تطرف الضحية [الأرشيـــــف]

عرض كامل الموضوع : تطرف الضحية

Abu ToNi

12/01/2009, 17:47

ان اراد شخص ما ان يرى من اكثر الاجناس تفكيرا بنقطة الاعراق والالوان بمنهجية منحاذة وغير عادلة، فلن يتعجب لرؤية ان (( الزنوج )) الاكثر معاناة من لونهم وعرقهم عبر التاريخ يملكون ايدولوجيات عنصرية وغالبا ما يقومون بتفسير التصرفات وفقا للايدولوجييتهم
فمثلا ان قام شخص ابيض اللون برفض توظيف مواطن اسود اللون ، فاول الاسباب التي ستجول في تفكير ذلك المواطن هو انه لم يحصل على الوظيفة لانه زنجي العرق !!

الواقع السابق ينطبق بحذافيره كما في الحالات العرقية على الجنسيات الدولية وعلى الاديان والعقائد وحتى في بعض الاحيان يصلح كمثال في الطبقات المادية ، اي ينطبق على كل تجمّع او مكان يتم فيه درج وتصنيف البشر فيه إلى فئات مختلفة لنرى ان اكثر الفئات المعانية من الظلم التصنيفي هي اكثر الفئات تفكيرا وفق المنهجية (( الظالمة ))

فهل موقع الانسان في خانة الضحية يبرر تطرفه ؟!

ابو نجبو

12/01/2009, 18:29

كون انو العرف السائد انو الزنجي درجة تانية فرض نمط تفكير معين مسيطر عليه مارح ينتسى بسهولة..حتى لو كان سبب رفض توظيفو بناءً على مقدراته و ليس على لونه

رح أجيب مثال صغير : انا تاجر و عمبتعامل مع زباين من جنسيات مختلفة ..اجاني زبون من جنسية معينة ونصب علي و فترة تانية اجاني عميل تاني من نفس الجنسية وكمان نصب علي
وأنا وانت قاعدين عمنشرب قهوة و عمنتجازب اطراف الحديس اجت سيرة هالدولة..بتلاقيني عمبهاجم بهالدولة و بوصفها بأشنع الصفات ...بس هو بالحقيقة مو الكل سيئ
بهالحالة انا مظلوم... بس اتطرفت بتفكيري..كوني اختزلت شعب كامل بجريرة أخطاء فردية
والله بابو طوني الظلم جداً صعب نسيانو...

توم و جيري

12/01/2009, 19:40

انا يشوف انو مهما كانت معاناة الضحية فالتطرف هوي الحل الاعلى مرتبة بالغلط لان مجرد الانسان ملجا للتطرف بيكون عم ياكد انو لازم لسا ينهان ويكون الضحية ......
فمثلا تنظيم القاعدة لو كان فقط حركة جهادية محدا كان بينتقدو بس انو توصل لحد سب الديانت وحتى الطوائف الاخرى ويصل التخلف برئيس التنظيم الى الزواج من عشرة مع 53 ولد ومنع التلفاز وما الى اخره فهذا اللذي لا يحتمل .........

Abu ToNi

12/01/2009, 20:34

flower bomb

12/01/2009, 22:43

بما انهم بيحسوا انهم ضحايا فهم يشعرون ان العالم كله يدين لهم ,فهم يشتكون بصفة دائمه من الظلم الواقع عليهم وكيف أساء اليهم كل شخص حولهم ما يجعلهم يسقطون اخطاءهم واخفاقاتهم على الغير عن طريق التطرف .
شعورهم السيء تجاه الظلم والتمييز الواقع ضدهم يجعلهم يجنحون للتطرف ربما لترسخ الفكره في ااعماقهم انهم مظلومون وضحايا للتمييز العنصري ...

عبر المحيط

13/01/2009, 02:26

هناك نوعان من التطرف:
تطرف مشروع و تطرف غير مشروع
التطرف المشروع او الحميد هي تلك الاحداث او الضغوط او الظلم او الحقوق المغتصبه التي جعلت من المتطرف في زمن معين او حاله معينه او وضع خاص بأن يشذ او ياتي برد فعل خاص به او على مستوى جماعة وعلى سبيل القضية الفلسطينية او جنوب افريقيا والظلم الديني والقمع العرقي..... الخ
اما التطرف الغير المشروع هي الاعمال التي تسودها الانانية وحب الذات والسعي في تحقيق مأرب يخص جماعة او فرد والامثله كثيرة كا بعض الجماعات الدينية المتطرفه والعرق الابيض المتطرف و السامية الاسرائيلية.

مايا *

13/01/2009, 02:33

موقع الانسان في خانة الضحية > يَخلِقُ < تطرفه !

.

وشم الجمال

13/01/2009, 11:52

قبل ما نفوت بالحوار حابب احط مثال تاني لحادثة صارت عنا بالاخوية بالفترة الاخيرة

مع اول الحرب على غزة شفنا اكتر من دعوة متطرفة موجهة الله من نمط اقتلهم ومدري شو .. بلعناها

بس في برد من الردود في شخص بيكتب بما معناه : " مقتل 7 اسرائيليين بصواريخ كتائب القسام .... الخ "

فبكون الرد عليه " الحمد لله على مقتل هؤلاء الكلاب "

الحكي هاد مقبول ؟!
اذا كنا ضحايا جريمة ومحرقة ضد الانسانية هاد بيسمحلنا نكون متطرفين ومعادين للانسانية ؟!
يعني بالحالة هي صرنا ابشع من الاسرائيليين على القليلة هدولك ما شفنا عالم عبتهلل وترقص لمقتل الفلسطينيين ؟!

فهل موقفنا كضحايا ببررلنا كلشي حتى لو كان الشي هاد معادي للانسانية ؟!

خطرت ببالي هلق مقالة قرأتا لغادة السمان بتحكي بهالمثال يللي انت زكرتو,,,

يعني هلق مجرد محاولة لتفسير هالموقف يللي قلتو

بالبداية او بالنظرة المثالية والنموذجية لازم نكون محافظين على انسانيتنا يللي بتجبرنا انو نحترم اي روح لانو هاد هوي الحالة المثلى او الحالة يللي لازم تكون

بس يعني هلق يا عزيزي ازا نحنا بدنا نفكر بهالأسلوب بهالمجتمع ما رح نكون ضحايا بالعكس ما رح نكون موجودين اصلا عالخارطة لانو هالخارطة ما عاد فيها وجود للمثاليين

الانسانية موجودة وما لازم ننكرها او نتنكرلها بس في حالات لازم انو لما نتعامل معها نكون قادرين على التخلص من عقدة الذنب تجاه الانسان لانو متل ما انو همو ما قصروا لازم يكون ردة فعل ناتجة عن اللاإنسانية يللي منحوها النا على طبق من دهب
القصة مانا بنوب براغماتية ولكن متل ما انو في جواتنا قلب يحب في جواتنا قلب بينبض بالكره لما يكون في زل وقهر وقتل
متل ما في جواتنا حب للعدل في كره للظلم
ونحنا ما خلقنا لنحب بس خلقنا لنكون قادرين على الدفاع عن كرامتنا

عالهامش,,,تخيل غابي انو في حدا اجا على بيتك وشلحك كلشي وقتل اهلك واغتصب مرتك ومثّل بابنك!!!رح تاخدو بالاحضان والا رح تقلو اهلا بك ضيفا والا رح تلجأ للدبلوماسية لحل النزاع؟
والا يمكن تقول ممكن انو هاد كان بيتو وانا اجيت واخدتو منو وهوي جاي يسترد حقو؟
والا يمكن تقعد تبررلو
والا رح تحكي انسانيتي بتحكم انو كون انسان بتصرفي واغفر؟

غابي يللي بتخير بين الموت والذل بقول ما احلاك يا موت

يمكن انو ما بحقلنا انو نقول كلاب
ما بحقلنا انو نهين النفس الانسانية
بس بحقلنا انو ندافع عن انفسنا

بالنسبة للسؤال الرئيسي رح قلك شغلى وحدة

ما أقبح التطرف الا في سبيل الفكرة التي تسعى لنصرة الانسان وتحقيق العدالة,,,"يعني تطرف بمنظورهم"
بس حسب اعتقادي انو الانسان لما يحس انو ضحية رح يصير شي من التنين
اما انو يكمل هالدور ويضل متخاذل وبرمي بكلشي على هالقدر وبكمل طريقو وكأنو حمل على كتف الزمن
واما انو بيسعى ليلغي العوامل يللي خلتو الضحية وبتجه لصناعة قدرو بالمقاييس يللي هوي بحطها

التطرف سببه الوحيد الفراغ الذي يمتلئ بما يتخذ في البداية صبغة عاطفية وبعدين بتصير التعبئة

مايا *

14/01/2009, 00:21

الحكي هاد مقبول ؟!
اذا كنا ضحايا جريمة ومحرقة ضد الانسانية هاد بيسمحلنا نكون متطرفين ومعادين للانسانية ؟!
يعني بالحالة هي صرنا ابشع من الاسرائيليين على القليلة هدولك ما شفنا عالم عبتهلل وترقص لمقتل الفلسطينيين ؟!
!

إي مقبول و جداً كمان ..

المشكلة غابي أنو مو ضحية جريمة وحدة .. هيي سلسلة جرائم .. مشروع إقتلاع من الأرض .. و محي
أنا بتعامل بالإنسانية .. مع طرف بيحسبها أنو من مبدء إنساني .. مو مع طرف شايفة حشرة بدها فعس .. أو مو شايفني من أصلو !
منتعامل بإنسانية مع طرف بيآمن فيها .. مع الإسرائيلين / بلاها اليهود لأنو تبين أنو في منهون أشرف من العرب نفسهون / هدول حالة منفردة عرفتها البشرية كلها ! فمنعاملهون بالطريقة الوحيدة الي بيفهموها ..

عني أنا إي بفرح .. و إذا إنمسك بإيدي أفيخاي أدرعي .. مثلاً أو عباس ثانياً ,و ما راح قلك شو راح شاوي فيهون بخاف ما تقرف ..

.

mhsen77

14/01/2009, 01:27

Abu ToNi

15/01/2009, 14:44

إي مقبول و جداً كمان ..

المشكلة غابي أنو مو ضحية جريمة وحدة .. هيي سلسلة جرائم .. مشروع إقتلاع من الأرض .. و محي
أنا بتعامل بالإنسانية .. مع طرف بيحسبها أنو من مبدء إنساني .. مو مع طرف شايفة حشرة بدها فعس .. أو مو شايفني من أصلو !
منتعامل بإنسانية مع طرف بيآمن فيها .. مع الإسرائيلين / بلاها اليهود لأنو تبين أنو في منهون أشرف من العرب نفسهون / هدول حالة منفردة عرفتها البشرية كلها ! فمنعاملهون بالطريقة الوحيدة الي بيفهموها ..

عني أنا إي بفرح .. و إذا إنمسك بإيدي أفيخاي أدرعي .. مثلاً أو عباس ثانياً ,و ما راح قلك شو راح شاوي فيهون بخاف ما تقرف ..

.

بمنطقك هاد عما تعطي مثلا للشاب العراقي العايش باميركا ينزل على الطرقات ويفتح الرشاشات على الماشيين بالشارع ... سمعانة شو بسموا هاد النوع من التصرفات ؟!

** هاموش : بعتقد اسامة بن لادن بذات نفسه (( اول ارهابي بالعالم )) بشوف نفسه صاحب قضية وتصرفاته مبررة جدا .

Abu ToNi

15/01/2009, 15:18

في قانون اساسي بالفيزياء بيقول لكل فعل رد فعل يساويه في الشدة و يعاكسه في الاتجاه
اكيد هالقانون ما بينطبق تماما عالحالات الانسانية بس فيه نسبة كبيرة من الصح
يمكن ما لازم ننسى انسانيتنا بس كتر الظلم قاسي بيسوي كتير
انا ماني مع انو ننسى انسانيتنا بس الواقع بيفرض علينا احيانا اشيا ما منحبا

فيزيائيا متل ما قلت يساويه بالشدة ويعاكسه بالاتجاه
يعني الحركات العنصرية يفترض نشوف حركات بتعمل نشاط قد نشاط الاولى وبتنادي بالمساواة
الحركات الطائفية لازم نشوف منظمات بتنادي بالتعايش والحوار على الهامش الديني

بس فين الفيزيا من الواقع ؟!

Abu ToNi

15/01/2009, 15:23

تخيل غابي انو في حدا اجا على بيتك وشلحك كلشي وقتل اهلك واغتصب مرتك ومثّل بابنك!!!رح تاخدو بالاحضان والا رح تقلو اهلا بك ضيفا والا رح تلجأ للدبلوماسية لحل النزاع؟
والا يمكن تقول ممكن انو هاد كان بيتو وانا اجيت واخدتو منو وهوي جاي يسترد حقو؟
والا يمكن تقعد تبررلو
والا رح تحكي انسانيتي بتحكم انو كون انسان بتصرفي واغفر؟

غابي يللي بتخير بين الموت والذل بقول ما احلاك يا موت

يمكن انو ما بحقلنا انو نقول كلاب
ما بحقلنا انو نهين النفس الانسانية
بس بحقلنا انو ندافع عن انفسنا
انا ما عما نادي بالتحول إلى خراف عايشة على الارض ما بتاذي حدى وحتى اذا ازاها حدا ما بتتشاكل معه
المقاومة حق لكل انسان ، بس التصرف بالمتل على مستوى الوحشية شو الفائدة منه ، وعلى فكرة بعتقد الاعلام الغربي بيلعب على هالوتر كتير فردات الفعل بفكرا على انها افعل == المقاومة ارهابية !!

sona78

15/01/2009, 19:06

التطرف ما رح يولد الا التطرف
وقبل ما نلوم الضحية لازم نوقف حد للجاني .. غير هيك بيكون حكينا طوباوي ...... ما رح يكون احساس انسان انقتل فرد من عائلتو الا الفرح لمقتل حدا من الطرف التاني سواء اعترف فيه او لا رح يكون هيدا الشعور موجود .. الا اذا الواحد قادر كتير يتجاوز شعورو الداخلي الحقيقي ويفكر بمنطق حتى بهيك ظروف

يعني بالحالة هي صرنا ابشع من الاسرائيليين على القليلة هدولك ما شفنا عالم عبتهلل وترقص لمقتل الفلسطينيين ؟!

ما شفت؟؟؟؟؟؟؟؟؟؟؟؟؟؟
انا شفت وسمعت .. وسمعت حقد رهيب ع كل الاطفال يلي عم تنقتل بكل سهولة سواء من الاسرائليين او من الانظمة ( المعتدلة ) بالعالم
لا يا ابو طوني .. بنظر الاسرائيلي الصهيوني الفلسطينيين اقل من انو بستاهلو شي اسمو انسانية ومهما حاولنا نسمي بانفسنا عن عواطفنا رح يضل الواقع انو كل 1 جندي عم يقتل حوالي 100 فلسطيني ؟؟؟
فاي شعور انساني؟
بتعامل بانسانية مع الانسان مو مع المتوحش
المجرم ما بيمشو معو الادمي يلي بيمشي ساوي بدو ابن واحد يتعاملو معو باسلوبو تماما...... ليعرف ويعايش الشعور يلي هوي بذاتو عم يسببو للاخرين

Marooshe

15/01/2009, 22:24

الواقع السابق ينطبق بحذافيره كما في الحالات العرقية على الجنسيات الدولية وعلى الاديان والعقائد وحتى في بعض الاحيان يصلح كمثال في الطبقات المادية ، اي ينطبق على كل تجمّع او مكان يتم فيه درج وتصنيف البشر فيه إلى فئات مختلفة لنرى ان اكثر الفئات المعانية من الظلم التصنيفي هي اكثر الفئات تفكيرا وفق المنهجية (( الظالمة ))

فهل موقع الانسان في خانة الضحية يبرر تطرفه ؟!

ليك غابي،
موقع أي حدا في خانة الضحية ما بيبرر تطرفو بس أكيد فيو يفسرو .
رح أعطيك كمان مثال من حياتي اليومية: أي فشل بيواجهو أي حدا من فلسطينيي "الداخل" هون ع طول بيمسكو وبيرمية ع العنصرية الموجودة بالدولة... هلأ يلي عم احكية انا ما بيقول انو مافي عنصرية كبيرة هون... بس كمان ما بيقول انو كلشي بيصير معنا هو وليد هي العنصرية .. !!

التطرف هو نوع من التهرب من تحمل المسؤولية... انو لازم نفهم من وين اجى هاد التطرف وشو كانت أسبابو، بس تبريرو رح يزيد من تطرفو...

طيب تع لنشوف القضية الفلسطينية من منظارين مختلفين ونشوف تبرير التطرف لوين رح يوصلنا،

من المنظار الفلسطيني: الصهاينة احتلو اراضينا وطردونا من بيوتنا وسكنو قرانا وزرعو حقولنا..... لازم نكون ايد وحدة لحتى نقدر نسترجع املاكنا، الابادة هي الحل .. !!

من المنظار الاسرائيلي: اليهود هني شعب الله المختار، وإسرائيل هيي أرض الميعاد... أرض يعقوب وإبراهيم..... مش كافي العرب نص العالم، كمان لاحقينا على هشقفة؟ يروحو يلاقولهن مطرح يسرحو فية ما بيكفينا يلي قضيناة مع هتلر واللاسامية؟ لازم نضل نتغدى فيهن حتى بعمرهن ما يقدرو يتعشو فينا.. !!

هون، كل واحد من الطرفين بيشوف حالو كمان صاحب حق، وكمان ضحية... ولحماية نفسو بيجي وبيبرر تصرفاتو المتطرفة... ونحنا ازا رح نتفهم ونبرر منكون عم نساهم بتثبيت موقع الضحية وبتعزيز التطرف...

وهيي القصة كلها مشربكة،
وهي الك :D

مايا *

16/01/2009, 15:58

بمنطقك هاد عما تعطي مثلا للشاب العراقي العايش باميركا ينزل على الطرقات ويفتح الرشاشات على الماشيين بالشارع ... سمعانة شو بسموا هاد النوع من التصرفات ؟!
.

سمعانة سمعانة !
بس يمكن ما إنتبهت لجملتي هاي :

مع الإسرائيلين هدول حالة منفردة عرفتها البشرية كلها ! فمنعاملهون بالطريقة الوحيدة الي بيفهموها ..

ما في حدا بيرفض الإنسانية , بس يعني لما بتجي بالمحل الغلط .. بتصير هبل ..
جاوبني هلا شخص إجى و إعتدى على إنسان غالي عندك و قتلو , و شوه جثتو .. يا ترى منضلنا منحكي بالإنسانية الي مالها حدود .. و منقول إتركوه حرام نحنا قلبنا نضيف ..
لكل فعل في ردة فعل .. هاد الشي الطبيعي , !

* : معلش بعيد شوي عن الموضوع بس لفتتني هاي الجملة مرووووش :

هون، كل واحد من الطرفين بيشوف حالو كمان صاحب حق، وكمان ضحية... ولحماية نفسو بيجي وبيبرر تصرفاتو المتطرفة... ونحنا ازا رح نتفهم ونبرر منكون عم نساهم بتثبيت موقع الضحية وبتعزيز التطرف...

شو برأيك ممكن نعمل " تحديداً " مع قضية فلسطين مشان ما نزيد التطرف ؟

:D

Abu ToNi

17/01/2009, 01:23

التطرف ما رح يولد الا التطرف
وقبل ما نلوم الضحية لازم نوقف حد للجاني .. غير هيك بيكون حكينا طوباوي ...... ما رح يكون احساس انسان انقتل فرد من عائلتو الا الفرح لمقتل حدا من الطرف التاني سواء اعترف فيه او لا رح يكون هيدا الشعور موجود .. الا اذا الواحد قادر كتير يتجاوز شعورو الداخلي الحقيقي ويفكر بمنطق حتى بهيك ظروف

ما شفت؟؟؟؟؟؟؟؟؟؟؟؟؟؟
انا شفت وسمعت .. وسمعت حقد رهيب ع كل الاطفال يلي عم تنقتل بكل سهولة سواء من الاسرائليين او من الانظمة ( المعتدلة ) بالعالم
لا يا ابو طوني .. بنظر الاسرائيلي الصهيوني الفلسطينيين اقل من انو بستاهلو شي اسمو انسانية ومهما حاولنا نسمي بانفسنا عن عواطفنا رح يضل الواقع انو كل 1 جندي عم يقتل حوالي 100 فلسطيني ؟؟؟
فاي شعور انساني؟
بتعامل بانسانية مع الانسان مو مع المتوحش
المجرم ما بيمشو معو الادمي يلي بيمشي ساوي بدو ابن واحد يتعاملو معو باسلوبو تماما...... ليعرف ويعايش الشعور يلي هوي بذاتو عم يسببو للاخرين
باختصار انتي بتشوفي الشخص المتطرف لا يمكن التعامل معه الا باسلوب متطرف ؟!

Abu ToNi

17/01/2009, 01:42

ليك غابي،
موقع أي حدا في خانة الضحية ما بيبرر تطرفو بس أكيد فيو يفسرو .
رح أعطيك كمان مثال من حياتي اليومية: أي فشل بيواجهو أي حدا من فلسطينيي "الداخل" هون ع طول بيمسكو وبيرمية ع العنصرية الموجودة بالدولة... هلأ يلي عم احكية انا ما بيقول انو مافي عنصرية كبيرة هون... بس كمان ما بيقول انو كلشي بيصير معنا هو وليد هي العنصرية .. !!

التطرف هو نوع من التهرب من تحمل المسؤولية... انو لازم نفهم من وين اجى هاد التطرف وشو كانت أسبابو، بس تبريرو رح يزيد من تطرفو...

طيب تع لنشوف القضية الفلسطينية من منظارين مختلفين ونشوف تبرير التطرف لوين رح يوصلنا،

من المنظار الفلسطيني: الصهاينة احتلو اراضينا وطردونا من بيوتنا وسكنو قرانا وزرعو حقولنا..... لازم نكون ايد وحدة لحتى نقدر نسترجع املاكنا، الابادة هي الحل .. !!

من المنظار الاسرائيلي: اليهود هني شعب الله المختار، وإسرائيل هيي أرض الميعاد... أرض يعقوب وإبراهيم..... مش كافي العرب نص العالم، كمان لاحقينا على هشقفة؟ يروحو يلاقولهن مطرح يسرحو فية ما بيكفينا يلي قضيناة مع هتلر واللاسامية؟ لازم نضل نتغدى فيهن حتى بعمرهن ما يقدرو يتعشو فينا.. !!

هون، كل واحد من الطرفين بيشوف حالو كمان صاحب حق، وكمان ضحية... ولحماية نفسو بيجي وبيبرر تصرفاتو المتطرفة... ونحنا ازا رح نتفهم ونبرر منكون عم نساهم بتثبيت موقع الضحية وبتعزيز التطرف...

وهيي القصة كلها مشربكة،
وهي الك :D

مشان مشروع مشربكة صدقيني مشربكة كتير:lol: لهيك خلينا متل ما قالت مايا على قصة فلسطين بحد ذاتها كنماذج " متطرفة " عبتم التعامل معها بس لفتتلي نظري هالفكرة :

هون، كل واحد من الطرفين بيشوف حالو كمان صاحب حق، وكمان ضحية... ولحماية نفسو بيجي وبيبرر تصرفاتو المتطرفة... ونحنا ازا رح نتفهم ونبرر منكون عم نساهم بتثبيت موقع الضحية وبتعزيز التطرف...نظريا ما بعتقد في شخص متطرف بالعالم الا وبكون في اله اسبابه (( المنطقية )) بالنسبة اله ، وانا متأكد بانه متطرفه عبيتعامل مع الشكل الصحيح وبالشكل الانسب . بيبقى التطرف عبارة عن مصطلح نسبي مرجعيته الانسان الطبيعي .. فعلى هوا الشكل الطبيعي تبع كل واحد بيتحدد تطرفه ..

بعيد عن الحالات المشرعنة او غير المشرعنة للتطرف .. بظل التعامل الوحشي الاسرائيلي مع فلسطين .. منقدر نقدم تبرير او عذر لردة فعل مماثلة اله ؟! (( تقتيل ابناء الاسرائيلية مثلا من قبل الفلسطينية بطريقة مشابهة لطريقة الصواريخ الاسرائيلية ممكن نتقبلها كون الفلسطينية مغلوب على امرن ولا كمان بدنا نستنكر واندين هيك عمليات متطرفة ؟!

سمعانة سمعانة !
بس يمكن ما إنتبهت لجملتي هاي :

ما في حدا بيرفض الإنسانية , بس يعني لما بتجي بالمحل الغلط .. بتصير هبل ..
جاوبني هلا شخص إجى و إعتدى على إنسان غالي عندك و قتلو , و شوه جثتو .. يا ترى منضلنا منحكي بالإنسانية الي مالها حدود .. و منقول إتركوه حرام نحنا قلبنا نضيف ..
لكل فعل في ردة فعل .. هاد الشي الطبيعي , !

شو برأيك ممكن نعمل " تحديداً " مع قضية فلسطين مشان ما نزيد التطرف ؟

:D
انا ما قربت صوب مشروعية المقاومة او لا ، الا اذا كان الحلول المطروحة بتجي ديجيتال متل لغة الكومبيوتر :lol: :
0 : لا تعمله شي
1 : حاول تشوهه اولاده وتصرف متل تصرفه ؟!

ما في عنا غير حلول !؟ عليهم عليهم معاهم معاهم ؟!

suryoyo

17/01/2009, 01:52

و لو شوي رح اطلع ....

بس احب اقول للمشاركين ....

تركيا عملت ذات الشي ....... هجرت الناس من اراضيها و طلعتهم مشي على الاقدام و قتلتهم بالطريق بطرق همجية و هذا معروف ........ مجازر الارمن بشكل اساسي و مجازر اخرى قام بها الترك

بس ولا واحد عربي يكره تركيا لهذا السبب ........ و يمكن اذا انقتل مواطنين اتراك على ايدي ارمن ... ما رح يلاقوا الا التعاطف العربي مع الضحايا ....... ممكن تقللولي سبب التمييز ؟؟؟

انا اشوف سبب واحد للعرب ... هو كره اسرائيل ......

homam85

17/01/2009, 02:01

اخي ابو طوني فورة الغضب بالنفوس تدفع ببعض الناس للتصرف أحيانا خارج قناعاتهم

وربما نخرج خارج المنطق في التصرفات والأقوال وهذه عادة سيئة طبعا

ولكن لا تنسى أن الطرف الآخر قد دفعك لتتصرف بهذا الشكل ....وبالنهاية لكل منّا عواطفه اللتي قد تتحكم بكثير من ردود الافعال .

Marooshe

17/01/2009, 02:17

شو برأيك ممكن نعمل " تحديداً " مع قضية فلسطين مشان ما نزيد التطرف ؟

شوفي ميوش، هو أنا لما رديت حكيت من منظار جداً محايد .. من طرف تالت ما الو علاقة لا بفلسطين ولا بأسرائيل ولا ليلي عم يصير اليوم بغزة ..

فلسطين هيي قضية فريدة من نوعها .. فينا نحكي عنها كتير وقليل، بس اصعب شي البحث عن حلول ..

إنت عم تسأليني عن "رأيي" ،
طيب كوني فلسطينية رأيي رح يكون كتير متأثر بقوميتي وبأحساسي بالأنتماء لشعبي .. بس برضو ما رح احكيكي بعواطف، رح جاوبك شو رأيي من وجهة نظر موضوعية وكمان مرة محايدة ..

مزبوط انو أجداد أجداد أجدادو لهرتسل كانو عايشين بهلأرض وبغض النظر عن شو كان إسمها .. ومزبوط انو هون انبنى الهيكل الأول وإنو بقايا الهيكل الثاني لساتها موجودة .. كل يلي عم يحكوة اليهود مزبوط ، بس هني نسيو انو كمان الديناصورات بيوم من الأيام هون كانت موجودة .. !!
يعني طيب وانوجدو اليهود هون شو انا بيعنيلي هشي؟

يلي بعرفو انو إسرائيل هيي دولة طفيلية قامت عحساب دولة تانية ..
مشان يسكنو هجرونا، ومشان يعيشو قتلونا، ومشان يغتنو سرقونا، العالم لي من أكتر من ستين سنة لساتها محتفظة بمفاتيح بيوتها شو بتقوليلها .. ؟؟

هون كيف رح تكون ردة الفعل؟ طيب ما غصب عن الملايكة رح تكون متطرفة!
أكيد أكيد مش رح تكون على مبدأ "من صفعك على خدك الأيمن أدر لة الأخر أيضا"
وبقضية فلسطين ممكن نعمل اشيا تساهم بتخفيف التطرف .. بس ازا هي الأشيا ما خدمت مصالح المعنيين شو رح يصير ؟؟
طيب ما اسرائيل بتقلك حماس .. وحماس بتقلك لاء اسرائيل .. !!
والسؤال هو ازا في هاد الموقف تحديدا التطرف رح يكون غلط ؟ انا بقول مش شرط !
اسرائيل عندها اهداف معينة ماعم تتراجع عنها يا بتحققها يا بتكفي إبادة .. انو فلسطين ترفع ايديها يعني راحت عليها كل العمر، وانو حدا من الجيران يصحى من غيبوبتو عبث، طيب معناها يا محلى التطرف ازا رد الفعل والمقاومة بيتسمو تطرف ..

:D

Marooshe

17/01/2009, 02:34

بعيد عن الحالات المشرعنة او غير المشرعنة للتطرف .. بظل التعامل الوحشي الاسرائيلي مع فلسطين .. منقدر نقدم تبرير او عذر لردة فعل مماثلة اله ؟! (( تقتيل ابناء الاسرائيلية مثلا من قبل الفلسطينية بطريقة مشابهة لطريقة الصواريخ الاسرائيلية ممكن نتقبلها كون الفلسطينية مغلوب على امرن ولا كمان بدنا نستنكر واندين هيك عمليات متطرفة ؟!

بس وقت ال بيكون عندك حرب عادلة ممكن تبلش تستنكر وتدين العمليات الفلسطينية .. لانو بهلحالة لي عم نعيشها اليوم من أساسو ما بتتسمى تطرف .. !!

zen

17/01/2009, 02:41

sona78

17/01/2009, 14:32

باختصار انتي بتشوفي الشخص المتطرف لا يمكن التعامل معه الا باسلوب متطرف ؟!
بتوقع انت نسيت هي الجملة بالرد

وقبل ما نلوم الضحية لازم نوقف حد للجاني .. غير هيك بيكون حكينا طوباوي

المعنى انو طالما الضحية ما عم تلاقي مين يناصرها ويوقف العدوان عليها بالتاكيد ما رح ترد الا بتطرف
اذا في حل تاني بتمنى نوصلو بس الواقع مو بس بالنسبة لفلسطين وانما كمان لكل يللي اتضهدو ( زنوج مثلا) لولا تطرفها بردات الفعل ضد يلي صار فيها كان الراي العالمي تركها -تماما متل ما تارك فلسطين- لتنباد تماما ( متل ما صار مع الهنود الحمر بالقارة الامريكية)

Abu ToNi

18/01/2009, 07:10

حبينا ابو طوني
مواضيعك كيسة
بس انا راح قللك مافي شبب نهائيا ليكون الانسان متطرف بأي شي
بس ابو طوني نحنا بكتير قصص ما منحط ببالنا انو نحنا مجتمعات دينية وتطرفنا نابع من هالشي
انت سابقا ذكرت مثال انو لما وقت صارخ من جانب حماس وقتل 7 ونحنا منقول الحمدالله
كلامنا نحنا نابع من ردة فعل تجاه هالشعب وبقلك مافينا ناخد اسرائيل كمثال هلق بشرحلك ليش
المهم قصة التطرف متل ما قلتلك نابعة من الدين و من الفهم الغلط
هلق بالكتاب المقدس تبع اليهود يعني التورات في اية كل (كل أممي كافر اذا رأيت أممي في حفرة أغلق عليه في هذا تقرب إلى الله) انو شو بدك أكتر من هيك تطرف نابع من الدين والأممي هو الانسان الغير يهوي يعني كل واحد مش يهودي اذا قتلتوا بتكون قريب من الله
هلق بدي قلك انو ليش المثال ما بيمشي على اسرائيل
لانو كل شخص يهودي تحديدا جاية مدري من اي بلد ليصير اسرائيلي فهاد الأنسان بيكون غاصب لأرض الفلسطينين وبيقدر يقاموا بكل الطرق
لهيك اسرائيل ما بيمشي حالها كمثال لانها كلها على بعضها مغتصبة
انا معك زين باكتر من نقطة بس انا وقت حكيت على التطرف ما قصدت فيه التطرف الديني
هلق بحسب ماني شايف ردة الفعل العربية و الاسلامية عبتكون متمثلة بتطرف ديني بحت
يعني ما بعتقد شي طبيعي تطلع بنت عمرا 5 سنين على التلفزيون تسب اليهود على قردة وخنازير .. يعني هون في شي غلط .. هي البنت اخدت تربية شبعانة تطرف وما بعتقد في منها امل .
بعيد عن الاسباب اللي دفعت الاسرائيل للتطرف .. شخصيا ما بعتقد القصص الها منحى طائفي او ديني على الاقل على الصعيد الاسرائيلي ـ يمكن ككيان بيملك بعد ديني بس كتصرفات وكمجازر مرتكبة ما بعتقد عبتكون موجهة لطائفة دينية معينة لهيك بستبعد تكون من شكل التطرف الديني - بس ردة الفعل عبتكون مرعبة جدا ومخيفة لدرجات فظيعة .. اوقات عبحس الروح الاجرامية بين الشعب اقوى بكتير من الرصاصة تبع الجندي الاسرائيلي .. لهيك حطيت الموضوع .. وصلت ؟ :lol:

:D

بتوقع انت نسيت هي الجملة بالرد

المعنى انو طالما الضحية ما عم تلاقي مين يناصرها ويوقف العدوان عليها بالتاكيد ما رح ترد الا بتطرف
اذا في حل تاني بتمنى نوصلو بس الواقع مو بس بالنسبة لفلسطين وانما كمان لكل يللي اتضهدو ( زنوج مثلا) لولا تطرفها بردات الفعل ضد يلي صار فيها كان الراي العالمي تركها -تماما متل ما تارك فلسطين- لتنباد تماما ( متل ما صار مع الهنود الحمر بالقارة الامريكية)
بس لا ننسى ان الضحية بهي النقطة عبتخسر اكتر مما عبتستفيد
يعني بالحرب الاسرائيلية العربية ، العرب خسرانين الحرب على الصعيد الاعلامي لمجرد اتباع هاد الاسلوب بالرد وهاي اللغة بالتصريحات وبردات الفعل وهاد الشي فيكي تستنتجيه من متابعة ايا قناة اعلامية اجنبية لمدة 5 دقايق .
50 سنة وسلوب رد التطرف بتطرف متبعينه وما عمنستفيد شي .. لا بل بالعكس ما صار وقت نشوف طريق تاني بالرد ؟

:D

** بعتذر على وقتي الضيق بالفوتة على النت .. في كتير افكار عبتنحكى لازم تاخد حقا وينحكى فيها بس لوقتي القصير ما عبقدر علق على كلشي

وردة للكل :D

توم و جيري

23/01/2009, 01:56

النظرة العامة لظاهرة التطرف هي نتاج فكر تكفيري ديني بيد أن الأمر لا يقف عند التعميم بهذه الصورة دون معرفة حقيقة الأسباب والدوافع وراء التطرف وآثاره. بداية لابد من تعريف موجز للتطرف. فهو الخروج على المألوف بالمغالاة في الرؤى والسلوك انطلاقا من منهج خاطئ يقوم على مواجهة ما يراه البعض تطرفاً بتطرف أشد، وأصحاب هذا النهج لا يقبلون الرأي الآخر. لقد وصل الأمر حد الظاهرة في عصرنا فلم يعد التطرف حالات فردية على المستوى الاجتماعي والسياسي بل طوفان يريد حرق الأخضر واليابس وهو في حقيقة الأمر مدمر لنفسه وللآخرين يصل حد العدمية في النظر للأمور الدينية وغيرها. إن إمعان النظر في التطرف المعاصر يجعلنا نقول بأنه لا يقتصر على مجال دون آخر، فهناك تطرف فكري في المجال الديني والسياسي، وهناك تطرف اجتماعي في سلوك البعض وعلاقتهم بالآخرين، وهناك تطرف في المجال الاقتصادي في التعامل المادي البحت بعيداً عن الاعتبارات الإنسانية،

تطرف في الملبس والمأكل والتعامل. الأمر الذي يجعلنا نتساءل هل يحدث ذلك نتيجة الواقع الذي نعيشه والذي يشهد اختلالاً على مستويات عدة فانعكس على سلوك الأفراد والجماعات ليصل حد التطرف؟
لقد شهدت جميع الشعوب في تطورها التاريخي أنواعاً من التطرف لكن ما نشهده اليوم في حياتنا العربية وفي مناطقنا وبخاصة التطرف الديني يحتاج إلى وقفة تأمل وتحليل لمعرفة الدوافع الحقيقية ثم أبعاد هذه الظاهرة التي تهدد كثيراً من المنجزات الإنسانية والحضارية كما هددت وتهدد حياة الكثيرين الأبرياء من البشر في مجتمعاتنا.
هناك ثلاث كلمات تشكل مراحل التطور لهذه الظاهرة عموماً هي: التعصب، التطرف، الإرهاب.لا يمكن أن يكون هناك تطرف بدون التعصب لأيديولوجية أو لقبيلة أو لطائفة وهذا التطرف لا يقف عند حد المغالاة والتنظير المتطرف بل يلجأ إلى التعبير عن نفسه بممارسات على أرض الواقع قد تصطدم بالقانون وبالمصالح العامة للأفراد والمجتمع وبحياة الناس أيضاً من هنا يتحول ذلك بطبيعة الحال إلى إرهاب.
يرى البعض بأن أسباب ودوافع التطرف اجتماعية واقتصادية كأن يرى فرد أو مجموعة ظلماً اجتماعياً أو اقتصادياً فيقرر حسب مفهومه إزالته مستخدماً مبررات هي من تراث المجتمع ومعتقداته مثل النصوص الدينية باجتزاء لا يراعي حقيقة مفهوم النص من جهة، ولا يتواءم مع تطور العصر الذي يستوجب فهماً متطوراً للنص، وأحياناً كثيرة يحمل النص ما لا يحتمل مثل قوله تعالى »وأعدوا لهم ما استطعتم من قوة ومن رباط الخيل« المقصود هنا الكفار المعتدين لكن السؤال من هم الكفار؟ وهل قتال المسلمين يجوز بمفهوم هذه الآية الكريمة؟
أو قول الرسول صلى الله عليه وسلم »من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان« الاختلاف هنا ما هي طبيعة المنكر؟ وهل قتل الأبرياء بالسيارات المفخخة هو عمل ضد المنكر؟
المسألة تكمن في أن ثقافة أحادية تغرس في الناشئة. ولنلاحظ أن 90% من الذين يقومون بهذه الأعمال المتطرفة هم من الشباب الذين لا تتجاوز أعمارهم الخامسة والعشرين، حيث تجلس القيادات ممن هم في سن أكبر في السراديب تخطط، وترسل هؤلاء الشباب إلى الهلاك بعد شحنات ثقافية موجهة ومتطرفة مستغلين الفراغ الثقافي والاجتماعي الذي يعيشه هذا الشباب في حياتنا المعاصرة.
نعم إن بعض الأسباب تعود إلى حالات الإحباط واليأس نتيجة أوضاع اجتماعية أو اقتصادية بيد أن الأمر مختلف عندما نرى أن من بين هؤلاء المتطرفين شباباً يعيشون حالة اقتصادية جيدة، ووضعاً اجتماعياً مستقراً نسبياً.
الإشكالية ثقافية تكمن في وجود جماعات لها فكر متطرف تعمل جاهدة على غرسه في الناشئة في المدرسة، ومن خلال بعض الجمعيات والنوادي والمساكن المؤجرة بعيداً عن رقابة الدولة ومؤسساتها. ولعل هناك مزاجاً إن جاز التعبير لدى بعض أولياء الأمور الذين يعلمون بأن أبناءهم ينخرطون في منظمات وجماعات متطرفة هو ليس في ذلك ضير ما دام يشغل فراغهم، ويبعدهم عن الانحراف والمخدرات وغيرها! ولا يدرك هؤلاء أن النتيجة واحدة.
الانحراف والمخدرات يؤديان إلى تدمير حياة الإنسان وكذلك التطرف الإرهاب يؤديان إلى تدمير حياة الإنسان، لكن التعليل هو أن التطرف الإرهاب الذي سمي جهاداً ظلماً تكون نتيجته دخول الجنة والظفر بالحور العين دون معرفة هذا الشباب المغيب، والذي أخضع لعملية غسيل المخ للأدلجة المتطرفة بأن هذه الأعمال تقود إلى النار وليس إلى الجنة خاصة إذا عرضت حياة الأبرياء للخطر.
ما نريد تأكيده هنا أن ظاهرة التطرف ليست دينية فحسب فقد تكون سياسية أو اجتماعية مادام أساسها التعصب لكن عصرنا يشهد تطرفاً دينياً في مجتمعاتنا، وهذه بدون شك مرحلة لن تستمر، وقد مرت شعوبنا بأنواع أخرى من التطرف في الماضي وكذلك الشعوب الأخرى سواء كان ذلك التطرف عرقياً أو دينياً أو سياسياً، وراح ضحيته أعدادا كبيرة من الأبرياء الذين ليسوا طرفاً في الصراع والتعصب، ومعظم هؤلاء الأبرياء من عامة الناس والفقراء.
إن مشكلة العديد من أطروحاتنا محاولة وصف الحالة أو تشخيصها دون وصف العلاج لها ولذا لابد من الاجتماع في اقتراح حلول لمثل هذه الظاهرة.
بداية لابد من الاعتراف بوجودها، وعدم إنكارها لاعتبارات اجتماعية أو سياسية. ومن ثم لابد من معرفة حجم الظاهرة وآثارها. وتأتي بعد ذلك خطة المعالجة التي تقوم أساساً على وجود ثقافة الحوار والاعتراف بالآخر،
وثقافة التسامح بالتركيز على الناشئة في المراحل التأسيسية للتعليم لكن المشكلة تكمن في أن بعض المعالجات لدى دولنا تحاول ذلك من خلال الجماعات المتطرفة والأفراد المتطرفين أنفسهم، ولدى هؤلاء مقدرة على التكيف لإجهاض عملية مواجهة تطرفهم بالدخول في نسج مؤسسات الدولة أو المجتمع المدني بحجة أنهم يحملون لواء التسامح، وتكون النتيجة أننا نبدأ باستمرار من نقطة الصفر، وتستمر ثقافة التطرف، وتتراجع في المقابل ثقافة الحوار والتسامح.
ذلك لا يعني اليأس في مواجهة هذه الظاهرة من قبل دولنا لكن الأهم دور النخب المثقفة والمستنيرة في مواجهة هذه الظاهرة في مجتمعنا عن طريق مؤسسات المجتمع المدني ووسائل الإعلام المتاحة وكذلك عن طريق تعديل مناهجنا الدراسية التي احتوت على الكثير من النصوص والتفسيرات المتطرفة أو التي توحي بذلك،
ومن مسؤولية الدولة وأجهزتها مراقبة الجماعات الحاضنة للتطرف فلدى هذه الجماعات مقدرة اسفنجية على الامتصاص والتكيف عندما تواجه ضغطاً رسمياً أو شعبياً في خروج الخلايا النائمة إلى بلدان أخرى أكثر أمناً لنشاطها.
هل نحن قادرون على مواجهة التحدي أم سيسجل التاريخ عجزنا عن زرع ثقافة بديلة تقوم على الحوار والتسامح والاعتراف بالآخر؟ إن الشعوب التي تضعف فيها ظاهرة التطرف أو تنتهي من المؤكد أنها قد نضجت فكرياً، وتقدمت حضارياً

منقول بس هو تلخيص عن رايي وشكرا ....

باشق مجروح

24/01/2009, 19:12

فهل موقع الانسان في خانة الضحية يبرر تطرفه ؟!

انا بحس انو الشعور بالظلم بأي مكان وتحت اي سبب يعزز في النفس البشرية تعصبها وشعورها بعدم الانتماء للمجموعة البشرية الممارسة لعملية الظلم .
وذلك يزيدها ربما تطرفاً وذلك ينطبق على الحالة التي ذكرتها .

saba n

25/01/2009, 09:59

التطرف هو موفعل بحد ذاته..هو ردة فعل مرتبطة بالفعل اللي سببها واللي هو الظلم..وبأمكانك تقول هو تطور لحلالة الثأر..ولهذا لاينحصر التطرف بالجانب الديني او الطائفي او العرقي فقط بل يتعداه الى الحزبي و العشائري والمناطقي والعائلي..
وهذا اللي الاحظه بوضوح في محيطي فأذا التقيت بشخص ظلموا ابناء منطقته لسبب طائفي راح تشوفه متعصب طائفيا"...بينمامن ظلمه ابناء طائفته بسس انحداره من منطقة معينة راح يكون تطرفه مناطقي..

ولو فكر هذا الشخص المظلوم ان يحرر نفسه من ثأره ومن اضغانه ..راح يتجه بعيدا" عن التطرف وقريبا" من الاعتدال..

بس بالنسبة لحالة فلسطين مع اسرائيل(الصهاينة)..فالوضع مختلف لسبب واضح جدا" انو للفلسطينين حقوق لدى الصهاينة وهم يقاتلون لأستردادها..وفي خضم حربهم مع اسرائيل..تجد ثمة حالات ثأر ..لكنها ليست سوى جزء من الحرب التي لاتزال دائرة لاسترداد الحقوق...