تحصل الأم المطلقة في سوريا على حق في حضانة أطفالها الصغار
(حتى سن 13 عام للطفل و 15 للطفلة )
ولكن كثير من الأمهات يتخلين عن حق رعاية أطفالهن رغم جواز القانون لهن بذلك !
وذلك بسبب أمور الانفاق المادية , فالقانون يلزم الأب بدفع مبلغ يتراوح بين
“300 و 600 “ل .س شهريا لكل ولد
ولا أدري كيف يمكن لهذا المبلغ أن يعيل طفل بجميع مستلزماته !
وكأننا لسنا بعصر قسائم المازوت حيث كل شيء يرتفع ثمنه تماشيا مع المازوت..
إلا القوانين تتجاهل ذلك وتسير على الماء ..

فحين ننظر لهذا القانون بشكل عام نجد أنه تعجيزي
فقي حين يسمح للأم بحضانة أطفالها والاحتفاظ بهم لا تؤمن لها الظروف لذلك ..
فترفضهم هي رغم ان القانون أجاز ذلك ! وهذا مايؤلم أكثر ..
ويسبب ضغوط نفسية للأم والأطفال
.. وذلك_ وللأسف _ لأن غالبية النساء لا يمتلكن دخل مستقل للانفاق
وقد يصبحن هم وأطفالهن عالة على الأهل بعض الطلاق

فغالبا ما يتولى الرجل في حياة المرأة ” الزوج , الأب , الأخ ..” أمور الإنفاق على المرأة في مجتمعنا
( حيث أن نسبة النساء العاملات اللواتي يمتلكن دخل مستقل 14 % من نسبة النساء
” حسب المكتب المركزي للإحصاء 2007″ )

ومع أني أناشد لتعديل هذه القوانين ومنحها بعض العدل والواقعية
إلا أني لا أجد أن هذا هو الحل الامثل
فمهما طلبنا العدل والمنطقية تبقى هذه الحلول اتكالية تنتظر شفاعة الآخرين وعطفهم.
بل أعتقد أن الحل هو أن يبقى للمرأة دخلها المستقل وألا نبقى ” ضلع قاصر ”
وألا يمنعها الحب والزواج من الحفاظ على تعليمها وعملها

فقضية المرأة المطلقة وحضانة الأطفال هي واحدة من الأمثلة الكثيرة
التي تظلم بها المرأة ضمن الظروف وتحتاج لأن تكون مستقلة ماديا ومعنويا ..
فإن كانت أجيال قد مضت لا نستطيع ان نقوم حيالها بشيء سوى أن نطالب بشفاعة القوانين
فلازلنا نملك أجيال من فتيات المستقبل اللواتي يجب توعيتهن لضرورة التعلم والعمل من أجل الحياة بأمان واكتفاء .

:D

فالقانون يلزم الأب بدفع مبلغ يتراوح بين
“300 و 600 “ل .س شهريا لكل ولد

:lol:

هيك و المحاكم مليانة قضايا دفع النفقة... معناتو شلون لو عن جد نفقة حقيقية؟


موضوع جميل جداً, و مهم


:D

طيب وبفرض رفعها القانون اسهل من انو الرجل يرفع دعوى ويقول انو هوي مو مقتدر لدفع هيك مبلغ
شو الحل معناتا .؟

طيب وبفرض رفعها القانون اسهل من انو الرجل يرفع دعوى ويقول انو هوي مو مقتدر لدفع هيك مبلغ
شو الحل معناتا .؟


انا ما فهمت عليك للأسف

بس بخصوص الموضوع فعلا كتير حلو ولازم نعمل شي

"إعداد المرأة التي هي الأم..
لا يكون في حبها , أو عبادتها , أو الارتهان لدلالها و الغتج..
أو الاكتفاء بأن تكون لعبة لنا , و دمية جسدية تمتعنا أو رعشة صبابة في مضجعنا , أو شبقا لإرواء غلمتنا
و بعد ذلك نركنها في المطبخ لخدمتنا..
أو نفترعها في الفراش لتناسل و تواصل ذريتنا ..
فإذا كنا رجالاً نحترم المرأة.. و نأتي لنقف إلى جانبها
و نرغب حقا في تحررها من عوز اللقمة التي تجعل منها عبدة في بيوتنا..
علينا أن نفهمها.. أنّ تحررها..
لا يكون إلا بعلمها و عملها "
حنا مينة-عاهرة ونصف مجنون

أنو يكون للمرأة دخل مستقل شي ضروري :pos:..
بس المشكلي هيي الزواج المبكر والانجاب المبكر :frown:..وكتير اشيا بتوقف بوجه المرأة العاملي :pos:..

يعني بشوف تنين شباب ميشتغلو بعد ما بيتزوجوا بتسع شهور عندهن ولد :shock:.. عشو مستعجلين :?..

:lol:

هيك و المحاكم مليانة قضايا دفع النفقة... معناتو شلون لو عن جد نفقة حقيقية؟


موضوع جميل جداً, و مهم


:D

المشكلة انو في ناس محتاجة حتى هالمبلغ البسيط وتعلق بالمحاكم متل ما قلت انت منشانو !

شكرا ياس :D


طيب وبفرض رفعها القانون اسهل من انو الرجل يرفع دعوى ويقول انو هوي مو مقتدر لدفع هيك مبلغ
شو الحل معناتا .؟
هو ما فهمت عليك زيادة
بس حسب ما فهمت رح جاوبك
الرجل مجبور يدفع هالمبلغ البسيط . ومو محرزة يرفع دعوة مشان ما يدفع هالمبلغ !!

:D

انا ما فهمت عليك للأسف

بس بخصوص الموضوع فعلا كتير حلو ولازم نعمل شي
شكرا
أهلا فيك:D

"إعداد المرأة التي هي الأم..
لا يكون في حبها , أو عبادتها , أو الارتهان لدلالها و الغتج..
أو الاكتفاء بأن تكون لعبة لنا , و دمية جسدية تمتعنا أو رعشة صبابة في مضجعنا , أو شبقا لإرواء غلمتنا
و بعد ذلك نركنها في المطبخ لخدمتنا..
أو نفترعها في الفراش لتناسل و تواصل ذريتنا ..
فإذا كنا رجالاً نحترم المرأة.. و نأتي لنقف إلى جانبها
و نرغب حقا في تحررها من عوز اللقمة التي تجعل منها عبدة في بيوتنا..
علينا أن نفهمها.. أنّ تحررها..
لا يكون إلا بعلمها و عملها "
حنا مينة-عاهرة ونصف مجنون

أنو يكون للمرأة دخل مستقل شي ضروري :pos:..
بس المشكلي هيي الزواج المبكر والانجاب المبكر :frown:..وكتير اشيا بتوقف بوجه المرأة العاملي :pos:..

يعني بشوف تنين شباب ميشتغلو بعد ما بيتزوجوا بتسع شهور عندهن ولد :shock:.. عشو مستعجلين :?..
أنا معك بالمشاكل يلي حكيتها انت
بس انا بشوف انو المشكلة الرئيسية هي بقلة التوعية والتخلف يلي هي بتسبب" زواج وانجاب مبكر "
والمشكلة التانية بالفقر يلي بيعانو منو كتيرين وبيزوجو بناتهن بكير
القصة بحاجة لبرامج توعية وتربية كتيرة لازم تكون منظمة

ومشاكل المرأة العاملة وصعوبات التعلم والعمل صحيح هي مشكلات مهمة ,
بس عالقليلة هي نضال بالطريق الصحيح


:D:D

فقضية المرأة المطلقة وحضانة الأطفال هي واحدة من الأمثلة الكثيرة
التي تظلم بها المرأة ضمن الظروف وتحتاج لأن تكون مستقلة ماديا ومعنويا ..
فإن كانت أجيال قد مضت لا نستطيع ان نقوم حيالها بشيء سوى أن نطالب بشفاعة القوانين
فلازلنا نملك أجيال من فتيات المستقبل اللواتي يجب توعيتهن لضرورة التعلم والعمل من أجل الحياة بأمان واكتفاء .

قضية التوعية الاجتماعية ومحاربة التخلف والجهل رح تعمل على تقليص نسبة الطلاق ،
من الواجب ع المجتمع وع الدولة انهن يعملو حملات توعية ويسنو قوانين بتمنع الزواج المبكر وانتهاك المراهقة او الطفولة .. بس بكل الاحوال الطلاق رح يبقى موجود ،

وحتى لو المرأة كانت عاملة وعندها دخل مستقل .. الحل لقضايا النفقة لازم يكون بسن قانون لرفع المبالغ المدفوعة للأبناء احتراماً لطفولتهن وحفاظاً على مستقبلهن وضماناً لعيشهن بكرامة ..

مبالغ زهيدة متل لي عم تندفع تضعف المرأة المطلقة وبتعملها لاحول لها ولا قوة وأكيد كمان مارح تكون من مصلحة الأولاد ..


:D

قضية التوعية الاجتماعية ومحاربة التخلف والجهل رح تعمل على تقليص نسبة الطلاق ،
من الواجب ع المجتمع وع الدولة انهن يعملو حملات توعية ويسنو قوانين بتمنع الزواج المبكر وانتهاك المراهقة او الطفولة .. بس بكل الاحوال الطلاق رح يبقى موجود ،

وحتى لو المرأة كانت عاملة وعندها دخل مستقل .. الحل لقضايا النفقة لازم يكون بسن قانون لرفع المبالغ المدفوعة للأبناء احتراماً لطفولتهن وحفاظاً على مستقبلهن وضماناً لعيشهن بكرامة ..

مبالغ زهيدة متل لي عم تندفع تضعف المرأة المطلقة وبتعملها لاحول لها ولا قوة وأكيد كمان مارح تكون من مصلحة الأولاد ..


:D
في قوانين بتمنع زواج القاصرين..بالنسبي إلي الزواج بعمر 24 زواج مبكر.. وبعيق الحياة المهنية للمرأة :pos:..

والنفقة بظن لازم تتناسب مع دخل المعيل..

الشي يلي اكتر شي بيزعج انو عنّا تكامل بالظروف السيئة لعمل المرأة :jakoush:..
يعني كوعي..البنت إذا صار عمرها فوق 30 ولساها مو مرتبطة تعتبر مشكلي:?..
وإذا ارتبطت (وحسب الثقافي السائدي) لازم فورا تكون "مخباي شي" :shock:..
و كما انو في فكر سائد أنو المرأة لازم تئعد بالبت مشان تربي ولادها..


وإذا تخطت الموضع واقنعت زوجها ومجتمعها انو لازم تشتغل..
فمافي مراكز حضاني للاطفال:cry:.. والصبية يلي عم تشتغل بدها تخلي ولادها عند امها او حماتها أو جارتها..


وحلوها اذا بتنحل:lol:

هالمشكله كتير متواجده حاليا ببلادنا , وهيه مشكله مستعصيه من

الصعب انك تفكر بحل الها ! !

بس الحق بيرجع عالزوج والزوجه بنهاية الامر لانه اقل عيله فيها بتلاقي 5

او 6 كحد ادنى ! !

طيب على شو مستعجلين , من وين بدك تطعميهم , تعلمهم ,,, الخ ! !

وكأنهم بدهم يعلنوا الحرب وعم بحضروا الجيش ! !

وما فكرت بيوم من الايام انه رح تطلق وتدفع عالراس كذا دولار ! !

وانتوا مستهزئين بالمبلغ الي بتسمح فيه الحكومه للاولاد , مثلا اذا كان

عنده 6 اولاد وعالراس بده يدفع 500 ليره متل ما بتقولوا , اضربوا ال500

6 بطلع الناتج 3000 , وهالموظف ما وصل لمرحلة الطلاق الا لما كان ماكل

هوا مو ملحق ف من وين بدو يصرف عليهم بعد الطلاق ! !

بالنهايه لازم الزوجين يضعوا حد معين للخلفه ! !

والباقي عندكم ! !



وبشكر صاحبة الموضوع

:Dتحياتي:D

في قوانين بتمنع زواج القاصرين..بالنسبي إلي الزواج بعمر 24 زواج مبكر.. وبعيق الحياة المهنية للمرأة :pos:..
والنفقة بظن لازم تتناسب مع دخل المعيل..


وبالنسبة الي زواج الفتاة بسن 20 و 22 و24 زواج مبكر .. بس بيبقى هاد رأيي الشخصي وما لازم ينفرض ع العالم .. كل واحد حر ايمتى يبني عيلة وبالوقت لي بيشوفو هو مناسب بشرط انو يكون بالغ وجاهز نفسيا وماديا .. بس لي عم يصر اليوم انو نسبة كبيرة من الفتيات بيتزوجو بكير نتيجة لضغوطات عائلية واجتماعية ..

الشي يلي اكتر شي بيزعج انو عنّا تكامل بالظروف السيئة لعمل المرأة :jakoush:..مسؤولية مين هي يا ترى ؟ والشغلة وقفت ع ظروف العمل يعني ؟
الله يخلي الحكومات لشعوبها !


وإذا تخطت الموضع واقنعت زوجها ومجتمعها انو لازم تشتغل..
فمافي مراكز حضاني للاطفال:cry:.. والصبية يلي عم تشتغل بدها تخلي ولادها عند امها او حماتها أو جارتها..


وحلوها اذا بتنحل:lol:يعني ما بفهم انا ، ليش لحتى المرأة تقنع زوجها ومجتمعها بالعمل بعد الزواج ؟ ما الرجال بيشتغل بعد الزواج وما بشوفو عم يعمل مظاهرات لحتى يقنع حدا .. والزواج شراكة بكل شي من الشغل لتربية الاولاد ، هاد غير انو لازم تتغير المفاهيم المتخلفة لي بتفكر انو الشغل بس للمصاري وللاعالة .. حتى لو الزوج عندو القدرة على اعالة عيلتو المرأة لازم تشتغل لتكون مستقلة ولتحقق ذاتها ولتقوّي نفسها اقتصاديا واجتماعيا ..

هي المسؤولية بتوقع بكاملها على الدولة ،
الدولة هيي القدوة والمثال الاعلى .. وازا الحكومة شافت شعبها ضاربو العفن وما تحركت ولا عملت شي فبتكون هيي المسبب الاول لاستمراريتو بهالشي ..

خلونا نشيل عجنب انو اصلاح المجتمع بيتعارض مع مصالح الدولة ومع جيبة الدولة ومع حماية سياستها ،
ازا الدولة فتحت حضانات .. رح تشجع النساء على العمل ، وازا عملت حملات توعية لضرورة انخراط النساء في سوق العمل العالم رح تفهم شوي ورح تبلش بالتغيير ..
رح يكون كتير صعب على كام مرا انهن يعملو تغيير اجتماعي ضخم لهيك هني بحاجة لمساندة عنصر قوي متل الدولة وبحاجة لدعم الذكور في المجتمع ..


يعني كوعي..البنت إذا صار عمرها فوق 30 ولساها مو مرتبطة تعتبر مشكلي:?..
وإذا ارتبطت (وحسب الثقافي السائدي) لازم فورا تكون "مخباي شي" :shock:..
لاء واحلى شي انو بيشوفو صبية بيبلشو يدعولها انو الله يبعتلها ابن الحلال .. انو مين قلكون يا جماعة انو هالصبية بدها انو ينبعتلها ابن الحلال ؟ !
يعني بيحسسو الوحدة انها رجل كرسي بلا ابن هالحلال .. وكأنو لي رح يعملها بني آدمية هوي ارتباطها بابن هالحلال .. اشتهيت شي مرة حدا يدعيلي باني انجح واوصل وحقق ذاتي واكبر واكبر .. بس وين ابن الحلال اهم ! :pos:
و كما انو في فكر سائد أنو المرأة لازم تئعد بالبت مشان تربي ولادها..ومين قال انو لولاد ما بيربو الا ازا امهن ما اشتغلت ؟ يعني الحضانات ممكن توفر للاولاد اكتر من يلي بتعملو الام في البيت ..

الكاتبه نوال السعداوي اللي الكل بيهاجمها من دون ما يفكر يغربل افكارها الها مقولة رائعة للمرأة ( أكلي نفسك)
بصراحه اي امرأة بتقدم على خطوة الزواج وهي ما معها شهاده او صنعه معينه رح تنحط غالبا بموقف لا تحسد عليه بس مشكلتنا بتركض المرأة على الزواج من دون تفكير وبتضع خطه واحده انو رح تخلف وتعمل عيله وجوزها يشتغل ويرجع يلاقيها طابخه ومنضفه البيت من هون ل 30 على هالوتيره
بس ما بتحط انو ببالها انو هالقصه اللي كملت مع امها وخالتها بجوز ما تكمل معها وانو اللي كانت امها تشتري ب100 بزمنها بتشتريه ب1000
في كتير اعضاء حطو نقاط مهمه منها عدد الاولاد هلا مو مشكله بعد 9 شهور او سنه يكون عندن ولد المشكله انو بمجتمعنا بعد 6 سنوات زواج بكون عندن 4 اطفال وازا بدنا نوخد بدين هالشي بيتسمى وأد اصغر بقولو الله برزق !!!
بعدين النفقه الرجل خاصه ازا دخلو محدود وقت ما يخلي لولاد مع الام بكون هدفو يتخلص من مصروفهم لأنو بدو يعمل عيله جديده ويادوب يكفيها لهيك الحل الوحيد يكون للمرأة دخل وتحاول من بداية الزواج تنظم نسلها وازا شافتو رجال غدار ما تحاول تنجب منو اكتر من طفل

وبالنسبة الي زواج الفتاة بسن 20 و 22 و24 زواج مبكر .. بس بيبقى هاد رأيي الشخصي وما لازم ينفرض ع العالم .. كل واحد حر ايمتى يبني عيلة وبالوقت لي بيشوفو هو مناسب بشرط انو يكون بالغ وجاهز نفسيا وماديا .. بس لي عم يصر اليوم انو نسبة كبيرة من الفتيات بيتزوجو بكير نتيجة لضغوطات عائلية واجتماعية ..

ماهوي النضج النفسي والمادي..مستحيل يصير بسن 24 ..:pos: فكيف إذا اصغر..



يعني ما بفهم انا ، ليش لحتى المرأة تقنع زوجها ومجتمعها بالعمل بعد الزواج ؟

لأنو مجتمعها كتير اوبن مايند :lol:


هي المسؤولية بتوقع بكاملها على الدولة ،
الدولة هيي القدوة والمثال الاعلى .. وازا الحكومة شافت شعبها ضاربو العفن وما تحركت ولا عملت شي فبتكون هيي المسبب الاول لاستمراريتو بهالشي ..

بارغم من أنو الدولي مقصرة كتير... بس بظن انو المجتمع هوي العامل الأول :frown:.. نحنا لازمنا حركات اعلامية مكثفي هلئ.. مشان بعد خمسين سني نكون حئئنا شي:?..


لاء واحلى شي انو بيشوفو صبية بيبلشو يدعولها انو الله يبعتلها ابن الحلال .. انو مين قلكون يا جماعة انو هالصبية بدها انو ينبعتلها ابن الحلال ؟ !
يعني بيحسسو الوحدة انها رجل كرسي بلا ابن هالحلال .. وكأنو لي رح يعملها بني آدمية هوي ارتباطها بابن هالحلال .. اشتهيت شي مرة حدا يدعيلي باني انجح واوصل وحقق ذاتي واكبر واكبر .. بس وين ابن الحلال اهم ! :pos:
ومين قال انو لولاد ما بيربو الا ازا امهن ما اشتغلت ؟ يعني الحضانات ممكن توفر للاولاد اكتر من يلي بتعملو الام في البيت ..

لأ وبعد ما بيجي "ابن الحلال" بيدعولها يصير عندها دزدينة ولاد :lol: أو قبيلي :o


الكاتبه نوال السعداوي اللي الكل بيهاجمها
أكيد مو هون :shock:

في كتير اعضاء حطو نقاط مهمه منها عدد الاولاد هلا مو مشكله بعد 9 شهور او سنه يكون عندن ولد المشكله انو بمجتمعنا بعد 6 سنوات زواج بكون عندن 4 اطفال وازا بدنا نوخد بدين هالشي بيتسمى وأد اصغر بقولو الله برزق !!!

ليكي هلئ إذا كل زوجين جابو ولدين..فهيك بنحافظ ععدد السكان الحالي.. اي زيادي عن هيك مشكلي :sick:.. هيدا ما في خلاف عليه..

اما مشان انو بعد 9 شهور يجيبو ولد مو مشكلي :pos:..لأ مشكلي ومشكلي كبيري كمان.. في حال كانو شباب..

وحدي من معارفي متزوجي حاليا.. وهيي لساها طالبي جامعية.. اي انجاب بهالفترة رح يلغي تعليمها وحياتها المهنية بعدين:cry:..
مشان هيك اتفقت مع زوجها انو ما يجيبو ولاد لبعد ست سنين عالأقل :gem:..

(بنصيحة مني شخصيا :larg:)

لابد من دخل مناسب أولا وبعدين بيحلها ميت حلال ......بعدين قرأت البارحة انو الشؤون الاجتماعية والعمل واضعة هاالمسألة ضمن الصندوق الاجتماعي بس لأي حد ممكن تحل هاالمسألة وامتى الله أعلم

في بقانون الاحوال الشخصية مجموعة مشكلات متعلقة او بتنشأ بعد الطلاق ولم يستطع هذا القانون حلها :
1- مشكلة المتقدم والمتأخر اللي لا يدفع بأغلب الاحيان
2- مشكلة حضانة الاطفال والاقتتال على الحصول على حق الحضانة
3- مشكلة الاراءة هي من اسوأ المشاكل وهيي عندما يطلب الطرف الغير حاضن رؤية اطفاله ويرفض الطرف الحاضن ذلك يلجأ الطرف الغير حاضن الى رؤيته في مركز للاراءة مخصص لهذا الموضوع وقد كتبت سابقا عن الاراءة بموضوع مفصل
4- مشكلة نفقة الاولاد عندما يكونون في حضانة الام
5- مشكلة مسكن الام.. حيث من المفترض ان تحصل الام الحاضنة على حقها في مسكن الزوجية كما حصل مؤخرا في مصر وعدد من الدول العربية

هذه المشكلات جميعها يمكن حلها كما هو في اغلب الدول المتحضرة...
هناك لجان اجتماعية مؤلفة من مختصين بعلم الاجتماع ومؤهلين قانونيا ويعملون باتصال مباشر مع القضاة المختصين في محاكم الاحوال الشخصية يقوم هؤلاء المختصون بعمل دور المحكمين بين الطرفين المطلقين ويقومون بدور بارز في ايجاد حلول وسط.. فيما يتعلق بالحضانة وحق الاراءة او الحضانة المشتركة او النفقة .. ويكون لرأيهم اهمية كبرى في التأثير على قرار القاضي..

على الرغم من انني اوافق opss بمسالة اهمية حصول المرأة على دخلها المادي المستقل.. الا انني اختلف معها في كون حصولها على الدخل هو حل لمسألة اعالة اطفالها..
لان الحل في رأيي في هذه المسالة بالذات هو الزام الاشخاص على تحمل مسؤولياتهم تجاه اطفالهم بقوة القانون وعلى القانون ان يضمن للاطفال حياة كريمة فيها الحد لادنى من الكرامة عن طريق الزام الاباء دفع المبالغ المترتبة عليهم ..
علما ان مثل هذا قرار لا يلزمة عصا سحرية او قفزة نوعية يلزمه فقط ادارة واعية واليات عمل مدروسة

يعمل الاباء على اخفاء مصادر دخلهم الحقيقة في حال كانو غير موظفين في الدولة لان القانون يقتطع جزءا مئويا من دخل الاب كنفقة للاولاد .. فيكون الرجل تاجرا مثلا.. يدعي امام المحكمة انه بياع بسطة.. ويكون معلم صحية مثلا فيقول انه عاطل عن العمل ويزو بذلك الدخل الحقيقي الذي يجنيه للتهرب من النفقة .. وهكذا دواليك...
على القضاء ان يتأكد من مدى كذب الاب او صدقه لتحديد المبلغ المتناسب مع دخله والذي يتوجب عليه دفعه نفقة لاولاده

وحتى لو المرأة كانت عاملة وعندها دخل مستقل .. الحل لقضايا النفقة لازم يكون بسن قانون لرفع المبالغ المدفوعة للأبناء احتراماً لطفولتهن وحفاظاً على مستقبلهن وضماناً لعيشهن بكرامة ..

مبالغ زهيدة متل لي عم تندفع تضعف المرأة المطلقة وبتعملها لاحول لها ولا قوة وأكيد كمان مارح تكون من مصلحة الأولاد


على الرغم من انني اوافق opss بمسالة اهمية حصول المرأة على دخلها المادي المستقل.. الا انني اختلف معها في كون حصولها على الدخل هو حل لمسألة اعالة اطفالها..
لان الحل في رأيي في هذه المسالة بالذات هو الزام الاشخاص على تحمل مسؤولياتهم تجاه اطفالهم بقوة القانون وعلى القانون ان يضمن للاطفال حياة كريمة فيها الحد لادنى من الكرامة عن طريق الزام الاباء دفع المبالغ المترتبة عليهم ..


انا متلكن عم طالب بالعدل وبتغيير هالقوانين وتنفيذها , وأكيد ما عم اتخلى عن هالحقوق
بس يلي قصدتو من هالكلام : لو كان للمرأة دخل مستقل وثابت ما كانت هالقوانين أثرت هالتأثير الكبير ع حياتهن
وخلت امرأة تتخلى عن أولادها , أو تعيش مع شخص مابدها ياه لمجرد أنها محتاجتو ماديا ومافي مكان تاني تروح عليه ماكانت مضطرة تنتظر قوانين بدها كتير سنين لتصير مناسبة

مزبوط؟

:D

انا متلكن عم طالب بالعدل وبتغيير هالقوانين وتنفيذها , وأكيد ما عم اتخلى عن هالحقوق
بس يلي قصدتو من هالكلام : لو كان للمرأة دخل مستقل وثابت ما كانت هالقوانين أثرت هالتأثير الكبير ع حياتهن
وخلت امرأة تتخلى عن أولادها , أو تعيش مع شخص مابدها ياه لمجرد أنها محتاجتو ماديا ومافي مكان تاني تروح عليه ماكانت مضطرة تنتظر قوانين بدها كتير سنين لتصير مناسبة

مزبوط؟

:D


كتيييييييييير مزبوط كمان اضافة لهيك انو المرأة مو لازم تربط مصيرها وحياتها بدعم مادي من اي شخص واللي ما قدرت تحصل تعليم جامعي ممكن تعمل متل كتير نساء خياطات او اشتغلو بالصوف وربو ولادهن المهم تكون شخص مستقل ماديا

أكيد مو هون :shock:

لا في كتير ناس مو معها وانا منن

ليكي هلئ إذا كل زوجين جابو ولدين..فهيك بنحافظ ععدد السكان الحالي.. اي زيادي عن هيك مشكلي :sick:.. هيدا ما في خلاف عليه..
يعني احنا ببيتنا في 5 زياده
اما مشان انو بعد 9 شهور يجيبو ولد مو مشكلي :pos:..لأ مشكلي ومشكلي كبيري كمان.. في حال كانو شباب..

(بنصيحة مني شخصيا :larg:)
بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه
:D:D

يعني الموضوع كلو مرتبط بقانون الأحوال الشخصية .. اللهم اجعله قانون، ما بقدر اعتبره قانون تم وضعه للشعب إنما بقدر اعتبره قانون قانون استفزازي درجة أولى وما شغلتو إلا زيادة بالكبت والخنق الي صاير بالأوساط.
هلئ النقطة المهمة من هاد القانون ، من أول مادة لآخر مادة فيه مما يتعلق بالمرأة ما شفت ولا نقطة إيجابية بمعناها التام تجاه المرأة... ابتداءً بالمادة الي بتخص حضانة الأطفال هالمادة اللي ضلو عميكعو فيها كذا سنة ليعدلوها وعدلوها اخيراً بسنة ال 2005 على ما اذكر مع انه مش هاد التعديل الي كانو بيطمحولو لكنه اجا اخيرا وان تصل متأخراً خير من الا تصل ابداً .. بالنسبة لقولي مو هاد التعديل الي كانو بيطمحولو كان من أهداف تعديل هالقانون هو إلزام الدولة أو اي جهة ما غير المرأة الحاضنة لهالطفل بتأمين مسكن للحاضنة والمحضونين وتم جمع أكتر من 15 ألف توقيع ما قبل التعديل مشان هاد الشرط لكن هال 15 الف توقيع ومعظمهن من المحامين بالدرجة أولى وبالدرجة التانية من الشخصيات المؤثرة بالوسط الاجتماعي الثقافي والسياسي والحقوقي لكن كل هدول قوبلو بالرفض ونامو عالسيرة واكتفو فقط برفع السن.
بالإضافة لهالثغرة بهالقانون بستغرب التناقض المتواجد بهالقانون الخرندعي هاد
انو كيف القانون بينص على أنه يقول : المواطنين متساويين أمام القانون بالحقوق .
كمان بذات القانون بيقول انه بتكفل الدولة للمرأة جميع الفرص اللي بتتيح الها المساهمة الكاملة بالحياة السياسية والاجتماعية والثقافية والاقتصادية و و و مدري شو وبتعمل على إزالة جميع القيود التي تمنع تطورها ومشاركتها في بناء المجتمع.

بالمقابل بلاقي التناقض متواجد بنفس القانون فيما يخص كتير شغلات متل السماح العشوائي بتعدد الزوجات
بالإضافة للتساهل والتهاون فيما يخص جرائم الشرف،
كمان شهادة المرأة منقوصة
قانون الجنسية .. تعسفي
قانون الحضانة على أضرب
الوصاية كمان ما نفدت ، والارث... و الخ الخ الخ

أي الي بدي اوصلو انو قانون الأحوال الشخصية بالذات قانون مليئ بالثغرات ومليء باللامنطقية بالنسبة الي كـ مواطن اله حقوق وواجبات لكن هالقانون ما بشوف فيه الا واجبات واجبات واجبات .... وشوية كلام عن لحقوق غير معمول فيه فيما يخص المرأة طبعاً.

مشكلة النفقة ما هية المشكلة الأولى ولا هية المشكلة الأخيرة المشكلة الأولى والأخيرة تبقى بالقانون ذاته ، وبتشريع هالقانون، انا مع جداً انو يتم المطالبة بالحقوق لكن أظن أفضل شيء بيتم عمله هو إعادة صياغة القانون بما يتماشى مع أيامنا هي ... وبما يتماشى أيضا مع المستقبل...

طيب انا رح افرض فرضية مختلفة شوي
على فرض انو الرجل فعلا امكانياتو المادية ضعيفة و ما عندو القدرة يدفع اكتر من هيك و كان وضع الام الحاضنة مادية افضل من وضع الرجل و رفعت دعوة نفقة نكاية بالرجل القانون رح يعطها نفقة ولو كانت قليلة و هالاحتمال كتير وارد
شو الحل برأيكن؟؟؟؟

انا بعتقد انو الحل هو بانسانية الطرفين ولو كان هالامر ما كتير فينا نعتمد عليه بالحل
و القانون شي مجرد ما فيه امكانية انو يجمع كل المشاكل ويلاقيلها حل بس بنتمنى انو يوصل لافضل الممكن

بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه
:D:D
ليش الزواج لتفقيس لولاد متل البيض ؟

الزواج شركة اجتماعية فيها الزوجين بيبنو حياتهن الخاصة متل ماهني بيريدو .. ولو كان الزواج بس لزيادة النسل كان العالم فيها تجيب ولاد بلا هالمشروع متل ما كانو يعملو قبل ..

طيب انا رح افرض فرضية مختلفة شوي
على فرض انو الرجل فعلا امكانياتو المادية ضعيفة و ما عندو القدرة يدفع اكتر من هيك و كان وضع الام الحاضنة مادية افضل من وضع الرجل و رفعت دعوة نفقة نكاية بالرجل القانون رح يعطها نفقة ولو كانت قليلة و هالاحتمال كتير وارد
شو الحل برأيكن؟؟؟؟

انا بعتقد انو الحل هو بانسانية الطرفين ولو كان هالامر ما كتير فينا نعتمد عليه بالحل
و القانون شي مجرد ما فيه امكانية انو يجمع كل المشاكل ويلاقيلها حل بس بنتمنى انو يوصل لافضل الممكن
هلأ أنا برأيي ان طلعت النفقة للمرأة " هالنفقة الرمزية"
يعني لو أحوالو صعبة بس ما رح تكون لهالدرجة , ولنفرض هالشي
طيب هنن مو ولادو ؟
مو كان عم ينفق عليهن وعليها قبل الطلاق , فشو رح تختلف ؟

طبعا متل ما أنت قلت الحلول الانسانية يلي بتتم بين الطرفين حتى دون محاكم هي أنسب الحلول
وبتحافظ ولو شوي عالجو الاسري بين الأولاد





:D

بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه




بالنسبة لمسألة الانجاب

انا بشوف انو الحمل فور الزواج هي مسألة مو سليمة , انو يكون عندك ولد بعد 9 شهور من الزواج
كتير أزواج بيكونوا متفقين ومتفاهمين بفترة ماقبل الزواج وبعد الزواج تبدا المشاكل ويكون التأقلم صعب وينفصلو , فالازواج لازم يعطوا نفسهم فترة ليعرفو مدى نجاح تأقلمهم وبعدا يجيبو ولاد ..




وطبعا هاد رأيي الشخصي يلي لمستو بتجارب كتير من المحيطين




بالنهاية هي شغلة شخصية بس لازم تكون فيها وعي بالنسبة لتحديد النسل وامكانيات الدخل وهالقصص




:D:D

كنت عند محامي كتير مشهور هون عنا بحلب و قرينا الموضوع هازا , فا قلي ببساطة أنا يوم اللي رح يتصلح قانون الأحوال الشخصيّة اللي من عا أيام هتلر و عبلة رح أنزل عالقصر العدلي سنة شالح و بزلط ربي ..

فالج لا تعالج .

عودة ميمونة زميلتنا المنسقة "Ooops'

ليش الزواج لتفقيس لولاد متل البيض ؟

الزواج شركة اجتماعية فيها الزوجين بيبنو حياتهن الخاصة متل ماهني بيريدو .. ولو كان الزواج بس لزيادة النسل كان العالم فيها تجيب ولاد بلا هالمشروع متل ما كانو يعملو قبل ..



سوري نسيت انكم بتأمنو بالحب وانا كوني ملحده من هاي الناحيه بقلك الزواج فقط للانجاب لهيك شوفي كم بيت عربي بضل عمران ازا عند احد الزوجين عقم


بالنسبة لمسألة الانجاب

انا بشوف انو الحمل فور الزواج هي مسألة مو سليمة , انو يكون عندك ولد بعد 9 شهور من الزواج

كتير أزواج بيكونوا متفقين ومتفاهمين بفترة ماقبل الزواج وبعد الزواج تبدا المشاكل ويكون التأقلم صعب وينفصلو , فالازواج لازم يعطوا نفسهم فترة ليعرفو مدى نجاح تأقلمهم وبعدا يجيبو ولاد ..





وطبعا هاد رأيي الشخصي يلي لمستو بتجارب كتير من المحيطين




بالنهاية هي شغلة شخصية بس لازم تكون فيها وعي بالنسبة لتحديد النسل وامكانيات الدخل وهالقصص




:D:D



يعني انا بس كان قصدي انو الواحد لما يقدم ع اي خطوه بكون الو هدف وكل ماحقق هدفو اسرع بكون احسن خصوصي ازا كان المولود ذكر مو انثى

هلأ أنا برأيي ان طلعت النفقة للمرأة " هالنفقة الرمزية"
يعني لو أحوالو صعبة بس ما رح تكون لهالدرجة , ولنفرض هالشي
طيب هنن مو ولادو ؟
مو كان عم ينفق عليهن وعليها قبل الطلاق , فشو رح تختلف ؟

طبعا متل ما أنت قلت الحلول الانسانية يلي بتتم بين الطرفين حتى دون محاكم هي أنسب الحلول
وبتحافظ ولو شوي عالجو الاسري بين الأولاد

:D

و هيك انتي ما رديتي على سؤالي شو رأيك بلي بترفع دعوة من باب النكاية بهيك حالة مع العلم انو احيانا المرا هيي بتكون مسبب الطلاق (( احيانا مو ديما ))

اذا بدن يطلقو بعض ...
ليش اتزوجو ..:larg: