هل خلق الله الشر ؟ [الأرشيـــــف]

أم الجود

04/03/2009, 20:35

تحدى أحد أساتذة الجامعة تلاميذه بهذا السؤال :
هل الله هو خالق كل ما هو موجود ؟
فأجاب أحد الطلبة في شجاعة "نعم"
وكرر الأستاذ السؤال "هل الله هو خالق كل شيء ؟"
ورد الطالب قائلا "نعم يا سيدي الله خالق جميع الأشياء"
وهنا قال الأستاذ ، "ما دام الله خالق كل شيء ، إذا الله خلق الشر. حيث أن الشر موجود ، وطبقا للقاعدة أن أعمالنا تظهر حقيقتنا ، إذا الله شرير". راح الأستاذ يتيه عجباً بنفسه ، وراح يفتخر أمام الطلبة قائلا "أنه أثبت مرة أخرى خرافة الإيمان المسيحي"
وهنا رفع طالب آخر يده وقال "هل لي أن أسألك سؤالاً يا أستاذي"
فرد الأستاذ قائلا : "بالطبع يمكنك"
وقف الطالب وسأل الأستاذ قائلا "هل البرد له وجود ؟"
فأجاب الأستاذ "بالطبع موجود ، ألم تشعر مرة به ؟"
وضحك باقي الطلبة من سؤال زميلهم.
فأجاب الشاب قائلا : " في الحقيقة يا سيدي البرد ليس له وجود. فطبقا لقوانين الطبيعة ، مانعتبره نحن برداً ، هو في حقيقته غياب الحرارة"
واستطرد قائلا "كل جسم أو شيء يصبح قابلا للدراسة عندما يكون حاملا للطاقة أو ناقلا لها ، والحرارة هي التى تجعل جسما أو شيئا حاملا أو ناقلاً للطاقة". الصفر المطلق هو –460 فهرنهايت أو –273 مئوية هو الغياب المطلق للحرارة. البرد ليس له وجود في ذاته ولكننا خلقنا هذا التعبير لنصف ما نشعر به عند غياب الحرارة.
استمر الطالب يقول "أستاذي ، هل الظلام له وجود؟"
فرد الأستاذ "بالطبع الظلام موجود"
فقال الطالب " معذرة ولكن للمرة الثانية هذا خطأ يا سيدي ، فالظلام هو الآخر ليس له وجود ، فالحقيقة أن الظلام يعنى غياب الضوء.
نحن نستطيع أن ندرس الضوء ، ولكننا لانستطيع دراسة الظلام. في الحقيقة يمكننا استخدام منشور نيوتن لنفرق الضوء الأبيض لأطياف متعددة الألوان ، ثم ندرس طول موجة كل لون. ولكنك لا تقدر أن تدرس الظلام. وشعاع بسيط من الضوء يمكنه أن يخترق عالم من الظلام وينيره.
كيف يمكنك أن تعرف مقدار ظلمة حيز معين ؟ و لكنك يمكنك قياس كمية ضوء موجودة . أليس ذلك صحيحاً ؟ الظلمة هي تعبير استخدمه الإنسان ليصف ما يحدث عندما لا يوجد النور"
و في النهاية سأل الطالب أستاذه . "سيدي ، هل الشر موجود ؟"
وهنا في عدم يقين قال الأستاذ "بالطبع ، كما سبق وقلت ، نحن نراه كل يوم ، وهو المثال اليومي لعدم إنسانية الإنسان تجاه الإنسان. أنه تعدد هذه الجرائم وهذا المقدار الوافر من العنف في كل مكان من العالم حولنا. هذه الظواهر ليست سوى الشر بعينه".
وعلى هذا أجاب الطالب قائلا "الشر ليس له وجود يا سيدي ، على الأقل ليس له وجود في ذاته. الشر ببساطة هو غياب الله. أنه مثل الظلام والبرد ، كلمة اشتقها الإنسان ليصف غياب الله".
الله لم يخلق الشر. الشر هو النتيجة التى تحدث عندما لا يحفظ الإنسان محبة الله في قلبه ، أنه مثل البرد تشعر به عندما تغيب الحرارة ، أو الظلمة التى تأتى عندما يغيب النور".
وهنا جلس الأستاذ. وكان الشاب الصغير هو --- ألبرت اينشتاين
ليتك تمتلئ بالسلام في يومك هذا...
و ليتك تصدق أن إلهك قد خلقك بالصورة الدقيقة لما قصد أن تكون عليه .

ورده بغداد

04/03/2009, 20:41

رائعه رائعه انتي ام الجود ,,,,,,,,,,,,,,

ابهرتيني ,,,,,,,,,ورداتي لكي

I am gay

04/03/2009, 23:56

حلو كتيير

Marooshe

05/03/2009, 00:05

الله ، احنا خلقناه لحتى نلاقي مين يخلقلنا بلاوي .

همس الياسمين

05/03/2009, 00:32

هاذا طفل :

عند عودته الى أهله ليطلب منهم ان يحضروا له معلم ديني ليجيب على أسئلته الثلاثه,
ثم أخيرا وجدوا له معلم ديني مسلم ودار بينهما الحوار التالي:

الغلام: من انت ؟ وهل تستطيع الاجابه على اسئلتي الثلاث؟

المعلم: انا عبد من عباد الله .. وسأجيب على اسئلتك باذن الله

الغلام: هل انت متأكد؟ الكثير من الأطباء والعلماء قبلك لم يستطيعوا الاجابه
على اسئلتي!

المعلم: ساحاول جهدي..وبعون من الله

الغلام: لدي 3 أسئله :
1 - هل الله موجود فعلا؟ واذا كان كذلك ارني شكله؟

2 - ماهو القضاء والقدر؟

3 - اذا كان الشيطان مخلوقا من نار..فلماذا يلقى فيها بعد ذلك وهي لن تؤثر فيه ؟

صفع المعلم الغلام صفعه قويه على وجهه

فقال الغلام وهو يتألم: لماذا صفعتني؟ وما الذي جعلك تغضب مني؟

اجاب المعلم: لست غاضبا وانما الصفعه هي الاجابه على أسئلتك الثلاث..

الغلام: ولكني لم أفهم شيئا

المعلم: ماذا تشعر بعد ان صفعتك؟

الغلام: بالطبع اشعر بالالم

المعلم: اذا هل تعتقد ان هذا الالم موجود؟

الغلام: نعم

المعلم: ارني شكله؟

الغلام: لا أستطيع

المعلم: هذا هو جوابي الاول..كلنا نشعر بوجود الله ولكن لا نستطيع رؤيته

ثم اضاف: هل حلمت البارحه باني سوف أصفعك ؟

الغلام: لا

المعلم: هل خطر ببالك اني سأصفعك اليوم ؟

الغلام: لا

المعلم: هذا هو القضاء والقدر

ثم اضاف: يدي التي صفعتك بها,مما خلقت ؟

الغلام: من طين

المعلم: وماذا عن وجهك ؟

الغلام: من طين

المعلم: ماذا تشعر بعد ان صفعتك؟

الغلام: اشعر بالالم

المعلم: تماما..فبالرغم من ان الشيطان مخلوق من نار..ولكن ذا شاء الله فستكون
النار مكانا اليما للشيطان.
*******
:Dشكرا لك على طرح هذا الموضوع ..
اعذر تطفلي ..تحياتي

mhsen77

05/03/2009, 01:58

ان تجودي يا ام الجود بيطلع معك اشيا بتجنن
لا تبخلي علينا

بس يا ريت فيه كتير ناس من متل البرت اينشتاين تفكر بعقلها صح كنا عشنا احسن من هيك بألاف المرات

تسلميلنا ام الجود ولا يحرمنا كرمك:D:D

رضوان ابو فخر

05/03/2009, 02:08

شكرا ام الجود على هاي المجطة
ويا ريت يكون التوقف فيها اجباري لجميع الناس.في زمن تتزايد فيه الشرور وآلام الناس وعذاباتها.
"الشر هو غياب المحبة "هي جملة مكثفة وتعبير عن فلسفة عميقة .كل اللذين اشعلوا الحروب وقادوها
وقتلوا عبر التاريخ .....كان يفتقدون للمحبة يفتقدون لحب انفسهم اولا ولحب غيرهم وبالتالي لحب الله.
محبة اكبر ...كره أقل ....وشر اقل.
:D

أم الجود

05/03/2009, 02:23

شكراً للجميع على المرور و المشاركة ... :D

محسن خجلتني :oops:

thegodfather

05/03/2009, 02:31

أول مرة بقرا موضوع كامل
يعطيك العافيةام جود موضوع مفيد كتير
وخصوصا لانو بطياته تفسيرات حقيقية لطبيعة الانسان
فالله خلق الكون وجعلنا جزء منه
ولكن نحن بفكرنا الرجعي خالفنا الكثير من وصايا الله للعالم
فلهيك منشوف كتير شغلات معادية لله تعالى
تحياتي
:hart::hart::sosweet::sosweet::sosweet::hart::hart :

mhsen77

05/03/2009, 02:44

شكراً للجميع على المرور و المشاركة ... :D

محسن خجلتني :oops:
يسلمولي يلي بيخجلو شو حلوين وطيوبين :oops::sosweet::sosweet::hart:

حنين.

05/03/2009, 02:49

اكبر دليل على وجود الله وعدلو وكرمو الامحدود هو العقل البشري وقدراته الخارقة اللامتناهية
... وَخَلَقَ كُلَّ شَيْءٍ فَقَدَّرَهُ تَقْدِيراً

صفر

07/03/2009, 05:30

اولا ... هي القصة مو عن البرت انيشتاين ... هي قصة مفبركة شي بيحطولك طالب واستاذ .. شي دكتور وطالب بجامعة ... شي شيخ وتلت كفار ...

يعني من كل عقلكن انيشتاين ... اللي قال ... الله لا يلعب النرد !!! ... هيك جوابو :lol::lol:

... ما علينا ...

الخير والشر ... هما نقيضان في هذه الحياة ... ولولا وجود الخير لما وجد الشر ... ومن اوجد الخير هو من اوجد الشر .. وبما ان النظرية الدينية تقول بأن الله هو من أوجد الخير .. اذا هو من أوجد الشر .. ولا يمكن للشر أن يوجد من تلقاء نفسه .. بما ان الله خلق كل شي :gem:.. فالله اذن شرير ... وخير .. أي يملك النقيضين .. مما يسقط عنه نظرية الكمال :p

اي و سعيدة :larg:

ابو نجبو

07/03/2009, 08:20

الخير والشر ... هما نقيضان في هذه الحياة ... ولولا وجود الخير لما وجد الشر ... ومن اوجد الخير هو من اوجد الشر .. وبما ان النظرية الدينية تقول بأن الله هو من أوجد الخير .. اذا هو من أوجد الشر .. ولا يمكن للشر أن يوجد من تلقاء نفسه .. بما ان الله خلق كل شي :gem:.. فالله اذن شرير ... وخير .. أي يملك النقيضين .. مما يسقط عنه نظرية الكمال :p

هات المصدر...:p

inodessa

07/03/2009, 09:16

موضوع جميل .... كنت افكر دائما بهيك امور... وهاد التفسير فيه الكثير من المنطق...:D
ليتك تمتلئ بالسلام في يومك هذا...

أم الجود

07/03/2009, 13:16

اولا ... هي القصة مو عن البرت انيشتاين ... هي قصة مفبركة شي بيحطولك طالب واستاذ .. شي دكتور وطالب بجامعة ... شي شيخ وتلت كفار ...

طيب يا سيدي و خليها تكون مفبركة .. إذا الحكي اللي فيها لامسنا و حسيناه واقعي أنت شو يلي زاعجك
:oops: ؟؟؟ يعني اللي فبرك القصة ضحك علينا كلنا و أنت اللي من بيناتنا طلعت فلهوي و حربوء و كشفت الكذبة ؟!! :lol:
أنا بقول دايماً بالنقاشات مع اللادينيين انو من حقك تفكر بشو ما بدك و تآمن بشو ما بدك طالما ما عم تسيء لحدا ... بالنهاية الانسان كائن عندو عقل و الله ما عندو ريموت كونترول لعقل كل بني آدم على وش الأرض مشان يخليه يفكر و يتصرف على ذوقو ... الانسان في قدامو معطيات معينة إذا اقتنع فيها بيآمن و إذا لأ بيلحد .. بس كرمال الغوالي لا كل شوي ينطولنا الملحدين و يسمعونا نفس كوانة تسخيف المعتقد و يطالعونا جهلا و بينضحك علينا بكلمتين و منخاف من الآخرة و هالحكي اللي بيرفع الضغط و السكري :sick:

الخير والشر ... هما نقيضان في هذه الحياة ... ولولا وجود الخير لما وجد الشر ... ومن اوجد الخير هو من اوجد الشر .. وبما ان النظرية الدينية تقول بأن الله هو من أوجد الخير .. اذا هو من أوجد الشر .. ولا يمكن للشر أن يوجد من تلقاء نفسه .. بما ان الله خلق كل شي :gem:.. فالله اذن شرير ... وخير .. أي يملك النقيضين .. مما يسقط عنه نظرية الكمال :p
اي و سعيدة :larg:

يا عيني الشر هو انعدام الخير .. لما البني آدم اللي كلو فهم و عقلو بيوزن بلد بيرفض الخير بيكون عم يختار الشر .. و مو إذا الشر انوجد معناها الله اللي خلقو و إذا الله اللي خلقو معناها الله شرير .. أنت اليوم عندك كهربا بالبيت بس إذا اخترت أنك تطفي الضو و تقعد عالعتمة شركة الكهربا ما دخلا إذا أنت ما شفت طريقك منيح و تفركشت و وقعت ...

سعيدة و فريحة و مديحة
:D

أإأبو العبد

07/03/2009, 13:20

لك ام الجود والله انتي رهيبة القصة حلوة
ثانكيوت:ss:
:larg:

أم الجود

07/03/2009, 13:25

لك ام الجود والله انتي رهيبة القصة حلوة
ثانكيوت:ss:
:larg:

ولك أنت اللي رهيب :p و صورتك الرمزية أرهب :sosweet:

صفر

07/03/2009, 13:28

طيب يا سيدي و خليها تكون مفبركة .. إذا الحكي اللي فيها لامسنا و حسيناه واقعي أنت شو يلي زاعجك
:oops: ؟؟؟ يعني اللي فبرك القصة ضحك علينا كلنا و أنت اللي من بيناتنا طلعت فلهوي و حربوء و كشفت الكذبة ؟!! :lol:
أنا بقول دايماً بالنقاشات مع اللادينيين انو من حقك تفكر بشو ما بدك و تآمن بشو ما بدك طالما ما عم تسيء لحدا ... بالنهاية الانسان كائن عندو عقل و الله ما عندو ريموت كونترول لعقل كل بني آدم على وش الأرض مشان يخليه يفكر و يتصرف على ذوقو ... الانسان في قدامو معطيات معينة إذا اقتنع فيها بيآمن و إذا لأ بيلحد .. بس كرمال الغوالي لا كل شوي ينطولنا الملحدين و يسمعونا نفس كوانة تسخيف المعتقد و يطالعونا جهلا و بينضحك علينا بكلمتين و منخاف من الآخرة و هالحكي اللي بيرفع الضغط و السكري :sick:
:D

حياتي اللي زعجني ... التسحيج اللي شفتو بالموضوع :clap:

لاني فلهوي ولا حربوق ولا بطيخ مبسمر ... بس من هالقصص في كتير ... ويعني ما بدها شي ليفهم الواحد انها ضحك عاللحى ...

حياتي كلامك فيه تناقض ... كيف الله هو قادر على كل شيء وماعندو قدرة يتحكم بعقول الناس ؟؟؟
وبعدين ... انا وين طالعتكم جهلا وبينضحك على عقلكن كلمتين ؟؟؟ ... ارجعي واقري الردود ... خزيت العين .. كلو بلش يسقف وعلوا لو فكرو شوي ... ماعم سخف معتقد حدا ... بس بيزعل الواحد على بلدو :x

يا عيني الشر هو انعدام الخير .. لما البني آدم اللي كلو فهم و عقلو بيوزن بلد بيرفض الخير بيكون عم يختار الشر .. و مو إذا الشر انوجد معناها الله اللي خلقو و إذا الله اللي خلقو معناها الله شرير .. أنت اليوم عندك كهربا بالبيت بس إذا اخترت أنك تطفي الضو و تقعد عالعتمة شركة الكهربا ما دخلا إذا أنت ما شفت طريقك منيح و تفركشت و وقعت ...

الله بالنظرية الدينية هو خالق الكون وخالق كل شي ... فيعني انو هو خالق الشر ... مين اللي خلق الشيطان ؟؟ مو الله ؟ .. والشيطان هو الشر .. وهو اللي لعب بعقل حوا منشان تخلي آدم يغلط ... يعني الله هو اللي خلقو للشر ...
اذا سلمنا انو الله ما خلق الشر ... معناها في قوة أكبر من قوة الله هي اللي خلقت الشر ...

كمان انا عندي كهربا بالبيت .. بس شركة الكهربا قطعتلي الكهربا وطفى الضو عندي ... وخلتني اقعد عالعتمة .. انا شو ذنبي ؟ :p

سعيدة و فريحة و مديحة

ومديحة وفصيحة وصباحو :p

saman

07/03/2009, 13:41

شكراً كتير ام الجود .. :oops:
حلوة كتييير القصة ومنطقية :D

أم الجود

07/03/2009, 14:28

حياتي كلامك فيه تناقض ... كيف الله هو قادر على كل شيء و ما عندو قدرة يتحكم بعقول الناس ؟؟؟
وبعدين ... انا وين طالعتكم جهلا وبينضحك على عقلكن كلمتين ؟؟؟ ... ارجعي واقري الردود ... خزيت العين .. كلو بلش يسقف و علوا لو فكرو شوي ... ماعم سخف معتقد حدا ... بس بيزعل الواحد على بلدو :x

أنا ما قلت ما عندو قدرة يتحكم بعقول الناس .. أنا قلت ما بدو يتحكم بعقول الناس .. دخلك إذا بدو يتحكم بعقلك ليش ليخلقلك عقل من أصلو ؟!!! الله عطا الانسان عقل وصّلو للقمر .. و هو بهالعقل بيحدد اختياراتو !
و أنت ما قلت انو نحنا جهلا و بينضحك علينا بكلمتين قبل شوي بس هلأ ليكك عم تقول :oops:.. بعدين لا تزعل على بلدك ولا على بالك .. أصلاً المؤمنين بكل العالم موجودين مو بس ببلدك .. و بيقولوا ما بيصح إلا الصحيح و إذا معتقدك هو الصحيح فإلا ما يجي يوم و يصح ! كان جاية عبالي قلك معلش طول بالك و سلّم أمرك لربّك بس ما بتظبط :p
صباحك :D

أإأبو العبد

07/03/2009, 14:29

اخي وصديقي وعزيزي صفر بدي قلك شغلة صغيرة
انو ماحد بيشوف حالو غلطان وكل واحد عميناقش التاني من وجهة نظرو هو ومن قناعتو الشخصية الي غيرو مابامن فيها يعني النقاش هاد باختصار عقيم ومارح يأدي الا لمناحرات ومهاترات وقلة حيا ونشر غسيل عالفاضي
انا مارح قلك تعا ناقش بمعتقدات غيرك لانو بالاساس اذا بتلاحظ حوار الاديان تم اغلاقة وبالتالي الموضيع الدينية ممنوعة باخوية (على زمة المشرفين)
فياعزيزي كلامك واسلوبك عميثير حزازيات ونعرات طائفية عمنحاول نتخلص منها يعني مثلا لما تجي تحكي هيك حكي ويفوت شي واحد متعصب لدينو مثلا مسلم رح يفكر انو انت مسيحي والمسيحي رح يفكرك مسلم وخدني جيتك
عزيزي انا صاحب معتقدات خاصة يعني لاهيك ولا هيك ولا معك ولا مع غيرك
ومع هيك مابحب شوف حد عميستهين بمعتقدات غيرو حتى لو كنت مابتامن فيها هاد مابيعني انك تنقل الحكي والافكار التافهة الموجودة بمنتدى الملحدين العرب الي حضرتك عضو فية وهالشي واضف بفايلك
هون باخوية في مافي منو هالحكي وياريت نحاول نظف قلوبنا شوي وتحاول تنقل صورة اخوية لمنتداك مع احترامي الك ولمنتداك
ياريت تاخد كلامي على محمل الجد
وشكرا:D

أم الجود

07/03/2009, 14:40

فياعزيزي كلامك واسلوبك عميثير حزازيات ونعرات طائفية عمنحاول نتخلص منها يعني مثلا لما تجي تحكي هيك حكي ويفوت شي واحد متعصب لدينو مثلا مسلم رح يفكر انو انت مسيحي والمسيحي رح يفكرك مسلم وخدني جيتك

ع فكرة أنا ما عم ناقش من باب تعصب لدين معيّن .. و إذا بدك فينا ناخد الحوار من وجهة نظر فلسفية بحتة .. أنا ما بيزعجني يكون في ناس ما بتآمن .. كل واحد بيشوف الأمور من الزاوية اللي بتريحو و بتناسبو .. بس أنا اللي ما بحبو بالملحدين هالنظرة الشفقة و انو يا حرام عم يضحكوا عليكون و الدين أفيون الشعوب و مدري شو .. الك نظرتك بحترما و أنا كمان الي نظرتي و احترما و الحكي معمّم مو موجه لشخص بحد ذاتو ...
:D

inodessa

07/03/2009, 14:43

... ويعني ما بدها شي ليفهم الواحد انها ضحك عاللحى ...
خزيت العين .. كلو بلش يسقف وعلوا لو فكرو شوي ...

يعني انت كتير فكرت؟ كم دقيقة؟

الله بالنظرية الدينية هو خالق الكون وخالق كل شي ... فيعني انو هو خالق الشر ... مين اللي خلق الشيطان ؟؟ مو الله ؟ .. والشيطان هو الشر .. وهو اللي لعب بعقل حوا منشان تخلي آدم يغلط ... يعني الله هو اللي خلقو للشر ...
اذا سلمنا انو الله ما خلق الشر ... معناها في قوة أكبر من قوة الله هي اللي خلقت الشر ...

الله خلق كل شيء بما فيهم ابليس... وما كان ابليس شرير عندها.... و لكنه تمرد و صار شريرا...

اذا معلوماتك بالنظرية الدينية ضعيفة اسأل عنها وادرسها... وبعدين علي صوتك وكون واثق من صحة كلامك.

..Jimy

07/03/2009, 16:00

عزيزتي ام الجود.. :D

انا شفت الموضوع مبني عفكرة انو في شخص ملحد (الدكتور) .. وشخص مؤمن (طالب)...
وحسب مجرى الموضوع الطالب افحم الدكتور "بالبراهين والمنطق" ..

نقطة..

انا مارح ادخل بنقاش وجودي..اذا الله موجود أو لأ...

رح إلك انو إذا كان موجود ..فمو هاي هيي الادلي يلي بتثبت هالشي..:D

لأن إذا هيك فيني حسب هالإدلي هاي نفسها..اثبت وجود زيوس (رئيس الآلهة عند الاغريق)

وفيشنو (آله الخلق عند الهنوس)

وسعدو كمان..:lol:
بمجر ما بدل كلمة "الله" بموضوعك.. بكلمة "سعدو"...

برجع بإلك انا مارح ادخل بنقاش اذا الله موجود أو لأ...
بس مو هاي هيي الادلي الصحيحة يلي بتثبت وجودو..

بضل في شي اسمو "الإيمان" يلي عندو ياه.. مانو بحاجي لأي دليل تاني:deal:

---
سعدو يحميكي :lol:
Bay

أم الجود

07/03/2009, 16:30

برجع بإلك انا مارح ادخل بنقاش اذا الله موجود أو لأ...
بس مو هاي هيي الادلي الصحيحة يلي بتثبت وجودو..
بضل في شي اسمو "الإيمان" يلي عندو ياه.. مانو بحاجي لأي دليل تاني:deal:

مظبوط كلامك ... :deal:
بس الايمان الفطري و الفهم المنطقي ركنين ضروريين لتكون عايش معتقدك صح .. لأنو الإيمان الفطري لوحده ما بيكفي ، و بوقت من الأوقات العقل بدو يطرح أسئلة إذا ما لقالا أجوبة منطقية رح يصير التدّين شكلي و مو عن قناعة (للحفاظ على صورة معينة أو لإرضاء الغير) بقى ما بيضر انو مرات نحكي بطريقة فلسفية أو وجودية مع الغير و ننفتح شوي على آراؤن (طبعاً هالشي بيتطلب معرفة و اطلاع مهمين لتقدر تكون ندّ بالحوار) و في مقولة مفادها انو الشك مدرسة الايمان .. و كلنا عشنا (أو رح نعيش) فترة من حياتنا منراجع فيها كل الأفكار و المذاهب اللي أهلنا و بيئتنا سكبتها فينا على أنها مسلّمات و بديهيات و مندوّر على أجوبة على أسئلتنا لنكتشف بيننا و بين حالنا إذا نحنا فعلاً مقتنعين بهالكلام ولا بس متبنّينه لحتى ما نخرج عن السرب. و هون النتيجة بتكون يا أما الالحاد في حال ما اقتنعنا يا أما الثبات على الايمان إذا اقتنعنا...
:D

أإأبو العبد

07/03/2009, 17:19

ع فكرة أنا ما عم ناقش من باب تعصب لدين معيّن .. و إذا بدك فينا ناخد الحوار من وجهة نظر فلسفية بحتة .. أنا ما بيزعجني يكون في ناس ما بتآمن .. كل واحد بيشوف الأمور من الزاوية اللي بتريحو و بتناسبو .. بس أنا اللي ما بحبو بالملحدين هالنظرة الشفقة و انو يا حرام عم يضحكوا عليكون و الدين أفيون الشعوب و مدري شو .. الك نظرتك بحترما و أنا كمان الي نظرتي و احترما و الحكي معمّم مو موجه لشخص بحد ذاتو ...
:D

ام الجود ياعيني انا ماقصدتك الك وكلامي ماكان موجه لشخص محدد وماكنت عملمح على حد بس هالشي واقعي وبيصير

بعتذر :D

أم الجود

07/03/2009, 17:34

ام الجود ياعيني انا ماقصدتك الك وكلامي ماكان موجه لشخص محدد وماكنت عملمح على حد بس هالشي واقعي وبيصير

بعتذر :D

بعرف ما بتقصدني و أصلاً ما في داعي للاعتذار ...
:deal:

inodessa

07/03/2009, 18:12

انا مارح ادخل بنقاش وجودي..اذا الله موجود أو لأ...

رح إلك انو إذا كان موجود ..فمو هاي هيي الادلي يلي بتثبت هالشي..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////موجود او مو موجود هاد نقاش اخر.
الموضوع يناقش انو "هل الشر من الله؟" و الجواب "لا".

وأنا برأيي الخير و الشر لا تخلق خلقاً.. وانما هذه صفات لافعال.. فالعمل اما ان يكون خيرا او شرا... اما اعمال الله فكلها خيراً.

صفر

07/03/2009, 18:25

أنا ما قلت ما عندو قدرة يتحكم بعقول الناس .. أنا قلت ما بدو يتحكم بعقول الناس .. دخلك إذا بدو يتحكم بعقلك ليش ليخلقلك عقل من أصلو ؟!!! الله عطا الانسان عقل وصّلو للقمر .. و هو بهالعقل بيحدد اختياراتو !
و أنت ما قلت انو نحنا جهلا و بينضحك علينا بكلمتين قبل شوي بس هلأ ليكك عم تقول :oops:.. بعدين لا تزعل على بلدك ولا على بالك .. أصلاً المؤمنين بكل العالم موجودين مو بس ببلدك .. و بيقولوا ما بيصح إلا الصحيح و إذا معتقدك هو الصحيح فإلا ما يجي يوم و يصح ! كان جاية عبالي قلك معلش طول بالك و سلّم أمرك لربّك بس ما بتظبط :p
صباحك :D

حياتي انت قلت انو الله ماعندو ريموت كنترول يتحكم بعقول الناس ... وانا بقلك الله بالفكرة الدينية عندو هالريموت كنترول :p

يا ستي بدي ازعل على بلدي وعلى ولاد بلدي .... مو لانو بيآمنو بالله ... لا حياتي ... هادا شي خاص فيهم .. كل واحد يآمن يكفر ... هي حريتو الشخصية ... بس بزعل عليهم لانو بيمرقو هيك قصص وبيسحجو عليها :cry: ...

على كل ... إلا ما يجي يوم ويصح الصحيح :larg:

صفر

07/03/2009, 18:30

اخي وصديقي وعزيزي صفر بدي قلك شغلة صغيرة
انو ماحد بيشوف حالو غلطان وكل واحد عميناقش التاني من وجهة نظرو هو ومن قناعتو الشخصية الي غيرو مابامن فيها يعني النقاش هاد باختصار عقيم ومارح يأدي الا لمناحرات ومهاترات وقلة حيا ونشر غسيل عالفاضي
انا مارح قلك تعا ناقش بمعتقدات غيرك لانو بالاساس اذا بتلاحظ حوار الاديان تم اغلاقة وبالتالي الموضيع الدينية ممنوعة باخوية (على زمة المشرفين)
فياعزيزي كلامك واسلوبك عميثير حزازيات ونعرات طائفية عمنحاول نتخلص منها يعني مثلا لما تجي تحكي هيك حكي ويفوت شي واحد متعصب لدينو مثلا مسلم رح يفكر انو انت مسيحي والمسيحي رح يفكرك مسلم وخدني جيتك
عزيزي انا صاحب معتقدات خاصة يعني لاهيك ولا هيك ولا معك ولا مع غيرك
ومع هيك مابحب شوف حد عميستهين بمعتقدات غيرو حتى لو كنت مابتامن فيها هاد مابيعني انك تنقل الحكي والافكار التافهة الموجودة بمنتدى الملحدين العرب الي حضرتك عضو فية وهالشي واضف بفايلك
هون باخوية في مافي منو هالحكي وياريت نحاول نظف قلوبنا شوي وتحاول تنقل صورة اخوية لمنتداك مع احترامي الك ولمنتداك
ياريت تاخد كلامي على محمل الجد
وشكرا:D

حياتي باين احترامك ... مافي داعي تحكي عنو ... وشفتو من قبل ...

لاني عم ناقش بدين ولا شي ... هون ... عم نناقش بموضوع الشر والخير من عند الله ولا لأ ... وهادا هو هيك الموضوع ... يكتبو انو ممنوع تناقش بالمواضيع المطروحة وعلى عيني وعلى راسي ... بحمل قلاشيني وبمشي من هون ... وبروح على طق الحنك :jakoush:

لاني عم بستهين بمعتقدات حدا ولا بتمسخر على حدا .. واي مخالفة بتشوفها علي بلغ المشرفين وهني قادرين يتصرفو معي ...

تحياتي واحترامي :D

صفر

07/03/2009, 18:32

خلص مدام الشباب ما بدها تناقش بأي شي إلهي ...

يلا منشوف وشكم بخير :D

mhsen77

08/03/2009, 04:39

وأنا برأيي الخير و الشر لا تخلق خلقاً.. وانما هذه صفات لافعال.. فالعمل اما ان يكون خيرا او شرا... اما اعمال الله فكلها خيراً.

انا معك بالفكرة نوعا ما
الخير والشر والنور والظلمة
الكذب والصدق هي صفات لافعال
ولكنها مخلوقة مع الفعل لتكون لازمة له لانه على اساس هذه الصفة تتم المحاسبة
انت مثلا لايستطيع محاسبة ابنك ان لم توجهه وتعلمه اي عمل صحيح وايها خاطئ (( من وجهة نظرك على الاقل ))

..AHMAD

08/03/2009, 05:12

المشكلة مو بوجودية الله من عدمو ... ولا المشكلة بانو الله خلق الخير او الشر
ولا حتى المشكلة انو الشر هو انعدام الخير .. او ممكن يكون الخير هوي انعدام الشر ولا ازا ما شفنا الله فـ معناتا هوي مو موجود ولا هية المشكلة باذا ادركنا الله بعقلنا فـ معناتا هوي موجود
مو المشكلة بخير الله ... أو شرّو
او ان كان الله هوي خالق الخير ، وعقل الانسان هوي اللي ولد الشر
ولا ان كان الله شرير ، لكن عقل الانسان قدر يخلق الخير
ما بستبعد احتمال يجي يوم انو الله هوي من اختراع البشر ،
وطالما اني قلت احتمال ... فهاد بيعني ممكن ما يجي هاليوم ويطلع الله موجود
المشكلة مو بكل ما ذكرتو
عنّي أنا كـ شخص ما بيآمن بوجود الله، إنما بوجود قدرة عجيبة بهالكون ...

العقل البشري _ على الرغم من انها قدرت تدرك كتير اشيا ع وجه الأرض ، قدرت تعرف انو الأرض كروية ، قدرت تدرك انو في قدرة عجيبة خلقت هالكون ، قدرت تعرف الأمومة والأخوة ، قدرت تحس بالصداقة ، قدرت تحس بالحب والكره ، بالحزن والفرح ، قدرت تدرك كتير اشيا... مانها مسؤولية الرب انو يعلمها ياها .. او مسؤولية بني ادم ، انما هية نتيجة للمعايشة اليومية والخبرة بالحياة قدرو يدركوها -

المشكلة بنظري هية عدم قدرة هالعقلية اللي قدرت تدرك كل هالشي ، لكنا ما قدرت تدرك الجانب الخيّر من هالقدرة، او من هالرب .

همس الياسمين

08/03/2009, 05:26

ماهو الفراغ ماهو الا شيئ كيف تكون الكون كيف ارتفعت السماء من صنع الجاذبية من ملئ البحار وكيف !! وكتير اشيا مافينا نعملها
للناس يلي بيحكو بالمنطق بيتغنوا بالمطلق , ويلي نشؤا من الفراغ ممكن تشرحولي هدول الأشياء....
بماأنكم تدعون المنطق فهموني ماهو المطلق ؟؟؟

..Jimy

08/03/2009, 14:45

ماهو الفراغ ماهو الا شيئ كيف تكون الكون كيف ارتفعت السماء من صنع الجاذبية من ملئ البحار وكيف !! وكتير اشيا مافينا نعملها
للناس يلي بيحكو بالمنطق بيتغنوا بالمطلق , ويلي نشؤا من الفراغ ممكن تشرحولي هدول الأشياء....
بماأنكم تدعون المنطق فهموني ماهو المطلق ؟؟؟

أول شي: في نظرية الانفجار الكوني... فيكي تبحبشي عنها...

تاني شي: انتي قلتي انو البحار والسما والـ.... مستحيل ينوجدو من الفراغ... ولازم يكون في خالق إلهن..
طيب ليش البحار والسما ما بصير ينوجدو من الفراغ اما الخالق معلش ينوجد من الفراغ بلا ميكون حدا خلقو..

تالت شي: اذا سلمنا انو في خالق مستحيل نعرف مين هوي.. الله ولا زيوس ولا سعدو...
-----------
فنصيحة خليكي متمسكي بإيمانك وبلالك المنطق خيتو :D

صفر

08/03/2009, 14:59

الله خلق كل شيء بما فيهم ابليس... وما كان ابليس شرير عندها.... و لكنه تمرد و صار شريرا...

اذا معلوماتك بالنظرية الدينية ضعيفة اسأل عنها وادرسها... وبعدين علي صوتك وكون واثق من صحة كلامك.

عزيزي الله خلق ابليس ... بس الله بيعرف انو ابليس رح يتمرد ويصير شرير ... ومستحيل خلقو خير وانقلب لوحدو على الشر ... صح ولا غلط ؟

:D

Dndoshy

09/03/2009, 01:23

ماهو الفراغ ماهو الا شيئ كيف تكون الكون كيف ارتفعت السماء من صنع الجاذبية من ملئ البحار وكيف !! وكتير اشيا مافينا نعملها
للناس يلي بيحكو بالمنطق بيتغنوا بالمطلق , ويلي نشؤا من الفراغ ممكن تشرحولي هدول الأشياء....
بماأنكم تدعون المنطق فهموني ماهو المطلق ؟؟؟

ليش سعدو شو قاعد عم يعمل :lol:

ليكي عزيزتي مشان نشوء الأرض عندك نظرية الانفجار الكوني..
مشان الكائنات وتنوعها والحياة..عندك نظرية الارتقاء و التطور...
وبما انو لسا ما عرفنا كيف اول كائن حي انوجد بالضبط ... واذا الله خلقو ولا لأ..

فمشان هيك اسمهن نظريات لأنو لسا ما تأكدنا منهن.. ولسا فيهن ثغرات ما بنعرفها..

بس هالشي ما بيعني غير انو رح يجي اليوم يلي نعرف...

jimy
بتذكر انك قلت انو ما بدك تدخل بنقاش وجودي:o..
ما بعرف يمكن صايبني زهايمر مبكر:lol:

nour333

11/03/2009, 17:04

شكرا ام الجود ع الموضوع
ليكو احكيلكون الايمان متل البورصة مرات بتحسو بيطلع ومرات بينزل
بس الشاطر اللي بحافظ ع توازنو بسوق البورصات

بس عارفيين لتفهم ليه اهلك كانو يشدو عليك وانت طفل ويحرموك من طلعات ومن اكلات متل البوظه ويضربوك لازم تغادر مرحلة الطفولة وقتها بتفهم بس المشكلة انك ما عدت طفل
وهاد الشي بيصير معنا ممكن نقدر نفهم الله منيح بس بتخيل وقتها ممكن نكون غادرنا هالدنيا هلا انا بحكي عن فهم الحكمة ما بحكي عن الرضا في كتير ناس بترضا حتى لو ما فهمت
انا بتمى ارضى حتى لو ما فهمت
وبتمنى تفهمو قصدي :D

inodessa

11/03/2009, 18:43

شكرا ام الجود ع الموضوع
ليكو احكيلكون الايمان متل البورصة مرات بتحسو بيطلع ومرات بينزل
بس الشاطر اللي بحافظ ع توازنو بسوق البورصات

بس عارفيين لتفهم ليه اهلك كانو يشدو عليك وانت طفل ويحرموك من طلعات ومن اكلات متل البوظه ويضربوك لازم تغادر مرحلة الطفولة وقتها بتفهم بس المشكلة انك ما عدت طفل
وهاد الشي بيصير معنا ممكن نقدر نفهم الله منيح بس بتخيل وقتها ممكن نكون غادرنا هالدنيا هلا انا بحكي عن فهم الحكمة ما بحكي عن الرضا في كتير ناس بترضا حتى لو ما فهمت
انا بتمى ارضى حتى لو ما فهمت
وبتمنى تفهمو قصدي :D

هيي ام الجود عم تحكي عن اصل الشر ... انت شو رأييك بالشر؟؟؟ من وين اجانا؟ من الله شي؟

inodessa

11/03/2009, 20:19

عزيزي الله خلق ابليس ... بس الله بيعرف انو ابليس رح يتمرد ويصير شرير ... ومستحيل خلقو خير وانقلب لوحدو على الشر ... صح ولا غلط ؟
:D
انا هلق لشفت ردك... مو ع أساس ما عاد بدك ترد؟
عزيزي الله ما خلق ابليس ليكون شرير.... وما خلق ادم ليرميه في الارض يتعذب...... وهكذا...
الله خلقون و تركون بحريتون... و هني بلشو يعفّسو... و الدليل انو انتي كمان عم تعفس ......:o (سوري منك:D)

صفر

11/03/2009, 20:44

انا هلق لشفت ردك... مو ع أساس ما عاد بدك ترد؟
عزيزي الله ما خلق ابليس ليكون شرير.... وما خلق ادم ليرميه في الارض يتعذب...... وهكذا...
الله خلقون و تركون بحريتون... و هني بلشو يعفّسو... و الدليل انو انتي كمان عم تعفس ......:o (سوري منك:D)

شكراً على تعفيسك ... عفوا ردك :larg: ...

كيف الله خلقهم وبيعرف شو رح يعملو ... وتركهم بحريتهم ؟؟؟ الانسان مسير ولا مخير ؟؟؟

تعفيساتي إلك :D

inodessa

11/03/2009, 21:03

شكراً على تعفيسك ... عفوا ردك :larg: ...

كيف الله خلقهم وبيعرف شو رح يعملو ... وتركهم بحريتهم ؟؟؟ الانسان مسير ولا مخير ؟؟؟

تعفيساتي إلك :D
نحنا البشر عفسنا و رح نعفس كتير لسا.... مو قضية....
الانسان مخير طبعاً...
لانو الله مستحيل يخلق ناس و يقدرلهن انون يقتلو اطفال فلسطين... هدول عم يعفسو متلي ومتلك... بس كل مين شكل... الله شو دخلو؟؟!

nour333

12/03/2009, 09:58

هيي ام الجود عم تحكي عن اصل الشر ... انت شو رأييك بالشر؟؟؟ من وين اجانا؟ من الله شي؟
انا برأيي ما في شر مطلق ولا خير مطلق اي شي ممكن يكون شر وممكن يكون خير والله خلق الاشياء بكل دواخلها وتنوعاتها وتركلها الخيار في انها تكون خير او شر او خير وشر بنسب متفاوته

لوضح الماء متلا اللي في حياتنا (خير) ممكن يخرب الزرع ولبيوت(شر)
رح تقلي انو القصد كان الشر بتصرفات البشر صح
هلا الايد ممكن تساعد الناس وممكن تحطها على صدر طفل تحسسو بالأمان بس كمان ممكن تضغط فيها ع زناد تقتل حد مشان تار او بدافع الشرف
الخلاصة الله خلق الاشياء من دون تحديد دورها وتركلنا هالخيار بالتحديد
يعني الشيطان صار شيطان لأنو هو اختار هيك مو الله حددلو يكون شرير

BL@CK

12/03/2009, 10:24

هوي ألله خلق كل شي قلون كن فكانو و راحو و أنتو .

يعني كل فعل ماضي و كمان ناقص يعني كن فكان . و أنتهت القصة ..

صرنا بقصة جديدة هلأ ,

و انتو من ألف قرن لهلأ قاعدين عم تتناقشو شو خلق و شو ما خلق و في ألله و لا ما في ألله .

فضـوّها .

inodessa

12/03/2009, 10:55

هوي ألله خلق كل شي قلون كن فكانو و راحو و أنتو .

يعني كل فعل ماضي و كمان ناقص يعني كن فكان . و أنتهت القصة ..

صرنا بقصة جديدة هلأ ,

و انتو من ألف قرن لهلأ قاعدين عم تتناقشو شو خلق و شو ما خلق و في ألله و لا ما في ألله .

فضـوّها .

وكيف بدك تعالج المرض بدون ما تعرف سببو؟

inodessa

12/03/2009, 10:59

انا برأيي ما في شر مطلق ولا خير مطلق اي شي ممكن يكون شر وممكن يكون خير والله خلق الاشياء بكل دواخلها وتنوعاتها وتركلها الخيار في انها تكون خير او شر او خير وشر بنسب متفاوته

رح تقلي انو القصد كان الشر بتصرفات البشر صح
هلا الايد ممكن تساعد الناس وممكن تحطها على صدر طفل تحسسو بالأمان بس كمان ممكن تضغط فيها ع زناد تقتل حد مشان تار او بدافع الشرف

نور الايد ما ممكن تساعد الناس... أو تضغط ع زناد لحالها... و انما في مين عم يحركها "بارادتو"

BL@CK

12/03/2009, 11:00

وكيف بدك تعالج المرض بدون ما تعرف سببو؟

شوف الواحد بفك بالفكاكة , و كزالك الأمر بعالج بالعلّاجة .

يعني بتجيبا لهاي الإختراع , فئشة زر عال on بتعالج المرض .

في أحيان ال On ما بنفئش معك , بسيطية . بيكون المريض بدو يموت .

nour333

12/03/2009, 11:59

شوف الواحد بفك بالفكاكة , و كزالك الأمر بعالج بالعلّاجة .

يعني بتجيبا لهاي الإختراع , فئشة زر عال on بتعالج المرض .

في أحيان ال On ما بنفئش معك , بسيطية . بيكون المريض بدو يموت .
يعني مسيو بلاك احنا هون لناقش ونقول رأي مو لنتريق ع الناس
وازا انت ما فهمت قصدي فيك تجيب جهاز اسمو الفهامة في منو حوضين او فل اوتوماتيك
انا بنصحك بالتاني

lolo510

12/03/2009, 14:44

كلام منطقي وحلو كتير بس اديش فينا نفكر بهالطريقة ؟؟؟
اكيد صفر بالمية
يسلمو كتير :sosweet:

همس الياسمين

12/03/2009, 16:35

ليش سعدو شو قاعد عم يعمل :lol:

ليكي عزيزتي مشان نشوء الأرض عندك نظرية الانفجار الكوني..
مشان الكائنات وتنوعها والحياة..عندك نظرية الارتقاء و التطور...
وبما انو لسا ما عرفنا كيف اول كائن حي انوجد بالضبط ... واذا الله خلقو ولا لأ..

فمشان هيك اسمهن نظريات لأنو لسا ما تأكدنا منهن.. ولسا فيهن ثغرات ما بنعرفها..

بس هالشي ما بيعني غير انو رح يجي اليوم يلي نعرف...

jimy
بتذكر انك قلت انو ما بدك تدخل بنقاش وجودي:o..
ما بعرف يمكن صايبني زهايمر مبكر:lol:

شومنشانك :pos: