-
دخول

عرض كامل الموضوع : جديده معكون..

سلام الشام
15/03/2009, 09:12
إخوتي بهالمنتدى الظريف... تحيه قلبيه لكم ورغبه في معرفتكم وتبادل الرأي والتجارب والأفكار والخواطر..

شو في كمان نسيتو ؟؟..:shisha:

نسيت قلكون.. أنا سورية الأم :dl: سعودية الأب.. وعاشقه لدمشق مدينتي وعايشه جوا صمصوم ألبي..
بعيد عنها وعن أهلي بالشام بسير متل السمكه بره المي... يعني بسير بلعط بأرضي لحد ما إرجع للشام.

هواياتي متعدده ما شاء الله.. إشي رسم وإشي تصوير وإشي هندسه ديكور إلي هي تخصصي..

ولهون بكفي..:ohyeah:. حاجتي.
leonardo_dicabreo
15/03/2009, 09:28
أهلا وسهلا شرفتينا !!
من الصالون:D
أم الجود
15/03/2009, 11:06
أهلا وسهلا فيكي :D
سورية سعودية ؟؟!!
جيتي و الله جابك :lol: ما تسألي ليش ..
معك معك بتعرفي ...
inodessa
15/03/2009, 11:19
سورية سعودية ؟؟!!
بعضي يمزق بعضي مو!:lol:

بس باينتك طالعة لخوالك... بكرة ببين بالاوقات الصعبة..:lol:



اهلا.....:D
ورده بغداد
15/03/2009, 12:12
على الرحب والسعة
مودتي
Ultimat_Ya
15/03/2009, 12:15
اهلا وسهلا فيكي بامنتدى
وان اشا الله يعجبك
el3ageed
15/03/2009, 13:25
و أنا سوري الأم..................... و سوري الأب كمان ...:o:ss:
أهلا وسهلا فيكي ... يلا بلعطي عنا هون ... بلكي بنكسب سواب بأهلك ...:lol:
سلام الشام
16/03/2009, 08:11
شكراً للكل عالترحيب وإن شاء الله مع الوقت بتعرفوني منيح...
هلق من ناحية جيت وألله جابني... فبتمنى إنو يكون الأمن مستتب عندكون متل ماهو مستتب عند أهلي بالبيت..
وشيت إنو طالعه لخوالي فهي حزرتوها مظبوط.... ومو بس أنا... أنا وكل إخوتي مخولين.. الكوع عنا لفته حاده شوي فلف عالشام...
وبحب بلديني الإتنين... متل البكج يعني.."package".. بيجو سوا.:cs:.. متل ما طول عمر هالبلدين سوا بصرف النظر عن بعض الأوقات الصعبه إلي ما بعتبر لها وجود مقابل التاريخ الحلو والمستقبل الأحلى إن شاء الله..:dc:

إي بقى.... شو قصة مع الوقت رح أعرف إنو جيت وألله جابني.... مو منشان شي.. بس منشان بصلتي المحروقه دائماً...
خطي... تفحمت هالبصله.
سلام الشام
16/03/2009, 08:17
بدكون تعزروني يا جماعه.. بالغلط نزلت ردي السابق بموضوع بدل ما يكون رد على مشاركه.. وما عاد قدرت إمسح الموضوع..
بمنتديات تانيه ما فيك تمسح الموضوع بس فيك تمسح مشاركه... فهل عندكون نفس الشي ؟؟
منشان الله ما تواخذونا.
سلام الشام
16/03/2009, 08:22
بعضي يمزق بعضي مو!:lol:

بس باينتك طالعة لخوالك... بكرة ببين بالاوقات الصعبة..:lol:



اهلا.....:D

بالأوقات الصعبه... بتلاقوني واقفه عالحدود.... تماماً متل غوار.... وقاعده عم إبكي واندوب حظي..
بس بعدين بقوم... وبنفض الغبار عني... وبلبس طاقية الحاكم العادل... أو معي صفارة شرطي المرور وعم نظم السير...
وبالأيد التانيه شي غصن زيتون وطالعلي جناحات حمامه بيضه وهالأجنحه بالنسبه إلي هنن متل قوات حفظ السلام
سلام الشام
16/03/2009, 08:35
أهلا وسهلا فيكي :D
سورية سعودية ؟؟!!
جيتي و الله جابك :lol: ما تسألي ليش ..
معك معك بتعرفي ...

خير اللهم إجعلو خير... شو صاير عندكون كمان...
منشان الله.. هربانه أنا من هيك حكايات...:fwaa3:
إن شاء الله الأمن مستتب عندكون. :peace::peace::peace:
أإأبو العبد
16/03/2009, 13:55
لك حيااااتي اتي :larg:
marioma alghzayala
16/03/2009, 14:42
اهلين منورة:D
سلام الشام
16/03/2009, 14:46
شو أبو العبد.... مارح تحكولي شو صاير معكون لحتى جيت والله جابني..

ليكون في نآرات وحكي متل إستناني بره لورجيك...:shahbi7:

جاي روق أنا... إيوا...:shisha:

وتحياتي...
سلام الشام
16/03/2009, 14:53
اهلين منورة:D

منور بصحابوا.... :hart::hart::hart:
كيفكون... وكيف هالبيت معكون....وكام أوضه هالمنتدى...
ودخلك في قبو ولا لأ.... وآل عندكون سجن.. صحي هالحكي..
لإنو عجبتني هالسمعه...:eek:. ويمكن كرمال هيك سجلت.
الماسة الشامية
16/03/2009, 15:32
هلا هلا فيكي

نورتي هون وهنيك وكل مطرح

:D
سلام الشام
16/03/2009, 20:16
هلا هلا فيكي

نورتي هون وهنيك وكل مطرح

:D

الله محي أصل المرحبين وإلي ما رحبو بس طلو... وتسلمو كلكون يا رب.

باينتو هالمنتدى حامي الوطيس فيه... بس لهلق المواضيع إلي قرأتها بتعكس أهم شي مطلوب بالعالم...

ألا وهو إحترام الإختلافات فيما بيننا وتقبلنا لهذه الإختلافات وإعتبارها جزء من نسيج جميل متلون بمختلف ألوان الطيف..

جميل أن نختلف... والأجمل ألا يفقدنا إختلافنا إحترامنا للغير ولأنفسنا.

سؤال عالسريع لأي حدا فيو يجاوب : المعتقلين عندكون شو بالعاده تهمتون ؟
sandra
16/03/2009, 22:03
اهلا وسهلا :D
من الصالون