مُنذ الطفولة وَ أنا أفكر

بـِ علاقةِ الشِـتاء بـِ الحُزن بـِ الكِتابة بـِ القراءة

بـِ الكِتابة !

أهجرُ السَجائرَ في الفصول ِ الثلاثة , لأمارسـها بـِ كُل ِ شَراهة في الشِـتاء

كـَ عاشق ٍ ماتَ في سبيل ِ إنتشاءِ روحه !

أهجرُ كُلَ جميعَ أشكال الكِتابة في الصَيف , في الأضواء حيثُ كُل الأرصفة دافِئة , ليلا ً

لأكونَ شاعِراً في صباحاتِ البردِ وَ بـِ يدي كأسٌ شهيٌ يوصلني إلى مُنتصف الحلم آخره !

وَ لا أصل ,.

أنحني بـِ كامل ِ أناقتي , بـِ كامل ِ إنتظاري , بـِ كامل ِ إنكساري

لـِ صوتِ أنثى

خرافية الجمال , مَجهولة العنوان في الفصل ِ الأخير ِ مِنَ الشِتاء


.

.



ما علاقة الحُزن وَ الأوجاع وَ الحُب وَ الغربة وَ الكتابة وَ جميع الأشـياء بـِ الشِـتاء ؟

هو الشتا بحد ذاتو فصل شاحب .. بيكفي انك تسمع صوت المطر لتحس برغبة في البكاء ..



اما عن علاقتو بالحزن والاوجاع وغيرو ، فما بعرف .. يمكن لانو بالشتا بتخف نشاطاتنا ومنتفرغ لحالنا اكتر .. منكون وحيدين اكتر ،
بيعترينا الحزن .. منحس بوجع .. منشتهي الحب وبتتدفق الكتابة ..

يمكن الوان الشتاء الرمادية والغيوم المكفهرة وجمال التلج وبرودة المطر... بيخلونا نكتئب (بطريقة خاصة)
ونشرد بتفكيرنا :heart:
:grin:

في الشتاء احب اكثر و اكثر
(بس هادا الحكي جديد زمان ما كنت اطيقو (الشتا ) )

انا بشوف العكس بفصل الشتا .. فصل الرومانسية فصل الحب .. فصل المرح ... فصل النوم :lol:
وفصل الخير ... وكتير بحبو لهالفصل .. احلى فصل :oops:

ما علاقة الحُزن وَ الأوجاع وَ الحُب وَ الغربة وَ الكتابة وَ جميع الأشـياء بـِ الشِـتاء ؟

ما اجا من عدم المصطلح العامّي " متُّ برداً"

سمعت حدا قال... متّ شوباً .. اكيد لاء :?

يمكن لان حبات المطر بتغسلنا من جوى متل ما بتغسلنا من برى وصوت المطر بعرينا من كل الاشياء والافكار
وبتكون لحظه صفا مع النفس فا بتحس بالالم والوجع مع رغباتك .وامنياتك

وهو مجرد رأي...:D

كنتُ أفكر في ذات الشيء
لماذا الشتاء؟
أي حزنٍ يبعث المطرُ في القلب
وأي موسيقى يرسلها الرب إلينا لنسترسل في الحزن
والشراهة
والطفولة
والعشق
ولا يسعني إلا أن أتذكر نصاً حاراً لرائعة أحلام
"أثناء غيابكِ يا امرأة، وانشغالكِ بصيف بَاذِخ البهجة، نَضِجَت الغيوم، واستوَى الحُزن، وآن للشوق أن يهطل• المطر دموع الغياب• لعلّه ذلك الرجل، لعلّها عيناه حين تمطران فُضولاً، فتهطل نظراته على امرأة سواكِ• لعلّه الخريف، وذلك السؤال الأُنثوي الْمُخيف: "ماذا تـرَاهُ يفعلُ صباح خريف مِن دونكِ؟"• وفي المساء أَتَرتَجِفُ لذكركِ نوافذ نومه؟ أيُوقِظُ رَذَاذ طيفكِ شراشفه؟ -----

لعلّه الشتاء الْمُقبْل على عَجَـل• وأنتِ تودِّين في ليلة واحدة، إنفاق كلِّ ما اجتمع في صدركِ مِن مخزون الغيوم العربيّة• لكأنّ حزنكِ وقف على المطر، وعلى رجل لا تدرين إلى أيّ حزب تنتمي غيومه، كي تنخرطي في فصيلة الحقول التي تُناضِل منذ الأَزَل•• كي على تربتها يهطل• -----

هــو الخريــف يحشو غليونه بغيوم تنهّداتكِ• وفي إمكانكِ الليلة أن تختبري تجنّي المطر على العشّاق، عندما يرتّب لبعضهم موعداً في المجرّات الشاهقة للحبّ• ويلهو بجرف دموع الآخرين•• إلى المجاري!

يا لفَاجِعَــة عشّـاق، يواجهون وحيدين سَادِيَّــة المطر• أيتها السماء الباكيةُ صيفاً تَخَـلِّ عنّا، أَلاَ تَـرَأّفْـتِ بنـا! عصافير مُبلّلة قلوبنا، ترتجِفُ على شجرة الغِيَاب، كلّما أمطَرَت تآمر الكون علينا•• نحنُ يتامَى الحُبّ• "

وأنا كهذه السماء..وكهذه الكلمات
أخافُ أن تمطر الدنيا ولستِ معي

ما اجا من عدم المصطلح العامّي " متُّ برداً"

سمعت حدا قال... متّ شوباً .. اكيد لاء :?


ومع كل هلجعير .. صوتي ماوصلك ؟ :?



بس ياأيها اللامنتمي .. شايفلك .. انو هلشتويي .. مافارئا مع حدا .. ومامأسرا مع أرجل هلمتجمعين بفرنك .. غير معك .

ياأخي شو بدك .. الشتويي شغلة .. مو :shock:


عيفك .. و :D

الشتوية انا عندي احلى فصول السنة
بالعكس كتير فيها حميمية ودفا وهيك
تخيل حالك هيك جاية من برا وبردان ومبلول من كتر المطر واستئبلتك امك او مرتك بالكلمات الحلوة وبالحنان
وهية خايفة عليك تاخدبرد بتقلك انو روح غير اوعيك وتعى عود ادام الصوبية لاعملك احلى كاسة شاي لتتدفى
في احلى منها هالقصة
او هيك انت اعد المسا بتختك دفيان مع فنجان قهوة وام كلثوم او فيروز عم تطلع من الشباك عالمطر الكابس من دينو
والناس اللي مشغولة بامور حياتها
بعدين الشام بالذات بالشتة بتكون فاضية وحلوة مافيها عجقة غربتلية ولا ناس مزعجة يعني هيك انت ولشام بتتوحدوا فمن وين مابدو يجيك الالهام اااه انا اللي هية انا(تخصص رياضيات ) بتمنى كون اعرف شوي بالتعبير لاعد اكتب وابحت افكاري عالورق

إذا أتى الشتاء . .
واغتال مافى الحقل من طيوب
وخبأ النجوم فى ردائه الكئيب
ياتى إلى الحزن من مغادرة المساء
ياتى كطفل شاحب غريب
مبلل الخدين والرداء . .
وافتح الباب لهذا الزائر الحبيب
امنحه السرير . . والغطاء
امنحه . . جميع مايشاء
.
.
.

يقول لي الشتاء

أنني ذات شتاء .. مثله

أموت وحدي

ذات شتاء وحدي

يا صديقي السماء الآن تمطر...يعني من رحم اللحظة اتكلم...أجمل شيء عندي هو صباح شتوي ممطر ومع كأس كبير من القهوة و أغاني فيروز ( شتي يا دني...بتتلج الدني...وفي شي بدو يصير )

الشتاء يعني المطر و المطر يعني الهطول والهطول يعني الرجوع للأصل....وهذا سر َّ الشتاء برأيي

:D

ما علاقة الحُزن وَ الأوجاع وَ الحُب وَ الغربة وَ الكتابة وَ جميع الأشـياء بـِ الشِـتاء ؟







لأنو كل هالاشياء فيها دفء واحنا بالشتا بندور ع دفا
هاد اجتهاد من عندي