الموت نصيب كل انسلن لا أحد يمكنه أن يتحكم به كيف سيأتي أو متى أو لماذا...
الأرامل هو الموضوع الذي يشغل تفكيري في الفترة الأخيرة فالأرمل أو الأرملة فقدوا شريكهم في الحياة...
في مجتمعنا من الطبيعي أن يتزوج الرجل بعد وفاة زوجته صغيرا كان أم كبيرا..أما المرأة فان زواجها من رجل بعد زوجها..

أمر غير مرغوب فيه من كثير من الناس..لا يتقبلون هذه الفكرة ويرفضونها..وحتى المرأة بمجرد التفكير في الزواج بعد وفاة زوجها تتردد وتشعر بأنها على خطأ اذا أقدمت على الزواج..لكن ما لا يفهمه الكثيرون أن المرأة خصوصا ان كانت صغيرة في السن فان لديها حاجات فيزيولوجية لا ارادية تدفعها الى الرغبة في وجود شريك لديها...
هل عدم تقبل الناس هذه الفكرة أو حتى المرأة نفسها..مرتبط بالعادات التي ترفض هذه الفكرة أم بالتربية الشرقية أم...
وكيف السبيل الى تغير هذه الفكرة المسبقة(الخاطئة)عن زواج الأرامل.
:D

الأرملة حالها حال المطلقة ،
زواجها منو مقبول اجتماعياً وكأنها قطعة لحمة منتهية صلاحيتها .. بتثير الرعب وما بتجذب غير الحشرات ..


وكيف السبيل الى تغير هذه الفكرة المسبقة(الخاطئة)عن زواج الأرامل.
ولا شي ، بسيطة كتير

انو يبطلو ينظرو للأرملة أو المطلقة على إنها عورا وعرجا ومكسورا .. وما يحكمو عليها بالنفي ،
ويتعاملو معها من منطلق انها انسان وبيحقلو يعيش ويتنفس ..

ما عرفتك :lol:!! ..........شو هالفصاحة هاي

ما هوي عنا مقولي "مهما صار بضل زلمي" (مع انو في عمليات بسيطة بتغير هاشي بس هيك بئولو:shock:)

بخصوص الارملي...بكمان بيكون عندها شعور قاتل بالوحدي..
وحتى ولادها بعد ما بيكبروا وبصيرو مستقلين...بعد ما ربتهن وعيشتهن لوحدها :cry:..

بتلائيهم اكتر مين بيرفوضو فكرة زواج امهن:? .. يمكن تكون لحالها وما بزوروها غير بالاعياد..ومع ذلك بيرفضو.. وبيعتبروها خياني:pos:..



مشان هيك في مقولي تانية بتئول "عوجا" :lol:



:D

موضوع يستحق النقاش

هلا بصراحه النظرة للأرملة كتير افضل من المطلقة لأنو هاي زوجها مات مبينه اما المطلقة بضل هاجس عند الناس ليه طلقت ؟
اما مسألة ارتباط الارملة في عدة عوامل بتحددها
1- عمر المرأة 2- ازا عندها ولاد وعدد الاولاد 3- عمر زواجها مع زوجها السابق
4- الاستقلال المادي الها
مسألة الارتباط بتعتمد على هاي الامور ومو دايما الحل بكون انها ترتبط بالعكس ازا الارتباط بخليها تخسر اطفالها انا بشوف الافضل انها تبقى حاضنيتهم .وولادها اهم من علاقة زوجية بعلم الغيب ممكن ما تكون ناجحه

ما عرفتك :lol:!! ..........شو هالفصاحة هاي
هوي مدري ليش هاسس حالي ماكتب موضوع تعبير(مقدمة و عرض...):lol:

المراه المطلقه او الارمله لها حقها ان تعيش وتتمتع بحياتها كاى امراه لانها ليس لها ذنب بما حدس لها فاذا كانت مطلقه فهى مرت بتجربه وعليها ان تتخذ منها عظه لكى لا تقع مره اخرى فى نفس الخطا اما الارمله فيعينها الله اذا كانت تعول اولادا صغار

يعني يا شباب، هذا الموضوع كتير مهم، وفعلاً يجب علينا أن ننمّي المقدرة لدينا على نقد الذات، ونقد أفعالنا. النقد ليش شيء سلبي، بل وسيلة للترقي، بمعنى علينا أن نفكر فيما إذا كان ما نفعله جزء من عادات وتقاليد بالية أم أنه صحيح ويجب علينا إتباعه.

الموضوع المطروح لو فكرنا فيه، لوجدناه عبارة عن عادات وتقاليد بالية وضعها أسلافنا. هل ممكن أن نرضى باستخدام الإبل للنقل كما كان يفعل أجدادنا؟ بالطبع لا، إذاً لماذا علينا أن نقبل بمبدأ أن المرأة مختلفة عن الرجل، وأن الرجل يتمتع بحقوق لا تتمتع بها المرأة. لماذا تعتبر المرأة (المطلقة، الأرملة) عار، أو عيب؟ ولماذا لا يعتبر الرجل المطلق أو الأرمل عاراً؟

لا أجد مانع من أن تتزووج الأرملة، ولكن المهم أن ندرك أيضاً المغزى من الزواج، فهو ارتباط روحاني قبل أن يكون جسدي وفكري، والغاية من الزواج هو إنجاب أطفال وتنشئتهم تنشئة صحيحة بحيث يخدموا البشرية بشكل أفضل مما نحن نخدم البشرية به.:p

المهم،أرجو أن يكون ردي عاجبكم يا جماعة... والسلام ختام

لو اتبع كل انسان كلام الناس سيجد الكثير منه لا يعجبه ولكن افول للارمله الا تياس من رحمه الله واذا وجدت زوج يناسبها فالتتوكل على اللهوتعيش بقيه حياتها ولا تعيش على ذكرى فد مضدت لن تعيد لها شبابيها ولن تعينها على متطليبات الحياه من كل نواحيها

موضوع يستحق النقاش

هلا بصراحه النظرة للأرملة كتير افضل من المطلقة لأنو هاي زوجها مات مبينه اما المطلقة بضل هاجس عند الناس ليه طلقت ؟
اما مسألة ارتباط الارملة في عدة عوامل بتحددها
1- عمر المرأة 2- ازا عندها ولاد وعدد الاولاد 3- عمر زواجها مع زوجها السابق
4- الاستقلال المادي الها
مسألة الارتباط بتعتمد على هاي الامور ومو دايما الحل بكون انها ترتبط بالعكس ازا الارتباط بخليها تخسر اطفالها انا بشوف الافضل انها تبقى حاضنيتهم .وولادها اهم من علاقة زوجية بعلم الغيب ممكن ما تكون ناجحه

بس مابظن النظرة للأرملي افضل بكتير بالنسبي لهالموضوع
لا تنسي المطلقة صار في خلاف بينها وزوجها..وتركوا..
بس الأرملي زوجها توفى ويمكن كانت معو كتير سعيدي..
فهالشي بيخلق مشكلتين..االأولى انو يمكن هيي تحس بزواجها خياني لزوجها الأول..
والتاني هيي متل ما قال جيمي الولاد بيرفضو وبشدي لنفس السبب..

بس مابظن النظرة للأرملي افضل بكتير بالنسبي لهالموضوع

لا تنسي المطلقة صار في خلاف بينها وزوجها..وتركوا..
بس الأرملي زوجها توفى ويمكن كانت معو كتير سعيدي..
فهالشي بيخلق مشكلتين..االأولى انو يمكن هيي تحس بزواجها خياني لزوجها الأول..
والتاني هيي متل ما قال جيمي الولاد بيرفضو وبشدي لنفس السبب..

هلا الارملة اكيد انو زوجها الاول رح يكون الافضل لأنو اخدها وهي لم يسبق لها الزواج اما المقارنه اكيد وقت ما تقارن لازم تقارن انو هي اصبحت ارملة لهيك سقف المواصفات تبعها اكيد رح ينزل
بنسبه للولاد حسب عمرهم وقت يكونو اطفال صغار مو كتير بيدركو شو يعني زواج امهم

بس انا حبيت اطرح شي بيتفرع عن الموضوع ع الاغلب الارملة بتتزوج اخو زوجها
وهاد بيطرح موضوع جديد عن فكرة هاد الزواج وايجابياتو وسلبياتو ياريت اعرف رأيكم

بس انا حبيت اطرح شي بيتفرع عن الموضوع ع الاغلب الارملة بتتزوج اخو زوجها
وهاد بيطرح موضوع جديد عن فكرة هاد الزواج وايجابياتو وسلبياتو ياريت اعرف رأيكم

الايجابيات أنو ممكن يكون أخ الزوج يعطف عـ ولاد خيّو أكتر من أي حدا تاني...
أما السلبيات..الزوجة كل ما رح تتطلع بوش أخو زوجها رح تتذكر زوجها (المرحوم) وتشوف الشبه بيناتون وأديش كان أحسن من خيو..وأديش كانت محظوظة...

بس أنا ماني مع هل الفكرة..ليش مابعرف..بـــــــــــــــــ ــــــــس..ماني معها.
:D

المرأة هي من يقرر
إذا كانت الأرملة أو المطلقة تريد الزواج ، فلتتزوج .

إذا الوحدة بدها تطلع عالعادات والتقاليد والذي منو ..بعمرها ما بتعييييييييييش ..:shock:

الايجابيات أنو ممكن يكون أخ الزوج يعطف عـ ولاد خيّو أكتر من أي حدا تاني...

أما السلبيات..الزوجة كل ما رح تتطلع بوش أخو زوجها رح تتذكر زوجها (المرحوم) وتشوف الشبه بيناتون وأديش كان أحسن من خيو..وأديش كانت محظوظة...

بس أنا ماني مع هل الفكرة..ليش مابعرف..بـــــــــــــــــ ــــــــس..ماني معها.
:D

في شي اسمو نسيان والمرأة ازا قررت الارتباط مجددا معناتا عندا نية نسيان زوجها الاول
وبجوز ازا اخو اصغر واحسن تعتبر حالها محظوظه
بنفس الوقت ضلو ولادها معها

في شي اسمو نسيان والمرأة ازا قررت الارتباط مجددا معناتا عندا نية نسيان زوجها الاول
وبجوز ازا اخو اصغر واحسن تعتبر حالها محظوظه
بنفس الوقت ضلو ولادها معها

ما هوي قوانينا ظالمي :cry:..

ممكن الارملي تتزوج اخو زوجها عحساب سعادتها وراحتها..
مشان تضل حد ولادها :pos:..

قوانينا ظالمي :cry:..

في شي اسمو نسيان والمرأة ازا قررت الارتباط مجددا معناتا عندا نية نسيان زوجها الاول
نسيان!!..لي النسيان بـ ايد الواحد لحتى يقررو ولا لأ
الواحد حبيبتو (اذا تركها) بيتذكرها من فترة لفترة..كيف زوجتو لكن:shock:

ممم..ما بظن انها تنساه:humm:

وبجوز ازا اخو اصغر واحسن تعتبر حالها محظوظه يمكن:pos:

بنفس الوقت ضلو ولادها معها

متل ما قال jimy هون بتبين القوانين عنا أديش ظالمي:x
وعـ الأغلب رح تعمل هيك ميشان ولادها

قال يعني الحظ مقتل بعضه ,يلي مات زوجها وترك لها كومه ولاد لح يكون منتظرها حياه سعيده مع زوج جديد ,انا بتصور انها لح تجيب لحالها مشاكل تانيه هي بغنى عنها ,والافضل تهتم بولادها.

برأي الهاجس الأساسي سيكون الأولاد وطريقة تعامل زوج الأم معهم
يعني الرجل معروف أنه يغار من اهتمام زوجته باولاده خصوصا أول مولود فكيف باولاد ليسوا باولاده

تتردد وتشعر بأنها على خطأ اذا أقدمت على الزواج



كيف ما كان ما تسالوني ليش، ما لازم تتردد و لازم تتزوج و المجتمع المزبزب المتقلب الغبي المتاخر ما لازم انه يحد يحسبله اي حساب

بالنسبة للاطفال، الافضل انه يكون الزواج من اخ الزوج و اذا لم يكن هناك فرصة تشترط الارملة حضانة اطفالها في العقد

هلا كيف بدهم يصرفوا الاطفال ، من المعلوم انه اليتيم اله كفالات ايتام مالية من كثير ناس من اللي عندهم اشي حي بداخلهم ، يعني رزقهم معهم و بتضل على الام انها بس ادير بالها على فلوس اطفالها الايتام و عدم مزجها بطرقة غير عادلة في بيت الزوج الجديد.

بصراحه ورح اعطيكم خلاصة الموضوع نصيحه لكل ارمله ازا كان عندها ولاد لاتتزوج وشو بدها بالزيجه اما ازا ما عندها ولاد مو غلط تتزوج بعدين وضع الارمله افضل بكتير من وضع سيدات متزوجات وازواجهم مو مصدر دخل الهم القصد انو مو الزواج رح يحققلها الامان وفي متل بقول
يا أرملة جودي علي عندها جوز

والله أنا برأيي إذا نسيت جوزا القديم وفيها تتجوز وحابة تتجوز ! تتجوز ما في شي قانوني بيمنعها

أما بخصوص المجتمع ! والله المجتمع ما بدو يحب الفكرة ( كتير منقدس منظر الأرملة الحزينة اللي عم تبكي الرجل وصعب نتجاهل هالشي ) بس يعني أحيانا ً لازم الواحد يضربا طناش عالمجتمع !

( بس أمي انا إذا عملتا - ونشكر الله ما رح تعملا - مستحيل ارجع احكي معها بحياتي )
يعني بالنسبة للأولاد لازم يعرفو أنو أمن قادرة تنسى أبوهن !! وتجيب شخص تاني هني مضطرين يتعاملو معه
يعني بهالحالة ما عاد القرار قرارها ( يعني في حال وجود ولاد ) لأنو يعني هي التزمت وقررت تجيب ولاد وصار مسؤوليتا تشاركن بالقرارات اللي رح تأثر عليهن

تاني شي عفوا ً يعني بدا تتجوز المرأة مشان الحاجات الفيزيولوجية ؟ :?
أنا بشوف الحكم المسبق " الخاطئ " هو هاد !
أنو بيزوجو الأرملة مشان ما تنحرف بعد جوزا ! مشان ما تضل بلا زلمي :shock::shock: !! مشان تلاقي حدا يصرف عليها :pos::pos::pos:

:mimo:

بعتقد انو المجتمع اتأقلم اكتر مع هالفكرة
يعني مابقى كتير يستغرب من هالموضوع وصار يتفهم انو هاد الشي طبيعي

الحي ابقى من الميت
بس دايما بيكون المشكلة بوجود الاولاد ... هون لازم الاختيار يكون كتير دقيق

تاني شي عفوا ً يعني بدا تتجوز المرأة مشان الحاجات الفيزيولوجية ؟ :?
أنا بشوف الحكم المسبق " الخاطئ " هو هاد !
أنو بيزوجو الأرملة مشان ما تنحرف بعد جوزا ! مشان ما تضل بلا زلمي :shock::shock: !! مشان تلاقي حدا يصرف عليها :pos::pos::pos:

:mimo:



أنا ما كان أصدي هيك:pos:..المرأة اذا ترملت عن عمر صغير بيكون عندها حاجة لوجود شريك
وبالتالي من حقها أنها تتزوج.

يعني بهالحالة ما عاد القرار قرارها ( يعني في حال وجود ولاد ) لأنو يعني هي التزمت وقررت تجيب ولاد وصار مسؤوليتا تشاركن بالقرارات اللي رح تأثر عليهن


و ليش بقى ؟!! :shock:
على عيني و راسي الولاد مسؤولية و لازم نكون قدا

بس غالباً الأرملة لما بتجي لتتجوز بتكون صغيرة نوعاً ما
و بالتالي ولادا صغار يعني مو ناضجين كفاية
ليشوفوا الموضوع بحيادية و يعطوا قرار حكيم

و غالباً بيكونوا معارضين لأنو ما بيتقلبوا فكرة انو يحل حدا مكان أبوهن
أو انو يجي مين يشاركهن بأمهن

و بهالتفكير اللي قد ما حاولنا نتفهمو إلا انو بيضلو أناني
لأنن بهالحالة بيكونوا عم يتجاهلوا رغبة و أحاسيس هالإنسانة
اللي ما بقى ييحقلها تكون غير مكنة لتلبي إحتياجاتهن

و آخر شي بتروح من كيس مين ؟؟
من كيس هالمرا اللي فوق حزنها و ألمها لفقدان أبو ولادها
بيرفض محيطها انو يعطيها فرصة تانية لتكمل مع شخص
ممكن تعيش معو كام يوم حلوين قبل ما الله ياخد أمانتو

ازا كانت صغيري ومافي ولاد وقدرت تنسى جوزا او انو بغض النظر عن قصة النسيان .. ازا قدرت ... اي تتجوز ..ليش لاء

ازا كانوا الولاد صغار ... وكمان قدرت مافي مشكلي ... بس بظن المشكلي في حال كانوا الولاد كبار ..بهيك حالي مابتخيل هيي رح ترضى ولا ولادا رح يرضوا ... بس بنفس الوقت ممكن تكون عاديي وممكن تكون قاسيي هالشغلي عالولاد ويرفضوها يعني ..

كل قرار بالدنيا يتخذ بالمشاركة مع الناس اللي بيأثر فيهن

أنا كان فيي قول بكل مثالية انو اي تتجوز ومدري شو !
بس بالواقع يعني إذا أمي بتتجوز بتكون اختارت تخسرني بنوب والبتة ونهائيا " كما أنو في شغلات إذا بقررها أنا بخسرها هي وهكذا " ..
فلذلك يعني تتجوز إذا فيها تتحمل الخسائر " واللي يمكن يكونو ولادا ومشاعرن "

كل قرار بالدنيا يتخذ بالمشاركة مع الناس اللي بيأثر فيهن


أنا كان فيي قول بكل مثالية انو اي تتجوز ومدري شو !
بس بالواقع يعني إذا أمي بتتجوز بتكون اختارت تخسرني بنوب والبتة ونهائيا " كما أنو في شغلات إذا بقررها أنا بخسرها هي وهكذا " ..

فلذلك يعني تتجوز إذا فيها تتحمل الخسائر " واللي يمكن يكونو ولادا ومشاعرن "


بس أنا هون ما عم بحكي مثاليات و آراء مو مقتنعة فيا حتى العالم تصفقلي .. و رفض أو قبول الموضوع بيرجع لطريقة الأبناء بالتعاطي مع الموضوع ... يعني إذا بدن ينظروا لأمهن المقبلة عالزواج على أنها مو مخلصة لروح أبوهن و انو يا لطيف هلأ ما عاد فيها تعيش هالكام سنة بلا رجال و يخافوا من حكي العالم أكيد رح تكون الفكرة مستهجنة و مرفوضة تماماً بالنسبة الهن .. لكن إذا الأولاد شافوا بهالارتباط سعادة لهالإنسانة يلي هيي أمهن و يلي بعد فترة هنن رح يتركوها وحيدة و يروحوا كل واحد منن بطريقو لأنه هي هيي سنة الكون ، و هالشخص اللي رح ترتبط فيه (إذا ما بدنا نحكي جنس مع انو الموضوع برأيي ما ممكن تجاهلو) رح يكون رفيق الها و أنيس لوحدتها و يمكن حتى تشوف معو سعادة ما شافتها مع الأب المتوفى ، فهون بيتهيأ لي انهن رح يتقبلوا الموضوع ...
ذكرني هالنقاش بحلقة من مسلسل سيرة الحب بطلتها الممثلة نادين خوري ..

ج1 ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ج2 ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

تحياتي
:D

أنا مع ثم مع ثم مع الأرمله اذا ما كان عندها أولاد ترتبط و ما بشوف في أيّ شي يمعنها, انما في حال وجود أولد د - بغض النظر عن العمر - فهـون بتجي الأولويات بالحياه لتلعب دورها ..
يعني وقتها الأم بتـحدد أولوياتها و على أساسها بتتزوّج أو لاء .. و طبعا متل ماقالت ميمو قرارات العائله لازم تكون مشتركه مش فرديه او هالشي لازم تكون الام (( او الاب في حال كان الوضع معكوس )) مدركين انو من لحظه اللي بقررو يجيبو ولاد و يشكلو اسره صارت قراراتهم مش فرديه لّا انو الأمر بيرجع للأم و أولوياتها و الشكل اللي حابه تكمّل فيه حياته و لازم تكون قد النتائج في حال كان في نتائج سلبيه ..:D

كل قرار بالدنيا يتخذ بالمشاركة مع الناس اللي بيأثر فيهن

أنا كان فيي قول بكل مثالية انو اي تتجوز ومدري شو !
بس بالواقع يعني إذا أمي بتتجوز بتكون اختارت تخسرني بنوب والبتة ونهائيا " كما أنو في شغلات إذا بقررها أنا بخسرها هي وهكذا " ..
فلذلك يعني تتجوز إذا فيها تتحمل الخسائر " واللي يمكن يكونو ولادا ومشاعرن "


ما بعرف.. بس يمكن بعد عشر سنوات من الترمل.. يمكن بيحق للمرأة انها مثلا تعيش قصة حب.. وبعتقد انو لازم الاولاد يحترمو رأيها متل ما هيي لازم تحترم رأيهون وخياراتهون بحياتهون.. ومع فائق احترامي يمكن منكون ظالمين كتير اذا منحط حالنا بميزان مع زواجها "يعني يا نحنا يا الزواج" هادا ظلم كبير..
متل كمان ما بيكونو الاهل ظالمين لما ما بيوقفو جنب قرارات أولادهون "طبعا القرارات المعقولة!!"

مين اللي قال انو حياتها اتوقفت بعد موت زوجها.. ومين اللي قال انو هيي شخص مكرس نهائيا لخدمتنا.. ومين اللي حكم عليها انو لازم تحلم من خلال أحلامنا.. وتعشق من خلال عشقنا.. مين!!
اذا كان الشخص كويس كتير يمكن يساعدها ويوقف جنبها جنب أولادها.. وفي اشخاص كتير بعرفهون صارت معون هي الظروف واتجاوزوها و زوج الامصارت علاقتو علاقة صداقة مع الاولاد..

تناول اليوم مسلسل اهل الغرام هالموضوع :pos:..
وكان البنت (بنت الأرملي يعني) هيي السبب بعدم الرتباط ..
بينعاد بكرا الجمعة الساعة 4 (يمكن)

اي بعرف ... و كنت عم بتذكر نقاشنا أنا و عم بتفرج عالحلقة .. و صممت على رأيي أكترمن الأول ...

تناول اليوم مسلسل اهل الغرام هالموضوع :pos:..
وكان البنت (بنت الأرملي يعني) هيي السبب بعدم الرتباط ..
بينعاد بكرا الجمعة الساعة 4 (يمكن)

اي بعرف ... و كنت عم بتذكر نقاشنا أنا و عم بتفرج عالحلقة .. و صممت على رأيي أكترمن الأول ...
شوفو لو قلنا كل حاله الها ظروفها كانت هالبنت بهاي الحاله انانية كتير لأنها وقفت بطريق اما

ليس من صلاحية التقاليد الآسرة , أن ترسم حياة أيّ إنسان رجلُ كان او امرأة

لكلّ إنسان خط سيره الخاص به, المسؤول عنه امام الله

وأمام نفسه ,,

ومن يريد ان ينتقد فليفعل مايشاء,, طالما رأيه غيرُ مفروضٍ على أحد !

أرى بأنها حرّة بنفسها أرادت الزواج أم لا,,


سؤالُ طار من نافوخي : لماذا مواضيع الزواج تشغل بال العالم العربي أولاً وثانياً وثالثاً ؟

ما بعرف.. بس يمكن بعد عشر سنوات من الترمل.. يمكن بيحق للمرأة انها مثلا تعيش قصة حب.. وبعتقد انو لازم الاولاد يحترمو رأيها متل ما هيي لازم تحترم رأيهون وخياراتهون بحياتهون.. ومع فائق احترامي يمكن منكون ظالمين كتير اذا منحط حالنا بميزان مع زواجها "يعني يا نحنا يا الزواج" هادا ظلم كبير..
متل كمان ما بيكونو الاهل ظالمين لما ما بيوقفو جنب قرارات أولادهون "طبعا القرارات المعقولة!!"

مين اللي قال انو حياتها اتوقفت بعد موت زوجها.. ومين اللي قال انو هيي شخص مكرس نهائيا لخدمتنا.. ومين اللي حكم عليها انو لازم تحلم من خلال أحلامنا.. وتعشق من خلال عشقنا.. مين!!
اذا كان الشخص كويس كتير يمكن يساعدها ويوقف جنبها جنب أولادها.. وفي اشخاص كتير بعرفهون صارت معون هي الظروف واتجاوزوها و زوج الامصارت علاقتو علاقة صداقة مع الاولاد..



أنا مع هالرأي جداً جزيلاً


يعني المرأة بالنهاية انسان .... بغض النظر ان كان عندها أولاد أو لا ..



و معارضة الابناء بهالحالة .. يعتبر نوع من أنواع الانانية

أنا مع هالرأي جداً جزيلاً


يعني المرأة بالنهاية انسان .... بغض النظر ان كان عندها أولاد أو لا ..



و معارضة الابناء بهالحالة .. يعتبر نوع من أنواع الانانية

نكشة هالموضوع مانا لله ..

:p

نكشة هالموضوع مانا لله ..

:p
نفس الشي اجا ببالي
سامر ليكون حاط عينك ع شي ارمله مهو الحب اعمى

نكشة هالموضوع مانا لله ..

:p
أنو نكش يا زلمي..؟؟
الموضوع كان بالصفحة الاولى بالصالون ... و كنا سهرانين أنا و الكاس و الملل تالتنا :larg:


بس هلأ لفتت نظري لشي مهم .... أنو الحالة كتير داقرة بالصالون ..
يعني آخر رد كان الو 3 اسابيع .. و مع هيك الموضوع بالصفحة الاولى :?

أنو نكش يا زلمي..؟؟
الموضوع كان بالصفحة الاولى بالصالون ... و كنا سهرانين أنا و الكاس و الملل تالتنا :larg:


بس هلأ لفتت نظري لشي مهم .... أنو الحالة كتير داقرة بالصالون ..
يعني آخر رد كان الو 3 اسابيع .. و مع هيك الموضوع بالصفحة الاولى :?
الله يخليلي ياك.. ما حدا التكش رأيي غيرك..:oops:
ياعمي جماعة دريكيش غييييييير:D

بعد التحية للخت الكاتبة
الحل الوحيد تثقيف المجتمع الشرقي , انا شخصيا لا اجد في الارملة او المطلقة عيب يذكر بل العيب في عين من ينظر اليهن بعيب فلو خير بالزواج من مطلقة او ارملة تناسبني سنا وثقافة فلن اجد الحرج في ذلك لكن اخواتي كل الاحترام/اخوكم رائد فلسطين:D

بعد التحية للخت الكاتبة متحكيني إلي عمو!!؟

اهلين عمو الك كل الخير يا رب:D