موضوع معقد جداً وتختلف الآراء بخصوصه ...
سأتناول جانباً معيناً منه ... والذي لا يتطرق لسكن الزوجين مع الأهل ... بل انتقال الأهل إلي بيت الزوجين ..
بسبب مرض معين ... او حاجة للعناية المؤقتة ...
....
غالباً البيوت في المدينة صغيرة ... وتتسع لعدد معين من الأشخاص ...
وفي حال قدوم أشخاص إضافيين ... ستصبح العيشة معقدة قليلاً ضمن حيز صغير نوعاً ما ..
فمثلاً .. قد يضطر أحد الزوجين للنوم على الأرض .. أو الأريكة ... وغالباً ماينفصل الزوجان في المنامة ... نظراً لعدم توافر الأماكن ...
وهذا سيؤدي بالتأكيد إلى فتور بالعلاقة الجنسية ... اي ... اضطراب في العلاقة الزوجية ..
إلى إي مدى يمكن أن يتحمل الزوجان !!؟ ...
.
.
الأهل بالتأكيد مقدسون ... وخدمتهم واجب إنساني وأخلاقي وأدبي ...
ولكن ...
- ماذا لو تحولت حياة الزوجين إلى جحيم ...
- ماذا لو فشل الأولاد دراسياً ..
- ماذا لو وصل الأمر للطلاق ... !
.....
هل تؤيد توظيف خادمة أو شيء من هذا القبيل ... !
ماهي نظرتك للموضوع ... وماهي الآراء والحلول القابلة للطرح ... ؟!
أسئلة كثيرة تطرح ... وبالتأكيد بانتظار أجوبتكم ...
.
.
.
.
.
.
.
THE,unforgiven... "

هلاء الي مافيو خير لا اهلو مابيكون فيو خير
لا اهل بيتو

فا برايي او ازا كانو الزوجين متفاهمين حتى لو كان ديق المكان بيقدرو يدبرو راسون
ومايتقرقوا عن بعض
فين يجيبو سرير اضافي ويحطو بغرفة المعيشة وحتى لو اجى ضيوف عادي انو اهلو او ان كان اهلي لاسمح الله
مرضانين

فا اكيد بكل صدر رحب رح استقبلن
لانو اكيد ازا كانو اهل الزوج فا الزوجة بتكبر بعين جوزا ورح يحبا اكتر
اما ما بعتقد انو كرمال المرضانين
تتدهور الامور الزوجية والعائلية
يعني مافي شي من هالشي الي عم تقلو ممكن يصير
او انو يجتمعو كل هالظروف مع بعضا

انو ما بنكر رح يكون فيها تعب وكركبة وشنططة
بس فتره وبتمرق

شكرا علموضوع بس برايي فيو مبالغه شوي
مجرد راي

لما بفكر انو اهلي ممكن ينحطو بهيك موقف بيوم من الأيام ،
ما بتصور حتى اني فكر بمأوى أو دار للعجزة .. بحسو نوع من النبذ او التخلي .. بتصور انو الأهل بيستاهلو مكافأة اكتر من التخلص منهم ومن همهم .. !!



بالنسبة لعيشة الأهل عند الأبناء بهيك ظروف فـ انا معها جداً ازا كانو الأبناء ببيتهن ممكن يوفرو العناية التامة .. بس مو الكل بيقدر بوقت لي الكل فيو بيشتغل إما ليعيش أو ليحقق ذاتو ..

بشوف انو استأجار خادمة ممكن يكون مثالي لنمط حياة الناس بهالأيام ، بما انو صعب الواحد يترك شغلو لأنو حدا من أهلو مريض ..

وهيك الأبناء بيضلو يشوفو أهلهن يومياً ، ما بيتخلو عنهم ولا بينبذوهم وبيضلو حواليهن وبيحسسوهن انو تربايتهن ما راحت ضياعة .. وبنفس الوقت بيضلو يمارسو حياتهن الطبيعية ..





بس عفواً يعني ،
ما بشوف انو احضار طرف من الأهل ليعيش مع حدا من ولادو بهالدرامية لي مصورها انت !
يعني جربناها عنا بالبيت وستي عاشت عنا فترة مو قليلة لبين ما جبنالها خادمة تبقى معها ليل نهار .. بس ما صارت حياتنا جحيم .. وبصراحة ما تغير علينا شي ابداً ، كل القصة انو كلنا منشتغل ومافي حدا يهتم فيها بالشكل لي هيي بحاجتو ..



بعمري ما بتخيل انو ستي لي كانت تقعدني بحضنها وتغنيلي وانا صغيرة رح تصير بيوم من الأيام عالة عليي وعلى اهلي !!




:D

بس عفواً يعني ،
ما بشوف انو احضار طرف من الأهل ليعيش مع حدا من ولادو بهالدرامية لي مصورها انت !
يعني جربناها عنا بالبيت وستي عاشت عنا فترة مو قليلة لبين ما جبنالها خادمة تبقى معها ليل نهار .. بس ما صارت حياتنا جحيم .. وبصراحة ما تغير علينا شي ابداً ، كل القصة انو كلنا منشتغل ومافي حدا يهتم فيها بالشكل لي هيي بحاجتو ..


هلأ يمكن انا معك بهالنقطة ... بس انو احياناً بتلاقي الاهل نكديين جداً (عم احكي بشكل عام ) ... يعني بينكشوا المشاكل من تحت اضافيرهن ... وخصيصاً ازا كانت حماية مقابل كنّة ...(يعني اهل الزوج )
وهي كتيييييير مشكلة برأيي .. وبنفس الوقت صعبة كتييير انو الشخص يتخلى عن اهلو مقابل يعيش مع مرتو لحالهن !
:D

هلأ يمكن انا معك بهالنقطة ... بس انو احياناً بتلاقي الاهل نكديين جداً (عم احكي بشكل عام ) ... يعني بينكشوا المشاكل من تحت اضافيرهن ... وخصيصاً ازا كانت حماية مقابل كنّة ...(يعني اهل الزوج )
وهي كتيييييير مشكلة برأيي .. وبنفس الوقت صعبة كتييير انو الشخص يتخلى عن اهلو مقابل يعيش مع مرتو لحالهن !
:D
ليش بعد في حماية وكنة اليوم .. ؟؟


انو العالم صارت تلتهي بـ العاب اهم شوي !!





إي وما تنسى انو الأهل ما بيكونو نكدين لأنو جاي عبالهن يكونو نكدين وما بينكشو مشاكل هيك بس حيونة ،
بيكون بدهن شوية اهتمام ، بيكونو مدايقين ، بيكونو وحيدين ، بيحسو انو غير مرغوب فيهن ، بيحسو انو ماعاد الهن لازمة ، الأبناء بينسو كلشي عملوه الأهل مشانهن وفجأة بيصيرو حمل تقيل على ضهورهن ، وبعد كتير أسباب ..


جربت شي مرة تحط حالك مطرح عجوز وتحس شو هوي عم يحس ؟





مو ناقصنا الا شوية انسانية :D

ليش بعد في حماية وكنة اليوم .. ؟؟


انو العالم صارت تلتهي بـ العاب اهم شوي !!





إي وما تنسى انو الأهل ما بيكونو نكدين لأنو جاي عبالهن يكونو نكدين وما بينكشو مشاكل هيك بس حيونة ،
بيكون بدهن شوية اهتمام ، بيكونو مدايقين ، بيكونو وحيدين ، بيحسو انو غير مرغوب فيهن ، بيحسو انو ماعاد الهن لازمة ، الأبناء بينسو كلشي عملوه الأهل مشانهن وفجأة بيصيرو حمل تقيل على ضهورهن ، وبعد كتير أسباب ..


جربت شي مرة تحط حالك مطرح عجوز وتحس شو هوي عم يحس ؟





مو ناقصنا الا شوية انسانية :D
اي يا ستي لسا في كنة وحماية .... ما في شي بينقرض:lol:

انا شايف وضع متل هيك ... جد هالحدا يلي شايفو عايش بجحيم من ورا الحماية .... يعني انو على عيني وراسي ام زوجها ... بس ما بيمشي الحال بنوب ...
المشاكل وين ما بتروح وشو ماعملت .. بجوز هيي احياناً بتغلط .. بس اهل الزوج غلطهن اكبر .. بما انهن بيعتبروا حالهن اوعى والواعة الكبيرة بتساع الواعة الصغيرة !

اما منشان هي الجملة :
جربت شي مرة تحط حالك مطرح عجوز وتحس شو هوي عم يحس ؟
انو بصراحة لأ
بس بتوقع اني رح حس بوحدة فظيعة ... بس ما رح كون نكدي ابداً

بس عفواً يعني ،
ما بشوف انو احضار طرف من الأهل ليعيش مع حدا من ولادو بهالدرامية لي مصورها انت !
يعني لو ماني شايف أحد أصدقائي عم تتحول حياتو لجحيم هوي وأهلو .. ماكنت نزلت الموضوع من أصلو ...
بس هوي مابيعرف شو بدو يعمل ... وسألني .. وأنا ترددت بالإجابة .. وحبيت آخد رأيكن ...
سدقيني مروة ... مافي شي بين مرتو وأمو .. بالعكس متل العسل والقشطة .. بس أهلو كتير صعبين ...
يعني .. بينقو كتير ... وبيتدخلو بحياتن كتير ... وبدن يخلو البيت متل مابدن .. وأكيد مابيصير هالشي ..
بس مرتو عم تتحميل وساكتة .. والولاد .. كتير متدايقين .. ماعم ياخدو حريتن .. وكتير أثر ع درسن ..
بالإضافة انو كل من الأبوين .. يعني الأم والأب إجو لعند ابنن .. والأبن نيمن محلو هوي ومرتو ..
يعني بغرفتن النوم .. ومانقص علين شي .. عايشين ملوك ..
.
.
الزبدة .. انو صديقي .. رح يوصل هوي ومرتو لحالة من الجنون ... يعني اتخربطت كل حياتن ...
هوي الموضوع بالزبط .. انو أبوه عمل عملية ... وصرلو عندو شي شهر ونص ..
والمصيبة انو عندو كذا خي أعزب .. وماحدا غيرو عم يهتم بأبوه .. يعني مانو شب عاطل بالعكس ..
كتير آدمي .. وبيحب أهلو .. بس كمان أهلو مارح يأبدو معو .. ومافيه يخسر عيلتو ..
ف .. بدنا حل يرضي الطرفين ...
وشكراً إلك ... :D
.
.
.
THE,unforgiven ..."

هلأ اكيد بتقبلهن بكل رحابة صدر .. سواءا اهلي او اهلها ... وبدير بالي عليهن التنين ... بس انو ما بفضل يتدخلو بالشؤون الزوجية الخاصة يعني اللي بين الزوجين وكل كبيرة وزغيرة ... وهكذا ... انو بحدود المعقول ...:D

يعني لو ماني شايف أحد أصدقائي عم تتحول حياتو لجحيم هوي وأهلو .. ماكنت نزلت الموضوع من أصلو ...
بس هوي مابيعرف شو بدو يعمل ... وسألني .. وأنا ترددت بالإجابة .. وحبيت آخد رأيكن ...
سدقيني مروة ... مافي شي بين مرتو وأمو .. بالعكس متل العسل والقشطة .. بس أهلو كتير صعبين ...
يعني .. بينقو كتير ... وبيتدخلو بحياتن كتير ... وبدن يخلو البيت متل مابدن .. وأكيد مابيصير هالشي ..
بس مرتو عم تتحميل وساكتة .. والولاد .. كتير متدايقين .. ماعم ياخدو حريتن .. وكتير أثر ع درسن ..
بالإضافة انو كل من الأبوين .. يعني الأم والأب إجو لعند ابنن .. والأبن نيمن محلو هوي ومرتو ..
يعني بغرفتن النوم .. ومانقص علين شي .. عايشين ملوك ..
.
.
الزبدة .. انو صديقي .. رح يوصل هوي ومرتو لحالة من الجنون ... يعني اتخربطت كل حياتن ...
هوي الموضوع بالزبط .. انو أبوه عمل عملية ... وصرلو عندو شي شهر ونص ..
والمصيبة انو عندو كذا خي أعزب .. وماحدا غيرو عم يهتم بأبوه .. يعني مانو شب عاطل بالعكس ..
كتير آدمي .. وبيحب أهلو .. بس كمان أهلو مارح يأبدو معو .. ومافيه يخسر عيلتو ..
ف .. بدنا حل يرضي الطرفين ...
وشكراً إلك ... :D
.
.
.
THE,unforgiven ..."

أنا بعرف عيلة مرقت بهالظرف .. مرا كبيرة مرضت و صار لازمها مين يلم من تحتا يا حرام .. عندها 4 بنات و كلن متزوجات ، توصلوا لحل انو أمهن تقعد عند كل وحدة فيهن 3 شهور ، اللي ست بيت و بتقدر تعتني بأمها يكتر خيرها (و كلهن ستات من ال50 سنة و طالع و ولادن شباب و صبايا يعني تكلة) .. و اللي وضعها صعب بتجيب ممرضة أو خادمة تساعدها .. يعني بالنهاية الأم حبلت بولادها كلهن 9 شهور و ربتهن و تعبت عليهن .. فما أقل من انو ولادها يشيلوها بكبرتها و يداروها .. الكل بدون استثناء و ما خص متزوج و عزابي .. الكل مسؤول و مطالب ..

اهلي على عيني وراسي واهلها كمان بستقبلن بكل رحابة صدر وبقوم بواجبن على اكمل وجه بس بحال صارت مشكلة بيني وبين زوجتي مابسمحلن يتدخلو ابدا ولو الزوجة دخلت اهلها بمشاكلنا فبفضل انو تضل ببيت اهلها احسن

بس أهلو كتير صعبين ...
يعني .. بينقو كتير ... وبيتدخلو بحياتن كتير ... وبدن يخلو البيت متل مابدن .. وأكيد مابيصير هالشي ..
بس مرتو عم تتحميل وساكتة .. والولاد .. كتير متدايقين .. ماعم ياخدو حريتن .. وكتير أثر ع درسن ..
بالإضافة انو كل من الأبوين .. يعني الأم والأب إجو لعند ابنن .. والأبن نيمن محلو هوي ومرتو ..
يعني بغرفتن النوم .. ومانقص علين شي .. عايشين ملوك ..
.
.
الزبدة .. انو صديقي .. رح يوصل هوي ومرتو لحالة من الجنون ... يعني اتخربطت كل حياتن ...
هوي الموضوع بالزبط .. انو أبوه عمل عملية ... وصرلو عندو شي شهر ونص ..
والمصيبة انو عندو كذا خي أعزب .. وماحدا غيرو عم يهتم بأبوه .. يعني مانو شب عاطل بالعكس ..
كتير آدمي .. وبيحب أهلو .. بس كمان أهلو مارح يأبدو معو .. ومافيه يخسر عيلتو ..
ف .. بدنا حل يرضي الطرفين ...
وشكراً إلك ... :D
.
.
.
THE,unforgiven ..."

لما في اخوة عزابية ولما الوالدة لساتها عايشة مو من العدل ياكلها الابن المتزوج ،
بهالحالة هي يحط كل واحد من الأبناء شوي من راتبو ويجيبو خادمة لأبوهن ويضل كل واحد ببيتو .. وكل عام وهني بخير ..

الاهل بكل تأكيد مقدسين ..
طبعا في حال كان بيعامل اهلي بطريقة منيحة انا كمان رح عامل اهله بطريقة منيحة
وحتى لو وصلت الامور للطلاق و صارت الحياة جحيم واذا شريكي مارضي بوجود حدا من اهلي بالبيت فأنا على اتم الاستعداد اني اترك البيت و روح لعند امي المريضة او ابي المريض لا سمح الله حتى لو بدي اتطلق
اهلي مقدسين وما بتخلى عنهم
لاني ما بتوقع اولادي يتخلو عني مستقبلا لأي سبب كان

هاد الموضوع متشعب انا برأيي ازا بيت الاهل كان قريب كتير من بيت لولاد ساكنين فوقهم او تحتهم احسن حل يجيبو خادمه طبعا يتحمل نفقتها كل الابناء ويضلو كبار هالسن ببيتن منشان راحتهم لأنو بيت الاولاد بكون فيه اطفال صغار وهالشي بقلل من الهدوء والسكينه اللي محتاجها كبير السن
اما ازا مكان السكن بعيد لازم حد من لولاد يسكن قريب من الاهل وازا تعذر هالشي الاهل يتنقلو لسكن قريب او يعيشو مع ولادن
وكل واحد يتخيل حالو بعد 30 او 40 سنه بنفس الموقف وكيف بحب يتعامل يعامل اهلو

واجب الولد كبير نحو اهله.. لا شك... ومن غيرو رح يعتني بهم بكبرتن!
بس احيانا بتلاقي اهل ما في أخف منهم.... وأحيانا بكونو متل الهم ع القلب... وهذا يعود لوعيهم و منطقهم...

هيي هالعلاقة بين <اهل - ابن> ما علاقة فجائية و انما تتبلور و تتحجم مع الزمن.... وعلى الولد ان يعلم اهله كما هم يعلموه.... يعلمهم كيف يطرحون عليه اراءهم ولا يفرضوها فرضا... يعلمهم انه قد يختلف معهم بوجهات النظر.. فليس من الضروري ان يكون نسخة عنهم.... وهكذا
فيبني معهم علاقة صحيحة لا ترهق احد الطرفين في المستقبل..

ضد انو ينحطوا اهلي او اهلي زوجي مستقبلا (لان صاروا اهلي كمان :?) .. بدار عجزة او مكان غير بيتنا او بيتن ...

يعني شالونا ونحنا صغار ..بدنا نشلين وهني كبار ....

مع انو ينجاب مو خادمة ... ممرضة ... صارت بعيلتنا كتير انو يجيبوا ممرضة بس مو هيي تهتم بكلشي ... مثلا لاخد الدوا والمصل والابر وهيك قصص ...(في حال المرض)

يعني من فترة سمعت بقصة ...

وحدي تجوزت واحد بعد حب تلات سنين ... من فترة مرضت امو وبدا عمليي وهوي بدو يساعد اهلو ..قامت قالتلو يا انا يا اهلك ... قام قلا اهلي ...
رأيي : مو هيك اللي بحب ... يعني المفروض طالما انتي بتحبيه كتير لازم تقليلو بضل عندا لتصح :pos: ...

الأهل دائما بالدرجة الأولى ولو شو ما صار
الحياة مو حلوى من دونهم
:D:D

انا ضد فكرة ادخال الأهل باي شكل بتفاصيل البيت والعائلة
حلو يكونوا متطلعين على جانب معين بس اطلاعن ما لازم يتعدى عن معرفة " اصدقاء العائلة "
بالنسبة الي سعدو يسعدن ويبعدن :lol:

انا ضد فكرة ادخال الأهل باي شكل بتفاصيل البيت والعائلة
حلو يكونوا متطلعين على جانب معين بس اطلاعن ما لازم يتعدى عن معرفة " اصدقاء العائلة "
بالنسبة الي سعدو يسعدن ويبعدن :lol:


سأتناول جانباً معيناً منه ... والذي لا يتطرق لسكن الزوجين مع الأهل ... بل انتقال الأهل إلي بيت الزوجين ..
بسبب مرض معين ... او حاجة للعناية المؤقتة ...



جانب العناية مو انن يتدخلوا بحياتن :?

هلأ الموضوع مش محتاج انو يصير منو مشاكل او هيك يعني
الأهل اللي تعبونا علينا عمر و بيكفي انهم اهلنا و هاي اهم اذا مرضوا و احتاجو للرعاية و العناية اكيد لازم نستقبلهم و لو كان الوضع متأزم شوي بنحطهم بعيوننا مشان نحاول و مع انو ما رح نقدر نوفيهم و لا نتفة صغيرة من اللي اعطونا اياه و تحملونا و بنفس الوقت مفروض انو ما نخلي وجودهم يأثر على العلاقة الزوجية و ما يكونلهم تدخل الا اذا صار لا سمح الله مشكلة و همي تدخلوا للصلح و الافضل انو ما يتدخلو و يضل الشي بين الزوجين و يفضل انو تكون علاقة الزوجين خاصة فيهم

كل حالة وخصوصيتها ..
يعني هل أهلي / أهلو بيفضلو يحتفظو بخصوصيتن .. ببيتن .. بتفاصيل تانية
فيمكن خيار الخادمة .. أريحلن وبيسمحلن ما يحسو أنو هني .. مزعجين .. او يكونو منزعجين في بيتنا

أما إذا هني بيفضلو يكونو معنا ( سواء أهلي أو أهلو ) .. فأكيد البيت هني جزء منو .. وهالعائلة هني جزء منها .. وأعتقد انو العلاقة الواعية بين الزوجين قادرة تتأقلم مع وجود الأهل وتلاقيلو طريقة ما يكون فيها مسيء لحياة العيلة

مم بغض النظر عن الحالة... لما الزوجين حيشوفو انو الاهل حيسببولون مشكلة بحياتون الزوجية،
فالافضل انو الاهل يضلو بـ بيتون وبهالحالة هني مرتاحين وماحاسين بتقل ع حدا.. والولاد ممكن يجيبو وحدة ممرضة تضل اعدة ليل نهار عند الام او الاب..وبهالحالة هني دايما متطمنين انو في حدا عندن ومو تاركينون طبعا...


مع انو انا مو شايفة فيها هالحالة الدراماتيكية كتير...
انا تيتا وجدو من وقت قبل مايتجوزوا اهلي ولوقت ماتوفو وكان اعدين بـ بيتنا..وبحياتي ماحسيت بهالمعاناة..
وازا صارت معي هالاصة..هلا بماانو انا وجوزي حنكون عم نشتغل حتى لو احد الاهل اعد عندي بالبيت فـ اكيد في وحدة حتكون لتدير بالها عليه بكل الاوقات
:D

انا ضد وجود اي طرف من الاهالي وضد تدخلون با لامور الخاصه ..
وهدا ما بيعني اني بكرهون او ما بحبون او اني ما اقدر امن العنايه من كافه النواحي والجوانب ...بس بتكون بطرق مختلفه ...

طبعا اهلي الهن علي شيلهن بكبرتن شو ما كانت ظروفي و ما كتير بحبذ فكرة المركز الصحي
اذا مافي وقت كتير ففكرة الممرضة بالبيت ممكن تحل المشكلة.
انا بحكم تجربة شخصية,بقدر قولك انو الواحد بس يكبر بالسن يرجع طفل من اول و جديد:lol:
انا صارلي عايش فترة منيحة مع جدي و ستي, و فارق العمر طبعا كبير كتير
يعني شي 60 سنة:lol:
و لذلك في بعض الاحيان بيكون في تضارب بالاراء.
بس السر كلو يكمن بأنو تعامل الكبار في السن متل الاطفال
يعني انت بتقوم بدورالبالغ و هني اطفالك
و انا حاليا عم العب هالدور و مرتاح راسي
وبيني و بينك مكيف عالشغلة:oops:

:D

انو بدي ارجع قول انو لكل حاله وضع خاص فيها و التعميم بيكون غلط يعني انا مافيّ ( وافق \ ارفض ) على مضض بدون اخد التفاصيل بعين الاعتبار ..
اضافه لانـّو شراء شقتين بنفس البنايه بيكون حل كتـير متبـع بالفتره الأخيره يعني هيك بيقدرو أهلي أو أهلو يحتفظو بخصوصيتهم و بنفس الوقت يكونو قريبين مننا و نفس الشي بالنسبه النا كأولادهم فينا نحتفظ بخصوصيتنا و نكون معهم .. و من هون لوقتها لكل حادث حديث :p ..


أما إذا هني بيفضلو يكونو معنا ( سواء أهلي أو أهلو ) .. فأكيد البيت هني جزء منو .. وهالعائلة هني جزء منها .. وأعتقد انو العلاقة الواعية بين الزوجين قادرة تتأقلم مع وجود الأهل وتلاقيلو طريقة ما يكون فيها مسيء لحياة العيلة



تماما تماما تماما ..

انا ضد وجود اي طرف من الاهالي وضد تدخلون با لامور الخاصه ..
وهدا ما بيعني اني بكرهون او ما بحبون او اني ما اقدر امن العنايه من كافه النواحي والجوانب ...بس بتكون بطرق مختلفه ...
اي انا ايضا ضد تدخلهم بالأمور لمجرد رغبتهم بالتدخل بالامور و هالأمر سـواء كانو عايشين لحالهم أو بالبيت عندي اذا الزوجين بيناقشو مشاكلهم عالعلن و بيحكو فيها للناس و بيسمحو لأي شخص يتدخل بيناتهم فهالشي ما بيحتاج لوجود الاهل بنفس المنزل ليفسحلهم المجال بالتدخل ..