-
عرض كامل الموضوع : إنه عبثنا .. لا غدر السنين !
Marooshe
18/01/2009, 16:59
إنه عبثنا... لا غدر السنين!
بقلم د. أكرم شلغين (منقول بتصرف)
Jan 01, 2009
أمنياتنا في بداية كل سنة تبدو تكراراً لأمنيات نطقنا بها قبل دزينة أشهر مضت، نقول إن العام الماضي لم يجلب لنا ما يسرنا ونتمنى أن "يحمل" "العام الجديد" ما فيه الخير لنا ولبلدنا وننسى أن ما سيأتي به العام الجديد هو ما سنصنعه أو، بالأدق، ما لن نصنعه بسلبيتنا وغيابنا؛ نتمنى زوال المستبد من بلدنا وتنتهي أمانينا بكلام يتلاشى فور نطقنا به.
وهكذا يبدو كلامنا أجوفاً وخطواتنا لا معنى لها وأمنياتنا خاوية وكلماتنا ضرباً من العبث في بداية العام وفي كل يوم منه حين ننتظر خطوات الآخرين وسنتخبط أكثر مادمنا لا نمتلك الأسس الواضحة للعمل والتي تركز أولا على حقنا في الحياة بما يتناسب وعالم اليوم وهي قضيتنا المركزية كسوريين، بصرف النظر عن كل المؤثرات الأخرى أو عن انتظار دعم الآخرين. خلاف ذلك، لن نتكلم ولن نتحرك إلا بشكل عبثي يكرر نفسه ويتحشرج في آلام تبدو لانهائية؛ ومالم تبدو خطواتنا صحيحة فإن أحداً لن يتعرف علينا العالم كأصحاب حق؛ بل سيستمر الأسد وأبواقه في وصف من يسعى لكسب حقوقه بالخائن، وسيستمر الجزار بمطالبة من يتكلم منا بحقوق الإنسان أو يتطلع إلى الحرية والديمقراطية بالاعتراف بجريمته لأن ما فعله ـ بمقاييس الأسد طبعاً ـ يمثل "الخيانة" التي يستحق عليها الموت ولكن بفضل "تساهل الأسد" و"تسامحه" خُفّضَت العقوبة إلى السجن...
نعرف أن مشكلتنا مستعصية أكثر من أن نحيط بها وبأسبابها في مقال، وحبسنا أشد إحكاماً مما نتصور أو أن نتمكن من أن نبحث به بشكل عجول ولكن لا بأس في طرح بعض الأسئلة على أنفسنا بهذا الخصوص. لماذا نختلف عن بقية شعوب العالم فنخاف من كسر قيودنا!؟ و لماذا نتلكأ في البحث عن سبل كسرها؟ بل، والأمرّ من ذلك، لماذا نخاف عندما نسمع كلمة تغيير إلى حد يبدو معه وكأننا تطبّعنا مع حالة الاحتجاز والحبس وألفنا قيودنا وأصبحنا لا نتصور الحياة من دونها؟ وما الذي يجعلنا نختلف عن بقية الشعوب؟
لماذا الناس تخرج إلى الشوارع في اليونان وليس في دمشق وحلب واللاذقية؟ لماذا تتظاهر الناس في العالم احتجاجا على أي شيء مهما صغر حتى ولو كان بسبب ارتفاع السلع ولا تتظاهر الناس في بلدنا عندما يُسترخص ويُستباح الإنسان؟
لماذا تخرج الناس في العالم إلى الشوارع متحدية بينما يكفي في بلدنا وضع بضعة أكياس من الرمل على مدخل أي مدينة كي تختبئ الناس في بيوتها مرتعدة متسائلة متضرعة لربها أن لا يكون القادم مريعاً...!؟
لماذا قُتِلت فينا روح التمرد؟ لماذا فقدنا الاستعداد لدفع ما نستطيع من أجل الحياة الحرة الكريمة!؟ هل نجحت عملية إعادة قولبة أدمغة الكثير منا إلى درجة أصبح معها الخوف سيدنا؟ لماذا فقدنا بوصلتنا السياسية؟ لماذا نخطئ دائماً في فهمنا لآليات عمل النظام الحاكم؟ لماذا لا ندرك أن المراد لسوريا الآن ليس انتظار أحد ليقوم بعملنا بل إعداد الجياع والمقموعين والمستلبين ليكونوا جند التغيير؟
لماذا يبرز بين دعاة حقوق الإنسان في سوريا من يخفف من هول العملية عندما تختطف المخابرات واحداً منا؟ لماذا يوجد بين "المعارضة" السورية من يبرر لنظام المافيات قتل السوريين بالدم البارد؟ لماذا يوجد بين السوريين من يبدو ليدافع عن توريث الرئاسة والسلطة في سوريا أسوة بأمكنة أخرى؟ لماذا يبرز بين السوريين من يروج لـ"ممانعة الأسد" بينما الأخير يعرض سوريا للبيع في سوق النخاسة؟
أسئلة نطرحها على أنفسنا وعلى كل من تبدو كبرى أمانيه في العام الجديد هو ألا يضطر لقول ما أرحم العام الماضي! ولكل من ينتظر إذ عليه أن يعي أن الغد بعيد ما مكثنا هكذا، والجديد سيبقى عتيقاً، ومن، وما، ننتظره لن يحضر مادمنا لا نغير من تفكيرنا وطرائق عملنا ولانقف بصدق مع الذات وننتقد أنفسنا! وأخيراً نتمنى ألا يأتي اليوم الذي لم يعد فيه لنا قضية ونستمر في ندب السنين وتعيش وتموت بعدنا الأجيال في عهد حافظ الثاني وبشار الثاني والثالث، من يدري!؟
ayhamm26
19/01/2009, 02:03
لماذا قُتِلت فينا روح التمرد؟ لماذا فقدنا الاستعداد لدفع ما نستطيع من أجل الحياة الحرة الكريمة!؟ هل نجحت عملية إعادة قولبة أدمغة الكثير منا إلى درجة أصبح معها الخوف سيدنا؟ لماذا فقدنا بوصلتنا السياسية؟ لماذا نخطئ دائماً في فهمنا لآليات عمل النظام الحاكم؟ لماذا لا ندرك أن المراد لسوريا الآن ليس انتظار أحد ليقوم بعملنا بل إعداد الجياع والمقموعين والمستلبين ليكونوا جند التغيير؟
بالفعل روح التمرد فينا ماتت وهدا هو سبب الماسي اللي عم نشوفها كل يوم
انا دايما بسأل نفسي, شو هو الشي اللي ممكن يخلي الانسان مو بس السوري , العربي بشكل عام تفقع معو وينزل على الشارع ليقول يا بروحي يا بروح كل اللي عم يظلموني , كل اللي عم يسرقوني وعملوني شحاد وهني عم يتنعموا بالملايين , كل اللي خلوني عيش اقل من البشر التانيين , كل اللي حولوني لانسان شعارو الوحيد هو الخوف و ايثار السلامة.
ما بعرف هاليوم اذا رح يجي.
بعدنا الأجيال في عهد حافظ الثاني وبشار الثاني والثالث، من يدري!؟
لا تستغربي بكرا ولاد ولادنا بيحكو لبعض
Marooshe
19/01/2009, 18:27
بالفعل روح التمرد فينا ماتت وهدا هو سبب الماسي اللي عم نشوفها كل يوم
انا دايما بسأل نفسي, شو هو الشي اللي ممكن يخلي الانسان مو بس السوري , العربي بشكل عام تفقع معو وينزل على الشارع ليقول يا بروحي يا بروح كل اللي عم يظلموني , كل اللي عم يسرقوني وعملوني شحاد وهني عم يتنعموا بالملايين , كل اللي خلوني عيش اقل من البشر التانيين , كل اللي حولوني لانسان شعارو الوحيد هو الخوف و ايثار السلامة.
ما بعرف هاليوم اذا رح يجي.
هو فساد النظام .. !!
أسهل شي هو عملية "الفعس" ، حالات متل النضالات الفردية وتمرد كام مواطن حلولها جدا بسيطة ،
شوية مبيد حشرات وخلصنا ..
الشعب بدو ثورة !
لا تستغربي بكرا ولاد ولادنا بيحكو لبعض
الأفضل انو يجي "بكرا" فيو ولادنا يقرو هلحكي بكتب التاريخ، ومش بالمعتقلات .. !!
.
.
.
.
.
:D
VivaSyria
19/01/2009, 21:01
بغض النظر عن مضمون المقال بس دائماً يفضل نقاش الشأن الداخلي لأي بلد يبقى محصور بأبناء هالبلد من مختلف الأطياف... وتحديداً إذا كان هالنقاش بيتمحور حول مواضيع صعب إنك تحكم عليها وتناقشها غير إذا عايشتها وأحطت بمعطياتها...ومابتعنيلك من قريب أو بعيد ولاتصلح حتى كقاعده لنقاش عام...
فمثلاً أنا بلاقي إستحالة بالحكم على الصراع الداخلي بين الليكود وشاس أو بين فتح وحماس أو بين الإشتراكي القبرصي والإتحاد الثالث... وبنفس الوقت مابقدر قيم ممارسات حماس بغزة أو ممارسات فتح بالضفة بغض النظر عن القضايا القومية كالحروب والمقاومة...
مشان هيك أي خطاب صادر عن شخص جاهل بتفاصيل الوضع الداخلي وغير منتمي لهالبلد حيكون فارغ من أي مضمون ومافي أي مبرر لنقاش هالأمور مع هالشخص...
Marooshe
20/01/2009, 01:28
بغض النظر عن مضمون المقال بس دائماً يفضل نقاش الشأن الداخلي لأي بلد يبقى محصور بأبناء هالبلد من مختلف الأطياف... وتحديداً إذا كان هالنقاش بيتمحور حول مواضيع صعب إنك تحكم عليها وتناقشها غير إذا عايشتها وأحطت بمعطياتها...ومابتعنيلك من قريب أو بعيد ولاتصلح حتى كقاعده لنقاش عام...
فمثلاً أنا بلاقي إستحالة بالحكم على الصراع الداخلي بين الليكود وشاس أو بين فتح وحماس أو بين الإشتراكي القبرصي والإتحاد الثالث... وبنفس الوقت مابقدر قيم ممارسات حماس بغزة أو ممارسات فتح بالضفة بغض النظر عن القضايا القومية كالحروب والمقاومة...
مشان هيك أي خطاب صادر عن شخص جاهل بتفاصيل الوضع الداخلي وغير منتمي لهالبلد حيكون فارغ من أي مضمون ومافي أي مبرر لنقاش هالأمور مع هالشخص...
هاد رأيك الشخصي إستاز ويفضل تحتفظ فية لنفسك وتحديداً لأنو المقال بيعبر عن رأي كاتبو وفكرتو بتتمحور حول وضع قائم وباين متل عين الشمس وما في أسهل من انو ينحكم عليها ...
وبالنسبة لردك يلي بيغض النظر عن الموضوع وعن المقال وفكرتو وبيوجة انتقاد للناقل ، ف رح خبرك شغلة ،
تعقيباتي أنا بتعبر عن رأيي انا فيك تعقب عليها بس ما فيك تفكر حتى بأخراسها لأنها ما بتعنيلك من قريب او من بعيد وما بتصلح حتى كقاعدة انك تناقش على اساسها ...
فمثلاً أنا بلاقي انو واحد متلك ما في اشطر منو بالحكم على اي صراع موجود حتى لو ما كان متعلق بالقضايا القومية مو حلوة بحقو انو يحط لنفسو قاعدة ، يكسرها ويستثني حالو منها ، وبعدين يجرب يفرضها على غير عالم .. !!
مشان هيك أي خطاب صادر عن شخص (وبغض النظر شو اهدافو) عم يحاول يلغي فكرة النقاش من مقال مطروح (وبغض النظر مين ناقلو لأنو الشغلة ما كتير بتفرق) حيكون فارغ من أي مضمون وما في اي مبرر حتى لنقاش هلخطاب مع هالشخص ...
بس انو لما شفتك كتير محتد قلت بوضحلك الشغلة،
ويا هلا ...
ayhamm26
20/01/2009, 02:02
طولو بالكن يا جماعة
على حد علمي انو كاتب المقال سوري مقيم بالمانيا, يمكن بزمانو استضافوا على الجزيرة
صحي هو عم يحكي على الوضع السوري , بس برايي كلامو بيعبر عن حالة كل الدول العربية مع اختلاف بعض الظروف
VivaSyria
20/01/2009, 03:03
هاد رأيك الشخصي إستاز ويفضل تحتفظ فية لنفسك وتحديداً لأنو المقال بيعبر عن رأي كاتبو وفكرتو بتتمحور حول وضع قائم وباين متل عين الشمس وما في أسهل من انو ينحكم عليها ....
أول شي هاد مو رأي هاد مجموعة معطيات يا "أنسة"... تاني شي المشكلة مو حول الكاتب المشكلة حول الناقل بتصرف يلي هو إنتي على إعتبار أنك مانك سورية ولا عايشة بسوريا فمابعرف كيف بتنقلي مقال عن الوضع السوري الداخلي وبتتصرفي فيه وبتناقشي فيه وكأنو القصة هيك... برجع بقلك فيكي تناقشي بقضايا داخلية للبلد يلي بتنتمي لإلها وماحدا بيجي بيناقشك ولابيناقش أوضاع بلدك الداخلية... باختصار يعني الموضوع السوري الداخلي شأن بيخص الشعب السوري وياريت تتركيلنا ياه...
وبالنسبة لردك يلي بيغض النظر عن الموضوع وعن المقال وفكرتو وبيوجة انتقاد للناقل ، ف رح خبرك شغلة ،
تعقيباتي أنا بتعبر عن رأيي انا فيك تعقب عليها بس ما فيك تفكر حتى بأخراسها لأنها ما بتعنيلك من قريب او من بعيد وما بتصلح حتى كقاعدة انك تناقش على اساسها ...
شلون بقا ناقلة مقال عن بلدي وعن شؤونه الداخلية وعم تناقشي بموضوع ما بيخصك وعم تتدخلي بخصوصيات بلد وشعب... هالشي مزعج جداً بغض النظر عن رأيك وتصرفك بالمقال...
فمثلاً أنا بلاقي انو واحد متلك ما في اشطر منو بالحكم على اي صراع موجود حتى لو ما كان متعلق بالقضايا القومية مو حلوة بحقو انو يحط لنفسو قاعدة ، يكسرها ويستثني حالو منها ، وبعدين يجرب يفرضها على غير عالم .. !!
يبدو إنو في مشكل بالقراءة لأنو وضحتلك بالرد السابق إنو النقاش بالقضايا القومية مفتوح لكل العرب !!! والقضايا القومية لوضحلك بتكون القضايا يلي فيها شي بيخص كل الدول العربية كالحروب والإحتلال وماشابه من مشاكل... أما المشاكل الداخلية السورية فما بتصور إنها قضية قومية أو من المسموح لحدا مانو سوري يتدخل فيها ويناقش فيها... مابعرف إذا هيك صار واضح؟
مشان هيك أي خطاب صادر عن شخص (وبغض النظر شو اهدافو) عم يحاول يلغي فكرة النقاش من مقال مطروح (وبغض النظر مين ناقلو لأنو الشغلة ما كتير بتفرق) حيكون فارغ من أي مضمون وما في اي مبرر حتى لنقاش هلخطاب مع هالشخص ...
بالفعل ردي بيلغي فكرة النقاش معك بموضوع يعتبر شأن داخلي بحت على إعتبار عم تناقشي بشي لا بيعنيلك ولامعايشتيه ولابيمثلك ولاملمة فيه وخصوصية شعب كامل إنتي مابتنتمي لإله ورأيك إن كان مع النظام أو ضد فهو رأي مرفوض من الجميع على إعتبار مابيجوز يكون لإلك رأي بهالموضوع أساساً...
يعني بإختصار أنا بلاقيها عيب إني أنقل خبر عن الشأن الداخلي الفلسطيني أو الإسرائيلي أو النيجيري وإتصرف فيه وناقش فيه لإحترامي لخصوصية هالشعوب وقضاياها وعلى إعتبار تدخل أي غريب بقضايا البلد الداخلية مزعج وبيفقد هالقضايا لجوهرها وخصوصيتها الوطنية :"كلمة مشتقة من الوطن"..
القصة انك عم تدخلي بموضوع مابيحقلك تدخلي فيه وحتى اذا عطيتي هالحق لحالك إجباري فإنتي مابتعرفي فيه ولاممكن تعرفي فيه غير اذا على القليلة ولدتي وعشتي بهالبلد يلي عم تحكي عنو...
بس انو لما شفتك كتير محتد قلت بوضحلك الشغلة،
أنا محتد؟؟ وين شفتيني محتد؟ بالعكس أنا كتير رايق وكل شي طلبتو منك مابيتجاوز عدم تدخلك بقضايا سورية داخلية بحتة لأنو التدخل بقضايا البشر وانتهاك خصوصية الشعوب والدول كتير مزعج ببساطة.
VivaSyria
20/01/2009, 03:09
طولو بالكن يا جماعة
على حد علمي انو كاتب المقال سوري مقيم بالمانيا, يمكن بزمانو استضافوا على الجزيرة
صحي هو عم يحكي على الوضع السوري , بس برايي كلامو بيعبر عن حالة كل الدول العربية مع اختلاف بعض الظروف
كاتب المقال سوري يا أيهم بس ناقل المقال ويلي عطا لنفسو حرية انو يتصرف بالمقال ويغير فيه ويناقش فيه مانو سوري وبتصور هالشي هاد مرفوض من الكل إنو تصير مشاكلنا الداخلية مفتوحة على النقاش العام لكل البشر بهالشكل...
أما بالنسبة عن انو المقال بيعبر عن حالة كل الدول العربية فانت جاوبت وقت قلت مع اختلاف الظروف فمابيجوز الإسقاط ولا أخذ سوريا ووضعها الداخلي كسيرة وانفتحت... فمشان هيك عم نقول خلو لكل بلد خصوصيته وكل واحد يناقش بشؤون بلده الداخلية... في غلط بهالحكي؟
Marcello
20/01/2009, 03:26
كاتب المقال سوري يا أيهم بس ناقل المقال ويلي عطا لنفسو حرية انو يتصرف بالمقال ويغير فيه ويناقش فيه مانو سوري وبتصور هالشي هاد مرفوض من الكل إنو تصير مشاكلنا الداخلية مفتوحة على النقاش العام لكل البشر بهالشكل...
أما بالنسبة عن انو المقال بيعبر عن حالة كل الدول العربية فانت جاوبت وقت قلت مع اختلاف الظروف فمابيجوز الإسقاط ولا أخذ سوريا ووضعها الداخلي كسيرة وانفتحت... فمشان هيك عم نقول خلو لكل بلد خصوصيته وكل واحد يناقش بشؤون بلده الداخلية... في غلط بهالحكي؟
مع احترامي للخصوصية .. خلينا نقول انو واحد مو سوري و عايش بسوريا .. فينو يحكي بوضعك الداخلي ؟؟
VivaSyria
20/01/2009, 03:31
مع احترامي للخصوصية .. خلينا نقول انو واحد مو سوري و عايش بسوريا .. فينو يحكي بوضعك الداخلي ؟؟
إذا كتير مضطر إنو يحكي ومعايش الأحداث وعم يتأثر بالوضع الداخلي للبلد أكيد إذا حكا بيبقى وضعو أرحم من يلي مو سوري ولاعايش بسوريا... بس يعني حدود حكيو بتشمل الوضع المعاشي وهالأمور ومرفوض كمان إنو يتدخل بطريقة الحكم وتشكيل الحكومة وشوي تانية يخترلنا رئيس على كيفو ومابستغرب يجيبو مو سوري كمان.
دستور يا حاضرين !
ما في عنا شي بالأعراف بيحدد "جنسيّة" ناقل أي موضوع لقسم الحصاد من الممكن نقول يحبذ بقسم الفساد يكون ناقل و مناقش الموضوع سوري لأني القسم مختص بالشؤون السوريّة , بس بالحصاد هئ
ليزالك و ليهازي الأسباب ..
يرجى التوقف عن الأخز و العطي بهازا الشأن لا يوجد مشكلة لدينا لا إداريا ً و لا نفسيا ً و لا سوريتياً ( جايي من النزعة السوريّة )
أنتهى .
* أي رد بهازا الخصوص أعلاه بعد ردي هازا سيحزف مية و تلاتين مرة بدل المرة الواحدة .
المحارب العتيق
20/01/2009, 03:49
بقلم د. أكرم شلغين (منقول بتصرف)
!؟
ياريت رابط الموضوع حتى نشوف شو متصرفة فيه
بعدين مشكورة أنك حاملة همنا .هلا بتصرف . يعني أنتي غيرتي بالموضوع وكتبتي احساسك ورأيك فيه . بس غريب كيف قدرتي تتصرفي بالموضوع وتشعري بقولبة الادمغة وعدم التظاهر والخوف من المخابرات مع انك ماعشتي بسورية :?
Marooshe
20/01/2009, 04:04
ياريت رابط الموضوع حتى نشوف شو متصرفة فيه
بعدين مشكورة أنك حاملة همنا .هلا بتصرف . يعني أنتي غيرتي بالموضوع وكتبتي احساسك ورأيك فيه . بس غريب كيف قدرتي تتصرفي بالموضوع وتشعري بقولبة الادمغة وعدم التظاهر والخوف من المخابرات مع انك ماعشتي بسورية :?
التصرف يلي صار بالمقال هو حذف بعض الفقرات ودمج باقي المقال مع بعضو لأنو كان طويل،
الكلام المكتوب هون منقول عن صاحبو .. ما جبت شي من عندي ..
وهاد الرابط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ،
:D
المحارب العتيق
20/01/2009, 04:19
التصرف يلي صار بالمقال هو حذف بعض الفقرات ودمج باقي المقال مع بعضو لأنو كان طويل،
الكلام المكتوب هون منقول عن صاحبو .. ما جبت شي من عندي ..
وهاد الرابط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ،
:D
الرابط مافتح عندي
الكلام يلي منقول فيه كتير من الواقع بس بنفس الوقت بيحمل كتير من رؤية معينة لوضع معين .ممكن هو ينظر للمشكلة بنظرة أنا شوف غيرها وممكن يشوف حل أنا شوف غيرو .بما انو كاتب الموضوع مو معنا فمافيني ناقشو . ونظرتك للمشاكل بتختلف عن نظرتي لأنك عايشة برات البلد فكمان مافيني ناقشك
وهيك مابيطلع معي غير مشكورة على النقل :D
Marooshe
20/01/2009, 04:35
الرابط مافتح عندي
الرابط شغال تمام ، طلبت من كذا شخص يجربو ...
يكتر خير المعني بحجبو :lol:
اخوية نت
بدعم من : في بولتـين الحقوق محفوظة ©2000 - 2015, جيلسوفت إنتربـرايس المحدودة