موسى وعيسى ومحمد وعلي ونحنا...وغبائنا. [الأرشيـــــف]

VivaSyria

09/02/2009, 08:12

بداية ياشباب ويا صبايا لازم يكون واضحلكون إنو النقاش هون ماهو عن أديان أو أشخاص وإنما هو عن طريقة تفكيرنا وحياتنا يلي تتسم بكثير من السخافة والغباء وإنعدام الرؤيا... ليش؟؟!!!

بكل صراحة وموضوعية ومع إنقسام شباب أخوية كما أفراد المجتمع بين الأديان والطوائف والمذاهب ومع ظن الجميع إنو المنهج الذي يتبعوه هو الصحيح وكل ماعدا ذلك هو خطأ ظهرت حالة بالمجتمع غريبة كتير وهالحالة هي ضياع الهدف... بمعنى أبسط:

إن كان موسى رسول ولا مو رسول... إنت شو دخلك؟؟
ياعمي إن كان عيسى إبن الله ولا الله ولا روح الله وإن إنصلب وإن ما إنصلب... إنت مين أخد منك شي؟؟
وإن كان محمد صادق ولا كزاب... إنت شو خسران من جيبتك؟؟
وإذا علي الخليفة المستحق ولا الله ولا إبن خالة الله... إنت شو بيهمك بهالحكي؟؟

يعني إنت شو دينك "يلي مقتنع فيه"... شو بدك بباقي البشر شو بدون يفكروا؟؟؟ وبشو بدون يقتنعوا وبشو بدون يأمنوا ويصدقوا؟؟؟ ليش مضيع حالك وتفكيرك ونسيان أهداف حياتك الرئيسية؟؟؟ شو رأيك تفكر بشي أهم؟؟ ياعمي عليك من حالك وشغلك ومستقبلك...

شو علاقة هالشي بالمستقبل والشغل هون نقطتنا... نحنا على إعتبارنا شعب غبي صار شغلنا الشاغل هو الأديان والمذاهب والطوائف والحكي على بعض وتكفير بعض... ونسينا إنو البشرية ماشية بسرعة رهيبة ونحنا مقبورين بعدنا مختلفين المسيح انصلب ولا ما انصلب ومين أحق بالخلافة علي ولا أبو بكر...

بدي وضحلكون نقطة مهمه هون إنو ياعمي البشرية عمرها 6 ملايين سنة وعمر أقدم دين سماوي "اليهودية" حوالي 3000 سنة... طيب كيف كانت الأمور ماشية قبل هيك؟؟ ياعمي هلكنا ونحنا نقول الأديان هدفها الأساسي تحديد وتنظيم مجموعة القيم التي تضبط علاقة الأفراد ببعض بغية الوصول إلى مجتمعات حضارية محترمة...

وللعلم فمو جديد علينا موضوع الغباء وإنعدام الرؤيا والهدف والدليل نزول كل الرسالات والأديان بأرضنا... حدا بيقدر يقلي شو السر من نزول جميع الأنبياء والرسل والكتب بأرضنا؟؟ عمرك سمعت برسول نزل بالصين أو بسويسرا مثلاً؟؟ أنا بقلكون مو لأنو أرضنا هيّ أرض شريفة... الله ما عندو أرض شريفة وأرض نص كم... بس لأنو نحنا شعب مابيقتنع ونحنا شعب مابيعرف شو بدو... يعني بصراحة الله تعب معنا من كتر مانزل رسل وكتب على أمل إنو بيوم من الأيام نصير شعب محترم وحضاري... بس نحنا ما بدنا...

أوروبا والعالم بدون رسل وبدون كتب وبدون مذاهب وأفلام وقصص ماشية بشكل حضاري وعين الله حولها.. ولسا إنتو مختلفين مين دينو صح ومين دينو غلط... والله صار لازم نفيق بقى...

بوذا قال " أفضل معبد على وجه الأرض هو قلبك"... وأنا بقول إذا حنبقى هيك أول ما نتعرف على حدا من دين أو طائفة معينة بدنا نفكر بدينو أو طائفته لجزء من الثانية ونحمل سيف الجهاد لإثبات صحة ديننا وخطأ بقية الأديان بعمرنا ما حنصير بشر...

ودمتم.

مجنون يحكي وعاقل يسمع

09/02/2009, 09:19

.. حدا بيقدر يقلي شو السر من نزول جميع الأنبياء والرسل والكتب بأرضنا
بي شرفك هادا سؤال بينسأل
يعني حدا بيزرع شغلة ما بتنباع وما بتلزملو , يعني فيك تزرع قطن بالصحرا , منين بدك تجبلها المي
ودخلك شو بدو يعمل موسى وعيسى ومحمد وعلي بالصين , معقول يلعبو تركس أو طرنيب , يا أخي بالصين مو فاضين الجماعة عندون شغل هنّي والكوريين واليابانيين وباقي العالم , ماحدا فاضيلون , وبعدين نسيان أنو من يوم آخر الأنبياء صرنا مخترعين مئات الأنبياء وإذا بتحب بذكرلك أسماؤون , وبكل قطر صار ألو أنبياؤو الخاصين ومعنا معنا بنزل بكل حارة نبي ومنحط على باب كل حارة واحد

هدوء البحر

09/02/2009, 10:17

وأنا بقول إذا حنبقى هيك أول ما نتعرف على حدا من دين أو طائفة معينة بدنا نفكر بدينو أو طائفته لجزء من الثانية ونحمل سيف الجهاد لإثبات صحة ديننا وخطأ بقية الأديان بعمرنا ما حنصير بشر...

ودمتم.

انت عم تحكي عن شي مو موجود ببلدنا ممكن يكون بمجتمعات تانية بس بدي وضح شغلة انو كل الواحد له الحق بدفاع عن دينو اذا تمت الاساءة له

رجل من ورق

09/02/2009, 10:28

بوذا قال " أفضل معبد على وجه الأرض هو قلبك"... وأنا بقول إذا حنبقى هيك أول ما نتعرف على حدا من دين أو طائفة معينة بدنا نفكر بدينو أو طائفته لجزء من الثانية ونحمل سيف الجهاد لإثبات صحة ديننا وخطأ بقية الأديان بعمرنا ما حنصير بشر...
يسلم الكاتب والقايل
في نقطة انو كل مين عم يهب هالهبة وينتفض بوش الدين التاني يا ترى هو عارف دينه صح؟؟؟؟؟؟؟
بعدين شو هالمنطق تبع انو والله اهانوا ديني بهالبلد معناتا اهل هالدين لازم يقام عليهون الحد

Damask Rose

09/02/2009, 10:33

يسلم الكاتب والقايل
في نقطة انو كل مين عم يهب هالهبة وينتفض بوش الدين التاني يا ترى هو عارف دينه صح؟؟؟؟؟؟؟
بعدين شو هالمنطق تبع انو والله اهانوا ديني بهالبلد معناتا اهل هالدين لازم يقام عليهون الحد

موقصة حد ماحد ولاهالحكي كلو
يعني انت ازا حد بيتهجم على دينك أو ياسيدي بسيء لإلو مابيتحرك في شي جواك؟؟مابتحس انو لازم تحكيلك شي كلمة؟؟؟؟
بعدين الواحد لما بدو يرد اساءة لدينو هاد لاتعصب ولانقص فيو ولاشي..هاد واجبو..إالا طبعا الي دينو مالو كل هالأد فبالتالي مارح تكون فارقة معو ورح يتطلع عالعالم الي غيرو هيك:shock:(( مال هالعالم الفاضية))
مع احترامي لرأيكم طبعا:D

VivaSyria

09/02/2009, 10:39

قبل ما رد على المشاركات... يرضى عليكون ياشباب مابدنا نقلب الموضوع عن جدوى "الدفاع" عن الأديان وحرق الدواليب وتكسير السفارات ومقاطعه الزبدة والجبنة...

في غرض واضح من الموضوع وهو متل ما ذكرت تحديد أولويات حياتنا وأهدافنا وجدوى تصرفاتنا ووين بياخدنا تفكيرنا والطريقة الصحيحة لحياتنا وياريت ما تاخدولنا الموضوع بمنحى تاني...

وشكراً.

رجل من ورق

09/02/2009, 10:41

موقصة حد ماحد ولاهالحكي كلو
يعني انت ازا حد بيتهجم على دينك أو ياسيدي بسيء لإلو مابيتحرك في شي جواك؟؟مابتحس انو لازم تحكيلك شي كلمة؟؟؟؟
بعدين الواحد لما بدو يرد اساءة لدينو هاد لاتعصب ولانقص فيو ولاشي..هاد واجبو..إالا طبعا الي دينو مالو كل هالأد فبالتالي مارح تكون فارقة معو ورح يتطلع عالعالم الي غيرو هيك:shock:(( مال هالعالم الفاضية))
مع احترامي لرأيكم طبعا:D
ببساطة لا
لانو بعرف منيح انو هاد الدين منزل من الرب واكبر من ان يحارب لا من شخص ولا من بلد
بعدين تعي لشوف قلتيلي واجبه؟؟؟؟
ماهوي الل مضيعتنا قصة الواجب هي

VivaSyria

09/02/2009, 10:51

بي شرفك هادا سؤال بينسأل
يعني حدا بيزرع شغلة ما بتنباع وما بتلزملو , يعني فيك تزرع قطن بالصحرا , منين بدك تجبلها المي
ودخلك شو بدو يعمل موسى وعيسى ومحمد وعلي بالصين , معقول يلعبو تركس أو طرنيب , يا أخي بالصين مو فاضين الجماعة عندون شغل هنّي والكوريين واليابانيين وباقي العالم , ماحدا فاضيلون , وبعدين نسيان أنو من يوم آخر الأنبياء صرنا مخترعين مئات الأنبياء وإذا بتحب بذكرلك أسماؤون , وبكل قطر صار ألو أنبياؤو الخاصين ومعنا معنا بنزل بكل حارة نبي ومنحط على باب كل حارة واحد

هو الفكرة ياحبيب مو بس بموضوع الأرض الخصبة والعقليات الجاهزة بس... الفكرة كمالتها بأنو هاد الشعب شعب بدو توجيه إلهي مستمر حتى يصير محترم.. واتصور انو بعد ألف تدخل إلهي ماصار محترم.. وحتى الرسائل الإلهية عدلها وخبص فيها واختلف عليها... يعني حتى الله ماقدر يعمل معون شي...
بينما غير شعوب فهمت شو الفكرة من الرسائل فوراً وخلص وعاشت حياتها المحترمة بشكل طبيعي.. والدليل شوف وين صاروا ووين صرنا.

The morning

09/02/2009, 10:57

بينما غير شعوب فهمت شو الفكرة من الرسائل فوراً وخلص وعاشت حياتها المحترمة بشكل طبيعي.. والدليل شوف وين صاروا ووين صرنا.

مش دقيق هالكلام !

مين هنن الـغير شـعوب ؟

VivaSyria

09/02/2009, 11:02

مش دقيق هالكلام !

مين هنن الـغير شـعوب ؟

برأيك مش دقيق... بس الواقع بيقول غير هيك

شوية أمثلة على شعوب ودول: اليابان الصين وأغلب دول أسيا وغالبية أوروبا والأمريكتين... بتصور واضح إنو الحكي على الشعوب والمنظومة الإجتماعية والإنجازات الحضارية والتطور الفكري...

zen

09/02/2009, 11:03

:?
انو غريب عندكون قدرة غريبة مدري من وين مستمدة بتحويل المواضيع لنقاشات عكس الموضوع تمام
الموضوع ببساطة بيقلك دينك ألك ولربك شو دخلك بالعالم
يعني الله فوت ونحنا هووون
ع السريع صار اذا حدا سب ديني لازم رد
:frown:
عفكرة انو الشي الموجود عنا لا موجود بمجتمعات تانية ولا بطيخ
من يوم ما سطلة الدين تركت اوربا شوفو كيف صارت
الدور علينا
بتمنى انو ما تغير المموضوع وتناقشو النقاط اللي في
:pos:

VivaSyria

09/02/2009, 11:05

يسلم الكاتب والقايل
في نقطة انو كل مين عم يهب هالهبة وينتفض بوش الدين التاني يا ترى هو عارف دينه صح؟؟؟؟؟؟؟
بعدين شو هالمنطق تبع انو والله اهانوا ديني بهالبلد معناتا اهل هالدين لازم يقام عليهون الحد

السؤال شو المنطق يلي بيقلك انو أعمل هدف حياتي البحث على أخطاء أي شخص بحق ديني... والسؤال إنو شو بيقدر هالشخص يأثر بديني إذا أنا واثق من صدقه وقوته...

بس متل ماقلتلك مو هون محور النقاش.

رجل من ورق

09/02/2009, 11:15

السؤال شو المنطق يلي بيقلك انو أعمل هدف حياتي البحث على أخطاء أي شخص بحق ديني... والسؤال إنو شو بيقدر هالشخص يأثر بديني إذا أنا واثق من صدقه وقوته...

بس متل ماقلتلك مو هون محور النقاش.
ما فهمت عليك:shock:

zen

09/02/2009, 11:20

مش دقيق هالكلام !

مين هنن الـغير شـعوب ؟
:?
انو معقول شوش عم تسألي
مثلا أوربا او أمريكا اللاتينية مشان ما قللك أمريكا
هدول كلون مو مناح
:D

The morning

09/02/2009, 11:23

برأيك مش دقيق... بس الواقع بيقول غير هيك
هون بـينطرح سـؤال الواقع شو بيقول و عشو بيستند ؟؟

شوية أمثلة على شعوب ودول: اليابان الصين وأغلب دول أسيا
اليابان و الـصين و أغلب دول أسـيا لا تعتبر من الدول اللي تعتمد على الديانات و الشخصيات المذكوره بعنوان موضوعك \ موسى و عيسى و محمد و علي \ وغالبية أوروبا والأمريكتين...
أنّو شـو صار معون بأوروبا و الأمريكيتين فهمو المسـج الرباني و عاشـو بثبات و نبات ؟ شـو مشـان تاريخ أوروبا و المـشاكل و الانقسامات بين الكنـائس ؟؟ و شو مـشـان الأميريكيتين و الشعوب المتعصبه اللي فيهم ؟؟

بتصور واضح إنو الحكي على الشعوب والمنظومة الإجتماعية والإنجازات الحضارية والتطور الفكري

اذا بتلاحظ انّي أنا ما اتيت على ذكر انّو مش واضح الحكي انما اللي قـلته - و بعدني عم قوله - انّو مش دقـيق !

zen

09/02/2009, 11:23

السؤال شو المنطق يلي بيقلك انو أعمل هدف حياتي البحث على أخطاء أي شخص بحق ديني... والسؤال إنو شو بيقدر هالشخص يأثر بديني إذا أنا واثق من صدقه وقوته...

بس متل ماقلتلك مو هون محور النقاش.

هلق جواب السؤال هوي واضح لشريحة كبيرة وهي انو انا بطلعلك الاخطاء بدينك حتى قلك انو ديني الصح
الشخص ما بيقدر يأثر بيدنوا تأثير كبير بس الطرف التاني راح يقول تعا لعنا ع دينا أحسن
:D

zen

09/02/2009, 11:24

شوش من لما الكنيسة ترطت السلطلة باوربا شو في شو صار ووين صارو وين نحنا

هدوء البحر

09/02/2009, 11:26

:?
انو غريب عندكون قدرة غريبة مدري من وين مستمدة بتحويل المواضيع لنقاشات عكس الموضوع تمام
الموضوع ببساطة بيقلك دينك ألك ولربك شو دخلك بالعالم
يعني الله فوت ونحنا هووون
ع السريع صار اذا حدا سب ديني لازم رد

:pos:

لا قدرة غريبة ولا شي كل يلي حكيناه انو الشي يلي عم يحكي فيه مالو موجود ببلدنا لا عم تصير مدابح ولا مجازر
منشان دين او طائفة والنئطة يلي زكرتها انو يا عمي يلي بدء الباب بيسمع الجواب انا ماعم دااافع لانو ماحكى شي لدافع عنو بس يلي بئصدو انو اذا دافع غن دينو مو يعني عم يدخل بيغيرو او عم يجبرو على شي

وشكرا

zen

09/02/2009, 11:34

لا قدرة غريبة ولا شي كل يلي حكيناه انو الشي يلي عم يحكي فيه مالو موجود ببلدنا لا عم تصير مدابح ولا مجازر
منشان دين او طائفة والنئطة يلي زكرتها انو يا عمي يلي بدء الباب بيسمع الجواب انا ماعم دااافع لانو ماحكى شي لدافع عنو بس يلي بئصدو انو اذا دافع غن دينو مو يعني عم يدخل بيغيرو او عم يجبرو على شي

وشكرا
خيو القصة ما مستاهلة الحمئة كلها على بعضها
وموضروي تصير عنا بالبلد بس بغير بلاد مجاورة مثلا عمبتصير
بعدين مين قلك ما عم بتصير انت سمعان باحداث مصياف والقدموس ؟؟؟!!!!!
وبعدين انت عم تحكي عن حالة وهي حالتك مافينك تعممها وتقول انو الكل بيفكروا متلك انو القصة دفاع مو أكتر
بعدين لا ديني ولا دينك بحاجة انو حدا يدافع عنون
وراح قللك أكتر صحي ما عم بتصير مدابح
بس لو الشعب بينترك شوي بتصير المدابح
يعني هلق عايشين بالسلام اللي شايفو وهني مجبورين
ونحنا غايتنا تصير القصة نابعة من فكر مو من قسر
:D

cornholio

09/02/2009, 11:35

حكي حلو .........
تخلفنا نحنا بطريقة تعاملنا من الدين هوي اللي خلانا نوصل لهيك مواصيل
طبعا انا ما خصني شي انو اذا كان عيسى او موسى او محمد انبياء او ولاد الله او او او
بس نحنا من ورا تفكيرنا بهيك شغلات عم نتقدم للاسف خطوات نحو الوراء و ما منعرف كيف بدو الواحد يوافق بين دينو و حياتو
اخي دينك ل ربك و حياتك بالمجتمع اللي انت فيه الك ما تدخل الدين فيها لانو كتير من العالم بدون يخالفوك وجهات النظر و هيك الوضع ساعتها بيصير سلامتك
العالم عم يتقدم للامام و نحنا للاسف عم نتراجع من ورا نعرف اذا كان محمد سعودي ولا عربي !!!!

عوجا !!!!!

VivaSyria

09/02/2009, 11:39

هون بـينطرح سـؤال الواقع شو بيقول و عشو بيستند ؟؟
!

بيستند على إنو سيارتنا ألمانية وكمبيوتراتنا يابانية وموبايلتنا فنلندية والجي بي إس يلي منستخدمو أمريكي.. إذا هدول مو مقياس إنجازات الشعوب وحضارتا فما بتصور إنو ورق العنب والتبولة هو ممكن يكون مقياس مجاراتنا لهالشعوب..

اليابان و الـصين و أغلب دول أسـيا لا تعتبر من الدول اللي تعتمد على الديانات و الشخصيات المذكوره بعنوان موضوعك \ موسى و عيسى و محمد و علي \

هاد تأكيد على الأفكار الواردة بنص الموضوع ومانو نفي أو تشكيك بمدى دقة النص.. إلا إذا اكتفيتي بقراءة عنوان الموضوع وانتقلتي فوراً للرد... لوضحلك شوي:

حكيك معناه إنو عالشعوب اللادينية قدرت تخلق منظومة إجتماعية فكرية حضارية متطورة ونحنا "يلي الأسماء الواردة بالعنوان بتخصنا" صرنا تحت الأرض.. فوجب البحث عن أساس المشكلة وبأكدلك إنو نحنا يلي خلقنا مشاكل جدلية مستمرة حول هالشخصيات وأهدافها وبخلقنا لهالمشاكل نسينا الأهداف السامية للحياة وانعدم التطور والإنجاز الحضاري... بتمنى يكون وضح

أنّو شـو صار معون بأوروبا و الأمريكيتين فهمو المسـج الرباني و عاشـو بثبات و نبات ؟ شـو مشـان تاريخ أوروبا و المـشاكل و الانقسامات بين الكنـائس ؟؟ و شو مـشـان الأميريكيتين و الشعوب المتعصبه اللي فيهم ؟؟

إي نعم فهمو المسج الرباني وعاشو بسبات ونبات.. اختارو أي مسج بدون ياه وعاشوا بدون تشعيب للقصص وخلق مشاكل بتلهيهون عن التقدم والإزدهار...

وكمان حكيك هون تأكيد لما ورد بنص الموضوع بيكفيهون فخر إنو مرقوا بفترة مشاكل وإنقسامات تعلموا منها وصححو أخطائون وكملوا صح... أما العيب على يلي من 2000 سنة ما كانوا يستوعبوا من مشاكلون ومصايبون وتاريخون ومستمرين على نفس الخطى والنهج مع إختلاف الأساليب " كانو يدبحوا بعض بالسيف هلأ صاروا يدبحو بعض بالسيارات المفخخة والمتفجرات والإرهاب الفكري"...

أما إذا النقاش حول إنكار التطور الحضاري والفكري والإنجازات الهائلة بأوروبا وأسيا وأمريكا وعدم الإعتراف بالتخلف الغريب الوصف يلي نحنا فيه فما بعرف شو بدي قول...

اذا بتلاحظ انّي أنا ما اتيت على ذكر انّو مش واضح الحكي انما اللي قـلته - و بعدني عم قوله - انّو مش دقـيق

بفضل إنك تقولي مو دقيق برأيك لأنو برجع بقول إنو الواقع هاد تحديداً فيكي تبلشي بالإستدلال عليه من الساعه يلي بإيدك لتوصلي للقمر الإصطناعي يلي عم ينقلك إتصالاتك...

وشكراً.

رجل من ورق

09/02/2009, 11:39

هون بـينطرح سـؤال الواقع شو بيقول و عشو بيستند ؟؟

اليابان و الـصين و أغلب دول أسـيا لا تعتبر من الدول اللي تعتمد على الديانات و الشخصيات المذكوره بعنوان موضوعك \ موسى و عيسى و محمد و علي \
أنّو شـو صار معون بأوروبا و الأمريكيتين فهمو المسـج الرباني و عاشـو بثبات و نبات ؟ شـو مشـان تاريخ أوروبا و المـشاكل و الانقسامات بين الكنـائس ؟؟ و شو مـشـان الأميريكيتين و الشعوب المتعصبه اللي فيهم ؟؟

اذا بتلاحظ انّي أنا ما اتيت على ذكر انّو مش واضح الحكي انما اللي قـلته - و بعدني عم قوله - انّو مش دقـيق !
عذرا شوش بس اللي بعرفه انو بغالب الدول هاي سلطة الكنيسة شبه مغيبة يعني ما خصها بالدولة

VivaSyria

09/02/2009, 11:45

بعدين مين قلك ما عم بتصير انت سمعان باحداث مصياف والقدموس ؟؟؟!!!!!
وبعدين انت عم تحكي عن حالة وهي حالتك مافينك تعممها وتقول انو الكل بيفكروا متلك انو القصة دفاع مو أكتر
بعدين لا ديني ولا دينك بحاجة انو حدا يدافع عنون
وراح قللك أكتر صحي ما عم بتصير مدابح
بس لو الشعب بينترك شوي بتصير المدابح
:D
زين مين قال إنو المشكل بس بتصير وقت يصير مدابح؟؟ يعني مو مشكل التفكير بأديان البشر ومعتقداتها؟ مو مشكل ماتحكي مع فلان أو تتعامل معو بشغل لأنو دينو كزا أو كزا؟؟ مو مشكل ماتزوج بنتك لفلان لأنو دينو كزا أو كزا؟؟ مو مشكل تحصر تفكيرك بفلان كيف بيصلي وكيف بيصوم وشو بيعبد؟؟

مجرد التفكير بهالشغلات عيب وبيرجعك لورا ألف سنة وبتستهلك طاقاتك وقدراتك وفكرك بغير محلو..

أكيد مابقصد عنك بالكلام بس عم حاكيك بصيغة مخاطب :lol:

The morning

09/02/2009, 11:47

:?
انو معقول شوش عم تسألي
مثلا أوربا او أمريكا اللاتينية مشان ما قللك أمريكا
هدول كلون مو مناح
:D
أنا ما اتيت على ذكر انو مش مناح انما حركه تفهيم شعوبنا انون حمـير و انّو غيرهم أفـهم منهم سـياسه أنا ما بفهمها ! أنا مع بعض الفكر المطروحه بالموضوع - لكن مش لنحط من الأديان او تعاطيها و نخلق رد فعلي عند الناس انما لتنظيمها - و أكيد مش بطريقه رفع من قيمه الاخرين على حـساب أنفـسنا بمجرّد ترديد كـلام مـش دقيق و لا بيسـتند على أيّ خلفيات تدعمه ..

و لـكن ما قتلي ليش ما بدك تذكر اميركا ؟؟

شوش من لما الكنيسة ترطت السلطلة باوربا شو في شو صار ووين صارو وين نحنا

أها معناها مـش الشعوب فهمت الفكره من الرسائل فورا و خلص و عاشت حياتها - على حد تعبير فادي - انما تمّ فـصلها عن الحكم .. و لكن الناس المتعصبين بعدهم موجودين و عايشين باوربا و هنن كمان عم يشتغلو و يانتجو ..
فانا ما عم انفي أغلاط شـعوبنا و لكن معلش نكون دقيقين اكتر بطرح الصوره

VivaSyria

09/02/2009, 12:05

لا تأخذنا كنت عم اتأكد من شغلة :p

لا قدرة غريبة ولا شي كل يلي حكيناه انو الشي يلي عم يحكي فيه مالو موجود ببلدنا لا عم تصير مدابح ولا مجازر

ياعمي مين قلك مو موجود.. موجود بكل المجتمعات العربية مروراً بسوريا ولبنان والعراق والخليج والكل... بس بيختلف طريقة التعبير عنو وتتدرج من القتل المباشر مروراً بالإرهاب الفكري والتكفير وصولاً لعدم التواصل الأسري والتزاوج وبألف شكل وشكل... يعني بما يتناسب مع حالة البلد..

منشان دين او طائفة والنئطة يلي زكرتها انو يا عمي يلي بدء الباب بيسمع الجواب

أنو باب بلا صغرة يلي دقيناه؟؟ مشان نعرف ماعد ندق عليه مره تانيه مو مشان شي...

انا ماعم دااافع لانو ماحكى شي لدافع عنو بس يلي بئصدو انو اذا دافع غن دينو مو يعني عم يدخل بيغيرو او عم يجبرو على شي

ياعيني دافع بس حدا يجي يفرض عليك تغير دينك قلو مادخلك بربي ومابدي غيرو... بس مو تخلي محور إهتمامك مهاجمة العالم والتفكير فيهون وبأديانهون وكل ما واحدا حكا كلمة عن دينك تعتبروا عم يهدم أساسات الدين... صدقني الأديان أقوى من هيك... وطبعاً الحكي مو عنك شخصياً وإنما بشكل عام...

أنا يلي صرت عايدو ألف مرة انو لازم نوجه حياتنا بطريقها الصح ومانهدر طاقاتنا بشغلات بلا طعمه...

وشكرا

وعفواً.

هدوء البحر

09/02/2009, 12:17

يمكن انت ما فهمت شو بئصد انا كل حكيي انو عنا بسوريا ماحد بيدخل بحدا ولا منجبر حدا على شي

VivaSyria

09/02/2009, 12:28

يمكن انت ما فهمت شو بئصد انا كل حكيي انو عنا بسوريا ماحد بيدخل بحدا ولا منجبر حدا على شي

والله بعرف إنو عندكون بسوريا هيك... وأنا يلي عم قولو إنو الموضوع موجود وطريقة التفكير موجودة بس بتختلف من مكان لمكان... وحتى عندكون بسوريا موجودة بس بطريقة معينة...

The morning

09/02/2009, 12:34

بيستند على إنو سيارتنا ألمانية وكمبيوتراتنا يابانية وموبايلتنا فنلندية والجي بي إس يلي منستخدمو أمريكي.. إذا هدول مو مقياس إنجازات الشعوب وحضارتا فما بتصور إنو ورق العنب والتبولة هو ممكن يكون مقياس مجاراتنا لهالشعوب.
هاد تأكيد على الأفكار الواردة بنص الموضوع ومانو نفي أو تشكيك بمدى دقة النص.. إلا إذا اكتفيتي بقراءة عنوان الموضوع وانتقلتي فوراً للرد... لوضحلك شوي:
حكيك معناه إنو عالشعوب اللادينية قدرت تخلق منظومة إجتماعية فكرية حضارية متطورة ونحنا "يلي الأسماء الواردة بالعنوان بتخصنا" صرنا تحت الأرض.. فوجب البحث عن أساس المشكلة وبأكدلك إنو نحنا يلي خلقنا مشاكل جدلية مستمرة حول هالشخصيات وأهدافها وبخلقنا لهالمشاكل نسينا الأهداف السامية للحياة وانعدم التطور والإنجاز الحضاري... بتمنى يكون وضح
إي نعم فهمو المسج الرباني وعاشو بسبات ونبات.. اختارو أي مسج بدون ياه وعاشوا بدون تشعيب للقصص وخلق مشاكل بتلهيهون عن التقدم والإزدهار...
وكمان حكيك هون تأكيد لما ورد بنص الموضوع بيكفيهون فخر إنو مرقوا بفترة مشاكل وإنقسامات تعلموا منها وصححو أخطائون وكملوا صح... أما العيب على يلي من 2000 سنة ما كانوا يستوعبوا من مشاكلون ومصايبون وتاريخون ومستمرين على نفس الخطى والنهج مع إختلاف الأساليب " كانو يدبحوا بعض بالسيف هلأ صاروا يدبحو بعض بالسيارات المفخخة والمتفجرات والإرهاب الفكري"...
أما إذا النقاش حول إنكار التطور الحضاري والفكري والإنجازات الهائلة بأوروبا وأسيا وأمريكا وعدم الإعتراف بالتخلف الغريب الوصف يلي نحنا فيه فما بعرف شو بدي قول...
بفضل إنك تقولي مو دقيق برأيك لأنو برجع بقول إنو الواقع هاد تحديداً فيكي تبلشي بالإستدلال عليه من الساعه يلي بإيدك لتوصلي للقمر الإصطناعي يلي عم ينقلك إتصالاتك...
وشكراً.

يبدو في مشكله بالتـواصل ..
مشـكلتي بطرحك ما هي التطور الغربي - لانو ما بتخيّل هاد هدفك من الموضوع الّا اذا كان هدفك و انا ما عرفانه :lol: - خلافنا هوّ نفـيك لوجود ايّ مشكله تعامل مع الاديان \ اللي انت ذكرتها \ بالنسبه للشعوب بالبلدان المذكوره و هاد الشـي مش صح و التاريخ بيأكد ..
اي موجود عنّا الطائفيه و التصنيف و التعاطي مع الناس بصوره مختلفه حسب طائفتها و دينها و العديد من اللي ذكرته بطرحك و لكن ما تحاول تقنعني انو هالـشي مش موجود ببلاد تانيه لانو
1 شـايفه - عن قرب - وجوده و متعامله معه
2 التاريخ مسجّل أحداث بهالخصوص
3 الناس لليوم بتفخر بانتماءاتها الدينيه فما تلغيلون ياها

انا ما عم انفي انـجازات ايّ من الـشعوب المذكوره و لكن بالحياه ما بعتقد في شي اسمه أفضل طريقه للعيش .. لانها بتختلف و حتى المذكورين ما كلهم بيتعاملو مع الاديان بنفس الطريقه اللي ممكن نعتبرها الافضل و نتعلّم نتعامل فيها ..
اذا بتلاحظ معي انو اي شخص - حتّى لو متعصّب و عقلو متحجّر - بتجيه فرصه بالبلدان المذكوره و بكون قادر عالابداع فبيقدر يبدع هنيك .. معناها من وين الغلط ؟
..

وأنا يلي عم قولو إنو الموضوع موجود وطريقة التفكير موجودة بس بتختلف من مكان لمكان... وحتى عندكون بسوريا موجودة بس بطريقة معينة...
لحظه لحظه , هلئ انت عم تناقد حالك شي :? ؟؟ ما أنا صرلي سـاعه عم حاول اشـرحلك انو هالطريقه التـفكير موجوده بكل مكان انما بتظهر بطريقه مختلفه و اوقات مختلفه ..

هدوء البحر

09/02/2009, 12:36

والله بعرف إنو عندكون بسوريا هيك... ...

ليش انت من المريخ؟

VivaSyria

09/02/2009, 13:00

يبدو في مشكله بالتـواصل ..
..

أول فكرة بأيدك فيها :lol:

مشـكلتي بطرحك ما هي التطور الغربي - لانو ما بتخيّل هاد هدفك من الموضوع الّا اذا كان هدفك و انا ما عرفانه :lol: - خلافنا هوّ نفـيك لوجود ايّ مشكله تعامل مع الاديان \ اللي انت ذكرتها \ بالنسبه للشعوب بالبلدان المذكوره و هاد الشـي مش صح و التاريخ بيأكد ..

والله ياعيني أنا مانفيت وجود مشكل عند البلدان المتطورة اليوم مع الأديان... وأنا كتير كنت واضح انو بعض هالشعوب عاش تجارب سيئه وتعلم منها وكمل حياتو وإلتفت لمستقبلو بطريقة صح... ومارسخ هالخلافات لليوم واستمر فيها...

يعني فيكي تقوليلي انو أتباع الكنيسة الإنجليكية وأتباع الكنيسة البروستانتية بعدون عم يتدابحو؟؟؟ أما نحنا لليوم الشباب عنا لسا عم يدبحو بعض " فيزيولوجياً وفكرياً وإقتصادياً" لليوم... لسا سنة عراقي وعراقي عم يدبحو بعض ويكفروا بعض وسعودية وإيران وشيعة وسنة وسنة وعلوية ومسيحية وإسلام... مابعرف إذا وضحت هيك شوي الفكرة... نحنا علقانين ببعض ونسيانين مستقبلنا... وكل شعوب المنطقة مهيئه لإنها تتدابح بأي لحظه بيصحلها...

اي موجود عنّا الطائفيه و التصنيف و التعاطي مع الناس بصوره مختلفه حسب طائفتها و دينها و العديد من اللي ذكرته بطرحك و لكن ما تحاول تقنعني انو هالـشي مش موجود ببلاد تانيه لانو

ماعم حاول إقنعك أنا عم وضحلك وجهة نظري بتحميل هالطريقة من التفكير وهالنهج بالحياة أسباب تخلفنا وجهلنا وبقائنا بمكاننا من مئات السنين...

1 شـايفه - عن قرب - وجوده و متعامله معه
وأنا شايفو بس بحالات أبداً مانها مرضية جرثومية متل حالتنا...

2 التاريخ مسجّل أحداث بهالخصوص

قلتلك تعلمو ومشيو بس نحنا ما بدنا نتعلم ولا نفهم...

3 الناس لليوم بتفخر بانتماءاتها الدينيه فما تلغيلون ياها

بتفتخر شي ويتهاجم الأخر وبتنفيلو حقه بالوجود والحياة شي تاني تماماً... خليني قلك نقطه من 50 سنة تماماً كانوا الأمريكان من أصول إفريقية "السود" محرم عليهم دخول المدارس بل وحتى المطاعم... اليوم أوباما الأسود رئيس أمريكا... أما نحنا بعدنا عايشين على مشاكل من 1400 سنة ومستمرين فيها وعم نطورها ونعيشها بأبشع وأحقر الطرق...

يعني لو الحروب يلي صايرة بأمريكا بين البيض والسود صايرة عنا من مليون سنة كنا بقينا عايشينا لليوم ومستمرين فيها... أما الأمريكان قدروا ويعتبروها مرحلة غلط ومرت ويبتدوا صفحة جديدة بأقل من خمسين سنة.. هالشي ليش؟؟ مو لأنو نحنا أغبياء وعنا قصور بالتفكير؟؟

انا ما عم انفي انـجازات ايّ من الـشعوب المذكوره و لكن بالحياه ما بعتقد في شي اسمه أفضل طريقه للعيش .. لانها بتختلف و حتى المذكورين ما كلهم بيتعاملو مع الاديان بنفس الطريقه اللي ممكن نعتبرها الافضل و نتعلّم نتعامل فيها ..

المذكورين عاشوا الأديان بطرق مختلفة.. يصطفلو بس ما خلو أديانون وطريقة عباداتون ترجعون لورا أو تخليون محلون أو تخلق مشاكل مستمرة أدت لجهلون وتخلفون متل مانحنا عملنا... نحنا عايشين الأديان والمذاهب كمشاكل ليس إلا... هنن عايشين أديانون بخصوصية وخارج هالبوتقه إنجازات وتواصل وإتحاد من أجل الحضارة والإستمرار...

اذا بتلاحظ معي انو اي شخص - حتّى لو متعصّب و عقلو متحجّر - بتجيه فرصه بالبلدان المذكوره و بكون قادر عالابداع فبيقدر يبدع هنيك .. معناها من وين الغلط ؟ ..

لاء ماتقوليلي كل هاد وماوضحلك وين الغلط "من وجهة نظري" الغلط فينا وبطريقة ممارستنا للأديان ومهارتنا بإفتعال المشاكل والخلافات والنزاعات وتسخيرنا لحياتنا ومقدراتنا بغير مكانها..

لحظه لحظه , هلئ انت عم تناقد حالك شي :? ؟؟ ما أنا صرلي سـاعه عم حاول اشـرحلك انو هالطريقه التـفكير موجوده بكل مكان انما بتظهر بطريقه مختلفه و اوقات مختلفه

إنو ماعجبتني التهمه بس ماشي... لاء ياستي مافي تناقض إذا بتقري الرد منيح كاتب الدول يلي عم قول عليها إنو مازالت عايشة بالجهل والتخلف والهمجية.. الدول هي هيً دول منطقتنا العربية الشرق أوسطية فقط...

بتمنى كون وضحت وعذراً على الإطالة.

VivaSyria

09/02/2009, 13:02

ليش انت من المريخ؟

هيك حسيتك مفكرني وإنت عم تقلي عنا بسوريا مافي هالشغلات.. حسيت حالي صومالي مثلاً.

khalkhool

09/02/2009, 13:11

لك أخي انت عم تناققش شي بصميم شخصية العرب منذ فجر التاريخ, واتلعرب نقلو هالشي للشعوب يلي عاشت معهون, يعني السريان والآرام و و و و هدول كلهون ورثوا التعصب عن العرب, العربي البدوي, يلي ماعندو شي يساويه غير يرعى الغنمات, هاد بيشو بدو يفتخر؟ العربي البدوي يلي مابيعرف يساوي شي غير الغزو والسبي (يعني قطاعين طرق) هاد لشو بدو يتعصب؟؟؟ بدو يتعصب لقبيلتو, بدو يتعصب لعشيرتو.... ولما اجا الاسلام, صار يتعصب للاسلام نتيجة مقولة:"نحن امة أعزنا الله بالاسلام" الى اخرها...

طبعا, ببلادنا, هاد الشي ماكان موجود من قبل, لأنو ببساطة, دمشق كان فيها يهود ومسيحيين و وثنيين, ومع ذلك التاريخ لم يسجل أية أحداث عنصرية ودموية قبل العهدة العمرية, وهي معاهدة الاستسلام بين دمشق بكل طوائفها, وجيوش المسلمين... اذا بتعرف شي عن هي العهدة بتكتشف انها كانت السبب الرئيسي بنشر العنصرية بهي البلاد, لأنو صار الغزاة المسلمين درجة أولى, وأصحاب الأرض الأساسيين اللي ماكانو مسلمين, درجة تانية....

يا أخي, نحنا ماعنا شي نفتخر فيه ونعتز فيه, اجا الاسلام, خلا المسلمين يعتزو فيه ويعتبرو حالهون فوق الناس, وبالتالي, اتسببو برد فعل عند بقية الأديان والطوائف...

اتطلع منيح, بتلاقي العنصرية ببلادنا موجودة بين:
المسلمين من جهة...وغير المسلمين من جهة تانية
الشيعة من جهة..... والسنة من جهة تانية
بحياتك شفت ييهودي ومسيحي عم يتخانقو عن الدين؟
بحياتك اسمعت عن رومي وكاثوليكي عم يتخانقو؟

بحياتك اسمعت حدا بيشوف حالو بابن النفيس؟ بالخوارزمي؟ بابن سينا؟ ب ب ب ب
يلي بيشوف حالو بهدول على انهون مسلمين بيكون أهبل, لأنو ببحث بسيط فيك تشوف انهون كانو ملحدين
يلي بيشوف حالو فيهون على انهون عرب, بيكون أهبل كتير, لأنو هدول فرس, آشوريين, بس مو عرب...

خليني بس خبرك شغلة, وقت اللي بدك يتكون قاعد بأمان ربك ومبسوط, يجي حدا يخبرك انك انت درجة تانية وكافر, ولاتستحق الاحترام ووووو رغم كلشي منيح عاملو ببحياتك, ورغم كل التخبيص اللي هوه عاملو,,, بس لأنو هوه مسلم وانت أي شي تاني, شو بدو يكون الرد من طرفك؟؟؟

اطلع منها بقا, انا جربت قبلك احكي عن هاد الموضوع ويأست وفتت بالحيط, بتعرفف ليش؟
لأنو نحن امة ضحكت من جهلها الأمم
ونحن شعب إذا ضرب الحذاء به قال الحذاء بأي ذنب أضرب؟
ونحن شعب ناموا ولا تتتكلمو, مافاز إلا النوّم !!!

أنا برأيي العلمانية هيه الحل, القانون الوضعي وليس القانون الإلهي, العلمانية برأيي لا تعني الإلحاد, وإنما تعني أن الدين شيء خاص بصاحبه, ولا يجوز لا أن يحكم المجتمع, ولا أن يقيّم الناس على أساسه.

تصبحون على وطن...

..Jimy

09/02/2009, 13:55

حدا بيقدر يقلي شو السر من نزول جميع الأنبياء والرسل والكتب بأرضنا؟؟ عمرك سمعت برسول نزل بالصين أو بسويسرا مثلاً؟؟عئولة احمد مطر
يا أرضنا، يامهبط الأنبياء ،
قد كان يكفي واحد لو لم نكن اغبياء
:lol:

...
بحياتك اسمعت عن رومي وكاثوليكي عم يتخانقو؟

اي خيي..انا سمعت..:cry:..

يا أخي, نحنا ماعنا شي نفتخر فيه ونعتز فيه, اجا الاسلام, خلا المسلمين يعتزو فيه ويعتبرو حالهون فوق الناس, وبالتالي, اتسببو برد فعل عند بقية الأديان والطوائف...

خيو هالتعميمات هاي.. انا ما بستنضفا :jakoush:.. لأن نتائجا رح تكون ردود طائفية بحتي:pos:

أنا برأيي العلمانية هيه الحل, القانون الوضعي وليس القانون الإلهي, العلمانية برأيي لا تعني الإلحاد, وإنما تعني أن الدين شيء خاص بصاحبه, ولا يجوز لا أن يحكم المجتمع, ولا أن يقيّم الناس على أساسه.

معك:D

zen

09/02/2009, 15:18

أنا ما اتيت على ذكر انو مش مناح انما حركه تفهيم شعوبنا انون حمـير و انّو غيرهم أفـهم منهم سـياسه أنا ما بفهمها ! أنا مع بعض الفكر المطروحه بالموضوع - لكن مش لنحط من الأديان او تعاطيها و نخلق رد فعلي عند الناس انما لتنظيمها - و أكيد مش بطريقه رفع من قيمه الاخرين على حـساب أنفـسنا بمجرّد ترديد كـلام مـش دقيق و لا بيسـتند على أيّ خلفيات تدعمه ..
لا انا ما بقصد انو مجتمعنا حماار
بس نحنا عنا بهالبلاد موروثات وعادات وتقاليد بلاااوي ما عم يقدر الشعب يتجاوزها
كيف يعني انو نحنا لساتنا شعب ما بيقبل الآخر متل ما هوي فهمتيني
يعني لو أجى لعنا ع الحارة واحد بوزي الكل راح يطلع عليه نظرة غريبة على أنو هوي بيعبد حجر وبيقولوا عنو حمار
هيك بيفكروا وبيرقضوا
في محلات او حارات بالشام ما بيقبلوا يسكنوا فيها غير مسلمين لمعلوماتك
والحكومة مراعية هالقصة مشان مايصير حساسية فيها
وفي مناطق البنت فيها ما بتقدر الا ما تحط ع راسها حجاب
مشان الحي اللي هي ساكنة في لانو ااذا ما حطتوا هي بتكون فلتانة ومارح قول غير غير
و لـكن ما قتلي ليش ما بدك تذكر اميركا ؟؟

لأنو كتار عيونهون حمرا من امريكا وانا منون بس يعني انا ما بقدر انكو انون مجتمع مدني

أها معناها مـش الشعوب فهمت الفكره من الرسائل فورا و خلص و عاشت حياتها - على حد تعبير فادي - انما تمّ فـصلها عن الحكم .. و لكن الناس المتعصبين بعدهم موجودين و عايشين باوربا و هنن كمان عم يشتغلو و يانتجو ..
فانا ما عم انفي أغلاط شـعوبنا و لكن معلش نكون دقيقين اكتر بطرح الصوره
لا لا مو هيك الصورة بنوب
هلق انتي بتقدري تكوني متدينة جدا جدا وأكتر ما بتتخيلي
بس مو معنى انو انتي متدينة انو تتدخلي بيغيرك وتحاولي تغيريلو قناعتوا لأنو انتي مقتنعة بدين أو فكرة معينة
ومن هون نقطة الخلاف
اللي هي انت تكون متدين و بدك كل العالم تصير متلك ومابدك تقبلون وتفكر انو انت الصح الوحيد
او متدين قد ما بتحب بس ما بتدخل بغيري وبسبو لانو مانو متلي
:D
بتمنى كون وضحت
ودمتم وع راسي شوشية
:p
بحب دلعك هيك
:D

nour333

09/02/2009, 17:31

هلا انا قريت الموضوع ورح حاول جاوب بأختصار
بالعودة لنيوتن وقانون الجاذبية فبنعرف انو لكل فعل رد فعل مساو له بالمقدار ومعاكس له بالاتجاه
هاي جل القضية يعني ازا بدنا نيجي بدين حد رح تكون الو ردة فعل جارحة النا بمقدار ما سببنالو ازى بمعتقداتو
المهم المشكلة لا بموسى ولابعيسى ولابمحمد ومافي واحد منهم لما كان يدعي لدينو يسب دين التاني بالعكس اكد اتو متمم لرسالات السابقين
احنا عنا عصبية حتى الاشخاص العلمانيين مرات بنلاقيهم متعصبين لفكرهم
لو اتخلصنا من هاي الامور انا وانت وكلنا رح نعيش سوى مرتاحين
ولادينك رح يوفي الدين ولا ديني رح يغنيني

قرصان الأدرياتيك

09/02/2009, 17:45

أول شي ميت مرحبا فيك يا أحلى عقيد، نورت حارة الضبع... عفواً حارة الأخويّة! وبعدين أنت ما عندك لا دم ولا حيا ولا... بقية المرادفات تبعيت الضمير، بتعرف ليش؟! اسأل حالك بركي بتصحا!!! موضوعك برغم أهميتو وخاصّة هالأيّام موتني مالضحك ضليتني أضحك لهلا... يا شيخ أنت عندك خيال خصب وأفكار بتقدمها بطريقة تخلي الواحد يبلعها كلمة كلمة، روح الله يبارك بقلمك: إذا ملاحظ ما قلت لا موسى ولا عيسى ولا محمد... إلخ، دعيتلك لأكبر واحد يباركك وأنت قول آمين! بالنسبة لفكرة الموضوع الأساسيّة فهيّ فكرة واقعيّة وسليمة ميّة بالميّة، وأنا بتفق معك بهالشي، أنو خليلي إيمانك والله تبعك بقلبك وبمعبدك وكنيستك وجامعك، وبس تصير بالشارع كلنا بالهوا سوا، لا في لا ذمي ولا درجة عاشرة ولا أكل هوا!!! بسورية مثلاً كلنا سوريين وبس وخلص وإيوا! بس يؤسفني أنو البعض راح بموضوعك وشطح وبطح ونزل وطلع وحاول... حاول يعني يقلك أنو الغلط مو عنا أو منا... بس يا حرام!

اليابان و الـصين و أغلب دول أسـيا لا تعتبر من الدول اللي تعتمد على الديانات و الشخصيات المذكوره بعنوان موضوعك موسى و عيسى و محمد و علي

أغلب دول آسيا: بظن لازم تزيدي لمعلوماتك بلد قد هلقد: روسيا، يلي ما بظن أنو هو بس من بين أغلب الدول، لا بل هو من أكبر دول آسيا وشايل النص البركة! وكمان إذا بتتذكري أنو إيمان هالبلد مسيحي أورثوذكسي، يعني عيساوي على قولة صاحب الموضوع

mhsen77

09/02/2009, 19:41

اخواني :
انا من باب محبتي واحترامي لديني الذي اؤمن به لاجد نفسي مندفعا للرد على من يسيء اليه لان من يسيء الى شيء نحبه ونقدسه هو اساءة لنا و هذه الاساءة لن تقلل من قيمة ومكانة الدين لكنها اساءة لنا

ولكن يجب ان يكون التعامل بيننا كافراد مجتمع هو مجرد انعكاس للاخلاقيات التي يعكسها الدين الذي نحمله في قلوبنا وصدورنا وما تكنفه هذه الاديان من رقي و اخلاق حميدة

كل الاديان تدعو الى الفضيلة والصدق فعلام الاختلاف؟
هل سمعتم عن دين يدعو الى ابادة الاخرين او الاساءة لهم؟

تنويه : لم تعجبني الطريق التي طرح فيها الموضوع ولا صياغتها وانا لا اقصد كاتب الموضوع شخصيا
ولكن الفكرة جميلة وجديرة بالنقاش فاحببت ان اكتب رد فيها

سوا ربينا

09/02/2009, 21:58

انا معك فادي ... انا شخصيا ما بهتم هاد شو دينو وشو بيقول دينو هوي حر بدينو شو ما بيقول وشو ما بيعمل انا الي بديني وبس ...وشغلة االاديان واتدخل بدين فلان ودين علنتان بحياتي ما عملتها ولا رح بعملها ... بس اذا حدا قرب على ديني وصار يحكي شروي غروي ... وقتها بتناقش معو وبنتفاهم على هالاساس...
وكل واحد ودينو وحياتو وما حدا الو عندو قشرة بصلة...

سيجارة

09/02/2009, 23:35

nour333

09/02/2009, 23:41

هلأ حدا يجاوبني على هالسؤال
أنو سيدنا آدم نزل من الجنة ونزلت معا حوا ماهيك؟
وما كان في بشر على الأرض
فشو المغزا من نزولن
ولا تألولي لأنو أكل التفاحة لأنو الله أكبر من هيك شغلات
فااااااا بدي جواب دخيل عينكن

المغزى انو تصير حياة ع الارض اما الجنة كانت فترة تحضير لهاي الحياة وانو الحياة بدأت بين رجل وامرأة على حد سواء لو كل واحد فكر بحالو وترك التاني كان ماصارت هالدنيا

هاموش الوحدة وقت ما بتزعل من جوزا بتروح لبيت اهلها او بتحكيلو مفكر ما وراي اهل
امنا حوا يا ترى وين كانت تروح لما تزعل من ابونا آدم؟

khalkhool

09/02/2009, 23:49

maged-syrian

10/02/2009, 00:38

مرحباً
تعرضت في سوريا بلدي الحبيب لعملية نصب واحتيال من الطراز الأول ... واجهت المحتال ذات مرة فقلت له ياويلك من الله ,, رد علي مين الله !! .. قلتلو الله ياخدك وين حتروح المال الحرام بيروح وبياخد صاحبو معو .. رد علي : روح اشكي ربك عليي قد مابدك ... وبلش يسب الله والدين ... من هديك اللحظة تبت الى الله وقررت اني ابدأ حياة جديدة يكون تعاملي فيها مع الناس خصوصاً في سوريا باعتبار الناس هنيك صارت تاكل بعضها معاملة على أساس الدين .. متبع المقولة الشهيرة " اللي مابيخاف الله .. خاف منو " وحسبي الله ونعم الوكيل ...

Najm

10/02/2009, 01:31

شكرا للصديق على هذا الموضوع الذي أقل ما يقال عنه أنه يحمل في طياته أهم الأسس التي ترتكز عليها الإنسانية والتي دعا إليها كل الرسل والأنبياء والفلاسفة والمفكرين والكتاب وجميع الأديان السماوية.فمشكل التعصب الطائفي والديني والمذهبي..هو نتاج جهل بشري بالله أولا ثم بمغزى رسالاته التي أساسها الحب والحرية داخل جوهرة التوحيد ثانيا..
ولكن للأسف فعندنا التاريخ يعيد نفسه بنفس السيناريو والحوار المتعصب المتشدد، وفي أماكن أخرى يعيد نفسه ولكن بصورة متقدمة ضمن حوارات بناءة تجد لها آذان صاغية وإرادات تطمح للتقدم في ظل تقبل الآخر واحترامه كإنسان
شكرا لتفكيرك:D

أبو الفحم

10/02/2009, 04:21

هلأ حدا يجاوبني على هالسؤال
أنو سيدنا آدم نزل من الجنة ونزلت معا حوا ماهيك؟
وما كان في بشر على الأرض
فشو المغزا من نزولن
ولا تألولي لأنو أكل التفاحة لأنو الله أكبر من هيك شغلات
فااااااا بدي جواب دخيل عينكن
أيه بجاوبك وبفش غلك وبحرء نفسك كمان (بس لا تنطفي)
القصة إنو ما كانو الشباب في الجنة .. وبجوز ما اكلوا تفاح معلم
ممكن موز أو مشمش أو أي شي تاني (صراحة ما بعرف بالزبط)
وأنا معك الله أكبر من هيك ... بكتير كتير
وتكرم عينك

VivaSyria

10/02/2009, 04:59

أول شي ميت مرحبا فيك يا أحلى عقيد، نورت حارة الضبع... عفواً حارة الأخويّة! وبعدين أنت ما عندك لا دم ولا حيا ولا... بقية المرادفات تبعيت الضمير، بتعرف ليش؟! اسأل حالك بركي بتصحا!!!

أهلا بالحبيب مبدئياً أنا كتير مشتقلك وح حاول إصحا :lol:

موضوعك برغم أهميتو وخاصّة هالأيّام موتني مالضحك ضليتني أضحك لهلا... يا شيخ أنت عندك خيال خصب وأفكار بتقدمها بطريقة تخلي الواحد يبلعها كلمة كلمة، روح الله يبارك بقلمك: إذا ملاحظ ما قلت لا موسى ولا عيسى ولا محمد... إلخ، دعيتلك لأكبر واحد يباركك وأنت قول آمين!

أمين :gem:

بالنسبة لفكرة الموضوع الأساسيّة فهيّ فكرة واقعيّة وسليمة ميّة بالميّة، وأنا بتفق معك بهالشي، أنو خليلي إيمانك والله تبعك بقلبك وبمعبدك وكنيستك وجامعك، وبس تصير بالشارع كلنا بالهوا سوا، لا في لا ذمي ولا درجة عاشرة ولا أكل هوا!!! بسورية مثلاً كلنا سوريين وبس وخلص وإيوا! بس يؤسفني أنو البعض راح بموضوعك وشطح وبطح ونزل وطلع وحاول... حاول يعني يقلك أنو الغلط مو عنا أو منا... بس يا حرام!

بتصور الفكرة الأساس من مشاركات البعض ياصديقي وباخد مورنينغ على سبيل المثال هو التخفيف من مسؤوليتنا على الحالة يلي وصلنالا ولقلك شي أنا ضد فكرة مواساة النفس بهالطريقة... لاء بفضل الحقيقة حتى لو كانت جارحه على أمل الحقيقة مهما كانت صادمة بس تغير الوضع شوي وتفيق هالبشر واتحسن من أدائون.

VivaSyria

10/02/2009, 05:02

شكرا للصديق على هذا الموضوع الذي أقل ما يقال عنه أنه يحمل في طياته أهم الأسس التي ترتكز عليها الإنسانية والتي دعا إليها كل الرسل والأنبياء والفلاسفة والمفكرين والكتاب وجميع الأديان السماوية.:D

شكراً إلك على تفهمك لفكرة الموضوع بهالشكل الجميل... :D

فمشكل التعصب الطائفي والديني والمذهبي..هو نتاج جهل بشري بالله أولا ثم بمغزى رسالاته التي أساسها الحب والحرية داخل جوهرة التوحيد ثانيا..
ولكن للأسف فعندنا التاريخ يعيد نفسه بنفس السيناريو والحوار المتعصب المتشدد، وفي أماكن أخرى يعيد نفسه ولكن بصورة متقدمة ضمن حوارات بناءة تجد لها آذان صاغية وإرادات تطمح للتقدم في ظل تقبل الآخر واحترامه كإنسان

تماماً تماماً المشكل الأساس هو إنو حلنا ياعمي نتعلم من أخطائنا وتاريخنا الأسود ومدابحنا.. يعني والله حلنا بقا نوعى شوي ونتعلم من تجاربنا ومن تجارب الشعوب التانيه..

شكرا لتفكيرك

:D

سيجارة

10/02/2009, 09:42

أنا أعتقد بل متأكد أن الرسالة واحدة
أي أن الرسالة التي حملها سيدنا آدم هي نفس الرسالة التي حملها سيدنا محمد
ولكن التيارات السياسية والأهواء والمصالح وتتبيع الشعوب على أسس مادية هي التي جعلت من الدين أن يذهب في عدة طرق متعارضة
ولذلك
يلا بكفي لهون
يعني اطلعو عالتاريخ على مستوى سوريا فقط تجدون كثير من الطوائف الدينية انوجدت بالحقبة العثمانية والفرنسية

ظل جيفارا

11/02/2009, 16:29

صديقي أنا برأيي إنو مجتمعنا من طبيعية صيرورته الذاتية إنو اليوم نعيش بمجتمع فئوي بإمتياز ..
انا برأيي الفئوية إسلوب حياة بيكتسبه الإنسان من واقعه المعاش ولهيك قد ما يحاول "أفراد وجماعات" بحد ذاتهن التغيير بهيدا الإسلوب ما رح يقدروا إلا بتغيير الواقع المعاش
اليوم لحنا بمجتمع ما قبل حداثي ..من أهم ميزات هيدا المتجمع الفئوية ولحتى نلغي الفئوية ما لازم بس نطالب بإلغاء الفئوية ..لازم نشتغل على نقلة نوعية كاملة وتامة لناحية مشروع مجتمع حداثي كامل .
برأيي اللي بيقسم المجتمعات لحداثي وما بعد حداثي وما قبل حداثي هو إسلوب الحياة اللي ممتد أصلا من نمط الإنتاج
برأيي نمط الإنتاج ما يزال حتى اليوم في بلداننا "نمط زراعي" وكلنا نعلم أن النمط الزراعي يفرز في اسلوب حياته ذلك النمط الريفي لأسلوب الحياة بكل ما تعنيه الكلمات من إيجابيات وسلبيات
سلبيات ذلك المتجمع أنه منعزل عن بعضه البعض مما يعطي للفئوية مجالا أوسع للحركة ..
ولأن قرانا تحولت بقرار فوقي إلى مدن دون تغيير واضح في البنية الإنتاجية فلم تكن المدن سوى ريفا متكدسا ..
وعلى هذا فإن الفئوية ستبقى في المنظور القريب السائدة في المجتمع .
للتغيير علينا أن نطالب بتغيير نمط الإنتاج في المجتمع مع مراعاة أن عوامل تخلفنا الذاتية تكمن في نمط الإنتاج الأفروي -اسيوي
وطالما أن الفئوية موجودة لوجود أسبابها فإن أحدا لن يعلم أن الحقيقة لها عدة أوجه
تحياتي الحارة
ظل جيفارا

أبو الفحم

13/02/2009, 17:15

..طبيعية صيرورته الذاتية
..
..بتغيير الواقع المعاش
..
..ما قبل حداثي
..
..حداثي كامل
..
..نمط الإنتاج
..
..نمط زراعي
..
..إيجابيات وسلبيات
..
..منعزل عن بعضه البعض
..
..البنية الإنتاجية
..
..ريفا متكدسا
..
..المنظور القريب
..
..عوامل تخلفنا الذاتية
..
..الأفروي -اسيوي
..
..الحقيقة لها عدة أوجه
..
تحياتي الحارة
ظل جيفارا
:o

:shock:

:cry:

:deal:

الباحثة عن الحرية

13/02/2009, 18:25

في البداية بدي اقول انو الموضوع كثير مهم بس حابي وضح شوية نقاط قبل ما اقول رأيي
اولا :بدي وضحلكون نقطة مهمه هون إنو ياعمي البشرية عمرها 6 ملايين سنة وعمر أقدم دين سماوي "اليهودية" حوالي 3000 سنة... طيب كيف كانت الأمور ماشية قبل هيك؟؟
شوف اسا اذا بتقصد بالديانات السماوية بمعنى الديانات الي بتدعي لعبادة الله فبدي اقولك انو في ديانات اقدم من هيك والديانات بديت مع خلق الانسان...فالامور من الاول ماشية هيك !
ياعمي هلكنا ونحنا نقول الأديان هدفها الأساسي تحديد وتنظيم مجموعة القيم التي تضبط علاقة الأفراد ببعض بغية الوصول إلى مجتمعات حضارية محترمة...

هون هذا رأيك انت بشو هدف الاديان وانا بشوف انو هدفها غير هيك وبديش اسا افوت على هيك اشيا احسن ما نتطلع بفتنة طائفية ...

وللعلم فمو جديد علينا موضوع الغباء وإنعدام الرؤيا والهدف والدليل نزول كل الرسالات والأديان بأرضنا... حدا بيقدر يقلي شو السر من نزول جميع الأنبياء والرسل والكتب بأرضنا؟؟ عمرك سمعت برسول نزل بالصين أو بسويسرا مثلاً؟؟ أنا بقلكون مو لأنو أرضنا هيّ أرض شريفة... الله ما عندو أرض شريفة وأرض نص كم... بس لأنو نحنا شعب مابيقتنع ونحنا شعب مابيعرف شو بدو... يعني بصراحة الله تعب معنا من كتر مانزل رسل وكتب على أمل إنو بيوم من الأيام نصير شعب محترم وحضاري... بس نحنا ما بدنا...

طيب بدي اسالك اشي ... انت بتعرف كل الديانات الي في العالم الي بتدعي لعبادة الله ؟؟ بتعرف كل الانبياء الي في العالم ؟؟في كثير من الديانات عم بتبعو مبدأ التقية ومخبين ديانتهن الاصلية يعني صعب تعرف كل هي الديانات واذا في عندهن انبياء بسويسرا او ما بعرف وين ..

أوروبا والعالم بدون رسل وبدون كتب وبدون مذاهب وأفلام وقصص ماشية بشكل حضاري وعين الله حولها..
هني مش عايشين بدون رسل ولا بدون كتب ومذاهب الاغلبية هناك تابعين للدين المسيحي والرسول تبعهم هو السيد المسيح وكتابهم هو الانجيل صحيح الاغلبية علمانية بس هذا بيعنيش انهن عايشين بدون اهتمام بالدين

هذول بس شوي نقاط هامشية مش اكثر ...

بالنسبة لفكرة الموضوع الاساسية انا بتفق معك بكل اشي تقريبا
ونحنا المشاكل الي عنا بسبب الديانات في الها نهاية وكل واحد حامل دينو وشايف الديانات الثانية مثل سلاح موجه ضدو
بتمنى كل هي الاشياء الي مش عارفي شو اسميها غير "هبل :lol: " تروح ونصير عنجد شعب محترم بعيش وبيبني وبيزدهر بعيد عن هي المشاكل...
تحياتي ....