قال وزير الكهرباء أحمد قصي كيالي إن وزارة الكهرباء لجأت إلى تقنين الكهرباء بسبب "الانخفاض الملحوظ في درجات الحرارة وزيادة الطلب على استجرار الطاقة لأجل التدفئة".

وأضاف في تصريح صحفي أن ما ساهم في اللجوء إلى التقنين "تعطل مجموعتي توليد وصعوبة تأمين الكمية الكافية من الغاز الضروري لتشغيل المجموعات والمحطات, إضافة إلى انحباس الأمطار على حساب غزارة ومنسوب السدود".
وشهدت مختلف المحافظات في سورية خلال الفترة الماضية ما يشبه التقنين لفترات طويلة تصل إلى أربع أو خمس ساعات يوميا, وهي أزمة تتكرر صيفا عند ارتفاع دراجات الحرارة وشتاء عند انخفاضها.
ولم تشهد سورية في هذا الشتاء أي موجة برد حادة ولا تزال درجات الحرارة في حدودها الطبيعية منذ دخول فصل الشتاء.
وقال وزير الكهرباء إن "الوزارة تتحرك بكل طاقاتها وإمكاناتها لمواجهة هذه المشكلة على عدة محاور حيث تعكف على استقدام خبراء من اليابان لإصلاح مجموعتي التوليد المعطلتين وتعمل بالتعاون والتنسيق مع وزارة النفط لتأمين احتياجات المجموعات والمحطات من مادة الغاز".
وأضاف كيالي أنه "سيتم إعداد برامج وجداول تحدد وتنظم مواعيد ومدد التقنين في كل محافظة على حدة سيتم تعميمها وإعلانها رسمياً خلال يومين", متوقعا أن يستمر نظام تقنين الكهرباء شهرين لحين إيجاد معالجة متكاملة للمشكلة، "إلا أن الوضع قد يتحسن حسب الأحوال الجوية".
ودعا الوزير المواطنين إلى ترشيد استهلاك الكهرباء حتى لا تؤدي زيادة الاستهلاك إلى أعطال تتسبب في انقطاع الكهرباء تضاف إلى مدة التقنين.

سيريانيوز

هلأ السؤال الي بيفرض نفسه انو نحنا عنا مشكلة بالكهربا ولا لاء
من فترة قالو انو عنا فائض وبدنا نبعت للبنان مدري للأردن معد اتذكر المهم بدنا نبعت
هلأ صار ما عنا كهربا وبدهون يقطعوها
تناقض غريب عجيب:shock::shock:

لك يلعن !!:frown:
لك بالصيف بيقطعوها .. لانو البشر عمتشغل مكيفات وما عم تقدر تتحمل حر الصيف!:sick:
وبالشتي كمان بيقطعوها لانو البشر عمتشغل مدافئ وما عم تقدر تتحمل برد الشتي !:?
لك المي بيقطعوها من العشرة الصبح والكهربا صارت كل يوم تنقطع ساعتين !... مع العلم انو حضرتي ساكن بمنطقة سياحية وكلها فنادق ومطاعم ..! انو الفنادق والمطاعم بيدبروا حالهن بالمولدات .. بس باقي البيوت انشالله عمرها لا تدفا ولا تشرب مي ... اي يلعن اخت هالعيشة :jakoush:
مشكورة على هالخبر يلي بيسم البدن :pos:

مشكورة على هالخبر يلي بيسم البدن :pos:

مشكورة :shock::shock:

خيو بالصيف الواحد بيتحمل حالو شوي بالشوب بس البرد مافي كائن بالأرض بيقدر عليه وخصوصي الولاد الصغار

لك الله يعي هالشعب بس على هيك دولة

سعر برميل النفط انخفض من حوالي ال 200 دولار لتحت ال 50 دولار واسعار المازوت لسا متل ما هي

وهلق تقنين كهربا يعني المواطن ما ضل قدامو الا يكسر سحارات الخشب ويتدفا علين


دولة فاشلة بكل المعايير

بدنا نسأل السيد وزير الكهرباء يعني المشكلةمتوقفه على الحالة الجويه علما أن الطقس في هذه الايام بحالة جيده
وممكن يخبرنا من وين منجيب هالغاز لميشي الحال عشان نجيبو نحنا الطلبة

ونسمع أن الكرباء السورية تغذي بعض الدول المجاورة مع العلم أنها مفقودة لدينا نحنو السوريين

وسؤالي ليش ما بيصير هاشي بالدول التي تكون فيها درجات الحرارة منخفضه في معظم الأحول

شكراااااا لهذا الموضوع المهم لكافة الطلاب :D

لك الله يعي هالشعب بس على هيك دولة

سعر برميل النفط انخفض من حوالي ال 200 دولار لتحت ال 50 دولار واسعار المازوت لسا متل ما هي

وهلق تقنين كهربا يعني المواطن ما ضل قدامو الا يكسر سحارات الخشب ويتدفا علين


دولة فاشلة بكل المعايير


اليوم سمعت انو بمجلس الشعب طالبوا الحكومة انو تنزل اسعار المحروقات

حيث تعكف على استقدام خبراء من اليابان لإصلاح مجموعتي التوليد المعطلتين



اهاا



يعني لسا عم يفكرو بالحلول .... و لسا ما بدأوا بتنفيذ أي حل ..؟؟







عالهامش ... يا ريت يصير شوية مساواة بمدة التقنين بين كل المناطق

هلأ السؤال الي بيفرض نفسه انو نحنا عنا مشكلة بالكهربا ولا لاء
من فترة قالو انو عنا فائض وبدنا نبعت للبنان مدري للأردن معد اتذكر المهم بدنا نبعت
هلأ صار ما عنا كهربا وبدهون يقطعوها
تناقض غريب عجيب:shock::shock:
نحنا عنا كهربا ........ طالما الشعب السوري ما عم يستخدمها




يعني بالصيف بصير تقنين لأنو الناس عم تشغل مكيفات
و بالشتي بصير تقنين ... لأنو الناس عم تشغل دفايات


دخلكون لشو منحتاج الكهربا لكن ....؟؟

نحنا عنا كهربا ........ طالما الشعب السوري ما عم يستخدمها




يعني بالصيف بصير تقنين لأنو الناس عم تشغل مكيفات
و بالشتي بصير تقنين ... لأنو الناس عم تشغل دفايات


دخلكون لشو منحتاج الكهربا لكن ....؟؟

معناها الحل انو الشعب يبطل يشغل مكيفات بالصيف والشوفاجات بالشتا بالصيف بيشلح وبالشتا بدل ما يلبس كنزتين بيساويهون تلاتة شغلتها بسيطة

عفكرة بالنسبة لموضوع المساواة بفترة قطع الكهربا بين المناطق أو المحافظات ففي مناطق بالشام ما بينقطع فيها الكهربا بالمرة

اليوم سمعت انو بمجلس الشعب طالبوا الحكومة انو تنزل اسعار المحروقات


اي سلملي على مجلس الشعب, لسا هلق لسمحولن يطالبو معناها لبين ما توصل القصة للقيادة الحكيمة بتكون اسعار النفط رجعت طلعت

عفكرة بالنسبة لموضوع المساواة بفترة قطع الكهربا بين المناطق أو المحافظات ففي مناطق بالشام ما بينقطع فيها الكهربا بالمرة
اي ...
بكل المحافظات ... بتلاقي أحياء فيها مواطنين درجة أولى ....و أحياء درجة عاشرة

يا جماعة الخير و بما اني احد موظفي وزارة الكهرباء الرشيدة رح خبركن هالخبرية
التقنين قبل ما يبلش بالكهربا بلش بحضرتنا نحنا موظفين الوزارة وبما انو زادت السعار وزاد الطلب عالفلوس ومشان ما نهدرها عالملذات الشخصية شاف سيادة الوزير انو من الاحسن للموظف انو يقنن عليه ولغانا تعويض الاضافه
وبالنسبة للمجموعتين العطلانين (( في محطة الزارة الحرارية )) بحب خبرو لسيادة الوزير انو بيشتغلو عالفيول وانو اذا دبر الغاز ما بينفعون اصلا المشكلة مو بالغاز لانو العوازل ضمن المولد انفجرو مش لانو نقصون غاز يلي ما بيعرفوه هالمجموعتين المساكين
والله يجيرنا من الاعظم

كهربا للبنان ومياه للاردن مع احترامي للشعبين ونحنا منكفر ومنعيش لينبت النعنع ..........

يا جماعة الخير و بما اني احد موظفي وزارة الكهرباء الرشيدة رح خبركن هالخبرية

التقنين قبل ما يبلش بالكهربا بلش بحضرتنا نحنا موظفين الوزارة وبما انو زادت السعار وزاد الطلب عالفلوس ومشان ما نهدرها عالملذات الشخصية شاف سيادة الوزير انو من الاحسن للموظف انو يقنن عليه ولغانا تعويض الاضافه


اطلاع من هالبواب
قبل ما تحكوا بتعويض الإضافة .... ادفعوا فواتيركون

موظفين الكهربا بكل سوريا ما بيدفعو فواتير بيدفعو 180ليرة مقطوع عن كل دورة ( شهرين يعني )
و لأنو كهربتون ببلاش .. كل موظف بالكهربا بيصرف قد 20 مواطن عادي

كهربا للبنان ومياه للاردن مع احترامي للشعبين ونحنا منكفر ومنعيش لينبت النعنع ..........
ليش النق ما شاء الله انتو عندكم كتير ميه بعدين انا بعرف جنوب سوريا كهربتها من الاردن

ليش النق ما شاء الله انتو عندكم كتير ميه بعدين انا بعرف جنوب سوريا كهربتها من الاردن
ما هي المشكلة ما عنا مي كتير وبنعطي الأردن
وبعدين كيف الأردن بدها تعطي سوريا كهربا إذا قبل شهرين كانوا عم يقولوا انهن بدون يعطوا الأردن كهربا فكيف زبطت معك ما بعرف

ما هي المشكلة ما عنا مي كتير وبنعطي الأردن
وبعدين كيف الأردن بدها تعطي سوريا كهربا إذا قبل شهرين كانوا عم يقولوا انهن بدون يعطوا الأردن كهربا فكيف زبطت معك ما بعرف

اختي .. سبحان الذي خلق هالحكومة .. شو كريمة ..... لأنو من كيسها عم تتبرع :frown:

اطلاع من هالبواب
قبل ما تحكوا بتعويض الإضافة .... ادفعوا فواتيركون

موظفين الكهربا بكل سوريا ما بيدفعو فواتير بيدفعو 180ليرة مقطوع عن كل دورة ( شهرين يعني )
و لأنو كهربتون ببلاش .. كل موظف بالكهربا بيصرف قد 20 مواطن عادي

لا موضفين الكهربا بيدفعوا فواتير كهربا نظامية بس مخفضة يعني أنا الي قرايب بيشتغل بمديرية الكهربا تبع الشام بيدفع فاتورة مخفضة بس مو 180 ليرة بتوصل أكتر من هيك بكتير يعني بالصيف أيام المكيفات بتذكر كان يدفع حوالي ال 2000 وشوي
اختي .. سبحان الذي خلق هالحكومة .. شو كريمة ..... لأنو من كيسها عم تتبرع :frown:

شو قصتك انت مفكرني وحدة طلع منيح يا رجل:frown::frown:

لا موضفين الكهربا بيدفعوا فواتير كهربا نظامية بس مخفضة يعني أنا الي قرايب بيشتغل بمديرية الكهربا تبع الشام بيدفع فاتورة مخفضة بس مو 180 ليرة بتوصل أكتر من هيك بكتير يعني بالصيف أيام المكيفات بتذكر كان يدفع حوالي ال 2000 وشوي
لا أبداً .....
أنا مسؤول عن كلامي ....( غير إذا بيخلتف من محافظة لمحافظة .. بس ما بظن )
180ليرة ما في غيرها

لا أبداً .....
أنا مسؤول عن كلامي ....( غير إذا بيخلتف من محافظة لمحافظة .. بس ما بظن )
180ليرة ما في غيرها

أنا عم قلك عن الشام الزلمة هاد أقل فاتورة بيدفعها 2000 ليرة بعد التخفيض لهيك بظن الوضع بيختلف من محافظة او من منطقة لمنطقة

أنا عم قلك عن الشام الزلمة هاد أقل فاتورة بيدفعها 2000 ليرة بعد التخفيض لهيك بظن الوضع بيختلف من محافظة او من منطقة لمنطقة
ما بعرف ..
بس عنا هيك ...أخي و رفقاتي تنين ..... و جاري ... موظفين بالكهربا
حتى بيني و بينك .....عم فكر مد خط من بيت أخي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما بعرف ..
بس عنا هيك ...أخي و رفقاتي تنين ..... و جاري ... موظفين بالكهربا
حتى بيني و بينك .....عم فكر مد خط من بيت أخي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بما انك ناوي تاخد خط من بيت أخوك فأنا رح مد خط من بيت واحد من رفقاتك قديش بدون يكلفوني كابلات بضل أرحم من الفاتورة:lol::lol:

شو قصتك انت مفكرني وحدة طلع منيح يا رجل////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
من تقنين الكهربا .. صار معي عما الوان :p

ما هي المشكلة ما عنا مي كتير وبنعطي الأردن
وبعدين كيف الأردن بدها تعطي سوريا كهربا إذا قبل شهرين كانوا عم يقولوا انهن بدون يعطوا الأردن كهربا فكيف زبطت معك ما بعرف
يا اخي اهل مكة ادرى بشعابها
احنا الكهربا امورها تمام يعني لو بتنقع ساعة كل سنه بنعتبرها معضلة
بس بالمي احنا رابع افقر دولة ع العالم وبعدين احنا ليه بنحب الشعب السوري لأنا شاربين من ميتو

هههههههه
عن جد ضحكتوني شبكن نازلين سلخ بالاردن
حرام نحنا والله مناح
بعدين نحنا بنحب سوريا واهل سوريا
و ع راسي والله سوريا والمي والكهربا تبعها

يا اخي اهل مكة ادرى بشعابها
احنا الكهربا امورها تمام يعني لو بتنقع ساعة كل سنه بنعتبرها معضلة
بس بالمي احنا رابع افقر دولة ع العالم وبعدين احنا ليه بنحب الشعب السوري لأنا شاربين من ميتو
مين قلك انو إذا ما انقطعت الكهربا معناها أموركم تمام بالكهربا
الأردن بتاخد كهربا من مصر وسوريا لهيك ما عندكون مشكلة بالكهربا:D
هههههههه
عن جد ضحكتوني شبكن نازلين سلخ بالاردن
حرام نحنا والله مناح
بعدين نحنا بنحب سوريا واهل سوريا
و ع راسي والله سوريا والمي والكهربا تبعها

مين قال انو ما بنحب أهل الأردن

اطلاع من هالبواب
قبل ما تحكوا بتعويض الإضافة .... ادفعوا فواتيركون

موظفين الكهربا بكل سوريا ما بيدفعو فواتير بيدفعو 180ليرة مقطوع عن كل دورة ( شهرين يعني )
و لأنو كهربتون ببلاش .. كل موظف بالكهربا بيصرف قد 20 مواطن عادي

خيو بتحب تشوف فواتير الكهربا يلي عم ادفعها ببعتلك اياها وانت حكم بنفسك
الله الوكيل يا جماعة مو اقل من 1500 بالدورة
يا اخ ماد صحح معلوماتك موظفين الكهربا الهم حسم 50% من الفاتورة بس ضمن الشريحة المخفضة للتسعيرة يعني كل التخفيض عبعضو ما بيطلع 180 ليرة

نحنا عنا كهربا ........ طالما الشعب السوري ما عم يستخدمها




يعني بالصيف بصير تقنين لأنو الناس عم تشغل مكيفات
و بالشتي بصير تقنين ... لأنو الناس عم تشغل دفايات


دخلكون لشو منحتاج الكهربا لكن ....؟؟
تخيلوا تصير الكهربا بالبونات :clap:

تخيلوا تصير الكهربا بالبونات :clap:

لاتكون مستغرب؟

اهاا



يعني لسا عم يفكرو بالحلول .... و لسا ما بدأوا بتنفيذ أي حل ..؟؟


هنه دخلو بالمفاوضات غير المباشره مع الخبراء وبعدين منحكي عن المباشره
ياترا عم تنقطع الكهربا بالصومال

21 مليون سوري مافيهم خبير عيب
اذا في ممنوع يدخل ارض الوطن :?

21 مليون سوري مافيهم خبير عيب
اذا في ممنوع يدخل ارض الوطن :?

والله ما بينفعو الخبراء السوريين يا حبيب
لانو رئيس الخبراء خريج كلية الزراعة ومعاونو خريج معهد صحي ومدير مكتبو موظف حارس بس مدعوم شوي
على مبدأ الرجل المناسب في المكان المناسب
اما مهندسين الميكانيك يا حسرتي عليهم مشلوحين يراقبو مشروع تطوير الثروة السمكية في دولة زمبابوي لانو هونيك مكانهم المناسب على المبدأ السابق الذكر

اهم الشي الوزير بردان ولا عم تنقطع عندوا الكهربا

اهم الشي الوزير بردان ولا عم تنقطع عندوا الكهربا
استطعنا بفضل الجهود الحثيثة والتوسلات من الشعب انو نخلي الوزارة ما تقطع الكهربا عن بيت الوزير يلي بالدحديل
ولا عن الفيلا يلي بيعفور
ولا عن الشاليه بطرطوس
ولا عن البناية تبعو يلي بسنغافورة
ولا حتى عن ..........

اهم الشي الوزير بردان ولا عم تنقطع عندوا الكهربا
انا بعتقد انو عم تنقطع عندو بدليل انو عم يفكر يجيب خبير يصلح المجموعات العاطلة لانو متل ما بتعرف الدفيان بينعس بسرعة وما فيه يفكر اما البردان حتى لو بدو ينام ما بيقدر ورح يطر يفكر

مين قلك انو إذا ما انقطعت الكهربا معناها أموركم تمام بالكهربا
الأردن بتاخد كهربا من مصر وسوريا لهيك ما عندكون مشكلة بالكهربا:D
انا جبتلك المعلومة الاردن بتاخد الغاز ولي هو بيشغل الكهربا من مصر وبتعطي درعا كهربا

مين قال انو ما بنحب أهل الأردن
اكيد الواحد لازم يكفي حالو بعدين يعطي الفائض للغير كلام صحيح واحنا بنعرف انو بتحبو الشعب الاردني
وقهوتكم مشروبه

اهاا





عالهامش ... يا ريت يصير شوية مساواة بمدة التقنين بين كل المناطق

من حسن حظي عايش بمنطقة أغلبها سفارات دول اجنبية لهالسبب مابيسترجوا يقننوا الكهربا بنوب :p



لو اجت عالتقنين قلنا فيها ومافيها .. المشكلة الكبرى بقيمة الفاتورة .. انا جماعتي طلع عليهم فاتورة 15450 ليرة قبل ماتبدا الشتوية الله يستر قديش بدها تطلع هلق مع العلم أنو مابيستخدموا المكيف الا بالمناسبات والزيارات وحريصين كتير وطلع عليهم هاد المبلغ .. :?