أعضاء في مجلس الشعب يستعدون لتقديم مشروع قانون معدل يقضي بمنح الجنسية السورية للذين يولدون من أم سورية بعد أن رفضت الحكومة مشروعا سابقا قدم إليها.
وقال عضو مجلس الشعب محمد حبش في تصريح لـسيريانيوز يوم الثلاثاء إن "الحكومة وقفت ضد مشروع القانون الذي قدمناه سابقا حول إعطاء المرأة السورية الحق في منح الجنسية لأبنائها", مشيرا إلى أن "الرفض الحكومي جاء على خلفية ما اعتبرته تناقضا مع قرار لجامعة الدول العربية وافقت سورية عليه ويقضي بعدم منح الجنسية للفلسطينيين".

وكان 10 من أعضاء مجلس الشعب, بينهم حبش, تقدموا بمشروع قانون أواخر العام الماضي يتضمن منح الجنسية السورية للذين يولدون من أم سورية, حيث يعطي القانون السوري الجنسية السورية للذين يولدون من أب سوري فيما يحرم من يولدون من أم سورية حيازة الجنسية, وذلك على عكس ما هو قائم في العديد من دول العالم.

وكشف حبش عن عزم الأعضاء الذين تقدموا بمشروع القانون السابق "التقدم بمشروع قانون جديد ينص على منح الأم الجنسية السورية لأبنائها بما لا يتعارض مع قرارات الجامعة العربية", مشيرا إلى أن " المشروع الجديد سيتلافى مأخذ الحكومة على المشروع القديم والقائم على خشية تسلل توطين الفلسطينيين من خلاله".

وترفض سورية كما هو الحال بالنسبة لكل الدول العربية توطين اللاجئين الفلسطينيين على أراضيها احتفاظا بحق العودة لهم إلى أراضيهم التي نزحوا منها بعد الاحتلال الإسرائيلي لها.

وأعرب حبش عن أمله أن" لا تعارض الحكومة مشروع القانون الجديد", مشيرا إلى أن "هذا القانون سيرفع الظلم عن المرأة السورية ويمكنها ويعطيها حقها", مشيرا إلى أن " السوريين ملتزمون بقرارات الجامعة العربية إلا أننا بإمكاننا من خلال تعديل مشروع القانون إعطاء الأم السورية المتزوجة من أي شخص غير فلسطيني حق إعطاء الجنسية لأبنائها".


وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.

وتطالب سوريات ممن يعانين من هذا الأمر بحقهن في نقل الجنسية السورية إلى أولادهن أسوة بما هو قائم في العديد من دول العالم، وخاصة في الغرب، حيث يتزوج بعض العرب من أجنبيات بغية نيل الجنسية لهم ولأولادهم من بعدهم.




سيريانيوز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ممممممممممممممم:confo:
خير انشالله ...:pos:
ما كنا نخلص من هالعقد نحنا :frown:
شكراً عالخبر :D

بظن صعب يتم هالشي!
عكلن إذا ماتم فهاد مابيعني انو القانون مابيسمحلن يكسبوا الجنسية السورية,
انما الخلاف هون على اكتسابا حكما, متل اكتسابا من الأب,

الفقرة الأولى من المادة التالتة من قانون الجنسية الحالي:
"يعتبر عربيا سوريا حكما من ولد في القطر أو خارجه من والد عربي سوري . "
:D

وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.



ورح يضل مجتمعنا أعرج ..

اي شي بيضايق لكن من جهة تانية متوقع
بزمانو صار موضوع بأخوية حول هالموضوع وكان في بنات ضد منح الجنسية السورية عن طريق الام فشو متوقعين من مجلس الشعب

مو بس عندكن عنا كمان هيك
يحرق حريش أخت هالحاله كأنو الرجل الو حق بالوطن والمرأه رجل كرسي مالها ولا ربع حق بوطنها

ينظر للموضوع من عدة زوايا منها التالي :-


الزاوية الاولى : في اي وطن يتمتع فيه المواطنين بنفس الحقوق والواجبات يجب ان يتمتع ابناء الام المتزوجة من اجنبي بنفس حقوق الابناء من الاب المتزوج من اجنبية .

الزاوية الثانية : في مصر توصلوا الى صيغة قانونية لا تتعارض مع قرار جامعة الدول العربية الصادر عام 1959 ومنحوا الجنسية المصرية لابناء الام المصرية المتزوجة من اجنبي وقام القانون باستثناء المتزوجة من فلسطيني (ولكن الفكرة التانية تتعارض مع الفكرة الاولى)

الزاوية التالته : ابناء الام السورية سوف يكون لهم جنسية الاب + جنسية الام ، ماذا عن الولاء للوطن ؟ سيكون لدولة الاب ام لدولة الام ؟ نحن هنا لا نتحدث عن ام سورية واب لبناني او فلسطيني او اردني او عراقي (الحمد لله لدينا اشياء مشتركة كثيرة اكبر من أن تثير مخاوف على اي من تلك الدول) بل عن ام سورية واب دانماركي او استرالي او نيجيري او اسرائيلي او اميركي مثلا ؟
فولاء الابناء سيكون لجنسية الاب ؟ الاسرائيلي او الاميركي او الدانماركي او النيجيري ؟!!! زاوية خطيرة لابد من تداركها لان لها ابعاد اخطر ولا اريد ان اطيل الان سوف اتحدث عنها حسب تطور الموضوع .

وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.


(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)





ما بدهون هالحقوق أصلا ً المواطن السوري ما عندو غير واجبات ما بيعرف شي إسمو حقوق ..

فا من عندي ما بدهون هالحقوق .

مشكور ابو سمرا ....
خير بيصير .....

يعني بفهم من حديسك .. اني اذا تزوجت مرأة سورية .. العجان الصغار مابيطلعلن جنسية :hashish:

يعني بفهم من حديسك .. اني اذا تزوجت مرأة سورية .. العجان الصغار مابيطلعلن جنسية :hashish:
:o:jakoush:

ينظر للموضوع من عدة زوايا منها التالي :-


الزاوية الاولى : في اي وطن يتمتع فيه المواطنين بنفس الحقوق والواجبات يجب ان يتمتع ابناء الام المتزوجة من اجنبي بنفس حقوق الابناء من الاب المتزوج من اجنبية .

الزاوية الثانية : في مصر توصلوا الى صيغة قانونية لا تتعارض مع قرار جامعة الدول العربية الصادر عام 1959 ومنحوا الجنسية المصرية لابناء الام المصرية المتزوجة من اجنبي وقام القانون باستثناء المتزوجة من فلسطيني (ولكن الفكرة التانية تتعارض مع الفكرة الاولى)

الزاوية التالته : ابناء الام السورية سوف يكون لهم جنسية الاب + جنسية الام ، ماذا عن الولاء للوطن ؟ سيكون لدولة الاب ام لدولة الام ؟ نحن هنا لا نتحدث عن ام سورية واب لبناني او فلسطيني او اردني او عراقي (الحمد لله لدينا اشياء مشتركة كثيرة اكبر من أن تثير مخاوف على اي من تلك الدول) بل عن ام سورية واب دانماركي او استرالي او نيجيري او اسرائيلي او اميركي مثلا ؟
فولاء الابناء سيكون لجنسية الاب ؟ الاسرائيلي او الاميركي او الدانماركي او النيجيري ؟!!! زاوية خطيرة لابد من تداركها لان لها ابعاد اخطر ولا اريد ان اطيل الان سوف اتحدث عنها حسب تطور الموضوع .

محمد، أنت هون طرحت مسألة مهمة، و هي شو بيصير لو جنسية الأب هي جنسية دولة عدوة؟ بس في رأيك ما بينطرح نفس المشكل إذا كانت الأم هي اللي أجنبية مش الأب؟ و لا الولاء تلقائيا بيكون لدولة الأب؟
بعطيك مثال: لما صارت مشكلة بين المغرب و اسبانيا على جزيرة ليلى، نص الجنود الاسبان اللي انبعتو على الحدود كانو من أصل مغربي، و نص أهلهم في المغرب (أو حتى عندهم جنسيتين، المغربية و الاسبانية)
قبل فترة بسيطة، بس من سنتين، كان في عندنا نفس القانون و تعدل بمرسوم ملكي، و أنا بشوف أنو من أبسط الحقوق اللي ممكن يتمتع بها المواطن هو الاعتراف فيه كابن و ابنة للوطن اللي بينتمي اليه، بحكم أنو تولد على أرضو، أو لأنو جذورو (سواء الأب أو الأم) من هذا الوطن:D

شو الجديد ع الحكومه العربيه ؟؟؟ :?

كل الحكومات العربيه تقريبا ما بتمنح الجنسيه لابناء المرأه الي بتتزوج من خارج بلدها

بس الرجل هوه الي بيمنح الجنسيه لمرته واولاده

يعني ما بدي كون متحيزة للحكومات بس انتو فكرتو بالعبء اللي رح يصير عليها لو منحت الجنسية لأبناء المرأة اللي متزوجة اجنبي
متلا عندك بالاردن الغزاوية معهم وثيقة وفي كتير ادرنيات متزوجين غزازوة وحسبو نص مليون واحد حياخد الجنسية لو مشى هالقرار يعني بلد متل الارن بتقدر تتحمل هيك شي وحتى اي بلد عربي قاعدين الشباب بهاجرو من قلة الشغل والسكن والظروف المعيشية الصعبة
بعدين ما حد ضرب المرأة ع ايدها وقلها تتزوج واحد من غير بلدها وقت اختارت لازم تتحمل تنائج الاختيار بأيجابياتو وسلبياتو
وعندك الجنسية بالدول الغربية تعطى للمرأة لأنو كتير هناك في امهات عزباوات وهالشي مو موجود عنا

ما بدهون هالحقوق أصلا ً المواطن السوري ما عندو غير واجبات ما بيعرف شي إسمو حقوق ..

فا من عندي ما بدهون هالحقوق .
ولو يا زلمي




في بونات السكر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بعدين ما حد ضرب المرأة ع ايدها وقلها تتزوج واحد من غير بلدها وقت اختارت لازم تتحمل تنائج الاختيار بأيجابياتو وسلبياتو
هالجملة مو كتير زابطة ......أصلاً عيب الواحد يناقش فيها

هالجملة مو كتير زابطة ......أصلاً عيب الواحد يناقش فيها
سامر انا ما قصدت هيك بس وقت متلا وحده تختارك ازا مو سورية لازم تعرف انك صرت كل شي وانها هي وولادا رح يكونو سوريين هلا وين المشكلة
ازا انت تركتها او لا سمح الله صرلك شي ورجعت لآهلها ع الاقل الحكومات تعطي ولادا بعض حقوق المواطنة بس الجنسية والله صعبه

سامر انا ما قصدت هيك بس وقت متلا وحده تختارك ازا مو سورية لازم تعرف انك صرت كل شي وانها هي وولادا رح يكونو سوريين هلا وين المشكلة
ازا انت تركتها او لا سمح الله صرلك شي ورجعت لآهلها ع الاقل الحكومات تعطي ولادا بعض حقوق المواطنة بس الجنسية والله صعبه
الجنسية مو بس حقوق ...... الجنسية مواطَنة .... و شعور بالانتماء للوطن و الارض





يعني متل ما قال بلاك .... الجنسية السورية بتفرض علينا واجبات .. أكتر بكتير من الحقوق يللي منحصل عليها
بس هادا ما بيعني أنو السوريين بيرضو يبدلوا جنسيتهم بجنسية تانية

في نظريتين بيحكموا قوانين الجنسية بالعالم,
الأولى حق الدم والتانية حق الاقليم, وسورية بتاخد بالتنين لاعطاء جنسيتها.
والمشكلة هون هي اجتماعية بحتة برأيي, إلها علاقة بتطور مجتمعات بتاخد بحق الدم للأب حكما,
-ثبوت النسب لأب سوري- وللأم بحالات استثنائية حاصرا القانون متل
ولد مجهول الأب وامه سورية,
هاد الولد بياخد الجنسية السورية من خلال أمه.
بالتالي المشكلة هي انو هل نحن على استعداد للاعتراف بحق الدم للأم حكما؟

أكيد هالورقه ما بتحدد مقدار انتماء الواحد للبلد الي بحبها .. ممكن كتير ناس ما يكون معون الجنسيه, وشاعرين بالانتماء لسوريا اكتر من ناس معون الجنسيه عن جد وعم يشتغلو ضد مصالح البلد..
بس ما هاد موضوعنا .. موضوع بحقوق المرأه المستلبه .. في كتير من الحالات المرأه بتترد انها تحصل عالطلاق وترجع ع بلادها مشان جنسية ولادها بتكون غير .. وهالشي بيفرض عليها صعوبات كتير كبيره ممكن انها ما تكون قادره تتحملها ..

بعدين شو هالعذر الي بيهوي تبع الحكومه؟ يعملو متل مصر اعطوا الام الحق باعطاء جنسيتها لاولادها باستثناء الفلسطينيين - هاد اذا بدنا نقتنع بالهالعذر-.

أكيد هالورقه ما بتحدد مقدار انتماء الواحد للبلد الي بحبها .. ممكن كتير ناس ما يكون معون الجنسيه, وشاعرين بالانتماء لسوريا اكتر من ناس معون الجنسيه عن جد وعم يشتغلو ضد مصالح البلد..
وأنا بوافق معك عالانتماء العاطفي للبلد,

بس ما هاد موضوعنا .. موضوع بحقوق المرأه المستلبه .. في كتير من الحالات المرأه بتترد انها تحصل عالطلاق وترجع ع بلادها مشان جنسية ولادها بتكون غير .. وهالشي بيفرض عليها صعوبات كتير كبيره ممكن انها ما تكون قادره تتحملها ..
إذا اطلقت أو توفى زوجا ولادا القصر بيحصلوا عجنسيتا حكما, وبضللون حق الخيار بس يصيرو راشدين باختيار جنسية أبوهن الأجنبية

بعدين شو هالعذر الي بيهوي تبع الحكومه؟ يعملو متل مصر اعطوا الام الحق باعطاء جنسيتها لاولادها باستثناء الفلسطينيين - هاد اذا بدنا نقتنع بالهالعذر-.
ما هاد السبب الحقيقي برأيي كمان, لأنو بتنحل متل ماذكرتي,
السبب الحقيقي انو توسيع اعطاء الجنسية بهالشكل بفوت عناصر ممكن مستقبلا تغير تركيبة المجتمع السوري بالكامل,
بك تقولي الموضوع تعصب للحفاظ شكل المجتمع الحالي, سوري أبا عن جد!:D

هل مسموح في سوريا حمل المواطن لجنسيتين ؟؟

إذا اطلقت أو توفى زوجا ولادا القصر بيحصلوا عجنسيتا حكما, وبضللون حق الخيار بس يصيرو راشدين باختيار جنسية أبوهن الأجنبية

ماني كتير مأكده من صحة هالمعلومه بحيث اول مره اسمع فيها .. بس بتوقع انت بتدرس قانون وادرى ورح ارجع اتأكد مع اني بشك , لانو عهالحاله فمعناتو نحنا حالين ربع المشكله نقريبا ! ويا سيدي يا ريت يطلع هالحكي صح ..


بك تقولي الموضوع تعصب للحفاظ شكل المجتمع الحالي, سوري أبا عن جد!

الابن من الام السوريه دمو سوري ايضا وحصوله عالجنسيه ما بيشوه شي من هالمجتمع .. لانو اساسا الرابطه بالام قد تكون اقوى من الاب .. المجتمع بدو ياخد الدم بغض النظر عن الجندر .. يعني سوري ابا عن جد .. وسوري اما عن جد وست كمان .. !

:D

أكيد هالورقه ما بتحدد مقدار انتماء الواحد للبلد الي بحبها .. ممكن كتير ناس ما يكون معون الجنسيه, وشاعرين بالانتماء لسوريا اكتر من ناس معون الجنسيه عن جد وعم يشتغلو ضد مصالح البلد...
ما قلنا هالورقة بتحدد مقدار الانتماء ..
بس قلنا المفروض كل واحد عندو هالانتماء .... يحصل على هالورقة

ما قلنا هالورقة بتحدد مقدار الانتماء ..
بس قلنا المفروض كل واحد عندو هالانتماء .... يحصل على هالورقة
ازا هيك كل العرب بياخدو الجنسية السورية

هل مسموح في سوريا حمل المواطن لجنسيتين ؟؟
لا مو مسموح , قانونا بيفقد المواطن العربي السوري جنسيته بالتجنس بجنسيه أجنبيه,
لكن بدو يكون مقدم طلب بالتخلي عنا ومتوافقلو عليه بمرسوم -وهاد الطلب عادة بيكون من شروط التحنس بجنسيه أجنبيه- لكن هاد الحكي نظري
عمليا في كتير سوريين حملو جنسيات تانية بدون مايطلبوا التخلي عن جنسيتن السورية,
هدول ماحدا بيحكي معن!
"إلا إذا رؤى تجريده منها تطبيقاً لحكم الفقرة (10) من المادة (23) . ويعاقب بالحبس من شهر إلى ثلاثة أشهر وبالغرامة من خمسمائة ليرة إلى ألفي ليرة أو بإحدى هاتين العقوبتين .
3 ـ لا تحرك دعوى الحق العام في هذا الشأن إلا بطلب خطي من وزير الداخلية . "
هاد نص المادة 10 من قانون الجنسية الحالي بسورية

ماني كتير مأكده من صحة هالمعلومه بحيث اول مره اسمع فيها .. بس بتوقع انت بتدرس قانون وادرى ورح ارجع اتأكد مع اني بشك , لانو عهالحاله فمعناتو نحنا حالين ربع المشكله نقريبا ! ويا سيدي يا ريت يطلع هالحكي صح ..
:D
هي المعلومة هي نص المادة 15 من القانون المذكور:D

ازا هيك كل العرب بياخدو الجنسية السورية
حلوة منك :deal:

بلكي بيوافقو بعد التعديل مشان نحس ولو لمرة وحدة انو في شي عم يتغير للأحسن . عنجد صار بدنا فسحة امل

حبيبي هون عندك واجبات فقط
ما عندك حقوق إيواااااااااا
أنا سوري أه يا نيالي
لسا راكدين عالجنسية
شو بدكن فيا
إي شو هيي جنسية أوربية آل يعني
بس خيو عنا فاضيين ما بيعرفو شو بدن يطالعو قرارات فا بيتسلو بهالعالم وعلى كتر ما عمنحتضن عالم من أخوانا العرب اللي بلادن منكوبة
يعني بلكي شي واح عراقي أو فلسطيني أو سعودي حب شي فتاة سوريي واتجوزا وجاب منا ولاد
يعني وقتا عأساس أنو رح يتخوزق وما رح يعطو الجنسية السورية لأولادو وأنو هوي رح يبكي دم من هالشغلة
لك آآآآآآآآآآآآآآآآآآخ
طلعو من راصي يا

ينظر للموضوع من عدة زوايا منها التالي :-


الزاوية الاولى : في اي وطن يتمتع فيه المواطنين بنفس الحقوق والواجبات يجب ان يتمتع ابناء الام المتزوجة من اجنبي بنفس حقوق الابناء من الاب المتزوج من اجنبية .

هاد حكينا:D



الزاوية الثانية : في مصر توصلوا الى صيغة قانونية لا تتعارض مع قرار جامعة الدول العربية الصادر عام 1959 ومنحوا الجنسية المصرية لابناء الام المصرية المتزوجة من اجنبي وقام القانون باستثناء المتزوجة من فلسطيني (ولكن الفكرة التانية تتعارض مع الفكرة الاولى)


وعنا ما بيمنع يطلع قانون يمنع منح الجنسية لشخص ابوه فليسطيني
أو امتلاك الشخص للجنسية السورية والاسرائلية مثلا بسب كذا وكذا

ينظر للموضوع من عدة زوايا منها التالي :-

الزاوية التالته : ابناء الام السورية سوف يكون لهم جنسية الاب + جنسية الام ، ماذا عن الولاء للوطن ؟ سيكون لدولة الاب ام لدولة الام ؟ نحن هنا لا نتحدث عن ام سورية واب لبناني او فلسطيني او اردني او عراقي (الحمد لله لدينا اشياء مشتركة كثيرة اكبر من أن تثير مخاوف على اي من تلك الدول) بل عن ام سورية واب دانماركي او استرالي او نيجيري او اسرائيلي او اميركي مثلا ؟
فولاء الابناء سيكون لجنسية الاب ؟ الاسرائيلي او الاميركي او الدانماركي او النيجيري ؟!!! زاوية خطيرة لابد من تداركها لان لها ابعاد اخطر ولا اريد ان اطيل الان سوف اتحدث عنها حسب تطور الموضوع .

هون.. عزيزي نحنا ما فينا نفرض عالولد انتمائو.. ما فينا نئلو انتي انتمائك لبلد ابوك غصب عنك..

لأن مو ظابطة بنوب.. لأن في كتير ناس معهم الجنسية السورية وهنيي ساكنين بأمريكا لأن جد جدهم كان سوري:cry: ..ويمكن هالشخص ياخد بنت اسرائلية وولادو ياخدو الجنسية السورية والاسرائلية سوا:? .. وما حدا بيعرف لمين ولائون ..
وماحدا عم يحكي شي:frown: ..

فانو شو معنى البنت غير..

:D

انا اطالب وبشدة انو المراة تمنح الجنسية لابناءها
بس للاسف طبيعة المجتمع طبيعة ذكورية غريبة الاطوار

حتى لو كان الأب من رعايا دولة عدوة كاأسرائيل مو لازم نحكم سلفا انو انتماء الأبن رح يكون للأب ,,حق كل طفل يتجنس بجنسية الأم والأب ,,اسرائيل دولة عدوة هلئ ,,بس ما منعرف شو رح تصير بلنسبة إلنا بعد أربعيين سنة مثلا ! ...اما انو الدنمارك او امريكا او بريطانية او استراليا هني اعداء إلنا ,,,بطلب من الصديق يلي كتب هال شي يعذرني ,,لاأنو هال دول مو اعدائي ..ليش مثلا ببريطانية المقيم بحق إلو يقدم عال جنسية بعد أربع سنيين ,,,او ثلاثة اذا كان متزوج امرأة بريطانية ..!! لأنو الشباب هنيك عندون ثقة بنظامون التعليمي .التأمين الصحي و الخدمات الأجدماعية يلي بتكفل انو هال شخص يعيش حياة كريمة طول عمرو ,,,,,,نحنا بسوريا بتم غسيل الدماغ للطفل من عمر ال ستة...طلائع ,,يم شبيبة ..ثم معسكرات جامعيية و حزبيية ,,بعدين العسكرية ,,,,بيجي بعدها خالص كابني آدم !! ...و ا1ا لا سمح الله مرض مثلا ...خلي يروح عال مشافي عنا و يشوف الناس يلي عا بتبصق رئتها و ما في مساعدة حقيقية ,,,,,,,و اذا حب ينتقض هال شي المزكور من خوفو عا بلدو ...فالسجن و سو ء المصير بانتظاروا ....

. . . قال عضو مجلس الشعب محمد حبش لـسيريانيوز إن "بعض البرلمانيين سيتقدمون مطلع آذار المقبل بصيغة معدلة لمشروع قانون يقضي بمنح الجنسية السورية للذين يولدون من أم سورية بعد لحظ مآخذ الحكومة على المشروع الأول". :gem:

وكانت الحكومة رفضت نص القانون في صيغته الأولى معتبرة أنه يتعارض مع مقررات الجامعة العربية فيما يتعلق بعدم توطين أو منح الجنسية للاجئين الفلسطينيين بما يضمن لهم حق العودة إلى وطنهم فلسطين المحتلة.
وأضاف حبش أن "مشروع القانون المعدل لم يذكر استثناء الفلسطينيين من أحكامه صراحة إلا أنه أكد على عدم تنافي مضمونه مع مقررات الجامعة العربية", مشيرا إلى أن "هذا يعني عدم إمكانية إعطاء الأم السورية جنسيتها لأبنائها الفلسطينيين".

وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.

ولا يتمتعون بأي حقوق يتمتع بها المواطن السوري.

أنا كمواطن سوري ...... ما عم اتمتع بشي أبداً



و لا حتى عم استمتع بشي



عالهامش
سمعت أنو رح يفرضوا ضريبة عالمواطنة مطلع العام القادم ..... و يمكن تتضمن هالضريبة مفعول رجعي من تاريخ ميلاد كل مواطن

مو بس عندكن عنا كمان هيك
يحرق حريش أخت هالحاله كأنو الرجل الو حق بالوطن والمرأه رجل كرسي مالها ولا ربع حق بوطنها
انت احسبيها حسبه تانية لو وحده تزوجت واحد واجت تعيش ببلدو بتاخد الجنسية
اما لو رجال اجا يعيش ببلد مرتو ما بياخد الجنسية
ازا هيك وين حقوق الرجل المهضومة