سؤال [الأرشيـــــف]

عرض كامل الموضوع : سؤال

لواء

03/02/2009, 00:17

nour333

03/02/2009, 00:26

انا بحاجة جواب
برأيكن ليش فرصة الشب انو يلاقي شغل اقل بكتير من البنت
على سبيل المثال اذا شب راح يقدم على شي شغلة وكانت شي بنت مقدمة على نفس الشغلة ليش الشب ما رح ينقبل على الرغم من انو شهاداتوا احسن منها
ليششششششششششش؟؟؟؟؟؟!!!!!!!
انا بشوف العكس الكل بفضل انو يشغل شب مشان ممكن ازا الشغل بطلب تأخير او ميداني اضف انو الشب ازا تزوج ما رح يصير عليه شي مو زي البنت
الا ازا الوظيفة الي بتقصدها بدها عرض سكرتيرة متلا او بدهم يحطوها واجهة محل ....الخ

Marooshe

03/02/2009, 00:35

مافيي جاوبك على هالسؤال لأنو بالمحيط لي أنا عايشة فيو ما بيتم تفضيل النساء على الرجال إلا بالخبرة .. فـ بيصير إلاختيار للشغل حسب شهادات ومهارات وخبرة الشخص بالأضافة لمدى ملائمتو لهيك نوع من الشغل ..

هلأ بالنسبة للأسباب لي عم تودي لتفضيل النساء في سوق العمل .. فأنا بشوف إنو كتير مهم نفحصها وننتبهلا ،
ما بظن انو تفضيل النساء رح يكون لسواد عيون المرأة .. أكيد في إشيا أعمق من هيك بكتير ،
ممكن جدا يكون السوق هيك عم يطلب ، وممكن الهدف يكون إستخدام المرأة لجذب الزبائن من الرجال ، وممكن يكون لأنو في بعض الدول المرأة لسا بتاخد راتب أقل من راتب الرجل ، وممكن لأنو في وظائف بتكون أنسب للمرأة منها للرجال ، وممكن لعدة اسباب أخرى أنا شخصيا بجهلها ...

بس في شغلة دارجه حاليا ، وهيي تسويق السلعة من خلال تسليع المرأة .. وبهيك حالات كتار بيشوفو انو الشغل أنسب للنساء لأنو أسهل انو يبيعو رجال من خلال مرأة وكمان اسهل انو يبيعو مرأة من خلال أخرى ..

:D

osian

03/02/2009, 00:38

لأ مو هيك :?

mhsen77

03/02/2009, 02:44

مافيي جاوبك على هالسؤال لأنو بالمحيط لي أنا عايشة فيو ما بيتم تفضيل النساء على الرجال إلا بالخبرة .. فـ بيصير إلاختيار للشغل حسب شهادات ومهارات وخبرة الشخص بالأضافة لمدى ملائمتو لهيك نوع من الشغل ..
دخيلك دليني وين انت ساكنة؟؟:?

هلأ بالنسبة للأسباب لي عم تودي لتفضيل النساء في سوق العمل .. فأنا بشوف إنو كتير مهم نفحصها وننتبهلا ،
ما بظن انو تفضيل النساء رح يكون لسواد عيون المرأة .. أكيد في إشيا أعمق من هيك بكتير ،
اكيد اعمق من العيون في بعض الحالات مو الكل;)

ممكن جدا يكون السوق هيك عم يطلب ، وممكن الهدف يكون إستخدام المرأة لجذب الزبائن من الرجال ، وممكن يكون لأنو في بعض الدول المرأة لسا بتاخد راتب أقل من راتب الرجل ، وممكن لأنو في وظائف بتكون أنسب للمرأة منها للرجال ، وممكن لعدة اسباب أخرى أنا شخصيا بجهلها ...
ممكن جدا وصحيح في اغلب الاحيان:ss:

بس في شغلة دارجه حاليا ، وهيي تسويق السلعة من خلال تسليع المرأة .. وبهيك حالات كتار بيشوفو انو الشغل أنسب للنساء لأنو أسهل انو يبيعو رجال من خلال مرأة وكمان اسهل انو يبيعو مرأة من خلال أخرى ..
وهي فعلا مشكلة استغلال حقيقية للمتاجرة بالمرأة واحتقار لبساطة المستهلك :x

:D
:D:D:D:D

Marooshe

03/02/2009, 02:59

واحتقار لبساطة المستهلك

هئ ، هي "تحقير" المرأه و"ظلم" الرجل لتلبية رغبات وأهواء المستهلك ..

مين المستهلك ؟ المجتمع !
ومين أصحاب الشغل ؟ المجتمع !
ومين المُحقر والمظلوم ؟ كمان المجتمع !

والرجل والمرأه تنيناتهن ممكن ينحطو بمواقف فيها يكون أصحاب الشغل ويمارسو بحق ناس تانية ذات القرف لي عم يتمارس بحقهن ..

كلو بيستغل ذاتو ، ليرضي ذاتو ..

mhsen77

03/02/2009, 03:13

هئ ، هي "تحقير" المرأه و"ظلم" الرجل لتلبية رغبات وأهواء المستهلك ..

مين المستهلك ؟ المجتمع !
ومين أصحاب الشغل ؟ المجتمع !
ومين المُحقر والمظلوم ؟ كمان المجتمع !

والرجل والمرأه تنيناتهن ممكن ينحطو بمواقف فيها يكون أصحاب الشغل ويمارسو بحق ناس تانية ذات القرف لي عم يتمارس بحقهن ..

كلو بيستغل ذاتو ، ليرضي ذاتو ..
صدقيني انو المجتمع الاول هو غير المجتمع الثاني مع وجود بعض التقاطعات التي لا تشكل قاعدة بل استثناء في معادلات السوق

jina2009

04/02/2009, 00:50

اني برأيي انو مافي تفرقة بين الشب والبنت بهيك شغلات
فهاد الشي على حسب الخبرة بالمجال وعلى حسب اذا كان الموظف شاغل بشركة تانية وعلى حسب شو تحصيلو العلمي
فمثلا انا اذا كنت مديرة شركة معينة واجاني بنت وشب ليشتغلو وكان الشب عندو شهادة متوسطة والبنت شهادة عالية فأكيد حأختار البنت ونفس الشي اذا كان العكس
فهي صارت شغلة امكانيات مو شغلة تفرقة ياللي بلاقي عندو كفاءات اكتر هو اللي بوظفو

شكرا

Elaana

04/02/2009, 04:27

ازا هالشي فعلا عم يصير
ف لانو هي هي متطلبات العصر
اقرب مثال مندوب المبيعات
الكل بيفضل انو يشغل بنت بهالشغله
حتى المستهلك يشتري
هاد طبعا يعود لغباء المستهلك
لانو اشتراها بس مشان يرضي البنت
وهيك بيكون البائع كسبان

هاد هو العصر يلي عم نعيشو
بدك تتقبلو شو ماكان

جاد81

04/02/2009, 04:38

بدك جواب صريح وبلا لف و دوران ....ولا بنا نستحي لانو معنا صبايا و منخاف يزعلوا

شو :larg:

Marooshe

04/02/2009, 04:39

بدك جواب صريح وبلا لف و دوران ....ولا بنا نستحي لانو معنا صبايا و منخاف يزعلوا

هلأ أنا لي صار بدي جواب صريح ...

homam85

04/02/2009, 04:45

ليك ترى اذا مدير معك حق بس اذا مديرة بالعكس ..بقى مالك غير ستّات الاعمال روح اتوظف عندن

يااااااااااااااااااا أخي اللي بصرلو يتصبح بوشّ حلو بس يوصل عالشغل مو أحسن ما يتصبح بخلقتناااااااا؟؟شبك ولووووووو؟
اذا المدير مذكّر بتلاقي البنات متل النّحل واذا مؤنّث وهاد قليل للأسف بتلاقي نسبة ممتازة من الشباب!!ياسبحان الله يا زلمي؟؟؟

sona78

04/02/2009, 13:06

هدوء البحر

04/02/2009, 13:16

لانو الوجوه الطيبة والجميلة بتجيب الشغل يعني بضل سكرتيرة عن السكرتير

انت حط حالك مكانو وعندك شركة بتجيب سكرتير ولا سكرتيرة كل يوم بتتصبح بالهوش البشوش

صعي انو هي الشغلة كتير بدايئ بس هاد الواقع وفتاح الوسيط كل اسبوع شوف الفرص العمل لشباب وشوف فرص العمل للجنس الناعم ولاحظ الفرء

nour333

04/02/2009, 13:28

Marooshe

04/02/2009, 13:34

ليك يا صديقي
يعني بعد 4 سنين دوارةعلى شغل :frown:

ويعد انو معظم اصدقائي الشباب بالكلية اتوظفو ولو بشكل مؤقت مع انو كان معدل شهادتي اعلى من معدلهون :pos:

وبعتبار اكتر من واحد قلي انو الشغل بدو شباب مو بنات لانو ما بيتاسب طبيعة البنات:shock:

وبعتبار انو لساتي عاطلة عن العمل :cry:

فانا ضد فكرتك تماما:x

قطعتيلي قلبي .. حسيت حالي عايشة الحدث مع سمايلاتك .. :lol:

هو أنا متل ما قلت قبل بمحيطي ، فرص العمل متكافئه تقريبا .. بس،
ع طول بتلاقي أنو المناصب الرفيعة بيحتلوها لرجال شي من منطلق انو الرجال انسب للأدارة شي من منطلق ذكوري ما بيقبل تكون ع راسو مرا ..

هاد غير انو في بعض الدول الغبية بيكون عندك احتمال تالت وهو حفظ المناصب الأعلى للرجال بحكم انهن فاتحين بيت وعندهن عيلة وكأنو المرأة لي رايحة تدور ع هالوظيفة بدها تستثمر الراتب في تجارة الحشيش !!

وازا بدكو في موضوع تالت بيقرف .. وهو قصة الرواتب لي منتشره لحد اليوم .. ليش يعني منلاقي بالدول المتخلفة راتب المرأة اقل من راتب الرجال؟
انو ليش يعني؟ يا ترى لأنو ماركة الرجال عالمية والمرأه صناعه محلية؟
انو شو .. وقت الرجال اثمن من وقت المرا؟ بيستاهل اكتر؟
بيرجعو بيقولولك انو عندو مسؤوليات اكتر ..
مسخرة!

nour333

04/02/2009, 13:39

قطعتيلي قلبي .. حسيت حالي عايشة الحدث مع سمايلاتك .. :lol:

هو أنا متل ما قلت قبل بمحيطي ، فرص العمل متكافئه تقريبا .. بس،
ع طول بتلاقي أنو المناصب الرفيعة بيحتلوها لرجال شي من منطلق انو الرجال انسب للأدارة شي من منطلق ذكوري ما بيقبل تكون ع راسو مرا ..

هاد غير انو في بعض الدول الغبية بيكون عندك احتمال تالت وهو حفظ المناصب الأعلى للرجال بحكم انهن فاتحين بيت وعندهن عيلة وكأنو المرأة لي رايحة تدور ع هالوظيفة بدها تستثمر الراتب في تجارة الحشيش !!

وازا بدكو في موضوع تالت بيقرف .. وهو قصة الرواتب لي منتشره لحد اليوم .. ليش يعني منلاقي بالدول المتخلفة راتب المرأة اقل من راتب الرجال؟
انو ليش يعني؟ يا ترى لأنو ماركة الرجال عالمية والمرأه صناعه محلية؟
انو شو .. وقت الرجال اثمن من وقت المرا؟ بيستاهل اكتر؟
بيرجعو بيقولولك انو عندو مسؤوليات اكتر ..
مسخرة!
زكرتيني ايام ما كان الدهب رخيص
وكان موسم انتخابات 2003
كان في شعار الشنب ب100 والمرا بعصملية يعني حتى لما الزلمة بيبيع صوتو بيدفعولو اكتر!!

marioma alghzayala

04/02/2009, 14:52

لانو حاليا اغلب الشركات اللي عم تطلب موظفين عم يدوّروا عالشكل اكتر من المضمون ... يعني صمدية :lol: ..انو طبعا مو الكل بس يعني ....
في بعض الشركات عم تقبل موظفين شباب بس الراتب تبعا بكون دوبو يكفي اكل وشرب ودخان ومواصلات .... هاي ازا كان كتير قريب ... اما ازا كان بعيد راحت عليه :lol:....

اجاني زبون برجع برجع .....

nour333

05/02/2009, 22:55

ليششششششششششش؟؟؟؟؟؟!!!!!!!
قبل الليش لحتى نساعدك انت شو دارس؟

لواء

06/02/2009, 00:08

تجارة واقتصاد بس اسا ما خلصت اساتني تالتة

nour333

06/02/2009, 00:21

تجارة واقتصاد بس اسا ما خلصت اساتني تالتة
وكمان طلعت مو متخرج يا زلمة زي اللي بيدعي ربو يعطيه ولاد وهو مو مجوز

فسحة أمل

06/02/2009, 00:36

تجارة واقتصاد بس اسا ما خلصت اساتني تالتة
هلا بالنسبة لمعرفتي فيك اذا ضليت هيك لح تبقى سنة تالت :p
المهم بالنسبة للموضوع الشغلة نسبية , يعني إذا الواحد بدور بلاقي , بس أنو الشغلة انو أي جريدة إعلانية بتفتحها لتدور على شغل بتلاقي مطلوب أنسة للعمل , بتبحت لتلاقي مطلوب شاب , وعلى الله تلاقي وإذا لاقيت فبكون يا اما مندوب مبيعات يا اما معلم شاورما يا اما معلم باطون ... إلخ فساعتها بتكفر بالساعة يلي دخلت فيها على الجامعة .
الفكرة انو الواحد قبل ما يدور على شغل لازم يبني حالو تمام , بحيث أنو إذا أجت الفرصة ما يضيعها , وأنت لاحظ انو كل الشركات الكبيرة لما بتطلب موظفين من الجنسين بتطلب مواصفات محددة ,فالفكرة أنو لازم الواحد يتعب على حالو ليلاقي شغل مرتب

suzaan

06/02/2009, 00:39

بيختاروا البنت لأنها بتجيب رجل على المحل أكتر

وغير هيك

لطيفة بمعاملتها مع الكل

لواء

06/02/2009, 00:46

وكمان طلعت مو متخرج يا زلمة زي اللي بيدعي ربو يعطيه ولاد وهو مو مجوز:o
بس ماني عم اطلب اشتغل ببنك بيبلوس محاسب انا كل شي عم اطلبو شي شغلة خفيفة نضيفة ما فيها غبرة ولا قلت واجب يعني من الذي منو

فسحة أمل

06/02/2009, 00:51

:o
بس ماني عم اطلب اشتغل ببنك بيبلوس محاسب انا كل شي عم اطلبو شي شغلة خفيفة نضيفة ما فيها غبرة ولا قلت واجب يعني من الذي منو

ما الك غير التهريب , او اشتري سيارة واشتغل عليها

suzaan

06/02/2009, 00:53

شبكون على الزلمة بدو يشتغل لحتى مايمد أيدو لحدا

nour333

06/02/2009, 00:53

:o
بس ماني عم اطلب اشتغل ببنك بيبلوس محاسب انا كل شي عم اطلبو شي شغلة خفيفة نضيفة ما فيها غبرة ولا قلت واجب يعني من الذي منو
قصدي قلك الحياة قدامك دير بالك تتشائم عبكير صدقني كلشي بتسكر بوشك واوعى تسمع للي تخرجو قبلك وقالولك ما في امل الامل جوات الواحد مو براتو
حاول واكيد رح تنجح واهم شي النشاط والامانة هدول احسن شي بالسي في

لواء

06/02/2009, 00:53

بيختاروا البنت لأنها بتجيب رجل على المحل أكتر

وغير هيك

لطيفة بمعاملتها مع الكل
طيب مين قال انو ما في شباب بمعاملتهم يمكن يكونوا احسن من البنات اكيد مو الكل بس في

لواء

06/02/2009, 00:55

بيختاروا البنت لأنها بتجيب رجل على المحل أكتر

وغير هيك

لطيفة بمعاملتها مع الكل
طيب مين قال انو ما في شباب بمعاملتهم يمكن يكونوا احسن من البنات اكيد مو الكل بس في صح

suzaan

06/02/2009, 00:57

ممكن ليش لأ في شباب حلوة معاملتهون بالبيع وبكل شي

لواء

06/02/2009, 01:12

شبكون على الزلمة بدو يشتغل لحتى مايمد أيدو لحدا
والله ما حدا فهم عليي غير انت