احساس هالشخص داخلياً رح يكون تمني الموت أكتر من انو يبقى عهالحال هي..

من نقطة تانية .. لا أنا ولا الأهل ولا حتى الدولة .. الها حق بإنهاء حياة شخص ما ... الحياة هوي أكبر حق من حقوق الانسان ولازم يتم المحافظة عليه ، فالحياة بينشق عنها كتير شغلات بديهياً هية من حق البني آدم .. كالحرية .. والكرامة .. والأمل .. والاستمرارية .. لهالشخص .. ولكتير أشخاص /بشكل من الأشكال / .. مرتبطة بهالعنصر اللي بكل بساطة عمياخدوه.

وطالما حكم الإعدام بلحظتها عميكون التفكير فيه .. وهالتفكير دائماً عميكون نابع من العاطفة وليس من الحكمة .. أظن مافي حل الا التروّي وقت تصير هيك حوادث.. إن كان من الطرف المدني أو الأمني بس هات مين يسمع :jakoush:

انا معك احمد .. في شغلة ما عم نقدر نفهمها انو المسألة مو مسألة ارضاء شعورنا وأخذ ثأرنا المسألة مو انتقام
علم العقاب ما كان بعمرو مدور على شعورك كضحية وعلم العقاب مو هدفو الانتقام من الضحية للمتضرر..
علم العقاب علم تطور من الاف السنين من وقت حمورابي والديانات اليهودية مرورا بالاسلام ووصولا لحد الان..
ونحنا حتى بعقولنا ما عم نقدر نستوحب تطور هادا العلم وكون هادا العلم بالوقت الحالي بنظر على العقوبة على انها اصلاح مو انتقاااام

اظن ان الموضوع مرتبط بالشعوب أولاً وأخيراً يعني حتى تحافظ على الهدوء وتتجنب مظاهر احتجاجية أو نزعات ثارية تأخذ الدولة على عاتقها عملية الأخذ بالثأر على الأقل تضمن وقوفها لحد معين.
بالإضافة للغاية الردعية خصوصاً عند تنفيذ الاعدام بمكان عام او الاشارة إليه بالصحف وطالما ان العشائرية العائلية موجودة وهنالك خشية من التعامل غير الواعي مع الشارع والجنوح للشغب وطالما مفردة الثأر ظلت تحتفظ بقيمتها اللغوية والمعنوية فأظن أن ليس هنالك من مجال لإلغاء عقوبة الإعدام للأسف.

طيب واللي بيخون بلده مثل العملاء؟؟؟

خيانة الوطن في حالة الحرب لابد أن تكون عقوبتها ردعية ولكن لا يجب أن تتحول لمسوخ لنصب المشانق ورمي الرصاص كلما وصلنا بالحوار لطريق مسدود

انا بعتبر انو في قضاياكتير لازم ينلغى هيك حكم فيها ولاحكي عن قضية كمثال في اكتر من ٣٠٠سوري محكومين بالاعدام بالسعودية لتهريبهم حبوب منشطة تدعى الكبتاجون والغريب انو هي الحبوب موجودة بالصيدليات ببعض دول العالم

طيب واللي بيخون بلده مثل العملاء؟؟؟
كلمة عميل كلمة مطاطة كتير..
شو يعني عميل وعميل لمين؟ .. ليش انت مين وهوي مين؟..
بلبنان مثلا.. تيار المستقبل عميل لامريكا.. بينما حزب الله عميل لايران.. مين الخاين ومين الوطني؟.. كلو بيسب بعضو..
الاختلاف بالرأي مو معناتا خيانة .. بس أحيانا صاحب السلطة بيعتبر المختلف معو او المعارض الو خاين وعميل ويستحق الاعدام..
وهون منشوف بالتاريخ اشخاص كانو ثوريين واصحاب فكر وعلماء اعدمو للتخلص من افكارهون للي ما كانت متطابقة مع افكار السلطات بهداك الوقت..

لكون صادقة
ما بقدر قول ابدا اني ضد عقوبة الاعدام
ما بقدر ابدا اني ادخل بمتاهة المسامحة .. لا مع الخيانة الوطنية بمعناها الحقيقي ... مو المعنى يلي عم يتاجر فيها كل يوم بوقتنا الحالي.... ولا مع مغتصب لطفل او طفلة .....
هيدون الشغلتين هني يلي بيخلوني قلبا وقالبا ضد الغاء الاعدام
يمكن اسمها حس الانتقام.. يمكن عدم توفر مجال للمسامحة بالداخل
يمكن فيها شي من القسوة
بس لو بيطلع بايدي ....
كل يلي بيتعامل ليضر بلدو
وكل يلي بدمر حياة طفل او طفلة لسا ما شافو شي من الحياة ولا شافت منهون
بتمنى اني اعدمو
وبحط كل ما يسمى الرقي بالنفس البشرية .. او سياسة المسامحة ع الرف .. وخليني ع شريعة حمورابي

اكيد في مشكلة حقيقية بتطبيق القانون عنا .. وبتوقع هيدا كلام تاني .... كلامي بيكون لما في فعلا تطبيق حقيقي وحر للقانون .. لانو فعلا احيانا بيتم سوء استخدام للقانون واصعب شي لما بتكون فيها حكم بالاعدام لانو ما في قدرة ع التراجع
بس هاد لا يعني انها تلتغى .. وانما .. يصير في عقوبات حقيقية لسوء استخدام السلطة

في ظل الظروف الحالية اللي عم نعيشا , فا برأيي الإعدام هوي أكبر رادع بهالوقت ..

أما الأقوال من قبيل ( الإعدام منافي للإنسانية , الإعدام مش طريقة للإصلاح .. إلخخخ ) فا و مع جزيل الأسف و مع فائق احترامي هي َ عبارة عن تنظير و كلام مخملي لمجتمع معد يتحمل مخمليّة بنوب ..

من منظور آخر أكبر عقوبة أو رادع غير الإعدام و هيه السجن و يا ما شالله شو سجون عنا حصرا ً أوتيلات خمس نجوم ( طبعاً بغض النظر عن السجون السياسيّة ) ..


.

أنا بؤمن أنو الانسان حتى المجرم ما خلق مجرم و انو الدنيا اجرمت بحقه لعملته مجرم .. و من هالمبدأ برفض عقوبه الاعدام .. يعني الاعدام ما رح يغيـّر شي بسير حياه حتى الاهل .. و لكنـّه احيانا بكون متل الـ آآح اللي الواحد بقولها بعد ما يشرب مي و هو عطشاااااااااااان .. يعني نوع تاني من انواع الانتقام لكننا بحاجته ..

و لكن أنا شخصيا مابعرف شو موقفي بالضبط من الاعدام .. بتخيل أذا حدا بيأذي حدن من الناس اللي بحبهم يمكن ما يكفيني الاعدام:? ... فما فيّ كون مثاليه وقول اني ضد الاعدام بالمطلق .. في حالات معينه أنا مع الاعدام فيها .. منها خيانه الوطن مثلا .. منها القتل عمدا . ..

في روايه لكاتب اميركي اسمه Richard Wright.. اسمها Native Son بتحكي بصيغه مبطنه عن هالموضوع .. شب اسود بيقتل بنت الشخص الابيض اللي بيشتغل عنده بالغلط و كيف بعدين من الخوف بيقتل اشخاص تانين .. و بيعاقب بالاعدام .. أنا بهي الروايه كنت ضد انو يتم اعدامه مع انو فظـّع الا انو كان هو نفسه ضحيه كان هو نفسه مقتول من قبل المجتمع بهداك الوقت .. بعتقد هيك امور و حياه المجرم لازم يتم مراعاتها ..

هالموضوع بخليني فكـّر مطولا :D ..

في ظل الظروف الحالية اللي عم نعيشا , فا برأيي الإعدام هوي أكبر رادع بهالوقت ..

أما الأقوال من قبيل ( الإعدام منافي للإنسانية , الإعدام مش طريقة للإصلاح .. إلخخخ ) فا و مع جزيل الأسف و مع فائق احترامي هي َ عبارة عن تنظير و كلام مخملي لمجتمع معد يتحمل مخمليّة بنوب ..

من منظور آخر أكبر عقوبة أو رادع غير الإعدام و هيه السجن و يا ما شالله شو سجون عنا حصرا ً أوتيلات خمس نجوم ( طبعاً بغض النظر عن السجون السياسيّة ) ..


.

تنظير وكلام مخملي!!!
لما بتعرف انو متل ما حكيت سابقا الدول اللي لغت عقوبة الاعدام ما ارتفع عندا معدل الجريمة يمكن رح تتفاجئ وتعرف انو مو تنظير..
وانو الدول اللي بتمارس ابشع اشكال العقوبات الجسدية من قطع ايدين او جلد او اعدامات بأشكالها المتنوعة وحتى قطع الاعضاء التناسلية وعلى الملأ .. كمان ما انخفضت معدلات الجريمة ابدا عندا.. كمان رح تعرف انو مو تنظير ..
مو اذا كنا نحنا من مجتمعات " الطز" عدم المؤاخذة على المصطلح معناها ما منستحق نعيش .. او مجرمي مجتمعنا بيستحقو عقوبات اشد من غيرون .. ومو اذا سجوننا سيئة وغير مؤهلة معناها منخلص من المجرمين لابعد مكان ويلااا ..

أنا بؤمن أنو الانسان حتى المجرم ما خلق مجرم و انو الدنيا اجرمت بحقه لعملته مجرم .. و من هالمبدأ برفض عقوبه الاعدام .. يعني الاعدام ما رح يغيـّر شي بسير حياه حتى الاهل .. و لكنـّه احيانا بكون متل الـ آآح اللي الواحد بقولها بعد ما يشرب مي و هو عطشاااااااااااان .. يعني نوع تاني من انواع الانتقام لكننا بحاجته ..
هيي هي الاح هي الخطأ .. قوانين العقوبات الحديثة ماعادت تنص العقوبات للانتقام صارت العقوبات الها توجه اصلاحي..
وببرنامج اوبرا وينفري الشهير انحكى مطولا عن مسالة ثقافة المسامحة وعن الغاء عقوبة الاعدام واهالي ضحايا انقتلو بجرايم بشعة شهدو شهادات بتقول انو اعدام المجرمين ما انهى عذاباتون وآلامهون..


في روايه لكاتب اميركي اسمه Richard Wright.. اسمها Native Son بتحكي بصيغه مبطنه عن هالموضوع .. شب اسود بيقتل بنت الشخص الابيض اللي بيشتغل عنده بالغلط و كيف بعدين من الخوف بيقتل اشخاص تانين .. و بيعاقب بالاعدام .. أنا بهي الروايه كنت ضد انو يتم اعدامه مع انو فظـّع الا انو كان هو نفسه ضحيه كان هو نفسه مقتول من قبل المجتمع بهداك الوقت .. بعتقد هيك امور و حياه المجرم لازم يتم مراعاتها ..
صحيح هادا اللي بيصير بكل القصص.. بكل الحالات.. المجرم بيكون ضحية متلو متل الضحية نفسها.. حتى لو اغتصب وقطع ضحيتو وحطها بالزبالة.. هادا ما بيكون انسان طبيعي.. وما بيستحق القتل عقابا على القتل.. وانو نعالج الجريمة بجريمة ابشع منها مو هوي الحل ابدا
هالموضوع بخليني فكـّر مطولا :D ..
هوي اذا فكرنا منتغير.. اللي بيجمعنا انو منفكر:D

انا برايي انو زمن الثار لابن العم والدم بالدم وهالحكي انتهى وبظن انو عقوبة الاعدام اتشرعت بهداك الوقت مشان تنهي مشكلة الثار
انو يعني مثلا واحد قتل اخوي بعيد الشر بروح انا بقتلو فأخو بيجي بيقتلني وهيك منفوت بدوامة قتل مالها اخر وبظن هاد سبب تشريع عقوبة الاعدام

بس حاليا مابشوف اي مبرر لعقوبة الاعدام

والي رجعة قريبة
اذا سمح الوقت
:D

صح .. أنا متلكن بقول مرات انو شو رح يفيد الإعدام ؟! ما رح يرجع للحياة الشخص اللي انقتل أو رح يرمّم نفسية البنت اللي اعتدي عليها .. بس كمان في جرائم عم تصير مرتكبيها وحوش مو بشر .. خدولي هي مثلاً :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هاد الشخص بيجوز إذا انحكم مؤبد يهرب و يؤذي ناس تانيين بنفس الهمجية .. أو حتى من دون ما يهرب بيجوز يؤذي المساجين اللي معو أو حتى السجّانين ...
كلامك صحيح وانا بوافقك "وهاد برايي الشخصي واللي بعتبر الاصح" بس نحنا كلنا منشوف السجن مجرد عقوبة لفعل سيئ ويمكن يكون تعدى الوصف بالسوء وتكون جريمة بحئ الانسانية بس نظرتنا للسجن بانو مجرد عقوبة وعقوبة قاسية وتعذيب هي لحالها بتكفي انو تخلي هالشخص تقوى فكرتو بالجريمة للي ارتكبها ويضل مصر على ارتكابها وبالعكس بيصير السجن الو ردة فعل عكسية بدل ما يكون تربوي ييصبح وسيلة وطريق ليثبت الشخص المذنب ويصر على فعلو السيئ ....ياريت الحكومات كلها تدخل المناهج المسلكية والتربوية وحتى الحوار والاخد والعطى كلون ينفرضو كنظام تعامل مع المساجين لانو بالنهاية السجين شوما كانت غلطتو نحنا كلنا بشر الغلط موعيب وكل غلط وراه خليفات هي جريمة بحئ هالمساجين بحد ذاتها وياريت السجن يصير بيعني "الاصلاحية" بكل معنى الكلمة
يمكن طولت شوي عليكون بالحكي شكرا عالمتابعة
ورداتي:D

كلامك صحيح وانا بوافقك "وهاد برايي الشخصي واللي بعتبر الاصح" بس نحنا كلنا منشوف السجن مجرد عقوبة لفعل سيئ ويمكن يكون تعدى الوصف بالسوء وتكون جريمة بحئ الانسانية بس نظرتنا للسجن بانو مجرد عقوبة وعقوبة قاسية وتعذيب هي لحالها بتكفي انو تخلي هالشخص تقوى فكرتو بالجريمة للي ارتكبها ويضل مصر على ارتكابها وبالعكس بيصير السجن الو ردة فعل عكسية بدل ما يكون تربوي ييصبح وسيلة وطريق ليثبت الشخص المذنب ويصر على فعلو السيئ ....ياريت الحكومات كلها تدخل المناهج المسلكية والتربوية وحتى الحوار والاخد والعطى كلون ينفرضو كنظام تعامل مع المساجين لانو بالنهاية السجين شوما كانت غلطتو نحنا كلنا بشر الغلط موعيب وكل غلط وراه خليفات هي جريمة بحئ هالمساجين بحد ذاتها وياريت السجن يصير بيعني "الاصلاحية" بكل معنى الكلمة
يمكن طولت شوي عليكون بالحكي شكرا عالمتابعة
ورداتي:D
شكرا جوفيا..
انا كمان بشاركك الرأي..ياريت

انا برايي انو زمن الثار لابن العم والدم بالدم وهالحكي انتهى وبظن انو عقوبة الاعدام اتشرعت بهداك الوقت مشان تنهي مشكلة الثار
انو يعني مثلا واحد قتل اخوي بعيد الشر بروح انا بقتلو فأخو بيجي بيقتلني وهيك منفوت بدوامة قتل مالها اخر وبظن هاد سبب تشريع عقوبة الاعدام

بس حاليا مابشوف اي مبرر لعقوبة الاعدام

والي رجعة قريبة
اذا سمح الوقت
:D
هي اول مرة منتفق اناا وياك:o:o

:D

تنظير وكلام مخملي!!!
لما بتعرف انو متل ما حكيت سابقا الدول اللي لغت عقوبة الاعدام ما ارتفع عندا معدل الجريمة يمكن رح تتفاجئ وتعرف انو مو تنظير..
وانو الدول اللي بتمارس ابشع اشكال العقوبات الجسدية من قطع ايدين او جلد او اعدامات بأشكالها المتنوعة وحتى قطع الاعضاء التناسلية وعلى الملأ .. كمان ما انخفضت معدلات الجريمة ابدا عندا.. كمان رح تعرف انو مو تنظير ..
مو اذا كنا نحنا من مجتمعات " الطز" عدم المؤاخذة على المصطلح معناها ما منستحق نعيش .. او مجرمي مجتمعنا بيستحقو عقوبات اشد من غيرون .. ومو اذا سجوننا سيئة وغير مؤهلة معناها منخلص من المجرمين لابعد مكان ويلااا ..




نعم تنظير و كلام مخملي .

ما أثنينا على الدول اللي عم تمارس أبشع أشكال العقوبات الجسدية و حتى ما حكيت و لا صرحت أنو الإعدام هوي الحل الأفضل و لا حتى قمت صليّت للي مارس هالعقوبة أول مرة . و عندي الإدراك الكافي إني مع وجود أقذر العقوبات الجسدية مثلاً بالسعودية في معدل جريمة مرتفع .

بس كمثال عملي ما بعرف قديه ممكن تقنعك مصداقيتو في شخص إلي فيو معرفة وثيقة قاتل تلات أشخاص و عامل عجز دائم عند رابع بعد ألف أستئناف و ألف محكمة نقض أنحكم بعشر سنين و مع ربع المدة نام 7 سنين و نص . .

هلأ السجن أفضل عقوبة إصلاحية , طبعا ً الزلمي كان يصلو كل شي عالسجن و لا كأني هوي بأوتيل خمس نجوم من أكل لدخان لمشروب لشو بتريدي , حاليا ً بعد ما الزلمي خلص فترة "الإصلاح" هالشخص عندو الإستعداد بأي مشكلة يرجع يقتل , و فعلا ً بعد بسنتين من طلعتو من السجن رد أنحبس بتهمة شروع بالقتل و أتلفلفت القصة و طلع .

فا في ظل غياب العقوبات الإصلاحية الإعدام لهيك شخص هوي أفضل حل .

و أعتقد بل أجزم أنو المقارنة اللي قريتا بردك من قبيل "معدل الجريمة بدول لغت الإعدام ما أرتفع" فا عندي فكرة جزيلة جدا ً و مع زالك معتقد أنو الكلام تنظير و حكي من فوق الأساطيح , لما بيصير إصلاح للسجون من الممكن نقول الإعدام مش حل ,

قبل ما أنسى بخصوص ما قريت معد أزكر أي رد عن حق الحياة للإنسان اللي سمح لنفسو يحرم غيرو منو بعتقد هالحق لاغي بمرتبة الشرف , لما رح أسمع لحالي أحرم بني آدم من حياتو ما بظن ببقالي مجال دافع عن حقي بالحياة أو حتى دافع و قول "مش من حق أي حدا يحرمني حياتي" ..


و بس هيك

ممكن عقب على كلامك بلاك :
اول شي انت عم تحكي على انسان عوقب عقوبة السجن وفترة مكوثو بالسجن الفترة المحدد ما تم فيها اصلاحو وما كان يتربى هون بيكون هيدا الشخص معو مرض نفسي ما عاد بدو شي اسمو "اصلاحية " صار بدو شي اسمو " عصفورية " في فرق بيناتون لانو الاصلاحية للانسان الغلطان يتعلم من غلطو اما المريض نفسيا اد ما حاولت تصلحو مافي خواص ما لح يسمع لكلامك وانا عم بحكي على محمل الجد لانو مشفى المجانين ممكن ياخد عقاقير او اي دوا يمكن يساهم بتحسن حالتو ورجوعو للصواب
وكلامك بالكلام المخملي يمكن يكون هاد الكلام صحيح بس كمان الاعدام مانو حل لهيك امور صدقني طيب شو ذنب الانسان اللي بيكون عم بيعاني من مرض نفسي سببو عوامل خارجية ساهمت بكونو مجرم
وبالنسبة للخونة والعملاء ومتلا قتل اليهود واعداء الاسلام هيدول انا مع قتلون لانو ازا ما قتلناهون هني بيقتلونا بهي الحالة يمكن بيتشرع فيها القتل
الواقع للي عم نعيشو وسوؤه وترديه هوي للي وصل هالمجرمين للافعال السيئة والدولة والحكومات هي السبب
وشكرا عالمتابعة

ممكن عقب على كلامك بلاك :
اول شي انت عم تحكي على انسان عوقب عقوبة السجن وفترة مكوثو بالسجن الفترة المحدد ما تم فيها اصلاحو وما كان يتربى هون بيكون هيدا الشخص معو مرض نفسي ما عاد بدو شي اسمو "اصلاحية " صار بدو شي اسمو " عصفورية " في فرق بيناتون لانو الاصلاحية للانسان الغلطان يتعلم من غلطو اما المريض نفسيا اد ما حاولت تصلحو مافي خواص ما لح يسمع لكلامك وانا عم بحكي على محمل الجد لانو مشفى المجانين ممكن ياخد عقاقير او اي دوا يمكن يساهم بتحسن حالتو ورجوعو للصواب
وكلامك بالكلام المخملي يمكن يكون هاد الكلام صحيح بس كمان الاعدام مانو حل لهيك امور صدقني طيب شو ذنب الانسان اللي بيكون عم بيعاني من مرض نفسي سببو عوامل خارجية ساهمت بكونو مجرم
وبالنسبة للخونة والعملاء ومتلا قتل اليهود واعداء الاسلام هيدول انا مع قتلون لانو ازا ما قتلناهون هني بيقتلونا بهي الحالة يمكن بيتشرع فيها القتل
الواقع للي عم نعيشو وسوؤه وترديه هوي للي وصل هالمجرمين للافعال السيئة والدولة والحكومات هي السبب
وشكرا عالمتابعة


كتير كتير ممكن تعقبي على كلامي .

أنا عم أحكي للأسف أو يمكن عم غني بالطاحون ما علينا , تبعا ً لوضع السجون اللي عنا أفضل رادع هوي الإعدام لما بينصلح حال السجون و بتصير مكان للإصلاح النفسي و يجيبو عليا داكاترة نفسيين لو كلون مخرفيين فينا نقول الإعدام شيء غلط ,

تبعا ً للظروف الحالية و تبعا ً للمجرمين الجحاش و السجانيّن و مديرين السجون الأجحش فا الإعدام شيء كتير حلو و كيوت .

أما بالنسبة لليهود الكلاب و أعداء الإسلام الأندال فا الله يلعنون ولادين ستين كلب لازم نعلن الحرب المعنوية الماديّة النفسيّة عليون هلأ أنا بدي أقوم أنام فا بدك تشوفي الشباب بركدن لبين ما فيق بتكوني جندتي فيلق و منقول يا الله عليهم يا عرب .


و السلام .

ناي:
بالاول بخصوص ردي ما عم بقصد فكرة العميل الي انتي طرحتيها لانو على هالحالة كلو بيعدم كله
بقصد اليوم مثلا بلبنان عشرين الف شبكة تجسس ضد اسرائيل شو بينعمل فيهون مثلا؟؟؟
من مطرح تاني انا كتير مع كلام عابد بخصوص وضعنا هون لا الاعدام احسن بمية مرة لانو اللي عم يصير بالسجن انو عم يزيد عنده حس انو بدو يعمل جريمة من جديد يمكن لو وضع سجونا ظابط كنا حكينا شي تاني

لا ما بقصد انو بدي اعمل عليون حملة اساسا انا مو شغلتي اكمش سلاح ما خرجي اصلا بس بالنسبة للي حكيتو فعلا مصيبة للي عم بيصير عنا يعني ازا صار وبدو يصير تعديل او اي شي بتحتار من وين بدك تبلش
ثم بلاك انت ما عم تغني بالطاحون انا عم عقب على كلامك مجرد تعليق الا ازا عتبرت تعليقي دايقك او تحسست منو يمكن انت عندك راي بحترمو كتير بس كمان انك تقرا رايي مش غلط.....طلعت عن الموضوع الاساسي .... بالنهاية بدي ايدك بكل كلمة قلتا لانو ازا صار وجابو دكاترة نفسيين بيكونو بدون مين يفك عقدون النفسية لانو طالب علم النفس ما بيلحق يحمل شهادة البكالوريوس وياخد الدكتوراه الا بيكونو خلقولو عقد معقدة براسو
بعتذر عالازعاج بلاك وتقبل مني زنبقاتي :D

ناي:
بالاول بخصوص ردي ما عم بقصد فكرة العميل الي انتي طرحتيها لانو على هالحالة كلو بيعدم كله
بقصد اليوم مثلا بلبنان عشرين الف شبكة تجسس ضد اسرائيل شو بينعمل فيهون مثلا؟؟؟
من مطرح تاني انا كتير مع كلام عابد بخصوص وضعنا هون لا الاعدام احسن بمية مرة لانو اللي عم يصير بالسجن انو عم يزيد عنده حس انو بدو يعمل جريمة من جديد يمكن لو وضع سجونا ظابط كنا حكينا شي تاني
برجع صديقي بعيد الحكي اللي حكيتو لبلاك..
مو اذا كنا نحنا من مجتمعات " الطز" عدم المؤاخذة على المصطلح معناها ما منستحق نعيش .. او مجرمي مجتمعنا بيستحقو عقوبات اشد من غيرون .. ومو اذا سجوننا سيئة وغير مؤهلة معناها منخلص من المجرمين لابعد مكان ويلااا ..
يعني ما بيجوز اصلاح الخطأ بالخطأ.. اذا كنت غير راضي عن وضع السجون "وطبعا انا كمان" فالحل هوي اصلاح السجون والنظام العقابي والاصلاحي والقضائي كمان..
وانو نطالب بهادا الاصلاح .. مو الحل انو ندعم الابقاء على عقوبة الاعدام بحجة عدم وجود نظان اصلاحي نفسي في سجوننا..
يعني متل تماما اللي بيحلل الرشوة والفساد بالبلد بحجة انو ما في طريقة اخرى لحتى يشبع الخبز
وهي الك:D

نعم تنظير و كلام مخملي .

ما أثنينا على الدول اللي عم تمارس أبشع أشكال العقوبات الجسدية و حتى ما حكيت و لا صرحت أنو الإعدام هوي الحل الأفضل و لا حتى قمت صليّت للي مارس هالعقوبة أول مرة . و عندي الإدراك الكافي إني مع وجود أقذر العقوبات الجسدية مثلاً بالسعودية في معدل جريمة مرتفع .

بس كمثال عملي ما بعرف قديه ممكن تقنعك مصداقيتو في شخص إلي فيو معرفة وثيقة قاتل تلات أشخاص و عامل عجز دائم عند رابع بعد ألف أستئناف و ألف محكمة نقض أنحكم بعشر سنين و مع ربع المدة نام 7 سنين و نص . .

هلأ السجن أفضل عقوبة إصلاحية , طبعا ً الزلمي كان يصلو كل شي عالسجن و لا كأني هوي بأوتيل خمس نجوم من أكل لدخان لمشروب لشو بتريدي , حاليا ً بعد ما الزلمي خلص فترة "الإصلاح" هالشخص عندو الإستعداد بأي مشكلة يرجع يقتل , و فعلا ً بعد بسنتين من طلعتو من السجن رد أنحبس بتهمة شروع بالقتل و أتلفلفت القصة و طلع .

فا في ظل غياب العقوبات الإصلاحية الإعدام لهيك شخص هوي أفضل حل .

و أعتقد بل أجزم أنو المقارنة اللي قريتا بردك من قبيل "معدل الجريمة بدول لغت الإعدام ما أرتفع" فا عندي فكرة جزيلة جدا ً و مع زالك معتقد أنو الكلام تنظير و حكي من فوق الأساطيح , لما بيصير إصلاح للسجون من الممكن نقول الإعدام مش حل ,

قبل ما أنسى بخصوص ما قريت معد أزكر أي رد عن حق الحياة للإنسان اللي سمح لنفسو يحرم غيرو منو بعتقد هالحق لاغي بمرتبة الشرف , لما رح أسمع لحالي أحرم بني آدم من حياتو ما بظن ببقالي مجال دافع عن حقي بالحياة أو حتى دافع و قول "مش من حق أي حدا يحرمني حياتي" ..


و بس هيك
اول شي بلاك ما بعرف ليش دايما متوتر..
تاني شي..فيما يخص الكلام المخملي

فشلت الدراسات العلمية باثبات في العثور على أدلة مقنعة تثبت أن عقوبةالإعدام تردع الجريمة بفعالية أكثر من العقوبات الأخرى. وخلصت أحدث دراسةللنتائج البحثية حول العلاقة بين عقوبة الإعدام ومعدلات القتل أجريتلمصلحة الأمم المتحدة في العام 1988 وجرى تحديثها في العام 2002 إلى أنه : "... ليس من الحكمة القبول بالنظرية القائلة إن عقوبة الإعدام تردع عنارتكاب جرائم القتل بقدر أكبر قليلاً من التهديد بعقوبة السجن المؤبد التييُفترض أنها أقل قسوة "
تقرير لمنظمة العقوالدولية
(المرجع : رودجر هود، عقوبة الإعدام : منظور عالمي، أكسفورد، مطبعة كلارندن، الطبعة الثالثة، 2002، ص 230

أشارت دراسة أجريت لمصلحة الأمم المتحدة في العام 1988 وجرى تحديثها فيالعام 2002، في معرض استعراض الأدلة حول العلاقة بين التغييرات في استخدامعقوبة الإعدام ومعدلات القتل بأن : "حقيقة أن الإحصائيات تظل تشير إلىالاتجاه نفسه تشكل دليلاً مقنعاً على أنه لا حاجة للدول لأن تخشى منالتغييرات المفاجئة والخطيرة في منحنى الجريمة إذا قللت من اعتمادها علىعقوبة الإعدام".

ولا تبين أرقام الجريمة المستقاة حديثاً من دول ألغت عقوبة الإعدام أنهترتبت على الإلغاء آثار ضارة.

ففي كندا مثلاً، انخفض معدل القتل لكل 100,000 نسمة من ذروة بلغت 3,09 في عام 1975، وهو العام الذي سبق إلغاءعقوبة الإعدام على جرائم القتل، إلى 2,41 في العام 1980، ومنذ ذلك الحينازداد تراجعاً.
وفي العام 2006، بعد مضي 30 عاماً على الإلغاء، بلغ معدلالقتل 1,85 لكل 100,000 نسمة، أي أدنى بنسبة 40 بالمائة مما كان عليه فيالعام 1975، وهو ثاني أدنى معدل في ثلاثة عقود.

نفس المرجع السابق

ما دامت عقوبة الإعدام قائمة، لا يمكن أبداً تفادي خطر إعدام الأبرياء.

فمنذ عام 1973 أُفرج عن 124 سجيناً في الولايات المتحدة الأمريكية كانوا ينتظرون تنفيذ الإعدام فيهم بعد ظهور أدلة تثبت براءتهم من ارتكاب الجرائم التي حُكم عليهم بالإعدام بسببها. وكانت هناك ست حالات كهذه في عام 2004، واثنتان في عام 2005 وواحدة في عام 2006 واحدة في عام 2007 حتى الآن. وكان بعض السجناء على وشك تنفيذ حكم الإعدام فيهم بعد أن أمضوا سنوات طويلة ينتظرون تنفيذه. وتتضمن حالاتهم العديد من الخروقات مثل سوء سلوك النيابة العامة أو الشرطة؛ واستخدام شهادة شاهد أو أدلة مادية أو اعترافات غير موثوق بها، وتمثيل غير كاف للدفاع. وقد سيق سجناء أمريكيون آخرون إلى حتفهم برغم وجود شكوك جدية حول إدانتهم. ولدى ولاية فلوريدا أكبر عدد من حالات التبرئة : 22.

أعلن حاكم ولاية إلينوي الأمريكية في يناير/كانون الثاني 2000 جورج ريان وقف تنفيذ عمليات الإعدام في الولاية. وجاء قراره في أعقاب تبرئة ساحة السجين الثالث عشر الذي ينتظر تنفيذ حكم الإعدام فيه والذي تبين أنه أدين عن طريق الخطأ في الولاية منذ أن أعادت الولايات المتحدة الأمريكية العمل بعقوبة الإعدام في عام 1977. وخلال الفترة ذاتها، أُعدم 12 سجيناً آخر في إلينوي. وفي يناير/كانون الثاني 2003، أصدر الحاكم ريان عفواً عن أربعة سجناء ينتظرون تنفيذ حكم الإعدام فيهم وخفض جميع أحكام الإعدام الأخرى في إلينوي البالغ عددها 167

تقرير لمنظمة العفو الدولية عام 2007

اول شي بلاك ما بعرف ليش دايما متوتر..
تاني شي..فيما يخص الكلام المخملي


فشلت الدراسات العلمية باثبات في العثور على أدلة مقنعة تثبت أن عقوبةالإعدام تردع الجريمة بفعالية أكثر من العقوبات الأخرى. وخلصت أحدث دراسةللنتائج البحثية حول العلاقة بين عقوبة الإعدام ومعدلات القتل أجريتلمصلحة الأمم المتحدة في العام 1988 وجرى تحديثها في العام 2002 إلى أنه : "... ليس من الحكمة القبول بالنظرية القائلة إن عقوبة الإعدام تردع عنارتكاب جرائم القتل بقدر أكبر قليلاً من التهديد بعقوبة السجن المؤبد التييُفترض أنها أقل قسوة "
تقرير لمنظمة العقوالدولية
(المرجع : رودجر هود، عقوبة الإعدام : منظور عالمي، أكسفورد، مطبعة كلارندن، الطبعة الثالثة، 2002، ص 230





هئ ماني موتر بنوب , بالعكس آخر رواء .

بس عندي القناعة الكافية أنو "رودجر هود" ما عندو الرؤية الكافية عن الوضع الجرائمي ببلدنا المعطاء , و ما عندو فكرة بنوب عن الوضع بسجوننا ..

أنا متأكد أزا رودجر هود بيجي بيعمل دراسة حول العلاقة بين عقوبة الإعدام و معدلات القتل عنا بسوريا رح ينتحر بس ليخلص من سما هالقصة .. :lol:

بالنهاية أحتراماتي الشديدة إلك و للأمم المتحدة و لرودجر هود و لكل شي من طرفوه .

هئ ماني موتر بنوب , بالعكس آخر رواء .

بس عندي القناعة الكافية أنو "رودجر هود" ما عندو الرؤية الكافية عن الوضع الجرائمي ببلدنا المعطاء , و ما عندو فكرة بنوب عن الوضع بسجوننا ..

أنا متأكد أزا رودجر هود بيجي بيعمل دراسة حول العلاقة بين عقوبة الإعدام و معدلات القتل عنا بسوريا رح ينتحر بس ليخلص من سما هالقصة .. :lol:

بالنهاية أحتراماتي الشديدة إلك و للأمم المتحدة و لرودجر هود و لكل شي من طرفوه .
روجر هود مو عايش بأوروبا وعم ينظر ويتفلسف للدول الاوروبية ثلثي بلاد العالم لغو عقوبة الاعدام والحكي عليهون كلون والدراسات بتشمل بلدان متخلفة اكتر من سوريا ..
ألغت أكثر من ثلثي دول العالم الآن عقوبة الإعدام في القانون والممارسة. والأعداد هي كالتالي:

الدول التي ألغت العقوبة بالنسبة لجميع الجرائم: 92
الدول التي ألغت العقوبة بالنسبة للجرائم العادية فقط: 10
الدول التي ألغت العقوبة عملياً: 36

عدد الدول التي ألغت العقوبة في القانون والممارسة: 138
عدد الدول المبقية على العقوبة: 59

الدول اللي الغت عقوبة الاعدام
ألبانيا وأندورا وأنغولا والأرجنتين وأرمينيا وأستراليا والنمسا وأذربيجان وبلجيكا وبوتان والبوسنة والهرسك وبلغاريا وكمبوديا وكندا والرأس الأخضر وكولومبيا وكوستاريكا وكوت ديفوار كرواتيا وقبرص والدنمارك وجيبوتي وجمهورية الدومينيكان والأكوادور وإستونيا وفنلندا وفرنسا وجورجيا وألمانيا واليونان وغينيا بيساو وهاييتي وهندوراس وهنغاريا وأيسلندا وأيرلندا وإيطاليا وكيريباتي وليختنشتاين وليتوانيا وللوكسمبورغ ومقدونيا ومالطا وجزر ماريشال وموريشيس والمكسيك وميكرونيزيا ومولدوفا وموناكو والجبل الأسود وموزنبيق وناميبيا ونيبال وهولندا ونيوزيلندا ونيكاراغوا ونيوي والنرويج وبالاو وبنما والبراغواي والفلبين وبولندا والبرتغال ورومانيا و رواندا وساموا وسان مارينو وساو توم وبرينسيب والسنغال وصربيا وجزر سيشل وسلوفاكيا وسلوفينيا وجزر سليمان وجنوب أفريقيا وأسبانيا والسويد وسويسرا وتيمور-لسته وتركيا وتركمنستان وتوفالو وأوكرانيا والمملكة المتحدة و الأورغواي وفانواتو ودولة مدينة الفاتيكان وفنزويلا.

منظمة العفو الدولية

روجر هود مو عايش بأوروبا وعم ينظر ويتفلسف للدول الاوروبية ثلثي بلاد العالم لغو عقوبة الاعدام والحكي عليهون كلون والدراسات بتشمل بلدان متخلفة اكتر من سوريا ..
ألغت أكثر من ثلثي دول العالم الآن عقوبة الإعدام في القانون والممارسة. والأعداد هي كالتالي:

الدول التي ألغت العقوبة بالنسبة لجميع الجرائم: 92
الدول التي ألغت العقوبة بالنسبة للجرائم العادية فقط: 10
الدول التي ألغت العقوبة عملياً: 36

عدد الدول التي ألغت العقوبة في القانون والممارسة: 138
عدد الدول المبقية على العقوبة: 59

طيب على عيني إنتي و روجر .

لنكون واقعيين شوي و ننسا الأرقام و الإحصائيات اللي بيوجعو الراس , في ظل فساد السجون الحالي لنعتبر الوضع ما تغير ( لأأني ما في بصيص أمل أنو حيتغير ) .. شو ممكن يكون الرادع للجرائم الفظيعة اللي عم تصير ..


برأيي الشخصي لبين ما يتحسن وضع السجون و تصير سجون إصلاحية أنا بفضل يبقا في شي إسمو إعدام , لأرد أكرر ماني مع الإعدام كحل دائم بس الوضع الحالي بيحكم علينا نقبل بالإعدام كحل آني .

يعني اليوم شخص عم يفوت على بيت بيقتل دكتور و زوجته . شو ممكن يكون الرادع أو العقاب في غياب عقوبة إسما إعدام و فساد شديد في السجون ؟! هاتي تانشوف شو الحل ؟!