-
دخول

عرض كامل الموضوع : سعود الفيصل

Marcello
07/01/2009, 05:21
هادا يا سيدي هلئ هلئ يعني من شوي ، يعني تقريبا من شي نص ساعة او ساعة الا ربع كان في جلسة لمجلس الأمن مشان الشو اسمو اللي عم يصير بغزة .. حكى عباس كتير والله و بعد ما ادان اللي عم يصير قال انو انقذوا شعبي اللي بغزة .. قام اجا دور مندوبة اسرائيل و جكت عن اطفال اسرائيل و عن اعتداءات حماس المتكررة على المدنيين و دب الرعب في صفوف الاطفال و النساء و اجت كوندوليزا رايس و شدت على ايدها و قالت انو ازا بدو يصير وقف اطلاق نار لازم يكون هالوقف تبع الاطلاق من الجانب الفلسطيني اولا .. بعدين حكى مندوب ليبيا كلمة نارية مهبرجة احسن شي قالو فيها انو اسرائيل هيي اللي خرقت الهدنة اللي كانت بين حماس و الفصائل مع اسرائيل .. الملفت للنظر كلمة عمرو موسى و كلمة سمو الأمير سعود الفيصل وزير خارجية الممكلة العربية السعودية و عميد الدبلوماسية السعودية

عمرو موسى حكى عن الاجرام و قال انو اسرائيل متطرفة و مقابل فرد مدني اسرائيلي عم يروح مئات من المدنيين الفلسطينيين و الأطفال و انو لازم مجلس الأمن يخرج من صمتو و يفعّل القانون الدولي و طبعا اشاد بمادرة حسني مبارك و ساركوزي و مقترحاتون الأخيرة لوقف العدوان من الطرفين و فتح المعابر ..


أما عن سعود الفيصل تصريحاتو و كلمتو كانت قوية جدا و كلها ادانات لاسرائيل و بهدلة و انو مجازر و كارثة انسانية و انو مجلس الأمن ما بدو يتحرك ........ ف ازا مجلس الأمن ما تحرك نحنا مضطرين ندير ظهورنا و نبحث عن بدائل اخرى ....


السؤال انو




شو يعني ندير ظهورنا و نبحث عن بدائل أخرى ؟؟ يعني شو بدو يصير ازا دار و لف ضهرو ؟؟ و كيف بدو يدير ظهرو ؟؟ و شو بدا تعمل اسرائيل و اميركا ازا داااار ظهرو ؟؟؟ و شو بدو يعمل ازا اميركا واسرائيل عملولو شي ازا داااار ضهرو ؟؟
ابو نجبو
07/01/2009, 07:04
لك له يامارسللو..ماعرفت شو يعني بدو يصير اذا رح يدير ضهرو..!!!..

ديران الضهر هو أحد الاسلحة الاستراتيجية الي لسا ما استخدموها

استخدمو لحتى الان كل الاسلحة الممكنة.. ..ركوع ..سجود..انحناء..تبويس ..انبطاح..هلاء اجا دور الدوران
صياد الطيور
07/01/2009, 10:48
متأكد أنو سعود الفيصل قال هيك كلام ؟
Marcello
08/01/2009, 02:10
متأكد أنو سعود الفيصل قال هيك كلام ؟

حرفيا هيك قال .. يعني بالحرف .. و خصوصي انو كان عم يحكي بالعربي بمجلس الأمن


اليوم مجلس الأمن قال بدو يكتفي ببيان رئاسي ، يعني ما في قرار ( في فرق طبعا بين التنين من ناحية الالزامية ) .. بعد التهديد و الزعيرة أعطت اسرائيل لسعود الفيصل و الوفد العربي الرفيع المستوى و مبادرة وزراء الخارجية العرب و مبادرة مبارك-ساركوزي <<< عطوهون هدنة لمدة 3 ساعات و توجه للاكتفاء ببيان رئاسي

وين الدوران للخلف و البحث عن بدائل أخرى ؟؟


هاموش :- قد يكون الفعل يطوبز بالعامية هو المقصود من دوران الظهر بالفصحى
ayhamm26
08/01/2009, 03:32
مظبوط هالحكي , انا كمان سمعتو مبارح عم يقول هيك

بس يبدو انو واصلتو من الامريكيين والاسرائيليين تأكيدات انو الحرب قربت تنتهي بهاليومين , مشان هيك استغل الفرصة و نفش ريشو على اساس يعني اذا اسرائيل انهت الحرب بكون خوفا من تهديداتو






هاموش :- قد يكون الفعل يطوبز بالعامية هو المقصود من دوران الظهر بالفصحى

فيها وجهة نظر :lol:
أإأبو العبد
08/01/2009, 03:52
ياجماعة لاتحكمو على الزلمة من هلا خلينا نشوف ومنعرف شو يعني دوران الظهر هاد يمكن الزلمة قصدو شريف:kissyou::angel:
satoman
08/01/2009, 04:18
قصدو شريف:kissyou::angel:

سعودي ولا شو رأيك انت :lol:
Marcello
09/01/2009, 07:36
هادا هلئ هلئ .. يعني من شوي .. يعني من شي نص ساعة او ساعة الا ربع تبيّن انو سعود الفيصل ما رح يدير ضهرو و يبحث عن بدائل أخرى .. لانو مجلس الامن اخد قرار بوقف فوري و دائم و ملزم لاطلاق النار ( شلون و كيف ما حدا بيعرف ) قوية هالكلمات التلاتة بس مانا واضحة .. ليش مو واضحة .. لانو ما حدا بيعرف كيف و ليش

اهم شي انو سعود الفيص ما رح يدير ظهرو ولا رح يبحث عن بدائل أخرى ( لانو في قرار ) شو وضعو هالقرار ما حدا بيعرف الا انو القرار .. فوري و دائم و ملزم

اهم شي انو سعود الفيصل ما رح يدير ظهرو و لا رح يبحث عن بدائل أخرى .. و اكتر من هيك سوف تدخل البهجة الى قلوب اهل غزة ( هيك قال سعود الفيصل عن البهجة اللي رح تدخل )

فشلت اسرائيل او ما فشلت هاد حكي تاني و اميركا امتنعت عن التصويت حكي تالت ( اشارات بتحتمل اكتر من تفسير ) .. الحكي الرابع انو راح 800 شهيد و اكتر من 3000 جريح .. و حتى الأمم المتحدة اللي ما قدرت تحمي منظماتها تبع حقوق الانسان .. و كالة الغوث و الصليب الأحمر اعتدت عليها اسرائيل .. لك حتى هدول هربو من غزة

اهم شي انو ما رح يدير ضهرو ولا رح يبحث عن بدائل اخرى


يا اخ .. يا رفيق .. يا انسان .. يا عبد .. يا بغل <<< سوف تدخل البهجة الى قلوب اهل غزة


هالقرار متل قرارات 242 و 383 و 397 ولا هالقرار ( حدث تاريخي ) متل ما قال سعود الفيصل اللي ما رح يدي ضهرو ولا رح يبحث عن بدائل أخرى ؟؟ ليش القرارات اللي قبل هاد القرار مانا حدث تاريخي ؟؟ قرار قيام دولة مستقلة لفلسطين عاصمتها القدس ( مناصفة ) مانو حدث تاريخي ؟؟ ولا بس هاد القرار حدث تاريخي ؟؟

طيب بلاش أخي ليش نعقد الموضوع

خلينا نسأل وين الحدث التاريخي ؟؟












أهم شي انو


لن يدير ظهره


و لن يبحث عن

بدائل أخرى
satoman
09/01/2009, 07:45
هاد هلىء هلىء فيتو امريكي عالقرار

قولك بتظبط
Marcello
09/01/2009, 07:59
هاد هلىء هلىء فيتو امريكي عالقرار

قولك بتظبط

لك ساتو من شوي اخدو قرار 14 عضو و امتناع امريكي .. ما اعطو فيتو


لا تقلي عادو التصويت

هاد الحدث التاريخي بيكون ساعتا
satoman
09/01/2009, 08:14
لا تقلي عادو التصويت



لا لا معقول ينزعو الحدث التاريخي ويعيدو التصويت :lol:
توم و جيري
09/01/2009, 10:18
هلق بالله يا شباب من كل عقلكن انو سعود الفيصل نسيتو مين هوي .....
شيلوني من انو دعى اوباما من كم يوم لضرب ايران ومعاقبة سورية هيدا حكي جرايد ......
بس نسيانين انو ابنو بالسجون السورية لانو هوي المتهم الرئيسي باغتيال عماد مغنية .....ولك هاد ما بيطلع منو الا الوساخة والحقد ....
عبر المحيط
09/01/2009, 16:55
هلق بالله يا شباب من كل عقلكن انو سعود الفيصل نسيتو مين هوي .....
شيلوني من انو دعى اوباما من كم يوم لضرب ايران ومعاقبة سورية هيدا حكي جرايد ......
بس نسيانين انو ابنو بالسجون السورية لانو هوي المتهم الرئيسي باغتيال عماد مغنية .....ولك هاد ما بيطلع منو الا الوساخة والحقد ....


معلومة جديدة ..!!!!!!!!!!!!!!....الاوله كلام جرايد بس هااااااااااي كلام مين.. بروشور ولا اس ام اس
ayhamm26
09/01/2009, 18:31
هي صدر القرار العتيد , و كما قال الشاعر ويخرج المولود صمتا أعورا بربع الثمن

فصلوا القرار على مقاس اسرائيل وكل شي يدها ياه حطوا بالقرار, ورغم هيك وجهت اسرائيل صفعة لكل العرب الحريصين على مصالحها اكتر من مصالح شعوبن, ورفض اولمرت القرار علنا وقرر متابعة الحرب

طيب يفرجينا هلق سيادة الوزير شو رح يعمل, ايمتى رح يفرجينا ظهرو وهو عم يدور على بدائل أخرى؟؟
رجل من ورق
09/01/2009, 21:37
ديروا باللكون من الملايكة
عبر المحيط
10/01/2009, 00:52
ديروا باللكون من الملايكة


لا ملايكة ولا شياطين...........ولا يهمني سعود الفيصل بس معلومة جديده ان ابنه مسجون في سوريا
وانه متهم بقتل مغنية لان المعلومة الي عندي انه المحققين مازلوا متحفظين بحق الرد في الوقت المناسب والمكان المناسب فكيف جات هاااااااااااااااااااااااا اااي فسرلي يا بعدي:larg:
توم و جيري
10/01/2009, 09:25
معلومة جديدة ..!!!!!!!!!!!!!!....الاوله كلام جرايد بس هااااااااااي كلام مين.. بروشور ولا اس ام اس



ليك يا حبيب بدك تناقش مناقش بس باصول وانا متوقع هالحكي بس مو مشكلة ........

لا ملايكة ولا شياطين...........ولا يهمني سعود الفيصل بس معلومة جديده ان ابنه مسجون في سوريا
وانه متهم بقتل مغنية لان المعلومة الي عندي انه المحققين مازلوا متحفظين بحق الرد في الوقت المناسب والمكان المناسب فكيف جات هاااااااااااااااااااااااا اااي فسرلي يا بعدي:larg:

ليك يا حبيب مبعرف اذا سمعان انو الامن السوري عمل خطة بحيث انو يرجع يجيب ابن الفيصل بعد مراح عالسعودية وهيك قالو انو لازم منشان السياسة وكم شغلة واعتقلوه وهون الساعة وحدة ليلا كان سعود الفيصل بسوريا عم يطلب ارجاعو مقابل انو تتصالح سوريا والسعودية ومقابل انو يجي العاهر السعودي عسوريا بالقمة بس اذا خيرو سوريا بين المقاومة وعميل رح تختار المقاومة المهم ما بعرف اذا سمعت باحداث سجن صيدنايا ومحاولة اقتحامو كان هاد لتهريب ابن الفيصل بس فشلت هالمحاولة ونقلوه لمحل غير معروف لسا الشغلة الاخيرة يابعدي لازم تعرف انو الشخص اللي قام بالتخطيط والتنفيذ لعملية اعتقاله هوي اللواء محمد سليمان اذا سامع فيه واللي مات بعد اعتقال ابن الفيصل بوقت قليل لذلك انا ما بحكي شي الا اذا متاكد اوكي وبتمنا لما بدك تسال سؤال اسالو باحترام وهي كلمة يابعدي انت بتعرف عشو بتدل ......
عبر المحيط
10/01/2009, 17:17
ليك يا حبيب مبعرف اذا سمعان انو الامن السوري عمل خطة بحيث انو يرجع يجيب ابن الفيصل بعد مراح عالسعودية وهيك قالو انو لازم منشان السياسة وكم شغلة واعتقلوه وهون الساعة وحدة ليلا كان سعود الفيصل بسوريا عم يطلب ارجاعو مقابل انو تتصالح سوريا والسعودية ومقابل انو يجي العاهر السعودي عسوريا بالقمة بس اذا خيرو سوريا بين المقاومة وعميل رح تختار المقاومة المهم ما بعرف اذا سمعت باحداث سجن صيدنايا ومحاولة اقتحامو كان هاد لتهريب ابن الفيصل بس فشلت هالمحاولة ونقلوه لمحل غير معروف لسا الشغلة الاخيرة يابعدي لازم تعرف انو الشخص اللي قام بالتخطيط والتنفيذ لعملية اعتقاله هوي اللواء محمد سليمان اذا سامع فيه واللي مات بعد اعتقال ابن الفيصل بوقت قليل لذلك انا ما بحكي شي الا اذا متاكد اوكي وبتمنا لما بدك تسال سؤال اسالو باحترام وهي كلمة يابعدي انت بتعرف عشو بتدل ......


احترامي مستر توم و جيري
واعتذر عن كلمة يابعدي خليها على المره هذي ....نرجع للموضوع:oops:
والله انا قريت السيناريو اللي فوق وشفت انه فلم هندي من الطراز المستحيل, فلم رعب يحتاج انتاجه الى تصوير ثلاثي الابعاد وخصوصا مشهد البطل وهو هارب من السجن ((سجن صيد النوايا)) ومشهد مقتل الكومبرس محمد سليمان كان مؤثر ودموي زياده عن اللزوم ...انا اعتقد والعلم عندالله انه هذا الفلم من الطراز المستحيل ماراح تنتجه لا هوليوووووود ولا فوكس ولا كولومبيا ولا رامبوا يقدر يمثل الدور.. حتى عادل امام يعتزل لو يشوف سيناريو مثل هااااااااااااااااااي خلينا على الافلام العربي احسن;)

حبيبي توم و جيري اذا انت بتصدق هااااااي الحكي قول على الدنيا الســــــــــــــــــــــ ــــــــــــــــــلام:oops: بس اعجبتني الخطه خنفشاريه
حنين.
10/01/2009, 17:33
البدائل الاخرى ان يرجع على قصرو يكمل نومو
ليش ما يعملو قمة بمن حضر يعني ليش هالقد محروقين على مصر والسعودية ادا حضرو بس يعقدو الدنيا مو اكتر
بنفسجة
10/01/2009, 18:14
والله انو كفو هالسعود الفيصل
يعني بكرا بس بدو يدير ظهرو رح تبلش الركب تهتز والشعر يوقف من الفزع
قولكون بيمنع النفط عن امريكا:gem:
توم و جيري
10/01/2009, 18:44
احترامي مستر توم و جيري
واعتذر عن كلمة يابعدي خليها على المره هذي ....نرجع للموضوع:oops:
والله انا قريت السيناريو اللي فوق وشفت انه فلم هندي من الطراز المستحيل, فلم رعب يحتاج انتاجه الى تصوير ثلاثي الابعاد وخصوصا مشهد البطل وهو هارب من السجن ((سجن صيد النوايا)) ومشهد مقتل الكومبرس محمد سليمان كان مؤثر ودموي زياده عن اللزوم ...انا اعتقد والعلم عندالله انه هذا الفلم من الطراز المستحيل ماراح تنتجه لا هوليوووووود ولا فوكس ولا كولومبيا ولا رامبوا يقدر يمثل الدور.. حتى عادل امام يعتزل لو يشوف سيناريو مثل هااااااااااااااااااي خلينا على الافلام العربي احسن;)

حبيبي توم و جيري اذا انت بتصدق هااااااي الحكي قول على الدنيا الســــــــــــــــــــــ ــــــــــــــــــلام:oops: بس اعجبتني الخطه خنفشاريه


ليك معلم انا بعرف ناقش بالساسة وبالمنطق والفزلكة بالحكي خيو انا هيك مبعرف ناقش هيك و حكيك مبينرد عليه بس الي تعقيب صغير عموضوع الكومبرس هيدا الانسان شريف بس مرح رد عليك لان رح استلم الاكبر منك ومسرحياتن والمهزلة تبعيتن روح عيش باوهامك الرد المناسب مفيني قولو منشان التنويه والمخالفة اتعلم تحب وطنك بشرف وتعا احكي .......
عبر المحيط
11/01/2009, 00:11
ليك معلم انا بعرف ناقش بالساسة وبالمنطق والفزلكة بالحكي خيو انا هيك مبعرف ناقش هيك و حكيك مبينرد عليه بس الي تعقيب صغير عموضوع الكومبرس هيدا الانسان شريف بس مرح رد عليك لان رح استلم الاكبر منك ومسرحياتن والمهزلة تبعيتن روح عيش باوهامك الرد المناسب مفيني قولو منشان التنويه والمخالفة اتعلم تحب وطنك بشرف وتعا احكي .......



حبيب قلبي توم و جيري..وتاج راسي:D

عشان ما نخرج عن الموضوع لانه صاحب الموضوع له الحق علينا انه مايصير موضوعه مهمش في حديث اخر
من ناحة استلام اللي اكبر مني خوذ راحتك اشتم على قد راحتك من الملك عبدالله الى اصغر امير هذا شي بيعتمد على ذمتك وضميرك مافي احد بيمنعك والصق فيهم التهمه اللي تحب..وهذا الشي لابيقدم ولا بيأخر ....بس انت جبت موضوع غريب ذكرت انه ابنه في السجن مع العلم كل ابناءة الثلاثة موجودين في السعودية يعني الخبر غريب يعني الخبر راح يكون محسوب عليك مصداقيا لا اذا كان تصفية حسابات هذا شي ثاني .... وعن حب الوطن ياسيدي انا رايح اتعلم وادرس واجتهد كمان من شان اعرف احب وطني بشرف بس بدي التحق باكاديمية الوقت المناسب والمكان المناسب وحق الرد بس انت طول بالك ياتوم جيري.:D...

.الاخير.

شكرا
المحارب العتيق
14/01/2009, 02:33
شو يعني ندير ظهورنا و نبحث عن بدائل أخرى ؟؟ يعني شو بدو يصير ازا دار و لف ضهرو ؟؟ و كيف بدو يدير ظهرو ؟؟ و شو بدا تعمل اسرائيل و اميركا ازا داااار ظهرو ؟؟؟ و شو بدو يعمل ازا اميركا واسرائيل عملولو شي ازا داااار ضهرو ؟؟
أخي هدول شكلهم عمن يحضروا لشي أكبر . لأنو حتى القمة العربية مابدهم يحضروها :?
gipsy_c
15/01/2009, 01:13
ان الرد الذي تحدث عنه "الأمير"سعود"غير المسعود"الفيصل هو
رفض استخدام سلاح النفط الذي طلبته ايران صراحة بحجة حاجتهم للنفط لتطوير المملكة
ولكن في الحقيقة هو لدعم الاقتصاد الأمريكي المنهار:clap:
homam85
15/01/2009, 03:26
أنا متأكد انو بس دار ظهرو رح يبين معنا اسرائيلي أو أميركي من ورا..ولا تسألني ليش !!
البروفيسور18
20/01/2009, 12:02
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟!
Marcello
21/01/2009, 01:01
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟!

أحسنت .. تابع