من خلال الوضع السياسي بالفترة الحالية .... و بسبب تباين الآراء لدرجة مو طبيعية بين الأخوة العرب
و بعد عدة حوارات و نقاشات و سجالات مع أخوة عرب من عدة جنسيات .....
تبين معي ( ما بعرف رأيكن أنتو ) ما يلي :

أنو العرب قوة ضاربة مؤثرة فعلاً في حال اتحدوا و اتفقوا ... و هادا الشي ما صار ( ولا رح يصير ) ألا مرة وحدة يوم حرب 1973 و من خلال هالحرب ( الي منزعم انو انتصرنا فيها ) كان الموقف العرب رائع
انسجام و اتفاق و تعاون و تنسيق و الكل اشترك بهالحرب دول كانت بجيوشها كاملة و امكانيات كاملة متل سوريا ومصر و دول كانت مشاركة بالعتاد و دول مشاركة بفرقة او قوة عسكرية و في دول الخليج الي شاركت بسلاح النفط و الي كان ألو تأثير كتير قوي ... طبعا غير التوافق العربي الكامل

و الغرب و اميركا و اسرائيل تحديداً صحيو لهلموضوع و اشتغلو عليه من هديك الايام لهلق بحيث أنو ما يتكرر هالشي ... و كان السلاح الفعال و الي طلعت نتائجه ( الناجحة ) من عدة سنوات و لهلق وهو سلاح الحرب الاعلامية و التأثير الثقافي
اميركا بذكائها عرفت كيف تفرق العرب و تخلي همومهم مو مشتركة و اهدافهم مو مشتركة و لا طموحاتهم ولا عاداتهم و لا شي فيهم مشترك غير اللهم اذا قلنا اللغة العربية ( الي عم تموت شوي شوي )
صرنا بالوقت الحالي نشوف أنو كل بلد عم يشوف حادثة معينة أو موقف معين و عم ياخد هو موقف عليه بما يتناسب مع تربيته و المبادئ الي ربي عليها و الي هي (و بفعل المحتل ) صارت مختلفة عن غيرو من أخوته العرب ... على العكس ... صارت مبادئ العرب و الاخوة من الأمور الي بيضحك عليها الواحد ..

و بيطلع زعيم عربي مخضرم ... بيقول حول الدعوة لقمة عربية طارئة : ( طبعا بما معناه ) أنو اذا بدنا نروح على قمة عربية لنندد و نشجب و نستنكر .... أنا ما رح روح .... و اذا ما طلع العرب بموقف ضد اسرائيل بتكون هي آخر قمة عربية ألي و رح انسحب من الجامعة العربية وروح على افريقيا.

طبعا كلامو حول الشجب و التنديد صحيح ... و حول اعتراضو على عدم اتخاذ موقف ضد اسرائيل كمان صحيح ...

و في كتير ناس ( ومنهم أنا ) اول ما قال هالتصريح حول الانسحاب من الجامعة العربية أيدت موقفو و قلت برافو عليك شو أجانا من العرب غير وجع الراس .... بس لما نفكر بنتائج هالتصرف .... بيطلع معنا أنو ... مو هاد الي بدها ياه أميركا و اسرائيل ؟

كل دولة عربية تنشغل بنفسها ؟ و كل رئيس دولة يطلع يقول و عبر الاعلام ( و أنا مالي )!!!!!


الحديث طويل و في تكملة ....

له له له يازلمة انت هيك بتكون معادي للسامية ومابتكون انسان حضاري ومعتدل :nono: :peace: :peace: :peace::eek:

صباح الخير
مع أني لست مع النظرية العربية كنظرية قومية تجمع البلدان العربية , أريد أن أطرح تساؤل صغير جداً :
ما هو العائق الإيدولوجي الضيق الذي يمنع تشكل وحدة مصالح مشتركة تضم هذه الأقطار ؟
فعلى الرغم من تكامل الأقطار العربية كنسيج اقتصادي (و يمكن سياسي) متقن , تستمر الممارسات الفردية و الضيقة لبعض الدول فيما لا ينفعها و لا يعودعليها سوى بفتات الموائد .
أعتقد أن جواب سؤالي هو :
اميركا بذكائها عرفت كيف تفرق العرب و تخلي همومهم مو مشتركة و اهدافهم مو مشتركة و لا طموحاتهم ولا عاداتهم و لا شي فيهم مشترك
و ليس القصد من كلامي الدولة من المحيط إلى الخليج , بس إنو ليش بأوروبا في وحدة مصالح و لا يوجد عندنا -على الأقل- ناس تفكر بهالشي؟؟؟
برسم التاريخ.
و دمتم

في اكتر من رد على طر حك
بداية حرب تشرين صار فيها فعلا نوع من التضامن العربي الحرب شارك فيها السوريين والمصريين بشكل مباشر والسعوديين دعموها معنويا وسياسيا والجزائر عوضت سوريا عن التكلفة المادية للحرب
بس بتوقع انو هيا كان اول توع من التضامن العربي الفعال واخرو ايضا
المصريين بعز الحرب انسخبو من المعركة ع اساس انو هني بس بدون ردع .. اي حانو السوريين وبعد سنوات قليلة تركو شي اسمو عرب وراحو عملو السلام
السعوديين عاقبو ملكهون بانو اغتالو احد افراد العائلة واجا غيرو ومن يومها السعودية متذبذبة بمواقفها حتى الفترة الاخيرة يعني حاليا وضح تصرفها بشكل حلي جدا
فيك اتقلي شو حابلنا اتحادنا العربي المزعوم ؟؟ ما الحيانات بكل الحروب جاية اولا واخيرا من الداخل العربي من حرب فلسطين الاولى وهلم جرا .زز
العرب من ايام الخلافة منقسمين وما بيطيقو بعض . التنافس على السكلة استخدم كل اشكال الخيانو والتحريض الطائفي والعشائري وغيرو وغيراتو
ما بتوقع انو يوما ما رح يصير وحدن نتيحة اللغة الواحدة او الارض والتاريخ المشترك .. فقط المصلحة الوطنية هيي يلي بتجمع الدول مع بعضها وبشكل اساسي بشقها الاقتصادي وبعدين السياسي وهيدا يلي نفذوه الاوروبيين ...جمعتهون بالبداية المصلحة الاقتصادية لتشكيل الاتحاد وشوي شوي بلش هالمشروع يكبر وما لاقى النتائح لبعد حوالي 50 سنة .. برايك الدول العربية عندها الصبر والهمة لعمل بيستمر هالعدد من السنين؟؟؟
العرب مفرقين من زمان لانو مصرين انو يلي بيربطهون دين ( ولو اني بعارض هيدا الشي لانو اكيد العرب مو كلهون الون دين واحد وهي مشكلة ما عم يتقبلها الكثير منهم خاصة لما منقرا عن وضع الاقباط بمصر ) واللغة الواحدة وارضر .. زعم ينسو انو بين العرب قوميات اخرى ارمنية شركسية كردية وغيرها يلي ما بدها تدخل بالقومية العربية .
شو عم تعمل خاليا الجامعة العربية ؟؟؟ عم تطق حنك .. لا وانا بايد انو تنلغى بس من شان اتخف المسخرة يلي بتصير كل ما انعقد مؤتمر الها ........خلي المواقف العربية تصير متعددة وبلاها هالكذبة موقف عربي واحد ما بحياتو رح يصير شي اسمو موقف عربي واحد قبل ما تتحقق المصلحة الوحدة .. و الدول العربية مصالحا بالمرة مانها وحدة بالعكس احيانا كتيرة متضاربة ومتعادية
فلشو الجامعة العربية؟؟؟ لا بلاها وبلا ذلها وبلا هالكذبة من اساسها
الغرب من زمان كتير ملاقى مكانو بيناتنا من بس هلق قبل الامريكان كانو الفرنسيين والبريطانيين وقبل كانو الاتراك وقبل كانو وكانو
لما منقرا تارينا منشوف قديش كان في دول كلها بتقول انها اسلامية وكلها بتحارب بعضها من شان السلطة وبتستخدم بشكل اساسي التناحر الطائفي والتخوين وبتستعين بالاحنبي لتحقيق مصالحها ..
فايا دول عربية عم نحكي
طولت بالحكي وخبصت كلشي ببعضو .. عذرا بس صرت اقرف من شي اسمو جامعة عربية وموقف عربي مو بس هلق ... لا من زمان كتير

في اكتر من رد على طر حك
بداية حرب تشرين صار فيها فعلا نوع من التضامن العربي الحرب شارك فيها السوريين والمصريين بشكل مباشر والسعوديين دعموها معنويا وسياسيا والجزائر عوضت سوريا عن التكلفة المادية للحرب
بس بتوقع انو هيا كان اول توع من التضامن العربي الفعال واخرو ايضا
المصريين بعز الحرب انسخبو من المعركة ع اساس انو هني بس بدون ردع .. اي حانو السوريين وبعد سنوات قليلة تركو شي اسمو عرب وراحو عملو السلام
السعوديين عاقبو ملكهون بانو اغتالو احد افراد العائلة واجا غيرو ومن يومها السعودية متذبذبة بمواقفها حتى الفترة الاخيرة يعني حاليا وضح تصرفها بشكل حلي جدا
فيك اتقلي شو حابلنا اتحادنا العربي المزعوم ؟؟ ما الحيانات بكل الحروب جاية اولا واخيرا من الداخل العربي من حرب فلسطين الاولى وهلم جرا .زز
العرب من ايام الخلافة منقسمين وما بيطيقو بعض . التنافس على السكلة استخدم كل اشكال الخيانو والتحريض الطائفي والعشائري وغيرو وغيراتو
ما بتوقع انو يوما ما رح يصير وحدن نتيحة اللغة الواحدة او الارض والتاريخ المشترك .. فقط المصلحة الوطنية هيي يلي بتجمع الدول مع بعضها وبشكل اساسي بشقها الاقتصادي وبعدين السياسي وهيدا يلي نفذوه الاوروبيين ...جمعتهون بالبداية المصلحة الاقتصادية لتشكيل الاتحاد وشوي شوي بلش هالمشروع يكبر وما لاقى النتائح لبعد حوالي 50 سنة .. برايك الدول العربية عندها الصبر والهمة لعمل بيستمر هالعدد من السنين؟؟؟
العرب مفرقين من زمان لانو مصرين انو يلي بيربطهون دين ( ولو اني بعارض هيدا الشي لانو اكيد العرب مو كلهون الون دين واحد وهي مشكلة ما عم يتقبلها الكثير منهم خاصة لما منقرا عن وضع الاقباط بمصر ) واللغة الواحدة وارض وتاريخ......وعم ينسو انو بين العرب قوميات اخرى ارمنية شركسية كردية وغيرها يلييمكن ما بدها تدخل بالقومية العربية .
شو عم تعمل حاليا الجامعة العربية ؟؟؟ عم تطق حنك .. لا وانا بايد انو تنلغى بس من شان اتخف المسخرة يلي بتصير كل ما انعقد مؤتمر الها ........خلي المواقف العربية تصير متعددة وبلاها هالكذبة موقف عربي واحد ما بحياتو رح يصير شي اسمو موقف عربي واحد قبل ما تتحقق المصلحة الوحدة .. و الدول العربية مصالحا بالمرة مانها وحدة بالعكس احيانا كتيرة متضاربة ومتعادية
فلشو الجامعة العربية؟؟؟ لا بلاها وبلا ذلها وبلا هالكذبة من اساسها
الغرب من زمان كتير ملاقى مكانو بيناتنا مو بس هلق .........قبل الامريكان كانو الفرنسيين والبريطانيين وقبل كانو الاتراك وقبل كانو وكانو
لما منقرا تارينا منشوف قديش كان في دول كلها بتقول انها اسلامية وكلها بتحارب بعضها من شان السلطة وبتستخدم بشكل اساسي التناحر الطائفي والتخوين وبتستعين بالاحنبي لتحقيق مصالحها ..
فايا دول عربية عم نحكي
طولت بالحكي وخبصت كلشي ببعضو .. عذرا بس صرت اقرف من شي اسمو جامعة عربية وموقف عربي مو بس هلق ... لا من زمان كتير

ما بتوقع انو يوما ما رح يصير وحدن نتيحة اللغة الواحدة او الارض والتاريخ المشترك .. فقط المصلحة الوطنية هيي يلي بتجمع الدول مع بعضها وبشكل اساسي بشقها الاقتصادي وبعدين السياسي وهيدا يلي نفذوه الاوروبيين ...جمعتهون بالبداية المصلحة الاقتصادية لتشكيل الاتحاد وشوي شوي بلش هالمشروع يكبر وما لاقى النتائح لبعد حوالي 50 سنة


برافوا عليك وانا من المؤيدين للوحده الاقتصادية وبقوة لانها الملاذ الوحيد للجم اي اجتهاد في الرأي او السياسة
وطالما لم يتحدوا اقتصاديا اقولها باعلى صوتي ما فيه جامعه عربيه ولا حتى مدرسة او روضه:p

صباح الخير
مع أني لست مع النظرية العربية كنظرية قومية تجمع البلدان العربية , أريد أن أطرح تساؤل صغير جداً :
ما هو العائق الإيدولوجي الضيق الذي يمنع تشكل وحدة مصالح مشتركة تضم هذه الأقطار ؟
فعلى الرغم من تكامل الأقطار العربية كنسيج اقتصادي (و يمكن سياسي) متقن , تستمر الممارسات الفردية و الضيقة لبعض الدول فيما لا ينفعها و لا يعودعليها سوى بفتات الموائد .
أعتقد أن جواب سؤالي هو :

و ليس القصد من كلامي الدولة من المحيط إلى الخليج , بس إنو ليش بأوروبا في وحدة مصالح و لا يوجد عندنا -على الأقل- ناس تفكر بهالشي؟؟؟
برسم التاريخ.
و دمتم

تمام ... الجواب هو الي اقتبستو من كلامي سابقاً .... و فينا نزيد بأنو مصالح الزعماء العرب ( هادا اذا كانوا زعماء ) بيتعارض مع البقية ..
طبعا نظرية ( أمة عربية واحد ذات رسالة خالدة ) هي نظرية و يسمحولي كل البعثيين ( مستحيلة و غير واقعية )
و ما بعرف اذا الحزب بقرارة نفسو لسا مآمن بهالشعار ...
هلق الحل الأمثل هو متل ما قلت حضرتك باتحاد عربي متل الاتحاد الأوربي على الرغم من أنو الامور المشتركة الي بينا هي أكتر بكتير من الي بين الاوربين و أهمها هي اللغة القاسم المشترك الأكبر.

بس برأيك حتى الأوربيين رح يخلونا نعمل هي اتحاد ؟

انجازات حرب 73 خلت العرب ينامو عالاطلال و فكرو انو عملو انتصار اللي بيسمع بيصدق بالعكس بكل حرب فاتو فيا كنا عم نخسر و يا ريت مشان شي محرز و النتيجة هيي هلق ..
الشعب العربي من المحيط للخليج و قياداتو فاتت بمرحلة الاحتضار و ما رح يطول هالاحتضار لانو اضرب من هيك ما رح نشوف سقط القناع و هالمرة النتايج وخيمة اكتر من ما كنا منتوقع و هابي نيو يير 2009 اللي حتغير معادلة العرب 400 درجة

صرت اقرف من شي اسمو جامعة عربية وموقف عربي مو بس هلق ... لا من زمان كتير

كلامك كلو سليم ... بس صدقيني هادا الشي الي عم تسعى ألو أميركا و شركائها للمنطقة

يعني متل ما انت قلت ... الاتفاق العربي بحرب تشرين كان أول و آخر
طبعا الأول لأنو ما سبق العرب و اتفقوا على شي بهالحجم و لمعلوماتك شاركت فرق من الجيش المغربي و الجيش العراقي بالحرب
أما ليش أخيراً ... حتى ما يصير في ثانياً و لو صار ثانياً بتكون اسرائيل مو موجودة بالوقت الحالي
لهيك و من بعد حرب 1973 بدأ الشروخ و الخلافات العربية لوصلت للمرحلة الي شفناها بحرب 2006 على لبنان و الوقاحة الي وصلت ألها بالعدوان على فلسطين بالوقت الحالي

طبعا لو بتقعدي مع حدا مؤيد لحكومات ( دول الاعتدال ) و بتسمعي كلامو ..بتلاقي في منطق بكلامو من وجهة نظرو و مصلحة بلدو ... أما الأمة العربية فهي آخر همو

لهيك هنن صارو بيستخف بمنطق الأمة العربية و المصالح العربية و صار بيعتبرو حديثنا عن هيك أمور هو تخلف
بينما الي عم يعملوه هو الصح ... طبعا هادا بسبب الي قلنا علينا هو تغير منابع الثقافات

برافوا عليك وانا من المؤيدين للوحده الاقتصادية وبقوة لانها الملاذ الوحيد للجم اي اجتهاد في الرأي او السياسة
وطالما لم يتحدوا اقتصاديا اقولها باعلى صوتي ما فيه جامعه عربيه ولا حتى مدرسة او روضه:p

حبيب ... كلامك مزبوط .... بس كمان بحسب مصالح بعض الدول

يعني اذا بتلاحظ أنو دول مجلس التعاون الخليجي وصلوا لمرحلة متقدمة كتير من موضوع العملة الخليجية الموحدة و الي رح تكون ( اذا تمت ) نقطة قوة كبيرة كتير لدول الخليج ورح تكون أقوى عملة بالعالم .
و اذا منشوف انو معظم دول الخليج ( ما عدا اليمن ) الدخول بين أفرادها هو بدون جواز سفر و بدون تأشيرة
معناها دخلنا مرحلة متقدمة من اتحاد مجلس التعاون الخليجي

طيب ممتاز جداً هالكلام و أنا كتير بفرح فيه ... بس يا ترى ليش ما توسع و كان عربي بدل ما يكون خليجي ...

و الجواب : لأنو مو من مصلحتهم و رح يتأثر إقتصادهم سلباً مو إيجاباً و طبعا هالشي من حقهم اذا أخدناه من منطلقة المصلحة الشخصية

وطالما لم يتحدوا اقتصاديا اقولها باعلى صوتي ما فيه جامعه عربيه ولا حتى مدرسة او روضه////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
لك يا عمي عم ين عم تضحك ع مين ؟هلق السعودية و الكويت بدها تتحد مع الصومال او السودان او مصر مثلا ؟
في مشكلة توحيد العملة مشان نقدر نتعامل اقتصاديا ايا عملة بدها تجمعنا هاي مشكلة بتقوم عليها حرب عالمية 3 ...

اول شي خلي بعض الدول العربيه تعرف تحكي عربي ...بعدين يفكرو يتحدو

قال يتحدو قال ....من زمان فرطو العرب وصارو فراطه .....معليش سمحولي احكي بمسخره لان ...مجرد التفكير انه يتحدو هو مسخره ....
لو ما باعو حالون ( الحكومات العربيه ) لا اسرائيل ولا امريكا بتقدر تنفذ الي بدها يا ...
بعدين ع شو بدنا نتحد دخلك ....صاير فينا نحنا متل المحششين ...كل يغني ع حشيشتو ...( مصلحتو)

بعدين انو جامعه عربيه عم تحكو عليها ....هي جامعه هي ...اصلا عيب عليهون يحكو فيها ...او يقول انه في جامعه عربيه من زمان يسكرو هل الدكان المسخره . انا براي يرحو يسكرو ويجتعمو بشي كبريه بركي هونيك بيتفقو اكتر ع السكره ....

بعدين انو جامعه عربيه عم تحكو عليها ....هي جامعه هي ...اصلا عيب عليهون يحكو فيها ...او يقول انه في جامعه عربيه من زمان يسكرو هل الدكان المسخره . انا براي يرحو يسكرو ويجتعمو بشي كبريه بركي هونيك بيتفقو اكتر ع السكره ....
كلام القهر الي عم تحكيه من قلة حيلة الجامعة العربية مزبوط و بمحلو تماماً
بس برأيك هيك كان دور الجامعة العربية من زمان ؟

لا وحياة عينك ... كنت الجامعة العربية ألها تقلها حتى بمجلس الأمن ... بس بعد ما صار الوزراء يروحو على اجتماع الجامعة العربية ليتقاتلو و يبهدلو بعض ... صارت الجامعة العربية و القمة العربية ... مهزلة

كلام القهر الي عم تحكيه من قلة حيلة الجامعة العربية مزبوط و بمحلو تماماً
بس برأيك هيك كان دور الجامعة العربية من زمان ؟

لا وحياة عينك ... كنت الجامعة العربية ألها تقلها حتى بمجلس الأمن ... بس بعد ما صار الوزراء يروحو على اجتماع الجامعة العربية ليتقاتلو و يبهدلو بعض ... صارت الجامعة العربية و القمة العربية ... مهزلة

هي المشكله .. انه نحن منحكي بشي عملنا بالمضي ومنضل متاملين انه اي ...يلا ها صارت
بس الواقع عم يحكي عن حالو ....وللاسف حتى لو كان الها دور بسيط....بس اغتالوها ....ولما بتغتال حدا ..ماعاد فيك تعيشو ..... مع احترامي لرأيك ...
بس لو في نص واحد بالامل ...ما كنا وصلنا لهون من ورى الجامعه العربيه ...او القمه العربيه

بعدين ...من امتى الها وزنها رجاع ع التارخ وخبرني هل الجامعه شو عطت وعملت لهل الشعوب انا كان بالعراق ..او لبنان او فلسطين ...من يوم يومها لا بتحل ولا بتربط ...لان لو كان الها وزنها كانت طلعت النتائج ...ومتل ماني شايفه كل مالهون لورى ......

تباين المواقف ظهر حتى ضمن الفلسطينيين نفسهم وخاصة رأيهم حول قرار مجلس الامن الي طلع صباح اليوم
و قبل الظهر كانت المنظمات الفلسطينية ( المتنوعة ) كل وحدة ألها رأي
و اذا قلنا أنو كل المنظمات رفضت القرار و شافت فيه أنو مجحف بحق الشعب الفلسطيني وما بيلبي طموحاتهم
طلعت حركة فتح وشافت أنو القرار انتصار للجهود العربية ؟!!!!!

الي بقصدو أنو التباين بالمواقف واصل عنا ( كعرب ) لمرحلة اللاعودة

الي بقصدو أنو التباين بالمواقف واصل عنا ( كعرب ) لمرحلة اللاعودة

من زمان ......

من زمان ......

انت تخيلي لو كان هالحكي مختلف و كانوا العرب إيد وحدة وموقف واحد ؟
بس لو في نص واحد بالامل ...ما كنا وصلنا لهون من ورى الجامعه العربيه ...او القمه العربيه

المشكلة بالعرب انو لسا بدهم تغطية دولة و شرعية لحتى يعملوا أي شي على الرغم من أنو اسرائيل لا سائلة على مجلس الامن و لا على الامم المتحدة ولا على حدا
و بديل أنو من وقت صدور قرار مجلس الامن بوقف أطلاق النار اسرائيل قتلت 25 شهيد فلسطيني

و العرب لسا متمسكين بالدبلوماسية الدولية .... ما بعرف ليش ... بس بعتقد هادا دليل ضغف العرب مو قوتهم

كلامك كلو سليم ... بس صدقيني هادا الشي الي عم تسعى ألو أميركا و شركائها للمنطقة

يعني متل ما انت قلت ... الاتفاق العربي بحرب تشرين كان أول و آخر
طبعا الأول لأنو ما سبق العرب و اتفقوا على شي بهالحجم و لمعلوماتك شاركت فرق من الجيش المغربي و الجيش العراقي بالحرب
أما ليش أخيراً ... حتى ما يصير في ثانياً و لو صار ثانياً بتكون اسرائيل مو موجودة بالوقت الحالي
لهيك و من بعد حرب 1973 بدأ الشروخ و الخلافات العربية لوصلت للمرحلة الي شفناها بحرب 2006 على لبنان و الوقاحة الي وصلت ألها بالعدوان على فلسطين بالوقت الحالي

طبعا لو بتقعدي مع حدا مؤيد لحكومات ( دول الاعتدال ) و بتسمعي كلامو ..بتلاقي في منطق بكلامو من وجهة نظرو و مصلحة بلدو ... أما الأمة العربية فهي آخر همو

لهيك هنن صارو بيستخف بمنطق الأمة العربية و المصالح العربية و صار بيعتبرو حديثنا عن هيك أمور هو تخلف
بينما الي عم يعملوه هو الصح ... طبعا هادا بسبب الي قلنا علينا هو تغير منابع الثقافات

انا برايي انو يلي صار ايام حرب تشرين هوي يلي كان الاستثناء .. اي التعاون العربي وقتها كان طفرة
وبرايي انو مسؤولية العرب عن هيك شي اكبر من مسؤولية ايا كان سواء امريكي او غيرو
العرب بحد ذاتون ما عندون دوافع الوحدة او على الاقل الموقف الواحد لانو التنافس على السلطة والخيانة لهيدا الهدف هوي اسلوب التعامل من لما بلشت قوة العرب تطلع من الجزيرة العربية
امريكا خاليا ( وسابقتها كتير دول عظمى ) عم تعرف تستغل نقاط الضعف المتعددة الموجودة عند العرب عرفت انو الكذبة الكبرى يلي صدقتها الشعوب وعم تلعب عليها الطبقات الحاكمة هوي الوحدة العربية او الموقف العربي الواحد المشكلة منا وفينا اكيد الاجنبي عم يساهم باتساع الفجوة بشكل كبير بس اللوم مو عليه اللوم على مين فاتح هالمجال .
ولما انذكرت مساعي دول الخليج .. لاحظ انها كلها دول تعتبر غنية ومشاكل المعبشة فيها كانت قليلة .. بس اتخيل انها تعمل اتحاد مع السودان او الصومال مثلا!!!! حدى بيجيب الدب لكرمو متل ما بيقول المثل!!!!! ما بيعنيهون اذا في مجاعة او لا واذا في فقر او لا المهم شو ممكن بستفيدو من هيك خطوة وطالما الخسائر اكبر من المكاسب بالتاكيد ما مرحب فيهون
طبعا اضافة لذلك تعا على اختلاف المجتمعات والعادات والتقاليد .. يعني الخليج العربي بشكل عام فيو تقاطعات بهي النواحي يلي ما بتلاقيها بينها وبين شعوب سوريى او لبنان مثلا

على الهامش
بعتذر من كم الاخطاء الاملائية بس فعلا لوخى المفاتيح عند مانها عربية وانما بكتب حسب ذاكرتي لمحلات الاحرف العربية

كاتب النص الأصلي : صياد الطيور ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
و الجواب : لأنو مو من مصلحتهم و رح يتأثر إقتصادهم سلباً مو إيجاباً و طبعا هالشي من حقهم اذا أخدناه من منطلقة المصلحة الشخصية

الكلام هذا مو صحيح وماراح يتأثر اقتصادهم بالعكس هو ايجابي من الدرجة الاولى ودول الخليج هي بتطلب الوحده الاقتصادية والتعرفة الجمركية الموحده وانهاء الضريبة المزدوجه وفتح الاسواق على مصرعيها وعدم عمل الاستثناءات على البضائع و حماية المنتجات وغيره



لك يا عمي عم ين عم تضحك ع مين ؟هلق السعودية و الكويت بدها تتحد مع الصومال او السودان او مصر مثلا ؟
في مشكلة توحيد العملة مشان نقدر نتعامل اقتصاديا ايا عملة بدها تجمعنا هاي مشكلة بتقوم عليها حرب عالمية 3 ...


الاتحاد الاوروبي ضم بالغاريا و رومانيا وهي دول فقيره مهمشة سياسيا واقتصاديا وفرق بينها وبين المانيا وفرنسا:larg:



انا برايي انو يلي صار ايام حرب تشرين هوي يلي كان الاستثناء .. اي التعاون العربي وقتها كان طفرة
وبرايي انو مسؤولية العرب عن هيك شي اكبر من مسؤولية ايا كان سواء امريكي او غيرو
العرب بحد ذاتون ما عندون دوافع الوحدة او على الاقل الموقف الواحد لانو التنافس على السلطة والخيانة لهيدا الهدف هوي اسلوب التعامل من لما بلشت قوة العرب تطلع من الجزيرة العربية



انا برأيي انه الوحده العربية الاقتصاديه او على الاقل اتحاد بعض الدول العربية راح ينعكس ايجابي على الوضع السياسي بشكل قوي وراح يكون له وزنه عالميا لان المنطقه العربية عباره عن عملاق نائم , الغرب يتمنى ان ايضل هذا العملاق نائم.... طبعا التنافس والخيانه والممانعة والسلطة والانانيه والعنجهية والانسداحية طالعه من كل مكان مو بس من الجزيرة العربية كمان من المكان المناسب وحقوقه في الرد:shock: التكامل العربي المنشود يجب ان يبداء بالاتحاد الاقتصادي التدريجي يعني دول الخليج اليوم في طريقها الى الوحده الاقتصادية والوحده النقدية وفي حال نجحت غدا اليمن والعراق ثم الاردن وسوريا ولبنان ...هلما جر طبعا.. عمر الاتحاد ماكان يعتمد على ثقاف موحده او ثقافة مختلفة سواء ثقافه خليجية او ثقافة سوريه لبنانية يعني وين عايشين؟!! يعني ناس في المريخ وناس في زحل كلام غير منطقي وحجه ضعيفه يعني ناس تاكل كبسه وناس تاكل فتوش..:shock: هذا هو الاختلاف الثقافي ولا ناس كاشفه وناس لابسه حجاب لو هذا سبب ما سمعنا بالاتحاد الاوروبي :? طبعا هذي امنية ولكن الواقع مريررر .....شكرا

كلام عبر المحيط مزبوط

و الوحدة الاقتصادية ما ألها علاقة بالثقافة و المنهجية و مدري شو
ولا ننسى أنو الاتحاد الاوربي بلش بـ 6 دول فقط ( فرنسا . إيطاليا . ألمانيا الغربية . هولندا . بلجيكا . لوكسمبروغ )
و بعدها توسع تدريجياً لصار 27 دولة

.... طبعا التنافس والخيانه والممانعة والسلطة والانانيه والعنجهية والانسداحية طالعه من كل مكان مو بس من الجزيرة العربية كمان من المكان المناسب وحقوقه في

ما خصصت الجزيرة العربية ابدا بكلامي وانما كل الدول العربية الحالية
كلامك عن دور الاتحاد الاقتصادي صحيح جدا بس يا ترى مقوماتو موجودة عنا؟؟؟؟؟؟؟؟ للاسف ببلادنا في تشابه شديد بالصادرات والواردات بيحث انها اقرب على التنافس من التكامل او الاتحاد .وحتى الانتاج المحلي كتير متشابه بينما ضمن اوروبا وخاصة في البدايات كان في تنوع كبير من هالناحية .اضاة
اذا بدنا نقارن شو صار مع الاتحاد الاوروبي لازم نذكر الشروط الكتيرة يلي بيفرضها الاتحاد على الاعضاء يلي بتطلب الانضمام الو ... وما رح ننسا الكلام يلي صار عن السعي لتشكيل اتحاد خاص بدول اوروبا الشرقية لانها بشكل ما شكلت عبء عليه بدل من مصدر منتج ( ما بذكر تماما من دعا لهيك مشروه بس بيتوقع كان الرئيس الفرنسي ساركوزي)
وصراحة انا لما حكيت عن الوحدة عنيت فيها الشق الوحدة العربية او الموقف العربي ( بشكل خاص السياسي ) يلي كان محور الموضوع الاساسي و الشق الاقتصادي

بالتاكيد المصلحة الاقتصادية بتقدر تطغي على اختلاف العادات والمجتمعات ..

اتكرر التعليق لهيك حذفتو

يا ترى مقوماتو موجودة عنا؟؟؟؟؟؟؟؟


100% موجوده



للاسف ببلادنا في تشابه شديد بالصادرات والواردات بيحث انها اقرب على التنافس من التكامل او الاتحاد


ماني شايف اي تشابه بالعكس في اختلافات كبيره ....الهلال الخصيب له سماته الاقتصادية و دول حوض النيل لها سماتها ودول الخليج لها سماتها العراق له سماته والمغرب العربي له سماته دول القرن الافريقي لها سماتها.


وصراحة انا لما حكيت عن الوحدة عنيت فيها الشق الوحدة العربية او الموقف العربي ( بشكل خاص السياسي ) يلي كان محور الموضوع الاساسي و الشق الاقتصادي

العالم العربي الان في امس الحاجه للاتحاد الاقتصادي وهو البديل الوحيد في الوقت الراهن لحل جميع القضايا العربية حتى الصراع مع العدو الصهيوني.. الاقاليم او الاتحادات القوية هي التي تفرض الاحداث في العالم وتستطيع تغير المنهج السياسي في المنطقة, لكن اقتصاد ضعيف وامكانيات متواضعه وفقر وتنميه متخلفه راح نضل تحت رحمة الدول الغنية.... هذا رأيي والله اعلم

التباين العربي حالياً وضح للعيان تماماً و بشكل كبير و خاصة حول مواقف زعماء الدول العربية من عقد قمة عربية للنقاش و اتخاذ قرار حول غزة ..

على الرغم من رأيي أنو لا رح يقدمو ولا رح يأخرو .... و الاجتماع رح يطلع بلا طعمة ( متل العادة )
بس ضرورة الوقوف مع الشعب الفلسطيني بيتطلب من الزعماء العرب الاجتماع
فلسطين عربية و لازم نكون معها ...

توجهت الدعوة العربية للدول الاعضاء من طرف دول قطر حتى ما تزعل دول الاعتدال الي مقاطعة سوريا وتقول ما رح تروح على سوريا ولا بتلبي دعوتها

يا ترى كم دولة رح تحضر هالاجتماع ؟

التباين العربي حالياً وضح للعيان تماماً و بشكل كبير و خاصة حول مواقف زعماء الدول العربية من عقد قمة عربية للنقاش و اتخاذ قرار حول غزة ..

على الرغم من رأيي أنو لا رح يقدمو ولا رح يأخرو .... و الاجتماع رح يطلع بلا طعمة ( متل العادة )
بس ضرورة الوقوف مع الشعب الفلسطيني بيتطلب من الزعماء العرب الاجتماع
فلسطين عربية و لازم نكون معها ...

توجهت الدعوة العربية للدول الاعضاء من طرف دول قطر حتى ما تزعل دول الاعتدال الي مقاطعة سوريا وتقول ما رح تروح على سوريا ولا بتلبي دعوتها

يا ترى كم دولة رح تحضر هالاجتماع ؟
كما هو متوقع، مصر ترفض حضور القمة بحجة ان الاجتماع على هامش القمة الاقتصادية في الكويت كافي، وبالتأكيد الهدف الحقيقي هو افشال القمة ( اللي رح تجيب الديب من ديله):lol:
ياخسارة يامصر

يا ترى كم دولة رح تحضر هالاجتماع ؟

بفهم انو انت متفائل بانو الاجتماع رح يعقد فعلا!!!!!!!!!!!!
انا باكد ع الاقل انو قطر رح تكون موجودة;)

بفهم انو انت متفائل بانو الاجتماع رح يعقد فعلا!!!!!!!!!!!!
انا باكد ع الاقل انو قطر رح تكون موجودة;)
رغم أنو ما في شي مؤكد أبداً ....... حتى حضور قطر :lol:

بس حتى الآن تم تأكيد مشاركة 13 دولة ( بغياب مصر و السعودية )

طبعا لو بتقعدي مع حدا مؤيد لحكومات ( دول الاعتدال ) و بتسمعي كلامو ..بتلاقي في منطق بكلامو من وجهة نظرو و مصلحة بلدو ... أما الأمة العربية فهي آخر همو

لهيك هنن صارو بيستخف بمنطق الأمة العربية و المصالح العربية و صار بيعتبرو حديثنا عن هيك أمور هو تخلف
بينما الي عم يعملوه هو الصح ... طبعا هادا بسبب الي قلنا علينا هو تغير منابع الثقافات

أنا برأيي هو ليس نابع من ( تغيير منابع الثقافات ) . هو نابع من مسح رأي أكتر من جيل . وتشويه وتخريب الوعي لديه . مافي أي شخص من يلي بتناقشهم بتشوف بكلامو كلمة واعية أو تحليل منطقي أو أدراك لما يحدث . مجرد كلام عوام منطلق مما يردد بالأعلام الرسمي المصدق عنده


ياريت حدا يقلي موقف واحد واضح وصريح ( وبتمنى أسمعها ) من مؤيد لحكومات الأعتدال ( طبعا القسمة والتسمية أميركية ) . أنو موقف واضح وصريح ضد اسرائيل شو ممكن يضر بلدو

على الهامش
بحب ميز بين شعوب دول الأعتدال . في شعوب دول أوعى بأشواط من شعوب دول أخرى

.
و في كتير ناس ( ومنهم أنا ) اول ما قال هالتصريح حول الانسحاب من الجامعة العربية أيدت موقفو و قلت برافو عليك شو أجانا من العرب غير وجع الراس .... بس لما نفكر بنتائج هالتصرف .... بيطلع معنا أنو ... مو هاد الي بدها ياه أميركا و اسرائيل ؟
كل دولة عربية تنشغل بنفسها ؟ و كل رئيس دولة يطلع يقول و عبر الاعلام ( و أنا مالي )!!!!!
.

بالرغم من انتمائنا العربي وشعورنا القومي ورغبتنا بان تتولى جامعة الدول العربية مسؤلياتها التاريخية وتقود شعوبها لتكون قوة ضاربة , ورغم توفر المقومات القومية والاقتصادية . بالرغم من كل ذلك اقول ان الواقع مختلف عن الشعارات والرغبات ( اصلا تحولت القومية العربية من أمكانية واقعية الى خطاب شعاراتي بفعل فاعل) واصبحت صيغة جامعة الدول العربية غطاء لمشاريع امريكية واسرائلية.
وانا لا اوافقك الراي ان امريكا واسرائيل هما المستفيدتين من انسحاب البعض من جامعة الدول ,واعتقد انهما حريصيتين على استمرار هذه الصيغة للاسباب التالية :
1- ان امريكا تتحكم ببعض الدول العربية المهمة اقليميا واقتصاديا وتمرر سياساتها من خلال ما يسمى مبادرات عربية.
2- تتحكم امريكا واسرائيل بالقرار العربي من خلال هذه الدول وأسمتها دول الاعتدال.
3- تحاصر الدول العربية الممانعة بواسطة هؤلاء ( المطبعين) وتحرج مواقفها بوضعها في موقف صراع عربي عربي.
واذا عدنا قليلا للوراء نجد بعد كل قمة ومبادرة سلام عربية تأتي مجزرة اسرائلية او عدوان.
والسؤال الحقيقي ماذا تقدم هذه جامعة الدول العربية للقضايا العربية؟
- هل اوقفت مجزرة قانا - هل دافعت عن العراق بوجه الاحتلال؟ - هل صدت عدوان 2006 على لبنان؟
هل استطاعت ان تجتمع بعد 18 يوم من بدء محرقة غزة؟
اذا لا تفعل شيئا امام هذه القضايا المصيرية وأمام حرب الابادة الاسرائلية ضد الفلسطينين متى ستفعل؟
سيجتمعون بسرعة البرق اذا كان هناك مبادرة امريكية ليسارعوا في تبنيها.
بهذه الصيغة اصبحت عبئا على شعوبها وعبئا على القوى الممانعة للهيمنة الامريكية والاسرائيلية. ووسيلة تضليل للراي العام العربي .
لا يمكن أن تجتمع دول مطبعة مع اسرائيل وتتبنى المشروع الامريكي مع دول وهي معدودة ما زالت خارج السرب الامريكي حتى قمة دمشق قاطعوها لانها بسوريا.
نحن بحاجة لجمع القوى الوطنية والقومية وحركات المقاومة العربية لتكون نواة عمل وتضامن عربيين .وتجاوز
الصيغة الحالية التي هي أقرب الى مراسم لم تعد تنطلي على الاطفال.

دعونا من التاريخ المُخزي وَ الانتصارات الزائفة ولنتصالح مع واقعنا المرير كـَ عرب

وَ أرجو أن لا تتكلموا كَثيرا ً وَ تمتدِحوا طويلاً مواقف الجامعة العربية وَ ماصدر عنها تاريخياً

ووجوب إكتمال نصاب عدد الكراسي التي يجب أن تتخذ القرار في زمن اللاقرار

إنَ الجامعة العربية تأسست ضمنَ وثيقة بريطانية غايتها نسيان العرب مشروع الوحدة

وَ استبدال ذلكَ المشروع باجتماع دوري تقيمه كل دولة على حسبِ رغبتها

وَ نقل التوصيات وَ القرارات التي تصدر عنه إلى مجلس الأمم المُتحدة لكي تنظر بـِ أمره

أي أن الجامعة العربية صورة غير فاعِلة وغير مُلزمة للدول العربية بتنفيذ القرات الصادرة عَنها

كُل شيء مدروس يا أصدقاء فأرجوك لا تتحدثوا مطولاً عن أشياء مُخزية ومحسومة مُسبقا ً

تحياتي

تتالت الدعوات لقمة عربية ( باسماء مختلفة ) .... منها القمة الاقتصادية ...قمة عربية طارئة ... قمة خليجية طارئة ..

لكن ... هل ستعقد أي منها ؟!!!!
لا أعتقد ..


ألا تشعرون مثلي بأن تصرفاتهم تشبه و بشكل كبير تصرف طلاب المدارس الابتدائية ؟

ترى ... لو أن بلدانهم تعرضت لما تتعرض له غزة ... هل كانوا سيوافقون على هذه المماطلات و الدعوات التافهة .

أعود لصلب الموضوع الذي أطرح بالبداية ..

هل التباين العربي وصل لمرحلة عدم إمكانية اتخاذ قرار لعقد قمة عربية ؟!!
هل أصبح كل يغني على ليلاه لدرجة وجود 3 قمم عربية بوقت واحد لكل منها أهدافها و منطلقاتها ؟

هل أصبح كل يغني على ليلاه لدرجة وجود 3 قمم عربية بوقت واحد لكل منها أهدافها و منطلقاتها ؟
يعني برايك ليه انعملت القمة بالكويت قبل بيوم
مشان شو ؟
يتوصلو بحل ويتفاهمو مع اسرائيل لوقف اطلاق النار وبعدين مين البطل؟
مصر والسعودية يعني مبينة يا زلمة
انو انعملت قبل بنهار من القمة العربية
وليه هالدولتين بالزبط ما حضرو؟؟؟طيب بدون ما ننسى تونس اكييد
اخر زمن والله
ما بعرف يمكن رح نرجع للعصر الجاهل يوقت العرب يقررو يتحدو او بتكون نهاية العالم ;)

اليوم حسيت بقرف كبير من العرب ... حسيت بحجم انحطاط المواطن العربي ... لما اجتمع العرب و ياريت ما اجتمعو
وياريت لو اجتمعو .... ناس متفرقين .. ناس مختلفين ... صاحب القضية مو موجود

كل قناة أخبارية بتجيب الخبر من زاويتها الخاصة الي بتناسبها هي بس

شئ مقرف

بعد ساعات سيعقد اجتماع الكويت الاقتصادي ( المسيس )
و سيحضر الجلسة عدد كبير من القادة العرب ..

ترى .. ما نفع هذه القمة أذا كانت الحرب على غزة قد انتهت و اعلن الطرفين وقف لإطلاق النار ؟!!!

يبدو بأن السحر قد انقلب على الساحر هذه المرة



اللهم لا شماتة :p

بعد ساعات سيعقد اجتماع الكويت الاقتصادي ( المسيس )
و سيحضر الجلسة عدد كبير من القادة العرب ..

ترى .. ما نفع هذه القمة أذا كانت الحرب على غزة قد انتهت و اعلن الطرفين وقف لإطلاق النار ؟!!!

يبدو بأن السحر قد انقلب على الساحر هذه المرة



اللهم لا شماتة :p
بالعكس هاد بدل على بعد الرؤيا العربية :p

هنن عرفانين انه النار بدها توقف قبل ما تنعقد القمة

لهيك قرروا من الاول يعملوا اقتصادية وغزة تبقى على الهامش مشان وقت يجي وقتا يتغير برنامج الهامش وتبقى القمة على نفس محورا بدون تغيير :o

هاموش (( كون القضايا المهمة عبتصير على الهامش والمصخرة عبتصير هية المحور انا كمان كتبت المسخرة الرد والباقي عملته على الهامش :

بكل الاحوال النار وقفت اي .. بس لسع القوات ما انسحبت .. لسع المعابر ما انفتحت .. لسع الحرب قائمة وبالتالي لسع في كتير خطوات لازم تتخذ .. على امل هامش القمة الاقتصادية ينفعن لهل ... بلاها احسن :pos:
بس ما بعصني بكل الحرب الا ابو الغيط وقت صار في ازمة قمم بين الدوحة والكويت .. وقت اعتذر رسميا بحجة التزام بلده بقمة الكويت الاقتصادية واعتراضه على قمة الدوحة الاستثنائية (( الغير عاجلة )) قال شو .. قال حرام يعني ما النا عين بتعرفوا الكويت صرلا سنة عبتشتغل على هالقمة حرام نفقسلن ياها :o انه يعني منطق شوي يا زعما منطق ما بدنا الا شوية منطق .. وضمير ...:pos:

اختتمت قمة عربية جداً .... بدأت بتباين شديد جداً
و انتهت بوفاق لا مثيل له من سنين

أحدهم قال لي ضاحكاً على حواراتنا السياسية اليومية : نحن كنا عم نتخانق كل يوم و نتجادل .. و رئيسنا صح ... لا ملككم غلط ... لا فلان خائن ... لا انتو عملاء

آخر شي هنن قعدو على الغدا مع بعض
و نحن خسرنا زملائنا !!!!

صحيح الي قال .... السياسة ما ألها دين

- شو صرح المسؤول؟؟
- متل العادة .. كانت الرحلة موفقة
- والقضايا المعلقة ؟
- بعدها معلقة ...........انا ربيت بهالدكان ومن يوم لي فايقة وفد رايح وفد جاي والمعلق بعدو معلق

:clap:نعم للوحدة العربية

:deal:نعم للتصالح العربي

:deal:نعم للتصالح العربي
تصالح اي .. بس هي الاولى وجدة ، مخدة ، وفدة ؟! بعد اذتك شكّلي ياها او اكتبلي ياها باحرف اجنبية مشان اعرف كيف بتنلفظ :D