أسوأ عادات [الأرشيـــــف]

personita

23/01/2009, 11:49

لكل منَّا "عاداته السيئة" و أنماطه و طقوسه الخاصة في النوم أو الدراسة، أو العمل… هناك من لا ينام دون مخدته الخاصة، و لا يستغني عنها حتى في أسفاره…كما لا يستغني الطفل عن مصاصته... هناك من لا يعرف النوم إذا ما ظل ضوء طفيف للتلفاز أو أي جهاز يصدر صوتا رتيبا، كدقات ساعة على الحائط أو صوت ثلاجة أو أي آلة تقض مضجعه بينما يحاول هو أن يخلد للراحة…هناك من لا يستطيع النوم بجوارب، و هناك من لا يستطيع أن ينام إلا إذا ترك رجليه دون غطاء، و هناك من لا ينام إلا إذا تغطى من رأسه إلى أخمص قدميه…
هناك من لا يستطيع الدراسة أو العمل إذا ما كان هناك ضجيج، أو حتى أي صوت مهما كان بسيطا… و هناك من هو على العكس، لا يستطيع أن يدرس إلا على صوت الموسيقى… و قد يشترط أيضا تكوت صاخبة بما فيه الكفاية، لكي يستطيع التركيز…

ما هي أسوأ عاداتك أو طقوسك التي قد تؤثر على حياتك اليومية إذا ما لم تستطع ممارستها؟

حنين.

23/01/2009, 12:34

حموده ابو حميد

23/01/2009, 12:42

مشكورة للموضوع كتير :D

انا ما عندي غير عادة وحدة وما فيني عيش بدونها ولمل ما بتكون موجودة ما بفيق ببقى نايم وهيي لاذم اشرب سيكارة أول فيقتي وفنجان قهوةمعهاا:larg:

personita

23/01/2009, 12:56

اول شيء كيفكوالله مشتقتلك بس المسنجر عطلان
تانيا مرسي عالموضوع
كانت عندي عادة انو ما انام غير على صوت الموسيقى وراحت لحالها بقي عادة ما قدرت اخلص منها انو لازم لما نام عجنبي اليمين بلاقي الحيط بوجهي وايام الجامعة لما كنت بعزم صحباتي عالغرفة ونام سوا اكتشفت انو مستحيل نام بالوسط ااضووء مو مشكلة ادا كان موجود وما بقدر اطفيه او حدا محتاجو اكتشفت استراتيجية كمان بايام الجامعة ومستعملتها لهلا
لسا بدي استراتيجية لاقدر نام وحدا بيعيط عطول صوتو جنبي ادا حدا مكتشفها يا ريت يفيدني واجره على الله
نجي لعادات الدراسة انا من اللي مستحيل يركزو فجو ساكت لازم موسيقى صاخبة تكنو الكترو ولو مع سماعات وباعلى صوت الافكار النيرة بتصير تجي لحالها وبقدر حل اصعب تمرين بهيك وضع
وهلا بالبيت ادا ما في موسيقى والبيت مو فاضي ما بقدر اعمل شيء ةان عنتو باجد ضعف الوقت
بس تعي لهون مو لانك صاخبة الموضوع ما تحكيلنا عن عاداتك؟؟؟؟

و لك وين غاطسة أنتي؟ :o اشتقتلك يا بت! :sosweet:يعني هيك أنتي؟ لازم زيطة حواليك لما تعرفي تدرسي؟
قفشتيني!:lol::lol: و الله أنا من النوع اللي لازم يكون في عتمة تماما مشان أقدر أنام، و إذا في نور أي جهاز، خصوصا إذا كان بيغمز (كمبيوتر، تلفويون، موبايل...) لازم أطفيه، أو أغطيه باشي مشان أعرف أنام:lol:، بس لما بنام، مدفع ما بيصحيني..:p
بالنسبة للدراسة (لما كنت بدرس;)) كنت بدرس بالليل (بالنهار كان مستحيل أعمل اشي)، و على موسيقى هادية إذا بكتب، إذا بقرا، لازم صمت مشان أعرف أركز..
و هاي يا ستي عاداتي السيئة! و كتير ممنونالك على المرور و على الاعترافات... :mimo:

personita

23/01/2009, 12:58

مشكورة للموضوع كتير :D

انا ما عندي غير عادة وحدة وما فيني عيش بدونها ولمل ما بتكون موجودة ما بفيق ببقى نايم وهيي لاذم اشرب سيكارة أول فيقتي وفنجان قهوةمعهاا:larg:

مممممم! هاي عن جد عادة سيئة، و أكثر من عادة، إدمان، الله يعينك بقا:D

Sarita

23/01/2009, 13:08

بالنسبة للنوم عدوي الضو
مثلا انا هلأ قاعدة عم اكتب ع الظلمة بحس انها بتهدي البال وماني محتاجة بين تعابير وشي كيفما كانت
وبالنسبة للدراسة لما بكون زهقانة منا بحب اسمع موسيقى الMON amour او اي ميوزيك هادية
هاد من شان روق وبعدين بدرس يعني ما بتفرء معي ان كان بالصبح او باليل بس بفضل بالصبح لانو سمعت انو المواد العلمية ما بتصير مفهومة ع العقل بعد الساعة 8 ليلا :o
وكمان بحب نام طب يعني ع وشي ومرات ع جنبي اليمين وحتى لو صار شي زلزال او اي شي ما بفيق يعني ازا نمت خلص ما بعود اعرف حالي مين انا
اني واي في كمان عادة اكتسبتها ه اليومين ني صير دور بالغرفة ازا في حدن معي لاني صايرة عم وسوس كتيير وهاد الشي اللي خلاني بطل شوف افلام رعب :oops:
وبس ..!!

personita

23/01/2009, 13:28

بالنسبة للنوم عدوي الضو
لانو سمعت انو المواد العلمية ما بتصير مفهومة ع العقل بعد الساعة 8 ليلا :o

إشاعة مغرضة و الله! :lol: أنا بالليل طاقتي الاستعابية بتكون في أعلى مستوايتها!

اني واي في كمان عادة اكتسبتها ه اليومين ني صير دور بالغرفة ازا في حدن معي لاني صايرة عم وسوس كتيير وهاد الشي اللي خلاني بطل شوف افلام رعب :oops:
وبس ..!!

أنا مرة صايرة معي شغلة: كنا بنحضر فيلم رعب، و فجأة، قطعت الكهربا!! من يومها حرَّمت أتفرج أفلام رعب! :sick:

عطر الايام

23/01/2009, 14:39

هلا بالنسبة الي
لازم وقت نام ما يكون في ضو بنووووب يعني نام بغرفة متل القبر وخصوصا بنومة العصر لازم لا صوت ولا ضو ولا شي بنوب
وفيني كمان عادة بتمنى اني اتخلص منها انو لازم كل يوم اكل شوكولا ما بقدر عيش بدونها هلا يللي بيسمعني بفكرني سمينة بس بالعكس بالرغم من كل اكلي للشوكولا ما بسمن

وفيني عادة ازا كنت معصبة ياويلو يللي بيتبارد عليي او بيحكي معي شي كلمة :sly:

personita

23/01/2009, 14:58

هلا بالنسبة الي
وفيني كمان عادة بتمنى اني اتخلص منها انو لازم كل يوم اكل شوكولا ما بقدر عيش بدونها هلا يللي بيسمعني بفكرني سمينة بس بالعكس بالرغم من كل اكلي للشوكولا ما بسمن

أنتِ مثلي بالضبط!!:o أنا بموت في الشوكولا و الحلو بشكل عام،:feat:و كمان ما بتخن!:yahoo:
مشان هيك، ما بتمنى أتخلص منها، بالعكس، سعيدة بها العادة! :lol:

Sarita

23/01/2009, 15:14

في كمان عادة سئيلة
اني بحب شم ريحة المبيدات الحشرية والGlu يعني الغراء
يااااااااي ما اطيب هالريحة :oops:

personita

23/01/2009, 15:50

في كمان عادة سئيلة
اني بحب شم ريحة المبيدات الحشرية والGlu يعني الغراء
يااااااااي ما اطيب هالريحة :oops:

مو معقول!! :?

..AHMAD

23/01/2009, 15:53

السيجارة عالريئ

ما بنام ليكون خالص الباكيت .. ما بحب اترك شي بذمتي

وكتير شغلات متعلقة بالدخان أولاً ...

ومنتذكرلكن الباقي عالطريئ :lol:

saman

23/01/2009, 16:08

انا وين ما بيصحلي نام بنام ..يعني بضو .. بلا ضو .. بالنهار بالليل .. على تختي مو على تختي ... في ضو تلفزيون او اصوات حواليي ما بتفرق ... بس انو عدوي يكون في حدا عم يحكي بصوت واطي او وشوشة وانا نايم .. هيك بتنهكرز ودغري بفيق ... يعني عالاغلب .. بس احياناً بتكون الجناب متل الطناب ما بيصرليشي ... :o
مرة الله وكيلك كنا بمخيم مع المدرسة .. من كتير مو نومي تقيل .. اجا ضفدع قد الكف .. ومشي عليي .. ورفقاتي حطو على راسي .. وصوروني شي عشر صور وانا ضليت نايم بعدها شي نص ساعة .. وبس لفقت شفت الصور قرفت حالي ... يمكن صرفت شي كيلو صابون على راسي من ورا هالضفدع المقرف :sick:
بس انو بالنوم .. يا اما بب انو كون باواعي جداً جداً خفيفة .. حتى لو بالشتي ... او بحب نام وانا لابس اواعي الطريق يعني جينز وكنزة قطن او صوف .. حتى لو بالصيف ! :o
بحب ريحة الجلد الجديد وريحة الدهان والغراء :oops:
وطبعاً شي اكيد وقت الفيقة من النوم بحب فوراً قوم عالمطبخ حط الدولة (الركوة ) عالنار منشان اشرب قهوة عالريق :sosweet:
وفي كمان عادة مو يومية .. بس انو فيني سميها عادة الا وهي بعد ما صب فنجان القهوة الصبحيات .. لازم كون فاتح الانترنت .. يعني اخوية والمسنجر .. لانو ازا ما كنت اون لاين فانا غير موجود :lol:
عادة تانية عندي .. اني بحب اسمع الميوزك والاغاني عالعالي ... يعني الا حد ما اسمع في حدا حواليي .. يعني ازا كنت حاطط السبيكرز :yahoo:
وكان عندي عادة قبل ما يختفي موبايلي انو لما نام .. لازم يكون موبايلي تحت مخدتي او جواتها .. ما بقدر نام متل العالم ازا ما كان تحت المخدة او جواتها .. او ازا ما كان في مخدة عالقليلة يكون بجيبتي :pos:
كانت موجودة عندي عادة الاكل بشراهة .... بس هلأ عم تختفي تدريجياً لانو لما كنت آكل كتييير كنت نحيف ولهلأ نحيف .. يعني ما استفدت شي !:jakoush:
وعندي عادة كمان .. اني بكره العناكب .. جداً .. ما بعرف يمكن فوبيا او شي بس بكرههن هني وابو بريص والجرذ (الجردون ) .. يعني ازا شفت ابو بريص .. عنا بالبيت .. بدور على اطول نشافة عنا بالبيت .. وببعد عني شي 5 متار .. بعدين بقتلو فيها ...اما العناكب والجرادين .. اعوز بالله .. ما بقرب عليهن بنوب ... ازا شفت حدا منهن بصرخ بالولييييييييييييي .. وبهرب خمسين متر لورا ! :cry:

حاجة لهون ... نتابع .. ما تبقى بعد نشرة اخبار الثامنة :p

مايا *

23/01/2009, 16:12

يااااااااي ما اطيب هالريحة :oops:

بحب ريحة الجلد الجديد وريحة الدهان والغراء :oops:

يفضح حريشكون , شلّة حشاشة :lol:

.

saman

23/01/2009, 16:34

يفضح حريشكون , شلّة حشاشة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:lol:
اي نسيت كمان ... بحب ريحة الدفاتر الجديدة والمجلات الجديدة .. شغلة :gem:
طبعاً من ضمن ريحة الجلد بحب ريحة الصبابيط ..طبعاً الجداد :pos:
يعني اول ما اشتري الصبات بضل عم شم فيه سنة قبل ما البسو :o

AHMED SHAMS

23/01/2009, 16:47

أولاً يسعد مساكون يا حلوين ويا حلوات أنا لما آجي أنام ممنوع لا ضو ولا صوت ولا حتى حدا يكح جنبي لأن نومي خفيف كتير وبنزعج من أي شي وكمان فيني عاده عنجد مسببالي مشاكل الله وما قادر أتخلص منها أنو بعصب بسرعة سهل جداً حدا يعصبني ولما بعصب ما بحب أشوف حدا قدامي نهائياً لأني بتصرف بغباء حبتين وكمان عندي عاده خطيرة ولازم أبطلها بس بتحصل كل يوم غصب عني أنو لما بسوق ما بشوف حدا خالص يعني السيارة بتكون متل الصاروخ ما بقف خالص لا عند مطب ولا عند أي شي إلا أذا كان فيه أشارة وشرطي واقف عندها بضطر أوقف شوي بس بكون منزعج جداً وأنا واقف بالسيارة .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

saman

23/01/2009, 16:50

احمد شمس ...

نسيت تقول عن عادتك السيئة الا وهي نسخ السمايليات .. يلي بتنتسخ مع الاعلانات وبتعبي الصفحة ! :frown:

Reemi

23/01/2009, 16:52

كنت مفكره حالي لحالي مهوووي ومجنونه :oops:

هاد انا ما بعرف نام وفي بصيص ضو صغير صغير صغير .... يعني لازم يكون عتمممممممم تماما تماما تماما ..
ومستحيل اقدر اغفى وفي صوت .. ولا حتى ساعة الايد .. بطالعها من الغرفه كلها .. لانو حتى ولو كانت بعيدة عن التخت بسمعها ... يعني بالمختصر لازم يكون هدوء بمقدار العتم ... انا بغرفتي بس بدي نام ما عاد بشوف شي من الغرفه .. لانو بنزل الابجور عالاخير وبسكر الباب وبطفي ضو الكريدور الي برا الغرفه مشان ما يفوت ضو من شق الباب التحتاني والموبايل بقلبو عجنبو التاني (لانو موبايلي غبي بيضل يضوي وما بعرف كيف شيل هالضو الاهبل) ..

اي شو كمان وما بعرف نام بجراباتي لازم اشلحهون :oops:.. وبحب ريحة الديتول والدهان يم يم يم شي بيشهي ..

هاد الي متزكرتو هلا :oops::oops:

saman

23/01/2009, 16:55

وبحب ريحة الديتول والدهان يم يم يم شي بيشهي ..
طلعت مو بس انا وساريتها .. الحشاشين :o

Sarita

23/01/2009, 17:05

يفضح حريشكون , شلّة حشاشة :lol:

.
:p
وبحب ريحة الديتول والدهان يم يم يم شي بيشهي ..
تاريكي مو قليلة انتي التانية وانا فكرت اني بس الهبلة اللي عم حشش :o
بس والله ريحة الغراء والدهان حلوة بتطير يا زلمة انو بف باف ومبيد وكلون ريحتون بتجنن ااااااااااخ :yahoo:
بدي شمة ع هالحكي والله :larg:
انو في الي عادة قديمة انو بحط السبيكرز واسمع ميوزيك ع العالي بس بعدين صار سمعي ضعيف مشان هيك حرمت
وما بسمع التيفي الا وهوي عالي يعني صوتي يوصل لبرا هي من الضروريات
وفي هي عادة اكتسبتها حديثا انو لازم وقت اجلس حط رجل ع رجل هي بالبيت وع طاولة الكمبيوتر
بس لما بروح ع المدرسة بقعد متل الرجال حتى ولو كنت لابسة تنورة :o
ما بعرف كيف ما بتزبط معي الله اعلم
وموبايلي ما بحس بالامان الا لما يكون حدي هيك لانو بالليل بتوسوس وبفكر انو حدن اجا واخدلي موبايلي :sly:
فبقوم وبعمل حالي شوف الوقت ومنو بطمن انو حدي وما بشحنو غير بالليل <<<<اماااااااان :yahoo:
وفي عادة كمان الي انو بحب غير الموبايلات وما بحب غير لبسي :oيعني بتعلق بشي بنطلون او جاكيت ما بحب كبها بعملها خرقة او بعمل فيا شي تاني بس ما بكبها هيك :pos:
اما الموبايلات فبزهق من نوع ازا قعد عندي شهرين 3 :frown:
هاد بس لديت هلاء <<<<انو فيي عيوب كتيييرة رح حاول كون صريحة ع قد ما فيني :oops:

saman

23/01/2009, 17:17

نسيت قول شغلة .. انو انا وجاكيتي بتنشئ علاقة حب .. وبحكي معو بالطريق دايماً :o

وكمان انو لازم اقعد عالمراية شي ساعتين باليوم .. عالقليلة :sosweet::gem:
وعادة تالتة كمان ... اني بحب ارقص ازا كنت عم اسمع شي .. لو حتى بالطريق ... يعني هيك حركة لا ارادية .. لازم ارقص :yahoo:

Nassima

23/01/2009, 17:46

أنا عني من عاداتي السئية المعروفة :lol: يعني بالنوم لازم لازم يكون في ضو ما بنام في الظلمة و على مخدتي ما بقدر نام بلاها و كمان بنام في الفوضى ما في مشكلة بس بصحى دغري بالحركات الخفيفة أو وشوشة أو فتح باب غرفتي هيك بهدوء بشويش و عن التليفون فأكيد أكيد جنبي .
ووقت الدراسة أو المراجعه بحب راجع بالفوضى أو على الأقل حولي ناس أو تلفزيون هيك شي .
و كمان بحب ريحة الكبريت لما بيشعل و ريحة الغراااء و دهان وومجلات و الكتب و ريحة الدخان
و بالنسبة للموسيقى بيجيني هيك رعبة أو يمكن خوف لما بزيد في الفوليم يعني الصوت و مابحب حد يحاكيني لما بكون بسمع موسيقى أو بتفرج على التلفزيون .
و العادة لي ما بطيقها بحالي كثير و حابة أتخلى عنها انو ما بحب مو بحب بكره انو حد يعبث بحاجاتي أو بفتش بأغراضي .

هاد لي بعرفو عن حالي ;)

saman

23/01/2009, 17:53

ييييييييييييي لك شو قصتي انا يمكن هي عاشر شغلة بنساها بعاداتي السئة الغير محدودة ..:jakoush:

اني وقت النوم ... ياما بدو يكون عتمة كتييير .. يا اما ضو الكومبيوتر او التلفزيون ...يعني ضو نواصة بكرهو ... الضو الصغير تبع الهيد فونز او السبيكر او الشاشة .. بحبهوش ! ما بقدر نام ازا كان شغال ! :pos:
العادة لي ما بطيقها بحالي كثير و حابة أتخلى عنها انو ما بحب مو بحب بكره انو حد يعبث بحاجاتي أو بفتش بأغراضي .
معقوووووووول ... انا هي العادة متجزرة فيني .. ما بحب حدا يبحبشلي بغراضي .. وولا حدا بالعالم بيحب هالشي :jakoush:

personita

23/01/2009, 17:59

السيجارة عالريئ
ما بنام ليكون خالص الباكيت .. ما بحب اترك شي بذمتي
وكتير شغلات متعلقة بالدخان أولاً ...
ومنتذكرلكن الباقي عالطريئ :lol:

اي، أهم اشي الواحد ينام مرتاح، و ما في ذمتو اشي! :lol:

سوا ربينا

23/01/2009, 18:10

هلأ انا اول شي بحب نام بدون مخدة بس ما بعتبرها عادة سيئة ... لانو برتاح بدونها واذا كان في مخدة مستحيل وصعب انام ... وتاني شي صعب انام بمكان هادي كتير ... يعني كونو انا متعود نام على صوت السيارات بجنبي وصوت طلاب المدارس الصبح...الخ.. وكمان مرات بحب نام وضو الغرفة مضوي ..بحس انو بنعس بسرعة ...:lol:
وغير هيك بالبكالوريا كنت وانا بدرس حط بأدني سماعات وبلش اسمع اغاني ...وانا عم ادرس:oops:
وفي كمان متل ماشفت انو في ناس غيري طلع بيحب ريحة الدهان والغرا ..اضافة انو انا بحب ريحة الكاز والبنزين ومشتقات النفط ...(بس بلشنا نخفف ها ..:oops:)...كمان ما بعرف نام ومستحيل نام غير على تختي وغير هيك ممكن ما نام او اقعد ساعات طويلة وانا عم اتقلب بلا فائدة ...:cry:

لهلأ هدول اللي متزكرهن :pos:

fernanda bachchan kfoury

23/01/2009, 18:29

:lol:
اي نسيت كمان ... بحب ريحة الدفاتر الجديدة والمجلات الجديدة .. شغلة :gem:
طبعاً من ضمن ريحة الجلد بحب ريحة الصبابيط ..طبعاً الجداد :pos:
يعني اول ما اشتري الصبات بضل عم شم فيه سنة قبل ما البسو :o
لك لك متلي خنطق منطق
كنت دايما وقت بجيب دفاتر جداد بظل طول اليوم عم شمن :clap:
وريحة الاواعي الجديدة بتكون فيا ريحة سبيشل

ومن عاداتي اني بحب نام والضو مطفي ومافي صوت تلفزيون <<< ولاحظت كمان انو ازا طفيت الكهربا وانا قاعدة او واقفة بتجيني دوخة مدري ليش:?

اي واي : من عاداتي السيئة انو مخدتي هيي اهم شي عندي بحكيا بالليل :oops: وازا رحنا لبيت خالتي وعطيتني مخدة غير فبنام بلا مخدة كمان بلاقي راحتي هيك حيووو التسطيح بلامخدة

واكتر عادة مستحيل استغنى عنا ويمكن احيانا تضايقني انو ازا شفت نمل او نملة لازم اقتلا يعني ازا هربت وماقتلتا فمستحيل اقعد بالغرفة او بالمكان اللي شفت فيو النملة :jakoush:

fernanda bachchan kfoury

23/01/2009, 18:31

اي صحي تزكرت شغلة انو وقت بجي حط كحلة بعيوني بفتح تمي مابعرف ليش:o

sona78

23/01/2009, 18:34

لازم شم ايا شي حولي !!!!!!!! يعني قبل ما اكل لازم شم الاكل وقبل ما اشرب لازم شم المشروب واذا اتعرفت على حد بسعى كتير لشم ريحتو وغالبا بتاثر الريحة على تعاملي مع الشخص .. يعني اذا طلعت مش ولا بد صعب كتير اتعامل معو .. واحيانا بتكون محاولتي للشم ملفتة لانتباه يلي حولي!!!
يبدو كان لازم كون من يلي بشمو بالي بالك !!!!! بس لهلق ما اتورطنا
الشغلة التانية انو صوتي عالي كتير وخاصة لما بضحك او بالاحرى بقهقه .. بيصيرو حطيان البت تهزهز .. ويعني مرة على قدر ما ضحكت بصوت عالي فكرو الجيران انو في مصيبة عنا .. لانو ما في حدا فيو عقل بطلع كل هالضجة بالضحك!!!!!!!:cry: الشغلة صراحة سببتلي مشاكل كتير مع اهلي انو لازم يخفض صوتي ولهلق لسا ما انحلت :frown:

saman

23/01/2009, 18:43

لك لك متلي خنطق منطق
كنت دايما وقت بجيب دفاتر جداد بظل طول اليوم عم شمن :clap:
وريحة الاواعي الجديدة بتكون فيا ريحة سبيشل

ومن عاداتي اني بحب نام والضو مطفي ومافي صوت تلفزيون <<< ولاحظت كمان انو ازا طفيت الكهربا وانا قاعدة او واقفة بتجيني دوخة مدري ليش:?

اي واي : من عاداتي السيئة انو مخدتي هيي اهم شي عندي بحكيا بالليل :oops: وازا رحنا لبيت خالتي وعطيتني مخدة غير فبنام بلا مخدة كمان بلاقي راحتي هيك حيووو التسطيح بلامخدة

واكتر عادة مستحيل استغنى عنا ويمكن احيانا تضايقني انو ازا شفت نمل او نملة لازم اقتلا يعني ازا هربت وماقتلتا فمستحيل اقعد بالغرفة او بالمكان اللي شفت فيو النملة :jakoush:
انا كمان احياناً بدوخ وقت تطفي الكهربا .. وبتوقع هي غلة فيزيولوجية مو عادة :?
حلو الواحد يحكي مع مخدتو .. انا وقت كون ماشي بالشارع .. بحكي مع الجاكيت :o
اما قصة النمل .. فكانت فيني هالعادة .. بعدين صرت ازعل عليهن .. وقررت ما آذي اي حيوان .. حرام .. بيضلو مواطنين سوريين .. ويمكن احسن من بعض البشر ...:pos:
ع فكرة بطلت اقتل حشرات من بعد ما شفت فلم (بي موفي) :p

بعد هالعشرطعشر رد .. ازكرت عادة سيئة كتييير وهيي انو بضل عم اضحك .. واغلظ شي وقت اضحك وانا عم بحكي بيطلع صوتي مسخرة الله وكيلكن ...:cry:
وطبعاً كمان .. احياناً بتعلى نبرة صوتي بشكل مفاجئ ! :?

وفي كمان عندي عادة انو قلة زوق .. ما بعرف احكي كلمات المجاملة ... يعني وقت حدا يقللي تفضل بقللو اهلا وسهلا ...مرة شفت شحادة عم تمدلي الطاسة مشان اعطيها مصاري .. قلتلها يسلمو ! :o

وكمان من قلة زوقي .. اني بكون قاعد مع عالم ان كان بمطعم او بيت .. بتلاقيني ازا بدي روح عالدبليو سي او اطلع شوي لبرا .. ما بقول ..(عن ازنكن .. لحظة شوي ...)ومن هالحكي مدري ليش ! :?:jakoush:

اضافة لكل هاللعي .. عندي عادة حلوة .. انو اول ما عبي موبايلي .. بتصل او بعمل ميسد كول .. تقريباً لكل ليستا الاسماء يلي عندي عالموبايل ! :gem:

وعندي عادة كمان هلأ تزكرتها .. انو كل ما روح عالعزا .. بتجيني الضحكة ما بعرف ليش ....:lol:
شكلي الي رجعة .. بجوز اتزكر عادات اكتر من كل هدول :o

AHMED SHAMS

23/01/2009, 20:42

احمد شمس ...

نسيت تقول عن عادتك السيئة الا وهي نسخ السمايليات .. يلي بتنتسخ مع الاعلانات وبتعبي الصفحة ! :frown:
لا يا معلم أنا مو بنسخها من على الأعلانات لأ أنا عامل Download لـ sweet IM tool par ولـ smiley central tool par يعني يا معلم مو مضطر أني أنسخها لأني مثبت كل أنواع السمايليز على جهازي وبخاطرك
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

عطر الايام

23/01/2009, 20:46

هلا انتو بتحبوا ريحة شغلات مقبولة بس انا بعشق ريحة البنزين وخصوصا وقت بوقف عند الكازية بفتح الشباك وبستمتع
وفيني عادة كتير بشعة انو ازا حدا وقع او تفركش بالطريق ادامي بضحك وبطلع بغير مكان
وفيني عادة مو حلوة انو ازا كنا بسهرة بصير بتاوب وبنعس ما بعرف ليش :shock:

في كتير شغلات بس اتزكرهن

باي

سوا ربينا

23/01/2009, 20:59

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

احمد شمس اللي قالو سامان صحيح انا بيصيبني مرض بس شوف هدول :cry: السمايلي حلو بس اللي بيبينو تحت مش حلوين ...:frown:

أإأبو العبد

23/01/2009, 21:01

اي صحي تزكرت شغلة انو وقت بجي حط كحلة بعيوني بفتح تمي مابعرف ليش:o

انشاءالله بفوت بتمك شي دبانة لحتى تحرمي

بالنسبة الي انا خليني قولن وحدة وحدة
اول شي اذا نمت صعب فيق او بالاحرى مستحيل لا سيدي من سابع المستحيلات
وهاد ليش لاني بدخن شي باكيتين بالنهار
والمصيبة اذا كنت بشي سهرة طبعا المشروب لازم يكون جاهز ويكون سيد الموقف
واذا كان فيها شوية فسق وفجور بيكون فيها الاعشاب الروحية:o:hashish:

يتبع...

Damask Rose

23/01/2009, 21:03

مابئدر ادرس وفي علكة بتمي
مابئدر نام وفي شوية ضو..حتى لو كان ضو القمر;)

بس اتزكر غيرهم برجع بقلكم:larg:

fernanda bachchan kfoury

23/01/2009, 21:03

احمد شمس اللي قالو سامان صحيح انا بيصيبني مرض بس شوف هدول ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// السمايلي حلو بس اللي بيبينو تحت مش حلوين ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك انا مش بس يصيبوني بمرض انا بجن وبعصب

Damask Rose

23/01/2009, 21:04

اي صحي تزكرت شغلة انو وقت بجي حط كحلة بعيوني بفتح تمي مابعرف ليش:o

اناكماااااااااااااان:o

fernanda bachchan kfoury

23/01/2009, 21:06

انشاءالله بفوت بتمك شي دبانة لحتى تحرمي

بالنسبة الي انا خليني قولن وحدة وحدة
اول شي اذا نمت صعب فيق او بالاحرى مستحيل لا سيدي من سابع المستحيلات
وهاد ليش لاني بدخن شي باكيتين بالنهار
والمصيبة اذا كنت بشي سهرة طبعا المشروب لازم يكون جاهز ويكون سيد الموقف
واذا كان فيها شوية فسق وفجور بيكون فيها الاعشاب الروحية:o:hashish:

يتبع...
ليش يازلمة شو عملتلك انا ؟؟:cry:بعدين شو انا جدبة لحتى ابلع دبانة ؟:adal:
معناتا بالسهرة تحشش عالاخر <<< اوعك تحكي حكي شروي غروي لازم تحط حدود الك :larg:

أإأبو العبد

23/01/2009, 21:13

ليش يازلمة شو عملتلك انا ؟؟:cry:بعدين شو انا جدبة لحتى ابلع دبانة ؟:adal:
معناتا بالسهرة تحشش عالاخر <<< اوعك تحكي حكي شروي غروي لازم تحط حدود الك :larg:

لا الشبيبة مضمونين مالن بهالطريق :ok:

هلا صحيح موقع اخوية بسوريا محجوب؟؟

أإأبو العبد

23/01/2009, 21:14

اناكماااااااااااااان:o

بعطيكي مليون دولار بس بشرط انك تحطي كحلة وانتي عمتاكلي علكة:sly:

fernanda bachchan kfoury

23/01/2009, 21:18

لا الشبيبة مضمونين مالن بهالطريق :ok:

هلا صحيح موقع اخوية بسوريا محجوب؟؟
والله مابعرف ازا محجوب لو لاء لانو انا مش بسوريا

بعطيكي مليون دولار بس بشرط انك تحطي كحلة وانتي عمتاكلي علكة:sly:
اي هاتن للميت دولار انا بقدر لانو وقت ناكل علكة تمنا بيكون مفتوح :o

saman

23/01/2009, 21:21

اناكماااااااااااااان////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اي انا بحس كل النسوان هيك ! :o
لك مو بس بيفتحو تمهن .. بيلوقوا حنكهن كمان .. ايو :lol:

أإأبو العبد

23/01/2009, 21:21

والله مابعرف ازا محجوب لو لاء لانو انا مش بسوريا

اي هاتن للميت دولار انا بقدر لانو وقت ناكل علكة تمنا بيكون مفتوح :o

لالا انا قصدي انو تعلكيها :cry:

أإأبو العبد

23/01/2009, 21:23

والله انا سوسة كل مابفوت على موضوع بخربو خلص رح اطلع:frown:

Damask Rose

23/01/2009, 21:27

بعطيكي مليون دولار بس بشرط انك تحطي كحلة وانتي عمتاكلي علكة:sly:

مستحييييييييييييييييييييي ل:shock:
اي انا بحس كل النسوان هيك ! :o
لك مو بس بيفتحو تمهن .. بيلوقوا حنكهن كمان .. ايو :lol:

اي وبطلع لساني كمان كني عم بتلاوق عحدا:pos:

أإأبو العبد

23/01/2009, 21:31

اي وبطلع لساني كمان كني عم بتلاوق عحدا:pos:

ليش يعني خايفة عالدبانة تضيع طريقا:pos:

Damask Rose

23/01/2009, 21:52

ليش يعني خايفة عالدبانة تضيع طريقا:pos:

لك انت مين دزك عليي:x
ان شالله تفوت بتمك دبانة..وكبيرة كمان..وها:frown:

Damask Rose

23/01/2009, 21:52

ليش يعني خايفة عالدبانة تضيع طريقا:pos:

لك انت مين دزك عليي:x
هي شكلها من اسوا عاداتك الجكر:x:x:x
ان شالله تفوت بتمك دبانة..وكبيرة كمان..وها:frown:

أإأبو العبد

23/01/2009, 21:53

لك انت مين دزك عليي:x
هي شكلها من اسوا عاداتك الجكر:x:x:x
ان شالله تفوت بتمك دبانة..وكبيرة كمان..وها:frown:

:oops::oops: والله عمنمزح

Sarita

23/01/2009, 21:55

ومشتقات النفط
نسيتها هي لما باب بدو يروح يعبي بنزين بفتح الشباك وبضلني بشم هالريحة <<<<والله ريحتوني انكون متلي فكرت حالي اني الوحيدة اللي بعمل هيك ومافي حدا من رفقاتي عارف هالشي عني يعني الحمدلله اني مو طفرة :o
اني ما بحب يضل تمي هيك عطول بدي اكل علطة خصوصا بالدرس
وازا ما اخدت ورقة مشان ارسم او شخبط ما بفهم يعني لازم وان ما لقيت ما الي الا الطاولة
رح صورها لتشوفوا قريبا <<<بتكون مفاجأة الموسم :p
وبحب كمان مممممممم احكي كتيير وضلني اتمسخر ع العالم ما بعرف ليه والله بس مو عن نية عاطلة يعني عن حسن نية :oops:
كمان ما بحب المجاملة بحكي اللي عندي دغري هيك <<<ما بعتبرها صفة سيئة منووب :frown:
وو وشو كمان؟ عم انسى والله
مدمنة ع Dr house حتى اني ورطت حالي بشراية كل الاجزاء ولساتني ما دفعت حقون :cry:

الي رجعة لسا ما خلصت:lol: