دعونا نفترض أن هذا المَوضوع لي وَ لـِ نفترض أيضا ً أنَ هذا الموضوع لم يعجبك , فـَ ماذا تفعل ؟

ما هِيَ الطريقة التي سَـتعبر لي وَ للآخرين عَن عدم إعجابك بـِ هذا الموضوع ؟




- هل تقرأ الموضوع وَ تندم لأنك هدرتَ وقتك به وَ لا ترد على الموضوع أبدا ً

- هل تقرأ الموضوع وَ تضحك من سَـخافته وَ ترد بـِ أيقونة ساخرة لا أحد لا يفهم ماهيَ وَ إلى ماذا ترمز

أو ترد عـَ الماشي من أجل البرستيج , مثلاً !

- تعبر بـِ كُل شَـجاعة عَن رأيك وَ تقول أنَ هذا المَوضوع لم يُعجبك

- تدعي أنكَ لم تفهم ما فكرة المَوضوع أو المَوضوع غير مفهوم

وتظن أني ذكي لأستنتج أن موضوعي لم يعجبك

- أتستعمل ميزة التبليغ عن مشاركة سيئة

و تطلب من المنسق السريع جداً بـِ الحذف وَ البطيء بالتثبيت بـِ إغلاق الموضوع

- أتتمنى لو كنتَ مُشرفا ً أو منسقاً لـِ تخلص الناس مِن هكذا سَـخافات وَ هكذا أعضاء

- أترسل لي رسـالة خاصة تقول : بأنَ هذا الموضوع لم يُعجبك و أنكَ لم تتوقع مني هكذا موضوع " سخيف "

- هل لديك رأي مُسّـبق بـِ أن كُل المواضيع التي أكتبها سَخيفة لذا فلا داعي لِتأكيد ذلك كل مرة

.

.


ربما توجد لديكم طريقة أخرى تستطيعونَ التعبيرَ بها عن رفضكم لـِ موضوع لم يعجبكم أليسَ كذلك

ماهِيَ طرقكم ؟

هلأ وبما انو مستوى مواضيع من النوع الي عم تحكي عنو دارج ومنتشر كالنار في الهشيم
واصبح من الصعب ان تجد موضوع يحمل فكرة أياً كانت هذه الفكرة . يكفي انها ترتقي الى مستوى الحديث عنها .
فـ بالتأكيد ( اسم العضو وتاريخيه الكتابي ) شئ مهم واساسي بالنسبة لي على الاقل و ( اسم الموضوع والقسم المطروح به ) لا يمكن تجاهله اياً كان كاتب هذا الموضوع
أما عن الرد فيكون جسب الموضوع وغالباً برد كتابي في صلب الموضوع اما ساخر او معبر عن استياء

مسا الخير نوار
سأكون أول من ترد على هذا الموضوع الطريف ...
أنا بنهاري بتصفح كتير مواضيع و مشاركات ، ما بعلّق غير إذا كان الموضوع أو حلو و بيهمني ، أو إذا كان عبارة عن نقاش و كان صاحب المشاركة (أو الأعضاء اللي كاتبين ردود) عم يطرح آراء ما بتفق معا و بيستفزني المرور من جنبا و كأنو ما شفتا ، فهون برد بس لقول رأيي بالموضوع ما أكتر ... مرات بتشدني عناوين بعض المشاركات ، بفوت بشوف شي مالو علاقة أو موضوع عادي كتير ما بيستاهل التعليق لا بالسلب ولا بالإيجاب ، و حتى إذا شفت الموضوع سخيف ، ما بعلق تحتو انو سخيف لأني ما بحب أدخل بمهاترات و أزعج حدا و حدا يزعجني ، و كمان من منطلق انو اللي أنا بشوفه سخيف ممكن بالنسبة لغيري يكون عميق و شيق كتير ، فالموضوع عائد لتقييم كل شخص بيفوت و بيقرا و بحب أحتفظ برأيي لحالي ..
و شكراً
:D

خيو نوار
الموضوع السخيف شي و الموضوع الزعج شي تاني ولكل موضوع اسلوب بالرد بختلف عن التاني
انا شخصيا الموضوع السخيف ما بيستاهل اني رد عليه
والموضوع المزعج بكتب رأيي فيه وبصراحة وصارت معي وقلت رأيي

وكمان فيه مواضيع جيدة ممكن اني فوت واشوفها بدون ما اكتب عليها رد وهي على الاغلب يلي بتحتوي معلومات او اخبار وبظن هيك مواضيع الغرض منها اولا واخير الاطلاع على محتواها

وشكرا لموضوعك المتميز بفكرته:D:D

دعونا نفترض أن هذا المَوضوع لي وَ لـِ نفترض أيضا ً أنَ هذا الموضوع لم يعجبك , فـَ ماذا تفعل ؟

ما هِيَ الطريقة التي سَـتعبر لي وَ للآخرين عَن عدم إعجابك بـِ هذا الموضوع ؟




- هل تقرأ الموضوع وَ تندم لأنك هدرتَ وقتك به وَ لا ترد على الموضوع أبدا ً

- هل تقرأ الموضوع وَ تضحك من سَـخافته وَ ترد بـِ أيقونة ساخرة لا أحد لا يفهم ماهيَ وَ إلى ماذا ترمز

أو ترد عـَ الماشي من أجل البرستيج , مثلاً !

- تعبر بـِ كُل شَـجاعة عَن رأيك وَ تقول أنَ هذا المَوضوع لم يُعجبك

- تدعي أنكَ لم تفهم ما فكرة المَوضوع أو المَوضوع غير مفهوم

وتظن أني ذكي لأستنتج أن موضوعي لم يعجبك

- أتستعمل ميزة التبليغ عن مشاركة سيئة

و تطلب من المنسق السريع جداً بـِ الحذف وَ البطيء بالتثبيت بـِ إغلاق الموضوع

- أتتمنى لو كنتَ مُشرفا ً أو منسقاً لـِ تخلص الناس مِن هكذا سَـخافات وَ هكذا أعضاء

- أترسل لي رسـالة خاصة تقول : بأنَ هذا الموضوع لم يُعجبك و أنكَ لم تتوقع مني هكذا موضوع " سخيف "

- هل لديك رأي مُسّـبق بـِ أن كُل المواضيع التي أكتبها سَخيفة لذا فلا داعي لِتأكيد ذلك كل مرة

.

.


ربما توجد لديكم طريقة أخرى تستطيعونَ التعبيرَ بها عن رفضكم لـِ موضوع لم يعجبكم أليسَ كذلك

ماهِيَ طرقكم ؟






أنا بقول أنو الموضوع ما عجبني ... في حال كان كاتب الموضوع من عادتو يكتب مواضيع أرقى

بس إذا ما بعرف كاتب الموضوع .. فما برد .. ببساطة يعني




بس شو مشان هالجملة ..؟؟


و تطلب من المنسق السريع جداً بـِ الحذف وَ البطيء بالتثبيت


:jakoush::jakoush:

البشر بشكل عام بتختلف انماط تربيتون حسب البيئة لذلك ما حدا فينو يقيم أهمية الموضوع الا الشخص اللي طرح الموضوع او يلي عايش حالتو انا لما بشوف موضوع ما بيهمني بتنحى لكن بشكل عام الشباب العربي عم يعيشو نفس المشاكل والبيئة قريبة من بعضها نوعا ما

هلق هي الشغلة بترجع لصاحب الموضوع
مو ضروري اعرفو شخصيا بس من خلال مواضيعو
اذا كانت كلها على مستوى جيد ممكن حط تعليق استهجن في الموضوع

و اذا كان بعرف انو المواضيع تيعو بايخة فما بستغرب و مابحط رد

و اذا كنت ما بعرفو ابدا لا شخصيا و لا مواضيعيا فهون بتحسر على وقتي

نوار...
انا من المعجبين جداً بمواضيعك و مع ذلك مابرد على أغلب مشاركاتك ..لانو انته بتكتب بلغة زخرفية جميلة جداً ..وأنا..مابقدر أرد بنفس السوية و بنفس الاداء..:oops:
فبكتفي بالاطلاع و المتابعة...:p

وكمان فيه مواضيع جيدة ممكن اني فوت واشوفها بدون ما اكتب عليها رد وهي على الاغلب يلي بتحتوي معلومات او اخبار وبظن هيك مواضيع الغرض منها اولا واخير الاطلاع على محتواها

صحيح كلامك.. مافيها شي ممكن الواحد يحكيه ولا يناقشو
أكتر شي بعناوين الصحف و الاخبار..
:D

مرات بتشدني عناوين بعض المشاركات ، بفوت بشوف شي مالو علاقة أو موضوع عادي كتير ما بيستاهل التعليق لا بالسلب ولا بالإيجاب ،
:D

على مبدأ..
جديد و حصريا بمنتدانا الغالي...
قنبلة الموسم لاتفوط الفرصة...
نحن...ماذا...الى أين..!!!!!
أجمل ما قيل في العجّة...
فوووت...وحياتك مابتندم...
:D

ما برد
بس ازا كان الموضوع لحد صديق ببعتلو ع الخاص وبقولو كان لازم ترويت قبل ما تكتب الموضوع بس اكبر غلط انك اجرح بصديقك قدام الكل انو الموضوع مو عاجبك

حسب
اذا الموضوع فيه وجهة نظر و بيمس شي معين برد و بعبر عن رأيي بس اذا كان موضوع عادي و ما عجبني ما برد

مرحبا نوار
في كتير من الاحيان تعجبني مواضيع ولشدة اعجابي بها تتجمد افكاري
فما فضل تخريب الموضوع بكلمة شكرا او رائع او عبارة تشجيع
لاحساسي بان الموضوع ارقى ويستحق اكثر "هي ازمتي الاساسية مع اغلب مواضيعك"
اما بالنسبة للمواضيع اللي ما تعجبني فانسحب في صمت علها تعجب غيري ثم كي اتفادى ان اكون مثبط عزيمة لاي كان
المواضيع المزعجة في حال وجدت مشاركة واحدة تعبر تقريبا عن رايي
اما بضيف عليها الي بحس اني لازم قولو او انسحب بصمت
وفي حال عدم وجود هيك مشاركة كمان في حالتين:p
اما تكون اعصابي هادئة فبعبر عن رايي وناقش
او ماكون في حالة تسمح فباجل الرد لوقت لاحق وغالبا انسى الموضوع

ترى الموضوع بمجملو لفتة حلوة واسئلة بتخلي الواحد يعد للعشرة ونص

المهم انا خليني قول انو بشوف العنوان لانو بعتبرو كرت عزيمة للدخول ع الموضوع

بشوف العناوين وبقرر المواضيع اللي بقبل عزيمتها حسب تراتبية انا بلاقيها بالعناوين

وهالشي خاصة بمنتدى اخوية لانو البركة بالاعضاء كلهن نبع فكر وادب

بقرا الموضوع ع مهل وعينة من الردود اذا شفت الردود مغطاي الموضوع بمرق بدون تعليق وهادا مابيقلل من اهمية

الموضوع واذا حسيت اني قادر ضيف شي ترى مابقصر

اما موضوع التقييم انو سخيف او مو سخيف انا مابحب قرر هالموضوع لانو اكيد اخد جهد من اللي كتبو

واكيد هالجهد مو سخيف

واذا حدا مواضيعو بلاقيها بالعادة افضل وهالمرة مو كتير قدرت اتفاعل معو بفضل انو ماعلق بشكل سلبي انو

الكاتب عم يعطي اللي عندو واليوم هادا اللي عندو وبقبل عطيتو اكيد

هلق شكلي كترت حكي

اخر شي بقول اني احيانا بدور على اسماء تعودت لاقي انو انا وهيي مندور بنفس المدار

بشكركن تحملتوني

تحياتي

على مبدأ..
جديد و حصريا بمنتدانا الغالي...
قنبلة الموسم لاتفوط الفرصة...
نحن...ماذا...الى أين..!!!!!
أجمل ما قيل في العجّة...
فوووت...وحياتك مابتندم...
:D



:lol::lol::lol:

حسب كيف يعني ما عجبني
يمكن الفكرة ماعجبتني لانها ما بتعبر عن رايي
وقتا بفوت وبعطي رايي بكل وضوح
واذا كان الموضوع مجرد حكي وما في فايدة بالنسبة الي منو فانا بقراه وبمشي
اما اذا كان تحشيش فبحشش معون
وبكل الاحوال ما بندم على موضوع قريتو
ومرسي لموضوعك الحلو :lol:

دعونا نفترض أن هذا المَوضوع لي وَ لـِ نفترض أيضا ً أنَ هذا الموضوع لم يعجبك , فـَ ماذا تفعل ؟

ما هِيَ الطريقة التي سَـتعبر لي وَ للآخرين عَن عدم إعجابك بـِ هذا الموضوع ؟




ماانتبهت لهالمقطع الا هلا
صايرة عجيبة انا
المهم لسا ما صارت انو موضوعك ما بيعجبني والله لسا ما حصلي هالشرف
غالبا ما برد لانك مكفي وموفي
او لانو كلماتي يخجلو يطلعو قدام كلماتك
وفرضا صارت وحطيت موضوع بايخ يعني مو فكرو مناقض لفكري
ماافيه فكر اصلا وهذا مستبعد جدا منك
فرح تكون رسالة خاصة عالسريع
:D

انا في احتمالين ازا شفت مواضيع ما بتعجبني ... يا اما ما برد عليه ... او برد عليه بسخرية ...
:D

[B]
[SIZE=3][COLOR=#ff0000]بس ازا كان الموضوع لحد صديق ببعتلو ع الخاص وبقولو كان لازم ترويت قبل ما تكتب الموضوع بس اكبر غلط انك اجرح بصديقك قدام الكل انو الموضوع مو عاجبك

نور
اسمحيلي ومن بعد اذنك لما انا بقول عن موضوع انو مش عاجبني فقصدي الموضوع بحد ذاتو او الفكرة يلي فيه ومو القصد التجريح او التقليل من قيمة الكاتب ابدا لانو نحنا هون اخوة واسم موقعنا أخوية
وبالاساس (( هي لالي شخصيا )) الشخص يلي ما بيعجبني ما بقرا مواضيعو إلا اذا حسيتها بتمسني شخصيا و هي الاحساس ممكن اتوقعو من عنوان الموضوع
تانيا لما اي واحد منا بيكتب موضوع اكيد بيعرف انو فيه ناس غيرو ما بتعجبها هيك افكار وبالاساس هو طرح الموضوع للنقاش مش للتسليم فيه وبصحتو وهو لازم يتقبل النقد
واذا حساس نفسو صاحب الموضوع فوق النقد بلا ما يكتب من الاساس
:D:D:D:D

بالتأكيد ( اسم العضو وتاريخيه الكتابي ) شئ مهم واساسي بالنسبة لي على الاقل





وَ إذا كان العضو جديدا ً

لماذا لا يلقى اهتماما ً إلا حينما يستطيع أن يفكر كما يشاء الأعضاء القدامى ؟

متى تعتبر العضو الجديد عضوا ً فاعِلا ً وَ يستحق الوقوف أمام مواضيعه ؟

لا بل يستحق الرد ,.

متى تعتبر العضو الجديد عضوا ً فاعِلا ً وَ يستحق الوقوف أمام مواضيعه ؟

لا بل يستحق الرد ,.




:deal:
كلمة حق تستوجب الشكر

انته شو قصتك نفسي اعرف شو انته , كلك غريب (بكلامك و بشخصيتك , بردودك , بكلامك)
بس بعجبني الاسلوب هاد!!
لك خيي ليه مغيّر صورتك ؟ ؟ ؟:jakoush:

متى تعتبر العضو الجديد عضوا ً فاعِلا ً وَ يستحق الوقوف أمام مواضيعه ؟

لا بل يستحق الرد ,.




:deal:
كلمة حق تستوجب الشكر


بس تصيرو مستشارين بيتغير الوضع وبتصيرو متلكن متل غيركن:deal:

انا من ناحيتي اذا لقيت شي رد عليه برد غير هيك مابتعب حالي بالرد:D

أ{د على الموضوع واقول بكل صراحة الموضوع لم يعجبني قط

اول شي في اقسام بالاخوية لهلق ما فتت عليها من اساسو وانا بحس انو لازم تنحذف لانها كانت موجودة على سبيل التنويع بوقت من الاوقات وهلق صارت اساس للمنتدى..
من جهة تانية اذا كان الموضوع مزعج كتير وغاية في السخف فبرد ولكن بدون ما ازعج صاحب الموضوع..
واذا كان مزعج لدرجة الوقاحة .. فبرد وبزعجو شوي...

شكرا على عالمعلومة يا حبيب

وَ إذا كان العضو جديدا ً

لماذا لا يلقى اهتماما ً إلا حينما يستطيع أن يفكر كما يشاء الأعضاء القدامى ؟

متى تعتبر العضو الجديد عضوا ً فاعِلا ً وَ يستحق الوقوف أمام مواضيعه ؟

لا بل يستحق الرد ,.





هي المسالة حكيت عنها من قبل.. كل واحد بيلاقي اللي بيشبهو ... وانا بس بدي سجل بشي منتدى لازم دور على منتدى اعضاؤه بيشبهوني .. ومو لازم احشر حالي وبلش حكي فاضي وطق حنك وبعدين انزعج ليش ما حدا قابضني
موضروري يكون بيشبه القدامى بالتفكير .. بس على الاقل حد ادنى من الجدية ياعمي...
واكيد انا ماني من القدامى بس صار عندي رفقات منهون

نور
اسمحيلي ومن بعد اذنك لما انا بقول عن موضوع انو مش عاجبني فقصدي الموضوع بحد ذاتو او الفكرة يلي فيه ومو القصد التجريح او التقليل من قيمة الكاتب ابدا لانو نحنا هون اخوة واسم موقعنا أخوية
وبالاساس (( هي لالي شخصيا )) الشخص يلي ما بيعجبني ما بقرا مواضيعو إلا اذا حسيتها بتمسني شخصيا و هي الاحساس ممكن اتوقعو من عنوان الموضوع
تانيا لما اي واحد منا بيكتب موضوع اكيد بيعرف انو فيه ناس غيرو ما بتعجبها هيك افكار وبالاساس هو طرح الموضوع للنقاش مش للتسليم فيه وبصحتو وهو لازم يتقبل النقد
واذا حساس نفسو صاحب الموضوع فوق النقد بلا ما يكتب من الاساس
:D:D:D:D
انا رح وضح قصدي ببساطة في فرق بين موضوع بناقض وجهة نظري وموضوع تافه من وجهة نظري (لأنو ممكن ما يكون تافه من وجهة نظر حد تاني بسبب التفاوت بالعمر والفكر والعادات)
هلا المشكلة لما يكون تافه من وجهة نظري ببلش مرات جرح في الشخص وهالشي صار معي يعني في ناس بتستخدم طريقة كلام متل ماني فاهم عليك شي ع اساس انك شخص ما بتقدر تركب جملة صحيحة هلا هون بكون تجريح مع انو اللي بيطلع منو هالكلام شخص تافه ما حترم اللي قدامو
بس انا بدك الصراحه لو احد اصدقائي وما الي هون اصدقاء كتير ما بحب انتقدو قدام الكل خاص احسن

اذا الموضوع ما عجبني وما استظرفته ما برد وما بوجع راسي

مسا الخير نوار

فالموضوع عائد لتقييم كل شخص بيفوت و بيقرا و بحب أحتفظ برأيي لحالي ..






كيفَ لنا أن نستفيد وَ نتعرف على فكر وَ تفكير الآخر البعيد كان يخفي آرائه ُ وَ يحتفظ بها لـِ نفسه

ما هوَ هدفك من الكِتابة في المُنتديات بـِ إختصار ؟

مسار النور ,.

انا شخصيا الموضوع السخيف ما بيستاهل اني رد عليه






إن كانت فكرة الموضوع سَخيفة لمَ لا تقول أنه سَخيف

النقد ضرورة للنهضة بـِ أفكارنا صَدقني

أن تنتقدني لا يعني أنكَ عَدوي

هل تتقبل النقد , بصراحة ؟

أنا بقول أنو الموضوع ما عجبني ... في حال كان كاتب الموضوع من عادتو يكتب مواضيع أرقى

بس إذا ما بعرف كاتب الموضوع .. فما برد .. ببساطة يعني






وَ لهذا لا أجدكَ في مواضيعي :lol:

تحياتي لك

كيفَ لنا أن نستفيد وَ نتعرف على فكر وَ تفكير الآخر البعيد كان يخفي آرائه ُ وَ يحتفظ بها لـِ نفسه

ما هوَ هدفك من الكِتابة في المُنتديات بـِ إختصار ؟

مسار النور ,.


فهمتني غلط أو يمكن أنا ما عبّرت صح
لما بيكون رأيي بالموضوع انو سخيف فهون بحتفظ برأيي لحالي لأنو إذا حكيت صاحب الموضوع بدو يتضايق و بدو يرد بطريقة مو ظريفة و أنا ما بحب الخناء بالنهاية كل واحد عندو وجهة نظر ، يعني اللي أنا ممكن شوفو سخيف و تافه غيري ممكن يشوفه غاية في الأهمية و العمق
وصلت ؟؟
:D

لكن بشكل عام الشباب العربي عم يعيشو نفس المشاكل والبيئة قريبة من بعضها نوعا ما





نعم هُناكَ أوجاع مُشتركة نمارسها وَ نكتبها

لكن ألا تلاحظ حِوارتنا العقيمة تنتهي غالبا ً بدون حل

ألا تلاحظ أننا شَعبٌ يُتقنُ الكلامَ وَ الأحلام ؟

أهلاً بك ,.

فهمتني غلط أو يمكن أنا ما عبّرت صح
لما بيكون رأيي بالموضوع فهون بحتفظ برأيي لحالي لأنو إذا حكيت صاحب الموضوع بدو يتضايق و بدو يرد بطريقة مو ظريفة و أنا ما بحب الخناء بالنهاية كل واحد عندو وجهة نظر ، يعني اللي أنا ممكن شوفو سخيف و تافه غيري ممكن يشوفه غاية في الأهمية و العمق








يا صديقتي لماذا لا تنتقدي الموضوع أو تعبري عن رفضك للفكرة أو استياءك

لماذا لا تمارسين أدنى حقوقك وهيَ " التعبير عن الرأي "

لماذا الخجل أو الخوف يا أم الجود

صدقيني لا نتعلم إن لم نتكلم وَ نتجادل وَ نتشارك الآراء

لا تكوني جمالا ً صَامِتا ً

كوني ناطِقا ً ,.

و اذا كان بعرف انو المواضيع تيعو بايخة فما بستغرب و مابحط رد





الأفكار السَخيفة واقع يجب أن نتعايش معه

ليس كُل البشر سواسِية

أهلاً بك ,.

نوار...
انا من المعجبين جداً بمواضيعك و مع ذلك مابرد على أغلب مشاركاتك ..لانو انته بتكتب بلغة زخرفية جميلة جداً ..وأنا..مابقدر أرد بنفس السوية و بنفس الاداء..:oops:
فبكتفي بالاطلاع و المتابعة...:p





هل تعلم أني أعاني من داءٍ عُضال يُدعى : التشكيل وَ الزخرفة العرجاء :lol:

صدقني أنا سَعيدٌ جداً كونكَ مِنَ الأصدقاء المُتابعين

وَ سَعيدا ً أكثر أنكَ تتذوقُ النصوص , كأنكَ تأكلُ الشوكولا بـِ كامل ِ أناقتك

هل تـُحب الشوكولا , صديقي ؟

ما برد
بس ازا كان الموضوع لحد صديق ببعتلو ع الخاص وبقولو كان لازم ترويت قبل ما تكتب الموضوع بس اكبر غلط انك اجرح بصديقك قدام الكل انو الموضوع مو عاجبك






يا نور , لماذا تعتبرين النقد البناء " تجريحا ً للشخص نفسه "

أنتَ تنتقدينَ الفكرة وَ ليسَ الشخص

أرجوكِ لا تخلطي بينهما

النقد وسيلة راقية للرقي بـِ الأفكار وَ بـِ التالي بـِ الأشخاص أنفسهم

تحياتي لك ,.

حسب

اذا الموضوع فيه وجهة نظر و بيمس شي معين برد و بعبر عن رأيي بس اذا كان موضوع عادي و ما عجبني ما برد





وَ كيفَ يعلم صاحب الموضوع أنه لم يُعجبك أو لا يمسّك إن لم تدخلي عَليه

ماذا تفضلين من المواضيع ؟

يا صديقتي لماذا لا تنتقدي الموضوع أو تعبري عن رفضك للفكرة أو استياءك

لماذا لا تمارسين أدنى حقوقك وهيَ " التعبير عن الرأي "

لماذا الخجل أو الخوف يا أم الجود

صدقيني لا نتعلم إن لم نتكلم وَ نتجادل وَ نتشارك الآراء

لا تكوني جمالا ً صَامِتا ً

كوني ناطِقا ً ,.










نوار بدي أضطر أستعير الجملة اللي كاتبتا بتوقيعي :lol:
أنت شكلك مو قاريلي ولا تعليق بشي موضوع كان فيو الجدل محتد .. لو كنت قاري ما بتحكي هيك
أنا بعطي رأيي بالأفكار المطروحة بقول إني مع لكذا و كذا أو ضد كمان لكذا و كذا .. بس إذا شفت الموضوع برمته سخيف ما بقاربو بنوب و ما في داعي علق تحتو لقول انو سخيف .. بالنهاية إذا الموضوع فعلاً سخيف و اللي رأيو متل رأيي ساوا متلي الموضوع رح ينتسى و رح تتصدر قائمة الموضوعات الجديدة موضوعات تانية أهم و أجدر بالمشاركة و التعليقات .. مو أحسن ما كل شوي يفوت حدا و يعلق و يتخانئ مع كاتب المشاركة و يضل عنوان الموضوع ينط بخلقتنا و نكون عطيناه أهمية هو ما بيستاهلا ؟!!؟
:D

اما بالنسبة للمواضيع اللي ما تعجبني فانسحب في صمت علها تعجب غي
ري ثم كي اتفادى ان اكون مثبط عزيمة لاي كان






أهلاً يا حنين " هذا الاسم كُنتِ ترغبين أن يكون لك لكنه محجوز " :lol:

أعلم أنَ هُناك بعض الأفكار لا تستحق الوقت الذي يُهدر لـِ قراءاتها

لكن بـِ سكوتنا عن الأفكار المُتطرفة نكونُ قد قبلنا بها

لا نستطيع الإنسحاب في وقتِ الحرب

أليسَ كذلك ؟

نوار بدي أضطر أستعير الجملة اللي كاتبتا بتوقيعي :lol:
أنت شكلك مو قاريلي ولا تعليق بشي موضوع كان فيو الجدل محتد .. لو كنت قاري ما بتحكي هيك
أنا بعطي رأيي بالأفكار المطروحة بقول إني مع لكذا و كذا أو ضد كمان لكذا و كذا .. بس إذا شفت الموضوع برمته سخيف ما بقاربو بنوب و ما في داعي علق تحتو لقول انو سخيف .. بالنهاية إذا الموضوع فعلاً سخيف و اللي رأيو متل رأيي ساوا متلي الموضوع رح ينتسى و رح تتصدر قائمة الموضوعات الجديدة موضوعات تانية أهم و أجدر بالمشاركة و التعليقات .. مو أحسن ما كل شوي يفوت حدا و يعلق و يتخانئ مع كاتب المشاركة و يضل عنوان الموضوع ينط بخلقتنا و نكون عطيناه أهمية هو ما بيستاهلا ؟!!؟
:D





التقيتُ بـِ حرفك في الخواطر لكني لم أحاورك , وَ لِهذا لا أعرفك وَ لا أفهمك

لكني الآن وَ بعد هذا الحوار اللطيف وَ الهادئ , عرفتكِ من الداخل

أنتِ مُسالِمة جدا ً

لكن

أن نحاور العضو ونقول له بـِ صريح العِبارة أنكَ لا تفهم ما تقول " مرة وَ مرتين وَ ثلاث "

سيعلم لاحقا ً أن عليهِ أن يُفكر ألفَ مرة قبل أن يدرج موضوعا ً

أليسَ كذلك , صَديقتي ؟

:D

المهم انا خليني قول انو بشوف العنوان لانو بعتبرو كرت عزيمة للدخول ع الموضوع

بشوف العناوين وبقرر المواضيع اللي بقبل عزيمتها حسب تراتبية انا بلاقيها بالعناوين

اني احيانا بدور على اسماء تعودت لاقي انو انا وهيي مندور بنفس المدار






أوافقك نسبيا ً

كونكَ تنتقي الأعضاء وَ كأنكَ تنتقي الورودَ في أرض ٍ يباب

هل تؤمن بـِ مُجتمع النخبة أي هل أنتَ نخبوي ؟

لكن يا صَديقي

كثيرا ً ما تخوننا العناوين وَ كثيرا ً ما نرى موضوعا ً عنوانهُ بسيط لكنَ داخلهُ عميق

أليسَ كذلك يا طوروس ؟

أهلاً بك كَثيرا ,.

حسب كيف يعني ما عجبني
يمكن الفكرة ماعجبتني لانها ما بتعبر عن رايي
وقتا بفوت وبعطي رايي بكل وضوح
واذا كان الموضوع مجرد حكي وما في فايدة بالنسبة الي منو فانا بقراه وبمشي
اما اذا كان تحشيش فبحشش معون
وبكل الاحوال ما بندم على موضوع قريتو
ومرسي لموضوعك الحلو :lol:






أهلاً أهلا ً يا بنفسجة

سؤال صريح

لماذا تحبين التحشيش في السقيفة غالبا ً ؟ :lol:

ماانتبهت لهالمقطع الا هلا
صايرة عجيبة انا
المهم لسا ما صارت انو موضوعك ما بيعجبني والله لسا ما حصلي هالشرف
غالبا ما برد لانك مكفي وموفي
او لانو كلماتي يخجلو يطلعو قدام كلماتك





أراكِ أجمل , حينَ تنطقينَ الحَرف

تكتـُبينه ,.

:D

انا في احتمالين ازا شفت مواضيع ما بتعجبني ... يا اما ما برد عليه ... او برد عليه بسخرية ...







المزاج يلعب دور كبير يا صديقي

أحيانا ً أكونُ غاضبا ً فلا أفضل أن أكتب شيئا ً لأحد

أكتبُ لـِ نفسي فقط

تحياتي لك ,.

بس تصيرو مستشارين بيتغير الوضع وبتصيرو متلكن متل غيركن:deal:





صدقني أنها مُجرد ألقاب لا تضفي شَيئا ً على الأسماء

العضو المُميز يَبرز في 50 مُشاركة

وَ هناكَ أعضاء كُثر لحظتهم في أخوية تميزوا في فترة قياسية,.

إذا موضوع تافه جداً وممل لدرجة لا تحتمل فممكن اكتب تعليق ... لكن مش قاسي لأن اللطافة تسري بدمي :p
وإذا موضوع بيهمني بس فيو أفكار إلي مآخذ عليها وممكن النقاش فيها فبناقش أكيد

وعلى فكرة
جايي عبالي نكوش كم موضوع الك بقسم الفلسفة وانقدهم :angel:

انته شو قصتك نفسي اعرف شو انته , كلك غريب (بكلامك و بشخصيتك , بردودك , بكلامك)
بس بعجبني الاسلوب هاد!!
لك خيي ليه مغيّر صورتك ؟ ؟ ؟:jakoush:





يَسُرني أنَ فِكريَّ الضيئلَ جدا ً , أعجبك

وَ أعذرني يا صَديقي , فصورتي لا تعني شَيئا ً أمامَ جمال ِ أرواحكم

كُلُ الصور ِ تفنى وحدها الأرواحُ تطير ,.

شكرا على عالمعلومة يا حبيب






لم أعطي أيَّ مَعلومة ً هُنا يا صَديقي

هل قرأتَ الموضوع ؟

أتساءل !