د. أديب طالب



حبر على ورق:
ورد في التقرير السياسي للمؤتمر العاشر لحزب البعث تحت بند المعارضة السورية أن هذه استغلت ما يلي:
1- ضعف الحضور الحزبي و الجبهوي

2- مظاهر التقصير و الفساد في الدولة
3- سلبيات الأداء الحكومي
4- عدم و جود تعددية سياسية حقيقية
أما الفقرة التاسعة من التوصيات فهي:
1- تعزيز مبدأ سيادة القانون و تطبيقه على الجميع
2- اعتبار المواطنة هي الأساس في علاقة المواطن بالمجتمع
بعد ثلاث و أربعين عاما ً من حكمهم لسورية, اكتشف البعثيون أن حضورهم الحزبي ضعيف, و أن دولتهم مقصرة و فاسدة و غارقة في السلبيات و أهم من ذلك كله أنها عدوة حقيقية للتعددية السياسية.
لقد نسي البعثيون أن دستورهم و الذي نص على أن حزبهم هو القائد للدولة و المجتمع؛ كان وراء تلك النواقص التي اعترفوا بها في تقريرهم السياسي و التي تحولت إلى مصائب و نوائب نَعُمَ بنتائجها الباهرة الشعب السوري المسكين عبر جيلين.
بعد ثلاث و أربعين عاما ً تأكدت لهم ضرورة سيادة القانون و تطبيقه على الجميع و أن المواطنة هي الأساس في علاقة المواطن بالمجتمع و الدولة... لقد أعاد البعثيون السوريون اكتشاف الحرية و الديمقراطية بعد أربعمئة عام من اكتشافها من قبل الأجنبي !!! بعد كم سنة سيهنأ السوريون باكتشاف بعثييهم للحرية؟ ......... الله بهذا أعلم و ما أخافه و خوفي حق أن المسألة كلها حبر على ورق.
المواطنون السوريون اللابعثيون:
في مقابلة للبعثي الحاج علي و العضو في لجنة تطوير البعث قال المذيع " إن عدد البعثيين السوريين مليونان", قاطعه الحاج علي: "إنهم مع عائلاتهم عشرة ملايين" و أضيف من عندي أهم مع أصدقائهم خمسة عشر مليونا ً ............... أين ذهب الشعب السوري؟ هل تبخرت أمة بكاملها؟
بعد سقوط الدولة السوفييتية, أجريت انتخابات شرعية و نزيهة حصل فيها الحزب الشيوعي على 13% فقط من الأصوات. هذا هو الحجم الحقيقي لأعظم حزب شمولي في تاريخ البشرية 13% فقط من شعبه. و لا ننسى أن ما قدمه هذا الحزب للمجتمع السوفييتي من خدمات و بنىً اقتصادية ٍ و ثقافية و أمن غذائي و سكني يفوق الوصف و مع هذا فما زاد عن 13% و السبب الرئيسي أنه حرم الشعب الروسي و عشرات الشعوب المجاورة ثلاث حريات: حرية التعبير, و حرية التنظيم, و حرية العقيدة.
إذا عدنا للمواطنين السوريين البعثيين فمؤكد أنهم لن يحصلوا في ظل خيمة الحرية على أكثر من 6% إذا ً المواطنون اللابعثيون السوريون 94% !! و السؤال المهم لماذا رفضتم دعوة المعارضة السورية إلى مؤتمر إنقاذ وطني تتشرفون بالتحضير له لدفع الخطر الداهم بالوطن؟ أين المصداقية في دعوتكم للتعددية السياسية؟ أين المصداقية في دعوتكم لسيادة القانون؟ أين المصداقية في اكتشافكم العبقري أن المواطنة هي الأساس في علاقة المواطن بالمجتمع و الدولة و ليس الأساس الانتماء البعثي؟
المعارضة السورية محدودة التأثير هذا صحيح و خطابها تقليدي هذا صحيح أما أنتم فلقد شملتم المجتمع السوري بتأثيركم لقد حكمتم الإنسان السوري من لحظة الولادة حتى لحظة الوفاة بطلائعكم و شبيبتكم... و بجملة واحدة بقبضتكم الأمنية ليس بالتعددية و ليس بالحرية و ليس بالمواطنة الحقة و إنما بالحديد و النار بالقمع و الإرهاب بالخوف, بإشاعة الفساد و الإفساد, بإنتاج السلبيات و سوء الإدارة. حكمتم الشعب السوري رغم إرادته و حذاؤكم على رقبته ثلاث و أربعون عاما ً و ما تزالون فكيف تريدون للمعارضة السورية أن تكون أكثو من محدودة, سجونكم تشهد عليكم و مساجيننا تشهد لنا باسم الحرية و مع هذا نقول لكم نحن السوريون اللابعثيون: وافقوا على مؤتمر و طني لا يستثني أحدا ً و تشرفوا في المشاركة بالتحضير له... ساعة الخطر قادمة فأين تذهبون؟, تقولون لا ! , و تستقوون !.......... لا أعرف بماذا دُلّونِي على من يعرف.
المعارضة السورية بلا برنامج:
تقولون أن لا برنامج واضح لدى المعارضة السورية أقول لكم باسم المواطنين السوريين اللابعثيين باسم أكثرية الشعب السوري برنامجنا ثلاث نقاط:
1- ألغوا قانون الطوارئ
2- أفرجوا عن المعتقلين السياسيين
3- اعقدوا مؤتمرا ً وطنيا ً لكل الشعب على قدم المساواة و على أرض الوطن لا على أرض باريس
هل تريدون وضوحا ً أكثر من هذا؟ هل تريدون وحدة وطنية أكثر من هذه؟ بقي لي طلب و حيد أرجوا أن تستجيبوا له. قلتم أن المعارضة السورية ظلت بعيدة عن التعبير عن إشكالية المجتمع السوري بكافة أشكاله. لم أفهم شيئا ً من هذا الكلام فسروا و أفصحوا أصلحنا الله و إياكم و طورنا و حدثكم و أفهمنا و أفهمكم إشكالية المجتمع السوري. قد تقولون و من أعطاك الحق لتتحدث باسم الشعب السوري؟ أترك جان ستيوارت ميل صاحب – رسالة في الحرية – يرد عليكم يقول " لو كانت الإنسانية كلها مجمعة على رأي ما عدا فرد واحد فلا يحق لها أن تسكت ذلك الفرد المخالف لرأيها كما لا يحق لذلك الفرد لو استطاع أن يسكت الإنسانية المعارضة لرأيه " ** أنا واحد من 94% من الشعب السوري من المواطنين السوريين اللابعثيين و إن لم تصدقوا هذا الرقم أجروا انتخابات حرة ديمقراطية نزيهة فسترون أن الرقم حقٌ و حقٌ كالشمس, و إن لم يكن حقا ً فابقوا على دستوركم و شموليتكم و قوتكم و فوقها شرعية صناديق الاقتراع.
الاستقواء بالأجنبي:
تحدثتم عن الاستقواء بالأجنبي حسنا ً هل نسيتم أنكم تستقوون بالظروف الدولية منذ ثلاث و أربعين عاما ً؟ ألم تقل رايس أنها دعمت الاستقرار- الدكتاتوري – في منطقتنا مدة ستين عاما ً؟. الاستقواء بعوامل القوة و الرهبة و الاستئثار بالسلطة و الثروة مشروعة أو لا مشروعة و ترك المواطنين رهائن لقمة العيش في ظل كرامة مهدورة و مَحْق ٍ سياسي و مسح لصورة الوطن من المخيلة و شبكية العين ليس أقل خطرا ً إن لم يكن أكثر خطرا ً من الاستقواء بالأجنبي. إنه المدخل الطبيعي للأجنبي و المبرر السهل لمشروعيته الدولية. و لنعد لمخيالنا الشعبي و مفرداته... الهم اضرب الظالمين بالظالمين و اجعلنا من الغالبين و نحن قاعدين... إن صدام الخارج من جحر العنكبوت و المنتظر لحكم الإعدام أكبر دليل على صحة ما نقول.
شيراك و الضوء البرتقالي:
إن سنابل نبع الخير و رمز الخبز تميل مع الرياح العاتية أما و الوتد القاسي فيا ويله إن اقتلعته الريح و عندها لن يصلح حتى لربط البهائم و الاعتداد بقسوة الوتد ليس أكثر من وهم في علم السياسية و في فن ما هو ممكن و على ضوء ميزان القوى الراهن.
خوفي الأكبر أن تُطْبِق الآية الكريمة علينا جميعا ً بعثيين و لابعثيين (( فإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا ً)) الإسراء آية:16. إن الفسوق هنا لا يعني الفاحشة و الزنى و انتهاك المحارم إنه الفساد و الظلم و انتفاء العدل و من يريد التأكد فليرجع إلى لسان العرب.
قد يقال أنه التشاؤم المطلق و كيف لا يكون و قد تحول الوطن إلى وطن للرعب و غرق شعبنا في الخوف حتى النهاية.
لقد أشعل شيراك أخيرا ً الضوء البرتقالي و الويل كل الويل عندما يضاء الأحمر سيقول الشامتون و المشفقون: لقد تأخرتم كثيرا ً و لقد غادر القطار المحطة (It’s too late?!)

*كاتب سوري
**من كتاب مفهوم الحرية لعبد الله العروي صادر عام 1981
------------------------------------------------------------------------------------
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أيها البعثيون السوريون ... كفى!

صعبة كتير :D :D :D :D :P :P :P

أيها البعثيون السوريون ... كفى!

صعبة كتير :D :D :D :D :P :P :Pقول مستحيلة ... مو كل يوم بيسمعوها ...إلى الأبد ...لازم يكونوا حفظوا الدرس .... ولا لازم يضلوا عم يعطوكن دروس قومية حتى بعد ما تخلصوا جامعة

صعبة كتير


قول مستحيلة ... مو كل يوم بيسمعوها ...إلى الأبد ...لازم يكونوا حفظوا الدرس .... ولا لازم يضلوا عم يعطوكن دروس قومية حتى بعد ما تخلصوا جامعة

فشرت إنتا و إياه
و الحكم الاستبدادي الفاشستي رح يسقط كسرا عن رؤوس الطغاة

فشرت إنتا و إياه


مارح رد عليك بنفس أسلوبك السوقي ( مشان ما يحذفلي ردي المشرف )
بس تأكد بأنت رح تموت وتعيش 10 مرات والبعث هو الحزب القائد بسوريا

فشرت إنتا و إياه
و الحكم الاستبدادي الفاشستي رح يسقط كسرا عن رؤوس الطغاة

شو يعني لازم كل يوم نعمل خناقة
:D :D :D :D

بعد ثلاث و أربعين عاما ً من حكمهم لسورية, اكتشف البعثيون أن حضورهم الحزبي ضعيف, و أن دولتهم مقصرة و فاسدة و غارقة في السلبيات و أهم من ذلك كله أنها عدوة حقيقية للتعددية السياسية.

لطالما راودني شعور غريب تجاه مقول .. أن تصل متأخرا" خير من أن لا تصل أبدا" .. والآن عرفت بأنه هذا الشعور الغريب .. هو لوجود شر بين حروف كلمة خير في المقولة ..


بعد ثلاث و أربعين عاما ً تأكدت لهم ضرورة سيادة القانون و تطبيقه على الجميع و أن المواطنة هي الأساس في علاقة المواطن بالمجتمع و الدولة

السؤال المطروح هو .. هل حقيقة أنهم تأكدوا من ذلك .. لننا لا نرى أي بوادر عل هذا التأكد .. أو أن البوادر تظهر بعد جيل آخر للبعث .. لكي يصل متأخر ويكون خير من أن لا يصل ..


لقد أعاد البعثيون السوريون اكتشاف الحرية و الديمقراطية بعد أربعمئة عام من اكتشافها من قبل الأجنبي !!! بعد كم سنة سيهنأ السوريون باكتشاف بعثييهم للحرية؟ ......... الله بهذا أعلم و ما أخافه و خوفي حق أن المسألة كلها حبر على ورق.

حبر على ورق .. ودماء على السوط البعثية ..


في مقابلة للبعثي الحاج علي و العضو في لجنة تطوير البعث قال المذيع " إن عدد البعثيين السوريين مليونان", قاطعه الحاج علي: "إنهم مع عائلاتهم عشرة ملايين" و أضيف من عندي أهم مع أصدقائهم خمسة عشر مليونا ً ............... أين ذهب الشعب السوري؟ هل تبخرت أمة بكاملها؟

أنا أرى بأن العدد الصحيح هو بعثي واحد ولكن لشدة التناقضات بين سياسة البعث ومبادئه العقائدية أدت الى انفصام هذا البعثي الى 15 مليون شخصية .. أو قد يكون فعلا" هناك 15 مليون مواطن سوري يحب البقاء تحت الظل .. والعيش في التناقضات ..


أين المصداقية في اكتشافكم العبقري أن المواطنة هي الأساس في علاقة المواطن بالمجتمع و الدولة و ليس الأساس الانتماء البعثي؟

على ما أظن بأنه تم اكتشاف جنس جديد من الطباق في اللغة العربية .. وهو اختلاف الكلمتين في كل الحروف ولكن المعنى نفسه تماما" ( المواطنة والانتماء البعثي )



قد يقال أنه التشاؤم المطلق و كيف لا يكون و قد تحول الوطن إلى وطن للرعب و غرق شعبنا في الخوف حتى النهاية.
لقد أشعل شيراك أخيرا ً الضوء البرتقالي و الويل كل الويل عندما يضاء الأحمر سيقول الشامتون و المشفقون: لقد تأخرتم كثيرا ً و لقد غادر القطار المحطة (It’s too late?!)

يبدو أن التشاؤم أكثر تفاؤلا" من النظرة الواقعية .. فأنا صراحة أرى بأن القطار قد فات فعلا" .. ولكن ارى بصيص ضوء بحالة تأهب ولكنه بحاجة الى اضاءة شموع الحداد على مرحلة البعث ... ليظهر جليا" ...



مشكور أبو مارل على المقال الرائع ,, :D

بس تأكد بأنت رح تموت وتعيش 10 مرات والبعث هو الحزب القائد بسوريا

نعم لسوريا
لا للحزب القائد

أهلين حسام
وين هالغيبة ماعدنا شفناك :D :D

خيو
هلق أذا بدك ما تسمع لواحد شو بتعمل ؟ بتألو سكوت ؟ على الأغلب لا
بتخلي يحكي و أنت بتعمل حالك عمبتسمع و أنت مو سمعان شي ولا بدك تسمع

هي هي الحرية اللي حضراتكن بتريدوها يعني متل أميركا على أساس
هلق أنت بأميركا بتحكي على الحكومة وعلى الرئيس قدام العالم و الناس و ماحدا بيقلك لا
بالعكس بزقفولك و بشجعوك و حتى الرئيس بينبسط وبيضحك عليك شوي
بس سؤال صغير
أنت وصلت شي لنتيجة من حكيك ؟؟؟؟؟؟؟؟؟؟؟؟؟؟؟
صار شي بعد ما حكيت ؟؟؟؟؟؟؟؟؟؟؟؟؟؟؟؟
وقفو الحرب بالعراق وسحبو الجيش من أفغانستان ؟؟؟؟؟؟؟؟؟؟؟؟؟؟؟؟؟؟

هي بتكون أهانة لألك لأنو خلوك تحكي و طنوش
أو بمعنا تاني ما حلو أكتبو
حملوك شمسية يعني


و بنفس الوقت أميركا بتقول : شوفو سورية شوفو القمع شوفو ....
يعني معقول سورية غبية كل هالأد و أنو بتخلي العالم يحكو عليها و يطالبوها بالحرية .....
ما بيقدرو البعثية يعملو نفس الشي يخلوك تحكي وبعدين خود على نتايج :P اللي بدك يا بيصير :P
أي ما أذا كل واحد بدو يحكي و تنفذ اللي حكا ضعنا وضاعت الطاسة معنا

نحن هون محترمين شعورك كأنسان و فهموك وقالولك لا تحكي لأنو بدك تعذب حالك و مالح توصل لنتيجة
يعني بالنهاية متلنا متل usa بس أنو هون احترمو كرامتك شوي صغيرة زيادة
ما استحمروك يعني

هلق وقت اللي بيصير في حدا يسمعلك وكلمتك مسموعة احكي اللي بدك يا و اقترح وشرع على كيفك
بس طق حنك ما حلوة بيصيرو بيقولو عنا علاكين متل اللبنانية يعني


بعدين صفون شوي ..............
أي والله خمس ملايين فلاح بليلة يصيرو ملاكة ....بدها شي أربعين سنة الواحد ما يحكي
غير أذا كنت من الملاكة الأساسيين و بعتقد أنو هلق الحكي ما عاد يجيب نتيجة
يعني هسسسسسسسسسسسسسسسسسسسسس
:D :D

اول شي بتمنى أنك تحفظ كلامك شوي وتحترم رأي الآخر وما تتطاول عليه بالكلام .. يعني بعض الألفاظ البعثية اللي بين السطور تبعك واللي علموك ياها بمنهاج التثقيف الحزبي خليها لاجتماعاتك البعثية ..



هلق أذا بدك ما تسمع لواحد شو بتعمل ؟ بتألو سكوت ؟ على الأغلب لا
بتخلي يحكي و أنت بتعمل حالك عمبتسمع و أنت مو سمعان شي ولا بدك تسمع

هي هي الحرية اللي حضراتكن بتريدوها يعني متل أميركا على أساس
هلق أنت بأميركا بتحكي على الحكومة وعلى الرئيس قدام العالم و الناس و ماحدا بيقلك لا
بالعكس بزقفولك و بشجعوك و حتى الرئيس بينبسط وبيضحك عليك شوي

بتمنى قبل ما تحكي حكي لزياد الرحباني.. أنك تكون فهمان شو بدو بحكيو .. وما تستخدموا على كيفك .. :wink:


أنت وصلت شي لنتيجة من حكيك ؟؟؟؟؟؟؟؟؟؟؟؟؟؟؟
صار شي بعد ما حكيت ؟؟؟؟؟؟؟؟؟؟؟؟؟؟؟؟

اذا برأيك الحوار والمناقشة بخصوص وضع البلد اللي نحنا كلنا عايشين فيها .. ومستقبلها ملك النا .. ما الو فايدة .. فأكيد الفائدة مرح تكون بالسكوت .. والخنوع .. لأنو النقاش والحوار بيفتح مدارك الحكي .. وبيقرب من أفكار الناس و ممكن يصصح لكلا طرفي النقاش بعض الأخطاء .. ونحنا هون عم نتناقش مو مشان السلطة تسمعنا .. مشان نسمع بعض ونفهم بعض .. وبعدين نسمع السلطة حكينا لما يصير صوتنا واحد .. ونحكي الحكي اللي تم الاتفاق عليه بيناتنا .. واللي بيرضي الطرفين قدر الامكان .. وهالشي ما بيصير بالسكوت ..


وبنفس الوقت أميركا بتقول : شوفو سورية شوفو القمع شوفو ....
يعني معقول سورية غبية كل هالأد و أنو بتخلي العالم يحكو عليها و يطالبوها بالحرية .....

سوريا أبدا" مانها غبية يا عزيزي بس قيادتها مانها حكيمة كما تدعي .. وعدم ردها على هالموضوع مو لأنو غبية بل أنها فعلا لا تطبق الحرية .. وهي بالتالي تلتزم بما يلتزم به المتهم عندما تثبت التهم عليه ويحول للقضاء .. تلتزم بحق الصمت .. الى حين قدوم محامي الشيطان ..
وبالمناسبة بتمنى منك اذا كنت من الأشخاص اللي شو ماسمع أخبار من المصادر اللي بينتمي الها بيحفظوا وبيرددوا بدون ما يبحثوا بعقلوا ويعطي رأيو الشخصي فيه ( يعني حرية الفكر والنقاش) .. بتمنى انك ما تفكر كل الأشخاص متلك .. يمتلكون عقلية سلفية بالسياسة ..


ما بيقدرو البعثية يعملو نفس الشي يخلوك تحكي وبعدين خود على نتايج اللي بدك يا بيصير
أي ما أذا كل واحد بدو يحكي و تنفذ اللي حكا ضعنا وضاعت الطاسة معنا

لا ما بيقدرو لأنون مو مدربين على النقاش .. والتحليل .. والرد على السلبيات اللي ممكن تواجهون فيها .. يعني مدربين على سياسة الحذاء العسكري فقط ..

وهون بحب ذكرك بمقولة لزياد على لسان لينين : أنو الانسان الوحيد الذي لا يخطأ هو اللي ما بيعمل شي .. "


نحن هون محترمين شعورك كأنسان

شكرا" لفخامتكم العظيمة .. فضلتوا على راسي ..


و فهموك وقالولك لا تحكي لأنو بدك تعذب حالك و مالح توصل لنتيجة

فهموك وقالولك معناها باللغة العربية أنو حاكوك .. وناقشوك وقنعوك .. مو ضربوك وعذبوك وسجنوك وسكتوك .. الا اذا البعث حاطط قاموس للغة العربية ... خاص فيه .. متل ماكل سورية خاصة فيه ..


يعني بالنهاية متلنا متل usa بس أنو هون احترمو كرامتك شوي صغيرة زيادة
ما استحمروك يعني

كمان شكرا" لفخامتهون .. بس هنن مو ما استحمروني انما ما قدرو يستحمروني ..لأنو عندي عقل وبعرف سطل المي من سطل العرق .. وبالأساس هنن ما كتير بحاجة لألي .. لأنو بيكفيهن قطيع الحمير اللي عم ينهقلون ..



هلق وقت اللي بيصير في حدا يسمعلك وكلمتك مسموعة احكي اللي بدك يا و اقترح وشرع على كيفك
بس طق حنك ما حلوة بيصيرو بيقولو عنا علاكين متل اللبنانية يعني

يا ريت نكون متل اللبنانية ..
وبالنسبة للعلاك .. فسلطتنا أكبر علاكين .. والدليل على ذلك أنو معظم وأعظم صناعاتنا الوطنية هيي العلكة .. وفي جديد بالأسواق السورية علكة البعث .. من انتاج حافظ الأسد وأولاده وأعوانه ..

بس للأسف من صغري ما بحب العلك .. يعني المحبة من الله .. ووينو الله ..


أي والله خمس ملايين فلاح بليلة يصيرو ملاكة ....بدها شي أربعين سنة الواحد ما يحكي

هي بالتحاد السوفيتي وعددهن أكبر من هيك بكتير ..
بس عنا نحنا خمس ملايين فلاح صاروا ملاكة .. وعبيد للبعث .. وبالمناسبة اذا بتحب تزور ضيعتنا وتقعد شوي مع الفلاحين الملاكة على قولتك .. وتسمع حكيهون .. رح تشوف مدى حبون الشديد للبعث .. لدرجة أنو حتى لما بدون يسبوا ما بيسبوا على غيرو .. شو بدك تعمل يا أخي شعب بيعض الأيد اللي بتطعميه ..



و بعتقد أنو هلق الحكي ما عاد يجيب نتيجة
يعني هسسسسسسسسسسسسسسسسسسسسس

طبعا" هادا الحكي بعد ترديد الشعار الحزبي .. بالاجتماع الحزبي ..
بس أنت حرفت فيها شوي .. لأنو هنن بعد ترديد الشعار .. بيقولو .. " الحكي بعمرو ما كان يجيب نتيجة ... يعني هششششششششششششششششش " .. بعدين بيستأنفوا الاجتماع ,,


ولا تواخذنا حبيب


أهلين حسام
وين هالغيبة ماعدنا شفناك

آسف لأني ما رديت السلام من اول شي بس كنت مشغول بالنقاش معك ..

سلام

أهلين حسام
وين هالغيبة ماعدنا شفناك

خيو
هلق أذا بدك ما تسمع لواحد شو بتعمل ؟ بتألو سكوت ؟ على الأغلب لا
بتخلي يحكي و أنت بتعمل حالك عمبتسمع و أنت مو سمعان شي ولا بدك تسمع

هي هي الحرية اللي حضراتكن بتريدوها يعني متل أميركا على أساس
هلق أنت بأميركا بتحكي على الحكومة وعلى الرئيس قدام العالم و الناس و ماحدا بيقلك لا
بالعكس بزقفولك و بشجعوك و حتى الرئيس بينبسط وبيضحك عليك شوي
بس سؤال صغير
أنت وصلت شي لنتيجة من حكيك ؟؟؟؟؟؟؟؟؟؟؟؟؟؟؟
صار شي بعد ما حكيت ؟؟؟؟؟؟؟؟؟؟؟؟؟؟؟؟
وقفو الحرب بالعراق وسحبو الجيش من أفغانستان ؟؟؟؟؟؟؟؟؟؟؟؟؟؟؟؟؟؟

هي بتكون أهانة لألك لأنو خلوك تحكي و طنوش
أو بمعنا تاني ما حلو أكتبو
حملوك شمسية يعني


و بنفس الوقت أميركا بتقول : شوفو سورية شوفو القمع شوفو ....
يعني معقول سورية غبية كل هالأد و أنو بتخلي العالم يحكو عليها و يطالبوها بالحرية .....
ما بيقدرو البعثية يعملو نفس الشي يخلوك تحكي وبعدين خود على نتايج اللي بدك يا بيصير
أي ما أذا كل واحد بدو يحكي و تنفذ اللي حكا ضعنا وضاعت الطاسة معنا

نحن هون محترمين شعورك كأنسان و فهموك وقالولك لا تحكي لأنو بدك تعذب حالك و مالح توصل لنتيجة
يعني بالنهاية متلنا متل usa بس أنو هون احترمو كرامتك شوي صغيرة زيادة
ما استحمروك يعني

هلق وقت اللي بيصير في حدا يسمعلك وكلمتك مسموعة احكي اللي بدك يا و اقترح وشرع على كيفك
بس طق حنك ما حلوة بيصيرو بيقولو عنا علاكين متل اللبنانية يعني


بعدين صفون شوي ..............
أي والله خمس ملايين فلاح بليلة يصيرو ملاكة ....بدها شي أربعين سنة الواحد ما يحكي
غير أذا كنت من الملاكة الأساسيين و بعتقد أنو هلق الحكي ما عاد يجيب نتيجة
يعني هسسسسسسسسسسسسسسسسسسسسس


اول شي ميرسي حبيب على هاد الكلام المقتبس 90 بالمية او 99 بالمية من زياد الرحباني
بس في فرق صغير زياد الرحباني كان عم يحكي عن الفرق بين حرية اميركا وحرية الاتحاد السوفييتي وكان حكيو هاد 1984 فهمت كيف واكيد انت فهمت كيف يعني اذا بدك تستشهد بالحكي او تقتبس فأول شي قارن بين سوريا والاتحاد السوفييتي وبعدين بين سوريا اميركا وتحط الفرق يلي حكى عنو زياد بين اميركا والاتحاد الوفييتي بوقتو
بعدين فكرة بحكيو لزياد قال 25 مليون فلاح صارو ملاكة ما بتمللا شي خمسين سنة سكوت
انا بحترمو لزياد بس ما حملت 50 سنة سكوت
ورورسيا بعدها روسيا وما حدا فيه عليا
بس سوريا شو رأيك أنت ما بعرف

بعدين فكرة بحكيو لزياد قال مدري كم كتير مليون فلاح صارو ملاكة ما بتحمللا شي خمسين سنة سكوت
انا بحترمو لزياد بس ما حملت 50 سنة سكوت
يعني الشعب الروسي ما سكت
ورورسيا بعدها روسيا وما حدا فيه عليا
بس سوريا شو رأيك أنت ما بعرف

اول شي بتمنى أنك تحفظ كلامك شوي وتحترم رأي الآخر وما تتطاول عليه بالكلام .. يعني بعض الألفاظ البعثية اللي بين السطور تبعك واللي علموك ياها بمنهاج التثقيف الحزبي خليها لاجتماعاتك البعثية ..

ما بعرف اذا أنا اتطاولت عليك بين السطور لأنو أنا نظري ضعيف شوي و دوبني شو اللي على السطور
وبعدين بما أنو أنا صاير نظري ضعيف ياريت تقلي و ين تهجمت عليك لأنو أنا لازم شزف وين تهجمت لحتا أذا في مجال اعتذر منك أعتذر
بس لهلق مافي داعي للاعتذار
:D



والمناقشة بخصوص وضع البلد اللي نحنا كلنا عايشين فيها .. ومستقبلها ملك النا .. ما الو فايدة .. فأكيد الفائدة مرح تكون بالسكوت .. والخنوع .. لأنو النقاش والحوار بيفتح مدارك الحكي .. وبيقرب من أفكار الناس و ممكن يصصح لكلا طرفي النقاش بعض الأخطاء .. ونحنا هون عم نتناقش مو مشان السلطة تسمعنا .. مشان نسمع بعض ونفهم بعض .. وبعدين نسمع السلطة حكينا لما يصير صوتنا واحد .. ونحكي الحكي اللي تم الاتفاق عليه بيناتنا .. واللي بيرضي الطرفين قدر الامكان .. وهالشي ما بيصير بالسكوت ..

مهو ليصير في رأي واحد بالمواضيع الي عمبتحكو فيها يمكن بدي موت عيش شي سبع مرات و نص أذا مو أكتر

بعدين مناقشة وضع البلد ما بيتم و لا بيصير ولا حتى ممكن ينقبل بالطريقة الل يعمبتصير بالمنتدى هون
ويمكن في بعض من اللي بيشاركو ما لازم ينعطو أهلية لحتا يناقشو بقضايا البلد
هي بلد مو حارة ولا قبيلة هي سورية ...........و النقاش بوضع البلد مسؤولية و هالمسؤولية ما بتنعطا لمين ما كان :!:



سوريا أبدا" مانها غبية يا عزيزي بس قيادتها مانها حكيمة كما تدعي ..

عموما هاد رأيك اللي مو شرط كل العالم تحترمو أو تتقيد في
كمان في آراء كتير غير رأيك ممكن تقراها من منتديات أخرى أو حتى من هادا المنبر و هالآراء منسوخة أو مؤلفة من ناس
مو بكل الأوءات منحترم رأيهن



بتمنى انك ما تفكر كل الأشخاص متلك .. يمتلكون عقلية سلفية بالسياسة ..

كل واحد ألو عقليتو و اللي حضرتك مافيك تغيرها و كمان بنفس الوقت مانقدر نغيرلك عقليتك الفلسفية بالسياسة
و كمان نظرتك لباقي الأراء على أنها تحت مستوى تفكيرك العالي
و اسمحلي ألك أنو طريقتك بالسياسة طريقة متعالية
بتمنى ما يكون في كتير بيفكرو متل طريقتك
و هي وجهة نظر مالازم تاخدها على أنو أنا عمبتهجم عليك

ما بيقدرو البعثية يعملو نفس الشي يخلوك تحكي وبعدين خود على نتايج اللي بدك يا بيصير
أي ما أذا كل واحد بدو يحكي و تنفذ اللي حكا ضعنا وضاعت الطاسة معنا


لا ما بيقدرو لأنون مو مدربين على النقاش .. والتحليل .. والرد على السلبيات اللي ممكن تواجهون فيها .. يعني مدربين على سياسة الحذاء العسكري فقط ..


بعتقد أنهن مدربين على النقاش و التحليل و كمان مو الرد على السلبيات بل الأعتراف بها و العمل على معالجتها والا ماكنو استمرو و بقيو بالحكم ألا أذا كنت حضرتك معتبر المواطن السوري لا يعرف الصح من الخطا و جبان .و طبعا هادا الحكي مرفوض لأنها مو من خصال الشعب السوري يلي مافينا ننكر بوجود قوى شعبية مهمة قادرة على أيصال صوتها بأي طريقة ممكنة

أما موضوع الحذاء العسكري فنحن مدربين علي تمتم هو صحيح ما كتير مريح بس مدربين عليي
و منرتدي بأوقات يجب بها الحفاظ على شئ أسمو وطن و اسمو سورية و ما منلبس عفوا منك شحاطة


فهموك وقالولك معناها باللغة العربية أنو حاكوك .. وناقشوك وقنعوك .. مو ضربوك وعذبوك وسجنوك وسكتوك .. الا اذا البعث حاطط قاموس للغة العربية ... خاص فيه .. متل ماكل سورية خاصة فيه ..

حضرتك عمبتحكي بموقع يحمل اسم سورية و بحب خبرك بأنو كل المواقع التي تحمل اسم سورية هي مراقبة من المخابرات السورية
(و طبعا هالشي مو غلط لأنو بكل دول العالم بيصير هالشي )
و بما أنك قاعد قعدة ظريفة و عمبتتهجم على البعث و من فترة طويلة يعني لازم يكون في شي أسمو ip صار عند الشباب
و أنت لساتك قاعد ما ضربوك ولا سجنوك و لا سكتوك
وكمان حضرتك عمبتناقشني و عمبتتهجم على البعث مع أنو أنا بعثي و ما ضربتك ولا سجنتك و لا سكتك
و مع احترامي للخبز و الملح اللي بيناتنا لو حضرتك عملت شي ضد البلد لح تنضرب و تنسجن و حتى ممكن تنقتل


لأنو بيكفيهن قطيع الحمير اللي عم تنهقلون ..


شكرا يا مزوق و بطلب منك أنك تحافظ على لغة الحوار لحتى نقدر نكفي أذا بدنا نتحاور بالمستقبل :D



وبالنسبة للعلاك .. فسلطتنا أكبر علاكين .. والدليل على ذلك أنو معظم وأعظم صناعاتنا الوطنية هيي العلكة .. وفي جديد بالأسواق السورية علكة البعث .. من انتاج حافظ الأسد وأولاده وأعوانه ..

بس للأسف من صغري ما بحب العلك .. يعني المحبة من الله .. ووينو الله ..

بكل نظام قائم هناك علاكين بس بيبقى في ناس وزير أسمو وزير الأعلام هو اللي بيعلك عن الحكومة هي بكل بلد بالعالم
أما عن معامل العلكة فهي قطاع خاص يل قلبي و القطاع الخاص يعني الشعب و أذا الشعب بيحب العلكة ما فيك تمنعو
أما عن الله فالله مو جود دور علي بتلاقي


أي والله خمس ملايين فلاح بليلة يصيرو ملاكة ....بدها شي أربعين سنة الواحد ما يحكي


هي بالتحاد السوفيتي .. بس عنا نحنا خمس ملايين فلاح صاروا ملاكة .. وعبيد للبعث .. وبالمناسبة اذا بتحب تزور ضيعتنا وتقعد شوي مع الفلاحين الملاكة على قولتك .. وتسمع حكيهون .. رح تشوف مدى حبون الشديد للبعث .. لدرجة أنو حتى لما بدون يسبوا ما بيسبوا على غيرو .. شو بدك تعمل يا أخي شعب بيعض الأيد اللي بتطعميه

صارو عبيد للبعث طيب
أنا كنت من الملاكة اللي قبل الفلاحين رجعني ملاك لحتى أعبدك .........



طبعا" هادا الحكي بعد ترديد الشعار الحزبي .. بالاجتماع الحزبي ..
بس أنت حرفت فيها شوي .. لأنو هنن بعد ترديد الشعار .. بيقولو .. " الحكي بعمرو ما كان يجيب نتيجة ... يعني هش " .. بعدين بيستأنفوا الاجتماع ,,

أنا ما بيهمني شو ماكنت بتآمن في و بتنتسب لألو
بس أنا أحسن منك و مالح أتهجم علي


سلام




أما عن الأقتباس من زياد فأنا جد نست أكتب أنو أنا مقتبس
و مشان ما تزعلو أنا اقتبست من زياد من العقل زينة :D

كل واحد ألو عقليتو و اللي حضرتك مافيك تغيرها و كمان بنفس الوقت مانقدر نغيرلك عقليتك الفلسفية بالسياسة

ياريت هدا الكلام يطبق على البعثين الأوباش قبل ما يتبق على الناس

و كمان نظرتك لباقي الأراء على أنها تحت مستوى تفكيرك العالي


ما هي النظره البعثية الخرقاء يلي بتضن حالها أنو هي فوق العالم


حضرتك عمبتحكي بموقع يحمل اسم سورية و بحب خبرك بأنو كل المواقع التي تحمل اسم سورية هي مراقبة من المخابرات السورية
(و طبعا هالشي مو غلط لأنو بكل دول العالم بيصير هالشي )
و بما أنك قاعد قعدة ظريفة و عمبتتهجم على البعث و من فترة طويلة يعني لازم يكون في شي أسمو ip صار عند الشباب
و أنت لساتك قاعد ما ضربوك ولا سجنوك و لا سكتوك
وكمان حضرتك عمبتناقشني و عمبتتهجم على البعث مع أنو أنا بعثي و ما ضربتك ولا سجنتك و لا سكتك
و مع احترامي للخبز و الملح اللي بيناتنا لو حضرتك عملت شي ضد البلد لح تنضرب و تنسجن و حتى ممكن تنقتل


هي المخابرات لح تسقط عن قريب وأنت وأمثالك عبيد لهل الأجهزة و أنتو لي لازم ينقضى عليكون أنتو فئران المجتمع أنتو يلي عم تخلو سطوة المخابرات على رقاب هل الشعب المسكين
بعدين لما بدك تحكي على Ip وغيرو من التقنيات بدي حط صرمايه بتم أحسن رجل مخابرات
بتعرف ليش لأنو المخابرات عنى حمير حرام (ضلمنا الحمير)
يا عيني هل التقنيات بحمرنة المخابرات ماعم يوصلو لها

في برنامج لتغير IP يا فهمان وكل شخص شريف وخايف أنو يوقع بيد كلاب السلطة وفئران المخابرات يبعتلي على الخاص وأنا بعطي البرنامج


صارو عبيد للبعث طيب
أنا كنت من الملاكة اللي قبل الفلاحين رجعني ملاك لحتى أعبدك .........

أذا البعث تطحك عليك وسرق ملكك بد الزلمة يجبلك ياه مو زابطة



لعن الله البعث
ويسقط النظام القمعي الفاشستي الحاكم في سوريا


وقبل ما أنسى

تسقط جميع أجهزت المخابرات القمعية الفاشيه الأسدية

ليحيى حزب البعث العربي الأشتراكي
ولتحيى كل مؤسساته العسكرية والمدنية والمخابراتيه
حمال الله يا دكتور بشار الأسد

ويرحم ترابك با حافظ الأسد

صياد بس تنزل رد نزل معو حب للضغط و حب وجع راس :mrgreen: ............ انو شامبو بتغسلو راسكون في انتو البعثيين :confo: ؟؟ تأثيرو فعال عم يوصل للدماغ.. و يغسلو غسل ... شي مو معقول :o ...

ويرحم ترابك با حافظ الأسد


الله ةلايرحمو ويعمقلو أكتر يعمقلو كرامة لكل معتقل سياسي أو سجين مات تحت التعذيب

الله يرحم ترابك يا أبو باسل .... جكر بكل حاقد مغرور ..
الله يقويك يا أبو حافظ ويزيدك ثبات و عز
الله يردك يا أبو دريد حتى تخرس كل حركات التمرد وتقضي على كل الخونة والرجعيين

الله يرحم ترابك يا أبو باسل .... جكر بكل حاقد مغرور ..
الله يقويك يا أبو حافظ ويزيدك ثبات و عز
الله يردك يا أبو دريد حتى تخرس كل حركات التمرد وتقضي على كل الخونة والرجعيين

مين أبو دريد ؟؟.... ها !!!!!!!!! عرفتو

هاد اللي دخل بالدبابات عالبنك المركزي و سرق كل شي دولارات هيك طخ جكر و طلع فيهون لبرا...وبين يوم وليلة سعر الدولار ارتفع دبل....أي و الله ابن حلال.

شوف خاي....نحنا ولاد بلد متلك , والنا الحق منحكي و نعبر....فما في داعي تجيبلنا أبو دريد تبعك.... و بلكي تحترمنا هيك شوي ...عيب يعني مانا ولاد صغار, ولا نحنا عناصر تحت أمر حدا يعني....عرفت كيف؟

سلامات


ها..صحيح , قبل ما انسى, سألت بزماناتي وما رديتو علي....بالآخر مين طلع قاتل عدنان المالكي؟؟؟

وبين يوم وليلة سعر الدولار ارتفع دبل

ايا دبل ؟؟
كان الدولار بـ 12 ليرة تاني يوم وصل بحلب لـ 75 ليرة ..... بس استقر ع سعر 45 بعد كم يوم يعني نزل شوي

و الفيلم انو اتهموا الاخوان المسلمين انو هنين يللي عم يمارسوا "حرب مالية" ضد الليرة و طالعوا المرسوم 24 تبع محكمة الامن الاقتصادي و وصلت العقوبة للاعدام
و اقل شي 15 سنة حبس فقط لا غير

أي و الله ابن حلال.

مصفى :lol:

الله يرحم ترابك يا أبو باسل .... جكر بكل حاقد مغرور ..
الله يقويك يا أبو حافظ ويزيدك ثبات و عز
الله يردك يا أبو دريد حتى تخرس كل حركات التمرد وتقضي على كل الخونة والرجعيين


الله ##### ## بس خطي بزعل عل## بعد# صغير

أخي ### لعند أبو بخش** أبو طي** أبو خر** قصدي أبودريد أحسن هو مكبوب متل الكلب برة بركي ### بترعى صحيح خدلو لأبو بخش** عضام لأنو سعران أحسن ما يعضك

*** تعديل اداري ***
تم تعديل الرد لخروجه عن اعراف و تقاليد الكتابة بالمنبر الحر
ممنوع التهكم

krimbow
*** تعديل اداري ***

يا خطيتكي ا أبو النسيم

أنا نفسي أشارك بس اتمني انو ما تاخدوا مشاركتي بحساسية ...اوكي
انا زرت سوريا مرة وحدة بحياتي لمن كان عمري 14 سنة بس ما أنساها ابدا من يوم مانزلنا المطار شفت بابا كان يحط جوات
جوازتنا مصاري منشان ندخل وكنت احسب انو كل الناس يعملوا نفس الشئ مو بس احنا...
بعدين كان الوالد مايخلينا نخرج ابدا لوحدنا وماكان يخلينا نطلع الشارع مع حدا وكان دايما يقولنا لاتحكو عن حالكم انكم خليجيين
واتزكر انو شفنا خضار وشجر كتيير لمن نزلنا الغوطة واقسم بالله انو ما شفت بحياتي متلها بس المشكلة انو المعيشة متردية
والبلد خضرا يعني شئ عجيب متناقض وصور حافظ الأسد كانت مليانة بكل محل لدرجة ان الصورة الوحيدة العالقة بذاكرتي
في سوق الحمدية هي صور حافظ معلقة فوق السقف....

بعدين اللي حز في نفسي انو لمن روحنا المانيا شفنا سوريين كتييرهناك ودحين قلبوا على امريكا
ما أقدر اقول غير الله يكون عون في سوريا والسوريين واقسم بالله انولو اقدر اعمل شئ غير الدعاء لعملته:(

ما أقدر اقول غير الله يكون عون في سوريا والسوريين واقسم بالله انولو اقدر اعمل شئ غير الدعاء لعملته


هي مخلفات حكم حافظ الأسد يلي بدنا نخلص منها بس ياريت تفهم العلم

الله ##### ## بس خطي بزعل عل## بعد# صغير

أخي ### لعند أبو بخش** أبو طي** أبو خر** قصدي أبودريد أحسن هو مكبوب متل الكلب برة بركي ### بترعى صحيح خدلو لأبو بخش** عضام لأنو سعران أحسن ما يعضك

*** تعديل اداري ***
تم تعديل الرد لخروجه عن اعراف و تقاليد الكتابة بالمنبر الحر
ممنوع التهكم




فين الحكي ......... ولا هاد موقع مشفر ......... بكرا بجبلكن فك التشفير تبعو

krimbow
*** تعديل اداري ***

ما أقدر اقول غير الله يكون عون في سوريا والسوريين واقسم بالله انولو اقدر اعمل شئ غير الدعاء لعملته


هي مخلفات حكم حافظ الأسد يلي بدنا نخلص منها بس ياريت تفهم العلم


يارب يتحسن الوضع في بقسة الدول العربية كمان :)