مساء الخير
على الرغم من مفاجأة المبادرة , إلا أنني لم أستغرب صدور هذه المبادرة من القادة السعوديين ( و لا أقصد الملك عبد الله ,و إنما بندر بن سلطان و سعود الفيصل) , للأسباب الإستراتيجية التالية(من وجهة نظر سعودية ):
1. انتهاء أيام العهدة الأمريكية البوشية , و ضرورة استقراء عناوين العهدة الجديدة للرئيس أوباما و الدخول إلى هذه المرحلة بمنظر الدولة العربية الأولى .
2. سحب البساط من تحت قمة الدوحة , و الظهور أمام الرأي العام العربي بمظهر ململم الجراح و المتغاضي عن الآلام و المهتم الأول بشقاء الشعب الفلسطيني في غزة (و يتجلى ذلك بالمليار دولار مقابل ال250 مليون التي تبرعت قطر بها) .
3. محاولة استيعاب الاستياء العربي العام تجاه السعودية ومصر ,و محاولة إظهار حماس و سوريا و قطر بظهر المتجني . بالإضافة للانزعاج من تنامي الدور القطري و سلبهم الصلح اللبناني .
4. التنافس السعودي – المصري على الدور الريادي العربي ,و الذي أظن أنه قد بدأ بعدم دعوة السعودية لقمة شرم الشيخ الأخيرة و التي ظنت السعودية أن الغاية منها هي تلميع صورة حسني مبارك الدولية كونه الوصي الوحيد للشعب الفلسطيني , فالأخير استخدم خطاباً هجومي الطبع في كلمته التي سبقت كلمة الملك عبد الله ,و لو وجد تنسيق و اتفاق على المواقف على الأقل لكانت كلمة مبارك مختلفة.
كل هذه الأسباب و غيرها دفعت ببندر إلى التفكير بالدخول في فترة انتقالية مبرمجة , الغاية منها كسب الوقت و تلميع الصورة و التربع على عرش الزعامة العربية ( لاحظوا معي أن مصالحة سورية- مصرية لم يتم التحدث عنها اليوم لإبقاء الخلاف و التفرد بالقيادة ) .
مع خالص الاحترام والمودة .

يعني ماني فاهم شو بدك بالزبط لازم الكل يكونو خونة وانت الفهلوي يلي بتكشفن والله فشر كونان
يااخي ماسدقنا متى تطلعت هيك قرارات من قمة عربية يلي من 50 سنة ماطلع متل هيك قرارات وتنفذت فياريت نصفي قلوبنا شوي

صديقي أبو العبد
لا وجود لمبدأ طيبة القلب في السياسة , و بندر بن سلطان ينتهج سياسة سوداء من قبل الملك عبد الله , فلماذا يطلب منا (تصفية !!!!!!! ) القلوب ؟؟؟ لماذا لم تطلب اليه أن يصفي قلبه في عدوان 2006 ؟ و في أجنداته الأمريكية المشبوهة آنذاك و حالياً في عدوان غزة؟؟؟؟؟؟؟؟؟؟
و أحب أن أذكرك أن المشهد اليوم سبق لنا أن رأيناه مسبقاً و كانت النتيجة امتثال سريع لأوامر ريتشارد بيرل و ديك تشيني و غيرهم.
أرجو أن تعيد النظر بقرائتك السياسية و أن تمعن أكثر في التوقيت .
تحياتي القلبية لك و يسعد مساك .

يا صاحبي والله الواحد قلبو انفرم من هالوضع
احنا الشعوب العربية صايرين متل لكلاب الله يعزك مهما عوينا مارح يطلع معنا شي فالواحد بيتمنى انو يكون الي صار اليوم صحوة عربية يااخي خلينا نضحك على حالنا شوي والله انا عارف انو حكي وعارف انو بندر وسعود كلاب امريكا مارح يمضوها على خير وفي ناس داخل سوريا مارح بعجبن الوضع
لك انا عمحاول اقنع حالي او اضحك على حالي

انا بشوف انو الملك السعودي قلبو طيب بس الخوف من بندر هوي اللي كان جابرو عالمر لان بندر بعلاقتو مع بوش كان ممكن ياخد السلطة من عبد الله ولمى اوباما رفض استقبال بندر صار حقو نص فرنك لهيك اتشجع الملك السعودي وما حدا يقلي مين قلك شوفو بندر شو الو باميركا .......

مساء الخير
على الرغم من مفاجأة المبادرة , إلا أنني لم أستغرب صدور هذه المبادرة من القادة السعوديين ( و لا أقصد الملك عبد الله ,و إنما بندر بن سلطان و سعود الفيصل) , للأسباب الإستراتيجية التالية(من وجهة نظر سعودية ):
1. انتهاء أيام العهدة الأمريكية البوشية , و ضرورة استقراء عناوين العهدة الجديدة للرئيس أوباما و الدخول إلى هذه المرحلة بمنظر الدولة العربية الأولى .
2. سحب البساط من تحت قمة الدوحة , و الظهور أمام الرأي العام العربي بمظهر ململم الجراح و المتغاضي عن الآلام و المهتم الأول بشقاء الشعب الفلسطيني في غزة (و يتجلى ذلك بالمليار دولار مقابل ال250 مليون التي تبرعت قطر بها) .
3. محاولة استيعاب الاستياء العربي العام تجاه السعودية ومصر ,و محاولة إظهار حماس و سوريا و قطر بظهر المتجني . بالإضافة للانزعاج من تنامي الدور القطري و سلبهم الصلح اللبناني .
4. التنافس السعودي – المصري على الدور الريادي العربي ,و الذي أظن أنه قد بدأ بعدم دعوة السعودية لقمة شرم الشيخ الأخيرة و التي ظنت السعودية أن الغاية منها هي تلميع صورة حسني مبارك الدولية كونه الوصي الوحيد للشعب الفلسطيني , فالأخير استخدم خطاباً هجومي الطبع في كلمته التي سبقت كلمة الملك عبد الله ,و لو وجد تنسيق و اتفاق على المواقف على الأقل لكانت كلمة مبارك مختلفة.
كل هذه الأسباب و غيرها دفعت ببندر إلى التفكير بالدخول في فترة انتقالية مبرمجة , الغاية منها كسب الوقت و تلميع الصورة و التربع على عرش الزعامة العربية ( لاحظوا معي أن مصالحة سورية- مصرية لم يتم التحدث عنها اليوم لإبقاء الخلاف و التفرد بالقيادة ) .
مع خالص الاحترام والمودة .


تحليل منطقي 100% .

المدهش فعلا هو عم دعوة السعودية لقمة شرم الشيخ، على الرغم من أنني لم أتابع القمة بالمطلق.

أضف لما تفضلت به أخي العزيز أن العربية السعودية باتت تخشى أكثر من أي وقت مضى من تنامي محور الممانعة الذي بدأ يبتلع دول أخرى. قطر استطاعت قراءة الواقع جيدا وتسعى لتوظيف هذا المواقع في خدمة أجندات معينة. اضافة لذلك فان دخول ايران على الخط مباشرة بجانب قطر وتبني هذا المحور الممثل في ايران سوريا قطر لبنان والمقاومة الفلسطينية سياسة واحدة يزعج السعودية كثيرا.

تركيا موقفها داعم لهذا المحور إلى حدا بعيد وهي تسعى منذ فترة للعب الدور الرئيس في المنطقة.

ببساطة يمكن القول أن هناك عدة متناقضات أقضت مضاجع السعوديين . وكما تفضلت أنت سابقا يأتي كل هذا ونحن على أعتاب مرحلة جديدة بالنسبة للادارة الأمريكية لا نعلم ماهيتها وطبيعة تحالفاتها.
السعودية تريد ايصال رسالة للادارة الأمريكية الجديدة مفادها أنني سيد المنطقة والجميع تحت جناحي.


موضوع مميز :D

خيو
بالسياسة ما في نوايا طيبة ونوايا سيئة الساسة مصالح
واكيد السعودية ما طلبت المصالحة عسواد عيون سوريا وسوريا ما قبلت بعد كل الواقع يلي كان بالمصالحة بدون مقابل
بس اهم شي انو فيه تصالح
و بالنسبة للملك عبد الله مع اني شخصيا ما بحبو بالسابق ولما كان بعدو ولي عهد السعودية كان الو مواقف حلو بس ليش بعدين غيرها ما بعرف ؟؟؟؟؟؟؟؟
المهم الصلح حاليا وبعدين لكل حادث حديث
:deal::deal::deal:
الله يوفق

أنا بحس أنو مجرد بهلوانية اعلامية مو أكتر . والملاحظ هو التناقد الكامل بين خطاب عبدالله وبين أخر تصريح لوزير خارجيتو سعود . مابعتقد انو السعودية قادرة تعمل أي شي خارج المظلة الأميركية .

مابعرف ليش كتير عم تحللو القصة ماهنن طول عمرهون النور "يفتح الواو" مافي بينهن تكليف وطول عمرهون متل الكلاب بيسبو على بعض وبيخونو بعض وتاني يوم بيتصالحو... عادي يعني تسالي بس بالمحصلة أكيد الموضوع ما بيتعدا كونه تصفية حسابات شخصية.

هع قال مصالحة اي شي بيهوي يضربوا أوبة نور ع قولة فادي قال السعودية قال

انا بشوف انو الملك السعودي قلبو طيب بس الخوف من بندر هوي اللي كان جابرو عالمر لان بندر بعلاقتو مع بوش كان ممكن ياخد السلطة من عبد الله ولمى اوباما رفض استقبال بندر صار حقو نص فرنك لهيك اتشجع الملك السعودي وما حدا يقلي مين قلك شوفو بندر شو الو باميركا .......



الملك السعودي قلبو طيب:shock::? وين كان قلبو الطيب لما مات الكثير من الاطفال في غزة من دون اي تعليق من جانبه

ياعيني لهيك قلب :lol:

مساء الخير
على الرغم من مفاجأة المبادرة , إلا أنني لم أستغرب صدور هذه المبادرة من القادة السعوديين ( و لا أقصد الملك عبد الله ,و إنما بندر بن سلطان و سعود الفيصل) , للأسباب الإستراتيجية التالية(من وجهة نظر سعودية ):
1. انتهاء أيام العهدة الأمريكية البوشية , و ضرورة استقراء عناوين العهدة الجديدة للرئيس أوباما و الدخول إلى هذه المرحلة بمنظر الدولة العربية الأولى .
2. سحب البساط من تحت قمة الدوحة , و الظهور أمام الرأي العام العربي بمظهر ململم الجراح و المتغاضي عن الآلام و المهتم الأول بشقاء الشعب الفلسطيني في غزة (و يتجلى ذلك بالمليار دولار مقابل ال250 مليون التي تبرعت قطر بها) .
3. محاولة استيعاب الاستياء العربي العام تجاه السعودية ومصر ,و محاولة إظهار حماس و سوريا و قطر بظهر المتجني . بالإضافة للانزعاج من تنامي الدور القطري و سلبهم الصلح اللبناني .
4. التنافس السعودي – المصري على الدور الريادي العربي ,و الذي أظن أنه قد بدأ بعدم دعوة السعودية لقمة شرم الشيخ الأخيرة و التي ظنت السعودية أن الغاية منها هي تلميع صورة حسني مبارك الدولية كونه الوصي الوحيد للشعب الفلسطيني , فالأخير استخدم خطاباً هجومي الطبع في كلمته التي سبقت كلمة الملك عبد الله ,و لو وجد تنسيق و اتفاق على المواقف على الأقل لكانت كلمة مبارك مختلفة.
كل هذه الأسباب و غيرها دفعت ببندر إلى التفكير بالدخول في فترة انتقالية مبرمجة , الغاية منها كسب الوقت و تلميع الصورة و التربع على عرش الزعامة العربية ( لاحظوا معي أن مصالحة سورية- مصرية لم يتم التحدث عنها اليوم لإبقاء الخلاف و التفرد بالقيادة ) .
مع خالص الاحترام والمودة .
ممكن
:D

برز الثعلب يوماً في شعار الواعظين
يمشي في الارض يهدي ويسب الماكرين
يقول الحمد لله اله العالمين
يا عباد الله توبوا فهو رب التائبين
وازهدوا في الطير ان العيش عيشُ الزاهدين
واطلبوا الديك يؤذن لصلاة الصبح فينا
فأتى الديك رسول من امام المهتدين
يعرض الامر عليه وهو يرجو ان يلين
فأجاب الديك عذراً يا اضل المؤمنين
بلغوا الثعلب عني عن جدودي الصالحين
عن ذوي التيجان ممن دخلوا البطن اللعين
انهم قالوا وخيرُ القول قول العارفين
مخطئاً من ظن يوماً ان للثعلب دينا

تحليل منطقي 100% .

المدهش فعلا هو عم دعوة السعودية لقمة شرم الشيخ، على الرغم من أنني لم أتابع القمة بالمطلق.

أضف لما تفضلت به أخي العزيز أن العربية السعودية باتت تخشى أكثر من أي وقت مضى من تنامي محور الممانعة الذي بدأ يبتلع دول أخرى. قطر استطاعت قراءة الواقع جيدا وتسعى لتوظيف هذا المواقع في خدمة أجندات معينة. اضافة لذلك فان دخول ايران على الخط مباشرة بجانب قطر وتبني هذا المحور الممثل في ايران سوريا قطر لبنان والمقاومة الفلسطينية سياسة واحدة يزعج السعودية كثيرا.

تركيا موقفها داعم لهذا المحور إلى حدا بعيد وهي تسعى منذ فترة للعب الدور الرئيس في المنطقة.

ببساطة يمكن القول أن هناك عدة متناقضات أقضت مضاجع السعوديين . وكما تفضلت أنت سابقا يأتي كل هذا ونحن على أعتاب مرحلة جديدة بالنسبة للادارة الأمريكية لا نعلم ماهيتها وطبيعة تحالفاتها.
السعودية تريد ايصال رسالة للادارة الأمريكية الجديدة مفادها أنني سيد المنطقة والجميع تحت جناحي.


موضوع مميز :D
كمان ممكن

يا صاحبي والله الواحد قلبو انفرم من هالوضع
احنا الشعوب العربية صايرين متل لكلاب الله يعزك مهما عوينا مارح يطلع معنا شي فالواحد بيتمنى انو يكون الي صار اليوم صحوة عربية يااخي خلينا نضحك على حالنا شوي والله انا عارف انو حكي وعارف انو بندر وسعود كلاب امريكا مارح يمضوها على خير وفي ناس داخل سوريا مارح بعجبن الوضع
لك انا عمحاول اقنع حالي او اضحك على حالي
تحياتي أبو العبد
اتفق معك جزئياً حول الدور المهمش للرأي العام العربي , و لكن على الرغم من منع التظاهرات في السعودية و مصر , و ضرب رئيس اليمن برأي التظاهرات الحاشدة اليمنية عرض الحائط و انسحابه من قمة الدوحة , إلا أنني أعتقد بوجود بصمة -و لو باهتة - للرأي العام العربي في الصياغة الاستراتيجية الجديدة للسياسات العربية المقبلة.
تحياتي القلبية لك
انا بشوف انو الملك السعودي قلبو طيب بس الخوف من بندر هوي اللي كان جابرو عالمر لان بندر بعلاقتو مع بوش كان ممكن ياخد السلطة من عبد الله ولمى اوباما رفض استقبال بندر صار حقو نص فرنك لهيك اتشجع الملك السعودي وما حدا يقلي مين قلك شوفو بندر شو الو باميركا .......
صديقي العزيز : أعود لأقول أنه لا يوجد في السياسة مكان لمفهوم (طيبة القلب ) , بل أن عبد الله و في سبيل تثبيت مكانه على العرش الذي حاول أخوه سلطان عبد العزيز السيطرة عليه و بمساعدة الأمريكيين ( ومن ثم ابنه بندر بن سلطان) وجد عبد الله إذاً أن السبيل الوحيد لذلك هو مطاوعة الأمريكييين نفسهم وفق توافق ينص أن العرش لعبد الله و السياسة لبندر .
وافر احترامي

تحليل منطقي 100% .

المدهش فعلا هو عم دعوة السعودية لقمة شرم الشيخ، على الرغم من أنني لم أتابع القمة بالمطلق.

أضف لما تفضلت به أخي العزيز أن العربية السعودية باتت تخشى أكثر من أي وقت مضى من تنامي محور الممانعة الذي بدأ يبتلع دول أخرى. قطر استطاعت قراءة الواقع جيدا وتسعى لتوظيف هذا المواقع في خدمة أجندات معينة. اضافة لذلك فان دخول ايران على الخط مباشرة بجانب قطر وتبني هذا المحور الممثل في ايران سوريا قطر لبنان والمقاومة الفلسطينية سياسة واحدة يزعج السعودية كثيرا.

تركيا موقفها داعم لهذا المحور إلى حدا بعيد وهي تسعى منذ فترة للعب الدور الرئيس في المنطقة.

ببساطة يمكن القول أن هناك عدة متناقضات أقضت مضاجع السعوديين . وكما تفضلت أنت سابقا يأتي كل هذا ونحن على أعتاب مرحلة جديدة بالنسبة للادارة الأمريكية لا نعلم ماهيتها وطبيعة تحالفاتها.
السعودية تريد ايصال رسالة للادارة الأمريكية الجديدة مفادها أنني سيد المنطقة والجميع تحت جناحي.


موضوع مميز :D

تحياتي سيد وائل
الحقيقة أن المنطقي و المميز هو الإضافة التي تفضلت بها , و أتشكرك صادقاً عليها.
ألف تحية و ألف :D

و بالنسبة للملك عبد الله مع اني شخصيا ما بحبو بالسابق ولما كان بعدو ولي عهد السعودية كان الو مواقف حلو بس ليش بعدين غيرها ما بعرف ؟؟؟؟؟؟؟؟
المهم الصلح حاليا وبعدين لكل حادث حديث

تحياتي سيد محسن
الحقيقة أنه (غيرها) للأسباب التي ذكرتها للصديق (توم و جيري) : على الأقل حسب ما أعتقد .
و دمتم بسلام
أنا بحس أنو مجرد بهلوانية اعلامية مو أكتر . والملاحظ هو التناقد الكامل بين خطاب عبدالله وبين أخر تصريح لوزير خارجيتو سعود . مابعتقد انو السعودية قادرة تعمل أي شي خارج المظلة الأميركية .
رأي مهم من (المحارب) , أعتقد أنها بروباغندا اعلامية سعودية الغاية منها انتظار و استقراء آراء هيلاري كلينتون.
شكراً صديقي.:D

يسعد مساكم اول ما سمعت تصريح الملك السعودي فكرتو مقلب عملو فيه يعني حدا غيرلو ورقة الخطاب حطلو خطاب سابق لبشار الاسد متلا:lol: خصوصي انو كان يقراه بالزور
بس قريت خبر ان الاتحاد الاوروبي يرفض تسليم المساعدات لغزة حتى تشكيل حكومة وفاق او وحدة يعني تحت اشراف عباس فاللي بين معي ان دول الاعتدال لاقو تبع الممانعة ماعاد سائلين عليهم بدليل عملو قمة الدوحة وحضرو قيادات المقاومة فضحكو عليهم ببوسة على جبين الاسد
وادا سمعتو ان تركو المصالحة الفلسطينية كدور حصري لمصر بهالكلمة
باختصار المساعدات والحكومة الجديدة ورقة ضغط جديدة لتكمل اللي فشلت اسرائيل فعملو

يا صاحبي والله الواحد قلبو انفرم من هالوضع
احنا الشعوب العربية صايرين متل لكلاب الله يعزك مهما عوينا مارح يطلع معنا شي فالواحد بيتمنى انو يكون الي صار اليوم صحوة عربية يااخي خلينا نضحك على حالنا شوي والله انا عارف انو حكي وعارف انو بندر وسعود كلاب امريكا مارح يمضوها على خير وفي ناس داخل سوريا مارح بعجبن الوضع
لك انا عمحاول اقنع حالي او اضحك على حالي


فعلا نحنا متل ما قال المثل ( الكلاب تعوي والقافلة تسير )
بس بكفينا صرنا مضحكة للي بيسوى وللي ما بيسوى ، ما حلنا نصحى ولو شوي من هالكومة اللي نحنا فيها
طول عمرنا مسكرين دينينا و ما عم نسمع للعالم اللي برا ،،، اقرأوا الجرايد الاسرائيلية لتعرفوا انه هنه عم يمثلوا بهالعالم ونحنا الكومبراس تبعن

هلأ بكرا اوروبا والعالم الغربي رح تعمل اجتماع قمة طارئ لتدرس الابعاد السياسية والاقتصادية للمصالحة العربية
عم يرجفو من خوفن من هالوحدة العربية ..

يمكن احد الاسباب انو الجماعة حابين يعرفوا بعد ما تحركة جبهة مزارع شبعا في 2006 وجبهة غزة 2009 انه يشفون جبهة الجولان هل راح تتحرك ولا مازالت في غيبوبة ولا ماتت ؟عشان يعرفوا هي الممانعة على ايش؟
على شي يستاهل محرز ولا حكي فاضي;)

كل التحليلات الي حكيتوها ممكن تكون صحيحة
وما في شي مستبعد

على الرغم من أنو الشرخ السوري المصري وضح حالياً أكتر من قبل

خطاب الملك عبد الله مميز
و أول مرة بيعجبني خطاب سعودي

و التبرع .. لو كان بمزايادات و لو كان بالجكر و لو كان شو ماكان
مليار دولار رقم كبير ... كبير كتير ..

بس الاهم ... لمين رح يعطوا هالمصاري ؟ ومين رح يتصرف فيها .... هادا أهم من المبلغ
لأنو اذا استلم عباس توزيعها .. معناها على الدنيا السلام .. وما بيوصل لشعب غزة ألا ربع ربع الربع ( اذا مو أقل )
لأنو رصيد أبو مازن و صائب عريقات و دحلان و الشلة صرلها زمان على حالها وما عم تزيد

كل التحليلات الي حكيتوها ممكن تكون صحيحة
وما في شي مستبعد

على الرغم من أنو الشرخ السوري المصري وضح حالياً أكتر من قبل

خطاب الملك عبد الله مميز
و أول مرة بيعجبني خطاب سعودي

و التبرع .. لو كان بمزايادات و لو كان بالجكر و لو كان شو ماكان
مليار دولار رقم كبير ... كبير كتير ..

بس الاهم ... لمين رح يعطوا هالمصاري ؟ ومين رح يتصرف فيها .... هادا أهم من المبلغ
لأنو اذا استلم عباس توزيعها .. معناها على الدنيا السلام .. وما بيوصل لشعب غزة ألا ربع ربع الربع ( اذا مو أقل )
لأنو رصيد أبو مازن و صائب عريقات و دحلان و الشلة صرلها زمان على حالها وما عم تزيد

صديقي الخطاب عجبك . اي هلكني وهو عميتأتأ ويخربط , وأنا عم ترجم وراه :o ز بعدين نوعية هالخطابات صارت معروفة . قبل هالمرة قال أنو المنطقة كبرميل بارود على حافة الأنفجار . ورجع شعل الدنية .

أما قصة المساعدات لمين بدها تروح . ليش مادريت الخنايق مشانها على هامش القمة

بالنسبة للمصالحة العربية, ممكن تكون قمة الكويت كسرت الجليد , وممكن توقف الحملات الاعلامية , بس الاجتماع وتقبيل اللحى ما بكفي الخلاف أعمق من هيك بكتير , حتى البيان الختامي لقمة الكويت ما تطرق لأي قضية خلافية , يعني ما أشار للمبادرة العربية للسلام لا قال أنها ميتة ولا قال انها معلقة ولا قال أنها حية , كمان بالنسبة لقمة الدوحة ما أشار البيان ألها بأي شكل من الاشكال ولا للسقف يلي طرحتو , يعني المصالحة بقمة الكويت هيي حبر على ورق , على مبدأ لا غالب ولا مغلوب . يعني بما أنو القضياي الرئيسية لساها معلقة ما في شي اسمو مصالحة , ممكن نسميها هدنة لحتى يتبين الموقف الامريكي الجديد بزعامة اوباما

من وجهة نظري يا جماعه في شي من الصح بها التحليل وتحديدا ذهاب بوش ووصول أوباما سدة الحكم بس ما بعتقد بسبب إغاظة سوريا صار هالشي لأنو اللي بدو يغيظ التاني ما بيحكي متلو الملك عبد الله حكى كلام شبيه بكلام رئيسنا وهاد شي إيجابي ...

يعني بما أنو القضياي الرئيسية لساها معلقة ما في شي اسمو مصالحة , ممكن نسميها هدنة لحتى يتبين الموقف الامريكي الجديد بزعامة اوباما

تحليل منطقي جدا
بس بحب قول كمان إنو الحق عمرو ما بيتصالح مع الباطل.