متل ما شفت بموضوع حق الخصوصية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بالمنبر.
ان الجميع متفق على انو خصوصياتنا منتهكة بشكل او بآخر من قبل الدولة,
بغض النظر عن الدولة يلي عايشين فيها ,
وعنا بالشرق بيكون التدخل او انتهاك الخصوصية بشكل أكبر من قبل الأهل او الأشخاص أو المجتمع بشكل عام.
هلق سؤالي هون انو هل يوجد خصوصية مع حبيبك او مع شريك حياتك او مع صديقك المقرب.
بمعنى آخر هل يحق لك أن يكون هناك خصوصية خاصة بك بعيدا عن اطلاع شريكك " الصديق-ة المقرب-ة, الحبيب-ة, الزوج-ة ".
رح أعطي مثال بس مابدي يكون النقاش حول هاد المثال فقط.
يعني موبايلي والاتصالات يلي بتجيني عليه هل من حق هذا الشخص انو يعرفها .
كان في نقاش مع بعض الاصدقاء قالوا انو هي الخصوصية تؤدي للخيانة؟؟؟؟؟؟!!!!!!!.
طبعا هالكلام مرفوض لانو الخصوصية متل الحرية اذا حَسُن استخدامها تعطي النتيجة الجيدة وإذا أُسيء فهذا لا يعني أن الخطأ منها بل من طريقة استخدامها.
هلق بدي اعرف رأيكم انتم .
هل هناك حيز من الخصوصية مع الشريك أم يجب ان تنعدم هل تعتبر هذه الخصوصية في هكذا حالات نوع من الخيانة حقا او نوع من الاسرار التي قد تجلب الشك وتؤدي لخسران لفشل العلاقة.
" طبعا الخصوصية مع هالشريك رح يكون حيزها أضيق من أي حيز تاني ان كان مع شخص آخر أو المجتمع"

بالتاكيد في شيء اسمو الخصوصية بين الشريكين ...
لانون اولا واخيرا شخصين بيناتون اشا كتير مشتركة ... بس كمان غي فوراق وفي اهتمامات محتلفة
والتعدي على الخصوصية بحياة الشريك بلافيها نوع من الخيانة ما العكس ....
يغني ع المثال يلي قلتو على بساطو بس كتير بيعنيلي .. ما مقبول ابدا انو يكون لا تلفوني ولا دفتر يومياتي ولا رسائيلي عبارة عن مشاع حتى مع شريكي ... لانو فيها اشياء خاصة فيني كفرد وانسان وفيها امور خاصة بناس اخرين ما بيربطون معو شي ( اصدقاء اخوة معارف .. الخ). وهيدا تماما يطبق عليه .. الا اذا عندو رغبة انو يخبرني عن شي محدد كنوع من تعدد الاراء
بس بالتاكيد لازم يتوفر مستوى عالي من معرفة الاخر والثقة بيناتهون ..... وهون بقصد ثقة كل طرف بنفسو وبمكانتو عند الاخر ..................

المهم نعرف انو نحنا لما نرتبط بانسان ما منكون امتلكناه .... لانو التملك شي و الارتباط شي تاني تماما

شي طبيعي انو يكون في خصوصية بين الشريكين ،
مع انهن عايشين علاقة وحياة مشتركة بس بيبقى كل واحد عندو عوالمو الخاصه ومن حقو يعيشها ..
بس ازا بيكون في خوف من التعدي على الخصوصية في علاقة .. بيكون في خلل وهالشي بيعني انو عم يصير داخل العلاقه شغله ما بترضي الطرفين ولازملها حل ..
يعني بشوف انو في فرق شاسع بين الخوف من التعدي على الخصوصية وبين الرفض للتعدي على الخصوصية !!



أنا بلخص رأيي بالموضوع هيك،
أبداً ماعندي أي مشكلة انو حبيبي يعرف بكل خصوصياتي .. بس برفض وبشدة انو يشترط عليي معرفتو بهالشي ..
يتركني شاركو لأنو أنا بدي شاركو مو لأنو هو فارض عليي ..

موضوعك حلو :D

هلأ لو بدك تيجي تحكي عن هالخصوصية مع صديقك او قريبك فانا بنظري انها لازم تكون موجودة..أما مع شريك حياتك او حبيبتك فمابظن انو الها لزمة لانو ازاانت مابدك تطلعو عشي بحياتك فهاد بيعني انك مخبي عليه شي...وازامافي شي تخبيه عليه فليش هالخصوصية وليش لنخاف عليها...
بعدين هالخصوصية بنظري بتعمل حواجز بين الشخصين وبتباعدهم عن بعض وماالها لزمة...

بعدين هالخصوصية بنظري بتعمل حواجز بين الشخصين وبتباعدهم عن بعض وماالها لزمة...

بالعكس تماما ،
الحفاظ على الخصوصية واحترامها عند الشريك .. بيعزز الثقة وبيقوي العلاقة ..

الخصوصية الشخصية هي حق لكل فرد في المجتمع, مهما كان نوع هذه الخصوصية, والشخص هو الذي يحدد خصوصيته (من.... والى...ومِن مَن وعلى مَن) ولكن لا ان تضر خصوصية شخص اخر او خصوصية عامة او خصوصية مجتمع او تسبب الضرر او هلاك لنفسة او للاخرين او لكائن حي فهنا نقول قف:jakoush:.....طبعا المثال اللي انذكر الموبايل والاتصالات طبعا .. مو من حق اي شخص يعرف من اتصل عليك او مين كلمت حتى لو كان هذا الشخص حبيب او صديق او زوجه لكن لازم يحسبها الواحد كويس هل هذا الشي يزيد من الشكوك الشخص الاخر هل تقوي العلاقة او تضعفها؟ وخصوصا لما تكون حبيبيه او زوجه..هنا نقول سياسة الشخص وضميره مع الاخرين هي اللي تحدد هل خصوصيته وصلت الى حد الانانية؟......


اما حق او حقوق الخصوصية العامة بما فيها الاجتماعية والدينيةوغيره...الخ... هذي نترك نقاشها. الا اذا احب صاحب الموضوع ذلك ... احتراما له.....

بالعكس تماما ،
الحفاظ على الخصوصية واحترامها عند الشريك .. بيعزز الثقة وبيقوي العلاقة ..


اوكي انامعك بانو لازم يكون في خصوصية بس كمان انو لما تكون شديدة بتعمل شوية ريبة...
بس ازا حسست شريكي انو مافي خصوصية لالي هو لحالو عقلو مابيشتغل ولاحتى بفكر يعرف شو هالشغلات الخصوصية الي عندي ومابدي حدا يطلع عليها:D

اوكي انامعك بانو لازم يكون في خصوصية بس كمان انو لما تكون شديدة بتعمل شوية ريبة...
بس ازا حسست شريكي انو مافي خصوصية لالي هو لحالو عقلو مابيشتغل ولاحتى بفكر يعرف شو هالشغلات الخصوصية الي عندي ومابدي حدا يطلع عليها:D

هي بترجع لعقلية الطرف الآخر ممكن هو يحترم هالشي انو انتي الك خصوصيتك مابقدر اتخل فيها
ومو بالضرورة يكون الشي لمخبى او الخصوصي يكون شي مو منيح يعني متل هيك
وممكن الطرف الاخر يكون في عندو نوع من الغيرة الي بتخلي بدو يعرف اكتر عن خصوصياتك
يعني الي بدي قولو انو مافينا نعمم في ناس هيك وفي ناس هيك
:D

لمهم نعرف انو نحنا لما نرتبط بانسان ما منكون امتلكناه .... لانو التملك شي و الارتباط شي تاني تماما
هي واحد
أبداً ماعندي أي مشكلة انو حبيبي يعرف بكل خصوصياتي .. بس برفض وبشدة انو يشترط عليي معرفتو بهالشي ..
يتركني شاركو لأنو أنا بدي شاركو مو لأنو هو فارض عليي ..
هي اتنين
الحفاظ على الخصوصية واحترامها عند الشريك .. بيعزز الثقة وبيقوي العلاقة ..
هي تلاتة
هدول النقاط التلاتة مهمين جدا لما بدنا ناخد او نعطي هالحيز من الخصوصية.

بعدين هالخصوصية بنظري بتعمل حواجز بين الشخصين وبتباعدهم عن بعض وماالها لزمة...
بتعمل حواجز لما بتنعدم الثقة .
أما انو ما الها لازمة فانا بختلف معك لأنو ربما يكون هلااهتمام تبعك بشيء ما بعيد كل البعد عن اهتمام الشريك أو مثلا كلمات او اوراق كتبتيها بموضوع الك فقط ويسبب لك شيء من الاحراج لو اتطلع عليه احد ما؟؟.
ولكن لا ان تضر خصوصية شخص اخر او خصوصية عامة او خصوصية مجتمع او تسبب الضرر او هلاك لنفسة او للاخرين او لكائن حي فهنا نقول قف
برجع بقول انو الخصوصية متل الحرية يجب أن يحسن استخدامها وسوء استخدامها من البعض لا يعني انها خاطئة. ومتل الحرية الها حد بتنتهي عندو او بتلتغى لما بدها تأدي لأذى اي شخص آخر.
اما حق او حقوق الخصوصية العامة بما فيها الاجتماعية والدينيةوغيره...الخ... هذي نترك نقاشها. الا اذا احب صاحب الموضوع ذلك ... احتراما له.....
هلق الموضوع هو حلقة موجودة ومثبتة بالمنبر بس انا حبيت نتناقش بهاد الشق هون ليكون في أريحية بالنقاش ونطلع بتصور ملائم ولائق بمستوى المنبر والموضوع الموجود هنيك " طبعا من بعد اذن المشرفين" .
هي بترجع لعقلية الطرف الآخر ممكن هو يحترم هالشي انو انتي الك خصوصيتك مابقدر اتخل فيها
ومو بالضرورة يكون الشي لمخبى او الخصوصي يكون شي مو منيح يعني متل هيك
وممكن الطرف الاخر يكون في عندو نوع من الغيرة الي بتخلي بدو يعرف اكتر عن خصوصياتك
يعني الي بدي قولو انو مافينا نعمم في ناس هيك وفي ناس هيك
على الطرفين احترام هاد الحق والغيرة موجودة لكن الها حدود ولما بتتجاوزها ما عادت غيرة صارت تملك متل ما وصفتو سونا .

شكرا لارائكم لجميعا دون استثناء:D

انا بركز ع الخصوصية كتير حتى مرات ما بحب جهة اليمين عندي تدخل بلشمال والمعدة تيجي بالبنكرياس وهيك فكيف من شخص لآخر اكيد كل واحد لازم يحتفظ بشي الو
ومو من حق شريكو او اخو او احد المقربين يطلع عليه

هني شريكين .. صح
والمفروض ما يكون في شي مخبى .. كمان صح
بس احيانا انعدام الخصوصية بين هالشريكين تماما بيأدي لمشاكل
شوية خصوصية .. بتحفظ لكل شخص حيز من الحركة بحرية اكبر .. هيك احسن يمكن