وفاة عضو عزيز على قلوبنا جميعاً ...! [الأرشيـــــف]

THE_unforgiven

08/03/2009, 02:06

فكرة .. ليست بعيدة أبداً عن الواقع ...
تخيل يوماً ما .. وبينما تتصفح آخر المواضيع في أخوية ... تصعق بخبر رهيب ...
وفاة عضو (أو عضوة ) ... نعم من الأخوية ...
ماذا سيكون شعورك في الحالات التالية :
- في حال لم تكن على صلة من قبل بهذا العضو ..
- لو كان صديقك المقرب جداً ... (أقصد الأصدقاء ضمن أخوية طبعاً .. )
- في حال كنت على خلاف معه/معها ...
...
وأتمنى الخير للجميع .. ولكن فكرة .. وطرحت للمناقشة .. فقط من باب إعادة النظر في علاقاتنا ضمن أخوية ..
.
.
.
THE,unforgiven ... "

بنفسجة

08/03/2009, 02:21

هبطلي قلبي عالارض
هيدا شعوري مين ما كان العضو يلي ممكن يكون صار فيه هيك
هون باخوية الكل اخواتي وومكن اختلف واتفق معون
بس الكل بيهموني وبخاف عليون كتير

اللامنتمي

08/03/2009, 02:33

صدمة وَ ذهول وَ صمت وَ حزن وربما خوف

ذكرى وَ تذكر

ربما لن أستطيع الرد أو أتجاهل الموضوع برمته , لكنَ هذا الحدث سيتركُ أثرا ً كبيرا ً في نفسي

وَ أتساءل

هل يموتُ العضو بعدم ِ دخولهِ لهذا المُلتقى

ماذا يعني لكَ الموت ؟

THE_unforgiven

08/03/2009, 02:42

وَ أتساءل
هل يموتُ العضو بعدم ِ دخولهِ لهذا المُلتقى

بالطبع لا .. فستبقى لمسات قلمه . محفورة على جذع شجرة أخوية ... في قلوبنا ... وعقولنا ..
ماذا يعني لكَ الموت ؟
الموت ... يعني ... لي وبشكل خاص ... : راحة ... وسعادة ..
.
.
لكنك لم تجب على أسئلتي .. ماهو شعورك في الحالات الثلاث ..!؟
وتحية لك صديقي .. :D

باشق مجروح

08/03/2009, 02:45

عنجد ارتفع ضغطي . فكرت عنجد الموضوع
يعني احساسي لما قريت عنوان الموضوع بيلخص كيف لو كان الموضوع عنجد
نحنا هون كتير منا عيلة وحدة وفقدان واحد مؤقتاً من هالعيلة عم يزعجنا ويدايقنا
فكيف فكرة الفقدان الدائم . أكيد رح تكون محزنة كتير .
الله يحميكون كلكون

THE_unforgiven

08/03/2009, 02:51

بتمنى الكل يخبرني احساسو بالحالات الثلاثة .. :
- في حال لم تكن على صلة من قبل بهذا العضو ..
- لو كان صديقك المقرب جداً ... (أقصد الأصدقاء ضمن أخوية طبعاً .. )
- في حال كنت على خلاف معه/معها ...
.
.

أإأبو العبد

08/03/2009, 02:53

مابعرف خطر ببالي اكتر من عضو اول ماقريت الموضوع بعيد الشر عنن وعن الكل بس انو بعد ماقرأت الموضوع انتبهت لشغلة انو معقول لو الله لايقدر حد توفى ممكن انو ننسى خلافاتنا معو حتى لو كانت هالخلافات بمعتقداتنا معقول مابقى شي يقربنا من بعض الا الموت هاد اذا كان رح يقربنا

وبالنسبة الي مهما كانت درجة الخلاف او المحبة بيني وبين العضو وحتى لو مابعرفو بيكفي انو اتخيل رهبة الموقف وخصوصي بالنسبة لاهلو لحتى احزن مشانو

mhsen77

08/03/2009, 02:54

الموت حق
انتقال من الحياة الدنيا الى الآخرة
نحزن للفراق
لكن الموت حق

اممي

08/03/2009, 03:04

يلعن هالموضوع نشفت دمي
بعد كم يوم راح تكون سنوية راضي الله يرحمو
وانا وعم اقرا هالخبر رجعت سنة كاملة ورا

sweetangle

08/03/2009, 03:09

عن جد كنت رح تجيب خبري بهالعنوان.. :shock:
هلأ إذا ماكنت على صلة معو رح ازعل شوي..
إذا كان صديق مافيني اوصف شعوري.. لأن ما بعرف شو ممكن يصرلي لأن بهيك مواقف أنا بعترف اني كتير ضعيفة..
إذا كنت على خلاف معو رح ازعل كتير كتير لأن بيوم من الأيام زعلتو..
أما الموت بالنسبة إلي فهوي رحلة بلا عودة

رجل من ورق

08/03/2009, 14:06

صارت معنا السنة الماضية تقريبا بوقت مشابه
رحل عنا عضو كتير مقرب مني وبنفس الوقت ما متفقين انا وياه على شي
نزل علي خبر وفاته كالصاعقة وخبرت عدد من الاعضاء
بالنسبة الي لليوم بتذكره كل ما بفتح الفيس بوك وتطلع صورته قدامي او كل ما اكرق صوب بيته

cornholio

08/03/2009, 14:14

ك اكيد الخبر رح يزعلني لانو هون كلنا اخوة بعهد الله

صارت معنا السنة الماضية تقريبا بوقت مشابه
رحل عنا عضو كتير مقرب مني وبنفس الوقت ما متفقين انا وياه على شي

ايمتا هالحكي ؟؟؟!!!!

حنين.

08/03/2009, 14:22

والله حرام عليك ليش هالعنوان ناوي تقتل حدا:jakoush:
برجع للموضوع يارب دعيتك تجعل يوم وفاتي قبل اي انسان اعرفه

اكيد الموت هو الحقيقة المؤكدة الوحيدة رغم دلك تبقى مؤلمة ومدمرة
- في حال لم تكن على صلة من قبل بهذا العضو .. اكيد احزن عليه متل ما قال ابو العبد خصوصي اهلو واحبابو
- لو كان صديقك المقرب جداً ... (أقصد الأصدقاء ضمن أخوية طبعاً .. ) "بعيد الشر الله لا يقدر ما ممكن اتخيل شو ممكن يصرلي بس اكيد رح اترك اخوية وماعاد ارجع"
- في حال كنت على خلاف معه/معها ... "هيك بتكون مصيبة عظمى مزدوجة واثارها رح تمحي اللي باقي من شخصيتي اكيد بدها تكون عقدة دنب تعدبني طول حياتي"

..Jimy

08/03/2009, 14:27

الله معو بلكي بيخف الضغط شوي عالسيرفر...:shock:

Barleb

08/03/2009, 14:29

هلا غير أنو الموضوع مكرر .. و انو هل موضوع بـ التحديد بـ تتميز فيه منتديات الدردشة و المنتديات الخليجية ألى أخره

وفاة اي عضو شي عادي و طبيعي وممكن يصير بـ أي دقيقة .. صحيح رح تكون صدمة لـ عدة دقايق و يمكن حزن لـ عدة ساعات طبعاً بتتوقف على مدى قربك من العضو .. عضو أخوية يلي رح يتوفى قصدي

بس انو في عالم عايشة بس توفت بـ أخوية من زمان

و في عالم عايشة و عايشة بـ أخوية كمان .. بس كل يوم عم تموتنا شي 100 مرا

المهم .. انشالله تنبسطو بهل موضوع .. و على قد نياتكون .. الله بيعطيكون

fernanda bachchan kfoury

08/03/2009, 14:43

لك ولي اول ماشفت الموضوع خفت كتير والمصيبة انو اول ماكبست عليه ماطلع دغري <<يعني بتعرفو عمايل الملقم
فانو طولت لبينت الصفحة عندي وبهالوقت ظليت فكر مين هالعضو؟ شب وشيخ الشباب؟؟ صبية وست الصبايا؟ ومن الاخوية؟ مين ياربي

يعني تخيل كل هالاسئلة اجت ببالي بفترة كتير زغيرة يمكن بدقيقة او اقل ومابوصفلك الشعور اللي حسيتو
انو عنجد مابتخيل ومابدي اتخيل انو افقد اخ او اخت منالاخوية

ابو ريتا

08/03/2009, 14:51

القنينة ما في غير القنينة بتنسيك

THE_unforgiven

08/03/2009, 16:27

المهم .. انشالله تنبسطو بهل موضوع .. و على قد نياتكون .. الله بيعطيكون
المهم تكون تسليت .. ورح نعطيك عقد نياتك .. :D
الله معو بلكي بيخف الضغط شوي عالسيرفر...
معناتا الله ياخدك بركي بتخفف ضغط عالسيرفر .. :lol:
صارت معنا السنة الماضية تقريبا بوقت مشابه
رحل عنا عضو كتير مقرب مني وبنفس الوقت ما متفقين انا وياه على شي
ياريت توضحلنا القصة بالزبط ..

همس الياسمين

08/03/2009, 16:54

جيمي ليش انت شرير :cry:
صح مالي كتير معكم باالأخوية بس حبيتكم كلكم الله يحميكم
العنوان شرير .....صدمني:cry::cry:

*Marwa*

08/03/2009, 17:38

هبطلي قلبي عالارض
هيدا شعوري مين ما كان العضو يلي ممكن يكون صار فيه هيك

زات الشـي :cry:

ويمكن بهاللحظة تحديدا لما قريت العنوان عرفت قديش اخوية مهمة واكتر من مجرد موقع وقديش الناس فيها هني مش مجرد أعضاء بمنتدى!

الله يحمـي الكــل :D

هدوء البحر

08/03/2009, 17:59

الله يكون بعون اهلو

sandra

08/03/2009, 18:14

متل هالأيام صارت معنا
واحد من أعضاء أخوية توفى
رغم أني كنت بعرفو ضمن عالم افتراضي فقط،، لكن خبر وفاتو كان متل الصاعقة
بالأول ردة الفعل كانت عدم تصديق وبعدا فيك تقول ذهول ...شخص كنت من يومين عم حاكيه تسمع أنو توفى شي مانو بالسهل
ايميلو لهلا عندي عالمسنجر وما بحذفو

في حال لم تكن على صلة من قبل بهذا العضو ..
- لو كان صديقك المقرب جداً ... (أقصد الأصدقاء ضمن أخوية طبعاً .. )
- في حال كنت على خلاف معه/معها ...

بكل الحالات رح يكون في صدمة بالبداية وحزن
لكن درجة الحزن أكيد رح تختلف بحسب درجة القرب من هالشخص
موقف بتمنى ما نمر فيه

THE_unforgiven

08/03/2009, 22:24

موقف بتمنى ما نمر فيه
بس للأسف رح نمر فيه ...

سوا ربينا

08/03/2009, 22:35

يا زلمة والله رعبتني ... خفت اول ما شفت الموضوع ...:cry:

في حال لم تكن على صلة من قبل بهذا العضو..

في حال ما كنت على صلة اكيد رح اتدايق ... متل ما مرة صار هون بأخوية واتأثرت كتير مع انو فعلا ما كنت بعرفو للشخص بس الواحد بيدايق لمجرد سماع هيك موضوع ويتخيل انو شخص كان بلحظة هون وراح بلحظة تانية ...

- لو كان صديقك المقرب جداً ... (أقصد الأصدقاء ضمن أخوية طبعاً .. )

اذا كان صديقي المقرب(لاسمح الله) ما بعرف شو بعمل.. بس رح تكون صدمة وصعب تنتهي ... و يمكن بطل فوت ع اخوية نهائيا ...

- في حال كنت على خلاف معه/معها ...

الخلاف ما رح يخليني اشمت طبعا ..برضو رح اتأثر واتدايق ورح ابكي ...

ويارب انو ما يجي اليوم اللي اسمع اي خبر من اللي انذكرو ....:D

لجين مهند قطيش

08/03/2009, 22:36

طيحت قلبي بهالعنوان :jakoush::jakoush:

شعووور لايوصف حتى ان كان هذا العضووو عدوو او لاعلاقة لي به

فما لو كان صديق؟؟؟

مجرد ان نقرأ مواضيع وردود <<لشخص اصبحنا نقول عنه,’’’الله يرحمه’’’ ,, ,, تقشعر ابدانــنـــا :cry:

بروليتاري

09/03/2009, 00:10

بس للأسف رح نمر فيه ...

حاسس حالي بكلية الشريعة

بس المشكلة أنو مزبوط

وأنو أييييييييييييه والله كان منيح:cry:

saman

09/03/2009, 00:22

لك حاجة حاجة .. فهمنا .. انو تذكروا هادم اللذات .. بس زودتوها !!:jakoush:

من غير شي حاطط عزرائيل بحارتنا هالكم يوم ... :pos:
وبفوت على أخوية بلاقي الكل عم يحكي عن الموت !:frown:
انو ليش لما كون انا مروق بلاقي الكل متشائم والعكس صحيح.... شه !:?

مشكور عالموضوع :p

nour333

09/03/2009, 15:07

مرحبا ياجماعة
بصراحه اول ما قريت الموضوع خفت وفكرت صار فيه اشي لأني غبت فترة عن المنتدى
بعد ما طمنت انو انا بخير
بدي قول خبر الموت صار كتير عادي وخصوصي برمضان يعني بحس الصيف موسم الاعراس ورمضان موسم الموت
انا لو صارت لاسمح الله مع حد من الاعضاء كتير رح اتأثر ورح ضل اتخيل فيو وقت ما طلعت روحو وفي شو كان يفكر وقتها
بس انا بنسبه الي بسبع رواح ومرتين خرقت قوانين الموت يعني ضللي 5 رواح

ويحد سوري

09/03/2009, 19:55

انا بعتبر كذا شخص من اخوية ماتو بنظري و اذا اعرفت بعد فترة انو ماتوا بالحقيقة

بكون انا اسبقت الافتراضات و ريحت راسي من ردة الفعل

اما ردة فعلي فهي ناتجة من واقعه الموت بحد ذاتها

شكرا لموضوعك

Sarita

09/03/2009, 20:15

تضرب ع هيك موضوع
شوي تانيي وقلبي يوقّف :frown:

ابو نجبو

13/03/2009, 18:21

بال2006 اجا واحد هون بالمنتدى و قال انو هو صديق فلان وانو هالصديق عطاكن عمرو...وبلشت العالم تبكي عليه...
بالاخير طلع هو نفسو بس حب شوف ردة فعل الاعضاء ازا مات شو رح يصير فيون....:pos:

nour333

14/03/2009, 11:42