دفن الموتى..لأيمتى [الأرشيـــــف] - صفحة 2

..Jimy

30/03/2009, 07:27

سوا ربينا,فسحة أمل,suryoyo
بس القصد
أنو ليش لندفن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2NvbmZ1c2VkLmdpZg%3D%3D..
الدفن صديق للبيئة..والحرء صديق للبيئة..
الدفن تكريم..اي والحرء بكتير ثقافات تكريم..

ليش نحنا ما بنختار الطريئة الأفضل لإلنا؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2Vlay5naWY%3D..

...

دراكولا بتخليه لموضوع تاني انشالله:lol:

...

:o

هاموش اول تاريخي ميثولوجاوي :

يعني قرأت رد فسحة امل..وجاي تتفهمن علينا :lol:

هيك اشياء ما فينو الواحد يحكي فيها

ظريف انتي ها :lol:

ليش منشرب مي؟؟؟ خلونا نوفر وما نشرب؟؟؟

المي عنصر أساسي بالحياة.وبشكل 50% لـ 90% من وزن معظم الكائنات الحية..
وبيعمل كمحل للدهون والكربوهيدرات والبروتين والأملاح..
وهوي كمان وسط مثالي لكتير من التفاعلات الاستقلابية..
ما فينا نستغني عنو :D

وهلا..
(بالنسبي ليئة حكيك بظن مردود عليه..بس اذا بتحب در بالتفصيل مافي مشكلي:D)

:akh:

الاء النور

03/04/2009, 17:35

يعني انت ما شفت غير هالمشكلة يا خيي خلي الموتى بحالهن يعني استخسرت فيهن هالشقفة

لما تموت وصي اهلك يحرقوك

leonardo_dicabreo

04/04/2009, 08:32

يعني انت ما شفت غير هالمشكلة يا خيي خلي الموتى بحالهن يعني استخسرت فيهن هالشقفة

لما تموت وصي اهلك يحرقوك

أتـــــوقع هــــوّه هيـــــك بـــــدّه ! ! ;)

ناريمان الياس بطبوطة

13/04/2009, 11:17

مبسوطييييييييين ما شالله عليكون يخزي العين ..
ولك يا دبب حتى الاموات ما سلمو منكون ....بعدين هاد اللي حكا عن التوفير تبع الهندوس ...

يا استاذ الهندوس بيحرقو الجثة بافخر انواع العود ... ثمن الاوقية 300 ريال
عود كمبودي زو رائحة بتهبل ...

قال توفير قال ..

بالنسبة الي اتمنى اني موت شهيد ويقبروني محل ما موت ...
بتمنى اتبرع باعضائي الداخلية ... يعني كلية طحال معلاق قلوبات شقف كباب (سوري شردت )
المهم انو اكرام الميت دفنو ...

اي عادي ولو ... هون بأوروبا المقابر بتحسا حدايق والطبيعة فيها بترد الروح :p بعدين منيح الدفن سماد طبيعي للأرض

:frown: :pos: لو حدا غيرك كاتب المشاركة عادي بس انتي لا تجيبي سيرة هداك اليوم ادامي :pos:
عالعموم أنا ما بدي حدا يستفيد من أعضائي هيك أنانية وقلة خير للبشرية، وبدي قبر كبير كتير لأن ما بحب المحلات الضيقة و بدي يكون كمان مزخرف

اه والله يعني بالدنيا ضيق وبالاخره حريق والمصيبه يصيروا يدفنوا الناس عالواقف يعني بتكمل مآصص بالبيت وبالقبر.

هبه الاردن

13/04/2009, 11:34

انو اوكي هلئ لسا في شوية مساحات فاضية..بس بعد عشرين سنين شو:shock:؟؟..

لأيمتى يعني؟؟

يعني مو عارفعه انتا خايف تموت وما تلاقيلك مكان تندفن فيه ولا شو ؟؟؟:shock:

لو كنت خايف بحب اطمنك ما تخاف احسب كم سنه والناس بتدفن موتاهم بالارض

من زمن سيدنا ادم لهلا فلشو تخاف لبعد 20 سنه :?

..Jimy

14/04/2009, 12:21

اه والله يعني بالدنيا ضيق وبالاخره حريق والمصيبه يصيروا يدفنوا الناس عالواقف يعني بتكمل مآصص بالبيت وبالقبر.
ناريمان يلعن ربو يلي فهم عليكي حرف :lol:..

يعني مو عارفعه انتا خايف تموت وما تلاقيلك مكان تندفن فيه ولا شو ؟؟؟:shock:
هلئ أنا ما رح حاول وجع راسي لأعرف كيف وصلتي لهالاستنتاج الخطير :shock:.. بس يفضل تقرأي الموضوع :D

الناس بتدفن موتاهم بالارض من زمن سيدنا ادم لهلا فلشو تخاف لبعد 20 سنه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX2NvbmZ1c2VkLmdpZg%3D%3D
عفوا من حضرتك..مين مضحك عليكي بهالمعلومي :lol:..

ليكي عزيزتي حكينا مرة ومنحكي مرة تانية وتالتي.. لأن التكرار بعلم...الشطار..:lol:

عزيزتي عم احكي عن ديناميكية تعاملنا مع الموتى :pos:..

بمقارنة بسيطة بين ديناميكية الدفن وديناميكية الحرق..

بنلاقي الحرق افضل من كل النواحي..

فليش لندفن؟

أإأبو العبد

14/04/2009, 13:11

ايه منحرقون شو عليه بس الغاز عسابك ها:p

جيمي انت عنجد عمتحكي :?

ناريمان الياس بطبوطة

14/04/2009, 16:46

تركتوا الدنيا كلها ولحقتوا الاموات على شقفه هالارض يلي مقبورين فيها؟؟؟؟؟؟؟؟؟؟؟

..Jimy

14/04/2009, 21:23

ايه منحرقون شو عليه بس الغاز عسابك ها:p

جيمي انت عنجد عمتحكي :?
رجاءً..عطيني سبب واحد لكون مأمزح!:pos:

تركتوا الدنيا كلها ولحقتوا الاموات على شقفه هالارض يلي مقبورين فيها؟؟؟؟؟؟؟؟؟؟؟

منرجع لمبدأ التكرار :lol:..
وسعدو الشغلي كتير بسيطة..

أنا شاف طريقتين للتعامل مع الموتى ..وحدي أحسن من التانية..

فليش لنختار الطريقة الأسوأ ؟

وأبو العبد برجع بألك ..بس عطيني سبب واحد لكون مأمزح..

:akh:

الباحثة عن الحرية

14/04/2009, 22:26

اي معك حق
يعني بالنسبة الي دفن الميت بس مشان الامراض ...
يعني الشخص الميت بشو بدو يحس اذا كان عندو قبر مرتب او ملحوش بشي محل ...
الجسد رح يتحلل في كل الحالات اذا كان في قبر او اي شي ثاني ...
ما بعرف انا ضد الحرق يعني اولا مش صديق للبيئة بالعكس مضر ...وحتى مش منظر شو عاملك الميت تنك تحرقو ؟؟ حتى ولو ما بحس بشي ..
يا اخي حفر كبيرة ومقبرة جماعية وبعدين يستغلوها للزراعة او يبنو عليها شي ...
وبالنسبة انو تزور القبور ... يعني بالنسبة الي الرابط مع الميت هو ذكرياتي معو مش قبر ..
على كل حال من هون ل 1000 يمكن يبدو يفكرو فيها :lol:

Reemi

15/04/2009, 10:20

تم حذف الردود الخارجة عن الموضوع وياريت بلا سبام بمواضيع النقاش :D

هبه الاردن

15/04/2009, 11:04

هلئ أنا ما رح حاول وجع راسي لأعرف كيف وصلتي لهالاستنتاج الخطير :shock:.. بس يفضل تقرأي الموضوع :D

انا وصلت لهالاستنتاج من خلال تسألك عن الحل بعد 20 سنه وفهمت انك خايف انو ما يظل مكان لدفن الناس التانيين عكل الاحوال اعذرنا لو الاستنتاج كان مو مزبوط :D:D:D

فليش لندفن؟

لانا بنقدر الانسان مشان هيك ما بنحرقو حتى الهندوس صاروا يشوفوا ان حرق الميت ضد الانسانيه

يمكن انك شايف ان حرق الميت احسن وهاد رأييك وانتا حر فيو :D

أإأبو العبد

15/04/2009, 11:54

رجاءً..عطيني سبب واحد لكون مأمزح!:pos:

وأبو العبد برجع بألك ..بس عطيني سبب واحد لكون مأمزح..

:akh:
لابس قلت يمكن عمتمزح
بس انا من ناحيتي مالقيت في سبب بيمنع حرق الموتى
واذا من ناحية انو اكرام الميت دفنة
ايه منحرقو ليصير رماد ومنبحشلو حفرة صغيرة شي 10 سم
ومندفنو

بس المشكلة انو انت عمتتطلع على الموضوع من نظرة عملية بحتة او خليني بالغ شوي قول من نظرة لادينية
بس لما تيجي تلاقي المجتمع(العربي) اغلبو متدين او مؤمن فمابظن انو رح يتقبل هالشي لانو بآمنو بشي اسمو قيامة او البعث بعد الموت الي رح يصير بيوم القيامة فمابظن انو هالفكرة ممكن تتطبق بمجتمعنا بيوم من الايام
وحلى وردة حمصية:akh:

ناريمان الياس بطبوطة

15/04/2009, 13:22

لابس قلت يمكن عمتمزح
بس انا من ناحيتي مالقيت في سبب بيمنع حرق الموتى
واذا من ناحية انو اكرام الميت دفنة
ايه منحرقو ليصير رماد ومنبحشلو حفرة صغيرة شي 10 سم
ومندفنو

بس المشكلة انو انت عمتتطلع على الموضوع من نظرة عملية بحتة او خليني بالغ شوي قول من نظرة لادينية
بس لما تيجي تلاقي المجتمع(العربي) اغلبو متدين او مؤمن فمابظن انو رح يتقبل هالشي لانو بآمنو بشي اسمو قيامة او البعث بعد الموت الي رح يصير بيوم القيامة فمابظن انو هالفكرة ممكن تتطبق بمجتمعنا بيوم من الايام
وحلى وردة حمصية:akh:
قول له لن تدوم لك لانها مادامت لغيرك:sick:وأاحلى ياسمينه من الشام

..Jimy

15/04/2009, 17:52

اي معك حق
:lol:
كالعادي:p

يعني بالنسبة الي دفن الميت بس مشان الامراض ...
يعني الشخص الميت بشو بدو يحس اذا كان عندو قبر مرتب او ملحوش بشي محل ...
الجسد رح يتحلل في كل الحالات اذا كان في قبر او اي شي ثاني ...
ما بعرف انا ضد الحرق يعني اولا مش صديق للبيئة بالعكس مضر ...وحتى مش منظر شو عاملك الميت تنك تحرقو ؟؟ حتى ولو ما بحس بشي .. :lol:

عزيزتي الجثث إلهن افران خاصة.. وما بضرو البيئة وما بتشوفي مناظر أبداً.. :D

انا وصلت لهالاستنتاج من خلال تسألك عن الحل بعد 20 سنه وفهمت انك خايف انو ما يظل مكان لدفن الناس التانيين عكل الاحوال اعذرنا لو الاستنتاج كان مو مزبوط :D:D:D
عزيزتي هبه أنا إلت بالموضوع الرئيسي "وهالمساحات مو الأفضل يستفاد منها الأحياء ؟.."
أنا بهمني يضل مكان للاحياء .. مو لحد تاني:D..

لانا بنقدر الانسان مشان هيك ما بنحرقو حتى الهندوس صاروا يشوفوا ان حرق الميت ضد الانسانيه

يمكن انك شايف ان حرق الميت احسن وهاد رأييك وانتا حر فيو :D
حاسسكن كلن مفكرين حرق الجثي أنو بنكب عليه شوية بنزين وبنشعلو:?.. ومنقعد منتفرج..
على كل عزيزتي..شخصيا انا ماني شايف بالحرق أنقاص من قيمة الانسان..:D ومية هلا..

بفمابظن انو هالفكرة ممكن تتطبق بمجتمعنا بيوم من الايام

لا.. بيوم من الإيام رح تتطبق :D..

واحلى وردي حمصية :akh:

الباحثة عن الحرية

15/04/2009, 18:07

بعرف افران خاصة بس حتى هي الافران مضرة بالبيئة اكيد مش رح يحرقو بشي غابة مثلا :lol:
مش حرفيا قصدي ... فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا :sick:

ناريمان الياس بطبوطة

16/04/2009, 09:29

بعرف افران خاصة بس حتى هي الافران مضرة بالبيئة اكيد مش رح يحرقو بشي غابة مثلا :lol:
مش حرفيا قصدي ... فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا :sick:
:gem::yahoo::sosweet:

ناريمان الياس بطبوطة

16/04/2009, 09:32

:yahoo:بعرف افران خاصة بس حتى هي الافران مضرة بالبيئة اكيد مش رح يحرقو بشي غابة مثلا :lol:
مش حرفيا قصدي ... فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا :sick:

:yahoo::yahoo::yahoo::larg::deal:

Black Orchid

19/04/2009, 08:30

شو صعبه الواحد يشوف عم يحرقوا ابنه أو بنته الميته:?

الرواس

19/04/2009, 19:06

هلئ عإبام اسبارطة وطروادة كانو المحاربين بعد ما يموتوا يحطو ععيونهن إطعة معدنية (كتكريم).. ويحرئوهن..
بس هلئ اتطورنا (عإساس :frown:).. وصرنا ندفن موتانا.. ليش!.. مشان القيامي المنشودي.. (أو هيك شي :pos:)

بس لأيمتى بدنا نضل ندفن موتانا :?..
يعني مثلاً بحمص أول شي كانت المئابر تنبني برات المديني..بس هلئ بعد ما كبرت المديني صارت المئبرة بنص حمص.. (موقع استراتيجي يعني :lol:)
وباللاذقية هلئ في إزمي بخصوص هالموضوع :sick:..
انو اوكي هلئ لسا في شوية مساحات فاضية..بس بعد عشرين سنين شو:shock:؟؟..
وهالمساحات مو الأفضل يستفاد منها الأحياء :?؟..

لأيمتى يعني؟؟

ليش مين قال انو الدفن من شان القيامة ؟؟؟؟ :?:?
بالنسبة للقيامة .. انت ولا يهمك .. وين ما مات الواحد بدو يجي .. ان شاء الله نصو بالشرق و النص التاني بالغرب

بس انا يلي بعرفو انو الدفن هو تكريم للميت .. يعني وضع الجثة في التراب .. يبعد عنها الحيوانات و الطيور و ايضا يمنع الروائح الكريهة من ايذاء الناس متل ما بيصير بالحرق .. يعني يمكن انت ما حضرت حرق .. بس انا مرة مريت من جنب محرقة للمجوس عنا هون بالإمارات .. وكان عندهم حرق .. عن جد شي قمة بالقرف .. يعني شبعت سب على الميت و اهل الميت ..

ولذلك احمد ربك انو العادة التي علمها الله للبشر هي الدفن مو شي تاني ..

اما بالنسبة للمقابر .. فانا يلي بعرفو .. انو دائما كانت المقابر حول المدن .. مو داخلها .. بس مع توسع المدن اصبحت المقابر في وسط المدن .. هيك برأيي

شو بدنا نعمل بآ .. هيك حظنا .. انو تضيع مناطق كويسة و تصير مقابر بدل ما تصير فنادق .. وطبعا ما معقول نبني على مقبرة .. يعني والله ما بسكن فوق مقبرة لو شو ما صار :o:o

ولا شو رأيكم انتو ؟؟

zen

19/04/2009, 19:28

انو هاد سبام
تضربوا انتو وهالسيرة واعتبروها أخوية
وسوسة شو هي قبر مزخرف من وين بدي جبلك حقو انا
:pos:

ِAbu Alzooz

20/04/2009, 03:04

يبعد عنها الحيوانات و الطيور

في شي اسمو دود بياكول الجثث هادا وين راح بالحساب

بقا انا بفضل الحرق على اكل الدود

قرصان الأدرياتيك

20/04/2009, 03:22

أنا شخصيّاً كاتب بوصيتي أنّو يتبرعوا بأعضائي اللازمة... كل شي يلزم للطب أو لغيري من البشر أهلا وسهلا... وشو ما بدن يساووا بالباقي... حرق عفس شحط دفن المهم يستفيدوا منو حتى لو عملوه سماد!!!
وبالنسبة للدفن أو الحرق فأنا ما عندي مشكلة بالحرق وهيك بنرتاح من المقابر وما إلى هنالك من مصروف زيادة، ونخلي شوية رماد ذكرى بالبيت وكان الله يحب المحسنين!
الله ما عندو مشكلة، لأن الجسد بالنهاية رح يعفن ويتحلل، فبكل الأحوال فاني!
:D.

BL@CK

20/04/2009, 03:36

في مشكلة عظمى بيقولو يوم القيامة ألله رح يحيي العظام و هي رميم .

فا أزا حرقتون يا عزيزي يا جيمي بدك قدرة ستمية "ألله" ليحيي العظام و هي رماد .

LiOnHeArT.3LA2

20/04/2009, 04:50

في مشكلة عظمى بيقولو يوم القيامة ألله رح يحيي العظام و هي رميم .

فا أزا حرقتون يا عزيزي يا جيمي بدك قدرة ستمية "ألله" ليحيي العظام و هي رماد .

يعني عابد .. الهندوس راحت عليهن .. خلص
تء تء تء

المهم منرجع لموضوعنا ..
لنحكي اول شي عالـ انسانيا .,.واللي قال انو . صعبة الشغلة ..
شنو زكر احد الشباب او الصبايا ما بعرف بالضبط .. انو صعبة تشوف ابنك او بنتك او امك عم تنحرق قدامك .. انو هيك فيها وجهة نظر .. بس اخي كمان صعب تشوفو عم يندفن قدامك ..
يعني لورباك " الزبدة " وحدة ..
تاني شي ..
وخليني احكي عنطاق حمص .. والمقابر
كان في مقبرة جمب القلعة .. ومدري شو صرلا .. المهم .. صار محلا جامع .. وحديقة شي بيفتح النفس ..
وهي المقبرة اللي بنص حمص .. هيي الكتيب .. فا يا عزيزي العزيز .. هي المقبرة كان في موضوع انو تلتغى .. بس تم الغاء الالغاء .. لأنو فيها انبيا واوليا وصالحين واللذي منو ..
اما بالنسبة لتل النصر .. فهيي مناسبة .. نوعا ما ..

النقطة التالتة ..
ايديولجية الحرق ..
ان كان علميا .. عمليا .. منطقيا .. فهيي طريقة مناسبة كتير ..

هاموش :
وبحب بشرك بشغلة .. انو هالعالم آخر شي كلو بدو يكتب بوصيتو انو ينحرق ..
لأنو عم يحترق ربو وهوي عايش .. فأزا مات محروق .. مانا شغلة صعبة ..
ويا سيدي .. ازا كان في جنة ونار .. والزلمي عرفان حالو سكارسا عالنار .. بيعمل تيست صغنون قبل ما يطلع
وفي نقطة تالتة ..
انو ازا متل ما قال عبد .. الله ما بيحاسب اللي بينحرقوا .. كل العالم رح توصي انو تنحرق .. وينحرء الرماد ..

مشاعر

20/04/2009, 14:49

في مشكلة عظمى

عند من هذه المشكلة؟

بيقولو يوم القيامة ألله رح يحيي العظام و هي رميم .

( وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِي الْعِظَامَ وَهِيَ رَمِيمٌ (٧٨) قُلْ يُحْيِيهَا

الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ )(٧٩) ( إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ )82 سورة يس
فا أزا حرقتون يا عزيزي يا جيمي بدك قدرة ستمية "ألله" ليحيي العظام و هي رماد .

( أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ وَلَمْ يَعْيَ بِخَلْقِهِنَّ بِقَادِرٍ عَلَى أَنْ

يُحْيِيَ الْمَوْتَى بَلَى إِنَّهُ عَلَى كُلِّ شَيْءٍ قَدِيرٌ ) 33 سورة الأحقاف

..Jimy

20/04/2009, 15:35

بعرف افران خاصة بس حتى هي الافران مضرة بالبيئة اكيد مش رح يحرقو بشي غابة مثلا :lol:
مش حرفيا قصدي ... فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا :sick:
يا عزيزتي (مشان الافران فهيي مطلية بمواد خاصة لتمتص الابخرة الضارة:deal:..بس ما بدي ارجع احكي بهالنقطة:lol:)

مشان انو صعبي.. عزيزتي مو ملاحظة كمان انو شخص صديقك جدك ابوكي عمك اي حدا بتحبي..
انتي عم تحطيه بحفرة تحت الأرض وعم تردمي الرمل فوئو..وعم تخليه يتحلل ببطئ.. يعني هاي سهلي:?..

شو صعبه الواحد يشوف عم يحرقوا ابنه أو بنته الميته:?
ليش مين قال انو الدفن من شان القيامة ؟؟؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3F1ZXN0aW9uLmdpZg%3D%3D?
بالنسبة للقيامة .. انت ولا يهمك .. وين ما مات الواحد بدو يجي .. ان شاء الله نصو بالشرق و النص التاني بالغرب

بس انا يلي بعرفو انو الدفن هو تكريم للميت .. يعني وضع الجثة في التراب .. يبعد عنها الحيوانات و الطيور و ايضا يمنع الروائح الكريهة من ايذاء الناس متل ما بيصير بالحرق .. يعني يمكن انت ما حضرت حرق .. بس انا مرة مريت من جنب محرقة للمجوس عنا هون بالإمارات .. وكان عندهم حرق .. عن جد شي قمة بالقرف .. يعني شبعت سب على الميت و اهل الميت ..

ولذلك احمد ربك انو العادة التي علمها الله للبشر هي الدفن مو شي تاني ..

منرجع للتكرار:lol:.. حرء الجثث بيصير بأفران خاصة مطلية بمواد بتمتص الابخرة الضارة..
ماحدا قال أنو نحرء عطريقة المجوس :shock:..

شو بدنا نعمل بآ .. هيك حظنا .. انو تضيع مناطق كويسة و تصير مقابر بدل ما تصير فنادق .. وطبعا ما معقول نبني على مقبرة .. يعني والله ما بسكن فوق مقبرة لو شو ما صار ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N1cnByaXNlZC5naWY%3D////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// Mvc21pbGllcy9pY29uX3N1cnByaXNlZC5naWY%3D

ولا شو رأيكم انتو ؟؟
والله رأينا أنك كتير موسوس وجبان :lol:

...
في شي اسمو دود بياكول الجثث هادا وين راح بالحساب

بقا انا بفضل الحرق على اكل الدود

:gem:

في مشكلة عظمى بيقولو يوم القيامة ألله رح يحيي العظام و هي رميم .

فا أزا حرقتون يا عزيزي يا جيمي بدك قدرة ستمية "ألله" ليحيي العظام و هي رماد .
عزيزي بلاك متل ما قالت "مشاعر" ..هاد الله شغلي كبير وحربوء..ما بينخاف عليه:gem:

وهي المقبرة اللي بنص حمص .. هيي الكتيب .. فا يا عزيزي العزيز .. هي المقبرة كان في موضوع انو تلتغى .. بس تم الغاء الالغاء .. لأنو فيها انبيا واوليا وصالحين واللذي منو ..
هلئ يعني انا بظن انو الأولياء والصالحين بيحبو يفيدوا البشر..ويخلوهن مرتاحين:pos:..

بس يعني اذا بيفيدوا بالسياحة الدينية..منخليهن وين المشكلي:D؟

هاموش :
وبحب بشرك بشغلة .. انو هالعالم آخر شي كلو بدو يكتب بوصيتو انو ينحرق ..
لأنو عم يحترق ربو وهوي عايش .. فأزا مات محروق .. مانا شغلة صعبة ..
ويا سيدي .. ازا كان في جنة ونار .. والزلمي عرفان حالو سكارسا عالنار .. بيعمل تيست صغنون قبل ما يطلع
وفي نقطة تالتة ..

وسعدو انا عندي بعد نظر:lol:..

(بس جبت نضارات ومشي الحال:lol:..آل لأنو بعد النظر بهالايام ..بيضر بالصحة:larg:)

وردة حماة

30/07/2009, 10:16

هلئ عإبام اسبارطة وطروادة كانو المحاربين بعد ما يموتوا يحطو ععيونهن إطعة معدنية (كتكريم).. ويحرئوهن..
بس هلئ اتطورنا (عإساس :frown:).. وصرنا ندفن موتانا.. ليش!.. مشان القيامي المنشودي.. (أو هيك شي :pos:)

بس لأيمتى بدنا نضل ندفن موتانا :?..
يعني مثلاً بحمص أول شي كانت المئابر تنبني برات المديني..بس هلئ بعد ما كبرت المديني صارت المئبرة بنص حمص.. (موقع استراتيجي يعني :lol:)
وباللاذقية هلئ في إزمي بخصوص هالموضوع :sick:..
انو اوكي هلئ لسا في شوية مساحات فاضية..بس بعد عشرين سنين شو:shock:؟؟..
وهالمساحات مو الأفضل يستفاد منها الأحياء :?؟..

لأيمتى يعني؟؟

اذا معترض على هالموضوع قدم شكوى للبلدية..
بس الدفن هو اكراما للميت ..

وردة حماة

30/07/2009, 10:26

ليش مين قال انو الدفن من شان القيامة ؟؟؟؟ :?:?
بالنسبة للقيامة .. انت ولا يهمك .. وين ما مات الواحد بدو يجي .. ان شاء الله نصو بالشرق و النص التاني بالغرب

بس انا يلي بعرفو انو الدفن هو تكريم للميت .. يعني وضع الجثة في التراب .. يبعد عنها الحيوانات و الطيور و ايضا يمنع الروائح الكريهة من ايذاء الناس متل ما بيصير بالحرق .. يعني يمكن انت ما حضرت حرق .. بس انا مرة مريت من جنب محرقة للمجوس عنا هون بالإمارات .. وكان عندهم حرق .. عن جد شي قمة بالقرف .. يعني شبعت سب على الميت و اهل الميت ..

ولذلك احمد ربك انو العادة التي علمها الله للبشر هي الدفن مو شي تاني ..

اما بالنسبة للمقابر .. فانا يلي بعرفو .. انو دائما كانت المقابر حول المدن .. مو داخلها .. بس مع توسع المدن اصبحت المقابر في وسط المدن .. هيك برأيي

شو بدنا نعمل بآ .. هيك حظنا .. انو تضيع مناطق كويسة و تصير مقابر بدل ما تصير فنادق .. وطبعا ما معقول نبني على مقبرة .. يعني والله ما بسكن فوق مقبرة لو شو ما صار :o:o

ولا شو رأيكم انتو ؟؟

والله كلامك عين العقل

محمد اشنيور

30/07/2009, 10:45

والله يا سيد الأرض بتضيق بسكانها الأحياء مو الأموات ومو المقابر يلي زحفت لنص المدينة المدينة يلي بلعت المقابر

DARKNESS

30/07/2009, 10:50

يا سيدي هاموضوع في شوية يعني معليش عمي جيمي بس فارغ :pos:

كوكب الرض اكتر من ثلات رباعه لسا فاضي و انت هكلان هم المساحة شو يعني يحرقو العالم

انا مع الدفن ليش لأنو الواحد بعد ما يموتوو حبابو بيضل في محل بيروح بيزورن و بيكرمن بشي زهرة او بشو مان كان

للأسف نحن منحب ناخد من الحضارة دنبها بس:frown:

محمد اشنيور

30/07/2009, 10:55

بتعرفو نحنا ناسيين شي واحد انه دفن الموتى هو امر رباني من ربنا لما مات سيدنا ادم نزل جبريل غسله و كفنه وعلم اهله كيف التغسيل و التكفين للميت وامرهم انهم يدفنوه
فليه نحنا نتفلسف و نبلش نعطي اراء من عندنا

lolo510

30/07/2009, 11:45

اي عادي ولو ... هون بأوروبا المقابر بتحسا حدايق والطبيعة فيها بترد الروح :p بعدين منيح الدفن سماد طبيعي للأرض

:frown: :pos: لو حدا غيرك كاتب المشاركة عادي بس انتي لا تجيبي سيرة هداك اليوم ادامي :pos:
عالعموم أنا ما بدي حدا يستفيد من أعضائي هيك أنانية وقلة خير للبشرية، وبدي قبر كبير كتير لأن ما بحب المحلات الضيقة و بدي يكون كمان مزخرف

ع سيرة القبر الكبير كتير وصلني ميل عن لبنانية وصت لما تموت يبنولا أبرا كبير وينزلو غرفة نوما بالأبر ولو شفتوا هالأبر يللي كانت في الكومودينو وتيابا وسبابيطها كما هاد من ناح اتياب ومن ناح الاكل ماخدة معا فواكه وازازة ريد واين كبيرة ( ماني عارفة يمكن بدا تنسى انا ماتت ) ومعلقة برواز فوء التخت ..
يعني غرفة نوم كاملة مو ناقصا الا جوزا كان اخدته معا بيسليا وبيشربولن كاس سوا

khaliiiil

30/07/2009, 13:44

مرحباا :D

لكل الي شاركو بهالموضوع

الله رب هذا الكون خلقنا شعوب و قبائل و ديانات مختلفة

و ان كنا مسلمين او مسيحين بمعتقداتنا انه بعد الموت الله سبحانه و تعالى سيعيد الروح الينا في يوم العرض و نحاسب على اعمالنا في الدنيا

لو الواحد مات دفن و لا حرق و لا غرق و لا عمل حادث و صار الفين شقفة رب العالمين سيعيد هذا الجسد

و كا مسيحين و مسلمين المعروف انه اكرام الميت دفنه

بقى يا صاحب الموضوع انت عم تكفر بمعتقداتك الدينية شو ما كنت تكون

و هاد الي عم تفكر فيه انو مليت من طريقة الدفن !!!!

طيب فكر انو بعد الدفن او الحرق انت وين حتكون و لا شو بدو يصير فيك !!

وردة حماة

30/07/2009, 14:29

مرحباا :D

لكل الي شاركو بهالموضوع

الله رب هذا الكون خلقنا شعوب و قبائل و ديانات مختلفة

و ان كنا مسلمين او مسيحين بمعتقداتنا انه بعد الموت الله سبحانه و تعالى سيعيد الروح الينا في يوم العرض و نحاسب على اعمالنا في الدنيا

لو الواحد مات دفن و لا حرق و لا غرق و لا عمل حادث و صار الفين شقفة رب العالمين سيعيد هذا الجسد

و كا مسيحين و مسلمين المعروف انه اكرام الميت دفنه

بقى يا صاحب الموضوع انت عم تكفر بمعتقداتك الدينية شو ما كنت تكون

و هاد الي عم تفكر فيه انو مليت من طريقة الدفن !!!!

طيب فكر انو بعد الدفن او الحرق انت وين حتكون و لا شو بدو يصير فيك !!

والله كلام عين العقل يسلمو كتير

تبقى اتفكرو منيح شو راح يصرلنا بعد ما نموت... كلنا بالهوا سوا سواء اندفنا او انحرقنا ...

DARKNESS

30/07/2009, 14:33

مرحباا :D

لكل الي شاركو بهالموضوع

الله رب هذا الكون خلقنا شعوب و قبائل و ديانات مختلفة

و ان كنا مسلمين او مسيحين بمعتقداتنا انه بعد الموت الله سبحانه و تعالى سيعيد الروح الينا في يوم العرض و نحاسب على اعمالنا في الدنيا

لو الواحد مات دفن و لا حرق و لا غرق و لا عمل حادث و صار الفين شقفة رب العالمين سيعيد هذا الجسد

و كا مسيحين و مسلمين المعروف انه اكرام الميت دفنه

بقى يا صاحب الموضوع انت عم تكفر بمعتقداتك الدينية شو ما كنت تكون

و هاد الي عم تفكر فيه انو مليت من طريقة الدفن !!!!

طيب فكر انو بعد الدفن او الحرق انت وين حتكون و لا شو بدو يصير فيك !!

ما رح يصير شي شو بيصير بالدخان بعد ما يطلع من النار؟

وردة حماة

30/07/2009, 14:38

ما رح يصير شي شو بيصير بالدخان بعد ما يطلع من النار؟

انت تأمل منيح بالمقولة مافي دخان بدون نار

marochka

30/07/2009, 14:49

مرحباا :D

لكل الي شاركو بهالموضوع

الله رب هذا الكون خلقنا شعوب و قبائل و ديانات مختلفة

و ان كنا مسلمين او مسيحين بمعتقداتنا انه بعد الموت الله سبحانه و تعالى سيعيد الروح الينا في يوم العرض و نحاسب على اعمالنا في الدنيا

لو الواحد مات دفن و لا حرق و لا غرق و لا عمل حادث و صار الفين شقفة رب العالمين سيعيد هذا الجسد

و كا مسيحين و مسلمين المعروف انه اكرام الميت دفنه

بقى يا صاحب الموضوع انت عم تكفر بمعتقداتك الدينية شو ما كنت تكون

و هاد الي عم تفكر فيه انو مليت من طريقة الدفن !!!!

طيب فكر انو بعد الدفن او الحرق انت وين حتكون و لا شو بدو يصير فيك !!

طيب وإذا ما كنا لا مسيحيين ولا مسلمين؟
وبعدين لو فكرنا ميت سنة شو رح يصير بعد ما نموت ما رح نوصل لجواب، وحتى بالنسبة للمعتقدات الدينية فأغلبا ما فيها كتير من التفاصيل اللي رجال الدين باجتهاداتن دحشوها بالمعتقدات

DARKNESS

30/07/2009, 14:50

انت تأمل منيح بالمقولة مافي دخان بدون نار
حلو رح تقليلي اذا الدخان نفسو الو مسبب اللي هوي النار فكيف هالكون؟

يا عزيزتي الكون كونه نظام معقد جدا و مرتب فيكي تعرفي هالنظام بي انو الله بس هالنظام ما بيأثر لا بي قريب و لا ببعيد عا حياة الإنسان

الله بتعريفو العلمي هو النظام الدقيق الماشي عليه الكون غير هيك ما عندي و هاد الله اللي بأمن فيه

jovia

30/07/2009, 15:09

يا جماعة القصة ما بتوقف على قصة حرق ولا لأ بس هني عندون معتقدات معينة بيآمنو بالحرق اكتر من الدفن ومعتقدات الهندوسيين كتير غريبة وبتضحك برايي لانو ما الها نوع من الجدية والصحة المهم انو الشخص يتخيل حالو عم يحترق ميت شو هالتكريم الحلو هاد مستوى كتير عالي من التقييم
:D

marochka

30/07/2009, 15:29

يا جماعة القصة ما بتوقف على قصة حرق ولا لأ بس هني عندون معتقدات معينة بيآمنو بالحرق اكتر من الدفن ومعتقدات الهندوسيين كتير غريبة وبتضحك برايي لانو ما الها نوع من الجدية والصحة المهم انو الشخص يتخيل حالو عم يحترق ميت شو هالتكريم الحلو هاد مستوى كتير عالي من التقييم
:D

هالكلام في شوي قلة احترام لمعتقدات ديانة موجودة وبيآمن فيها عدد كبير من الناس، ومتل ما نحنا منطلب من العالم يحترمو معتقداتنا ومنعمل مظاهرات على أي شي منعتبر أنو بيمس بمقدساتنا فلازم نتعود نحترم معتقدات غيرنا، ويمكن إذا منتطلع على المعتقدات الهندوسية فملاقي فيها كتير من العمق والروحانية

jovia

30/07/2009, 18:09

خلي نقاشنا يكون ضمن الموضوع بعيد عن للي صار ....يعني انت جيمي متلا بتفضل انو يحرقو جثث الميتين ... طيب متلما بددك على فرض اي بتفضل.... بيهوون عليك تشوف حدى من للي بيعزو عليك الله يديملك ياهون بهيك موقف اكيد لا ... معناتو اديش العملة مكروهة لشخصك بتحس حالك انت للي قلبك عم يحترق من جوا

..Jimy

30/07/2009, 18:21

خلي نقاشنا يكون ضمن الموضوع بعيد عن للي صار ....يعني انت جيمي متلا بتفضل انو يحرقو جثث الميتين ... طيب متلما بددك على فرض اي بتفضل.... بيهوون عليك تشوف حدى من للي بيعزو عليك الله يديملك ياهون بهيك موقف اكيد لا ... معناتو اديش العملة مكروهة لشخصك بتحس حالك انت للي قلبك عم يحترق من جوا
يا ريت تقرأي الموضوع قبل ما نكمل النقاش :D..

سوا ربينا

30/07/2009, 18:22

يا عمي ليش زاعجين حالكن .. اللي بدو يدفن يدفن واللي بدو يحرق يحرق.. وخلصت فكت .. وانا بنصح كل واحد من لما يصير هيك يعني عاقل ولا نص عاقل يكتبوه ع وصيه ويكتب ازا انو حابب ينحرق او يندفن .. بلكي هوي حابب يصير مشاوي ويتوزع ع الفقرا ...:lol:

jovia

30/07/2009, 18:29

يا ريت تقرأي الموضوع قبل ما نكمل النقاش :D..
امممممم..... يمكن انا بتصور قريت الموضوع وازا بدك الردود فشكرا عالافادة جيمي:D وبتمنى الرد يعني

..Jimy

30/07/2009, 18:44

امممممم..... يمكن انا بتصور قريت الموضوع وازا بدك الردود فشكرا عالافادة جيمي:D وبتمنى الرد يعني
لا..هوي السبب أنو مسؤول هيك سؤال قبل ضمن هالموضوع..

ورح اقتبسلك ياه من الصفحة الخامسي..

فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشان انو صعبي.. عزيزتي مو ملاحظة كمان انو شخص صديقك جدك ابوكي عمك اي حدا بتحبي..
انتي عم تحطيه بحفرة تحت الأرض وعم تردمي الرمل فوئو..وعم تخليه يتحلل ببطئ.. يعني هاي سهلي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:D

Reemi

31/07/2009, 00:48

حذفنا الردود الخارجة عن الموضوع وخالفنا يلي بيستحقو المخالفة

يرجى الالتزام بحصر المشاركات ووجهات النظر بالفكرة الاساسية بدون مشاركات خارجة عن الموضوع وتحديدا دينية

:D

المحارب العتيق

31/07/2009, 02:42

بسيطة مو مستاهلة كلو واحد بس يموت . يتصرفو بجثتو متل ماكان بدو . يلي بدو يندفن يندفن . ويلي بدو ينحرق ينحرق . ويلي بدو يقطعوه شقف ويجوزعو الشغلات يلي ممكن حدا تاني يستفيد منها بيكون كتر خيرو

أما قصة الاراضي ضحكتني يازلمة . حاولت فكر قديش نسبة مساحة المقابر من مساحة البلد . لقيتها فكرة كوميدية شوي صراحة :D

LiOnHeArT.3LA2

31/07/2009, 02:49

أما قصة الاراضي ضحكتني يازلمة . حاولت فكر قديش نسبة مساحة المقابر من مساحة البلد . لقيتها فكرة كوميدية شوي صراحة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابو شريك انا معك .. هلأ هيي فكرة كوميدية .. بس بعدين ؟
شو بدو يصير .. فكر فيها شوي لبعدين .. بتتم نفس الكوميدية فيها؟

المحارب العتيق

31/07/2009, 02:56

ابو شريك انا معك .. هلأ هيي فكرة كوميدية .. بس بعدين ؟
شو بدو يصير .. فكر فيها شوي لبعدين .. بتتم نفس الكوميدية فيها؟
شوفها كيف كانت نسبيا قبل 100 سنة . وشفها هلأ قديش زاد عدد المساكن والناس وقديش زاد عدد القبور . بتلاقي انو النسبة بتضل كتير قليلة . وعليه عميل دراسة نظرية عن حجم السكان والمساكن مثلا بعد 100 سنة وقديش رح يزيدو القبور . بتلاقي انو الفكرة بتصير كوميدية أكتر . المشكلة بعدد الناس وبعدد المساكن . ووبالأكتظاظ السكاني بمساحات محدودة .( متل موصاير بالمدن الرئيسية ) . مو بعدد القبور ومساحة المقابر