مرحبا
انا بغني عربي سماعي ومابعرف كتير بمقامات الأغاني فرجاء اذا حدن عندو فكرة عن اي أغنية واسمها وماهو المقام تبعها عم بحاول أجمع أسماء أغاني عربية مع معرفة نوع المقام الي تغنى عليه
وشكرا :gem:

تحياتي
اطلبي الاغنية التي تريدين ورح حطلك تحليلها المقامي :deal:

من الصعب انه تلاقى أغنيه كامله ثابته فى مقام واحد لانه الموسيقى مرنه جدا والتحويلات والانتقالات المقاميه أساسيه علشان تبين شطاره الملحن وتمكنه من أدواته انا ممكن أساعدك فى تحليل الاغانى التى تحبيها وممكن كمان اعرضلك معظم المقامات الشرقيه وده هيكون أفضل علشان تقدرى تقيسى بعد كده على اى لحن يقابلك وممكن كمان اعرفك الضروب العربيه واى حد مهتم بالموسيقى يا ريت لو ينضم لينا ويفيدنا باللى عنده وكمان يستفيد من اللى عندنا وربنا يسهل:ss:

شكرا يا رينا ( اخ طازة ) راح اكتبلك أسماء بعض الأغاني الي بدي ياها وانا بس طالبة معرفة المقام الآغنية ... الخ
شكرا جزيرا

قيل في العود أنه ( صنع بسحر ) وهذه الجملة تجمع المقامات الموسيقية
ص : صبا .............. مثل أغنية : سكابا يا دموع العين سكابا
ن : نهاوند .............. مثل أغنية : بكتب إسمك يا حبيبي
ع : عجم .............. مثل أغنية : زوروني كل سنة مرة

ب : بيات.............. مثل أغنية : ( العما هاد كل أغاني الدنيا عليه يخرب بيتو شو بكرهو ... حرقوه للمقام ) متل الحاصودة :p
س : سيكاه .............. هاد بدو همة الشباب ما بعرف ولا غنية عليه
ح : حجاز .............. مثل أغنية : كنا ستة عالنبعة و عالصفصافة الصفصافة
ر : راست .............. مثل أغنية : يا مال الشام

الأغاني عادة تكون أكثر من مقام ... أعتقد أنك قادرة على القياس سماعياً و معرفة المقامات في الأغاني الآن

مرحبا

أنا حابة أعرف مقام الأغاني التالية
أغنية إعتزلت الغرام لماجدة الرومي
أغنية قتلوني عيونا السود لوديع الصافي
أغنية الليل يا ليلى لوديع الصافي
أغنية جاي تسمبل وراي لعلي الديك
أغنية ميل وحدف منديلو لعبدالحليم حافظ
أغنية يا حلاق عملي غرة لطروب
أغنية بتونس بيك لوردة وايضاٌ أغنية لولا الملامة واكذب عليك وحرمت أحبك
أغنية ياحبيبي تعالا الحقني لآسمهان
أغنية عالبساطة البساطة لصباح وأيضاٌ أغنية دخل عيونك حاكينا
أغنية طلعت يا محلا نورها
أغنية حيرت قلبي معاك لآم كلثوم
أنا بعشقك لميادة الحناوي
وشكرا على الرد سلفاٌ
لولو :clap:

مرحبا

أولا بحب اشكر الجميع على المساعدة الحلوة

أنا حابة أعرف مقام الأغاني التالية
أغنية إعتزلت الغرام لماجدة الرومي
أغنية قتلوني عيونا السود لوديع الصافي
أغنية الليل يا ليلى لوديع الصافي
أغنية جاي تسمبل وراي لعلي الديك وايضا طل الصبح ولك علوش
أغنية ميل وحدف منديلو لعبدالحليم حافظ
أغنية يا حلاق عملي غرة لطروب
أغنية بتونس بيك لوردة وايضاٌ أغنية لولا الملامة واكذب عليك وحرمت أحبك وايضا العيون السود
أغنية ياحبيبي تعالا الحقني لآسمهان
أغنية عالبساطة البساطة لصباح وأيضاٌ أغنية دخل عيونك حاكينا
أغنية طلعت يا محلا نورها
أغنية حيرت قلبي معاك لآم كلثوم
أنا بعشقك لميادة الحناويلع
أغنية كان عندي غزال أغنية قديمة ولكن وائل الجاسر غناها ايضا حلوة كتير
أغنية شيل عيونك عني لنانسي عجرم
أغنية عالعين موليتين من التراث العراقي
أغنية ميل ياغزيل
أغنية وحشتني و أوعدك سعاد محمد
أغنية ليه خليتني احبك لنجاة الصغيرة
وشكرا على الرد سلفاٌ
لولو :clap:

تحياتي الك الاغاني الي كاتبتيها البعض منها تتعدد الانتقالات المقامية فيها ورح ساعدك بمقام الاغنية الاساسي



أغنية إعتزلت الغرام لماجدة الرومي- عجم
أغنية قتلوني عيونا السود لوديع الصافي-بيات
أغنية الليل يا ليلى لوديع الصافي-بيات
أغنية جاي تسمبل وراي لعلي الديك وايضا طل الصبح ولك علوش؟؟؟؟- بيات
أغنية ميل وحدف منديلو لعبدالحليم حافظ (اسم الاغنية موعود) - نهاوند
أغنية يا حلاق عملي غرة لطروب- هزام
أغنية بتونس بيك(نهاوند) لوردة وايضاٌ أغنية لولا الملامة(نهاوند) واكذب عليك(حجاز)العيون السود(نهاوند)
ملاحظة: (اغاني وردة كل مقطع من مقام)
أغنية عالبساطة البساطة لصباح وأيضاٌ أغنية دخل عيونك حاكينا (بيات)
أغنية طلعت يا محلا نورها -عجم
أغنية حيرت قلبي معاك لآم كلثوم-كورد
أنا بعشقك لميادة الحناوي - بيات
أغنية كان عندي غزال أغنية قديمة ولكن وائل الجاسر غناها ايضا حلوة كتير -راست
أغنية شيل عيونك عني لنانسي عجرم- حجاز
أغنية عالعين موليتين من التراث العراقي-بيات
أغنية ميل ياغزيل -بيات
أغنية وحشتني-(نهاوند) و أوعدك سعاد محمد (راست)
أغنية ليه خليتني احبك لنجاة الصغيرة -عجم

اذا اردتي الدرجة المغناة منها الاغنية فنحن في الخدمة
وفي اغاني وردة وميادة واسمهان وغيرهم من العمالقة يختلف المقام من مقطع الى مقطع
ارجو منك كتابة المقطع الذي تريدين لاكتب لك المقام
:D:D

شكرا جزيلا يا ssleiman هادا بالظبط الي عم بدور عليه افدتني كتير كتير شكرا:clap:

الظاهر يا اخ Sleiman انك بتعرف كتير بالموسيقى اكيد راح اكتبلك الآغاني والمقاطع الي عم بدور على مقامها انشاالله
شكرا
لولو

انسة لولو... يمكن يكون تعلم المقامات على الة موسيقية أسهل وأدق لآنو كل مقام الو ابعاد معينة و الموضوع مو صعب ها... وخصوصي باينتك مهتمة كتير.. موفقة..


على فكرة شكرا عالموضوع لآني أناكمان عم استفيد منو....

مرحبا

أذا سمحتوا أنا حابة أعرف كل مقام من وين بيبلش وين بينتهي على السلم الموسيقي
وكمان حابة أعرف مقام الأغاني التالية ( المقام الرئيسي )
أغنية ماندم عليك لنوال الزغبي
أغنية ما بسمحلك لنجوى كرم وايضا أغنية بحبك ولع
أغنية يا حبيبي تعالا للآسمهان
أغنية يا حلاق عملي غرة لطروب
أغنية حبحبني على الخدين أغنية قديمة أظن من التراث ألاردني
أغنية بئعد من غير شمس ومي وأغنية لي بتئصر تنورة للمغني فارس كرم
أغنية خليك هنا خليك لوردة ( البداية و اول مقطع من الآغنية )
أغنية يوم ليك ويوم عليك لذكرى
أغنية الآطلال ومقطع ومن الشوق رسول بيننا وبعدها مقطع هل رأى الحب سكارى وبعدها مقطع يا حبيبي كل شي بقضاء ما بايدينا خلقنا تعساء
أغنية الحب الي كان لميادة الحناوي واول مقطع من عند واه اه اه اه من حرقة الآه داب الحجر
أغنية حايرة وهي من التراث العراقي
أغنية صبري قليل لشيرين أحمد
أغنية أنا كل ماقول التوبة لعبد الحليم البداية والابيات
أغنية يا حبيبي ما أنساك لشادي جميل وعايل ماني عايل

وشكرا كتير كتير وياريت اذا في حدا عندو اي موضوع عن المقامات يتحدث عنا :gem:

تحياتي لولو انا رح اكتب مقامات بعض الاغاني الي طلبتيها ورح حاول ساعدك بالمقامات وتحليلها في الايام القادمة انشالله

أغنية ماندم عليك لنوال الزغبي- نهاوند
أغنية ما بسمحلك لنجوى كرم (هزام) وايضا أغنية بحبك ولع-بيات
أغنية يا حبيبي تعالا للآسمهان-نهاوند
أغنية يا حلاق عملي غرة لطروب؟؟؟؟؟؟؟؟؟- هزام (سيكاه باللغة المتداولة لكن التسمية خاطئة)
أغنية حبحبني على الخدين أغنية قديمة أظن من التراث ألاردني(لا اعرف الاغنية)
أغنية بئعد من غير شمس ومي-(بيات) وأغنية لي بتئصر تنورة-(بيات) للمغني فارس كرم
أغنية خليك هنا خليك لوردة ( البداية و اول مقطع من الآغنية )-بيات
أغنية يوم ليك ويوم عليك لذكرى(حجاز)
أغنية الآطلال ومقطع ومن الشوق رسول بيننا(راست) وبعدها مقطع هل رأى الحب سكارى-(راست) وبعدها مقطع يا حبيبي كل شي بقضاء ما بايدينا خلقنا تعساء( هزام)
أغنية الحب الي كان لميادة الحناوي-(عجم) واول مقطع من عند واه اه اه اه من حرقة الآه داب الحجر-(نهاوند)
أغنية حايرة وهي من التراث العراقي(كورد)
أغنية صبري قليل لشيرين أحمد(حجاز) (ملاحظة يتحول الى جنس كورد في بعض الاحيان)
أغنية لا ياحبيب ما أنساك لشادي جميل وعايل ماني عايل -(نهاوند)
:D:D

شكرا كتير يا أخ SSleiman

أنا حابة اعرف كل مقام ليش يستعمل والحالة تاعتوا والنوتة من وين بيبدا وين بينتهي
هيك بئدر ادرب عليها واصير اميز المقامات
وكمان حابة اعرف عن الوحدة الموسيقية وكيفية تميزا والغناء معها

لولو

معلوماااااااااااااااااااا ات تجنننننننننن

شكرا كتير يا أخ SSleiman

أنا حابة اعرف كل مقام ليش يستعمل والحالة تاعتوا والنوتة من وين بيبدا وين بينتهي
هيك بئدر ادرب عليها واصير اميز المقامات
وكمان حابة اعرف عن الوحدة الموسيقية وكيفية تميزا والغناء معها

لولو

تحياتي لولو
المقام يغنى ويعزف من اي درجة موسيقية وحتى من العلامات الفرعية لذلك يتبع لاسم الدرجة المغنى منها ويبدا وينتهي بها
هلق انتي مافيكي تتدربي على المقامات الا اذا بتعزفي على شي الة موسيقية لكي تستقري على المقام وتتعرفي على ابعاده الموسيقية
انا بنصحك اذا بتحاولي تتعلمي العزف على شي الة موسيقية لان الالة الموسيقية بتساعدك في معرفة مقام الاغنية والطبقة المغناة منها وغير ذالك كتير صعب تتعلمي المقامات لان الموسيقة ليست شيء نظري فقط
(اعظم المطربين الذين وجدوا بالعالم العربي موسيقيين قبل مايصيرو مطربين):gem:


ارجو منك توضيح ماذا تقصدين بل(الوحدة الموسيقية) :shock::shock:

:D:D

مشكور ويعطيك العافيه

شكرا يا أخ SSlieman
أنا قصدت الزمن الموسيقي لكل مقام ونوتاته يعني من اي نوتة ببيبدا ومن عند اي نوتة بيقف
كمان انا عندي كيبورد بالبيت بس مابعزف ... انا عايشة في اميركا ومافي عنا حدا بيعلم موسيقى عربية او غنى عربي كل المغنين المغتربين هون بيغنوا وبيعزفوا سماعي فقط

وشكرا

مرجبا يا اخ سليمان

انا بدي تقل دمي مرة تانية واطلب كمن مقام لهاالاغاني لو سمحت

مالي طب وانا مالي وانا مالي / وردة
مستنياك / عزيزة جلال
ميل يا غزيل / تراث لبناني
لا تلعب بالنار / عالاه واه واهين / راغب علامة
قولي قولي / شاهيناز
يا مجنون / تصور / أصالة نصري
عالروزانا/ زي العسل / صباح
يا حبيبي تعالا / فاضل شاكر

وشكرا جزيلا

مالي طب وانا مالي وانا مالي / وردة -نهوند
مستنياك / عزيزة جلال- راست
ميل يا غزيل / تراث لبناني - بيات
لا تلعب بالنار / عالاه واه واهين / راغب علامة -بيات
قولي قولي / شاهيناز- كرد
يا مجنون / تصور / أصالة نصري-كرد
عالروزانا-عجم
زي العسل / صباح-بيات
يا حبيبي تعالا / فاضل شاكر-نهوند

:D:D تحياتي لولو ودائما في تغيير بالمقام وخصوصا بالاغاني الكبيرة متل مستنياك - مثال: (يصبح المقام في مقطع "للدرجة ديه " نهوند)
يجب الانتباه الى هذا التغيير

مرحبا

يعني يا اخ سليمان انت كنز وانا وجدته شكرا كتير إلك ... ماعندك فكرة شئد عم بستفيد من هالشغلة
شكرا شكرا وشكر

طبعا متل ماقلتلي انوا بعض الآغاني وخصوصا أغاني الطرب الطويلة بيتغير المقام تبعا بس عموما انا عم بكتب عندي بداية الاغاني وماهي مقاماتها ولكن احيانا اذا بدي مقام الاغنية من مكان غير البداية بالتأكيد راح اقلك من وين البيت الي بدي ياه هيك بصير عندي معلومات اكتر وبئدر يصير عندي تمييز للمقامات بالاغاني
شكرا يا اخ سليمان

:oops:نحنا بالخدمة وجاهزين لاي مساعدة تتعلق بالموسيقا :D

مرحبا يا أخ سلمان

حابة أعرف مقامات هالاغاني لو سمحت ...

أول مرة تحب يا قلبي / أنا كل ماقول التوبة / بحلم بيك / سواح / لعبد الحليم حافظ
لا مش أنا لبكي / جايين للدنيا مانعرف ليه / جفنه علم الغزل / لمحمد عبد الوهاب
للصبر حدود / أم كلثوم
كل الي لاموني / بحلم بلقاك / وحياتي عندك / ذكرى
لو تعرف على قلبي غلاك / جورج الراسي
سود العيون / راشد الماجد
قوم اوقف / بهاء سلطان
ما اقدر أقولك / سميرة سعيد
تدري ليش أزعل عليك / قول عني ماتقول / أحلام
عالالا ولالا ولالا ليش الزعل يا خالي / رش رش حبك يا جميل / صباح فخري

وشكرا شكرا :clap:

أول مرة تحب يا قلبي -كورد- / أنا كل ماقول التوبة-نهاوند- / بحلم بيك /-حجاز- سواح /-كورد- لعبد الحليم حافظ
جايين للدنيا مانعرف ليه(من غير ليه-نهوند-) / جفنه علم الغزل-عجم- / لمحمد عبد الوهاب
للصبر حدود / أم كلثوم-هزام-(سيكاه- الاسم المتداول)
كل الي لاموني / بحلم بلقاك /- حجاز- وحياتي عندك / ذكرى-راست
لو تعرف على قلبي غلاك / ربيع الاسمر-كورد
سود العيون / راشد الماجد-كورد-
قوم اوقف / بهاء سلطان-صبا

تدري ليش أزعل عليك- كورد/ قول عني ماتقول / أحلام-بيات
عالالا ولالا ولالا ليش الزعل يا خالي-عجم- / رش رش حبك يا جميل / شادي جميل-صبا-


شو مشان اسماء بعض المطربين ؟؟؟؟؟!!!!!!!!!!!

مرحبا يا اخ سليمان

بعرف احيانا بنسى اسماء المغنين كمان ... شكرا لتصحيحي
ممكن تكتبلي كل مقام نوتته الموسيقية يعني من وين ببلش وين بنتهي هيك بئدر احفظوا على الكيبورد
( مثال مثلا بعرف اني غلط مقام بيات بيبلس دو ري مي فا ) هيك قصدي
وشكرا
انا عايشة بالغربة ومافي عنا اي مصدر لتعلم الموسيقى العربية او حتى حدا يساعدني بالغناء ومعرفة المقامات مشان هيك عم بعلم حالي لحالي عن طريق تجميع المعلومات والتدرب على الغناء
:yahoo::yahoo::yahoo:

تحياتي لولو :
ممكن اعرف شو الكيبورد الي عندك؟؟؟
لان بعض انواع الكيبورد لاتحوي على سلم شرقي
هل عندك فكرة عن النوطة الموسيقية؟؟؟؟
انا ممكن اعطيكي برنامج ووبعتلك علي النوطة
او المقامات

مرحبا يا اخ سليمان

المشكلة الي بضحك انو عندي كيبورد شرقي واخر موضة كمان ( PA 800 ) بس محسوبتك كانت تقرا نوتة بس من وقت ماهاجرت لبرا سوريا يعني من زمان كتير كتير اي نسيت شو هي النوتات الموسيقية بس لسا بتذكر الصولفيج والسلم الموسيقي يعني شوي بمشي حالي بس لا مو كتير .... وطبعا مابعزف بنوب بنوب الكي بورد عندي بس بدو مين يعزف عليه .... مشان هيك عم بحاول اعلم حالي من اول وجديد لاني ارجعت اغني بس نسيانة كل شي بس مع مساعدتك بلشت اميز يعني شوي كل غنية كيف هي بالنسبة للمقامات مشان هيك لازم ارجع احفظ اعزف المقامات على الكيبورد واميز كل اغنية بمقاماتا:oops: مزبوط

على كل حال انا بشكرك كتير لانوا كتير عم بستفيد من معلوماتاك هيك صرت اعرف اميز شوي بالاغاني

مرحبا يا اخ سليمان

عم بدور على مقام بعض الاغاني العراقية متل
سلمتك بايد الله / كاظم الساهر
حول يا غنام / اغنية قديمة ماني عارفة مين بغنيا
قولي يا حلو / ناظم الغزالي
دزني واعرف مرامي / قديمة ولكن بغنيا الهام المدفعي

وشكرا