من المتعارف عليه أن المدارس الخاصة لا تمتلك صلاحية تقرير مناهجها الدراسية
بل تقوم الدولة بتحديد مناهجها لتكون مطابقة تماما للمناهج الرسمية المتبعة في الدوائر الحكومية
الأمر الذي أدى إلى تحجيم دور هذه المدارس بنوعية الاهتمام المؤدى إلى الطلاب بغض النظر عن التميّز بالمادة العلمية التي يتم منحها أو حتى بالأسلوب وطريقة المتبعة في التعليم !!

توحيد المناهج يراه البعض نقطة ايجابية ومدروسة لمحاولة لكسر الفروقات بين الطالب الغني القادر على دفع الرسوم العالية للمدارس الخاصة والطالب ذو الإمكانيات المادية المتواضعة ، بحيث ان كلاهما يحصلان على نفس المستوى العلمي ونفس المقدار من المعلومات ، ويختلف الاثنان فقط في نقطة الاهتمام الذي يحصلان عليه .
فمن العدل ألا يتم التفرقة بين الغني والفقير على الأقل في مجال العلم .

بالرغم من ذلك ، هل يمكننا اعتبار تحجيم المدارس بالمقررات التي توافق عليها الحكومة أمر منطقي وعادل ؟
وهل يحق لنا بعد سحب صلاحية اختيار المناهج للمدارس الخاصة أن ندعوها " خاصة " ونطالبها بأداء مميز ونوجه إليها أصبع التحقير لعدم قدرتها على إنتاج طلاب مميزين علميا ومعرفيا ؟

رغم السلبيات والاجابيات ان كانت بالخاصه او العامه ...

بس ما بعتقد انه الخاصه بالتحديد لح تعطي هل الاهتمام الكامل الطلاب المتميزين ...حتى لو انعطيت الصلاحيات او الحريه بطريقه التعليم ...

والي رجعه

والله يعني نحنا عنا:gem::

جامعة الوادي الدوليي..
جامعة الحواش الخاصة..
ومدرسة المزيني الخاصة..

بالنسبي لمدرسة المزيني فيها من الخامس للبكلوريا..
وفيها كادر تعليمي سمعتو طيبي..

بس مثلاً ما في بالكادر عندن استاذ عربي متل يلي بثانوية الحواش..أو استاذ رياضيات متل يلي بثانوية مرمريتا.. (وهيدول استاذين مشهوين كتير عمستوى المنطقة..)

وبشكل عام المدارس الحكوميي بالمنطقة عندها كوادر ممتازي..
ويلي بيروحو عمدرسة المزيني الخاصة ..بروحو مشان استاذ معيين.. لأنو دروسي الخصوصي بتكون اغلى .. والمدرسي مانها متقدم اي شي جديد.. او اي اسلوب مختلف..

بس يعني معظم المدارس الحكوميي هون..بنفس مستوى المدرسي الخاصة..ومنن افضل..
وحتى نسبة المتفوقين بالمدراس الحكوميي (هون) اعلى..

هل يمكننا اعتبار تحجيم المدارس بالمقررات التي توافق عليها الحكومة أمر منطقي وعادل ؟


عادل بالنسبة لالفقراء وغير عادل بالنسبة للأغنياء:pos:



وهل يحق لنا بعد سحب صلاحية اختيار المناهج للمدارس الخاصة أن ندعوها " خاصة " ونطالبها بأداء مميز ونوجه إليها أصبع التحقير لعدم قدرتها على إنتاج طلاب مميزين علميا ومعرفيا ؟أكيد فينا نعتبرها خاصة لأنو بضل فيها اهتمام خاص من قبل المعلمين للطلاب
غير الإهتمام يلي بيتلقاه الطلاب في المدارس العامة

ما بظن أنو فينا نطالب أي مدرسة بأداء مميز لأنو هي الشغلة بترجع لـ الطالب نفسو
أنا عندي رفقات بمدرسة خاصة..ألون حوالي الـ تات سنين فيها وما بتتصور أديش أساهن خوتين بكل المواد:lol:.

بالنسبه لهاد الموضوع بالذات المدارس الخاصة ملتزمة بالمنهاج الحكومي بس بامكانها تضيف مواد للمنهاج الرسمي
على سبيل المثال بالمدرسة يلي أنا فيها اضافة للمنهاج الحكومي فيه مواد تانية اضافية تدرس باللغة الانكليزية متل كتاب علوم وكتاب رياضيات, فيزيا ...الخ تدرس باللغة الانكليزية , اضافة لكتب انكليزي خاصة بالمدرسة غير كتب المنهاج , كمان بخصوص مواد الكومبيوتر في اضافات كتير كبيرة بالمنهاج ما فيك تقارنها بالمدارس الحكومية

رغم السلبيات والاجابيات ان كانت بالخاصه او العامه ...

بس ما بعتقد انه الخاصه بالتحديد لح تعطي هل الاهتمام الكامل الطلاب المتميزين ...حتى لو انعطيت الصلاحيات او الحريه بطريقه التعليم ...

والي رجعه
الاهتمام من ايا نوع برأيك ؟
يعني لهلق ما شفت بكل تاريخي طالب مميز تم الاعتناء فيه وتصقيل تميزه ، الشي اللي ممكن يترجع على انه المدرسة الخاصة ما بتقدم ايا تسهيل مثلا للوصول إلى الجامعة ، يعني حتى الشهادات والفحوصات عما تكون رسمية ومعممة على كافة المؤسسات بغض النظر عن عامة وخاصة !

والله يعني نحنا عنا:gem::

جامعة الوادي الدوليي..
جامعة الحواش الخاصة..
ومدرسة المزيني الخاصة..

بالنسبي لمدرسة المزيني فيها من الخامس للبكلوريا..
وفيها كادر تعليمي سمعتو طيبي..

بس مثلاً ما في بالكادر عندن استاذ عربي متل يلي بثانوية الحواش..أو استاذ رياضيات متل يلي بثانوية مرمريتا.. (وهيدول استاذين مشهوين كتير عمستوى المنطقة..)

وبشكل عام المدارس الحكوميي بالمنطقة عندها كوادر ممتازي..
ويلي بيروحو عمدرسة المزيني الخاصة ..بروحو مشان استاذ معيين.. لأنو دروسي الخصوصي بتكون اغلى .. والمدرسي مانها متقدم اي شي جديد.. او اي اسلوب مختلف..

بس يعني معظم المدارس الحكوميي هون..بنفس مستوى المدرسي الخاصة..ومنن افضل..
وحتى نسبة المتفوقين بالمدراس الحكوميي (هون) اعلى..

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة " :pos:

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن :shock:
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان :lol: انا بدفع 550 ليرة فقط لا غير بالسنة هوي بيتخوزق بالـ 100 الف وما فوق :jakoush:


* الياء الحمصية شيت الوادي عندك :p

أبو طوني كل انزعاجو من رفيقو أبو الـ 100 ألف :p.
بالنسبة للموضوع فبرأيي انو المدراس الخاصة بتقدر تكون مميزة و أفضل من الحكوميي* . باختيار سياسة تدريسية جديدة و ادخال مناهج جديدة و مقررات بتنمي القدرة الابداعية عند الطلاب . الي صاير عندنا هوي رغبة المدارس بالربح المادي و عدم رغبة الاهالي بالمخاطرة بأولادهون لـ أفكار جديدة .
فبتلجأ المدارس لتجميع كادر تعليمي الو شهرتو واسمو بالمناطق الموجودة فيها لجذب النااس بدون المخاطرة بطرح اي فكرة جديدة او اسلوب جديد.

* وهي كمان ياء شيت الوادي .:lol:

عادل بالنسبة لالفقراء وغير عادل بالنسبة للأغنياء:pos:
بزمانه هاني عزوز رئيس نادي الجلاء الحالي والراعي الرسمي للنادي
طالب اتحاد السلة بجعل مباريات الدوري شاملة على لاعبين اجنبيين بالملعب لرفع اداء الدوري وتحسين صورته
اجا الرد بأن اغلبية الفرق ما عندا القدرة على شراء اجنبي واحد .. فكيف اذا طالبت بأجنبيين :o

ومن وقتا ومستوا اللعبة بتراجع مستمر ، الفكرة بتنبع من انك اذا راعيت الضعيف ونزلت لمستواه بدك تبقى ضعيف طول عمرك .. سحاب الفكرة هي نفسا علمدارس وخبرني شو بصير معك :lol:


أكيد فينا نعتبرها خاصة لأنو بضل فيها اهتمام خاص من قبل المعلمين للطلاب
غير الإهتمام يلي بيتلقاه الطلاب في المدارس العامة

ما بظن أنو فينا نطالب أي مدرسة بأداء مميز لأنو هي الشغلة بترجع لـ الطالب نفسو
أنا عندي رفقات بمدرسة خاصة..ألون حوالي الـ تات سنين فيها وما بتتصور أديش أساهن خوتين بكل المواد:lol:.


المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو :pos: يفترض يكون بالمستوى الـ " خاص " اللي عما يتقدملن .
اذا صار والتقيت بشخص مهندس او طبيب او حامل شهادة من ايا نوع وكان من فوق الـ 50 ، اذا حكيت معه على اللغة مثلا بتلاقيه اما متحسر لأن ما كان مسجل بمدرسة خاصة الشي اللي خلاه ما بيعرف لغة اجنبية لحد اللحظة
او بيحكي بطلاقة اللغة الأجنبية وبقلك بكل فخر " انا ترباية المدرسة الفلانية "

حاليا طلاب مدارس الخاصة بيدرس اللغة 13 سنة وبيطلع ما بيعرف يحكي كلمة ليش ؟ لأن مناهجه محددة من قبل الدولة ويفترض يلتزموا فيها :frown:

بالنسبه لهاد الموضوع بالذات المدارس الخاصة ملتزمة بالمنهاج الحكومي بس بامكانها تضيف مواد للمنهاج الرسمي
على سبيل المثال بالمدرسة يلي أنا فيها اضافة للمنهاج الحكومي فيه مواد تانية اضافية تدرس باللغة الانكليزية متل كتاب علوم وكتاب رياضيات, فيزيا ...الخ تدرس باللغة الانكليزية , اضافة لكتب انكليزي خاصة بالمدرسة غير كتب المنهاج , كمان بخصوص مواد الكومبيوتر في اضافات كتير كبيرة بالمنهاج ما فيك تقارنها بالمدارس الحكومية
طب سؤال الك كمعلم ، فينك تحط لمسة شخصية منك واتضيف شي معين علمادة ولا مجبور تلتزم بالمنهاج بحذافيره كما ورد ؟

فضفض خيو فضفض باينتك مخنوق وبدك تحكي :lol:

أبو طوني كل انزعاجو من رفيقو أبو الـ 100 ألف :p.
بالنسبة للموضوع فبرأيي انو المدراس الخاصة بتقدر تكون مميزة و أفضل من الحكوميي* . باختيار سياسة تدريسية جديدة و ادخال مناهج جديدة و مقررات بتنمي القدرة الابداعية عند الطلاب . الي صاير عندنا هوي رغبة المدارس بالربح المادي و عدم رغبة الاهالي بالمخاطرة بأولادهون لـ أفكار جديدة .
فبتلجأ المدارس لتجميع كادر تعليمي الو شهرتو واسمو بالمناطق الموجودة فيها لجذب النااس بدون المخاطرة بطرح اي فكرة جديدة او اسلوب جديد.

* وهي كمان ياء شيت الوادي .:lol:
ما كتير دقيق هلكلام
خصوصا مع فرض مناهج الدولة على المدارس الخاصة ومنعا من تغيير المناهج
حتى وان شردت شي مدرسة بمنهاج خاص فيها :lol: بتبقى الشهادة بإيد الدولة يعني التاسع والبكلوريا بتم الحصول علين فقط من قبل الدولة فما استفدنا شي ، انه درّس اللي بدك ياه وانا بدي جيب اسئلة الفحص من مناهجي وهويها يا معلم :o

هاموش : لا تاكل هم الزلمة مريّش ووضعه منيح ولهلق بشمت مشان المية الف اللي بدقا متل التوتو على اول كل سنة دراسية :yahoo:

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة " :pos:

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن :shock:
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان :lol: انا بدفع 550 ليرة فقط لا غير بالسنة هوي بيتخوزق بالـ 100 الف وما فوق :jakoush:


* الياء الحمصية شيت الوادي عندك :p

احنا بالاردن كنا نعاني من هاي المشكله مع الجامعات الخاصة لهيك انحلت الشغلة برفع رسوم الجامعات الحكوميه فصارت ما كتير تفرق عن الجامعه الخاصه

لوماكانت شغلة توحيد المناهج بين الخاص والحكومي ، لكبرت الفجوات بين الطالب الفقير والغني

انا بشوف انو وبالرغم من سلبيات هالقصة .. ايجابياتها بترجح كفة الميزان لئلها .. وبالنسبة لصقل الطلاب المتميزين فهاد من واجب الدولة والحكومة قبل ما يكون من واجب المدرسة ..

وضع المدارس الخاصة بين قوسين من ناحية المناهج ما بيحد من قدرتها على العطاء بشكل متميز ،
بيبقى عندها الرفاهية لي بتقدمها لطلابها ومشاريع تنموية كتيرة اخرى فيها تعملها لتنمية قدرات الطلاب .. يعني الصفات الاكسترا لي فيها هيي يلي بتطلق عليها صفة ال"خاص" ، وبرأيي لهون بيكفي .. العدل انو كل طالب يحصل على نفس التعليم الاساسي بدون تفرقة المستوى الاجتماعي - الاقتصادي وهيك بيكون في اساس تعليمي واحد مشترك للكل ولي معو يدفع لرفاهيتو ولفعاليات ومشاريع تعليمية - تربوية بيروح ع المدارس الخاصة وبيتمتع بميزاتها الخاصة ..


عدا عن هيك ، اليوم درجت شغلة التعليم البديل و(عنا ع الاقل) صار في مدارس للتعليم البديل وموافق عليها حكومياً .. هي المدارس الدخول لئلها مكلف اكتر من المدارس الخاصة بشوي كتير ، بس اختلافها ما بيكمن باختلاف المناهج فقط وانما باختلاف طرق التدريس وطرق تعاطي المعلمين مع الطلاب وكمان بتعطي الفرصة للطالب مهما كان عمرو انو يختار المواضيع لي بدو يدرسها وكيف حابب انو يدرسها (عدا عن كام موضوع اساسي طبعا) وبتستخدم بمناهجها مستويات وطرق جديدة ومختلفة ومتنوعة عم تخلق طلاب متميزين ومبدعين .. فهي كمان فيها تكون حل بديل للي عم يحتج ع المناهج التعليمية ..


:D

ما كتير دقيق هلكلام
خصوصا مع فرض مناهج الدولة على المدارس الخاصة ومنعا من تغيير المناهج
حتى وان شردت شي مدرسة بمنهاج خاص فيها :lol: بتبقى الشهادة بإيد الدولة يعني التاسع والبكلوريا بتم الحصول علين فقط من قبل الدولة فما استفدنا شي ، انه درّس اللي بدك ياه وانا بدي جيب اسئلة الفحص من مناهجي وهويها يا معلم :o


انا ما قلت تغيير المنهاج ولا انقلاب عليه
قلت افكار جديدة متل تحسين المطالعة عند الطلاب
تقوية الطلاب باللغات والكمبيوتر
تحسين اساليب التدريس
بيكون بالنتيجة في جيل متخرج من مدارس خاصة أكثر كفاءة من الحكومي الي يبدو ما في منها امل بهالمرحلة.

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة " :pos:

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن :shock:
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان :lol: انا بدفع 550 ليرة فقط لا غير بالسنة هوي بيتخوزق بالـ 100 الف وما فوق :jakoush:


* الياء الحمصية شيت الوادي عندك :p


ممكن في حواجز ادام المدارس الخاصة.. بالشهاتين التاسع والبكلوريا وبس:pos:..
في ما عدا هالصفيين.. ابدا مافي حواجز.. لأنن معهن الصلاحيي انو يضيفو مواد جديدي:deal:..
(وفي كتير عنا مدارس تحضيرية وابتدائة بتعطي اللغات والكمبيوتر بشكل مميز:gem:)

كمان مشان جامعة الوادي وجامعة الحواش.. فمناهجن مختلفي تماما..والدكاترة المان وكنديين..
وفي بعض الفروع بالجامعتين ما في الهن نظير بالجامعات الحكوميي:adal:..

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية :larg:..


المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// انو موبايل :o..
انتي أول السيارات والشبحات والتشفيط ادام المدرسي :lol:


*الوادي شيت غنية فيروز "نسم علينا الهوا من مفرء الوادي":larg:

هي هية العلة بان المدارسة الخاصة عما ينحط قدامها حواجز كبيرة مشان توصل المدارس العامة لمستواها ،الشي اللي عما يخليها تفقد جزء كبير من وصفها كـ " خاصة " :pos:

حتى الجامعات " كونك جبت سيرتن " وصل فين الوقاحة انن يجيبوا دكاترة الجامعات الحكومية ويعتمدون ككادر تدريسي الن :shock:
انه تخيل يا زلمي* رفيقي بجامعة المأمون انا وهو مندرس نفس المقرر عند نفس الدكتور وجابلنا نفس اسئلة الامتحان :lol: انا بدفع 550 ليرة فقط لا غير بالسنة هوي بيتخوزق بالـ 100 الف وما فوق :jakoush:


* الياء الحمصية شيت الوادي عندك :p


ممكن في حواجز ادام المدارس الخاصة.. بالشهاتين التاسع والبكلوريا وبس:pos:..
في ما عدا هالصفيين.. ابدا مافي حواجز.. لأنن معهن الصلاحيي انو يضيفو مواد جديدي:deal:..
(وفي كتير عنا مدارس تحضيرية وابتدائة بتعطي اللغات والكمبيوتر بشكل مميز:gem:)

كمان مشان جامعة الوادي وجامعة الحواش.. فمناهجن مختلفي تماما..والدكاترة المان وكنديين..
وفي بعض الفروع بالجامعتين ما في الهن نظير بالجامعات الحكوميي:adal:..

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية :larg:..


المدرسة الخاصة ما لازم يكون مستواها متميز بالجو تبعها ، انه اغلبية طلابها من الطبقة الغنية وكل واحد شايل موبايل وكل واحد مدري شو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// انو موبايل :o..
انتي أول السيارات والشبحات والتشفيط ادام المدرسي :lol:






*الوادي شيت غنية فيروز "نسم عالينا الهوا من مفرء الوادي":larg:

وحاليا بعض طلاب جامعة الوادي* رح يسافرو عإلمانيا لمدة ست شهور..ورح ياخدو شهادات المانية :larg:..
:larg:
شهادات المانية:?!!..لا يا سيدي مانون عرفانين غربون من شرقون(جامعة الوادي)..
واسا لهلق ما قررو اذا بدون يعطوهن شهادات المانية ولا بس يعملو مشروع التخرج هونيك ولا يعطوهن مصدقة أنون درسو ست شهور هونيك ولا...
(عـ الأغلب ما رح يعطوهن شهادات المانية لأنو مو معقولي أنون يدرسو هل كام شهر والجامعة الالمانية يلي رح يدرسو فيها هونيك تعطيهون شهادة أنون تخرجو من عندها)


بزمانه هاني عزوز رئيس نادي الجلاء الحالي والراعي الرسمي للنادي
طالب اتحاد السلة بجعل مباريات الدوري شاملة على لاعبين اجنبيين بالملعب لرفع اداء الدوري وتحسين صورته
اجا الرد بأن اغلبية الفرق ما عندا القدرة على شراء اجنبي واحد .. فكيف اذا طالبت بأجنبيين :o

ومن وقتا ومستوا اللعبة بتراجع مستمر ، الفكرة بتنبع من انك اذا راعيت الضعيف ونزلت لمستواه بدك تبقى ضعيف طول عمرك .. سحاب الفكرة هي نفسا علمدارس وخبرني شو بصير معك :lol:

:frown:

بالعكس تماما:nono:لأنو اذا فريق الجلاء(قوي)ميلعب مع غير فرق(ضعاف) ويفوز عليهم بلاعبين أجانب فهالشي ما رح يزيد مستوى العبة..أما اذا ما جابو أجانب(تنين)فهيك بيفسحو مجال للاعبين الوطنيين ميشان يرتفع مستواهن .. :nirvana: طيب مثال:

وسام يعقوب لاعب طويل(212)..ببطولة دبي بيحقلون يكون بالفريق أكتر من أجنبي واحد..فأكيد بيجيبو لاعب ارتكاز قوي..بس اذا نصاب هالاعب رح يضرو يدخلو وسام يعقوب:i7raj:ميشان يعبّي محلو بالملعب..

بس وسام متل الجيجة الخوتة بضل ميفتل حوالى حالو:isb3:ولا بيعرف يمسك طابة ولا ياخد ريباوند ولاشي بيعملو لاعب الارتكاز:willi:..مع أنو عندو المقومات يلي بتخليه لاعب ارتكاز قوي..ليش..لأأنو بالدوري السوري ما بيفسحولو مجال مشان يلعب ويرفع من مستواه بسبب الاعبين الأجانب.

انا ماني مع توحيد المناهج
يعني ما عم افهم وين الفكرة بأقساط تصل لمية ألف ليرة سوري :shock: وبدو يدرس الولد المنهج " الفاشل " نفسه ..
يعني بظل فشل المنهاج الحكومي الأزلي .. برأيي لو المدارس الخاصة بينسمحلا تقرر مناهجها بعد ما تمرق ع رقابة او ع شي معين يعني " يحددلا أسس أو هيك "
وحسب ميل المنظمات الحكومية للتقليد
بتصير المدارس الخاصة بتطور المناهج .. والدولة بتقلد المناهج المطورة .. وهيك يعني بلكي بتتحرك التعليم شوي لقدام ..
وإلا بتكون المدارس الخاصة بشكلها الحالي مجرد وسيلة .. بتعزز " الطبقية " و "الطائفية "

:akh:

وإلا بتكون المدارس الخاصة بشكلها الحالي مجرد وسيلة .. بتعزز " الطبقية " و "الطائفية "
انو يعني متل مدرستنا الا شوي :lol:
بس انو نحنا بالمدرسة كانوا بيعطونا اضافة للمنهاج ... شغلات من المدرسة متل كتاب انكليزي سمكو شي عشرين سانتي ..... اضافي ... ومواد دينية تانية وقت كنا صغار كمان :frown:

هلا بمااني بنت مدرسة خاصة وبنت مدرسة حكومية بنفس الوقت درست بالتنين...يعني انو بحياتي ماشفت فرق بيني وبين اي طالب من مدرسة عامة كـ منهاج
ماكان في غير لـ وقت ماكنا صف تامن عنا كتابين انكليزي زيادة وغير هيك مافي شي مختلف...
فهالشي كتير مزعج...يعني المدارس الخاصة ماعم توفر شي زيادة كتيير لحتى الطالب يدفع الاقساط اللي ممكن خيالية..وعنجد بدون سبب...انو بس لينقال انو ابن او بنت المدرسة الفلانية...ماشفت حدا من طلاب المدارس الخاصة بصراحة كتير تميز باي شي...
غير بشوفة الحال وانو هني احسن من الكل...
بس انو ازا المدارس الخاصة انا مع انو يكون في مناهج مخصصة لالون..ومع الرقابة ياسيدي...

هلا مابعرف عن الجامعات الخاصة بالبلد كيف اوضاعون وشو المتوفر فيون فمابقدر اعطي رايي فيون

صـرلي فتره عم شوف الموضوع و مش عارفه من وين بلـّش شارك فيه :p ..
أنا رأي فـيه تحـيز للمدارس الخـاصه كوني ربيت بمدارس خاصه على طول الطريق و كان عندي تجربه وحيـده مع المدارس الحكوميه لفـتره الـكم شـهر فـقط و اللي لمست فيهم فرق كبير بستغرب اني ما زلت بزكره ..
بدي احكي بعيدا عن المنهاج لانو وضع المنهاج ما عم يكون بايد الاداره المدرسيه للمدارس الخاصه و بذلك هالـشي ما بحس فيّ اطرق اله ..

اذا بدنا نجي بدايه للعنايه اللي بتقدمها المدارس الخاصه دون عن الحكوميه فهي واضـحه يعني أذكـر تماما خلال الفتره القصيره جدا اللي قعدت فيها بمدرسه حكوميه نهائيا ما حـسيت بـوجود اهتمام من أي شـخص لاي شـي .. حتى في حال ما عملت الوظيفه او ما عرفت تسمع او علاماتك ما كانت جيده فهي شغلات ثانويه بالنسبه للاساتذه طالما عم يوصلهم راتبهم بأخر الشـهر ... و هون ما عم قول مافي عنايه نهائيا انما مقارنه بالعنايه المقدمه بالمدارس الخاصه فهي بتحسس الطالب تماما باللي ذكرته سابقا من لا مبالاه الاساتذه و هون انا عم احكي عن تجربتي بـصف الاوّل كنـت فما بعرف اذا بـيكبر الاهتمام مع العمر او شو الوضع تمام .. لكن المدارس الحكوميه أقل اهتماما و لازم الطالب يعـتمد على جـهده بـكتير كتـير احيان ليـقدر يوصـل لكتير معلومات المفروض تكون متوافره اله عبر الاساتذه .. اضافه لانو هلـئ لسا دارجه موضه الدروس الخاصه اللي يمكن حتى اساتذه بعض المدارس الخاصه بيلجأو لذات الاسلوب بالتقصير بالشـرح في الصف للوصول للدروس الخصوصيه ..

نقطه تانيه ايضا هي العنف المدرسي .. ايام ما كنت انا بالمدرسه طلع القانون اللي بيمنع ضرب الطلاب و لكن ضل فتره كبيره ما يـستخدم بالمدارس الحكوميه تحديدا و لليوم أعتقد في أساتذه بقوموا باستخدام العنف ضد طلاب المدارس و الاهل بتخاف تشتكي و بتخاف تحكي .. و يمكن القصص تحتاج لعائله جريئه واحده لتكشف الموضوع .. أمـّا المدارس الخاصه فالضرب فيها هو تخويف و حسـب .. يعني للتخويف و فـقط عنـف نفـسي اذا صح التعبير :lol: و ما عم انفـي بهالحاله خطوره هالموضوع و لكنه ليس كالعنف النفسي و الجسدي معا ..

اضافه لهيك النقطه الاهم اللي حابه اتطرق الها حيال المدارس الخاصه هوّ اختلاط الجنـسين .. يعني يا عمـّي هي الشغله لحالها بـتجعل المدارس الخاصه متفوقه بنـظري بـشكل كبير عن المدارس الحكوميه .. بحيث اني أعتقد صـار فينا نـقول انو اذا كان في داعي لـهالنـظام بالامس فاليوم أكـيد ما عاد اله لازم في ظل الانفتاح اللي عم يـصير عند الصبايا و الشـباب في سـن مبكره .. فبرأي ما عاد في داعي نعمل هالفـصل و الجـدار اللي بيخـلق حاجز بالتعامل و بنظره الشـب و البنت لبعضهم .. يعني اللي بـصير انو الشباب و الصبايا بتصير نظرتهم لبعضهم ليست كأشخاص متفردين بقدر ما هي جنـسيه و تنطلق من الحرمان اللي بيمرو فيه من التعامل مع بعضهم بالعمر اللي بيحتاجو فيه ليكونو اصدقاء و شركاء و حتى احباء و هالـشي اللي بخلي الهدف الأوّل اللي ببالهم هو كـيفيه التحدث مع صـبيه و بشـوفو كل صبيه هيّ ماده للتطبيق و الصبيه كل ما بتشوف شب بيحكيها كلمتين بتدوب حب و احلام ورديه و المشكله انو هالقصه هي قد ترافق الشب و الصبيه الى الجامعه ثم الى مكان العمل و يمكن حتى تضلها معهم للقبر :lol:

الفـساد موجود موجود مدارس حكوميه او خاصه و لكن اعتقد الفرق يأتي من أنو المدارس الخاصه بتعرف انو منيتها على حالها و الاهل و الطلاب و اسم المدرسه هو الممول الرئيسي الها لذلك بتـسعى جاهده من الاداره الى كل المسـؤولين المهتمين بهالامر لمراقبه الموضوع عن كـثب و التأكد من اللي عم يصـير بينما هالـشي غايب في المدارس الحكوميه و بذلك غاب القط العب يا فار .. المراقبه هي اللي بتتحكم بمقدار اللي بيطلع من الفـساد الداخلي ..
أطفالي أنا بالمـستقبل أكـيد أكـيد مدارس خـاصه في حال كـنت بسـوريا و أشـجع بشـدّه الانـتشار للمدارس الخـاصه بالبلد ..






فهالشي كتير مزعج...يعني المدارس الخاصة ماعم توفر شي زيادة كتيير لحتى الطالب يدفع الاقساط اللي ممكن خيالية..وعنجد بدون سبب...انو بس لينقال انو ابن او بنت المدرسة الفلانية...ماشفت حدا من طلاب المدارس الخاصة بصراحة كتير تميز باي شي...
غير بشوفة الحال وانو هني احسن من الكل...


لا يا عزيزتي أختلف معك بالرأي وبشـدّه .. المدارس الخاصه توفر أشـياء ابعد من المنهاج اللي هي مش قادره اساسا تسـيطر عليه و أعتقـد في عدد من المدارس هلئ بلّـش يضيف منهاجه الخاص الى المناهج الحكوميه و بذلك عم تطلع براس الطالب اي نـعم و لـكن في نـاس لازم تضحكي كرمال بالنتيجه نـوصل لحق تمكن المدارس الخاصه من امتلاك منهاج خاص بها .. و لـكن النقطين اللي لفتوني بردك هـنن المعلمين بالاحمر - الاولى - و بالاورنج - التانيه - ..
يعني بالنسبه لحمل اسـم المدرسه فـهي أعتقد بتـرجع للنـقص اللي بشـخصيه الطالب لحتى يعتمد على مـدرسه لـتكونله كيانه :? .. أنـا شـخصيا من خـبرتي ما بيوم فكـرت او انتبهت لاحد من أصـدقائي المـقربين أنـو يـسعى وراء هالـهدف فقط لينقال انو ابن او بنت المدرسه لفلانيه بل على العكس كانت هي جزء من المـسؤوليه حيال انـو هنن يـرفعو اسـم مدرستهم و ليـس العكس !!
النقطه التانيه و هي انك ما شفتي حدا من طلاب المدارس الخاصه تميز باي شي .. صراحه صدمتيني :shock: ! في كل سنه عدد لا بأس به من أوائل سـوريا هنن مـن المدارس الخاصه و بمجاميع خيـاليه أيـضا .. هون بيناتنا بالمجتمع بالمحيط اللي هنن فيه .. شـلون مش متميزين بأي شي غير شوفه الحال ؟!

فيما يتعلق المدراس الخاصة اكيد انا بأيد انو امدراس الخاصة وضعها افضل.. على الاقل ما بيكون خمسين الى ستين طالب بنفس الصف.. الشي اللي بيمنع اي مدرس مهما كان ضميره صاحي أن يلحّق على الكل..
بس ما حسيت انو المبالغ المدفوعة في المدراس الخاصة تتناسب مع مدى الرعاية المقدمة..
انا برأيي كل الاطفال لازم يتمتعو برعاية وعناية من نفس المستوى وبفرص تعليمية متساوية للجميع لانو تربية الجيل على اساس مدرسة ولاد الاكابر من جهة ومدرسة الشراشيح من جهة تانية "متل ما سمعت من ناس درسو بمدارس كتير راقية" ما بتقدم أكتر من تربية اقل ما يمكن ان نطلق عليها "سطحية" للاطفال من الطرفين
بمعنى اخر مو مطلوب تكون مناهج المدارس الخاصة ارقى.. لا برأيي لازم تتحسن مناهج المدارس الحكومية والخاصة على حد سواء حتى تليق بمستوانا كبشر على اقل تقدير

بالنسبة للجامعات الخاصة بتفاجأ انو في جامعات متل السورية الاوروبية او جامعة المأمون الخاصة وغيرها انو في عدد كبير من المدرسين مو حاملين دكتوراه.. وبعرف اسماء منهون
اضافة الى انو بعرف صبية درست بأمريكا ومانها حاملة حتى ماجستير بتدرس بالجامعة السورية الاوروبية
وفي اساتذة لازالو عم يحضرو ماجستير... المسألة مو تقليل من قدرات هدول الاساتذة بس أنا لما بدفع هي المبالغ لازم احصل على المقابل!!
يعي حسيت انو مافي جدية ابدا بالتعامل مع المناهج..
ما بعرف اديش في عندكون معلومات عن الموضوع

...

ولهلئ مدرستي الحكوميي افضل من كل المدارس الخاصة :gem:(وفيها كل شي زكرتيه)

*هاموش: ذا مورنينغ أنا رفئاتي بس راحو بالصيف يعملو دورة بمدرسة الأمل..إي المدرسي مختلطة..
بس حكولي رفئاتي أنو كانو برا عم يتمشوا (يعني الشباب والبنات)..اجت الموجهة..
آل "ليش ماشينن سوا":?
ألولها "نحنا رفئات" :lol:
آلتلن"رفئات برات المدرسي مو هون" :sick:

ورفئاتي البنات ألولي أنو ضلت بعدها ساعة عم تبهدلن وتعملن محضارات عن "الأخلاق" :shock::shock::shock:

...
ناي جامعة المأمون سمعتها مو زيادي :pos:..
بس متل ما إلت جامعة الوادي.. كل الكادر فيها كندي والماني..الدكتور السوري الوحيد فيها هوي الدكتور حسام عابد..بس هاد معو دراسات عليا بالمدري شو:lol:

ناي جامعة المأمون سمعتها مو زيادي :pos:..
بس متل ما إلت جامعة الوادي.. كل الكادر فيها كندي والماني..الدكتور السوري الوحيد فيها هوي الدكتور حسام عابد..بس هاد معو دراسات عليا بالمدري شو:lol:
اي جيمي جامعة الوادي مختلفة كتير.. ويمكن كان لازم استثنيها من كلامي
بس الحق يقال الي صديقة بتدرس طب بجامعة القلمون الخاصة وحكتلي كتير انو الجامعة كويسة والدكاترة نفس اللي بيدرسو بجامعة دمشق

في اكتر من نقطة حلوة بتستاهل ينحكى فيها ..
بس قبل في هلجملة من الزلمي* ممثل جامعة الوادي

ناي جامعة المأمون سمعتها مو زيادي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس متل ما إلت جامعة الوادي.. كل الكادر فيها كندي والماني..الدكتور السوري الوحيد فيها هوي الدكتور حسام عابد..بس هاد معو دراسات عليا بالمدري شو////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حاج تطول وتقصر من فترة صار كشف من الجامعة الألمانية المتعاقدة مع الواادي طلعوا بنتيجة بأن المستوى جدا متدني وما بشرفن تحمل الجامعة اسمن .. ومن وقتا تغير اسم "جامعة الوادي السورية الألمانية الخاصة" لـ يصير " جامعة الوادي الدولية الخاصة"

لك حتى موقع الجامعة مسكر " ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// " فطلاع من راسي لسع الواد والوادي حارتنا ديقة ومنعرف بعضنا :p

برأيي لو المدارس الخاصة بينسمحلا تقرر مناهجها بعد ما تمرق ع رقابة او ع شي معين يعني " يحددلا أسس أو هيك "







هية هون المشكلة .. عما ينسمحلا .. بس عما يتحددلا .. فما استفدنا شي بالنهاية :pos:

في اكتر من نقطة حلوة بتستاهل ينحكى فيها ..
بس قبل في هلجملة من الزلمي* ممثل جامعة الوادي



حاج تطول وتقصر من فترة صار كشف من الجامعة الألمانية المتعاقدة مع الواادي طلعوا بنتيجة بأن المستوى جدا متدني وما بشرفن تحمل الجامعة اسمن .. ومن وقتا تغير اسم "جامعة الوادي السورية الألمانية الخاصة" لـ يصير " جامعة الوادي الدولية الخاصة"

لك حتى موقع الجامعة مسكر " ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// " فطلاع من راسي لسع الواد والوادي حارتنا ديقة ومنعرف بعضنا :p

ليش انا فتت لأطلع..:shock:

ليك عزيزي تغيير الاسم صار بسبب قرار من الرئيس (يمكن) مشان هالاسماء (السورية الاجنبية) ..
جامعة الحواش..كان بدن يحطو اسمها "الجامعة السورية الفرنسية" بس بعدين بسبب القرار تغير اسمها..
وطبعا هالشي صار قبل ما تبلش الجامعة باستقبال الطلاب...يعني مو لشي إلو علائة بالمستوى:pos:..

وطبعا يعني أنا مو مألك أنو مستوى جامعة الوادي ممتاز..لأني صراحة ما بعرف.. وتقييم الجامعات مو من اختصاصي:p..


اي كمان.. هاد هوي الموقع :lol:..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أول مابلشت موضة الجامعات الخاصة بالاردن بعدين مصر (خصوصي 6 اكتوبر ) وبسوريا
المستثمرين شافوها شغله مربحه لأنو صارت الشهادة الجامعية مظهر اجتماعي لا بد منو
هلا مستحيل جامعه استثمارية هدفها الربح بالدرجه الاولى انها اطلع مستويات علميه او ادبية قوية لأنو ازا عملت هيك رح يصير رسوب وطفش زباينها انا خريجة الاردنية كانو طلاب الخليج اول ما يجو يدخلوها ما يمشو يروحو جامعات خاصة في من الطلاب أكد انو مرة غاب عن امتحان وصلتو الورقة ع البيت بنهايه حط فلوس خد شهادة
صحيح بجيبو مناهج نفس مناهج الجامعات الرسمية و دكاترة واساتذه بس لما ما يكون لدكتور حق الترسيب شو استفدنا بعرف جامعه عنا مستحيل تسأل خريج فيها شو تقديرك ما يقلك امتياز !!!!!!

كون انفتح قصة الجامعات الخاصة .. وكون حرقة بقلبي هلموضوع من وقت ما عمل التلفزيون السوري معي مقابلة وقصوا كل حكيي ونقلولي جملة وحدة بحيث اطلع مؤيد لمناهج الجامعات :jakoush:

الجامعات الخاصة مانا سيئة من ناحية الفكرة بس سيئة جدا من ناحية التطبيق
يعني الطالب اللي ما قدر يجمع عدد علامات بخوله لحتى يدخل هندسة .. كان يقضيها مشنطط بدول اوروبا ليقدر يحصّل الشهادة .. وبنفس الوقت بتكلفه العملية هي ارقام كتير كبيرة هي اذا اهملنا المعوقات البتفرضا لغة الدولة ، من هلناحية قدرت تأمن الجامعة الخاصة شهادة لأبن البلد بنفس كلفة السفر تقريبا وبتخفيف عناء تعلم اللغة والهجرة والمشاكل والوراق وهلقصص
يعني كحل بديل عن السفر انا بشوفها جدا مفيدة ، بس بنفس الوقت ما عما تقدم شيء اذا طلعنا لجانب الاسعار اللي عما تاخدها .

ليش انا فتت لأطلع..:shock:

ليك عزيزي تغيير الاسم صار بسبب قرار من الرئيس (يمكن) مشان هالاسماء (السورية الاجنبية) ..
جامعة الحواش..كان بدن يحطو اسمها "الجامعة السورية الفرنسية" بس بعدين بسبب القرار تغير اسمها..
وطبعا هالشي صار قبل ما تبلش الجامعة باستقبال الطلاب...يعني مو لشي إلو علائة بالمستوى:pos:..

وطبعا يعني أنا مو مألك أنو مستوى جامعة الوادي ممتاز..لأني صراحة ما بعرف.. وتقييم الجامعات مو من اختصاصي:p..


اي كمان.. هاد هوي الموقع :lol:..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو جيمي لاتزعل الكل مستوطي حيطك.. مو هيك وهي وردة:D
بس عن انا سمعت انها كويسة.. هلأ بيجوز كلام ابو طوني مزبوط لانو ممكن ما تكون على المستوى المطلوب.. بس بالنسبة للجامعات السورية الموجودة يمكن تعتبر ما عليها شائبة

طلاب الجامعات الخاصة ما رح يكونو بمستى طلاب الجامعات الحكومية مو بسبب مستوا الجامعة
لأ..لأنو مو معقولي طالب جمّع بالبكلوريا 230 يدخل صيدلة:?
وطالب جمّع 130 كمان يدخل صيدلة:?

فأكيد ما رح يطلع بمستوى طالب الجامعة الحكوميّة:jakoush:
وبيضل في فرق كبير بيناتون مهما كانت الجامعة مستواها عالي
وكانو دكاترتها المان أو فرنسيي أو:pos:...