-
دخول

عرض كامل الموضوع : ثلاثة اعوام من الظلم - سجل تضامنك معهم

رجل من ورق
16/02/2009, 15:37
عتقلت الاستخبارات الجوية السورية وهي فصيل تابع للاستخبارت لعسكرية في البلاد الطالبين الجامعيين علي علي وحسام ملحم , فيما تواصل مطاردة وملاحقة اخلاين بعد اتهامهم بالتحضر لانشاء تجمع شبابي ديمقراطي مستقل عن النظام الحاكم , وقال الناشط السياسي أنور البني الذي يترأس مركز الدراسات والابحاث القانونية في دمشق ان هدف التجمع الذي كان ينوي الطلبة تشكيله هو مناقشة مشاكل الشباب وهمومهم وقضاياهم الحياتيه .
وقال البني أن عناصر الامن هددت اهالي المطلوبين باعتقالهم كرهائن اذا لم يبادروا الى تسليم أنفسهم طوعا .
ويدرس علي علي ادارة الاعمال فيما يدرس حسام ملحم الصحافة في جامعة دمشق

ي تعليق صغير
إذا في حدى مانو مصدق أنو الشباب معتقلين أو في حدى عم يكذب المصدر
بحب خبرهون أنو الخبر صحيح
وأنا من أحد مؤسسي هذا التجمع وهلق عم نروح ونيجي على الفرع كل يوم
كل يوم تحقيق أنا وشب تاني ويمكن يتحقق معي بعد هذا الرد
أنا و الشب التاني فيك تقول شبه معتقلين بس عم نام بالبيت أخر الليل
والقصة بلشت مشان منبر أخوية الحر
والشباب طالعوا كل الحكي من تم حسام وعلى
على فكرة علي العلي مالوا اي علاقة بموضوع التجمع لا من قريب ولا من بعيد بس المسكين نعفط مع حسام بلمعية

وشكرا
أذكرونا بالخير

بس بدي أحكي شغلة لكل شخص عند ضمير أنو
تذكر

في شخصين معتقلين

حسام ملحم
علي العلي

وفي شخص ثالث أعتقل معهم أول أمس
ويمكن أنا صير الرابع

الشباب الثلاثة

ما قتلوا
ما اغتصبوا
ما هربوا حشيش

ما نهبوا البلد

بس كانوا يفضحوا ويحكوا عن يلي نهبوا و قتلوا وهربوا وسرقوا البلد

الحرية لحسام ملحم (عاشق من فلسطين)
الحرية لعلي العلي (To live is to die)
الحرية لطارق الغوراني ( Tarek 007)
الحرية لجميع سجناء الرأي و المعتقلين السياسين في سوريا


ومرت السنة الثالثة على اعتقالهم حسام ملحم طارق الغوراني دياب سرية علي العلي علام ايهم وعمر

قديش تمنيت ما اكتب هالموضوع انو نكتب ترحيب فيهون وهني راجعين
حبنا الكبير الكون وناطرينكون هالسنة
سجلو تضامنكون مع شباب الاخوية الاسرى في السجون السورية والحرية لهم
برجاء تسجيل التضامن والتضامن
:akh:
وردة حماة
16/02/2009, 19:08
لا حول ولا قوة الا بالله العلي العظيم
اديش في مظاليم بسجون سوريا
شباب بوردة عمرن
الللللله ينتقم من النظام يا حق
ويفرج عن هالمساجين
لك خلي هالنظام الفاسد من اب قبل وابن هلأ يركد ورا مهربين المخدرات وبيوت الدعارة اللي عبتزداد يوم ورا يوم احسن من حماية توريث ملكن اللي الله يخلصنا منو عن قريب...
والله يفرج عنك يا اخي انت وزملائك وكل شعبنا..
تقبل مروري...
ayhamm26
17/02/2009, 01:27
حسام ملحم

علي العلي

طارق الغوراني

أسماء تذكرنا بالبقية الباقية من كرامتنا

أنتم الاحرار أبدا رغم انف سجانكم



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
sweetbaby
17/02/2009, 01:44
ان الليل زائل
لاغرفة التعذيب باقية ولازرد السلاسل
الحرية لكم:D
محمد علي العبد الله
17/02/2009, 01:55
كانوا الشباب يقولوا لي أن أخي عمر العبد الله يكتب بأخوية باسم الدكتاتور...

ما بعرف إذا هالشي مزبوط ولا لأ....

دورت على ما كتب الدكتاتور لقيته وقف كتابة بـ 2006، يعني معقول يكون مزبوط

ما بعرف ليش إختار أخي هالإسم "الدكتاتور"

رغم أنه كان يكره الدكتاتورية وأنحبس لأنه ضد الدكتاتور.

الله يفك أسرهم جميعاً يا رب.

طارق الغوراني - ماهر إسبر - دياب سرية - علام فاخور - أيهم صقر - حسام ملحم - عمر العبد الله

أيضاً كريم عربجي وطارق بياسي.

بالمناسبة شباب: علي العلي أفرج عنه بعد سنة تقريباً من توقيفه، قبل صدور الحكم، فشيلوا إسمه وبلا هالفال الحلو....:cry:

ألف شكر لمن أدرج الموضوع، إن شاء الله ما بنتضامن معك
أإأبو العبد
17/02/2009, 02:56
ليش هالقصص بس بسوريا انا عارف انو الي راحو غاليين عليكون بما انهن اعضاء بالمنتدى وانا مابعرف كتير عنن ولا بعرف الاسباب الي ادت لاعتقالن
بس انا كمان رحلي شخصين غاليين عليي واحد بمصر والتاني بسوريا بقضايا سياسية
الله واعلم وينن ماحد بيعرف عنن شي
بس الا مايجي يوم وينزاح العتم عن سما بلادنا
يلعن الظلم مااصعبو
وانا متضامن معكون اخي والواحد كم مرة بدو يموت
حنين.
17/02/2009, 03:12
الله يفك اسرهم واسر كل الشرفاء فعلا الظلم قاسي وما بينطاق
الشعوب العربية كلها اسيرة الاستباد وكذلك الجهل والخوف
امتى يجي اليوم للي نصحى فيه من السبات مو بيقولو الازمة تولد الهمة طيب هاي اسوا ازمة وين الهمة؟
بس لم بسمع انو انسجنو لمجرد نيتهم تاسيس حزب يهتم بالشباب ترجع معنوياتي الى الحضيض
Marooshe
17/02/2009, 03:17
لا بدّ.. أن يزوركم النهار
و ينحني السجان في إنبهار
و يرتمي.. و يرتمي معتقلكم
مهدماً.. لهيبهُ النهار !!
..AHMAD
17/02/2009, 03:22
زحطلي ياه من عالكرسي ...
لاقدر ادعي بحريتهن
بلكي هالمرة ما بيخبط صوتي بحيطان الفروع تبعو ويرجعلي ...

بس... شباب ... وحياة شحاطتكن الي بتفوتو فيها عالتواليت واللي اشرف من اكبر راس جلاد عرفتوه بقعدتكن كلها ... رح تطلعو قريباً جداً

وبالفروع للي متلكن .. مافي شي اسمو ميوت كامل ..

صوتكن رح يبقا بالعالي ... بنفس الحدة، بنفس الصدق ... ورح يضل متل ما هوي


:akh:
وردة حماة
17/02/2009, 14:01
آآآآآآآآآآآآآآه
Ultimat_Ya
19/02/2009, 09:18
الله يفك اسرن واسر كل المسجونين
انا بس من عيلتي فيه 12 واحد لساتن بالسجون
يعني راح يصرلن 30سنة مو حرام
ولسا ما منعرف هن احياء واللا اموات
stormsmaker
20/02/2009, 03:07
بلاع يا وطن بلاع
رجل من ورق
20/02/2009, 13:57
شكرا للتثبيت
سوا ربينا
20/02/2009, 14:04
الله يفك اسرهن ويفك اسر كل المعتقلين ظلم ...
أم الجود
20/02/2009, 14:13
الله يرجعكون لعيلكون و للأخوية سالمين يا شباب
و يكسر كل ايد بتنمد لتخرس صوت الحق

:akh:
شامي للنخاع
20/02/2009, 14:53
الحرية لسجناء الرأي الحر..........
ليلاسة
20/02/2009, 18:37
اوف اوف الواحد عنجد بس يسمع هيك شغلات بينجلط وكلو بيتسكر عليه انشالله بيطلعوا بالسلامة
Nay
23/02/2009, 04:42
حتى السجن.. تجربة مهمة كتير بالحياة.. وخاصة السجن السياسي.. وبصيدنايا تحديدا..
12 سنة ونحنا كل ما نشرب او ناكل وشو ما نعمل منقول انشا الله بطلعة الشباب... وطلع ابي بعد 12 سنة
رغم كلشي رح يرجعو شباب الاخويةاكتر نضجا واكثر قوة وصلابة وثقافة.. ورح نفرح فيهون كتير..
محبتي:D