"طيب أردوغان"عربي اكثر من العرب [الأرشيـــــف]

عرض كامل الموضوع : "طيب أردوغان"عربي اكثر من العرب

رضوان ابو فخر

06/01/2009, 16:05

تحية لهذا الرجل بامتياز
الذي تابع مقابلة رئيس الوزراء التركي" طيب أردوغان" على قناة الجزيرة والذي سمع كلمته امام البرلمان التركي
سيقدر شجاعة هذا الرجل. حيث مما قال:
- إن الذي يتحمل المسؤولية عما يحدث في غزة هو اسرائيل, في حين ما زال بعض العرب والفلسطينيين منهم يحملون حركة حماس مسؤولية العدوان, وأنها اعطت الذريعة لذلك !
- قال: ان الذي تفعله اسرائيل هو نقطة سوداء في تاريخ الانسانية .وان الصمت الاوربي غير مقبول.
وان اسرائيل بعدوانها على غزة هي اهانة لتركيا , وقد كرر هذا اربع مرات في المقابلة.
- وقال مخاطبا ليفني : يجب ان تكفوا عن هذه الدعاية الانتخابية بالعدوان على غزة.
- قال: انا اتكلم بصفتي رئيس وزراء تركيا, وقد اوقفت لنصف ساعة على حاجز أمني في رام الله ,فأي ديمقراطية تتحدث عنها اسرائيل؟
هل سمعتم من رئيس عربي مثل هذه القوة والشجاعة بالموقف؟
اليس من حقنا توجيه كلمة شكر وتحية لهذا الرجل؟
ومن هو رئيس جامعة الدول العربية هو عمر موسى أم طيب أردوغان؟

راديا

06/01/2009, 16:15

ففففففففففففففففففففففف

راديا

06/01/2009, 16:16

هل سمعتم من رئيس عربي مثل هذه القوة والشجاعة بالموقف؟متاكد؟؟ما بيبسطو الانتماء العربي هالشخصية لانو شبعنا من العرب و انجازتون الدونية بكل القضايا
الظاهر من هالرجال طيب بس من الداخل الله يعلم بتمنى يكون صادق بحكيو بتمنى

sona78

06/01/2009, 16:21

وهي تركيا
وينك يا شافيز لما طردت السفير الاسؤائيلي بسبب عدوان تموز
ووين شوارع اسبانيا
غريب امرنا عن جد

اخخخخخخخخخخخخخخ ........

ayhamm26

06/01/2009, 16:41

فعلا كتير ملفت كان موقف الاتراك حكومة وشعبا , يعني ملايين الاتراك اللي طلعوا مظاهرات كسروا الصورة النمطية اللي حاول النظام العلماني المتطرف في تركيا ترسيخها , وهي انو الاتراك بيكرهوا العرب و هني اصدقاء اسرائيل

وهي تركيا
وينك يا شافيز لما طردت السفير الاسؤائيلي بسبب عدوان تموز
ووين شوارع اسبانيا
غريب امرنا عن جد

اخخخخخخخخخخخخخخ ........

اما وين العرب فسلميلي على العرب, اللي طلعوا بمظاهرات لندن لوحدها اكتر من اللي تظاهروا في مصر والاردن
من فترة شاركت بمظاهرة وكان في ألمان عم يهتفوا بالالماني الموت لاسرائيل من شدة تاثرن بصور المجازر اللي كانوا حاملينها الناس معن

I_Love_Syria

06/01/2009, 17:02

وكان في ألمان عم يهتفوا بالالماني الموت لاسرائيل
بس هدول نسبة كتير قليلة قدام النسبة الكبيرة من الألمان إلي عندهم تعاطف كبير مع اليهود بشكل كبير ويلي بالنهاية دعم لإسرائيل....
وأنا عن نفسي ما بلوم الغربي لما يوقف مع اسرائيل لأنو إذا بتشوف ردات الفعل العربية بتلاقيها جداً محدودة وأكبر دليل انو لهلأ ما عملو قمة عربية صح معروفة نتائجها مسبقاً بس يا أخي لما يشوف الغريب والي ماعندو خلفية متينة عن موضوع فلسطين ومشاكلوا مع اليهود لما بيلاقي مافي ردة فعل عربية قوية وبقصد حكومات فرح يقول انو إذا هنن ماعم يدافعوا عن قضيتهم معناها إسرائيل معها حق بيلي عم تساويه معناها لازم نوقف معها, وهي مشكلتنا الكبيرة انو الحكومات العربية ماعم تتفاعل ويكون إلها ردات فعل قوية مع يلي عم يصير بغزة
فنحن واجبنا كعرب انو نحسن صورتنا نكسب العالم لصفنا صح ما بيصير بيوم وليلة بس كمان مو أنا و منجعي على جنبي بيصير الي بدي ياه
إسرائيل عم تشتغل بجهود جداً كبيرة وقوية لتكسب العالم لصفها

suryoyo

06/01/2009, 17:30

ayhamm26

06/01/2009, 17:42

خلي يسد السفارة الصهوينية ... و ينزل العلم الاسرائيلي ...

خليه يلغي القواعد الامريكية .... و ما يعطي مياهه الاقليمية لحلف الناتو

خلي يبطل يقصف شمال العراق و يبطل ينتهك باراضينا ....

خلي يتعامل مع الشعب الكردي في تركيا بانصاف ... و مثل الاوادم

خليه يكون شريف تجاه المعارضين ..... و خليه يفرج عن اوجلان

و بعدين يحكي على تعامل الصهاينة مع الشعب الفلسطيني ...

لان الجيش التركي تعامل بنفس القسوة مع كل اللي مو اتراك بالجنس ...

و خلي يرجع الااراضي المحتلة و الاسكندرون ...

و بعدين افخر فيه !

الحكي ببلاش ... بس الفعل غير شكل

غريب هالمنطق , يعني يا بيعمل متل ما بدنا يا يلعن ابو ما بدنا ياه

كل القرارات اللي اتفضلت فيها مو بايد اردوغان, بايد المؤسسة العسكرية العلمانية في تركيا , واتخاذوا قرار واحد من هالنوع يعني الانتحار السياسي الو و لمشروعو
الزلمة عم يحاول يغير واقع بتركيا الو شي 90 سنة , شو بدك ياه يعمل انقلاب , التغيير بيجي ببطئ وهي شفت شلون الاتراك صاروا كلن متعاطفين بشكل كتير كبير مع العرب وهي برايي من علائم هالتغيير الجاي في تركيا

يعني انت عامل متل اللي بتقلو نحني السوريين مع الفلسطينيين ومنأيدن, بقلك اي روحوا افتحوا جبهة الجولان بالاول بعدين تعوا احكوا الحكي ببلاش :shock:

sona78

06/01/2009, 17:42

خلي يسد السفارة الصهوينية ... و ينزل العلم الاسرائيلي ...

خليه يلغي القواعد الامريكية .... و ما يعطي مياهه الاقليمية لحلف الناتو

خلي يبطل يقصف شمال العراق و يبطل ينتهك باراضينا ....

خلي يتعامل مع الشعب الكردي في تركيا بانصاف ... و مثل الاوادم

خليه يكون شريف تجاه المعارضين ..... و خليه يفرج عن اوجلان

و بعدين يحكي على تعامل الصهاينة مع الشعب الفلسطيني ...

لان الجيش التركي تعامل بنفس القسوة مع كل اللي مو اتراك بالجنس ...

و خلي يرجع الااراضي المحتلة و الاسكندرون ...

و بعدين افخر فيه !

الحكي ببلاش ... بس الفعل غير شكل

ما حدا ذكر انو الزلمة ملاك منزل
ومشاكل تركيا معنا وتحالفاتها ما منسية
متلها متل حكومة المصريين واللاردنيين والموريتانيين وهلم جرا
الحديث بس مجرد مقارنة شو حكا هوي وشو حكو هني ..
مجرد حكي صح
بس معلش احسن من حكومة جابت احتلال لارضها من شان تستلم متل حكومة العراق الحالية
واحسن من حكي مبارك

ayhamm26

06/01/2009, 17:46

بس هدول نسبة كتير قليلة قدام النسبة الكبيرة من الألمان إلي عندهم تعاطف كبير مع اليهود بشكل كبير ويلي بالنهاية دعم لإسرائيل....
وأنا عن نفسي ما بلوم الغربي لما يوقف مع اسرائيل لأنو إذا بتشوف ردات الفعل العربية بتلاقيها جداً محدودة وأكبر دليل انو لهلأ ما عملو قمة عربية صح معروفة نتائجها مسبقاً بس يا أخي لما يشوف الغريب والي ماعندو خلفية متينة عن موضوع فلسطين ومشاكلوا مع اليهود لما بيلاقي مافي ردة فعل عربية قوية وبقصد حكومات فرح يقول انو إذا هنن ماعم يدافعوا عن قضيتهم معناها إسرائيل معها حق بيلي عم تساويه معناها لازم نوقف معها, وهي مشكلتنا الكبيرة انو الحكومات العربية ماعم تتفاعل ويكون إلها ردات فعل قوية مع يلي عم يصير بغزة
فنحن واجبنا كعرب انو نحسن صورتنا نكسب العالم لصفنا صح ما بيصير بيوم وليلة بس كمان مو أنا و منجعي على جنبي بيصير الي بدي ياه
إسرائيل عم تشتغل بجهود جداً كبيرة وقوية لتكسب العالم لصفها

صدقني كان في تأييد كبير لاسرائيل , حاليا اسرائيل وبعد ما اخرجت كل الدول العربية من الصراع المسلح , وصار قدامها فقط مقاومات شعبية , ما عد في كتيرين مصدقين قصة انو اسرائيل مظلومة ولحالها و عم تدافع عن نفسها , وبنفس الوقت اكيد ما كلن بيدعوا لانهاء اسرائيل

suryoyo

06/01/2009, 17:49

ما حدا ذكر انو الزلمة ملاك منزل
ومشاكل تركيا معنا وتحالفاتها ما منسية
متلها متل حكومة المصريين واللاردنيين والموريتانيين وهلم جرا
الحديث بس مجرد مقارنة شو حكا هوي وشو حكو هني ..
مجرد حكي صح
بس معلش احسن من حكومة جابت احتلال لارضها من شان تستلم متل حكومة العراق الحالية
واحسن من حكي مبارك

غريب هالمنطق , يعني يا بيعمل متل ما بدنا يا يلعن ابو ما بدنا ياه

كل القرارات اللي اتفضلت فيها مو بايد اردوغان, بايد المؤسسة العسكرية العلمانية في تركيا , واتخاذوا قرار واحد من هالنوع يعني الانتحار السياسي الو و لمشروعو
الزلمة عم يحاول يغير واقع بتركيا الو شي 90 سنة , شو بدك ياه يعمل انقلاب , التغيير بيجي ببطئ وهي شفت شلون الاتراك صاروا كلن متعاطفين بشكل كتير كبير مع العرب وهي برايي من علائم هالتغيير الجاي في تركيا

يعني انت عامل متل اللي بتقلو نحني السوريين مع الفلسطينيين ومنأيدن, بقلك اي روحوا افتحوا جبهة الجولان بالاول بعدين تعوا احكوا الحكي ببلاش :shock:

في شي اسمو انتهاك سيادة ...

في شي اسمو دخول و قصف اراضي الجيران ...

في شي اسمو قصف قرى بالعمق ........ عملوا السيد اردوغان و ما زال يعملوا ...

بدل ما يحكي على احتلال فلسطين ... خلي هو يبطل يحتل اراضي الغير و يقصف اراضي الغير ...

خلي يعامل الاكراد بانصاف ... لان هو ايضا ماخذ اراضي ليست له ...

يعني واحد يقصف بلدك و يتعدى عليك ....... و يروح يحكي بحقوق الانسان :shock:

homam85

06/01/2009, 17:58

لا تعقّدوا الأمور .. القصّة وما فيها انو الزلمة لسّا باقي فيه شوية شرف..وتأثر بهالمناظر والجرائم اللي عم تصير مو متل القادة العرب واذا العرب ما تحرّكوا وقاموا بالفعل فشو ناطرين من الغريب ؟؟

sona78

06/01/2009, 18:09

fernanda bachchan kfoury

06/01/2009, 20:04

تحية كبيرة لأردوغان يستاهل ارفعلو الشابو

رضوان ابو فخر

06/01/2009, 21:14

[quote=suryoyo;1195098]خلي يسد السفارة الصهوينية ... و ينزل العلم الاسرائيلي ...
خليه يلغي القواعد الامريكية .... و ما يعطي مياهه الاقليمية لحلف الناتو
خلي يبطل يقصف شمال العراق و يبطل ينتهك باراضينا ....
خلي يتعامل مع الشعب الكردي في تركيا بانصاف ... و مثل الاوادم
خليه يكون شريف تجاه المعارضين ..... و خليه يفرج عن اوجلان
و بعدين يحكي على تعامل الصهاينة مع الشعب الفلسطيني ..
لان الجيش التركي تعامل بنفس القسوة مع كل اللي مو اتراك بالجنس ...
و خلي يرجع الااراضي المحتلة و الاسكندرون ...
و بعدين افخر فيه !

يعني بدك ياه غيفارة,وبدك تحل كل مشاكل العالم العالقة وحقوق الانسان,والقضية الكردية....
اعتقد عم تخلط الاوراق ببعضها. انا اقتبست اقواله حول موضوع معين هو العدوان على غزة ,بالمقارنة مع مواقف رؤساء عرب تنطبق عليها ظروف تركيا ,فيها سفارت اسرائيلية وعندها علاقات معها وبقيت صامتة. وما حدا قال ان اردوغان انجز كل مطالب حقوق الانسان والاكراد ...
باختصار خلينا ناخذ الموقف الايجابي تجاه الفلسطينين ونبني عليه.

رضوان ابو فخر

06/01/2009, 21:25

....... و يروح يحكي بحقوق الانسان :shock:

يا خيي مين خبرك انو اردوغان رئيس هيئة حقوق الانسان العالمية؟
حتى تربط موقف سياسي محدد ,بمسألة معقدة مثل حقوق الانسان الي ما في بلد بالعالم الا وينتهكها . التجربة تقول ان الحقوق هاي ما بتنعطى ولو حكوا فيها كل رؤساء العالم.هاي حقوق بدها تضحية من الناس انفسهن. وثاني نقطة نحنا نناقش الموقف من العدوان على غزة ليش تخلط الامور ببعضها وتسوي شوربة( عراق واكراد ولواء اسكندرون واوجلان وحقوق الانسان)؟

suryoyo

06/01/2009, 21:39

لما بلدي بيدعي ليحتل بلدي غريب
ما في لوم من غيرو اذا اجا
شو عمل العراق ضد هجمات الاتراك ع الاكراد العراقيين ؟؟
وشو عملو الاكراد بالاول لحتى صار الهجوم؟؟؟
الاكراد اكيد الهون وضع متردي سواء بالعراق او تركيا او سوريا
بس كمان هجماتهون بالدول التلاتة مانها منسية
وتطلعون لتقسيم العراق واخد شمال سورية وجزء من تركيا لتاسيس دولة الهون حسب علمي ما كانت موجود ( كدولة ما كقومية لانو القومية الكردية موجودة ) مانو منسى كمان
بلاخير باكدج اني ما شايفة تركيا احسن من غيرها
لانو معروفة علاقاتها وتوجهاتها
بس الموقف الاخير يشاد فيه مقارنة مع ردود الفعل التانية سواء عربية او عالمية

كلامك ذكرني بالغرب اللي يقول العرب ارهابيين ...

ما الك حق اي تعميم

تركيا ما زالت تقصف القرى الكردية داخل العراق ...... و اميركا قصفت قرية حدودية داخل الاراضي السورية ...

اذا شفتي فرق بين الحالتين ... ذكرينا فيه

وضع الاكراد في تركيا مزري جدا ...... و اجت ايام قصفوهم قصف قوي و مستمر ... و قتلوا الكثيرين مستهدفين بالصواريخ الموجهة على المناطق الامنة ...

هؤلاء ايضا شهداء ... من الناحية الانسانية و من الناحية القومية كمان ...

هذا اللي اريد اصل له .... انو الاعلام العربي غالبا ينحاز و ينظر للقضايا من منظاره الوحيد لا من الاوجه الاخرى
معناها ما يسمع للرأي الآخر ...

سلام:D

suryoyo

06/01/2009, 21:46

يا خيي مين خبرك انو اردوغان رئيس هيئة حقوق الانسان العالمية؟
حتى تربط موقف سياسي محدد ,بمسألة معقدة مثل حقوق الانسان الي ما في بلد بالعالم الا وينتهكها . التجربة تقول ان الحقوق هاي ما بتنعطى ولو حكوا فيها كل رؤساء العالم.هاي حقوق بدها تضحية من الناس انفسهن. وثاني نقطة نحنا نناقش الموقف من العدوان على غزة ليش تخلط الامور ببعضها وتسوي شوربة( عراق واكراد ولواء اسكندرون واوجلان وحقوق الانسان)؟

لان هذا الشخص معتدي على العراق قبل يومين ...

هذا الشخص قصف القرى الامنة ... بالصواريخ متوسطة المدى ...

قبل يومين كان في غارة جديدة ... غلى الاراضي العراقية من قبل جيش تركيا العظمى !

وثاني نقطة نحنا نناقش الموقف من العدوان على غزة ليش تخلط الامور

هذا الشخص ما عندو فصام شخصية (سكيزوفرينيا)

يعني نفس الشخص اللي يروع الاهالي (العدوان التركي على الآمنين) .... مسوي حاله شخص مسالم و ضد العدوان الصهيوني على الشعب الفلسطيني المحاهد

هذه المسرحية من قبل اردوغان ...... ملينا منها لان صارت مفضوحة من زمان ...

سلام :D

رضوان ابو فخر

30/01/2009, 19:26

أردوغان شجاعة أخرى
بالرد القاسي على بيريس
و الانسحاب من مؤتمر دافوس .

I_Love_Syria

30/01/2009, 19:30

الحلو أبو الروض انو أردوغان انزعج وانسحب وعمرو موسى ضل قاعد عالكرسي كوميديا

سوا ربينا

30/01/2009, 19:45

يا سيدي حلو هاللي عملو هالزلمة ... بس مشان الله انو ما تقارنو تركيا بالاردن ... من ناحية تعداد وعتاد وزفت مزفت .... ينعن سما هالقصة ...

صياد الطيور

30/01/2009, 19:59

لازم كل القادة العرب يطمروا راسهم بالتراب بعد المواقف الشجاعة و الرجولية الي عملها اردوغان

cornholio

30/01/2009, 20:03

حلو
فعلا عمل يستحق التحية منو
وشي مخجل و معيب للعرب اللي عملو عمر موسى اللي بان ع حقيقتو

صياد الطيور

30/01/2009, 20:03

كلامك ذكرني بالغرب اللي يقول العرب ارهابيين ...

وضع الاكراد في تركيا مزري جدا ...... و اجت ايام قصفوهم قصف قوي و مستمر ... و قتلوا الكثيرين مستهدفين بالصواريخ الموجهة على المناطق الامنة ...

هؤلاء ايضا شهداء ... من الناحية الانسانية و من الناحية القومية كمان ...

م:D

لايا غالي .. كلام هون مو من نفس المنظور
لأنو أول شي الاكراد ما بينادوا بالقومية العربية و حتى أنو هنن بيطالبوا بالاستقال الكامل سواء أكراد سوريا أو أكراد العراق او اكراد تركيا

و اذا شفنا شو عمل الاكراد بتركيا من منظور حيادي فبيكون الاكراد هنن المعتدين على الاتراك و الجيش التركي من حقو الدفاع عن ارضو

ابو نجبو

30/01/2009, 20:05

خجلني..
لما وشو صار أحمر ... أقسم انو أخجل .. عروبتي

I_Love_Syria

30/01/2009, 20:06

ياصاحبي الي بخجل أكتر لما قال انو تركيا بتدافع أو عم ادافع عن الضعفاء :cry:

ابو نجبو

30/01/2009, 20:15

ياصاحبي الي بخجل أكتر لما قال انو تركيا بتدافع أو عم ادافع عن الضعفاء :cry:
نعم باسيدي نعم...:cry:

mary belle

30/01/2009, 20:20

ma assar hehehe

رضوان ابو فخر

30/01/2009, 20:24

الحلو أبو الروض انو أردوغان انزعج وانسحب وعمرو موسى ضل قاعد عالكرسي كوميديا

نفس الملاحظة لفتتني
وحسيت بالحسرة لأننا عرب

(قولك يا لوف سوريا منصير أتراك أو فنزويليين حتى نفش خلقنا)

ابو نجبو

30/01/2009, 20:24

ma assar hehehe

اي صحيح..
الشغلة مو بالايد...

I_Love_Syria

30/01/2009, 20:29

نفس الملاحظة لفتتني
وحسيت بالحسرة لأننا عرب

(قولك يا لوف سوريا منصير أتراك أو فنزويليين حتى نفش خلقنا)

لاء أبو الروض نحنا سوريين ومني وعليي رح ضل سوري لأنو بلدي وحكومتها ماعم يعملوا شي بيخجل أو بيخلي الواحد يوطي راسو, بس النظرة كعرب بالمجمل فيها كتير من الخزي بس كسوري حصرا فبرفع راسي وبفتخر :gem:
وبعدين يا صاحبي الدنيا يوم الك ويوم عليك يعني متل تبع الجزرة يوم بالسلطة ويوم بلشئسمو بلا ما نحكي

المحارب العتيق

31/01/2009, 02:43

بصراحة مستغرب كلامك . يعني يا أما أنت مو مطلع على الأمور .( السياسة والتاريخ التركي ) يا أما جاية تزت شعارات كبيرة وبس
خلي يسد السفارة الصهوينية ... و ينزل العلم الاسرائيلي ...
اليوم ؟ . مشان بوكرة يصير عليه أنقلاب . الشغلة مو بس حكي تتهم فيه الزلمة . مالو أجدب وأرتجالي لحتى ينهي كل هالتجربة تبع حزب العدالة بموقف متسرع . تحالف أقتصادي مع دول أسلامية قبل هلأ طير أربكان . بعدين مين الك أنو أذا في عندو سفارة مابيحقلو يختلف مع الدولة بسياستها أيا تكن . هلأ لحنا مختلفين مع مصر منسكر السفارة ؟
[/B] خليه يلغي القواعد الامريكية .... و ما يعطي مياهه الاقليمية لحلف الناتو

يشيل القواعد مشان يحكي كلمة ؟ . مين الك أنو أي قرار الو وحدو . وين راح الجيش التركي والتيار الأتاتوركي . بعدين لاتنسى أنو القواعد عندو عملها ضمن سيادة دولتو . مابعرف أذا نسيت أنو ماسمحلهم يستخدموهم لمحاربة العراق

خلي يبطل يقصف شمال العراق و يبطل ينتهك باراضينا ....
خلي العراق هو يبطل يصدرلو أرهاب . بيقوم بشكل طبيعي بيبطل يقصف الارهابيين . ومحاربة حزب العمال بشمال العراق تتم بمعرفة الحكومة العراقية

خلي يتعامل مع الشعب الكردي في تركيا بانصاف ... و مثل الاوادم
أذكرلي أي رئيس وزراء من 100 سنة لهلأ عطاهم حقوق وعاملهم متل ماعاملهم أردوغان . بولايتو صار تغيير جذري بمعاملة أكراد تركيا

خليه يكون شريف تجاه المعارضين ..... [B] و خليه يفرج عن اوجلان
مابعرف ليش حاسس أنو كل كلامك لموقف شخصي لايمت للواقع بصلة . معقول لأنو حزبو أسلامي ؟ . أيمت شفتو عميصادر حرية رأي أو عم يعتقل معارض ؟
و بعدين يحكي على تعامل الصهاينة مع الشعب الفلسطيني ...
مابدك ياه يبعت جيش لتحرير القدس . قبل مايحكي ؟

لان الجيش التركي تعامل بنفس القسوة مع كل اللي مو اتراك بالجنس ...

ممكن تحدد تاريخيا ولا بولايتو ؟ . ضد حزب العمال ولا غيرهم ؟
و خلي يرجع الااراضي المحتلة و الاسكندرون ...

أنشالله بيرجع الأسكندرون . بس قبل مانهاجم الزلمة بدنا نشوف لحنا شو عملنا . وشعب أسكندرون شو بدو
و بعدين افخر فيه !
أنا عن حالي معجب جدا بشخصيتو وسياستو حتى الأن بدون مايعملهم كلهم .

الحكي ببلاش ... بس الفعل غير شكل

بالفعل !!!!!!!!

suryoyo

02/02/2009, 14:13

بصراحة مستغرب كلامك . يعني يا أما أنت مو مطلع على الأمور .( السياسة والتاريخ التركي ) يا أما جاية تزت شعارات كبيرة وبس

لاي طبعا تستغرب ... لان انا ما امشي وفق سياسة القطيع و اخذ نظرة ضيقة و محدودة

بالنسبة للشعارات ... التاريخ يعرف مين ابو الشعارات و مين البطل

اليوم ؟ . مشان بوكرة يصير عليه أنقلاب . الشغلة مو بس حكي تتهم فيه الزلمة . مالو أجدب وأرتجالي لحتى ينهي كل هالتجربة تبع حزب العدالة بموقف متسرع . تحالف أقتصادي مع دول أسلامية قبل هلأ طير أربكان . بعدين مين الك أنو أذا في عندو سفارة مابيحقلو يختلف مع الدولة بسياستها أيا تكن . هلأ لحنا مختلفين مع مصر منسكر السفارة ؟

عزيزي .... اذا بدك نحكي بتاريخ تركيا بالتفاصيل ما عندي مانع ... حتى من زمن عبد الحميد الثاني

بس اربكان ما طار لهذا السبب ... و نعرف قوة الجيش و مين مأثر عليه

يشيل القواعد مشان يحكي كلمة ؟ . مين الك أنو أي قرار الو وحدو . وين راح الجيش التركي والتيار الأتاتوركي . بعدين لاتنسى أنو القواعد عندو عملها ضمن سيادة دولتو . مابعرف أذا نسيت أنو ماسمحلهم يستخدموهم لمحاربة العراق

ضمن سيادة دولتو :lol:

حسب العقلية الشرقية ... انو عيب نجيب ناس تحمينا ... هذه النظرية المنادى بها في الشرق و الدول الشرقأوسطية !

و فيها ننتقد ال سعود و ال ثاني و ال قابوس ... بس الظاهر آل اردوغان فوق مستوى النقد

خلي العراق هو يبطل يصدرلو أرهاب . بيقوم بشكل طبيعي بيبطل يقصف الارهابيين . ومحاربة حزب العمال بشمال العراق تتم بمعرفة الحكومة العراقية

على رغم اني ضد اوجلان و التمرد ... في جنوب تركيا

بس الارهابي هو الجيش التركي .. اللي يقصف القرى بالوحشية و اللي يتأسر عنده ... مصيره الشرب المبرح .

انت تضحك على حالك لو تضحك علينا ؟؟

يعني يجوز ما وصل لوحشية الجيش الاسرائيلي ضد الفلسطينيين ... بس الفرق الوحيد هو انو القرى الكردية في جنوب تركيا و حسب اردوغان (الاتراك الجبليين) ... عبارة عن مجمعات سكنية متفرقة بين الجبال ... و لذلك اسلوب المدن المحروقة ما يجيب نتيجة

مع انو حسب الاتراك انو اوجلان و حزب العمال متورط بعمليات ضمن المدنيين .... بس الجيش التركي متورط بنفس الطريقة و العدد الاكبر

و من أمر او سمح اردوغان للجيش التركي يدخل العراق بوجود اصدقاهم الاحباء الاميركان و خصوصا تعليق كروكر و قادة الجيش الامريكي ... اللي حسيت بوقتها تعليق لناس خايفين من الاتراك !

يبين مسرحية رائعة ... بين الاميركان و الاتراك .. انو يا اتراك ادخلوا بس لا تتدخلوا بمصالحنا و كسروا شوي بالحكومة المحلية في اربيل

و لو ما كان امريكا موافقة 100% على الدخول ... كان دخلت ايران ايضا بحجة "منظمة مجاهدي خلق"

بس متعجب نو اول مرة شوفك تكتب كلمة ارهابيين ... لان ما شايف لك تعليق عن القاعدة و حاكي عليهم بهذا الاسم ...

عجيب أمر غريب قضية :lol:

أذكرلي أي رئيس وزراء من 100 سنة لهلأ عطاهم حقوق وعاملهم متل ماعاملهم أردوغان . بولايتو صار تغيير جذري بمعاملة أكراد تركيا

اي احلى تغيير جذري ...

بحيث التواجد العسكري المكثف في الجنوب التركي ... و العمليات العسكرية اكثر من مرة ... و لاحق المترمدين داخل الاراضي العراقية و انتهك سيادة العراق بهذا التغيير الجذري

بس هذا مو جديد على جيش تاريخه معروف

مابعرف ليش حاسس أنو كل كلامك لموقف شخصي لايمت للواقع بصلة . معقول لأنو حزبو أسلامي ؟ . أ

ما رح علق ... بس مو انا اللي افكر بهذه الطريقة و اغلب الاعضاء يعرفوا

مابدك ياه يبعت جيش لتحرير القدس . قبل مايحكي ؟

اي منتظرين ... لانو ما شاركوا لا يوم 48 و لا يوم 67 و لا يوم 73 و لا يوم 2000

أنشالله بيرجع الأسكندرون . بس قبل مانهاجم الزلمة بدنا نشوف لحنا شو عملنا . وشعب أسكندرون شو بدو

أنا عن حالي معجب جدا بشخصيتو وسياستو حتى الأن بدون مايعملهم كلهم .

اي شوف ... مبن قلك لا تشوف ..

تحية :D

sona78

02/02/2009, 14:30

بس الارهابي هو الجيش التركي .. اللي يقصف القرى بالوحشية و اللي يتأسر عنده ... مصيره الشرب المبرح .

انت تضحك على حالك لو تضحك علينا ؟؟

حبيت بس اقتبس هيداالمقطع ..
يعني لازم اكيد تكون على اطلاع بالخلاف الحاصل ما بين الحكومة التركية الحالية والجيش التركي وخاصة تصريحات الضباط بعد الموقف الاخير بمؤتمر دافوس ....
انت كتير وسعت الموضوع .. يعني لا خلاف عن تاريخ تركيا القمعي ويلي بيقابلو تماما قمع كتير دول عربية لمعارضيها من العراق لسورية لمصر للاردن وهلم جرا وتجرارا .. بس الحكي عن موقف واحد تم بظروف الحرب على غرة .. والكلام يلي انحكى كان اشادة بموقف الحكومةالتركية وقتها
بس انت كتير اخدت ابعاد واسعة للموضوع ..
يا ترى لما قرر شافيز يطرد السفير الاسرائيلي ما كان كمان خرج نكتب عن سلبيات حكومتو ؟؟؟ ما حد اتطرق للموضوع .. فقط كان تعليق على موقف حكومة غير عربية من قضية عربية .. بتوقع هون كان المقصد .... بس انت شوي اخدت الموضع بحساسية زايدة
ع فكرة انا ضد كل اسلوب حكم ديني سواء اسلامي او غيرو ..
بس ما عم بشتغل حاليا لا الاحزاب يلي توجهاتها دينية .. من حزب الله لحماس لحزب العدالة والتنمية التركي ........... بس يحي طرف تاني سواءمن اليسار او مناليمين تكون افكارو وطروحاتو خادمة لقضية عربية بتهمنا ما بتوقع وقتها رح نبخل عليها ........ تماما متل ما خصل مع تصرف شافيز والحكومة الفنزويلية

شامي للنخاع

02/02/2009, 14:55

احيي اوردغان على مواقفه الشجاعة بي تطرف..........بيكفي في نخوة أكتر من كتير حكام العرب

المحارب العتيق

02/02/2009, 17:29

لاي طبعا تستغرب ... لان انا ما امشي وفق سياسة القطيع و اخذ نظرة ضيقة و محدودة

بالنسبة للشعارات ... التاريخ يعرف مين ابو الشعارات و مين البطل

غريب تسمية رأي عام واضح من شخص المفروض أنو مثقف متلك بأنو قطيع . وين شفتها ضيقة ومحدوة ؟ . خليني أجي معك وعكسلي الصورة . وين أخطاء أردوغان الكثيرة . لحتى تكون وجهة النظر ضيقة . قصة الكراد مردود عليها والحجة ضعيفة و عدا عن أنو أكيد أخر همك الأكراد

عزيزي .... اذا بدك نحكي بتاريخ تركيا بالتفاصيل ما عندي مانع ... حتى من زمن عبد الحميد الثاني

بس اربكان ما طار لهذا السبب ... و نعرف قوة الجيش و مين مأثر عليه

لكن أربكان ليش طار . بس ماتميعلي الموضوع وتقلي محاربة العلمانية متل مابيقولو :lol:

ضمن سيادة دولتو :lol:

حسب العقلية الشرقية ... انو عيب نجيب ناس تحمينا ... هذه النظرية المنادى بها في الشرق و الدول الشرقأوسطية !

و فيها ننتقد ال سعود و ال ثاني و ال قابوس ... بس الظاهر آل اردوغان فوق مستوى النقد

يمكن عندك مشكلة بفهم كلامي . أنا مادافعت عن وجودها . بس انا قلت انها أفضل من مثيلاتها بكتير . وأي حدا بدي هاجم أخطائو لما بيخطئ . ودافع عن الصح لما بيعملو . (من وجهة نظري ) . لما بهاجم ال سعود أو غيرهم أنا بهاجم خطأ عم يعملوه من وجهة نظري . بيضر بالأمة العربية . يلي أنت مابتعترف فيها . متل لما بنتقد بلدي على غلط . لأني بتمنى رفعتو

على رغم اني ضد اوجلان و التمرد ... في جنوب تركيا

بس الارهابي هو الجيش التركي .. اللي يقصف القرى بالوحشية و اللي يتأسر عنده ... مصيره الشرب المبرح .

انت تضحك على حالك لو تضحك علينا ؟؟

يعني يجوز ما وصل لوحشية الجيش الاسرائيلي ضد الفلسطينيين ... بس الفرق الوحيد هو انو القرى الكردية في جنوب تركيا و حسب اردوغان (الاتراك الجبليين) ... عبارة عن مجمعات سكنية متفرقة بين الجبال ... و لذلك اسلوب المدن المحروقة ما يجيب نتيجة

مع انو حسب الاتراك انو اوجلان و حزب العمال متورط بعمليات ضمن المدنيين .... بس الجيش التركي متورط بنفس الطريقة و العدد الاكبر

ما شفت منك غير كلام بدون دلائل . عطينا دلائل أنو الجيش التركي عمل مجازر هاد اولا
تانيا الفرق بتشبيهك بين الاسرائيليين والأتراك مغلوط جدا
أردوغان أول رئيس وزراء تركي بيزو المناطق الجنوبية التركية . وبيتواصل مع أهلها . وسمح للأكراد بتوسيع أحزابهم . وسمحلهم لأول مرة يلقو القسم تحت قبةالبرلمان باللغة الكردية . وأفتتحو أول محطة تلفزيونية باللغة الكردية
كل هاد أكيد مابيتشبه باسرائيل يلي ضمن التهدئة تعمل غارات وتقتل فلسطينيين . وسكرت المعابر . ومنعت عنهم الطعام والدواء والنفط . تخيل الأتراك عملو هيك مع الأكراد

و من أمر او سمح اردوغان للجيش التركي يدخل العراق بوجود اصدقاهم الاحباء الاميركان و خصوصا تعليق كروكر و قادة الجيش الامريكي ... اللي حسيت بوقتها تعليق لناس خايفين من الاتراك !

يبين مسرحية رائعة ... بين الاميركان و الاتراك .. انو يا اتراك ادخلوا بس لا تتدخلوا بمصالحنا و كسروا شوي بالحكومة المحلية في اربيل

لا .حكومة المالكي . وحكومة كردستان . عندهم معلومات وموافقين . وهوشار زيباري على طول مطلع على كل الامور . وطالع نازل على أسطنبول . بعدين أي أتفاقات للدخول البري مع أي طرف شي طبيعي بلعبة السياسة . بس ماقلتلي يلي أنت عم تدافع عن قتل الأبرياء الاكراد . ليش ماعم تهاجم دولتك وحكومة الشمال . بأنهم عميصدرو ارهاب لتركيا .
و لو ما كان امريكا موافقة 100% على الدخول ... كان دخلت ايران ايضا بحجة "منظمة مجاهدي خلق"

بس متعجب نو اول مرة شوفك تكتب كلمة ارهابيين ... لان ما شايف لك تعليق عن القاعدة و حاكي عليهم بهذا الاسم ...

عجيب أمر غريب قضية
ماعم قلك أنو عندك مشكلة الأسلام فوبيا . أنت مختلط عندك دفاعي عن تجربة حزب أسلامي متل الكويت أو تركيا . أو حتى مقاومة . بأنكاري لأي عمل أرهابي . والدليل أنو رغم غمزك بقصة ال سعود . ماقدرت تقرا بموضوع اعلام السعودية العين تحرسك . مهاجمتي للقاعدة . يمكن لأنك بتقرا حسب مابتتوقع نية الكاتب .

اي احلى تغيير جذري ...

بحيث التواجد العسكري المكثف في الجنوب التركي ... و العمليات العسكرية اكثر من مرة ... و لاحق المترمدين داخل الاراضي العراقية و انتهك سيادة العراق بهذا التغيير الجذري

بس هذا مو جديد على جيش تاريخه معروف

ذكرتلك التغيير . مع أنك ماذكرتلي غير كلام بدون دليل . واخر جملة بتدل أنك عم تحكي على أفتراضات مسبقة . منها مجازر الارمن

ما رح علق ... بس مو انا اللي افكر بهذه الطريقة و اغلب الاعضاء يعرفوا

بس أنت أثبتت هالحكي أكتر بهاد الرد

اي منتظرين ... لانو ما شاركوا لا يوم 48 و لا يوم 67 و لا يوم 73 و لا يوم 2000

أي خلص . وأنا مارح أحكي لنرجع نفتح جبهة الجولان . :lol:

اي شوف ... مبن قلك لا تشوف ..
أحلى شي أنو لما أجتاح حزب الله بيروت وهاجمت . يلي شفتو أنا خطأ . أتهموني أني طائفي سعودي
والسعوديين هلأ بقصة غزة عملوني فارسي شيعي
وهلأ طلعت من ضمن القطيع :lol: . غريب أنك قاعد بمنتدى وبموضوع كلهم قطيع

تحية

هلا أبو سارة :D

suryoyo

05/02/2009, 12:44

حبيت بس اقتبس هيداالمقطع ..
يعني لازم اكيد تكون على اطلاع بالخلاف الحاصل ما بين الحكومة التركية الحالية والجيش التركي وخاصة تصريحات الضباط بعد الموقف الاخير بمؤتمر دافوس ....
انت كتير وسعت الموضوع .. يعني لا خلاف عن تاريخ تركيا القمعي ويلي بيقابلو تماما قمع كتير دول عربية لمعارضيها من العراق لسورية لمصر للاردن وهلم جرا وتجرارا .. بس الحكي عن موقف واحد تم بظروف الحرب على غرة .. والكلام يلي انحكى كان اشادة بموقف الحكومةالتركية وقتها
بس انت كتير اخدت ابعاد واسعة للموضوع ..

مو قصة توسيع الموضوع ....
بس القصة انو كل ما نحكي كلمة تنخذ الامور لمكان ثاني

انا مع تصرفه الاخير في مؤتمر دافوس و هذا شيئ جيد ... بس كمان ما لازم ياخذ ابعاد ثانية و كبيرة جدا

التعبير عن الاستياء شي و العمل شي تاني

خلينا نكون صريحين

نفس الشخص في نفس الوقت تحديدا اخذ حجة و دخل للعراق و قصف الناس و القرى ...

شلون نثق فيه انو متأثر على اطفال غزة ...
و هي مو حساسية ... هي تفكير بالموضوع من باب تفكير جدي قدر الامكان ...

يا ترى لما قرر شافيز يطرد السفير الاسرائيلي ما كان كمان خرج نكتب عن سلبيات حكومتو ؟؟؟ ما حد اتطرق للموضوع .. فقط كان تعليق على موقف حكومة غير عربية من قضية عربية .. بتوقع هون كان المقصد .... بس انت شوي اخدت الموضع بحساسية زايدة

اول شي شافيز ... طرد السفير و قطع العلاقات ... و ايضا موقف بوليفيا اللي عملت نفس الشي اقتدت فيه

شافيز من اول ما استلم الحكم قرر يمشي على محور اميركا اللاتينية لا على محور الاميركان ...

شافيز على حد ما تقدمه الفضائيات العربية عن الوضع هناك ... ما بعث جيش على كولومبيا او بيرو ... او على الاقل ما حاول يأثر على قرار الدول العربية !!!

على العموم لو نفترض حضرتك من بيرو
و شافيز بعث جيش على بيرو بوقت الهجوم على غزة ... كنتي رح تعجبي فيه لو كنتي رح تقولي عليه كذاب

و هي مو من باب قومي ... و انما من باب تصرف الشخص كوحدة متكاملة .. لا عن موقف بسيط مقابل المواقف الاخرى

ع فكرة انا ضد كل اسلوب حكم ديني سواء اسلامي او غيرو ..
بس ما عم بشتغل حاليا لا الاحزاب يلي توجهاتها دينية .. من حزب الله لحماس لحزب العدالة والتنمية التركي ........... بس يحي طرف تاني سواءمن اليسار او مناليمين تكون افكارو وطروحاتو خادمة لقضية عربية بتهمنا ما بتوقع وقتها رح نبخل عليها ........ تماما متل ما خصل مع تصرف شافيز والحكومة الفنزويلية

رح قلك شي ... انا مو ضد اردوغان لانه اسلامي ... انا ضدو لانو تركي

ضدو لان ما غير اي شي من تصرفات تركيا على الصعيد الاقليمي و الداخلي ... مجرد انو يحكي اكثر مما يفعل

suryoyo

05/02/2009, 13:09

لضيق الوقت رح رد بشي بسيط ... و الرد الكامل جاي ...

. قصة الكراد مردود عليها والحجة ضعيفة و عدا عن أنو أكيد أخر همك الأكراد

اول شي ... القضية من التلاثينات او اقدم بكثير ..

ثاني شي ... انا من علقت على قضية قتل الاكراد و اوجلان تحديدا ... مو من باب اني مع تحررهم و تكوين دولة ..
انما من باب انساني ...

اوجلان معتقل (بحسب الاكراد أسير) ... و هي ما تحتاج دليل ... !!

و وجود اوجلان و غيرو بالسجون معروفة و سلب حرية شخص و منعه من التعبير .. حجة قوية و ما يحقلنا تبرير هذا العمل اساسا او التغاضي عنه بأي شكل من الاشكال

التعذيب بالسجون معروف ... بكل المنطقة ... و من يسمح النظام الشمولي في تركيا للصليب الاحمر او اي منظمة اخرى بالوصول "بحرية" الى هذه المناطق و الى السجون ... نتناقش على الدلائل

أردوغان أول رئيس وزراء تركي بيزو المناطق الجنوبية التركية . وبيتواصل مع أهلها . وسمح للأكراد بتوسيع أحزابهم . وسمحلهم لأول مرة يلقو القسم تحت قبةالبرلمان باللغة الكردية . وأفتتحو أول محطة تلفزيونية باللغة الكردية

ذكرتني بمثل دائما يقال ... ما نريد شي من الله بس الستر !

كتر خيرو .. فتح قناة كردية !

و أكيد مسموح لهذه القناة تحكي عن اوجلان و رح تحكي طموحات الشعب اللي يحب الحكومة و الجيش !
مرحبا عليك .. تركيا بالشرق الاوسط !

لو كنت كردي في تركيا ... كنت تثق بالاحزاب الكردية الموالية للحكومة التركية لو كنت تقول مجرد ناس اكراد يحبوا الحكومة ؟؟؟

كل هاد أكيد مابيتشبه باسرائيل يلي ضمن التهدئة تعمل غارات وتقتل فلسطينيين . وسكرت المعابر . ومنعت عنهم الطعام والدواء والنفط . تخيل الأتراك عملو هيك مع الأكراد

قتل شخص هو جريمة ... و قتل 100 ايضا جريمة و لكن منظمة

و بالحالتين ... القتل هو قتل

و القمع هو قمع ... لكن "العافية درجات"

غريب تسمية رأي عام واضح من شخص المفروض أنو مثقف متلك بأنو قطيع .

انا مو مثقف ... انما احاول اقرا كل الابعاد

اذا تلاحظ الاعلامن العربي ... كل فترة له قضية و له نفس الاخبار ... و لو كانت دارفور في دولة تشاد لكان يوميا نسمع تصريحات القوى في دارفور و ادانة للنظام التشادي المجرم...

بس لان المكان بالسودان ... ما هتف الاعلام العربي لحرية اهالي دارفور و قضيتهم المشروعة بالانفصال و التحرر !

هي تحتاج موضوع خاص و موسع ... بس بيت اعطي مثال بسيط

العالم العربي هتف لعبد الناصر بيوم من الايام ... و بعد فترة طلع ما كان يحبوا !!

وقت اللي كان الاتجاه العربي يساري ... كانت الاخبار اليسارية و وقت كان الراي العام العربي يميني .. صارت الاخبار يمينية و تميل للدين !

و هي على مستوى الجهات كافة

Nihal Atsiz

10/02/2009, 17:14

لضيق الوقت رح رد بشي بسيط ... و الرد الكامل جاي ...

اول شي ... القضية من التلاثينات او اقدم بكثير ..

ثاني شي ... انا من علقت على قضية قتل الاكراد و اوجلان تحديدا ... مو من باب اني مع تحررهم و تكوين دولة ..
انما من باب انساني ...

اوجلان معتقل (بحسب الاكراد أسير) ... و هي ما تحتاج دليل ... !!

و وجود اوجلان و غيرو بالسجون معروفة و سلب حرية شخص و منعه من التعبير .. حجة قوية و ما يحقلنا تبرير هذا العمل اساسا او التغاضي عنه بأي شكل من الاشكال

التعذيب بالسجون معروف ... بكل المنطقة ... و من يسمح النظام الشمولي في تركيا للصليب الاحمر او اي منظمة اخرى بالوصول "بحرية" الى هذه المناطق و الى السجون ... نتناقش على الدلائل

أوجلان يا حبيب مو أسير, أوجلان هو مجرم ارهابي كبير وأنا مارح أحكي عن الأتراك اللي قتلهن, اذا بدك بنحكي عن الأكراد اللي كانوا بحزب أوجلان و تمت تصفيتهن بعد انسحابهن من الحزب لأسباب مختلفة, اذا بدك بحكيلك الارهاب اللي عم يمارسوا حزب العمال على القرى الكردية التي ترفض دفع تبرعات مالية للحزب وطبعا هادا مو كلامي بل كلام كتاب و مثقفين أكراد.

ذكرتني بمثل دائما يقال ... ما نريد شي من الله بس الستر !

كتر خيرو .. فتح قناة كردية !

و أكيد مسموح لهذه القناة تحكي عن اوجلان و رح تحكي طموحات الشعب اللي يحب الحكومة و الجيش !
مرحبا عليك .. تركيا بالشرق الاوسط !

لو كنت كردي في تركيا ... كنت تثق بالاحزاب الكردية الموالية للحكومة التركية لو كنت تقول مجرد ناس اكراد يحبوا الحكومة ؟؟؟

هلئ فتح قناة حكومية ناطقة باللغة الكردية مو عاجبك, اي أنا لو يفتحلي بشار الاسد قناة ناطقة باللغة التركمانية بفدي بالروح و بالدم, وبالنسبة لشغلة انو الاحزاب الكردية موالية للحكومة التركية بحب جاوبك انو الحكومة التركية ليست شيء ثابت يعني اليوم akp بكرة يمكن ييجي chp او mhp او اليسار الديمقراطي لأنو الانتخابات في تركيا نزيهة وشفافة باعتراف المراقبين الدوليين, وشغلة تانية ليش مين قلك انو الاحزاب الكردية بالبرلمان التركي موالية لأردوغان او للجيش التركي, يا صاحبي روح اسمع تصريحات السيد أحمد تورك رئيس حزب المجتمع الديمقراطي الكردي الذي يملك 21 مقعد بالبرلمان التركي, يعني مثلا هو بسمى قتلى حزب العمال الكردستاني الارهابي بالاستشهاديين و الشرفاء!!!! هي لحالها بتكفي لإثبات انو هالحزب مو عميل لا للجيش و لا للحكومة التركية.

قتل شخص هو جريمة ... و قتل 100 ايضا جريمة و لكن منظمة

و بالحالتين ... القتل هو قتل

و القمع هو قمع ... لكن "العافية درجات"

ممكن اذا بتريد تعطيني حصيلة قتلى الاكراد العراقيين نتيجة الغارات التركية على شمال العراق من مصدر موثوق.

الأكراد في تركيا:
لديهم قناة تلفزيونية فضائية و قناتان محليتان ناطقة باللغة الكردية
لديهم حزب كردي ممثل بالبرلمان ب 21 نائب عدا عن النواب الاكراد في حزب اردوغان
يسمح في مناطقهم افتتاح دورات لتعليم اللغة الكردية

أي أنا كتركماني سوري لو مسموحلي شغلة وحدة فقط من هدول, بحط بشار الاسد على راسي من فوق
وشغلة تانية هي أنو متل ما تعرف انو بشار الاسد هو رئيس نظام حزب البعث القومي العربي الذي يضطهد ولا يعترف بالأقليات الغير العربية في سوريا و لكنني مع ذلك انا لا أكره العرب و لست ضد بشار الأسد لأنه عربي
متل مو انت ضد أردوغان لأنو تركي ( هذه قمة العنصرية من قبلك )

من جهة أخرى بدي قول للأخوة العرب انو لا يتأثروا بشكل عاطفي كبير باللي عملوا اردوغان في دافوس, الفكرة انو الانتخابات البلدية التركية قربت و الشعب التركي كان معصب من حزب اردوغان لأنو ما قدر يحقق اي شي من شعاراتو الانتخابية متل مثلا انو وعد بحل مشكلة الحجاب وما انحلت
مشان هيك عمل اردوغان هالحركة مشان يعوض هالشي و يرجع الاتراك ينتخبوا حزبو و يضل ماسك السلطة.

suryoyo

11/02/2009, 17:24

أوجلان يا حبيب مو أسير, أوجلان هو مجرم ارهابي كبير وأنا مارح أحكي عن الأتراك اللي قتلهن, اذا بدك بنحكي عن الأكراد اللي كانوا بحزب أوجلان و تمت تصفيتهن بعد انسحابهن من الحزب لأسباب مختلفة, اذا بدك بحكيلك الارهاب اللي عم يمارسوا حزب العمال على القرى الكردية التي ترفض دفع تبرعات مالية للحزب وطبعا هادا مو كلامي بل كلام كتاب و مثقفين أكراد..

هي اسمها الحلقة المفرغة ... ممكن هو او حزبو يكون قتل الكثيرين ..

بس الجيش او الدولة اكيد لهم عمليات عسكرية مكثفة و اكيد ادت الى قتل المدنيين
و خصوصا بمنطقة مثل جنوب تركيا و بوجود الجيش التركي تحديدا ..

وبالنسبة لشغلة انو الاحزاب الكردية موالية للحكومة التركية بحب جاوبك انو الحكومة التركية ليست شيء ثابت يعني اليوم akp بكرة يمكن ييجي chp او mhp او اليسار الديمقراطي لأنو الانتخابات في تركيا نزيهة وشفافة باعتراف المراقبين الدوليين, وشغلة تانية ليش مين قلك انو الاحزاب الكردية بالبرلمان التركي موالية لأردوغان او للجيش التركي, يا صاحبي روح اسمع تصريحات السيد أحمد تورك رئيس حزب المجتمع الديمقراطي الكردي الذي يملك 21 مقعد بالبرلمان التركي, يعني مثلا هو بسمى قتلى حزب العمال الكردستاني الارهابي بالاستشهاديين و الشرفاء!!!! هي لحالها بتكفي لإثبات انو هالحزب مو عميل لا للجيش و لا للحكومة التركية.

اي بس هناك نظام يقود الدولة مهما كان الحزب الحاكم ...

اما شغلة الشفافية و الديمقراطية .... في وضع حرج مثل وضع جنوب تركيا .. صعب تتحقق بشكل مثالي ...

خصوصا ان هناك افراد ملاحقين و حركات محظور الانتماء اليها ... و هناك مشكلة اعتراف بالاقليات ... الى الان في تركيا ... الاكراد بالنسبة للدولة هم اتراك جبليين ...

انا عن نفسي .. ما اريد ادخل كثير بالوضع هناك .. لكن حتما هذه المشكلة لن تحل بيوم او يومين ... ما دام عناك طبقتين من الشعب ... و اي شخص يزور ديار بكر او اورفا رح يشوف فرق كبير عن مناطق الشمال ...

ممكن اذا بتريد تعطيني حصيلة قتلى الاكراد العراقيين نتيجة الغارات التركية على شمال العراق من مصدر موثوق.

هذه قصة مختلفة ... حسب القوانين الدولية ممنوع جيش دولة يدخل اراضي دولة مجاورة ...

حسب المصادر التركية .. انو تم قتل عدد كبير من حزب العمال في العمليات التي تمت على الاراضي العراقية ...

و هذا اعتداء على سيادة العراق اولا ... و محاكمة القتلة وفق القوانين العراقية ... لان القتل و العمليات العسكرية حدثت في العراق ..

و لو هذه العمليات ادت الى قتل عراقي واحد ... او 10 .... هي جريمة كبرى .. تضاف الى سلاسل جرائم الجيش التركي المشهور بالقسوة

الأكراد في تركيا:
لديهم قناة تلفزيونية فضائية و قناتان محليتان ناطقة باللغة الكردية
لديهم حزب كردي ممثل بالبرلمان ب 21 نائب عدا عن النواب الاكراد في حزب اردوغان
يسمح في مناطقهم افتتاح دورات لتعليم اللغة الكردية

هذا الشي حدث بعد سنوات طويلة من المعارك و من السياسة .... حصلوا على قناوات تلفزيونية ...

اما بالنسبة لعدد النواب .. فهذا قد يكون متناسب مع عددهم (على ما اعرف هم بالملايين) ...

اما دورات اللغة الكردية .. فعلا تعجبت من هذا الخبر .. على انه من منجزات حكومة الثورة الاتاتوركية :lol::lol:

اي مجموعة عرقية (حتى لو كانت قرية واحدة) في أي بلد في العالم .. تدرس لغتها ضمن المدارس الرسمية في مناطقها ...

لكن من تتكلم عن تدريس اللغة الكردية في مدارس انقرة للاكراد الساكنين هناك .... هذا يعتبر انجاز حقيقي:D

و على هذا الكلام ... الاكراد في العراق ضمن قانون الحكم الذاتي 1977 ... كانوا محصلين اضعاف ما تتحدث به من منجزات من ما حصلوه اكراد تركيا ...

الجيش التركي معروف عنه قتل المتسللين الى تركيا ... بينما في بلدان الشفافية مثل اوربا يتعاملوا مع اللاجئين بطريقة متحضرة على الاقل !

أي أنا كتركماني سوري لو مسموحلي شغلة وحدة فقط من هدول, بحط بشار الاسد على راسي من فوق

الحلة كثير مختلفة
ما تنسى انو هناك اقليم كبير يعيش فيه الاكراد في تركيا ...

متل مو انت ضد أردوغان لأنو تركي ( هذه قمة العنصرية من قبلك )

اي انا عنصري !

تعرف جيدا ... انو تصرفات العثمانيين و من بعدهم اتاتورك كانت قمة العنصرية ... الاول اضطهد الناس دينيا و طائفيا .. و الثاني اضطهد الناس عرقيا ...

و الحكومة التركية الى اليوم ... لها سياسات عدائية ضد الاخرين ... و تفتخر بقياديها العنصريين

ابسط مثال ... نهر دجلة
... نهر دجلة في هذه الايام في فصل الشتاء منسوبه اوطى مما تتخيل بحيث ينمو القصب في وسط النهر ...

و هذا كله بسبب بناء السدود المستمر من قبل الحكومة التركية ( و طبعا ترمي القانون الدولي عرض الحائط لان العراق دولة المصب) ... و اذا استمروا الاتراك وفق سياسة القوة و الجبر الممارسة من زمن بعيد ... ما رح يبقى دجلة نهر كبير مثل ما معروف بالعالم

و انا ضد اردوغان لانه رئيس حكومة تركيا ,,,

لان هذه السياسة و العنجهية و فرض القوة و سياسة الجبر من قبل الجيش التركي .. ما رح تتغير بيوم و ليلة ...

اتمنى تكون وجهة نظري قد وصلت ...

من جهة أخرى بدي قول للأخوة العرب انو لا يتأثروا بشكل عاطفي كبير باللي عملوا اردوغان في دافوس, الفكرة انو الانتخابات البلدية التركية قربت و الشعب التركي كان معصب من حزب اردوغان لأنو ما قدر يحقق اي شي من شعاراتو الانتخابية متل مثلا انو وعد بحل مشكلة الحجاب وما انحلت
مشان هيك عمل اردوغان هالحركة مشان يعوض هالشي و يرجع الاتراك ينتخبوا حزبو و يضل ماسك السلطة

أكيد

abdloahd

11/02/2009, 18:53

الف تحيه لرجال الساعه اردوغان وتشافيز

sos1

11/02/2009, 21:46

بحياة عمرنا مارح نصير متل الخلق والعالم
هلا بالنسبة للموقف التركي وموقف أردوغان بالذات نحنا منحترم هالموقف ومنشكرو على هالموقف , بس الفكرة الأساسية لأنو تركيا الها مشروعها بالمنطقة وهالخطوة بتخدم مصالحها بالدرجة الأولى فحاج نطبل ونزمر للعالم , وبدل هالشي خلينا ندور على سبيل نصلح أوضاعنا

Nihal Atsiz

12/02/2009, 20:19

يا شريك يعني هلئ مثلا دولة متل روسيا معروف أنها ارتكبت أبشع المجازر بحق الأقليات التي كانت تعيش في الاتحاد السوفياتي وحتى بعد انهياره مثلا في حروب شمال القفقاس أدخل الى المواقع الشركسية و أقرأ عن مأساة تهجير الشركس من قبل الروس و عن الشيشان التي تم قتل ما يقارب
150000 شيشاني على يد الجيش الروسي,ولنفرض بعدين أنو اجت روسيا واتخذت موقفا ايجابيا مع دولة متل سوريا ضد اسرائيل, شو رأيك تطلع الحكومة السورية او الشعب السورية و يقول لروسيا اخرسي ونحن ما بدنا مساعدتك لأنو الجيش تبعك مجرم و يتبع سياسة العنجهية و القسوة ومابعرف شو, فهل هذه سياسة يا صاحبي؟؟

[/color]

هي اسمها الحلقة المفرغة ... ممكن هو او حزبو يكون قتل الكثيرين ..

قتلوا.. إذا هن مجرمين و يجب ان ينال المجرم جزاءه

بس الجيش او الدولة اكيد لهم عمليات عسكرية مكثفة و اكيد ادت الى قتل المدنيين
و خصوصا بمنطقة مثل جنوب تركيا و بوجود الجيش التركي تحديدا ..

حزب أوجلان حمل السلاح و تمرد على الدولة وكانت النتيجة حربا حقيقية بين الجيش التركي و الحزب و من الطبيعي ان يكون هناك قتلى مدنيين ( هذه هي الحرب ) وهؤلاء خسارة للدولة التركية و طبعا يتم أعالة جميع العائلات التي تفقد احد اقاربها الى الأبد سواء كان من القومية الكردية او التركية

اي بس هناك نظام يقود الدولة مهما كان الحزب الحاكم ...

اما شغلة الشفافية و الديمقراطية .... في وضع حرج مثل وضع جنوب تركيا .. صعب تتحقق بشكل مثالي ...
لم أسمع أي أحد قال انو صار تزوير في أي مدينة تركية حتى في جنوب شرق تركيا , عطيني تصريح لأاي منظمة راقبت الانتخابات و قالت بحدوث تزوير مهم

خصوصا ان هناك افراد ملاحقين و حركات محظور الانتماء اليها ...
الحركات المحظور الانتماء اليها هي الحركات الارهابية الاجرامية فقط متل حزب العمال الكردستاني و حزب الله الاسلامي الذي يريد ارجاع الخلافة, تخيل عندكو بالعراق يكون تنظيم القاعدة حزب عراقي معترف به و يمارس نشاطه و اعماله بشكل طبيعي

و هناك مشكلة اعتراف بالاقليات ... الى الان في تركيا ... الاكراد بالنسبة للدولة هم اتراك جبليين ...

اسمحلي قلك مو صحيح هادا الكلام لأنو هادا كان زمان, أما هلئ الأكراد هن أكراد و الكل بقول هالشي حتى أردوغان رئيس وزراء تركيا يقول أكراد ولم يقل في حياته كلمة أتراك الجبل

انا عن نفسي .. ما اريد ادخل كثير بالوضع هناك .. لكن حتما هذه المشكلة لن تحل بيوم او يومين ... ما دام عناك طبقتين من الشعب ... و اي شخص يزور ديار بكر او اورفا رح يشوف فرق كبير عن مناطق الشمال ...
والسبب بهادا الشي هو حزب العمال الارهابي اللي بفضله تحولت منطقة جنوب شرق تركيا الى ساحة حرب ولولا هالارهابيين كان الوضع هلئ أكيد غير

هذه قصة مختلفة ... حسب القوانين الدولية ممنوع جيش دولة يدخل اراضي دولة مجاورة ...

حسب المصادر التركية .. انو تم قتل عدد كبير من حزب العمال في العمليات التي تمت على الاراضي العراقية ...

و هذا اعتداء على سيادة العراق اولا ... و محاكمة القتلة وفق القوانين العراقية ... لان القتل و العمليات العسكرية حدثت في العراق ..

و لو هذه العمليات ادت الى قتل عراقي واحد ... او 10 .... هي جريمة كبرى .. تضاف الى سلاسل جرائم الجيش التركي المشهور بالقسوة

أولا أنا سألت عن العراقيين المدنيين اللي انقتلوا بالغارات التركية على شمال العراق ضد حزب العمال الكردي لحتى شوف مدى صحة مقارنتك تركيا باسرائيل اثناء حربها على حماس في غزة
تانيا اذا كان العراق بالفعل ذو سيادة ليش ما يشرف و يطرد هالميليشيا المسلحة من أراضيه, طالما أن ارهابيي حزب العمال موجودين في العراق فإن العراق يصدر الإرهاب الى تركيا و من حق الدولة التركية ان تدافع عن نفسها و تطاردهم داخل الاراضي العراقية

هذا الشي حدث بعد سنوات طويلة من المعارك و من السياسة .... حصلوا على قناوات تلفزيونية ...
المهم صار هالشي و هذا تطور كبير في الديمقراطية التركية ليش عم تنكروا و تتجاهلوا انت

اما بالنسبة لعدد النواب .. فهذا قد يكون متناسب مع عددهم (على ما اعرف هم بالملايين) ...

شو ذنب الدولة التركية اذا 51% من أكرادها انتخبوا حزب اردوغان اللي يوجد الآن في حزبه نواب أكراد كثيرون, يعني ضروري 100% من الأكراد لازم ينتخبوا حزب المجتمع الديمقراطي الكردي؟؟ هيك مفهوم الديمقراطية برأيك؟؟

اما دورات اللغة الكردية .. فعلا تعجبت من هذا الخبر .. على انه من منجزات حكومة الثورة الاتاتوركية :lol::lol:

اي مجموعة عرقية (حتى لو كانت قرية واحدة) في أي بلد في العالم .. تدرس لغتها ضمن المدارس الرسمية في مناطقها ...
لكن من تتكلم عن تدريس اللغة الكردية في مدارس انقرة للاكراد الساكنين هناك .... هذا يعتبر انجاز حقيقي:D

أي ممكن يصير هالشي مستقبلا إلا بدك كل شي دفعة وحدة:D

و على هذا الكلام ... الاكراد في العراق ضمن قانون الحكم الذاتي 1977 ... كانوا محصلين اضعاف ما تتحدث به من منجزات من ما حصلوه اكراد تركيا ...
ومع هيك استمروا بحمل السلاح ضد الدولة العراقية:lol: , ولكن بالنسبة لدولة تركيا تأكد أنه لا توجد قوة في العالم تستطيع النيل من وحدة الأراضي التركية

اي انا عنصري !

تعرف جيدا ... انو تصرفات العثمانيين و من بعدهم اتاتورك كانت قمة العنصرية ... الاول اضطهد الناس دينيا و طائفيا .. و الثاني اضطهد الناس عرقيا ...

و الحكومة التركية الى اليوم ... لها سياسات عدائية ضد الاخرين ... و تفتخر بقياديها العنصريين

ابسط مثال ... نهر دجلة
... نهر دجلة في هذه الايام في فصل الشتاء منسوبه اوطى مما تتخيل بحيث ينمو القصب في وسط النهر ...

و هذا كله بسبب بناء السدود المستمر من قبل الحكومة التركية ( و طبعا ترمي القانون الدولي عرض الحائط لان العراق دولة المصب) ... و اذا استمروا الاتراك وفق سياسة القوة و الجبر الممارسة من زمن بعيد ... ما رح يبقى دجلة نهر كبير مثل ما معروف بالعالم

أنت عنصري... أوكي هادا فكرك أما القائد العظيم الباشبوغ مصطفى كمال اتاتورك فليس عنصريا بل هو قائد عصري وطني بكل معنى الكلمة و هو محترم في شتى بقاع العالم و يتم تدريس نهجه في دول عديدة متل الصين و الهند و روسيا و جمهوريات اسيا الوسطى و اذربيجان
وليس هناك اي قياديين عنصريين تفتخر بهم الحكومة التركية إنما أشخاص وطنيون يريدون مصلحة تركيا بكل قومياتها.
والمشاكل بين الدول يتم حلها بالمفاوضات و الحوار وليس بالعواطف و العنصرية المقيتة تجاه دولة او شخص لمجرد انه ينتمي الى قومية معينة.