استاذ فجر ابراهيم مدرب منتخب سوريا الاول لكرة القدم

انا مواطن اكيد بحب منتخبي كتير ومتمني يكون من الاوائل دائما

حضرتك استلمت المنتخب قبل فترة واقلت او استقلت مو مشكلة
ورجعت استلمتو(ما بعرف بصراحة كيف قبلت) وعتلى اساس عم تحضر لتصفيات اسيا

طيب مسيو

بحياتك استاذ فجر شفت مدرب منتخب عندو مباراة يوم السبت مع افضل منتخب باسيا تقريبا وعم ينطلي من استديو الفضائية لاستديو ال art?
يعني انو بشرفك بعد هاد بدك بس لتفشل حضرتك بالقريب العاجل تحط الحق علينا انو ما كنا جنبك وعاللعيبة اللي ما ركزوا وعالاتحاد تبع الفوتبول؟

انو بشرفك يعني لو انو انت بدالي شو كنت بتحكي؟

وبدك تنجح بالمنتخب

اي عفوا منك اذا انا بصير مرادونا انت بتنجح

واذا بتنمسح اسرائيل عن وش الارض هلق بهاللحظة انت بتنجح

حاجتك ولو وحاج ضحك عحالك وعلينا

والله مشي يطلع الحمار عالجوزة رح يمشي حالنا ......

والله لنتبهدل ..

مدرب جدا فاشل بصراحة ومتمني قللو هالكلام بوشو

شو متوقعين من اتحاد كرة قدم فاشل و اتحاد رياضي فاشل ؟

أكيد رح يكون المدرب فاشل و بالتالي المنتخب فاشل

و جهور سوريا الكروي محروق قلبو

والله لازم جماهير كرة القدم تعمل عريضة احتجاج و تقدمها للسيد الرئيس ليشوف رأي الجمهور السوري بالكرة السورية الفاشلة

شو رايك نبلش بهالخطوة من هون؟

شو رايك نبلش بهالخطوة من هون؟


هون ؟؟؟

من اخوية ؟؟

:o

:lol:

لك اي انو قصدي كاشخاص مو من اخوية

والله لازم جماهير كرة القدم تعمل عريضة احتجاج و تقدمها للسيد الرئيس ليشوف رأي الجمهور السوري بالكرة السورية الفاشلة

والله للاسف يامعلم مازن .. بدك تسمحلي .. بس الرئيس ولا اللي تحتو سالين لا ع الرياضة ولا ع غيرا .. سالين ع شغلات تانية ابشع كتير من الرياضة ..
وبعدين بيني وبينك هلأ معقول الرئيس ماعبيعرف شو عبصير بالكرة السورية وبالمنخبات والاندية ولا سمعان بشي بالمرة !!!!!
يعني ازا سيادة الرئيس واللي تحتو سمعانين ومطنشين فهون مشكلة
وازا ماسمعانيين هون مشكلة اكبر واكبر ..
يا اخي امس طلع واحد من الاتحاد الرياضة قلك الاتحاد الرياضي مزانيتو كلا 75 مليون .. ومع مساعدة الاتحاد الاسيوي مدري شقد كان الميبلع مو متزكر هي كلياتا عبتنصرف للاندية وجوائزا وهيك .. وتجهيزات المنتخب ومعسكراتو + النهب والسرقة نوعا ما ومابدنا نظلم حدا ونحكي شي مامنعرفو وماشفنا .. وقال بعضمة لسانو الدولة مابتعطينا ولا فرنك وهي ال75 مليون من حقوق ريع المباريات للاي ار تي .. والدولة ولا بتدفع بنص فرنك
وبتوقع ناجي عطري هديك السنة عملو معو اجتماع وعرف اخبار المنتخب والقصة نوعا ما هي ازا اعتبرنا انو هو مابيعرف شي وبتوقع هو وغيرو بيعرفوا كتير بس مطنشين ومع هيك هلأ نايم ع الموضوع ولا كأنو وكل مالنا من ورا لورا .. بقى هالاتحاد الفاضي منين بدو يجيب .. يعني هو اتحاد فاشل خلقة وميت ومنتعل افطاسو وكمان مافي عملة .. اي صار شوربة .. بقى يعني اينا عريضة واينا مدري اشو
كل مالنا لورا وماحدا سالنا .. وبشرفي ماتستغرب لبنان تفوز علينا بالتصفيات .. مشان نعود مانسترجي نرفع راسنا من هلأ ورايح ;)

ما بتوقع ياغالي انو يكون الكلام الي ذكرتو دقيق
يعني ما معقول الحكومة ما بتصرف ولا ليرة على المنتخب و تطويره
بس بالوقت نفسو ما في حدا سائل اذا فزنا أو خسرنا أو شو وضعنا

و اذا بيكون عم يتخصص مليونين للمنتخب عم ينسرق مليون و نص و يبقى للمنتخب نص
بقى الوضع عنا بالننسبة للمنتخبات الوطنية و حتى الرياضة بشكل عام ... مؤسف و مخجل

ما بتوقع ياغالي انو يكون الكلام الي ذكرتو دقيق
يعني ما معقول الحكومة ما بتصرف ولا ليرة على المنتخب و تطويره
بس بالوقت نفسو ما في حدا سائل اذا فزنا أو خسرنا أو شو وضعنا

و اذا بيكون عم يتخصص مليونين للمنتخب عم ينسرق مليون و نص و يبقى للمنتخب نص
بقى الوضع عنا بالننسبة للمنتخبات الوطنية و حتى الرياضة بشكل عام ... مؤسف و مخجل

هلأ معلمي انا بيني وبينك ماجبت الكلام من عندي .. امبيرحة طلع امين سر اتحاد كرة القدم وقال بالحرف الواحد الاتحاد الرياضة الحكومة ماعبتعطي ولا فرنك وخزينتو كلا من مصدرين وهي حقوق البث 75 ومساعدات الاتحاد الاسيوي ماعاد اتزكر شقد هي بس على ما اتزكر 200 الف دولار او هيك شي .. هي كلياتا عبتنصرف ع حد قولو ع تحضير المنتخبات كلياتا وهادا شي مكلف طبعا ماتصتصغرو ع مبلغ 80 مليون مثلا .. وجوائز للاندية وشوية مصروفات .. طبعا هو بدو يقول كمان عبروح جزء منن نهب وسرقة بس طبعا ماخرجو .. وبهالاسباب علل انو ماعبيقدروا يجيبوا مدربين ع مستوى عالي لانو المدرب الكويس بدو فيلا وسيارة ومقدم عقد مو قليل ولاراتب ولا اقل ومبزانيتي الاتحاد الرياضة ع هالحالة مابتكفي راتب شهرين لهالمدرب اكويس بينما فجر ابراهيم برضا بالميتة 50 الف ليرة وبضربلن تعظيم سلام ..

وطبعا هادا الحكي مو دفاعات ع الاتحاد الرياضي الفاشل .. بس انو هنن حرمية وكمان ازا بدك تجي تشوف الحرمية كمان الن ظروفن وفشلن هادا مو جاي من الفراغ هنن حوش .. وماعندن مصاري لانو المصاري بتغطي العيوب بقى هنن فاشلين ومع الفقر كمان بتبين عيوبن .. والحكومة ولا رح تتحرك

ومية وردة لعيونك
:D