اعتدت على تصفح موقع سيريا نيوز بانتظام للوقوف على أحوال البلد بحكم إقامتي خارج سوريا .. و منذ فترة ليست بالقصيرة ساءني ازدحام صفحة الحوادث بأخبار الجريمة و السطو و (التشليح) باستخدام السلاح و التحرش … لكني لاحظت أن مدينة حلب (مدينتي) معنيّة أكثر من غيرها من المحافظات بهذا الانفلات الأمني .. و هذا يدهشني كثيراً و يرعبني في الوقت نفسه لأننا في السابق كنا نضرب المثل بسوريا في الأمان و الاطمئنان ، و لطالما كان هذا العامل هو المرجّح لكفّة سوريا عند أي مقارنة تتم بينها و بين بلاد المغترب من أميركا و أوروبا .. لكن الآن أشعر بأن كل هذا تغيّر .. حتى الناس تغيّرت ….

كان (الحلبية) مشهورين بنخوتهم و هبوبهم للتصدي ل(الزعران و السرسرية) حتى أني لأذكر أنه خلال مراهقتي شهدت مراراً و تكراراً فصول (دق و دوس) لعجيان حاولوا يلحقوا بنات و يتحرشوا بهن (و أحياناً كلاماً فقط) من قبل بعض الشباب (القبضايات) حتى لو البنت ما استغاثت أو تذمرت … بينما الآن .. يتم التحرش بالكلام و بالأيدي و مرّات يتطوّر التحرش إلا ما هو أعظم و نرى الفتاة (أو حتى السيدة لأنو ولاد الحرام ما عادوا ميّزوا بين صبية و مرا كبيرة) تستنجد و تصرخ و ما من أحد يتجرأ و يتدخل للمساعدة .. و تسمع من يقول لك :
*اي معلش جبان .. ألف كلمة جبان ولا كلمة الله يرحمو* أو مثلاً
*بتستاهل .. مشان تحرّم تلبس بنطلون ضيّق* أو
*لا عمّي أنا ما دخلني هلق بيطلع وراه عشيرة بتاكل راس الحيّة و بروح من كيس حالي*
….......
للأسف … هذا هو الواقع اليوم .. و موضوع التحرش هو أهون الشرور .. من يومين قرأت في الصباح (عالرّيء) خبر عن جريمة تقشعر لها الأبدان .. و صدقاً يومها شعرت بالغثيان و لم أتغدّى من القرف .. لن أنشر الموضوع كي لا يصيبكم ما أصابني ولكن من كان واثقاً من قوة أعصابه فليدخل و يقرأ :


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


و للأسف لا تزال الجرائم بازدياد مخيف نظراً لجبن الناس و تقاعسهم غالباً عن تبليغ الشرطة : *شو بدي بهالعلقة و روح و تعا عالمخافر و رشرش حبك يا جميل .. الله يسامحو للحرامي انسرقت مرة
غصبن عني ما بدي أنسرق مرّة تانية بكيفي و مزاجي* … و هذه روابط جديدة لجرائم أخرى :


مقتل صائغ و إصابة 4 مواطنين آخرين بينهم أطفال في عملية سطو مسلح
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


مقتل عضو مجلس شعب سابق و زوجته في عملية سطو مسلح على منزلهما
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


إصابة 3 أشخاص بجروح في عملية سرقة بمنطقة الجلوم بحلب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


عصابة تسلب المواطنين باستخدام سيارات الأجرة في حلب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


و كثيرة هي هذه الأخبار و لكن سأكتفي بهذا القدر حفاظاً على مسائكم من التعكير … فماذا نفعل ؟؟
*ماما تؤبريني لا توقفي تكسي من الشارع اطلبي تكسي من المكتب* (مع العلم أن أقل توصيلة لتكسي مكتب تسعيرتها 100 ليرة و تصور أنك بحاجة لأربع خمس توصيلات باليوم .. طار الراتب العوض بسلامتك) …
*بابا لشو تسوقي السيارة هلق و يطحشوا عليكي شوفيرية المكاري و السرافيس تبع الريف و انتي بنت لحالك و مانك قد هالعلقة!!* … ماشي و هي بطلنا نسوق و هي قعدة بالبيت ..
لكن يا ترى هل الناس اللي في بيوتها مرتاحة من الشر ؟!!؟
من فترة سمعت قصة عن امرأة مسنة قريبتنا .. أرملة مريضة تعيش لوحدها ، يزورها أولادها و أحفادها باستمرار للاطمئنان عليها .. ذات يوم أتاها شخص ادعى من وراء الباب أنه جابي الكهربا أو أجير اللحام أو ما شابه و لما فتحت له الباب .. اعتدى عليها بالضرب ليخيفها ثم هددها بسكين إما أن تخرج له كل ما لديها من مال و مصاغ و إما أن يستمر بضربها إلى أن تموت .. و ظلت المسكينة تحلف و هي تصرخ و تنتحب بأن كل ما تملك من مال هو مودع في حساب مصرفي بالبنك ولا تحتكم على شيء منه في المنزل .. إلا أن استطاعت أن تنفذ في غفلة منه إلى الباب و تخرج إلى الدرج و تصيح بكل ما لديها من قوة منادية الجيران ليسارع الرجل بالهروب .. لكن هل لكم أن تتخيلوا أنه و بعد كل الأذى الجسدي و النفسي الذي تعرضت له تلك السيدة العجوز أن أولادها لم يبلغوا عن الحادث ؟!!!؟
نعم للأسف .. فكثيرة هي القصص التي نسمعها اليوم عن الضحايا و أصحاب الحقوق الذين تحولوا إلى مجرمين و معتدين في المخفر بفضل ذوي العشائر (اللي قتل القتيل عندن متل فصفصة البذر) و المتنفذين و ذوي الواسطات ...

أطلت عليكم .. لكنها (فشّة خلق) و كثيراً ما يقول لنا بعض الرفاق في البلد :
*أنتم المغتربين تبالغون كثيراً و هذا الكلام اللي تقرؤون (حكي جرايد) و البلد منيحة و عال العال*...
ما رأيكم يا جماعة ؟؟ هل الوضع فعلاً مثل ما أراه .. أم أن الرفاق في سورية على حق ؟!!؟ يا ليتهم على حق .. واللهِ و بكسر الهاء ما بزعل ..!

للاسف يا أم الجود كلامك صحيح ..والقصص اللي عمنسمعها تقشعر البدن...

بدنا ناخد بعين الاعتبار انو حلب هلاء مو حلب اللي من قبل 50 سنة أو 70 سنة ..
المدينة هلاء صارت شي 5 مليون بني أدم يعني تقريباً أكبر مدينة بسورية و لا تنسي وضعها التجاري و الصناعي و الرجِل الغريبة الداخلة عليها...
هجرة أهل الريف بأعداد هائلة..انتشار الفقر المدقع (هالظاهرة انتشرت بالفترة الاخيرة كتير) و ضعف القبضة الامنية الجنائية ...
كل هالعوامل أدت لتفشي الجريمة بشكل واسع و بطرق بشعة ....
والله يسترنا من الاعظم....

انا بصراحة كنت ملاحظ هالشي بالايام الماضية.. و مستغرب انو حلب تحديدا... فكرت سيريا نيوز هيي لمركزي ع حلب!!

الله يستر..

والله الوضع تعبان وفعلا زايدة الجرايم بحلب عقولة رفيقتي كل مالا الدنيي عم تحلا
ماما تؤبريني لا توقفي تكسي من الشارع اطلبي تكسي من المكتب
هادا الموال اليومي حاليا ويفضل الباص اسمو ارخص

حلب بظل حكم العشاير والقبائل وتحت وطئة الفساد والكبت الجنسي يلي فرويد بذاتو ما ممكن يتخيلو تحولت من مدينة عريقة لخيمة عربان كبيرة تحكمها تقاليد القبائل

والله مو بس حلب ..
من 4 تيام واحد مزعوج من واحد بالطريق وقف السيارة قدامو وسحب عليه مسدس ولولا المسدس مانو مامن كان طلع الضرب ...
غير السرقات والتشليح والضرب اللي صاير بمحافظتي كمان ..

فقــر .. وعشاير .. وشوية كبت .. عشوية جهل وتخلف وامية وتعصب .. وحكومة سلامتك ..
وسيطرة شوية بلطجية زعران وفرعنتن لان مافي مين يردن .. اجمعلي كل هالشغلات بلد وحدة بتلاقي ابشع من هيك .. وادق رقبة


بقى مرحبا حلب

*بابا لشو تسوقي السيارة هلق و يطحشوا عليكي شوفيرية المكاري و السرافيس تبع الريف و انتي بنت لحالك و مانك قد هالعلقة!!* … ماشي و هي بطلنا نسوق و هي قعدة بالبيت ..


عذرا على هامش الموضوع:
ما فهمت شو معناتا هي الكلمة اللي بالاسود .. بحكم كوني بنت ريف يعني...

بحس السبب انو الجريمه او الاحداث اللي مو منيحه فيها عدوه خفيه متلا ممكن تسمعي عن مشكله بعيله وضل هالمشكله تتكرر بنفس العيله وهيك
يعني هلا حلب بحالة عدوى بدها وقت لتصح بس بتكون انتقلت هالعدوى لمكان تاني ليتصدر اخبار سيريانيوز

لو في سيطرة أمنية ع هالشي, و عقوبة الاعتداء اللفظي أو الجسدي "الخفيف" بيتم تطبيقها بحذافيرها, كان ما صار اللي عم يصير...

المشكلة انو الشرطي أول واحد يبصبص :lol:

عذرا على هامش الموضوع:
ما فهمت شو معناتا هي الكلمة اللي بالاسود .. بحكم كوني بنت ريف يعني...


رح جاوبك ... الحقيقة انو ريف حلب هو أكثر الأرياف السورية تخلفاً .. يعني جهل و رذيلة و جريمة و شو ما بدك ... و من فترة كام سنة صار سرافيس رخيصة و متوفرة على طول تخدم على هالمناطق هي و تجيب الركاب لنص حلب (طبعاً خدمة عظيمة و الله يسلم ديات صاحب الفكرة) بس المشكلة كانت انو الموقف الرئيسي لهالسرافيس كان في أحد أرقى و أروق شوراع حلب : محل ما الناس بتطلع تتمشى و تشم هوا الصبح بكير و بالليل متأخر ، محل ما العشاق بيتمشوا سوا ليهربوا من الزحمة و من عيون العالم ، محل ما في صبايا رايحة جاية بتياب الرياضة على نوادي الجيم اللي مملية المنطقة .. بهادا الشارع تحديداً شكّولك سرافيس من أشرشح ما يكون طبعاً مع معاونينون العجيان اللي الشاطر فيون بيعلّي جاعورو قد ما فيه ليغطي على جاعور معاون السرفيس التاني المنافس ... و يا من تراهن عم يغردوا متل الحساسين يئبشوا قلبي : حيــــــدريــــــــــــــ ـــــــة قرب .. قرب عالحيدريـــــــــــــــــ ــــــــــــة (تقولي الركاب رح يهربوا و يقرروا ياخدوا تكسي بآخر لحظة) .. و طبعاً ما بيخلي صبية بنت مرا ما بيقلبها من بكلة شعرها لرباطة بوطا .. ناهيكي طبعاً عن التلطيش و الحكي اللي طالع نازل... آسفة للإطالة بس حبيت أشرحلك الوضع بأسلوب مفصل و كاريكاتوري شوي لأني حسيتك أخدتي كلامي من باب تعالي أو طبقية على أهل الريف و هالشي مو صحيح فاقتضى التوضيح ...

رح جاوبك ... الحقيقة انو ريف حلب هو أكثر الأرياف السورية تخلفاً .. يعني جهل و رذيلة و جريمة و شو ما بدك ... و من فترة كام سنة صار سرافيس رخيصة و متوفرة على طول تخدم على هالمناطق هي و تجيب الركاب لنص حلب (طبعاً خدمة عظيمة و الله يسلم ديات صاحب الفكرة) بس المشكلة كانت انو الموقف الرئيسي لهالسرافيس كان في أحد أرقى و أروق شوراع حلب : محل ما الناس بتطلع تتمشى و تشم هوا الصبح بكير و بالليل متأخر ، محل ما العشاق بيتمشوا سوا ليهربوا من الزحمة و من عيون العالم ، محل ما في صبايا رايحة جاية بتياب الرياضة على نوادي الجيم اللي مملية المنطقة .. بهادا الشارع تحديداً شكّولك سرافيس من أشرشح ما يكون طبعاً مع معاونينون العجيان اللي الشاطر فيون بيعلّي جاعورو قد ما فيه ليغطي على جاعور معاون السرفيس التاني المنافس ... و يا من تراهن عم يغردوا متل الحساسين يئبشوا قلبي : حيــــــدريــــــــــــــ ـــــــة قرب .. قرب عالحيدريـــــــــــــــــ ــــــــــــة (تقولي الركاب رح يهربوا و يقرروا ياخدوا تكسي بآخر لحظة) .. و طبعاً ما بيخلي صبية بنت مرا ما بيقلبها من بكلة شعرها لرباطة بوطا .. ناهيكي طبعاً عن التلطيش و الحكي اللي طالع نازل... آسفة للإطالة بس حبيت أشرحلك الوضع بأسلوب مفصل و كاريكاتوري شوي لأني حسيتك أخدتي كلامي من باب تعالي أو طبقية على أهل الريف و هالشي مو صحيح فاقتضى التوضيح ...

هو فهمت عليكي (يعني لا تفكري العكس) لكن ما بعتقد انو القضية قضية ريف حلب\ حلب... ما بعرف, يجوز أكبر جاعور بتلاقيه ساكن بالميريديان (هاي جكارة بواحد هون :lol:) أو بحلب الجديدة... و يعني من ورا خبطات "أغنياء الحرب" كم واحد من السفيرة بوجهو سكن بالشهباء؟

هلأ كمان يجي حدا بيقول هدول الشوايا (و محسوبك شاوي و يفتخر يجي بدو يقلع عينو) :lol:

و بالمبدأ مو نفس الشي اللي يجعر بسرفيس الحيدرية و اللي حرق دواليب الزوم 6 و هو يشفّط و يعاكس و مسجلتو مسموعة بالرقة؟ أنا برأيي نفس الـ*** بس ليش الأول بشكل عام نقرف منو (بشكل عام مش قاصد حضرتك) أكتر بشوي؟

المحصلة انو معك حق: مفهوم "المدنية" بسوريا فايت بالحيط لأسباب يطول شرحها و نقاشها, بس يمكن الحق مو ع أهل الريف, حتى لو ريف حلب, و حتى لو توادفة :frown:

كان (الحلبية) مشهورين بنخوتهم .!
مين قال ..؟؟














المصدر لو سمحتي ..:p

كل فترة والتانية منشوف جثة معلقة بساحة باب الفرج لـ " تربية " العالم
بس الهئية العالم ما عما تنفع معها " التربية " بالشكل هاد بالمرة .. لا بل صرنا نسمع بالاحداث بطريقة شبه يومية ... ما حلن يشوفوا طريقة " تربية " جديدة ؟

مين قال ..؟؟














المصدر لو سمحتي ..:p

:o :o :o :o :p

مين قال ..؟؟


المصدر لو سمحتي ..:p

أنا المصدر :adal:

كلمتي ما بتكفي ؟!! :larg:

مين قال ..؟؟



المصدر لو سمحتي ..:p
أزا احنا الاردنية بنعرف انو اهل حلب ما في احسن منهم بكل سوريا
أنا المصدر :adal:

كلمتي ما بتكفي ؟!! :larg:
ولو انت كفو ام الجود

هو فهمت عليكي (يعني لا تفكري العكس) لكن ما بعتقد انو القضية قضية ريف حلب\ حلب... ما بعرف, يجوز أكبر جاعور بتلاقيه ساكن بالميريديان (هاي جكارة بواحد هون :lol:) أو بحلب الجديدة... و يعني من ورا خبطات "أغنياء الحرب" كم واحد من السفيرة بوجهو سكن بالشهباء؟
و بالمبدأ مو نفس الشي اللي يجعر بسرفيس الحيدرية و اللي حرق دواليب الزوم 6 و هو يشفّط و يعاكس و مسجلتو مسموعة بالرقة ؟ أنا برأيي نفس الـ*** بس ليش الأول بشكل عام نقرف منو (بشكل عام مش قاصد حضرتك) أكتر بشوي؟
المحصلة انو معك حق: مفهوم "المدنية" بسوريا فايت بالحيط لأسباب يطول شرحها و نقاشها, بس يمكن الحق مو ع أهل الريف, حتى لو ريف حلب, و حتى لو توادفة :frown:

أولاً : أنا ما حملت الناس و سرافيس الحيدرية مسؤولية الوضع الشاذ بحلب ... و إلا كنت كتبت هالشي بالموضوع الأساسي .. أنا فتحت قوس و حكيت شوي بهالموضوع رداً على كلمة أسيء فهمها ...
ثانياً : القضية مو قضية سفيرة و الشهباء ولا قضية جاعور معاون سرفيس ولا المشفطاتي أبو الزوم6 و مين منقرف منو أكتر .. أنا إذا بدك كل شخص بينظرلي نظرات وسخة بقرف منو لو مين ما كان يكون .. بس بزمانو كان ما في غير جماعة التشفيط و المسجلات يلطشوا و يتمايعوا قلنا ماشي الحال بيعيننا الله .. أصلاً هنن فئة محدودة من الحلبية و معروف وين بيتواجدوا .. بس لما تكملنا بالنمر اللي عم تجي من الحيدرية و من طريق الباب و مدري وين ، و اللي السبور الهاي فيون يا دوب شايف بطة اجر أمو و اللي مو بس بيلطش لأ كمان بيمد ايديه و أشيا تانية إذا بدك شي ما شاف بنت ماشية بالفيلات أو بالعزيزية ولابسة بنطلون ضيق أو كنزة حفر .. هون بيكون الوضع زاد كتير عن حدو و ما عاد ينطاق ...
ثالثاً : المشكلة بكل اللي عم يصير انو الناس ما عادت تعبّر الشرطة و الأمن أو تحسبلن حساب من بياع اليانصيب للغني و قرايب المسؤول و العالم عمتنهش ببعضا و صار الجبن و الهريبة كل المرجلة مو تلتينا ...
انشالله تكون فهمتني عن جد هالمرة
:D

أزا احنا الاردنية بنعرف انو اهل حلب ما في احسن منهم بكل سوريا

ولو انت كفو ام الجود



:ss::ss::ss:

الله أكبر
:lol:

شكراً عزيزتي

أزا احنا الاردنية بنعرف انو اهل حلب ما في احسن منهم بكل سوريا






:shock: + :?

انشالله تكون فهمتني عن جد هالمرة

أي طولي بالك علينا شوي زكاتك..


مع تحياتي:D

مو بس بيلطش لأ كمان بيمد ايديه و أشيا تانية
:D
ليكي عزيزتي ام الجود:D
بالنسبي للتلطيش.. الحئ عالبنات..لأنو لازم كل بنت واحد بيحكيها كلمي تجبلو الشرطة :pos:..
والقانون بصفن.. ومرة مع مرة بيتربوا..لأنو التلطيشة فيها سجن..
لأن يلي مشوفو أنو البنت بيجي واحد بحكيها كلمي..بتجي بتنطش..وبتسكت..وهيداك الحيوان بيتمادى :?..



وناي لو سمحتي :D.. يا ريت إذا فيكي توضحيلنا شو بيئول القانون بهيك امور..(الاساءة اللفظية والجسدية)
والبنت شو فيها تعمل إذا حدا تعرضلها لفظيا أو "مد إيدو":shock: ..

:akh:

ليكي عزيزتي ام الجود:D
بالنسبي للتلطيش.. الحئ عالبنات..لأنو لازم كل بنت واحد بيحكيها كلمي تجبلو الشرطة :pos:..
والقانون بصفن.. ومرة مع مرة بيتربوا..لأنو التلطيشة فيها سجن..
لأن يلي مشوفو أنو البنت بيجي واحد بحكيها كلمي..بتجي بتنطش..وبتسكت..وهيداك الحيوان بيتمادى :?..



وناي لو سمحتي :D.. يا ريت إذا فيكي توضحيلنا شو بيئول القانون بهيك امور..(الاساءة اللفظية والجسدية)
والبنت شو فيها تعمل إذا حدا تعرضلها لفظيا أو "مد إيدو":shock: ..

:akh:

ذكرتني بمسلسل عصيّ الدمع لحاتم علي اللي بأول حلقة منو بتكون سلاف فواخرجي (محامية) ماشية بالطريق و بيلحقا واحد أزعر و بيضل على زعرنة و تلطيش لحتى توصل فيه لقدام المخفر و تفوتو و تشتكي عليه موجوداً :lol:
جيمي كلامك مظبوط .. بس هون حطنا الجمّال ..
ارجاع للموضوع الأساسي و اقرا .. المشكلة انو روحة المخافر ما عم يجي من وراها غير الشرشحة و وجع الراس خصوصي إذا في بالموضوع بنات و نسوان ... إذا اللي بدك تاخد حقك منو بالمخفر عم يرشرش حبو لازم ترشرش أكتر منو ، و إذا عندو واسطة لازم تجيب واسطة أتقل ، و إذا عندو عشيرة بتاكل راس الحية لازم تجيب عشيرتك اللي بتاكل راس الديناصور .. غير هيك العوض بسلامتك .. و تنذكر ما تنعاد و نشوفك بالأعياد :oops:

أزا احنا الاردنية بنعرف انو اهل حلب ما في احسن منهم بكل سوريا
هو مع الحشيش كل شي بيصر ها :p
ازا نحنا السوريين منعرف انو كل السوريين مافي منهم بكل الأردن (( شومنشانك يعني )) :p:p كلو من الحشيش يخرب بيتو هلك هل البشرية هلك:pos:
ولو انت كفو ام الجود

:clap::clap::clap::clap::clap::clap::clap::clap:

والله هالظاهرة مو بس بحلب بكل دولة عربية بصير هيك
واكيد مدينتي منهم لانه اكادير هلاء تعتبر من اكثر المدن بالمغرب الي بتصير فيها جرائم
واكيد لا تسألو عن التحرش الجنسي لانه كرمالو وعم يكتر بهده المدينة
بس ويييييييييييييين الامن وكيف بدنا نحس بأمااااان
انشاء الله يصحو الكبار منشان تتعدل الاحوال
فااااااااااااااتي

هممم . أمـّا بعد

أولا ً . الوضع الذي وصلنا إليه في محافظة حلب الشهباء هو وضع جميع المحافظات السوريّة الأمر نسبي يعني بيفرق بمحافظة عن أختا على سبيل المثال أكيد الوضع عنا بحلب أحسن من الوضع بدير الزور .

ثانيا ً . أكبر نسبة لهجرة اهل الريف هون عنا بحلب , و إبن ريف حلب غير إبن ريف دمشق , يعني الجهل و الأمية اللي متفشي بريف حلب مش معقول ,

ثالثا ً . صراع العشائر , اللي الدولة غاضة الطرف عنو كون هالعشائر عم تكت عملة . لحد اليوم عنا بحلب في شي أسمو تار و إبن 16 سنة أزا حدا بيدوس على طرفو بيستخدم سلاح , بينما ما بتشوف هالشي منتشر بالشام متل عنا , و الدولة متمثلة بالمخافر أو بالأمن الجنائي أو بالقضاء عم تسكت على هالشي .

و أسباب أخرى لا سبيل لحصرها , هيه إجابة على سؤال "لماذا حلب" .

مش معقول ضابط شرطة يدفع مبالغ طائلة لينتقل على حلب , مش معقول مبالغ طائلة بتندفع كرمال مهندس يستلم رئاسة البلدية . كل هالشي بسبب أنو الرشوة متفشيّة عنا هون بالبلد .

مش معقول أنو اليوم لما بتصير مشكلة عنا بأي مخفر المدعي بصير مدعى عليه بعشر تالاف ليرة بتندفع لأي مساعد ,


كان (الحلبية) مشهورين بنخوتهم و هبوبهم للتصدي ل(الزعران و السرسرية) حتى أني لأذكر أنه خلال مراهقتي شهدت مراراً و تكراراً فصول (دق و دوس) لعجيان حاولوا يلحقوا بنات و يتحرشوا بهن (و أحياناً كلاماً فقط) من قبل بعض الشباب (القبضايات)


لما يكون سكان حلب هني حلبية ممكن نحكي أنو الحلبية كانو دح و صارو هلأ كخ , يا عمي ما 80 % من سكان حلب هني من ريف حلب و ضواحيها و أهل المنطقة الشرقيّة لعنو سلاف حلب يا مخلوقة ( مشان واحد شاوي هون ينبسط :p )

بالنسبي للتلطيش.. الحئ عالبنات..لأنو لازم كل بنت واحد بيحكيها كلمي تجبلو الشرطة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والقانون بصفن.. ومرة مع مرة بيتربوا..لأنو التلطيشة فيها سجن..
لأن يلي مشوفو أنو البنت بيجي واحد بحكيها كلمي..بتجي بتنطش..وبتسكت..وهيداك الحيوان بيتمادى ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليك يا عزيزي يا "Jimy" . رح أحكيلك شو ممكن يصير , لنفترض إحداهن عليت صواتا و تجمعت الناس و إجت الشرطة , هلأ حضرتك قلت أنو التلطيشة فيا سجن , هيك المفترض .
أما الواقع اللي بصير بكم ليرة بترشون بالمخفر بتصير البنت كانت هيه عم تدفع و تغري الشب مشان يدفعلا كم ليرة و ينام معا ليلة و بتفوت البنت بقضية آداب و بتصير سمعة البنت بالزبالة .

يعني هازا الحكي اللي عم تحكيه بصير في نيويورك أنو تطلب الشرطة و الزي منو , عنا بحلب هيك الوضع .



؟ أنا برأيي نفس الـ*** بس ليش الأول بشكل عام نقرف منو (بشكل عام مش قاصد حضرتك) أكتر بشوي؟

معلم الموضوع مانو موضوع قرف , لأحكيلك شو بصير أنت زلمي عايش بكتالونيا و ما بتعرف شو بصير , بجيك رئيس مخفر من الباب لنفترض . يبا شو في عقد متعقدا بحياتو , بدو يطالعا بالمخفر . و عالأخص أزا إجا واحد حلبي .

ابتداءا ً من مستوى المعيشة المتدني في ضيعتو أنتهاءا ً بالنظرة الدونية اللي بينظروا أهل المدينة لأهل الريف , يا رجل لعنو سلاف البلد عالأصلي ,

و المصيبة أنو معظم مناصب المحافظة بإيادي أشخاص مش حلبيّة . هازا سبب القرف أو الشقاق اللي عم يصير بين أهل الريف و أهل المدينة ..

-

عوزراً بقا من أهل الريف ما ياخدو على خاطرون . بس ريف حلب و أهلا عنا غير ناس و غير خلق ..

سترو ما شفتو مننا .

هي المادتين اللي الهون علاقة بالتحرش بالقانون السوري

نصت المادة 505 من قانون العقوبات السوري العام على “معاقبة من لمس أو داعب بصورة منافية للحياء قاصراً لم يتم الخامسة عشرة من العمر ذكراً كان أم أنثى أو فتاة أو امرأة لهما من العمر أكثر من خمسة عشرة عاماً دون رضاهما عوقب بالحبس مدة لا تتجاوز الستة أشهر ” كما نصت المادة 517 على أنه “يعاقب على التعرض للآداب العامة بالحبس من شهر لسنة “.
بس انا مع بلاك بأنو المشكة مو بالقانون المشكلة بالتطبيق..

ذكرتني بمسلسل عصيّ الدمع لحاتم علي اللي بأول حلقة منو بتكون سلاف فواخرجي (محامية) ماشية بالطريق و بيلحقا واحد أزعر و بيضل على زعرنة و تلطيش لحتى توصل فيه لقدام المخفر و تفوتو و تشتكي عليه موجوداً :lol:
جيمي كلامك مظبوط .. بس هون حطنا الجمّال ..
ارجاع للموضوع الأساسي و اقرا .. المشكلة انو روحة المخافر ما عم يجي من وراها غير الشرشحة و وجع الراس خصوصي إذا في بالموضوع بنات و نسوان ... إذا اللي بدك تاخد حقك منو بالمخفر عم يرشرش حبو لازم ترشرش أكتر منو ، و إذا عندو واسطة لازم تجيب واسطة أتقل ، و إذا عندو عشيرة بتاكل راس الحية لازم تجيب عشيرتك اللي بتاكل راس الديناصور .. غير هيك العوض بسلامتك .. و تنذكر ما تنعاد و نشوفك بالأعياد :oops:

من كام يوم كنت مأقرأ بموضوع "بصمات من كلمات"
"حين تسكت عن حقك الواضح بسبب الخوف غالبا ً ، فأنك لن تتوقع من الآخر أن يحترم لك هذا الحق ، سيتصرف في المرة القادمة وكأن التطاول على حقوقك من المسلمات "
ممدوح عدوان

يعني شخص بيسكت عن حئو تجنباً لـ "الشرشحة"ولـ "روحة المخفر"..:frown:..أي عال..

ليك يا عزيزي يا "Jimy" . رح أحكيلك شو ممكن يصير , لنفترض إحداهن عليت صواتا و تجمعت الناس و إجت الشرطة , هلأ حضرتك قلت أنو التلطيشة فيا سجن , هيك المفترض .
أما الواقع اللي بصير بكم ليرة بترشون بالمخفر بتصير البنت كانت هيه عم تدفع و تغري الشب مشان يدفعلا كم ليرة و ينام معا ليلة و بتفوت البنت بقضية آداب و بتصير سمعة البنت بالزبالة .
ما عرفت شو بدي إلك..معئول الوضع لهدرجة سيْء:?..معئول مافينا نعمل شي..


وشكرا كتير ناي..:akh:

أنا المصدر :adal:

كلمتي ما بتكفي ؟!! :larg:
هئ ....
انتي حلبية

أزا احنا الاردنية بنعرف انو اهل حلب ما في احسن منهم بكل سوريا

ولو انت كفو ام الجود

اي مشان هيك ما اقتنعت

من كام يوم كنت مأقرأ بموضوع "بصمات من كلمات"
"حين تسكت عن حقك الواضح بسبب الخوف غالبا ً ، فأنك لن تتوقع من الآخر أن يحترم لك هذا الحق ، سيتصرف في المرة القادمة وكأن التطاول على حقوقك من المسلمات "
ممدوح عدوان

يعني شخص بيسكت عن حئو تجنباً لـ "الشرشحة"ولـ "روحة المخفر"..:frown:..أي عال..

ما عرفت شو بدي إلك..معئول الوضع لهدرجة سيْء:?..معئول مافينا نعمل شي..


وشكرا كتير ناي..:akh:


جيمييييييييييييي ... بدي أبكي !!! شو صرلي جمعة عم غني بالطاحون ؟!!على راسي كلامك و كلام ممدوح عدوان .. و ارجاع لمشاركتي الأساسية و شوف .. أنا عم أتحسر على هالوضع اللي وصلنالو .. شي بيقرف انو عم تنداس كرامتنا و مو هاين علينا بس للأسف لما عم نرفض الإهانة و عم نحاول نرجع اعتبارنا و نستعين بالناس اللي المفروض فيون ينصرونا عم ننزل و نتشرشح أكتر و أكتر ..!بلاك كلامك صح مية بالمية و يمكن عبرت عن اللي ما عرفت عبر عنه يمكن لأني مو عايشة بحلب على طول ...

أنا هالسنة حسيت أنو نسبة الزعران خفت شوي بالبلد ... مدري أنا ما التقيت فيهم .. وهالشي حسيتو مرتبط بتغيير خطوط هالسرافيس البلوة
يمكن عبرت عن اللي ما عرفت عبر عنه يمكن لأني مو عايشة بحلب على طول ...
عرفتي تعبري تمام
صار البنت إذا تلطشت أو حدا تحكرش فيها إما تسكت لأن بتعرف ما في أمل أو هي بتاخد حقا بإيدا

هممم . أمـّا بعد

أولا ً . الوضع الذي وصلنا إليه في محافظة حلب الشهباء هو وضع جميع المحافظات السوريّة الأمر نسبي يعني بيفرق بمحافظة عن أختا على سبيل المثال أكيد الوضع عنا بحلب أحسن من الوضع بدير الزور .

ثانيا ً . أكبر نسبة لهجرة اهل الريف هون عنا بحلب , و إبن ريف حلب غير إبن ريف دمشق , يعني الجهل و الأمية اللي متفشي بريف حلب مش معقول ,
يا زلمة لو ما كنت انا من حلب كنت افتكرت عما تحكي على شي دولة من رتبة " سوبر " عما تهاجر عليها العالم !!
طلاع على الجامعة لتشوف الحلبية " اقلية قليلة جدا " اغلبية طلاب الجامعة من خارج حلب وبالتحديد من ضيع حلب ... فأيا جهل وأمية عما تحكي علين ؟ وهجرة الريفي للمدينة شو عما تأثر على الوضع ؟

بخصوص الشوفيرية الضيعجية اللي ام الجود حكت علين " حيدرية وطريق الباب وبقية الشلة اللي انشكت على تقاطعات شارع رعاية الشباب "
شو ربط السرافيس بأهالي الضيع ؟ ليش الحيدرية ضيعة بحلب :shock: على علمي منطقة من حلب متلا متل البقية :shock:
اذا بدنا نحكي على حلب بألوانا الطائفية .. منقدر ببساطة تمييز المناطق لأن كل طايفة او مجموعة متكتلة على بعضا ومحتلة منطقة معينة .. بس هاد ماله إي علاقة بعمليات السلب والنهب والقتل اللي محطوط الرابط تبعها بالمشاركة الأولى .





ثالثا ً . صراع العشائر , اللي الدولة غاضة الطرف عنو كون هالعشائر عم تكت عملة . لحد اليوم عنا بحلب في شي أسمو تار و إبن 16 سنة أزا حدا بيدوس على طرفو بيستخدم سلاح , بينما ما بتشوف هالشي منتشر بالشام متل عنا , و الدولة متمثلة بالمخافر أو بالأمن الجنائي أو بالقضاء عم تسكت على هالشي .
....

مش معقول أنو اليوم لما بتصير مشكلة عنا بأي مخفر المدعي بصير مدعى عليه بعشر تالاف ليرة بتندفع لأي مساعد , مين متضحك عليك وقايلك هلحكي :lol:
عملك فتلة على المخافر وشوف الوضع فيها .. حاج بقى كلما دق الكوس بالجرة ننزل نقد وتهجمات بس لأن بدنا ننتقد ونتهجم .. خلال اقل من شهرين صار حادثتين سرقة بعيلتي " اخواتي بشكل مباشر تم سرقتن" وبالحالتين تم القاء القبض على السارق والتحقيق معه بمحاكمة شرعية وقانونية .

واذا بترجع لـ 3 سنين وقت اجت احدى العشاير على مشفى حلب الجامعي لقتل واحد من عيشرة تانية.. بتشوف كيف الشرطة لمت بكل شخص قريب وبعيد من القصة .. طالما الحكي ببلاش احكي ما حدا عما يحسب عليك حكيك .. بس خلي كلامك شوي منطقي .



مش معقول ضابط شرطة يدفع مبالغ طائلة لينتقل على حلب , مش معقول مبالغ طائلة بتندفع كرمال مهندس يستلم رئاسة البلدية . كل هالشي بسبب أنو الرشوة متفشيّة عنا هون بالبلد .

الوصول للسلطة بطرق غير قانونية مانا شي حصري بحلب او مشكلة بتعاني منها حلب بشكل مباشر
بس ما عما شوف اي رابط بين الفساد والرشوة من طرف وكترة الاحداث الاجرامية من طرف تاني :?


لما يكون سكان حلب هني حلبية ممكن نحكي أنو الحلبية كانو دح و صارو هلأ كخ , يا عمي ما 80 % من سكان حلب هني من ريف حلب و ضواحيها و أهل المنطقة الشرقيّة لعنو سلاف حلب يا مخلوقة ( مشان واحد شاوي هون ينبسط :p )


ما قالولك بأن افلطون وقت عما يحكي على " حلب " نسي الاسم قام لحق حاله واستدرك الوضع وسماها المدينة الفاضلة :o



ليك يا عزيزي يا "Jimy" . رح أحكيلك شو ممكن يصير , لنفترض إحداهن عليت صواتا و تجمعت الناس و إجت الشرطة , هلأ حضرتك قلت أنو التلطيشة فيا سجن , هيك المفترض .
أما الواقع اللي بصير بكم ليرة بترشون بالمخفر بتصير البنت كانت هيه عم تدفع و تغري الشب مشان يدفعلا كم ليرة و ينام معا ليلة و بتفوت البنت بقضية آداب و بتصير سمعة البنت بالزبالة .

يعني هازا الحكي اللي عم تحكيه بصير في نيويورك أنو تطلب الشرطة و الزي منو , عنا بحلب هيك الوضع .


معلم الموضوع مانو موضوع قرف , لأحكيلك شو بصير أنت زلمي عايش بكتالونيا و ما بتعرف شو بصير , بجيك رئيس مخفر من الباب لنفترض . يبا شو في عقد متعقدا بحياتو , بدو يطالعا بالمخفر . و عالأخص أزا إجا واحد حلبي .

ابتداءا ً من مستوى المعيشة المتدني في ضيعتو أنتهاءا ً بالنظرة الدونية اللي بينظروا أهل المدينة لأهل الريف , يا رجل لعنو سلاف البلد عالأصلي ,

و المصيبة أنو معظم مناصب المحافظة بإيادي أشخاص مش حلبيّة . هازا سبب القرف أو الشقاق اللي عم يصير بين أهل الريف و أهل المدينة ..
طلع رئيس المخفر هوي سبب المشاكل كلها وهوي سبب ازدياد حوادث السرقة والقتل وكل الجنايات :?
الكعكة بخمسة والحكي ببلاش عندك فكرة شد بتسوى الافكار المنبثقة من احلام اليقظة ؟



عوزراً بقا من أهل الريف ما ياخدو على خاطرون . بس ريف حلب و أهلا عنا غير ناس و غير خلق ..

سترو ما شفتو مننا .بعيد العنك وبش وجايين من ورا البقر ومافين عقل لهيك الجامعات هنن اكتر المستفيدين منا وهنن المميزين فيها .. بس لأن مكان ولادته عند الداية صاروا غير ناس وغير خلق مقارنة باللي ولد بغرفة المستشفى :pos:

:clap::clap::clap::clap::clap::clap::clap::clap:
المشكله ازا الواحد حكا رأيو ما بتفهمو انو هو ممكن يكون غلطان بتقومو بتغلسو عليه
بس ازا ع الحشيش حارقيين منو كتير بس في ناس بدل ما تحرق حشيش بتحرق حالها



اي مشان هيك ما اقتنعت
مو مهم تقتنع في 20 مليون سوري مقتنعين بشعب الاردني يا اخي خليهم ينقصو واحد

المشكله ازا الواحد حكا رأيو ما بتفهمو انو هو ممكن يكون غلطان بتقومو بتغلسو عليه
بس ازا ع الحشيش حارقيين منو كتير بس في ناس بدل ما تحرق حشيش بتحرق حالها

وئت الواحد بيحكي حكي غليس بدو يتحمل الناس وئت تغلس عليه يا أتة :p

مو مهم تقتنع في 20 مليون سوري مقتنعين بشعب الاردني يا اخي خليهم ينقصو واحد

ياسمينة للشعب الأردني الشقيق :D

والله معاكن حق يا جماعة

دنيا وبدها تمضى

بس اكيد اهل حلب كلهن خير... ان شاء الله ما منشوف على سوريا شر

والله يحفظنا ويحفظ اهلينا

ويردنا لبلادنا يا مغتربين:cry:

بصراحة كل سوريا بتعاني من اللاتمازج و عنا الكثير الكثير من الثقافات والاديان و التقاليد المختلفة... وهذا الاختلاف قديم و تاريخي وخصوصي بحلب.. بس رغم كل الاختلاف بين هالمجتعات (ان صح التعبير) الساكنة لحلب عايشين و متفاهمين ومتعايشين عمليا و متعودين ع بعض

بس ممكن اتخيل معاناة حلب من الرجل الغريبة باعتبارها أحد أقطاب البلد و قريبة من مناطق للاسف نائية نسبياً و اهلها بعيدين نوعا ما عن المدنية والتمدن.. ويمكن هالفرق الاجتماعي بيعمل شرارة اهل المدينة و الغريب يلي جاي بسبب تفاوت في نوعية الثقافة بين الطرفين و قلة احترام للاخر من قبل الطرفين..

هلق انا برأيي الحل مو بس بالشرطة والمخافر.. وانما بزيادة التربية و نشر ثقافة احترم الاخر كما هو لكي يحترمك كما انت.. يعني مسؤولية وزارة التربية بالدرجة الاولى..

المشكلة انو عنا في كتير تفاوت بين اهل القرى والمدينه بس مع الانفتاح والتعليم بطلت القرية بنفس الدلالة غير الناس اللي منغلقين وما بدهم يطورو هدول غير عن المثقفين وطلاب الجامعات

في متل اهل المدن بفلسطين بحكو هو الدودة قالت للبقه عمرو الفلاح ما بترقى

المشكلة انو عنا في كتير تفاوت بين اهل القرى والمدينه بس مع الانفتاح والتعليم بطلت القرية بنفس الدلالة غير الناس اللي منغلقين وما بدهم يطورو هدول غير عن المثقفين وطلاب الجامعات

في متل اهل المدن بفلسطين بحكو هو الدودة قالت للبقه عمرو الفلاح ما بترقى

نحنا عنا .. وخاصة بحمص.. عنا ضيع بترقى عن المدن بشكل واضح ... اذا كان الرقي يقاس بالعلم والثقافي و الاخلاق والموسيقى او حتى الموضة و الفاشن... لدرجة انك بهيك ضيع بتشعري انو المدينة متخلفة بالنسبة الهن!.. انا ما بنسى من كم سني وقت اجت مطربة لبنانية شابة (لابسي عادي).. وغنت باحدى ساحات حمص... وقتها الحماصنة "المدنيين" عبرو عن تخلف فظيع!!!

هلق بدي ذكر انو ام الجود:D كانت بموضوعها عم تحكي عن الجرائم من سرقة وقتل و عن غياب الامان المعهود و ازدياد الوحشية وما من رادع.. وغياب نخوة و شجاعة ايام زمان.. وهذا هو محور الموضوع.

هلق بدي ذكر انو ام الجود:D كانت بموضوعها عم تحكي عن الجرائم من سرقة وقتل و عن غياب الامان المعهود و ازدياد الوحشية وما من رادع.. وغياب نخوة و شجاعة ايام زمان.. وهذا هو محور الموضوع.
نرجع لموضوعنا
الجريمة على علاقة طردية مع الحالة الاقتصادية لناس
لنكون صريحيين وناخد المواطن العادي اللي بيتخرج وبيشتغل (مو اللي عاطل عن العمل)
ببلادنا العربية دخلو فيه يعيشو حياة كريمة الجواب لأ
طول ما الجواب لأ رح يضل عنا جريمة وزيادة بالجرائم والسرقات والدعارة
سواء بحلب او غير حلب بالمدينه او بالقرية
يعني ممكن واحد حالتو الاقتصادية زفت فيقرر يسرق بيت ويستنى صحاب البيت يطلعو منو بفوت ممكن بصدفه بنت صاحب البيت تكون ما طلعت مع اهلها يلاقيها بوشو فيقرر يعتدي عليها وبعدين يقتلها ........ هو بفوت ليسرق بيطلع سارق ومغتصب وقاتل

مشكلة حلب في تفاقم لانو الجهات الثقافية والتربوية ما عم تاخد دورا الفاعل في الارتقاء بالشعب عم يتم التعامل مع حلب كخراج معزول لا تلمسه ليقوم ينفجر

المشكلة انو عنا في كتير تفاوت بين اهل القرى والمدينه بس مع الانفتاح والتعليم بطلت القرية بنفس الدلالة غير الناس اللي منغلقين وما بدهم يطورو هدول غير عن المثقفين وطلاب الجامعات

في متل اهل المدن بفلسطين بحكو هو الدودة قالت للبقه عمرو الفلاح ما بترقى
واضح من هادا الرد انو لحد الان مصرة نور على هيدي النظرة.. لذا ما حسيت انو لازم ارجع للب الموضوع
هادا الكلام مانو دقيق ما حبيت فوت بالموضوع قبل.. بس انا بعرف ناس حلبية من اكتر الناس تخلفا وتعصبا وعايشين بأرقى احياء حلب بالمقابل بعرف اكتر من اربع عائلات من الشوايا من ارقى الناس اللي شفتون بحياتي..ومستغربة التحدث عن التحرر وانك عم تقرنيه بأهل حلب يعني معروف انو اهل حلب هنن الاكثر تعصبا بسورية
تعميم النظرة هوي طريقة سطحية كتير للحكم على الامور والزعرنة مانا مرتبطة بالفقر.. اللي واضح كتير انك معتبرة انو اهل المناطق الفقيرة هنن الشراشيح.. واذا كان اهل الريف بحلب او بغير منطقة متخلفين فهي مسؤولية عليي وعليكي وعلى الكل.. والتهكم فيهون مانو دليل رقي ولا دليل تحرر ابدا..
وعلى الهامش... الريف السوري هوي اكبر منتج للمثقفين بسوريا مو المدن.. وليد معماري وحيدر حيدر وممدوح عدوان ادونيس زكريا تامر وسعد الله ونوس.. كمان الممثلين السوريين والفنانين

بعتذر اذا كان لهجتي بالرد قاسية او اذا فلتت مني كلمة او تنتين .. بس انت عم تهيني ناس كتير بكلامك الغير مدروس وما لك حاسة..

مين متضحك عليك وقايلك هلحكي :lol:
عملك فتلة على المخافر وشوف الوضع فيها .. حاج بقى كلما دق الكوس بالجرة ننزل نقد وتهجمات بس لأن بدنا ننتقد ونتهجم .. خلال اقل من شهرين صار حادثتين سرقة بعيلتي " اخواتي بشكل مباشر تم سرقتن" وبالحالتين تم القاء القبض على السارق والتحقيق معه بمحاكمة شرعية وقانونية .

واذا بترجع لـ 3 سنين وقت اجت احدى العشاير على مشفى حلب الجامعي لقتل واحد من عيشرة تانية.. بتشوف كيف الشرطة لمت بكل شخص قريب وبعيد من القصة .. طالما الحكي ببلاش احكي ما حدا عما يحسب عليك حكيك .. بس خلي كلامك شوي منطقي .


كلامك صحيح بلاك.. مافي شي عم يضيع والشرطة عن جد عم تقوم بواجبها بأغلب الحالات بس مسألة معروفة انو قبل ما ينكتب ضبط الشرطة ممكن كتير تتلفلف الامور وخاصة اذا كان المشكلة مانها كبيرة كتير واذا كان واحد من الطرفين مدعوم.. ويصير ضغط على حدا من الطرفين لحتى يسكت وهادا الشي ممكن يصير حتى بعد كتابة الضبط مو هيك.. هيي المسألة بتوعية الناس على حقوقها وعدم الاستهانة بهي الحقوق

طلاع على الجامعة لتشوف الحلبية " اقلية قليلة جدا " اغلبية طلاب الجامعة من خارج حلب وبالتحديد من ضيع حلب ... فأيا جهل وأمية عما تحكي علين ؟

مين قال انو شباب ريف حلب ما بيتعلموا ولا بيروحوا عالجامعات ؟!! بس يا ترى قديش نسبتن إلى عدد سكان قراهم ؟!! و مين قال انو التخلف معناه الأميّة ؟!! التخلّف علّة بتصيب التفكير و نظرتنا للأمور و تقييمنا إلها و هي مو حكر على الأميين ولا على أهل الريف .. فينو شخص جامعي و من المدينة يكون متخلّف إذا *مثلاً* بيعتدي ع أختو بالضرب على خلفية اكتشافو لأنها على علاقة بشب ... بس اللي قصدو BLACK و اللي بأيدو فيه انو ريف حلب من أشد الأرياف السورية تخلفاً (و بنفس الوقت بأكد على عدم تعميم صفة التخلف و الجهل على كل الأرياف لأنه متل ما سبق و حكى inodessa في قرى سورية أهلا بشر و عالم أكتر بكتير من سكان بعض المدن) و من فترة كام سنة صار في هجمة قوية من أهل الريف على حلب و ترافق هالشي بازدياد ملحوظ للجرائم و الاعتداءات .. فكان الربط بين هالتغييرين جائز كتير و منطقي ... هلأ هالناس إذا أجت من الحيدرية (بصرف النظر عن كونها ضيعة أو منطقة بالنهاية النتيجة وحدة) أو أجت من تل رفعت ولا من عفرين .. إذا سؤالك انو شو خص هالشي بانعدام الأمن اللي صاير ؟ فأنا بقلك انو قسم من هالناس ما عم يتحمل عقلن الشوفات اللي عم يشوفوها و معروف انو أهل نسبة منيحة من سكان حلب ميسورين مادياً و بناتن آخدين راحتن شوي بلبسن ...


مين متضحك عليك وقايلك هلحكي :lol:
عملك فتلة على المخافر وشوف الوضع فيها .. حاج بقى كلما دق الكوس بالجرة ننزل نقد وتهجمات بس لأن بدنا ننتقد ونتهجم .. طالما الحكي ببلاش احكي ما حدا عما يحسب عليك حكيك .. بس خلي كلامك شوي منطقي .


و مين قلك انو بدنا ننتقد بس لننتقد ؟!! هي بلدنا و ما حدا بيشمت بعزا ستو ولا بيبزق بالصحن اللي بياكل فيه .. نحن منى عيننا يكون كل شي متل ما عم تقول .. و الحمد لله يلي ما صار معك و مع عيلتك قصص و تجارب مريرة .. بس أنت مانك عايش لحالك بحلب و الناس اللي حوالينا و عم تحكيلنا القصص اللي عم تصير معها معانيّة لشبعانة و مانا مدسوسة من جهات معادية لتشوّه سمعة البلد و تطيح بالنظام !!



بس ما عما شوف اي رابط بين الفساد والرشوة من طرف وكترة الاحداث الاجرامية من طرف تاني :?


:shock: :? :shock:
ما في رابط برأيك ؟؟!!!
لما المجرم بيشوف انو في أمن و شرطة تحاسبو على جريمتو برأيك ما رح يفكر كام مرة زيادة قبل ما يرتكب جريمتو ؟!! إذا لأ لكن بلا ما ننفخ قلبنا و نحارب الفساد .. منتركو .. بشو زاجعنا ؟!!


الكعكة بخمسة والحكي ببلاش عندك فكرة شد بتسوى الافكار المنبثقة من احلام اليقظة ؟
بعيد العنك وبش وجايين من ورا البقر ومافين عقل لهيك الجامعات هنن اكتر المستفيدين منا وهنن المميزين فيها .. بس لأن مكان ولادته عند الداية صاروا غير ناس وغير خلق مقارنة باللي ولد بغرفة المستشفى :pos:

مو ملاحظ انو أسلوبك تهكمي زيادة عن اللزوم و مسيئ ؟!!
إذا ما عجبك الكلام و كان الك رأي تاني هادا حقك بس ما في لزوم لهالردود المستفزة ..

كلامك صحيح بلاك.. مافي شي عم يضيع والشرطة عن جد عم تقوم بواجبها بأغلب الحالات بس مسألة معروفة انو قبل ما ينكتب ضبط الشرطة ممكن كتير تتلفلف الامور وخاصة اذا كان المشكلة مانها كبيرة كتير واذا كان واحد من الطرفين مدعوم.. ويصير ضغط على حدا من الطرفين لحتى يسكت وهادا الشي ممكن يصير حتى بعد كتابة الضبط مو هيك.. هيي المسألة بتوعية الناس على حقوقها وعدم الاستهانة بهي الحقوق

:cry::cry::cry:
يــــــــــــــــا جمــــــــــــــــاعة ...
كرااااامة ل الله لا بقى حدا يقلي خلي الناس تطالب بحقوقها .. الحلبي ما بيقبل حدا يدعسلو على طرف بس المخافر و الدعاوي بحلب صايرة اللهم لا أسألك رد القضاء و لكن أسألك اللطف فيه .. طيب أنا رح أحكيلكن قصة صارت مع شخص منعرفو :

الزلمة واقف مع واحد رفيقو تحت بناية بالشيخ طه قريب سوبر ماركت ال24 .. انكب عليون زبالة من بلكون أول طابق .. بهيك حالة ردة الفعل الطبيعية انو الني آدم يستهجن و يعيّط .. و اللي بيصير انو بظرف دقيقتين بيخلق قدامو رجال مترين بمتر عالكيلوت و بإيدو شي متل الساطور و صرخلك بعلو صوتو : اللــــــــــــــــه أكبر .. و نزلك سلخ و تشطيب هو و 2 من جماعتو على هون بيوجعك و هون ما بيوجعك ...
راحوا الشباب عالمستشفى و هونيك رفضوا يطببوهن قال لازم يروحوا عالمخفر بالأول .. راحوا عالمخفر انلطعوا ساعتين *و هنن مدماميين و لازمن إسعاف* لوقت ما لقوا حدا يرد عليون و بعدين أخدوا إفادتن و قالولن روحوا بس يصير معنا شي منخبركن .. نامت القصة أسبوع كامل لا حس ولا خبر (هيك و المدّعي مبلّغ عن عنوان المعتدي) و ضل شهر جيتك خدني عالمخفر و هنيك يقولوله على ما لقيناه بالبيت .. على تركنالو خبر و ما أجا .. و كان واضح متل العين المقلوعة انو الزلمة مفيّش و حاطط جماعة المخفر بجيبو و لا حياة لمن تنادي .. آخر شي قالوله أنت الحق عليك كنت مسنود على باب بنايتو و عم تحكي بصوت عالي و تتصحصن و تسبب إزعاج !!!!!!!!!!!!!!!!!!!!!!!!!!!!!!!!!!!!!!!!!!
هادا ما عدا التهديدات اللي صارت تجيه انو اسقط حقك و نحنا ناس واصلين و منكمّل عليك و على عيلتك و من هالحكي هاد ...
المهم الزلمة كبرت براسو و ما راد يبيّت القصة و ضل يدّور بين معارفو و معارف معارفو على واسطة تقيلة تحكي بموضوعه مع الأمن و الداخلية هيـــــــــــك لحتى وصل الموضوع لمكتب السيدة الأولى و لما هونيك عملوا اتصالاتن راحت دورية من المخفر حاوطت البيت نهار كامل و ما لقطوا المعتدي و أهل بيتو ضلّوا يدّعوا انو مسافر .. آخر شي المسا دخلوا العناصر فتشوا الببت و لاقوا العينتين متخبي بقلب سجادة ملفوفة !!

مشكلة حلب في تفاقم لانو الجهات الثقافية والتربوية ما عم تاخد دورا الفاعل في الارتقاء بالشعب عم يتم التعامل مع حلب كخراج معزول لا تلمسه ليقوم ينفجر
السطر هاد بيستاهل يصير عليه موضوع كامل يا عم وبيفتح مدري كام الف باب
الواقع المتردي لجهات التوعية واقع لا يمكن تجميله بأي شكل من الاشكال
لكن ليش حلب بالذات ؟

هلق انا برأيي الحل مو بس بالشرطة والمخافر.. وانما بزيادة التربية و نشر ثقافة احترم الاخر كما هو لكي يحترمك كما انت.. يعني مسؤولية وزارة التربية بالدرجة الاولى..


مشكلة حلب في تفاقم لانو الجهات الثقافية والتربوية ما عم تاخد دورا الفاعل في الارتقاء بالشعب عم يتم التعامل مع حلب كخراج معزول لا تلمسه ليقوم ينفجر

السطر هاد بيستاهل يصير عليه موضوع كامل يا عم وبيفتح مدري كام الف باب
الواقع المتردي لجهات التوعية واقع لا يمكن تجميله بأي شكل من الاشكال
لكن ليش حلب بالذات ؟

انا شايف انو الشباب اتفقوا... اول مرة..:clap::deal:

واضح من هادا الرد انو لحد الان مصرة نور على هيدي النظرة.. لذا ما حسيت انو لازم ارجع للب الموضوع
هادا الكلام مانو دقيق ما حبيت فوت بالموضوع قبل.. بس انا بعرف ناس حلبية من اكتر الناس تخلفا وتعصبا وعايشين بأرقى احياء حلب بالمقابل بعرف اكتر من اربع عائلات من الشوايا من ارقى الناس اللي شفتون بحياتي..ومستغربة التحدث عن التحرر وانك عم تقرنيه بأهل حلب يعني معروف انو اهل حلب هنن الاكثر تعصبا بسورية
تعميم النظرة هوي طريقة سطحية كتير للحكم على الامور والزعرنة مانا مرتبطة بالفقر.. اللي واضح كتير انك معتبرة انو اهل المناطق الفقيرة هنن الشراشيح.. واذا كان اهل الريف بحلب او بغير منطقة متخلفين فهي مسؤولية عليي وعليكي وعلى الكل.. والتهكم فيهون مانو دليل رقي ولا دليل تحرر ابدا..
وعلى الهامش... الريف السوري هوي اكبر منتج للمثقفين بسوريا مو المدن.. وليد معماري وحيدر حيدر وممدوح عدوان ادونيس زكريا تامر وسعد الله ونوس.. كمان الممثلين السوريين والفنانين

بعتذر اذا كان لهجتي بالرد قاسية او اذا فلتت مني كلمة او تنتين .. بس انت عم تهيني ناس كتير بكلامك الغير مدروس وما لك حاسة..

عارفه شو المشكله انك فهمتيني غلط
هلا انا حكتلك عن نظرة ابن المدينه للفلاح ويا ريت ينفتحلو موضوع لحالو
ولتتأكدي اني ما بحب هالنظرة لسبب بسيط هو اني فلاحه هاي الشغلة موجودة عند اهل فلسطين بس احنا كوننا كنا محظوظين وما شفنا بلدنا لا المدن ولا القرى بس طبعا النا اقارب بعانو من هاي الشغله وبيتألف كتب على النظرة الدونية لأهل القرى
بس كمان قرى عن قرى بتفرق متلا عندك لبنان اغلب المفكرين طلعو من القرى بس بنفس الوقت هدول الناس قراهم مو جاهلين وكمان مناطق كتير بسوريا
بس لما الجهل يكون مستفحل بالقرية متلا بمصر في فلاح اجا ع القاهرة طبعا من وقت مو بعيد وبفكر لسا مصر بيحكمها الملك فاروق!!! غير مصايب الختان وما خفي اعظم
:D

المشكلة ليست محصورة فقط بالريف المشكلة موزعة على أرجاء حلب كافة التفاوت الاجتماعي بنمط الحياة بحلب مرعب ضمن حدود المدينة ذاتها والهوة في اتساع مستمر

يعني معروف انو اهل حلب هنن الاكثر تعصبا بسورية

الريف السوري هوي اكبر منتج للمثقفين بسوريا مو المدن.. وليد معماري وحيدر حيدر وممدوح عدوان ادونيس زكريا تامر وسعد الله ونوس

على سيرة الانفتاح والمبدعين السوريين تم ايقاف عرض مسرحية طقوس الاشارات والتحولات للراحل سعد الله ونوس في حلب على الرغم من أنه كان قد سبق عرضها في حماة ودمشق وذلك بعد أول عرض لها بناء على ضغط مشايخ حلب على الرغم أن المسرحية موافق عليها من الرقابة أصولا وألفها ومثلها وأخرجها سوريون.

يبدو أن إمارة حلب المستقلة تحت رعاية مشايخها لم تعد تستطيع تحمل سقف الرقابة المرتفع جدا فمن أين سيأتي الانفتاح بس قولولي إن كان المسرح (أصلا في حلب لا يوجد مسرح) ممنوع عن العمل.

أولا ً . الوضع الذي وصلنا إليه في محافظة حلب الشهباء هو وضع جميع المحافظات السوريّة الأمر نسبي يعني بيفرق بمحافظة عن أختا على سبيل المثال أكيد الوضع عنا بحلب أحسن من الوضع بدير الزور .
ثانيا ً . أكبر نسبة لهجرة اهل الريف هون عنا بحلب , و إبن ريف حلب غير إبن ريف دمشق , يعني الجهل و الأمية اللي متفشي بريف حلب مش معقول ,
ثالثا ً . صراع العشائر , اللي الدولة غاضة الطرف عنو كون هالعشائر عم تكت عملة . لحد اليوم عنا بحلب في شي أسمو تار و إبن 16 سنة أزا حدا بيدوس على طرفو بيستخدم سلاح , بينما ما بتشوف هالشي منتشر بالشام متل عنا , و الدولة متمثلة بالمخافر أو بالأمن الجنائي أو بالقضاء عم تسكت على هالشي .
و أسباب أخرى لا سبيل لحصرها , هيه إجابة على سؤال "لماذا حلب" .
بظن يا بلاك أنّو الأسباب التلاتة اللي طرحتا هون بتشترك فيها محافظات عدّة ومن بينها "الحسكة" و"دير الزور"... إلخ. بس معدل الجريمة بحلب أعلى بكتير من المحافظات المذكورة...
أنا بشوف السبب الرئيسي هو البون الاقتصادي الشاسع بين أهل مدينة حلب وبقيّة المدن السوريّة (وأسباب أخرى)، ولهالسبب في هجمة ريفيّة خاصّة عالمدينة، ولهالسبب كمان معدل الجريمة أعلى من بقيّة المحافظات، إذا صحّت نظرة أمّ الجود!!!

ما في رابط برأيك ؟؟!!!
لما المجرم بيشوف انو في أمن و شرطة تحاسبو على جريمتو برأيك ما رح يفكر كام مرة زيادة قبل ما يرتكب جريمتو ؟!! إذا لأ لكن بلا ما ننفخ قلبنا و نحارب الفساد .. منتركو .. بشو زاجعنا ؟!!
وأنا كمان يا أم الجود ما بشوف في رابط، لأن أنتِ عم تحكي عن معدل جريمة في مدينة سورية مقارنةً بباقي المدن أو المحافظات، وما عم تحكي عن بلد بحالو!!! لو كان البلد كلو فيو إجرام كان قلنا "الفساد" وأمرنا لرب القرج والغجر وما إلى هنالك من شعوب بلا هوية، بس تمييز مدينة عن أخرى ما ممكن يرتبط بالفساد!!!
وللتأكيد في كتير بلدان الأمن فيها تقريباً عال ومقبول متل أميركا ومع هالشي تعتبر من بلدان الجريمة الأولى في العالم...!!!
فأمّا أنّو الجريمة غير مرتبطة بالفساد معناتو ما نحاول السير نحو الإصلاح فهالشي ما بوافقك عليه كمان، إذا كان الفساد غير مرتبط بالجريمة بمدينة حلب على سبيل المثال (أو الأفضل نقول أنّو هو بآخر الأسباب المؤدية لهالشي)، فمو معناتو أنو ما ألو آثار سلبية على النواحي الأخرى في البلد، ومو معناتو "بشو زاعجنا" ونتركو بحالو... بالعكس كل خلل بيخلق خلل بالأطراف الأخرى... وعلى كل حال "الفساد" مو موضوعنا لنتعمق فيه أكتر!

سلام... :D.